Aagé de 75. ans.
Pierre de Broussel
Conseiller du Roy en
sa Cour de Parlement de.
LA FRANCE A MONSIEVR DE BROVSSEL CONSEILLER DV ROY EN SA COVR DE PARLEMENT de Paris.
SONNET.
LA plainte, grace aux Dieux ne m'est plus defenduë
Et c'est l'vnique bien qui me peut consoler,
Ie puis dire auiourd huy qsue la voix m'est renduë:
Car sans toy de Broussel ie ne sçaurois parler.
La longueur de mes maux m'a si fort confonduë,
Que sans pouuoir crier ie me voyois voler:
Sans toy, noble Caton, apres qu'on m'a tonduë
Au gré des Financiers on m'alloit immoler.
Sans ma ioye il n'est rien de si grand queta gloire,
Il faut qu'en lettres d'or on trace dans l'Histoire,
Iusques cùde ton coeur le zele s'est porté.
Cette illustre action ne marque point de charmes,
Et pour le mieux apprendre à la posterité,
Qu'on sçache que pour toy tout Paris prit les armes.
DV PELLETIER.
A MONSIEVR DE BROVSSEL, CONSEILLER DV ROY EN SA COVR DE PARLEMENT de Paris.
SONNET.
LA plus haute Vertu doit ceder à ta tienne
Et ie n'en connoy point qu'on luy puisse égaler;
Des Grecs & des Romains la sagesse ancienne,
Reuit en ta Personne, & te vient signaler.
Toutefois elle prend le titre de Chrestienne,
Et chacun est d'accord qu'on ne peut l'éblanler;
Telle ne fut jamais cetre vertu Payenne,
De celuy qui pour Rome a voulu s'immoler.
Vn Illustre Consul mourut jadis pour Rome,
Et le Tibre pleura la mort de ce grand homme,
Qui voulut que son sang payât sa liberté.
La Frāce, grace aux Dieux, quoy qu'en dise le Tibre,
Parle plus hautement de sa felicité,
Puis que De Broussel vit, & qus la France est libre.
DV PELLETIER
A PARIS, Del'Imprimerie de Claude Morlor, le 15 Octobre 1648.