¶ A caroll of the byrth of Chryst
¶ Come to Bethleem and ye shal se
Puer natus est hodie.
A woman a mayd in thought & deede
A fayret with eyen myght no man see
With her (vgin)virgin paps her babe did fede
Puer natus est hodie.
¶ The chyldes name is called Iesus
Gabryel sayde it shulde so be
Ioye we togyther and syng we thus
Puer natus est hodie.
To make vs rych, pore was he than
With mekenes and humylytie
Doutles he is bothe god and man
Puer natus est hodie.
☞ Kynges & prynces of this dyd here
Togyther they came a mayden to see
Lullyng her babe her blessed son dere
Puer natus est hodie.
☞ N [...]w blysful mayde yt bare yt byrthe
Pr [...] [...]hy son that we may hym se
[...]
[...]
To euery man that is vnkynde
what shulde I man do for the more
Than my lyfe to be vntwynde
Thou arte the fayrest creatur [...] to fynde
For I the made lyke vnto me
And gaue the reason, wyt and mynde
Quid vltra. &c.
¶ I loue the man aboue all thinge
I wyll be borne for the therfore
Bycause I wolde to blys the brynge
What shuldae I man do for the more
By Adams syn thou was forlore
Euermore punysshed for to be
But for thy mys I bought the sore
Quid vltra.
❧ My handes [...] [...]he crosse be spread
To yelde the mercy yf thou wylt crau [...]
Mercy to aske be nat adred
For yf thou wylt I wyll the saue
Whā thou art dead and layd in graue
And all thy frendes from the flee
Yet thy soule wyll I haue
Quid vltra. &c.
☞ Finis.
[...]
¶ Blow ye wide styl & blow nat so shy [...]
My blode man I shed for the al at wyl
Blowe ye wide styl & blowe nat so shyll
This paine to suffre is my fathers wil.
Synfull man thou art vnkynde
To thy maker yt made ye of nou [...]
Thou shuld kepe & haue in mīde [...]
Howe with my blode I the boug [...]
To saue the from the paynes of hell
That wt the fende yu shulde nat dwell
Neyther rather to go.
Blowe the wynde styl.
This payne to suffre.
☞ To a piller bo [...] both fote & hand
T [...]ll al my senew [...] [...] brode dyd brast
Theiues me bet [...] they coude stand
And as they weryed they dyd them rest
And arose a gayne and scorged me so
Tyll blode & fleshe wente the bones fro
Blowe the wynde styll.
This payne to suffre.
¶ Whā they me scorged sharpe & sure
They crowned m [...] with a thorne
A rede in my hande for a septure
And there they kneled me beforne
They sayde to me al hayle my kynge
For so was away theyr sayenge
And mo [...]ked me so
Blowe the wynde styll:
This payue to suffre.
☞ I bare ye crosse that was so longe
To Caluery where my deth was dight
My mother folowed with rufull songe
Seyng my trauel she fel downe ryght
To se me in such payne I brought
For the syn man yt thou hast wrought
She was full wo.
Blowe the wynde styll.
This paynes to suffre.
¶ On the crosse they splayed me than
And all my body they drewe in brede
Tyl fleshe and blod thorow ye skyn ran
My hādes & fete with holes dyd blede
They went me fro with one assent
And made a knyght my herte to rent
Thus payned they me tho
Blowe the wynde styl
This payne to suffre.
They gaue me drynke yt was not fyne
The which was eysell myxte with gall
They gaue it me in stede of wyne
And I sayd than made an ende was al
Than went away my spirite to hell
To fetche the soules yt there dyd dwel
And in Limbo lay.
Blowe the wynde styll
This payne to suffre.
¶ Finis.
¶ Farewell aduent & haue good daye Chrystmas is come, nowe go thy way.
GEt the hence what doest thou here
Thou hast no loue of no beggere
Thou makest vs fast with euyll chere
With farewell aduent.
Thou takest on ye more thā doth ye lent
Theu dwellest so long that yu art shent
¶ Whan alleluya is a lofte
I go gay and syt softe
And than I am mery ofte
As any byrde on brere
❧ Whan laus tibi cometh to towne
Than me behoueth to knele downe
And euer to be in orisowne
As it were a frere.
☞ Soone at Easter cōmeth alleluya
With butter chese and a tansay
It is nothynge to my pay
That he taryeth away so longe
☞ Myght I byde shere thursday
Laus tibi shall go away
[...]d I haue wepte that I may
Though he neuer come vs amonge
¶ Finis.
☞ In the honour of Christes byrth
Syng we al with ioye and myrthe.
IN this tyme of Chrystmas
Bytwyxte an oxe and an asse
A mayden delyuered was
Of Christ her dere son dere
[...] The husbande of Mary
Ioseph stoode her by
And sayde he was ready
To serue her if nede were.
¶ When she her deare sonne se
She set him on her kne
And song hydder to me.
Cum basse thy mother deare▪
⚜ On her lap she him layde
And with her pappe he playde
And euer sang the mayde
Come basse thy mother dere.
☞ With lyppes collyng
His mouth ofte she dyd kysse
And fayd sweete hert myne
I pray you make good chere.
☞ To this chylde let vs pray
That borne was on this day
Of Mary the mylde may
To graunt vs all good chere.
¶ Finis.