IN this party sheweth thy story that after that Mawgys was retorned agayne to his hermytage / Reynawde was euer after sory for hym and also for his wyfe. But here cōforted hymselfe as well as he my­ghte with his bretherne. A lōge whyle abode Reynawde with his [...] [...]kynge as good there as be coude / and wyte it that aboute that ty­me deyed tholde duke Aymō whiche lefte grete goodes to his childrē / but shortly to speke Reynawde departed & gaue all his goodes as well that / y^t he had of his owne as that was fallē by the deth of his fader Aymon vn­to his bretherne except oonly that he reteyned for hymselfe the castell and towne of Mountawban / and foūde the wayes that they were al maryed noble & rychely. Who y^t sholde speke of the bretherne of Reynawde & of theyr dedes / it were to longe to be recoūted. Reynawde than dwelled longe at Moūtawban with his children whiche he endoctryned & taughte in all good & vertuous maners as well as he [...] that they were men / and coude bere both sheelde and spere. And vpon a daye he hadde theym to the feeld on horsebacke / and made to be brought there speres and sheldes for to assaye theymselfe / and toke with hym twenty knyghtes / whom whan they were [...]omen in the feelde / he made his children to iouste with. And ye ought to wyte that y^e two sones of Reynaw­de iousted as well as thoughe they had be hauntynge the warre. x. yeres [Page]& more. And whan Reynawde sawe that they dyde so well he called theȳ afore hym & afore the knyghtes and sayd to them. My fayr children thanked be our lorde / ye be talle men and well made of body / It is now tyme that ye were made knyghtes / wher­fore I wyll that ye go serue the kȳge Charlemayne your souerayne lorde whiche shall make you knyghtes / for of more noble hande ye canne not be dowbed to y^e noble ordre of knyghthode. Syr sayd Aymonet / we are redy to fulfyll your wyl in euery thynge y^t ye cōmaunde vs. Fader sayd yonnet ye saye well to vs / for it is tyme that we folowe the warres / but syth it is your pleasure to sende vs to Charle­ [...] [...] / but it can not be without grete cost. My sone sayd Reynawde / care not for the cost / for we haue good y­noughe / gramercy our lorde / for to brynge you there accordyng to your astate / & I promyse you / I shall sen­de you there or I be. vu. nyghte elder as honourably as ony wente thyder syn my tyme. Fader sayd the chilrē we are redy to go whā it please you wha Reynawde had sayd this to his children / he wente home againe to moūtawban well ioyfull of his two sones that proued so well / & whā he was within his castell / he called his stywarde and sayd to hym. Stywarde I cōmaside you that ye araye my childrē honorably & rychely of dyuerse maners of clothȳge & of thynges that longeth of theym / for I wyll sende them to y^e court of the kȳge Charlemayne / for to be made knyghtes of [...] & se that they go as honestly as ony went thyder this xx. yeres My lorde sayd the stywarde / I shall well do your cōmaundement syth that it pleaseth you / for ye haue ynough clo­thes full ryche of your owne of dy­uerse colours.

WHan the stywarde herde y^e cō ­maundement of his mayster without ony taryenge / he dy­de ryght well all y^t was cōmaunded hym by Reynawde / for he made to be redy many palfreys & coursers well barded & couered with ryche clothe of golde with belles of syluer [...]gylte in grete plente / & purueyd for two good harneyses all complete / for speres & swerdes and thynges as aperteyneth for the two yonge bachelers. Shortly to spe [...] it was not possible to araye better two yonge squyres thā the two yonge so nes of Reynawde were by y^e puruey­aunce of his stywarde / and whan all thynges were redy / he brought them byfore his maysters. And whan Reynawde sawe this he was glad & sayd by god stywarde I conne you thāke that ye haue purueyd so well for my childrē / & Reynawde made. v. C. knyghtes well redy to bere cōpany to his sones. And whan they were all redy Reynawde called to his sones & sayd to theym. My fayre sones ye be well apoynted thāked be god / & here is a fayre bende of noble men to bere you felawshyp / & therfore ye shal now go to y^e courte of Charlemayne our grete kynge / whiche shall make you grete chere and honour for my loue / my children ye be of hye lynage & ryght noble / & therfore beware y^t ye do node