A LIFE OF ST BRIDGET
Translated from Archbishop Gregersson's Officium Sanctae Birgittae
[Sho had] <eu>ir in hir compan<i> oneste <w>omen that serued hi<r> . . . f. 1
<a>lso oneste men that might bere hir euir testemone of oneste; and sho
was noght idill, no with no personnes wald sho trete bot that were
honest. Sho gladli wroght thinges that ware to Goddes wirshipe, and
profite vnto hir euen cristen. Sho chesed hir one confessoure that was a 5
maistir of diuinite, a gude clerke and a gude man in lifinge, and to him
was sho oft times shryuen, and noght wald sho leue vndiscussid in hir
conciens: and hir confessoure wald sometime say that Bride had one
token of grete grace, for sho charged als mikill a litill thinge als othir
comon men charged one grete thinge. When hir husband was fro hir, 10
sho wald wake the maste parti of the night in praiere, and sho spared
noght hir bodi in [k]nelinges and bettinges.
Fell one a time that sho praied hertli vnto God t . . .