[5]
1 Nu aski 3e hwat riwle 3e ancren schullen holden. 3e schul-
2 len allesweis mid alle mihte and mid alle strencðe wel wi-
3 ten þe inre. and te vttre; vor hire sake. þe inre is euere iliche.
4 þe vttre is misliche. vor eurich schal holden þe uttre; efter
5 þet ðe licome mei best mid hire serui ðe inre. nu þeonne
6 is hit so. þet alle ancren muwen wel holden one riwle. quan-
7 tum ad puritatem cordis circa quam uersatur tota religio. þet is. alle mu-
8 wen and owen holden one riwle; onont purte of heorte. þet is cleane
9 \and schir i/nwit. wiðvte wite of sunne. þet ne beo þuruh schrift ibet. ðis ma=
10 keð ðe leafdi riwle. ðe riwleth and rihteð and smeðeð ðe heorte; and
11 tet i[n]wit of sunne. vor nout ne makeð hire woc; bute sunne
12 one. Rihten hire and smeðen hire. is of euch religiun and of
13 efrich ordre; þe god and al ðe strengðe. þeos riwle is imaked
14 nout of monnes fundleas. auh is of godes hestes. forþi
15 heo is euer on. and schal beon wiðvte mo[n]glunge. and wiðvte
16 chaungunge. and alle owen hire in on; euer to holden.
17 auh alle ne muwe nout holden one riwle. ne ne þur=
18 uen. ne ne owen holden on one wise ðe vtture riwle.
19 quantum scilicet ad obseruancias corporales. þet is. ononde
20 licomliche lokinges. <efter> ðe vttre riwle ðet ich þuften
21 cleopede and is monnes fundles \nis/ for noþing elles isto\l/d; bu-
22 te forte seruie ðe inre. þet makeð festen. wakien. kold.
23 and here werien. and swuche oþre heardchipes ðet moni flechs
24 mai þolien. and moni ne mei nout. vorði mot þeos riwle
25 chaungen hire misliche efter euchones manere. and efter
26 hire efne. vor sum is strong. sum is unstrong. and mei ful wel
27 beo cwite and paie god; mid lesse. sum is clergesse. and sum nis nout.
28 and mot te more wurchen. and an oþer wise siggen hire vres.
29 sum is old and atelich. and is ðe leasse dred of. sum is 3ung and luue-
30 lich. and is neod þe betere warde. vorþi schal efrich ancre hab-
31 ben þe uttre riwle; efter schriftes reade. and hwatse he bit