1 ha hit mei do þah ant leauen hwen ha wel wule. as of mete.
2 of drunch. flesch forgan oðer fisch. alle oþer swucche
3 þinges. of werunge. of liggunge. of ures. of oþre beoden.
4 segge swa monie oðer o swucche wise. þeos ant þulliche
5 oþre beoð alle i freo wil to don oðer to leten hwil me
6 wule ant hwen me wule bute ha beon bihaten. ah chea=
7 rite þet is luue. ant eadmodnesse ant þolemodnesse. treowe=
8 schipe ant haldunge of þe alde ten heastes. Schrift ant pe=
9 nitence. þeos ant þulliche oþre þe beoð summe of þe al=
10 de lahe summe of þe neowe; ne beoð nawt monneS
11 fundles ne riwle þet mon stalde; ah beoð godes heastes.
12 ant forþi euch mon mot ham nede halden. ant 3e ouer
13 alle. for þeos riwleð þe heorte. of hire riwlunge is al
14 meast þet Ich write. bute i þe frumðe of þis boc ant i þe
15 leaste ende. þe þinges þet ich write her of þe uttre
16 riwle 3e ham haldeð alle mine leoue sustren. ure la=
17 uerd beo iþonket. ant schulen þurh his grace se lengre
18 se betere. Ant þah nulle ich nawt þet 3e bihaten ham as
19 heaste to halden. for as ofte as 3e þrefter breken eni
20 of ham; hit walde to swiðe hurten ower heorte ant ma=
21 kien ow swa offearet; þet 3e mahten sone þet godd foR=
22 beode ow fallen i desesperance. þet is in an unhope ant an
23 unbileaue forte beon iborhen. forþi þet ich write ow
24 mine leoue sustren of uttre þinges i þe earste dale.
25 of ower boc of ower seruise. ant nomeliche i þe leaste; 3e
26 ne schule nawt bihaten hit; ah habbeð hit on heorte
27 ant doð hit as þah 3e hit hefden bihateN.
28 [7] 3ef ei unweote easkeð ow of hwet ordre 3e beoN;