OMNIS Prophetia à Deo est, & è Deo 1 solum intelligitur, quia Spiritui nulla potestas est plus videre quàm matri­cem suam. Septimanas igitur 21 Kotterianas absque Dei Lumine exponere, carna­litas est, & tota hactenus Europa, quatenus Ro­mam Octavam repraesentat Apocalypticam, in ratione sua caeca occaecata fuit, dum absque Dei Spiritu & Prophetas novos legeret & exponeret. Legunt nostri Academici Scripturas, & explicant 2 rationis propriae Spiritu, & sic explicant Scriptu­ras tanta certitudine, ut tota Europa nunc confu­sa, plenius in Romam Octavam sit transmutata ad sextum Dei Judicium tàm propinquum (O Jesu Christe!) sat matura. Non sic, non sic nobis­cum, [Page 2] & veraces sunt nostrae explicationes Scrip­turae, infuso lumine a Jesu Christo acceptae, quae in calamum nostrum e veritatis sanctae canali abs­que omni nostrâ fere operatione influunt. Ad de­monstrationem 4 ergo clarissimam impletum esse, quod Angelus Dei Kottero dixerit, Cap. 8. Da­bit Deus Spiritum suum cuidam, qui tempus hoc cal­culando per 3 & 7 cognoscet: resolvemus heb­domadas istas 21 Propheticas luculentissimè. Ne credas, O homo, tam parvi momenti rem esse 5 concordantiam totius Scripturae Naturaeque in his 21 hebdomadis reperire? Nam totus mundus a Creatione suâ usque ad Christi reditum in 21 hebdomadas distributus est, quas Apocalypsis de­clarat clarissimè, Spiritum Dei habenti, & verum Christianismum realem practice exhibenti, non historicum istum nominalem, sub plagis septem Apocalypticis delineatum. Orent in Spiritu & 6 Veritate, exeant ex Octavâ Româ, rationem sidei subdant, & tunc intelligent, cujus Spiritûs verba haec fuère. Ast quis ferre verba Dei, quis inten­dere potest? Ad Scripturam omnes nunc cla­mant, 7 & contra Scripturam docent, scribunt, vi­vunt, quia litera Scripturae ipsos trucidat. Spiri­tus Dei in suis occluditur, Sapientia increata ad rationem reddendam, Cur hoc facis? Quis usus? Quid tandem? temerarie postulatur, & volunt intelligere vias Dei, cum suam viam vitamque nesciunt. Interea Dei Ira festinat, Bellum, Terrae­motus, Fames, Pestis accenditur, & in medio Irae, Iram severiorem excitantes, occaecati signa quae­runt, & ipsi signa sunt, & brevi signa erunt. Non 8 [Page 3] silet Deus in nobis, sed mensuram adimplere per­mittit cunctis, castigatione paternâ suà tertia nos praeparans ad realem apparitionem istam ingen­tem ipsius istius, qui dicebat, Ego sum Dominus Tsebaoth; quae nimium terribile ignitum Signum, cujus Spiritûs haec sunt, Octavae Romae apparebit, ipsam inflammans. Qui credit, credat; intelligit, intelligat; intendit, intendat: SATIS DIXI. Sicuti autem magnae 21 Mundi-Septimanae, â Spi­ritu Dei mihi reseratae sunt, sex Millenariorum 9 Signum, Figuram, Realitatem, ab Adamo usque ad Sophatham comprehendentes: ita etiam 21 istae Septimanae Kotterianae, quae compendium magnarum 21 Septimanarum non solum reprae­sentant, sed divinâ Providentiâ Veritatem Sapi­entiamque divinam Prophetiae novae eloquuntur. O sancte Deus! Quomodo blasphemant Te indies tui in tuis Instrumentis? Sciunt Sapientiam nun­quam 10 tuam habitasse, nisi in animâ â te sanctisi­catâ, & tamen tuos Sapientiâ tuâ vestitos Pro­phetas, vel Diabolorum Discipulos appellare, vel PRO LUBITU LIBITUQUE SUO legere vel rejicere cogitant. O arrogans, O stulta ratio hu­mana! 11 Quò non impellis te sequentes? Nesciunt quod christianè vivere, sit Christum ubique lo­quentem sequi, non persequi, ut Voluntas ipsius fiat tam in coelo quam in terrâ, hoc est, in omni Creaturâ. Habemus Mosen & Prophetas, scimus 12 Deum cum Mose locutum, cum Hoc nescimus; speciosae Serpentis Infernalis Inspirationes sunt, quia unius Dei una vox in omnibus, & nunquam alia erit ceu fuit, & nunquam tamen est, ceu fuit, [Page 4] nec erit, ceu est. Si Mosent & Prophetas habes, 13 habes generalem Scripturam; nec specialem ap­plicatamque tempori tuo Scripturam, quam prae­sentes tui aevi Prophetae constituunt, vel spernes, vel lectu inutilem inquisitioneque seria indignant credes. Moses & Prophetae docuerunt Volunta­tem 14 Legemque divinam impulsu divino; hi etiam applicant istam tuo seculo impulsu divino. Mo­ses & Prophetae futura praedixerunt, ut Deum per ipsos egisse opera sua agnosceres eo certior Prae­ceptis 15 Monitisque Dei obediens; hi specialiores saltim tui temporis applicatores ab eodem Au­thore, ob similem tuam certitudinem. Moses & Prophetae Christum ubique inculcant, de Christo 16 agunt, de Christo triumphant, & characterem veri Salvatoris Mundi divinitùs proponunt; hi eti­am post Christi Resurrectionem Ascensumque ad Coelos, Christum specialiùs tibi ostendunt, divi­nitùs excitati, verorumque Christianorum cha­racteres designant. Moses & Prophetae de ultimis 17 temporibus, de sine seculi, de Antichristi Vice­deitate, de Christianorum seductione generalis­sima exhibuerunt, ne orbis seductus innocentiam quandam haberet attestari; hi specisicè ista prae­senti tuo seculo applicant, in medris Antichristi tenebris ob eandam attestationem. Quid quaeso 18 excusationis? Quid falsitatis? Quid praetextûs? An non Moses & Prophetae suà in vitâ eandem in­credulitatem á suis experti, quam nostri praesentes ab hodiernis? Non habent Mosen & Prophetas, qui ad Mosen & Prophetas semper appellant, quia Mosen & Prophetas in suis Filiis rejiciunt, sper­nunt, [Page 5] lectu inutiles judicant, & Pseudoprophetis Satanae, non Mosi & Prophetis manum dant. Quàm necessariò ad Mosen & Prophetas in dubi­is 19 rebus appellandum est, ne seducamur; tam ne­cessariò etiam in Mosis & Prophetarum dubiis locis, quos hic vel iste causavit, ad Prophetas Neo­tericos, Sanctae Scripturae divinos Commentarios recurrendum est, ne Antichristi, Babylonis, Ro­maeque Octavae conjecturis, discordes ampliùs maneamus. Unus Deus Triunus, Una Scriptura Triuna, Una Fides Triuna, Una Veritas Triuna: 20 econtra tot nunc de Deo, Scripturá, Fide, Veri­tate ferè Opiniones, quot non Sectae, sed ferè Sectarii. Et nos stulti Prophetas adhuc rejicimus, propter unicam concordiam missos, ne nostrâ dis­cordia 21 in sexto Judicio cum caeteris rejectis rejici­amur? Satis, satis est hujus Babylonismi, & è som­no voluptatum vestrarum somnioque optimae vi­tae Christianae nostrae, quae totaliter primaevae cha­ritati veritati (que) discolor, expergiscendum est, ne nimis serò lacrymis aeternaturis nostram caecita­te deploremus. Septimanae 21 Kotterianae facillimè consirmant dicta nostra, nisi praejudiciis intolera­bilibus 22 divinae Sapientiae praejudicemus, quoniam paenitentiae nostrae traditi sunt tot anni, quot dies istae comprehendunt, antequam impaenitentes cum Antichristo, cujus Caput est Caesar, corpus Pontifex, cauda Hispanus, pedes caeteri Pontificii, Turcico Gladio cum Septentrionalium ense con­juncto ruant. Percurramus ergo Textûs ipsos Ko teri brevissimè. Angelus apud Kotterum Cap. 23 5. secretissimos numeros sub 1621, & 1630 re­tegens, [Page 6] tandem designat. v. 31. Hebdomadas 21 ab occupatione Pragae, quibus clapsis Praga rursus bre­vi Friderico sit cessura. Explicatores, nescientes Prophetam, futura, non praesentia, sub aenigma­ticis 24 siguris, nominibus, certisque Personis semper praedicere, Deumque lusum suum cum filiis homi­num habere, totâ Scripturá cum omnibus Electis docente, sumserunt Hebdomadas istas 21 pro communibus, occupationem Pragae pro communi Urbe Bohemiae, Fridericum pro Palatino Rheni, Friderico V. Ast errarunt stili Prophetici (ceu 25 priores nostri in Scripturis) expertes, quia Deus obtegit Mysteria sua servis suis, ne liberum arbitrium Creaturae rationali suae sumeret, si aper­ta essent, & tamen praescientiae suae testimoniis abundè posteris declaratis remanentibus. O 26 Abyssus divinae Sapientiae, Sapientibus delectabi­lis, Insipientibus formidabilis! Haec est, in quâ sancta Simplicitas felicissimè navigat, Fidei Myste­rium absolvens; & in quâ mundanae rationis pru­dentia, naufragio perpetuo infamis est, contra­dictionum, contrarietatum, falsitatumque mare in suis oculis inveniens. Haec est causatrix innocen­tissima, 27 quae cunctos Academicos, omnisque or­dinis Politicos Ecclesiasticosque vexat hodie in Prophetis Neotericis, Mysteria Dei praearrogan­tibus occultans & Ignorantiam ipsis cum eorum Indignatione objiciens. Vellem cuncta evidenti­us 28 demonstrare, nisi in Scriptis aliis demonstras­sem, & brevitas mihi hic cordi esset: satis erit è textu ipso alterisque locis eandem evidentiam rationisque humanae fragilitatem evincere princi­piò [Page 7] quoad Tempus, deinde Urbem, tertiò ipsum Fridericum. Quoad Tempus? Propheta enim 29 Kotterus effluxo termino 21 hebdomadarum val­dè tristis, audivit ab Angelo, praeoccupante ipsius intentionem: Nihil ipsi unquam Deum per Ser­vos suos revelasse inutile; Deum istarum 21 Hebdo­madarum mysterium singulare sibi reservatum volu­isse; considerare tamen debere, septies septem facere 49, è quibus ter multiplicatis prodibunt 147 hebdo­madae, atque hunc esse terminum (ab occupatione Pragae scilicet, originali rectiùs indicante quam corrupta interpretatio) qui bello huic terminum asseret suum. Angelus Dei hic praeoccupavit sub 30 Prophetae Personâ omnes, propter 21 hebdoma­darum Mysterium de Prophetiis hic dubitantes, ne rationis suae inanis ductu de Mysteriis numero­rum obscurorum inquirerent, qui reservati essent suo ipsi tempori; & ne propter quaedam non in­tellecta, omnia bene intellecta, Christianae Veri­tati consentanea, â vanissimis suis cogitationibus seducti, ad Judicium suum aeternans rejicerent. Nihilominus considerationes divinitùs excitatas omnibus Lectoribus indulsit, Clavi datâ totius 31 Numeri, quam ad cuncta haec suffecisse, Experien­tia demonstrat in praesenti hâc Scriptione. Nec his contentus, clarius in alterá Revelatione Vi­denti revelavit totam Clavim his verbis, Rev. 9. v. 39. Hebdomades illae 147 sunt tres Jubilei-anni­hebdomadae, & est magnum Mysterium in istis, & pertinet ad Spiritu-divites eruditos. Tu de hâc re non esto sollicitus, sed age quod tibi dixi. Quid est 32 Jubilei-anni-hebdomas? Nonne 49 anni? [Page 8] Et certe in Jubileo Anno summum Mysterium; quod nulli erudito pateat, nisi isti, cujus Doctor ipse Spiritus Sanctus, omnis Veritatis Sanctae Unus Unicusque Magister. Nedum in triplici hoc anno Jubileo hebdomadarum 21, qui referre de­bebat compendium Signi, Figurae, Realitatis Universalium 21 Mundi Septimanarum, totum Orbem terrarum in admirationem tam mirabili­um personarum rapiens, totque contrarietatibus confundens. Quod vero Angelus adhortabatur Videntem, & sub ipso cunctos Lectores, de hâc re 33 ne solliciti essent, sed agerent, quod Officium Christianae Fidei requireret, in simplici Fide my­steria haec propalare, maximi ponderis adhorta­tio est, á vano ratiocinio in his Prophetiis totali­tèr nihil fore expectandum, ceu tota Europa Aca­demica inscitia suâ adhuc testis. Hebdomadas 34 autem istas 147 saltim vulgares 147 annos, & vulgares tres Jubileos annos referre, quanquam clarissimè confirmaverat Angelus, clarius tamen revelavit his verbis: Rev. 23. v. 78. Post exitum 21 hebdomadarum (tanquam 147 vulgarium Sep­timanarum, quae in Martio suum exitum sumunt, & finis 1260 dierum in Aprili) principium erit e Sylvâ viridi, in aridam Sylvam venatum prodeundi. Hic causa occulte patescit, cur Pontificis Thronus ru­ere 35 totaliter intra 147 annos nequeat, quia Scrip­turae numerus Bestiae traditus, nondum impletus; deinde cur 21 hae Septimanae utriusque Scriptuiae Prophetarum Clavis sint, quia exitum tam 1260 dierum, quam 1176 dierum Propheticorum, sive annorum & caeterorum numerorum describentes, [Page 9] simul eorum Principium & medium remonstrant. Nam omnium numerorum secreta, quae hactenus occulta, plenâ 21 Septimanarum Universalium, 36 specialiumque cognitione patefacta sunt, & mi­sello Juveni concessit gratia Christi sex millenari­orum notitiam, ne caro fragilis in Senibus ratio­oni suae, si ipsis concessum fuisset, adscriberet. Lu­dant, illudant; vera sunt, & supra omnium spem, 37 secundum Prophetias Servorum Dei majora enu­cleata, revelata, notificata, quia non ab ho­mine, non Magistro, sed ipso Jesu Christo, cui sit soli cum Deo Patre & Spiritu sancto gloria, haec confluunt, ceu confluxerunt immeritá gratiâ, & confluent, si Ecclesiae Christi erit fructiferum. Et verissimum est de his Prophetiis, quod Ange­lus 38 revelavit: Cap. 16. v. 48. Et qui Scripturam legit, & probe annotat, ille haec (Revelata) pro­be intelliget, & ille est Propheta etiam de futuris & mirabilibus rebus, quae in hoc tempore, & etiam in sequentibus Temporibus evenient. Ad Testimoni­um enim Turcarum, Tartarorum, Gentium, haec praeprimis revelata sunt, teste ipso Domino apud Drabicium: Rev. 138. § 17. Simul verò ac illi (quibus opus meum revelo mature, & mando) manum operi admoverint, Turcica Natio prospice­re incipiet, ut Illuminationem accipiat primo e Li­bris illis, quos corum in usum parare volo. Rectissi­mè Turcarum in usum specialis haec Scriptura 39 tempore destinato veniet, perque ipsum genera­lis ipsa Scriptura, absque quâ nec haec intelligitur Apocalypseos Apocalypsis, nec exponitur. Impletio istarum rerum, quas Prophetia nova continet, [Page 10] Turcis Gentibusque Divinitatem ejusdem profi­teri necessariè persuadet & quoniam à Scripturâ utrâque nullibi discedit, sed perpetuò ad Scriptu­ras ceu Lydium Lapidem provocat, per necessa­riam consequentiam Scripturae utriusque divini­tatem â nolentibus evincet, errorumque suorum confessionem, falsam Hypothesin, Judaeos Christi­anosque Scripturas veras perdidisse fundamenta­litèr destruens. Judaei ipsi, pervicaciâ insignes, con­fundentur 41 totalitèr, cum Danielis Septimanas 70 tantâ Harmonià cum Apocalypsi & his Prophetiis concurrere aspicient, juxta Drabicium: Rev. 395. v. 5. Septuaginta Hebdomadae indicatae fu­erunt Danieli ad meum adventum, & veni ante­quam decurrerunt. Eundem numerum 70 hebdomada­rum â die discessûs mei numera, si habes intellectum, ubi dierum, qui nunc sunt, praeliorum & belli finem fieri oportet. Numeravi divinâ gratiâ â die disces­sûs 42 Christi, & à priori terminum eundem inve­ni, quem a posteriori per 21 Septimanas invene­ram, quod Testimonium firmissimum è Spiritu Dei uno, & haec Drabiciana & ista Kotteriana pro­sluxisse. Septimanas 21 secretissimo modo Drabi­cio 43 Dominus ostendit, cisrâ triplici 7 7 7, cum verbis: Rev. 557. § 2 & 5. Mysterium est nu­meri mei, quod tu non intelliges nunc, intelliges aliàs. Et mox: Quaere ex obtrectatoribus istis meis & tu­is, an inde ab exortu Ecclesiae vestrae quisquam ita locutus est, quoad res & verba, ut per te loquor Ego? Excepto illo Hussi, centum revolutis annis Deo re­spondebitis & mihi. Quis numerus est 7 7 7, 44 quam 21, numeratione Angelicâ Kottero ostensâ? [Page 11] Deinde post centum annos, quos tam secretè Hussii Prophetico dicto involvit, quis numerus quam 1777? Sufficiant idcirco haec pro tempore, de tempore 21 Septimanarum, & agnoscant cum verâ contritione audaciam Antichristianam ru­bicundi, qui futilissima Judicia de his 21 Septi­manis habuisse agnoscunt. Quoad Urbem Pra­gam? Ab occupatione Pragae, cujus fatale praeli­um 45 in monte albo, die 29 Octob. (8 Nov.) 1620 factum est, 21 Hebdomadas numerat Ange­lus supra praefatus, quibus elapsis Pragam rursus in brevi tempore Friderico cessuram prophetat. Quemadmodum Hebdomadae Propheticum aenig­ma est; ita etiam ipsa Praga, sub quâ totus Chri­stianismus 46 septem plagarum Reformationis con­tinetur. Inquire saltim Bohemiam, cujus Me­tropolis Praga est, ipsius situm, conditionem, re­formationem, concilium, subjugationem, confes­sionem, persecutionem, nec miraberis eandem electam fuisse a Deo, quae Principissa quasi fuit in resistentiâ Romano Antichristo. Tandem quo­ad 47 Fridericum? Fridericus V. Palatinus Rheni, quintae Ecclesiae reformatae addictus Princeps, à Bohemis justè electus erat in Regem, dum domus Austriaca privilegia sua violaret, ad libertatem Reformatae Ecclesiae, Pontificisque detrimentum. Fridericus, nomen Germanicum, idem quod He­braicum 48 Salomon; Quintus sive Quinarius, quinti Regni Monarcha; Palatinus, quod nomen Pfaltz, sive Palatinatus apud Antiquos designavit Thro­ni Caesarei Urbem, ceu nunc Ottomannica Porta, Whitehall, &c. Aulam Turcicam, Anglicanam; [Page 12] Rhenus Rex est Germanicorum Fluviorum; quin­tae Ecclesiae Princeps, quoniam quinta Ecclesia per Sextae Ecclesiae Reformationem, ad Septimam, si­ve verum Universalem Christianismum tandem ascendet. Paucis: FRIDERICUS ELE­CTUS 49 ERAT IN SIGNUM, CUM QUO PRAESIGNARET DEUS, QUAE POST QUATUOR MONAR­CHIAS IN PRINCIPE REGE­QUE CHRISTIANO PERFECTE IMPLENTUR, postquam per 21 Septi­manas sive 147 annos tribulationes Pontisicias fortissime pertulit. Hinc Rex Fridericus Kottero 50 Cap. 5. vers. 22. mox in principio exhibitus fuit quadrupliei specie; 1 Dormiens in terrá prostratus. 2 Surgens in tristi & maerente statu. 3 Manibus levatis in terrâ provolutus genibus oransque. 4 Stans in sua Regid coronâ, veste & magnâ gloriâ. Ange­lus 51 autem annunciare Regi Friderico inter alia haec jussit: Que madmodum Jacob 21 anno post fugam ab Esau & suam e Patriâ secessionem magnis cum copiis domum reversus fuit: ita etiam Fridericus post 21 Hebdomadas ad pristinam gloriam reditu­rus. Atque ex hac causa quadruplici specie osten­sum esse, ut ipsum videret dormientem, miserum, o­rantem tandemque in Regiâ Majestate & gloriâ. Haec clatiora sunt Sole Meridiano, & tamen 52 hactenus tenebrosiora noctis meridie. Indicat enim Angelus Friderico Salomonique Mystico, quod sub Signo per 49 annos dormiat in terrâ prostratus; sub Figura per 49 annos surgat in tristi & marente statu, sub Realitate per 49 [Page 13] annos manibus levatis, in terrâ provolutus geni­bus, plenâ liberationis spe oret, usque post hos 147 annos brevi ab Oriente & Septentrione jussu Dei extraordinario, in Regem quinti aeternantis­que Regni creetur. Quapropter Angelus in Re­velatione 53 novâ Prophetae expressè dixit; Cap. 23. Vers. 99. Sub Friderico intelligendos simul esse omnes credentes, & patientes Jacobi Liberos, quos in Revelatione alterâ, Cap. 15. v. 37. Friderici genus Familiam progeniemque salutat. Lege hoc 54 sensu has Prophetias, & Leonem Septentrionalem Orient alemque non uni homini, Urbi, Regioni, Regi, ceu hactenus omnes, applica, sed istis de quibus Dominus ad Christinam Prophetissam: Rev. 13. v. 45. Leones sunt Hungarus, Turca, Tartarus, Suecus, Danus, Belgae, Angli, Galli, Ve­netae & Vimariensis: totum aenigma Propheti­cum tibi, ceu historia quaedam, erit apertum, non opertum. Nam ipse intelliges, in adversariis ean­dem 55 regulam, eádem lege tibi fore observandam & omnia contraria, Ferdinandum, Meretricem, Bestiam semper Pontificiis eorumque capitibus prae­sentibus applicanda; quibus factis, oculis tuis Iram Dei futuram in sexto Judicio tremebundus aspicies, juxta Prophetiam Kotteri: Cap. 10. v. 48. Ah Vae super Caesarem, Reges, Princi­pes, Comites & Dominos! Vae super Regiones & Urbes in totâ Germanid! En vana Europa! Iste 56 Fridericus, quem tu pro ludibrio habuisti, Regiae suae tam citò excidens, a Deo electus & selectus erat, ut tu Regiae tuae Romanae in aeternum excide­res, Regno Christi post quatuor Monarchias sun­dato. [Page 14] Tu vero Fidelis Grex, noli terreri, cum 57 supra rationem, non absque ruina rerum omnium terrenarum in irrisionem Ignorantis Mundi, aliquando innocens, aliquando quasi no­cens, a Deo ductus venias! Maxima semper subsunt, cum nulla subesse Mundus in Ratioci­niis suis sibi credit. Hinc Kottero ab Angelo 58 quaerenti, si Fridericus tam pius esset a Deo ip­so electus, vocatus & coronatus, cur in tantam Infelicitatem venisset, ut Pragâ fugere coactus fuisset, talis Responsio data: Nisi Hostis Re­gem Pragâ expulisset, ipsum etiam tandem unicus quidam homo expellere oportuisset. O Abyssus In­sinitae Abyssi ! Haec sunt admiranda Judicia Dei 59 Simplicibus notisicata, Prudentibus apud semetip­sos impossibilia! O homo quisquis es, pensita tam Illustre Friderici Exemplum, coram toto Mundo Scandalum, & pensita ab ipso Deo ad occaecationem tuam, nisi precibus ardentibus Sapientiam Dei ad ductum tuum desiderasti, propter Praejudicia tua & peccata hoc datum. 60 Hinc in Irâ Dei pro fabulis, fictis, pictis, vel â Sa­tana ortis, vel Spirituali arrogantiâ & superbiâ & hujus generis rebus incautissimè vel Ore vel More vel Re aestimas; quae propter vitam tuam mundanam perdidisti. Bene Divinus Regni Dei intra nos Descriptor Practicus: Cap. 10. 61 61. Deus semper habuit suos Famulos, Amicos, Liberos, Sponsas, non est mirum, quod in Aulâ Re­gis Famuli sint, qui vilius opus Domûs peragunt, qui ignorant, quae Rex in Camerâ suâ secretâ tractet cum suis secretis amicis, & minus adhuc cum Li­beris [Page 15] suis, minimê autem omnium, quae cum Sponsa suâ selectâ. Fridericus Spiritualis quasi Jacobus 62 est, è cujus semine tandem Thronum Patri Spi­rituali promissum Sophata recuperabit, Hostes Dei & suos in Progenie suâ, sicut Jacobus in Sa­lomone, tandem conculcaturus. Ad solatium Ja­cobei Seminis revelata sunt, ne in summâ tribulati­one dissidens sit, sed plenâ Fide & Spe, quâ om­nes immissae Dei Probationes superantur. Nam Pro­pheta 63 Kotterus, cap. 8. v. 8. praedixit; Tria Mira fient in Oculis hominum. Primo, Parva Persecutio veniet ad probandos Hypocritas, & istos ad Agniti­onem dandos. Secundo, Unus de suo solio cadet, nec illud recuperabit. Tertio, Papa ipsiusque collu­vies conterentur a Deo vestimenti instar. Quod supra de Friderico dormiente, surgente, orante dictum, idem hic dicendum. Primum Mirum fit in 49 annis, secundum in 49 annis, tertium in 49 annis. Primum Mirum nimirum factum fu­isse 64 hactenus ab Anno 1620. usque 1670. tota Germania Europae potest attestari, & omnes hodi­erni Historici loquuntur. Secundum Mirum sub 65 actione nunc tota Europa timet; hoc est, ca­sum Austriacae Domûs de Solio Caesareo, & quis est qui hoc mirum nunc nescit, dum Hungaria tremendum ab anno 1670 minitatur usque ad hanc horam, & Galliae Rex cum Progenie suâ Cae­saream Dignitatem affectat. Praeprimis Prophe­tiâ 66 de Bello Sexti Judicii apud Kotterum in­spectâ: Opus Dei est numerus 601111 Equitum & peditum. Si venerit in primis 49 Septimanis; est clemens: Si venerit in secundis 49 Septimanis, [Page 16] erit istud multo durius: Si remanserit usque ad tertium Tempus, tunc veniet terribiliter, Iraque Dei velut Ignis ardebit. O lacrumosa Prophe­tia, eoque lacrumosior quo Caecitas hominum to­ti Europae horribilior! Mirus exercitus sexcen­torum 67 millium, unius mille, centum & undecim! Tolerabilis ipsius adventus ab anno 1620 us­que 1670 peccatis nostris abiit, & tempus alte­rum usque ad 1720, si homines sic pergant, abi­turum fore certissimum est. Disputatur enim ad­huc, num Prophetae sint hodie? Si sint, num audi­endi? Et pro & contra blaspheme disputatur & disputabitur, usque Turcicus gladius hunc no­dum in sexto Judicio dissecabit. Cujus Toni So­nique 68 haec fuère, discet Posteritas, Sepulcra eo­rum ornans, quos Patres ipsorum, fame, Siti, Spretione, Suppressione, Minitatione, Incarceratio­ne, & Morte affecerunt; sed cum aeterno Pa­trum suorum maerore. Voluissem ipsos numeros non solum usque ad 1770 adscribere, sed simul 69 Apocalypsi Danielique applicare, pro scientiâ Di­vinitûs concessâ; sed Spiritus Dei in me prohi­bet verbo suo Sufficiant. Sufficiant igitur pau­ca haec, & cum Oratione submissâ sufficient ad omnia praeterita, praesentia, futuraque reperien­da, in Scripturis generalibus specialibusque oc­culta, ad Testimonium in fine temporis Exsigil­landa.

Scripsi Smyrnae, die 15/25 & 16/26 Octobri, 1678.