BENEDICTIO MENSAE.

Ante Prandium.

PRIMARIUS incipit.

Benedicite.

Bibliotista.

OCuli omnium in Te sperant Domine.

Respons.

Et tu das illis escam in tempore oppor­tuno.

Bibliotist.

Aperis Tu Manum Tuam.

Respons.

Et imples omne animal Benedictione Tuâ.

Bibliotist.

Gloria Patri, & Folio, & Spiritui sancto.

Respons.

Sicut erat in principio, & nunc, & semper, & in secula seculorum. AMEN.

Bibliotist.

Κύριε ἐλέησον.

Resp.

Χριστε ἐλέησον.

Bibliotist.

Κύριε ἐλέησον.

PATER Noster qui es in coelis, Sanctificetur nomen Tuum. Adveniat regnum Tuum. Fiat voluntas Tua sicut in coelo, sic & in terra. Panem nostrum quotidianum da nobis hodie. Et dimitte nobis debita nostra, sicut & nos dimittimus debito­ribus nostris. Et nè nos inducas in tentationem.

Respons.

Sed libera nos à malo. AMEN.

Tum Bibliotista cantat.

Jube Domine benedicere.

PRIMARIUS prosequitur.

MEnsae Coelestis participes nos faciat Rex ae­ternae gloriae.

Oremus.

BEnedic nos Domine, & Dona Tua, quae de Tua Largitate sumus sumptu­ri, & concede, ut illis salubriter nutriti, Tibi debitum obsequium praestare va­leamus, per Christum Dominum nostrum.

Respons.

AMEN.

PRIMAR.

DEUS est charitas, & qui manet in charitate in DEO manet, & DEUS in eo: sit DEUS in nobis, & nos maneamus in ipso.

Respons.

AMEN.

Post Prandium.
Finitâ lectione, & dicto Tu autem Domine miserere nostrî,

PRIMARIUS subjungit

Benedicamus Domino.

Respons.

Deo gratias.

Bibliotista.

ADjutorium nostrum in nomine Domini

Respons.

Qui fecit coelum & terram.

Bibliotist.

Confiteantur Tibi Domine omnia opera Tua.

Respons.

Et sancti Tui benedicant Tibi.

Bibliotist.

Benedicamus Patrem, & Filium, cum Spiritu sancto

Respons.

Laudemus & superexaltemus eum in secula.

Bibliotist.

Benedictus DEUS in donis suis.

Respons.

Et sanctus in omnibus operibus suis.

Bibliotist.

Sit nomen Domini benedictum.

Respons.

Ex hoc nunc usque in secula.

Bibliotist.

AGimus Tibi gratias (Omnipotens & Aeterne DEUS) pro universis Beneficiis Tuis, pro Vi [...]o recolendae memoriae Domino HUGONE de B [...] SHAM, FUNDATORE nostro Primario, [...] risque omnibus Hujus Collegii Benefactoribus.

Respons.

Benedictus in Illis sit DEUS noster in aeternu [...] [...] Memoria Eorum maneat in secula.

Bibliotist.

NObis verò famulis Tuis tribue, ut Eorum donis ad Nominis Tui gloriam, & Ecclesiae incremen­tum utentes, unà cum Illis atque omnibus qui in fide Christi decesserunt, ad coelestem vitam resurgamus, per Jesum Christum Dominum nostrum.

Respons.

AMEN.

Bibliotist.

DEUS pro sua infinita clementia Ecclesiae suae concordiam & unitatem concedat, Serenissi­mum Regem nostrum CAROLUM conser­vet, & pacem Regno universo, at (que) omnibus Chri­stianis largiatur.

Respons.

AMEN.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.