Rachitis primariò fundatur in constitutione naturali.

OLim cùm Parcae filum secuere senile,
Jám (que) malis annis (que) graves è luce cadebant,
Ipsa lubens fatis veniam Natura rependit:
Est mistum pietate nefas, non utile pondus
Tollere de terris: sed (proh) nunc gnara malorum
Infelix Nemesis methodum, pejore triumphans
Pompâ, laedendi mundi vitalia vidit:
Non spoliis contenta suis, audaciùs urget:
Nascentes morimur, viridi latet anguis in herba:
Et connata lues, ignota prioribus aevis,
Imminet exitio; Non incunabula sana:
(Seu Gentis, culpâve suâ, vitióve parentum)
Hinc gibbosi humeri, distortáque crura labascunt,
Languida pressa suo succumbunt pondere membra,
Nunc huc, nunc illuc, exemplo pinguis aristae,
Fertur, & incerto vacillat mobile dorsum:
Artus laxantur, caput inflatúmque tumescit.
Non cor, non cerebrum primò conamine vexat,
Mens infracta manet, fragilis sed corporis usus,
Desertórque animi fallax sua munia prodit.

ERGO

Non casu impositum est, nec fictum nomen inane,
Parte at, quâ radix morbi fundata, petitum.

Actio non est ratio forma­lis Sanitatis.

VIdimus iratos properare ad praelia ventos
Carcere dimissos? fremitú (que) insurgere, terras
Et coelum miscere, ac obvia quaeque tumultu
Insano rapere? Hos oculi premit Aeolus ictu;
Ad sedes revocat, luctantes carcere fraenat;
Dat pacem rapidis, coelo, terraeque quietem.
Vidimus undosi sopitas aequoris iras
Imperio, Neptune, tuo; frontémque protervam
In risus abiisse, minas posuisse severas,
Difficilémque hyemem coelo mutâsse sereno.
Túque valetudo, (quae Antiquis Diva Dearum)
Compescis morbos, bellum mortém (que) minantes
Humano generi, dupléx (que) malum Ignis & Undae,
Humorum placidè mulces, subigisque tumultus.
Pax Microcosmi, Naturaeque optima crasis,
Aegris das robur, morbisque furentibus offam.
Fe [...]sa minister [...]is,, so [...]o subeunte, quiescunt
Corpora, sana tamen; Nec fiunt protinus aegri,
Munere qui cessant. Quid enim? num claudus habe­tur
Qui non saltu agili (que) choro volat ocyor Euro?

ERGO

Non hic aeger erit, poterit quicunque valere,
Non qui agit, hic sanus; Qui valet, ille valet.
Resp. Dre Stoyte Coll. S. Joh. Soc.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.