Dieu et mon droit

TEnir per seruice de chiualer: est a tenir per homage foi alte & estuage & tret a suy garder mariage & relifꝭ ¶Et nota (qu) seruice de chiualer est seruice de terre ou de tenement pour armes porter en guerre en defence du roialme. & doit garder mariage & relief ꝑ la raison que nul est able ne depoiar et ne puit auer conusaunce darmes porter auaunt (qu) il soit dage de .xxi. ans. Et pour taunt (qu) le seignour ne perdera ceo (qu) de droit doit auer & (qu) la poiar de la roialme de rien ne soit enfeble. ¶Le roy voet per cause de sountendre age que soun seignour luy auera en sa gard tan (que) al pleyn age de luy: cest assauoir .xxi. ans.

tEnir per graunt sergeanti est si come vn home tient certeinz ter­rez ou ten̄tez de roy daler oue luy en soun host ou de trouer vn home pour porter soun ban̄ oue luy en ces guerres / ou a mener son host ou de trouer home darmes ou chiual ou hauberk ou tiel semblable. ¶Et la appent garder mariage et reliefꝭ: si come il appiert en le tretise de gardes et reliefs.

tEnir per petit sergeanti: est si come vn home tiēt de roy terres ou tenementez rendaūt a luy vn cotel / vn esai / vn cete / vn ar [...]e saūz corde / ou autre seruice semblable a la volunte le premer feffour come il appiert en magna carta capitulo .xxvi. Et la nappent garder mariage ne reliefꝭ. ¶Et nota (qu) home ne puit: enir pergrant seriauntie ne per petit ser­iantie sinon del roy.

tEnir per estuage: est a tenir per seruice de chiualer. Et il appent garder mariage & relief. ¶Et nota (qu) home ne puit tener ꝑ estuage sinoun que il tiegne per homage. pour ceo que estuage de comine droit represent a luy homage come il fuist aiugge en anno .xxi Edwardi tercii. ¶Et nota (qu) estuage est vn certen somme dargent. et doit estre leue per le seignour de soun tenaunt seloun q̄ le quantite de soun tenure quaunt lestuage court per tout engleterre. Et ordeigne est per tout le counceyl de engleterre (qu) chescun tenaunt donera a soun seignour. et ceo est ꝓprement pour ensteyner la guerre ꝑ entre engleterre & ceux de escoce ou de galeys et noun pas per entre autres terres pour ceo (qu) les auauntditez terres seroit de droit append a la royalme de engleterre.

[Page]tEnir per homage auncestrell est a tener per certen rent & nest pas a tenir per seruice de chiualer. et la nappent gard mariage ne re­lief. Et nota (qu) homage puit estre dit en deux maneres .s. auncestrell et homage de fait. Homage auncestrell est la ou vous ou vous auncestre ount tenuz de moy et mes auncestres puis le temps de noun memorie per homage sealte et certeyn rent. ¶Homage de fait est la ou [...]eo confesse vous mesmes a tener de moy per homage & rent. Et entaunt que cest homage comē ce per mon fait: il est nome homage de fait. ¶Et nota (qu) homage aunce­strell treyt a luy vouche. cestassauoir garrante del auncestres Mes noun pas homage de fait.

tEnir per la courtesie dengleterre: est a tenur et la ou home prent femme enherite et ont issue fitz ou fille & la femme deuie per cause de cest issue soit laisne mort ou en vie: le baron tiendra cest terre a terme de sa vie per la courtesie dengleterre et per la ley. Quar en cest cas le fee & le droit remaynent en la person celuy de (qu)il tient. Et pour ceo cest tenaunt ne puit pas aliene en fee ne a terme dautre vie. Et sil face bien list a celuy en le reuercion dentr.

tEnir en fee simple: est a tenir a ascun home ou femme a luy et a ses heirs & a ses assignes pour toutz iours.

tEnir en frank tenure: est a tenir a terme de sa vie demesne ou a terme de autre vie. Quar en cest cas le fee & le droit remaynent en la person celuy de (qu) il tient. Et pour ceo cell tenaunt ne puit pas alie­ne en see ne a terme de vie▪ & sil face bien list a celuy en que le fee & le droit demoert dentrer.

tEnir endower: est lou home enherite prent femme et deuie leir entra & endowera la femme de la tierce partie de tout ceo (qu) fuist a soun baron en sa vie en fee simple ou fee tayll. et elle tiendra cellez terres pour terme de sa vie come soun frank tenement.

tEnir a terme dans / nest fors (que) chatell enfecte quar null accion est mayntenable enuers le termer quaunt a recourer frank tenemēt quar null frank tenement est a luy ¶Lesse a terme dans est chastell real Et lautre chatell est toutz biens (qu) est moueable.

[Page]tEnir en morgage: est a tenir a certeyn terme sur condicion (qu) si le lessour paie tauntes deners a tiel iour (qu) il puit entrer & si noun (qu) lautre eit fee simple ou fee tayll ou fraunk tenemēt. Et en chescun cas lou terres ou tenementez sont dones a home a certeyn terme sur condicion de ꝑte le lessour pour faire le lesse auoir pluis longe temps ou terme si lautre ne face si come la condicion est les terres & tenementez apres le iour a (qu) la condicion ferroit fait font tenus en morgage / quasi en mortegage. ¶Et nota (qu) si terre soit lesse a vn home en morgage en fee simple ou en fee tayll sur condicion (qu) si le primer lessour come deuaunt est dit paie tantes des deners a tiel iour (qu) il puit entre & si noun (qu) le lesse eit mesme lestate en les terres (qu) le lessour luy graunte adepremes. Et si deuaunt le iour assis le lesse soit dissi il auera ass de no▪ dissm̄. Et en cas (qu) si le lesse prent femme & deine sesy deuaunt le iour assis sa femme serra endowe. ¶Et nota (qu) si le lessour apres la mort le lesse ne paie les deniers a le iour assis adonques la femme tiendra sa dower & lissue soun heritage. ¶Et en cas (qu) le lessour a le iour assis paie les deniers al heir de le lesse donq̄s il puit ouster la femme & leir auxi de tout la terre primerment lesse. ¶Et si vn home done ses terres a vn autr en la taill rendaunt a luy certeyn rent per an & vn entre pour defaut de payment le done p̄nt sa femme & deuie sesy: la femme serra endowe. ¶Et en cas (qu) apres le rent soit ade rere le donour puit entre & oustre le femme & leir auxi. ¶Et nota: (qu) si les terres soient lesses a vn home en morgage en fee sur certeyn condicion le lesse aliene le lessour serra chace de payer les deniers all aliene & noun pas a soun feffꝭ: come il est dit &c.

tEnir en Burgage est a tener et si come les burgoys teignent de roy ou de autre seignour terres ou tenementz rendaunt a luy vn certeyn rent ꝑ an. outremēt la ou vn autre home (qu) burgoys tient dascun seignour terres ou tenementz en burgage rendaunt a luy vn certeyn rent per an.

tEnir en Socage: est a tenir dascun seignour terres ou tenementz rendaunt a luy vn certeyn rent ꝑ an pour toutz maneres des ser­uices. ¶Et nota (qu) tenir ꝑ socage nest pas a tenir ꝑ seruice de chiualer ne la appent garder mariage ne reliefꝭ. mez ils doubleront vn foitz lour rent apres la mort lour auncestr solounq̄ ceo (qu) soleynt paier a lour seignour. [Page] Et ils ne serront oustre mesure greues: Come il appiert en la treatise de Gardes & de reliefs. ¶Et nota (qu) socage puit estre dit en troys manerys. s. Socage en fraunk tenur: Socage en auxien tenur: & Socage de basse tenur. ¶Socage en fraunk tenur est a tenir fraunchement ꝑ certeyn rent pour toutes maneres des seruices: come deuaunt est dit. Et de ceo le proschen [...]my aue [...]a le garde a (qu)i leritage ne pourra mye descendre tan (que) al age de .xiiii. ans. Cestassauoir si leritage veigne ꝑ le part le piere ceux de part la mier aueront le gard: & econtra. ¶Et nota (qu) gardyn̄ en socage face W [...]st▪ [...]erramye empeche de wast, mes il rendra accompte al heir quaunt il [...] a soun pleyn age de .xxi ans. Et ve [...]es lestatut de Mar lebrige capitulo .xv. pour cest matier.

¶Socage en anxien tenur: est a tenir en anxien demesne ou null briefꝭ court sors (que) le petit brief de droit [...]los (qu) est appelle Secundum consuetu­dinem manerii. ¶Socage de basse tenur: est ceo ou gens teignent (qu) ne soillent au [...] brief auoir (qu) le monstrauerunt pour [...]ux discherge quaunt lour seignour eux distreynt pour faire autres seruices (qu) faire ne duissent Et cest brief doit estr porte enuers lour seignours & ceux tenauntz ne teig­nent ꝑ null certeyn seruices. Et pour ceo ils ne sount pas fraunkes tene­mentz.

tEnir en fee ferme: est tenir en fee simple rendaunt a le seignor le value ou la moyte la tierce parte ꝑ an. Et ne doit autre chose fair: mes sicome est continu en le feffement. Et (qu)i tient en fee ferme doit faire fealte & nient reliefꝭ.

tEnir en fraunke fee: est a tenir en fee simple terre pledable a le comine ley.

tEnir en fee bas: est a tenir du voluntele seignour.

tEnir en pure vilenage est affair tout ceo (qu) le seignour luy voet cōmaunder. ¶La diffinicion de vilenage est: Vileyn̄ de sanke & de tenur. Et il est de (qu)i soun seignour p̄nt redemption de sa file ma [...]er ou soy mesmes eusun̄chise▪ Et cest (qu) le seignour puit oster des terres ou tenementz a sa volunte.

[Page]¶Et nota (qu) Sokmen nest pas pure vileyn̄ Ne vileyn̄ ne doit pas garder manage ne reliefꝭ ne faire autres seruices reals.

¶Et nota (qu) tenur en vilenage ne ferra null fraunk home vileyn̄ sil ne soit contenu puis le temps de uoun memorie. Ne vileyn̄ terre ne fera franke home vileyn̄ Ne frank terre ne fera vileyn̄ frank: sinoun (qu) letenaunt soit continue franchement puis le temps de noun memorie. Mes vileyn̄ fera frank terre vileyn̄ ꝑ ssm̄ ou ꝑ clam̄ son seignour.

¶Et nota (qu) si vileyn̄ pourchace certeyn̄ terre & prent femme & aliene & deuie deuaunt le clayme ou ssm̄ de soun seignour: la femme serra endowe ¶Et nota (qu) en cest cas (qu) le seignour porte precipe qd reddat enuers laliene le (qu)ll vouche agarrante le issue le vileyn̄ qui est vileyn̄ a la seignour il auera la vouche. Et ꝑ protestacion le seignour puit sauer (qu) noun ob­stante (qu) il plede oue vn vileyn̄ Et ꝑ ceo soun vileyn̄ ne serra mye enfraū chise. ¶Et nota (qu) bastard ne serra iammes aiugge vileyn̄ si noun ꝑ conisaunce de court.

¶Et nota (qu) si dette soit dene ꝑ vn seignour a vn fraunk home & il [...] face deux homes ses executours les queux sount vileyns al dit seignour & deine les vileyns aueront accion de dette enuers lour seignour nient ob­stant (qu) il plede oues (que) enx. & sil face protestacion ils ne serront ꝑ taunt en fraunchic / pour ceo (qu) ils sont a recourer le dette auaūtdit al oeps dun autre ꝑson. cestassauoir al oeps lour testatour & nient al oeps demene. ¶Et si se tenaunt endower eit vn vileyn̄ le quell pourchace certeyn̄ terre en fee & puis le tenaunt endower entre & aliene en fee celuy en le reuercion puit congeablement entrer. Et si soit estope de soun entre il auera brief dentre in casu prouiso: vt dicitur.

¶Et nota si vn home graunte a vn autre vn man̄ a quiplusours villey nes sont regardauntez pour terme de .xx. ans ꝑ especialte / & vndes villey nes pourchace certeyn̄ terres en fee simple le term̄ nauera greyndr estate en la terre pourchace (qu) il ad en la maner (qu) a luy fuist primer g [...]nte. ¶Et nota (qu) le seignour puit robber soun villeyn naufrer & chastyser a sa volunte salue (qu) il ne puit luy mahayme quar donques il auera appell de mahayme enuers luy.

¶Et nota (qu) vileyn puit auer trois accions enuers soun seignour scilicet appell de mort soun aunc. Appell de rape fait a sa femme. Et appell de mahayme.

¶Et nota: si deux ꝑceuers portent brief de Noiste & lun deux soit noun­suy le nounsuyt de luy serra aiugge la nounsuyt de ambideux issint que [Page] si le nouns [...]yt soit apres apparens ils serront ousies de cest accion a toutz iours▪ qar la ley est ti [...]l in fauorem libertatis.

¶Et nota: si deux ont vn vileyn en comine & lun deux face a luy vn ma numission: il ne serra mye enfraunchise enuers ambideux.

¶Et nota (qu) en brief de Natiuo habendo il couient (qu) le seignour monsir cement il adueigna priue de sank a celuy villeyn̄ de (qu)i il est seignour &c. Et sil ne nul de ses auncestr ne soit sesy de null de soun sank il ne gaynera sile vileyn nad pas soun en court (qu) ꝑt record luy estre soun vileyn. ¶Et nota (qu) en brief de Noifte ne pourront esire mys plusours neifs (qu) deux taun [...]solement. Et ho [...] introductum fuit prius in odium seruitutis. Mes en brief de libertate probanda pourront estre mys tauntz neifs come le pleyntif voudra.

¶Et nota (qu) si le neif de seignour soy fue en anxien demene de roy ou au tre vill preuelegie deinz lan & iour le seignour puit luy sesyr. Et sil demore en la dit ville ou lieu fraunchise par vn an & vn iour sauns le s [...]n̄ide soun seignour il nad mye poair de luy sesyr en apres sil ne va en estray dehors le suysdit fraunchise &c.

tEnir en le tayll est lou home tient certeyn̄ terres ou tenemētz et est enfeffe sur condicion a luy et a ses heirs de soun corps engendres & cetera. ¶Et nota (qu) si la terra soit done a vn home et a ses heus males et il ad issue male il ad fee simple. Et ceo fuist auigge en le parleament nostre seignour le roy. Mes (qu) lou terres outenementz sont dones a vn home et a ses heirs males de soun corps engendres: et il ad issue femall donques il ad fee tayll et lissue femall ne serra mye enherite: vt patet anuo decimo quarto Edwardi tercii en vn ass.

tEnir en tayll ap̄s possibilite de issue extient est: lou terre est done a vn home et a sa femme et a les heirs de lour deux corps engendres lun deux suruiue lautre sauns issue entre eux issant il tiendra la terra a ter­mede sa vie demene come tenaunt en le tayll apres possibilite dissue exti­ent. Et noun obstante (qu) il face wast il ne serra iames empeche de cell [Page] wast sait en soun temps demesne ꝑ fyn̄ ne null autr maner sil mesme ne veoit de soun eigne degre.

¶Et nota sil aliene celuyen la reuercion nauera brief dentre in consunili casu: vt dicitur. Mes il puit entrer & soun entre est congeable ꝑ Robertum Thorp chiefꝭ iustic de roy.

tEnir en fraunk mariage est a tenir en le secounde tayll limitte en lestatut de westm̄ secounde▪ capitulo primo. Et le feffour quitera le feffe de toutes maneres des seruices tan (que) le quart degre soit passe & le feffour fera toutes les seruices & suites durant la dit terme. Et puis les hei re [...]le feffele ferroit pour ceo (qu) le priuyte de sank est passe. Et sil soit distr por seruice il auera brēde mesne enuers luy supp̄ (qu) il nient lez terres de luy Mes il nauera pas le foriugement sil ne soit en auauntage de ses issues. ¶Et nota (qu) apres la quart degre soit passe il serra attendaunt des taun­tes des seruices a le donour come le donour est attendaunt al seignour per amount. Et sil face felonye pour quoy il est atteint le roy auera sa terre pr terme de sa vie naturell. & apres sa mort soun issue serra enherite come per force de la tayll. ¶Et en cest cas null auera sa terre per voie daschayt ni ent pluis (qu) en autre tayll. vt dicitur. ¶Et en cas (qu) le tenaunt deuie saunz heir de soun corps engendr: la terre reuertera a le donour come ferroit en la comine tayll. Et si home lessa sa terre a vn autr en fraunke mariage rendaunt a luy vn certen rent per an: il tiendra cest terre en le cominetayll & nient en fraunk mariage. Quar perle rent reserue cestes parolx in libe­rum maritagium sont tout oustreuient voides issint (qu) la tenur serra en­tenduz solonq̄ la tenur en le comine tayll.

¶Et nota (qu) le doun en fraunk mariage ad condicion annexe ad luy non obstante (qu) il nest pas expressement declare en le chr̄e del doun. vt patet ꝑ statut Westm̄ secounde. capitulo primo de donis condicionalibus. ¶Et nota (qu) home ne done pas terres ne tenementz en fraunk mariage fors (que) loule femme est p̄ue de saunk a le donour. quar autrement naue­roit home ne femme ascun estat ꝑ tiel feffet fors (que) a terme de vie.

tEnir en fraūk almoigne est a tenir terr ou ten̄tes por dieu seruir [Page] & seint esglise doner saune faire null manere de seruice sauns fealte al do nour ou a ses heires.

¶Et nota (qu) en cest cas le donour est mesne & luy doit acquiter fraunche­ment enuersle chief seignour. Et auxi ceux (qu) teignont en fraunk almoigne ne ferroit foialte. mes ceux (qu) teignout en fraunk mariage ferront.

tEnir per elegit / est lou home a recouere dette ou dam̄ ꝑ briefꝭ de­uers vn autre ou par conusaunce ou en autre maner: il auera de in [...] leir vers luy vn brief Iudiciall nome Elegit: dauer execucion del moy te de toutes ses terres & chateux exceptis bobus & affus a sa caruces tan (que) le dette ou les dam̄ soient oustrement leues ou payes a luy. & duraunt cest terme il est tenaunt per elegit.

¶Et nota sil soit ouste deinz le terme il auera ass de no. dissm̄ & apres vn reddi [...] si mister soit & cest don̄ par lestatut de westm̄ secōde capitulo .xvii. & auxi ꝑ le quite de meme lestatut cely (qu) ad son estate sil soit ouste auera assise & rediss si mister soit: noun obstante (qu) il soit done ꝑ mesme lestatut

Et auxi sil face ses executours & deuie & ses executours entront & puis scient oustes ils aueront ꝑ lequite de mesme lestatut accion come luy mesme suysdit. Mes sil soit ouste & puis face ses executours & deuie ses exe­cutours poutront entrer & sils soient estoppes de lour entre: ils aueront vn brief de trespas sur lour matere & cas.

¶Et nota sil face wafi en tout la terre ou en parcell cest home a quile droit appent auera enuers luy mayntenaunt deinz la teime vn brief Iu­diciall hors de la primier recorde (qu) est nosme Venire facias ad computandum par force de quel brief il serra enquissil ad leue toutes les deniers ou ꝑcell. & sil ad leue null dener: donques ser [...]a enquis oustre a quaunt le wasila mounte. Et sile wast amounte sinoun a la value dell parcell des dues deners quell sount a estre leues donques a tauntz des deniers del argent (qu) le wast amounta serra a brigge de la partye deles suisditz deneis quex suer a estr leues vers celuy (qu) ad droit. & donques serra il ent tout onsirement discharges & nient pluys serra fait. & lautre tiendra les terres wastes & les autres terres oustr tan (que) il ad leue lau [...]e parcell de ses de­ners suisdites. Mes nota sil ad fait pluis wast que le auauntdit sum­me dargent que fuist a estre leue a mounte par .xx. liures oustr celuy (qu) ad droit serra discharge mayntenaunt de toutez les deners suisdites / & re­couera sa terre pour la superfluite de wast fait oustre ceo (qu) a mounte a [Page] le dil summe il recouera ses dam̄ sengles / & mesme la ley est de ses execut & auxi de cestuy (qu) ad soun estat.

¶Et nota sil aliene en fee ou a terme de vie ou en la tayll tout la terr ou ꝑcell de la terre (qu) il tient ꝑ Elegit si le alienacion soit fait deins le terme ou apres / cestuy (qu) ad droit auera vers luy vn ass de no dissm̄. Et couiēt (qu) ils soient mys en lass ambideux laliene come lalienour: & noun obstante (qu) lalienour denie mayntenaunt vnquor cestuy (qu) ad droit auera vers laliene soul ass come sil vst este soun simple tenaunt a terme dans. & ceo ꝑ lequite dell estatut de westm̄ .ii. capitulo .xxio pour ceo (qu) il nad sinoun. chatell en effecte. Et mesme la ley est de ses executours & de cestuy (qu) ad son estate come est suisdit.

¶Et nota (qu) en Elegit si la ꝑtie pleynti / demaunde execucion de les terr (qu) le dettour auoit iour de reconisaūce fait si le vic retourne (qu) il nauoit rien iour de la reconisaunce fait. Mes (qu) il pourchase terr puis le temps: a douques la partie pleynt auera brief (qu) est appelle Fieri pacias. Mes la ley dun estatut marchaunt e [...] autre vt patetillar .xvi.

¶Et nota si home sue execucion de dette due sur vn reconisaunce per vn Fieri facias & le vic retourne (qu) le reconissour nad riens des terres [...]e des chateux il nauera null accion de terr ou chateux sinoun ꝑ Elegit: vt dici­tur a (qu)ll briefꝭ si le vic retourne (qu) il nad riens de terre ne des chateux le iour &c. le reconise est sauns recouere noun obstante (qu) apres le Elegit il reconisour happe chateux quar apres le Fieri facias lomme puit auer le elegit mes non econtra: en taunt (qu) le Elegit est de pluys haut nature que le Fieri facias.

¶Et nota / (qu) si home recouere ꝑ brief de dette & sue vn Fi­eri facias & le vic rotourne (qu) la ꝑtye nad riens dount il puit fair [...]ree a la partye cy auera donques le pleyntifꝭ vn Capias sicut alias & plur. Et si le vic retourne a le Capias mitte vobis corpus & il nad nens dont il puit faire gree a la partie il serra maunde a le Ga [...]le de Flete & illon (que) demoura tan (que) il ad fait gree a la partie ou autre pour luy▪ Et si le vic retourne / non est inuentus: adonques issera lexigent enuers luy vt dicitur. ¶Et nota (qu) en brief de dette porte deuers person de seynt esglise sil nad rien de la fee / & le vic retourne (qu) il nad riens ꝑ (qu)i il puit estre somme adō ques suera le pleynt brief all Eues (que) (qu) il face venir soun clerk & leues (que) luy ferra venir ꝑ sequestracion del esglise.

[Page]¶Et nota (qu) si home porte brief de dette & rec & face ses exec & deuie ils aueront execution non obstante (qu) il soit deiz lan ꝑ vn scire facias. ¶Et nota (qu) si home porte brief daccompte & rec & puis face ses execu­tours & deuie ils aueront vn nouell accion daccompte come fuit aiugge anno .xx. Edwardi tercii en vn Scire facias: pour quoy il ne doit pas accompter vt dicit ¶Et en cas (qu) home porte brief de [...]s des biēs emportes & rec & face execut & deuie ils aueront accion: non obstante (qu) il soit deins lan ꝑ vn Scire facias vt dicitur.

tEnir per lestatut marchaunt: est lou home conust a paier certeyn deniers a vn autre a certeyn iour deuaunt le mair baille ou au­ [...]re ga [...]deyn dascun ville (qu) ad poiar de faire execution del mesme lesta­ [...]ut. Et si le oblige a le dette come lestatut voet ne paye a le iour assis le dette & rien de ses biens terre ou tenementes ne pou [...]rount es [...]re troues deins le gard le mair ou gardyen̄ auauntdit. mes en autres lieux dehors don­ques le reconise suera le reconisaunce & lobligacion en vn certificacion all vic desouth le seall le roy & il auera hors de la chauncerie vn capias all vic de (qu)ll counte il est de luy prendre & mettre en prison: sil ne soit clerke tan (que) il ad fait gree de la dette Et vn quarter del an apres ceo (qu) il serra pris il auera sa terreliuere a luy mesmes pour fair gree a la partie de det [...]e. Et il puit vendre tan (que) il est en prison & savende serra bon & estable. Et [...]il ne face gree deins la quarter passe adonques le reconise puit auer brief de la chauncerie (qu) est appelle Extendi fac direct all vic dextendr ces terres & ces biens a luy & luy sesyr en les terres pour les tenir a luy a ces hei­res & a ces assignes tan (que) le dette soit leue ou paye. & ꝑ cell temps il est te­naunt ꝑ lestatut marchaunt.

¶Et nota (qu) si precipit qd redd soit porte enuers luy & il face defaute ap̄s defꝭ & celuy en le reuercion prie destre resceu il ne serr mye resceu: mes ssm̄ de terre serra agarde maintenaunt pour ceo (qu) le tenaunt ad si feble estat (qu) recouere den̄s luy serra aiugge vn dissm̄ a celuy en la reuercion / & surc [...]l p [...]ra auer bon ass. Et mesme la ley est del tenaunt ꝑ elegit. vt patet [...]illar .xvi. ¶Et nota: si execucion sur vn estatut marchaunt soit agar de a vn home per force de audita querela & deuaunt (qu) il ad pleyt execu­cion il face execu [...] & deuie ces executours naueront mye accion ꝑ Scir [...]ac Mes brief surlour cas hors de la chauncie a les iustic de tenir lour plee surlour suggestyon̄ & puis aueront m̄laccion come lour testacour vt dicit [Page] ¶Et nota (qu) en lestatut marchaunt le reconise auera execucion de toutz lez terres que le reconisour auoit iour de la reconisaunce fait & vnques puis per force de meme lestatut. ¶Et nota que quaunt ascun wast ou di­struction est fait per le reconise ou per celuy qui ad soun estat / lez execut le reconisour il auerount meme la ley come est suisdit de le tenaunt per ele­git. Et ceo per lestatut marchaunt darr fait a Westm̄. ¶Et nota si tenaūt per lestatut marchaunt tient oustre soun terme celuy que ad droit puit suer enuers luy venir fac ad computandum ou entr tanstost Mes autre ley est del tenaunt per elegit: vt dicitur.

tEnir en fraunk ferme est seruice de terre ou de tenement de quel terre ou tenement la nature est chaunge hors de seruice le chiualer. Et est fraunk ferme dont nappent gard mariage ne reliefꝭ.

rEnt seruice est lou vn home tient dun autre per foialte & pur faire suyt a sa court & rendaunt a luy vn certeyn rent per an pr tou­tes maneres des seruices. ¶Et nota (qu) si le seignour soit sesy de les seruices & rent auauntdites & ilz soient aderer & il distreyne & le tenaunt rescue la distresse il puit auer ass ou brief de rescous, Mes il est pluis necessarie pour luy auer ass (qu) brief de rescous. pour taunt que per lass il recouera son rent & ses dam̄. mes per le brief de rescous il ne recouera mes les repri fes & les dam̄. ¶Et nota que si le seignour ne soit myesesy del rent & ser­uice & ilz sont aderere & il distreyne pur eux & le tenaūt repn̄t la distresse il ne puit mye auer ass mes brief de rescous. Et ne couient mye all seignor de monstrer soun droit. ¶Et nota (qu) si le seignour distreyne soun tenaūt en socage pur seruice de chiualer (qu)l nest dedit de luy & auowe pur m̄z les seruices en court de record il serra charge ꝑ tiels seruices ꝑ Fynch termino hillar anno .xlvi ¶Et nota (qu) si le sr ne puit mye trouer distresse per .ii. ans il auera vers le tenn̄t brief de cessauit ꝑ bienniū. vt patet ꝑ lestatut de westm̄ .ii. capitulo .xxi. Et si le tenn̄t deuie en m̄ le temps & soun issue entr le sr auera sur lissue brief dentr sur cessauit ou si le tenn̄t aliene le sr auera vers le aliene lauaūtdit brē. Mes si le sr ad issue & deuie & le tenaūt soit en arrerage de ditez rent & seruices de le temp [...] le sr pier del issue & nemye del temps del issue il ne puit mye distreyner pur arrerage en temps son pier & il nauera asc aut recouer deuers le tenn̄t ou soun fitz ou ascun autre pr eux pr ceo (qu) tiell aun̄tage est done ꝑ le ley. Et nota (qu) rent seruice est a quel appent fealte. Et nota que a rent charge annuell rent fe [...] ne appent pas fealte, mes il appent a rent seruice de comine droit.

[Page]rEnt charge: est la ou home garaunte certen rent issant de sez ter­res ou tenementz a vn autre en fee simple ou en tayll ou a terme de vie perfait sur condicion que a quell heure que le rent soit a derere bien list a garaunte on a sez heires ou affignez distreyner en m̄ la terre ou ten̄t. ¶Et nota (qu) si le rent soit a derer bien list a le garaunte ꝑ eleccion auer dannuyte ou il puit distreyneret si la distresse soit rauise de luy & il ne fuist mye sesy adeuaunt il nauera mye recouer fors (que) per brief de rescous quar la distresse primerement fait ne done a luy ssm̄ fors (que) sil happe le rent adeuaunt: quar sil fuist sesy dell rent adeuaunt ꝑ happe & puis le rent soit a­derer & il distr & rescous a luy soit fait il auera assise en brief de rescous. ¶Et nota (qu) en chescun ass de rent charge et dannuell rent & en brief daunuyte couient a celuy (qu) porte le brief a demonstre auaunt especialte: ou autrement il ne mayntenera ass. mes en mordauncestre ou formedoun en la distendr & autres briefz en les queux title est done ou comprins perte de rent charge ou dannuell rent nest mye besoigne de mounstr especialte. et meme la cause est en cest cas come est en rent charge. tamen quere. ¶Et nota que si home garaunte rent charge a vn autre & le gnn̄te pour­chase le moyte de la terredont le rent est issant: tout le rent est exteint. Et si le garaūte relesse a le garaūtour percell de la rent: vnquore tout le rent nest exteint. Mes en rent seruice le ley est altermēt. quar nō obstante (qu) le seignour auera le moyte pourchase de la terre [...]ount le rent est issant: vn quor le rent nest pas extient fors (que) a la moyte. Et auxi si le seignour re­lesse tan (que) a la moyte de rent le rent seruice nest p̄ extient fors (que) a la moy­te. et la cause est de diuersite pour ceo (qu) rent seruice puit estre seuere a vn person: mez nemie rent charge.

¶Et nota que si rent charge soit garaunte a deux iointement & lun relest vnquor lautre auera la moyte del rent. Et auxi si lun pourchase le moyte de la terre dont le rent est issant: il auera le moyte del rent de soun com­paignoun. Et si vn dissior charge la terre a vn estraunge & le dissi perte lassise & res le charge est defete. Mez si celuy (qu) ad droit charge certeyn ter­re et vn estraunge feyne vn faux accion enuers luy (qu) nad droit & recoure ra per defꝭ le charge demour [...].

¶Et nota (qu) en cas qun pr ꝑtie soit ꝑentr deux perceuers & pluis de laterr soit alotte a lun (qu) a lautre et celuy (qu) ad pluys de terre charge sa terr a lautre & il happe le rent il mayntenera ass saūs espte. Et si le gnn̄te auoit en fee simple ou en fee tayll & ad issue & deuie si lissue porte vn formedoun [Page] ou ass de mortdaunc il ne serra iammes charge demonstr espte. mes si null pourpartie soit fait perentre eux donq̄s il est come en cas auauntdit En m̄ la maner si pourpartie soit & lun doue sa terre a lautre: reseruaunt a luy vn certen rent ou garaunte de m̄ la terre vn annuyte a lautre de .x.s. de rent iammes ne serra celuy (qu) demaunde le rent charge a demonstrer fait ment pluys que en rent charge / come est auauntdit. ¶Et nota que en lauauntdit cas ou rent charge est guitte a deux celluy (qu) nad pas relesse ne pourchase puit distr pour le rent sur le gnn̄tour / ou soun heir ou sur le terre (qu) est en la mayn son compaignoun &c.

rEnt Sek est lou home tient de moy per homage fealte & autres seruices randaunt a moy vn certeyn rent ꝑ an: & ieo garaunte cest rent a vn autre reseruaunt a moy les seruices Du autrement. En ce cas si home soit sesy des certeinz terres quels tient dascun seignour paramoūt & aliene m̄z les terres ou tenementes a vn estraūge a tener du chiefꝭ seig­nour per seruices & custumes ent duez reseruaunt a luy vn certeyn rent ꝑ an. ¶Et nota (qu) en rent sek si home soit sesy del rent & le rent soit aderere il ne pui [...] mye distreyner mes il auera ass de no dissm̄.

¶Et nota (qu) si rent sek soit gnn̄te a vn home & a ces heires & le rent soit aderere & lomme deuie: leir ne pourra mye distreyner ne recourera le arre rage de temps soun piere: si come est auauntdit en reut seruice. ¶Et en m̄ la maner est adir en rent charge ou annuell rent. Mes en toutes les rentes auauntdites leir pourra auer pour arrerage en soun temps demene tiell auauntage come auoit soun pier en sa vie.

¶Et nota (qu) en rent sek si homme ne soit sesy del rent & il soit aderers il est saunz recourer pour ceo (qu) il fuist sa folie demene enpremez quaunt le rent fuist graunte a luy ou reserue (qu) il ne prest mye ssm̄ del rent si come vn dener ou deux.

¶Et nota (qu) home ne puit mye auer Cessauit per biennium en autre bri­ef dentr sur cessauit pour null rent sek aderere ꝑ .ii. ans. Mez ilz pourront tout soulement pour rent seruice. vt patet in predicto statuto.

¶ Et nota [...] que en rent sek il couient pour luy que sue pour le rent sek por mr̄e fait all tenaunt ou autrement le tenaunt ne serra mye charge del rent fors (que) lou le rent sek fuist rent seruice adeuaunt come en cest cas sr mesne & tenaūt & chuū deux tient per homage dautr & foialte & .x.s. de rent le se­ignour ꝑamont pourchase lez terres ou ten̄tz de le tenn̄t tout le (sed) tie forp̄s [Page] le rent est extient. Et pour cest cause cest rent est deuenuz rent sek: & le rent seruice change. qar sōme ne puit distr pour cest rent qar en cest cas reluy (qu) demaunde le rent ne serraiammes chace de monstre fait ne en cas de mor daunc aiell ne besayle ne espte prceo (qu) cestez briefz de possession cōprehē dount vn title demz eux mesmes: cestassauoir que launc fuit sesy de mesme le rent & continua sa possession per cause de (qu)ll ssm̄ la loy suppose (qu) est auxi auerable per pays. tamen quere quar ascuns supposont (qu) il co­uient affyn sorce a mounstrer auaunt fait pour ceo (qu) rent sek est vn cho­ce encountre comine droit auxibien come rent charge. Mes en ass de no. dissm̄ & en brief dentr sur dissm̄ porte de rent sek il couient de fyn force mō stre auaunt fait pour ceo (qu) rent sek est vn chose encountre comine droit. Et ass de no. dissm̄ brief deutr sur cessauit ne conteignent demz eux null [...]le. Mes supposent vn dissm̄ estre fait a le pleyntif. Et dentendement de ley la dissm̄ ne done null cause dauerrement encountre comine droit: mes de syn force il mounstrer auaunt espete. ¶Et nota (qu) rent sek en null manere puit estre reserue a nully en le tayll: pour ceo (qu) nul reseruacion puit estre encoūtre la tayll ne ai [...]gge null doun en la ley qar adonquesil ensu eroit (qu) home deueroit rent a luy mesmes: le quel doun serroit impossible en la ley &c.

¶Suite seruice est a venir a la couit de .iii. semaignes en troys semaig­nes ꝑ an entier. & pour ceo serra home distr & nient amercye.

¶Seruicez reals est a venir a la court dell lete: & ceo nest fors (que) deux foites en an. & pour ceo home serra amercie & noun pas distreyne.

¶Impressum per Richardum Pynson.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.