Illustrissimo Domino Dno RICHARDO CROMWEL, IN HONORATISSIMUM CANCELLARII OXONIENSIS Officium & Dignitatem faeliciter electo Anno MDCLVII.
Carmen Onomasticon Gratulatorium.
RICHARDUS
Redde diem optatis, citò reddito Phoebe triumphis,
Incedunt pigrè hic vel Phaetontis Equi:
Clara dies! Nova Lux! Academia reddita! forsan
Hocce paroxysmum fert Tremebunde, Tibi:
At bona verba, togam videas licèt atque Cucullum,
Reddat & Insignes coccina lana Patres:
Da Veniam, Caesar, non formidabimus Umbras;
USque atque usque tremant, nos sumus Intrepidi.
CROMWELL
Chara Jovis soboles, quo nemo Serenior Alter
Rector, Tu Nobis Fautor, Apollo, Parens.
Omen inest, avibusque bonis dignabere Munus,
Munus Honorantem non (nisi honore) gravans.
Wallia Te agnoscit, magìs Anglia, dignus utrâque es;
Erigis hinc Almae Matris ad astra caput.
Libera nunc verè est Ars, atque scientia Athenis;
Lataque de cerebro est Nostra Minerva Tuo.
CANCELLARIUS.
Caesaris Augusti quota pars, quota portio famae
Amplas quod Vatum provocet Ille tubas?
Nascimur indocti, & nisi Mecaenatibus auctis
Cogimur inviti Sordidiora sequi:
Egregium praestes Te, (vir Mirande) Patronum,
Litterulis nostris undique crescet honos.
Largitor Quantus nobis OLIVARIUS Heros
Altera posteritas, altera lingua dabit.
Regis & exemplo (sileat quod nulla Vetustas)
Ipse libros
Milites in Hibern â qui bibliothecam epis. Armach: propriis sumptibus praesenti hoc anno redemerunt.
Miles (doctior ut sit) emit.Vestra
Insignia Academiae Oxon.
coronato si jungas stemmata libro,Seque Librumque Tibi dedicat Oxonium.
R. WHITEHALL A. M. è Coll: Mert. Oxon. socius.