EPITAPHIUM ROBERTI BLAKII nuper THALASSIARCHAE, &c. DEDICATƲM Heroi tam vetustissimâ Majorum prosapiâ quam suis meritis Illustrissimo; Eruditissimoque viro, nec non in Ethicis, Mathematicis & Musicis versatissimo; peritissimo Rei Militaris, & in ea plusquam Quindecem annos Tribuno, Dom. EDOARDO MONTAGƲE Thalassiarchae Nec non Cooptato, Ad CONCILIUM serenissimi Principis OLIVARI, &c.
—Ad Busta ROBERTI
State Viatores,—Ad Cujus Gesta, Profundum
Haesit, & attonitis Salsa stetere Vadis.
Quocum migrârunt Artes, cum Marte; Lycaea
Binaque BLAKAEO Semisepulta rogo:
Nempe Polyglottes, nec non Doctissimus Idem
Eminuit medio Bibliotheca Mari:
Ex omni sic Caesar erat; Qui Pallade utrâque
Polluit, Armorum, Deliciaeque Togae.
Pontaquii de sede satus; ceù Provida Caeli
Mens fuit, ut Briticis Pons foret alter aquis.
Illius Imperio dudum Tauntonia magna
Paruit, & sociam pressa petebat opem:
Ill [...] [...] [...]us ab [...]o [...]e
Solvit, in Occiduis Victor, & Hospes agris;
Cumque satis Patriam sanxisset sanguine Pacem,
Transtulit in tumidum parta Trophaea Salum.
Ille Sagittiferum spoliavit pelle Leonem,
Inque sui domitum jura redegit Heri.
Inde per Herculeas bellacia Rostra Columnas
Duxit, in Hetruscis bis Dominator aquis:
Auspiciis arrisit Hyems; ventique Volones
Sponte, sequuturas antevolâre Rates.
Ad Tonitru tremefactus Iber; populusque Calaeni;
Et prope Sydereas Stans Tenariffa plagas.
Transtraque Tunnifium, visasque Algeria Turres
Tot pelago Sylvas obstupuere suo.
Castriotumque novum, BLAKIƲM, Stambullia sensit,
Visaque in Ottomaco Luna rubere polo.
Sed proh Fata nimis faelicibus obvia coeptis!
Fulgura proh celsis Exitiosa Jugis!
Nempe, Triumphator, cùm tot superaverat undas,
Sistitur, Indiginis Archithalassa, vadis,
Et portum repetit, Superasque adnavig at oras;
Gente, novum Lachrymis Imbrificante Fretum.
P.P.
Editio altera. M.DC.LVIII.