ANE Cōpendious [...] of godlie Psalmes and spirit [...] collectit furthe of sindrie pa [...] Scripture, with diueris v [...] tis changeit out of prophan [...] in godlie sangis, for [...] sin and harlatrie. With [...] mentation of sindrie [...] and godlie Ballads not contenit in t [...] first editioun.
(✚)
¶ Imprenti [...] [...] Edinburgh be IOHNE [...] for Henrie Charter [...] M. D. LXXVI [...]
❧Cum priuilegio [...]
| The ȝeir of our Lord. | Pasche day. | The Goldin number. | The Sondayis Letter. | The Leip ȝeir. | |
| [...]. lxxviij. | 30. | Marche. | 2. | E. | |
| [...]. lxxix. | 19. | Aprill | 3. | O. | |
| [...]. lxxx. | 3. | Aprill. | 4. | C. | B. |
| [...]. lxxxj. | 26. | Marche. | 5. | A. | |
| [...]. lxxxij. | 15. | Aprill. | 6. | G. | |
| [...]. lxxxiij. | 31. | Marche. | 7. | F. | |
| [...]. lxxxiiij. | 19. | Aprill. | 8. | E. | D. |
| [...]. lxxxv. | 11. | Aprill. | 9. | C. | |
| [...] lxxxvj. | 3. | Aprill. | 10. | B. |
| [...] | d | In S. Monence ane Fair. | i |
| e | ij | ||
| ii [...] | f | The iij. day the Temple of Ierusalem was buyldit againe and consecrat [...]t with greit solempnitie. Esdra 6. befo [...] the birth of Christ 515. ȝeiris. | iij |
| g | iiij | ||
| xix | A | v | |
| xiii | b | vj | |
| c | vij | ||
| xvj | d | viij | |
| [...] | e | ix | |
| f | a [...] vi. and vi. | x | |
| x [...]i | g | Sone in Aries. | xi |
| [...] | A | xi [...] | |
| b | xiij | ||
| [...] | [...] | xiii [...] | |
| d | xv | ||
| x [...]iii | e | Aprilis. | xvi |
| xii | f | S. Patrek in Dunbartane ane Fair. | xvii |
| g | xviij | ||
| x [...] | A | xix | |
| iiii | b | S. Cudbert in Langtouu in the Mers ane Fair. | xx |
| c | xxj | ||
| xii | d | xxij | |
| e | xxiii | ||
| f | xxiiij | ||
| ix | g | Lady day in the west wenus ane Fair. | xxv |
| A | xxvj | ||
| x [...] | b | The 2 [...]. day Ueneis was begun to be buyldit. anno. 422. | xvvii |
| vi | c | xxviii | |
| d | xx [...]x | ||
| xiiii | [...] | [...]x | |
| [...] | f | xxx [...] |
| xj | g | j | |
| A | The first day Rome was destroy it be Alarik King of Gothis, efter ij. ȝeiris seige. anno 412. Blondus. The Temple of Ierusalem is purgit from Adolatrie be King Ezechias. [...]. Paral. 29. | ij | |
| xix | b | iij | |
| viij | [...] | iiij | |
| d | v | ||
| xvj | e | vj | |
| v | f | vij | |
| g | viij | ||
| xiij | A | ix | |
| ij | b | x | |
| c | at v and vi. | xi | |
| x | d | xij | |
| e | xiij | ||
| xviij | f | Maij. | xiiij |
| vii | g | xv | |
| A | The 11. day Iosue circumciseth the pepill in Bilgall. | xvi | |
| xv | b | xvij | |
| iiii | c | Ios. 5. | xviij |
| d | The 18. day the pepill passit saif throw the reid sey, and Pharao with his Oist drow nit. Exod. 14.15. | xix | |
| xii | e | xx | |
| [...] | f | xxi | |
| g | xxij | ||
| ix | A | xxiij | |
| b | xxiiij | ||
| xvii | c | Mark Euangell. | xxv |
| vj | d | xxvi | |
| e | xxvij | ||
| xiiii | [...] | xxviij | |
| iij | g | at iiij. and ane half. | xxix |
| A | and vij. and ane half. | xxx |
| xi | b | Philip and Iacob. | [...] |
| c | ij | ||
| xix | d | Haly Croce day in Kinnocher and in Peblis ane Fair. | iij |
| viii | e | iiij | |
| f | v | ||
| xvi | g | The 6. day Rome was takin be the Duke of Burbone. an. 1527. | vj |
| v | A | vij | |
| b | viij | ||
| xiii | c | ix | |
| ii | d | x | |
| e | Sone in Gemini. | xi | |
| x | f | xii | |
| g | xiii | ||
| xviii | A | xiiii | |
| vii | b | The 15. day God did raine Manna to the pepill. Exo. 15. | xv |
| c | xvi | ||
| xv | d | xvii | |
| iiii | e | The 17. day Noe enterit in the Arke. Gene. 7. | xviii |
| f | xix | ||
| xii | g | xx | |
| i | A | at iiij. and viij. | xxi |
| b | xxii | ||
| ix | c | xxiii | |
| d | xxiiii | ||
| xvii | e | xxv | |
| vi | f | xxvi | |
| g | The 27. day Noe came furth of the arke. Genes. 8.9. The 29 day Constantinople was takin be Mahomete. | xxvii | |
| xiiii | A | xxviii | |
| iii | b | xxix | |
| c | xxx | ||
| xi | d | xxxi |
| e | Th [...] first day the pepill of I [...]raell come in the hill of Sinai: vtherwise callit Casius, & thair abaid almaist ane ȝeir. Exo. 19. | i | |
| xix | f | ij | |
| viii | g | iij | |
| xv | A | iiij | |
| v | b | v | |
| e | The vi. day Alexander the greit is borne. | vi | |
| xiij | d | vij | |
| ij | e | viij | |
| f | ix | ||
| x | g | x | |
| A | S. Barnabie Lawder fair. | xi | |
| xviii | [...] | xij | |
| vii | c | Sone in Cancer. | xiij |
| d | Iunij laugest day. | xiiij | |
| xv | c | xv | |
| iiii | f | Quarter befoir iij. | xvi |
| g | xvij | ||
| xii | A | xviii | |
| j | b | The 19. day Iames the Sxet King of Scotland was borne Anno. 1566. | xix |
| c | xx | ||
| ix | d | xxi | |
| e | xxij | ||
| xvii | f | xxiij | |
| vi | g | S. Ihone in S. Iohnstonn ane Fair. | xxiiij |
| A | xxv | ||
| xiiij | b | xxvi | |
| iij | c | xxvij | |
| d | xxviij | ||
| xi [...] | e | Peter p [...]stle. | xxix |
| [...] | xxx |
[...]
| xvj | f | i | |
| v | g | ij | |
| A | iij | ||
| xiii | b | iiij | |
| ij | c | Heir endis the Canicular dayis. | v |
| d | vi | ||
| x | e | vij | |
| f | Lady day in Striuiling and Dundie ane fair. | viij | |
| xviii | g | ix | |
| vii | A | x | |
| b | xi | ||
| xv | c | at vi. and vi. | xij |
| iiii | d | xiij | |
| e | Rude day in Craill and Iedburgh ane fair. | xiiij | |
| xii | f | xv | |
| [...] | g | Sone in Libra. | xvi |
| A | Ni [...]ht and day of ane lenth. | xvii | |
| ix | b | xviij | |
| c | xix | ||
| xvii | d | Mathew Apostle in Linlighgow ane fair. | xx |
| vj | e | xxi | |
| f | xxii | ||
| xiiii | g | xxiij | |
| iii | A | xxiiij | |
| b | xxv | ||
| xi | c | xx [...] | |
| xix | d | at vi and ane half, and v. and ane half. | xxvij |
| e | xxviij | ||
| viii | f | S. Michael in Hadingtoun, in Leslie, and in Air ane fair. | xxix |
| g | xxx |
| xvi | A | i | |
| v | b | The first day the feist of the Trū pettis in remēbrance that Isaac was delyuerit from hte Sacrifying. Leuit. 23. | ij |
| xiii | c | iij | |
| ij | d | iiij | |
| e | v | ||
| x | f | vi | |
| g | vij | ||
| xviii | A | viij | |
| vii | b | S. Dinne is in Atoun in the Mers & in Peblis ane fair. | ix |
| c | x | ||
| xv | d | xj | |
| iiii | e | xij | |
| f | at vij. and v. | xiij | |
| xii | g | Sone in Scorpio. | xiiij |
| A | xv | ||
| b | Nonembris. | xvj | |
| ix | c | xvij | |
| d | S. Luke in Lawder, in Kinroscheir, and in Ruglane ane Fair. | xviij | |
| xviii | e | xix | |
| vi | f | xx | |
| g | The 15. day the'feist of the Tabernackles cōtinewit vij. dayis Leuit. 23. Iohn. 7. | xxj | |
| xiiii | A | xxij | |
| iij | b | xxiij | |
| c | xxiiij | ||
| xi | d | xxv | |
| xix | e | xxvj | |
| f | xxvij | ||
| viii | g | Simon and Inde. | xxviij |
| A | xxix | ||
| xvi | b | at vij. and ane half, | xxx |
| v | t | and iiij. and ane half, | xxxi |
| d | Hallow day ane fair in Edinburgh vin dayis, and in Falliland ane day. | i | |
| xiii | e | ij | |
| ij | f | iij | |
| g | iiij | ||
| x | A | v | |
| b | The 10. day Martine Luther was borne in Islebia, the ȝeir of Christ. 1483. | vi | |
| xviii | c | vij | |
| vij | d | viij | |
| e | ix | ||
| xv | f | x | |
| iiij | g | S. Martine in Dunbar, in C [...]per of Fyfe, and in Hā miltoun ane Fair. | xi |
| A | xii | ||
| xij | b | xiij | |
| j | c | Decembris. | xiiij |
| d | The 15. day Ieroboam efter the defectioun of the ten Trybes from Roboam, erectit ij. Goldin Calues in Dan, and Bethell, and causit the pepill to ga worship thaine, that thay suld not go vp to Ierusalem. 1. Kings 12. | xv | |
| ix | e | xvj | |
| f | xvij | ||
| xvij | g | xviij | |
| vj | A | xix | |
| b | xx | ||
| xiiij | c | xxj | |
| iij | d | xxij | |
| e | xxiij | ||
| xi | f | xxiii [...] | |
| xix | g | S. Katherene in Dunfermling ane Fair. | xxv |
| A | xxvi | ||
| xviij | b | xxvij | |
| c | xxviij | ||
| xvi | d | xxix | |
| x | e | S. Andro in S. [...]ohnstoun▪ in Peblis, in Sar [...]ndrois, and in Chirnesyde in the Mers ane Fair. | xxx |
| xiii | f | i | |
| ii | g | ij | |
| A | iij | ||
| x | b | iiij | |
| c | v | ||
| xiiii | d | S. Nicolas in Abirdene a fair. | vi |
| vii | e | vij | |
| f | Lady day in the west wemis ane fair. | viij | |
| xv | g | ix | |
| iiii | A | x | |
| v | Sone in Capricorne. | xi | |
| xii | c | xij | |
| j | d | Luce schortest day. | xiij |
| e | Ianuar [...]. | xiiij | |
| ix | f | at viij. and ane quarter, and ane quarter b [...]foir iiij. | xv |
| g | xvi | ||
| xvii | A | xvij | |
| vi | b | xviij | |
| c | xix | ||
| xiiii | d | xx | |
| iii | c | Thomas Apos [...]le. | xxi |
| f | xxij | ||
| xi | g | xxiij | |
| A | xxiiij | ||
| b | Ȝule day. | xxv | |
| viii | c | S. Steuin. | xxvi |
| d | S. Iohne Euangell. | xxvij | |
| xvi | e | Innocentis day. | xxviij |
| v | f | xxix | |
| g | xxx | ||
| xiiii | A | xxxi |
The Lamentatioun of a Sinner.
O LORD in thee is all my trust,
giue eare vnto my wofull cry:
Refuse me not that am vniust,
bot bowing doun thy heauenly eye.
Behald how I do still lament,
my sinnes quhairin I do offend:
O Lord for thame sall I be shent.
sen thee to please I do intend.
No, no, not so thy will is bent,
to deale with sinners in thyne ire:
Bot quhen in hart thay fall repent,
thow grantst with speid thair iust desyre:
To the thairfoir still sall I cry
To washe a way my sinfull cryme:
Thy blude (O Lord) is not ȝit dry
bot that thow may help me in tyme
For quhy whill I on eirth remaine,
opprest allace with wo and greif:
My febill hart plunged in paine,
doth sigh and sew for thy releif
Sweit Christ will thow not then appeir,
to comfort thame that comfort laike
will thow not bow thyne eir to heir,
Lord Iesus cum and be not slake.
For then fall thyne ressaue thair rest:
thair ioy. thair blys, thair perfite peice
[Page]And se thy face of treasure best,
O Lord that dois our ioyes incres
Then sall thow giue those Nobilll crownes
Qu hilk thine aw in blud hes deirly bocht
Then sall those Psalmes and hie Renownes
Begeuin in grace most richely wrocht.
Then sall thy Saintes redemed deir,
from baill to blys remoued be:
And sweitest Christ, thy sweit voyce heir
cum vnto me Babes cum to me
Cum Reigne in ioye Eternallie,
cum reigne in blys that hes na end,
Cum thairfoir Lord, cum Christ we pray,
our pressed greif with speid amend.
Haste thee (O Lord) haste thee I say,
to powre on me the giftes of grace:
That quhen this lyfe mus [...] slit away,
in heuin with the I may haue place
Quhair thow dost reigne Eternally,
with God quhilk once did doun thee send
Quhair Angels sings continually,
to thee be praise warld without end
So be it.
¶THE PROLOGVE.
PAVLE writand to the Colloss. in his thrid Chap. sayis, let the word of God dwel in ȝow plenteouslie in all wisdōe, teiching and exhorting; our awin selfis with Psalmes, & hymnis, and spirituall sāgis, quhilkis haue lufe to God & fauouris his word. We haue heir ane plane Text, that the word of God Incressis plenteouslie in vs be singing of the Psalmes, and spiritual sangis and that speciallie amāg ȝoung personis, and sic as ar not exercisit in the Scriptures, for thay wil soner consaue the trew word, nor quhen thay heir it sung in Latine, the quhilks thay wait not quhat it is. Bot quhen thay heir it sung into thair vulgar toūg or singis it thame selfis with sweit melodie, then sal thay [...]fe thair Lord God with hart and minde▪ and cause them to put away baudrie & vnclene sangis. Pray God. Amen.
¶The text of the Catechisme.
THE text of the Catechisme, or Instructioun of Christiane men, quhilk is necessarie till euerie man that wald be sauit, to knaw and exercise thame selfis daylie thairin, contening the ten commandementis of God, the twelf articklis of our Faith, the Lordis prayer, of our Baptisme, and of the Lordis Supper▪ And first the ten commandementis of God at thay ar writtin in Exodus the twentie Chapter.
I Am the Lord thy God, quhilk haue brocht the out of the land of Egypt, and furth of the hous of bondage. Thow sall haue nane vther godis befoir my face. Thow sall not mak to thy self ony grauin Image, nor the similitude of ony thing that is in heuin aboue nor in the eirth beneth, nor in the watter vnder the eirth, thow sall not bow [...] to them nor worschip them. For I the Lord thy God am a Ielous God, and vis [...]is the sinnes of the Fatheris vpon the Children vnto the thrid and fourt generatioun of them that hait me and schew mercie vnto thousandis of thē that lufe me and keipis my commandementis.
- Thow sall not tak the Name of the Lord thy God in vane.
- Remember that thow keip haly the Sabboth day.
- [Page 3]Honour thy Father and thy Mother.
- Thow sall do na Murther.
- Thow sall not commit Adulterie.
- Thow sall not steill.
- Thow sall not beir fals witnes aganis thy Nichtbour.
- Thow sall not couet thy Nichtbouris hous, thow sall not couet thy Nichtbouris wyfe, nor his seruand, nor his Mayd, nor his Ore nor his Asse, nor ony thing that is thy Nichtbouris.
¶The threitning of God maid to them that brekis his commandementis, and his promeis maid to them that keipis them. Deut. xvij.
Cursit ar thay that continewis not in all the wordis of this Law, to do them, and all the pepil sall say Amen. Exod. xx. Chap.
¶ The twelf Articklis of our Faith, as thay war writtin be the Apostillis to the thre persones in Trinitie.
1 I Beleue in God the Father almichtie, maker of heuin and eird.
2 And in Iesus Christ his only sone our Lord.
3 Quhilk was consauit be the haly Gaist, borne of the Uirgine Mary.
4 Sufferit vnder Ponce Pylate, was crucifyit, deid, and buryit, and discendit into hell.
5 The thrid day he rais againe from the deid.
6 He ascendit into heuin, and sittis at the richt [Page 4] hand of God the Father almichtie.
7 And efter sall cum to Iudge the quicke and the deid.
8 I Beleue in the haly Gaist.
9 The haly Kirk vniuersall, the communioun of Saintes.
10 The Remissioun of Sinnis.
11 The Resurrectioun of the body.
12 And life Euerlasting. So be it.
¶The Lordis prayer as it is writtin in the 6. Chap. of Mathew, quhilk Christ leirnit vs to pray, contening sex petitiounis, and all thingis necessarie for vs. &c.
1 OVR Father that art in heuin, hallowit be thy Name.
2 Thy Kingdome cum.
3 Thy will be done in eirth as it is in heuin.
4 Giue vs this day our daylie breid.
5 Forgiue vs our trespassis, as we forgiue them that trespas aganis vs.
6 And leid vs not into temptatioun. Bot deliuer vs from euill. For thine is the Kingdome, the power and the glorie for euer. Amen.
¶Of our Baptisme.
GO ȝour way and teiche all Natiounis, and Baptise them in the Name of the Father & of the Sone, and of the haly Gaist. Math. xvj. Chap. Go ȝour way into all the warld, and preiche the Euangell, till all creatures, and quha [Page 5] that beleuis and is Baptisie sall be saif, bot quha beleuis not, sal be condempnit. ad Titum. Cap. [...]. Not for the workis of righteousnes that we haif wrocht, bot efter his greit mercie God hes sauit vs be the fontane of the new birth, and renewing of the haly Gaist, quhilk h [...] sched on vs aboundātly throw Iesus Christ our Sauiour, that we being maid richteous be his grace, suld be airis of Eternall life, according to hope, this is trew, Rom. vj. Thairfoir we ar buryit with Christ be Baptisme into deid, like as Christ was rasit fra deid be the glorie of his Father, euin sa we also suld walk in a new life.
¶The Lordis Supper, as it is writtin in the first Epistil to the Cor. ij. Chap.
THAT quhilk I haue deliuerit vnto ȝow, I ressauit of the Lord, for the Lord Iesus the same nicht, in the quhilk he was betrayit, tuke the breid, brak it, gaue thankis, and said. Tak ȝe, eit ȝe, this is my body quhilk is brokin for ȝow do ȝe this in remembrance of me. Efter the same maner also, he tuke the coupe, quhen the Supper was done, and said, This coupe is the new Testament in my blude, do this als oft as ȝe drink it in the remembrance of me, for als oft as ȝe sall eit of this breid, and drink of this coupe, ȝe sall declair the Lordis deith vntill his cumming. Quhairfoir, quhasaeuer sall eit of this breid, and drinke of this coupe of the Lord vnworthely, salbe gyltie of the body and blude of the Lord. B [...]t let euerie [Page 6] man examine him self, & let him eit of this breid, and drink of this coupe. For he that eitis and drinkis vnworthely, eitis and drinkis his awin dampnatioun, becaus he makis na difference of the Lordis body and blude.
¶ Heir followis the Catechisme put in meter, to be sung with the tune, and first the ten Commandementis.
MOYSES vpon the Mont Sinay,
with the greit God spak face for face,
Fastand and prayand bu [...] delay,
The tyme of fourtie dayis space,
O God be mercyfull to vs.
And God gaue him th [...]r ten Commandis,
To teiche to mankinde euerie one,
[Page 7]And wrait them with his awin handis
Twyse on twa Tabillis maid of stone,
O God be mercyfull to vs.
j
I am thy God allanerlie,
Serue me in feir and faith thairfoir.
worschip na kinde of Imagerie,
And giue na creature my gloir,
O God be mercyfull to vs.
ij
Tak not the Name of God in vaine,
Bot let ȝour talk be nay and ȝe
Except ane Iudge do ȝow constraine,
To testifie the veritie.
O God be mercyfull to vs.
iij
wirk na euill wark on haly day,
Fle from all sinfull lust and sleuth,
walk and be sober, fast and pray,
Heir hun that preiche the word of treuth
O God be mercyfull to vs.
iiij
Honour thy Elders, and them su [...]plie,
Gif that thair neid of thee requyre,
Obey all Iudges in their degre.
Ordand ouir the to haue Impyre,
O God be mercyfull to vs.
v
Thow sall not slay in na kin wyse,
In counsell, thocht, nor outward deid,
Be thow ane Iudge, or on ane Syse,
In Iudgement ordourly proceid,
O God be mercyfull to vs.
vj
Commit na kinde of Licherie,
Bot leif ane chaist and sober lyfe,
want thow the gift of Chaistitie
Burne not in lust, bot wed ane wyfe.
O God be mercyfull to vs.
vij
Commit na thift, na man thow reif,
Leif on thy wage, thy rent or wark,
Hald na manis geir, let nane the craif,
Beg not, and thow be haill and stark,
O God be mercyfull to vs.
viij.
Beir na witnes with fals report,
In contrair Iust and richteous men,
Defaine na man in ony sort,
Suppois his fault or vice thow ken,
O God be mercyfull to vs.
ix
Thy Nichtbouris wyfe, hous, heritage,
Thow couet not▪ to the or wis▪
His hors▪ his Ore, his Mayd nor Page,
Nor ony gudis that is his,
O God be mercyfull to vs.
x
Our poysound nature (allace thairfoir)
Can neuer mair this Law fulfill,
Bot greuand God ay moir and moir,
And can not wirk his godly will.
O God be mercyfull to vs.
Then quhy to vs gaue God this Law:
The quhilk be na way we can keip,
That we be it our Sin suld knaw,
[Page 9]Repent and mend, and for it weip,
O God be mercyfull to vs.
Trew Faith in Christ wirkand be lufe,
Sall saue vs from the fyre of hell,
T [...]ocht Goddis Angell wald vs re [...]ru [...]e
As fal [...] and curst ȝe him expell,
O God be mercyfull to vs.
¶ Of our Beleif.
WE trow in God allanerlie,
Full of all micht and Maiestie,
Maker of heuin and eird sa braid
Quhilk hes him self our Father maid
And we his Sonnis ar in deid,
He will vs keip in all our neid
Baith saull and body to defend.
That na mischance sall vs offend,
He takis cure baith day and nicht,
To saue vs throw his godly micht
Fra Sa [...]hanis subteltie and slicht.
we trow in Iesus Christ his Sone,
God lyke in gloir, our Lord alone.
Quhilk for his mercy and his grace,
wald man be borne to mak our [...]eace
Of Mary Mother Uirgin chaist
Consauit be the haly Gaist.
And for our saik on croce did die,
Fra Sin and hell to mak vs fre▪
And rais from deith (throw his Godherd
Our Mediator and our remeid.
[Page 10]Sall cum to Iudge baith quick and deid.
we trow in God the haly Spreit,
In all distres our comfort sweit,
we trow the Kirk Catholick be,
And faithfull Christin companie
Throw all the warld with ane accord,
Remissioun of our Sin we trow,
And this same flesche that leuis now
Sall stand vp at the latter day,
And bruik Eternall lyfe for ay.
FINIS.
OVR Father God Omnipotent,
Quhen Christ thy Sone was heir present,
He bad vs euer pray to the,
(Becaus we knew not for to pray)
He leirnit vs quhat we suld say▪
Syne hecht to heir vs mercyfullie.
Sen the to call, is thy command,
Thyne awin wordis then vnderstand,
Quhilk thow hes promeist for till heir,
Behald not my vnrichteousnes,
Bot luke till Christis richteousnes
And with thy faith my Spreit vp steir▪
Lord thow will haue allanerlie,
worschip in Spreit and veritie,
And to [...]ane vther giue thy gloir,
Thy Name then let vs lufe and dreid,
And call on it in all our neid,
And thank and loue the euermoi [...].
Destroy the Deuill, his Realme and Reigne
Quhilk of this warld is Prince and King,
And let thy Gospell be our gyde,
Conforme our lyfe efter thy word
That we may reigne for euer (O Lord)
In thy Kinrik with the to byde.
God grant that we may wirk thy will,
In eird thy plesure to fulfill,
Siclyke as in the heuin Impyre,
And quhat that euer we tak on hand,
May be conforme to thy command,
And nathing efter our desyre.
Giue vs this day our daylie breid,
And all thing that thow hes maid.
For mennis sustenta [...]ioun,
And all thing quhair of we haue neid,
Our saull and body for to feid,
But sleuth or solistatioun.
Forgiue our sinnis, and our trespas,
For Christis saik, quhilk geuin was,
To deid for our Redemptioun,
As we forgiue all Creature,
Offendand vs baith riche and pure,
Hartfully without exemptioun.
Defend vs from temptatioun,
The feind and his decatioun
The warld sa fals the fragill flesche
Saif vs from schame, and from dispair,
[...] beleue and Lollaris lair,
[Page 12]And Deuillis doctrine mair or les.
Deliuer vs from euillis all,
Baith Spirituall and Corporall,
And grant vs grace quhen we sall die
And fea this present lyfe we wend,
That we may mak ane blyssit end,
Syne reigne with the Eternallie.
Power nor gloir, Impyre nor tryne,
Is nane in heuin▪ nor eirth bot thyne,
And euer mair sall sa remaine
Thairfoir thow may, and wil releue
All them that can in Christ beleue,
From deid, the deuill▪ and hellis paine.
FINIS.
¶The effect of the Sacrament of Baptisme, and first institutioun thairof, declaring alswa quhat singular comfort we obtene be the lamin.
CHRIST baptist was be Iohne in Iordan flude
For to fulfil for vs all richteousnes,
And our Baptisme do tit with Sanctitude,
And greit vertew: to wesche our sinfulnes
To drowne the deid, and hell for to oppres
Quhen Goddis word with water Ioynit be,
Throw Faith to gif vs life Eternallie.
For our waiknes God of his mercy sweit,
To strenth our Faith ordand this Sacrament
In Name of Father, Sone and haly Spreit,
To welche our body, and in our minde to prent
[Page 13]That worde and water outward represent▪
Throw wirking of the Spirit into our hart,
That Christis blude wes [...]his away the sin (In wart.
Our Baptisme is ane takin, and ane signe,
That auld Adame suld drownit be and die.
And grauit in the deid of Christ our King
To rise with him to life Eternallie,
That is, we suld our sin ay mortifie,
Resistand vice, leif haly, Iust and trew.
And throw the Spirit daylie our life renew.
Be figure and be word, Christ did vs teiche,
The Fatheris voyce was hard sayand full clei [...]
Iesus quhome I haue send my word to preiche
He is my weilbelouit Sone sa deir
In word▪ in wark allone ȝe sall him heir,
In him is all my plesure and dely [...]e
To him I ȝow commit baith small and greit.
The haly Gaist come downe to testifie,
His doctrine and his Baptisme to declare
In forme of dow, sat on him soberlie:
In our Baptisme to dout not nor dispair
Baith Father, Sone, and haly Gaist ar thair,
To be our gyde the Trinitie him sell,
Hes geuin in eird with vs to dwell.
Christ had his Apostillis preiche to all creature
That thay with sin and hell war all forlorne.
Quha will beleue, and traist my wordis sure
And Bapteist is, and new againe is borne
And Sathan and his warkis hes forsworne
[Page 14]Thay sall be saif, and neuer mair sall die
Bot ring in gloir perpetuall with me.
Quha will not this greit grace beleif, to hell
Salbe condempmt, with Eternall deid
Quhair Purgatorie and pardounis will not sell
And gude Intent, thair Pylate plie [...]t and leid
Dum ceremoneis▪ the quhilk themself hes maid
And vowis vaine, quhilk thay did neuer keip.
Sall gar thame gnashe thair teith & eyis weip,
Our eine seis outward bot the watter cauld,
Bot our pure faith the power spirituall
Of Christis blude, inwart it dois behauld
Quhilk is ane leuand well Celestiall
Ȝit for to purge the penitent with all
Our natiue sin, in Adame to expell
And all trespas, committit be our sell.
Our Baptisme is not done all on ane day,
Bot all our lyfe, it lestis Idenike.
Remissioun of our sin, induris for ay,
For thocht we fall, throw grit fragylitie
The cunnand anis contract faithfullie
Be our grit God, at Font sall euer remaine,
Als oft as we repent, and sin refraine,
We can not giue to God louing conding
For sa greit grace, and mercy Infinite
Quhilk Institute this Sacrament and Sing▪
Quhais greit vertew in veirs I can not dy [...]e
Bot mony cunning Clerk of it dois wryte
Full Christianely, als the Catechisme buke,
[Page 15]Declaris at lenth, quha list to luke.
¶The Supper of the Lord, and richt vse of it to be sung.
OVR Sauiour Christ King of grace,
With God the Father maid our peace
And with his bludie woundis fell
Hes vs redemit from the Hell.
And he that we suld not forȝet
Gaue vs his body for to eit
In forme of breid, and gaue vs syne▪
His blude to drink in forme of wyne.
Quha will ressaue this Sacrament,
Suld haue trew faith, and sin repent,
Quha vsis it vnworthelie
Ressauis deid Eternallie.
We suld to God giue praise and gloir
That sched his blude vs to restoir,
Ci [...] this in his remembrance.
In signe of thy delyuerance.
Thow suld not dout, bot fast beleue,
That Christis body sall releue
All them that ar in heuines
Repentand sair thair sinfulnes.
Sic grace and mercy nane can craif,
Bot thay that troublit hartis haif:
Feill thow then sin abstene thy sell▪
[Page 16]Or thy rewaird [...]all be in hell.
Christ sayis, sinners cum vnto me,
Quhilk myster hes of my mercie:
Neidis thow nocht my Medicine
I lois my paine and trauell tyne.
Giue thow thy self thy Saull culd win,
In vaine I deit for thy sin:
My Supper is nocht graithit for the
Gif thow can mak thy self supplie.
Will thow thy sinfull life confes,
And with this wark thy faith expres:
Sa ar ȝe worthie small and greit
And it sall strenth ȝour faith perfite,
And thow sall thankfull be thairfoir
And loue thy God for euermoir
Thy Nichtbour lufe, and als supplie,
His neid, as Christ hes done for thee.
¶Certaine Graces to be sung or said befoir or efter meit.
ALL meit and drink was creat be the Lord,
Ressauie for to be with thankfulnes,
Til all faithful knawers of the trew word
To satisfie thair neid with sobernes.
All fude is gude, the quhilk God creat hes
And not to be refusit ony day
Only to God geuing the louing ay
Be prayer, and be Goddis word all meit
[Page 17]Unto the clene, all thingis is clene to eit,
Thairfoir we pray his godly Maiestie
To blys our meit and all our companie,
And saif vs fra erces and drunkinnes
Efter our meit to thank his gentilnes.
CHRIST leirnit vs on God how we suld call
And bad vs pray, syne hecht to heir vs all:
Our Father God quhilk is in heuin sa hie,
Thy glorious Name with vs mot hallowit be,
Let cum to vs thy Kingdom [...] and thy gloir
Thy will mot be fulfillit euermoir.
In eird, as it is in heuin but variance,
Giue vs this day our daylie sustenance
Forgiue our dettis for Christis paine and smart,
As we forgiue our detteris with our hart
And leid vs not into temptatioun,
Bot for Christ Iesus bitter passioun
Delyuer vs from euillis Spirituall
And corporall, now and perpetuall.
Saif vs gude Lord for thy promeis deuyne,
For Kingdome, power, gloir and all is thyne.
WE thank our God baith kynde and liberall
His grace and mercy dois euer Indure,
He genis sustentatioun to vs all.
To man and beist, and euerie creature,
And he allone, dois frid baith riche and pure.
Thairfoir to God be gloir allanerlie,
Throw Iesus Christ, we thank him hartfullie.
ALL Creature on the Lord dependis,
Thair sustenance for to ressane of the,
[Page 18]Thair meit & drink in tyme to them thow sendis
Thow oppinnis furth thy hand full graciously
And satisfyis all flesche aboundantly,
Blys vs gude Lord into thir giftis gude,
Quhilk thow hes geuin to be our daylie fude.
TO our gude God of warldis Lord and King,
Full of mercy▪ only trew and wyse,
Be louing, honour, gloir, without ending
Kingdome, Impyre, hiest renoun and pryse,
With mynde and mouth, giue we ane thousand syse,
All gloir to him, quhilk alone worthie is,
Asking for Christ to bring vs to his blis.
WE thank the God of thy gudnes,
Throw Iesus Christ our gracious Lord
For thy greit mercy and gentilnes
Quhilk teidis vs with thy sweit word,
Sen all that euer tuke lyfe of the
Thow satisfyis aboundantlie,
We praise the all with ane accord.
As thow hes fed this sinfull flesche,
Quhilk sone sall die, and turne in asse:
Siclyke the sillie saull refresche
The quhilk Immortall creat was.
God for thy grace and mercy greit
Grant vs ane steidfast faith perfite,
And in thy gloir with the to pas.
To God on heich be louing maist,
Quhilk lowsis sin allanerlie
Till all that will repent and traist
[Page 19]On Iesus Christ his Sone onlie,
Thow makis them thy Sone and air
Throw him thow will them saif from tair,
To quhome be gloir Eternallie.
¶Certaine spirituall sangis, togidder with ane confessioun of sin, and ane prayer.
SORE I complaine of Sin,
And with King Dauid weip:
I feill my hart within
The wraith of God full deip,
I wyte my greit trespas
Is caus of all my wo,
Quhair with God greuit was
Full sore and oft also.
O God I me confes,
Ane sinfull creature
Full of all wretchi [...]nes
Fragill, vaine, vyle and pure.
Thair is na gude in me
Bot pryde, lust and desyre
And warldis vanitie,
The way to hellis fyre.
Except God do me saue,
From hell and endles paine:
My sin will me dissa [...]e:
Quhilk I can not refraine.
My only hope and traist
Help my fragillitie
My sinnes to detest
[Page 20]Resistand constantlie.
O Cast me not away,
For my grit sinne o Lord
I grant my vices all:
Blasphemit hes thy word.
God for thy grit mercie
And Christis woundis wyde
Ane steidfast Faith grant me
Allone to be my gyde.
Christ Goddis Sone allone,
Uictour of deid and hell:
Thow tuke my nature one
My sinnis to expell,
And gaif thy self to plaige.
Me Catiue to conuoy:
To my richt heritage
From paine to heuinlie ioy.
Thy seruand Lord defend▪
Quhome thow hes bocht sa deir
Trew preichours to me send
Thy word to schaw me cleir,
Lat me my lyfe amend,
And thairin perseueir
Grant me ane blyssit end
Quhen I sall part from heir.
O Lord God haly Spreit,
Full of benignitie
Trew Christis promeis sweit
Teiche me the veritie,
[Page 21]Expell my Ignorance
My sinnis morti [...]ie
Grant me perseuerance
Unto the end trewlie.
FINIS.
¶ Ane sang of our corrupt nature, and the only remeid thairof.
WE wretchit sinners pure
Our sin hes vs forlorne:
Thairin all creature, consauit is and borne
Sin hes wrocht vs sic paine,
That we without remeid
Condempnit or and slane, to hell, the deuil & deid
Lord haue mercy on vs, Christ haue mercy. &c.
Our warkis can nocht be
As dois the Law requyre:
Nor ȝit can satisfie, our Fatheris wraith and Ire
Na deid can mak vs fre
From our greit sinfulnes,
Bot Goddis Sone must die, for our vnrichteousnes.
Lord haue mercy on vs, Christ haue &c.
Or had not Christ bene send
Cled in our vyle nature,
Fra hell vs to defend, our deidly wound to cure,
And willingly to die,
Fra Sin to mak vs clene
We had Eternallie, In hell condamp [...] [...]ine,
Lord haue mercy on vs, Christ haue &c.
Man now hes thy peace,
[Page 22]Sic lufe God schawis the
He takis the in his grace, his mortall Ennemie▪
Throw Faith in Christ sa kynde,
Quhilk frely gaif him sell
On Croce for to be pynde, to saif vs fra the hell,
Lord haif mercy. Christ haif mercy. Lord. &c.
This we suld euer beleue,
And nocht dispair for sin:
For hel cā not vs greue, the deid nor deuil thair in
We ar maid Iust and rycht
And fred from panis sore,
Throw christ ye Lord of micht, blissit for euermore
Lord haif mercy, Christ haif mercy, Lord. &c,
Thairfoir lat vs loue and pryse,
God the Father feruentlie.
we thank ane thousand syse, his sones Maiestie.
we pray the haly Gaist
Our sin to mortifie,
And not dispair, bot traist gods word maist faithfullie
Lord haif mercy, Christ haif mercy, &c.
¶Ane sang of the fleshe and the Spirit.
ALL Christin men taktent and leir,
How saull and body is at weir:
Upon this eird baith lait and air
With cruell battell Identlie,
And nane may not ane vther [...]le.
¶The fleshe.
The flesche said sen I haue haill,
I will in ȝouth with lustis baill:
[Page 23]Or age with sorrow me assaill
With Ioy I will my tyme ouirdriue
And will not with my lustis stryue.
¶The Spreit.
The Spreit said, thocht I charge the nocht
Dreid God, and haue his Law in thocht.
Thow hecht quhen thow to Font was broche
E [...]ter his Law lust to refraine
And not to wirk his word againe.
¶The fleshe.
The flesche said, I am stark and wicht,
To wache gude wyne, fresche, cauld and bricht
And tak my plesure day and nicht,
With singing playing▪ and to dance
And set on sex and seuin the chance.
¶The Spreit.
The Spreit said, think on the riche man,
Quhilk all time in his lustis ran,
Body and saull he loissi [...] than
And sone was buryit into hell
As Christ Iesus hes said him sell.
¶The fleshe.
The flesche said, quhat hald I of this
Laser a [...]ench, and tune thair is
In age for till amend my mis.
And from my vitious lyfe conuert
Quhen sadnes hes ouirset my hart.
¶The Spreit.
The Spreit said power thow hes none
In ȝouth, nor ȝit in eild bygone
With twinkling of ane eye anone
God sall the tak at euin and morne
Na certaine tyme set the beforne.
¶The fleshe.
[Page 24]The flesche said, all time air and lait,
I se all warldlie wise estait
Hald lust vertew in thair consait
With thame I will persew my weird
Als lang as I leue on this eird.
¶The Spreit.
The Spreit said ȝit sall [...]um the day
The saull sall part the body fray:
Then quhat sall help thy game or play,
Quhen thow mon turnit be in As
As first in eird quhen thow maid was.
¶The fleshe.
The flesche said, thow hes vincust me▪
I traist Eternall gloir to se:
Christ grant that I may cum thairby,
Now will I to my God returne,
Repent my sin, richt soir I murne.
¶The Spreit.
The Spreit said nane to schame I driue,
Ane contrite hart help God aliue
The flesche mon die, with paine and striue,
For it was borne to that Intent,
In [...]ird with wormes to be rent.
¶The fleshe.
The flesche said, O Lord God of peace,
Help me to turne, throw Christis grace,
O haly Gaist my faith Incres.
That I may thoill this eirdly noy,
My hope is in Eternall Ioy.
¶The Spreit.
The Spreit said now I haue my micht,
[...]
[Page 25]Thow God the quhilk is only richt.
Thow saue me from the deuillis net
Thairfoir thow on the Croce was plet.
¶The Dyter.
Now hes this Ballat heir ane end▪
God grant Ilk man his hart sa kend.
To sin na mair, syne to Christ wend,
Than sall he turne againe to vs,
And giue vs his Eternall blys.
FINIS.
¶ Ane sang of the Croce, and the frute thairof.
CVM heir sayis Goddis Sone to me
Sinneris, that heuie ladin be,
I will ȝour sillie Saull refresche,
Cum ȝoung and auld baith man and wyfe
I will ȝow giue Eternall lyfe,
Thocht troublit heir sair be ȝour flesche.
My ȝok is sweit, my burding small.
Quha drawis efter me thay sall
Eschaip Eternall deid and fyre:
For I sall help them in thair draucht,
That thay sall cum as I haue taucht
To gloir and Ioy, and heuin Impyre.
Quhat I haue teichit lait and air,
Quhat I haue tholit les and mair:
That preis ȝow euer to fulfill
And thocht ȝour flesche be heir opprest,
Ȝit all thing wirk sall for the best:
For sa is rich [...] and Goddis will.
The warld wald sauit be and faine,
And euin to gloir but Croce or paine
Quhilk Christis flock must suffer heir
Bot paine thair is nane vther way,
To cum to gloir, and put away
Eternall hellis paine but peir.
That the faithfull must the Croce Indure,
Witnes beiris all creature,
Subdewit vnto vanitie:
Quha will not thoill in Christis Name,
The Deuill sall wirk him sic ane schame,
With peirles paine perpetuallie.
To day ane man is fresche and fair,
The morne he lyis seik and sair,
Syne dulefully domeit to deid
Euin lyke as in the feild ane flour
The day is sweit, the morne is sour:
Sa all this wretchit warld sall faid,
The godles dreidis sair to die,
Bot quhen he can na farther flee,
And faine his sinfull lyfe wald mend
Thay grip sa fast his geir to get,
The sillie saull is quyte forȝet.
Quhill haistely gais out his aind.
Quhen he persauis na remeid,
Then greuously he gais to deid:
And grunche and geuis vp the Gaist,
Sair I suspect God do accuse
His Sectouris, and him self refuse.
[Page 27]That sa vnfaithfully deceist.
The riche man, helpis not his gude,
The Nobill not his Royall blude,
For thay sall baith thair quarrell tyne
Thocht ane had all this warid sa wyde,
Ȝit he sall die with dule and pyne,
With golde and precious stanis of pryde.
Knawledge concernis not the Clerk.
Nor Hypocrite his haly wark:
Bot thay [...]ut dout with deid mon dwell.
Quha will not haill to Christ him giue
Quhill in this present lyfe he liue,
For euer mair sall die in hell.
Mark weill thairfoir my Sonnis sweit,
How Christis croce is for ȝow meit:
O moue ȝow not in mynde thairfoir,
Bot at his word stand steidfastlie,
And with him suffer pa [...]ientlie,
Gif ȝe wald enter in his gloir.
Do gude for euill, and leid ȝour lyfe,
Without reprufe, but pryde or stryfe,
And thoill the warldis wraith to rage,
O enter be that narow rod
Giue gloir and vengeance vnto God.
And he thair cruell Ire sall swage.
Quhen that ȝour flesche hes all the will,
And may ȝour lustis all fulfill,
Ȝe ar but dout the feindis pray:
[Page 28]God sendis ȝow the Croce thairfoir,
To mortifie ȝour flesche so foir,
To saif ȝour sillie Saull for ay.
And quhen this schort paine to ȝow greif,
Than think on hell the lang mischeif,
Quhair mony ane for ay sall murne,
And saull and body sall remaine,
For euermoir with cruell paine,
Endles for ay without returne.
Bot he sall efter warldly pyne,
Reioyce with Christ, withouttin fyne,
Quhair na myndis memoriall
Can think, nor toung can tell the tryne,
Nor haue the gloir quhilk sall propyne,
That michtie Lord vnto vs all,
For quhat Eternall God of peace,
Hes promeist throw his Spreit of grace,
And syne sworne be his haly Name:
That he sall hald baith trew and sune,
God grant that we may se his Throne,
Throw faith in Iesus Christ, Amen.
¶ Ane Consolatioun in aduersitie of the Scripture.
BLISSIT is he quhome God dois correct,
Thairfoir his scurge se thow not neglect:
For he it is, quhilk geuis wan and wound,
And suddanly he will mak haill and sound.
He will the stryke with his maist fatherly wand,
Syne the releue with his maist mercyfull hand.
[Page 29]God will the slay, and giue the lyfe anone,
And the returne, thocht thow to graue wer gone.
And will the sone bring into pouertie,
Syne giue the greit riches aboundantlie.
He will the set into a law degre,
Syne the exalt, that euerie man may se.
Quhome God ressauis to his Sone and air.
Him will he scurge with plagues sad and sair.
Thairfoir vnder the Croce thow perseueir,
Then as a Father sall God to the appeir.
Quha is ane Sone, and will not parientlie
His Father thoill, with all humilitie,
He schawis him as he wer bastard borne,
And heritage fra him wer all forlorne.
And sen that we our fleschely Father dreid.
For eirdly thing our body for to feid,
How mekill mair our Father Spirituall
Suld we obey to lyfe perpetuall.
All croce appeiris presently distres,
Uoyde of all Ioy, bot full of painefulnes:
Bot efterwart it sall giue peace and rest,
Thocht for a tyme with paine we be opprest,
The paine that is now present schort and licht
And lestis bot a moment in our sicht,
Aboue measure sall wirk Eternall gloir,
In till our saull, behalding not thairfoir
The present paine, quhilk is befoir our ene,
Bot luke on that, quhilk now may not be sene,
All Ioy esteme, my brether ane and all,
Quhen into diuers troublis ȝe do fall,
And knaw is that of ȝour faith it is a preif,
To wirk in ȝow pacience for ȝour releif,
As of the Croce ȝe ar companȝeonn,
[Page 30]Sa sall ȝe be of Consolatioun.
Faithfull is God, and on ȝow hes pitie,
And will not thoi [...]l ȝow temptit for to be,
Aboue ȝour strenth, bot will quhen ȝe leist wene,
Giue ȝow sic grace, that ȝe sall weill sustene.
Iust mennis lyfe is in the Lordis hand,
Torment of deid may not them hald in band,
Thocht befoir men thay thoill aduersitie▪
Thair hope is full of Immortalie.
God knawis Innocentis temptatioun,
To saif them fra thair greit vexatioun.
And sall ressaue againe the latter day,
The wickit for to burne in hell for ay.
FINIS.
¶The Forlorne Sone, as it is writtin in the xv. Chapter of Luk.
SINNERS vnto my sang aduert,
Quhilk Christ into his Uangell kend,
And from ȝour sinfull lyfe conuert
Quhair with ȝe do ȝour God offend,
For Christ in his sweit Parabill,
To saif vs is full plyabill,
Gif we repent and to him wend.
Ane certaine man of riche substance
Had Sonnes twa to him full deir,
And sone with schort delyuerance,
The ȝoungest spak on this maneir:
Father giue me my part of geir,
Quhilk me belangis les and mair,
I will na mair be thirlit heir.
The father did his gude deuyde,
Betuix them, bot the ȝoungest sone
Wald na mair with his father byde,
Bot tuke his part, and furth is gone:
In till ane strange and far countrie,
And leuand thair richt ryatouslie
He waist it all his geir anone.
Quhen all was gone, thair rais fra hand
Ane derth quhilk maid the vittell skant:
Baith far and neir throw all the land,
And he throw neid begouth to want:
Then to ane Citizenar he ȝeid,
Quhilk send him furth his swyne to feid,
For falt of fude he was full fant.
He wald haue eitin with the swyne,
His houngrie stomak to fulfill:
Bot thocht he suld for hounger tyne,
Ȝit nane wald giue him leif thairtill,
Quhen he come till him self againe,
This him alone, he culd complaine,
In till his mynde with mourning still.
How mony seruandis for thair wage,
Hes fude into my fatheris hous.
And I for hounger die and rage,
Bot my father is gracious,
Thairfoir till him, I will me dres:
And schaw my sin and my distres,
And say with voyce full pitious.
O Father I haue bene to bauld.
[Page 33]Sinnend contrair the heuin and the,
And not worthie that men me hauld,
Na mair thy Sone in ony degre:
As ane of thy seruandis me mak,
With that he did his Iornay tak
Hame till his father haistelie.
And quhen he come bot ȝit afar,
His father had compassioun,
And ran him till or he was war,
And gaue him consolation,
And in his armes he did him fang
And euer he kissit him amang,
With freindly Salutation.
The sone said father of greit micht,
I knaw that I haue sinnit soir:
Contrair the heuin and thy sicht,
And I am worthie now no more
That ony me thy Sone suld call:
Bot his father full liberall,
Callit his seruandis him befoir:
And kyndely to them can he say.
Ȝe bring me furth the best clething,
And cleith my Sone courtly and gay:
And on his finger ȝe put ane Ring,
Ȝe set on schone vpon his feit,
The quhilk ar trym and wounder meit,
That he be honest in all thing.
And slay that Calf quhilk now is maid
Sa fat▪ and let vs mak gude cheir,
[Page 33]For this my Sone the quhilk now was deid,
Againe on lyfe is haill and feir,
My Sone was loist, and now is found,
And they within ane lytill stound
Began to myrrie be but weir.
The Eldest to the feild was gone,
And quhen that he hame cummand wes:
And hard the menstraly anone,
The dansing and the great blyithnes,
Ane of his seruandis he did call
And said to him quhat menis all
This glaidnes, and this merynes.
Then answerit he, and said him till
Thy brother is cum hame againe,
Thairfoir his father hes gart kill
His weill fed Calf, and is full faine
That saif ressauit him hes be,
The Eldest wraith was and angrie,
And ȝeid not in throw greit disdaine:
And then come furth his father kynde,
And prayit him richt feruently,
Bot he answerit richt proude in mynde,
O father myne how lang haue I
Thy trew and faithfull seruand bene?
And neuer ȝit brak thy biddene,
Bot the obeyit faithfully.
Ȝit gaue thow nocht of thy riches,
Sa mekle as ane small Kyd to me,
That I micht mak sum mirrynes
[Page 34]And with my Lufaris blyith to be.
Bot now becaus is cum againe
Thy Sone quhilk waistit hes in vaine
Thy gudis into harlatrie.
That Calf quhilk fosterit was sa fair,
Thow hes gart kill at his plesour,
His father said▪ my Sone and air,
Of all my riches and treasour.
Quhat euer I haue, all that is thyne,
And thow art euer with me and myne,
And all is haill into thy cure.
Thair fair to vs it was full meit
For to reioyce, and blyith to be,
With all our hart and all our Sprei [...] ▪
Thy brother saif and sound to se.
For he was loist, and now is win,
And he was deid from all his kin,
And now aliue againe is he.
Our God and father is full kynde,
To sinneris that ar penitent,
With all thair hart, and all thair mynde
Schawand warkis that thay repent,
And gif in Christis blude thay traist,
Then sall [...]e neuer them detest.
Bot saif them that tha [...] be not schene.
FINIS.
¶ Ane sang of the riche Gluttoun and pure Lazarus, as it is writtin in the xv. Chapter of Sanct Luk.
FAITHFVL in Christ vse ȝour riches richt,
Not to ȝour lust and Sensualitie:
Bot all tyme help yt pure with all ȝour micht
For in the frute sall knawin be the tre
And gude and euil sall baith rewardit be
With heuinly gloir, and hell sa terrabill,
To that effect spak Christ this parabill.
Ane certaine man was riche, and coistly cled,
With purpour, Sylk, heich▪ and presumpteous,
And euerie day deliciously him fed,
Thair was alswa a pure hecht Lazarus:
Lay seik at the ȝet of this gluttounis hous.
Throw sairis smart he had ane peirles pyne,
And want it sude, quhen he wald fainest dyne.
To satisfie his seikly appetyte,
He wald haue citin of the crummis small,
Quhilk fell downe fra hie buird of greit delyte,
Bot naue to gif him was sa liberall:
The doggis did thair office naturall.
And oft thay did this catyne man refresche:
Lik and the fylth furth of his laithly flesche.
It chancit sa▪ this begger did deceis,
Syne cary it was be angels gracious
In abrahams bosome, in heuinly rest and peace
And this riche man that was sa [...]yatous,
Deceiffit als, syne bu [...]yit glorious,
In hellis paine he [...]yf [...]it vp his eue,
And syne afar of abraham hes he seue.
Quhen Lazarus he saw with him also
[Page 36]In his bosome, he said with drerie Spreit:
Father Abraham haue mercy on my wo,
Send Lazarus his finger for to weit,
And euill my toung with cauld water and sweit▪
For I am torment sair into this flame:
Then answerit him our father abraham.
Remember Sone, that thow ressauit hes,
Into thy lyfe, thy plesure in all thing.
And contrariwise Lazarus had distres,
Bot now he is in Ioy and comforting,
And thow art in wo and tormenting,
And als be [...]uix vs thair is sa greit an [...] space,
That na [...]e may cum till vther be na cace▪
And then he said▪ O father, I the pray,
Unto my fathers hous thow wald him send
That he my fyue brether aduerteis may,
Leist they into this cairfull place discend.
Bot abraham said, let them repent and mend
And als thay haue the Prophetis & Moyses law
Let them heir them, gif yai the way wald knaw.
Bot he said nay▪ my father abraham kynde,
Gif ony to the quick ȝeid from the deid,
Trewly thay suld repent with hart and mynde,
Bot not the les abraham this answer maid,
Gif thay heir not the Law quhilk suld them leid
Then fall they nocht in ony way is beleif
Thocht ane suld ryse from deid them to releif.
Unto the pure thairfoir be pi [...]tifull,
Quhill ȝe ar heir, schaw them ȝour cheritie,
[Page 37]Till freind and fa be all tyme mercyfull,
As ȝe forgiue▪ ȝe sall forgeuin be,
Mortifie lust, and Sensualitie,
Conforme ȝow not to warldly pomp and pryde,
Dreid God, lufe man refraine lust at all tyde.
FINIS.
¶The principall pointis of the Passioun, shortlie correctit.
HELP God the formar of all thing,
That to thy gloir may be my dyte,
Be baith at end and beginning
That I may mak ane sang perfyte
Of Iesus Christis passioun,
Sinneris only Saluatioun
As witnessis thy word in write.
Thy word for euer sall remaine,
As in his buke wrytis Isay,
Baith heuin and eird sall turne againe,
Or thy trew word cum to decay.
Thow can not lyke ane man repent.
To change thy purpois or Intent:
Bot steidfast is thy word for ay.
Iesus the fatheris word alone,
Discendit in ane Uirgine pure
With meruellis greit and mony one,
And be Iudas that fals tratour,
That Lambe for sober sum [...]e was sauld
And gaue his lyfe for caus he wald
Redeme all sinfull Creature.
Quhen eittin was the Pascall Lamb.
Christ tuke the breid his hand within.
Blyssing it brak it gaue the same
Till his apostillis mair and min,
Eit that, for my body is this,
Quhilk for ȝour saikis geuin is,
In till remissieun of ȝour sin.
Siclyke he gaue them for to drink,
In wyne his blude, the quhilk was sched▪
Upon his precious deid to think,
On him remembrance to be maid.
Quha ettis this blyssit Sacrament,
Worthely with trew Intent
Sall neuer se Eternall deid.
For caus thay knew him till depart.
Thay straif quha suld be ouerest:
Bot Iesus said with humbill hart,
Princes ar repute Nobilest.
The quhilk rewlis maist awfullie,
Sa amang ȝow it sall not be.
Bot quha is maist sall serue the leist.
Iesus wushe his apostillis feit,
Schawand exempill of lawlynes.
And chargit them with wordis sweit,
That lufe amang them suld Incres,
For thairby it suld cum to licht:
That ȝe ar my Discipulis richt,
Giue ȝe amang ȝow lufe posses,
Efter this prayer passit he,
[Page 39]And met the Iewes quhilk him socht,
Quhen thay had bound him cruellie,
Befoir the Iudges they him brocht.
First they him scurgit, and for scorne,
Him Crownit with ane Crowne of thorne,
Syne dampnit him to deid for nocht.
That Prince on Croce thay lyftit on hicht,
For our Redemeptioun that thocht sa lang,
He said I thrist, with all my micht,
To saue mankynde fra panis strang.
He that all warldis was beforne,
Come downe of Mary to be borne,
For our trespas on croce he hang.
Then he his heid culd Inclyne,
As wrytis Iohne, and gaue the Gaist,
And of the Croce tane was syne,
And laid in graue bot sone in haist,
Leuand he rais on the thrid day,
And to his apostillis did say,
To them appeirit maist and leist.
And syne he did his apostillis teiche,
Throw all the warld for to pas.
And till all Creature for to preiche,
As they of him Instructit was.
Quha Bapteist is, and will beleue,
Eternall deid sall not them greue,
Bot salbe sauit mair and les.
Sanct Luk wryting his assentioun.
Thocht present ay with vs he be,
[Page 40]As Scripture makis mentioun.
That is to say, with vs is he.
Be his sweit word, steidfast but faill
Contrair the quhilk can not preuaill,
Sathan nor hellis tyrannie.
Ane conforter to vs he did send,
Quhilk from the father did proceid
To gyde vs trewly to the end
In inwart thocht and outward deid,
Call on the Lord our gyde and licht.
To leid vs in his law full richt,
And be our help in all our neid.
Pray for all men in generall,
Suppois thay wirk vs richt or wrang.
Pray for ȝour Prince in speciall,
Thocht thay be Iust, or tyrannis strang.
Obey, for sa it aucht to be
In prison for the veritie,
Ane faithfull brother maid this sang.
FINIS.
¶Ane sang of the Euangell contenand the effect of the samin.
BE blyith all Christin men and sing,
Dance and mak mirth with all ȝour micht,
Christ hes vs kyithit greit comforting,
Quhairsoir we may reioyce of richt,
Ane wark to wounder that is wrocht
Christ with his blude full deir vs bocht,
And for our saik to deid was dicht.
[Page 41]For with the deuill and dulefull deid,
With hell and sin I was forlorne:
The sone of Ire at Goddis feid,
Consaine sa I was and borne,
I grew ay mair and mair tha [...]rin,
And daylie eli [...] sin to sin,
Dispair was euer me beforne.
Quhair I culd not the Law fulfill.
My warkis maid me na supplie:
Sa blind and waik was my fre will.
That hatit the veritie,
My conscience kest me euer in cair.
The Deuill he draif me to dispair,
And hell was euer befoir myne eye,
God had greit pitie on my wo,
And aboue mesure schew me grace.
Quhen I was ȝit his cruell fo,
Ȝit he wald cure my cairfull case,
His lufe to me he did conuert
From the maist deipest of his hart,
Quhilk coist him deir to mak my peace.
To his belouit Sone he said.
The tyme of mercy drawis neir,
To saif man and the feind Inuaid,
Thairfoir my hartly Sone sa deir,
Ga freith them from the feindis feid.
Thow man ouirthraw sin▪ hell, and deid,
Syne mon restoir baith haill and feir.
The sone his father did obey.
[Page 42]And come downe on the eird to me,
Borne of ane Mayd, as wrytis Esay,
My kynde sweit brother for to be,
He tuke on him my nature vyle,
And did his power for to cryle,
Sathan and all his subteltie.
He said thow sall haue victorie,
Gif thow alone on me depend:
For I will giue my self for the,
Thy cairfull quarrell to defend
For I am thyne, and myne thow art,
And of my gloir thow sall haue part,
Syne ring with me, without [...] end.
They man sched out my blyssit blude,
And reif alswa my lyfe from me
I thosll this only for thy gude▪
Beleue that firme and steid fastlie
For my deid sall thy deid deuoir.
That sin sall the condampne no moir,
For be that way, saif thow mon die.
Syne fra this present lyfe I fair,
To my father Celestiall.
Thy Mediator trew sall be thair
And send to the my Spreit I sall,
To giue the consolatioun,
In all thy tribulatioun,
The treuth he sall Instruct ȝow all.
My doing leirning mair and le [...],
That leir and do vnfenȝeitlie,
[Page 43]For that dois Goddis Kirk Incres,
And his greit gloir dois Magnifie
Be war of men and thair command,
Quhilk me and my word do ga [...]estand,
My last will heir I leif to the.
FINIS.
¶ Ane sang of the birth of Christ to be sung with the tune of Balulalow.
I COME from heuin to tell,
The best nowellis that euer befell:
To ȝow thir tythingis trew I bring
And I will of them say and sing.
This day to ȝow is borne ane Chylde
Of Mary meik▪ and Virgin mylde,
That blyssit bairne vening and kynde
Sail ȝow reioyce baith hart and mynde.
It is the Lord▪ Christ God and man.
He will do for ȝow quhat he can.
Himself ȝour Sauiour will be,
Fra sin and hell to mak ȝow fre.
He is ȝour richt Saluatioun,
From Euerlasting dampnatioun,
That ȝe may ring in gloir and blis,
For euer mair in heuin with his.
Ȝe sall him find but mark or wying
Full sem [...]ill in ane Cribe lying,
Salyis he quhilk ȝow hes wrocht,
[Page 44]And all this warld maid of nocht.
Let vs reioyce and be blyith,
And with the Hyrdis go full swyith,
And se quhat God of his grace hes done,
Throw Christ to bring vs to his throne.
My saull and lyfe stand vp and se
Quha lyis in ane Cribe of tre.
Quhat Babe is that sa gude and fair,
It is Christ Goddis Sone and air.
Welcome now gracious God of micht,
To sinneris vyle, pure, and vnricht,
Thow come to saif vs from distres,
How can we thank 'thy gentilnes:
O God that maid all Creature,
How art thow now becummin sa pure
That on the hay and stray will ly,
Amang the assis, Oxin and Ry.
And war the warld ten tymes sa wyde,
[...]led ouir with golde and stanis of pryde:
Unworthie it war ȝit to the,
Under thy feit ane stule to be.
The Silk and Sandell the to eis,
Ar [...]ay, and sempill sweilling clais,
Quhairin thow gloris greitest King,
As thow in heuin war in thy King.
Thow tu [...] sic panis temporall
[Page 45]To mak me riche perpetuall,
For all this warldis welth and gude,
Can nathing riche thy Celcitude.
O my deir hart ȝoung Iesus sweit▪
Prepair thy Creddili in my Spreit,
And I sall rocke the in my hart.
And neuer mair fra the depart.
Bot I sall praise the euer moir,
With sangis sweit vnto thy gloir,
The kneis of my hart sall bow
And sing that richt Balulalow.
Gloir be to God Eternallie,
Quhilk gaue his only Sone for me,
The Angellis Ioyis for to heir,
The gracious gift of this new ȝeir.
FINIS.
TO vs is borne a barne of blis,
Our King and Empreour,
Ane gracious Uirgin Mother is▪
To God hir Sauiour.
Had not that blyssit barne bene borne,
We had bene euerie ane forlorne.
With Sin and feindis fell:
Christ Iesus loning be to the
That thow ane man wald borne be.
To saif vs from the hell.
For neuer was, nor [...]all be man,
Nor woman in this lyfe:
[Page 46]Sen Adam first our sin began,
And Eue his wel dit wyfe.
That can be saif throw thair gude deid,
For poysound all ar adamis seid,
And can not sin refraine.
Quhill God him self fand the remeid,
And gaue his only Sone to the deid
To freith vs from all paine.
We suld luse God and myrrie be,
And dryue away dispair:
For Christ is cummin from heuin sa hi [...] ▪
Our fall for to repair.
Na toung sic kyndnes can expres,
The forme of seruand takin hes
And Verbum caro factum est.
Except Sin, lyke vnto vs all,
Is freith vs from the feindis thrall
And mend quhair we did mis.
Full weill is them for euer moir,
That trowis faithfullie:
Be grace to ring with Christ in gloir,
Throw faith allanerlie▪
And weill is them that vnderstude,
The gracious gift of Christis blude,
Sched sinners for to win:
Was neuer hard sa kynde ane thing,
Christ for his fais on Croce did hing,
To purge vs from our sin.
Thus thank we him full hartfully,
For his greit gentilnes:
[Page 47]We pray him for his greit mercy,
Trew Preichouris till Incres.
Fals Pharisians, and fenȝeit lair,
Quhome we haue followit lait and air.
Baith them and vs forgiue
God father, Sone, and haly Spreit.
Ins [...]r [...]ct vs in thy word sa sweit.
And efter it to liue.
FINIS.
IN dulce iubilo, Now let vs sing with mirth & Io. Our hart is consolatioun lyis in principio. And schyms as the Sone, Matris in gremio, Alphaes, & O, Alphaes, & O. O Iesu per nule. I thrist soir efter the, Confort my hart and mynde. O puer optime, God of all grace sa kynde, & princeps glorie, Trahe me post te, Trahe me post te. Vbi sunt gaudia, In ony place bot thair: qubair that the angellis sing, Noua cantica, Bot and the bellis King, In regis Curia, God gif I war thair, God gif I war thair.
ONLIE to God on heich be gloir,
And louing be vnto his grace,
Quha can condampne vs ony moir,
Sen we ar now at Goddis peace.
In till his fauour we ar taine,
Throw faith in Iesus Christ allane,
Be quhome his wraith sall end and ceis.
We worschip and we loue and pryse,
[Page 48]Thy Maiestie and magnitude:
That thow God Father only wife,
Kingis ouer all, with fortitude.
Na toung can tell thy strenth nor micht,
Thy wordis and thochtis all ar richt,
And all thy warkis Iust and gude.
Lord Iesus Christ Sone only borne,
Of thy Father Celestiall:
Thow sauit vs that was forlorne,
Fra sin and hell, and Sathans thrall,
Lord Goddis Lamb, thow tuke on the,
For all our Sin to satisfie,
Lord be mercyfull vnto vs.
O haly Gaist, our comfort gude,
From feindis feid thy flocke defend:
To thy keiping, we them commend,
From errour and Hypocrise,
Strenth vs in the veritie,
To perseueir vnto the end.
FINIS.
¶Of the greit louing and blyithnes of Goddis word.
LORD God thy face and word of grace,
Hes lang bene hid be craft of men:
Quhill at the last, the nicht is past,
And we full weill thair falset ken:
We knaw perfyte, the haly wryte,
Thairfoir be gloir and praise to the:
Qudilk did vs giue, this tyme to liue,
Thy word trew preichit for to se.
Our barnis now weill knawis how,
To worschip God with seruice trew:
Quhilk mony ȝeir our fatheris deir,
Allace thairfoir full sair mis knew.
Ȝit God did feid, his chosin in deid,
As Noe, and L [...]t, and mony mo:
And had respect, to his elect,
How euer the blind warld did go,
Sen throw thy strenth, thy word at lenth,
Is preichit cleir befoir our ene:
Be ȝit gude Lord, misericord,
To them quhilk ȝit dissanit bene,
And nocht dois knaw bot mennis law,
To thair greit dampnatioun:
Teiche them fra hand to vnderstand
Thy word to thair Saluatioun.
Quha wald be saif, first this mon haue,
To knaw thair sin, syne trow in Christ:
Big on this ground let lufe abound,
With pacience, prayer, hope and traist,
On God thow call▪ thank him of all,
To serue thy Nichtbour giue thy cure:
Thy conscience fre mon euer be,
This can giue the na creature.
Thow Lord abone mon giue alone,
Thir giftis for thy haly Name:
Quha will thair hart to Christ con [...]ert,
Na man can do them skaith nor schame,
Thocht Paip or King wald sa maling,
To mak the word of God forlorne:
[Page 50]Thair strenth sall faill and not prenaill,
Thocht thay the contrair all had sworne.
Lord let thy hand help in all land,
That thy Elect conuertit be:
Thy word to leir quhilk now dar sweir,
That thy word is bot herisie.
Thay giue thy word a fals record,
Quhilk neuer hard the veritie:
Nor neuer it red bot blindlingis led,
With Doctouris of Idolatrie.
The tyme is now but dout I trow,
Quhilk Paule did prophecie in writ
Thocht heuin and eird suld ga areird,
Thy word sall stand fast and perfite.
Thocht that maist parc indure thair hart
Setting thair strenth thy word againe:
Repent thay nocht thay salbe brocht
Eternally to hellis paine.
Our Sauiour and Gouernour,
Is Christ, quhais bludie wound is wyder
Redemit hes from all distres,
Sinneris that will on him confide
To him be gloir for euer moir,
To vs quhilk hes ane promeis maid:
Us to conuoy from paine to ioy,
Baith in our lyfe and in our deid.
We hope and traist the haly Gaist,
Sall not forȝet vs in our neid:
Sawe thy word with one accord
[Page 51]Hald in our hart our saull to feid.
Let vs not mis thy gloir and blis,
Quhen fra this wretchit lyfe we wend:
Grant vs thy grace to die in peace,
And perseueir vnto the end.
FINIS.
¶Nunc dimittis, the prayer of Symeon Luk ij. Chapter.
LORD let thy seruand now depart,
In glaidnes rest and peace:
I am reioycit at my hart,
To se his godly face.
Quhome faithfully thow promeist me,
Christ Iesus King of grace.
This present deid sall be full sweit,
And into sleip sall changit be:
To rest, syne ryse, bot euer my Spreit
Sall liue, and be alwayis with the,
Throw faith in Christ my only traist,
Quhome presently I se.
Our Sauiour thow hes him maid,
His deid sall saue vs all:
From sin and hell, the deuill and deid,
His Resurrectioun sall
Frelie vs giue, euer for to liue,
In gloir perpetuall.
Of hethin folk, blindit so soir,
He is the verray licht.
Quhilk neuer hard of him befoir,
[Page 52]Nor saw him with thair sicht:
He is the gloir, praise and decoir,
And strenth of Israel richt.
FINIS.
¶ Ane sang of the resurrectioun.
CHRIST gaue him self to deid,
And for our fault he mendis maid:
For vs he sched his precious blude,
With greit tryumphe vpon the Rude,
And sin and Sathan thair hes slaine,
And sauit vs from hellis paine.
For he againe fra deid vp rais,
Uictour of deid, and all our fais,
He raif the Obligatioun,
Contrair to our Saluatioun,
Syne spoylȝeit Sathan, hell and Sin,
And heuinlie gloir, to vs hes win.
And we ar now at Goddis peace,
Throw Christ ressanit to his grace,
Our Father mercyfull he is,
And we sall Ring with him in blis.
Allalua allalua. Benedieamus Domino.
FINIS.
¶Certaine Ballatis of the Scripture.
TILL Christ, quhome I am haldin for to lufe
I gif my thirlit hart in gouernance.
How suld I lufe, and fra his trenth remuse.
[Page 53]Full wo wer me, that drerie disseuerance,
Is na remeid, saif only esperance:
For weill, for wo for b [...]ist, or ȝit for schoir,
Quhair I am set, I sall lufe euer moir.
And sen I must depart, on neid I sall
Be till him trew, with hart, and that I hecht,
And sen that I becummin am his thrall,
With body him serue, with mynde & all my micht
He is the rute of my remembrance richt,
The verray crop▪ quhome of I comfort tak,
Quhy suld I not, do seruice for his saik.
Quhome suld I serue, bot him that did me saue
Quhome suld I dout, bot him that dautis deid
Quhome suld I lufe, bot him attour the laif,
Of all my wo he is the haill remeid.
How suld I fle, and can not find na feid,
Quhome suld I lufe, bot him that hes my hart,
How suld we twin that na man can depart.
Thus vinbeset I am on euerie syde,
And quhat to do I can not weill deuise:
My flesche biddis fle, my spreir biddis me byde
Quhen cair cummis, then comfort on me cryis,
Hope sayis get vp, then langour on me lyis,
My panis biddis my wofull hart repent,
Bot neuer mair thairto will I consent.
Depart him fra, my hart will neuer consent▪
It biddis me byde, and I sall neuer fle:
For be I takin, slaine, or ȝit schent,
For sic ane King it is na schame to die.
[Page 54]Gif thair be grace into this eird for me,
It is committit from the heuin abufe,
Till Christ quhome I am haldin for to lufe.
FINIS.
RICHT soirly musing in my mynde,
For pitie soir my hart is pynde
Quhen I remember on Christ sa kynde
that sauit me:
Nane culd me saif from thyne till Ynde,
Bot only he.
He is the way, trothe, lyfe and licht,
The verray port till heuin full richt
Quha enteris not be his greit micht
ane theif is he:
That wald presume be his awin micht
Sauit to be.
I grant that I haue faultie soir,
To stok and stane geuand his gloir
And heipand warkis into stoir,
for my remeid:
War not his mercy is the moir
I had bene deid,
Thow lytill bill thy wayis thow wend,
And schaw my mynde from end to end,
Till them that will repent and mend.
thow schaw them till:
Beleue in Christ, quhome God hes send,
and wirk his will.
FINIS.
RICHT soir opprest I am with panis smart
Baith nicht and day makand my woful mone
[Page 55]To God for my misdeid quhilk hes my hart,
Put in sa greit distres with wo begone,
Bot gif he send me sum remeid anone
I list not lang my lyfe for till Indure,
Bot to the deid bowne cairfull Creature.
I can not do my detfull obseruance,
Till him that heuin & all the warld suld dreid,
Auld Adame is the caus of this mischance,
And turnis oft my faith in wickit deid,
War not the deid of Christ wa [...] my remeid,
I list not on my lyfe for till tak cure,
Bot to the deid bowne cairfull creature.
O God of gloir, quhais micht is infinite,
Grant me thy grace quhome sin haldis in thrall
To [...]echt aganis my fleshe quhilk hes the wyte
Of all my wo, and my appeirand fall,
Thow gaue command in neid on the to call,
And for thy Sonnis saik I suld be sure.
That thow suld saue all sinfull creature.
Remember Lord, my greit fragilitie,
Remember Lord, thy Sonnis passioun,
For I am borne with all iniqutie
And can not help my awin Saluatioun:
Thairfoir is my Iustificatioun,
B [...] Christ, quhilk cled him with my nature.
To saue from schame all sinfull creature.
O Lord sen thow thy word to me hes send,
Thow let it neuer returne to the in vaine,
Bot let me perseueir vnto the end,
[Page 56]To my auld sin let me not turne againe:
For then bene far better into plaine,
Not till haue hard thy precept in Scripture,
Then knawand it, die cairfull creature.
FINIS.
ALLACE that same sweit face
That deit vpon ane tre,
To purches mankynde peace,
From sin to mak vs fre,
Allone to be our remedie.
To graith our place full meit
He is ascendit hie,
And left with vs his Spreit:
To worship Spirituallie,
Onlie to be our remedie.
He had quhen he was gone,
Apply vs haillelie,
To serue our God alone,
In Spreit and veritie,
Alone to be our remedie.
Na kynde of outward deid,
How haly that euer it be,
May saif vs at our neid
Nor ȝit vs Iustifie
Nor ȝit can mak vs remedie.
Bot Christ we neid nathing
Quhai [...]throw saui [...] we suld be
He is ane potent King
And will alanerlie
Onlie be our remedie
His testament maist perfyte
Plainely dois testifie,
[Page 57]Quhilk his apostillis did wryte
That nane may saif bot he
Nor ȝit can mak vs remedie.
Bot now sen he is gone
To ring Eternallie,
We worschip slo [...]k and stone,
Can nouther heir nor se
Nor ȝit can mak vs remedie.
We haue dwelt all to lang
In fais Hypocrisie,
Trew faith Lord mak vs fang.
Wirkand be cheritie
Only to be our remedie.
FINIS.
I CALL on the Lord Iesus Christ.
I haue nane vther help bot the,
My hart is neuer set at rest,
Till thy sweit word comfort me.
Ane steidfast faith grant me thairfoir
To hald be thy word euer moir
Abufe all thing▪ neuer resisting
Bot to Incres in faith moir and moir.
Ȝit anis againe I call on the,
Heir my request (O mercyfull Lord)
I wald faine hope in thy mercie,
And can not be thairto restoird:
Except thow illuminate with thy grace
My blind and naturall waiknes,
Caus me thairfoir haue hope in stoir
In thy mercie and sweit promeis.
Lord prent into my hart and mynde,
Thy haly Spreit with feruentnes:
That I to the be not vnkynde
Bot lufe the without fenȝeitnes.
Lat nathing draw my mynde from the
Bot euer to lufe the ernestlie,
Let not my hart vnkyndly depart
From the richt lufe of thy mercie.
Giue me thy grace, Lord, I the pray,
To lufe my enemeis hartfullie:
Howbeit thay troubill me alway
And for thy caus do sclander me▪
Ȝit Iesus Christ for thy gudnes
Fulfill my hart with forgiuenes
That quhill I liue, I them forgiue,
That do offend me mair and les.
I am chmpassit rounde about,
With soir and strang temptatioun:
Thairfoir gude Lord delyuer me out,
From all this wickit Natioun
The Deuill, the warld, the fleshe also
Dois follow me quhair euer I go
Thairfoir wald I delyuerit be
Thy help I seik (Lord) and no mo.
Now seis thow Lord quhat neid I haif,
Thair is none vther to plenȝe to
Thairfoir thy haly Gaist I craif
To be my gyde quhair euer I go.
That in all my aduersitie
I forȝet not the lufe of the,
[Page 59]Bot as thow Lord hes geuin thy word,
Let me thairin baith liue and die.
FINIS.
OF mercy ȝit he passis all,
In quhome I traist and euer sall
For to nane vther will I call▪
To die thairfoir, to die thairfoir.
For thair is nane vther Saluatioun
Bot be that Lord that sufferit Passioun,
Upon our Saulis he hes compassioun
And deit thairfoir, and deit thairfoir.
That Lord sa far had vs in mynde
He come from heuin and tuke mankynde
He haillit the seik, sair, lamit and blinde
And deit thairfoir, and deit thairfoir.
To pray to Peter, Iames or Iohne,
Our Saullis to saif power haue thay none,
For that belangis to Christ allone,
He deit thairfoir, he deit thairfoir.
I Traist to God of suretie,
Be Christis blude, saint to be,
In quhilk I hope sa faithfullie▪
To die thairfoir, to die thairfoir.
Thair is na deidis, that can saue me,
Thocht they be neuer sa grit plentie,
Bot throw Christ and his grit mercy,
Quhilk deit thairfoir, quhilk deit thairfoir,
Gif deidis micht saue our Saulis from paine
Then Christis blude was sched in vaine,
As ȝe may reid in Scripture plaine
To die thairfoir, to die thairfoir.
Ȝit sum hes hope▪ sauit to be
For doing deidis of Cheritie
Faith can not saue▪ quhair na deidis be,
Thay lie thairfoir, thay lie thairfoir.
The theif was saift be faith trewlie,
And not for deidis of Cheritie
As wrytis Luk, twentie and thre
To die thairfoir, to die thairfoir.
Fyre without heit▪ can not be▪
Faith will haue warkis of suretie,
Als fast as may conuenientlie
Be done, but moir.
Now Lord that deit vpon ane tre,
And sched thy blude sa plenteouslie
Ressaue our Saullis to thy gloir
We ask no moir, we ask no moir.
FINIS.
WE suld into remembrance
Of Iesus Christ our King:
Without ony dissimulance
Be blyith and myrrie sing.
We war condampnit to the deid,
In hell, for adamis mis:
[Page 61]Bot Iesus Christ the peice hes maid,
Betuix God and vs.
Christ is our God and Sauiour,
Our help and our refuge:
Our brother and our Mediatour
Our aduocate and Iudge.
Sen on our syde is God him sell,
Quha dar againe him pleid?
For he hes vincust sin and hell,
The Deuill and also deid.
This greit gudnes that Christ hes done,
God let vs neuer forȝet:
Bot thank and loue that Lord abone,
With sangis sweitly set.
FINIS.
HAY let vs sing and mak greit mirth,
Sen Christ this day to vs is borne:
For had not bene that blyssit birth
Mankynde alwayis had bene forlorne.
All men wer borne in sinfulnes,
Condampnit to Eternall deid:
Except Christ that in richteousnes
Was only borne for our remeid.
And he, gif we beleue hes [...]oist
His innocens for our trespas
Had not bene Christ we had bene loist,
O blyssit birth that euer was.
FINIS.
[...]
[...]
[...]
[...]
IN Burgh and land, Eist▪ west▪ nor South
We glorie for to speik of Christ
And his Eu [...]ngell in our mouth
Bot far fra him ourhartis we wreist.
To Goddis Law quha will aduert,
Sall steidfast in his promeis traist,
And lufe our brethren with our hart▪
And fle from [...]in and vice detest.
Lufe is fulfilling of the Law,
As Paule reheirsis in his wryt,
Of Christ nathing forsuith we knaw
That hes na faith, and lufe perfyte.
The Scripture plainely dois accord,
Quha will not wirk his fatheris will,
Bot sayis euerie day, Lord, Lord,
Sall neuer cum in heuin him till.
Brether and sisteris that will resort,
Till Christ, and with his Gospell mell,
Do as ȝe say I ȝow exhort,
And now na mair dissaue ȝour sell.
Or God sall tak his word againe
Fra vs, syne will it send,
To them that will not wirk in vaine,
Bot perseueir vnto the end.
FINIS.
¶Ane sang contrair idolatrie.
WE suld beleue in God abufe,
And in nane vther thing,
Quha trai [...]tis in him, he will them lufe
And grant them thair asking.
Contrair it is to Goddis command,
To trow that help may cum:
Of Idoles maid with mennis hand,
Quhilk ar baith deif and dum.
Quha dois adorne Idolatrie,
Is contrair the haly writ:
For stock and staine is Mammontrie,
Quhilk men may carue or quhite.
The apostillis that wrait the veritie,
Expresly do conclude:
That Idoles suld detes [...]it be,
As contrair to Christis blude.
Ȝe sempill pepill vnperfite,
Greit Ignorance may ȝe tell.
Of stock and staine hes mair delite
Then into God him sell.
FINIS.
¶Ane ballat of the Epistill on Christinmes eu [...]n,
THE grace of God appeiris now
Our helth and our Saluatioun:
To teiche and instruct vs how
In all countrie and Natioun.
That we suld leue our wickitnes,
And fle vaine warldly appetyte,
Iust haly, be with sobernes
Leif in the warld a lyfe perfyte.
That blyssit hope for to abyde,
The cumming of greit God of gloir:
And Iesus Christis woundis wyde,
The Sauiour of les and moir.
Quhilk for our saik he gaue him sell:
To saif from Sin, and purge vs cleir,
Ane chosin pepill in speciall:
In gude warkis to perseueir.
To studie in them nicht and day,
Thus we suld ane exhort ane vther:
Of Goddis word to sing and say,
And euery man to lufe his brother.
FINIS.
OF thingis twa I pray the Lord,
Deny me not befoir I die:
All vanitie and le [...]nd word,
Full far away thow put fra me.
Extreme pureteth nor greit riches,
Thow giue me not in na kin wise:
Bot only of thy greit gudnes▪
Giue me that may my neid suffice.
For be I riche, I may perchance,
Say, quha is God, and him misknaw:
[Page 65]And na thing bot my self aduance,
And him forȝet and all his Law.
Or be I pure, and haue na geir,
Than man I out her reif or steill.
Or than my Goddis name manesweir,
And set him at full lytill vaill.
FINIS.
LORD Father, God, that gaif me lyfe,
Thow leif me not to do my will:
Bot grant thy grace to me Catiue,
Thy godlie Law for to fulfill,
The prydefull luking of myne eine,
Lat nocht be rutit in my hart,
All euill desyre that in me bene,
Full far from me thow wald aduart,
Ane gredie stomokis appetyte,
And all surfet thow tak from me:
And als I pray the mak me quyte,
Of fleschelie lust and Licherie.
Remone from me all thrawardnes,
Als weill in mynde as outward deid:
And tak from me vnschamefastnes,
And God and man to lufe and dreid.
FINIS.
BLIS, blissit God, thir giftis gude,
Quhilk thow hes geuin to be our fude
Us blis, and mak thankfull in deid,
[Page 66]Be Iesus Christ that blissit seid.
In quhome all blissing we ressaif
Be quhome all blissing we ask and craif
Grant blissing Lord of michtis maist,
God, Father, Sone, and haly Gaist.
FINIS.
BLissiing gloir, wisdome, & hartly thankfulnes
And godly honouris all micht and fortitude
We offer the Lord with lawly humbilnes
Committing our selfis haili to thy Celsitude,
Asking for Christ quhilk for vs gaue his blude,
Grace for to be in hart and mynde thankfull,
For all thy gude and fre giftis plentifull.
FINIS.
NOW let vs sing with Ioy and mirth
In honour of our Lordis birth,
For his lufe and humanitie,
Quha gaue him self for vs to die.
Be Adame we wer all forlorne,
Bot now Christ Iesus till vs is borne,
Hes fred vs fra Captiuitie
And vincust hes our Enemie.
Quhen he was borne nane did him snib,
To ly richt law intill ane Crib
Ane Ore, ane asse, richt tenderlie
Refres [...]hit his humanitie.
His Godheid mysteris na support
[Page 67]For it was full of all comfort
Quhilk equall is in all degre,
Unto his fatheris Maiestie.
The angellis sang with mirrynes,
Unto the Hyrdis mair and les,
And bad them of gude comfort be,
For Christis new Natiuitie.
For we war all at Goddis horne,
This Babe to ȝow that now is borne,
Sall mak ȝow sail, and for ȝow die,
And ȝow restoir to libertie.
This Babe for ȝow did sched his blude,
And tholit deid vpon the Rude,
And for his greit humanitie,
Exaltit is his Maiestie.
And now he is our aduocate,
Pray and for vs baith air and lait,
This can the Scripture verifie,
In sa far as ane man is he.
Thairfoir all tyde, tyme and hour,
Pas vnto him as Mediatour,
Betuix the fatheris wraith and the,
Of sin, gif thow wald clengeit be.
For he hes promeist with his hart,
To all sinneris that will reuart,
And fra thair sinfull lyfe will fle,
Sall ring with him Eternallie.
[Page 68]To God the Father mot be gloir,
And als to Christ for euer moir,
The haly Gaist mot blissit be,
Wirkar of this Natiuitie.
FINIS.
QVHA can discriue or put in write,
The grace and mercy of our Lord,
Quhais godly giftis infinite,
Men suld remember and record,
Conforme vnto his haly word.
Our Father God Fontaine of grace,
His Sone did send to ransoun vs
From Sin, and all our cairfull case,
And from the Deuill maist dangerous.
And [...]lew that Serpent vennemous.
Christ come rycht sweit, as ane seruand,
Of seruitude to mak vs fre:
And broken hes the Deuillis band,
Quhilk led vs in Captiuitie,
Quhairfoir we thank his grit mercie.
Christ beand ryche in heuinlie gloir,
And we rycht pure and in distres:
Did mak vs riche for euer moir,
Quhairfoir we thank his gentilnes,
Be ressoun of his greit gudnes.
Christ come full humbill and full law,
Us to exalt in Maiestie:
And tholit panis as ȝe knaw,
[Page 69]Of hounger, cauld, and miserie.
And we gat lyfe quhen he did die.
Christ als discendit to the hell,
And vs redemit from that paine:
And from the deith did rais him sell,
Na mair to thoill the deid againe,
As we may reid in Scripture plaine.
Christ maid vs iust quhen he vp rais,
Be ressoun of his victorie:
Quhairthrow he vincust all our fais
Sin, deid, and Deuill our Enemie,
And from thair bandis maid vs fre.
Christ passit to the heuinnis hie,
To graith ane place for vs in gloir:
Our aduocate thairfoir to be,
Heirfoir his grace let vs imploir,
That we with him King euer moir.
FINIS.
GIF ȝe haue rissin from deid againe,
With Christ our cheif and Soueraine,
Quhilk did the inward man renew,
Gloir not in eirdly thingis vaine,
Bot in the croce of Christ Iesew.
Seik thingis abufe that ar not seine,
Nor neuer sall with carnall eine.
Do diligence for till subdew
The flesche, the outward man I meine,
And gloir in the Croce of Christ Iesew.
Honour it with feruent desyre,
And I sall swa ȝour Spreit inspyre,
Ay quhen temptatioun dois ȝow persew
Of Lychorie sall slokkin the fyre,
And gloir in the Croce of Christ Iesew.
Quhen auarice, pryde, or ouy sin,
Into ȝour memberis dois begin,
Than pray with feruent hart and trew,
That ȝe may be of Isackis kin
And gloir in the Croce of Christ Iesew.
And delf with deip into [...]ur land
As Isak did, quhill that he fand
The water of lyfe, of heuinly hew,
Quhilk is now fillit with eird and sa [...]d
And gloir in the Croce of Christ Iesew.
Honour the Image of the Croce,
Not cry and out with curious voyce,
Bot in the Spreit, as it is dew:
His gudnes that restorit the lose,
And gloir in the Croce of Christ Iesew.
His Image is his word compleit,
Performit be the haly Spreit
Quhilk from the father sprang and grew
Thair is na Image half sa sweit,
As gloir in the Croce of Christ Iesew.
Gif ȝe lufe Christ, hait not his word
His leuing Image, it is na bourd,
Quha lichtleis it, sall not eschew
[Page 71]Of vengeance the abhominabill sword
And gloir in the Croce of Christ Iesew.
Siclyke of Iuda the Lyoun stra [...]g,
Upon the Croce, he grat and hang.
Quhen he was raisit he ouerthrew
The Serpent, and his vennemous stang
And gloird in the Croce of Christ Iesew.
The decreit and schairp hand write,
That stoppit vs fra the father quyte,
Furth of the myndes he withdrew,
And fixt it to the Croce perfite,
And gloird in the Croce of Christ Iesew.
Syne the Iewes that wer Legall,
And Gentiles that from adames fall,
Sa mony ȝeiris thair God misknew:
Maid baith ane body mysticall,
And gloiris in the Croce of Christ Iesew.
Let vs thairfoir wi [...]h Paull now sing,
Away from vs all visibill thing
Sing to the Lord ane sang of new
Of laude, prais, and comforting.
And gloir in the Croce of Christ Iesew.
With spirituall lufe let vs proceid
Nocht lyke the Iewes with feir and dreid
Sing to the Lord ane sang richt trew,
That was borne of King Dauids seid,
And gloir in the Croce of Christ Iesew.
FINIS.
QVHA suld my melodie amend,
Or solace swiftly to me send,
Quha suld me succour or supplie,
Quha suld me from the deid defend,
Bot God my lufe in heuin sa hie.
Imploir his grace quhair we offend,
And do our former lyfe amend,
Giue honour only to that King
In quhome our hope allone depend,
And lufe him also ouer all thing.
Nixt lufe ȝour nichtbour as ȝour sell,
Euill thochtis from ȝour mynde expell
Quhair Spreit is waik ask comforting
At him quhilk creat heuin and hell
Lufe God in heuin attour all thing.
Do gude for euil, and leif ȝour will,
Not gude for gude, nor euill for euill,
Than ȝe present ane peirles sing,
Of lyfe serene, the warld vntill
Lufe God in heuin attour all thing.
Thocht thow perswaid this threid slyding
Quhilk ay incressis moir and moir,
Think weill on heuinlie gouerning
This warld is nocht bot transitoir,
And lufe thy God attour all thing.
Quha seruis the warld gais amis,
And sall be far from heuinnis blis,
(For quhy) in Scripture is founding
[Page 73]Na wicht can serue twa Lordis I wis,
Lufe God in heuin attour all thing.
FINIS.
¶The Conceptioun of Christ.
LET vs reioce and sing,
And praise that michtie King,
Quhilk send his Sone of a Uirgine bricht.
La. Lay. La.
And on him tuke our vyle nature,
Our deidlie woundis to cure,
Mankynde to hald in richt,
La. Lay. La.
Sanct Luk wrytis in his Gospell,
God send his Angell Gabriell,
Unto that Uirgine but defame.
La. Lay. La.
For to fulfill the Prophesie,
was spousit with Iosaph fre,
Mary scho had to name,
La. Lay. La.
Thir wordis to hir he did reheirs,
Haill Mary full of grace,
The Lord God is with the.
La. Lay. La.
Thow blyssit Uirgine mylde,
Thow sall consaue ane Chylde
The pepill redeme sall he:
La. Lay. La.
Quhais power and greit micht,
Sall be in Goddis sicht,
Quhilk from the Father of michtis sen [...],
[Page 74]La. Lay. La.
Iesus his Name ȝe call,
Quhilk salbe Prince ouir all
His Kingdome [...]all haue nane end.
La. Lay. La.
Than spak that Uirgin fre
Behald how sall this be.
Seing I knaw na man:
La. Lay. La.
Than said the angell chaist,
Be the power of the haly Gaist
Quhilk all thing wirk he can.
La. Lay. La▪
Elizabeth thy cousing also,
Sex monethis with Chylde can go
At quhais birth greit Ioy sall be:
La. Lay. La.
Call him Iohne, sayis the angell bricht,
Quhilk is send be Goddis micht
The Lordis way prepair sall he.
La. Lay. La.
FINIS.
¶Heir endis the spirituall sangis, and beginnis the Psalmes of Dauid with vther new plesand ballattis. Translatit out of Enchiridion Psalmorum to be sung.
¶Quare fremuerunt gentes. Psal. ij.
QVHAT is the caus, O God omnipotent
That all Natiounis commouit ar sa soir,
[Page 75]The Kingis and the pepill with ane consent,
Resistis the thy power and thy gloir
Thay stryue againe thy Law ay moir and moir,
And contrair Christ thy son [...] quhome yu hes send,
T [...] saif all man that will on him depend.
Thay will not be reformit from thair Sin,
Bot will remaine blindit in Ignorance,
And will not thoill to luke thy law within
Bot castis it away with greit greuance,
Thy counsell thay refuse and gouernance,
And following thair awin hartis consait,
Euerie man drawis a sindrie gait.
Bot thow O God in heuin into thy King▪
Thow makis all thair counsels euerie one,
Quhat thay intend, that sall thay neuer bring.
To finall end, for thy wisdome allone
Thair pregnant wittis sall scorne, and anone
In thy greit Ire, thow sall them sair reprufe,
And from thy face thow sall them swyith remufe
For God hes set a Captaine stark and wicht,
Christis a win Sone, God and man naturall,
On Mont Sion to reule it iust and richt,
That is to say, his Kirk Uniuersall,
To teiche his fatheris word Celestiall,
His godly wil and plesure for to schaw,
Instructing all the warld into his law.
God said to him, thow art my Sone and air,
I the begat for euer and this day,
Thy deid purchest victorie preclair,
[Page 76]Syne from the deid, thow rais to King for ay,
My chosin in the▪ sall not cum to decay,
Quha trewlie traistis in thy godlie name,
Sall neuer die, Eternallie I plane.
My Sone I will the geue all Nationnis,
In heritage, and put thame in thy cure:
To reule thame with thy ministratiounis,
And preif thame with the Croce at thy plesure,
To purge thair fleshlie iust, and mak thame [...]ure
And for to rais thair myndis spirituall,
To pryse thy name now and perpetuall.
Heirfoir Kingis and rewlaris now be war,
Aduert till Goddis word and Discipline.
Ressaif his sone aboue all thing prefar,
His Godlie word, and keip weill his doctrine,
Leir him to dreid, and traist in till him syne,
Quhilk is the trew wirship and rychteousnes
That God requyris of mankynd mair and les.
Ressaif thairfoir his sweit correctioun,
That he na mair with ȝow offendit be.
Befoir your eine with trew affectioun,
And in ȝour hart ȝe haif him Iden [...]lie.
Obey his Law, for quhen greuit is he,
Than quha dar his Iust Iugement abyde
Blissit ar they, quhilk on him dois confyde,
FINIS.
¶Saluum me fac. Psal. xj.
SAIF vs gude Lord, and succour send,
For perisit is halynes:
[Page 77]And treuth away from men is wend,
And fled fra thame is faithfulnes,
Dissait amang thame sa is sawin,
The veritie may nocht be knawin.
Thair tungis ar full of feinȝernes.
Thair leing tungis, o Lord, cut out,
That speikis in to thy comtemptioun:
And sayis in all place round about,
Our tungis hes ane exemptioun,
Euin as we pleis, our lippis may lie,
For we haue all authoritie
Nane hes of vs dominioun.
Bot God hes said, and will it keip,
I will ryse vp incontinent,
For the opprest that sair dois weip,
And murning of the indigent.
The pure that vexit is so soir,
I will them saue, and them restoir,
Fra wickit toungis teichement.
And Goddis word and promit,
Is trewar, cleirar, and mair pure,
Then siluer, seuin tymes purifyit,
Sen that thow art in word sa sure
Thow saue vs from sic sort of men,
And fra the doctrine that they ken,
Eternally on vs tak cure.
Quhen Hypo [...]rites ar principall,
And hiest in authoritie:
On force the pepill follow sall
[Page 78]Thair falset and Hypocrisie
The pepill follow mon on neid,
Thir Prelatis and thair wi [...]kit deid
Baith blindit from the veritie.
FINIS.
¶Vsquequo Domine. Psal. xxij. with the tune of Exaudi Deus orationem meam.
O LORD how lang for euer wil thow forȝet
And hyde thy face frame, or ȝit how lang
Sall I reheirs thy counsell in my hart
Quhen sall my hart ceis of this sorie sang,
O Lord behald help me, and licht my [...]ine,
That suddand sleip of deid do me na teine.
Or ellis quhen my enemeis seis my fall,
We did preuaill, sone will thay say on me
And gif thay se me be thame brocht in thrall,
Thay will reioyce into thair tyrannie
Bot I in God hes hope and traist to se
His godly help than [...]all I loue the Lord
Quhilk did me saue fra them that had me schord.
FINIS.
¶ Domine quis habitabit? Psal. xxiiij.
O LORD quha sall in heuin dwell with the
In thy tirumphāt, throne and Tabernakil
Or quha sall on thy haly hill sa hie
Mak residence, and haue his Habitakill,
The Innocent that is ane spectakill
Of haly lyfe and conuersatioun
[Page 79]And iust in all his operatioun.
And he quhilk on the treuth hes all his thoch [...],
And with his toung the same for till furthschaw
And quhais toung his Nichtbour novis nocht
And hurtis nane be boist, nor ȝit be blaw
And thocht his Nic [...]bouris faute or vice be knaw
He scornis not: bot dois till his brother
As that he wald till him did ony vther.
He that hes in na reputatioun
The wickit men, in nurisching thair vice:
With flatterie, and adulatioun,
And all gude men he haldis into pryse,
And thay that dreidis God he countis wise
Quhat euer he sweir to ony man or say
His promeis he will keip without delay.
Na Occour will he vse intill his lane,
Bot frely with his Nichtbour len and borrow
Contrair the iust, rewaird he will tak nane
Bot him defend from syte, schame and sorrow
This will he do at midnicht and at morrow
Quhat euer he be that weill obseruis this.
Sall neuer perishe, but ring in heuinis blis.
FINIS.
¶ Dominus regit me. Psal. xxiij.
THE Lord God is my Pastor gude,
Aboundantly me for to feid
Then how can I be destitute
Of ony gude thing in my neid.
[Page 80]He feidis me in feildis fair,
To Riueris sweit, pure and preclair.
He dryuis me but ony dreid.
My saull and lyfe he dois refresche,
And me conuoyis in the way
Of his iustice and richteousnes
And me defendis from decay,
Not for my warkis verteousnes,
Bot for his name sa glorious
Preseruis me baith nicht and day.
And thocht I wauer, or ga will,
Or am in danger for to die.
Na dreid of deid sall cum me till,
Nor feir of cruell tyrannie.
Becaus that thow art me besyde,
To gouerne me and be my gyde,
From all mischeif and miserie.
Thy staffe quhair of I stand greit awe,
And thy scheip huke me for to fang,
Thay nurture me my fautes to kn [...]w
Quhen fra the hie way I ga wrang
Thairfoir my Spreit is blyith and glaid
Quhen on my flesche thy scurge is laid,
In the richt way to gar me gang.
And thow a [...]e Tabill [...]ois prouyde,
Befoir me, full of all belyte
Contrair to my persewaris pryde,
To thair displeasure and dispyte.
Thow hes anointed weill my heid
[Page 82]And full my coupe thow hes maid,
With mony diches of delyte.
Thy gudnes and beningtie
Let euer be with me thairfoir
And quhill I liue vntill I die,
Thow lay them vp with me in stoir
That I may haue my dwelling place
Into thy hous befoir thy face,
To ring with the for euer moir.
FINIS.
¶ Exultate iusti in Domino. Psal. xxxiij.
ȜE Richteous reioyce and loue the Lord
Iust men to thank thair God dois weil accord
Play on ȝour Lute, & sweitly to it sing
Tak Harpe in hand with mony lustie string
Tyrle on the ten stringit Instrument,
And prais ȝour God with hart and hail intent
Sing na auld thing the quhilk is abrogate
Bot sing sum new plesand perfite ballat
Blaw vp Organis with glaid and heuinly sound
Ioyfull in hart, quhilk all the skyis resound
For Goddis word is treuth and veritie,
And dois all his deidis faithfullie
The Lord lufis iustice and richteousnes,
And all the eird is full of his gudnes
The be [...]innis hie wer creat be the Lord,
Thair ornamentis wer dressit be his word
He hei [...]is vp the water is lyke ane hill▪
Syne [...]urnis them in deip quhen that he will,
Dreid ȝe the Lord, all dwelleris on the ground,
[...]
[...]
[...]
[...]
[Page 82]And wirschip him all haue ye warld sa roun [...],
Quhat God decretis is done incontinent.
All Creature obeyis his commandement.
The Counsellis of the wickit and deuyse
He perturbis, appeirand euer sa wyse,
He scornis all thair Consolationn,
And wickit pepillis Imaginatioun,
Bot his counsell sall left perpetuall,
And sall indure till generations all.
Full happy is the pepill maist and leist.
Quhilk in yair God▪ & Lord hes all yair trai [...]
And quhome that God do cheis before all aige,
Thame to posseid in proper heritage.
The Lord lukis furth of his heuinlie sait,
And persauis all men of euerilk stait,
From his tryumphant throne he dois beholde
All Natiounis, and dwellaris on the molde,
For he allone did creat all thair hartis,
And he allone dois knaw all thair warkis,
The King is not saif, be his greit armie,
Nor Iyand saif be strenth of his bodie.
The bardit hors in neid sall men dissaif,
And mony thousand hors may na man saif.
The eyis of the Lord thay do aduert
To them that dreidis him with all thair har [...]
Traisting his godly help with patience.
To [...]ai [...]thair lyfe in tyme of pestilence.
And in the tyme of derth them for to feid.
And be thair only help in all thair neid:
Thairfoir my Saull in God put thy beleif,
Our strenth and targe to saif vs fra mischeif.
Our hart salbe into the Lord ioyous.
Sen we traist in thy Name maist glorious
[Page 83]Assist vs (O Lord) for thy gudnes
Euin as we traist in thy greit gentilnes.
FINIS.
¶ Noli aemulari in malignantibus. psal. xxxvij.
THOW sall not follow wickit menis wayis
Nor ȝit murne that sinfull haue gude dayis.
For lyke the widderit hay sone sall thay faid
And as the grasse that wallowis rute and blaid
Bot in the Lord put thow thy haill beleif,
And wirk his will and not yat may him greif
And than the frutefull land thow sall posses,
Aboundantlie, and sall haue grit riches,
Into the Lord put all thy haill delyte,
And he sall grant thy hartis appetyte.
Schaw furth befoir the Lord thy mynd and will
And traist in him he sall it weill fulfill.
Than as the goldin morning schynis bricht▪
Sa sall thy Iustice schine till euerie wicht,
And as the Sone in midday schawis fair,
Sa sall thy vertew knawin be alquhair,
Upon the Lord haue euer thyne intent.
Befoir thyne eine and haue him ay present.
And mufe the not at thair prosperitie▪
That leuis all thair lyfe wrangouslie.
Remoue rancour, and Ire furth of thy thoch [...]
The ill exempill of the wickit follow nocht.
For cruell men sall sune destroyit be,
Bot quha abydis the Lord pacientlie
Sall bruke the land, and his possessioun
Full peciabillie▪ without oppressioun.
Suffer a lytill quhile, and thow sall se,
[Page 84]The wickit man perishe befoir thyne E,
Thow sall behald him and his mantioun▪
Be brocht to nocht and vtter confusioun.
But humbill men sall inherite the eird.
And leif in peace fra wickit mens reird.
The sinful man with euill will await,
The Innocent that can mak na debait▪
With countenance austeir sall on him gyrne,
His I refull hart with baill sall euer byrne.
Bot yu gude Lord, sall lauch thame all to scorne
And knawis the tyme that thay salbe forlorne
The cruell men sall draw thair birnist brand,
And haue thair bow bent reddy in thair hand
For till slay the meik and Innocent.
That thay may cum to thair wickit intent.
Thair awin sword sall stryke thame throw the hart,
And brokin sall thair bow be in all part.
The lytill of the Iust is mair commendit,
Sa that it be weill win and better spendi [...],
Than is the grit ryches of wickit men,
Quhair throw thay do baith god & man miskē
The power of the wickit sall decay,
Bot God sall preserue the Iust man for ay.
The tymes of the Iust, God dois record,
Thair heritage salbe with God the Lord:
In tyme of perrell thay sal not be agast,
And in grit derth thair fude salbe adrest.
Bot witkit men sall perishe in thair neid
And thay that of the gude Lord hes na dreid,
Lyke Sacrifice thay sall consumit be,
Quhair of bot reik, thow can na mair se
The wickit man will tak, and wil not pay.
The Iust frelie wil gif without delay,
[Page 85]Quha lu [...]ffis him, and of him speikes gude,
Sall bruke the land, bor quha will delude
Or dois blaspheme the kynde and liberall,
Sall rutit be furth of memoriall.
The paithis of the Iust▪ God dois direct,
He luiffis him and will him not neclect.
Suppose he fall be sey, or ȝit be land,
God will erect him with his helping hand:
I haue bene ȝung, and cum now to grit age,
Ȝit saw I neuer the Iust left in thirlage,
Nor ȝit haue sene his posteritie,
Begand thair breid for grit necessitie.
Bot he will giue and len his gude at large,
Till thame that myster hes & will him charge,
Ȝit sall his seid leif into plenteousnes,
Aboundantly posses grit riches
He leuis ill, and followis gude thairfoir,
With God he sall King euer moir,
The Lord luiffis Iustice and equitie,
And leuis not his Sauctis in miserie,
For he on thame perpetuallie hes cure,
Bot wickit mennis seid sall not indure,
Iust men with Ioy the eird sall posses,
And dwell lang tyme on it and haue succes.
The Iust mannis mouth erercis sapience,
Of equitie ay speik and of prudence.
The Law of God is in his h [...]rt sa haill.
In all his wayis thairfoir he can nocht faill,
The wickit dois obserue the innocent,
To seik to slay him with cruell intent,
Bot God will not him leif into his neid,
Bot will him saif fra tyrannis wickit deid.
Thay can not him condam [...]ne quhen thay accus [...]
[Page 86]Preseruit sall he be from thair aduse.
Traist in the Lord and keip weill his command,
And he sall the exalt in euerie land.
Posses the eird thow sall and with thyne E,
The wickit men destroyit sall thow se.
Sum tyme a Tyrane flureis haue I sene,
Lyke lawrel tre quhilk euer growis grene.
Bot in schort tyme sune was he brocht to nocht
He was not found nor that belangit him ocht
Keip Iustice, and haue, E, vnto the richt,
That sal mak peace for euer with god of micht
For wrangus men sall end mischeuouslie,
And wickit mennis fyne is miserie.
The Iust all haill vpon the Lord dependis,
Quhilk is his strenth & all tyme him defēdis,
God helpis him and sendis him supplie,
And sauis him fra Tyrannis crueltie
Because in him he did put his traist,
Into his trublis grit culd him molest.
FINIS.
¶ Exaudi Deus orationem meam. Psal. lxiiij.
O LORD aduert vnto my voce and cry,
Now quhen I pray vnto thy Maiestie.
From dredour of my mortall Ennemie,
Defend my lyfe and als delyuer me,
Defend me from the fals subtellitie,
Of wickit men, and from the cruelnes,
Of thame that alwayis wirk vnrichteousnes,
Fra yame that hes thair tungis scharp & groūd
And scharper than ony twa edgeit sword,
[Page 87]Lyke deidly dartis thow geuis stang & stound,
Rycht sa proceidis of thair mouth euerie word,
Quhair with to slay thay think it bot a hourd,
The Innocent, with secreit dissemblance:
Without dredour of Goddis vengeance.
Thay haue deuysit abhominatioun,
Amang thame selfis in thair maliciousnes
Richt priuelie is thair communicatioun,
To set thair nettis with clokit craftines,
With sic deuice as it war halynes
That na man suld thair violence espye,
Quhilk wald reuenge thair fals Hypocrisie.
Thair counsell is to seirche and to Inquyre,
The Innocent with wrang for till accuse.
In all this warld thay haue na mair desyre,
For euer in thair mynde of this thay mufe,
Quha will delayit thay will mak na refufe▪
Of fa, or fule▪ and for suspitioun.
Thay will bring men vnto confusioun.
Bot now na mair thair malice sall remaine,
For God sall stryke them in schort sesoun
Of quhome thay salbe plaguit with grit pains
And men sall hald thame in derisioun,
Thair tungs salbe thair awin cons [...]soun,
Quhilk was sa scharp in contrair Innocence,
That for thame selfis thay sall mak na defence.
Quhen men [...]all se this haistie suddand change
Than sall thay wunder and cleirlie vnderstand,
That it is God quhilk dois him awin reuenge
[Page 88]All men sal se this wark of Goddis hand.
And fall weill knaw▪ that nane can him withstād
The Iust sall traist in God and als reioyis,
And all trew hartis sall ioy to heir this noyis
FINIS.
¶Quam bonus Deus Israelj. Psal. lxxiij.
TILL trew in hart God of Israellis swei [...],
Bot stakerand almaist failȝeit my feit
Quhen I beheld thir peruerst wickit men.
Prosper alway, thocht thay did God mis ken.
Thair is na ȝock thir wickit men may oppres.
Bot euer in weith plesour and grit riches,
Quhen vther men ar trublit and disesit,
With all pastime full plesandlie thay ar easit.
Throw quhilk thay ar exaltit in to pryde,
Thair violence and wrang walkis full wyde
Throw thair grit micht in alkin lust thay leif,
Quhat thay can think, vnto thair hart thay geif.
Quhat euer is done thay think it vanitie,
Bot giue that thay the authoure of it be,
God of heum thay blaspheme with thair mouth
To curs all men thay think it na vncouth.
For this the peple dois flow to and fra,
Quhen thay the wickit with welth se da swa,
Thay dar be bald to dout giue God dois knaw,
Or vnderstand the breking of his Law.
[Page 89]And I also thocht thair prosperitie
Suld euer indure with thame Eternallie
And thocht, vnto my self I did offence,
That wusche my handis and leuit in innocence.
To thole distres I thocht it was in vaine,
Baith day and nicht to tak on me sic paine.
Quhen I had lang argound on sic a kinde,
The Sonnis of God I dampnit in my minde.
I tuke trauell on this to knaw the treuth,
Bot all for nocht, my laubour was bot sleuth.
Quhen I sall enter in Goddis secreit place,
Than sall I se thair end befoir my face.
Full slydrie is the sait, that thay on sit,
And for thair fault till hell sune sall thay [...]ir.
For suddenlie thay sall die with mische [...]f,
Thair destructioun sall be without releif.
As quhen ane man awalkis of his dreame
Sa sall the Lord destroy thair fulische fame.
Quhen I had this Imaginatioun
My dullie Spreit was in greit passioun.
Imprudently this brint I in my th [...]cht,
In thy presence as brutall beist of nocht
Ȝit leit thow not me fall on sic ane sort
Bot held my hand, and gaue me gude comfort.
With thy counsell thow sall me weill conuay,
And efter this ressaue me to thy ioy
O Lord quhat euer in heuin ordand for me.
[Page 90]Outher in eird, compair I not to the.
Na thing am I, my body nor my hart.
God is my strenth and euer salbe my part.
Perishe sall thay, that fleis from the far,
Loste sall thay be, that ocht to the prefar.
To me forsuith, I think it for the best,
To clene to God, and on him put my traist
And schaw the nobill warkis that he hes done
To quhome be gloir ringand in his throne.
FINIS.
¶ Deus quis similis erit tibi. Psal. lxxxiij.
GOD for thy grace thow keip no moir silence
Postpon it not bot haist thy vengeance
On Hypocritis, humelie I the exhort.
For thay Rebellis with rage do resort.
And thay quhilk at the haue mortall feid,
Contrair thy micht hes lifted vp thair heid.
And till oppres thy pepill do pretend,
Under pretente and cloikit halynes.
With subtell slycht to slay vs thay intend.
Confiderat thay ar baith mair and les.
Contrair thy testament, our hope & richteousnes
Thay say, thay sall vs rute from the ground,
That na mentioun of vs sall mair be found.
Thay now conspyre with cruell hart and fell,
With ane consent, togidder in ane band:
Quhilk neuer befoir culd gre amang thame sell,
[Page 91]Stryuand for stait, and hicht, in euerie land.
Bot contrair the togidder stife thay stand.
And fa [...] lyke burris, thay cleif baith ane and all
To hald o God thy word and vs in thrall.
Ȝe Edomeitis Idoll with thrinfald Croune,
The crop and rute of pryde and Tyrannie,
Ȝe Ismalitis with scarlat hat and gowne,
Ȝour bludie boist na syith can satisfyie
Ȝe Moabitis with hornis twa full hie
Ourwart lyke scheip ȝe beir the beistis mark,
Inwart lyke tykis ȝe byte bot can not bark.
Of Agarins quhat tung can tell the tryne,
With hurklit hude ouir a weill nureist neck,
Iabell and Amon, als fat as ony swyne,
Quhilk can not do, bot drink, sing, Iouk and bek
The Amelekis, that lesingis weill can clek.
The Palistenis, with dum Doctouris of Tyre
Quhilk dar nocht dispute, bot cryis, fyre, fyre.
Assure in harnes is with thame euer moir▪
Companȝeoun he is perpetuall,
To Lotis Sonis, for to mantene thair gloir,
He wate nocht ellis, for his conscience is thrall
To thame quhilk hes na hope celestiall,
Bot contrair God indurit hes thair hartis,
Syne sylis Princes, blindly, tak thair partis.
O God of gloir resist thair cruelnes▪
As thow sum tyme ouerthrew the Madionitis
And Sicera, with his maliciousnes.
And Iabene, with his bludie Hypocritis.
[Page 92]At Kyson flude, as weill the storie dytis
Thay perischit at Endor throw thy micht
Syne mucke become and fylth for all thair hicht▪
Thair gouernouris and gydis gif siclike,
As Oreb, Seb, Seba, and Zelmanie.
Thair sinnis shawis thay ar a bludie byke.
And ȝit, thay wald throw thair Hypocrisie,
Posses the Kirk of God, throw tyrannie,
And will cum to na counsell generall.
For feir thay lose thair pompe pontificall.
As quheill vnstabill and caffe befoir the wind
And as the wod consumit is with fyre:
And as the flame burning▪ quhair it can find,
The faggat, in the feild, with grit Impyre:
Siclike persew thame with thy greuous Ire,
Lat thy tempest thair wraithfulnes reuenge,
And lat thy storme thair pryde in purteth change.
Confound thame Lord, that thay may seik thy name
Perturbe yair minde with cair continuall.
And let thame perische, and cum till vtter scham [...]
Lat thame knaw the, for the God Eternall,
Allanerlie on the allone to call.
And the obey, aboue all eirdlie thing,
Maist mich [...]iest, maist hiest in thy King.
FINIS.
¶ Qui habitat in adiutorio. Psal. lxxxj.
QVHA on the hiest will depend,
And in his secreit help will traist,
[Page 93]Almichtie God sall him defend
And gyde him with his haly Gaist,
Thairfoir with mynde rype and degest,
Thow say to God my trew releue,
My hope▪ my God of michtis maist,
Onlie in him I will beleue.
He sall delyuer the at neid▪
And saue thy lyfe from pestilence,
His wings ar thy weirlie weid.
His pennes ar thy strang defence,
And thow sall haue experience,
That his trew promeis is thy scheil [...] ▪
His word of grit magnificence,
Sall be thy buklar and thy beild.
Na wickit Spreit sall the affray,
Nor the delude into the nicht,
The fleand dartis be the day,
To trubill the sall haue na micht.
Na suddand chance of vncouth slicht,
Sall cummer the, nor mak the red,
Nor the perturbe in mark nor licht.
Bot from all plague thow sall be fred.
And thow sall se at thy left hand,
Ane thousand haue ane suddand fall.
And als thow sall se [...]en thousand
At thy richt hand, quhilk perische sall.
Ȝit nocht to the sall cum at all.
Bot thow sall with thine eine behald,
Sinnaris put fra memoriall,
With plagues grit and monyfald.
O Lord my hope and all my grace,
Thow saue me for thy grit mercy.
Thy gyrth is set in sicker place,
For he sall saue the michtfullie.
And na mischance sall cum to the,
Nor maledie sall the molest,
Na misfortoun thy hous sall se.
Bot all thingis wirk sall for the best.
His Angellis he sall giue ane charge,
That thay on the sall take the cure.
In all thy wayis to be ane targe,
To keip the from misauenture,
And with thair handis thay sall the sure,
That thow hurt nocht aganis ane craig.
Thy fu [...]e bot sall preserue the sure,
From perrellis, panis, and from plaig.
Thow sall strampe on the edderis strang,
And tred on the cruell Cocketrice,
The Lyonnis craig, thow sall ouer gang.
The dreidfull Dragoun thow sall chace.
Sen thow me traistis in all case.
Sayis God. I sall the saif from schame,
And the defend in euerie place,
For cause thow knew my godly name.
Quhen thow sall call▪ I sall the heir,
And in distres sall be with the.
I sall restoir the haill and feir,
And als I sall the magnifie.
With lang lyfe dotit sall thow be.
And at the last I sall the bring,
[Page 95]Quhair throw eternall gloir sall se.
For euer moir with me to King.
FINIS.
¶In exitu Israell. Psal. lxxxj.
QVHEN fra Egypt departit Israell.
And Iacobis hous fra pepill barbour sef [...]
To Iuda Lord thow wes his Sauiour
And to Israell ane gyde and gouernour,
Quhilk quhen these had sene, for feir it fled,
The flude Iordane ȝeid back, it was sa red.
The montainis uiuifit & ran athort lyke rāmis,
The hillis dansit and lichtly lap lyke lambis.
Thow swelland sey quhat mui [...]it the to fle?
To gang abak Iordane quhat ailit the?
Quhat gart ȝow montanis lyke rāmis stert and stend?
And ȝe hillis lyke lābis loup and bend
It was the Lordis feir that maid sic reird,
And Iacobis God perturbit all the eird.
For God turnit the craig in fresche reueir.
The barrane bra in Fontane water cleir,
Not vnto vs, not vnto vs, o Lord.
Bot to thy sweit promeis, and to thy word,
And to thy name be gloir allauerlie,
Quhilk keipis thy promeis faithfullie.
Thairfoir lat not our Ennemeis blaspheme
Thy Maiestie, for we may not sustene,
To heir thame say, quhair is thy grit ascence,
Thy godly help of thy magnificence.
Our God forsuith Kingis in heuin full hie.
And quhat him listis, or lykis workis he.
Thir Imagis of stock, stane, gilt with gold.
[Page 96]Ar maid be men▪ and syne for money sold.
Thay haue a mouth can nouther say nor sing
Thair eine ar blind, and thay can se na thing.
Thay can nocht heir, thocht men do cry and ȝell.
Thair nois thirlis can nouther sauer nor smell
Thay haue handis, can nouther feill nor grope.
Thair fundyit feit cā nouther gang nor loupe
Thay can pronūce na voce furth of thair throtis.
Thay ar ouergane with mouswobs & moitis
Quha makis thame, or traistis in thair support
Ar lyke to thame in all maner of sort.
Bot thow Israel in God put thy traist,
Thy Protectour into thy myster maist.
Ȝe hous of Aaron in God put ȝour beleif
Ȝour defendar, and na man can ȝow greif.
All worschippers of God traist in his Name,
He is ȝour help, and Sauiour allane.
The Lord hes mynde and mercy vpon vs,
will fauour vs, and bring vs to his blis.
Als feid the hous of Israel with his fude
And to the hous of Aaron will be gude.
Thow sall do weill to them that dreidis the,
Baith ȝoung & auld, quhat stait yat ouer yai be
God sall augment his pepill and Incres.
And eik thair sonnes and dochtoris mair & les
He is the Lord that creat heuin
And eird, with his creatures, in dayis seuin.
The heuinnis ar the Lordis habitatioun
The eird he gaue to mannis propagatioun.
The deid may not the loue amang the laue,
Nor thay that ar discendit in thair graue.
Bot we that ar on liue sall loue and sing
To God foreuer vnto our lyues ending.
FINIS.
¶Nisiquia Dominus. Psal. exxiiij.
EXCEPT the Lord with vs had stand,
Say furth, Israell, vnfenȝeitlie.
Had not the Lord bene our warrand.
Quhen men rais in our contrarie:
Thay had vs all on liue deuorit,
with Ire, sa scharpelie thay vs schorit.
Sa kendlit was thair crueltie.
For lyke the welterand wallis brym,
Thay had ouerquhelmit vs with miche
Lyke burnis that in spait fast rin,
Thay had ouerthrawin vs with slicht.
The bulrand stremis of thair pryde,
Had perishit vs throw bak and syde,
And rest fra vs our lyfe full richt.
Bot louing to the Lord, allone,
That gaue vs nocht to be thair pray,
To be rent with thair teith anone.
Bothes vs fred full well thame fray
Lyke to ane bird taine in ane net
The quhilk the Foullar for her set,
Sa is our lyfe weill win away.
The net is broken in pecis small,
And we ar sauit fra thair schame
Our hope was ay and euer sall
Be in the Lord, and in his Name,
The quhilk hes creat heuin sa hie.
And maid the eird sa meruellouslie,
And all the ferleis of the same.
FINIS.
¶ De profundis. psal. xxx.
FRA deip (O Lord) I call to the,
Lord heir my Inuocatioun
Thy eiris thow inclyne to me
And heir my Lamentatioun.
Forgif thow will our sin Impute
Till vs (O Lord) that we commit
Quha may byde thy accusatioun.
Bot thow art mercyfull and kynde,
And hes promittit in thy write,
Them that repent with hart and mynde
Of all thair sin to mak them quyte.
Thocht I be full of sinfulnes,
Ȝit thow art full of faithfulnes
And thy promeis trew and perfyte,
My hope is steidfast in the Lord,
My Saull euer on him traist
And my beleue is in thy word
And all thy promittis maist and leist
My Saull on God waitis and is bent,
As watcheman wald the nicht wer went,
Byd and the day to tak him rest.
Israel in God put thy beleue,
For he is full of gentilnes,
Fredome, gudnes, and all releue
All Israel of thair distres,
He sall delyuer Israel
And all thair sinneris sall expell,
And cleith them with his richteousnes.
FINIS.
¶Super flumina Babylonis. psal. cxxxviij.
AT the Riuers of Babylon,
Quhair we dwelt in Captiuitie,
Quhen we rememberit on Sion,
We weipit all full sorrowfullie
On the Sauch treis our Harpis we hang,
Quhen thay requyrit vs ane sang,
That held vs in sic thirldome
Thay bad vs sing sum Psalme or Himme,
That we sum tyme sang Sion in
To quhome we answerit full sone.
How may we outher play or sing,
The Psalmes of our Lord sa sweit
Intill ane vncouth land or Reigne
My richt hand first sall that forleit,
Or Ierusalem forȝettin be,
Fast to my chaftis my toung sall be
Claspit, or that I it forȝet,
In my maist glaidnes and my gam [...]
I sall remember Ierusalem,
And all my hart vpon it set.
O Lord think on the Edometis,
How thay did at Ierusalem,
Thay bad destroy with cruelteis
Put all to sack, and it ouirquhelme
Bot wrakkit sall thow be Babylon▪
And blyssit is that Campion,
Sall serue the as thow seruit vs
And he that sall thy barnis [...]laig
And rasche thair harnis aganis [...]
[Page 100]Is happy and full glorious.
FINIS.
¶ Exaltabo te. psal. cliiij.
I WILL the loue my gracious Lord and King
Thank and thy Name for euer will I sing
All tyme I will reioyce and sing to the,
And pryse thy name also perpetuallie.
Greit is the Lord, and all laude dois excell.
And his greit micht quha can discryue or tell.
Ane generation, thy warkis dois declair
Unto ane vther, and als thy greit powair.
Thy gloir▪ thy greitnes, and thy magnificence,
Thy nobillactis digne of rememberance,
I will furth schaw thy meruellis sa greit,
Thy magnitude I will it put in dyie
Memorie a [...]s of thy greit gentilnes
We sall ay sing, and of thy richteousnes.
The Lord is meik, and mercyfull is he.
slaw to reuenge, and to forgiue reddie
Courtes and kynde till all men is the Lord,
In all his warkis is misericord,
And all thy warkis do thank the thairfoir,
And all thy Sanctis to thy Name gif gloir
The gloriousnes of thy Kingdome teiche,
And with thair toung thy greit power preiche.
Till all natiounis thy magnitude and mic [...]t,
Of thy riche renoun the he [...]inly lusum licht
Thy royall Realme, is Realme of Realmes all
And thy Impyre indure for euer sall.
The Lord is help to thame that slyde and [...]
Them that troublit ar bringis out of cumiuer
[Page 101]All mennis eine O Lord do the abyde.
Thow feidis them in all tyme and [...]de,
Thow oppinnis furth thy hand f [...]l grociouslie
And fatisfyis all fleshe aboundantlie.
In all his wayis the Lord is Iust and richt,
In all his warkis is santifyit his miche,
Till all call on the Lord, he is full neir,
Sa that in trew beleif be thair prayer.
He grantis thair desyre that dreidis him
And heiris thame and forgeuis thair sin,
All thame that luffis the Lord he sauis thame,
And he confoundis all sort of wickit men
The louing of the Lord my mouth sall sound,
All louing men in to this warld sa round,
Sall loue thy name, perpetuall and moir,
Gif moir may be, regnand into thy gloir.
FINIS.
¶ Deus venerunt gentes Psal. lxxvij.
THE Hethim folk, Lord in thy heritage,
Hes cumin, til exerce thair tyrannie.
And hes defylit, euer to this aige,
The Tempill▪ quhilk was dedicat to the,
Quhilk haly was and ȝit sall blissit be.
Ierusalem as apellis, lay in heip,
Bot thow gude Lord, ryse vp and na mair sleip.
Thair tyrannie aganis thy commandis,
Richt cruellie exersit in dispyte,
Hes put to deid thy Iust and trew seruandis
The foulis of the heuin with grit delyte,
Did eit thair fleshe, and beisti [...] sair culd byte.
[Page 102]Thair bodyis quhen thay lay in commoun streit
Ierusalem thairfoir richt sair did weip.
Thair blude was sched as Riueirs of a well
That compast hes Ierusalem about.
Nane was that micht thair tyrannie expell,
Aganis them it was sa strang and stout.
Thair bodyis throw yair danger and greit dout
Unburyit was, voide of all Sepulture,
That nane to bury them wald tak the cure.
Our Nichtbouris (Lord) hes mockit vs with scorne,
And leuch at vs with greit Illusioun:
Bot thow gude (Lord) let vs not be forlorne,
How lang sall we remaine in confusioun?
Will thow vs hald in thair abusioun?
Vnto the end sall thy wraith burne as fyre,
Allace (gude Lord) remufe fra vs sic Ire.
Rather cast furth thy greif and cruelnes,
On wickit men, quhilk neuer will the knaw,
And Realmes quhilk mis knaw thy godlynes,
Not hauand E vnto thy godly Law.
For Iacob and his hous thay sair ouirthraw,
And hes vs left all solpit into cair,
Beleuand for to bring vs to dispair.
Auoyde (Lord) furth of thy remembrance,
Our sinfull lyfe that we haue s [...]eipit in:
Our will salbe thy mercy to aduance,
For be the samin remittit is our sin,
And as water fast rinnis ouir ane Lin.
Dois not returne againe to the awin place,
[Page 103]Sa thow gude Lord put our sin from thy face.
Help vs gude Lord, our gyde and Gouernour
Delyuer vs for thy Names saik glorious,
Thow art our hope, our help and Sauiour,
And als our sinnis maist dangerous,
Dois put away, for that thow promeist vs.
Quhen we will turue to the with a trew hart
And fra our sinfull lyfe to the conuert.
For schaw thow not thy mercy in distres,
Our Enemeis sall grow in tyrannie,
And sall say God hes left vs mercyles
Bot thow gude Lord exerce thy crueltie,
Upon our fais, that sayis schamefullie
Quhair is thair God in quhome thay did beleif,
He hes them left without help and releif.
The vengeance of the blude of thy seruandis,
Mot cum into thy presence and thy sicht,
The greting of thy pure that ar in bandis,
In prisoun pynde, of day wantand the licht
The voyce of them that to the deid ar dicht,
Heir now (gude Lord) and help thē in yair neid
And be thair strenth at all tymes and remeid.
Rewaird thy fais according to thair wrang,
Seu [...] fald thair sin gude Lord mot puneist be
For thay haue blasphemit all to lang
Speikand contrair thy godly Maiestie.
Bot we thy pepill and scheip sall Magnifie,
And als exalt thy laude, thy Name and gloir
And sall the loue for now and euer moir.
FINIS.
¶Miserere mei Deus. psal. lj.
HAVE mercy on me God of micht.
Of mercy Lord and King:
For thy mercy is set full richt
Aboue all eirdly thing.
Thairfoir I cry baith day and nicht.
And with my hart sall sing:
To thy mercy with the will I go.
Haue mercy on me (O gude Lord)
Efter thy greit mercie:
My sinfull lyfe dois me remord,
Quhilk sair hes greuit the:
Bot thy greit grace hes me restord,
Throw Christ to libertie
To thy mercy with the will I go.
¶ Et secundum multitudinem.
Bude Lord I knaw my wickitnes,
Contrair to thy command:
Rebell and ay with cruelnes,
And led me in ane band
To Sathan quha is mercyles,
Ȝit Lord heir me cryand.
To thy mercy with the will I go.
Quhat toung can tell the multitude
Lord of thy greit mercie:
Sen Sinners hes thy Celsitude
Resistit cruellie
Ȝit na Sinner will thow seclude
That this will cry to the
To thy mercy with the will I go.
¶ Amplius laua me.
Thow wushe me Lord quhen I was borne,
From all my wickitnes,
Bot ȝit I did throw sin forlorne
Of heuin the richteousnes,
Wesche me againe, and from thy borne
Delyuer me in stres:
To thy mercy with the will I go.
And fra my sin thow mak me clene,
As thow maid Dauid King:
With Peter, Paule, and Magdalene,
Quha now dois with the reigne,
In heuinly Ioy fair and amene,
And I sall with thame sing▪
To thy mercy with the will I go.
¶Quoniam iniquitatem.
Full weill I knaw my wickitnes,
And sin contrarious:
Blasphemit hes thy gentilnes,
With sin maist dangerous
And hes me led in heuynes,
Ȝit O God maist gracious
To thy mercy with the will I go.
I grant my sinfull lyfe did vse
In Sensualitie:
Ȝit thow gude Lord will nane refuse
That will cum vnto the,
Heirfoir I schairply me accuse
Cryand for thy mercie
To thy mercy with the will I go.
¶Tibi soli peccaui.
Only to the I did offend.
And mekill euill hes done:
Throw quhilk appeirandly defence,
To me is nane aboue:
Thus men will iudge thy iust vengeance,
Hes put me from thy throne.
Ȝit to thy mercy with the will I go.
Thocht thow gude Lord be iudgeit thus,
Full fals and wrangouslie:
O God sa gude and gracious,
Let thair iudgeing vincust be
And schaw thy mercy plent [...]ous,
Quhilk mot vs iustifie.
To thy mercy with the will I go.
Consauit into sin I am,
My wickitnes thocht thow behald,
Quhilk I contraceit of Adame,
Sinnand richt monyfald.
My Mother als did eik the same
And I to Sin was said,
To thy mercy with the will I go.
Bot ȝit the Lord Omnipotent,
My cairfull cace did cure,
At Font quhen I was impotent,
Fragill, vaine, vyle and pure,
Than helpit me that King Potent
In my misauenture.
To thy mercy with the will I go.
¶ Ecce enim veritatem.
Behald thow lufis treuth gude Lord,
[Page 107]Thow art the veritie:
This weili thy promeis can record,
Quhair thow dois it schaw to me,
The hid thingis of thy godly word,
That war vnsure to me.
To thy mercy with the will I go.
Thow hecht to Abraham anone,
Isaack his Eldest Sone,
Thow promeist als that Salomone,
Suld bruik King Dauids throne.
To sinners als that callis the one
Grace cummis from aboue.
To thy mercy with the will I go.
¶ Asperges me.
With Isope Lord thow sprinkill me,
And then I sall be clene.
And clenar then maid sall I be,
Then euer snaw hes bene,
Ȝit of my clenes thy mercy
The rute is euer sene.
To thy mercy with the will I go.
This Isope is humilitie,
Richt law in till assence
The snaw sa quhyte in all degre,
Betakinnis innocence
For and thir twa do gouerne me,
I sall do nane offence.
To thy mercy with the will I go.
¶ Auditui meo dabis.
Then ioy and and mirch thow sall me geue.
[Page 108]Thy mercy quhen I heir
My banis law thow sall releue,
And be my scheild and speir:
Thy sword also richt soir sall grene,
My Enemeis with feir.
To thy mercy with the will I go.
My hope and traist hes bene to lang
In mennis fals supplie,
Quhairfoir I grant I haue done wrang
Not hope and help of the
Bot now with steidfast faith I gang
Unto thy Maiestie.
To thy mercy with the will I go.
¶ Aduerte faciem tuam.
Fra my sinnes aduert thy face
My wickienes expell
Sen I haue hoipit in thy grace
Thow saue me fra [...]he hell,
Thy mercy is set in sicker place,
Na Sinner can repell,
To thy mercy with the will I go.
The theif that hang on the richt hand,
And sufferit with the deid:
In the last hour thy mercy fand
For sin the haill remeid,
Siclyke gude Lord, heir me cryand,
And help me in my neid.
To thy mercy with the will I go.
¶Cor mundum.
Thow creat in me (O God) ane hart,
Baith clene and Innocent:
[Page 109]And let me not from the depart
My God Omnipotent,
Sen vnto the I schaw my smart
Richt pure and indigent:
To thy mercy with the will I go.
Renew me with thy haly Spreit
To help my febilnes:
My teiris sall my cheikis weit,
For my greit sinfulnes,
Bot thow gude Lord my comfort sweit
Expell my wickitnes.
To thy mercy with the will I go.
¶ Ne proijcias me.
O gude Lord cast me not away,
From thy perfite presence:
Sen that I grant my sinnes ay,
Hes done the greit offence
And I sall prais baith nicht and day,
Thy greit Magnificence.
To thy mercy with the will I go.
Tak not from me thy godly Spreit,
In my aduersitie:
For till my Saull it is full sweit,
Quhen sin besettis me:
And thow sall mak my Saull full meit,
Unto thy Maiestie:
To thy mercy with the will I go.
¶ Redde mihi.
Giue me the blyithnes and the blis,
Of my sweit Sauiour:
For throw his bitter deid I mis
[Page 110]Of hell the dyntis dour,
And in this mortall lyfe he is,
My strang defence and tour.
To thy mercy with the will I go.
Conforme thy Spreit maist principal,
Into me throw thy grace:
For sin richt lang held me in thrall,
And put me from thy face,
Ȝit vnto the my Lord I call,
Into my heuie case.
To thy mercy with the will I go.
¶ Docebo iniquos.
Then I sall teiche the wickit men,
Thy way is iust and richt:
And thay that did the lang misken
Sall knaw the God of micht.
Quhen thay sall ryse furth of the den
Of sin, and cum to licht.
To thy mercy with the will I go.
The sinfull then to the reuart,
Sall into gudlie ha [...]st:
And rew thair sinnes with thair hart,
And thair auld lyfe detest.
And to them Lord thow sall conuart
Quhen they thy mercy taist.
To thy mercy with the will I go.
¶Libera me.
Delyuer me from blude schedding,
For blude betakinnis Sin:
For punishment I serue conding
Ȝit efter the I rin:
[Page 111]Grant me that I may with the Reigne,
And at thy port get in.
To thy mercy with the will I go.
Than sall my toung thy richteousnes
Ertoll and Magnifie:
Quhen gane is my greit sinfulnes,
And greit iniquitie,
God for thy grace and gentilnes,
Grant me thy greit mercie.
To thy mercy with the will I go.
My lippis Lord, then louse thow sall,
Quhilk closit lang haue bene:
From thy louing sair bound in thrall
Brekand thy swei [...] biddene,
And keip me from ane suddand fall
For greit paine I sustene.
To thy mercy with the will I go.
And then my mouth sall do furthschaw
Thy louing glorious:
And I sall caus all sinners knaw,
Thy micht sa meruellous.
And frathine surth sall keip thy Law
Quhilk is sa precious.
To thy mercy with the will I go.
¶Quoniam si voluisses.
Gif the had plesit Sacrifice,
I suld them offerit the:
Bot thow will not sic auarice,
For thow art wonder fre,
And geuis vs thy benefites
[Page 112]Throw Christis blude frelie.
To thy mercy with the will I go.
Brint Sacrifice is na delyte,
Unto thy Maiestie:
Thow curis nocht of it ane myte,
For Sin to satisfie,
For only Christ did mak vs quyte,
Of all ennormitie.
To thy mercy with the will I go.
¶Sacrificium deo.
Ane Sacrifice to the plesand,
Is ane sweit humbill hart:
Unto the quhilk I vnderstand,
Thow dois the haill conuart,
Thairfoir gude Lord let thy command
Na way from me depart.
To thy mercy with the will I go.
Ane contrite hart do not dispise,
God for thy greit mercie:
Sen for thy grace sa oft it cryis,
For succour and supplie,
And it sall thank ane thousand syse
Thy godly Maiestie.
To thy mercy with the will I go.
¶Benigne fac Domine.
To Sion Lord be gude againe
Efter thy godly will:
And let thy louing thair remaine
Thy promeis to fulfill,
For Mont Sion with greit disdaine
In thrall is hiddertill.
[Page 113]To thy mercy with the will I go.
Ierusalem did get ane fall,
Hir wallis war maid full law
For scho miskennit the God of all,
And daylie brak his Law:
Bot thow sall put hir out of thrall,
Quhen scho hir God dois knaw.
To thy mercy with the will I go.
¶Tunc acceptabis.
Then Sacrifice thow sall accept,
Of treuth and richteousnes:
Conforming to thy trew precept,
And to thy gentilnes.
For na man then sall thow except
Into thair neid and stres.
To thy mercy with the will I go,
Then Calfis and brint Sacrifice
Thy altar sall repleit,
Then greitar gloir and benefite,
Thow sall mak for vs meit,
Quhair day and nicht we sall not ceis
Ay singand Sanctis sweit.
To thy mercy with the will I go,
FINIS.
¶Beati omnes qui timent. psal. cxxviij.
BLISSIT ar thay that sit in Goddis dreid,
And liue in his commandement alway
Of thy hād labour thow sall eit, be not feird
And fair weill thow sall euerie day.
Thy wy [...]e sall be as ane frutefull wyne,
And sall weill ay incres thy hous.
Thy barnis all sall to vertew inclyne,
As fair Oliue treis that be plenteous.
Quhen euer thow sittis at thy Tabill,
Thy barnis sall [...]and round about the
Sa will the Lord mak the abill,
And fill thy hous with honestie.
Sa sall God him euer blis,
That d [...]eidis him ay in his leuing
Alway sall he be sicker of this,
That is neidfull to want na thing.
Fra Sion sall the Lord blis the,
That thow may [...]e to thy greit weill,
How prosperous Ierusalem sall be,
And thow ressa [...]t to greit heill.
An [...] profitabill lyfe sall be giuen the.
And God alway sall be thy freind:
Thy Childeris Children, thow sall se,
And peace in Israell sall thow find.
FINIS.
FOR lufe of one I mak my mone,
Richt secreitlie:
To Christ Iesu, that Lord maist trew
For his mercy.
Beseiking that fre, grant grace to [...],
Or I be gone:
And to redres, my heuines,
[Page 115]And all my mone:
Or I be deid, send me remeid,
For thy pietie,
O Lord quhilk wrocht, all thing of nocht,
Grant me thy mercy.
We the beseik with wordis meik,
O mercyfull Lord,
Thy humill word, with ane accord.
Let be restord,
To sinneris all, quhen they do call,
For thy mercy.
For quhilk on Rude, thow sched thy blude,
Richt plenteouslie:
Sanct Iohne did tell, thow heryit hell,
And schew mercie.
Ane thousand scoir, thow did restoir,
To thy glorie.
O King of peace, in quhome is grace,
Haboundantlie:
My miserabill life, and sinnis ryfe,
Thow forgeue me.
Sen be na richt, I haue na micht,
Me to defend:
Fra hellis pane, bot giue thow plane,
Me sucour send.
Be thy sweit word, to me o Lord,
In my distres:
Ane thousand syse, than sall I pryse.
Thy halines:
Lat vs now sing, and loue the King,
For his greit mercie:
And his greit grace, schawin vs the space,
Sa plenteouslie.
[Page 116]With ane accord, let vs thank the Lord,
Richt hartfullie:
With hart and Spreit, sing Psalmes swe [...]e
Richt plesandlie.
As brether deir, in this lyfe heir,
We may indure:
Baith nicht and day, to Christ lat vs pray,
To mak vs sure.
FINIS.
QVHO is at my windo, quho, quho,
Go from my windo, go, go,
Quho callis thair, sa lyke a strangair
Go from my windo go.
Lord I am heir ane wretchit mortall,
That for thy mercy dois cry and call:
Unto the my Lord Celestiall
Se quho is at my windo, quho.
How dar thow for mercy cry?
Sa lang in Sin as thow dois ly,
Mercy to haue thow art not worthy
Go from my windo, go.
My gylt gude Lord I will refuse,
And the wickit lyfe that I did vse
Traistand thy mercy sall be myne excuse,
Se quho is at thy windo, quho.
To be excusit, thow wald richt faine,
In spending of thy lyfe in vaine
Hauing my Gospell in greit disdaine,
[Page 117]Go from my winde, go.
O Lord I haue offendit the,
Excuse thairof thair can nane be,
I haue followit them that sa teichit me,
Se quho is at my windo, quho.
Nay I call the nocht fra my dure I wis,
Lyke ane stranger that vnknawin is,
Thow art my brother, and my will it is
That in at my dure thow go.
With richt hombill hart Lord I the pray,
Thy comfort and grace obteine I may,
Schaw me the paith and reddy way
In at thy dure for to go.
I am cheif gyde to riche and pure,
Schawand the paith way richt to my dure,
I am thair comfort in euerie hour
That in at my dure will go.
Bot thay that walk ane vther way.
As mony did teiche from day to day,
Thay wer indurit my Gospell did say,
And far from my dure sall go.
O gracious Lord comfort of all wicht,
For thy greit power, and cheif excellent micht,
Sen thow art gyde and verray licht,
In at thy dure let me go.
Man I gaue the nocht see will,
[Page 118]That thow suld my Gospell spill,
Thow dois na gude bot euer ill
Thairfoir from my dure that thow go.
That will allace hes me begylit,
That will sa sair hes me defylit,
That will thy presence hes me exilit,
Ȝit at thy dure lat me go.
To blame that will thow dois not richt,
I gaue the reūoun quhairby thow micht,
Haue knawin the day by the dark nicht,
In at my dure for to go.
Lord, I pray the with all my hart,
Of thy greit mercy remufe my smart,
Lat ane drop of thy grace be my part
That in at thy dure I may go,
I haue spokin in my Scripture
I will the deid of na Creature.
Quha will ask mercy sall be sure
And in at my dure for to go.
O Lord quhais mercy is but end,
Quhairin ocht to the I did offend,
Grant me space my lyfe to amend,
That in at thy dure I may go.
Remember thy sin, and als thy smart
And als for the quhat was my part
Remember the speir that thirlit my hart▪
And in at my dure thow sall go.
And it wer ȝit till do againe,
Rather or thow suldly in paine
I wald suffer mair in certaine,
That in at my dure thow micht go.
I ask na thing of the thairfoir,
Bot lufe for lufe, to lay in stoir:
Gif me thy hart I ask no moir
And in at my dure thow sall go.
O gracious Lord Celestiall,
As thow art Lord and King Eternall,
Grant vs grace that we may enter all,
And in at thy dure for to go.
Quho is at my windo, quho,
Go from my windo go,
Cry na mair thair, lyke ane strang
Bot in at my dure thow go.
FINIS.
¶ Deus misereatur. Psal.
O GOD be mercyfull to vs,
And send to vs thy blissing,
Thy face schaw vs sa gloriou [...]
And be euer to vs luiffing.
That men on eird may knaw thy v [...]
Thy sauing heill and richteousnes
That thay be nocht led nicht [...]
Fra thy preceptis and trewIusti [...]
Ta seik Saluatioun quhair nane is
Thairfoir the pepill micht Magnifie:
O God all folke and honour thy Name,
Let all the pepill reioyce glaidlie
Becaus thow dois richt without blame,
The pepill dois thow iudge trewlie,
And ordouris euerie Natioun:
Thow hes declarit the eird iustlie
Euer sen the first Creatioun,
Throw thy godlie prouisioun.
The pepill moste spred thy Name sa hie,
All pepill (O God) mon giue the honour
The eird alswa richt plenteouslie,
Mot incres euer moir and moir,
And God quhilk is our God ouer all
Mot do vs gude and plesour.
God mot blis vs greit and small,
And all the warld him honour
Alway for his micht and power.
FINIS.
IN till ane mirthfull Maij morning
Quhen Phebus did vp spring▪
Walkand I lay, in ane garding gay,
Thinkand on Christ sa fre
Quhilk meiklie for mankynde,
Tholit to be pynde,
On Croce cruellie. La. La.
And how he hes me wrocht,
And formit me of nocht,
Iyke his picture, that Lord maist sure,
In eird he hes me support,
[Page 121]Syne me to hald in richt,
Hes send ane Angell bricht,
To be my comfort. La. La.
[...] Sathan fals vntrew,
Quhilk cruelly dois persew,
With violence, and greit defence,
In eird to tempt mankynde
With cruell sinnis seuin,
The Saull to gyde from heuin,
To hell for to be pyude. La. La.
Thairfoir (O gracious Lord)
Quhilk mercy hes restoird
That sinfull wicht, destroy his micht,
Quhilk wirkis aganis thy gloir,
And send thy gracious word,
Thy pepill may be restoird
We pray the thairfoir. La. Lay.
FINIS.
All my hart ay this is my sang,
With dowbill mirth and ioy amang,
Sa blyith as byrd my God to sang,
Christ hes my hart ay.
Quha hes my hart bot heuinnis King:
Quhilk causis me for ioy to sing.
Quhome that I lufe [...]touir all thing
Christ hes my hart ay.
He is fair, sober, and bening,
Sweit, meik, and gentill in all thing,
[Page 122]Maist worthiest to haue louing,
Christ hes my hart ay.
For vs that blissit barne was borne,
For vs he was baith rent and torne
For vs he was Crownit with thorne,
Christ hes my hart ay.
For vs he sched his precious blude,
For vs he was natilit on the Rude
For vs he in mony battell stude,
Christ hes my hart ay,
Nixt him to lufe his Mother fair.
With steidfast hart for euer mair,
Scho bure the byrth fred vs from cair.
Christ hes my hart ay.
We pray to God that sittis abufe,
Fra him let neuer our hartis remufe,
Nor for na suddand warldly lufe
Christ hes my hart ay.
He is the lufe of luifaris all,
He cummis▪ on him quhen we call
For vs he drank the bitter gall
Christ hes my hart ay.
FINIS.
MY Lufe murnis for me, for me,
My lufe that murnis for me,
I am vnkynde, hes nocht in mynde
My Lufe that murnis for me.
Quha is my lufe, bot God abufe,
Quhilk all this warld hes wrocht:
The King of blis, my lufe he is
Full deir he hes me bocht.
His precious blude he sched on Rude.
That was to mak vs fre:
This sall I preif be Goddis leif,
That sair my Lufe murnis for me.
This my lufe, come from abufe,
And borne was of ane Mayd:
For till fulfill his fatheris will,
Till fill furth that he said.
Man haue in mynde, and thow be kynde.
Thy Lufe that murnis for the
How he on Rude, did sched his blude,
From Sathan to mak the fre.
FINIS.
TELL me now and in quhat wise,
How that I suld my lufe forgo:
Baith day and nicht ane thousand syse
Thir tyrannis walkins me with wo.
At midnicht mirk thay will vs tak,
And into prisone will vs sling:
Thair mon we ly quhill we forsaik
The Name of God, quhilk is our King.
Then faggottis mon we burne or heir,
Or to the deid thay will vs bring:
[Page 124]It dois them gude to do vs deir
And to confusioun vs doun thring.
Allace ȝour grace hes done greit wrang
To suffer tyrannis in sic sort
Daylie ȝour leigis till ouer gang
That dois bot Christis word report.
Christ sen ȝour grace wald cry ane cry,
Out throw the Realme of all Scotland
The man that wald liue faithfullie
Ȝe wald him suffer in the land.
Then suld we outher do or die,
Or ellis our lyfe we suld lay for it
And euer to liue in Cheritie,
Be Christ Iesus quhilk is our Lord.
Pluk vp ȝour hartis, and mak ȝow bowne,
For Christis word se ȝe stand for it,
Thair crueltie it sall cum downe
Be Christ Iesus quhilk is our Lord.
Thow King of gloir grant vs thy blis,
Send vs support and comforting,
Aganis our fais that bissie is,
That schaipis till strop baith auld and ȝing.
In hour of deid grant vs thy strenth,
Glaidly to thoill thair crueltie,
And that we may with the at lenth
Ressa [...]e thy ioy Eternallie.
FINIS.
¶Magnificat anima mea.
MY Saule dois Magnifie the Lord,
My Spreit reioycis gretumlie:
In God my Sauiour, and in his wor [...]
For he hes sene the law degre
Of me, his handmadin, trewli [...],
Behald now efter this day,
All generations sall speik of me,
And call me blissit alway.
For he that is onlie of micht,
Hes done greit thingis vnto me,
And haly is his Name be rich [...]
As for his endles mercie,
It duris perpetuallie
In euerie generatioun
And thay that dreidis him vnfenȝeitlie
Without dissimulatioun.
He schawis strenth with his arme potent,
Declaris him self to be of power:
He scatteris all men of proude Intent
Euin for thair wickit behauiour,
Quhilk reignes in thair hartis euerie hou [...]
He puttis doun the michtie,
From thair hie estait and greit honour
Excelling them of law degre.
The houngrie feidis he with gud [...]
And lettis the riche ga emptie:
Quhe [...] his awin pepill wantis fude
It thinkis vpon his greit mercie,
[Page 126]And helpis his seruandis ane and all:
Euin Israel he hes promysit,
And to our fatheris perpetuall
Abraham and to his seid.
FINIS.
¶Christi qui lux.
CHRIST thow art the licht, bot & the day,
The mirknes of nicht thow puttis away
We knaw thow art the verray licht
That schynis to vs baith day and nicht,
O haly Lord, we the beseik,
This nicht vs to defend and keip,
Thy rest, and peace be with vs all,
Lat neuer na euill thing vs be fall,
Na heuy sleip, nor deidly sin.
Lat not our Ennemeis vs ouercum
Nor ȝit our fleshe giue na consent:
Grant vs our faultis for to repent.
Lord lat our eine sum sleip do tak,
Our hartis all tyme on the may waik,
Thy richt hand keip vs from all euill,
Thy awin seruand that luiffis the weill.
Our defender, to the we pray,
All Ire and malice, thow put vs fra
Thy seruandis gouerne in the steid,
For quhais ransoun thow did sair bleid.
Haue mynde on vs thow Lord Iesu,
[Page 127]In this fals warld that is vntrew,
Thow art defendar of our Saule,
Lord heir vs quhen we on the call.
Gloir be to God, Father of micht,
And to Christ Iesus, his Sone sa bricht,
The haly Gaist that is sa fair,
Keip vs this nickt and euer mair.
FINIS.
CHRIST is the onlie Sone of God,
The Father Eternall:
We haue in Iesse found the rod,
God and man naturall.
He is the morning Star.
His bemis send he hes out far,
Beȝond vther sternis all.
He was for vs ane man borne,
In the last part of tyme.
Ȝit keipit scho hir madinheid vnforlorne,
His Mother that bure him syne,
He hes hellis ȝettis brokin,
And heuin he hes maid oppin,
Bringand vs life againe.
Thow onlie maker of all thing,
Thow euerlastand licht,
From end to end all rewling.
Be thy awin godly micht,
Turne thow our hartis vnto the.
And lichtin thame with the veritie,
That ar far from the richt.
Let vs incres in lufe of the,
And in knawledge also,
That we beleuing steidfastlie,
May in Spreit serue the so,
That we in hartis may sauour,
Thy mercy and thy fauour
And traist efter no mo.
Awalk vs (Lord) we pray the,
The haly Spreit vs geue,
Quhilk may our auld man mortifie,
That our new man may leue,
Sa will we alway thank the,
That shawis vs sa greit mercy,
And our sinnis dois forgeue.
FINIS.
CHRIST Iesus is ane A. per C.
And peirles Prince of all mercy,
For he fra me my Sin hes tane.
And is my Sauiour allane.
To saue bot he none is nor sall,
I out tak nane greit nor small,
To him is na comparisoun.
He is my Sauiour allone.
I sall him lufe with steidfast hart,
And for na cause fra him depart,
Bot him to serue I me dispone,
As to my Sauiour allone.
S [...] on his grace I will depend,
[Page 129]Quhill Lachesis draw my lyfe till end,
Syne leue my Saule, quhen I am gone,
To Regne with thrinfald God in one.
FINIS.
ALLONE I weip in greit distres,
We ar exilit remediles,
And wait nocht quhy:
Fra Goddis word allace, allace,
Uncourteslie.
Quhair that we suld, glaidlie behauld,
Our Sauiour, baith ȝoung and auld,
Sa plesandlie,
Now ar we baneist monyfauld,
Uncourteslie.
Thay may our body fra the bind,
Sa can thay not our hartis, and mynde
Fixit on the.
Howbeit we be with dolour pynde,
Maist cruellie
O Antichrist we may the call,
From Goddis word wald gar vs fall,
Thy crueltie:
Wald baneis vs from plesouris all,
Uncourteslie.
Indurit Ignorance hes slaine,
Thy hart and put vs to greit paine,
Quhat remedie.
Sen we ar baneist from Christ allaine,
Uncourteslie.
FINIS.
THE Lord sayis I will schaw,
My will and eik my mynde,
[Page 130]Mark weill my Scripture and my Law
Quhairin that thow sall find.
That with my faith I mak ane vow
And knittis it with ane knot:
The treuth is sa▪ I lufe the now
Be war I hait the not.
It was my Fatheris will
That I suld tak the cure,
For to cum downe in eirth the till,
And tak thy vyle nature.
To cleith my precious body pure,
Sa clene from sin and spot,
For lufe of the I mak the sure
Be war I hait the not.
I fand the loist from blis
Throw Adamis sin and pleid:
And quha sa euer wrocht the mis
Was nane culd find remeid
Quhill I my self did chose the deid
To saue the from the pot,
I lufe the weill serue me in dreid
Be war I hait the not.
For all the greuous sorrowis soir,
I sufferit and paine,
To my rewaird I ask no moir.
Bot thy trew lufe againe
I am ane husband man but weir
Quhilk labouris for my lot,
I lufe the weill I mak the sure,
Be war I hait the not.
My Ȝock is wounder sweit,
And als my burding licht.
All that be with my grace repleit:
Sall go the way full richt.
I am the rute of all mercy,
Quhilk neuer sall faid nor rot:
Sen nane the luiffit sa weill as I,
Be war I hait the not.
All ȝe that fair dois thrist,
Throuch brukilnes of the flesche,
Cum vnto me, quhen that ȝe li [...] ▪
I sall ȝour saulis refresche.
Call vpon me and I sall heir,
And saif the from the schot,
I lufe the weill I coft the deir,
Be war I hair the not.
Attend and tak gude keip,
To thame that cumis to the,
In to the habite of ane s [...]heip.
with subtell Scrinonis slie.
For doutles than war inwartlie,
Fals wolfis vnder cot,
Renunce thair Lawis and cum to u [...],
Trewlie I hait the not.
Na man sall cum to me,
Except my Father him draw.
Nor se my Father in heuin sa hie,
Bot be me and my Law.
Quhairfoir o man prent in thy mynde,
Thir wordis and this knot,
[Page 132]And wirk as my word dois the bind,
Be war I hait the not.
FINIS.
GREVOVS is my sorrow.
Baith euin and morrow,
Unto my self allone:
Thus Christ makis his mone,
Saying vnkyndnes hes keillit me,
And put me to this paine:
Allace quhat remedie,
For I wald nocht refraine.
My Father was sa mouit,
And with mankynde sa greuit,
Man was sa wylde and nyse,
And rageing in all vyce,
That distroy it he suld be:
Than for man I tuke paine,
Allace quhat remedie,
For I wald nocht refraine.
Than furthwith for his saik,
I did his nature tak,
with in ane Uirgin pure.
As schawis my Scripture,
Quhais vnkyndnes dois kill me,
And puttis me to greit paine,
Allace quhat remedie,
For I wald nocht refraine.
Quhen I was bot ane Chylde,
with my Mother, maist mylde,
[Page 133]The Iewis did me dispyse,
And euer mair surmyse,
with vnkyndenes to kill me,
And put me to greit paine:
Allace quhat remedie,
For I wald nocht refraine.
Thay lykit nocht my leuing,
Praying, fasting, nor repreuing,
For quhen that thay did sleip.
Than did I sich and weip,
That vnkyndnes suld keill me,
And put me to greit paine:
Allace quhat remedie,
Ȝit wald I nocht refraine.
Than at the last thay tuke me,
And all my freindis forsuke me,
Bot my deir mother allone,
And my cousing Sanct Iohne,
Till vnkyndnes had killit me,
And put me to this paine:
Allace quhat remedie,
Ȝit wald I nocht refraine,
First I was betin lang,
With scurgis scharp and strang,
And as ane fule mockit,
Euill totcheit and rockit
Till vnkyndnes suld keill me,
And put me to that paine:
Allace quhat remedie,
I thocht nocht to refraine.
Than to ane Croce on hie,
Thay nalit my bodie,
And syne betwene twa theifis.
Thay did me mony greuis,
Till vnkyndnes did keill me,
And put me to greit paine,
Allace quhat remedie,
I thocht nocht to refraine.
And quhen I waxit dry,
And for drink lang did cry,
My comfort was bot small,
To sup the bitter gall,
With vnkyndnes thay seruit me.
And put me to greit paine:
Allace quhat remedie,
Ȝit wald I nocht refraine.
Thus had I neuer rest,
Bot with panis opprest,
And with ane speir full scharp
Thay peirsit my tender hart,
Sa that vnkindnes, killit me,
And put me to greit paine:
Allace quhat remedie,
For I wald nocht refraine.
For this my greit kyndnes,
Me think, of richt doutles,
Mannis Saule suld lufe me best,
Sen it my deid hes drest,
Quhais vnkyndnes hes killit me,
And put me to this paine:
[Page 135]Allace qu hat remedie▪
Ȝit wald I nocht refraine.
Gif ony ane be heir,
That will by lufe sa deir,
Nocht with siluer, nor gold,
Bot with my blude beholde,
Thy vnkyndnes man hes slaine me
And put me to this paine:
Behald this pieteous body
Thus moste vnkyndlie slaine.
O man quhome I creat,
Quhy art thow sa ingrait,
Seing how I am spilt,
All onlie for thy gilt,
And with vnkyndnes dois kill me,
And put me to this paine,
Ȝit all thy vylanie,
Can nocht mak me refraine.
Quhat sorrow culd me moir,
Thau to su [...]er so soir,
Of them that knew my Lawis
And wist I gaue na caus
Unkyndely thus to kill me,
And put me to sic paine
Allace quhat remedie
Ȝit wald I nocht refraine.
Father forgiue Cayphas,
Pylate, Anna, and Iudas,
Pardone all Iurie
[Page 136]That cryit Crucifige.
Thocht vnkyndelie thay slew me,
And put me to this paine:
Ȝit thair was na remedie
For I will nocht refraine.
My Saull in thy handis fre.
My last will sall be,
O father I commit
Into thy handis my Spreit,
Thocht vnkyndely I die,
And am put to greit paine:
Ȝit for mannis remedie
I fall ryse vp againe.
I leue in Testament,
My body in Sacrament,
For mannis Saull to support.
And be his cheif comfort.
Thocht man vnkyndely haue left me,
And slew me with greit paine:
Thair is na remedie
My hart will nocht refraine.
Go hart I the be quyeth
To hir that was my deith,
Mannis Saull is scho trewlie
My hart hir hart sall be,
Thocht scho maist vnkyndely slew me,
And put me to greit paine:
Ȝit th [...]ir is na remedie
My hart will nocht refraine.
The laudes of the Lord trewlie
Ȝe may sing mirrylie:
For all our Saulis health
In Euerlasting wealth
Thocht vnkyndelie ȝe slew my bodie
And did put me to paine:
Ȝe may persaue daylie
My lufe dois nocht refraine.
My Tumbe is freshe and new,
In sauing I was trew:
To put mankynde fra dout,
Thair sall be written about,
The Iewis King heir dois ly,
Quhome vnkyndenes hes slaine
And socht na remedie,
For he wald nocht refraine.
O Father Imperiall,
I pray the in speciall
My deith mannis Saull forgiue,
In heuin with me to liue,
Thocht vnkyndely scho killit me
I wald scho had na paine
For I had rather die▪
For hir saik anis againe.
¶ Ane gentill admonitioun of Christ.
All pepill leirne of me,
Gentilnes and pietie
Remember my sober bodie,
Sa woundit and bludie
[Page 138]Kill na man vnkyndelie
With sclander nor with paine:
Amend ȝour fa [...]itis daylis
And from all vice refraine.
FINIS.
IOHNE cum kis me now,
Iohne cum kis me now,
Iohne cum kis me by and by
And mak no moir adow.
The Lord thy God I am
That Iohne dois the call,
Iohne representit man
Be grace Celestiall:
For Iohne (Goddis grace it is)
(Quha list till erpone the same)
Och Iohne thow did amis
Quhen that thow ioist this name,
Heuin and eirth of nocht
I maid them for thy sailt
For euer moir I thocht
To my lykenes the mak.
In Paradice I plant it the
And maid the Lord of all,
My creatures not forbidding the,
Nathing bot ane of all.
Thus wald thow not obey
Nor ȝit follow to my will
Bot did cast thy selt away
And thy posteritie spill.
My iustice condempnit thee
To euerlasting paine
Man culd find na remedie
[Page 139]To by man fre againe.
O pure lyfe, and meir mercy,
Myne awin Sone downe I send,
God become man for the.
For thy sin his lyfe did spend.
Thy attenement, and peace to mak,
He sched his blude, maist halie,
Suffering deith for thy saik.
Quhat culd he do moir for the?
It plesit Christ without desart,
For his Enemie to die,
Suffering a speir to peirs his hart,
The caus was thy folie.
Beleue this, repent thy sin,
His deith haue euer in mynde,
Remissioun of sin lyis only thairin,
To thy Lord be neuer vnkynde.
Quhen he ascend it left him behind,
His word to reid and heir,
Quhen Antichrist wald the blind,
That thow suld giue him na eir.
Bot quhen Sathan was lowsit out of hell
And had set man in my place,
All that he did thow thocht it weill
At him thow socht for grace.
Nathing regarding how of me,
All thing had thair Creatioun:
Nor ȝit quhat Christ suffer it for the
To redeme the from dampnatioun.
Bot the abhominatioun of desolatioun,
Thow settis in the haly place▪
Be Antichristis fals perswasioun
My Sonnis passioun to deface.
[Page 140]Quhairfoir my Iustice mouit me
My word fra the restraine,
And to thy lust to giue vp the,
To traist in thingis vaine.
In mannis warkis then did thow traist,
Seiking helth thow wist not quhair,
[...]t thy deith thow did mistraist
And sa fell in dispair.
Quhen I did draw ony to me,
My Gospell to profes:
Thow did them slay richt cruellie
Think and to do me seruice.
Thy seruice sall rewardit be,
With Euerlasting paine,
And all that hait my word and me
Except thay do abstene.
Thus quhen thow was in dangerous case
Reddy to sink in hell,
Of my mercy and speciall grace,
I send the my Gospell.
My Prophetis call, my Preicheouris cry
Iohne cum kis me now,
Iohne cum kis me by and by,
And mak no moir adow.
Ane Spreit I am incorporate,
Na mortall Ey can me se,
Ȝit my word dois intimate
Iohne how thow must kis me.
Repent thy Sin vnfenȝeitlie,
Beleue my promeis in Christis deith,
This kis of faith will iustifie the
(As my Scripture plainely saith.)
Mak na delay cum by and by
[Page 141]Quhen that I do the call,
Lest deith do stryke the suddanelie,
And sa cum nocht at all.
Gif thow cum nocht, quhill thow hes space
Bot my Gospell do is contempne,
I will tak from the my grace,
And my word will the condempne.
Of all that cum I will none reiect,
Na creature greit nor small:
For Christis sailt I will them accept,
And giue them lyfe Eternall,
FINIS.
¶In te Domine speraui. Psal. xxxj.
LORD let me neuer be confoundit,
That firmely do confyde in the:
Bot let thy Iustice ay be groundi [...]
with mercy to delyuer me.
Inclyne thine reuthfull eiris in tyme,
To me that am in miserie:
And from all sort of sin and cryme,
Thow blissit Lord delyuer me.
Be my defendar God of grace,
My gyde, my gouernour all thre,
And in thy heuinlie dwelling place,
Of all refuge thow succour me.
Forsen thow art my strenth and force,
My hope, support, and haill supplie:
Be thy sweit Name, and deid on Croc [...]
[Page 142]Thow sall vpbring and nourishe me.
Thow sall me gyde from gyrue and snair,
And byde in secreit quhair nane may se
For thow art keipar lait and air
Protectour and defence of me.
My Spreit I rander in thy handis
Eternall God of veritie:
Quhils hes from bailfull Baliallis bandist
Redemi [...] and delyuerit me.
FINIS.
GO hart vnto the Lamp of licht,
Go hart, do seruice and honour
Go hart and serue him day and nicht
Go hart vnto thy Sauiour.
Go hart to thy onlie remeid,
Descending from the heuinlie Tour:
The to delyuer from pyne and deid,
Go hart vnto thy Sauiour.
Go hart but dissimulatioun,
To Christ that tuke our vyle nature:
For the to suffer passioun
Go hart vnto my Sauiour.
Go hart richt humbill and meik,
Go hart as leill and trew Seruitour,
To him that heill is for all seik
Go hart vnto my Sauiour.
Go hart with trew and haill intent
To Christ thy help and haill succour,
The to redeme he was all rent
Go hart vnto thy Sauiour.
To Christ that rais from deith to ly [...]e
Go hart vnto my laiter hour:
Quhais greit mercy can nane discryue
Go hart vnto thy Sauiour.
FINIS.
OVR brother let vs put in graue,
And na dout thairof let vs haue
Bot he sall ryse on Don [...]sday
And haue immortall lyfe for ay.
He is of eird, and of eird maid,
And mon returne to eird throw deid
Syne ryse sall fra the eird and ground,
Quhen that the last Trumpet sall sound.
The Saull regnis with God in gloir,
And he sall suffer paine no moir
For caus his faith was constantlie
In Christis blude allanerlie.
His painefull pilgramage is past
And till ane end cummin at the last,
Deand in Christis ȝock full sweit
Bot ȝit is leuand in his Spreit.
The Saull leuis with God I say,
[Page 144]The body sleipis quhill Domisday,
Then Christ sall bring them baith to gloir
To King with him for euer moir.
In eird he hes vexatioun
Bot now he hes Saluatioun:
King and in gloir and blis but weir,
And schynis as the Sone sa cleir.
Ȝe faithfull thairfoir let him sleip,
And nocht lyke Hethin for him weip:
Bot deiply prent into ȝour breist,
That deid to vs approchis neist.
Quhen cummin is our hour and tyme,
Then we mon turn it be in slyme:
And thair is nane vther defence
Bot die in hope with pacience.
Thocht Pest or sword, wald vs preuent.
Befoir our hour to slay vs clene,
Thay can nocht pluke ane lytill hair
Furth of our heid, nor do vs deir.
Quhen fra this warld to Christ we wend,
Our wretch it schore lyfe [...]on haue end
Change it fra paine and miserie,
To lest and gloir Eternallie.
And sall our day is schort and vaine▪
And sin quhilk we culd not refraine,
End it salbe our pilgramage,
And brocht hame to our heritage.
Christ for thy micht and celsitude,
That for our sinnis sched thy blude,
Grant vs in Faith, to leue and die,
And syne ressaue our Saulis to the.
FINIS.
MVSING greitlie in my mynde,
The folie that is in mankynde,
Quhilk is sa brukill and sa blind,
And downesall cum downe ay downe ay.
Leuand maist part in all vice,
Nouther sa gracious, nor sa wyse,
As out of wretchitnes to ryse,
Bot downe to cum downe ay downe ay.
And all this warld to weild thow had▪
Thy body perfit and properlie maid,
Ȝit man, as floure, thow sall faid,
And downe thow sall cum downe ay▪
Thocht thow war euer Eternall,
As man that neuer suld haue ane fall,
Ȝit doutles die thow sall,
And downe sall cum downe ay downe ay▪
Thocht thow war man neuer sa thrall
Remember ȝit that die thow sall,
Quha hiest clymmis gettis greitest fall,
And downe sall cum downe ay downe ay.
Thocht thow war neuer of sa greit degr [...],
In riches nor in dignitie,
[Page 146]Remember man that thow man die,
And downe sall cum downe ay downe ay.
Thair is na King▪ nor Empreour,
Onlie, nor Lord, of greit valure,
Bot he sall faid as lely floure,
And downe sall cum downe ay downe ay.
Quhair is Adam, and Eue his wyfe,
And Hercules, with his lang stryfe,
And Marussalem with his lang lyfe,
Thay all ar cum downe ay downe ay.
FINIS.
PRAY God for grace, my lufe maist deir
Quhilk bocht vs with his precious blud [...]
That we him lufe with hart inteir
In welch and want, be land and flude.
Ask and haue (sayis the Lord)
Als geue and geuin sall be to ȝow,
Quhat sweitar thing may we record,
Nor thy word Christ firmelie to trow.
Traist we alswa, baith air and lait,
With faithfull hope and esperance,
We sall ressaue efter our estait,
All Iust desyre, but discripance.
Thairfoir I think we suld reioyis,
And now greit myrthis mak from the splene,
Sen we ar chosin to repois,
In faith of Christ, and lyfe serene.
Christ our onlie succour in distres,
In till his grace, quha dois confyde,
His grace till him will ay incres,
Quhen warldlie traist will faill at nei [...].
FINIS.
DOWNE be ȝone Riuer I ran,
Downe be ȝone Riuer I ran,
Thinkand on Christ sa fre
That brocht me to libertie
And I ane sinfull man.
Quha suld be my lufe bot he,
That hes onlie sauit me,
And be his deith me wan:
On the Croce sa cruellie,
He sched his blude aboundantlie,
And all for the lufe of man.
How suld we thank that Lord,
That was sa misericord,
Be quhome all grace began:
With cruell paine and smart,
He was peirsit throw the hart,
And all for the lufe of man.
That gaue him in the Iewis handis,
To brek bailfull Baliallis bands,
First quhen he began:
Thair gaue him self to die,
To mak vs Catiues fre,
Remember sinfull man.
Thay spittit in his face,
All for our lufe, allace,
That Lord he sufferit than:
The cruell [...]ams of deid,
Quhilk was our haill remeid,
Remember Sinfull man.
Loue we that Lord allone,
Quhilk deit on the throne,
Our Sinnis to refraine:
Prayse him with all our micht,
Singtill him day and nicht,
The gloir of God and man.
Do all that thow art abill,
Ȝit thow art vnprofitabill,
Do all that thow can:
Except thow weschin be,
With Christis b [...]ude allanerlie,
Thow art condampmt man.
And sa I mak ane end,
Christ grant vs all to kend,
And steidfast to remaine:
In to Christis passioun,
Our onlie Saluatioun,
And in na [...]s vther man.
FINIS.
WITH heuie hart full of distres,
Lamenting my greit sinfulnes,
To the O Lord quha may me cure,
Haue reuth on me thy Creature.
The seiknes that is in my flesche,
Thow may it Lord allone depesche,
And purge it clene and mak it pure:
And saue me thy Creature,
For in this seiknes I was borne.
And my foirbear is me beforne.
Our seiknes on thy back thow bure.
To saue me Lord, thy Creature.
This seiknes Lord it is the Sin,
That I was borne and gottin in,
Proceiding of my vyle nature,
Ȝit saue me sinfull Creature.
Thow may me saue, thow may me spill,
Baith lyfe, and deid, lyis in thy will,
Thow art the Chirurgiane sure,
That haillis all eirdlie Creature.
Lord thair is na Saluatioun,
Bot in thy blissit Passioun,
As witnes beiris the trew Scripture,
Thow saifis all eirdlie Creature.
And for the same to mak remeid,
Thow susseit nocht to suffer deid,
And mekill mair thow did indure,
To saue thy sinfull Creature.
To the O Lord, thairfoir I call,
For thy remeid, and euer sall,
Quhill I be laid in Sepulture.
[Page 150]To saue thy sinfull Creature,
For all the trubill and the paine,
I neuer wrocht sa gude againe,
Bot was vnthankfull seruiture,
Haue reuth on me thy Creature.
Swa onlie thow, gude Lord of peace,
I me submit into thy grace,
For of my seiknes, thow may me cure.
And saue thy sinfull Creature.
FINIS.
WELCVM Lord Christ, welcum againe,
My Ioy, my confort, and my blis,
That culd me saue from hellis paine?
Bot onlie thow nane was nor is.
Thairfoir I may richt baldly say.
Geue Christ the quhilk hes me redrest,
Be on my syde quhilk hes done pay,
My ransoun quha can me molest.
Sen Christ now hes, maid me at one,
With God the Father, and did die,
To mak me Iust, to gloir is gone,
Than quhat ar thay can condampne me.
Was neuer nane to me mair kynde,
Nor Christ, thairfoir I will him pryse,
Onlie with Saule, body, and mynde
My hope and traist, haill in him lyis.
Bot that quhilk Scripture hes exprest,
Ane Sacrifice, Christ anis thairfoir,
Offer it to God, quhilk smell it best,
For my trespas I seik no moir.
My part is than, from Sin to ceis,
And cleif to Christ, quhilk hes supprest,
Sin, deith, and hell, and maid my peace,
Throw Faith, in him that I micht rest.
FINIS.
O CHRIST quhilk art the licht of day,
The clude of nicht thow dryuis away,
The beame of gloir beleuit richt,
Schawand till vs thy perfyte licht.
This is na nycht as naturall.
Nor ȝit na cloud Materiall:
That thow expellis (as I heir say)
O Christ quhilk art the licht of day.
This nicht I call Idolatrie,
The cloude ouirspred Hypocrisie,
Send from the Prince of all vnricht
O Christ for till obscure thy licht.
Quhilk twa hes had dominioun
Lang leid and to distructioun
The maist part of this warld astray
Fra Christ quhilk is the licht of day.
Turnand till Goddis Infinite,
Putand thair hope, and thair delyte,
[Page 152]In warkis, inuentit with the slicht,
Of Sathan, contrair to thy licht.
Sum makis Goddis of stok and staine,
Sum makis God of Sanctis baine,
Quhilk war thay leuand, heir, wald say,
Idolateris, do way do way.
To vs gif nouther laud, nor gloir▪
O fulis gifȝe speir quhairfoir,
We had na thing throw our a win micht,
Bot all we had, throw Christ our licht.
To that exempill sall be Paull,
At Listra▪ quha refusit all,
Maner of gloir, and this did say.
Geue gloir to Christ, the licht of day.
Geue nane till vs, we ar bot men,
Mortall as ȝe, ȝour selfis may ken,
O fulis quhairfoir tak ȝe flycht,
Rinnand fra Christ, the perfite licht.
Sum makis Goddis of Freiris Caip,
Thay monstouris mot in gallous gaip,
For thay haue led vs lang astray,
Fra Christ, quhilk is the licht of day.
Sum mumlit aueis, sum crakit Creidis,
Sum makis Goddis of thair beidis▪
Quhilk wait nocht quhat thay sing nor say,
Allace this is ane wrangous way.
FINIS.
WITH huntis vp, with huntis vp,
It is now perfite day,
Iesus our King, is gaine in hunting
Quha lykis to speid thay may.
Ane cursit Fox, lay hid in Rox,
This lang and mony ane day,
Deuouring scheip, quhill he micht creip.
Nane micht him schaip away.
It did him gude to laip the blude,
Of ȝoung and tender lammis,
Nane culd he mis, for all was his,
The ȝoung anis with thair dammis.
The hunter is Christ, that huntis in haist,
The hundis at Peter, and Paull,
The Paip is the Foxe, Rome is the Rox,
That rubbis vs on the gall,
That cruell beist he neuer ceist,
Be his vsurpit power,
Under dispens, to get our penneis.
Our Saulis to deuoir.
Quha culd deuyse, sic merchandis,
As he had thair to sell,
Oules it war proud Lucifer,
The greit maister of hell.
He had to sell the Tantonie bell,
And pardonis thair in was.
Remissioun of sinnis, in auld scheip skinnis.
[Page 154]Our Saulis to bring from grace.
With bullis of leid, quhyte wax, and reid,
And vther quhylis with grene▪
Closit in ane box, this vsit the Fox.
Sic peltrie was neuer sene.
With dispensatiounis, and obligatiounis,
According to his Law,
He wald dispens, for money from hence,
With thaine he neuer saw.
To [...]urs and ban, the sempill pure man,
That had nocht to fle the paine,
Bot quhen he had payit all to ane myte,
He mon be obsoluit than.
To sum God wot he gaue tot quot,
And vther sum pluralitie,
Bot first with penneis, he mon dispens,
Or ellis it will nocht be.
Kingis to marie, and sum to tarie,
Sic is his power and micht,
Quha that hes gold, with him will he hold,
Thocht it be contrair all richt.
O blissit Peter, the Fore is ane lier,
Thow knawis well it is nocht sa,
Quhill at the last, he salbe downe cast
His peltrie Pardonis and all.
FINIS.
BANEIST is faith now euerie quhair▪
And sair forthinkis me:
Baneist is faith now euerie quhair
Be the schauin sort I ȝow declair,
Allace thairfoir my hart is sair
And blyith I can nocht be.
Quhair we war wount to go richt glaid,
Furth of captiuitie,
Quhair we war wount to go richt glaid▪
Now haue thay vs with chargis ouer laid,
Quhilk bene sa dampnabill, and sa sad.
That blyith we can nocht be.
Thay keip the key from vs allace,
Quhairby enter suld we.
Thay keip the key from vs allace,
And puttis vs downe all mercyles
We ar ouerthrawin in euerie place.
That blyith we can nocht be.
Ryse vp I pray the now sweit Lord,
And from thair crueltie.
Ryse vp I pray the now sweit Lord,
Defend vs according to thy word
Or we sall perische be fyre, and sword,
That shawis the veritie.
FINIS.
MVSING greitlie in my mynde,
The cruell Kirkmen in thair kynde,
Quhilk bene indurit and sa blind,
And trowis neuer to cum downe.
Thocht thow be Paip or Cardinall,
Sa heich in thy Pontificall
Resist thow God that creat all,
Than downe thow sall cum downe,
Thocht thow be Archebischop, or Deane,
Chancour, Chanslar, or Chaplane,
Resist thow God, thy gloir is gaine,
And downe thow sall cum downe.
Thocht thow flow in Philosophie,
Or graduate in Theologie
Ȝit and thow syle▪ the veritie,
Than downe thow sall cum downe.
Thocht thow be of Religioun.
The straitest in all Regioun,
Ȝit and thow glask or gagioun
The treuth, thow sall cum downe.
Quhair is Chore, and Abirone?
Iamnes, Iambres, and Dathane, becum?
To resist God▪ quhilk maid thame bowne
Ar thay nocht all cumit downe.
And quhair is Balaamis fa [...]s counsell,
Quhair is the Prophetis of Iesabell,
And Bellis Preistis▪ be Daniell,
Downe thay war all brocht downe,
And mony ma I culd ȝow schaw,
Quhilk of thair God wald stand na aw,
Bot him resistit and his Law,
[Page 157]And downe thay ar cum downe.
Thair is na King, nor Empriour,
Erle, nor Duke, of greit valure,
From tyme ȝe knaw, thair fals Errour,
Bot he sall pluck thame downe.
Ophni and Phenis, gat na grace,
Hely brak his nek allace,
And his of spring put fra thair place,
King Salomone put thame downe.
And King Achab and Helyas.
The sals Prophetis distroyi [...] hes,
And als the nobill Iosias,
Put all fals Prophetis downe.
Is thair na ma? quhy said I all?
Ȝit mony thowsand sall haue ane fall.
Quhilk haldis Christen men in thrall.
Princes sall put thame downe.
Wald thay na mair Impunge the treuth,
Syne in thair office be nocht sleuth,
Than Christ on thame suld haue sic reuth.
That thay sall nocht cum [...]owne.
I pray to God that thay and we,
Obey his word in vnitie.
Throw Faith, wark, and be Cheritie.
And lat vs neuer cum downe.
FINIS.
THE Bischop of Hely brak his neck,
Disherist of his benefice,
Cause he the Preistis wald not correct
Corruptand Goddis Sacrifice,
Sen our Hely in his office,
Is lyke in Preuaricatioun,
He sall ressane sic lyke Iustice,
Mak he nocht reformatioun.
The Leuittis at thair awin hand,
Thay reft thair teind, and mekill mair,
Expres aganis Goddis command,
Thair huredome haitit he richt sair,
Thairfoir God send thame sic cruell weir,
Thay tint the feild the Ark was tane.
Hely fell downe throw suddand feir,
And brak his neck, and coller bane.
Ophni and Phenis, ȝour conscience remord,
Amend ȝour lyfe, or in the feild,
Ȝe salbe slaine, and ȝe my Lord,
Quhilk hes the wyte that thay ar keild,
Helis Iugement salbe ȝour beild,
And als ȝour mortall Ennemeis.
Sall bruke withoutt in speir or scheild,
Ȝour office euin before ȝour eyis.
For ȝour abuse may be ane brother,
To Tharis als lyke in similitude,
As euer ane [...]g was lyke ane vther
Of Goddis word baith destitude.
And greit God of Sanctitude,
Quhais power hes nocht tane ane end.
[Page 159]Sall send with that same fortitude,
Siclyke to ȝow except ȝe mend.
All the exempillis of the Law,
Ar writtin with greit diligence,
For our saikis, that me stand aw,
Of Goddis hie Magnificence,
Of this we haue experience,
Of diuers Natiounis, round about,
For Inglis Prelatis Duche, and Dence,
For thair abuse ar rutit out.
Reforme in tyme, leue ȝour tyrannie,
First mend ȝour lyfe, syne leirne to preiche,
Thocht wage our Freiris faine wald lie,
The treuth will furth, and will nocht leiche,
For euerie man dois vther teiche,
And countis nocht ȝour crueltie,
Except ȝe mend, I will nocht fleiche,
Ȝe fall end all mischeuouslie.
FINIS.
I AM wo for thir wolfis [...]a wylde,
Quhilk neuer will conuert,
Thair fals indurit hart,
Sa lang the warld thay haue begylde,
And baneik vs from Iesus Christ.
Greit cause thay haue for till repent,
Ȝit will thay nocht do so,
Nowther for weill nor wo,
Thair blindit mynde can nocht consent,
That we ar onlie sauit be Christ.
Thair subtill slychtis, now arspyit,
Be Christ the veritie:
Thair fals Hypocresie,
Throw all the warld, is now outtryi [...].
Quhair with thay baneist vs fra Christ.
Thay brint, and heryit Christen men,
And flemit thame full far.
And said thay did bot erre▪
That spak of the Commandementis ten,
Or red the word of Iesus Christ.
He retykis thay did vs call,
Cursand vs nicht and day,
The trench durst na man say.
Trew Preichouris war forbiddin all,
To schaw the word of Iesus Christ.
Thay baneist thame in vncouth land,
Full mony [...]under myle,
Quhair thay in thair exile.
Leirnit better till vnderstand,
The trew word of Iesus Christ,
Nobill Lordis of greit renowne,
That fauouris the treuth,
On ȝour Saulis haue reuth,
And put thir Antichristis downe,
Quhilk wald suppres the word of Christ,
Under cullour of commounweill,
Thair cloikit subteltie,
End with greit crueltie,
[Page 161]Efter thay think to slay and keill,
All that confes the word of Christ.
For sa thay think to bleir ȝour [...],
And syne at ȝow to hount,
And do as thay war wount,
And will exerce thair Tyrannie
On ȝow, and all that luiffis Christ.
Scotland was neuer, in harder case,
Sen Fergus first it wan,
The Preistis we may sair ban:
Quhilk hes the wyte, that brak the peace,
For to put downe the word of Christ.
Ane hundreth thousand thay wald se,
Ȝockit in till ane feild,
Under thair speir and scheild,
Bot with the wy fis thay wald be,
At hame to smoir the word of Christ.
Defend na maie thir wolfis sa wylde,
Sa full of cruelnes,
Thair cloikit halynes,
Baith men and wyfis, sa lang hes sylde,
And ar the verray Antichristis.
FINIS.
ALLACE vnkyndlie Christ, we haue exillt
And of thair fude his flock we haue begili [...]
With vanities, we haue thame lang del [...] di [...] ▪
And in fals beleif, hes thame includit,
And euer this wa [...] the blating of our queir,
[Page 162]Fatheris of haly Kirk this xv. hunder ȝeir.
The water of lyfe we gaue them neuer to drink
Bot stinkand pulis of euerie rottin synk.
For haly Scripture all niterlie we haue mockit
And with traditionis of mē we haue them ȝockit
And euer this was the blating of our queir,
Fatheris of haly Kirk this .xv. hunder ȝeir.
Man befoir God▪ sa lang we haue preferrit,
Quhill we se now almaist that all is marrit,
And God him self is grevit and displesit,
And we thairby ar bot lytill casit,
Althocht it be the blating of our queir,
Fatheris of haly Kirk this .xv. hunder ȝeir.
Our blind desyris sen we may nocht fulfill,
Welcum gude Lord, full sair aganis our will,
Ȝit nocht the les we sall do as we may,
And efter this▪ luke for ane better day,
And ȝit salbe the bating of our queir,
Fatheris of haly Kirk this .xv. hunder ȝeir.
We knaw as did King Saull our fatell fall,
Ȝit, quhill we die▪ Dauid persew we sall,
Suppose we suld wrack our self, and tyne,
The feild, and all our kin▪ be haugit syne,
Ȝit sall it be, the blating of our queir,
Fatheris of haly Kirk this. xv, hunder ȝeir.
Lat Moses preiche, to Pharao as he lykis,
Ȝit sall the pepill be tormenti [...] lyke tykis,
And neuer depart from Egypt (giue we may)
[Page 163]We salbe cruellest on the hinmest day.
Quhen we ar drownit we sall blait on our beir
Fatheris of haly Kirk this .xv. hunder ȝeir.
O cankerit cariounis, and o ȝe rottin stakis,
O kangand Edderis, and o ȝe poysound snakis
Sen ȝe will not change, ȝour indurit will,
Knawand ȝour fault▪ ȝit will continew still,
Sing on guk guk, the blating of ȝour queir,
Fals fatheris of haly Kirk this .xv. hunder ȝeir▪
FINIS.
OF the fals fyre of Purgatorie,
Is nocht left in ane sponk:
Thairfoir sayis, Gedde, wayis me,
Gone is Preist, Freir, and Monk.
The reik sa wounder deir thay solde.
For money gold, and landis,
Quhill haue the riches on the molde,
Is seasit in thair handis.
Thay knew na thing bot couetice,
And lufe of Paramonris:
And lat the Saulis burne and his
Of all thair Foundatouris.
At Corpspresence thay wald sing,
For ryches, to slokkin the fyre:
Bot all pure folk that had na thing
Was skaldit baine and lyre.
Ȝit sat thay heich in Parliament,
[Page 164]Lyke Lordis of greit renowne:
Quhill now that the new Testament
Hes it and thame brocht downe.
And thocht thay fuffe at it, and blaw,
Ay quhill thair bellyis ryue:
The mair thay blaw, full weill thay knaw,
The mair it do is misthryue.
FINIS.
WO is the Hirdis of Israell,
That feidis nocht Christis flock▪
Bot daintelie thay feid thaine self,
Syne dois the pepill mock.
The syllie sche [...]p was all forlorne,
And was the woifis pray:
The hirdis reindit all the corne,
The scheip culd get na stray.
Thay gadderit vp baith woll and milk▪
And tuke na mair cure,
Bot cled thame with the coistlie sylk,
And siclyke cled thair hure.
Thairfoir sayis God, I will requyr [...]
My scheip furth of thair handis:
And giue thame hirdis at my desyre,
To teiche thame my commandis.
And thay sall nouther feid them self,
Nor ȝit hounger my scheip:
I sall them from my Kirk expell,
[Page 165]And geue thame swyne to keip.
FINIS.
GOD send euerie Preist ane wyfe,
And euerie Nunne ane man,
That thay micht leue that haly lyfe,
As first the Kirk began.
Sanct Peter, quhome nane can reprufe,
His lyfe in Mariage led,
All gude Preistis quhome God did lufe,
Thair maryit wyfis had.
Greit cause than, I grant had thay,
Fra wyfis to refraine:
Bot greiter causis haue thay may,
Now wyfis to wed againe.
For than suld nocht sa mony [...]
Be vp and dow [...] this land:
Nor ȝit sa mony [...]eggeris pure,
In Kirk and mercat-stand.
And nocht sa me kill bastard seid,
Throw out this cuntrie sawin,
Nor gude men, vncouth fry suld feid,
And all the suith war knawin.
Sen Christis law and commoun law▪
And Douctouris will admit,
That Preistis in that ȝock suld draw,
Quha dar say contrair it.
FINIS.
THE wind blaw is cauld, furious and bauld,
This lang and mony day:
But Christis mercy, we man all die,
Or keip the cauld wind away.
This wind sa keine, that I of meine,
It is the ryte of auld,
Our faith is inclusit, and plainelie abusit,
This wind hes blawin to cauld.
This wind hes blawin lang, the pepill amang
And blindit hes thair wit,
The Ignorant pepill, sa lawit bene and febill,
That thay wat nocht quhome to wyte.
Goddis word and lawis, ye pepill mis knawis
Na credence hes the Scripture:
Quha the suith dois infer Preistis say thay erre
Sic bene thair busie cure.
Quha dois present, the new Testament,
Quhilk is our Faith surelie▪
Preistis callis him lyke▪ ane Heretyke,
And sayis brunt [...]all he be.
This cryis on hie, the Spiritualitie,
As nane t [...]ame suld defy:
Bot thair Illusioun, and fals abusioun.
The pepill dois now espy,
Quhome suld we wyte, of this dispyte,
That hid fra vs god dis Law,
Bot Preistis and clerkis, and thair euill warkis
[Page 167]Quhilk dois thair God mis knaw.
Thair greit ertortioun, and plaine oppressioū,
Ascendis in the air:
Without God pun [...]is, thair cruell vyce,
This warld sall all forfair.
The theif Iudas, did greit trespas,
That Christ for siluer, sauld:
Bot Preistis will tak, and his pryce mak.
For les be mony fauld.
With wrang absolutioūs, & desaitfull pardonis
For lucre to thame geuin,
Thay blind vs now, and garris vs trow,
Sic will bring vs till heuin.
Giue eirdlie pardonis, micht be our Saluatiounis,
Than Christ deit in vaine,
Giue geir micht by, Goddis greit mercy,
Than fals is the Scripture plaine.
Syne for our schoir, he deit thairfoir,
And tholit pane for our mis:
Is nane bot he, that may surelie,
Bring vs to heuinnis blis,
Than be na way, se that ȝe pray,
To Peter, Iames, nor Iohne,
Nor ȝit to Paule, to saue ȝour Saule
For power haue thay none.
Saue Christ onlie, that deit on tre,
[Page 168]He may baith louse and bind?
In vtheris mo, geue ȝe traist so,
On ȝow blawis cauld the wind.
Now se ȝe pray, baith nicht and day.
To Christ that bocht vs deir:
For on the Rude, he sched his blude,
To saue our Saulis but weir.
FINIS.
HAY now the day dallis,
Now Christ on vs callis,
Now welth on our wallis,
Apperis anone:
Now the word of God Regnis,
Quhilk is King of all Kingis,
Now Christis flock singis,
The nicht is neir gone.
Wo be vnto ȝow Hypocritis,
That on the Lord sa loudlie leis,
And all for to fill ȝour foule belleis.
Ȝe ar nocht of Christis blude nor bone,
For ȝe preiche ȝour awin dremis,
And sa the word of God Blasphemis,
God wat sa weill it semis,
The nicht is neir gone.
Wo be to ȝow Pharesians,
That Regnis ȝit lyke his Capitanis
And haldis Christis men in mony pani [...],
Richt cairfull is thair mone:
I traist till God ȝe sall deir by it,
[Page 169]Becaus ȝour falset is now spyit,
And all Christin men sall cryit,
The nicht is neir gone.
Wo be to ȝow Paip and Cardinall,
I traist to God ȝe sall get ane fall▪
With Monkis, Preistis, and Freiris all
That traistis nocht in God alloue:
For all ȝour greit Pomp and pryde.
The word of God ȝe sall nocht hyde,
Nor ȝit till vs na mair be gyde,
The nicht is neir gone.
Ȝe gart vs trow in stock and stone,
That thay wald help mony one▪
And nocht till traist in God allone,
I say ȝe leit euerie one:
I war Sanct Peter, nor Sanct Paule,
Nor ȝit na Sanct can saif ȝour Saule,
Thocht mony lesingis mak mony braull,
The nicht is neir gone.
Ȝe serue to strickin be wich roddis,
Because of Idolis ȝe mak Goddis,
For all ȝour Ioukis and ȝour noddis,
Ȝour hartis is hard as ony stone.
Ȝe will nocht leif ȝour Hypocrisie
Bot ȝour desyris is ay for to lie,
And the Feind away with ȝow wald flie,
The nicht is neir gone.
Ȝe begylit vs with ȝour hudis,
Schawand ȝour relykis and ȝour ruddis▪
[Page 170]To pluk fra vs pure men our gudis,
Ȝe schaw vs the heid of Sanct Iohne,
With the arme of Sanct Geill,
To rottin banis ȝe gart vs kneill,
And sauit vs from neck to heill,
The nicht is neir gone.
Requiem eternam fast thay patter,
Befoir the deid with haly watter,
The lawit folkis trowis the heuin will clatter
Thay sing with sic deuotioun.
Ȝe say that Saule ȝe sall gar fanc [...],
Bot and the money war neuer sa scant,
Ane penny of ȝont wage ȝe will nocht want,
The nicht is neir gone.
Syne to ȝow we mon offer,
Pundis and penneis furth of our Coffer
And lay it downe vpon the Alter
For the deid of that one.
Anime omnium ȝe will say,
Syne cast the Corps into the clay
Than haue ȝe done all that ȝe may
Now the nicht is neir gone.
FINIS.
PREISTIS Christ beleue,
And onlie traist into his blude,
And not into ȝour warkis gude,
As plainely Paull can preue▪
¶Preistis leirne to preiche
And put away ȝour Ignorance,
Prais onlie God his word auance,
[Page 171]And Christis pepill teiche.
¶Preistis cut ȝour gowne,
Ȝour nukit bonet put away
And cut ȝour tippet into tway.
Go preiche from towne to towne.
¶Preistis tak ȝour staffe.
And preiche the Euangell on ȝour feit,
And set on Sandellis full meit,
Bot cast ȝour Pantounis of.
¶Preistis heip na gold
Siluer nor cunȝe in ȝour purs,
Nor ȝit twa coitis with ȝow turs
Bot schone to keip ȝow from cold.
¶Preistis thoill to preiche,
Sen ȝe ȝour selfis can preiche nathing
Or we ȝour brawling downe sall bring
And na mair with ȝow fleiche.
¶Preistis tak na teind,
Except the word of God ȝe schaw
Thocht ȝe alledge ȝour vse and Law,
It is nocht as ȝe weind.
¶Preistis tak na Kyis
The vmest claith ȝe sall quyteclame,
Fra se [...] pure barnis with thair dame,
Auengeance on ȝow cryis.
¶Preistis burne no mo,
Of wrang delatioun ȝe may hyre,
And fals witnes na mair Iuquyre
And let absuring go.
¶Preistis all and sum
Suld call ane counsell generall,
And dres all thingis Spirituall
Bot thair thay will not cum.
[Page 172]¶Preistis reid and wryte.
And ȝour fals Cannoun law lat be
Quhair Papis contrair Scripturis lie,
And contrair doctouris dyte.
¶Preistis pryde ȝow nocht.
Quhat ȝour counsellis hes conclude,
Contrair the writ and Christis blude,
The quhilk sa deir vs bocht:
¶Preistis curs no moir,
And now ȝour hartis na mair indure,
Bot on ȝour flockis tak cure:
Or God sall curse ȝow soir.
¶Preistis leif ȝour pryde,
Ȝour skarlat and ȝour veluote soft,
Ȝour hors and mulis coistlie toft,
And Iakmen be ȝour syde.
¶Preistis sober be,
And fecht not, no [...]ther boift nor schoir,
Misreule the Realme and court no moir,
And to ȝour Kirkis fle.
¶Preistis mend ȝour lyfe,
And leif ȝour foule Sensualitie,
And vylde stinkand chaistitie,
Ane ilk ane wed ane wyfe.
¶Preistis pray na mair,
To Sanct Anthone to saue thy sow,
Nor to Sanct Bryde to keip thy cow,
That greuis God richt sair.
¶Preistis worship God,
And put away ȝour Imagerie,
Ȝour Pardonis and fraternitie,
To hell the way and rod.
¶Preistis sell na Mes,
[Page 173]Bot minister that Sacrament.
As Christ in the new Testament,
Commandit ȝow expres.
¶Preistis put away,
Ȝour paintit fyre of Purgatorie,
The ground of ȝour Idolatrie,
It is neir domisday.
¶Preistis change ȝour tone,
And sing in to ȝour mother tung,
Inglis Psalmes and ȝe impunge,
Ȝe will dyne efter none.
¶Preistis preif ȝow men,
And now defend ȝour libertie,
For France and for ȝour dignitie,
Ȝe brak the peace ȝe ken.
¶Priestis now confes,
How ȝe sa lang did vs begyle.
With mony haly bellie wyle,
To leue in Idilnes.
¶Preistis I ȝow exhort,
Ȝour office to do perfyte,
For I say nathing in dispyte▪
Sa God mot me support.
FINIS.
¶Till our gude man, till our gude man,
Keip faith and lufe till our gude man.
FOR our gude man in heuin dois King
In gloir and blis without ending
Quhair Angellis singis euer Osa [...]
In laude and prais of our gude man.
Our gude man desyris thre thingis
Ane hart quhair fra contritioun springis,
Syne lufe him best▪ our Saullis that wan,
Quhen we war loist fra our gude man.
And our gude man that euer was kynde,
Requyris of vs ane faithfull mynde
Syne cheritabill be with euerie clan,
For lufe only of our gude man.
Ȝit our gude man requyris moir
To giue na creature his gloir,
And gif we do, do quhat we can
We sall be loist fea our gude man.
And our gude man he promeist sure,
To euerie faithfull Creature
His greit mercy that now or than
Will call for grace at our gude man.
Adame that our foirfather was,
He loift vs all for his trespas
Quhais brukkill banis we may fair ban
That gart vs lois our awin gude man.
Ȝit our gude man gracious and gude,
For our Saluatioun sched his blude,
Upon the Croce quhair thair began▪
The mercyfulnes of our gude man.
This is the blude did vs refresche,
This is the blude that mon vs wesche,
The blude that from his hart furth ran
[Page]Maid vs fre airis till our gude man.
Now let vs pray baith day and hour
Till Christ our onlie Mediatour,
Till saue vs on the day that quhen
We sall be Iudge it be our gude man.
FINIS.
REMEMBER man, remember man,
That I thy Saull from Sathan wan,
And hes done for the that I can
Thow art full deir to me.
Is, was nor sall be none
That may the saue, bot I alone,
Onlie thairfoir beleue me on
And thow sall neuer die,
Wolfis quhome of my Euangelistis wryte
And Paull and Peter did of dyte,
Allace haue ȝow dissauit quyte,
With fals Hy [...]ocrisir.
My new Testament plaine and gude,
For quhilk I sched my precious blude,
Ȝour only hope and Saullis fude
Thay hald for Herisie.
And hes set vp thair fals doctrine,
For Couetise, in steid of mine,
With fyre and sword defendis it fyne▪
Contrair my word and me.
The Antichrist is cummin but dout
And hes ȝow trappit round about
Furth of his gyrue thairfoir cum out
[Page 176]Gif ȝe wald sauit be.
His Pilgramage and Purgatorie
His worschipping of Imagerie
His Pardounis and fraternitie
With zeill and gude Intent
The quhisperit sinnis callit cir Confessioun
With his Preistis mummillit absolutioun
And mony vther fals abusioun
The Paip hes done Inuent.
With Messis sauld be Preist, and Freir.
For land and money wounderdeir,
Quhilk is the ground stane of thair queir,
And rute of all thair pryde,
His Pater nosteris, boche and sauld,
His numerat aueis, and Psalmes tauld,
Quhilk my new Testament, nor my auld.
On na wayis can abyde.
Thair half hag matines, fa [...] thay patter,
Thay geue ȝow breid, and sellis ȝow watter,
His cursing is on ȝow als thay clatter,
Thocht thay can [...] ȝow nocht,
Giue ȝe will geue thame Caip or Bell,
The clink thairof thay will ȝow sell,
Suppose the [...]aule suld ga to hell,
Ȝe get na thing vnbocht.
Thay sell ȝow als the Sacramentis [...],
Thay micht haue maid aswe [...]ll [...],
Few, or mony, od, or e [...]i [...],
Ȝour pursis for to pyke,
[Page 177]Wald thay let bot twa vsit be
Of Baptisme, and of my bodie,
As thay war institute be me,
Men wald thame better lyke.
Mariage is ane blissit band,
Quhilk I gaue man in my command,
To keip▪ bot thay my word withstand,
Ane Sacrament it maid.
Unto thair vther Sacramentis fyue,
Our Saluatioun thay ascryue,
Fra my trew faith ȝow for to dryue,
In vaine to mak my deid.
Thair tryflis all ar maid be men,
Quhilk my Gospell did neuer ken,
My Law and my commandementis ten,
Thay hid from mennis eine.
My new Testament thay wald keip downe,
Quhilk suld be preichit fra towne to towne,
Cause it wald cut thair lang [...]aili [...] [...] ▪
And schaw thair lyues vnclene.
And now thay ar with dolour pynde,
And lyke to raige out of thair mynde,
Because fra thame ȝe ar declynde.
And will na lesingis heir.
Thairfoir thay mak sa greit vproir,
Contrair thy flock of Christis stoir,
Determit or thay will geue it ouer,
To fecht all into feir.
Bot hald ȝow at my Testament fast▪
[Page 178]And be na quhit of them agast
For I sall bring doun at the last,
Thair pryde and crueltie.
Than cleirly sall my word be schawin,
And all thair falset sall be knawin
That thay into all landis haue sawin
Be thair Idolatrie.
And ȝe sall leue in rest and peace,
Instructit with my word of grace
For I the Antichrist deface
Sall, and trew Preicheouris send
Repent ȝour sin with all ȝour hart,
And with trew faith to me conuert,
And heuinly gloir sall be ȝour part
With me to bruik but end.
We pray the Iesus Christ our Lord,
Conforme our lyues to thy word
That we may liue with ane accord
In perfite Charitie.
And forgiue vs our sinfulnes,
And cleith vs with thy Richteousnes
Of thy fauour and gentilnes
We pray the that so be.
FINIS.
THE Paip that Pagane full of pryde
He hes vs blindit lang,
For quhair the blind the blind dois gyde,
Na wonder thay ga wrang:
Lyke Prince and King he led the King
Of all Iniquitie,
[Page 179]Hay trix, tryme go trix, vnder the grene. &c.
Bot his abhominatioun,
The Lord hes brocht to licht
His Popische pryde and thrinfald Crowne
A [...]aist hes loist thair micht.
His plak Pardounis ar bot Lardounis,
Of new found vanitie,
Hay trix, tryme go trix. &c.
His Cardinallis hes caus to murne,
His Bischoppis borne aback:
His Abbottis gat ane vncouth turne
Quhen schauelingis went to sack,
With Burges wyfis thay led thair lyfis,
And fure better nor we,
Hay trix, tryme go trix. &c.
His Carmelites and Iacobinis,
His Dominiks had greit do
His Cordeleiris and Augustinis
Sanct Frances ordour to,
Thay sillie Freiris, mony ȝeiris,
With babling blerit our C,
Hay trix, tryme go trix. &c.
The Si [...]eris gray, befoir this day,
Did crune within thair Cloister,
Thay feit ane Freir, thair kepis to beir,
The Feind ressaue the foster,
Syne in the mirk sa weill culd wirk
And kittill thame wantounlie,
Hay trix, tryme go trix. &c.
The blind Bischop, he culd docht preiche,
For playing with the la [...]is,
The syllie Freir behuffit to fleiche,
For almous that he assis,
The Curat, his Creid, he culd nocht reid,
Schame fall the cumpanie,
Hay trix, try me go trix. &c.
The Bischop wald nocht wed ane wyfe
The Abbote not persew ane,
Think and it was ane lustie lyfe.
Ilk day to haue ane new ane.
In euerie place, ane vncouth face,
His lust to satisfie,
Hay trix tryme go trix, &c.
The Persoun wald nocht haue ane hure.
Bot twa, and thay war bony,
The Uicar (thocht he was pure,)
Behuiffit to haue als mony,
The Parcis Preist, that brutall beist,
He polit thame priuelie,
Hay trix, tryme go trix. &c.
Of Scotland well, the Freiris of Faill,
The lymmerie lang hes lestit.
The Monkis of Melros maid gude kaill,
On Fryday is quhen thay fastit,
The sillie Nunnis caist vp thair bunnis,
And heisit thair hippis on hie,
Hay trix, tryme go trix. &c.
Of lait I saw thir lymmar [...]s stand,
[Page 181]Lyke mad men at mischeif,
Thinking to get the vpper hand,
Thay luke efter releif,
Bot all in vaine, go tell thame plaine,
That day will neuer be,
Hay trix, tryme go trix. &c.
O Iesus gif thay thocht greit glie,
To se Goddis word downe smorit,
The Congregatioun maid to flie,
Hypocresie restorit,
With Messis sung, and bellis rung,
To thair Idolatrie.
Marie God thank ȝow, we sall gar brauk ȝow
Befoir that tyme trewlie.
FINIS.
SAY weill is, throuchlie a worthy gude thing
Of say weill, greit vertew furth dois spring,
Say weill, from do weill, differ is in leteer.
Say weill is gude, bot do weill is better.
Say weill is repute be man sum deale,
Bot do weill, onlie to God dois appeale,
Say weill sayis godlie, and dois mony please.
Bot do weill leuis godlie, & dois this warld ease
Say weill, mony vnto Goddis word cleuis,
Bot for laik of do weill, it quicklie leuis,
Bot gif say weil, & do weill war ioynit in a frame
All war done, all war won, gottin war the game
Say weill, in danger of deith is cauld,
[Page]Do weill is harnest and woundrous bauld
Than say weill for feir sall trimbill and quaik
Do weill sall be Iocund and Ioly cheir mak.
Say weill is slipper and makis mony wylis
Do weill is semely without ony gylis
Quhen say weill at sum tymes salbe brocht base,
Do weill sall tryumphe in euerie place.
Say weill to silence sum tyme is bound
Do weill is fre in euerie stound,
Say weill hes freindis baith heir and thair
Bot do weill is welcum euerie quhair.
Say weill mony things in hand dois tak,
Do weill ane end of them dois mak
Quhen say weill with mony is quyte downe cast,
Do weill is trustie and will stand fast.
Say weill him self will sum tyme auance,
Bot do weill dois nouther Iet nor paunce,
Bot do weill do is profite this warld moir
Then say weill and his, ane hundreth scoir.
Say weill in wordis is wondrous trick,
Bot do weill in deidis is nymbill and quick
Lord quick and trick togidder knit
And sa sall thay pype ane mirrie fit.
Say weill mony will, thay be sa kynde,
Bot do weill few will vnto thair freind:
May say weill▪ than do weill, I tell ȝow in deid,
Bot do weill is mair honest in tyme of neid.
FINIS.
KNAW ȝe not God Omnipotent
He creat man and maid him fre,
Quhill he brak his commandement
And eit of the forbiddin tre
Had not that blissit barne bene borne
Sin to redres,
Lowreis ȝour lyues had bene forlorne
For all ȝour Mes.
Sen we war all to Sin maid sure,
Throw Adamis Inobedience:
(Saif Christ) thair was na Creature,
Maid Sacrifice for our offence,
Thair is na Sanct may saue ȝour Saull
Fra ȝe transgres,
Suppois Sanct Peter and Sanct Paull
Had baith said Mes.
Knawing thair is na Christ bot ane
Quhilk rent was on the Rude with roddis:
Quhy giue ȝe gloir to stock and stane
In worschipping of vther Goddis,
Thir Idoles that on Alteris standis,
Ar fenȝeitnes,
Ȝe gat not God amang ȝour handis,
Mumling ȝour Mes.
And sen na Sanct ȝour Saull may saue,
Perchance ȝe will speir at me than:
How may the Paip thir Pardounis haue
With power baith of beist and man?
Throw nathing bot ane fenȝeit faith
For halynes.
[Page 184]Inuentit wayis to get thame graith,
Lyke as the Mes.
Of mariage ȝe maid ȝow quyte,
Thinking it thraldome to refraine:
Wanting of wyiffis is appetyte,
That curage micht incres againe.
Thay hony lippis ȝe did persew.
Grew gall I ges.
Thinking it was contritioun trew,
To dance ane Mes.
Giue God, was maid of bittis of breid,
Eit ȝe nocht ouklie sax or seuin,
As it had bene ane mortall feid,
Quhill ȝe had almaist heryit heuin,
Als nony Deuillis, ȝe man deuoir,
Quhill hell grow ies.
Or doutles we dar nocht restoir,
Ȝow to ȝour Mes.
Giue God be transubstantiall,
In breid with hoc est corpus meum,
Quhy war ȝe sa vnnaturall?
As tak him in ȝour teith and sla him,
Tripairtit and deuydit him.
At ȝour dum dres.
Bot God knawis how ȝe gydit him.
Mumling ȝour Mes.
Ȝe partit with dame pouertie,
Luke propertie to be ȝour wyfe:
Fra Charitie and Chastitie
[Page 185]With licharie ȝe led ȝour lyfe,
That raisit the mother of mischeif
Ȝour gredynes.
Beleuing ay to get releif
For saying Mes.
O wick it vaine Ueneriens.
Ȝe ar not Sanctis (th [...]cht ȝe seme haly)
Proude poysonit Epecuriens,
Quhilk had na God bot ȝour awin bellie,
Beleue ȝe Lownis the Lord allowis
Ȝour Idilnes:
Lang or the sweit cum ouir ȝour browis
For saying Mes.
Had not ȝour self begun the weiris,
Ȝour Stepillis had bene standand ȝet:
It was the flattering of ȝour Freiris
That euer gart Sanct Frantes flit,
Ȝe grew sa Superstitious
In wickitnes
It gart vs grow Malitious,
Contrair ȝour Mes.
Our Bischoppis ar degenerate
Thocht thay be mountit vpon Mulis:
With huredome clene effeminate
And Freiris oft tymes preuis fulis
For Dust [...]fit and Gob at euin.
Do sa Incres
Hes dreuin sum of them to teine
For all thair Mes.
Christ keip all faithfull Christianis
From peruerst pryde and Papistrie:
God grant thame trew Intelligens,
Of his law, word, and veritie,
God grant thay may thair lyfe amend,
Syne blis posses,
Throw faith on Christ all that depend,
And nocht on Mes,
Sen Mes is na thing ellis to say,
Bot ane wickit Inuencioun,
without authoritie, or stay,
Of Scripture or fundatioun,
Giue Kingis, wald Mes to Rome hence dryue,
With haistines,
Suld be the meane to haue belyue,
Ane end of mes.
FINIS.
WAS not Salomon the King,
To miserie be wemen brocht:
Quhilk wisdome out of frame did bring
Till he maist wickitly had wrocht.
A thousand wemen he did keip,
Allace allace,
Quhilk drownit him in Sin sa deip,
As come to pas.
was not Paris maist wichitlie
Be Uenus led to Helenis lust:
For quhilk sin and adulterie
The plagues of Troy war efter Iust:
The sturdie stormis he did Indure
[Page 187]Allace, allace,
His lusting lyfe was nathing sure,
As come to pas.
Thocht Troylus Cressed did enioy,
As Paris Helene did lykewise:
Ȝit leuie he not lang in Troy.
Bot that Fortoun did him dispise,
Quha wald then wirk accordinglie
Allace, allace,
Sic plesure bringis Miserie
As come to pas.
Thocht Ouid fayne that Leander,
Aduenterit mekill his lufe to gaine:
Ȝit dois the Poet Menander,
Aduertise vs for to refraine,
For lusting lyfe is nathing stayed
Allace, allace,
Ilk man thairfoir may be afrayed
Quhilk is bot gras.
Quhat sall we say to Pyramus,
Sic wretchit wo did him assaill:
His end in deid was dolorus,
Quhen fulische frensie did preuaill
Quhat wise man wald his fact commend
Allace, allace,
Quhilk brocht his lyfe vnto ane end
As come to pas.
Thocht Hercules for Exionie,
A michtie Monster did subdew:
[Page 188]Ȝit endit he in miserie
Gif Poetis faining may be trew,
Disminsing mate Abderitus:
Allace, allace,
Ane deith sustenit meruellous
As come to pas.
Anaxaretus sum do say,
Entised Iphis outwardli [...]:
And than withorew hir lufe away
And he him self slew wilfullie
Traist the vntraistie quha that will:
Allace, allace,
For sic my self I will not kill
As his lufe was.
Thocht Iupiter transformit him.
Alcumena for to defile:
The fenȝeit Goodis thay scornit him,
For lyke offence within a quhyle,
For quhen he lay in Uenus lap:
Allace allace,
Uulcanus tuke him in ane trap,
As come to pas.
Thus bewtie breidis bitternes,
And bringis baill to mony men:
Quha is led be wilfulnes,
Sall feill the force of bewtie then:
For sum being taken in the traine:
Allace allace,
Ar led to penurie and paine.
As come to pas.
Thocht Cato Prince of prudent price.
In welthie stait did lang remaine,
Ȝit be the chance of Fortounis dice,
Mekill miserie he did sustaine.
His weddit wyfe did wirk him wo,
Allace allace,
Mekill mair thir beistis quhilk cum and go▪
Pas and repas.
Tiberius the Empriour,
Be his wyffis greit adulterie:
Loste his pompe and puissant power,
Ending his lyfe in miserie.
Cheis weill thairfoir leist ȝe do say:
Allace allace,
Lat thir and vther at this day.
Be as thy glas.
Althocht Marcus Antonius.
was sene in Cosmographia:
Ȝit was his end maist dolorus,
Be that fals harlot Faustina,
Tak heid thairfoir of this be war.
Allace allace,
Be thow not snaird in Uenus snair:
In ony case.
Althocht Sextus Tarquinius,
Defylit chaist Lucresia,
He and his Father Superbus,
From Rome war banischit away.
A Iust rewaird for sic offence:
Allace allace,
[Page 190]Lyke punischement for lyke offence
Oft cummis to pas.
Thocht subtill Sardanapalus
A Prince was picht to rewle and reigne:
Ȝit war his factis sa licharus,
That euerie man micht se them plaine,
At Babylon he did desyre
Allace, allace,
To set the haill Castell on fyre
Quhair brunt he was.
Ptholomeus Philopater,
The michtie King of Egypt land,
Being a michtie Conquerer
His lust vnto a wenche did stand
His weddit wyfe he put to deith
Allace, allace,
Thus Princes oft do spend thair braith:
As come to pas.
Phisco lykewise the Lychorus
Quhilk Children be his Sisteris had:
That gat Heliogabalus,
Quhais lyfe in lust was spent to bad
Defyling Mayd and wyfe also
Allace, allace,
Harlottis with him micht ryde and go
Quhair he did pas.
Althocht Caius Caligula
All his awin Sisteris did defyle:
And thocht him self in quyet stay
[Page 191]Possessing plesure for ane quhyle,
Ȝit his men did his deith conspyre:
Allace, allace,
This wretchit man he had his hyre
As come to pas.
¶Exampillis takin out of the Bybill.
WITH Bybill materis to begin,
Historyis mony we may find:
How lusting lufe that laithsum sin
The oppin eyis of sum do blind,
Thocht Sichem Dina had defylde:
Allace, allace,
Baith he and Heymor war begylde
As come to pas.
Did not daintie Dalilay,
The michtie Sampson bring to nocht:
Quhen he his secreit heid did wray
In Uenus snair scho had him cauch [...]
Did not Apame in lyke case
Allace, allace,
Straik that greit King vpon the face
As come to pas.
Thocht Ammon did his mynde fulfill
Upon his Sister Thamar deir:
Ȝit Absolon his blude did spill,
Schortly efter as dois appeir
Thocht Dauid was the Lordis Elect:
Allace, allace,
with Bethsabe he was Infeet
As come to pas.
Thocht Holofernes lu [...]it lang,
To haue to do on Iudethis bed:
His lusting lyfe did happin wrang,
And scho did sone stryke of his heid,
Quhat wyne and women do ȝow se,
Allace allace,
wask and wander with modestie,
In ony case.
Thocht Iudas did with Thamarly,
Quhils was his dochter be the Law:
The Genesis dois testifie,
Iust Iosephis gude and godlie aw,
Quhen his Lordis wyfe wald him constraint:
Allace allace,
He maid hir purpois haillely vaine
As come to pas.
Of him let vs exampill tak
And neuer think on Cupides dart:
Uenus can nouther mar nor mak
Gif vnto God we ioyne our hart,
And leif this airt of [...]anging lust:
Allace allace,
And in the Lord haue hope and trust
Quhilk [...]s and was.
FINIS.
ALL my lufe leif me not,
Leif me not leif me not,
All my lufe leif me not
Thus myne alone:
with ane burding on my bak,
[Page 193]I may not heir it I am sa waik
Lufe this burding fra me tak
Or ellis I am gone.
With sinnis I am ladin soir,
Leif me not, leif me not,
With sinnis I am ladin soir
Leif me not alone:
I pray the Lord thairfoir
Keip not my sinnis in stoir,
Lowse me or I be forloir
And heir my mone.
With thy handis thow hes me wrocht▪
Leif me not, leif me not,
With thy handis thow hes me wrocht▪
Leif me not alone:
I was sauld and thow me bocht
With thy blude thow hes me coft
Now am I hidder socht
To the Lord alone.
I cry and I call to the,
To leif me not, to leif me not,
I cry and I call to the
To leif me not alone:
All thay that ladin be
Thow biddis them cum to the
Than sall thay sauit be
Throw thy mercy alone.
Thow saues all the penitent
And leifis them not, and leifis them not,
[Page 194]Thow saifis all the penitent,
And leifis thame not allone:
All that will thair Sinnis repent,
Nane of thame salbe schent,
Suppose thy bow be reddy bent,
Of thame thow killis none.
Faith, hope▪ and cheritie,
Leif me not, leif me not,
Faith, hope, and cheritie,
Leif me not allone:
I pray the Lord grant me,
Thir godly giftis thre,
Than sall I saint be,
Dout haue I none.
To the Father be all gloi [...],
That leifis vs not, that leifis vs not,
To the Father be all gloir,
That leuis vs not a [...]lone,
Sone and haly Gaist, euer moie,
As it was of befoir,
Throw Christ our Sauiour,
We ar saif euerie one.
FINIS.
¶Of the day of iudgement.
ALL Christin and faithfull, in hart be ioyfull
Reioyce and mak gude cheir,
Be merie and glaid, and be no moir sad
The day of the Lord drawis neir.
Under protestatioun, with liue and correctie [...]
[Page 195]That nane be offendit heir,
I will speik planelie, to rais ȝour hartis quiklie,
The day of the Lord drawis neir.
All Paipis and prelatis, and spirituall estaitis
That thinkis ȝe haue na peir,
Cast away ȝour wairis, ȝour princelie effairis
The day of the Lord drawis neir.
O hirdis of Israel, heir ȝe the Lordis bell
Knelland fast in ȝour eir,
Quhilk biddis in plaine▪ leue ȝour triffillis vane
The day of the Lord drawis neir.
Personis that hes cure to preiche vnto the pure
Ȝe haue ȝour waigis to deir,
The layit ȝe will not teiche, nor ȝit goddis word will preiche
The day of the Lord drawis neir.
I will ȝow exhort, in termis richt schort,
Baith Preist, Channoun, Monk, and Freir,
To slaik of ȝour sleuth, & schaw furth the treuth
The day of the Lord drawis neir.
And ȝe brethren all Ecclesiasticall
Serue ȝour Lord God in feir,
Leue ȝour ceremonyis of ȝour awin fund gyis
The day of the Lord drawis neir,
Ȝour coistlie reparationis, ȝour offeringis and oblatiounis
Ȝour curious notis in the queir
On the day of dreid▪ sall stand in litill steid
Quhen the Lordis sentence drawis neir.
Princes and Kingis, that sa Ryall Ringis
That suld haue all rewle and steir,
Do Iustice equall▪ baith to greit and small
The day of the Lord drawis neir.
On the pure cōmounis, suffer na oppressiounis
Bot humblie thair plaintis heir,
With extreme Iustice, trespassouris punische,
The day of the Lord drawis neir.
Syne with ȝour sword, let furth Goddis word
Our heuinly Mirrour cleir,
And anker ȝow sure on haly Scripture
For the day of the Lord drawis neir.
Erlis, Lordis, and Barrounis, hurt not ȝour cōmounis
In body, gudis, nor geir:
Do ȝe the contrair, ȝour housis will misfair
The day of the Lord drawis neir.
Be trew to the Crowne defend ȝour Regioun
That ȝour foirbearis coft sa deir,
And euer haue Eye, vnto ȝour libertie
The day of the Lord drawis neir.
I cry in generall, on Spirituall & Temporall,
This lectioun that ȝe leir:
Remember alwayis, that schort be ȝour dayis
The day of the Lord drawis neir.
That day sall horribill, be and eik terribill▪
Quhe [...] that Iust Iudge sall appeir:
In his birnand Ire, to iudge the warld with fyre
[Page 197]The day of the Lord drawis neir.
At ane Trumpet blast, we sall be all agast,
Heuin▪ hell, eird▪ sall it heir,
Syne stand befoir the Iuge, without ony refuge
The day of the Lord drawis neir.
We sall giue rekning, of our sinfull leuing
We haue spendit in all maneir,
As we haue deseruit, sa sall we be seruit
The day of the Lord drawis neir.
That day the faithfull, salbe richt Ioyfull
Befoir Christ quhen thay compeir▪
Bot the vnfaithfull, salbe richt wofull
Quhen the Lordis sentence drawis neir.
To vnbelenaris all, this sentence giue he sall,
With Ire and awfull cheir,
Pas ȝe to the hell, with Deuillis to dwell,
The heuin ȝe sall neuer cum neir.
The Iust sall all stand, euin at his richt hand,
Defendit from all dangeir,
To quhome he sail say, richt sweitly that day
The sentence quhill: drawis neir.
Cum heir my Ele [...], and my awin sweit Sect,
Ȝour hyre sall not be in weir,
Baith Saull and body, in heuin Eternallie
Thay sall dwell with me rich [...] neir.
Quhairfoir I do call, [...]
[Page 198]To ryis and be neuer sweir
Bot euer bewar of the wofull snair
The day of the Lord drawis neir.
A walk ay and pray baith in nicht and day
To Christ that coft vs all deir
To be our mediatour in that feirfull hour
Quhen the day of the Lord drawis neir.
FINIS.
BLENK in this Mirrour man and mend,
For heir thow may thy exempill se,
To all mankynde it is weill kend
That euer come hidder, that he mon die
And fra this dome he may not [...]e,
Suppois he haue land and gold to spend
Array ȝow all and reddy be
Blenk in this Mirrour man and mend.
Heir is the ressoun quha lykis to reid,
This day thow was ane King with Croun,
The morne cummis deith withouttin dreid
Commandis the to his presoun,
Richt suddanely he drawis the doun
Thow wait that thow mon with him wend
Thairfoir leif weill, be reddy bowne
Blenk in this Mirrour man and mend.
Thair is nane in stait sa hie
Prince, King, nor Empreour
Fra this dome ane fute may [...]le
For all his gold and his valour.
Thairfoir thow blenk in this Mirrour
[Page 199]That is graciouslie to the send,
Think on the sweit and als the sour
Blenk in this Mirrour man and mend.
Behald now to thir men of micht
That mekill hes, and wald haue mair,
And to thair sembling [...]ak gude sich [...]
How that thay pas away sa bair.
And set not by how that we fair
That winnis all that thay spend,
Richt busilie baith lait and air,
Blenk in this Mirrour man and mend.
Sen thow wait that thow mon pas,
And thow wait nouther quhen nor quhair
And thy body sall turne in Asse,
That thow now feidis vp sa fair.
Confes thy sinnis les and mair
Unto thy God, or thow hyne wend,
And till him leyne for euer mair
Blenk in this Mirrour man and mend.
FINIS.
O MAN ryse vp and be not sweir,
Prepair aganis this gude new ȝeir
My new ȝeir gift thow hes in stoir
Sen I am he that coft the deir
Gif me thy hart I ask no moir.
Gif me thy hart for I suld haue it
It is my richt thairfoir I craif it,
To win the samin I sufferit soir
And now am reddy to ressane it,
[Page 200]Gif me thy hart I ask no moir.
I am the Lord maid the of nocht
Lyke my awin Image hes the wrocht,
The to all frelage I did restoir,
Sen my dart blude thy hart hes bocht
Gif me thy hart I ask no moir.
I come in eirth, and thair did dwell,
I send na message bot my sell:
The to releif of deidly soir,
Sen I haue fred the from the hell
Gif me thy hart I ask no moir.
I haue the fred from all thirlage,
And hes preparit thyne heritage
Quhair deith sall neuer the deuoir,
And now am cummin to craif my wage
Gif me thy hart I ask no moir.
Bewar I am ane Ielous God,
I am na Image, stock nor wod:
Thairfoir giue nane of thay my gloi [...],
Sen [...] heuin mon be the rod
Gif me thy hart I ask no moir.
Let be thy sculptill honouris vaine
Quhilkis ar confouudie and prophaine
And swa ar all dois them adoir,
[...] testifyis Dauid in Scripture plaine
[...] thy hart I ask no moir,
[...] thow hes offendit,
[Page 201]Contrair my Law thy lyfe hes spendit,
My mercy is reddy ȝit as of befoir
In this new ȝeir all may be amendit,
Gif me thy hart I ask no moir.
FINIS.
O MAN Behald this warldis vaniteis,
The Ioy of it I wait is fantasie,
Thairfoir bewar my counsell now it is
Be glaid in God, for doutles thow mon die.
Think thow art cum, & wait not quhē to pas,
Think thow mō change, & wait not quhair to be,
Think quhy thow come, & quhat thy erand was
Be weill auysit, for doutles thow mon die.
Auise the weill▪ quhill thow hes tyme & space,
Exempill tak daylie as thow may se,
Quhen deith cummis thair is na vther grace
Bot ȝeild the than, for doutles thow mon die.
Ȝeild the to God with humbill hart contrite,
In Cheritie lufe as thow wald lufit be,
Gif thow wald leif without this warldis despite
Remember on this, for doutles thow mon die.
Remember vpon thy God Omnipotent,
That is and was, and euer moir salbe,
And for thy sin he saikleslie was schent
Be kynde againe, for doutles thow mon die.
Be kynde againe for heuin Celestiall,
Quhair gloir and Ioy without end sall be,
[Page 202]Be kynde and dreid the cruell paine of hell
Theus thee the ane, for doutles thow mon die.
FINIS.
SEN throw vertew Incressis dignitie,
And vertew is flour and rute of Nobles ay
Of ony wit or quhat estait thow be,
His steppis follow, and dreid for none effray:
Eiect vice▪ and follow treuth alway
Lufe maist thy God that first thy lufe began
And for ilk Inche he will quyte the ane span.
Be not ouir proude in thy prosperitie
For as it cummis, sa will it pas away,
The tyme to compt is schort thow may weill se.
For of grene gres sone cummis wallowit hay
Labour in treuth, quhilk suith is of thy fay
Traist maist in God, for he best gyde the can
And for ilk Inche he will the quyte ane span.
Sen word is thrall▪ and thocht is only fre,
Thow dant thy toung, that power hes and may,
Thow steik thy Ene fra warldis vanitie,
Refraine thy lust, and harkin quhat I say
Graip or thow slyde, and keip furth the hie way,
Thow hald the fast vpon thy God and man
And for ilk Inche he will the quyte ane span.
FINIS.
THE TABILL
¶ A.
- ALL Meit and drink was creat
- 16
- All Christin men tak tent and leir
- 22
- Allace that same sweit face
- 56
- At the Riueris of Babylon
- 99
- All myne hart ay this is my sang
- 121
- Allone I weip in greit distres
- 129
- Allace vnkyndlie Christ we haue exilit
- 161
- All my Lufe leif me not
- 192
- All Christin and Faithfull
- 194
¶ B.
- BLISSIT is he quhōe God dois correct
- 28
- Be blyith all Christin men and sing
- 40
- Blis blissit God
- 65
- Blissit ar thay that sittis in Goddis dreid
- 113
- Baneist is Faith now euerie quhair.
- 155
- Blenk in this Mirrour man and mend.
- 198
¶ C.
- CHRIST Bapteist was be Iohne
- 12
- Cum heir sayis Goddis Sone to me
- 25
- Christ Iesus gaue him self to die
- 5 [...]
- Christ thow art the licht of day
- 126
- Christ is the only Sone of God
- 127
- Christ Iesus is ane A. per C.
- 128
¶ D.
- DOVN be ȝone Riuer I ran▪
- 147
¶ F.
- FAITHFVLL in Christ vse ȝone riches
- 35
- Fra deip O Lord I call to the.
- 98
- For lufe of one I mak my mone
- 114
- For our gude man in heuin dois King
- 173
¶ G.
- GIF ȝe haue rissin from deid againe
- 69
- God for thy grace thow keip no moir
- [...]0
- Greuous is my sorrow
- 132
- Go hart vnto the Lamp of licht
- 142
- God send euerie Preist ane wyfe
- 163
¶ H.
- HELP God the former of all thing
- 37
- Hay let vs sing and mak greit mirth
- 61
- Haue mercy on me God of micht
- 104
- Hay now the day dall [...]
- 168
¶ I.
- I COME from heuin to tell
- 43
- In dulce iubilo.
- 47
- I call on the Lord Iesus Christ
- 57
- In Burgh and land
- 62
- I will the lufe my gracious Lord and King
- 100
- In [...]ill ane mirthfull Man morning
- 120
- Iohne cum kis me now
- 138
- I am wo for thir wolfis sa wylde
- 159
¶ K.
- KNAW ȝe not God Omnipotent
- 183
¶ L.
- LORD God thy face and word of grace
- 49
- Lord let thy seruand now depart
- 51
- Lord Father God that gaue me lyfe
- 65
- [Page]Let vs reioyce and sing
- 73
- Lord let me neuer be confoundit.
- 41
¶ M.
- MOYSES vpon the Mont Sinay
- 7
- My lufe murnis for me
- 122
- My Saull dois Magnifie the Lord
- 125
- Musing greitly in my mynde
- 145
- Musing greitly in my mynde.
- 155
¶ N.
- NOW let vs sing with ioy and mirth.
- 66
¶ O.
- OVR Father God Omnipotent
- 10
- Our Sauiour Christ King of grace
- 15
- Onlie to God on heich
- 47
- Of mercy ȝit he passis all
- 59
- Of thingis twa I pray the Lord
- 64
- O Lord how lang for euer will thow forȝet
- 78
- O Lord quha sall in heuin dwell with the
- 78
- O Lord aduert vnto my voyce
- 86
- O God be mercyfull to vs
- 199
- Our brother let vs put in graue
- 14 [...]
- O Christ quhilk art the licht of day
- 151
- Of the fals fyre of Purgatorie
- 163
- O man ryse vp and be not sweir
- 119
- O man behald this warldis vaniteis.
- 201
¶ P.
- PRAY God for grace my lafe maist.
- 146
- Preistis in Christ beleue.
- 170
¶ Q.
- QVHA can discriue or put in writ
- [...]8
- Quha suld my Mel [...]e amend
- 72
- Quhat is the caus O God Omnip.
- [...]4
- Quha on the hiest will depend
- 93
- [Page]Quhen fra Egypt departit Israel
- 95
- Quho is at my windo, quho.
- 116
¶ R.
- RICHT soirlie musing in my mynde
- 54
- Richt soir opprest I am
- 54
- Remember man.
- 175
¶ S.
- SOIR I complaine of Sin
- 19
- Sinneris vnto my sang aduert
- 30
- Saue vs gude Lord
- 76
- Say weill is throuchly a worthie
- 181
¶ T.
- TO vs is borne ane barne of blis
- 45
- Till Christ quhome I am haldin
- 52
- The grace of God appeiris now
- 63
- The Lord is my Pastor
- 79
- Thow sall not follow
- 83
- Till trew in hart God of Israel
- 68
- The Lord sayis I will schaw
- 129
- The Hethin folk Lord
- 101
- Tell me now and in quhat wise
- 123
- The Bischop of Hel [...] brak his neck
- 158
- The wind blawis cauld
- 166
- The Paip that Papane full of pryde
- 178
¶ W.
- WE trow in God allanerlie
- 9
- We thank the God of thy gudnes
- 18
- We wretchit sinneris pure
- 21
- We suld into remembrance
- 60
- We suld beleue in God abuse
- 63
- Wird heuie hart full of distres
- 148
- Welcum Lord Christ
- 150
- With huntis vp
- 152