ANE ADMONITION TO THE ANTICHRIstian Ministers In the Deformit Kirk of Scotland.
EXVRGAT DEVS ET DISSIPENTVR INIMICI EIVS.
1581.
To the Louing Reider
GIf pacience, vith confidence, of God hes had reuaird,
Gif reuerence, obedience, be giftis not a bill
Vith reason, but treason, humilitie be stabil
To Catholik, Apostolik, the victor is de-claird.
Gif periurie, and traitorie, be vyces venemous,
Gif sclander, can rander, his maister recompance
The Protestant so molestant, be al intelligence,
For hyi re, the fyi-re sal get of Cerberus.
Adieu.
TO Ȝou ministers, and Prelattis of perdition
This schedul schort I do direct in plane
Sen violentlie Ȝe haue fru-ition
Of that gude spous, quhilk man cum hame agane
My counsall is Ȝe think hir bot a lane
I mean the Kirk of CHRIST our Preist, and King
Quha for Ȝour thift I traist salbe Ȝour bane
That sathan for Ȝour saull may dergie sing
Quha hes samony saulis in error brocht
To Ȝou Conuoy to hel that Kindome dark
Sen miserable slauis lyk Ȝou hes euer socht
To be accumpaneit in all yair euill vark
Sa did our Lord the reprobat ay mark
As members of sedition and stryf
That maisters of ane euill steik of vark
Sould ay detest the godlie vpricht lyf.
For sen the tyme that fals Apostat preist
Ennemie to Christ and mannis saluation
Ȝour maister Knox, that vicked venemous beist
Vas chaissit from the Inglish nation
And come to Ȝou to preiche abhomination
In Scotland sumtyme Realme of re-noun
Extreme hes bene that deso-lation
Ȝe haue sustenit in citie, tour, and toun.
The Lord behaldis Ȝour Knaucrie gret and small
Ȝour doctrine and Ȝour lyuis vicious
As of his sanctuarie Ȝe brak the vall
Lymmers violent, fals, and se-ditious
Sik Pestis var neuer send pernicious:
Be God our Lord to Pharao the king
As Ȝou quhom damnit Sathan Cerberus,
Hes placit ouer Christianis to Rigne
Sik man sik maister as is said
Sik trie sik fructe all tyme ve se
And as Ȝour maisters grund is laid
Lyk do the vallis and bigging be:
Father of leyis, stryf, and Iniquitie,
[...]entation, blaspheme, thift, and all the laue
Sik childrene hes he procreat to be
Duollaris into his Babilon Geneue.
That chyre of Antichrist, and deso-lation,
That hure of Babylon, and Prince of Atheisme
That Coup of poison for monie realme and nation
Blasphemand CHRIST leuand in Barba-risme
Counsall that fosteris heresie and scisme,
Vitchecraft, adulterie, and may gif Ȝe vill craue
Vith all the properteis of Sathannis drago-nisme
Place for the Antichrist in speciall is Ge-neue.
Mony be fosterit vnder this huris band,
Diuers in maners, Doctrine, and con-dition,
Varkmen to Nemrod quha thocht to reich his hand
Heich to ye heauins to haue fru-ition
Ane tour he beildit for tu-ition
From the deluge of valter him to saue
Nemrod is Luther, sone of per-dition
That romane Antichrist blasphemous knaue
Thus did proceid on pryd and pre-sumption
This vark attemptit contrar the michtie Lord
As Nemrod vas ane man of gret ambition
The halie vrit expreslie makis record
Bot quhen as he in place to haue adord
His God and makar quha strenth vnto him gaue
Began to big that tour a thing ab-hord
As may be callit the Babilon Geneue.
Then God for iust reuenge of that thair pryd
Diuersitie of tungis vnto thame sent
And vnto diuers cuntreis pat asyd
The varkmen of that monstreous intent
Quhilk the posteritie Iustlie may repent
That vnitie of speiche vas then dissoluit
Nane vnderstude quhat another ment
Vith confusion sua vas al thing in-uoluit.
Sua quhen Ȝour maister Lucifer the Deuill
Be Ȝou his kingdome planelie had e-rectit
Detractand CHRIST reddie to all euill
Cofferit vithin Ȝou for feir to be suspectit
God hes Ȝour tungis and myndis sa far deiectit
As nou dois vitnes Ȝour varkis and vritting is haill
Vith contradictions, and lesingis haill infectit
Prophane protestantis, lament, murne and beuail.
Efter that Sathan his horne begoud to blau
In diuers nations of Christianitie
To rais his kingdome tentation did sau
Into ye hairtis of men in all degrie
First to blaspheme the name of God so hie
Nixt of his sone from death that did vs saue
And then all sanctis, vith his mother MARIE
As planelie testefeis that Babilon Geneue.
Bot Ȝit quha vald of Scotland knau the stait
Ay sen the Ȝeir of God threscore and ane
In place of prayer it did imbrace debait
So Sathan led men steid fast be the mane
That nather Lord nor knicht he lute a-lane
Except his coup var vachtit out aluay
Seasonit vith blaspheme, sacrilege, disdayne
All godlie lyf, and cheritie to slay.
Attour that serpent of Ȝour deformation
In euerie toun and citie he arryuit
Realme, kingdome, cuntrie, or nation,
Vith all his micht and force ay still he stryuit
That lauchfull pastors of the Kirk sould be depryuit
And sacrifice of the Altar eik aboleist
Thus is Ȝour Antichrist be S. Iohne descryuit
Blasphemand CHRIST our king, prophet, and preist.
Denyand scripturis plane and places gude
Buikis, volumes, and Propheceis so treu
Maist plane Euangellis quhilk ar our saulis fude
Vrittin in the auld, and eik the Testament neu
Thus Sathan in Ȝour knauish luggis bleu
Stil to deny all treuth and veritie
Sua that amang Ȝou salbe fund richt feu
Bot ar infectit vith deulish blasphemie
Quhairfore sen nou thir thingis be manifest,
And tyme requyris amendement of missis,
Ȝour deulish heresie at al tyme can not lest,
Bot as God louis his flock sa he thame blissis
Lykuyse the visdome of the halie spreit ay vishis
That Christianis of the Kirk sould haue remeid
Go hence then lounis the laich vay in A-byssis
Kilt vp Ȝour Conneis, to Geneue haist vith speid.
Sen for loun Villox to be Ȝour crounal strang
Quhais heid and schoulders ar of bouk aneuch
That vas in scotland vyre enin Ȝou amang
Quhen as he draue, and Knox held steue the Pleuch
And Methuen seu adulterie so teuch
Behind thair heillis in fornication Ȝeid
Rou custe the vsurie hard be the beuch
Kilt vp Ȝour Conneis to Geneue haist vith speid.
Gudman his brother, and secretar man be
To register his prechingis of sedition
Practeces and propheceis of Nicro-mancie
Craig that Apostat hes in tu-ition
Venom and poison vill furneis Chrysteson
The lass he reueist at Berne: I haue not leid
Makbrair of vyuis fyue hes had fruition
And Blakuod four to Geneue haist vith speid.
Sua that ane metar man in my opinion
Can not be fund oeconomus to be
Na metar cuik nor Durie that fed loun
Chrysteson Ȝour trumpetour blauis loud and hie
His boss bellie ramforsit vith creisch and lie
Vill serue to be a gabion in neid
His heid a bullat vith pouldre far to flie
Kilt vp Ȝour Conneis, &c.
And that Ȝe vant na pastyme be the vay
Meluene can play the fule as Ȝe veil knau
Cairnis vill rin vod, and Brog vil go astray
Kinneir I gess to fling vil stand na au
Dauidson Ȝour Poët that skipper crous can crau
Sua that he knau the Iurnay to succeid
Leyn the fals preist vil sing base to blakha
Kilt vp Ȝour Conneis, &c.
Blak and Cahoune I trou vald follou sone
Sincere vagabundis and outlauis suthorne suorne
Vith sindrie vthers quha can not fal in tone
Diuers in maners, vnhappy, fals, forlorne
Thir may Ȝour Schone and buittis mak clene at morne
Thair sleikit tungis ar sua veil creischit indeid
Better gudgettis ar not of Scotland borne
Kilt vp, &c.
I man of force place ane afore a-nother
Amang the first I fauor flattering Brand,
Nixt men be Craig Apostat, paillard brother
I can not mark tua meater of the futher
Brand salbe furriour to mark Ȝou be the heid
Craig thou art clerk I can not find another
To preiche poison for the treu saulis remeid.
Smeton the baner to the I gif in gyding
Thou hes the thunder subtile satanical
To gar thame brek yair nekkis alreddie slyding
Thou hes refusit God, his kirk and all
Tentation, lichorie, libertie, haue maid the fall
Thou hes Blasphemit our prophet, Preist, and heid
O filthie tegre Baby-lonical
Display thy baner to Geneue haist vith speid.
Vnder the schaddou let Louson fut it steue
Scurgar of CHRIST quhilk is ane odius thing
Tormenting and burning of the pure may preue
For almous crauing his cheritie gart ding
Smeton thou grantis the kirk this day to rigne
Louson the same inuisible vil pleid
He is thy fallou fals veper maligne
Kilt vp, &c.
Vatson the monk vnthriftie campion
And gif he tyre veymis may capitane be
I vil not say bot braggand Forguson
Vich halflang suord sould clame to this degrie
The first is mutilat in the hand Ȝe se
The vther fed of bellie, erss, and heid,
The edge of suord for commentar seruis the
Kilt vp, &c.
Sen Furie cuikis it may staik the-ful veil
The fyre to big and scudle dischis clene
Baith at a scule inspyrit vith the Deil
Ȝour tungis scedicious and fals hes scourit bene
Ȝour equal stoutnes is manifestlie sene
Furie vith dag, and murrion on heid
Thou vith thy scripture call it halflang I vene
The peperit beif can tail Ȝe be the threid.
Syn for Ȝour vnitie in contradiction
Sa man Ȝour aduocattis and men of lau be hyrit
To pleid the caus and vecht of Ȝour opinion
Tak schairp and leslie tua vyse men veill inspyrit
Leslie to cum from lauis to Ȝou he fyrit
Schairp from Ȝou, vent to the lauis for neid,
As he vas vyse the vther planelie sk yrit
Gar paint thair baigis to Geneue haist vith speid.
And gif Ȝe feir betraying of yame baith
As may befal in mater of sik cace
Kilpont I traist vil let Ȝou tak na skaith
Bot strang and steidfast aganis the hil vald brace
Vnles his leggis var sair sing Ȝe allace
He hes the lauis and scripture baith for neid
Temporal Iuge, and prechour, double face
Ȝour meit ambassad for Sathan I conceid.
Tak Paterson Ȝour victuallis hail to keip,
That lordlie loun and sone of Italie
Blakburne man haue the pryd vnles he veip
Falset I gif to Glass and thom makghe
Sould not the Meluene sirris exaltit be
Sa veil the vay he kennis and can Ȝou leid
Scripture perqueir he hes sinistrouslie
Follou Ȝour gyde to Geneue haist vith speid;
[Page]Bot Ȝit Ȝe vant Ȝour trunscheman be the vay
That man be vyse and subtile lyk a tod,
The metest man for this office I say,
Is Adamson, in-Constant, heatar of God,
He is, at hame, and hes bene sua abrod,
Ȝe knau his last Confession maid Ȝou anger,
Discord amang Ȝou to mak Ȝour euins od
For gif Ȝe suffer he vil grou daylie strangar.
I gif Ȝou als to be the dispensature
Of Ȝour vnthriftie vaigis as thay follou
Cuninghame Bischop that drunkin blasphemature
For he subscryuit Ȝe knau: he can not hallou,
Except it be his cop, to sup, and suallou,
Gif Ȝe proceid to excom-munication,
For Ȝet not boyd of Glasgou vas his fallou
Thay thrie intendit to baneis Ȝou the nation.
Vynrame the loun he may not be forgottin
Quha leuis quhil God a vengeance on him send
He kneu the veritie, mensuorne, fals, and forloppin,
Dunkeson the knaue vil neuer amend.
Bot Ȝit gude Lord, quha anis thy name hes kend
may or thay de find for thair saulis remeid
Vith thy elect Arbuthnot I commend,
Althocht the laue to Geneue haist vith speid.
Balcanqual salbe corporal first in place
Denyand plane S. Petir vas in Rome
As he hes said into the kingis face
His maiestie be Ȝou had onlie kingdome
Planelie denūcit the tinsel of his fredome
Lyk as balquhannan vith his buke him fleid
The secund place hes litil Dauid home
Kilt vp Ȝour Conneis, &c.
The bangister Hayis salbe the vther tuay
Ane is the tyrane, the vther fals I vish
Dalgleish the couart may ga behind and say,
He may cum on the bakuart band to blis,
Lyndesay of leith tak thou thy pairt of this
Bennet but pintle may be the hand the leid
Denyit plane the lass that he could kiss
Vith michel als quha vranguslie baith leid.
Symson of Dumbar quhat sall I say of the
I knau thou vaittis Lieuténentis place to haue
I grant thy visdome soleid for to be
As kellochis dreame bearis vitnes ouer the laue
Sa may thou baldlie ane hear place cum craue
Var not thou seis full ill the band to leid
The less experience hes thou thy flock to saue
Kilt vp thy Connie to Geneue haist vith speid.
The vther number of the congregation,
Redaris, exhortaris, or quhatsumeuir thay be
That leuis this day into the Scottis nation
Let thame prepare, and hy thame haistelie
Vith bag, and baggage, pak vp richt suddanlie
Memoriallis, vrittingis, letteris, nedil, and threid,
For nou thair glass is run as Ȝe may se
Sua that of force to Geneue man thay speid.
Nou for Ȝour vage that Ȝe may byt and gnau
For euerie day I mak Ȝou assignation
To tak the curse and vengeance I can schau
Of infenit people into that nation
That cryis to heauin: Lord for thy passion
Delyuer vs from this bondage miserable
Quhair thy name is in abhomi-nation.
That the to serue thy seruandis may be abill.
Curse of the infantis gottin in adulterie
Fornication, Incest, filthie synnis all
Curse of the husbandis that leuis separatlie
From lauchfull vyf to the Adulteres thral
Curse of the people quha on the Lord do cal
For Pastors, and Sacramentis, the saulis remeid
Curse of the pure in nūber gret, and smal,
Quhom Ȝe haue scurgit, and hungerit to the deid.
Curse of the seik, lying in paynis strang
And sufferis dolor vith torment infenit
To quhoum in saul and body Ȝe do vrang
Barring auay that heauinlie benefeit,
And confortable sacrament, baith of drink and meit
As planelie testefeis that saxt chapter of Iohne
A neidfull meane vnto that kingdome sueit
As lykuse is that holy Vnction.
Curse of the Kirk our mother spiritual
Quhom Ȝe haue robbit and spul Ȝeit of hir richt
Curse of our Saluiour hir spous celestial
Quhom Ȝe deny pouar to haue, or micht,
And callis him lear: O ennemeis of licht!
Curse of the Bischops, and Doctors of his kirk,
Quhom he hes ordanit as ey-is of hir sicht,
Curse of the saulis quhom Ȝe keip in the mirk.
Curse for Ȝour breking of that Sacrament
And haly band of sacred Matremony
Quhilk Ȝe rebellis to Christis testament
Callis bastard: Double sonnis of Deuilrie!
S. Paul hes cursit Ȝou in this point I se
Moyses forbad Ȝou to giue the nichbouris vyf
To the vnlauchful husbandis cumpanie
Cursit be Ȝe in al Ȝour eage and lyf.
Cursit be Ȝe be CHRIST our saluiour
For breking of that godly ordonnance
Necessar office in kirk call it Ordour
Quhilk Ȝe bastard villanis of diffidence
In plane contempt of his preheminence
Lyk turk and Iou vith Sathan do detest
O vepers forgit of malice and offence!
Iudas sall Iuge Ȝou, and God sall scale Ȝour nest.
Ȝe mereit surelie for recompance and pane
A thousand cursis daylie at Ȝour rysing
Gif godlie Noë var leuand anis agane
He sould accuse Ȝour filthie, fals, misgysing
Of haly Kirk: Ȝour temerar dispysing:
Ȝe Sodometis discouerit hes hir members:
Cursit be Ȝe for that Ȝour il a vysing
traitors to God, and to Ȝour prences lymmers.
Cursit be Ȝe quhais tung did flame our Quene
Cursit be Ȝe, quha thocht to sell our King
Traitors to God: to Inglish men I vene
Ȝour treason strang Ȝour fyrie breist sall ding
Ȝe gat the purse, and vaitit better thing
To sel the sone, as Ȝe did fleme the mother:
Vnhappy clan, peruersit, and maligne,
The schip is vrang quhen Ȝe do steir the ruther.
Cursit be Ȝe for templis casting doun,
Cursit be Ȝe for Ȝour consente-ment,
To slauchter of that freind vnto the croun
Fructis of Ȝour faith, peruersit Iugement,
Treason, invy, slauchter, ar Ȝour intent
Sua that the godlie may not leue amang Ȝou
I traist to se the day Ȝe salbe schent
That for thir faultis King Iames the saxt sal hang Ȝou
And als of liberalitie sal Ȝe haue
The malediction of God omnipotent
His name, Angellis, sanctis, and al the laue
Quhom Ȝe blasphemit hail, vith villis bent,
Coniurit scurriors of the Antichryst repent,
Leue of in tyme Christis people to deceaue
Vnles Ȝe vald incur ye Iugement
In hel to duol vith Pluto leying knaue.
Restore, thy glore, O lord I the beseik
Indeu, vith treu, intelligence thy flock
Thou scis, the leyis, thy ennemeis seik
Thy name, to blame, as thay haue thy Rock S. T.
Cum lord, ac-cord, reneu thy ȝock
That teichers, and Preichers, had in thy Kirk
Auail, preuail, destroy the block
That vurkis, thir turkis, aganis the in mirk
That ve may sing, thy Pray-se benigne
To the condigne, O-ur Lord and King.
AMEN.
FINIS. DEO GRATIAS, &c.