PRONOSTIC MERVEILLEVX Sur l'estrange maladie du sreur Dom Diego d'Aualos.
Le Medecin Suedois.
ESPAGNOL dont lafaim n'est iamais assouuie,
Il vous faut rendre gorge ou bien perdre la vie,
Vous auez trop mangé,
Ce ventre monstrueux plein de tant de matiere
Menace tout le corps d'vn triste Cimetiere,
S'il n'est bien-tost purgé.
Ie suis Medecin GOTH, l'ancienne alliance
De nos deux Nations vous a sans deffiance
Fait suiure mes Conseils;
Ie cognois mieux que tous le mal qui vous possede
Et vous verrez tantost de mon puissant remede
Les effects sans pareils.
Ie vais vous nettoyer bien mieux qu'vn Hipocrate,
Les reins, les intestins, les poulmons & la rate,
Auectant de bon-heur:
Que le monde estonnéd'vnsirare spectacle,
Le publirapar tout comme vn nouueau miracle,
En me comblant d'honneur.
Mais ne vous faschez pas contre vne Medecine
Qui va rechercher le mal iusques à la racine,
Endurezses efforts:
Saigne, saigne François, ouure bien ceste veine,
N'esporgne point icy ny son sang ny ta peine,
Pour deschargerce corps.
Le Chirurgien François.
Monsieur le Medecin prenez la patience
De voir faire à vos yeux vn coup de ma sciēce,
En ce pauure perclus,
Ie m'en vay le seigner auecque tant d'adresse,
Que son sang espuisé, le ventre ny la gresse.
Ne l'empescheront plus.
Le Matelot Holandois,
Mon Maistre Capitan, ie suis trop charitable
Pour vous laisser souffrir le goust insuportable
De ce breuuage amer,
Ie ne sçaurois plus voir vos grimaces estranges,
Prenez de grace vn peu du jus de ces oranges,
Qu'on porte à nostre mer.
Le Caualier Suedois
Courage, Castillan, desia vostre mal cede,
Aux soins du Medecin dont le diuin remede
Trauaille à vous purger,
O dieux qui vid iamais de merueille semblable!
Vostre bouche vosmit des vaisseaux effroiables
Qui sont prest à nager.
Le Caualier Itallen.
Ces miracles inouis sans doute vous importe,
Continuez tousiours à vosmir de la sorte,
Efforcez-vous Senor,
Et puisque contre vous le Hollandois complote
Vomissez s'il se peut vne nouuelle flotte
Pour deffendre vostre or.
Le Caualier Anglois.
Oprodige nouueau! qu'elle estrange matiere
Fait ce gros Espagnol sortir de son derriere
O les beaux excremens!
Ce sont des patagons marquez au coin d'Espagne
Qui mettent à l'instant des soldats en campagne,
Et font des Regimens.
Le Caualier François
Tandis que l'on s'amuse Anglois tu t'acommode
De ce riche metail venu des Antipodes
Auec vn grand hazard,
Sen̄or, il faut creuer ou rendre par derriere
De ces pieces d'argent iusques à la derniere,
I'en veux auoir mapart.
Le Capitaine Espagnol.
Helas ie n'en puis plus, ie me meurs, ie me pâme,
Enfin ie rendray tant qu'il faudre rendre l'ame,
Vous me ferez mourir.
Le Medecin
Vous n'auez pas tout fait, Senor prenés courage
Il fandre bien vomir encore d'auantage
Si vous voulez guerir.
La Conscience.
Ha meschant obstiné que veux-tu done attēdre?
Apres auoir tant pris n'est-il pas rēps de rēdre
Ce qui n'est pas à toy?
Tu foule sous let pieds ta pauure Conscience,
Et tu ne peux souffrir qu'auce impatience.
Qu'on te parle demoy.
L'Europe.
Ie nesçaurois plus voir ce monstre de Nature
Que dessus vn fumier ou dans la sepulture, deuore,
Dieuxil me fait horreur?
Mes Soeurs exterminons ce corps qui tout
Voir tous les iours son vice, & le souffrir encore,
C'est estre dans l'erreur,
L' Affrique.
Pour moy ien'ēveux point sō ventre insatiable
Deuāt qu'ilfût remply me rendroit miserable,
Jla trop bonnes dents:
Maìs pour complaire encor àsafaim obstinée
Ie luy donne à ronger la nouuelle Guinée,
Qu'il se loge dedans.
L'Afie.
C'est tropprés demō biē & cenouueau mesnage
Luy feroit rechercher d'abord le voisinage
Et sans doute a mon dan,
Qu'il s'en aille plustost voir sous quelqu'vn des Poles,
S'ilse trouue de l'or a faire des Pistoles,
Oùdeux iours fontvnan.
L'Amerique.
I'y consens, & c'est-la que doit estre son centre,
Cét air luy sera bon pour descharger sonvētre,
Et gueris sa douleur
C'lest-là que sasanté quant & quant reuenuë,
Il se fera cognoistre en la terre incognuë,
Par sarave valeur.