Omnes homines naturaliter scire desiderant.
QVis non Aonios latices, Phoebi (que) fluenta
Quaerit, & Hyblaeo mella petenda jugo?
Scilicet humanis haec est innata medullis,
Haeret & in nostro pectore sacra sitis
Scrutari secreta Deûm, vires (que) Parentis
Naturae, in tacito quas tenet ipsa sinu.
Vt sciat aethereos, perfert cerviclbus, axes,
Et non ingrato pondere sudat, Atlas.
Vt sciat Aglautos slavae secreta Dianae,
Non metuit tantae jurgia saeva Deae.
Ipsas scire juvat Rhodopeïa carmina sylvas,
Quàm vellent doctum vel didicisse melos!
Scire juvat summus quot sydera gestat Olympus,
Quot tenet accensas nox tenebrosa faces,
Seu petis Icarijs superûm palatia pennis,
Seu Phoebi currus cum Phaetonte regis.
Pectore quis toto sacras non imbibit artes?
Aut quis non tantas ambit avarus opes?
Hos satus I [...]eto de coel [...] sustulit ignes.
Hanc ille aeterno pectore pascit ave [...].
Tantalus & medio sitit has in slumine lymphas,
Haec & jejuno pectore poma petit:
Prima per aequoreos ausa est quae currere fluctus,
Haec tantùm petijt vellera, Graia ratis.
Cimmerias animi tenebras, & slumina Lethes
Odimus, haud vlli pectora coeca placent.
Ergo animis dedit ipsa sitim Natura sciendi,
Hoclacte Infantes nutrjit ipsa suos.
Veritas est conformitas reicum [...] Intellectu.
ARte senex Siculus vitreum Iovis aemulus orbem
Finxit, & in fragili sydera mota globo;
Intima respexit propriae Penetralia mentis,
Mentis & Ideae contulit Artis opus:
Vt (que) animo vidit bene respondere figuram
Verum opus, artificis approbat inde manus;
Intuitu lustrans vno sit omnia Numen,
Ideas (que) videns cuneta referre suas,
Protinus agnoscit pro veris omnia: falsus
Spectandus toto nec fuit orbe nothus▪
Nutrici Infantem genitor commisit alendum
Zelotypus, Nati ducta figura fuit:
Mutatur soboles: manet vs (que) simillima forma,
Agnovit prolem quâ pater esse suam.
Omnia Naturae commisit Numen Alumnae,
Addidit & vires queîs, quasi mater, alat:
Ne tamen imponat nutrix errore, vel arte
Credenti nimium subdola forte; cavet.
Idaeas rerum Deus al [...]a [...] gente recondit,
His quasi mensuris germina vera patent.
Nec patitur falsas melior natura Chymaeras;
Haeclabor Alcidis monstra domare fuit.
Divinus falsum fugit Intellectus, vt ingens
Formidat formam Barrus in amne suam.
ERGO
Archetypus rerum pater est: sunt Entia Proles;
Progenies debet vera referre Patrem▪