¶ DE TERMINO MICHAELIS ANNO duodecimo Henrici sexti.
1 Assise. Abr. ass. T. aide ASsise port par le dame de G. vers Godsay Hylton et Will Hylton en Euerwike deuant Straunge & fist son pl dun maner &c. a que lauandit Godsey Hylton come tenaūt del ent̄ saūs &c. & dis. que vn Christofer q̄ fuit seisi de mesme la terre en son demesne come de fee et mesme la terre dona a luy & a deux auters a terme de lour vies le rem̄ a ses heires males del corps G. engendres le rem̄ outr̄ a diuerz personz & a darrein le rem̄ a nostr̄ seignour le roy lez q̄ux. ii. ont rel a luy, issint nauer̄ il riens si non a terme de vie, le rem̄ regꝭ au roy & prie eide de luy &c. lauaūd it Williā accept̄ le tenaunce de lent̄ saūs do q̄ lauandit G. riens ent auer & mr̄e &c. vt supra &c. comēt il auer lestat̄ lauantdit G. &c. issint fuit tenant a t̄me de vie G. le rem̄ vt supra et pria aide &c. a q̄ la dame dis. que lauantdit G. q̄ auer prie en eyd fu it tenant &c. et al pl pled per William null ley &c. & demandomꝰ iudgꝭ & pria q̄ w. soit ouste del eide. ¶ Straunge, en tant que vous ne dedites la mat̄ per G. all la court agꝭ que vous sues au roy &c. puis la dame vyent en la Chaūcerie et pria procedendo & la mater debatus, si Procedendo serra grant̄ ou nemy et puis en le Escheker chambre a q̄l iour. ¶ Rolfe, moy semble q̄ le Procedendo ne serr̄ graunt̄, car tout ceo proc̄ est miscō tinue, car il duissent enquir̄ deuant la garde q̄ fuit tenaut, car nul purr̄ auer le ple si non cesty q̄ fuit tenant en fait, car posito que Procedend fuit graūte & troue fuit ꝑ assise q̄ W. fuit tenant donques auer leide de nouel le q̄l serra inconueniēt, car ieo pose que assise soit port̄ vers. ii. chesc̄ deux atc̄ le tenance del entier, & lun pl rel en mesme le countie & laut̄ pl forein reliefe & le pl accion cestuy q̄ pl foreine rel pur son tenant &c. le q̄l est attourne en le comen banke a trier le rel, & ieo die q̄ deuaūt ceo que ilz enquirgent riens del rel ils remaunderont lassise a prendre en pays de sauer que so it tenant, car tenant duist, estr̄ fait deuant laiournement issyut il semble icy. ¶ lune il semble que le Procedendo serra graunt̄, car il ad diuersitie lou le pl est dilatorie, & lou il est ꝑemptorie, car ieo die en vostr̄ cas le pl sil ad malem̄t estus son tenaunt il serra barr̄ pur ceo que il est pl ꝑemptorie, mes icy ceo nest q̄ vn ple dilatorie et mes (que) troue soit q̄ lautr̄ soit t̄ riens serra fait, mes leide grant̄ le q̄l puit estre trie en ceo ple dilatorie auxi bien apres come deuaunt issint il semble q̄ le Procedend serra grante. ¶ Markham. moy semble le contrarie, car nul serra att̄ de pieder vn ple deuant ceo que il soit ꝑsonable pur auer le plee, car nul poit auer cest ple si non sur que soit tenant le quel ne poet estre conus deuaunt ceo q̄ il soit enquis, car en assise port vers. ii. lou chescū accion le tenance, del entierte & pl en bart̄ & le pl eslust pour sō tenant il serr̄ enquis primes sil so it tenant ou nemie et si troue soit q̄ il est tenant donquez lassise enquert̄ de le barr. & nemie deuaunt car deuaunt il ne fuit personable dauer le ple [Page]car mittomus quod Pr̄ qd redd soit port vers vn q̄ fait defaut apres defaut vient vn & mōstra coment le reuerē est a luy en le tail le rem̄ au roy en fee, et pria eide de luy et le dd dit que il nad riens en le reuerē cest issu serra trie deuant leide grante, car sil nad riens en reuercion il nad cause dauer leide ꝑ que &c. ¶ Cheyne, purquoy duist cest assise estre pris deux foitz. ¶ Iune, en plusours cases lassise serr̄ pris. ii. foitz come posito en assise le tenaunt dit que les terres sont seisies &c. si lesschetour soit presēt il serra examine, & sil soit absent serra enquis per ass. & si troue soit que sōt seisies il suer̄ au roy et apres Procedendo grant̄ le tenāt pleder̄ q̄l chose q̄ il voet & lassise serra pris auter foits &c, Et puis ꝑ auise de toutz lz iustiē le Procedendo fuit grante sans serche suer̄ &c. & assise poit estre pris. iiii. foits come posito assise porte vers plusours. Vn dit q̄ les tenem̄tm sōt seisies &c. lassise pris dit que cy apres le Procedēdo grante &c. Le. ii. foitz chescō deux prent laut̄ tenance seuerally & pled forein releas saūs ouster conus le pl essier sur le tenance & lassise pris dit que ceo est tenant, donq̄m serra aiorne en comen banke & proces fait pour trier le releas et si troue nient le fait le pl, donq̄s tout serra remande en pays pour estr̄ quere del seisin & disseisn &c.
2 Enquest EN vn enquest pris deuaunt les iustic̄ de comen place les polles fuere challeng. per lun partie & lautr̄ trestouts per que la court agard q̄ lun partie esliere vn de ses hallenges et lautre vn ses challenges & vne par tie eslist vn de ses challēgem et lautre pria q̄ il poit estr̄ tret & les iustices diss, que il ne doit estre trie pour ceo que quaūt il fuit destre iurr̄ sur les principalx il ne priast que il fuit ouste & ore il nest destre iurr̄ fors (que) a trier̄ les polles la court ad reule la vn partie deslier vn de ses challenges & lauter partie vn de ses chall de triet̄ polles & nemyide iurr̄ sur le princypal &c.
3 Dette. DEtte port̄ vers executours & detinue per seueralx precipes & cont̄ dun duitie due per lour testatour sur arrerag. daccompt et declare, auxi que il deteignont vue box oue certeins charters & munimentes & declare de vn chr̄e en certein retorne al optas de seint Martyn Ian. ix. le roy que ore est ¶ Newton, quant al Dette accion ne deuez auer. q. n. v. diomus q̄ vous mesme relaxasts pur ceo fait que cy est touts maners acciōs personelx a nostre testatour iug. si accion & le fait fuit lieu que port̄ dat̄ le primer ieur de Iuly prochein apres le briefe retornable. ¶ Fulthorp. v. l. b. coment nous auomus port̄ vn br̄e de Dette vers eux come vers exec̄ dū duite per lour testatour & le releas que ils ont pled port̄ date lōge temps puis le briefe purchace issint appiert que il ne puit estre fait en le vie lour testatour & demaund iudgem̄t si per cest fait deuomus estre batr̄.
¶ Neuton, nous diomus que il fuit fait & liuer e en le vie lour testatour, ¶ Paston. chescun fait que port̄ date serra entendus que il fuit escript al temps del date, mes il nest fait deuant le liuere, car ieo pose que vn home port̄ briefe de Dete sur obligaciō deuers moy port̄ date &c. et ieo plede enuers luy vn rel porter date deuant le date del obligacion, et le liuere [Page 2]puis &c. ceo est bon plee pour ceo que il poit bien estre ensemble que il fuit fait deuant liuer̄ puis, mes son fait ne puit estre liuere deuaunt que il soit escript & le ret̄ que vous aues plede porte date puis le murrant de vostr̄ testatour le quel ne poet estre entendus q̄ il fuit liuere a vostre testatour per que moy semble q̄ il nest pas plee, & issint fuit aiudgꝭ le procheyn t̄me. ¶ Newton, quant al box et le chartre que vous aues declare en especial, & deux auters chartres nous auomus estre tout temps prist a deliuerer & vncore sumus. ¶ Fulth. ils deteignont auters charters prist &c.
¶ Newton. il ne declar̄ q̄ux chrt̄s et sans declarer en certein queux chr̄es nous ne poious auer issue. ¶ Paston. moy semble a mesme lentent, car si lenquir̄ fuit pris et nous deuoꝰ doner chargꝭ a eux, nous ne poious eux chargꝭ sur vn issue en non certein, cest en non certein, car nous ne poious scauer q̄ux chr̄es ils purtōt ne ils purrōt doner dam̄ accord al value des chartres silz ne declar̄ en especial q̄ux chr̄es ils fuerēr ꝑ q̄ &c. ¶ Fulthorp, moy semble que il serro it bon issue, car poet estre q̄ ils sōt faitz touchātes ma inheritāce q̄ vnques ieo vie et ieo ne puis scauer a quel terrez ilz sont appurteuantes sans eux vier, et si ceo ne puis auer cel issue per la maner ieo serra a mischiefe, & syr ieo pose que ieo port briefe de Detinue de iii. escriptes vers vn home que deuiendront a s̄ posse ssiō apres la mort mon aunc̄ & declar̄ de vn especiall cel bon declar̄ & bon issue adire que il ne eux detient point & les iurr̄ prendront notice auxi bon sur eux de les deux chartres come de lun que ieo declar̄ en especiall per que moy semble que il serra bone plee en maintenance de ma accion adire, que il detient auters &c.
4 Nota. VN home vient eins per Cepi corpus a deux br̄es et a troys a auters br̄es il auer iour per distr̄ & quant a ceux q̄ il vient per Cepi corp us il respondr̄ & quant a les autres il voillet aue r perdue issues &c. ¶ Babyngton, il respondr̄ a touts, car ore il est en gard & respondr̄ a chesc̄ tout le temps que il est en gard, mes si le vic̄ vst ret̄ sur le Cape, non est enuē tus & il vst venus eins gratis il purroit respondr̄ a les letters des queux le capias issist & fair̄ attorne &c. & perdr̄ issues en les letters des queux le capias issist & fair̄ attorne &c. & perdr̄ issues en les letters des queux le distr̄ issist, car a cel temps il est alargꝭ & poit eslier̄ le quel q̄ il voet perdr̄ issues ou rn̄dr̄ q̄ il respondr̄, ou serroit condempne per que il respondr̄ a toutes &c.
5 Trespas. VN home port br̄e de Tn̄s de ses bestes prises le def. ꝑ ¶ Godred iustifia per cause q̄ le pl tient de luy certein terre ꝑ certein seruice des q̄ux. &c. il fuit seisie &c. de quel terre le lieu &c. ou il suppose le pris estr̄ fait & ꝑcell & pour rent arrere &c. il distr̄ &c. iudgꝭ si accyon ¶ Hodye, les tenementes sont hors de son fee, & en tant que vous le pris nous priomus q̄ vous soies attaintes de tn̄s. ¶ Godred. deins nostr̄ fee prist, & sic ad patriam. ¶ Hals, ceo voet estr̄ ieofaill, car hors de son fee est naturel issue en repleg iar̄, & il ne tient pas de luy en Tn̄s. ¶ Cheyne. lissue est asses bon.
6 Dette. EN br̄e de Dette port̄ vn come heir̄. ¶ Rolfe, iudgꝭ de counte, car il nad mr̄e q̄ noꝰ auomꝰ per discēt de mesme lanc̄. ¶ Straunge, ceo est bon plee en bart̄ & si vous naues ric̄s per discent mr̄es. ¶ Rolfe, ryens per discent iour de br̄e purchace ne vnques per mesme launc̄. ¶ Caund. vous fuistes seisies de. iii. mees & xl. acrez de terr̄ puis le br̄ purchace en tyel lieu pryst auer, et alii econtra &c.
7 Atteint EN vn Atteint Metley monstra coment vn esquir̄ fuit al barr̄ oue l def. ou meint̄. ¶ Hals. demāde q̄ fist la & lesquier dit que il fuit cosyn al def. & pur luy eider & counseiller il fuit la. ¶ Hals, il est resc ou q̄ il eide & counsell son cosyn &c.
8 Dette. EN br̄e de Dette port enuers deux per seueralx Precipes lun vient per Chantrell & dde iudgꝭ de br̄e, car il dit q̄ cesty que fuit nosme en le seconde Precipe fuit mort longe temps deuaunt le briefe port per auys de toutz les iustices, quant a ceo precipe le briefe abat̄ & quant a ceux nosm̄ en laut̄ precipe fair̄ acc̄ pur rn̄dr̄, car fuer̄ en man̄ diuers br̄es &c.
9 Dette VN home porta br̄e de Dette vers Andrewe Michell & coūta coment vn R. fuit oblig. a vn P. per lestatut marchant en. xl. li. deuant lauantdit Andrewe adonques maior del Estaple &c. le iour encurru lauantdyt pl vient a lauantdit Andrewe & mr̄a la mater &c. & priast que le corps le dettour fuit pris, per quod ad insinuationem dicti querentis eum copi fecit, & apres luy lessa aler alarge per que acc̄ accrust a luy dder la somme auantdit &c. ¶ Fulth. vn Iohn̄ suist vn accion de Dette enuers lauauntdit R. deuant lauantdit Andrewe deins lestaple &c. proc̄ continue tan (que) il vient & fuit condempne & pur cell cause fuit en nr̄ garde saūs ceo q̄ fuit en nostr̄ gard per force del auantdit statut. ¶ Caund. il fuit en vostr̄ gard per force del estatut auautdit prist dauer, & alii ecōtra & puis lissue troue pur le pl il priast iudgꝭ &c. ¶ Newton. al iudgꝭ ne deuez aler, car il ad fōdue son accion sur recorde & la cause de son acciō est de recorde. s. le prys del R. le quel est triable per recorde & nemy per pays, per que moy semble sans trier per recorde ne dones iudgement. ¶ Babington, moy semble le contrarie, car le Maior est iudge & mr̄ iudge est ceo que il record le statut &c. monstr̄ est ceo que il preigne le corps en garde & ieo die que iudge ne purr̄ recorder deuant luy mesme nul ryens que est en sa auauntage ne en son disauantage, car posito que le chiefe iudge Iustic̄ de ceo place fuyt a vser accion vers ascun home ou deuereit lentier leuer vn fine le teste de cel recorde serroit en le nosm̄ de Cerciorar̄ Iustic̄ car si fuit ou en son nosme demesne ceo fuit errour & sur le Maior de leftaple puit prendre l dettour apres le iour encurru deins lestaple si la partye la demaunde sauns ascun garr̄ donques sil ne voill enter que il est prys ceo ne nauera la partie per que &c. ¶ Paston. moy semble le contrarie, car posito q̄ ieo port̄ br̄e enuers vn home en cest place ꝑ force de q̄l il est condempne & commys al Flete cest commis nest entr̄, vncore de record le gardein luy lesse aler &c. ieo port̄ bt̄e de Dette enuers le gardein & coun [...]t̄ &c. et ceo record et coment fuit commys a luy &c. & le gardein dit q̄ il ne fuit vnq̄s en sō gard [Page 3]ꝑ force de cel rec̄ ieo auera q̄ si il serr̄ trie ꝑ recorde & si cest cōmys ne soit entr̄ vnq̄s les Iustic̄ purr̄ recorder & entrer, & sil ne voillēt recorder ne le commys nest entre ceo serr̄ barr̄. Et auxi si br̄e vient al vic̄ pur prendr̄ vn home & il retorne cepi corpus & quod languidus est &c. si apres il luy lesse aler alarge, si accion soit port̄ c̄uers le vic̄ le quel dit que ne fuit vnquex en sa gard ceo serra trie ꝑ record issint icy per que &c. ¶ Cottesmore moy semble lissu bon car sir en le cas de gardein de Flete il nad nul poiar mes pur garder les pril q̄ sont commis ꝑ recorde & le record luy charge soulement le quel record gist en les iudges del place. Et auxi s le vic̄ ret̄ le briefe cepi corpus cel recorde luy stoperoit, mes posito q̄ le vic̄ preign̄ vn home ꝑ force de tiel br̄e a ma suit & ne retorne nul briefe ou retourne non est inuentus, donques ieo auera accyon enuers luy & cel pris serra trie per pays, auxi icy entant que il fuit pris & en ceo il fuit offic̄ mes (que) il ne soit entre ne il voet recorder ceo que appertient a luy come iudge vnq̄m ieo auera lauerrement enuers luy come enuers offic̄ ꝑ que &c. ¶ Neuton, vnquez ne deuez iudg. don̄, car la reconusance fuit fait Anno. v. regis nūc coram Andrea M. maior stapule & il ad supp̄ q̄ il fuit en gard le dit A. anno. viii. & que il puis luy less aler alarge. Anno. viii. & nad surmitt̄ en fait que il fuit Maior, Anno. viii. & sur solonc la ley de cest terre le Maior del staple serra essues thescun an ꝑ les marchāts ꝑ que &c. ¶ Martyn, pur ceo que il est assetz bon, car la court entend q̄ il suist tout tempz maior̄, et si ne fuit vous le puisses auer per voye de rn̄z auxi il ad vn estal que voet que cesty q̄ ad este vic̄ vn an q̄ il ne serra. iii. ans procheins ensuants vncor̄ le roy luy puit fair̄ per son patent auxi longe come il plest & sil soit. iii. ans chescun aprez autr̄ home ne surmitt̄a que il est vic̄ mes al primes de son briefe et est vn estatut que nul serra Iustices dass. en son propre countye, vncore sil soit fait est assets bon ꝑ que &c. ¶ Iune, moy semble adeprymes que la uerrement est bon & bn̄ trie ꝑ pays, car cy auterment serroit c̄ trye ꝑ record donq̄s il ne voet recorder nulrien en record que ne fuit pris ceo serroit fort pur estopper moy ꝑ son recorde demesn̄ dōques ensueroit que ieo nauer iammes accion de Dette enuers Maior del staple: cōsequens falsū ꝑ q̄ &c. ¶ Cheyne., moy semble lissue bon, car come il ad este dyt il ad diuers offic̄ diuersis casibꝰ respectibꝰ, car est iudge & mustr̄ &c. ieo nauer auerement encont̄ chose q̄ merement gist a son office de iudge nient pluis q̄ encoūt̄ vn de nostr̄ recordes, car posito q̄ le roy fait moy vic̄ & iudge c̄ q̄ ꝑtient a moy faire come vic̄ chescun home auera acciō ēuers moy si ieo ne face mon office come a moy apꝑtient & mon recorde cōe iudge ne moy eidera pur stop ꝑ les ꝑtyes de lour auerem̄t, car cōe Babyngton ad dit ieo ne pꝭ ꝑ mō record demesn̄ &c. vbi priꝰ, mes chose q̄ appertiēt del office de iudge ꝑēt̄ aut̄m ꝑties hōe nauer auerm̄t encoūt̄ tielr choscōe si vn conust sō gree este fait en estat̄ de lestapl &c. deuat le maior tiel record stopꝑa vn party encoūtre aut̄ &c. mes de aut̄ entent moy semble que cest declar̄ ne vault, car come ad este dit il luy couient monstrer que fuit maior. Anno viii. pour ce o q̄ lestatut voet q̄ nul le serr̄ si non ꝑ.ii. ans, donques ceo ne [Page]serra entendu q̄ il fuit maior per comen p̄sumpcion, car lcomen p̄sumpc̄ serra solon (que) la comē ley & lestat̄ fait est cōen ley ꝑ que moy sembl a c̄ entēt &c. ¶ Sidney apprentice. a m̄ lentēt, car chescun couiēt, este en cerr̄ a de clarer la matt̄ del br̄e & chescun auowrie & chesc̄ titl & cest deciat̄ comport̄ le mater q il ad pur me intein̄ son acc̄ donq̄s ne fuit maior al temps q̄ il fuit pris & lest alarge. s. Anno. viii. il nad cause dauer sō acc̄ & pur luy faire able dauer laccion couiēt mr̄er q̄ fuit mayor come en cas ieo sue vn home q̄ tient de moy come en droit sa feme si ieo auowe pur homage couic̄t a moy pur mr̄er q̄ ont issue &c. Et al auter entēt q̄ ceo serra trie ꝑ recorde & nemy ꝑ payz moy sembl, car posito q̄ vn home port briefe. de faux enprisonmēt enuers moy & ieo iustifia pur ceo q̄ ieo sue iustic̄ de Peax & luy troua ap̄s q̄ il auoit fait forcible entre &c. & ieo luy prist iugꝭ si acc̄ cest mat̄ serra trie ꝑ record & nemye ꝑ pais ꝑ q̄ &c. Et auxi si vn iustice en son place agꝭ vn home a prison soit il ꝑ cause ou saus cause home nauer iammies de ceo accion &c. & puis le pl auoit iugꝭ de rec̄ &c.
10 Trespas. VN home port br̄e de Tn̄s de certeins biens emportes a seint Albons supp̄ ꝑ Caund. le pris est fait. Anno. primo regni regis nūc. ¶ Newton acc̄ ne deues auer, car noꝰ diomꝰ q̄ vn I ꝑt̄ accion de Dette en la Court de Pies poudres a seint Albons enuers le pl proc̄ continue tan (que) il auer iugꝭ derect & suist vn precept al baill pur fait̄ leue des biens le pl ꝑ force de q̄l le bailly priss m̄ les biens & satissia lauantdit I. et nous priomꝰ en eide de bailly le quel est m̄ le pris dont vous aues cōmis cest acc̄ iugꝭ si accyon & il pled tout le recorde en cerr̄ le q̄l Anno. ix. regis nunc. ¶ Caund ceo ne puit este plee, car nous auomꝰ comitt̄, Anno primo &c. rec̄ est, Anno nono le quel ne poet este dit mesm̄ le iour. ¶ Straunge, posito q ieo pled enuers vous q̄ vous aues recouere pour m̄ les bn̄s en court de record et vous pled nul tiel record quant le record vyent eins & fait mencyon que fuit a auter iour vnc̄ voꝰ serres barr̄. ¶ Paston, a mesme lentent, car si ieo plede de rien culp̄ en trn̄s & troue est q̄ ieo fist le trn̄s a aut̄ iour vncor̄ il recouer donques quant le misconiseur ad iour ne abatera a son brief. pur que doit misconceyuer de son briefe moy ouster de mon plee &c. ¶ Cot. tesmore, ceo ne poet estr̄ plee, car vous naueres tiel plee adire le quel est mesme le Tn̄s si non que vous accordes oue luy: come posito q̄l ieo vous apprist vn chiuall a W. & m̄ le iour voꝰ parnes vn auter chiuall de moy & ne port̄ bryefe de Trespas de chyuall pris & vous dites que ieo vous apprist vn chiuall a mesme le iour et vous les pryst le quel est mesme le pris dont ieo ay conceyue cest accyon cest bone plee prima facie &c. donq̄m monstra coment a mesme le iour vous pristes auter chyuall de quel iay conceyue cest accyon & a ceo il respondr̄, mes ieo port briefe de Trn̄s de mon chiuall prys a cert̄ iour adir̄ q̄ longe temps puis a aut̄ iour ieo luy apprist le chiuall que rn̄s est ceo al pl nul per que &c. ¶ Neuton, donques diomus nous totum vt supra, sans q̄ noꝰ luy prisomꝰ q̄ iour il ad counte ¶ Matyn, ceo ne poit este pur trauerss. le iour, car sil fist a auter iour il est coup̄. ¶ Godred, home trauersle iour sur especial cause, quar si home [Page 4]ad comē en ma terre asc̄ foits ꝑ an & aut̄ foits nemy & il port̄ br̄e d Tn̄z de ses bestes pris ieo mr̄a le mater & dirr̄ q̄ ieo les prist cert̄ iour quāt il fuit mon seuerall sans q̄ lez prist al iour que il ad coūte. ¶ Martin. ceo ne poet este pur trauerss. le iour, car sil fist a aur̄ iour il est coulp̄. ¶ Godred. come le iour sur especiall cause, car si home ad cōmē en ma terrr asē foitz per an, et asc̄ foits nemy & il port br̄e de Tn̄s de ses bestes pris ieo mr̄a le mat̄ & dirr̄ q̄ il les prist cert̄ iour, quāt il fuit mon seuerall sans que ieo les prist alliour que il ad counte. ¶ Martyn, en vostre cas vous dirr̄ sans que vous estes coulp̄ &c. deuaunt le iour que vostre seuerable commencement &c.
11 Trespas. VN I H. port̄ br̄e de Tn̄s vers R. C. de ses herbes pues. ¶ Elderker. nous diomꝰ q̄ I. H. pl nauer riēs en la terre ou il suppose le Tn̄s este fait al tēps de Tn̄s supp̄ si non en comen oue vn w. & vn B. les q̄ux sont vnc̄ en plein vie nient nosme en le br̄e iugꝭ de br̄e. ¶ Fulthorp, vous v. b. c'il ad pl q̄ noꝰ auomꝰ en comē & ne mr̄a comēt &c. ¶ Cottesmore. quāt home pled iointenancie ou tenancie en comen de part le pl il ne besoign̄ de mr̄er comēt ne de q̄l don̄ ne feffement, mes quant le tenāt ou def. pled iointenan ce &c. de son part̄ donques luy couic̄t mr̄er comēt & de q̄l feffement &c. ¶ Fulthorp. vnq̄s ceo ne poet este plee, car posito q̄ en cas q̄ deux ioint̄ fuer̄ & nous sumꝰ en la terre de feffemēt lū d les ont lestat lautr̄ noꝰ ne deuomus ioindr̄ iammes en br̄e de Tn̄s nient pluiz q̄ en ass. & il serr̄ entendue ꝑ son plee q̄ noꝰ tenomꝰ en cōen & nemy ioint̄. ¶ Strange. si tenant en comen soiēt & sont disseisours chesc̄ deux auer ass. de s̄ poss. de. mesne car chesc̄ deux auer seuerable droit en le frankten̄, mes le profitez de soill attient auxi bn̄ a vn cōe a auter & les profites sont en man̄ a eux deux ioint̄. ¶ Babington. moy semble le contrarie q̄ chesc̄ deux auera acc̄ del entie rte & rec̄ ceo q̄ affiert a eux, car fuit vn grand mat̄ deuāt mōsir W. Hankford, & fuit tiel mat̄ & la fuit conus q̄ chescū des tenāts en comē auer seuerall br̄es & sir posito que mon tenant a t̄me des ās est ouste ieo auera ass. & rec̄ dam̄ & la terre & le tenaunt a terme dez ans auer acciō de Trn̄s & rec̄ dam̄ ꝑ q̄ moy semble le br̄e bon. ¶ Cottesmore, le cas fuit auter deuant Hankford, car son opposicion fuit q̄ si deux ioint̄ ont comen ap pend en certeine so ill &c. que si aut̄ home voill de fouler ses herbes ilz aueront acciō seueralm̄t. Et vide Anno iii. Ed. iii. q̄ dit fuit la q̄ cōmener nauer iāmes acciō de Trn̄s, mes il poet enꝑker les bestes & disturber les bestes destraūge home & sir en vr̄e cas d t̄mer a lessour q̄ si le t̄mer soit ouste q̄ le lessour puit auer ass. & le t̄mer briefe de Tn̄s. & si le lessour rec̄ primes il rec̄ pur tout le dam̄ q̄ est fait & le def. barr̄ le term̄ des dam̄ &c. quer̄ ex hoc & comēt le term̄ viendr̄ a ses dam̄, car. iii. H. iiii, le tenāt a volunte auer acciō et dit fuit a q̄ le tenāt defrankt̄ puit auer acc̄ & chescun deux rec̄ dam̄ de c̄ q̄ sont en dam̄, cōe mon seruāt bat̄ il rec̄ dam̄ de ceo q̄ il est emꝑy ꝑlabor̄ & ieo pur le ꝑdre de mon seruice & fuit dit la dun term̄ que il recouera ceo q̄ il est en dam̄ cōe en cas q̄ mō tenant abat̄ ꝑ Elegit [Page]est disseisie ieo puisse auer assel & le t̄ ꝑ Elegit aut̄ assise & q̄ deux recouer prim̄ le disseisour abat̄ le br̄e laur̄ & hoc vide P. xlviii. mes ceux cases ne sont semblable al cas al barr̄, car en ceux cases ils ont seueralx poss. et le cas al barr̄, mes que lour droit soit seuerall en la terre lour poss. et lour maynour̄ & le profites del terre est a eux en comen per q̄ moy sēble le br̄e abat̄ & sic fuist loppinion de tout la court per que ¶ Fulthorp. a c̄ diomus nous q̄ le lieu &c. est vn graunde wast conteignant &c. de quel wast le pl fuit soule seysy tan (que) le def. entra sur luy et luy disseisist claim̄ le moyt̄ ꝑ mye &c. & enfeffa les deux oues (que) que il all le tenāce en comen per force de quel ilz fuer̄ seisies et occupier̄ en ceo man̄ oue le pl & apres le def. fist le Tn̄s en la maner come noꝰ auomꝰ supp̄ & apres noꝰ reentramus et eux oustomꝰ et ddomꝰ iudgem̄t si per tiel poss. en comen poiez ceo br̄e abat̄. ¶ Elderker. ceo nest p̄ ple eins euidence, car per ceo mat̄ il conust nul poss. a nul temps en nous, car si ieo entra sur vn home claim̄ son droit & s̄ t̄re soit s̄ moir̄ ou tout rien serr̄ dit en moy si lautr̄ ne voet lesser & voider la terr̄ il nauer ass. enuers moy, & si auter home voill port̄ br̄e de ceo terr̄ il serr̄ port̄ enuers luy sur q̄ ieo entra per q̄ per mon torcious entr̄ rien serr̄ dit en moy si cest que droit ad ne voit voider la terr̄. ¶ Strange il ad mr̄e en cas tiel come il est et il ne doit mat̄ en triall mater q̄ est en ley, car ils ne saueront si ceo fuit tenance en comen ou nemye, mes il metr̄ en nostre discrecion et moy semble que il pled vn, quar il conus poss. et mainouer̄ tiell ql mes nemye tiel poss. que puit doner acē a eux et ceo ten̄ la court ꝑ que. ¶ Martin. rsenz ¶ Elderker. nous diomus que il tient en comen totum vt supra sauns que nous luy disseisimus prist &c. et alii encontra & cetera.
12 Br. Dētre. LEuesque de Durram & autr̄ port̄ br̄e Dentre en le quibus enuers I. H. & R. H. dun disseisin fait per les tenants a eux m̄. ¶ Godred. vous aues cy I H. q dit quant a. ii acr̄ il est teant sans que les aut̄s riens ad et dit que il fuit seisie de les .ii. acres longe temps deuant q̄ le pl riens auoit tan (que) disseisie ꝑ vn W. G. que enfeffa les pl sur que vn Dauy D. entra sur qui nons entramꝰ & ddomꝰ iudg. si acciō & R. H. accept le tenāce del entierte sans q̄ le autre rien ad et pled mesme le plee et ddomꝰ iug. siaccion. ¶ Chaunt. a ceux plees pl per le maner nul ley moy metete a respondr̄ pur q̄ pur def. de rn̄s iudg. & priomꝰ seisin de terre. ¶ Godredc. et nous iudg. &c. ¶ Chaunt. Moy semble q̄ il ne r̄ c̄ riēs a noꝰ, car si vn home voet accept̄ seuerable tenance ceo nest apurpos saunz pled en barr̄ donques si ceux plees ne sont plees il nest autre mes nul ple en barr̄ & per le mr̄ance q̄ il plede nous deuoꝰ auer vn br̄e en le per et le conust nul toxt ꝑ luy fait &c. acc̄ riall et nest semblable al assise per que &c. & Paston. per que ne serra ceo auxi bien icy come en ass. port̄ enuers vn il pledra per le maner vt supra, et ceo amont q̄ nul disseisour nosme en le briefe & ceo est en man̄ auxi contrarie icy pur que &c. Cottesmore. Assise nest p̄ retornabl quar reles daccion ꝑsonel barre le pl en assise pled per ascun nosme en le br̄e et auxi en assise si home conust oustre il ferr̄ fyn au roy et en ceo brief [Page 5]il ne ferra fin̄ pur ceo que le don̄ est mere roiall & auxi en assise le manner de pl est suffer ꝑ aut̄ cause s. mes (que) le plee amount a nul auter que est nul disseisour nosme en le br̄e vnq̄s ceo ne besoigne dauer rēs, mes serra enquis ꝑ assise pur queux causes le plee est suffic̄ en assise, mes en cest accion ne vaut pur que &c. ¶ Godred de son conusaunce demesn̄ nous priom̄us que le briefe abat̄, car quaūt home plede seuerable tenaunce si le demand voet r̄ al plee le r̄ donques son briefe abat̄ pour ceo que en maner est conus de luy le contrarye de son briefe pour ceo que en tyel cas luy couyent maint̄ son briefe & nemy pour respondr̄ a les plees come ad fait icy, quar cest man̄ de mr̄er est come sil vst pris vn issue ꝑ que &c. ¶ Martyn. seuerable tenance nabatera le briefe si nō que cesty qui plede ceo voet pleder en barr̄ donques si ceux plees ne sont plees le seuerable tenance nest a purpos ꝑ q̄ &c.
13 Dette BRiefe de Dette fuit port en Londr̄ vers labbe de Fontains per vne obligation fait a Londr̄ per le predecessour le def. & count̄ coment le some vient al oeps le meason. ¶ Chaunt̄ cest counte est double: vne que il count al ops le meason: aut̄ le fait le predecessour ꝑ que &c. ¶ Neuton. le fait le predecessour ne charge pas le measō si ls profitz ne vient al meas pour que &c. ¶ Chaunt' al temps del des del fait m̄ cesty q̄ vous supp̄ nr̄e predecessour ne fuit abbe dauerrer. ¶ Neuton abbe prist &c. & priomus pais de Londr̄. ¶ Chaunt̄ nous auomꝰ Venir̄ facias del coūte de Porke quar la est Labbey & la poient sauer melius que est Abbe- ¶ Strange, lyssue sra trie en Londr̄ come feme & nient feme couert et nient couert serr̄ trie ou le briefe fuit port̄. ¶ Martin, si vn home port̄ briefe en cest countye & villenage est all en le pl come a vn mauor regardant en auter countye ceo serra trye ou le briefe fuit port̄ issint icy ꝑ que &c. ¶ Chaunt' briefe est port̄ vers vn home en Londres ꝑ nosme de I. R. de Dale del county de Essex il dit que il fuit demurrant & conuersant en Sale & nient en Dale iour &c. iudg. de brief le pl maint̄ que il fuit &c. en Dale come le brief supp̄ eo serra trie en Essex & nemy en Londres & a darr̄ fuit tenus que serra en Londr̄, quar Cottesmore dit en Chanc̄ his cas nul poet sauer ou il fuit demurrant si bn̄ come ceux de Londres, mes home puit estr̄ conus abbe si bien en cest ville come en son abbe & auxi est si homs dit q̄ il est chyualer on coūt nient nosme coūt̄ touts ces cases serra tries ou le briefe est port̄. ¶ Strange, touchant que il ne r̄ al pl pour ceo que ne r̄ a ceo que les biens deuiēdront al ops del measō, quar il dit que si vn a moy achate ou apꝑnt ascuns biens en nosme del abbe, mes que ne soit ꝑ son commaundem̄t sils deuenont al ops del meason, car il dit Labbe & ses successours serront charges &c. mes si vn moigne achate biens per commaundemēt del abbe & ne viendr̄ al ops del meason, mez al abbe nul serra charge fors (que) m̄ labbey & nemy ses successours & mes (que) ils ne viendr̄ al abbe, mez le moigne les don̄a a aut̄ en wast les biens vnc̄ Labbe serra charge pur son commaundemēt viendr̄ en debatu & en issue &c.
¶ DE TERMINO HILLARII ANNO duodecimo Henrici sexti.
1 Briefe de Trespas. VN home port̄ briefe de Trespas de ses bestes prises &c. ¶ Neuton. noꝰ diomꝰ q̄ nous les primes pour rent arere pur vn tiel & mr̄a en cert̄ & diomus q̄ deuant le br̄e purchase le pl happa le poss de m̄ les bestes & les don̄ a vne C. R. iudgꝭ de br̄e. ¶ Martin. q̄l br̄e voills voꝰ don̄ a luy ¶ Neuton, q̄ il les priste a tiel ioure & eos detinuit tan (que) a tiel iour sauns mōstrer le priē de eux. ¶ Cottesmore, a m̄ lentent en banke le roy quant ieo fue sergeant deuant mon sr̄ Hankeforde einse ieo fue reule & lissue fuit pris le q̄l ieo les auer en poss. apres le pris deuaūt le iour de brief purchase ou non ꝑ que &c. ¶ Martin, moy sēbl q̄ il fuit monstree tout cest matters en euidence &c. ¶ Chaunt' il pled adeprimes bon plee en barr̄ dacc̄, & puis conclude son mat̄ en fait pur abar̄ l le br̄e ꝑ q̄ moy semble q̄ il nauiendra &c.
2 Dette. EN vn briefe de Dette vn vient eins apres lexigent issue & troua mainpris &c. & auer Suꝑs a q̄l iour l pl conr̄ enuers le def. & luy nosm̄ I. R. &c. de Liram. ¶ Caund. lou vous luy nosmes I. R. de Liram il ad en m̄ l coūty Liram Muchill & Liram Laill per addiciōs sans ceo que il ad ascun vill nosme Liram sans addicion & ddomus iudg. de briefe. ¶ Neuton v. v. b. c. le proc̄ fuit continue enuers luy tan (que) lexigent ꝑ I. R. &c. de Liram & il vient eins accordant a m̄ le nosme & ad troue mainpris & ad Suꝑs accordāt a m̄ le nosme & demandomꝰ iudg. sil auiendr̄. ¶ Cottesmore, il conust tout q̄ est en le br̄e & pluis, car si vous nosmes vn home I. R, suant a vn home il ferra attorne & sō attorne dirr̄ q̄ il est chiualer niēt nosme chēr iudg. de br̄e &c. ꝑ que respones. Et a m̄ le iour vn aut̄ ap̄s Suꝑs come vt supra il voill auer dit q̄ il fuit daut̄ arte & ne fuit resceu, quar dit fuit q̄ il ne dirr̄ ap̄s Suꝑs. ne ap̄s attorne fait q̄ il est daut̄ vill ne dauter mest̄ ne daut̄ nosme, mes a conustr̄ cell & plus il poit bn̄ come vt supra ꝑ que &c.
3 Attaint. 61.65. EN Atteint vers I. Sampson & M. sa feme per sir William Duny port̄ en bāke le roy de tn̄ts in South. &c. ap̄s le brief seruy I. Sāpsō & M. sa feme & iii. del petite Iurr̄ apper̄, & ix. fir̄ def. ꝑ que vn distr̄ enuerz ceux q̄ fir̄ def. retornable a cert̄ iour &c. et idem dies a ceo q̄ apper̄ a q̄l iour ilz fir̄ aut̄ foits def. ꝑ que le iurr̄ fuit agꝭ enuers eux ꝑ def. & auxi ii. del petite iurr̄ q̄ primes apperr̄ fir̄ def. ꝑ q̄ le iurr̄ agarde auxi enuers eux ꝑ def. et I. Sāpson & M. sa feme & vn del petit iurr̄ apperr̄ & le plassigna le faux serement en plusur̄ points et auer seueral br̄e. Et nota que il puit assign̄ le faux serement al prim̄ iour ou al second iour al volunte le pl si ne soyte que les t̄ & tout le petit iurr̄ en le originall briefe dattur̄ lall est Habeas corpora, car cest originall brief dit diligenter inquiras q̄ fuer̄ iurr̄ prime assise, ita quod Hēas eos coram nobis, & si donq̄s ils font defaut il auera [Page 6]distr̄ ꝑ omnia bona & catalla &c. & si donq̄s il font def. le iurr̄ serra agꝭ ꝑ lour def. & enuers le graund iurr̄ le proē est come enuers iurr̄ en ass &c. a quel iour Sampson & M. sa feme dis que le brief datt̄ fuit purchac̄ a W. &c. deuant iudgꝭ rēdus del ass. & dd iudg. de br̄ &c. Et cest del petit Iurr̄ dist que cesty que port̄ latteint fuit t̄ ap̄s latteinte purchase &c. ¶ Rolfe nous diomꝰ vers I. Sampson que latteint fuit purchase puis l iudg. dl ass. prist &c. & vs cesty del petit iurr̄ noꝰ diomꝰ q̄ nous ne sumꝰ t̄ al tempz del atteint purchac̄ ne vnq̄m puis &c. ꝑ que sur le plee que Sampson pled pur ceo que il fuist vn forrein issue proē est agarde et tant continue que il passa pur le pl & latteint auer iour ꝑ continuance &c. a q̄l iour. ¶ Rolfe nous priomꝰ le Iurr̄ pur enquerer̄ de faux serement ou moy sēble que le second Iurr̄ ne serra pris, car vn del petit Iurr̄ ad pled vn forein matter & le graūd nad aut̄ garr̄, mes pur atteindr̄ le faux seremēt & auxi sir noꝰ sumꝰ en mischiefe si le graūde Iurr̄ passe sur ceo issue, car donq̄s noꝰ naueromus nul atteint. Et si vn petit xii. passe nous aueromus atteint cōe en cas en br̄e de Droit si ieo pled a ceo que va al dr̄ le grād assise serr̄ priz de quel ieo nauera iammes atteint. Et si ieo plede vn collateral warr̄ ceo serr̄ trie ꝑ vn enquest de q̄l si diont faux serem̄t il auera atteint issint icy. ¶ Hals, il ne serra en grand assise plusours que en aut̄s enquests ils auer iiii. lisours, mes quaūt lenquest est iurr̄. il serr̄ dischargꝭ, & sils soient pris sur le mer̄ dr̄t, latteint ne gist deuers eux, & si sur collaterall matter latteint gist bn̄. Et ieo croy q̄ nest pas questiō, mes iointenance & nontenur̄ serra trie ꝑ aut̄ ꝑ enq̄st q̄ &c. ¶ Rolfe. mon seniour W. Hankeford port̄ vn atteint sur vne vdit dass. car pled fuit enuers luy en assise q̄ il ne fuit vnques seisie q̄ poet estr̄ disseisie. Et lassise troue q̄ il ne fuit vnquez seisye ꝑ q̄ agarde &c. q̄l ne prist riens sur q̄l verdit il port̄ atteint, & assign̄ le faux serement en ceo q̄ ilz dis. q̄ il ne fuit vnq̄s seisie &c. & le graund Iurr̄ pris troue q̄ il fuit ssie & en tant dis faux serement & oustre ils trouer̄ q̄ il fuyt dissi, & q̄ux dam̄ il auer ꝑ ceo dissi. Et tout ceo mat̄ nest ꝑ cell de faux serement ꝑ que &c. mat̄ bn̄ debat̄: & a darrein Cheyne dit q̄ aut̄s merueillōt de luy q̄ il voet tarier si longe sur tiel mat̄. Et il semble q̄ la iurr̄ sra pris & auxi il dit q̄ luy sēble q̄ home auera atteint enuers ceo iurr̄ sils passent sur aut̄ chose q̄ sur le faux serement & ceo atteint serr̄ ꝑ xlviii. car noꝰ nauomꝰ nul ley mitte, quant des ꝑsons serr̄ en atteint, mes ꝑ ur̄e discretiō ꝑ q̄ donques nous priomꝰ fair̄ xlviii. atteindr̄ xxiiii. dun issue collaterall come rel &c. come ceux deuant fuer̄ xxiiii. atteindr̄ xii. ¶ Fulthorp. si fayt oue tesmoigne soit pled & lēquest passe en le affirmatif, home nauera d c̄ atteint, & puis vn grand iurr̄ fuit chall pur ceo q̄ vne M. H. fil luncle m̄ cesty T. H. s̄ fil I. frer̄ R. H. pere m̄ cesty T. H. fuit marie a vne Nicholl Durry vncle m̄ cesty W. Durry pl & ceo trouer̄, & aiudge principal challenge, & fuit tret &c. mes Rolfe tient que le plee que le iurr̄ pled ne gist p̄ en son bouche & issint tiendr̄ plusours. Car dit fuit q̄ le iurrour ne plede nul ple, si non sieux q̄ luy purroit excus de faux serement, et vnques en le bouche q̄ il gis. c̄ ne fuit plee si non al iurroure: vide bn̄ de tiel mat̄ xl. en [Page]iurr̄ dut̄, car dit fuit la que chescū reū que est triable & le iurr̄ si lexcep̄ c̄ ne va al ꝑson ou autermēt chose en darr̄ le pl ne reuendr̄ a eux cōe ioynt̄ saūs fait nontenor & huiusmodi, mes si va al ꝑson cōe adire q̄ le pl est couert d baron ou tieux &c. le pl respondr̄, quar tieux chose come couert &c. ne sord del terre ꝑ qui &c. mes pour ceo que Rolfe auer clere matter il ne voill este delay, mes prist lissue &c. vt supra. Et vide xxvii. & xxiii. en les ass le tenaunt dis. q̄ le pl m̄ fuit seisie del franct̄, & fuit dit la q̄ ne fuit plee fors (que) al ass, mes spontanea voluntate le pl respondr̄ a ceo vide la et cetera.
4 Br̄e dētre EN briefe Dentre ad terminū qui preteriit en le post port̄ per vne D. vers A. dun les fait ꝑ vne T. launc̄ le dd a vn A. a la vie le dit T. le q̄l t̄me est ore passe. ¶ Neuton. vouz aues cy le dit A. q̄ vouche a garr̄ vne I. & K. sa fem & vn M. come files & heir̄ vn I. H. les q̄ux ꝑ proc̄ viendr̄ einz & entrer̄ en le garr̄ & trauers lacciō le demaūd sur q̄ vne Nisi priuz agard deuant Martyn, a q̄l iour le baron & la feme fir̄ def. & lauter apparust per que ils successer del prendr̄ del enq̄st tan (que) al iour en banke pur este auise a q̄l iour petit Cape fuit ag. del moite vers le barr̄ & son feme. Et sic vid q̄ apres q̄ les vouch. son entre en la garr̄ tout proc̄ le ꝑdist enuers eux, et idem dies a laut̄ & al iour de petit Cap̄ r̄ le bar̄ fist aut̄ def. & la feme pria deste resceu a defendr̄ son droit. ¶ Chaunt̄ il sēble q̄l nest receiuable, car lestat̄ nest a entendr̄, mes lour briefe est port̄ vers le baron & son femme. ¶ Babington il est nul mischiefe, car la terre r̄ vers le baron & sō feme per def. en vn vouche le fēe auer Cui in vita auxi bn̄ come de terr̄ rec̄ ꝑ def. en vn br̄e port̄ vers le bat̄ & la fēe et auxi le vou pledr̄ rel del terr̄ en dd. Voucher 214. ¶ Browne clerke il semble q̄ le petit Cap̄ duist isser̄ del entierte. Quar̄ si ii. soient vouches come heire & lun ad ꝑ discent en posses & laut̄ riens il rec̄ tout l garr̄ vs celuy q̄ ad, adonq̄s si celuy q fist def. auoit per discēt & laut̄ riens donq̄s ne recouer le t̄ fors (que) pour la moitye del garr̄ que ne serra reason.
5 Entre IOhn̄ Compeleston W. S. suer̄ br̄e Dentre sur dissin verz M. que fuit la feme I. Stone & T. S. proc̄ sue tan (que) pled al enq̄st sur q̄ vne Nisi priꝰfuit grāt̄ a q̄l iour les ꝑties dd & les dd apperer̄ &c. & T. S. appere ꝑ attorn̄ & M. apper̄ ꝑ attorne et ne mr̄a garr̄ ꝑ q̄ls dd dis. q̄ voꝰ veres bn̄ coment M. appere ꝑ attorne & ne mr̄e garr̄ ꝑ q̄ nous priomus que vouz recordes vn def. & lattorne dit q̄ son garr̄ fuit en la Chanc̄ ꝑ que le Nisi prius fuit dde & larray chaleng et quasse & al ioure en banke M. ne myst nul garr̄ ꝑ q̄ ils p̄er̄ petit Cape en droit del moitye. ¶ Godred. il nauer petit Cape, car tout est discontinue, car ap̄s challeng. il prister̄ lenq̄st en q̄l tout vst este discontinue surcesse tan (que) en banke ꝑ qui moy semble q̄ sra ore come al cōmencem̄t deuāt Nisi prius grant̄. ¶ Cottesmore, lenq̄st fuit bn̄ pris, car el poet auer surrendr̄ tout q̄ ē el fuit & laut̄ aū lenq̄st pur laut̄ moitye, car est diuersitie en ceo cas et de grand Cap̄, car si Pr̄ quod redd soit port vers ii. & lun al som̄ fait def. & laut̄ apꝑt graunde Cape isser̄ del moity et cesty q apꝑt ne respondr̄ tan (que) le graunde Cape soyte r̄ [Page 7]pur ceo q̄ a cest iour cesty q̄ fait defaut puit accept̄ lentier tenāce & sauer son def. mes quaūt ils ont accept le tenaūce accordant noꝰ sauomꝰ bn̄ dō q̄s q̄ nest nul mischief, car chesc̄ de eux puit ꝑdre c̄ q̄ atteint a eux. ¶ Martyn. moy semble le contrary q̄ lenq̄st ne serra pris tanq le petite Cap̄ retorne, car si cesty q̄ fait def. viēt et le dd tient al def. & il sauera la def. tout le br̄e abar̄ donq̄s en veyne serra pur prendre enq̄st deuāt q̄ la court soyt ou cert̄ si iudg. poet este don̄ sur ceo &c. ¶ Babington. moy semble le cōtrarye & q̄l enq̄st fuit bn̄ pris, car mes (que) il fist def. sil ne saue son defaut donq̄s est lenquest bien pris et le dd auer iudg. del vne moity ꝑ son def. et de laut̄ moity ꝑ verdit &c. donq̄s est ceo le puis prochein & hasty remedy et sil sauer def. dō q̄s le br̄e abat̄ & le pris del enq̄st nest q̄ vn labour al court & nul mischief a nulluy ¶ Strange, nr̄e ley est puis tost suffer̄ vn mischiefe q̄ vn inconueniense cerra don̄ cest enq̄st ioure & est saūs iour, car si lenq̄st serra pris donq̄s lenq̄st serra discharge pur cest issue et si al iour de petit Cap̄ returnabl le dd rel sur def. comēt aueromꝰ proc̄ deuers cest ēquest noꝰ ne priomꝰ, car ils sont discharges pur le prim̄ issue & ii. enquestes ne purront este sōme en vn issue et s en ass. si le br̄e soit seruy vs touts fors (que) vs vn lassise ne serra pris et auxi en tn̄s si plusors pledent al enquest & al prim̄ iour del enq̄st ret̄. s̄. lun des def. fait defaut lēquest ne serra priz pur ceo q̄ inconueniēt serra pur faire lenq̄st auer iour et este saūs iour pur q̄ le proc̄ serr̄ en tiel forme les Iustic̄ de Nisi priꝰ deuer recorder tout &c. ē banke et donq̄s le petit Cap̄ serra agꝭ & si al ioure &c. retorne il vient & le dd releas le dd donq̄s sur le prim̄ issue le dd aūa Habeas corpora vers l prim̄ iurre perentre luy et les ii. et ceo & sil ferr̄ defaut tout le briefe abater dōq̄s est tout detinue ꝑ que &c. ¶ Cottesmore. q̄ le dd releas le defaut le tenaūt il repled tout de nouel quod Martyn & Babington luy denyer̄ ¶ Babington, lenquest ne fuit pris pour que noꝰ nauomꝰ garr̄ darguer, quar nient fuit faite fors (que) larraye quasse pour que dd el & si el ne vyent noꝰ voillomꝰ este auise ascū dis que ne voꝰ p̄ del dder pour ceo que il fyst def. al Nisi priuz ore daiudgꝭ quāt son garr̄ est si prist &c. & puis el ne prist per q̄ petite Cape fuit agarde et lauter tenaūt auer idem dies et nul proces enuers lenquest ne aut̄ riens fait tan (que) al iour de petite Capias returnable &c.
6 Trespas. EN banke le roy vn R. fuit condempne en Tn̄s al suit vn T. & deuaunt exec̄ agꝭ le pl releas al def. &c. et non obstante R. fuit pris per Cap̄ ad satisfaciendū et cesty R. pria Scire facias sur cest mat̄ enuers T. pur respondr̄ al releas retorn̄ a cert̄ iour a q̄l iour T. viēt et dedit le releas & al Nisi prius T. fist def. & cest mat̄ retorne en banke le roy R. priast q̄ il puit aler quite. ¶ Hals, il est diuersitie de part le pl & de parte le def. car si ieo port̄ br̄e de Dette enuers vn home ꝑ oblig. & le def. dedit le fait & puꝭ fait def. lenq̄st serra pris ꝑ sō def. et si le def. pled releas et le pl dedit & ap̄s le def. fait defaut il serr̄ cōdempne pur ceo que il ad conus loblig. et auxi en c̄ q̄ il pled le rel il est actor et pur c̄ q̄ il ne maint̄ le plee il serra condēpne [Page]mes si le pl fait defaut il serra nonsuy & en cas T. ad leffect de son suyte & R. est pl en le Scire fac̄ per q̄ moy semble q̄ il duist este enquis & puis &c. ¶ Cheyne, Hewster & Browne diont q̄ il est comen cours q̄ il fait def. ē Scire facias ap̄s garn̄ fait q̄ il auera effect de son suite & leffect fuyt per conustr̄ le fait donq̄s il garn̄ vt s̄. ꝑ que &c. Et puis Westbury alast en le comen place pur auer lour auise. ¶ Cottesmore, moy semble q̄ il aler̄ qte, car coūt̄ baille en man̄ vne nonsuite del pl. ¶ Babington. non il q̄ porter̄ le Scire fac̄ est pl en ceo suite & cesty q̄ fuit pl en le prim̄ originall est def. a ore & ne puit estre nonsuy pur c̄ q̄ loriginal est determine ꝑ que moy semble q̄ ceo duit este enquis. ¶ Browne & Hewster diont q̄ il ira quite, car le mater de Scire facias demaunde q̄ si le def. en Scire facias apres garn̄ tesmoigne a ascū iour fait defaut il auer le chose q̄ il dde & si Scire facias issist sur le rec̄ de Dette rec̄ ou dam̄ & trespas & le vic̄ ret̄ Scire fac̄, & ap̄s il fait defaut il auera le chose q̄l il demaūde pur q̄. ¶ Cheyne agꝭ alera quite.
7 Dette EN br̄e de Dette sur vn oblig. port̄ ꝑ vn Iohn̄ D. vers vn T. ¶ Neuton nous fesomus ensellamꝰ & liueramꝰ cell fait a vn aut̄ I. D. et nemye a voꝰ iudg. si accion. ¶ Chaunt̄ donq̄s il dirr̄ niēt sont fait. ¶ Cottesmore, il ne puit dire einsy, car il ad conus le fait, mes nemy a voꝰ pur auer acc̄ mes sil vt dist q̄ le fait fuit fait ꝑ vn aut̄ & nemye per luy il serra chase de p̄ndr̄ issue nient son fait & puis lessue fuit pris que le fait fuit fait a luy en le man̄ cōme il ad coūte prist dauerrer, & alii econtra &c.
8 Dette. VN home fuit vtlag. en vn br̄ de Dette ꝑ nosm̄ de Dogwera & le proc̄ continue ꝑ le nosme auantdit & ap̄s issist vn Cap̄ vtlag. pur prendre Dogwera ꝑ force de q̄l le vic̄ prist vn le q̄l dit q̄ il aūa a nosme Dogwer̄ & nemy Dogewera & entaunt que le proc̄ al Capias issist sans originall pria destr̄ discharge & le attorney le pl dit q̄ il est mesme le person que est vtl. ¶ Neuton vn des seriantes le roy pria entant q̄l est mesme le persone q̄ est vtlag. q̄ il soit maūd al Flete. ¶ Chant', sra il ad m̄ le nosm̄ q̄ est compris deins le capias, mes nemye tiel nosme q̄ est compris deins le record de vtlagar̄. ¶ Fulthorp. posito que ieo sue demurrant en Dale & briefe est port̄ enuers moy per nosme Thomas Fulthorpe de Kent & vtlag. ꝑ tyel nosme et puis pris ieo dirr̄ q̄ ieo sue de Dale & nemy de Kent & serra discharge si mon auerem̄t soit troue mes (que) moy en m̄ le man̄ sil appell moy dun art lou ieo sue daut̄ art pur ceo q̄ ne poet estr̄ mesm̄ le home issint icy Dogwra nest pas Dogwera. ¶ Strange, vous dits voier aut̄ment lestat̄ de addicions serra de riens, car lestatut voet de q̄l vill mestier̄ countye &c. donq̄s sil soit dun vill & voꝰ luy nosmes daut̄ vill ne poit estre entendue mesm̄ le pers & si soient ii. dun nosme & dun meister̄ tout accordāt si cesty q̄ nest emparle vient deuant exigente per proces & le pl dit q̄ il nest m̄ le ꝑson donq̄s il dira a luy vne addicion, mez ap̄s lexigēt est mys a br̄e de Idemptitate nominis & ꝑ cel voie serra remedy & si vne soit vtlag. & l pl ad enterlesse le vill le meister̄ oule countie donq̄m est mys a briefe derrour ꝑ que vn enq̄st issist pur enquerer sil abater ad a nosm̄ Dogwra ou [Page 8]Dogwera pur le roy.
9 Scire fac. SCire facias hors dun fine ꝑiii. vers deux & les parties ddants & vn dez pl apparust & vne auter fist defaut & le tierce esson̄ & bn̄ argue si essoyne girra pur le pl entaūt q̄ puit soy mesme delayer pur ceo que delayes sont oustes en Scire facias la courte ne voill suffrex le pl estre essoine nyent pluis que le def. per que lesson̄ fuit quasse & Scire facias ad sequendum simul enuers cesty q̄ fuit esson̄ & laut̄ q̄ fist def. & les deux t̄ ddes garnis lū fist defaut. ¶ Neuton pria exeē de moyte. ¶ Browne, ceo ne poies auer deuant les auters q̄ sont oues (que) vous soient seueres ou autermēt nosme &c. mes le def. serra recordes & al prochein iour si son compaigniō ne voet accept̄ lentier tenance vous aueres execution, quar ore cesty q apꝑust ne poet riens pled deuaunt le proschein iour per que il auera idem dies & cetera.
10 Forg. de faux fatis. TRegasse we suit vne br̄ de Forg. de faux faits vers deux & fuer̄ a issue Venire facias sui et al Habeas corpora retorn̄ octauis Trinir̄ le iurr̄ apper̄ et iiii. de les parties & le iurr̄ demaūde touts apꝑer̄ & les Iustices commaunder les parties pour demurr̄ & auxi les iurr̄ fuer̄ commaūdes sur cerr̄ peine pur demurr̄ et que ilz ne sroiē thors de court null iour sur peine &c. et iii. iours apres les parties ddes & vne des def. apparust per attorn̄ et getta proteccion si cest proteccion serroit allowe ou nemy sont &c. ¶ Chaunt̄. moy semble que la proteccion serra allowe, car tout est vne mesme iour et les Iustic̄ ne purront finer tout a vn iour, et posito que le pl vst relesse al def. puis quarto die il pledr̄ ceo auer especiall entr̄ & autiel cas de protection fuit en banke le roy ꝑ entre halome &c. Et come ceo est a la protecc̄ allowe et especiall entr̄ fait issint icy ꝑ q̄ &c. ¶ Paston, moy semble le contrary, car posito q̄ vn home pria eide de roy ad iour en cer teine pour auer Procedendo al optas de Trinitie & a ceo iour il apperust et les Iustices ne font riens et vne semoigne ap̄s il est dde et il ietta ꝓteccion Procedendo port̄ date puis octauis le q̄l piert per recorde que ne vaut et naccord mye en q̄l cas si nous deuomus ascū iudg. ou fesour ascū rien il serroit errour apparant issint icy ꝑ que &c. ¶ Babington. moy semble le contrary et en br̄e cas gr̄a argumenti ieo grante biē, car noꝰ nauomꝰ nul poiar deuan̄t Procedendo et puis respit̄ luy quant nauous power il serroit erroure, mes en cest cas nous auomꝰ power tout le terme solon (que) nr̄e discretion nest que vn iour diuers respectibus & si soit dde a vn temps de iour et appiert et nous ne fesomꝰ riens si aprest le partie relessa a luy il pleder̄ et si la court ne face ascū ryens iusq̄s vne ioure apres et il pled releas portāt date puis oct̄ vnc̄ pur ceo q̄ nr̄ power fuit pur eux fair̄ demurrer sur nostre leyser et la partie ad extient son acciō nouz deferomꝰ iudg. solonc ceo que nous veiomus & especiall entre serra fayt en le cas en touts tielx cases de chose port̄ date puis le cōen en iour et si Nisi prius le def. ietta proteccion et les Iustic̄ preignent lenquest & deuant le iour ē banke la partye sue repell a cest ioure en banke tout cest mattēr mr̄e les [Page]Iustic̄ dōner̄ iudg. solonc c̄ que lenquest dit, car tout est vn iour en leye diuersis respectibus et a especiall entre serra fait sur tout cest matter per que moy semble la protection allowable. ¶ Martin, a mesme lentent & fist mesme largument come Babington, car fist hors del place &c.
❧ Imprinted at London in Fletstrete within Temple barre at the signe of the Hand and starre, By Rychard Tottel the vi. day of December in the yere of our Lord. 1574.
Cum priuilegio.