<2Here ts conteyned a godely interlude of Fulgens cenatoure of Rome, Lucres his>2
<2doughter, Gayus flaminius, and Publius Cornelius, of the Disputacyon of>2
<2Noblenes, and is devyded in two partyes to be played at two tymes. Compyled by>2
<2mayster Henry Medwall, late chapelayne to the ryght reverent fader in God Johan>2
<2Morton, cardynall and archebysshop of Caunterbury.>2
<2Intrat A dicen:>2
<2A>2 A, for Goddis will,
What meane ye, syrs, to stond so still?
Have not ye etyn and your fill
And payd no thinge therfore?
Iwys, syrs, thus dare I say,
He that shall for the shott pay
Vouch saveth that ye largely assay
Suche mete as he hath in store.
I trowe your disshes be not bare,
Nor yet ye do the wyne spare,
Therfore be mery as ye fare.
Ye ar welcom eche oon . . .