❧ Ane Godlie Tractace Or Mirrour. Quhairintill may be easilie perceauit quho Thay be that ar Ingraftit in to Christ, ād quho ar nocht. Declaring also the rewaird of the Godlie and Punyschement of the Wekit. Maid vpone this pairt of Text. Writtin in the Fyftene Chaptour of the Euangell of Ihone. As followis.
GEue ane man byde nocht in me, he is cassin furth, as ane Branche that widderis. And men gadderis thame, ād castis thame in the fyre, ād thay burne. Geue ȝe abyde in me & my wourds also in to ȝow. Ask quhat ȝe wil, it salbe done vnto ȝou. Heirin is my Father Glorefyit, that ȝe bryng furth mekle Frute, and be maid my Discyplis. ¶Compyld In Meter, be William Lauder, Minister of the Wourd of God. For ye Instructioun confort ād consolatioun of all Faithfull Christianes. To quhome he wissith, Grace, Mercie, ād Peace, in Iesus Christ our Lord and onlie Sauiour. So be it.
LUke in this Mirrour, and thow sall cleirlie se,
Gyf yu be Reprobat, or chosin it sal declair to the.
[Page]¶The Contentꝭ of this Buke.
☞To the Redar.
ALl faithfull herkin & to my wordꝭ attend,
And ernistlie, do merk thame til ane end
Ponder thame weill, ād wey thaim in ȝour hart
Ilk stait of mā, ꝯsider ȝour awī part
And Iudge me nocht, that I haue done indyte,
This lytle Tractate, of malice or dispyte,
Bot for ane warnyng, to the impenitent,
And for the confort, of thame that doth repent,
As may all faithfull, graip and als considder,
Layand the Text, and this my werk togidder,
¶Humblie exhorting euerie Creature,
Learnd, vnlearnd, auld, ȝung, ryche and pure,
To take heirfor, my sayings in gude part,
Se [...] I do write thame, of ane zealus hart,
As God me Iudge, quho knawis ye mynd & thocht.
Of euerye wicht, that in this warld is wrocht,
So to my Text, now breuelie to proceid,
Grit God me help, and with his spreit me speid.
¶The Diuisioun of the Text.
THis part of Text, quhilk I am to discyde,
In to two headꝭ, will God I sall deuyde
¶The first head, the punyschemēt sall be
Of wekit Synnairꝭ, for thair Iniquytie,
And speciallie, the tormentꝭ heir I schaw,
Of thame that dois, co [...]tem Godꝭ wourd & Law,
And how the wekit, ar nocht ingraft in Christ,
Bot ar the Children, of the Antechrist,
¶The secund head, sall be the riche rewaird,
[Page]The Godlie gettꝭ, quhilk dois thair God regaird
And how tha ar ingraft, in Christ Iesu,
Be the imbracing, of his wourd most trew.
Iho. x [...]
¶The Discriptioun of the First head.
SO now returnand till our first head agane,
Aduert, and ȝe sall heir the crewell pane,
The sorrowfull Sentence, and terribill decreit,
In to few wourdꝭ, ar heir contenit compleit,
That is prepaird, for wekit Creaturs,
And vicius men, that in to Uice indurs,
¶For thame that drownd ar in Idolatrie,
For poysond pepill, with Infidelytie,
For stif contemnars, of gods lyuelie wourd,
This suthfast Sentence, allace it is no bourd.
It is no Sentence be Man retreattabill
It is no Sentence, be man debaittabill.
Math. i. Peter Gla, iv [...]
It nowthair sparis, King nor Empriour,
Duke, Erll, Lord, nor pussant Conquyrour,
It nowthair sparis, mychtie men nor pure,
Iere, i,
That of the wourd of God, doith tak no cure,
Bot is ane Sentence, quhilk none can do eschew,
That dois contem, the wourd of Christ Iesu,
This Sentence merkit, the pepill we discus,
That doith nocht abyde in Christ Iesus.
¶Ane Generall Discriptioun of thame that bydis nocht in Christ.
IN Christ tha byde nocht, we do vnderstand,
The quhilk aggre [...]g vnto his command,
Dois nocht imbrace, his wourd most louynglie,
With feruent mynd, and hart most constantlie,
And in that wourd, hes nocht ane solyde faith,
Thir bydis nocht in Christ, the Scripture saith,
Bot ar Inuoluit, in to dung hillꝭ of Sin,
[Page]And euerye daye frome Sin, to Sin tha rin,
¶It sufficis nocht, that we Baptizit be,
[...]hon. xv. [...]ath. x. Tim. ii.
Bot it requyris als, of necessitie,That we contynew, in Christs Euangell trew,
Or els, we can nocht byde in Christ Iesu.
¶Ane Discriptioun of thame in speciall that bydis nocht in to Christ.
THe Romane Kirk, and all of that degre,
[...]al. ii. ād
Quhilk dois menteane peruerst Idolatrie,Sic as the Meise, quhilk is plane derogatioun,
To Christs glore, and his most blissed Passioun,
With all the rabill, of tha Sophistꝭ and Clerks,
That doith ascryue, Saluatioun to thair werks
Or attributꝭ Remissioun of thair Sin,
To ony wicht that is the warld within,
Tha pepill I say, doith nocht abyde in Christ.
Bot ar the Children of the Antechrist.
¶Thir Temporesars, doith nocht in Christ abyde
Neathir thir schrinkars, that frō ye treuth dois slyde
[...]say. iii. [...]. i.
Neathir thir flattrers, that for feir of thair bags,Dois wag about aye, as the busse it wags,
Neathir tha pepill, that for feir of thair lyues,
[...]uc. ix. [...] xiiii. [...]ath. x.
And tinsall of thair houshaldꝭ, bairnis and wyues,And lose of guds, gear, or wardlie rent
Frome Gods wourd, thame selues doith absent
Nor tha that dois, for pleasure of thair Prence,
[...]. iiii.
Refuse Gods wourd, of maist magnificence.¶And sure it is, quho treulie list discydit,
God will nocht haue, that man that is deuydit.
Bot he will haue him Saule, and bodye haill,
Cor. vi.
Quho is deuydit, his faith doith nocht auaill.Dissemblit pepill, doith nocht abyde in Christ,
Bot ar the children of the Antechrist.
[Page]¶And as the faithfull in Christ ingraftit be,
Be his Euangell, and wourd of Ueritie.
So is the Kirk malignant, but more plead,
Iho. viii. and xv.
Ingraft in Sathan, of that ilk kirk thair head.
With dewillysche doctrine, and Idolatrie,
Of thame that speykꝭ, leis, throw Ypocresie.
¶Of the Greuous Tormentis preordinat for the wekit.
QUhat end makꝭ thir, to proceid furthirmair,
Tha ar cast furth, yt Text this doith declair.
Ioan. xv.
Maist lyke ane branche, doun cuttit of ane stok,
That is becum, ane drye and widderit blok.
Meit for no werk, that man wald do desyre,
Bot to be brint, and cassin in ane fyre.
Euin so the curst Contemnarꝭ of the treuth,
And wekit wirkars, for thair Sin and sleuth.
That will nocht do, the wourd of Christ imbrace
Ar clene dryit vp, frome euerye kynd of grace,
Gal. v.
And hes no pairt with Christ, nor with his glore
Moir nor the widderit branche, the quhilk before
I said had Iusse, or Sapour of the tre,
Quhen it is cuttit, and dois frome growing de.
¶Tha ar cum drye, with Lust and carnall heit
Because tha want, the Sapour of the spreit,
Of Christ Iesus, the Sauiour of man,
Wanting this Iusse, quhairfor ar tha meit than,
For nothing ellis, the text it schewis plane,
Bot to sustene, of Hellis fyre the pane.
Ioan. x [...] Exo. iiii vi.vii, v [...]
As Nero sufferit, for his tirrannye,
And Pharao for, his grit Ydolatrie.
And as the gluttoun, quho refusit Lazarus,
Luc. ix.
With mony mo, nor heir I may discus.
[Page]¶So thus the wekit, tha get no vther hyre,
[...]hon. xv.
Bot for thair Sin, ar brint in flam of fyre,Aye daylie deand, and neuer ȝit can de,
Math. iii. Esa. lxvi.
Thus endꝭ the wekit, for thair Iniquytie.¶Bot lat ws heir, the text perfytlie feill,
And lat ws merk the wourdꝭ thairof richt weill,
As quhair it sayis nocht, that, that man sall be,
Cast furth, that bydis nocht in Christ constantlie,
[...]hon. iii. [...]nd. xv.
Bot speykand in the present tyme it sayis,He is reieckit now instantlie alwayis
Albeit on lyfe, that ȝit he leuand be,
He is cast furth, the text this latts ws se.
So heir the text, pronuncis till ws plat,
That Christ he speykis heir of the reprobat
For as the faithfull, now leuyng heir but more,
Ar partakers, with Christ in heauinnis glore.
[...]hon. v.
And dois begin, thair heauin in earth heir doun,Quhen as tha thole, soir persecutioun,
For richtyusnes, takand in pacience,
[...]et. iiii.
All earthlie trubill, knawand thair Innocence,Hayfand respect, and still in memore,
The heauinnis Ioye, and grit felicite,
That thay at last, be Christ ar till obtene,
Quhen as tha knaw, thair conscience is clene,
Of sik Iniury, as wes thair accusatioun,
This earthlie trubill, is thair grit consolatioun,
Quhilk consolatioun, it is the waye full euin,
And pleasand passage, vnto the port of heauin.
The quhilk begynnis, in to this wrachit ground
As in the Scripture, cleirlie may be found,
Quhair as it sayis, and writtin is expres,
Be mony trublis, sorrowis and distres,
[Page]The godlie sall in heauin, haue thair Intrance.
Act. iiii.
Thair to posses, thair Iust inheritance.
¶Euin so all thay, to speyk in wourdꝭ breue,
That godlie will, in to Christ Iesus leue,
Man thame addres, his Croce for to vptake
ii Tim. iii.
And suffer persecutioun for his saike.
¶As the Appostilꝭ, ād Propheits nocht possest,
The heauinnis glore, in earth with wardlie rest
Heb. ii.
Bot sum tholit death, and sum richt sore torment,
Heir vpon earth, or tha till heauin vp went.
¶Directlie speakand in the contrarie,
Of wekit pepill, that leuis sinfullie.
To quhome also, is knawin the wourd of God,
And wilfullie, dois rin the contrair rod.
In werk and wourd, in thocht, and in Intent
Expresse aganis the Lordis commandiment,
Contynewand thus, in thair Sin and offence,
This man can neuer haue peace in conscience,
Heb. vi. and .x.
Quhilk peace quho wantꝭ ye treuth most trew to tel
Is the begynning of the paynis of Hell.
Quhilk paynis infernal, begynnis lykewyse we se
In to this earth, and Uaill of miserie,
Quho wants this rest, and peace of conscience,
Of this may haue, ane sure experience.
For quhill he leuis, his conscience tryis and berks,
Gods wraith to wrak him, for his wekit werks,
Quhen he is dead, his conscience sall accuse him,
And him condamp, quhair he hes done abuse him.
¶And as the faithfull, now leuand heir on lyfe,
Of all degre, baith Infant, man and wyfe,
Hes now in Heauin, of Gods especiall grace,
Ilk ane thair awin, preparit roum and place.
[Page]¶So hes the wekit, leuand I ȝow tell,
Ilk ane thair awin, appoyntit rowmes in Hell.
¶To tell quho ar, Eleckit or refusit,
I can nocht saye, thairin hald me excusit.
Can nane thair of, haue sik experience,
As man him self, grapand his awin conscience.
¶Lyke as the man, that finds his lyfe aggre,
To Gods command, and wourd of verite.
And hes ane feruent mynd to perseueir,
Under the reull of Gods wourd sinceir,
Syne dois ꝯtinew, as Gods word dois direc him,
That man may knaw, that God hes done elec him
And with the wekit, thocht still he be suspeckit,
Ȝit still the faithfull, may compt him as eleckit.
¶And in the contrair, accompt this for no bourd,
Quho dois contempne, of God the lyuelie wourd.
And dois menteine, peruerst Idolatrie,
And will nocht cum, to heir the veritie.
And quha that cūmis to heir, and dois abuse it,
And quha hes hard, syne efter dois refuse it,
Turnand as Tykꝭ, vnto thair vomatyue,
As sum hes done, that leuand ar on lyue.
¶Contynewand this, in to thair odius Sin,
Ending thair lyuis, as than tha do begin.
Luc. xii.
I can nocht say, nor on na wayis excuse thame,Bot force man grant, yt God hes done refuse thame
¶The Exhortatioun vpon the First head.
QUhairfor I do, Imploir with humbill hart
Ilk mā in earth, to ponder thair awin part▪
And to considder, in to quhat stait tha stand,
Quhidder with God, or contrair his command,
[Page]That he that stands, may stand, and nocht do fall,
i. Cor. x.
And quho hes fallin, may knaw the sam at all.
Syne praye to God, in to most hartlie wyse,
To grant thame grace, vp frome thair fall to ryse,
And to contynew, in Christꝭ Euangell trew,
And so Ingraftit, in to Christ Iesu,
This fer deir brether, sall stand for the first heid,
Nixt to the Secund, schortlie I proceid.
¶Heir endis the First Head. And followis the Secund head. With the Text thairof.
‘GEue ȝe abyde in me, and my wourdis, also In to ȝow. Ask quhat ȝe will. It sal be done vnto ȝow. Heirin is my Father Glorefyit. That ȝe bring furth mekill Fructe, and be maid my Disciplis.’Iohan. xv. ☞&c.☜
THe Fructe the proffeit, and the commodytie
In to this gratius, and Godlie Unitie,
Betuix Christ Iesus, and his Kirk most trew,
Lo Christ he dois heir furthirmore ensew,
To mak the consolatioun the moir,
Of his Discyplis, he speakꝭ the sam heirfoir,
And for to draw thame till ane constancie,
He schewis thame, the grit Utilitie,
That followis thame, that in him dois abyde,
In to few wourds, he dois the sam discyde.
Christ sayis thir wourds, gyf ȝe will byde in me,
Thairthrow ȝe sall obtene grit proffittꝭ thre.
¶Bot quhat ar tha? that dois in Christ remane,
Ioan x [...]
Tha kynd of pepill, the Text declaris plane.
Euin tha it sayis, that dois my wourdꝭ imbrace,
i. Ioa [...] [...].
Tha same in me, tha haue ane dwelling place,
[Page]
[...]an. viii
And tha be faith, in me ar still Ingrauit,And I in thame, thai [...]row rychtso consauit,
So this Coniunctiou [...], and this Unitie,
Betuix Christ Iesus, and his Kirk trewlie,
Ioan. ii.
Is be no meanis, bot be his wourd imbrasing,And it in to thair Inwert Bowellꝭ placing
[...]om. iii. [...]d.
As wes of Abraham, and mony faithfull mo,Go cearche the Scripture, and thow sall find it so.
[...]oan. ii.
¶ We find nocht heir, the Paip that Antechrist,Doith ws Conione, vnto our Maister Christ
Nor we perceaue, nocht heir that our ingrauyng
Is in to Christ, be our Byschopis receauyng,
As be Annoynting, and schauing of our Croun,
We find nocht heir, sic vaine Coniunctioun,
Ioan. ii.
Bot onlie findꝭ ws, Ingraft in Christ Iesu,Iho. ii.
Be the imbrasing, of his wourd most trew.¶And quho so thus, with Christ Conioynit be,
May be assurit, to get thir proffittꝭ thre,
The quhilk in ordour, as tha stand in the Text
I sall declair, Ilkane till vthir Annext.
¶The first Commodite of thame that abydis in to Christ. ¶The Text. ☞Ask quhat ȝe will. It sall be geuin vnto ȝow.
[...]oan. xv.
FIrst, in this Spirituall Unioun we haue,Quhat richtius thīg of Christ yt we sal craue,
¶Quhat better thing can man seik for his hyre,
Nor get all thing, he Iustlie will desyre,
No better thing can onye crayf or wys,
In to this earth, on lyfe that leuing is.
[Page]Nor haue all thingis, to thame performit and done,
That Godlie is, be the grit God abone,
Ioan. xi i. Ioan.
For the imbrasing of his wourd most trew,
And so to be Ingraft in Christ Iesu.
I compt thame daft, and mekill wors nor mad,
That laykꝭ this gift, so lichtlie may be had,
Sekand the sam, vpon ane vther ground,
Quhllk be no vther maner can be found.
¶Sen Christ hes promist, this to his faithfull all
Be this Coniunctioun, and Unioun Spirituall,
I saye, it is bot verraye Uanytie,
Ioan. v. [...]t. xvi,
For to desyre, Christ with ws corporallie.
¶It is the Spreit, that quyknis auld and ȝing,
The corporall flesche, it proffittis no thing,
Without sayis Christ, my body do ascend,
The Confortour, to ȝow I can nocht send,
¶Thus it behouit, Christ of necessitie,
Unto the Father, to passe vp reallie.
Mar. vi Luc. iiii. Ioan. xi Heb. x. Act. vii. Ioan. xv
Quhair he abydis, and euer sall remane,
Quhill he discend to Iudge the warld agane.
For vthirwyse, gyf Christ had nocht ascendit,
The holy Gost till ws, had nocht discendit.
¶Thow can not Papist, be Scripture mak it kend
That Christ sensyne, did corporallie discend,
How is it than? thow thinkꝭ no schame to le,
To say thow makꝭ him, and eytꝭ him carnallie.
¶Now may it heir, be sperit and demandit,
And gude it wer, that we suld vnderstandit,
Quhat is the cause? the Kirk Papisticall,
Can neuer haue this Unioun Spirituall,
Of Christ Iesus, trewlie in thame ingrauit,
The cause is this, sa fer as I perceauit,
That so lang as tha seyk him carnallie,
Ioan. vi
[Page]
[...]th. xvi.
Tha can no wayis, posses him Spirituallie,As the Appostillꝭ beleuing Christ to ring,
[...]ath. xvi xv.
In earth, amangs thame as ane temporall King.So lang as tha, of this had Esperance,
Tha euer leuit still, in Ignorance.
[...]an. viii. [...]. ix.
And neuer knew, quhat Christ ment in his teachingFor all his daylie and contynewall preaching,
No moir sall neuer no carnall Creature,
So lang as tha sall fleschelie Folkꝭ Indure
[...]or. ii.
Cum to the knowledge, and intelligence,Of Gods wourd, and Spirituall pure sentence.
Thocht Angellꝭ wer, to preache it to thame plane,
Preue quho so please, thair laubour sall be vane.
¶Now falls it weill, to vs to wey but moir,
[...]. ii.
Quhat wes the cause, the reasoun and quhairfoirThe Papistis said, tha maid Christ Reallie,
In to thair Messe, and Eate him carnallie.
¶As I perceaue, it wes that tha and thairs,
Mycht stylit be, most holy God makairs
And thairthrow cum to warldlie Pomp and gloir
Richt as tha did, for nane micht clim to moir.
For Papis precellit, the Kings in Dignytie,
And Kings thay seruit, with all Humilytie.
And Cardinals, wes Companȝeonis to our Kings,
For with my Eis, my self did se thir things.
This mouit thame, that werk till Interpryse,
Quhilk montit thame, on sic ane prydfull wyse.
¶And thocht sū schaifling wald haue ilk nycht in cure
Ane Cōcubyne, ane Harlote, or ane Hure,
With gaping, Iowking, with mony bek and nod,
Upon the morne, he wald haue maid ȝow God.
¶Sa lyke, sa lyke, as it wes trew to be
[Page]Quhen nane of thame, could mak ane lytill fle.
And ȝit no schame, to tak in hand tha thocht,
To mak grit God, quhilk maid all thing of nocht,
Grit God we pray, sen Prencis wald perceaue,
And it in to thair harts deiplie graue,
How be tha Iuglours tha haue bene blindlynes led
With deuillysche Doctrine, fosterit and fed.
Na dout gude Lord, bot than tha wald refuse it,
Quhen as tha knew, how tha haue bene abuse it.
¶Ane Questioun Direct to all Papistis demanding gyf Christ can be Separet frome the Faithfull.
CAn Christ be frome thame, yt he do stil support
And grants to thame, thair will in lauchfull sort,
No thair is none, of Iudgement discreit,
Mathew. xxviii.
Can saye, bot he is present in the Spreit,
Still in to thame, that ar his trew Eleckit,
Esay. xlv. Psal. c.xx.ix.
Least tha alwayis, with Sin suld be subieckit,
¶I mene with, grit and odious transgressioun,
Siclyke as thift, reif, murthour, and oppressioun,
¶For thocht yt richtyus, doith seuin tymes daylie Sin,
Ȝit dois he nocht, contynew still thairin,
For be his Spreit, Christ geuis thame Iudgement
To knaw thair Sin, syne maks thame to repent.
So that tha do nocht, in thair Sin delyte,
Bot murnis thairfor, with conscience contryte,
As Dauid, Peter, and the Magdalene,
With mony mo, nor heir I may contene.
¶Christ als is with thame, as Uicar generall,
Heb. i.
Rewlar, and gydar, of the faithfull all.
Without quhais spreit, no gude thing cā be wrocht,
Without his help, our strenth aualis nocht.
In him we leue, and mouis quhill we indure,
Act. xvii.
[Page]It is he onlie, that taks on ws cure,
Thus none can saye, but Christ most certanlie,
Is be his Spreit, with ws contynewallie.
So till his Kirk, Christ heir before his Passioun,
Repeatꝭ thir wourdis? to gyf thame consolatioun,
[...]oan. xiiii
That tha in that, suld nocht discuragit be,For his deperting frome thame corporallie.
Mathew. [...]xviii.
Bot be his Spreit, he promist stil support thame,So on this wayis, Christ Iesus did confort thame,
Howbeit sayis he, I am to passe abone,
Ask quhat ȝe will, it sall to ȝow be done,
Prouyding alwayis, that ȝe constant be
Abyding at my wourd of Uerite.
¶This consolatioun dois serue for ws also,
Assuring ws, quhair euer we ryde or go,
[...]om. xv.
Ȝe euin amyd our Inymeis most grit,He euer is with ws, present in the spreit.
[...]uc. xxi. [...]athew. viii.
Preseruing ws, and doing ws defendAs he hes promist, vnto the wardlis end.
¶Now haue ȝe herd, the first commoditie,
The riche rewaird, and grit vtilitie,
Breiflie discussit, of thame that ar ingrauit,
In to Christ Iesus, and how it is conceauit,
Now herkin fordwart, and ȝe sall schortlie heir,
The Secund proffeit, discussit in ordour cleir.
¶The Discriptioun of the Secund Commoditie of thame that abydis in Christ. ¶The Text. Heirin is my Father Glorifyit, that Ȝe bring furth mekill fruct. &c.
THe Secund proffeit, we sal bring furth gude frute
[...]oan. xv.
And of gude werkꝭ sal not be destitute[Page]That dois Gods wourd, into thair harts imbrace,
Math. v.
Making it thair, to haue ane dwelling place.
For as the day, can nocht be without lycht,
Nor the cleir Sone, withouttin beames bricht,
The flammyng fyre, without Calyditie,
Or without water, can be the raging Se,
No more the godlie, as writtꝭ cunnyng Clerkꝭ,
Can gudlie be, withouttin godlie werkꝭ.
With quhilks tha do the Father glorefie,
That ringand is, in to the Heauin most hie.
¶This frute but dout, tha ar the godlie deids,
Iaco. ii.
Quhilk frō Christ Iesus, the faithfull wine, ꝓceids,
As is the Doctrine, of his wourd most pure,
Math. iii.
Sinceirlie Preacheit, to euerie Creature.
Be quhilk men ar, conuertit speciallie,
Frome Sin and Uice, and frome Ydolatrie.
To godlynes, quhairin the Lord delyts,
As Paule in his Epistills plainlie dyts.
Ephe. v. Col. iii.
¶Thir Godlie fruts, dois also notefie,
Gyf we the faithfull, and Germane branchis be,
Of Christ Iesus, quha is the onlie wyne,
That did Redeme, our Sauls all frome pyne.
Ioan. xv.
¶Quho wants thir fruts, lat thame all talking stāche
And nev compt yaim of christ, to be a brāche
Bot lat thaim grant, yaim branchis Imps & sperks
Math. v,
To be of Sathan, seing thair sinfull werks.
¶Ane Exclamatioun. Aganis all Fenȝeit Ypocreitis. And speciallie, agains all gredie Dissemblit fals Protestantes.
O Fie on ȝow, that callis ȝour selffs professours,
Syne notit ar, for manifest transgressours,
Mathew. xxiii.
[Page]Gods wourd is heauylie sclanderit for ȝour caus,
Seing ȝe do nothing obserue his Lawis,
Ȝe skar the wayklings frō the wourd receauyng,
Throw ȝour vngodlie, and vicius behauyng.
¶Quhat sayis the pure? behalding ȝour trāsgression
Grit God preserue ws frō this lewd ꝓfessiōn
Is this Gods wourd, that learnis thame this euyll
It semis rather, this wourd cūmis of the Deuyll,
Wer it Gods wourd, we mycht rycht weill be sure,
Tha wald nocht in sic deuylrie indure.
¶Puft vp in pryde, sik as wes neuer sene,
Before, with ony mortall mannis Eine.
Moir grit expens, is maid as I suppose,
Upon ane pair, of prophane Monstruus hose.
Nor wald do cleith, ane hundreth of the pure,
That gois nakit, begging frome dure to dure.
i Cor. xvi
Salyke sic Pryde, pertenis to trew teaching,Or ony poynt, of the Appostillꝭ preaching.
¶The Godlie aucht nocht, to hald vile pryde in pryce,
Eccl. x.
Seing it is the Mother of all vyce, [...]ob. iiii. Eccl. x.
Quhairof proceidis all distructioun,And brings Kingdomes to confusioun.
¶For Pryde Lucypheir frō Heauinnis glore he fell
Esa. xiiii.
And daylie is tormentit in the Hell.With mony thousandꝭ of his oppynnioun,
Throw verray pryde, from Heauin wt him fell doun
[...]xo. xiiii.
¶Pharao for pryde, wes drownit in the Seye,With all his Horsis, and crewell Companye.
¶Sennacherib, for all his bost and schore,
[...]. Reg. xix
Wes put to flycht, syne be his Sone forlore.¶And Nabuchodonezer, for his Pryde,
[...]ani. iiii.
As Daniell, dois distinclie weill discyde.[Page]Wes for his hicht transformit in ane beist,
Quhill he agane of lawlynes did taist
Granting him self to be ane mortall wicht,
And God allone, to be the Lord of micht.
¶In to the buke, of Hester is declaird,
How on that gallous, proude Aman had prepaird,
Hester
To put gude Merdocheus to the dead
Him self wes hangit withouttin moir remead,
This to be schort, quho list to pryde pretend
May be assurde, of ane mischeuous end.
And in the contrair, quha wald exaltit be,
Pro. xv [...]ath. Ioan. [...]
Go learne at Christ, to lead Humelytie.
¶Ȝe clois ȝour ears, ād turnis away ȝour eyis,
Quhair ȝe ȝour pure and nedye brethren seyis,
Ȝour Cheritie, it is be cum sa cauld,
Ȝe thole thame de, but reuth I der be bauld,
And euerie fatt Souch, fedꝭ ād flammis ane vther,
Grit God thairfor, will plaig that faithles futher.
¶And ȝit ȝe ar, nothing of this eschamit,
Bot ȝe will all, Protestantꝭ still be nemmit,
So ar ȝe nocht, for Ihone sayis ȝe do lie,
i. Io [...]. i et. iiii.
Ȝe knaw nocht God, nor ȝit his wourd trewlie,
That seis ȝour nedie Brother in distres,
Syne helps him nocht, bot layfꝭ him mercyles.
¶Ȝour gredynes, it stinkꝭ and fylis the air,
I vg ȝour Murthour, and Hirschip to declair,
For thocht ȝe sla nocht pure men with ȝour knyues
Ȝit with ȝour dearth, ȝe tak from thame the lyues
¶Quhat differs dearth, frome creuell briganry [...]
Quhen that ȝe mak the Pure for hunger dye.
No thing at all, most trewlie to conclude,
Except of thame, ȝe do nocht draw the blude,
[Page]For ȝe contryne thame, as wyse mē merkꝭ and seis,
Till one of thir two, grit Extremiteis,
Till vtter hirschip, with bying of thair fude,
And want tha money, than schortlie to conclude
Thair is no credeit, bot of Necessitie
The Pure Broder, for Hunger he man die.
¶God send ȝow nocht, ye Uictall of the ground,
That ȝe the pepill, suld Fameis and confound,
[...]athew. v.
Bot that ȝe sould, thairof gude Stewarts be,Helpand the Pure, in thair necessite.
¶Wo be till him, that hurdis vp his Corne,
[...]. xi.
Syne kepis it vp to dearth, fra morne to morne,Bot Gods blissing, sall lycht vpon his head,
That latꝭ it furth, that pure men may get bread.
¶Bot as ȝe cloise, ȝour Girnallꝭ frome ye puris,
Quhilkꝭ now thairby, grit miserie induris,
So God sall cloise, on ȝow for ȝour grit Sin,
His Heauinlie Porte, quhē ȝe wald faine cum in.
[...]od. xxii [...]ac. ii.
¶So on this wyse, quhē yt ȝe scurge the pure,God sall ȝow Plaig, agane for that be sure,
Experience daylie teachis ws of this,
Merk quhē ȝe please, ȝe sall nocht find it mis.
¶I neid nocht rekkin ȝour filthye Harlotrie,
It is so knawin, our alquhair oppinlie
Quhilk to rehearse, It maks me abhor,
Bot as the Townis, of Sodome and Gomor.
The Creaturꝭ, and all that in thame was,
With fyre frome Heauin, consumit was with as.
[...]ene. x [...]x.
For that foule stinkand Sin of Lychorie,Rieht so ȝe Harlotꝭ, but dout sall Plagit be.
Be the grit Michtie God Omnipotent,
Except that ȝe moir spedylie repent.
[Page]¶For mony ane tyme, and daylie it is sene,
How sic vile harlotꝭ, for Hurdome Plagit bene,
With most extreme, and vrgent pouertie,
Luc. xi Pro. ix.xxix. Iob. ii i. Cor. [...] Pro. ix. Eccl. ix
Quhilk sumtyme had, of ryches grit plentie,
Sumtyme with maist detestebill odious schame,
Loyssing for euer, thair honour and thair fame,
And sumtyme plagit, be God with suddand dead,
Bot quho that list, with wisedome to take head,
May daylie merk, and als perfytlie se,
The Harlotꝭ oftymes, plagit with all thre.
¶Ȝit nocht wil mak thame frō thair sin refrane
Quhill Saule & bodie, be damnit to hellis pane.
Gal. v, Apoc. x i. Cor. [...] Heb. xi
For tha perceaue nocht, that thair Miserie,
Dois licht on thame, for thair Iniquytie.
Bot rycht as Pharao, on Godꝭ plaigs wald not pance
Bot thocht tha come, be fortune & be chance
No moir the Harlot, can think his hart within,
That God dois plaig him for his filthie Sin,
And so as Palȝeartꝭ in Peltrie perseueiris,
Quhill of thair strenth, consumit be the ȝeris.
The pure Plewmē, & laubouraris of ȝour lands,
Quhen tha haue nocht, to fill ȝour gredie hands.
Quhair ȝe can spye, ane man to geue ȝow mair,
Ȝe schute thame furth, syne puts ane vther thair,
Howbeit the first haue Barnis aucht or nyne,
Ȝe tak no thocht, thocht man and all sulde tyne.
Within few ȝeris, ȝe herye him also,
Syne puts him furth, to beggin most he go,
Thus schift ȝe our, in to most gredie wyse,
The quhilk ane Uengeance frome ye Heauin cryis.
¶Ȝit for all this, ȝe neuer ar content,
Esay. xx [...] iii.
Howbeit ȝe haue, befer moir land and rent,
[Page]
[...]
Nor euer had, ȝour Fatheris ȝow beforeBot euer gredie, and gaping still for more.
¶And all this is, for to setfurth ȝour pryde,
Ȝour housis halding is down, & laid on syde
Quhair hunders wount ȝour faders to conuoye,
Now will ȝe ryde, with ane man and ane boye.
¶Nocht hes the wyte, of this ȝour filthie Uice,
Bot that fals gredie Idole Auerice,
Quhilk chokkit hes, ȝour harts so haillelie,
That nothair to God, nor honour ȝe haue Ee.
¶Grit meruell is, of ȝow that gettꝭ this muk,
Bot ȝe sould haue, aboundance with gude luk
[...].
And ȝit we se, thair dois nothing succeid,Bot barrane ground, with mony frutles weid,
Moir emptye now, of warldlis gear and gude,
Nor wes ȝour Faders, that fand rycht mony fude▪
Quhilks had nocht half, sa mekill for to spend
Ȝit had grit ryches, and honour to thair end.
And ȝe ar nedye, thriftles and threid bair,
Of wrangus gude, no better man can fair.
¶Iudge ȝe ȝour selfis, in ȝour awin conscience,
Quhat is the cause, of ȝour grit Indigence,
[...]. viii. [...]. v.
I saye for me, God will nocht send incresse,To thame that wrangus Conqueis dois possesse.
Syne knawis Gods wourd, syne dois ye contrarie,
How can sic pepill, with grit God fauourd be.
¶We reid how Acham, be Gods commandimēt
And be his rycht, and most Iust Iudgemēt,
[...]sue. vii
Wes stond to death, as Iosue concludsBecause he tuke, of Excommunicat guds,
Gyf ȝe haue done, with siclyke gudis mell,
I can nocht say, Iudge that amangs ȝour sell.
[Page]¶Quho list the Storie of Achab to persew,
And Iesabell his wyfe, that Naboth slew,
For his wyne Ȝaird, throw gredie Couatyce,
ii Reg. xx
Thair sall ȝe find, how God did plaig that Uyce,
And maid thame both, most miserablie to de,
For thair foule Murthour, and Cupeditie.
¶Saule lost his Kingdome throw his gredines,
i Reg. xiii.
And riche Naball, for his grit churlyschenes,
Schewin to Dauid, almaist had bene distroyit,
i Reg. xx
Gyf Abygall had nocht it weill conuoyit.
And measit Dauid, verray Prudentlie,
Ȝit God maid Naball, schortlie for to de.
And him bereft, frome all his wardlie wrak,
For ony fence, the churlysche Carll could mak,
As sall all wrachit Churlis, layf thair geir,
Eccl. v. et xiiii.
And vtheris thairof, sall mak mirrye cheir.
That nocht pertenit, to thame be kin nor blude,
All wrachis wrak, thus endis to conclude.
Ȝit mony of Naballꝭ blude, dois rest behind,
Bot verray few, of Abygallꝭ to find.
¶Paule dois pronunce, in wourdꝭ plane & euin,
i. Cor. v. et vi.
That Couatus men, sall nocht inherit Heuin,
And dois forbid, that we expreslie,
Suld bear the Couatus ony companie.
☞Lo we se heir, quhat nedis processe mair,
That Godꝭ trew wourd, maist plainlie dois declair
That Couatus mē, quhat way that euer tha wend,
Sall nocht at lenth, eschaip ane sorye end.
¶The Mes that Idoll, praysit be God is past,
Bot Couatyce, the quhilk is cum in last,
Exo. xxii [...].
Is the worst Idoll, of the twa be fer,
Gyf that this Idoll Rax, it will all mer,
Ephe. v.
[Page]All will be brocht, vnto confusioun,
Gods wourd and Lawis, vnto abusioun,
[...]. ii.
The Ciueill Iustice, sall peruertit be, [...]. xxii.
Uproris sall ryse, and start vp haistelie,No man sall leue at rest and peace with vther,
Except this Idoll, be banist with the tother,
And wer we quyte, of thir fals Idols baith,
The Godlie than, micht soundlie sleip but skaith.
¶Refrane intyme, with speid repent and mend,
[...]oan. iii. [...]. et xv.
Or God ane sudand plaig, sall on ȝow send,And punysche ȝow, be fer moir creuellie,
Nor Ignorantꝭ, befoir wes wint to be.
¶Without ȝe mend maist certainlie I say ȝow,
Gods holy wourd, but dout sall be tane fra ȝow
Because with ȝow, it is nothing regardit
Thairfor with God, ȝe sall be so rewardit,
That vncouth Strangears, of ane forene Natioun
[...]ere. v.
Sall disapoynt ȝour Kirk, and CongregatiounQuhilk is the gritest Plaig, that God can send,
This sall nocht mis, without ȝe schortlie mend,
[...]. ix.
Ȝe sall be Plagit so, and on sik wyse,That ȝe sall wysse ȝour death, ane hundreth syse.
And quhen ȝe wald, ȝit sall ȝe no wayis de,
That death ȝe Ȝairne, it sall fast frome ȝow fle,
[...]ere. ix. [...]vii. and [...]xviii.
For Disobedience, vnto Gods wourd,Ȝe sall be Plagit, with Hunger, Pest, ād swourd
With Hirschip, Fyre, with Dearth, ād Pestelence,
Esa. xxiiii
Because ȝe Sin, aganis ȝour Conscience,For Gods wourd, wes neuer moir trewlie teachit,
Nor it is now, in mony placis preachit,
And neuer sa mony vngodlie pepill sene
In to this earth, sen it Inhabit bene.
[Page]¶Quhairfor gyf ȝe grit God wald glorefie,
Imbrace his wourd, and learne to fructefie,
Ioan. xv
And lat ȝour werks, and wourds aggre togidder,
That euerye man, may graip and als considder,
It is Gods wourd, and pure Religioun,
That ȝe obserue, in ȝour professioun.
¶Quhat helpis it, thocht we the wourd professe
Except the Frute proceid [...]hairof expresse.
Thus lat ȝour deids, so schyne in tymes to cum,
Iac. i.
Tha sall be sene, and kend till all and sum,
That the Behaldars, may crye wt Ioyfull steuin,
Grace, glore, ād honour, be to ye Father of Heuin,
So quhen ȝour werks, dois wt ȝour wourds aggre
Ioan. xv
No dout ȝe sall, the Father glorefie.
¶The secund proffit, rycht as our Text it merks
Tuytching the bringing furth, of Godlie werks,
With faithfull Pepill, that dois thair God regaird,
Semplie I haue, heir in few wourds declaird
So that thair rests, of this mateir no mair,
Bot the thrid proffit, onlie to declair,
Quhilk schortlie now be Gods grace I sall end
Gyf earꝭ heirfor, and to my wourds attend.
¶Followis the Thrid Proffit of thame that abydis in to Christ. ¶The Text. ¶And be maid my Discyplis.
THe thrid, and Finall last Commoditie,
The trew Discyplis of Christ we sall all be,
Ioan. xv
That bydis in Christ, & Christs wourd in to thame
My Text, this Sentence plainlie dois declame,
¶Be the quhilk wourdꝭ, merking ye circumstance
Heir is requyrit? ane ferme contynewance,
Ioan. xv
In to Gods wourd, compleitlie to our end,
Gyf we his trew Discyplis wald be kend.
[Page]¶Inconstant men, my Text heir plane declaris,
Naue for to be, of Christꝭ trew Scolaris,
Bot tha ar Christ Discyplis to conclude,
That will conferme, his Doctrine wt thair blude,
As quhen it cūmis to that Extremite,
For to Renunce, Christꝭ Uangell or to de,
And chusis than, to suffer fyre and swourd,
Rather nor to renunce his Heauinly wourd.
¶As did the Prophetꝭ, and Mertyris mony one
With the Appostillꝭ, in to the dayis bygone,
And in our dayis, rycht mony we did se,
For Christꝭ wourd, do suffer pacientlie.
Maist cruell death, and mycht haue had thair lyues
With ȝeirlie rentꝭ to thame, thair barnis & wyues,
Gyf tha the wourd of God, wald haue refusit,
Tha did nocht swa, bot bitter death tha chusit.
¶All thir Discyplis, hes this rewaird heirfore,
Cor. i.
Tha sall haue pairt with Christ in Heauinnis glore,As dois the promeis of Christ till ws propone,
In the Euangell, of the Apostill Ihone.
[...]oan. xvii
Quhair to the father Christ, speykand speciallieSayād thir wourds, quhom thow hes geuin to me
I will that tha, thair be with me also,
And se my glore in Heauin, quhair I sall go,
So this last proffit the rest dois fer transcend
That is Eternall, and neuer sall haue end.
¶Suld lose of guds, lyfe, or feir of pyne,
Math. x.
Mak ws this Heauinlie Thesaure for to tyneQuhat is it wourth, to man to win but more,
[...]at. xvi.
The haill warld, wanting the Heauinnis glore.¶All earthlie things, tha ar bot transitorie,
Except this Heauinlie, and Celestiall glorie,
[Page]Quhilk be no vther meanis can be possest,
Except Gods wourd, in to our hartꝭ tak rest.
¶That death to man, it is grit consolatioun,
The quhilk dois lead, the Saule vnto saluatioun.
Bot verray feirfull, and dolent is that dead,
That dois the Saule, vnto Damnatioun lead.
¶With Deligence, now lat ws all heirfore,
Imbrace Christ Iesus, that we may cum to glore,
And in tymes cūming, lat none so ernistlie pance
On earthlie glore, that lestꝭ bot ane glance.
Bot lat our laubour, studie and Meditatioun,
Be euer bent, to seik for our Saluatioun,
And deiplie in our hartꝭ, lat ws considder,
None can serue God, & Māmone boith togidder.
☞Wo worth ye landꝭ, ye gudꝭ, gear, and flesche,
That dois man frome, this heuinlie glore depesche,
To the quhilk glore, now breiflie to conclude,
Mot bring ws Christ, that bocht ws wt his blude.
So be it.
¶Glore, Honour, Prayse, and Laude, Eternallie,
To God, for this Pure Werk, and none to me.
¶Quod Lauder.
❧The Lamētaioun Of the Pure. Twiching the Miserabill Estait of this Present Warld. Compylit be William Lauder. At Perth. Primo Fabruarie. 1568.
THis warld is war nor euer it was,
Full of myscheif, and all malure:
Fals and fragell as the glas,
How lang Lorde sall, this warld indure.
¶For mony dois Godꝭ worde profes,
Bot for to keip it, few takis cure:
Thay ar so bent to weikitnes,
How lang Lord wyll this warld indure.
¶Now euerie fat Sow, feidis ane vther,
And few hes pitie on the Pure:
Couatice gydis, and rewlis the Ruder,
How lang Lord wyll this warld indure.
¶The men quhome God hes rychelie dotit,
Abhorris the emptye Creature:
Cheiflie Protestantes, lat ws notit,
How lang Lord wyll, this warld indure.
¶Ȝit ar nocht thir, Protestantes trew,
Bot Ipocretis, I am most sure:
That hes renuncit Christ Iesu,
How lang Lord wyll, this warld indure.
¶Frome fraude, falset, and frome gyle,
No Preaching can the pepill allure:
Lawtie, and luife, ar in exile,
How lang Lord wyll, this warld indure.
¶Hipocrasie vaine Glore, and Pryde,
Now blawis thair Bugillis, strang and sture:
Simplysitie, is sett on syde,
How lang Lord wyll, this warld indure.
¶The reuth that Papistis hes I saye,
On thame that beggis frome dure to dure:
Sall ws accuse, on Domesdaye,
How lang Lord wyll this warld indure.
¶Now mony vsis Sosserie,
Doand the deuylis of Hell coniure:
[Page]Seikand to knaw, how all sulde be,
How lang Lord wyll, this warld indure.
¶Iustice is rowpit, as vtheris waris,
This is most plane, and nocht obscure:
The pure Pepill it declaris,
How lang Lord wyll, this warld indure.
¶The falsest Actioun, that may be,
Sall no wayis want ane Procuture:
The Deuyll he wyll, get one for fe,
How lang Lord wyll, this warlde indure.
¶Loude leand Lowreis for thair sleuth,
Was treatit passing throw mosse and Mure:
Upon trew Preacheourꝭ, few hes reuth,
How lang Lord wyll, this warld indure.
¶Credit and frist, is quyte away,
No thing is lent, bot for Usure:
For euerie penny, thay wyll haue tway,
How lang Lord wyll, this warld indure.
¶For auld kyndnes, thow sall nocht get,
Bot Magerie, Malice, and Iniure:
Auld gude done dedis, ar quyte forȝet,
How lang Lord wyll, this warld indure,
¶The dayntie Dammis, may nocht sustene,
The faithfull for, to fyle thair sture:
Bot treatis thame, yt tryit trumpourꝭ bene,
How lang Lord wyll this warld indure.
¶Ane fenȝeit flatterair, or Fuile I say,
Ane Barde, ane Bragger, or Bordell Hure:
Ar none treatit, so weill as thay,
How lang Lord wyll, this warld indure.
¶In all the earth, is no thing wer:
In to no earthlie Creature:
Nor heicht into ane Minister,
How lang Lord wyll, this warld indure.
¶Ȝit Papistis bearis ilke ane to vther,
More liberall luife, I am moste sure:
Nor dois sum Minister to his Brother,
How lang Lord wyll, this warld indure.
¶And now the Dochter and the Sone,
Lichtlyis the Mother, that thame bure:
And forȝettis quhat, thair Father hes done,
How lang Lord wyll, this warld indure.
¶Of this Iniure and dispyte,
Wrocht of all cankerit Creature:
I saye Godꝭ wourd, hes nocht the wyte,
How lang Lord wyll, this warld indure.
¶For to behauld this Miserie,
My breist in baill, it dois combure:
Sen reuth is none, nor ȝit Pitie,
How lang Lord wyll, this warld indure.
¶Sen all Estaitis, this gois astray,
Lat no man think, bot this is sure:
That God wyll Plaig ws but delay,
For thus we can nocht lang indure.
¶Quhairfore, lat euerie Creature,
The Mercyis of grit God procure:
That we may ones Imbrace the Lycht
Of Heauin, quhilk euer sall indure.
¶FINIS.
☞Quod Lauder.