DIEV ET MON DROIT.
HONI SOIT QVI MAL PENSE

ΕΥΧΑΡΙΣΤΙΑ ΒΑΣΙΛΙΚΗ.

EX BIBLIOTHECA COLLEGIT REGALIS ABERDONENSIS
TE pia dum placido vultu faecunda salutat
Prolis Apollineae Regia chara parens:
Lactea candidulo vernantia nectare divo
Lilia, Palladium nobile cernis opus.
Agmina squamigerum placidis complexibus haerent,
Labdacidae rutilam praefer alumne facem:
Scilicet hìc radiat croceïs Concordia pennis,
Suaveolens Clariae germinat artis amor.
Virtutum violae fragrant, meliphyllon odorum:
Juncta ue purpureïs balsama narda rosis,

Aberdoniis

Excudebat-Jacobus Brunus Urbis et Uni­niversitatis Typotheta 1660.

Reverende Domine,

HOc legi ac relegi Poëmatium, in se sa­pidum, catum, venustum, ut poētam decuit: materiâ sublime, quam Maje­stas tanta depraedicata requirebat: formâ gra­ve, prout Theologum decuit; reapse verum, sicut decuit Christianum ac pium: Religione ipsâ satis ingenuum, quod decuit subditum fidelem. Di­gnum prorsus judico, quod typis excuden­dum mandetur.

Tui studiosissimus Guil: Dowglassius, S. S. Theologias Pro­fessor in Vniversitatis CA­ROLINAE Collegio Re­gio Aberdonensi.
Junij 14. Die Jovis. 1660.

ΕΥΧΑΡΙΣ ΤΙΑ ΒΑΣΙΛΙΚΗ.
Ad Illustrissimum MONARCHAM CAROLVM II, DEI gratiâ Magnae Britāniae, Franciae et Hiberniae REGEM, fidei catholicae, Aposto­licae & orthodoxae Defensorem; post duodecen­nale exilium triste nimis, in patriam, et ad Pa­ternum & Avitum redeuntem thronum (Qui Maij XXIX, anni LX supra MDC, qui dies et REGI natalis fuit, anno regni sui 12, Londinum, cum acclamatione & ap­plausu summis subiit) [...].Congratulatorium, laudatorium, solato­rium, exhortatoriū, suasoriū, supplica­toriū et precatorium.
CARMEN.Quod

Mag: JOANNES ROW Principalis Collegii Regii Aberdonensis, in Universitate CAROLINA Theologias et Hebraea linguae ibidem Professor, laetus, laudans, gratulans, solans, hortans, suadens, supplicans, et precans cecinit.

VIVAT REX CAROLVS II.

Psal. 126.1.2. &c.
DIEV ET MON DROIT.
HONI SOIT QVI MAL PENSE

ΕΥΧΑΡΙΣΤΙΑ ΒΑΣΙΛΙΚΗ.

A JOVE principium: CHRISTVS mihi [...] Apollo,
[...], TER-MAXIMUS adsit,
Optimus ILLE itidem: Latices Helicone petitos
Porrigat ILLE suo sacros, quos Castalis unda
Suggerit, altisona ut REGEM haec Heroïca pangant
Sublimem, genus et genium si mentis ocellis
Acribus EXIMIUM spectes▪ quem carmine et ipsae
Pegasides vix vixue quidem super aethera Celsum
Pro meritis laudent satis, et quem carmine tollant.
Nos DOMINO grates pangamus CVNCTIPOTENTI
Ter-magnas, reducem tristi subducere REGEM
Exilio salvum et sanum dignatus amantem
Qui fuit, et populo dilectum, jure Paternum,
Quiue thronum meritò tandem conscendat Avitum.
Regicîda cohors pietatem jactat iniquam,
(Impia quàm pietas!) veniunt sub voce parentis
REX, Pater et Pastor: DOMINVM haec eadem (que) parentem
En spectat pietas; Erythraeïs sustulit iste
Qui manibus REGEM fidum, populiue Parentem,
[...], Patrem patriaeque necavit,
Impius est, nequamue Nerone Neronior ipso.
Si
I. Reg: 16.7. II. Reg: 9.31. I. Reg: 16.9.10.11.16. &c.
valde pravum non obtruncate Parentem,
Et Patriae licuit: dic quî sanctum ue piumue
Et summè justum hunc ausint occidere REGEM?
Christiadûm Mystae non haec; Jesuita docebit:
Supra
II. Thess. 2.4.
Antichristus Reges se et NVMINA tollit.
Atrox
I. Reg. 21.19.
occîdit REGEM, REX occidit Almus:
Inde thronum et cunctos reditûs
I. Reg. 21.19.
possedit avarus,
Trux
Oliver Crōwel. Anag. O vile cru­el worm! Occidisti, possedisti.
vilis vermis, Cromwellius, alter Ahabus:
Non Baasha, aut Zimri dominos Regesue necare
Audentes solidam pacem tenuere maligni.
Postquàm natorum terrae manus impia REGEM
Sustulit eximium Patrem, subducere sese
Ecce coactus erat Natus ter-maximus, inde
Exilium subiit regnorum Proprius Haeres,
[Page 2]Dum Clarij spatia huc clari duodena recurrunt
Annua: de reditu grates persolvere laeto
Stat dignas: itidem sine caede et sanguine REGEM
Quòd DOMINVS salvum sanumue reduxit Ovantem:
Atue ità quòd Clarus sit post haec nubila Phoebus.
Arcta suis spatiis solvantur gaudia, metris
Lege pedum strictis; sola haec juvere Camoenas:
(Loripes est etenim vincto sermone solutus
Tardior, Heroum nec laudes pangere natus)
Iliacos intra muros laetatur, et extra.
CAROLVS eximius REX, nomine Fortis et Acer,
Re simul, ad sese justo moderamine sceptrum
Multis transmissum proavis moderatur avitum:
Aeternaeue polo cape pignora certa coronam
Quam tibi terra dedit, triplici diademate tempus
Cingitur, at superum cunctis praeponderat unum,
Quod▪ certum at serum votis ardentibus usque
Nos tua turba piis optamus cordibus omnes.
TE reducem grato SALVUM SALVERE jubemus
Pectore, laetantes te sospite et hospite REGE
Nostro: noster enim es, nostris oriundus in oris:
Scotia te REGEM jactat, jam carduus uno et
Lilia juncta rosis binis umbone tenentur.
Hinc nostrae crevere rosae! PARADOXA videmus;
Altilis et benedictus eris mi cardue dictus.
Pacificus Propater, sub quo pardusue leoue
Unanimes egêre dies, vel odore roseti
Lilia vicini spirantis, plectra süavis
Vel chelyos rabiem cogunt deponere bruta,
Vel potius rabiem posuerunt praeside Phoebo.
Reddere TV mites caveâ sine, vel sine clathris
Ipse feras poteris: tanti est prasentia CARLI!
Bifrontisue IS Avus faelix quam clauserat aedem,
Conclusam retine: quò nos sub tegmine fagi
Securi recubemus, opacâ coetus in umbrâ,
Munitus coeloue, saloue, soloue favoris
Umbra pios DOMINI quamdiu nos protegit alma.
[Page 3](
I. Reg▪ 4.26.
Pacem amet, et, si res poscant, sit ad arma paratus,
Qui placidus Princeps, sapidi Solomonis ad-instar,)
Non
Ps. 137.2.
muta in viridi nunc pendent nablia ramo,
Uda lyras nusquam tacitas tenuere salicta.
Esto, rosas alius jactet junxisse colore
Discordes solo (facta est quibus Anglia pulchra:
Album etenim et rubrum gratae superaddita formae
Rem pulchram reddunt) alius se lilia pardis,
Atue rosis alius jactet se barbiton acrem
Adjunxisse suis, HIC scuto solus in uno
Omnia conjunxit: spinis paliurus acutis
(Armatumue ferox Nemo hunc impunè lacessit)
Additur et dictis, crudo cum rege ferarum:
Discordésque viros, vires, inimicáque jungis
Pectora pectoribus, testatas sanguine pridem
Sedatas multo, ne erumpant comprimis iras.
Tempore crescit amor: sic mens hostilis in hostem
Crevit in immensum, quam saepe injuria fovit
Mutua, multa, frequens: nulliue infensior Anglus
Quàm Scoto; Scotus nulliue infestior hostis
Anglo quàm fratri: quos junxit Vesta, salumue,
Dissidium discors, odium disjunxit et amens;
Concordes animi, concordia pectora, concors
Nunc studium quibus est: Nemesis nunc exulat, Ate et
Exosa, exitio Scotus non imminet Angli:
Nam mens una viris, REX unus, gaudia et una,
Unum odium exercent, quiue HOC in TERTIO utriue
Conveniunt, sese concordia pectora mulcent
Inter, et unanimem per secula plurima pacem
(Utue uno chari nati genitore gemelli)
Vicinae gentes (hoc Dij voluêre) fovebunt:
Grex et uterque ILLI servit, REX servat utrumque,
REX. Lex. Grex.
Paret uterque DVCI populus, DVX pascit utrumque,
Dirigit ILLE gregem proprium, grex diligit ILLVM.
ILLE cruces geminas signo conjunxit in uno,
Linea et hinc surgit signis inscripta quaterna,
Obliquae geminae, transversa est linea terna,
[Page 4]Ultima dependens, Andreae mixta Georgij
Crux est: hìc iterum miscentur CANDIDA RUBRIS:
CANDIDA, RUBRA etiam si nostra Britannia, pulchra est.
Nescio quâ natale solum (Salmonia cura!)
Ingenitâ allexit REGEM dulcedine, sceptrum,
Ut clavo admotus rerum, moderetur avitum,
Solenni ut ritu sacrum diadema, corona,
Debita per seriem Proavûm tot, tempora cingat.
Visere gestivit Clarius primordia Delon,
Sicue sagittiferam Cronides cunabula Cretam
Jupiter invisit crebrò, Samon alma revisit
Threïciam Juno, primae spiracula vitae.
Nos cuncti [...] Scoti velamine cincti,
Quamdiu grata solo facies non reddita nostro est.
DELIA sic pallens luget, si DELIUS absit▪
Et sic virgineo conjunx viduata marito,
Sic viduata comis arbos, sic floribus hortus,
Tristatur, rigido clausis Aquilone strepente
Nubibus, imbriferos arctè qui congelet amnes;
At nunc TE reducem et salvum Brittannia REGEM
Laeta videns, pullam mutans, Albania dici
Gestit, et exultans TE sospite et hospite REGE,
Jubila lugubrem mandant seponere vestem:
Pullaue tot Phoebi reditûs tua Grampia flevit;
Nunc iterum pullum gestit seponere amictum.
Compita cuncta sonent plausu fremituue popelli:
Laeta cohors laetum cantu deducat ad aulam
Nobilis augustam, convivia lauta celebrent,
Concelebrent ue dies festos: Saturnia jam sint,
Sit licèt in Cancro PHOEBUS, nec scandere Caprum
Cernamus, vivat Princeps genialiter Almus:
Lydus, item Ganges aurato vellere REGEM,
Aurisluoue Tagus lapsu, Pactôlus et Hermus
Vestiat, et si quis trahat aureus amnis arenas
Consimiles, aurum precioso viscere tellus
Siqua suo condit, preciosus et unio siquis,
Gemmáve, siqua capit pretioso tegmine concha
[Page 5]Quae decorent corpus: Getulo murice Arachne,
Vel potiùs Pallas, byssum bis stamina tinctam,
Lumina quae Lyncis fallant, subtilia ducens,
Vestiat eximium generoso vellere corpus.
Denique quicquid habet dives circumspice mundus,
Omne TIBI cedat, REGI famuletur abunde,
REGIA magnifico Pallas CVI pectora cultu
Non mediocris alit, mentem CVI grata Camoenûm
Tota cohors coluit, Charites benesuada benignae
Turba animam decorant, labiis suffundere Suada
Et Pitho semet gestit, Physis alma refulsit:
Mentem etenim sano sanam dat corpore NVMEN.
TV ue Hypcraspistes verus (non fictus ut iste
Regicîda atrox rabula, et qui Proteus alter,
Nasutus Naso, ac alter Vertumnus habendus
Versutus, semet qui in formas verteret omnes)
DEFENSOR Fideï, populi PROTECTOR amantis.
REX que loquens Lex est; Lex est REX mutus,
REX. Lex. Grex.
uterue
Sedulò et ecce Gregem putà charum curat utrique:
Dirigit hunc etenim Lex, quem REX diligit almus,
Quem dicto et facto pascit, refovetue favetue.
Vive dïu multum foelix, Regnator Olympi
Cui dedit esse SOLO REGEM, tripliciue coronâ
Tempora ter-magni qui cinxit sacra MONARCHAE,
IS dabit esse POLO REGEM, es ter-maximus isthìc,
Unum pro triplici quando diadema coronâ
Tempora sacra POLO aeternùm redimire videbis.
HVIC animam Charis alma colit, quam FLAMINIS omnes
Condecorant dotes Regali pectore dignae.
TE, tria regna, pium, rectum moderetur et aequum:
Praecipitem clemens sapientia temperet iram,
Inue enodandis tardus sis fascibus oro;
Ast de caede PATRIS Tu sis
2 par: 25.3.4.
Amazia Celsi,
Nemo Patricîdûm, precor, hoc impune referto:
Sanguine in effuso haud licuit vel parcere cuivis;
Sed minùs hoc multò siqui ausint tollere REGEM:
Provocat impune hoc et ad ulteriora patranda,
[Page 6]Ulterius quicquam si MAJESTATE daretur.
Deut. 17.18.19.20.
Pagina sacra pii pia sit meditatio REGIS,
Velle DEï sit velle DVCIS, fidosue
Jesaj: 49.23.
Ministros
Officio vigiles sceptro tuearis amico.
Ipse Lupam quòd Avus calamo transsixit acuto,
Hastae eadem figenda manet TIBI cuspide dirâ:
Apoc: 17.12.13.14.15.16.
Quò TE fata vocant tendas, insignia cerne,
Non desunt operâ quorum hìc utare, Molosst
Acres, et duri pardi, crudiue Leones:
Robora magnanimûm cuneï conserta virorum,
Heroum vibrent Macedûm de more sarissas
Et qui fraxineas: legio non firma, phalanges
Non deerunt durae, praefixa aut lancea ferro,
Tormentûm tonitrûs, ex queis explosio dira:
MONCKIVS ipse aderit, longè invictissimus heros,
Exilio REGEM is gratus revocavit amantem▪
Cuncta trium ac aderunt TIBI REX comitia regnûm
Ergo invicte HEROS triplici redimite coronâ
Tempora sacra, sacras ternas oppone coronas
Veras huic triplici falsae, quâ tempora cincta
Est Lupa, Romuleâ celsâ quae regnat in Vrbe.
Opposuit vaccis Phariâ tellure tyrannus
Sic vaccas, spicis sic spicas devorat idem:
Devoret et triplicem falsam tua vera coronam:
Anguis ut Amradae cunctos deglutiit angues
Praestigiis genitos: carnesue leonibus illis
Trade Lupa Ausoniae laniandas, hasce Molossis
Dede tuis, coenam putà gratam dentibus istis▪
Unanimes quamvis conspirent turba togata,
Haec Tyris quamvis ostro vel murice amicta,
Purpureïs induta licèt sit vestibus, istam
Exue veste Lupam, triplicem detrude coronam
Temporibus sacris: portas et moenia Romae
Arjete percrebro, missis et pulvere sphaeris
Sulphureo effringas: urbem obsidione perarctâ
[...] cingas: inceptum perfice coeptum
[Page 7] TV ducis eximii fuerat cui nomen Adolpho.
Aude iter egregium: CARLVS REX fortis et acer
Dicitur: hìc TIBI sint Verbi Cynosura perennis
Dogmata, sulcanti latices TIBI sint Pharus alta:
His ducibus TIBI surget honos, Duce Flamine Sacro
Carpe viam, et fatis TETE venientibus offer:
Aurea Saturnîi revocabis secula veris,
Rudera si nostrae detur reparare Tzionis.
Gliscit apostaticae facilis contagio sectae:
Bella-minans-armis comites tantos tot adeptus,
Impia in hoc XPI regnum conjurat IESU
Turba, cohorsue famem, caedemue ac arma minatur:
Gangraenae ac instar longè contagio sectae
Damnosae serpit: Quantis versamur in arctis!
TEue Poli voto Ter-summum supplice REGEM,
TEue soli REGEM ter-magnum voce rogamus
Supplice, digneris nostris succurrere rebus:
Patronusue Parensue Scholae Regalis, Alumnus
Almus, Gymnasii fotor fautorue praeesse
Digneris, lapsas, O REX, reparando ruinas.

Vivat REX CAROLVS II.

FINIS.
EX BIBLIOTHECA COLLEGIT REGALIS ABERDONENSIS

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.