LA FRANCE, A MONSIEVR DE BROVSSEL, CONSEILLER DV ROY, EN SA COVR DE PARLEMENT de Paris.
SONNET.
LA plainte, grace aux Dieux ne m'est plus defendue,
Et c'estl'vnique bien qui me peut consoler,
Ie puis dire auiourd'huy que la voix m'est rendue:
Car sans toy De Broussel ie ne sçaurois parler.
La longueur de mes maux m'a si fort confondue,
Que sans pouuoir crier ie me voiois voler:
Sans toy, noble Caton, apres qu'on m'a tondue
Au gré des Financiers on m'alloit immoler.
Sans ma ioye il n'est rien de si grand que ta gloire,
Il faut qu'en lettres d'or on trace dans l'histoire,
Iusques où de ton coeur le zele s'est porté
Cette illustre action ne manque point de charmes,
Et pour la mieux apprendre à la posterité,
Qu'on sçache que pour toy tout Paris prit les armes.
DV PELLETIER.