1 þinges wiðuten hwerof scandle ne cume nis nawt
2 muche strengðe. Hercne Michee. Indicabo tibi o homo quid
3 sit bonum et quid deus requirat a te.Vtique facere iudicium
4 et iusticiam et sollicite ambulare cum domino deo tuo. Ich
5 chulle schawi þe mon seið þe hali Michee godes prophete.
6 Ich chulle schawi þe soðliche hwet is godd. ant hwuch reli=
7 giun ant hwuch ordre. hwuch halinesse godd easkeð of þe.
8 low þis. Vnderstond hit. Do wel ant dem wac eauer þe seol=
9 uen. ant wið dred ant wið luue ga mid godd ti lauerd. þer=
10 as þeose þinges beoð; þer is riht religiun. þer is soð or=
11 dre. ant do al þet oðer ant lete þis; nis bute trichunge ant a
12 fals gile. Ve uobis scribe et pharisei ypocrite qui mundatiS
13 quod deforis est calicis et parapsidis. intus autem pleni estis omni
14 spursicia similes sepulcris dealbatis. Al þet gode religiuse
15 doð oþer werieð efter þe uttre riwle; al togedere is her=
16 uore. al nis bute ase tole to timbrin hertowart. al niS
17 bute as þuften to serui þe leafdi to riwlin þe heorte. Þis
18 an Boc is todealet in eahte leasse BokeS.
19 [8] Nu mine leoue sustren. þis boc ich todeale on eah=
20 te destinctiuns. þet 3e cleopieð dalen. ant euch wiðu=
21 te monglunge spekeð al bi him seolf of sunderliche
22 þinges. ant þah euchan riht falleð efter oðer. ant is þe leatere
23 eauer iteiet to þe earre. þe earste dale spekeð al of o=
24 wer seruise. þe oðer is hu 3e schulen þurh ower fif
25 wittes witen ower heorte þet ordre ant religiun ant sawle lif is
26 inne. I þis destinctiun aren chapitres fiue. as fif stuchen
27 efter fif wittes þe witeð þe heorte as wakemen hwerse
28 ha beoð treowe. ant spekeð of euch hwet sunderlepes o rawe.