Epitaphium honorabilis & prudentissimi viri, domini Johannis Warneri celeberrimæ Reipublicæ Londinensis prætoris, patris patriæ optimi, in ipso exitu magistratûs, anno Christi 1648 nocte præcedente diem 28 Octobris, piè mortui, & 16 Novembris solemniter sepulti.

Author: Sictor, Jan, 1593-1652.1648

[Page]

EPITAPHIUM Honorabilis & Prudentissimi Viri, Domini JOHANNIS WARNERI, Celeberrimae Reipublicae Londinensis PRAETORIS, Patris Patriae optimi, in ipso exitu Magistratûs, Anno Christi 1648 nocte praecedente diem 28 Octobris, piè mortui, & 16 Novembris solemniter sepulti.

WARNERUS meritis Praetor dignissimus Urbis

Officio excedens cum vitâ, nocte supremâ,

Deposuit gladium, sceptrum Regale, Sigilla,

Thesaurum, fasces, &, quid Respublica Magna

Juris habet, Successori cum laude reliquit.

Annua gesta Viri, Civilis tempore belli,

Totque catenatos curarum mole labores,

Curia testetur, Populus, Civesque Togati,

Et Patriae ex Patribus viginti quinque Senatus.

Corpus in hoc tumulo; mens coeli est sede reposta.

CHRONOGRAMMA ejusdem obitûs.

Mort VVs hoC anno VVarner Vs Cons VL In Vrbe,

LVCe qVater septenâ oCtobrIs noCte prIore.

aeviterni monumenti loco, moerens posuit

Joh. Sictor,

exul Bohemus.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.