¶ De termino Pasche. Anno .xvii. E. iiii.

Appel. EN Leschecker Chambre / cest question fuit dde dez Iusticez la esteauntz. Vn fe^e ad issue fitz / le quel fitz est murder par vn home neyant heir de parte son pier / si sō vncle de parte la mier auera lappel ou ne^l. ¶ Byllyng. chief Iustice Dengleterre. ¶ Nedam et Chocke disotent que lappell ne gist pur luy / pur ceo que il conuey son title dauer lappell par le feme que ne puissoit vnques auer appel de mort dautre fors (que) de s̄ baron. ¶ Brian / Nele / Litelton / et le chief Baron in contraria oppinione / q̄r luncle de parte le pier poet auer appell de mort son Neuewe / et vnquore le pier par q il fait son conneyanz ne puit auer appell de mort son fitz nient pluis que la mier l fitz. ¶ Byllyng. coment que le pier ne poet auer appell de mort son fitz pur ceo que lappell est toutz foitz done al heir par discent / vnc il est enable dauer appell de mort son auncestr. Et ceo ne po^t l mier auer come appiert par lestatut de Magna carta capitulo .xxxiiii. Et si ascun person par quel lappellant conuey son title dauer accyon del terre soit disable dauer accōn de mesme la terre come par vtlagarie de felonye ou auterment soit il par lyneall discent / ou collateral: lacc fayle / et lappell auxi / coment que mesme le person issint disabl ne puissoit vnq̄s auer la terre ou lappell co^t q il ne fuit mye disable. Sic hic &c. Vide hanc materiam vn̄ argumētat .xx. H. vi. in fine. ¶Trespas.En Tns de close debruse et frument orge et herbez prisez et emꝑtz ¶ Catesby. acc non / quar longetemps deuaunt le Trespas supp̄ le pl et le def bargaynent en tiel gard en Lōdrez q le def duist aler allien ou &c. et la voyer le dit frumēt / orge / et pree / et si eux luy pleist quaunt il leez veyast q il donques duist prendre le dit frumēt / orge / et lerbage payant al dit pl .iii. s̄. iiii. d. pur chescun acre vn oue autr Et nous diomꝰ que nous alamꝰ la et eux veieromꝰ come deuaunt et fuimoꝰ bn̄ content oue le bargayne [...] ꝑ q nous eux prisomꝰ le quel est mesme le Tns iugement &c. ¶ Pygot. ceo nē plee pur diuers cau­ses. Vn est il ad dit q le lieu &c. est .x. acres de frument &c. lou il duist auer dit .x. acres de terre semez oue frument &c. Auxi il ad conus le prise / et nad mr̄e comēt il ad nous pay lez deneers accord al bargayn̄ quar ieo croy que ne list a luy de lez prendre auaunt que il ad fait le payment / quar il serra tres mischiuous ley q il lez aueroit et ne payer &c. Auxi quaunt il auer veye lez greynez &c. il duissoit auer certifie noꝰ sil fuissoit content oue eux ou nemy. issint que nous duissomus conustre que il eux prist pur mesme le cause / quar il ne poet estre ꝑfite bargayne si ne soit que chesc partie soit agree &c. ¶ Catesby le plee est asses bon pur ascun cause que il ad mr̄e / al prim̄ conceyt que nous [Page]auomꝰ appel lez acrez de frument &c. et nemy de terre et ceta il est issint appel vulgariter / a lauter conceyt que nauomꝰ surmit l pay­ment de lez deneers ieo croy. que plusours bargaynz en le royalme sount voidez si ceo duist eē ley. Mez ieo teigne que il est loyall a luy pour cux prendre sur tiel bargayne deuaunt ascun payment / quar il nest a ascun myschief / quar il poit auer accōn de Dette pur largent quaunt nous auomus resceyue le chose pur quoy &c. Et a ma entent en chescun tiel bargayne le ley entend que come lun myst son trust en lautre pour auer le chose pour quoy ilz bargaynent / que issint duist lautre econtra. Et a ceo que noꝰ doiomꝰ certifier luy de nr̄e agrem^t ceo duist estr trop dure que quaunt nous sumus bien content oue le viewe del chose que est ꝑauenture en autre pays en graund distaunz de Londrez / de reuen̄ cyenz pour ceo mr̄er a luy. Et auxi le bargayne en luy proue que ne besoigne pas pour ceo que il ad myst son volunt en nostre volunt .s. si eux rious pleyst sur le view de ceux que adonq̄s nous laueromꝰ / par q donques il ne puit meux eē certifie que il est ꝑ nostre prisel &c. ¶ Litelton. quaunt al payment moy semble que il duist ceo surmitt ou auterment nē plee / come si ieo veign̄ a vn draper et demaund de luy combien ieo payera pur tiel pece de drape / que dit que taunt / et ieo die que ieo voille ceo issint auer / mez ieo ne luy paye ascun deneere en poigne par q ieo prist le drape: icy il aūa bon accōn de Trespas vers moy / et ne serra plee pour moy adire que ieo ceo achate de luy sauns mr̄er que ieo luy pay a &c. sic hic. ¶ Chocke a mesme lentent / quar vn contracte ne poit eē ꝑfit sauns lagreement de chescun partie / quia dicitur de con / qd est simul / quar si vous moy demaundez en Smythfelde come bien vous donerez a moy pur mō chiual / et ieo die que taunt / et vous ditz que vous voillez luy auer et ne donez poynt dargent / crois vous que pur taunt est mon volunt q vous luy doyez auer sauns payer lez deneers? ieo die que non / mez ieo luy puis vender a vn auter maynt et vous nauerez ascū remedye vers moy / quar auterment ieo serra compelle de garder mon chiual tout temps encountre ma gree si le proprietee soit en vous / et vous duissez luy prendre quaunt vous pleyst / que serra encountre reason sic hic. ¶ Brian a mesme lentent / et moy semble pour ascunz ꝑolx que il ad surmitee en le bargayne que ne list a luy dentrer et prendre lez greynez / quar ne poit estre entend que il voilloit que le def duist lez greynez auer / sinon il paiast le money. Mez si il auer dit a luy preignez et payez quaunt a vous plerra / ou si il auer luy don̄ ascun iour de payement / donques ieo voille bien que il purra eux prendre et que serra bon barre come il est pled quant a ceo. Et vnc ieo die q [Page]le proprietee est en le def par le bargayne en le cas al barr & en toutꝭ vr̄e casez des chiualx et drapes? vnquore ne list a cesty que ad le pro­prietee de ceo prendre saunz gree lautre. Et il auera br̄e de Detinue mez le defend aunt serra excuse adire que il fuit prist de ceo rendre se lautre vst luy paye. Et si il port accyon de Dette il auera mesme le plee. Le cas est assetz cōen lou le proprietee demurra iout temps en moy / et vnquore durant certein temps ieo ne purr ceo prendre / come lou ieo bayle certein barbitz a vn home pur compastr sa terra pour certein temps? icy le proprietee est en moy / et vnquore durant le tme ieo ne puis eux reprendre. Pour lautre conceyt moy semble le plee nest bon sauns mr̄e que il ad certifie lautre de son pleasure / quar cōen erudicōn est que lentent dun home ne serra trie / quar le diable nad conusaunz de lentent de home. Mez si vous vssez agree que si le bar­gayne vous pleyst que adonques vous voillez ceo mr̄e a vn tiel / don ques ieo voslle graunter que vous ne besoigne de fayre pluis / quar cest vn mater en fait / ieo pose que ieo sue oblige a vous en .x. li. paia­blez deinz deux ou troys iours apres sur condicōn que si voꝰ pleyst de prendre vn tiel mon chiuall pur tiel Trespas que ieo ay vous fa^t que a donques et ceta et voꝰ veiez l chiuall / mez ne ditz a moy sil voꝰ pleist ou nemy / par q ieo ne paye pas lez .x. li. serra loblig^• forfait? non. par q. &c. ¶ Catesbye. s sil le chiuall ne prist? issint que son acte proue lagrement / donques vous forfaitrez voustre obligacōn. Et a ceo que est dit que ne besoigne a delyuerer le chose vendue de­uaunt que il paye / en mesme le maner lautre nest lie de payer deuant que il ad le chose vendue. Mez come ieo ay dit deuaunt par le ley et reason chescun mittera confidens en autre. Et si le payment serroit materiall ieo croy q nous duissomꝰ auer vsew issuez prisez sur ceo en nostre lyueres. Mez ieo ne vnques veye: come ieo pose que vous portes brief de Trespas vers moy de vr̄e chiuall prise et ieo plede hue ieo luy achate de vn tiel certein iour en Londres en market o­uert / et puis luy committa a vn B. pour garder que luy dona a voꝰ & ieo luy p̄st dirres voꝰ en ceo cas q ieo ne pay a point pur le chiual? ¶ Chocke. non / quar ceo nest materiall al pleyntif. ¶ Pygot. si ieo luy oblige a vous en .xx. li. de vous enfeoffer en tiel acre de terre tiel iour si vous pleyst de prendre le feoffement / ne serrez vous lie la de moy monstre vostre pleasure? oyle verament come moy semble. ¶ Lytelton. ieo ne purra agreer que le proprietee est en luy que at­chate par tielx perolx / sauns payment / quar il nest cleere bargayne mez sur condicyon en ley cestassauoir si il luy paye que il serra bon et sinon il serra voyde. Come mittomꝰ que si ieo enfeoffe Pygot de [Page]enfeoffer Catesbye. sil ne voet luy enfeoffer mon entre est enclude en ley / issint le ꝑfourmauns del condicōn cause le propriete estr en luy. ¶ Catesbye quaunt al certifier de son agreement ieo pose que il vst deuenus / muet apres le bargayn ꝑ lacte de dieu et ne sauoit p̄ escrier et est en bon memorie et lom sēble que le bargayne est pur son profite coment duist il faire ne serra son prisel sufficient pur ꝑuer son volūt quasi d. sic par q &c.

Dette.¶ Vn A. port accōn de Dette sur obligacōn vers syr T. Cooke / le q̄l T. C. mr̄a vn indenture de defesaunz que conteyne diuers articlez deē ꝑfourmez par le def enter queux vn fuit que le dit T. C. et toutz sez feoffez et ceux que ount estate par luy en certein terre / measonz / et shoppꝭ lesses ꝑ le dit T. C. al dit pl doient ꝑmitter et suffrer le lessee de prendre lez profitz deux et eux occupier duraunt son terme. Et noꝰ diomꝰ que nous et toutz nostre feoffeez &c. auomꝰ luy suffre et ceta. ¶ Catesbye. vous couient mr̄er queux fuer vr̄e feoffeez. Et si vous auez nul feoffee en la terre. &c. de ceo mr̄er expressemēt et adire que vous m̄ noꝰ suffrastꝭ / come si soiez oblige que voꝰ ou vr̄e feoffeez de­bez fair a noꝰ estate / en le man̄ de Dale / la si le man̄ soit en possession de cextein feoffeez / vous couient mr̄e c et que ilz ount moy fait estate Et si voꝰ fuistꝭ mesme ssi de pleder accord. &c. sic hic. ¶ Lytelton. nient semble / quar lou ieo sue oblige de fair vn chose ou autre pour moy come est en vr̄e case / vous ditz voyer. Mez lou ieo ou autre pur moy duisse suffre chose eē continue le ley est autre / quar vn suffraunz nest pas acte. Et tiel fuit loppinion del court.

Appel.¶ Appelle lou lappellaunt fuit deinz age. ¶ Catesbye pour le def pria que il poet eē dismysse: causa qua supra. Et lez Iusticez disoiēt que ilz voille examiner le mater pluis. Et si eux semble que lappellee est coulp̄ il demurra en gard tan (que) al plein age lenfaunt.

Entre.¶ Entre sur lestatut de Ric. le def pled vn concorde oue l pleintif pur lentre .s. que il duist payer al pl .vi. d. en satisfacc del tort / & auxi de don̄ a luy son counsell en son facultee quant il fuit requise / lez q̄ux deneers il paye. &c. ¶ Townesende. ceo nest plee / quar il ad graūd diuersite enter vn arbittrement et vn concorde / quar dun concorde si lez partiez doient eē liez par ceo co^t que chescun poynt soit execute si soient .xx. Et le cause est pur c que il ne poit eē compelle de ceo par­fourmer par voy dacc / mez dun arbitrement est autre donq̄s quant laccord fuit que il duist payer .vi. d. et auxi don̄ counsell nient pour quant q il ad surmitte que il ad paye lez deneers vnquore nad il dit que il luy donast ascun counsell. ¶ Nedham. laccord nest symplem^t que il donera counsel / einz quant il fuit requise / par q si voillez auer auauntage de ceo / vous couient de mr̄er que vous ddez de luy coun­sell [Page]et il ne voilloit. &c. ¶ Townesende. vnquore il couient mr̄e ceo execute en fait / quar ne serra bon plee de pled vn concorde q ieo voꝰ fra feoffement del maner de D. deuaunt tiel iour pur le Tns que ie aye vous fait si voꝰ ꝑtastꝭ accōn de Trespas deuaunt le iour sauns mr̄e q iay fait le feoffement / et sic hic. Et lez Iusticez fuerunt en di­uers oppinionz.

Dette.¶ Dette sur vn arbitrement quel fuit que le def duissoit auer deliū al pl le testament son testatour tiel iour &c. Et le def dit que il auoit deliuer a luy lr̄as testamentorias / et issint ad il ꝑfourme lagard. Et ceo fuit chall purc que il ne mr̄e que il ad liuer le testament par tiell perol testamentum. ¶ Litelton. le plee est bon. Et dit que le ley ne serra prise stricte en variaūs dez ꝑolx / quar si lagard soit ꝑfourme en fait: lez ꝑolx ne fount mater: come si lez arbitrours vssent agr q lun dez partiez donera a lautre quoddam factū feoffamenti / & il liuer vn fait par nosme de (quandam cartam) et pled accord a ceo en accyon port vers luy: cest assetz bon. ¶ Brian. a mesme lentent et le comen pledynge proue tout vn dappeller testamentū & lr̄as testamentorias quar vous sachez bien que le count en dette port par execut̄ vo^t. Et ꝓfert hic in cur lr̄as testamentorias predict del testatour / & vnquore le def dde oyer del testament par q. Et ieo pose que ieo doy voꝰ ly­uer tielx lr̄ez patentz del roy dun tiel office par reason dun arbitrem^t et ꝑauenture ieo lez pard et pais ala en le Chauncerye et purchase vn exemplificac de ceo / er ceo don a vous en lieu dez lr̄es patentz ne serra ieo discharge ꝑ ceo: oyl certez. Et lou lagard est q ieo doy voꝰ enfeoffer. &c. si ieo vous fait lees et relees cest assetz bon ꝑfourmanz del ag. quod Litelton negauit: ideo quere de hoc.

¶ De termino Trinitatis / Anno regni Regis Edwardi quarti .xvii.

Nota. MOta par tout le court en Trespas si le def pled vn ar­bitrement q le def duist don̄ al pl vn certein som̄ dar­gent et que il trouera suertie al pleintif pur le paymēt dicell / il couient a luy de mr̄er le submission / et auxi que il ad paye ou autremēt que il ad troue suertie / auterm^t le plee nest bon.

Accōn sur le cas.¶ Thomas Broune suist Accōn sur son cas enuers vn Hawkynz d ceo que lou le dit T. B. estoit de bon fame et condicōn la auoit le dit H. tiel iour et lieu luy clayme estre son villeyne et oue force et armes [Page]gisoit agayt p^r luy prendre et emp̄son et de luy fair co^e de son villein par q il ne ausoit aler et faire sez besoignez. Et auoit iugement de rec sez dam̄ pur ceo que il fuit trie franke et de franke estate. ¶ Et ore le dit Hawkynz suist br̄e Derro^r en banke le roy. ¶ Wode. moy semble le iugement serra pur reūs ceo que moy se^e le mater en luy nē suffic de maynten̄ laccōn / quar iay prise pur vn ground q home na­uera accōn du chose que depend soulement sur lenteint dascun person quar ceo ne poit proprement estre trie / come si ieo voille dire que ieo voille debrus vr̄e meason / et puis ieo ne veigne presse a vr̄e meason mez ne face riens / vous naueres acc / et vnquore ꝑauenture mon en­tent fuit purfaire come ieo disoy deuaunt a forciore en le cas al barr quar il est loy al pur moy de claym̄ vn come mon villeyn lou ientend que il est issint / come de claym̄ vn gard ou seruaunt / par quel claym̄ de luy prendre saunz acte fait ieo ne serra punye. Auxint come moy semble le gis en agayt ne serra entend pur mesme le cause sinon que al soit issint surmyse en fait (come il nad mye) quar si ieo port br̄e de Trespas et tesyte en mō br̄e lou ieo sue ssi del man̄ de D. oue wrecke de mere / le wreke ne serra entend app̄ al maner / sauns c mr̄e en fait sic hic par q &c. ¶ Sulyard al contrarie. Et ientend q vous voil­lez toutz agreer que si Hawkynz vst luy manace pur prendre et emp­son̄ pur pauour de quel il nosast aler / en sez besoign̄ / mez que pour cel il auera acc / et si sic / ieo prouera que tout ceo est enclude icy / quar le claym̄ includ vn manace en luy / et son demeanour ap̄s ꝓue bn̄ q il c entend par le claym̄ come sērra lou home distr mon chiuall et puis luy vend ou occist. Issint prous le gis en agayt en nr̄e cas. Et home poit cē manace coment que il ne soit present et auoydra vn fait ꝑ tiel manace. Et auxi vn assaut poit eē lou lez partiez ne fuer ensemblez / come si ieo sue chiuachant en le chymyn. Et vn vient a moy & dit gardez vous bien / quar vn dit a moy ore que fuit chiuachant apres vous q sil poit voꝰ p̄ndre il voꝰ tuera p^r pauour de q̄l en hastif chyuacher pour eschaper ieo tue mon chyual pur trop de labour / icy iauera ac­cōn sur mon cas. quod fuit dedict per totam cur.Cur.¶ Townesend al contrarie / le mater del accōn icy est merement contrarie en luy m̄ / q̄r si ieo myse mon chiuall al ferrour pur eē ferre et il par son negligenz luy tua par q ieo port accōn sur mon cas recitaunt le especial mater et conclude vi et armis equum suum interfecit: ieo prendra rienz par mon brief. Quar iay myse. ii. maters dacc en br̄e. s. lun pur accōn sur le cas & lautre pur general br̄e de Tns / issint icy en cest accōn sur le cas il ad tielx ꝑolx apres en le br̄e vi et armis insidiatius est q̄l oue le mater precedent include. ii. acc de diuers naturez: ꝑ q. &c. Auxint le mater del acc nest bon / quar nul dez articlez aperluy est sufficient [Page]pour acc auer. s. ne le claym̄ ne le insidiacion / donques coment que ilz sount prisez ensemblement / vnquore ilz ne fount lacc le pluys deē maint / quar quaunt al primer. s. le claym̄ / ceo nē que vn infamy / co^e si home appel moy laron le quel ne don̄ acc en nr̄e ley. Et quaunt al seconde. s. le insidiac / par ceo il ne fist ascun tort / quar saunz vn acte en fait serra pluis reason daiuger pur bon entent que pur male par q. &c. ¶ Ienney al contrarie / nient obstant q il ne poit auer accōn pur le claym̄ / vnquore quaunt il gisoit en agayt accordant a s̄ claym̄ par reason de quel il nosast aler en sez besoignez ceo dou a luy cause daccōn / come si vn gist en le haute stre [...]e & dit que il voille moy bater si ieo veigne al sale de Westm̄ / et vn come mon amy dit ceo a moy ꝑ q ieo nosa ben̄ la p^r pleder nauera ieo accōn / qd. d. oyle / et vuc il ne ꝑlast ascun ꝑol a moy. Et est comen chose denditer home de insidia­cyon en le chymyn et conteyn̄ en le cōmyssyon dez Iustieez de peace. ¶ Curia mez sachez si tiel enditement vient deuant nous le def ser ra dismysse. ¶ Ienney. et a ceo que est dit que dun claym̄ home nauera accōn / ceo nest issint et nosmement de vn tiel chose que causera home et tout son sanke eē corrupte. ¶ Dygas al contrarie. home nauera vnques accōn en nr̄e ley saunz acte en fait / quar si ieo sue oblige a vn B. le quel B. est oblige pur C. a vn A. ieo luy gardera saūs dam̄ enuers A. qen cest cas B. nauera accōn ne recouere enuers moy deuaunt que il ad fait payment pour C. ou auterment est en prison ou en execucōn pour icel / ne le tenant naūa execucōn en value auant que le demaundant ad sue execucōn enuers le tenant / ne le tenant na­uera Ne iniuste vexes auant que il soit distr par le seigniour / don­ques en le cas icy il appiert q nul acte est fait. Et pur autre cause le mater nest sufficient / quar il ad diuersite enter manace de batrie / et manace deē emprison / quar par batrye home serra myse en ieopar­dye de son vie le quel home ne voloit pur tout le treasure en le mond mez pour lucre home voille suffre deē emprison et dicel il auera dam̄ en br̄e de Faux emprisonement / et auxint il auera br̄e de Hoīe reple­giand / mez pur batrie il est impossible que home eyt amendꝭ. Et ieo croy si home voilloit dder suertie de peace deuaunt vous vers ascū et pur nul cause / mez pur ceo que si est en doubte q lautre voille prendre et imprison̄ / vous ne voillez luy graunter le peace. Ad quod cur concord. ¶ Pygot a mesme lentent / et en le cas perenter mon seyg­niour de Sar / et le seigniour Egremont quant ilz auoient grand multitude de gentz de chescun parte en maner de guerre / vnquore c ne duissort aū eē iuge asū assaut sinon pour ceo que asc deux auoyēt tyee oue loux arkez / et issint pur fair vn assaut home doit ꝑler ou ex­tender sez brachez / et par ceo son intent serra conus. Et si home port [Page]br̄e de Trespas vers moy Quar clausum suū fregit ad intencōnem capiendi bona sua / tout ceo ap̄s (ad intencōnem) est oustremēt voyd? et il nauera dam̄ einz eyant regarde al enfreindre del clos / par q len­rent dun home solement saunz acte fait nest materiall. ¶ Fairfaux Iustice al contrarie / et ieo agree que le claym̄ et le insidiacyon sole­mēt ne don̄ cause dacōn / mez quant il dit oustr ꝑ quod circa negocia sua palam intendere non audebat rout cel ensemble est bon mat pur accōn auex. Et ieo agree que lez perolx ne fount ascun mater / q̄r ho^e auera accōn sur son cas lou nul perol est ꝑle / come si ieo escrie en vn scrowe que ieo voille bater I. S. sil vient hors de son meason / et pꝰ iet cel scro we en le meason de I. S. ꝑ q il nosast vener dehors en sez besoignez en ceo cas il auera accōn sur son cas. Et vnquore nul ꝑol parle. ¶ Nedham et Byllynge chief Iustic al contrarie quant le claym̄ ne le manace ne don̄ nul cause dacc (come est agree) le quel est antecedent / coment poit le consequens don̄ accōn. q. d. non poet / par q donques serra rette le folye del pl que il ne alast dehors en sez be­soignez. Et sont diūs casez en nr̄e ley lou ho^e auera dampnum abs (que) iniuria / come de defamacōn en appellant vn home laron ou traitour cest dam̄ en nr̄e ley / mez nul tort. Et si. ii. conspir denditer vn home il nauera remedie sinon que il so it endite en fait et auxi acquite sur cel / issint en nr̄e cas. Mez pur ceo que cest le prim̄ temps que cel mat do eē argue nous voillomꝰ auyser de ceo.

Scir fac.¶ Home auoit rec certen dette et dam̄ par iugement & auoit Elegit et auaunt le br̄e seruy lan expyre par q il auer vn Scire fac sur quel le br̄e fuit retourn seruy / mez le def ne viēt. Et sur c le pleintif pria vn Capias ad satisfaciend. ¶ Ienney. moy semble que il nauera Cap̄ pur ceo que il auoit ess ieu son execucōn deuaunt ꝑ Elegit le q̄l est le pluis haute execucōn pur ceo que sez terrez serra liablez / et done par lestatut / par q il ne resortera de prendre autre execucyon. Mes ceo nient obstant apres il fuit aiuge que il auera le Cap̄ assetz bn̄ / q̄r coment que cel execucōn par Elegit est don par lestatut / vnquore cest estatut ne restreyn̄ ceo que fuit deuaunt al comen ley / par q quaunt le Scire fac issist sur tiel br̄e il auera son prier.

Question.¶ Le Maister dez Rollez demaūd dez Iusticez del comen banke si home promitta certen som̄ dargent a vn autre pur marier son file ou son seruant le quel luy maria accord / sil auera accōn de Dette al cōen ley pur cel argent ou nemy. ¶ Townesend moy semble nul accyon en nr̄e ley / quar il nest que vn nude promyse. Et ex nudo pacto nulla oritur actio come si ieo promitt voꝰ. xx. li. pur fair vr̄e sale de nouel [Page]icy nul accōn / quar il nad quid pro quo / et nest semble lou ieo vous promytte. vi. s̄. chescun semayn pur le comenz dun tiel / quar la il ad quid pro quo / et le ley entend que il est vn tiel par q seruice ieo ay a­uauntage. Auxint en le cas al barre le chose quel il doit fair est espt rituel le quel ne poit eē vend ne le partie ne poit estre compel de ceo fair. Et si sic nest reason que lautre serra charge. ¶ Rogers et Su lyard. al contrarie / et a ceo que est dit que il nest que vn nude pro­myse ceo nest issint / quar il ad quid pro quo entaunt que son file ou amye est auaunce par le mariage par entendement / quar si ieo pro­mytte a vn scolemaister taunt dez deneers pour enfourmer mon fitz le quel issint fait / il auera accōn de Dette. Issint est lou ieo promit a vn phisicyon ou surgeon certen som̄ pour curer vn tiel pouer hōe. Ou si ieo promitte vn laborer certen deneers pur repayrer tiel voy nue est le haute chymyn / bon ar cōn gist sur cel / sic hic. ¶ Et puis Chocke et Litelton, fuerunt accord oue le maister dez Rollez q en le principalle cas nul accy on gist al comen ley / pour ceo que le matry mony sur quel le promyse fuit foundue / est chose espūell que ne poet estre vend en nul maner.

¶ De termino Michaelis / Anno regni Regis Edwardi quarti. xvii.

Trespas. TRespas Dassaute / baterie / et emprisonement a Excestr le defend dit que vn tiel fuit robbe par Iohn̄ S. et R. E. tiel iour. &c. et ilz veignount al meason le pleintif / et le counstable de mesme le ville pour ceo que il auoit le pleintif susperte du m̄ le felony luy arresta et entaunt que il ne voilloit obeyer son arrest / il noꝰ cōmaund pur luy assister par q nous myttomus nostre maynz sut luy le quel est mesme le ba­terie / et puis alamous oue le Constable a Ercestre en ayde de luy et la luy delyueromus al Gaillour / le quel est mesme lemprisonement dount. &c. ¶ Iennep. ceo nest plee / quar nous auomus compleyn de ceo que il nous emprison / et il ad monstre lemprisonement estre fait par vn autre cestassauoier par le gayllour / le quel nest respons a nous. Mez le court teignoyt le plee assetz bon nient obstaunt ceo. ¶ Ienney. moy semble auxint que le plee est double. Vn en­taunt que il ad surmytte vn felony destre fait en fait le quel done a [Page]chescun home auctorite dar reste dcesty que le fait / quar si ieo vey vn home tue vn autre ieo puis [...]ear luy at lester. [...] mater est le cō ­maundement del constable que est auxi sufficient. Mez apres quant le court fuit auyse ilz teignont le pleè assetz single. ¶ Mez dit fuist par Chocke et Litelton▪ que le plee nest bon entaunt que le def nad surmitte en le pleè nul cause de suspeccōn en le pl come ad ire quil fu^t ꝑson de male fame / ou autrem^t q il fuit vagataunt bezaunt nul la­bour. par q il pled issint. ¶ Litelton auterment: Vn puit arrestre cheseun home en le ville quant ascun felony est fait.

Maynt.¶ En mayntenaūs en banke le roy fuit tenus par touble court que vn turrour poit exorteosez compaignonz p^r pass oue le pl ou le def solonques ceo come il semble le droit est let serra dit nul maynt. Mez si il done ascun money de son cost demesne ou dautre / ceo serra dit maintenaunz / soit ceo pur le pluis vorrey ca^s q poit eē.

Trespas.¶ Le cas fuit tiel. ii homez eux submytte en lagard de I. S. pour cerr Tns fait par lun a lautre le quel agard q le trespassour payera a lautre. xl. li. s. x. li. prist en poigne / et pur lez .xxx. li. que rem̄ que il cause roit. iii. seuer alr personz eē obligez chescū en. x. li. al partie a q &c. (si cest ag soit bon ou nemy) Et par loppinion de soulz lez Iusti­cez lag fuit tenuz voyde / quar diuersite est perenter le condicōn dū obligacōn et vn arbitrement / quar home poit luy obliger que il cau­sera I. S. denfeoffer R. N. et si il nenfeoffa luy il ad forfait son ob­ligacōn pur ceo que cest son folye / et par le lien il ad prise sur luy que I. S. voille ceo faire. Mez en arbitrement le ley entend que lez arbitrours serront indifferentꝭ et equall iudgez enter lez partiez don­ques quel indifferencye est ceo de caus vn home de prouer tiel chose eē fait que gist en le volunt dun estraunge sil voille ceo faire ou non [...] quar ieo pose que vn arbitrour voille ag que ieo duisse caus le roy a don̄ le tour de Londrez a lautre / tiel ag est clerement voyde. Et aurint le partie nad nul remedye pur compeller lestraunge pur fair lacte / mez sil auoit tiel power autrement serra / come lou vn arbitro^r agard que lou vn tiel fuit seisi a mon vse que ieo luy causera de fair relees a lautre esteant en poss / ceo est bon pour ceo que ieo ay tiel in­terest et power que ieo poy compeller mez feoffez de relesser .s. per sub pena. ¶ Chocke. si lagard vst estre q vous duissez fair vn tiel def en vn aceōn de conustre laccōn al pleintif / cest clerement void. Et issint tient tout le court.

Couenant.¶ Couenaunt le cas fuit tiel que lou le def auer lesse al pleintif vn maner pur certen terme et luy graunt par indenture que il luy acqui tera duraunt le terme de toutz chargez issauntz hors del dit man̄ du­raunt le dit tme / deinz q̄l tme lez comenz en le ꝑliamēt graunteront al roy le disieme parte del value de lour terrez / si en ceo cas le def duist acquiter le lesse ou nemy. ¶ Ienney semble que laccōn gist bien et que cest disme serra dit issaunt hors del terre / quar auterment laccōn serra dit come voyd / quar ieo conceyue que lez commyssioners ount power de cōmaunder lez collectours daler al terre et la distr pour le som̄ due. Et syr le disieme parte del value de la terre / et le disieme parte dez issuez et profitz del terre sount tout vn / quar quaunt le di­stringas vient al vicount que parla distring^r terras et ten̄ vnquore sur ceo en le retourne il ne retournera en issuez fors (que) le value del pro­fitz / et nemy le value del terre / et issint serra entend par lacte quel ꝑle del disieme parte del value que le terre serra charge. Auxint lacte est q ilz duissent leuer ceo omnibꝰ vtis et mediis / par q. ¶ Catesby al contrarie / ieo voille bn̄ q le roy pur tiel dette poit distr mez vnc le terre ne serr par taunt charge dicel / co^e si ieo face recognisaūz al roy et iay tiel tenant et face couenaüt come ceo cy est en ceo cas ceo ne ser­ra dit ascun charge al terre / quar poit estr que il voille auer execucōn vers mon person et ceo est pluis proprement charge / et ieo say bien q il poit distr / mez ceo nest fors (que) ꝑ media et vias &c. et ie ne say comēt la terre serra dit charge fors (que) immediate. Et syr ieo pose q ieo voꝰ graūt le rent q vn tiel mon tenant paye a moy annuelment / est le tre charge: non / par q. &c. ¶ Nele al contrarie / et q cest disieme ꝑte ser­ra dit issaunt hors delterre / et si sic donques lacc gist / quar ieo die le roy est hors del cas de chescun comen person / quar coment que nul clause de distr soit don̄ al roy par l fait / vnquore il distr pur son rent donques a forciore quaunt il ceo graunt a luy par auctorite de par­liament que est auri bien le graunt dun come dautre par q chescun terre en le royalme est charge a vn som̄ en certeyn / et le def duist luy acquyter &c. ¶ Lytelton. a mesme lentent et ieo pose q ieo graunt a mon maister Brian vn rent hors de mon maner de Dale / & q pour def de payment il distr pur cel en mon man̄ de Sale / puis ieo lessa le maner de Sale a Ienney pur terme danz oue autiel couenaūt co^e est icy & pur le rent arrer maistr Brian luy distr nauera Ienney br̄e de couenaunt vers moy oyle. ¶ Catesbye. la ieo graunt bien / quar vous auez charge la terre. ¶ Litelton. syr a forciore en le cas le roy come maister Nele ad dit / quar si ieo graunt al roy vesturam terre ceo est en luy. Mez si soit a vn comen person le ley est autre / q̄r vestur del terre ne poit passer hors de vn comen ꝑson sauns liuere et seisin.

¶ Chocke se^e que le charge ensuera le terre / al cas del vesture graut si soit par auctorite de parliament il est bon sauns question. Et ieo pose que al temps del graunt icy ieo fuissoy ssī del maner de Dale et puis alien ceo / mon alienee serra charge del x^e parte et nemy mon er­go le terre est charge / et par consequens laccōn maynt. ¶ Brian al contrarie. Et primez al cas que mayster Litelton admyse del graūt del rent hors dun maner oue distr en autre maner lez ꝑolx del graūt serra tout / quar en vr̄e couenaunt vous dischargez vr̄e lesse de toutz chargez issauntz hors del oit maner / la vous nentreignez ascun coue naunt. Mez si voꝰ luy dischargez de chescun charge que il duist aū par reason de cel maner donques estez lie a ceo ꝑ vr̄e couenaunt / mez nemy en lautre case / quan nest issaunt hors de cel maner. Et en vr̄e cas Litelton del vesture graunt / moy semble que ceo passera ꝑ graūt sauns liuere / quar si vous lessez la tre a moye a tme dez anz le frank­tenement est en vous et ieo nay ascun chose fors (que) le vesture et profit deē prise la par q. Et lou il est dit que nest diuersite lou le graunt vst eē del value del x^e partie dez issuez del tre / et lou le x^e partie del issues del terre s il ad graund diuersite entre lez casez / quar si le graunt vst eē que le roy aueroit le .x. parte del issuez del terre / la le terre serra dit charge / mez en lauter cas nemy. Et ieo mittera a vous vn case q prouera vn aut diuersite / si ieo sue oblige a maistr Chocke en .xx. li. sur tiel condicōn que si ieo luy l x^e partie dez issuez del maner de Dale donques. &c. si ieo ne luy paya de mesme lez issuez lobligacōn est forfait. Mez si le condicōn soit que ieo luy payera del value. &c. donq̄s ieo puis apprompt dun autre home a taunt et luy payer et lobligac sauer. Et si Mille liuers soient issiut grauntez al roy il puit pur ceo distr lou il voudra / q̄r ma terre nest pluts lie q la terre dun estraūge issint ceo ne poit eē dit issaunt hors dascun terre / par q &c. ¶ Litel­ton ieo aye viewe lez ꝑolx del endenture queux sont que il discharge­ra pleintif de ouers et chargez duez et deē duez donques ceo que fu^t graunt al roy / quant il fuit graunt fuit due a luy et pur ceo poit il loy alment distr pur ceo par q le maner serra charge oue ceo / par q lacc bn̄ maynt.

Trespas.¶ Syr William Calthorp̄ port accōn de Trespas et supp̄ q le def duist auer peche en son seueral piscarie / le def dit que le lieu ou. &c. est et iour del Trespas fuit nr̄e franktenement. &c. ¶ Pygot c nest plee / quar poit eē que il ad nous graunt seueral piscarie en son eawe demesne et la le soile et franktenemēt est al lessour / et vnquore ne poit il pischer la / come serra dun garreyn ou chace. Et issint fuit tenuz ore tard en le cas perenter Strangwich et Conyers. ¶ Chocke a m̄ lentent et nest semble al cas dass de rent / quar la ieo graunt que hors [Page]de son fee est bon plee prima facie / et le pl fera son title / quar il serra entend rent seruice tan (que) le pleintif ad fait title a autre rent / mez icy serra pris que le pl ad franke piscarie en le soile le def come il poit assetz bien eē entend. Mez del garreyn et chace ceo duist eē par graunt se roy ou yar prescripcōn par q. &c. ¶ Brian moy semble le plee bon quar il ad graund diuersite entre seꝑalem piscariam er liberam pis­cariam / quar seueral piscarie ne poit nul home aū fors (que) en son soile demesne / et auxi solement aperluy. Mez franke piscarie ieo puis graūt a .xx. persons en ma stangne / quar si nul luy disturbe il ad liberam piscariam quod Litelton concessit. ¶ Mez Chocke dit que il ne sauer diuersite entre eux / q̄r il dit q ce^t q ad franke piscarie aūa c solement. ¶ Brian non / ieo mittera vous diuersite / si iay vn graūd close / et vous troys eyez .iii. closez adioygnauntz a mō close / ieo puis graunter a chescun de vous dauer liberum ingressum et regressum oustr ma terre a vostre terre / donques quant home poit auer franke piscarie en autte soile et nemy seueral / et le br̄e est seꝑali piscaria sua le plee semble bon.

¶ De termino Hillarii / Anno regni Regis Edwardi quarti .xvii.

Assise. EN Assise port par le deane et chapitr de Lincoln̄ / vn Iurrour fuit challenge pur ceo que il fuit freere a vn dez chanonz del lieu. ¶ Fairfax Iustice ceo nest pn­cipall challenge / pur ceo que chescun dez chanonz est en maner present et resident a son Prebend come vn person est sur son benefice issint ad il son possession distincte aperluy et seueral. Mez si le Iurro^r soit freere a vn moign̄ ou monial le chall serra bon lou lacc est port T. le soueraigne. Resi­duum .xxi. E .iiii.

Dette.¶ Dette sur lez arrer dun leez a terme danz & supp̄ que il lessa al def xiiii. acres de terre. ¶ Catesbye. quaunt a .iiii. acres il ne lessa pas Et quant al rem̄ noꝰ diomꝰ q il eux lessa a nous et a nr̄e fe^e le quel ē vnquore en pleyn vse nient nosme en le br̄e iugement. &c. ¶ Chocke vous nauerez tiel pledre / quar ceo plee va a tout et proue que nul tiel lees fuit come il ad supp̄. Et pur ceo vous co^t conustre le lees dez .x. acres et trauers saunz ceo que il lessa lez .xiiii. acres modo et forma. Et issint fuit loppinion del court. ¶ Et Chocke. dit que si lees soit fait al baron et le feme a terme danz (come le cas icy est) tend certeyn [Page]rent si le rent soit arrer laccōn couient eē port enuers eux ambideux et ne my solement vers le baron / quar par comen entendement le tre serra de pluis value que le rent reserue / issint que le lees serra entend beneficial al feme / et tiel chose que est beneficial el prendra duraunt le couerture. Et si wast soit fait laccōn poit eē port vs eux ambideux quod curia concessit.

Dette.¶ Dette sur vn obligacōn de. C. li. ¶ Catesby lobligac est endoce sur tiel condicōn que si le def deliuer al pleintif .xxx. li. de blanke a­lome a tiel wharf deinz Londres a tiel iour que serront al value del som̄ en dde que adonques lobligacyon pardra son force. &c. Et nous diomus que deuaunt le iour nous auemꝰ blanke alome a Londres prist deē. &c. al value. &c. Et diomꝰ que tiel iour nous affirmamꝰ vn pleynt de dette enuers cesty ore pl en Londres sur vn cōtracte de. C. li. et pur ceo que il napparust mye a ascun dez .iiii. courtz a rūdre a nr̄e pleynt solonques le custome del cyte ag fuit q le dit alome diust eē attache et nous duissomꝰ ceo reteign̄ en recompence de nr̄e dit du­tye iugement si accōn. ¶ Iaye ceo nest plee / quar nous ne ddomus ascun alome vers luy ne alome nest mye le dutie. Et ieo ay pris tout temps pur ley que vn ne poit eē attache par bn̄z lou al temps del at­tachement il nauoit proprietee en lez bienz / q̄r si vous obligez a moy sur condicōn que vous moy enfeofferez en le maner de D. tiel iour deuaunt le condicōn ꝑfourme / ieo ne serra attache ne garny en cest terre. ¶ Catesbye si ieo sue oblige pur vous lyuerer .x. quarters de frument deuaunt tiel iour / apres le iour vous poies estre attache par ceo. ¶ Iaye. si vous vsses liuer a nous pepper ou autre marchan­dyse quel q il soit / et nous vssomꝰ agree a cel / le condicōn vst eē bien ꝑfourme / et ceo proue que nous nauomꝰ ascun proprietee en le alom̄ Et loppinion de tout le court fuit que le plee ne fuit bon pour le cause reherce auaunt.

Accōn sur lestatut.¶ Accōn sur lestatut laborers supp̄ que lou vn tiel fuit reteigne oue luy en Londrez la ad le def luy reteign̄ hors de son seruice deinz son terme. Et le def pled en barre par petit seriantie. ¶ Et ore Ienney vient al barre et fuit reteigne pur le def et pled en abatement de br̄e entaunt que le pl ne mr̄e en son count en quel lieu le def prist son ser­uaunt. Et fuit re^u pur auer le plee nient obstant le pledre en barr de­uaunt / pur ceo il fuit mat apparaunt / et auxi le barre ne fuit pled ꝑ vn seriant. Et le br̄e tenuz abatable. Le plee en barre fuit tiel que le def troue le dit seriant vagarant en autre com̄ hors de chescū seruice et nemy marchant ne nul terre eyant par q il luy reteigne pur luy seruier par vn an saunz ceo que nous luy reteignoromꝰ en Londrez co^e il ad supp̄ prist. ¶ Litelton. ceo est bon plee / quar ieo concen que en [Page]vn com̄ home ne prendra notice de reteigner en autre com̄. Mez si l tort et le reteign̄ soit tout en vn com̄ ieo ne serra resceu a pledre que il fuit vagar et hors de seruice pur ceo q ieo ne doy eē mysconysaunt de chose deinz mesme le com̄ et la le def duist trauers le primer re­teign̄. Mez quaunt il est en autre com̄ il ad fait bn̄. Et ceo fuit lop­pinion de tout le court.

Trespas.¶ Trespas de son chiual pris le def dit que l pl luy apprist mesme le chyual tan (que) il auoit finishesez besoignez / et dit que sez besoignez ne sount mye vnquore faitz / iugement. &c. ¶ Pygot. ceo nest plee / quar home ne poit auer in [...]resse en vn chatel sinon pur temps cert / et en ceo cas nul certentie est compris / quar sez desoignez neserr fy­nies ꝑauenture en tout sa vie. ¶ Brian serra entend que il ceo aūa pur sa vie. ¶ Pygot coment auera home frankten̄t en vn chatelle. ¶ Brian. ieo pose que ieo vous graunt loccupacyon de mon chiual tan (que) vous auez chiuauche a Euerwike coment auez voꝰ cest chiual an non a terme de vie si vous pleist? ¶ Litelton a mesme lentent et ieo say bien que en plusours lieux ilz ount tiel custome que vn auera loccupacion dun chose a terme de sa vie pour certein som̄ dargent / et tiel est lusage en mon pais de lesser lez graund pannez a eux que bra­sient.

Trespas¶ Trespas le def dit que acc non / quar pur mesme le Trespas al instaunz de diuers de lour bon amyez le pl et ilz accorderount que le def duist don̄ al pl .xl. d. en satistacc del tort le quel il luy offra et vn quore est prist a paier et le pl ceo refuse. ¶ Pygot ceo nē plee / quar ieo conceyue que vn concorde ne liera ascun partie sinon que vn sa­tisfaccōn soit en fait pur ceo que sur accorde nul accōn gist / mez de vn arbitrement le ley est autre / donques par son plee appiert que nous disagreomꝰ al accord par le refusel issint nul accord. ¶ Catesdye. a ceo que il dit que vn satisfaccyon duist estr en fait sur vn concord a ma conceyt ceo nest issint / quar vn satisfaccōn en ley serra assetz bien come est icy / quar quant nous rendomꝰ et il refuse / ceo fuit satisfacc en ley / le quel suffist. Mez tout le court tient le contrarie / ꝑ q. &c.