Affectus (vulgò dictus) Hypocondriacus maximâ ex parte est convulsivus.
COelitùs ad terras visendum hominúm (que) labores
Simplex defcendit Pietas,& Scotica primò
Forte per arva novo tenuit vestigia gressu;
Ulteriùs jam turn fines aditura Britannos:
Cùm fancto subicò commota est murmure Diva,
Multa Dei accepit cognomina, mulra Piorum
Dicta Patrú & sacro quàm multa volumine scripta,
Accedit tandem & tenuis de culmine Rostri
Bacchantem cernit, coelo terrísque minantem
Elatâ pofitâque manu, buccâque tumenti
Presby terum inflatum. Pietas hunc Doemone captū
Credebat primò miratur sancta furenti
Verba relata sono & rabiem est miserata dolendam.
Intereà Divina illùc Prudentia venit,
Ec longè stetit inspectans, mirata quòd illis
Sit Pietas inventa locis, nutúque vocabat;
Ut procul illius fugeret consortia turbae.
Conversa est retrò Pietas, causámque rogabat;
Cuisic orsa loqui, Fato Prudentia major:
"Chara comes, Pietas, cui ne Rex ipse Deoram,
"Nè fallare, dedit sociam rerum magistram;
"Nè nimiùm moveare dolo sanctísque susurris,
"Nec gemitus néve ora notes, turbám (que) silentem,
"Et circumseptum satyris rudibúsque Colonis
"Presbyterum; tibi sunt hostes, Christoque, mihí (que)
"Inflati rabie & fictâ pietate profani.
"Hos Hypocondriacus replet circa ilia flatus;
"Hinc & phlegma oritur nigrum, contraria menti
"Sanae & dira lues: Cerebri hoc penetialia turbat,
"Fundamenta quatit, rectóque à Cardine vellit,
"Convellit nervos, & vultûs mille figuras
"Efformat, populùmque ad se convellit hiantem;
"Et Regis caput hoc humeris avellere rursus
"Conatur, sanctámque Fidcm Pictatis alumnam
"Et Te, summa Deûm, Pietas, convellere christi
"Consortem volet (heu!) valido medicamine legum;
"Nî bilem purget Carolus; cui mittor Olympo.
"Ut sceptrum Invicto firmem Prudentia Regi:
"Cura tua est, Pietas, Anglorum Ecclesia Vera.
Gravidis licet venam secare.
CAsta Diana fave; nam tu Lucina vocata
Virgo laboranti Dextram summittere Matri
Saepè soles placidam, quémque explorare Dolorem
Ipsa negas, miti dignaris tollere curâ:
Si verè Medicis consanguinitate propinquas,
(Namque Coronides Fratris de semine crevit,
Et Phoebi soror es) quassatam dirige Proram,
Felices aperi Portus, dextrâque peritâ
Hanc comitare Ratem recto per caerula cursu,
Cùm gemino Latona Parens sub numine pressa
Deliacam manibus tenuit miserabile Palmam,
Junonisque animum Precibus mollire furentem
Nequicquam aggressa est; fessi sub pondere nervi
Pene crepant, & nunc expiratura videtur:
Tum tua, Phoebe) soror moestam miserata Parenté,
Quamvis ventre latens, Partum relevantia dicta
Ore dedit, talíque Deam solamine juvit.
"O Mater neglecta Jovi, Terraequenegata,
"Atque invisa Polo, cujus nunc dura coegit
"Haud-natos Fortuna loqui; nè frangere fatis:
"Nam (que) vel hoc hoc ipsum Pondus tua fata levabit.
"Et quanquam Juno secum tenet Ilithyam,
"Ipsa ego, quam paries, Ilithya altera dicar:
"Hic uterus Medicum Numen gerit, illius Arte,
"Quae; cunctos recreare solet, sanaberis ipsa;
"Quaeque loquor, Lucina vocor, Lucina Puellis
"Adjutrix Gravidis, & nunc (licet aspera Juno
"AEternùm fremat) has ultrò tibi tradimus Artis
"Primitias nostrae: Ferventem porrige dextram,
"Et, cui Regis nomen, acu tibi Vena secetur.
Mirentur Medici: sic est effata Diana,
Et sectâ est felix jam facta puerpera Venâ.
In vesperiis Comit. Julii 4.1681.Respondente pro gradu Docloratûs in Medicina, Roberto Schuldham, quondam Socio, Coll. Socio, Coll. Gonv. & Caii.