IN MEMORIAM CE­leberrimi viri Domini FRANCISCI DRAKE militis, qui nuper in nauali expeditione con­tra hostes patriae suae, ex Dysenteria labo­rans obijt. Viz. 28. die Ianuarij. Anno Dominj. 1595.

Fluctibus & bellis qui tot discrimina rerum
Sustinuit, Patriae ductus amore suae;
Appulit aeternae iam tandem Pacis ad oras
Dracus, & aeternae praemia Pacis habet.
Eidem.
Qui freta lustrasti sub vtro (que) iacentia Phaebo,
Quae (que) sub ambobus sunt peragranda Polis;
Drace, tibi superas iam Caeli gratulor oras,
Sed doleo nostras te moriente vices.
Eidem.
Maximus Hispano-Mastix, ipsi (que) Philippo
Qui timor & terror per mare nuper eras,
Drace iaces: sed adhuc superest Essexius heros,
In patrios hostes qui quo (que) Dracus erit.
Omnibus, qui Patriam conseruârint, adiuuerint, auxerint; certus est in Coelo ac definitus Locus, vbi beati aeuo sempiterno fruantur.
Cic. in som. Scip.

Fortunata igitur mors Francisci Drake, quae na­turae debita, pro Patria potissimum est red­dita.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.