❧ THE .xiii. Bukes of Eneados of the famose Poete Virgill Translatet out of Latyne verses into Scottish metir, bi the Reuerend Father in God, Mayster Gawin Douglas Bishop of Dunkel & vnkil to the Erle of Angus. Euery buke hauing hys perticular Prologe.
¶ Imprinted at Londō 15 [...] ▪
¶ The Preface.
LAude,
A Cōmendation of Virgyll
honoure, prasing, thankis infiniteTo the, and thi dulce ornate fresch endite
Maist reuerend Virgil, of latine poetis prince
Gem of ingyne, and flude of eloquence
Thou peirles peirle, patron of poetry
Rots, register, palme, laurere, and glory
Chosin Charbukill, cheif floure, and Cedir tre
Lanterne, lade sterne, myrrour, and a per se
Maister of maisteris, swete sours and springand well
Wide quhare ouer all, ringis thyne heuinly bell
I mene thy crafty werkis, curious
Sa quyk lusty and maist sententius
[...]lesand perfyte, and selabill in all degre
As quha the mater behelde, afore there. E.
In euery volume, quhilk the list to write
Surmonting fer all,
A comparison.
vther maner enditeLike as the rois, in Iune with hir sueite smell
The Marigulde or Dasy, doith excell
Quhy suld I than, with dull forhede and vane
With rude ingyne, and barane emptiue brane
With bad harsk speich, and lewit barbare toung
Presume to write,
The Auethoris humilytie.
quhare thy sueit bell is roungOr counterfete sa, pretius wordis deir
Na na not sa, bot kneil quhen I them here
For quhat compare, betuix myd day and nycht
Or quhat compare, betuix mirknes and lycht
Or quhat compare is, betuix blake and quhit
Fer greter defference, betuix my blunt endite
And thi scharpe fygurate, sang virgiliane
So wiselie wrocht, vythoutyne word in vane
My wauering wit, my cunnyng febill at all
My mynd misty, [...] may not mys ane fall
Stra for thys ignorant, blabering Imperfite
[Page] Beside thy polist termes, redymyte
And netheles with support, and correctioun
For naturale luf, and freyndly affectioun
Quhilkis I bere, to thy werkis and endite
All thoucht god wate, I knaw tharin ful lyte
And that thy facund sentence, mycht be soung
In our langage, als weill as latyne toung
Als weil na na; Impossibil be perde
ȝit with thy leif, Virgil to follow the
I wald, into my vulgare rurale grose
Write sum sauoring, of thy Eneados [...]
Bot sare I drede, for to distene the quyte
Throw my corruppit cadence, imperfyte
Distene the na forsoth, that may I nocht
Weill may I schaw, my bureil bustious thocht
Bot thy werke shall endure, in laude and glorie
But spot or falt, condigne eterne memorie
Thocht I offend, vnwennyt is thy fame
Thyne is the thank, and myne salbe the schame
Quha may thi versis follow, in all degre
In bewte sentence, and in grauite
Nane is nor was, nor ȝit salbe trowe I
Had, has, or sall haue sic craft in Poetry
Of helicon so drank,
In Tatyne roung Vyrgill excellis all other Poetis both in sentence and eloquence
thou dry the fludeThat of thy copious fouth, or plenitude
All men purchesce drink, at thy suggerit tone
So lamp of day thou art, and schynand sone
All vtheris one force, mon thare lycht, beg or borowe
Thow art wesper, and the day sterne at morowe
Thow Phebus, lichtuare of the Planetis all
I nat quhat deulie, I the clepe sall
For thou art all and sum, quhat nedis more
Of latyne Poetes, that sens war of before
Of the writis macrobius, sans fail
[Page ii] In his grete volume clepit, saturnale
Thy sawis in sic eloquence, dois flete
So inuentiue of rethorik, fluris swete
Thow art, and has, so hie profound sentence
Tharto perfyte, but ony indigence
That na louingis,
He is happye, whose [...]ame nother prayse reprou [...]e [...] enuye can distayne.
may do incres thy fameNor na reproche, dymynew thy gude name
Bot sen I am compellid, the to translait
And not onlie of my curage, god wate
Durst I interprise, sic outragious folie
Quhare I offend, the lesse reprefe serf I
And that ȝe knaw, at quhais instance I tuke
For to translate this maist excellent buke
I mene Virgillis volum maist excellent
Set this my werk full febill be of rent
At the request, of ane Lord of renowne
Of ancestry nobill, and Illustir baroun
Fader of bukis, protector to science and lare
My speciall gude Lord Henry, Lord Sinclare
Quhilk with grete instance, diuerse tymes sere
Prayit me stranslaite Virgill, or Homere
Quhais plesoure soithle, as I vnderstude
As nere conionit, to his lordschip in blude
So that me thoch, this requeist ane command
Half disparit thys werk, I tuke one hand
No [...] fully grantand, nor anys sayand ȝe
Bot onlie to assay, how it mycht be
Quhay mycht ganesay, ane Lorde sa gentill and kynd
That euer had ony courtasy, in thare mynd
Quhilk besyde his innatiue policy
Humanite curage fredome and cheuelry
Bukis to recollect, to reid and se
Has grete delite, as euer had Ptholome
Quharfor to his nobilite, and estate
[Page] Quhatso it be, this buke I dedicate
Writt [...]n in the langage, of Scottis natioun
And thus I mak, my protestatioun.
FIrst I protest,
A protestacion to the Reader.
gud Readers be ȝour lestBe weill auisit, my werk or ȝe repreif
Consider it werly, rede ofter than anys
Weil at ane blenk, sle poetry not tanc is
And ȝit forsoith I set, my besy pane
(As that I couth) to mak it, brade and plane
Kepand no sodroun, bot oure awin langage
And speke as I lerned, quhen I wes ane page
Na ȝit so clene, all sudroun I refuse
Bot sum worde I pronuce, as nychboure dois
Like as in latine bene, grewe termes sum
So me behuffit quhilum or be dum
Sum bastard latyne, Frensche or ynglis ois
Quhare scant wes scottis, I had nane vthir chois
Not that oure [...]oung, is in the selu [...] skant
Bot for that I, the fouth of Langage want
Quhare as the cullour, of his propirte
To keip the sentence, thareto constrenit me
Or that to mak my sayng, schort sum tyme
Mare compendius, or to likly my ryme
Tharfor gude freyndis, for ane gympe or ane bourd
I pray ȝou note me not, at euery worde
The worthye clerk; hecht laurence of the vaile
Amang latyne ane, grete clerk sans faile
Grantis quhen twelf, ȝeris he had bene diligent
To study virgil scant, knew he quhat he ment
Than thou or I my freynde, quhen we best wene
To haue virgil red, vndirstand and sene
The richt sentence, perchance is fer to seik
This werk tuelfȝeris, first was in making eik
And not corecke quhen, the poete can deceis
[Page iii] Thus for small faltis, my wise freynde hald thy pece
Adherand, to my protestacioun
Thoch wylliame Caxtoun, had no compatioun
Of Virgill in that buk,
[...].
he preyt in proisClepand it Virgill, in Eneados
Quhilk that he sayis, of Frensche he did translait
It has na thing ado, therwith God wate
Nor na mare like than the Deuil, and sanct Austin
Haue he na thank tharfore, bot lois his pyne
So schamefully, the storie did peruerte
I reid his werk, with harmes at my hert
That sic ane buk, but sentence or ingyne
Suld be intitulit▪ eftir the poete diuine
His ornate goldin versis, mare than gylt
I spitte for disspite, to se thame spylt
With sic ane wicht, quhilk treuly be myne entent
Knew neuir thre wordis at all, quhat virgill ment
So fer he chowpis, I am constrenyt to flyte
The thre first bukis, he has ouerhippit quyte
Saiffing ane litill, twiching polidorus
And the tempest, set furth by Eolus
And that full simpilly, on his owin gyse
Virgill thame wrate, al on ane vther wyse
For Caxtoun puttis, in his buke out of tone
The storme furth sent, by Eolus and Neptone
Bot quha sa redis Virgill, soithfastly
Sall fynd Neptone, sayffit Eneas nauy
Me list not schaw, quhow the storie of Dido
Be this Caxtoun, is hale peruertit so
That besyde quhare he fenis, to follow bochace
He rynnys so fer fra Virgill, in mony place
On sa prolixt, and tedious fassyoun
So that the ferd buke, of Eneadoun
Twiching the luf and dede, of Dido quene
[Page] The tua part of hys volume, doth contene
That in the text of Virgill, traistis me
The tuelf part skars contenis, as ȝe may se
The fyft buke, of the feistis funerall
The lusty gammys, and playis palestrall
That is ouer hippit, quite and left behind
Na thynge therof, ȝe sall in Caxtoun fynd
The sext buke eik, he grantis that wantis hale
And for therof, he vnderstude not the taile
He callis it fenȝete, and nocht for to beleif
Sa is all Virgill perchance, for by his leif
Iuno nor Venus goddis neuer were
Mercury, Mars, Neptune nor Iupiter
Of fortun eik, nor hir necessite
Sic thingis not attentik, ar wate we
Nor ȝit admittis, that quent Philosophye
Haldis saulis Hoppis, fra body, to body
And mony thingis, quhilk Virgil did rehers
Thocht I them write, furth followand his vers
Nor Caxtouns schrinkes not, sic lyke things to tel
As not war fabil, bot the passage to hell
Bot traistis wele,
vnder derk Poetrye is hid great▪ wisdome and lernīg
quha that ilk sext buk kneweVirgil tharin, ane hie Phylosophoure him schew
And vnder the cloudis, of dirk poetry
Hyd lyis thare mony, notabill Historie
For so the Poetis, be thare craftye curys
In similitudis, and vthir quent figuris
The soithfast mater, to hide and to constrene
All is not fals, traist weil in cace thay fene
Thare art is so, to make thare werkis fare
As in the ende of virgill I sall declare
Was it not eik als possibill Eneas
As Herculus or Theseus, to hell to pas
Quhilk is na gabbing, su [...]hly nor na lye
[Page iiii] As Ihone bochas, in the genologie
Of goddis declaris, and like as ye may reid
In the recollis of Troye, quha list take hede
Quha wate, gif he in visioun thidder went
By arte magik, Sorcery, or enchantment
And with his faderis saul, did speik & mete
Or in the liknes of sum vther spreit
Like as the sprete of Samuell I ges
Rasit to Kinge Saul, was by the Phitones
I wyll not say, all Virgill bene als trewe
Bot at sic thinges ar, possibill this I schewe
Als in they dayis, war ma illusiouns
Be Deuillis werkis, and coniuratiouns
Than now thare bene, sa can clerkis determe
For blissit be god, the faith is now mare ferme
Inewch therof, now will I no more sayne
Bot vnto Caxtoun, thus I returne agane
The names of Cieteis, or pepyll bene so bad
Put be this Caxtoun, bot that he had bene mad
The flude of Touer, for tyber he had write
All men may knaw, thare he forueyit quyte
Palent the ciete, of Euander King
As virgill planely, makis rehersing
Stude quhare in rome, now standis the cheif palice
The samyn buke, eik in, mare heit malice
One the self ryuer of touir, says planelye
Eneas did, his ciete edifie
Thus aye for Tiber, Touer puttis he
Quhilk mony hundreth mylis sundry be
For sikkirly les, than wyse authoris leyne
Eneas saw neuer Touer, with his Ene
For Touer diuidis, grece from vngary [...]
And Tiber is cheif flude, of Italye
Touer is kend, ane grane of that riuer
[Page] In Latyne hecht, Danubium, or [...]
Or gif it be Tanayis, he clippis sa
That flude diuidis Ewrope, fra Asia
Elikewise eik, this Caxtoun all in vane
Crispina, clippis Sibilla, Cwmane
That in the text of Virgil, traistis vs
Hate Deyphebe, Douthter of Glantus
Quhilk was Eneas, conuoyar to Hell
Quhat suld I langer, on his errouris duell
Thay bene so plane, eik and sa mony fold
The hundreth part therof, I leif vnfold
The last sext buke of Virgil, al in feris
Quhilk contenis, strang battellis and weris
This ilk Caxtoun, so blaitlye lattis ouer slip
I hald my toung for schame, bitand my lip
The grete affers, of athir oist and arraye
The armour of Eneas, fresche and gaye
The Quent, and curious castis poeticall
Perfyte similitudis, and examplis all
Quharin Virgil beris, the palme and lawde
Caxtoun for dreid, thay suld his lippis skaude
Durst neuer twiche this vark, for laike of knalage.
Becaus he onderstude, not Virgils langage
His buk is na mare like Virgil, dar I lay
Than the nyght oule, resemblis the papingay
Quharfor ȝou gentill Redaris,
Exhortacion to the Reader.
I beseicheTraist in na wise, that this my werk be siche
Quhilk did my best, as the wit mycht atteyne
Virgillis versis to follow, and na thing feyne
ȝe worthie nobillis, redis my werk for thy
And cast this vther buke, on syde fer by
Quhilk vnder cullour, of sum strange wycht
So frensihly leyes, vneth tuo wordis gais rycht
I nold ȝe traist I said, thys for dyspite
[Page v] For me lyst wyth no man, nor bukis flyite
Nor wyth na bogill, nor browny to debaite
Nowthir auld gaistis, nor spretis dede of lai [...]
Nor na man will I lakkin, nor dyspyse
My werkis till authoris, be sic wise
But twiching Virgyllis honoure and reuerence
Quho euer contrary, I mon stand at defence
And bot my buke, be foundin worth sic thre
Quhen it is red, do warp it in the seye
Thraw it in the fire, or rent it euery crum
Twiching that parte,
[...] vnto vnlerned people / whose rudnes cannot onderstand vyrgil.
lo here is all and sumSyne I defende, and forbiddis euery wicht
That can not spell, ther pater noster richt
For to correct, or ȝit a mend Vyrgill
Or the translater blame, in his vulgare style
I knaw quhat pane was, to follow him fute hate
Albeit thou think my saying, intricat
Traist weil to folow, ane fix sentence or mater
Is rare practike, difficul and fer strater
Thocht thyne ingyne, be eleuate and hie
Than for to wryte, all wayis at liberte
Gif I had not bene, to ane boundis constrenit
Of my bad wit, perchance I thocht haue fenis
In ryme ane ragmen twise als curiouse
Bot not be tuentye part, sa sentencius
Quha is attaychit, vnto ane staik we se
May go no forther, but wreil about that tre
Rycht so am I, to virgyllis text ibound
I may not fle, les then my fault be found
For thocht, I wold transcend, and go besyde
His werk remanis, my schame I can not hide
And thus I am constrenit, als nere as I may
To hald his verse, and go nane vthir way
Les sum Historie subtell worde or ryme
[Page] Causis me mak, degressioun sum tyme
So thocht in my translatioun, eloquence skant is
Na lusty cast of Oratry, Virgill wantis
My studious brane, to comprehend his sentence
Lete me neuer taist his flude, of eloquence
And thus forsoith, because I was not fre
My werke is mare obsure, and gros perde
Quharof god wate, Virgil has not the wyte
Thocht myne be blunt, his text is maist perfite
And ȝit persaue I weile,
Vyrgilys workis at meit for wise and lerned men and not for the comon people
be my consateThe King of Poetis, ganis not for rurall estate
Nor his fresche memor, for bowbardes he or scho
Quha takis me not, go quhare they haue ado
The sonnys licht, is nauer the wers traist me
All thochte the bak, his bricht beames doith fle
Grene gentill engynis, and breistis curagious
Sic ar che Pepill, at ganys best for vs
Our werk desiris, na lewit rebaldale
Full of nobilite, is thys storie alhale.
For euery vertew, belanging an nobyll man
This ornate Poete, bettir than ony can
Pantand distriuis, in persoun of Eneas
Not for to say, sic ane Eneas was
ȝit than be him perfitly blasonis he
All worschip,
The soum of hole virgill, quhilk s [...]ttis furthe Eneas a Prince full of all kind of verteus / to be exampill & myrrour / to euerye Prince & nobyl man
manhed and nobiliteHe hated vice, abhorring craftineis
He was a myrrour of vertew, and of grais
Iust in his promys euer, and stout in mynd
To god faythfull, and to his frendys kynd
Verteous vyse, gentil, and liberall
In feates of war, excelling vderis all
With euery bounte belangand, ane gentill knicht
Ane prince, ane congueroure, or ane va [...]ȝeant wicht
In luffis cure, yneuch here sall ye fynd
[Page vi] And s [...]hortely Virgil, left na thing behind
That mycht his volume, illumyne or crafty mak
Reid Quha him knawis, I dar this vnder tak
[...]s ofte as ȝe hym reid, full weile I wate
ȝe fynde ilk tyme, sum mery new consate
Thoch venerabill chancere,
Chausers commendation.
principall poete but pereHeuinly trumpet, orlege and regulere
In eloquence ballne, condict and diall
Mylky fountane, clere strand, and rois riall
Of fresche endite, throw albioun Iland braid
In his legend of notabiliis ladyis said
That he couth follow,
Chausers fault.
word by word, virgillWisser than I may fail, in lakker style
Sum time the text, mon haue ane exposicioun
Sum tyme the coloure, will cause ane litill addicioun
And sum tyme of ane word,
Vyrgil [...] so sentencious that he cannot be translated worde by worde.
I mon tak threIn witnes of this terme, oppetere
Eik weill I wate certayne, expositouris sere
Makis ane text, sentence diuers to here
As thaym apperis, according thare entent
And for thar part schawis, ressonis euident
All this is ganand, I will weile it sa be
Bot ane sentence to follow, may suffice me
Sum tyme I follow the text, als nere I may
Sum tyme I am constrenit, ane vther way
Besyde Latyne, our langage is imperfite
Quhilk in sum part, is the cause and the wyte
Quhy that Virgillis vers, the ornate bewte
In till our toung, may not obseruit be
For thar bene Latyne wordes, mony ane
That in our leid ganand, translation has nane
Les than we mynnis, thare sentence and grauite
And ȝi [...] skant weil exponit, quhay trowis not me
Lat thaym interpret Animal, and Homo.
[Page] With mony hundreth, other termes mo
Quhilk is in our langage, soithly as Iwene
Few men can tell cleirly, quhat thay mene
Betuix genus sexus, and speties
Diuersite in our leid, to seik Iceisse
For obiectum, and subiectum, alsua
He was expert couth fynd, me termes tua
Quhilks ar als ryff, amang clerkis in sculis
As euer foulis plungit, in lake or pulis.
Logitianis knawis, her in myne entent
Vnderquhais boundis lurkis mony strange went
Quhairfor the proces as now, we mon lat be
Bot ȝit twiching, our tongis penurite
I mene vnto compare, of fare latyne
That knawin is maist, perfite langage fyne
I mycht also percais, cum lidder spede
For arbor or lignum, in till our lede.
To fynde different, propir termes twane
And tharto put, circulotucioun nane
Rycht so by about, speich often tymes
And semblabill wordis, we compyle our rymes
God wate in Virgill, ar termes many an hunder
For till expone, maid me ane felloun blunder
To followe ala [...]erlye Virgilis, wordes I weyne
Thare suld few vnderstand me, quhat I meyne
The bewte of his ornate, eloquence
May not al tyme, be kepit wyth the sentence
Sanct Gregoure als, forbiddis vs to translate
Word eftir word, but sentence folow algate
Quha halis quod he, the wordes of properteis
Ful oft the verite of the sentence sleis
And to the samyn properteis, we may apply
Horatius, in his art of poetry
Preis not sais he, thou traist interprete
[Page vii] Worde efter word, to translate the mater
Lo he repreuis, and haldis myssemyng
Ay worde by worde, to reduce ony thing
I say not this of chaucere, for offence
Bot till excus my lewit, insuffitience
For as he standis beneth virgill, in gre
Vnder him als, for I grant my self to be
And not the les, into sum case, quha kend it
My maister Chaucere, gretelie virgil offendit
And thocht I be to bald, him to repreif
He was fer balder, cirtes by his leif
Saying he followit, virgillis lantern to forne
How Eneas, to Dido was forsworn
Was he forsworne, than Eneas was fals
That he admittis, and callis him tratour als
Thus wenyng allone Enee, to haue repreuit
He has greitlie, the prynce of poetes greiut
For as said is, virgil did diligence
But spot of cryme, reproche or ony offence
Eneas for to loif, and magnifye
And gif he grantis, him manesworne foulely
Than all his cure, and crafty ingyne gais quyte
His tuelf ȝeris laubouris, war not worth ane myte
Cirtis virgil schawis,
Gods wyl and commaūdemēt shuld euer be prefered and haue the first place in all mens actions & doynges.
Enee did no thyngFrom Dido of cartage, at his departing
But quhilkis the goddis commandit, made him to forne
And gif that thare command, made him mansworne
That wair repreif, to thare diuinite
And na reproche, vnto the said Enee
Als in the feist, quhare Ilioneus
Spekis to Quene Dido, sais he not thus
Thare cours by fate, was set to Italie
Thus mycht scho not pretend, na iust cause quhi
Thoucht troianis eftir, departis of cartage
[Page] Sen thay before declarit hir, thare vayage
Reid the ferde buke, quhare Quene Dido is wraith
Thare sal ȝe fynd, Enee maid neuer aith
Promit nor band, wicht hir for to abide
Thus him to be mansworne, may neuer betyde
Nor nane vnkindnes, schaw for to depart
At the bidding of Ioue, with reuthful hart
Sen the command of God, obey suld all
And vnder his charge, na wrangus deid may fall
Bot sikkerlie of ressoun, me behuffis
Excuse Chaucere, fra all maner repruuis
In louing of the Ladyis, Lilly quhite
He set on Virgil, and Eneas, this wyte
For he was euer god wate, all womannis freynd
I say na mare, but gentil redaris heynd
Lat all my faltis, with this offence pas by
Thow Prince af Poetis, I the mercy cry
I mene,
Inuocaciō to God.
thou King of Kinges, Lord eterneThow be my muse, my gidare, and laid sterne
Remitting my trespas, and euery mys
Throu christ thy sone,
The werk that beginnes not of God can neuer haue prosperyus succes.
bring vs to hewynly blysAfald godhede ay, lesting but discrepance
In personis thre, equale of ane substance
On the I cal, with humyl hart and milde
Caliope, nor payne, goddis wilde
May do to me no thing, bot harine I wene
In christ I trest, borne of the virgine Quene
Thou Saluiour of mankind, be mye muse
That neuer ȝit, na sinful list refuse
Quhilk the besocht, deuotelie for supple
Albeit my lang, to thy hie maieste
Accordis not, ȝit condiscend to my write
For thy excelland mercy, and loue perfite
Thou holy g [...]st, confort and sanctifye
[Page viii] My spret to ende, this wark to thy glory
Bot forthirmare, and laware till discend
Forgif me Virgill, gif I the offend
Pardoun thy scolar, suffer him to ryme
Sen thou was but, ane mortall man sum tyme
In cais I fail, haue me not at disoenȝe
Thocht I be lew [...], my leile hart can not fenȝe
I sall the follow suld I, tharfor haue blame
Quhay can do better,
It is more easy to [...] proue.
say furth on goddis nameI schrink not anys,
A good worke then to make or do a good worke.
correkkit for to beWith ony wycht, groundst on charite
And glaidlie wald I, baith inquire and lere
And to ilk cunnand wicht, la to myne ere
Bot laith me war, but vther offences or cryme
Ane rural body, suld intertrik my ryme
Thocht sum wald swere, that I ye text haue waryit
Or that I haue this volume, quite mystaryit
Or threpe planelie, I come neuer nere hand it
Or that the werk is werst, that euer I fand it
Or ȝit gewe, Virgil stude wele before
As now war tyme to schift the werst ouer skore
Ellis haue I said, thare may be na compare
Betuix his versis, and my stile vulgare
All thoch he stand, in latine maist perfyte
ȝit stude he neuer weil, in our toung endite
Lest than it be by me, now at this tyme
Gif I haue failȝeit, baldlie repreif my ryme
Bot first I pray ȝou grape, the mater clene
Reproche me not, quhill the werk be ouer sene
Be not ouer studyous, to spy ane mote in myn. E
That in ȝour awin, ane ferrye bot can not se
And do to me, as ȝe wald be done to
Now hark schirris, thare is na mare ado
Quha list attend, gyffis audience and draw nere
[Page] Me thocht virgil,
A good cō sell for euery man to do as they wolde be done vnto.
begouth in this manereI the ilk vmquhilis, that in the small ait rede
Toned my sang syne, fra the woddis ȝede
And feildis about, taucht to be obeysand
Thocht he war gredy, I to be bissy husband
Ane thankfull werk maid, for the plewmans art
Bot now the horrible sterne, dedis of marte.
❧ The contentes of euery buke.
i THe first contenis, how the prince Enee
And troianis war, driue vnto cartage ciete.
ii. The secund buke schawis, the finale Enuoye
The grete myscheif, and subuersioun of troye
iii. The third, tellis how fray troyis cite
The troianys caryit wer, throw out the se.
iiii. The ferd, rehersis of fair Quene Dido
The double woundis, and the mortall wo
v. The fift contenis, funerall gammys glaide
And how the fire, the nauy did inuade
vi Into the sext buke, syne dois virgil tell
how that Eneas went, and wesyit hell
vii. The seuynt, Enee bringes to his ground fataile
And how Italianis, troianis schupe to assaill.
viii. Vnto Enee, geuis the auchten buke
Baith fallowschip, and armoure, quha list luke
ix. Dawnus son tu [...]nus, in the nynte tak tent
Segeis new troye, Eneas tho absent
x. The tent Declaris, by the coist attanis
The batell betuix, tuskanis and rutulianis
xi. In the leuenth, rutulianis bene ouer set
By the deceise of Camylla, Deun bet
xii. The tuelf makis and ende of all, the were but dout
Throw the slauchter, of turnus sterde and stout
xiii. The las [...] ekit virgillis, nowmer euin
By mapheus conuoyis, Enee til heuin.
Finis.
The first Booke of Eneados.
¶The poete first, proponyng his entent
Declaris Iunois wrath, and matalent.
THe battellis and the man,
The proposition of the hole work [...].
I will discriueFra Troyis boundis, first that fugitiue
By fate to Italie, come and coist lauyne
Ouer land and se, cachit with meikill pyne
Be force of goddis aboue, fra euery stede
Of cruel Iuno, throw auld remembrit feid
Grete payne in batelles, sufferit he also
Or he his goddis, brocht in latio
And belt the ciete, fra quham of nobil fame
The latyne peopill, taken has thare name
And eik the faderis, princis of Alba
Come,
Inuocatione.
and the walleris, of grete rome AlsuaO thow my muse, declare the causis quhy
Quhat maiesty offendit, schaw quham by
Or ȝit quharefor of goddis, the drery Quene
So feil dangeris, sic trawell maid sustene
Ane worthy man, fulfillit of pietie
Is thare sic greif, in heuinlie myndes one hie
Thare was ane ancient ciete,
Narratiōe [...]hewinge the causes wherfore / Iuno Henderid the Troians.
hecht cartageQuham hynis of Tire, held in heritage
Inemye till Italie, standing fare and plane
The mouth of lang tyber, ouer forgane
Mychty of nobillis, fule of scules sere
And maist expert, in crafty fait of were
Of quhilk ane land Iuno (as it was said)
As to hir speciall aboue, all otheris maid
Hir natiue land, for it postponis sche
Callit samo in cartage, set hir se
Thar war hir armes, and here stude, eik hir chare
This goddes ettillit gif werdes, war not contrare
This realme to be, superior and maistres
[Page] To all ladis, bot cirtes netheles
The fatale sisters, reuolf and schaw sche kend
Of troiane blude, ane pepill schuld discend
Valȝeand in ware, to regne wyde quhare and syne
Cartage suld bring, vnto fynale rewyne
And clene distroye, the realme of Libia
This dredand Iuno, and ferthirmare alswa
Remembrand, on the mortall anciant were
That for the grekis to hir leif and dere
At Troye, lang tyme sche led before that day
For ȝet the cause of wraith, was not away
Nor cruell harme forȝet, ne out of mynd
Full depe ygrauen, in hir breist vnkynd
The Iugement of Paris, how that he
Preferrit Venus, disprising hir bewte
Als troiane blude, to hir was odious
For Iupiter, engenerit Dardanus
Fra quham the troianis come in adultre
And Ganymedes, reuyst abo [...]e the sky
Made hym his butler, quhilk was his douchters offyce
Iuno inflammit, musing on thir casis nyse
The quhile ouresey, that sal [...]s the troianis
Quhilk is had the dede, eschapit and remanis
Wuslane of Grekis, or the fers Achil
Sche thame fordriuis, and causis oft gowyll
Frawart Latyn (quhilk now is Italy)
By fremyt werde, full mony ȝeris thareby
Cauchit and blaw, wide quhare all seyis about
Lo h [...]w grete cure, quhat pane trauell and dout
Was to begyn the wourthy,
The occasione and counsal of Iuno to reuenge
Romanis bludeAnd as the troianis, frakkis ouer the flude
Skars from the sicht of Cicilly the land
Wyth bent sale ful rycht merely, saland
Thare steuynnys stowrand, fast throw the salt fame
[Page x] Quhen that Iuno,
hir self on the Troyanis.
to hir euerlasting schameThe eterne wound, hid in her breist ay grene
Vnto hir selfe thus spake, in propir tene
Is this ganand,
Proposicion [...].
that I my purpois faileAs clene ouercum, and may not fra Itale
Withhald this king, of troy and his nauye
Am I abandonit, with sa hard a destany
Sen pallas mycht, on Grekist ak sic wraik
To birn thare schyppis, and all for anis saik
Droun in the seye, foraiax oilus wrang
From Iupiter, the wilde fyre down sche flang
Furth of the cloudis, distrois thare schyppis all
Ouerquhelmit the sey, with mony wyndy wall
Aiax peirsit gaspand, and furth flamand smoke
Sche with anechud, stikkit on ane scharpe rok
Bot I the quhilk, am clepit of goddis quene
And vnto Ioue, baith spous and sister schene
With ane pepill, sa fele ȝeris wer fall lede
Quha sall fra thens, adorne in any stede
The power of Iuno, or alteris sacrifye
Gif I ouercummyne, be this schamefully
☞ How dame Iuno / till Eolus cuntre went
And of the storme on the Troianis furth sent.
ANd on this wise, with hart burning as fyre
Musing alone, full of malice and rye
To Eolus cuntre, that wyndy regioun
Ane brudy land, of furius stormy soun
This goddes went, quhare Eolus the kyng
Ingousty cauis, the windis loud quhisling
And braithlie tempestis, by his power refanys
In bandis hard, schet in presoun constrenys
And thay hereath, auand full gret disdene
Quhill all the hyll resoundis, quhrine and plene
[Page] About thare clousouris brayis, with mony ane rare
King Eolus set heich, apoun his chare
With scepture in hand, thare mude to meis and still
Temperis thare yre, les thai suld at thare will
Bere with thare bir, the skyis, and driue about
Erde, are, and seye, quhen euer thou list blaw out
Thus the hye fader almyghty, in Cauis dirk
Their wyndis hid, for drede sicwrangis that w [...]rk
And thare aboue set, wechty hillis huge
Gaif thame ane king,
The office of a prince.
quhilk as thare lorde and IugeAt certane tyme thayme stancheing, and with hald
And at command mycht also, quhan he wald
Let thaym go fre at large, to blaw out brade
To quham as than lau [...]y,
The orisō. of Iuno to Eolus.
thus Iuno saidEolus, ane pepill vnto me innemye
Salis the sey tuskane,
Narratiōe
caryand to ItalieThare Vincust hamald goddis, and Ilione
Bot sen the fader, of goddis euery one
And King of men, gaif the power quod sche
To meis the flude, and rais with stormes hie
Inforce the windes synk,
Petitione.
all thare schippis in fer▪Or skattir them wyde, quhare in countreis sere
Warp all thare bodyis, in the depe bedene
I haue quod sche,
A promys [...] of reward.
lusty ladyis fourteneOf quham the formest, clepit diope
In ferme wedlock, I sall conione to the
For thi reward, that lilly quhite as sware
With the for to remane, for euer mare
Quhilk propir spous,
The frute of mariage
and eik thy lady myldeSall make the fader, to mony fare childe
Eolus ansueris, o thou my lady Quene
Quhat you desiris, to the it doith pertene
For to deuise, and me behuffis thy command
Obey for thou the sceptoure, geuis me in hand
[Page xi] Of all this realme, quhat so it be and oft
Iupiter with me consideris, and full soft
Causis me feist, amang the goddis at rest
And makis me maister, of windis and tempest
Be this was said,
A discription of the the tempest
ane grundyn dart let he glydeAnd persit the bois hill, at the brade syde
Furth at the Ilk porte, the wyndis brade in ane route
And with ane quhirle, blew all the erde about
Thay vmbeset the seyis, bustuously
Quhill fra the depe, til euyrye coist fast by
The huge wallis weltres apon hie
Rowit at anis, with stormes and wyndis thre
Ewrus Nothus, and the wynd aphricus
Quhilk Eist, South and West, wyndis hate wyth vs
Sone eftir this, of men the clamor rais
The takillis grassillis, cabillis can frate and frais
With the cloudis, heuynnys son and dayis lycht.
Hid and brest out, of the troianis sycht
Derknes as nycht, beset the see about
The firmament, gan rumyllyng rare and rout
The skyis oft lychtned with fyry leuyn
And schortlie, baith are see and heuyn
And euery thyng manissis, the men to de
Schewand the dede present, before thare E.
❧ How Eneas was / with the tempest schaik
And how Neptune his nauy / sauit fra wraik.
BElife Eneas membris,
Eneas exclamations being in great per [...]ell of the see.
schuke for cauldAnd murnand, baith his handis vp did hald
Towart the sternes, with pietuous voce thus can say
O seuin tymes, how happy, and how happy blist war thay
Vnder hie wallis of troy, be dynt of swerde
Deit in thare faderis sycht, bytand the erde
O you of gret, maist forty diomede
[Page] Quhy mycht I not on feildis of Troye, haue deid
And by thy rycht hand, ȝaldin furth my sprete
Quhare that the valȝeand Hectour, loist the swete
On Achilles spere, and Grislie serpedoun
Quhare vnder the flude, of Symois meny one
With scheild and helme, staiwart bodyis lyis warpit
And all in vane, thus quhil Eneas carpit
Ane blasterand bub, out fra the north braying
Can ouer the foreschip, in the bak sail ding
And to the sternes, vp the flude can cast
The airis hathis, and the takillis brast
The schippis steuyn, thrawart hir went can wryith
And turnit hir braid syde, to the wallis swyth
Nie as ane hill, the Iaw of the watter brak
And in ane hepe come on them, with an swak
Sum hesit houerand, on the wallis hicht
And sum the souchand sey, so law gart licht
Thame scemyt the erde, opynnyt amyd the flude
The storme vp bullerit sand as it war wod
The south wind Nothus, thre schippis draif away
Amang blynd craggis, quhilk huge rokkis thay say
Amyd the sey Italianis altaris callis
And vther thre Eurus, from the deip wallis
Cachit amang the schaldis, bankis of sand
Dolorus to se them, schap of grund and stand
Like as ane wall with sand, warpid about
Ane vther in quham salit, the licianis stout
Quhilom fallowis, to king pandoure in were
And orontes Eneas, fallow dere
Before his Ene hastelye from the north wynd
Ane hidduous sey, schippit at hi [...] sterne behynd
Smat furth the skippare, clepit lewcaspis
His hede doun warppit, and the schip with this
Thryis thare the flude quhirlit, about round
[Page xii] The sowkand swelth, sanke vnder sey and dround
On the huge deip, few saland dyd appere
The Troanis armure, tabillis and vther gere
Flet on the wallis, and the strang barge tho
Bare Ilieoneus; and sche that bare also
Forcy Achates, and sche, that bare Abas
And sche quhar [...] antient, Alethes was
The storme ouerset, raif rebbis and syde semes
Thay all lekkit, the salt wattir stremes
Fast bullerand, in at euery rift and bore
In the mene quhile, with mony rowt and rore
The sey thus trublit, and the tempest furth sent
Felt neptune, and his wattir moueth and schent
The deip furth ȝett, in schaldis here and thare
Gretly commouit, out the sey can stare
His plesand hede, rasit on the hiest wall
Lukand about behaldis, the se ouer all
Eneas nauy shatterit, fer in sounder
With fludis ouer set the Troianis, and at vnder
By flaggis and rane, did from the heuin discend
Iunois dissait and Ire, full well he kend
He callit to him Eurus, and zepherus
The Eistand West wyndis,
By Neptunus oracione the tempest cesed.
and said them thusAre ȝe sa greitlye assurit in ȝour hie kin
ȝe wyndis (quod he) durst but my leif begin
Baith erde and aire, to moue on this manere
And eik the se, with sa stout stormes stere
I fall ȝou chaistice, bot me behuffis first meis
The mocioun of fludis, and thaym appese
Traist weile vnpunyst, ȝe sall me not astert
One sic ane wise, gif ȝe falt efterwart
Withdraw hens, and to ȝour kyng say ȝe
He has na power, nor aucthoryty [...]
On sepis, nor on the thre granit sceptour wand
[Page] Quhilk is by cut, geuin me to bere in hand
Hald him on craggis, and amang rochis hie
Thare is ȝour dwelling place, Eurus quod he
Bid Eolus keip him, in that hald conding
Do clois the presoun of wyndis, and thar on ring
Thus said he, and wyth that wourde hastely
The swelland seyis has swageit, and fra the sky
Gadderit the cluddis, and chaissit sone away
Brocht hame the son agane, and the bricht day
His dochter Tymothie, and his son tri [...]on
Enforsis them, the troiane schippis anon
To rais and lift, of the scharp rokkis blynd
The God him self, can hesing them behind
With his big scepture, hauand granys thre
Oppynnys schald sandis, and temperis wele the se
Ouer slidand lichtlie, the croppis of the wallis
And as ȝe se oft,
A discripcion of a sedicion of the commē people.
amang commonus fallisStriffe and debate, in there wod fuliche ire
Now fleis the stanys, and now the brandis of fire
Thair greif and furye, ministeris wappynnys plente
Bot than percace, gif they behald or se
Sum man, of grete auctorite and effers
Thay ceise, and all still standand, giffis him eris
He with his wourdis,
The frute of eloquēce
can slaik thair mynd and swageOn the samyn wyse, fell all the seis rage.
¶ How Eneas in Affrik / did aryue
And thare wyth schote / slew .vii. Dartis beliue.
AFter that the Fader of the fludis Neptune
Had on sic wyse, behaldin the sees aboue
Vnder the stabillit heuin, mouit in his chare
Slakking his renȝeis, with prosper cours and fare
Eneas and his feris, on the strand
Wery and forwrocht, sped them to nerrest land
And at the coist of Libia, arriuit he
The hauyn place with an lang hals or entre
[Page xiii] Thair is within ane Ile, Inuironit, on athir part
To brek the storme, and wallis on euery art
Within the wattir, in ane bosum gais
Bayth here and thare, standis large craggis and brais
To se the hewis on athir hand, is wounder
For hicht that semes pingill, with heuin and vnder
In ane braid sand, souir fra all wyndys blawis
Flowis the schore depe, euer stabill but ony wawis
Ane wod aboue ourheildis, with his braid bewis
And castis ane plesand sch [...]dow, ouer the clewis
Rycht ouerforgane the forrett of the bra
Vndir the hingand Rokkis, was Alsua
Ane coif, and tharin [...]resche wattir spryngand
And seatis of stane, neuir hewin with mennis hand
Bot wrocht by nature, as it ane hous had bene
For Nymphes, goddis of fludis and woddis grene
Perbrekit schyppis, bot cabillis thare mycht ryde
Nane anker nedis, make thame arreist nor bide
Of all his nauy thiddir, Eneas brocht
Bot seuin schyppys, with gret desire and thocht
To be on ground, troyanis sped them to land
As thay desirit set, softlye to the sand
Thare lichtis and lymys, in salt wattir be dyit
Strekit on the coist, spred furthbekit and dryit
Bot first Achates, slew fyre of the flynt
Kepit in dry leuis, as tunder quhil thay brynt
Syne stikkis dry, to kyndill thare about layd is
Quhill all in flame, the bleis of fyre vpbradis
Than was the quhete with fludis, chauft and wete
And instrumentis to purge it, swith out sete
For skant of vittale, the cornes in quernis of stane
Thay grand, and syne beuke at the fyre ilkane
In the mene quhyle, Eneas the banke on hie
Has clummyn wyde quhare, behaldand the large sie
[Page] Gyf ony schyp tharon micht be persauit
Quhilk late before the windis,
[...]e dis [...]iueth ane Prince to haue more care of his people thē of him self
had bewauitOr ony troiane galay, back or barge
Antheus Capis, or caitus stramaris large
Waiffand or schewand, fra thare top on hicht
Na schip he saw, bot sone he gat ane sicht.
Of thre hartis wauerand by the coistis side
Quham at the bak, throw out the grauis wyde
The mekle herdis, followit in ane rout
And pasturit, all the large vale about
Thare at the stintis, and hynt his bow in hand
Swift fleand arrowis, fast by him had berand
The traist Achates, and first the ledaris thre
Quhilk on thare hedis, bare thare tyndis hie
Smartlie he slew, syne all the rin gald persewis
With grundin arrowis, amang the thik wod bewis
And stintis not, with dartis them to bete
Quhil he to grind had brocht, seuin hartis gret
And with his schippis, thare nowmer equale made
Syne to the heuin, sped him without abade
And thame distribute, amang his feris all
The wine thare with, in veschell grete and small
Quhilk to him gaif, Acestes his rial hoist
At his departing, from Cecilly the coist
To thame he birlis, and skynkis fast but were
And with sic wordis, comfortis thare drery chere
☞ O ȝe my feris,
A constant orison of Eneas full of consolation wyth the which as a nobyl vaȝeant prynce he exhortes
and deir freyndis, quod heOf bywent perrellis, not ignorant ben we
ȝe haue susteni, greter dangeris vnkend
Like as hereof god sall make, sone ane end
The rage of silla, that huge swefte in the se
ȝe haue eschapit, and passit eik haue ȝe
The euer routand, caribdis rokkis fell,
The craggis, quhare monstruous cyclopes dwell,
[Page xiiii] ȝe are expert pluk vp ȝour harts,
[...] aduersite
I ȝou prayThis dolorus drede, expell and do away
Sum tyme hereon to think, may help perchance
By diuers casis, sere parrellis and sufferance
Vnto Itaill we ettill, quhare destanye
Has schap for vs ane rest, and quietharbrye
Predestinatis, thare troye sall ryse agane
Be stout on prosper, fortoun to remane
Si [...] plesand wordes carpand, he has forth brocht
Sett his mynd troublit, mony greuous thocht
With fenȝet confort, by his chere outwart
The dolorus paine hid depe grauin in hart
His feris has this pray, ressauit raith
And to thare meat, addressis it for to graith
Hynt of the hydis, made the boukis bare
Rent furth the entrellis, sum into tailȝeis schare
Syne brocht flikerand, sum gobbetis of lyre
Kest in caldrons, and vthir sum bet the fyre
Thame to refresch, thus all the coist on lenth
Sped thame with fude, to recouir thare strenth
On the grene gers, sat doun and fillit tham syne
Of fat venison, and nobill ald wyne
Quhen hūger thus with meatis, was chasit away
And dischis drawin lang, with lang sermon thay
Bewalit thair feris, losit on the flude
Betuix gude hope, and drede in doute they stude
quhither thay war lewād, or tholit extreme dede al
Thay ansuerit not, set thay oft plene and cal,
Bot pryncipale, the petyfull Eneas
Regrettis oft the hard fortun, and case
Of sterne orontes, now drownyt in the se
And now Amytus harme, complenis he
Now him allone, the cruell fate of Licus
Now strang gyane, now stalwart Cloanthus.
☞ How Iowe beheld / the large coistis on fer
And how Venus carpit / with Iupyter.
GOne was the day, and all thar lang sermon
Quhan Iupiter, from his hie spere adoun
Blent on the saleryfe seyis, and erth tharby
With pepyl dwelling, on the coistes fer sindry
Heich in the heuyns top, he baid houerand
And of libie, beheld graithly the land
Within his breist, on diuers curis as he thus
Musis and thinkis, vnto him spak Venus
All dolorus hir ene, full of brycht teris
O you quod sche, quhilk gouernis, reulis and steris
Baith goddis and men,
[...]enu [...] oration to Iupiter.
be thyne eterne impireAnd oft affrayis, with thundir and wylde fyre
How mycht myne Enee, sa gretly the offend
Or quhat mycht troianis trespas, quhilk now at end
Ar brocht and sufferit, sa feil cors laid deid
Throw out the warld, debarrit in euery stede
And dreuine from Itale, thow hecht sum tyme perfay
Of thame schuld cum eftir this, mony ane day
The worthy Romanis, and of Troianis of spryng
Princis of power, ouer sey and land to ring
Quhat wikkit counsel, fader hes turnyt thy thocht
Forsoyth at troyis distructioun, as I mocht
I tuke comfort herof, thinkand but baid
That▪ hard wanwerd, suld follow fortune glaid
Bot ȝit the same perchaunce, persewis them sare
In sundry dangers, cachit here and thare
Of thare trauell, quhat end grantis thou gret kyng
Sen Anthenor mycht throw myd oistes thring
Of Grekis and Peirs, the soundis Iliria
And souerlye, pas the strait regiouns alsua
Of liburnanis, and ouer tymauy the flude
[Page xv] Qhare that nyne monthis, rinnand as thay war [...]d
The hill is resoundes, sa rudely dois it rout
And like ane sey betis, on the brayis about
Thare netheles of padwa, the ciete
Ane duelling place, for troianis biggit has he
And nemmyt the pepill, after him and ful ȝore
The armes oft [...]oy, hes set vp in memore
That we thy blud, thi kinrent, and of spring
To quham in heum, thow grantit ane place to ring
Schame for to say, all throw the feyd of ane
Has losit oure schippis, and ar betrasit ilk ane
And fer from Italie, bene with haldin eik
Is this reward ganand, for them ar meik
Is this the honour done, to them bene godlik
Restoris thou thus, on sic wyse our kinrik
☞ Smyling sum, deil the faderof goddis and men
With that ilk sueit wisage,
Iuppite [...] confortes venus and wyth a lōg narration.
as we kenThat mesis tempestis, and makis the heuins clere
First kissit his child, Syne said on this manere
Away sic drede,
Showes the some of the hystory [...] Eneas to the Emperour augustus time.
Cytherea be not efferdFor of thi lynnage vnchangeit, remanis the weir [...]
As thou desyris, the ciete sal thow se
And of lauyne, the promyst wallis hie
Eik sell thou raise, aboue the sterrit say
The manfull Eneas, and him deify
My sentence is not alterid, as thow traistis
Bot I sall schaw the, sen sic tho [...]htis the thristis
And here declare the destanyis the secrete
Full mony ȝeris tofore, thay bene compleit
This Eneas, wyth hydduous barganyng
In Itale thrawart pepill, sall doun thring
Syne eftir statute, lawis, for thay men
And beild townis, and wall his cieteis then
Quhen thre Someris, in latin or Itale
[Page] And there winteris, he ringin has all hale
Fra time retulianis, bene subduit in fecht
Than the yong child, quhilk now astaneus heicht
And now to surname, clepit Iulus sans fale
For he in Ilion, was of the blude riall
Quhill that of troye and Ilion, stude the ring
Thre [...]ty lang twelf monthis rowing ouer, salbe king
From lauyne realme, the sate translatit alsua
And fortely wal, the cete lang alba
Thare sall thre hunder ȝeris, to giddir remane
To ring vnder the pepill hettoriane
Quhill Ilia nun, and dochter of ane king
Consauit of Mars, tua twinnis doith furth bryng
Than with the glitterand volf skyn, ouer his array
Cled in his nuris talbart, glad and gay
Romulus sall the pepill ressaue, and weild
And he the mare [...]all wallis, of rome sall beild
And eftir his name, call the pepill Romanis
To the folkis, ful lang the rul remams
Nothir termis of space, nor boundis of senȝeorye
Nane will I sett, for to thame grant haue I
Perpetuale empire, but end of lest
Apersmar Iuno, that with gret vnrest
Now cummeris, erd, are, and se quod he
Sall turne hir mind bettir wise, and with me
Foster the Romanis, lorde of all erdlye gere
And latine pepill kep, baith in pece and were
This is determit, this likis the goddis I wys
Efter mony lusteris, and ȝeris ouers [...]ddm is
The tyme sall cum, quhen auchises of spring
The Realme of Perthia, in bondagesall doun thring
And eik of myte, subdew the regioun large
And vnder thare lordschip, dant all grece, and Arge
Cesar of novill Troyane, blud borne salbe
[Page xvi] Quhilk sal the empire dilate, to the octiane se
And to the sternes vpspring, sall the fame
Of Iulus, that takyne has his name
From Iulus thy neuo, the great kyng
As prince discend, of his blude and ofspring
Quhan eftir this souir, of thine entent
Charge it with the spulȝe, of the orient
Amang the nowmer of goddis, ressaue thou sall
And as ane god, men sall him clepe and call
The cruel tyme, sone the [...] efter sall ceis
And weris stance, all sall be rest and peice
Antiant faith, and vailȝeand knychthede
with chast religioun, sall than the lawis leid
The dreidful portis sallbe schet but faill
Of Ianus tempill, the takynnar of battell
With hard Irne bandis, claspit fast in cage
Of wik kit bargane, thare in the furius rage
Set apoun greisly armoure, in his sete
And with ane hundreth brassin, chenȝeis grete
Behynd his bak, hard bundin his handis tua
The horryble tyrrant, with bludy mouth sal bra
This bcand said, Iupiter full euyn
His son Mercury send doun from the heuyn
So that of cartage, baith realme and new ciete
To luge the troianis, sall all reddy be
Les than Dido, the destany mysknawand
Wald thame expell, the boundis of hir land
He with gret fardis of windis, flaw throw the sky [...]
And to the cuntre of Libie cum on hye
Thare did his charge, and the folk of cartage
Thair feirs mudis, and hartis canassuage
At the plesure of the god, quhilk thame tauch [...]
And first of vthir the quene hir selfhes caucht
Towart the troians, ane full freyndlie mynd
As vnto thame to be, bousum and kynd
☞ Enee at morowe / [...] thorow the schaw
Met with hys Moder / in to habit vnknaw.
BOt all this, the reuthfull Eneas
That in his mynd, can many thinges compas
Beliue as that, the halesum day wox lich [...]
Dressit him furth to spy, and haue ane sicht
Of new placis, for till ceirs and knaw
To quhatkin coistis, he with the wind wes blaw
Quha thaym inhabit, quhidder wilde bestes or men
For all semyt, but wildernes to him then
And as he fand schupe, to his feris schaw
His nauy derne, amang the thik wod schaw
Vnder neth the hingand, holkit rochis hie
Dekkit about with mony, semely tre
Quhais schaddois Dirk, hid weile the schippis flkane
And he bot with ane fallow, furth is gane
With traist Achates in atheris hand yfere
The braid steile heid schuke on the hunting sper [...]
Amid the wod, his mother met them tuay
Semand ane made, in vissage and array
With wappinnis, like the Virginis of spartha
Or the stowt wensche, of trace harpalita
Haistand the hors, hir fadder to reskewe
Spediar than hebroun, the swift flude did persew
For Venus efter the gys, and maner thare
Ane actiue bow, apoun hir schulder bare
As sche had bene, ane wilde huntreis
With wind waffing, hir haris lowsit of trace
Hir skirt kiltit, till hir bare knee
And first of vthir, vnto them, thus speike sche
Howe,
The commonyng betwixe eneas and hys mother
say me ȝoungkeris, saw ȝe walkand hereBe auenture, ony of my sistiris dere
The cais of arrowis, cauchit by hir syde
[Page xvii] And cled into the spo [...]tit,
[...]en [...] wh [...] ̄ at the [...] dyd not knaw [...].
linkis hydeOr with loud cry, folow and the chace
Efter the fomy bare, in thare solace
Thus said Venus, and hir son agane
Answeris, and said, treuly maid in plane
Nane of thy sisteris, did I here nor se
Bot o thou virgine, how sall I call the
Thy visage semis, na mortall creature
Nor the voce soundis not, lyk to humane nature
Ane goddis art thou, soythly to my sycht
Quhiddir thou be diane, phebus sister brycht
Or than sum goddis, of thyr Nymphyis kynd
Maistres of woddis beis to, vs happy and kynd
Releif our lang trauell, quhat euer thow be
And vnder quhat art, of the heuin so hie
Or at quhat coist of the warld, finaly
Sal we arriue, thow teich vs by and by
Of men and land vnknaw, we are driue wy [...]
By wind and storme of sey, cathit hiddirtyll
And mony fare sacrifice, and offerand
Before thine alter, sall de of my richt hand
Venus ansuerit I dedeinȝe not to ressaue
Sic honour certis, quhilk feris me not to haue
For to the madinis of tyre, this is the gise
To bere ane case of arrowis, on this wyse
With rede botynis, on thare schankis hie
The realme of punis, this is quhilk ȝe se
The pepill of tire, and the cite but more
Belt fra the folk, discend from Agenore
ȝe bene in the marchis of libie, sans fale
Inhabit with pepill, vndantabill in battell
Quhare Dido quene, reulis the empyre
Hidder from hirbreder, fled from the realme of tyre
Lang war the Iniuris, the doutis lang to be tald
[Page] Bot I the vmast, of the mater sal hald
Ane husband, quhilk Sicheus hecht, sayd sche
Richest in all the ground, of Phenice
And strangly louit, be the sylly Dido
For be hir mater, as was the maner scho
By chance sche was, in clene virginite
Weddit to him, but of Tyre the cuntre
In heritage held, Pigmalioun her brother
In wikkitnes cruell, aboue al vther
Quhilk but offence, or occasioun of greif
For blynd couatyse of gold, throw his, mische [...]
Before the altare, slely with ane knyfe
Or he was wer, reft Sicheus the lyfe
Not mouit of piete, vnto his sister sure
Conselit this cruell dede, lang vndercure
That fals man, by dissaitfull wordis fare
With wanhope trumpet, the wofull luffare
Bot of hir husband, bygrauit the ymage
To hir apperis in slepe, the pale visage
On meruellus wyfe, and can at lenth declare
How he was cruelly slane, at the altare
He schew the knyfe, out throw his breist threst
And all the hid crime of hir hous manifest
Syne in grete haist, exhortis hir to fle
And leif hir natiue land, and tak the se
And for to help hir outwart, by the way
Vnder the crd, quhare auld hurdis, hid lay
Of siluer and gold, reuelit ane large wecht
D [...]do he yrat como ult, I ȝou be hecht
For hir departing, followschip redy made
Togidder conuenis, but ony langare abade
All thay that hatis, the cruell tyrannis dedis
Or ȝit his feloun violence, sare dredis,
The schippis than on cace, war reddy thare
[Page xviii] Thay tuke and chargit, ful of gold but mare
The tressoure, of this wrechit Pigmalioun
Is thus caryit, ouer the sey anone
Ane woman captane is, of all that deide
To ȝone place ar thay cumyn, thow may take hede
Quhare now risis, ȝone large wallis stout
O [...] new cartage with hie towris about
Als meikle grund, thay bocht at the first tyde
As thay mycht cumpas about, with a bullis hyde
ȝounder cheif castell, standing on the bray
In to thare langage, [...]lepit is barsay
And of this deid, his name beris witnes ȝit
Bot quhat be ȝe, finalie wald I wit
Or of quhat cuntre cumin, or passe wald quhare
Sche sperand, this Eneas sichand sare
The voce drawand deip, fra his breist within
Said o thou goddes, gif I suld begyn
And tell our labor, from the formest end
To here our stories fet, thou mycht attend
Or I maid end vesper, the eum sterne brycht
Suld clois the heuin, and end the dayis licht
We are of ancient Troy, gif euer ȝe
The name of troy has hard in this cuntre
And caryit out, throw diuers seys alsua
And now be fortoun, to coist of Libia
Dreuyn with tempest, reuthful Eneas am I
That troiane goddis, cursis in my nauy
Quham fra amyd our enomies, I rent
My fame is knawin aboue the element
I seik Itale (as natiue countre) sere
My linnage cummis, fra hiest Iupyter
With schyppis twis ten, the phrigiane sey
My moder ane goddis, teichand the way toke [...]
Fellowand destany, quhilk was to me grant
[Page] Of all our slote, from wynd and wallis stant
Seuin euill perbrekit, saif remanis with me
Vnkend and mysterfull, in the deseirtis of libie
I wander expellit, from Ewrop and Asia
Venus na mare, suffrit him plene nor sa
Amyd his dolours plantis, thus spak sche
Quhat euer thou art, I traist wel [...] that tho [...], be
Fauorit with the goddis, and drauis this halesumare
Quhilk is the sprete of lyfe, to thy weilfare
Sen thow art cummyn, in Cartage the ciete
Now hald thy way, and at the Que [...]s entre
Present thy self, I schaw the for certane
Thy feres ar saif, thy nauy is cummin agane
In fayf [...]y brocht fre, of Northwyndis als
Les than my parentis taucht me, spaying craft fals
Behald tuelf swannis, in randoune glaid and fa [...].
Quham newlie, from the regioun of the are
Iouis foul the egill, discending from his hicht
Has sare affrait amyd the skyis brycht
Now with lang range, to licht thay bene addrest
And spyis the erth about, quhar thay sall rest
As thay returne thar weyngis southand Iolely
And with ther cours cirkill, about the sky
Cryand or singand eftir, thar awin gyse
The schippis and fallowschip, on the samyn wyfe
Other ar harbryit, in the hauin Iwys
Or with bent saill, enteris into the port be thys
Now pas thy way euin furth, that samyn went
Thus sayd sche, and turnand incontinent
Hirnek schane, like vnto the Rose in may
Hir heuinly haris, glitterand bricht and gay
Kest from hir forehede, ane smell glorious and sue [...]
Hir habit fell doune, coueryng to hir feit
And in hir passage, ane verray god did hir kyith
[Page xix] And fra that he knew,
Eneas knawi [...] his mo [...].
his moder alswithWith sic wourdis he followis, as sche did fle
Quhy art thou cruell to thy sonne, quod he
Disceuand him sa oft, with fals sembland
Quhy grantis thow not, we micht ione hand in hand
And for to here and rander, wotis trew
Thus be repreuis, bot sche is went adew
Than to the ciete, he haldis furth the way
Bot Venus with ane sop, of myst baith tway
And with ane dirk cloud, closit round about
That na man suld thame se, nor twch but dout
Na by the wayis, stop or ellis dere
Or ȝit the causis, of chare cumming spere
Hir self vp lyft, to paphum past swyith
To vesy hir resting place, ioly and blyith
Thare is hir tempill, in Cipirland
Quharin thare dois ane hundreth altaris stand
Hait burning full of saba, sence all houris
Ane smelland swete, wyth fresch garlād and flouris
Eneas at hys moderis / commaundemet
[...]led with the mysty cloud / in cartage went
THat in the mene time, hastit furth thare way
As the rode led thame, quhill ascend ar thay
The hill far risand, abane the toun hicht
Quhare al the cietie forgaue thame, se thay mycht
Eneas wounderit, the gretnes of cartage
Quhilk late to fore, had bene ane small cotage
The fare portis alsua, he ferlyt fast
And of the brute of pepill, tharat in past
The large stretis pathit, by and by
The bissy tyrianis, laborand ardently
Ane part haistis to beild, the wallis wycht
And sum to rais the grete castell on hicht
And velt vp stanis, to the volt on hie
[Page] Sum grathis first the thak, and rufe of tre
And sum about deluis, the fousy depe
Sum chesis officiaris, the lawes to keip
With councellouris and senatouris, wise folkis
ȝounder vthir sum, the new heum holkis
And here also ane other end fast by
Layis the foundament, of the theatry
And vtheris eik, the huge pillaris grete
Out of the querillis, gan do hew and bete
For till odorne, that place in all degre.
In time cuming, quhare grete triumph suld be
Like to the beis in the feild,
A cōparisō
flurist newGaddering thare werk of many diuers hew
In soft somer, the bricht son hait schynyng
Quhen of thare kynd, thame list swarmis out bryng
Or in kames incluse, thare hony clene
And with swete liquour, stuffis thare cellis schene
Or ressauis the birdingis, from vthir thair rout
Or fra thare hyff, togiddir in ane rout
Expellis the bowbert best, the fenyt drone be
Thare laubor is besy, and feruent for to se
The hony smellis, of the swete tyme seid.
O quod Enee, full happy are ȝe in deid
Quhais large wallis, risis thus on hie
And quhill he vesyit the boundis of this ciete
Ane wounder thing, couerit with ane cloud about
He enteris syne amyd the thikest rout
Amang the men he thrang, and nane him saw
Amyd the ciete stode, ane semele schaw
With his maist plesand sobir schadow quhar
As the punicianis first, vpwrapit war
Eftir the stormy blastis and seis rage
Thay delfand, fand the takynnare of cariage
Ane mekill hors heid, that was I wene
[Page xx] As Iuno had schaw to fore, of goddis quene
That signifyit the ciete, excellent in battell
And plentuous eik, all tymes of vittale
In the ilk place, the sidones Dido,
Begouth to big, ane proud tempill of Iuno
With drouryis sere, and giftis of riches
And eik the golden statew, of the goddes
The entre rais, with hir stagis of bras
With bras also, the cuplis fessynit was
The brasin duris iarris, on the marbill hyrst
In this tempill sere, nouelteis fyrst
Schawin till Eneas, mesit gretely his fere
The first assurance of comfort, was here
And hope of releif, efter aduersite
For as he went, diuers thingis to se
Rowming about, the large tempill schene
For to abide the cuming, of the quene
And of the ciete, the grete prosperite
The mony werk m [...]n, and thare castis fle
In dew proporcioun, as he wounderit for ioy
He saw per ordoure, al the sege of troy
The famus battellis, vulgate throw the warld or this
Of king priame, and Athir At [...]dis
And baldare than thame, baith the fers Achil
He styntis and wepand, sayd Achates tyll
how now, quhilk place is this mi frendis (quod he)
Quhat regioun in erd, may fundin be
Quhare our misfortoun is not fully proclame
Alas behald, se ȝounder king pryame
Lo here his worschyp is halden in memore
Thir lamentabill takinnis past before
Oure mortall myndis, aucht to compassioun stere
Away with drede, and take na langare fere
Quhat wenis thou, na this fame sall do the gude
[Page] Thus said he, and fed hys mynd quhare he stude
With this plesand fenȝ [...]it ymagerie
Murnand sair, and wepand tendirlie
The flude of teris,
Eneas lamentacion quhen he remembris his natyue countre.
haling ouer his faceFor as he lukit, on the werk percace
He saw porturit, quhare in sic ane place
The Grekis fled, and troianis followis the chace
About the wallis of troy, as thay did ficht
At ȝounder part the Troianis, takis the flycht
With creist on hede, Achilles in his chare
Persewand stranglie not, fer thens, saw he quhare
The quhite tentis of king, Resus euill kepe
Betraisit war, apoun the first sleipe
Quhare with grete slauchter, bludy diomede
Distroyit all, and to his tent can lede
The mylk quhite hors, fers swift and gude
Or euir thay taistit, ony troiane fude
Or drunken had, of the flude exhantus
And ȝonuder lo, beheld he Troylus
Wanting his armoure, the fey barne [...]eand
For to recounter Achilles, vnganand
The hors hym harland, behynd the void carte
Hingand wyde opin, and his hede doun warte
Suppos he held the reȝneis fast but faile
His neck and haris, on the erd can traile
The spere ouerturnit, in the dust did write
The samyn tyme, the troianis madynnes quhite
With hare doun skalit all sorowfull can pas
Vnto the tempil of the greuit Pallas
To ask supple with thaym ane wympill bare thay
With handis, betand thair breistis by the way
This fremyt goddis held hir ene fixt fast
Apoun the gound, nar blenkis list thaym cast
About the wallis of Troy, he saw quhat wyse
[Page xxi] Achilles har lit, hectoris body thrys
The dede corps, syne for gold he saw him sell
Law from his breist murnand, he gaif ane ȝell
Seand the wod carte, and spulȝe of the knycht
And the corps, of his derest freynd sa dycht
Priame vnharmyt, strek furth handis did he spy
From Achilles, his sonnis body to by
Him self alsua midlit, persauit he
Amang princis of grece, in the melle
The orient hostis, knew he, one by one
And vulcanus armour, on blak menon
The madinis cum fra amasone, saw he scone
with crukit scheildis, schapin lyke the mone
Led by thare furius quene pairthassalye
Amyd the thousand egerly fechtis sche
And quhar hir pap, was for the spere cut away
Of gold thairon, was belt ane riche tischey
Ane wourthy weriour, soithlie thay micht hir ken
This wensche stoutlye, recounter durst with men.
❧ Here to the tempyl / cummis quene Dido
Quhare that Enee his feris fand also
QVhill as the manfull troiane Eneas
To se thir nyce figuris,
Quene Dido with hir tryane [...]u [...]mith to church.
wonderand wasAnd as he musit, studeand in ane stare
Bot one ane sicht, quhar on he blenkit thare
The Quene Dido excellent in bewte
To tempill cummis, with ane fare menȝe
Of lusty ȝoungkeris, walking hir about
Like to the goddes Diane, with hir rout
Endlang the flude of Ewrote, on the bra
Or vnder the toppis, of hir hill Cynthia
Ledand ring dancis, quham followis, ouer all quhare
Ane thousand nymphis, flokand here and thare
On hir schulder, the arrow cace bare sche
[Page] And quhare sche walkis, about the laif on hie
May wele be sene to latona, hir moder thys
Geuis reiosing, and secrete hartis blis
Sic ane was Dido, sic ane hir blithlie bare
Amyd thame all, the werkis and weilfare
Prouiding for the realme, in tyme to cum
And quhen sche, to the temple dure is cum
Syne enterid vnder hir myd volt, tuke hir sete
Hie in ane trone, and cumpanyis grete
On athir half standing, of armyt men
The domes and law pronuncis, sche to thaym then
The feis of thare laubouris,
The office of a prince
equalyeGart distribute, gif dout fallis thare by
Be cut or cauill, that plede sone partid was
Bot suddanly persauis, Eneas
Quhare with grete hast com rynnyng antheus
Sergest he seis, and stalwart Cloanthus
With diuers vtheris, of the troiane menȝe
Quham the black storme, had skarterit on these
And at ane vthir coist, dreuin to the land
He and his fallow, awounders this seand
Achates half astonyst, stude in affray
With fere and ioy, smytin bayth war thay
And langit sair, to schask handis, bot thare hart
The vncouth care amouit, iu sum part
For to dessymill, as nathyng sene thai had
And with the dirk cloud hid, to spy thay bad
How it stude with thare feris, or chancet eft
Or than quhat coist thare, nauyne thay had lef [...]
Quhat thay desyrit for, as full weill thay saw
From thare schippis per ordoure, thay cum on raw
Beseikand grace and peace, fast as thame thocht
And to the tempill, with grete clamour socht
Fra thay war enterit, in the temple tho
[Page xxii] And licence grantit thaym, to speke also
The gretest oratoure,
Ilionius oration to quene dido
IlioneusWith plesand voce, begouth his sermon thus
O hie princes, quham to Iupiter has grant
To beild ane new ciete, and to dant
The violence of proude folk by iust law
We wretchit Troianis, with the windis blaw
Threw strang stremis, and mony diuers se
Forbyd ȝone cruell fyre, besekis the
Suffer nat to birn our schypwis, in ane rage
Haue reuth apoun our petuous, aldlynage
Considder freindly, our mater how it standis
We come not hidder, with drawin swerde in handis
To spulȝe templis, or riches of Libia
Nor by the coist, na sperich to driue awa
Sic violence, nane within our myndis is
Nor sa grete stoutnes, to vincus folk I wys
Thare is ane place, quham the grekis thay sa
Vnto his name, clepis hisperia
Ane nobill land, richt potent in batall
And fructu [...]s grund, plentuos of vittall
By kyng Enocrius, inhabit fyrst we trow
Bot in our dayis, lately the fame is now
Eftir thare duke, it is namid Italie
Thedderwart our cours was laid, quhen suddanlie
The flude boldynnyt, and stormy orione
Amangis blynd bankis cachit vs anone
The bittir blastis, contrarious alwayis
Throw wallis huge, salt fame, and wilsum wayis
And throw the perrellus rolkis, can vs driue
Hidder at ȝour coist, ar few of vs arryue
Quhat kind of pepill, dwellis here quod he
How bene sic theuis sufferit, in this cuntre
We ar defendit to herbry on the sand
[Page] Prouokit eik to battall, and driuen to land
By force of storme, the slike thay vs deny
Albeit the scanth of men, ȝe set nocht by
And mortall weris contempnis, and comptis not
Belcuis ȝet wele than, and haue in thocht
The goddis sall remember, traistis me
Baith of gude dedis, and iniquite
To vs was king,
The iustice wisdome fortitude & temperāce of Eneas
the wourthye EneasAne iustar man in al the warld, nanc was
Nor mare reuthfull, nor wyssare in to wer
Nor mare valȝeand, in dedis of armes sere
Quham gif the fatis alife, conseruit haith
To tak this heuinlie, are and draw his braith
And not with crewell goistis, hid vnder erd
Thare is na drede, that sall mak vs afferd
Now thow sall neuer repent the sikkerly
To schaw vs first frendschyp, and curtesy
In to the realme of Cicill, als haue we
Frendes and cieties, with armit men plente
And of the troiane blude, Acestes kyng
Gif vs war leuit, our flote on land to bryng
That with the wind and storme, is all to schake
And grant erk leif to hew wod and tak
Tymmer to bete, airis and vther misteris
So that our king we micht fynd, and our feris
Blithlie we suld hald towart Italy
And to the coist of latin, seik in hy
Bot gif our weilfare, and beleif clene gane is
And the maist souerane fader, of vs troianis
The libiane se withhaldis, gif thou be gone
Nor of Ascaneus comfort, remanis none
Than soithly at the leist, the cecil se
And placis reddy, fra quham hidder driuen are we
We sall seik, and to the king acestes
[Page xxii] Thus sayd Ilioneus and thus can he ceis
Bot than the noyis rais, amang the Troianis
Thay murmurit,
The Quenis gentil ansuer to ye [...]roians.
and complenit all at anysThan schortly Dido spake, with visage doun cast
Remoif all drede, Troianis be not agast
Pluk vp ȝour hartis, and heuy thouchtis doun thring
Ane hard meschance, and nowelte of this regne
Constrenis me sic maistry for to schaw
And with discuriouris, kepe the coist on raw
Quhay knawis not the lynnage, of Enee
Or quhay miskennys Troy, that nobyll cietye
The grete worschip, of sic men quha wald not mene
And the huge ardent battellis, that thar [...] hes bene
We Phinicianis, nane sa blait breistis has
Nor sa fremmytlye, the son list not addres
His cours thrawart, cartage ciete alway
Quhidder ȝe will, to grete Hisperia
The ground of saturin, quhilk mowis italye
Or to the coist of Cecill, fast thair by
And at the king Acestes list ȝou be
Thidder sall ȝe surely pas, with my supple
I sall support ȝou with all gere may gane
And pleis ȝou with me, in this realme remane
The ciete quhilk I big, is ȝours fre
Bring in ȝour schippis, hedder from the sey,
Bettuix ane Troiane, and ane tirriane
Na difference, al sal I reule as ane
And with this samyn wynd, hidder blawin fere
Wald god Enee ȝour King, war present here
Endland, the coistis, and fer par [...]is of libie
I sall forsoith, exploratours send and spye
In ony wod, gif that he be vpdriue
Or ȝit perchance, at ony ciete arriue,
¶ How Eneas / wyth all his rout bedene
War thankfully, ressauit with the Quene.
WIth their wourdis, the sprete of Eneas
And of the strang Achates, reiosit was
Gretly desiring the cloude, to breke in [...]way
Bot first Achates, to Enee can say
Son of the goddes, quhat purpois thou (quod he)
Risis in thy breist, all is sure thou may se
Thy nauy and thy feris, recouerit bene
Wantand bot ane, amange the fludis grene
Quhilk we saw droun, all vthir thingis thou knawis
Is now conforme, vnto thy moderis sawis
And skarslie has he all, thyr wordis spokin
Quhen that the cloude, about thaym swyth was brokin
And vanyst tyte, away amange the aire
Vp stude Enee, in clere licht schynyng faire
Like till ane god, in body and in face
For his moder, grantit, hir son sic grace
His crisp haris, war plesand vnto se
His fauour gudlye, full of fresche bewte
Like to an ȝoungker, and with tua lauchand ene
Als gratius, for to behald I wene
As euour bane by craft, of hand wele dicht
Or as we se, the birnyst siluer brycht
Or ȝit the quhite polist, marbil stane schyne
Quhen thay beue circulit, about with gold sa fyne
Or euir thay wist, before thame all in hy
Vnto the Quene, thus sayd he reuerently.
Him (quham ȝe seik) behald now present here
Enee the Troiane,
Eneas oracion to quene Did [...]
delyuerit from all dangereOf storme and wallis, of the Libiane se
O thou onlye, quhilk reuch hes and piete
On the vntellibill pyne, of the Troianis
Quhilk wes the Grekis, leuingis and remanis
[Page xxiiii] Ouerset, wyth all maner necessiteis
And euery perrell, baith be land and seis
Within the ciete, ressauis, till herbry
And to familliare frendschip and ally
To quite the rendring, ganand thankis richt
That [...]liis not Dido, in till our mycht
Nor al the laif, of the Troianis menȝe
Throu out this warld scatterit, quhare euer thay be
Bot the hie goddis, gif ony deite takis tent
To thame that piteous bene, and pacient
For iustice eik, gif euer reward beis get
And rychtwys mindis remembrit, and not forget
Thay goddis ilk, may alsua ryward the
Accordyng thy diserf, in all degre
How happy and ioyus, was that tyme serene
That the producit has, sa nobill ane Quene
How wourschipfull eik, war thay parentis of micht
Quhilkis the engenerit, has sa worthy ane wycht
Quhill fludis rynnys, in the sey but dout
Quhill sonnys schadow, cirkillis hillis about
And the fermament sternis, dois contene
Thy honour and thy fame, sall euer be grene
And thy ren owne remane perpetually
Throw all realmes quharto, that driuen am I
Thus sayand til his frind. Ilioneus
His richt hand gaif,
quene Didos ansuer to Eneas.
and to SerestusGaif his left hand, syne vel [...]un [...]mit euery man
The strang Cloanthus, and the stout gyan
The Quene Dido astonyst, ane litill we
At the first sicht, behalding his bewte
Ay wondring be quhat wyse, he cumin was
Vnto him thus, sche said with myld face
Son of the goddis, quhat hard aduersite
Throw out sa fell perelles, has catchyt the
[Page] Quhat force and violence, draif the hidder till vs
Apoun their coistis, that bene sa dangerus
Art thow not the ilk, compacient Eneas
That apoun halye, venus engendrit was
Be the Troiane anchises, as thay say
Beside the flude Symois in Phrisia
Weil I remember, to Sydony the ciete
Sen tewcer com banist, from his cuntre
Sekand supple at Belus, and sum new lan [...]
My Fader than belus, I vnderstand
The riche realme of Ciper, waistit be were
And wan it syne, and gaif it to Tewcer
And euer syne of Troy, that grete cite
The distruccioun, has ben weile knawin to mē
The name also and princes, of grete sans fale
With quham thou faucht, sexe times in batale
This ilk tewcer, his inemyis of troy
Rusit and louit, and with excellent ioye
Full oft himself extoll, and vant he wald
Of troiane blude, to be discend of ald
Tharfor haue done, galandis cum on ȝour way
Enter within our lugeing, we ȝou pray
Siclike forto un, throw mony fell dangere
At last vnto this land,
[...]t is great wisdom to be so timperat in pro [...] peritie that we [...]orget [...]ot other in aduersity.
haif driue me here☞ Thus not mysknaw and, quhat pane is ennoy to die
I lerned to help, and tholis aduersite
Rehersand this, conuoyis sche Eneas
Touart the place, quhare hir riche Palyce was
And thar wyth eik, commandis haly day
Throw out the cite, all suld be gam and play
And netheles, the same time sendis sche
Doun to his folkis, at the coist of these
Twenty fed oxin, large grete and fyne
And ane hundreth bustuous, boukes of swyne
[Page xxiiii] Ane hundreth lammes,
Prep [...]racion for the [...]
and thare moders thame byWith vther presandis, and wyne habundantly
The place within, maist glorius and gay
Adornit was all ouer, with riall array
Amyd the hie ruif of the mekle hall
For the banket, mony rich claith of pall
Was spred, and mony a bandkyn, wounderly wrocht
Of syluer platis, ane huge wecht furth was brocht
To set on burdis and veschell, forgeit of gold
Quharin was graue, maist curious to behold
The vailȝeand dedes, of the forfaders, past by
Sen first beginning of thare genology
Man efter man, lik as thay did succede
In lang remembrance of thare worthy hede
Enee for that his faderly piete
Wald not suffer his mind in rest to be
In haist Achates, to the schippis send
To schaw Ascaneus all, from end to end
Vnto the ciete, that he anone war brocht
One ȝong Ascaneus, was al the faderis thocht
Syke giftis eik, he bad bring with him syne
Hynt and deliuerit, from the troiane rewyne
Ane ryche garment brasit, with rich gold wyre
The purpoure mantill and rich quent attyre
That pliabill was, with the gilt bordour large
Sum time array of Helene quene of arge
Quhilk frō the realme of mice, with her sche brocht
Quhen sche to troy, forbodin hymeneus socht
This wonderus gift, gottin at hir moder Lyda
And for thereik, of fair Ilionea
He bad him bring with him, the sceptour vand
Quhilum Priamus, eldist dochter bare in hand
The collare picht, with orient peirles als
That sche vmquhle, war about hir hals
[Page] Of gold also the clois, or double croun
Set full of precious stonys, enniroun
To do his charge, Achates besely
The way towart the schippis, socht in hy.
☞ How that Venus all perrillis to seclude
Send Cupide in Ascaneus similitude.
IN the mene tyme Venus,
Dige [...]oiōe
ane sle wile sochtBy hir consate, in hir mynd how sche mocht
In forme and visage, of sweit ascaneus tho
Tranformed, send hir awayn son Cupido
To bare thir presandis, so that the amourus quene
He micht inflamb, within hir banis grene
The hote fire of loue, to kindill and stere
For in hir mynd, sche had ane manere sere
Of this linnage, wauerand and vntrew
Thirrianis double toungit, weil scho knew
Of cruell Iuno, the drede brent hir inwart
With mony thocht, ran hastely till hir hart
Vnto the wingit god of luf, but were
For thi sche spake and sayd on this manere
O thou my child, my streneth my gret mycht
O thou my son, quhilk only art so wycht
That thou the dartis of Iupiter, dar ganestand
Quharwith he slew Tiphone, the grete gyand
To the I cum, to the I seke quod sche
Lawlie askand thy power and supple
Quhat wyse Eneas, thy brother but dout
Is blawin and warpit euery coist about
Of wikkit Iuno, throw the cruell inuy
All this to the is manifestwat I
For quhen I wepit tharfore, thou murnit also
Now him withhaldis the phinitiane Dido
And culȝeis him, with slekit wordis sle
Bot to quhatfyne, richt sone it dredis me
Sall turn this plesand ges [...]nyng in cartage
[Page xxv] Quhilk is the burgh of Iuno, for in hir rage
As is begun, the mater sall not remane
Quharefor, I vnbethinke me of ane trane
This quene first, for to caucht in luffis lace
And so with flame of amours, to embrace
That by namicht, tharefore sche may remu [...]e
Bot strangely, sall with me Eneas lufe
Harke my consate, quhat wise this micht be done
The riall child ascaneus full sone
Of quham maist is, my th [...]cht grathis to pas
At commaund of his fader Eneas
To the ciete of cartage, and giftis sere
Turssis with him, of thi auld troiane gere
Quhilk fra the storme of the sey, is left vntynt
And from the fire, remanis ȝit vnbirnt
Him sell I sound slepand, stele away
And hyde apoun the heicht of cytharay
Or in Idalium, my hallowit schaw
That our dissait, he nowther persaif nor knaw
Nor vnprouisitly, cum thidder, thoch he mych [...]
Tak thou his liknes, na mare bot ane nycht
For to begile, quene Dido of Cartage
My chyld cleith the, with ȝone kend childis vissage
So that quhen sche, all blithest haldis the
In to hir skirt perchance, or on hir kne
At hir feist riall, sittand at hir tabill
Amang danteis, and wyne amiabill
And can the for to hals, and inbrace
Kissand sweitly the quhite nek, and thy face
Than may thou slely, thy venymous ardent fire
Of freindful lufe, amid hir breist inspire
The god of lufe, obeis baistelie
His moderis wourdis, and laid his wyngis by
And blithly steppis furth like Iulus
[Page] Bot Venus to this ylk, Asaneus
The sweit vapoure, of plesand slep and rest
On all the membris, of his body keist
And softlye the goddes, in hir lap him bare
Amyd the schaw, of ydalium quhare
Tendir meriolyne and sueit flouris thair out
With thar dulce smell, him schaddowit round aboute,
Of the banket and of the gret deray▪
And how Cupide / inflames the lady gay.
NOw passis furth Cupide, full diligent
For til obey his moderis, commandement
Berand with him the kingis giftis schene
Quhilk suld be present to the riall quene
Blithlie following, his ledar Achates
And as they come, the Quene was set at deis
Vnder hir glorious stentit Capitall
Amang proude tapettis, and michty riall apparall
Hir place sche tuke, as was the gise that tyde
Ouer spred with gold, amyd the bed besyde
Aboue all vthir, the fader Eneas
And syne ȝoung gallandis of troy, to meit set was
Apoun riche bed sydis, Per Ordour
Ouer sprede with Carpettis, of the fyne purpoure
To wesche thair handis, serwandes brocht watter, clere
Syne brede in baskettis, aftir thare manere
With soft s [...]ruiotis, to mak thar handis clene
Fyfty damacellis tharin, seruit the Quene
Quhilkis bare the cure, eftir thar ordoure hale
In puruiance of houshald, and vittale
To graith the chalmeris, and the fyris beild
Ane hundreth maydynnis, had sche ȝoung and eild
And als mony,
The bāket
of sam age ȝoung swanysThe coursis, and the meisis, for the nanys
[Page xxvi] To set on burdis, sic as we call sewaris
And to fill cowpis, goblettes and euaris
And mareattour, the tyrannis halely
At the blith ȝettis, flokkis to the maniory
And as thay com, thay wer set doun anon
On brusit, or payntit tappetis euery on
Thay meruellit, the ryche giftis of Eneas
Apon Ascaneus feil wounder was
The schining vissage, of the god Cupide
And his dissimillit slekit wourdes quhyte
The precius mantill, and quent garment also
Bot principally, the fey vnsilly Dido
For the mischeif to cum, predestinate
Micht not refrane, nor satisfy his consate
Bot ardentlie behaldis, al on stere
Now likand wele the chyld, and now the gere
As Cupide hingis about Eneas hals,
Embracit in armes fenȝeand luif full fals
By semblant, as he his fader had bene
Full s [...]ely than he blent, apoun the quene
Sche with hir sicht, and all hir mynd richt thare
Him to behald, sat mustand in ane stare
Sum time vnwar, in her bosomheld sche
Misknawand alace, by fals subtilitye
How the gret god of luf, with all his mycht
Watchit for tyll dissaue hir, wofull wycht
Bot he remembring, on his moderis commaund
The mind of Sichyus, hir first husband
Furth of hir thocht, pece and pece begouth drife
And with scharp amouris, of the man alife
Gan hir dolf sprete, for to preuene and stere
Had bene defusit fra luf, that mony ȝere
Eftir the first pans, and that cours nere gane
And vodouris, and fat trunscheouris away tane
[Page] The goblettis grete, with mychty wynes in hy
Thay fill and, couerit set in by and by
Than rais the noyis, quhill dyanyt ruffis and wallys
So thik the vocis fleis, throw the large hallis
From the gylt sparris, hang down mony ane lycht
The flame of torchis, vincust the dirk nicht
The quene than askis of gold, for the nanis
Ane wechty cowp, set all with precius stanis
Bad fill it full, of the richt hypocras
In to the quhilk grete belus, accustumit was
To drink vmqu [...]ile, and fra him eu [...]ry king
Discend of his geneology, and of spryng
And quhen silence was made, ouer all the hall
O Iupiter (quod scho) on the we call
For this reasoun,
A prayer to Iupiter with a cō mendacyō of hospitalitye.
that be wise men is saydTo gestis thou grant, thy herbry glaid
We the beseik, this day be fortunabill
To vs tyrrianis, happy and aggreabill
To strangearis cummyn fra troy, in thare vyage
In time cuming, remembraunce of our vsage
To our successioun, and posterite▪
The geuare of gladnes, Bachus here mot be
And gentill Iuno, to vs fauorabill and meik
And ȝou my awin tirrianis, I commaund eik
Hallow this feist, with blith [...]es and with ioy
Bere frendly fallowschip, to thir nobillis of troy
This beand said, the cowp with the riche wyne
Apoun the burd sche bliss [...], and efursyne
With hir lip first tharof, tuk but ane taist
And carpand blithly, ga [...]f it Bithius in haist
He merely ressauis the remanent [...]a [...]s
All out he drank, and quhelmit the gold on his face
Syne all the nobillis therof dranke about
I will nocht say, that ilk man playit copout
[Page xxvii] Bot on his giltit harpe, berdit Iopas
Playand the geistis, of the grete Atlas
The monys change,
Musike.
and oblique cours sang heAnd quhy the son eclipsis (as we se)
Quhareof mankind, was made he schew ful plane
Quharof beistis, and quharof engendris rane
Quharof cummes thunder, and fyre leuin
The rany hyades, quhilk ar the sternis seuin
And eik Arcturus, quhilk we cal the leide sterne
The double vrsis, weill couth he decerne
And quhy the son, into the wintir tyde
Haystis the sey, sa fast hys hede to hyde
Quhy makis the nicht that tyme, sa large delay
And in the somer, quhy sa lang is the day
The gild and riot tyrrianis, doublit for ioy
Syne the reird followit, of the ȝounkeris of troy
Vnhappy Dydo, also set al hir mycht
Wyth sermondis sere, for to prolong the nycht
The langsum lufe, drynkand inwart ful cald
Ful mony Demand, of priame spere sche wald
And questyouns fere, twichyng Hector Alsua
Now wyth quhais armoure the son of Aurora
Come to the sege, and now inquyre wald sche
Quhat kynd of hors, Dyomede had in melle
How large of stature, was feirs Achylles
Haue done my gentyll gest, sone till vs this
Perordoure (sayd sche) fra the beginnyng all
The dissate of the Grekis, and the fall
Of ȝour pepyll, and of troy the rewyne
The wandryng by the way, thow schaw vs syne
For now the seuyn summer, hidder cariis the
Wilsum and errant, in euery land and see.
¶ The Prologue of the second Booke of Eneadois.
DIrk bene my muse, with dolorus armony
Melpoinene, on the wald clerkis call
For to compile, the dulefull tragidy
Twiching of troy, the subuersioun and fall
Bot sen I follow, the Poet principall
Quhat nedis purches, fenȝeit termers new
God grant me grace him dinglie to ensew▪
The drery fate wyth teris, lamentabill
Of Troyis sege, wide quhare ouer al Is soung
Bot followand virgil, gif my wit war abill
Ane nothir wyse, that bell fall now be roung
Than euer was to fore herd, in our toung
Saturne, thou ald fader of Malancoly
Thyne is the cure, my wofull pen to gy.
Herkis Ladyis, ȝour bewtyis was the [...]
Herkis Knychtis, the wod furie of ma [...]
Wysemen attendis, mony sorowfull claus
And ȝe dissauouris, rede here ȝour propir art
And finaly to specify, euery part
Here verifit is, that prouerbe [...]hing so
All erdly glaidnes fynissith with wo.
Finis.
The second Booke of Eneados.
Eneas fir stex cusis him / and syne
Addressi [...] to rehers / troyes rewyne.
THay ceissit all attanis, incontinent
With mouthis clois, and vissage taking tent
Prince Eneas, from the hie bed with that
Into his sege riall, quhare he sat
Begouth and sayd,
Eneas a lang narracion rehersio the destruction of Troye
thy desir lady isRenewyng of vntellybill sorow, I wys
To schaw how Grekis, did spulȝe and distroy
The grete riches, and lamentabil realme of troy
And huge miserie, quhilk I thare beheld
Quhare of my self, a gret part bare and feld
Quhat mirmydone, or gregioun, dolopes
Or knycht wageour, to cruell vlixes
Sic matirs to rehers, or ȝit till here
Micht thaym contene fra weping, mony ane tere
And now the heuin, ouer quhelmys the donk nych [...]
Quhen the declynyng, of the sternes brycht
To slepe and rest persuadis, our appetite
Bot sen thou has, sic plesoure and delyte
To knaw our chancis, and fall of Troy in wrre
And schortly the laste end tharof, walde here
Albeit my sprete, abhorris and dois grise
Tharon for to remember, and oft fyis
Murnand eschewis thare fra, with gret dis [...]is
ȝit than sall I begin ȝou for to pleis
❧ Quhow the Grekes, with drew thaym of the rade
And of the mekill subtell hors thay made.
[Page] THe Grekis chiftanis, Irkit of the were
Bipast or than, sa mony langsum ȝere
And oft rebukit, by fatall destany
Ane huge hors, like ane grete hill in hy
Craftely thay wrocht,
The Grekis made a hors fillit with armit men to disseue the troyans by the craftynes of syn [...], vnder the pretence of religion.
in wourschip of PallasOf sawing biche, the ribbis forgeit was
Fenȝeand ane oblatione, as it had be
For prosper returnyng, hame in thare cuntre
The voce thus wise, throw out the ciete woik
Of chois men fyne walit be cut thay toke
Ane grete mowmer, and hid in bilgis derne
Within that beist, in mony huge cauerne
Schortely the belly was stuffit euery dele
Full of knychtis, army [...] in plate of stele [...]
Thair standis in to the sicht of troy ane Ile
Wele knawin be name, hecht Tenedos vmquhile
Michty of gudis, quhill priamus ring sa stude
Now is it bot ane firth, in the sey f [...]de
Ane rade vnsikkir, for schip and ballingere
In desert coistis, of this Iland thare
The Grekis thaym, full secreitly withdrew
We wenyng thaym hame, passit and adew
And with gude wynd, the realme of myce had soch [...]
Quharfor all thaym of troy, blyth as thay mocht
Thare langsum dule, and murnyng dyd away
[...]est vp the portis, and Ischit out to play
The Grekis tentis, desiris for to se
And vode placis, quhare thay war wont to be
The coist and stryndis, left desert at clene
Here stude thear my of dolypes, sum wald mene
Cruell Achil here stentit his palȝoun
Quhare stude the nauy, lo the place ȝounder dou [...]
[Page xxxi] Here the oistis war wount, to ione in feild
And sum woundering the skaithful gift behelde
Suld be offerit, to the vnweddit Pallas
Thay meruellit first, the hors samekle was
Bot Tymetes exhortis, fast of all
It for to lede and draw, within the wal
And for to set it in the cheif Palice
Quhiddir for dissait I not, or for malice
Or destany of Troy, wald sa suld be
Bot Capis than, with ane vther menȝe
Quhilk better auise, thair mindis set apoun
Bad cast or droun into these anone
That suspect presand, of the Grekis dissait
Or kindill thare vnder, flambe of fyris hate
Or for to ripe, that holk it huge belly
And the hid hirnis to serche, and weill espye
Quhat nedis mare, the vnstabill commun voce
Diuidit was in mony sere purpois
Quhen hidder come, before them al anon
Followand ane grete rout, the preist Laocon
From the cheif tempill, rynnand in ful grete hye
On fer, O wrechit pepil can he cry
How grete wodnes is this,
Enemis gyftes schuld behaldin susspect.
that ȝe now meneȝour Enemys away salit, gif ȝe wane
Or gif ȝe traist, ony Grekis giftis be
Without dissait, falset or subtelite
Knaw ȝe not bettir, the quent vlixes slycht
Othir in this tre, are Grekis closit full rycht
Or this ingyne is biggit to our skaith
To watche our wallis,
A good coū sell lacon gaue to his troyans.
and our bigginnis baithOr to confound, and ouer quhelme our ciete
Thare lurkis sum falset, tharin traistis me
[Page] In fallouschip, my pure fader in were
Send me of ȝouth, as to him nere of blude
Quhil in prosperite of the realme, he stude
And grekis ring by connsel was reulit wisely
Sum name of wourschip, and auctorite bare I
Bot eftir that, by inuy and haitrent
Of the fals fleichand, vlixes sa quent
I iap not for that I say, weill I knaw
Fra he was slane, allace and brocht of daw
Dolorus my lyfe I led in sturt and pane
Heuely weyand my Innocent frende, thus slane
Ceis couth I not, but in my frencfy
Gif euer I happynnyt, my tyme for till es [...]y
And victoure haue retornit, into aige
I hecht to be reuengit with wourdis large
Thus I prouokit scharp seid, and malyce bayth
To me this was first, apperance of skaith
From thus fordwarte vlixes, mare and mare
With new crimes, begouth to affray me sare
And dangerous rumours, amangis the commouns hedis
Skalit and sew of me, in diuers stedis
And knawand him self gilty by his consaite
Grathit his wappynnys, of flicht and fals dissait
Nor ceissit he neuer, his purpois to persew
Quhill the solisting of Calcas, I micht rew
Bot quhareto te [...]l I, or rehersis this
That be na wayis, displesis ȝou I wys
Quhy tary I my deith, and ȝe list strike
Gif that ȝe fauour, all the Grekis elike
This is ynewch, that ȝe haue hard of me
Now haist my pane sen, al gatis I mon de
Vlisses (quhilk is king of Ichacy)
Wald it war sua, and with gret pryce wald by
My deith Agam [...]mnon, als and menalay
[Page xxxi] Than haistit we, and birnt to here him say
Desirus all the maner for till here
Misknawand, and all the iniquiteis sere
And sle craftis, of grekis in euery dede
He quakand than, as it had bene for drede
Begouch for to tell, of the remanent
Sayand on this wise, with dissemblit entent
The grekis oft in purpois, war and wyll
To fle fra troy, and leif it standand still
And wery of thare lang were, pas away
Wald god say thay, had done syne mony a day
The seis rage, and storme thame stoppit oft
And fr [...]m thair passage, the north wynd vnsoft▪
Held thame abak, in anguis and in fere
And principally, sen this hors was here
Of haltir giftes, beildit vp but dout
The stormy cloudis ouer all the are can rout
We douting hereon, send the preist heripulus
Ansuere to seik, at the tempill of Phebus
[...]nd from the secrete oratry, soith to sayne
Thir sorowful tythingis, he was brocht agane
With blude, and by the stauchter of ane maid
Grekis ȝe mesit, the wyndis, first he said
Quhen at ȝe come, of troy to the cuntre
ȝour hame passage, by blude mon fundin be
And haue ȝour asking, be deith of ane gregioun
Quhen to the commonis eris, ran the soun
Of thir wourdis, with myndis affrayit attanis
The cald drede ran in throw thare banis
For fere, quhom to was schaip this destany
Or quhom it was, appollo desirit to de
Vlissas than amang thame, with grete dyn
Calcas the grete diuynar, had brocht in
And be selie at him, Inquiris he
[Page] By the respons of the goddis, quha suld de
Than mony ane demyt, to me ful richt
The cruell wraik of that dissaitfull wicht
And quietly persauit, how it wald wend
This Calcas held his toung, ten dais till end
Kepand secrete and clois, all his intent
Refusing with his wordes, ony to schent
Or to pronunce the deth of any wycht
Scars at the last, throw gret clamour and slycht
Of vlisses constrenit, but mare abaid
As was deuysit, the laith wourd furth braid
And me adiugit to send to the altare
Tharto alhail, the greikis assentit war
And sufferit glaidly, so the mater pas
Quhare vs to fore, euery ane to basit was
For him self and tho blith, was page and knicht
The change retornit, one ane catiue wicht
Cum was the dulefull day, that dois me grise
Quhen that of me, suld be made sacrifice
With salt melder, as wele the gyse is kend
About my hede, ane garland or ane bend
I grant, that from the dede my selfe I fred
The bandis I brest, and syne away fast fled
Vnto ane mudy mares, in the dirk nycht
Amang the Risis and Redis, out of sycht
Full law I lurkit, quhil vp salis drew thay
Gif thay perchance, be ȝit passit away
Now restis thar na hope, alace fell me
My natiue cuntre, sall I neuer se
Nor dere children, nor fader wele, belouit
Quham (as I tra [...]st) the Grekis all amouit
For mine eschaping turment, sall with pane
Thay saykles wiehtis, sall for my gilt be slane
Quharfor syr king, by the goddis aboue
[Page xxxii] And thare michtis, that treuth best knawis and loue
And by the faith vnfilit, and the lele lawte
Gif it with mortall folkis, may fundin be
Haue reuth and pietie, on sa feill harmes smer [...]
And tak my compassioun, in thy gentile hart
Apoun my wrechit saule, haue sum mercy
That geltles sufferis, sic deseisis wranguslye.
☞ ȝit of the tratouris fals contriuit slight
That was beleuit allace with euery wicht.
PArdoun and life,
Nobill [...]cys of simplicite are oft tymes deceuyd b [...] crafty mē whyche is a gret falt [...] negligēs [...] per neis.
to thir teris gif we(Quod priamus) and mercy grantis fre
And first of all the mannakillis, and hard bandis
Chargeit he lous, of this ilk mannis handis
With frendly wourdis, syne thus vnto him sayd
Quhat euery thou art, beis mery and glaid
For ȝet the grekis that lost, ar and away
From thens fordwart, thou salbe ouris perfay
Bot schaw truly this ane thing, I inquire
Vnto quhat fyne this huge hors was here
And of sa grete stature, bieldit apoun hie
Quhay wrocht the werk, quhat may it signifie
Quhidder is it, ane offerend of sum halynes
Or sum engyne of batell, as I ges
Said Priamus, bot than the to thir wicht
Ful weil instrukkit, of Grekis art and slicht
Lousit and laitlye, fred of all his bandis
Vnto the sternis, heuit vp his handis
O ȝe (quod he) euerlesting lampes bright
And ȝour diuyne power, and ȝour gret mych [...]
That aucht not bene, forsworne I testifye
And ȝon altaris, and cruel swerdis quham I
Am eschapit, and all ȝou goddis wyse
Quhais garlandis bare I, as ȝour sacrifice
Leiffull is now to brek, but mare abade
[Page] The sworne promysis, that I to the grekis maid
Lefull is eik thay pepill, for to hate
And schaw furth planely, al that euer I wate
Thare hid slicht als, to ripe furth to the ground
To na cuntre nor lawis, am I bund
So mot thou troye, quham I sall saif fra skaith
Kepe me thy promys, and thy lawte bayth
As I schaw sall, the verite ilk deille
And for my lyfe, sall render ȝou ane grete wele
The grekis traist, and confort mony ȝeris
From the beginnyng, of their mortall weris
On pallas help stude, haill thys toun to get
Bot efter that Thedeus waryit get
With vlisses findare, of wikkitnes
The fataill relik, of palladium I ges
Furth of the tempill, and the hallowit hald
To reif away forcebly, war so bald
And sla the wachis, of the cheif castell
The haly ymage, grisly for to tell
Pullit and filit, and with thare grisly handis
Hir virgine valis, and blissit godly garlandis
Presumyt with sen, syne has euermare
Bakwart of grekis, the hope went and welfare
Thare michtis, and thare strengthis feblit fast
Sa frawart thaym this god, hir mynd has cast
That with na doutsum takinnis, may than tua
Hir greife furthschew this ilk tritonia
Sharslye the statew, was in there temple vp set
Quhen all hir membris, bittir teris swet
Hir Ene glowit as ony glede for ire
Quharfra thare flaw mony sparkis of fire
Ane farfull thing, and wounderfull to tell
Thryis schining doun, on the erd sche fell
Hir [...]arge trymbling, and schaking fast hir spere
[Page xxxiii] Anone almost ȝe wend to sey in fere
Cryis Calcas, nor grekis iustrument
Of troy the wallis sal, neuer hurt nor rent
Les then agane, the land of arge be socht
With alkin portage, quhilk was hiddir brocht
In barge or bilget, ballinger ouer se
The goddis mon, be mesit als (quod he)
And now set thay, with this ilk wynd haue socht
Thare land of Grece, or myce, this is thar thocht
To graith thare armour, and wappynis by & by
And with supple of goddis in cumpany
In haist for to returne agayne, ouer sey
Or ȝe bene war apoun ȝou wil thay be
Thus all per ordour declaris thaym Calcus
At quhais monitioun,
[...] artificious argumēt vnder pretence of religion to deceue the troyans.
als vpbiggit wasThis bustuous forme, in liknes of ane hors
For palladium and to appeis the force
Of the goddes, and to recompence
Of thare wretchit, and dolorus offence
And mareattour, of sa huge quantite
Calcas commandis, big this statew of tre
Thus large & gret, weile nere the heuin on hicht
So at the portis, it ne entir micht
Nor ȝit be brocht, within ȝour wallis wyde
Nor ȝit ȝour pepill, fauour help nor gyde
Efur the auld religioun, and vsage
For gif ȝour handis had violet in ȝour rage
This haly present, of the good mynerue
Grete wraik suld folow, that all suld ȝe sterue
Priamus regune distroyit and al ȝour pelf
Quhilk destany goddis, turne rather in him self
Bot gif this ilk statew, standis here wrocht
War with ȝour handis, into the ciete brocht
Than schew he that the peopil of Asia
[Page] But ony obstakill, in fell battel suld ga
Bet doun the toun, of arge that regoiun
And the samyn fate happynnyt, our successioun
Besi [...] wil [...]s and slithtis, mony one
Of fals contruuit, and manesworn synone
The mater is beleuit, with all it heris
And takin ar by dissait, and fenȝet teris
Thay pepyll, quhom is the son of tedeus
Nor fers Achilles, clepit larisseus
Nor grece ten ȝeris, in batall mycht ouercum
Nor ȝit the thousand schippis all and sum.
¶How stranglit was the preist heicht laocon
And how the hors clam / ouer the wallis of ston.
BEtid the ilk tide, ane fer greter wounder
And mare dredefull to catiuis, be sic hunder
Quhilk of troianis, trublit mony vnwarnit breist
As Laocon that was neptunus preist
And chosin by cauill, vnto that ilk office
Ane fare grete bule, offerit in sacrifyce
Solempnitlie, before the haly altere
Throw the still sey, from tenedos in fere
Lo twa gret lowpit edderis, with mony thraw
First throw the flude, towart the land can draw
My sprete abhorris this matter to declare
Aboue the wattir, thare hals stude euir mare
With bludy tresstis out with, the wallis hie
The remanent swam, alwais vnder the se
With grisly bodyis, lynkit mony fald
The salt fame stouris, from the fard thay hald
Vnto the ground thay glade, with glowand Ene
Stuffit full of venom fire, and felloun tene
With tounges quhissling in thar mouthis red
Thay lyke the twynkilland stangis in thar hed
[Page xxxiiii] We fled away, al bludles for effere
Bot with ane braide, to Laocon in fere
Thay stert attanis, and his tua sonnys ȝyng
First athir serpent, lappit like and ring
And with thare cruell bit, and stangis fell
Of tendir membris, tuke mony sory morsell
Syne thay the preist, in vadit baith twane
Quhilk wyth his wappins, did his besy pane
His childer for to helpin, and reskew
Bot thay about him lowpit, in wympillis threw
And twis circulit his myddill, round about
And twys faldis thare sprutillit skynnis, but dout
About his hals, baith nek and hede thay schent
As he etlis thare hankis, to haue rent
And with handis thaym, alway haue draw
His hede bendis, and garlandis all war blaw
Ful of vennum, and rank poysoun attanis
Quhilk infekkis the flesche, blude and banys
And thare with eik, so horribly schoutis he
The sternes dynnyt his cryis war so hie
Lyke as ane bull dois rummesing, and rare
Quhen he eschapis hurt, one the altare
And charris by the ax, with his nek wycht
Gif one the forhede, the dynt hittis not richt
Syne their tua serpentis, hastely glade away
Vnto the cheif tempill, fled ar thay
Of sterne pallas, to the hallowit place
And crap in vnder the feit, of the goddes
Hid thaym behind the bois, of hir buklere
Than trimblit thare mony, stout hart for fere
The vncouth drede, into thare breistis crap
All said, Laocon Iustlie (sic was his hap)
Has dere bocht his wikkit, and schrewit dede
For he the hally hors, or stalwart stede
[Page] With violent straik, presumyt for to dere
And tharintill, to fassyn his wikkit spere
Vnto the hallowit stede, bring in thay cry
The grete figure, and lat vs sacryfy
The haly goddes, and magnify hir micht
With or [...]souns and offerandis, day and nicht
Quhat will ȝe mare, the barmkin doun we rent
And wallis of our ciete, we maid patent
Vnto their werk, all sped thame besely
Turnand quhelis thay set in, by and by
Vnder the feit of this ilk byisnyng Iaip
About the nek knyt, mony bassin raip
This fatail monstoure, clam ouer the wallis then
Grete wamyt, and stuffit full of armyt men
And thareabout ran childer, and madynnys ȝing
Singand carrellis, and dansand in ane ring
Full well was thame, and glaid was euery wicht
That with thare handis anis, twiche the cordis mycht
Furth drawin haldis, this subtell hors oftre
And mannassand slidis throw the myd ciete
O nateue cuntre,
Exclama [...]yon.
and riall realme of TroyO goddis hous Ilionn, full of Ioy
O wourthy troane, wallis cheuelrus
Foure tymes stoppit, that monstoure perrellus
Euin at the entre, of the portts wyde
And foure syis the armour that ilk tyde
Clynkit and rang amyd, the large belly
Bot netheles in till, oure blynd fury
Forȝettand this richt ernistle thay wirk
And for to drug, and draw wald neuer Irk
Quhill that myschancy, monstoure quentlie be [...]
Amyd the hallowit tempill, vp was set
Cassandra than, the fatis to cum tauld plane
Bot by command of Phebus, all was in vane
[Page xxxv] For thoch scho spait the soith, and maid na bourd
Quhat euer scho said troianis, trowit not ane wourd
The tempillis of goodis and sanctuariis all
The fey pepill, allace quhat say I sall
Quham till this was, the dulefull lattir day
With festuall flouris, and bewty as in may
Did wele adorne, and feist and riot maid
Throw out the toun, and for myscheif was glaid
Grekis enteris by tressoun in the cits
And how Hector appetis to Enee.
Discrypcyon of the nyghte.
With this the heuin, so quhirllit about his spere
Out of the sey, the dym nycht can appere
With hir dick wede baith, erth and firmament
Inuoluing by hir secrete schaddois quent
Couering gregioun, and myrinidonis slicht
Within the wallis to bed, went euery wicht
Still war in all, and soft vapoure of siepe
Apoun thare wery lymmes fast doith crepe
Be than the army of mony ane gregioun
Stuffit in schippis come sra tenedoun
Still vnder freyndlie silence of the mone
To the kend coistis speding thame full sone
And quhen the taikynnyng, or the bele of fyre
Rais fra the kinges schip, vpbirnand schire
Of the Goddis, be frawart destany
Sinon preseruit couth, this thinge espy
The farren closouris opnys, but noyis or dyn
And Grekis hid, the hors coist within
Patent war made, to sicht and to the are
Ioyful and blyth, from that bois statew thare
Discending than, doun lap by courdis attanis
Tirsandir auld, schenelus tua capitanis
The dour vlixes, als and Achamas
[Page] Pelyus neuoy Pirrus, and king Thoas
The first mathaon, and Menclayus
And the engyne, forgeare hate Epeus
The ciete thay Inuade,
The incommodytye of drōkynnes.
and fast infestWith wyne and slepe, yberied and at rest
Slane ar the wachis, liggand on ye wall
Opnyt the portis leit, in thare feris all
To gidder Ionyt, euery cumpany
Throw the ciete, sone rais the noyis and skry
This was that tyme, quhen the first quyet
Of naturall stepe, to quham na gift mare sweit
Stalit on fordowerit mortall creaturis
And in thare sweuynnys, metis quent figuris
Lo in my stepe, I se stand me before
As to my sicht, maist lamentabill Hector
With large flude of teris, and all by sprent
As he vmquhile after the cart was rent
With bark nyt blude, and powder o God, quhat skaith
Bo dnyt ful gret war feit, and lymmes baith
By bandis of the cordis, quhilkis thame dreuch
As weil away, quhat harme and wo ynouch
Quhat ane was he, how fer chaugit from ioy
Of that Hector, quhilom retorned to troy
Cled wil the spulȝ [...], of him achilles
Or quhen the troiane fyre blesis Iwis
On grekis schippis, thik fald he slang that day
Quhan that he slew, the duke protheselay
His fax and berd was, fadit quhare he stude
And all his hare, was glomyt full of blud
Full mony woundis on his body bare he
Quhilk in defence, of his natiue cuntre
About the wallis of Troy, ressauit he had
Me thoucht I first weping, and nathing glaid
Rycht reuerenely begouch, to clepe this man
[Page xxxvi] And with sic dolorus wourdis, thys began
O thou of Troy, the lem and lamp of licht
O troiane hope maist ferme, defence in fycht
Quhat has the tarit, quhy maid thou this delay
Hector quham we desyrit, mony day
From quhat cuntre thus wyse, cumin art thou
That eftir feile slauchter, of thy freyndis now
And of thir folkis, and ciete eftir huge pane
Quhen we bene Irkit, we se the here agane
Quhat hard mischance, filit so thy plesand face
Or quhy se I thy fell, woundis allace
Vnto thir wordis, he name answere maid
Nor to my wode, demandis na thing said
Bot with ane heuy murmour, as it war draw
Furth of the boddum, of his breist full law
Allace allace, thou goddes son (quod he)
Saif thi self fra this fyre,
Hector des [...] eys eneas to depart and saue him selfe because the wyl of the godis was to distroy the citie of troy.
and fast thou fleOuer Inemyis, has thir worthy wallis taine
Troy from the top doun, fallis and all is gane
Eneuch has lestit, of Priamus the rynge
The fatis will na mare it enduring
Gif Pargama the troiane, wallis wicht
Mycht langare haue bene, defendit in to ficht
With thys rycht hand, thay suld haue bene defendit
Ad [...]w farewele for euer it is endit
In thy keping committis, Troy but leis
Hir kyndely Goddes, clepit penates
Tak thir in fallowschip, of th [...]fatis all
And large wallis for thame, seik thou sall
Quhilk at the last, they self sall beild vp hie
Ester lang wandering, and erroure ouer the se
Thus said Hectour, and schew furth in his handis
The dreidfull valls, wympillis and garlandes
Of v [...]sta goddes, of the erd and fyre
[Page] Quilk in hir tempill eternall birnis schire.
¶ How Eneas the terssoundid persaue
And quhat debate he made the touns to saif.
IN sere placis, throw the ciete with thys
The murmour rais, ay mare and mare I wys
And clerar, wox the rumour, and the dyn
So that suppois auchises, my faderis in
With treis about, stude secrete by the way
So busiuous grew the noyis, and furious fray
And ratling of thare armoure, on the strete
Affrayit I glisnit of stepe, and sterte on fete
Syne to the hous, hede Ascend anone
With eris prest stude thare, als styll as [...]one
Ane sound or swouth, I hard thare at the last
Lyke quhen the fire be felloun wyndis blast
Is dreuin amyd the flat of cornes rank
Or quhen the burne on spait hurlis doun the bank
Vthir throw ane wattir brek, or spait of flude
Ryfand vp rede erd, as it war wod
Doun dringand cornes, all the pleuch labor atanis
And driuis on stifiy, stokkis, treis, & stanis
The silly hird scand, this grisly sycht
Set on ane Pennakill of sum cragis hicht
All abasit not knawand, quhat this may mene
Wounderis of the sound, and ferly that he has sene
Richt so I than, be clere takynnis ynew
Manifestly all the Grekis falsed knew
Tare hid dissayte, wor patent than to vs
The nobill ludgeing, of wourthy Deiphebus
Was fall to ground, the fyre vpspred anone
The nixt hous birnis of V [...]ale gone
The large seis, and coistis segeane
Throw lycht of flawmes and bricht fyris schene
[Page xxxvii] Vp sprang the cry of men, and triumpis blist
As out of mynd, myne armour on I thrist
Thocht be na resoun persaue, I mycht but fale
Quhat than the force of armes, could auale
ȝit hand for hand, to thring out throw the pres
With my feris, and rynnyng or we ceis
To se the castell, our hartis birnt for desire
The furie catchit our myndis hate as fyre
So that we thocht, maist semelye, in ane feild
To de fechtand ennarmed vnder scheild
Bot lo panthus slippit the grekis speris
Panthus othrides son, that mony ȝeris
Was of the strenth, and phebus tempill preist
In to his armes lappit, to his breist
The haly relikis of the sanctuary
And eik our vincust goddis, by and by
With him bering, and in his hand also
Harling him eftir, his litill neuo.
Cummis lik ane wod man, to our ȝet rynnyng
How now panthus, quhat tything do ȝe bring
In quhat estate is sanctuarie, and haly geir
To quhilk vthir fortres sall we spere
Skars sayd I thus, quhen gouling pietuosly
With their wourdis,
The distruction of troy shortly [...] hersid.
he ansuerd me in hyThe lattir day is cummyn of dardanus end
The fatale tyme, quhamna waling ma mend
We war troianis, vmquhile was I [...]oun
The schynand glorie, of Phrigianis now is gon
F [...]irs iupiter to gr [...]ce al has translait
Ouer all the ciete, kendillis in flammis hate
The Grekis now are lordis, but ony force
Within the wallis ȝone mekill standand horce
ȝettis furth armed men, and now Sinon
Is vyctor haill, kendland euery one
[Page] The new firis gladlie, as it war sport
At ather ȝet bene ruschit in sic ane sort
Sa mony thousandis come neuer, from myce nor arge
Sum cumpanyis with speris, lance and targe
Walkand wachand in rewres, and narow stretis
Arrayit battallis, with drawin swerdis that gletis
Standis reddy for to stik, gor and sla
Skarslye the wachis, of the portis tua
Begouth defence, and melle as thay mycht
Quhen blyndlingis, in the batall sey thay ficht
Throw their wourdes of Phantus, and goddis hie [...]
Amyd the flammes, and armour in I preist
Ruschand thidder, quhar sorowfull eryimis
The noyis and brute me drew, and quhare I wys
The clamour hard, I rys vp to the are
And of our fallowis, to me come tua pare
Ripheus first by the licht, of mone
Vailȝeand in armes, Ephitus followit sone
Hipanis syne, and eik Dymas in hy
Fast to our syde adionit by and by
Midoneus son, also Corebus ȝyng
Quhilk in thay dais, for fey luf hate burnyng
Of Cassandra to Troy, was cumming that ȝere
To helpe Priame, and Troianis in the were
Vnhappye he was, wald beleif fermly
Hys sayd spousis command, and prophecy
Quhen I thaym saw, this wise adionit to me
And wilfull for to strike, in the melle
Thus I begouth,
Eneas lyke a valyante capton exhortis his troyās to defence of their natiue contre
than forthirmare to stereO ȝe maist forty ȝoung men, that bene here
With breistis strang, and sa bald curage hie
In vane ȝe preis, to succour the ciete
Quhilk birnis all in fyre and flammis rede
The goddis all ar fled out of this stade
[Page xxxviii] Throw quhais mycht, stude our empire mony day
Now all thare tempillis, and altaris waist leif thay
Bot gif ȝour desire be, sa fermlie prest
To fallow me, dar tak the vttirmest
Quhat fortoun is betid, all thinges ȝe se
Thare is no more, lat vs to gidder de
And amyd our, Inemyis army schute
To vincuste folkis, is ane comfort and bute
Nane hope of helpe, to beleif or reskew
So with thir wourdis,
Disperacion sum ti [...] helpis in battell.
the ȝoung mennis curage grewThat in the dirk like, rauynis wolfis on rawis
Quham the blynd furie, of thare empty mawis,
Driuis furth of thare den, to seik thare pray
Thare litill quhelpis left, with dry throttis quhil day
So throw the wappynnys, and our fais went we
Apoun the dede vndo [...] it, and wald not fle
Amyd the cietie, we held the maister stceit
The dirk nicht hid vs, with close schaddowis mete.
¶ The wofull end per ordoure here allas
Followis of troy, and geistis of Eneas.
QVha sall the harme,
A piteous exclamatiō for the distructson of the cyte.
of that wofull nychtExpreme, or quha, with toung to tell has mycht
Sa feil dede corpsis, as thare lyis slane
Or thocht in cais thay weip, quhill teris rane
Equalie may bewale thay sorowis all
The anciant wourthy ciete doune is fall
That mony ȝeris, held hie seneory
Strekit in stretis here and thar thay ly
Feil corsis dede, of mony vnweildy wicht
Doung doun in hous, fey thay fell al nycht
In sanctuariis and templis, of Goddis eik
Na quhare sanctuarie, nor mercy mycht thay seik
And not onlie of troianis throw out the toune
[Page] The blude is sched, thus murtherit and slane doun
Bot sum time eike to thame ouer cumin and schent
Agane returnis, in breistis hardiment
So that sum grekis, victouris war smite dede
Cruel womenting occupiit, euery stede
Ouer al quhare drede, ouer al quhare wox care
And of the dede feil, gaistlie schaddois thare
Bot fyrst enconteris vs, Androgeus
With ane gret cumpany, of the Gregious
Vnwarly wening his fallow we had be
In hamly wordis to vs, thus carpis he
Haist ȝou matis quhat sleuth tariit ȝou thys late
Ouer othir feris, rubbis tursing away fute hate
The spreith of Troy, quhilk now is brynt to gledis
And ȝe first from ȝour schippis, now ȝou spedis
Thus said he, quhen that suddanlie and anon
He felt him selfe, happynnyt amyd his fon
For we him gaif ansuere, not traist yneuch
Astonyst with the word, abak he dreuch
As qua vnwar, tred on ane rouch serpent
Ligand in the bus, and for fere bakwart sprent
Seand hir reddy to stang, and to infek
Set vp hir venomous ȝallow boldin nek
On the se myn wise Androgeus of our sicht
Greitlie affrayit fled, in all his mycht
On thame we schout, and in thar mind rout duschit
Hewit, hakkit, smyte doun, and all to fruschit
Thay fey, Gregiouns, on ilk syde here and thare
With drede ouerset, and wist not quhar thay ware
The first laubour thus, lukkit wele with vs
Ioyus in hart of this, chance Corebus
O ȝe feris hald furth, this way quod he
Quhar fortoun first has schawin ws sic supple
Hald hiddir quhare our manhede has vs taucht
[Page xxxix] Now lat vs change scheildis, sen we bene saucht
Grekis ensenȝeis, do we counterfete
Quhidder be sticht, or strenth of armes grete
Ane man ouer cum, his Inemy quha rekkis
Thay sall vs rander, thare harnes of thar bakkis
And sayand thus, Androgeus criscit helme
He hint in hy and ouer his hede can quhelme
His schinyng scheild, with his baugie tuke he
And hang ane gregioun doun by his the
Siclik dyd Rypheous, my self eik and dyamas
An dalthe vther ȝoung men, that thare was
Full glaidlie in that retent spulȝe warme
Belife ilk man, did him selfe annarme
Amang the Grekis mydlit, than went we
Not with our awin takin, nor deite
Mony debatis, and vnsettis we haue done
And throw the silence of the nycht vndone
Feill of the Grekis, and send till hell adoun
Ane vyir menȝe fled, fast out of the toun
To thair schippis and thair traist coistes nyce
Sum part also, for schameful cowardice
Clame vp againe in the grete hors mawe
And hid thame in that belly weill be knaw
Alace vnlefull is any man towene
Contrare the plesour of goddis ocht may sustene
Lo Driamus Douchter the virgine Cassandra
Was,
He labor [...] in vayne that workis against god.
from the tempill, and sete of myneruaDrawi [...] forsably barehede, with hair doun schaik
Reuthfully in vane behald and heuin alaik
With glotnyt ene, for baith hir tendir handes
Var strenȝeit sair, yboundin hard with bandes
This dolorus sicht, Corebus mycht not se
bot ruschit with furious mynd in the melle
Reddy to de, and we all followit fast
[Page] Amang glauis, and armour in we thrast
Here war we first to fruschit, and hard beset
With dartis and with stauis all to bet
By our awin feris, from the temple hicht
Ane miserabill slauchtir, thay begouth that nicht
The portratour of armes was misknaw
All war but grekis, tymbrillis that thay saw
Als quhat fra waling, and irons wordis fell
Agane reskewit, said by the damysell
Grekis flokkis to gidder here and thare
And vmbesettis, cruelly and sare
The felloun Aiax, and athir Atrides
And all the routis, clepit Dolopes
Lik as sum tyme, the feirs wyndes ȝe se
ȝe pherus, notus, and Eurus all thre
Contrarius blaw, thar bustuous bubbis with [...]ir
The woddis reirdis, baith elme eik and fir
Ouerturnis the ground, and nerens the fomy
From the fey ground, wod wraith is cachit on hy
On sic likwyse, the Grekis war in vadit
For than thay all at fled, warand euadit
Throw the dirk nycht, quhen sum thare feris slew we
And thaym had chasit, throw out all the ciete
Thay war the fyrst come, now to do vs dere
Our fenȝeit scheildis, wapnys and vther gere
Full wele thay knew, and by our vocis eik
Thay notify, that nane of vs was greik
By multitud and nowmer, apoun vs set
All ȝede to wraik thare, war we hall doun bet
And first of all, doun smyte was Corelus
By the richt hand, of greik peneleus
Before the altare, of Armypotent pallas
[...] doune fell, ane of the maist Iust men was
Amang Treianis best, kepand equite
[Page xl] Bot vthir wayis, the goddis thoucht suld be
Hypanis eik, and Damas alsua
war by that followis, throw gird bayth tua
Nor ȝit the pauthus, quhen that thou fell doun
The grete piece, and godlie religioun
Nor habbit of Appollo hid from skaith
O ȝe cauld assis of Troy, and flambis bayth
And extreme end, of cuntre folkis here I
Drawis ȝou to witnes, and dois testify
Quhen that ȝe fell to ground thus, and war slane
I nothir sparit wappynnys, strencht nor pane
Nor nane vnset, eschewit of Grekis mycht
For gif fatis, wald I had fallin in sycht
Thare with my handes, wrocht I worth my dede
Bot with the preis, we war relit of that stede
Onlie with me, Hiphitus, and Pelas
For age Hiphicus waik and febyll was
And Pelyas slauly, mycht one this go
By vxlyxes for he was woun dit so.
¶ How to the kyngis palice sped Enee
That syn was tak thare helpit na supple
ANon vnto the palice, of Priamus
The Schoutis, and the cryis callis vs
Thare was ane hidduous batall for to sene
As thare nane, vthir bargane are had bene
Like as nane slane, was to all the ciete
Sa wod vndantit, melle thare we se
The Grekis ruschand, to the thak on hicht
So thik thai thrhang about, the portis all nycht
That like ane wall thay, vmbeset the ȝettis
Vp to the sayd wallis mony leddir settis
Quharon thai preis, fast ouer the ruf to spele
Couerit wich scheildes, agane the dartis fele
[Page] Thare left hand hie abon, thare hede gan hald
And oft with thare rycht hand, grip the battalling wald
Troianis agane, schaping defence to mak
[...]entturrettis doun, and of hous hedis the thak
Quhen all was lost, thay se at latter end
With sy [...] wappinnis, thay schupe thame to defend
The gilt sparris, and geistis gold begane
Doun on thame sling thay, and mony coistly stane
The proud and rial werkis, of faderis auld
And vthir sum law doun, within that hald
With drawin swerdes, stude reddy to kepe the ȝet
In ane thik rowt, thareat was mony set
Our spretis war restorit, and curage grew
The kingis palice to succoure, and reskew▪
The men tharin with all help, and supple
To strenching thame, war vincust nere we se
Ane small wikkit thare, was or entre derne
Ane littil ȝet clepit, ane posterne
On the bak half, priamus palyce almaist
Amang biggingis, stude desolate and waist
quhar at was woun, alone andromatha
To entir oft to Priamus, and Heccuba
And aftionax her ȝoung son, with hir bring
Vntyl hir grantschir, Priamus the king
Thare at I enterid, and to the wallis hicht
Vpwent quhare wrechit troyanis, as thai micht
Threw doun dartis thocht al was but waist
We sterte vntyl ane hie turret in haist
The top vpstrekand, to the sternes hie
Quharon we wount, ware al troy for to se
The Grekis schippis, and thare tentis eik
With instrumentis of irn, we pyke and seik
Round al about, quhare the ionyngis war worne
Reddy to fal, and corbellis all to torne
[Page xli] We holk and mynd, the corners for the nanis
Quhil doun belife, we tumlit all atanis
Ane felloun rusche it maid, and sound with all
And large on brede, ouer grekis routis did fal
Bot sope ane vthir, sort stert in thare stedis
Nowthir stanis, nor querrells with scharp hedis
Nor na kind of wappynnes, war sparit than
And first of all before the port in ran
Hard to the entre in, schynyng place of male
Pirrus with wappynnis feirslie did assaile
Lik to ane eddir, with schrewit herbis fed
Cummyn furth to lycht, & in the grund lyis spred
Auham wynter lang [...], hid vnder the cald erd
Mow slippit hir quoch, with schanand skyn new barde
Hir sliddrybody, in hankis round al run
Hie vp hir nek, strek and agane the son
With forkit toung in to hir mouth quitterand
To the assalt with pirrus com at the hand
Periphas, and anthome done his squyere
Was wount to gouerne, Achillis cart in were
And all the fensable men of Sirrea
Bownis ouer the wallis, and house hedis alsua
And fire blesis, aboue the rufe garris fle
Bot first of all ane, stallwart ax hynt he
The stirne Pirrus, to hew, and berk the ȝet
And furth of it, the scapillis has he bet
And bandis al of brais, yforgit wele
Be that in tua, the maister bar ilk dele
Is al to fruschit, syne the hard burdis he hakkis
And throw the ȝet, ane large windo makkis
By the quhilk slop, the place within apperis
The wyde hallis, wox patent all in feris
Of priamus, and ancient kingis of troy
Secrete throw gangis, ar schawin wont to be koy
[Page] Armyt men se thay stand, at the first port
Bot than throu out the Inner palice at schort
With duleful skrik, and waling, all is confundit
The holl housys ȝoulit, and resoundit
For womenting of ladyis, and wemen
The clamour vpstert,
A pytefull lamentacyon of wemen.
to the sternes thenThe wofull moderis ran f [...]ayit on athir syde
Full lamentabil, throw out the chalmeris wyde
Brayssand the pestys, in armes, and durris cald
And seil fyis, with mouthis kis thaym wald
Instanlye pirrhus assailȝeis, with all his mycht
Be naturall strenth, of hys fader the wicht
That nothir closouris nor barrit ȝettis stout
Nor ȝit the keparys, may hald them langar out
Oft with the rain the porte is schaik and duschit
Doun bet ȝet chekys and bandis all to fruschyt
The wey is mayd, by force and entre brokyn
Grekis insprent, the formest haue thay stokyn
And slane with swerdes, the large hald here and thar
Was fillit full of Grekis ouer alquhare
Not so feirsly, the fomy riuer or flude
Brekis ouer the bankis, on spait quhen it is wod
And with his brus, and fard of watir broun
The dykys, and the schorys betis doun
Ouer spreddand crois, and flattis wyth hys spate
Ouer all the feyldis, that thay may row ane bate
Quhyll houssis, and the flokkys flittis away
The corne grangis, and slandand stakkys of hay
I saw my self thare, Neoptolemus
Make felloun slauchter, wod and furius
And athyr brethyr, of atrides alsua
Eldmoder to ane hunder, thare saw I Heccubā
And Pryamus at the alter, quhare he stude
All ouer bysprent, sparkyt full of blud
[Page xlii] Of sacrifice, quham to, he bet the fire
Fyfty chalmeris, helde that riall sire
Quharein was his gude dochtreis ladyis ȝinge
Sit fare beleif is loist, of his of springe
The proude geistis, and durris gi [...]t with gold
Of barbary werk, and hungin many fold
With riches and spulȝe, of mony naciouns
Safer as from the fire, vnbet adoun is
The Grekis occupiis haly all is thairis
Quhat so thame list, to spill is nane that sparis
¶ In to thys nixt chepture ȝe may attende
Of Priame kynge of Troy the fatale ene.
PEreuenture of Pr [...]amus,
The olde man Priamus king of troy wold rather die thē com in his enemies handes.
wald ye spereHow tid the chance his fate, gif ȝe list he [...]e
Quhen he the ciete saw takin, and doun bet
And of his palice brokin euery ȝet
Amyd the secrete closettis, eik his fais
The auld gray, all for nocht to him fais
His hawbrek quhilk was, lang out of vsage
Set on his schulderis, trymbling than for age
Ane swerd but he [...]p, about him beltis hie
And ran towart his fais, reddy to dee
Amyd the clois vndar, the heuin all bare
Stude thare that time, ane nobil fare altare
Nere quham thare grew,
Heccuba the qune repreueth her husband shewyng that it was vtpossibil to resist so many enemyes.
an rycht auldl laure treBowand toward the altere, ane litill we
That with his scaddow, the goddis did ouer heild
Heccuba thidder with hir, childer for beild
Ran all in vane, and about the altare swarmes
Brasand the godlike ymage, in thare armes
As for the storme dowis flokkis, to gidder ilkane,
Bot quhen sche saw, quhat Priamus has tane
His armour so, as thoucht he had bene ȝing
[Page] Quhat fuliche thocht, my wretchit spous and kinge
Mouis the now sir wappynnis, for to weild
Quhidder haistis thou, quod sche of ne si [...] beild
haue we now myster, nor sic defendoris as the
The tyme is not ganaund, thar to we se
In cais hector war, present heir my son
He mycht not succour Troy, for it is won
Quharfor I pray sit doune, and cum thidder
And lat this altare sauf vs all togiddir
Or than ottanis all here lat vs de
Thus said sche, and with sic sembland as micht be
Him towart hir, has brocht but ony threte
And set the auld doun in the haly sette
But lo polites ane of, Priamus sonnys
Quhilk from the slauchter of pirrus, al way runis
Throw wapynnys fleing, and his innemis all
By lang throw gangs, and mony vode hall
Woundit he was and came to seik reskew
Ardentlie Pirrus, can him fast persew
With grundin lauce, at hand so nere furth strekit
Almaist the hede him, twichit and arrekit
Quhill at the last, quhen he is cummin I wene
Before his fader, and his moderis ene
Smat him doun dede in thare sicht quhare he stude
The gaist he ȝald, with habundance of blude
Priamus then thoucht he was, half dele dede
Mycht not contene hir Ire,
the affectiō of a father towart his chyldren.
nor wourdis of fedeBut cries furth for that, cruell offence
And outragius, full hardy violence
Gif thare be piete, in the heuin aboue
Quhilk takis hede to this that thou has done
The goddis mot, condingly the forȝeild
Eftir thy deserte rendring, sic gan ȝeild
Cansit me behald, myne owne childe slane alace
[Page xliii] And wyth hys blude, filit the faders fete
Bot he quham by, thou fenys thy self be gette
Achill was not, to Pryamesa hard sette
For he of ritht, and fayth esthamed eyke
Quhen that I com, hym lauly to beseyke
The dede body, of Hector rendrit me
And me con voyt hame to my ciete
Thus say and the auld waikly, but force or dynt
Ane dart did cast, quhilk wyth ane pik dyd stynt
On his harnes, and on the scheild dyd hyng
But ony harme or vyer, damnessyng
Quod Pirrus alwayis, sen thou sayis sa
To Pilleus son my fader thou moist ga
Bere hym thys message, remember well thou tell
Him, all my werkis and dedis sa cruel
Schaw Neoptolemus, is de generit clene
Now sall thou de,
kyng Pryamus [...]
and with that word in tenThe auld trymblyng towart, the altare he drew
That in the hate blud of his son sched new
Founderit and pirrus him, grippit by the hare
With his left hand, and with the tothir al bare
Drew furth his schin, & swerd quhilke in his side
Festnyt, and vnto the hiltis did it hyde
Of Priamus this was, the finale fate
Fortoun here endit,
[...] of the infelicitye and inconstant fortune of the kingdomis of this world.
his glorious estateSeand Ilioun all, birn in fyris broun
And Troyis wallis, fall and tumblit doun
That riall prince vinquhile our As [...]a
Apoun sa feill pepil, and realmes alsua
Regnit in welch, now by the coistes lyis dede
Bot as ane stok, and of hakkit his hede
Ane corps, but lyfe renowne or vthir fame
Vnknawin of any wicht, quhat was his name
¶ How ve [...]us gan to Eneas appere
And of his fader / and vther maters fere.
FIrst than the gris [...]ie, dede about me stert
Astonyst I wox, for sone prent in my hart
The Image of my dere fader, quhen I
The king his euin e [...]d beheld sa cruelly
Be dedely wound ȝaldand, vp the sprete
On desolate Crevsa, my spous sa sueit
I thocht als, and dangerus of my place
Of litil Ascaneus, sare I drede the caise
About I blent to behalde here and thare
Quha of our feris, remanit with me thare
All war thay fled, full were left me allone
Sum to the erd loppin, from the hye touris of stone
Sum in the fyre, thayr irked bodyes let fall
Thare was na ma, but I left of them all
Quhen in the tempell of vesta the goddes
Lurkand full law, in tyl an secrete place
Tyndarus dochter, quene Helene I espy
The firis schane so bricht, as I went by
All thing was patent, quhare so euer I went
Sche dreding, les the troyanis wald hir schent
And cast sum way, for hir distructioun
Becaus all troy, for hir was thus bet doun
Sare punycioun of Grekis, drede sche als
Hir husbandis wraith, quhom sche left and was fals
And eik the common fatale, fury of troy
Hir self sche hid, therfore and held full koy
Besyde the altare sitting one this sene
My sprete for Ire, brynt in propir tene
And all in greif thocht cruell vengeance tak
Of my countre, for this myscheuous wraik
Wyth bittir panis, to wreik our harmes smert
Thocht I, sal scho pas, to the relme of spert
[Page xliiii] Hale skarth and se mytene, hir natyue land
And with triumph follow hir first husband
Or like ane Quene, sall sche wend hame ouer se
Hir frendis agane, or chyldren shall she se
Accompanyit with mony, troiane made
And Phrigiane Seruandis, in bondage with hir bade
Sen now by hir with swerd, lyis Priamus dede
And riall troy all brynt in flammes rede
Of Dardane eik, the strandis, and the flude
Sa oft has bene walterit, or baythit in blude
Na na, not sa, I wys that sall sche nocht
And set it be not louable, nor semely thocht
To punys ane women, but schamefully hir to s [...]a
Na victory, but lak following alsa
ȝit netheles I aucht louit to be
Vengeaunce to take on hir, deseruis to de
It wyll my mynd assuage, for to be wrokin
On hir quham by, troy birnt is and doun brokin
And for to eik the mischeif, of hir dede
Till our sorowis, fillit with asses rede
Syc tythinges I thocht, half wod and furius
As out of wit, my mynd was cachyt thus
Quhen that my blessit moder of sic bewte
Apperit fare, than euer I did hir se
Schynnyng full clere, for al the dyrke nycht
Confessiyng hir to be, ane goddes britht
In sic forme of quantite and estate
As sche is sene wyth spretis deificate
Me by the rycht hand hint sche, and held fast
And wyth hir rosy lyppes,
Venus oracion exhorting hi [...] son to mercy & pytyefulnes.
thus sayd at lastSon quha sa grete, and furious cruelte
And hie vndantit Ire, has rasit in the
Quhy gais thou mad, quhiddir is went this vnkynd
[Page] Our remembrance,
Venus oration exhortinge hyr sonne to mercy [...] and pytie.
or we forȝet of myndSuld thou not first, think quhare thou left but le [...]s
Thy verray fader, the agit Anchises
Wenys thou or not, ȝit creusa leuand be
And astaneus thi ȝoung son, quham all thre
The Grekis armys walkis rwnd about
And bot my mycht resist thame sans dout
Thay had bene brynt, or this in flambis tede
And with thair fais swerdis, smyte to dede
Not the bewte of Helene, Latonia
Quham thou hatis, nor Paris quhilk alsua
Is blamyt of this riches, has thou rest
Bot the wraith, of the Goddis has done [...]est
The cietie of Troy, from top on to grund
Behald for thy within, ane litill stound
The cloud of Dirknes, from thy sicht so clere
That on ȝour mortale ene, quhil ȝe bene here
Lik to ane wattry, [...]ouch standis dym about
Thy moder is hi [...]st on, na wys nedis the dout
Na hir command refusing to obey
Quhare thir towris, thou seis doun fall and sway
And stane fra sta [...]e, doun bet and reik vprys
With stew pouder, and dust mixt on this wyse
Neptune the foundmentis of thir wallis hie
With his grete mattok, hauand granes thre
Vnder myndis round▪ about the towne
Furth of the ground, holkand the bermkyn doun
Maist cruell Iuno, has or this alsua
Sesit with the first, the port clepit stea
And from the schippes the co [...]stis on sche Callis
Standand wodwraith ennarmed on the wallis
The hie castellis, and strenthis to and fra
Tenald now pallas of tritonia
All occupus schynyng in werelik wede
[Page xlv] Fell Gorgones had, in to hir schield tak hede
The grete fader Iupiter, strench and mycht
Distributis happely, to the Grekis in ficht
And eik the goddis Ire, prouokis he
Aganis troianis, power in melle
Fle now my son in haist, away thou wend
And of lauboure vpproffitabill, mak ane end
I [...]albe with the souirlie, and full kroy
Quhill to the faderis, ȝet I the conuoy
This sayand scho, hir hid in the clois nycht
Than terrible figuris, apperis to my sicht
Of grete goddis semand, with Troy aggreuit
And tho beheld I, all the ciete mischeuit
Fare Ilioun all fall in gledis doun
And from the sole, grete Troy Neptunus toun
Ouer tumblit to the ground, so as ȝe se
The lauboraris, in to the mountanis hie
With steil axes, besely hak and hew
Ane meikle aik, that money ȝeris thar grew
The tre brangillis boisting to the fall
With top trymbling, and branschis schakand all
Quhil finalie it get the lattir straik
Than with ane rare doune, duschis the meikle aik
And with his fard, brekis doun bew wis about
Furth of that stede I went, and throw the rout
Of Inemyis, and flammis I me sped
The fyre and wappinnis, gaif me place and fled
So happely the goddes, gydit me
Quhill that within, the portis and entre
Of my faderis lugeing, I am cumin
My fader than, quham I schupe to haue numinyn
And cary it to the nerrest hillis hicht
And him thareto solist, with all my mycht
B [...]t he rifusis, or euer to leif in Ioy
[Page] Efter the rewyne, and distructioun of Troy
To suffir exile he said, that hene couth
O ȝe quod he in blude,
A good prince dysereth not to liue seinge the destructyon of his natiue countre
and flurist ȝouthThat has ȝour strenth ȝit, and for [...]y mycht
Pas on ȝour way, anon and tak the flicht
Gif goddis likit lenth, my life langar space
Thay wald haue sauit, to me this litill space
It is yneuch yneuch, and mare I wene
Ane destruction of Troy, that we haue sene
Remanyng alife, efter the ciete tane
So so hald on, leif this dede body allane
Sa the last quething word, adew to me
I sall my deith, purhces thus quod he
Quhen our Inemyis, seis me enarmed stand
Sum sall haue reuth, and slame with his brand
To get my spulȝe, quhat of the body na cure
The corps is sone, warpit in sepulture
Hatit of the goddis, to all nedis vnable
Thir mony ȝeris, I left vnproffitabe
Ay sen the fader of Goddis, and king of men
With thunder blast, me smate as that ye ken
And with his fyry leuin me, vmberaucht
That we in to our langage clepe, fyre flaucht
Reher [...]s this fermlie, he did remane
At his first purpois fixt,
Eneas exorteth hys father to departe
and we aganeFurth ȝetting teres, and our spous Creusa
Ascaneus ȝing, and all ouer menȝe alsa
Besocht my fader to saif, his very banis
And not be wilfull, to perris all atanis
An to eschew the chance, as it was wount
Plat he refusis, enherding to his entent
The first sentence haldand, euer in ane
To stert to harnes, I am compellit agane
And as maist wertchit, and miserabill catiue
[Page xlvi] Dede I desirit, and Irkit of my lyfe
For by na wisdome, nor chance persaife I mycht
We couth eschaip, nor ȝit by force in fycht
O dere fader qhuat, wenys thou for dede
And fute quod I me, to stere of thes stede
And leif the here, O God quha euer couth
Sic cryme to me be said, of faderis mouth
Bot gif it lykis, to the goddis hie
Na thinge be left, of sa fair ane ciete
Or gif thou has in mynd decretit eik
And weile likis thyne selfe, and thine to eik
Vnto the rewyne of Troy, and to be schent
Dede at our dur is reddy, and patent
From mekill blede schedding, of Priamus
Hiddir belife sal cum, cruell Pircus
Quhilk vaucys the son, before the faderis face
And Gorris the fader, at the altere but grace
Is this the way, my haly moder that thou
Suld keip me, fais and firis passyng throw
That I behald, within my chalmer secrete
My Inemyis, and se Ascaneus sueit
My dere fader and Creusa my wyfe
Athir in vtheris,
The valiāt prince eneas wyl rather dye with honour then to suffer his fader hys wife and chylde [...] perrillys.
hate blude leissis thar lyfeHarnes serwandis, harnes bringe hidder sone
The latir end thus, vincust and vndone
Callis vs agane, to battell and assay
Haue done cum on thys is ye lattir day
Render me to the Grekis, or suffir me
The bargane begyn at I may se
This daye vnwrokin, we sal neuer all be [...]ane
About me than my swerd I belt agane
And schote my left arme in my scheild all mete
Bownyng me furth, quhen lo about my feit
My spous lappit, fell doun into the ȝett
And litill Iulus, forgane his fader vp set
[Page] Gif thou list pas, quod she thy self to spill
Harll vs with the, in all perellis, quhar thou wyl
Bot gif thou traistis, as expert in thy dedis
Ony help by force of armes, than thou nedis
First to defend and kepe, this hous quod scho
Quhar thyine fader, and thyne ȝoung son bene lo
And I vmquhile, quhilk salbe clepit thy spous
Quham to sall webe left, in this waist hous
☞ How Eneas hys fader bare away
and how he loist Creusa by the way.
WIth skirllis and with skrekis, sche thus beris
Filling the hous, with murnyng, and salt teris
Quhen suddanly ane wounder thyng to tell
Ane ferefull takin, betid of grete meruell
For lo the top of litil Ascaueus hede
Amang the dulful armes, wyll of rede
Of his parentis from the schede of his croun
Schane al of licht, vnto the erd adoun
The leme of fyre, and flamb but ony skaith
In his haris about his haffattis bayith
Kendillis vp bricht, and we than all in were
Abaissit trymblyng, for the dredful feare
The blesand haris, bet furth thay brynt so schir
And schupe with watir, to slokin the haly fyre
Bot anchises my fader, blith and glaid
Lift ene and handis, to the heuin, and thus gatis said
O thou almichty, Iupiter quod he
With ony prayeris inclinit, gif thou may be
Tak hede to vs, and gif we deseruit
For our piete and reuch, to be conseruit
Haly fader send vs thy help als ȝore
And conferme all the takinnis, sene before
Skarsly the auld thir wourdis, had warpit out
[Page xlvii] Quhen sone the are begouth, to rumbil and rout
On our left hand, towartis the North full richt
And from the heuin▪ fell in the dirk nicht
Ane fare bricht sterne, rynnand with bemes clere
Quhilk on the top of our logeing, but were
First saw we licht, syne schinning went away
And hid it in the forest of Ida
Merkand the way, quhidder that we suld spure
Thare followis ane streme of fyre, or ane lang fure
Castand gret licht, about quhare that it schane
Quhill all inuiroun, rekit lyke bryntstane
With that my fader Vincust, stert on fute
And to the goddis carpis, to be our but
The haly sterne, adornit, he rycht thare
Now now quod he, I tary no langare
I follow and quhidder ȝe gide me sall I wend
O natiue goddis, ȝour awin kinrent defend
Sauf ȝour neuo ȝouris is this orakil
In ȝour protectioun, is troy for this myrakil
I wyl obey, and grantis vnto ȝour will
My dere son quhidder, euer thou wend will
I sall na mare refuse, to be thy fere
Thus sayd he, and be than thare and here
Throw out the wallis, the reird of fyris grew
Aymare and mare, and the here nerrer drew
Haue done quod I, and syne clim vp anone
And set the euin aboue my nek bone
Apoun my schulderis I sall the bere but were
Nor this labour sall do, to me no dere
Quhat euer betide, ane welfare or ane skaith
Sal be commoun, and equale to vs baith
Litill iulus sal bere me cumpany
My spous on dreich, eftir our trace sal hy
And ȝe my seruandis take hede, quhat I say
[Page] As ȝe pas furth, of this ciete this ilk way
Thare is ane mote, quhare ane auld tempill but leis
Now standis desert, of the goddis seris
Beside quham, growis ane Cipir tre full old
With forefaderis feil ȝeris in wourschip hold
In that place lat vs meit, on athir syde
Fader sen that we may, no langer bide
Take vp the haly relikis, in thy hand
And our penates, and goddis of this land
It war vnlefull, and wikkitnes to me
From sa grete slauchtir, blude schedding and melle
Newly departit to twiche thaym, for the blude
Quhil I be weschin, into sum rynnand flude
And sayand thus, I spred my schulders braide
Syne ouer my nek, aboue the weidis laid
Ane ȝallow skyn was of the feirs Lioun
And thare apoun gart set my fader doun
Litill Iulus grippis me by the hand
With vnmeit pais his fadder fast followand
Nere at my bak,
The mercy and pitefulnes of Eneas.
Creusa my spous ensewisWe pas by quiet wentis, and secrete rewis
And me quham laitlie, na wappin nor dartis cast
No preis of Grekis, routis maid agast
Ilk sow [...]h of wynd, and euery quhisper now
And alkin strage affrayit, and causit grow
Baith for my birdin, and my litill mait
Quhen we war cummyn, almaist to the ȝet
And all dangere, we thocht eschapit nere
Ane felloun dyn, belyue of feit we here
My fader than lukand, furth throw the sky
Cryis on me fast fle son fle son in hye
Thay cum at hand behynd me, I gat ane sycht
Of lemand armour, and schynand sheildis brycht
That I knaw nocht, quhat fermyt god vnkynd
[Page xlviii] So me astonist, and reft from me my [...]
For throw the secrete stretes, fast I ran
Before the layif, as weile bekend man
Allas to me, catiue I wat neuer quhidder
My spous Creusa remanit, or we com hidd [...]
Or by sum fate of goddis, was reft away
Or gif sche errit, or irkit by the way
For neuir syne, with ene saw I her eft
Nor neuer abak, fra sche was loist or reft
Blent I gane, nor perfite mynd has cummyn
Quhill to the mont, of seres war we cummyn
And fynalie, quhen we bene gadderit thidder
Fast by the haly tempill, all to gyddir
Sche was away, and betrumpit soithli
Hir spous, hir son, and all the cumpany
Than wod for wo so, was I quite myscaryit
That nother god, nor man, I left vnwaryit
For quhat mare hard mischance, quhen troy doun fell
Apperit to me, as that, or sa cruel
Astaneus tho, and my father Anchises
And eik our troiane goddis, penates
Vnto my feris, betaucht I for to keipe
And hid thaym derne, with in ane valey depe
To the toun I sped, with all my mycht
Claspit fulll meit, in till fyne armour bricht
Wilfull,
Eneas return [...] his wyfe.
all auenturis newlingis to assayAnd for to serche troy, euery streit and way
And eik my hed agane, in perrel set
Bot first the wallis, the derne entre and ȝet
Quhare atwe Ischit, furth, I seik agane
Halding bakwart ilk frute step we had gane
Lukand and serchand, about me as I mycht
The vgsumnes, and silence of the nicht
In euery, place my sprete mad sare agast
[Page] Fra thyne, vntil our lugeing hame I past
To spy perchance, gif sche had hiddir returnit
It was with Grekis ouerset, and hail ouer turnit
Alhail the hous, wyth thaym sa occupyit
Belife the fyre, all waistand I espyit
Bleis with the wynd, ouer the rufe here and thare
The flames vpsprang, and hait low in the are
¶ How Eneas socht hys spous / al the coist
And how to hym apperis / hir grete goist.
TO Priamus palice, eftir socht I than
And syne, vnto the tempill first I ran
Quhare at the portis, or, cloister of Iuno
Than al bot waist, thoch it was girth stud tho
Phenix, and Dour vlixes, wardanis tway
For to obserue, and keip the spreith or pray
To giddir in ane hepe, was gadderit precius gere
Riches of Troy, and vthir Iowellis sere
Reft from al partis, and of the tempillis brynt
Of massy gold, the veschell war furth hynt
From the goddis, and gold in tabillis al
With precius vestmentis, of spulȝe triumphal
The ȝong children, and frait matronus eik
Stude all on raw, with mony pietuous screk
About the tressour, quhymperand wordis sare
And I also my self, so bald vox thare
That I durst schaw my voce, in the dirk nicht
And clepe and cry, fast throw the stretis on hycht
Ful dolorusly, Creusa Creusa
Agane feil syis, in vane I callit sa
Throw housis, and the ciete quhare Irode
But other rest, or ressoun as I war wode
Quhil at the figur, of Creusa and goist
Offer mare stature, than are quhen sche was loist
[Page xlix] Before me catiue, hir sekand apperand thare
Abasit I wox, and widdirsynnis stert my hare
Speike mycht I not, the voce in my hals sa stak
Than sche belife, on this wyse to me spak
With sic wordis, my thochtis to assuage
O my s [...]eit spous, into sa furious rage
Quhat helpis thus,
[...] oration to hyr husbād Eneas desyryng him to be cōtēt with the wyl of god showynge that all thyng shall turne for his best & his posteryte.
thy seluyn to tormentThis chance is not, but goddis willes went
Nor it is not leful thyng, quod sche
Fra hyne, Creusa thou turs away wyth the
Nor the hie gouernoure, of the heuin abon is
Will suffir it so to be, bot the behuffis
From thens to wend full fer into exile
And ouer the braid sey, sayl furth mony a myle
Or thou cum, to the land Hisperia
Ouhare with swift coursis, tybis of Lidia
Rynnys throw the riche feildis, of pepill stout
Thare is gret substance, ordanit the but dout
Thare sall thou haue ane realme, thare sal yu ring
And wed to spous, the dochter of an king
Thy wepyng, and thitaris do away
Quhilk thou makis, for chy luffit Creusay
For I the nece, of mychty Dardanus
And gude dochtir vnto the blissit venus
Of mirmidones the realme, sal neuer behald
Nor ȝit the land of Dolopes so bald
Nor go to serf na matroun gregioun
Bot the gret moder, of the goddis ilkon
In theyr cuntreis withhaldis me foreuer
Adew fare weile, for ay we mon disseuer
Thou begude frend,
The affection of a mother.
luf weill and keip from skaithOure ane ȝoung son, as commoune to vs baith
Quhen this was spoken, away fra me she glaid
Left me wepyng and feil wourdis wald haue said
[Page] For sche so lithtlye, vanist in the are
That with my armes, thrys I preissit thare
About the hals, hir to haue belappit
And thryis all waist, to gidddir my handis I clappit
The figure fled, as li [...]ht wynd or the sonne beme
Or maist likly, ane wauerand sweuin or dreme
Thus finalie, the nicht al passit and gane
Vnto my fallowschip, I returne agane
Quhare that I fand, assemblit al newlye
Sa huge ane rout, of our folkis that I
Wounderit the nowmer, thay sa mony were
Of men women, gadderit all in fere
And ȝoung pepill, to pas in exile habill
And of commouns, ane sorte so miserabill
Fra euery part, that flokking fast about
Bayth with gude will, and thare moblis but dout
Reddy to wend, in quhat coist or countre
That euery me list, to cary thayme ouerse
With this, the day sterne Lucifer the bricht
Aboue the stop of Ida, rais on richt
Gyding the day, hard at his bak following
The grekis than, we se in the mornyng
Stand for to kepe, the entres of the portes
And thus, quhen na hope of reskew at schort is
My purpois I left, obeyand destany
And car [...]t my fader, to Ida hill in hy.
❧ Finis.
¶ The Prologue, of the thyrd Booke of Eneaods
HOnerit lady pail Cynthea, not bricht
Quhilk from thy brothir, borrowis al thi licht
Reulare of passage, and wayis mony one
Maistres of stremes, and glaider of the nycht
Schipmen, and Pilgrimes, hallowis thy mycht
Leman to pan, douchter of hipieroun
That slepand, kissid the hird Endemoun
Thy strange wentis, to write god gif me sticht
Twichand, the third buke of Encadone.
The ferefull stremes, and coistis wounderfull
Now must I wryte, thocht my wyt be dull
Wilde auenturis, monstouris, and quent affrayis
Of vncouth dangeris, this next buke is ful
Nyce laubour, quhare mynotaure the bul
Was kepit, had neuer sa feile cahutis, and wayis
I drede men clepe them, fabillis now on dais
Tharfor wald god, I had thare eris to pull
Misknawis the crede, and threpis vthir forvayis.
In cais thay bark,
[...] can do [...] thynge agaīst good men but bark and [...]hyd and with that schaw th [...] a wine fulyshnes. good men with wysdom tempereth the [...] tonges
I compt it neuer ane myteQuha can not hald thare pece, ar fre to flite
Chide quhill thare hedis riffe, and hals worde hace
Wene thay to murdir me, with thare dispite
Or is it Virgil, quha tham list bakbite
His armour wald thay perce, quhare is the place
He doutis na dynt, of pollar, swerd nor mace
Quhat wenys thou freynd, thy craw be worthin quhite
Suppois the holkis be, all ouer growin the face.
Deme as ȝe list, that can not demyng weil
And gentill courtes redaris, of gud zeill
[Page] I ȝou beseik, to geuin aduertence
This text is ful of stories, euer ilk deill
Realmes and landis, quhare of I haue no feill
Bot as I follow, virgill in sentence
Few knawis, al thys coistis fa fer hens
To pik thaym vp, perchaunce, ȝour ene wil reile
Thus aucht thair na [...]e, blame me for smal offence
By strange chanullis, fronteris and fore landis
❧ Vncouth coistis, and mony vilsum strandis
Now goith our barge, for nother houk nor craik
May here ruke saile, for schailed bankis and sandis
From herpies fel, and blynd Ciclopes handis
Be my lede stere, christ goddis sone but maik
Thocht storme of temptacion, my schip eft schaik
Fra swelth of [...]lla and dirk Caribdis bandis
I mene from hell, sal not go al to wraik
Finis.
¶ The thyrd Booke of Eneados
¶ Efter the distruction of Ilium
He salis in trace and biggis ene adum.
EFter that sene, and th [...]cht expedient
Was by the goddis, to distroy and sche [...]
Of Asia the Empire, and doun to bryng
But offence, Pr [...]mus pepil, and of spring
And proud I [...]ioun, was brokyne ane bet doun
And from the sole,
Troy distroit by the goddis for their pryd.
al Neptunus tounIbrint in smok of flambis, and in reik
Sindry landis, and cuntreis for to seik
And wend exile, in diuers natiouns
Of the goodis, by reuelatiouns
We war admonist feil syis, as is said
Schippis we graith, and nauy reddy maide
Betuix Anchandros, and the mont of Ida
Vncertane quhiddir, the fatis wald we suld ga
Or quhare we suld, remane ȝit finalie
[Page li] Our men togiddir, gadderit we in hie
And skant, begynnyng was the fresche were
When that Anchyses, my awin fader dere
Bad vs make saile,
Eneas affectian towart hys natyf countre.
and folow destanyThan weping sare, my natiue coist left I
The hauynnys and feildes, desolate
Whare troyis ryall cietie, stude of layt
Furth sale we, bauist throu the deip se
With my ȝoung son Ascaneus, and our menȝe
And wyth our freyndly goddis Pinates hate
And eik our grete goddis, of mare estate
Thare lyis ane werlye cuntre, weil feir thens
With large fieldes, lauborit ful of fens
Of trace the pepil, or thare inhabyting
Qhare that vmquhile, strang Ligurgus was Kyng
Ane ancient, and ane tender herbry place
Till tr [...]ya [...]s, quhil we stude in fortouniys grace
Our pepil, togiddir confederit and ally
By schip thidder ouersey, cariit was I
Quhare at the bay, and coistis syde of the sey
Begouth I first, set walles of ane cietie
All thocht my fundament, was infortunate
The toun I nemyt, efter myne estate
And fra my name, it clepit Eneades
Vnto my moder, of Diane douchter wes
Sacrifice I maid, and to the goddis all
Quham for new wertris, men happy helparis cal
And to the kyng, of hevinly wythtis that tyde
Ane quhite bull slew I, be the coistis syde
On cace thare stude, ane lityl mote nere by
Quhare hep thorne buskis, on the top grow hie
And euyn sepplynis, of Myrthus the tre fiuneral
Thidder I went grene bews doun to hale
Hard by the ground, my altare for to dycht
[Page] With burgeouns, and with branschis al at rycht
Ane grislie takin, fereful to tel I se
As from the sole vprent, was the first tre
By the rutis, the blak droppis of blude
Distillit thare fra, that all the erth, quhair it stude
Was spottit of the fylth, and stenyt allak
The cauld drede, maid all my membris quaik
And for effere my blude, to giddir fresit
Ane vthir small twist, of ane tre I chesit
For to brek doun, the causis to assay
Of this mater, that it was vnknowin alway
And ȝit the blude, followit on the samyn maner
Furth of the bark, of that vther but were
Than in my mynd, of mony thingis I musit
And to the goddes, of vildernes as is vsit
Quhilk hamadriades, hait I wourschip maid
Vnto Gradmus father, that ringis of glaid
Ouer all the land, of getis and of tars
Quhilk clepit is, the god of armis mars
Beseiking this, auisioun worth happy
And the orakil, prosperite suld signify
Bot eftir that, the third sioun of treis
Apoun the sandis, sittand on my kneis
I schupe to haue, vp reuin with mare preis
Quhidder sall I speke now, or hald my peis
Furth of the graif, ane duleful murnyng law
I herd,
Polidorus complayn [...] [...] Eneas
and to myne eris com this sawEnee, quhy rentis thou, ane wrechit creature
Haue reuch of him, new laid in sepulture
And for to fyle, the deuote handis spare
Of troy yborne, am to the na strangeare
This blude droppis, not from that stok in thy ha [...]
Fle sone allace, furth of this cursit land
Fle from this auerus kingis coist, in hy
[Page lii] For lo thus Polidorus, here I lye
Throw gyrd with dartes, and steil hedis [...]cho [...]e
Apon sic wise, ouer heildit on this mote
The scarpe lantis, growis grene and spredis oute
Than wist I not, quhat I shuld do for dout
The fere affrayit, my mynd astonist als
Vp stert my hare, the word stake in my hals
With ane grete sold of gold, fey priamus
Secretly vmquhile, send this Polidorus
Quhilk was his son, to Polynestor king
Of trace, to keip and haue in nurissing
Quhen of troiane, defence begouth to dout
And saw the toun b [...]segeit, all about
Bot this ilk king of trace, seand how troy [...]
Losit his michtis, be fortoun, turnit from ioy
The party chesis, of agammenon
Adherand to the victouris, side anon
And faith, and frend schip, brak he tham in hy
And Polidorus, slane has cruelly
And thus be fors, the tressouris dos withhold
O curset hunger,
Pouertye is a harde cors.
of this wrechit goldQuhat wikkitnes, or mycheif may be do
That thou constrenis not, mortall myndis to
Eftir this affray, was fra my banys went
Of the goddis, their ferefull wordis quent
Vnto the nobillis, and gretest of our men
And to my fader, first rehers I then
And quhat our purpois was, eik Inquire
Thay war all of ane wil, and ane desire
To pas furth of this waryit, realme, of trace
And for to leif, that pollute herbry place
And to the wynd set our nauy, but were
Tharfor to Polidorus, vp ane bere
We [...] rekit, and to the erd ane grete flure
[Page] Keist in ane hepe, aboue this sepulture
Syne in remembrance, of the saulis went
The dolorus altaris, fast by war vp stent
Crowned with garlandis, all of haw sey hewis
And with the blaiknit cipres, dedelie bewis
The troiane women stude, with hare doun schaik
About the bere weping, with mony allake
And on we kest, of warme milk mony skul
And of the blude of sacrifice, coupis ful
The saule we bery, in sepulture on this wyse
The lattir halesing, syne loude schoutit thrys
Rowpand atanis adew quhen all is done
Ilkane, perordoure, ther mon we follow sone.
¶ How Eneas, socht ansuere at Appolyne
And how he to the land of crete, salit syne
SIne quhen we se, our tyme to faill maist habill
The blaistis mesit, and the seis stabill
The soft piping wynd, calling to se
Thare schippis than, furth settis our manȝe
ȝe mycht haue sene, the coistis and the strandis
Fillit with portage, and pepil tharon standis
Furth of the heuin, we salit all anon
The sicht of land, and ciete sone is gone
Amyd the sey, yelepit Egeos
Ane haly Iland, lyis that hait delois
Hallowit of Neptune, and the moder alsua
Of the Nerides, clepit Dorida
Quham the cheritabill archere, appollo
Quhen it fletit, rollyng fro coist to and fro
Sasit and band, betuix vther Ilis tua
Quhilkis clepit ar, mytone and giara
Stablissing so, that it mycht lauborit be
And comptis nouthir, the wynd nor storme of sey
[Page liii] Thiddir ar we cariit, and in that plesand land
Ane souir hauin, ressauit vs at hand
All wery we bene, ischit out of schip
The ciete of Appollo, to wourship
The king therof, yelepit aynyus
Prince of the men, and preist eik to Phebus
Wyth bendis baith, and haly laurere croun
Set on his hede, met vs without the toun
His agit freynd anchises, knew this kyng
Handis we schuke, wyth hartlie welcummyng
And to his palice, al with him we went
Quhar that I wourschip,
Eneas orations to Apollo desyring hys good counsall on hys Iornay.
as was myne ententThe god appollo, within his hallowit hald
One temp [...]l beildit, all of stanis auld
O thou quod I appollo tymbrius
Sum propir duellyng place, thou grant til vs
We the beseik, that schaw also thou wald
To vs irkit, sum strench and stalwart hald
And that thou grant vs, eik successyoun
And for to duel, in ane remanand toun
Sauf vs lattir wardis of troy, that we ne spill
Leuyng of Grekis, and of the fers achill
Gif vs thy ansueir, quharon we sal depend
Quhiddir wilt thou fader, we now wend
Quhar sal we sit, oure lugeing to remane
Condiscend in our mindis, and schaw vs plane
Skars war theyr wordis said, quhen that I se
A thyngis trymblyng, and schake about me
The durrys, and the laurere tre, but dout
And all the montane, mouyt round about
Ane murmour, or ane rumesing, herd we haue
Wythin the courting, and the secrete caue
The quiet closettys opnyt, wyth ane reird
And we plat lay, grufelyngis on the erd
[Page] Ane voce come tyll our eris, say and thus
O ȝe doure pepill,
Appollo schawis Eneas his good fortune / to come
discend from DardanusThe ilke ground, fra quham the first stok came
Of ȝour lynnage, with blycht bosum the same
Sall ȝou ressaue, thidder returnyng agane
To seik ȝour auld moder, mak ȝou bane
Thare sall Eneas lynnage, haue senȝeory
Our all landes, and realmes vnder the sky
And thare sonnys, and sonnys sonnis syne
And all, that euer succedis of thare lyne
Thus sayd Phebus, and than our folkes amang
Mixt with blichtnes, ane felloun dyn vpsprang
Quhat place was this, euery ane can frane
Quhidder callis Phebus, biddis be vs turne agane
My fader than revolving, in his mynd
The discent of fore faderis, of our strynd
Nobillis quod he, herkis quhat I ȝou say
And lere at me, ȝour veilfare I ȝou pray
The Ile of Crete, lyis amyd the se [...]
The natiue land, of Iupiter maist hye
Thare is the first hill, yclepit Ida
Thare our forebearis, first in thare credillis lay
The land maist plentuous of wyne, oil, and quheit
Inhabit, with ane hundreth cietes greit
Quharfor thay come, gif I remember rycht
Our gret forefader, tew [...]rus the wicht
First to the coist, of Rethia in Phrigy
And for his ciete, chesit the sete fast by
For ȝit than was not I [...]oun, vpbeild
Nor the strang wallis of troy, bot on the fei [...]
Thay duelt in lugis, and mony litill caue
The adornare eik, of our realme we haue
From that land, the moder of goddis Cibilee
And blast, of brasin trumpettis, as ȝe se
[Page liiii] From thens come eike the wod of Idea
And the traist cerymones, of sacrifice alsua
The fassoun eik, and gif we lerned thare
Quhow the Lioun suld draw, the ladis chare
Haue done tharfore shortly, and lat wes wend
Thidder quhare the goddis, orakill has vs kend
The wynd first lat vs mese, or that we ga
Sine seik the realme of Crete, and gno [...]a
This not thens lange cours norviage fer
Our nauy sall with help of Iupiter▪
The thrid morow, be at the coist of Crete
This beand said, ganand offerandis ful mete
Before the altaris, he slew in sacrifice
Ane bull to neptune, first as is the gyse
Ane bull to bricht appollo for his behest
And to the god of tempestis ane blak beist
And to the chancy windis, ane mylk quhite
The fame than was of Crete, the coist stude quite
Desolate, but prince, for Idomeneus the king
Was by the pepill, expellit from his regnne
The lugeing vode, and reddy to thare fays
The Ciete left waist, till ony it vp tais
The porte thare with Ortigia leyf we
And with swift cours, flaw throw the salt se
By the Iland swepand, we anone
With hillis full of wynes hait Naxon
By Donysa, quhar growis the Marbil grene
And by Paron with his quhite marbyll schene
By Olearon, and mony Ilis but leys
Skatterit in the sey, yclippit Cyclades
We s [...]yde in fluddes, End lang fe [...] coystes fare
The noyis vpsprange, of mony marmere
Byssy at thare werke, to takilling euery to [...]s
Thare feris exhortyng, with mony heys, and how
[Page] To spede thame fast towart the realme of Crete
With thare forefaderis, and progenitouris to meit
The followand wynd blew sterk, in our taill
Quhil fynalie, arriue we with bent saile
Apoun the ancyent coist, of Curetanys
Ane kynd of pepil, quhilk into Crete remanis
And sone I me enforce, with diligence
To big ane wallit ciete, of defence
Pergamea I nemyt it, but bade
Our folkis than, that warren blith and glad
Of this couth surname, of our new ciete
Exhort I to graith hous, and leif in lee
And rais on hicht, the strenth and fortalice
Our schippis or thys, full weile we gart addres
And lay almaist, apoun the dry sand
The ȝoung men for to labour thare new land
And in honour of wedlok, as is the gyse
Makis thare offerand, and thare sacrifyce
And I thar statutis, and sere lawis thaym taucht
Assign and ilkane, propit hous [...]s and aucht
Quhen suddanlie,
a discrip [...]iō of the pest.
ane cruel pest and traikSo that cornes and frutis, gois to wraik
Throw the corrupit are, and cours of heuin
Ane dedelie ȝere, for wers, than I can neuin
Fell in our membris, with sic infectioun
Was na remede, cure nor correctioun
The sueit saulis, leuis the bodyis dede
Or seik thay ly, gaspand in euery stede
And forthir eik Sirius, the frawart star
Quhilk clepit is the signe Canicular
So brynt the feildis, al was birnand maid
Herbis wox dry, wallowing and gan to fede
The seik ground denyis, his frute and fudis
My fader exhortis vs, turn agane our fludis
[Page lv] To delos, and appolles, ansuere spere
Beseiking him, of succours vs to lere
Quhat end vnto, our irksum panis he sendis
And be quhat way, we mycht assay our mendis
Or this turbatioun, or quhidder and quhare that he
Will that we seik, or set, our cours ouer se.
¶ How Troiane goddis / apperit to Ene [...]
And how that he was / stormsted on the se.
CVmmyng is the nyght, that euery beist on ground
Desiris rest be kynd, and s [...]epis sound
Quhen that the fyguris,
The troyā goddis aperes to Eneas in his slepe & showes hī what he shal do and that after great perrellis and aduersitye shal cum to great honour and prosperite.
of our goddis blistAnd the phrigiane penates, or I wist
Quhilk from the myd, of the fyris of troy I brocht
Thidder with me, quhare I lay and slepit nocht
Gan to appere, standing before myne ene
With full gryte lycht, graithly I haue thaym sene
Quhare as the full mone, wyth beames brycht
In throw the tirllest wyndo, schane by nycht
Than sayd thay thus, with wordis to assuage
My thochtis, and my hauy sad curage
That thyng quod thay, quhilk Appollo wald sa
And thou war brocht, vnto ortigra
Here he the schawis, and eik as thou may se
Vnrequirit has send vs, thidder to the
Quhen troy was brynt, we followit the prowes
Vnder thy gard to schip, we vs addres
Ouer spynnand mony swell, and seyis salt
And to the sternes, eik we sal exalt
The children for to cum, of thy of spring
Thy ciete sall we geif, Empire to ring
Ouer all the earth, tharfor to goddys grete
Begyn to graith, grete wallis andryal sete
Leif not thy langsum laubour, bot fle away
This duelling place, thou mon change we the say
[Page] Delyns appollo certis as thou thocht
To cum vnto this cost, persuadit nocht
Nor chargit neuer in crete, thou sulde deniane
In land thare is, grekis langage plaine
Hesperia clepit ane bald, countre in were
Ane fructuous ground, of corne and riches sere
Be Kyng Ono [...]rius, inhabit fyrst wyth wyne
Bot in our dayes layth, the fame is syne
Efter thare Duke, it is named Italy
Thare bene our proper saetis, and our herbry
Tharfore come Dardane and his brother Iasyus
And from that ilke prince, schir Dardanus
Is the descence, of our genology
Get vp anone, til thy auld fader blyithlye
Thir tithingis quhilkis bene trew & certane thing
Seik to Corcie, and Italy the ring
For the feildis in Crete nere ditteus
Iupiter denyis to granting vnto vs
Of this visioun, astonist quhare I lay
And of thay worddis quhilkis, the goddis can say
For this was nother dreme, nor fantasy
Thare propir visage before me stand knew I
With garlandis, and thar circulettis of thare hare
Thare figure saw I present me thare
The cald swete, ouer all my body ran
Furth of my bed, on fute sone sprent I than
And strekand vp my handis towar [...] heuin
My orison I made, with deuote steuin
Ane clene sacrifice, and offerandis made I syne
In to the fyris zettand sence, and wyne
The cerymones, endid blyth and glaid
To my fader Perordour, all I sayd
As ȝe haue herd, quhat nedis tell agane
And of this matter maid him full certane
[Page lvi] Anone he knew our Eldaris, doutis Ilke dele
And of our clan the doubill stok full wele
He grantis the vncouth, errour him dissauit
Of antiant placis, quhilk he nocht persauit
Syne sayd he, son thou Irkit ar all gatis
By the contrarius, thrawart troiane fatis
Now I remember, only quhere Casandra
Full oft maid, mencioun of Hisperia
And oft als of the realme, hate Iitalie
Thir materis me declaringe, by and by
That land now knaw I, destynate to our kyn
Bot quha wald haue, beleuit euer within
The realme of Italye, Teucrus blude suld cum
Or quha wald than mare, than scho had bene dum
Set by the prophetes, wordis, Cassandray
Lat vs obey phebus, and went away
As we bene monyst, follow our chance but pleys
Thus said he, and we glaid all him obeyis
And fewe folkis, thare left to keipe the toun
This steid also leue we, and to sail maid boun
In bow it bargis, throw the large streme we slide
Quhen sicht of land, was tynt on euery syde
So that na coist apperis, quhilk we mycht se
But the schippys haldand, the deip se
The heuin aboue, and fludis all about
Ane watry cloud,
A dyscryption of the tempest.
blak dirk but doutGan tho appere, about my hede full rycht
And doun ane tempest, send als dirk as nycht
The streme apperis vgsum, of the dym say
The wyndis welteris, the se continually
Thacinge wallis, boldynnys apoun loft
Skatterit wide quhare, ouer the fameful oft
war our schippis, and the Brychtnes of day
In voluit all, with cluddis hid away
[Page] The rane and roik, reft from vs sycht of heuin
The brokin skyis, rappis furth thunderis leuin
Forswiftit, from our richt cours gane we ar
Amang the wyndy wallis, watterand fer
For Palynurus, him selfe maist expert
For all his cunnyng, of schipmans craft and art
Amyd the sey forȝet, the rycht way
Denyand als, that the nycht from the day
He mychte discerne, be sycht of firmament
Vpoun sic wise, vncertanlie we went
Thre dayis wilsum, throw the mysty streme
And als mony nychtes, but sterneys leme
That quhiddir was day, or nycht not will we
Bot at the last, on the ferd day we se
On fer the land appere, and hillis ryse
The smoky vapoure, vp casting on thare gyse
Doun fallis salis, the aris sone we span
But mare abaid, the marinaris euery man
Egirly rollis, ouer the fomy flude
And the haw se, we [...]tis vp as it war wod
Salf from the wallis, at the costiis of strophe
wich all our nauy first arriuit we
¶ How to Eneas / the harpies dyd grete w [...]
And of the drery prophete / Celeno.
STrophides in grew leid, ar namyt so
In the grete s [...]y▪
The tail of Harpyes be harpyis are signifyet be the poetis theuis and robbers for Harpaȝooure greke signifyis to steall or to rob.
standing Ilis tuoThe Quhilk se, clepit is Ionium
And in thir Ilandis, quhiddir we ar becum
Duelt and inhabit, the cruel Cyleno
Withall the vtheris harpyis, mony mo
Euer sen thay war, expellit from the land
Of Archaid, quhare king Phyneus was duelland
And for drede, at his tabill durst not remane
Mar wickkit monsturis, than thay can be nane
[Page lvii] Nor nane mare cruell pestilence, is fund
Nor fury of goddis, that cummis from hellis ground
Furth of the flude of stir, that sory place
Thir foullis has, ane virgins vult and face
With handis like, to bowland birdis clewis
Bot the vile bellyis, of thay cursit schrewis
Haboundis of sen, maist abhominabill
And pail all tyme, thare mouthis miserabill
For wod hunger, and gredy appetyte
At this ilk coist, ar we arriuit als tyte
And in the port, enterit lowe se
Flokkis and herdis, of oxin and of fee
Fat and tydy, rakand ouer all quhare
And trippis eik, of gait but ony kepare
In the rank gers, pasturing on raw
With wappynnys, thame we brittin but drede or aw
To goddis fyne, and Iupiter we pray
And thame distribute, ane party of our prey
Syne eftir endlangis, the sey coistis bray
Vp sonkis set, and desis did array
Tomeit we sact, with haboundance of chere
Quhen suddanly, with horribill dyn and bere
From the mountanis, the harpies on vs fell
With huge fard, of wyngis and mony ane ȝell
Oure mesis, and oure meit, thay reft away
And with thare laithlie twith, all thing fyle thay
Thare voce also, was vgsum for to here
With sa corruppit fleure, nane mycht byde nere
From that place, vnto ane caue we went
Vnder ane hyngand hench, in an edorne went
With treis clois belappit, round about
And thik harsk granit pikis, stand out
Thare vp agane, our tabillis haue we dycht
And on the altaris, bet the fyris bricht
[Page] Bot of the heuin, againe from sindry artis
Out of quiet hirnes, the rout vpstertis
Of thay birdis, with birnand mony ane bra
And in thare crukit clewis, grippis the pria
Euer as thay fle, about fra sete to sete
With thare vile mouthis, insek thay all the mete
Quhen I saw this, oure feris commaundit I than
Tak thare wappinnis, and bargane euery man
Againe thay cruell peopil, or birdis fell
As I thame chargit, them schortlie for to tell
Sone heaf thay done, and vnder the gets al bare
Full preualy, thare swerdis in thay stare
And dernelie eik, thar targis all oure hoildis
So that quhen thay, sey coistis and the feildis
Resoundis, at doun come of the harpies
Misenus the wate, on the hie garrit seis
Ane with his trumpet, thame ane takin maid
Our fallouschip, thir foulis can inuaid
And vncouth kinde of battal, did assay
With wappinnis, for to bet and driue away
Thir laithlie se birdis, of sic effere
Bot thare was na dynt, mycht thare federis scher
Nor in thare bodyis, wound ressaue thay nane
Bot suddanly away, thay wisk Ilkane
Furth of our sicht, hie vp in the sky
The pray halfeitin, behynd thame lat thay ly
With fute steidid, vile and laithlie to se
Ane on the rolk is pennakil,
Celenois Inueciyfe oracion.
parkit hieCeleno clepit, ane drery prophetes
Furth of hir breist, thir wourdis warpis expres
Theiffage lynnage, of fals leamedone
Addres ȝe thus, to mak bargane anone
Because ȝe haif our oxin, rest and slane
Bryt [...]yt our sterkis, and ȝoung beistis mony ane
[Page lviii] Schap ȝe therfor, harpies expell and ding
But ony offence, furth of thare faderis ring
Ressaue for that, and in ȝour breistis Imprent
My wordis, quilkis I gretest furie of torment
Schawis to ȝou that thing, quhilk Iupiter maist hie
Schew to Phebus, and bricht Phebus tald me
I knaw ȝe set, ȝour cours to Italie
ȝe sal eftir gud wyndis, and prosper sky
To Italie sall ȝe wend, and thare tak band
Bot first of the ciete, or the wallis vpstand
Quhilk by the goddis, Is ȝou predestinat
For straunge hunger, sall ȝe stand in sic stait
In wraik of our Iniuris, and beistis slane
That with ȝour chaftis, to gnaw ȝe salbe fane
And rounge ȝour tabillis, al & burdis, quod sche
And sone away, in the thik wod can fle
The suddane dreid, so stonist our feris than
Thare blude congelit, and al togiddir ran
Dolf wor thare spretis, thar hie curage doun fell
No mare thame likis, assaying sic batall
Bot with offerandis, and eik deuote prayer
Thay wald we suld perdoun, and pite require
In cais gif thay, war goodis or foulis
Vengea [...]le wichtis, or ȝit laithlie oulis
Bot our fader, heuand vp his handis
The grete goddis did call and on the sandis
Hallowis thare mycht, with detfull reuerence
O ȝe goddis, forbid sic violence
Stanche this boist, and vndo this myscheif
Saif pietuous folkis, ameis ȝour wraith & greif
Quod he, and that with charg it ankeris hale
Do lous ȝour rabandis, and lat donn the saile
The south windis, stentis furth strate our scheit
Swiftlye we slide, ouer bullerand wallis grete
[Page] And followit furcht, the samyn went we haue
Quharto the wind, and sterisman vs draue
Quhili that amyd, the studis gan we se
The wody Ile, Iacint with mony ane tre
Dulichium syne, and sayme we espye
And eik Neritos, with his rochis hie
By craggis and hewis, of Itachia
That was Laartes realme, we slyde alsua
And fast we wary, and cursit oft but leis
That land, quhilk bred the cruell vlixes
Belief the mysty toppis, of Mont Lucas
Apperis quharon, appollois tempill was
That ferefull is, to euery marinere
All wery of our vayage, thiddere we stere
And com anone, afore the litill toun
And of oure foreschip, ankirris lete we doun
Endlang the coistis side our nauy rade
And thus at last, brocht to land blycht and gla [...]
Quhare as to haue arriuit, we not beleuit
We clenge vs first, lest Iupiter war greuit
Syne vn the altaris, kyndillit sacrifice
And langis the channell, eftir the troiane vyse
The arriue games, and sportis can assay
Our fallowschip experte Palustrale play
As thay war wount, at hame with oile enuent
Nakynge wersling, and strugling at nyce poynt
Ioyus thay war, to haue eschapit at hand
Sa mony treteis, of the grekis land
And to haue fled, to saifte on this wife
Throw the myd routis, of thare Inemyis
¶ Eneas arryuys at Epetia
And how he spak tharewith [...]
[Page lix] BE this the son, had circulat his lang ȝere
And froste wynter, scharpit the wattir clere
With cauld blastis, of the northin art
Quhen sessoun come, that tyme was to depart
Apoun ane poiste, in the tempill I hang
Ane bowand scheild, of plait qubilk abas strang
Bare vmquhile, and the manere to reherse
I notyfy, and titillis with this werse
Eneas hec, de danais victoribus arma
That is to say, E [...]neas festinit thus
This armour, of the grekis victorius
Syne to depart, of that hauin I command
Sat doun on hetchis, and span airys in hand
Besely our folkis, gan to pingil and strife
Swepand the flude, with lang routhis belife
And vp the welt, the stoure of fumy see
Quhill sone che citeis, of Corsira tyne we
And vp we pike, the coist of Epirus
And landit thare, at port Chaonius
Syne to the hie toun of butrot, ascendit
Quhar tythingis vncredibill, to thame that not kend it
Come to our cris, schewing that Helenus
The lauthfull son of the king Priamus
Rang king ouer, money cieties in Greik land
Berand thareof the scepture, and the wand
Be resoun of his spous, adionit but leis
Be Pirrus vmquhile, soun of Achilles
And that Andromatha, wes wed agane
Vnto ane vthir husband, and man Troiane
Hereof awonderit, with breist hart as fyre
Be feruent luf, kendillit in grete desire
Oure cu [...]re men to vefy, and with them talk
To knaw ther strange casis, on I stalk
From the port, my nauy left in the raid
[Page] That Ilk sessoun, percase as I furth glade
Before the ciete, in aneschaw I wys
Before the fenȝete flude, of Symois
Andromatha, made anniuersare sacrifice
And funeral seruice, on full dolourus wise
To Hectouris pouder, or his assis brynt
Oft wald scho clip, and call and onethis stynt
Apoun the saulis, that vnbodyit war
By syde Hectouris vode tombe, standing thare
Quhilk scho vpbeildit had, of herbis grene
With tua altaris, and oft with weping ene
Bewalis scho that hard disseuerance
And als sone, as scho me espies perchance
And troiane armour, and ensenȝeis wicht me saw
Affrayit of the ferlie, scho stude sic aw
And at the first blenk, become scho mate
Naturale hete, left hir membris in sic state
Quhill to the ground, all mangit fell scho doun
And lay ane lang time, in ane dedely sw owun
Or ony speche or word, scho mycht furth bringe
ȝit thus at last sad, eftir hir dualmyng
Is that thyne awin face, and soithfast, thing
Schaw thou to me, ane verray souir warnyng
Leuis thou ȝit, son of the goddes quod sche
Gif thou be dede, quhar is Hector tel me
And with that word, sche birst out mony ane tere
And walit so, that piete was to here
Quhill all about, dynnys of hir womenting
Ane few wordis skars, as I miche furth bring
For to conforte, that maist lamentabil wicht
With langsum speche said, quhisperand as I mycht
Ile if forsoith, and ledis lyffe, as ȝe se
In all hard chance, of fortuns extremite
Be not agast ȝe se bot soithfast thing
[Page xl] Allace quhat auenture, in this vucouth ring
Is the be [...]id, and has degradit, quod I
Eftir thy husbandis deith, maist wourthy
Or quhat fortun mycht, sufficient happin the
Spous to maist wourthy Hector Andromathe
Art thou or na, to Pirrus, ȝit bywed
Hir, visage doun sche keist, for schame adred
And with ane bais voce, scho said as sche micht
O thou allane,
Andromache.
before all madinnys brichtHappy as Virgine, douchter of Priame King
Quhilk vnder the wallis hie, of troyis rengnne
Apoun thy Inemyis greif, was maid to de
Thou sufferit no cut, nor cauill cast for the
Nor in bondage, away thou was not led
Nor ȝit twychit, na victour lordis bed
Bot we, quhen that ybrynt war our kynd landis
Cariit ouer fremmyt seis, and diuers strandis
The dortynes, of achilles of spring
In bondage, vnder the proude pirrus ring
By force sustenyt thraldome, mony ane day
Quhill he at last, ensewit ane vthir may
Ermyon, the douchter of Helena
In fey wedlok, at lathydemona
Than send he me, his seruand hidder thus
To be spousit, wyth his seruand Helenus
Bot horestes taucht in furious rage
For cryme, of hys moderis slauchter and sauage
In luf hait birnyng, for hys spous bereft
Or he was war, set on this pirrus eft
And in delfos, quhat nedis wordys mare
Smate of his hede, before hys faderis altare
Thus by deceis, of Neoptolomus
Of the realme ane parte, fel to Helenus
The quhylk boundis and feildis braid alsua
[Page] He has to name, clepit Chaonya
Eistir his brother, of troy Chaonyus
And troiane wallis, here has vpbeildit thus
And on thir motis, ane strenth hat Ilion
Bot quhat wyndis, thy cours has hiddir gone
And quhat auenture, has the hiddie drife
Or of the goddis, quha maid the here arrife
At our marchis, mysknawing our estate
How faris the child, ascaneus now of late
Quham to the bare Creusa, thy spous and Ioy
That tyme enduring the sege, lay about troy
Leuis he ȝit, in hele and in welefare
Ha how grete harme, and skaith for euermare
Abat child has caucht, throw leuing of his moder
O lord quhat anciant vertuus, ane and vther
And knychtlie prowes, in him steris frendis before
Baith fader Eneas, and his oncle Hector
Sie wordis scho spak, weping with pietuous maine
And with [...]ange sobbis, furth ȝettand teris in vane
Quhen that hir lord him selfe cummis from the toune
King Priamus son, helenus of renoune
Nere he approchit, with full grete cumpany
And his awin natiue freyndis, knewe in hy
And blythlie, to his ciete has vs led
Betuix ilk wourd feill grete teris furth he schaid
We passit on and litill troy I knaw
Like the grete ciete counterfete on raw
With I lion and wallis, lyke Pergama
And ane small burn half gene dry a sua
Vnto his surname clepit exanth [...]s
At portseya I enter, and eik with vs
All our troianis, togidder welcum war
Vnto thare freyndis, ciete familiare
In his wyde palice, the king resauit thame all
[Page lxi] And in the myddis of the mekill hall
Thay birle the wine, in honour of Bachus
Greit fe [...]st and Ioye, was maid for luf of vs
The meissis and the danteis, thik did stand
And goldin coupis, went fra hand to hand
¶ How that helenus declaris till Enee
Quhat dangeris he suld thole on land and se
THus draif we ouer, in solace day be day
Quhill that the wedir, prouokis vs to assay
Our Salis agane, for the south wyndis blast
Our Piggeis, and our Pinsellis, wauit fast
Vnto the prophete helenus tho went I
And with sic wordis, besocht him reuerently
O gentill troiane diuyne Interpretoure
Quhilk the respons of Phebus has in cure
Quhilk knawis eik, the reuelatiouns
Of god appollois diuinatiouns
Vnder his trestis and burdis at Delphos schen
And in to Clarius vnder the laurere grene
That vnderstandis,
Eneas oration to helenus the prophet.
the cours of euery sterAnd chirme of euery byrdis,
Quhylke schawis Eneas be an lang narratioū quhat perrellis & aduersitye he most suffer or he cum to hys purpos promisit bi the goddis
voce on ferAnd euery foule, with wyng fleing in the sky
What thay be takin, and quhat thay signify
Say me I pray the, quhat dangeris principaly
In to my cours, and vayage eschew fall I
Or how I may, or be quhat a mene eschaep
Sa grete aduersities, quhilk be to me schape
For as to me, all deuote goldy withts
Schawis we suld, haue prosper rais at richts
And euery orakyl of goddis, admonist eike
That we the realme, of Italy suld seik
Ensew thay landes, quhilk was for vs prouide
Clanerly newlyngs, on that vther syde
Schame for to saie, the harpie Celeno
[Page] And by the lakis, dedicat to goddis doth pas
Out throw the soundand forest, of auern
Vnder ane roche, law wythin ane cauern
Thare sal thow fynd the godly prophetes
Full of the sprete diuine, that schawis expres
The reuelatiouns, and fatis for to eum
In palme tre leuis, thaym notand al and sum
Writand vp euerywourd, as sal betide
Direcking the leuis, per ordoure furth on syde
Quhat euer this virgine, discriue in hir endite
Without the caue closit, sche layis the write
The leuys remanis vnsterit of thare place
Na partis not furthe of reule, quhill percase
The pypyng wynd, blaw vp the dure on char
And driue the leuis, and blaw thaym out of har
In till the entre, of the caue agane
That al hir first labour, was in vane
Bot fra the blast and ȝet pertrublit thus
Thay thyne leuis, sche is so dangerus
Neuir eftir denȝeing, hir wythin the caue
To gaddir togiddir thaim with the wind bewayife
Na for to put thaym, into reule agane
Nor Ione hir writing, as thay did first remane
Thus of the pepill, but ansuer gais thair wayis
And wariis the sete of sibil, all thar dayis
Fayl not for lois of tyme that may be tyde
Bot thou pas to that prophetes, thocht the tyde
And prosper wyndis chalance, the to thy sale
ȝa thocht thy fallowis, cry out hidder hale
On burd ane fair wynd blawis, betuix tua schetis
Beseik hir or thou wend, thocht thyne hart betis
Opynnand hir voce, sche plesit schew the eum
Thy destynyis, by hir awin mouthis steum
Scho sall repelie and Declare, the in hy
[Page lxiiii] The maneris, of all the pepil of Italy
The battellis for to cum, scho wyll the schaw
And on quhat wyse, al danger thou sall withdraw
Or how thou may, al lauborus pane sustene
Wourschip, this haly religious woman clene
Scho sall the grant, ane prosperus cours at hand
Thys is the effect, schortly tyl vnderstand
That I am Leuit, with my wordes the to charge
Adew pas on, and be the fatis large
The fame of mekle troy, bate vp to heuin
Efter that this prophete, with this frendly steuin
Thir diuine ansueris, thus pronosticate
Sere wechty giftis, of massy gold in plate
Vnto our schippis chargit,
The prophet giffis the troyās gyftis.
he bere anoneAnd grete riches, of polist euoure bone
Our caruellis howrs, ladnis and prymys he
Wyth huge charge of siluir, in quantite
With caldronus, and vther fere weschel ma
In Epirland maid, at Dodonia
To me he gaif, ane thik habirihone
Ane thryn fald hawbrek, was all gold begon
Ane round riche helme, with crest and timbrel fare
The armure quhilam, Neoptolomus bare
Syne to my fader, effernig to his age
Riche rewardes he gaif, of hie parage
Tharto also he ekit, and gaif vs then
Gentil hors, and pillotis, and Lodismen
Hes suppleit, with rowaris, and marinaris
And armour pleite atanis, for al our feris
¶ Of Helenus / and of Andromathe
And how fra thame departing gan Enee.
IN the mene quhile, Anchises my fader in hy
Reddy for to saile, chargis mak our nauy
Les than per case, it mycht our cours delay
[Page] Gif so the wynd blew fare, that vthir day
Quham till this wyse,
Helenis or acioun to Anchises.
Interpretour of PhebusHelenus with grete honour, carpis thus
O thou Anchises, that wourthy was quod he
Wyth fare venus, conionit for to be
And twyis deliuerit, be puruiance dyuine
And twyis eschapit, of troy the sare rewyne
Lo ȝounder for the, Ansonia or Itale
Vnto ȝone coist syde, ȝounder sall thou sale
And netheles, thoche it be necessare
Out ouer the fey, to ȝounder ground ȝe fare
That porte of Italy is, ane fare way hyne
Quhilk is preuidit ȝour ky [...], be Appollyne
Wend on, sais he, thou happy and fortunat
Of thy deuote son, by the godly estait
Bot quhar to suld I, mak langar delay
As I haif said, fare wele pas on ȝour way
Quhat nedis with my speche, ȝou tarye more
Or stop this fare wind, blawing euin before
This nocht the les, Andromatha wo begone
The latter tyme, we suld depart anone
Brocht to vs brusit clathis, and riche wedis
Figurit and pyrnyt, all with goldin thredis
And to Ascaneus, ane proude talbert gaif
Sic as was honorabill, him to were and haif
Him and his feris, of hir nedill werk
And wouyn drowryis, furnist with mony mark
And thus scho said, my child ressaue alsua
Thir remembrance, wrocht with my handes tua
In takin, lang time to think apoun me
Thyne Oncle, Hectors wife Andromache
Take thir with the, as lat [...]r presand sere
Of thy kind natiue freyndes, guds and gere
O leuis me, the lykest thing lyuing
[Page lxv] And verray ymage of Ascaneus [...]ing
Sic ene had he, and sic fare handis tua
For al the warld, sic mouth and face persa
And gif he war on life, quhil now in fere
He had bene euin eild with the and hedy pere
Quhat wyl ȝe mare, quhen we behuffit depert
Teris bristing furth on force, and with sare hart
To thaym I said, dere freyndis weile ȝe be
Weile mot ȝe leif, in ȝour felicite
Quham till, the prosper fortoun is brocht til end
Bot we from werd, to werd and chance mon wend
ȝour rest is found, ȝou nedis sewch throw na seyis
Nor seik feildis of Itale, that euer vs fleis
Similitude of oxanthus, and troy ȝe se
Quhilkis ȝour awin werk, has beildit apoun hie
God grant in bettir tyme, thay be begunnynge
And neuer eft, with grekis force ouer runnyng
Gif euer in tiber, to entir me betidis
On the feildis nere, by tyber sydis
May behald wallis vpset, for my menȝe
Or may the frendly cieteis, sum tyme se
Lat vs of Epirus, and of Italie
Cummyn baith, of Dardanus genologie
And quham to eik, the chance of fortoun is ane
Make bot ane troy, of athir realmes tuane
And this samyn lyig, with our posterite
Sal euer remane, in fayth and vnite.
¶ How first Eneas, Itale dyd espye
and mony strange wentys has salit by
FVrth on with this, throw out the sey we slide
By the fore land, Cerawma fast besyde
quharfra out ouer the feildis, for to sale
The schortest way, and cours lyis Itale
Doun go [...]s the son, be than and hillys hye
[Page] Wox dirknit with shaddowis,
A discription of time.
of the skyeWe sort our airis, and thesis rowaris ilk deile
And at ane sound, or coist we likit wele
We strike at nicht, and on the dry sandis
Did bawme and beik, oure bodyis fete and handis
Sone on our irkit lymmis, lethis and banis
The naturale rest of sleip, slaid al attanis
And or the spere, his hours rollit rycht
Sa fer about, that it was skars mydnycht
Not suere, bot in his dedis diligent
Palynurus, furth of his couche vpsprent
Lisuyng about, and harknyng ouer al quhare
with eris prest, to keip the wynd or air
Of euery sterne, the twynkling notis he
That in the stil heum, moue cours we se
Arthurys hufe, and hyades betaiknyng rane
Syne watling strete, the horne and the charle wane
The feirs orioun, with his goldine glaue
And quthen he has, thaym euery ane persaif
Into the clcire, and serne firmament
Furth of his schip, ane bekin gart he stent
We rais and went on burd, in ouer the wall
Syne slakis doun the schetis, and maid saill
Be this the dawing, gan at morne wax rede
And chasit away, the sternes fra euery stede
The dym hyllys, on fer we did espy
And saw the law landis, of Italy
Italy Italy, first cryis achates
Syne all our feris, of clamour my [...]ht not ceis
But with ane voce atanis, cryis Itale
And halesing gan the land, with hey and hale
Than my fader, admiral of our flot
Ane mekill rankert, with wyne fillit to the throt
And thare on set ane garland, or ane croun
[Page lxvi.] And to the godddis, maid this vrifoun
Sittand in the hiest castell, of the schip
With full deuote reuerence, and vourschip
O ȝe (quod he) goddis, quhilkis haldist in pouste
woddir and stormes,
[...] oratione to the goddes for ther [...].
the land eik and the seeGrant our vayge, ane casy and reddy wynd
Inspire ȝour fauouris, that prosper cours we fynd
Skars this was said, quhen euin at our desire
The sessonabill are, pipis vp fare and schire
The hauin apperis, and thidder nerrer we draw
And of mynerua,
A discripone of the toist of Italye.
the strange tempyl sawSet with the castel apoun ane hillis hicht
Our fallowis fangis in, thar salis ticht
And towart the coist, thare steuynnys did addres
Ane port thare is, quham the est fludis has
In manere of ane bow, maid boule or bay
With rochis set for gane the streme full, stay
The salt fame to brek, of the seyis stoure
On athir hand, als hie as ony toure
The big h [...]wis s [...]rekis furth, likeane wall
Within the haum, Ioith loune but wynd or wall
And at the port, the tempyl may not be sene
Here first I saw, apoun the plesand grene
Ane fata [...] takin, four hors quhite as snaw
Gayppand greissis, the large feildis on raw
Ha lugeing land, battal thou vs pretendis
Quod my fader anchises, for as weil kend is
Horssis ar dressit, for the bargane fele syis
Were and debait, thyr steidis signifyis
Bot sen the samyn, four foutit beislis eik
Bene eft vsit, full towarlye and mete
To draw the cart, and thole bridill and renȝe
It is gude hope, peace followis sal sayis he
Than wirschip we, the godhede and gret mycht
[Page] Of pallas, wyth clatterand harnes fers in ficht
Quhilk has vs first, ressauit glad and gay
Our hedis before the altare, we array
With valis broun, eftir the troyane gyse
And vnto Iuno of arge, our sacrifyce
Maid reuerently, as Helenus vs bad
Obseruing wele, as he commandit had
The ferimonis leile, syne but langar delay
Fra that perfurmis, was our offerand day
Anone the nokkis of our rais, we wryith
Doun fallis the schetis, of the salis swyith
The gregiouns herbry, and frouteris suspect
We left behynd, and eftir in effect
Of taurentum, the firth we se but leis
Biggit as thay say, be wourthy hercules
And ouer forgane, to the tother syde also
Rais vp latinia, the tempel of Iuno
Of Cawlon ciete, eik the wallis hie
And stillatium, quhar schip brokin mony be
Syne fer of in the flude, gan we espy
The birnand Ethna,
A discripcion of G [...]ne.
into CicillyAnd ane fel rage, rowting of the sey
Ane lang way thens, and on the rokkis hie
We hard the Iawpis, betand at the coist
Ane hidduous braying, of brokin seyis boist
Apoun schald bankis, bolnys hie the flud
The stoure vp bulleris sand, as it war wod
My fadder cryis, how feris help away
Streik airis, and attanis with al the force ȝe may
No wounder this is, the selcouth earibdis
The horribill rokis, and craggis here I wys
Helenus the prophete ful wele did vs declare
The samyn wyse, as thay commandit ware
Thay did anone, and Palynurus first
[Page lxvii] Hard halys the scheite on fyde, and fast gan thrist
The fore schip, to the wallis and to the tyde
Saland on bawburd, toward the west syde
Towart the west, wyth mony heis and hale
Socht al our flote, fast bayth with rouch and sale
The swelly swir, vphesit vs to heuin
Syne with the wall, swak vs agane doun euin
As it apperit vnder the sey to hell
Chryis the holkis craggis, herd we ȝell
Quhare as the swelth, had the rokkis thirllit
And thryis the fame, ouer spout that so he quhirllit
It semyt watrir the sternes, as we thocht
Be this the son went to, and we forwrocht
Left desolate, the wyndit calmis eik
We not bekend, quhat rycht coist mycht we seik
War warpit to seywart, by the outwart tyde
Of ciclopes, vnto the coistis syde
The port, quham to we cappit was to large
And fra all wyndis blast, for schip or barge
Souir al tyme, bot netheles fast by
The grisly Ethna, did rumbill schuddir and cry
Sum tyme thrawing out, hie in the skyis
The blak laithlye smoik, that oft did rys
As thunderis blast, and rekand as the pik
With gledis sperkand, as the hale als thik
Up sprang the blesis, and fyre lumpis we se
Quhilk semyt, for lyke the sternes hie
Sumtyme it ras it, grete rochis and eft will
Furth bok the bowellis, or entrallis of the hill
And lowfit stanis, vpwarpis in the are
Round in ane sop, with mony crak and rare
The stew of birnand hete, law from the ground
Vpstrekis thar, that doiz to heuin rebouud
The rumour is doun thrung, vnder this mont
[Page] Enchelades body, with thunder lyis half bront
and hidduous Ethna, aboue his bely set
Quhen he list gant, or blaw the fyre is bet
And from that furius, the flambe doith brist or glide
How oft he turnis of the irkit syde
All Cecill trymblys, quaking with ane rerd
And ouglie stew ouer quhelmys heuin and erd
That nycht lurkand, in woddis we remane
The fereful monstouris, sufferand mekil pane
Bot quhat causit sic noyis, na thing we saw
For nowthir lycht of planetis, mycht we knaw
Nor the bricht pole, nor in the are ane sterne
Nor in the dirk clouddis, the heuynnys warpit derne
The mone was vnder wak, and gaif na licht
Haldin ful dym throw myrknes of the nycht.
¶ Of the Greik namyt Achemynedes
Rehersing Enee / the natur of Cyclopes.
THe secund day, be thys sprang fra the est
Quhen aurora, the wak nycht arrest
And chays fra heuin, with hir dym skyies donk
Than suddanlye, furth of the woddis ronk
We se ane strang man, of forme vnknaw
Ane leuar wycht, na mare pynit I ne saw
Nor ȝit sa wrechitlye, hefene ane wy
Towart the coist, quhar that we stude in hy
His hand furth he streikis, askand supple
We hym behald, and al his cours gan se
Maist laithlye full of odoure, and his berd
Rekand doun the leuth nere of ane ȝerde
Hys talbart and array sewit with breris
Bot he was greik, be all his vther ferys
And vmquhile was, as eftir wele we kend
To troy, in till his faderis armour send
This ilk man, fra he beheld on fer
[Page lxviii] Troyane habitys, and of our armour was wer
At the first sicht, he styntit and stude aw
And fra hys pais, begouth abak to draw
Bot sone eftir cummis, ryanyng in ane rais
Doun to the schore wepand and askand grace
O ȝe troianis,
Achemenides piteful oratyon to the troias.
be al the planetis quod heBe all the sternes, and the geddis he
And be the halesum sprete, of heuynnys lycht
I be feyk tak me wyth ȝou, catiue wycht
And lede me in quhat landis, that euer ȝe pleis
That may suffyce, that war my hartis eis
I knaw me ane, of the grekis nauy
In were to troy cuntre, I grant socht I
For the quhilk dede, gif that for our trespas
So grete the offence, and the Initiris was
Rent me in pecis and in the fludis swak
Or droun law vnder the large seyis wrak
Gif that I perys, it is ȝit sum comfort
That of mennis handys deing at schort
Quod he and tharwyth gruflyng on his kneis
He lappit me fast by baith the theys
We him exhort to schaw quhat was hys name
And of quhat kynrent and blude, cummyn at hame
And syne to tell quhat fortoun, had hym betid
My fader Anchises, na ma wordis wald bid
Bot furth wyth that ȝoung man hys rycht hand
And assuris his sprete wyth that presand
He at the last thys drede, has done away
And on thys wyse begouth to carp and say
Of the realme Ithachia, I am but leys
Ane of the cumpany of fey vites
And achymynydes, vnto name I hate
Cumyn vnto troy, wyth my fader of late
But ane pure vageoure, clepit Adamaslus
[Page] Wald god ȝit the samyn fortoun, remanit tyll vs
My fallowship vnwitting,
The cruell natur of Cyclopis.
forȝet me hereQuhen thay thir cruell marchis, left for fere
And in the ciclopes huge caue, tynt me
Ane gousty hald, within laithlie to se
Full of venome, and mony bludy meis
Bustuous hie Poliphemus, set at deis
Thare remanis, that may the sternes scaik
ȝe goddis deliuer this erd, from sic wraik
For he is vgsum, and grisly for to se
Hutit to speik, and aucht not nemyt be
Thir wretchit mennis flesche, that is his fude
And drinkis woursum, and thar lopperit blude
I saw my self, quhen grufelings amid his cafe
Twa bodies of our sort, he tuke and raife
And in til his hidduous hand theyr, thrimlit & wrang
And on the stanis out, thar harnis dang
Quhill brane and ene, and blude all poplit out
I saw that cruell feynd, eik thare but dout
Thare lymmes rife and eit, as he war wod
The ȝoustir tharfra chirtand, and blak blud
And the hait flesche, vnder his teith flekkerand
Bot net vnwrokin forsoith this feist, he fand
Nor vlixes, list nocht lang suffir this
Na this king Ichathy, him self nor hys
Mythten forȝet, in to sa grete ane plicht
For famyn, as that horribill feyndly wicht
Had ete his fil, and to drink wine him gaif
Sowpit in slepe, his nek furth of the caif
He straych for drynking, liggin in his dreme
Bokkis furth and ȝeiskis, of ȝouster mony streme
Raw lumpis of flesche, and blude blandit with wine
We the grete goddis besoitht and Cauillis syne
Castis quhat suld, be euery mannes part
[Page lxix] Syne all atanis, about and on him stert
And wyth ane scharpit, and brint styng of tre
Out did we bore, and pike his mekile E
That lurkit allane, vnder his thrawin front large
As brade as is, ane gregioun scheild or targe
Or like vnto the lanterne, of the mone
And thus at last, we haue reuengit sone
Blyithly the goistis, of oure feris dede
Bot ȝe vnhappy men, fle fra this stede
Fle, fle this coist, and smyte the cabil in twane
For how grislie, and how grete I ȝou sane
Lurkis poliphemus, ȝymmand his beistis rouch
And all thare pappis melkis, throuch and throuch
Ane hundreth vtheris, als huge of quantite
Endlangis this ilk coist syde, of the se
Grete ciclopes inhabitis, here and thare
And walkis in their hie montanis, ouer al quhare
The mone has now, fillit his hornes thryis
With new licht, sen I haif on this wyse
My liffe in woddis lede, but sicht of men
In desert hirnes, and sere wylde beistis den
And fer fra out my cauern, did espye
The grym ciclopes and oft thar grislye cry
And eik stampyng of thare feit, made me trymbyll
My wretchit fude, was berryis of the brymbill
And stanis heppis, quhilk I in buskis fand
With rutis of herbis, I holkit out of land
And vesyand all, about I se at last
This nauy of ȝouris, drawand hidder fast
Quham to I me betaucht, and gan auow
Quhat flote that euer it was, for wat ȝe how
It is yneuch, that I eschapit haif
ȝou cruell pepill, I set not on the laif
For rather ȝe or I▪ sall in sic wraik
[Page] Quhat deth ȝe pleis, the life fra me gartak
¶ Of Poliphemus / and mony strange coist
And how Enee hys fader / Cecill loist.
SKars this was said,
A discription of the monstours end horrybyl poliphemus.
quhen sone we gat ane sichtApoun ane hill, stalkand this hidduous wicht
Amang his beistis, the hird Poliphemus
Doun to the coistis bekend, draw towart vs
Ane monstour horibill, vnestinabill and mischape
Wanting his sicht, and gan to stab and grape
With his burdoun, that was an grete firtre
Fermand his steppis, becaus he micht not se
The Wollit scheip, him folowing at the bak
Quharin his plesour, and delite gan he tak
About hus hals, ane quhissil hung had be
Was all his solace, for tinsale of his fee
And with his staffe, fra he the deip flude
Twichith and cummin, at the sey side stude
Of his dolpe, the flowand blude and Eatir
He wosche away, all with the salt watir
Grissilland his teith, and rummissand full hie
He wadis furth, throw the middis of the se
And ȝyt the water, wet not his lang syde
We fer from thens affrayit, durst nocht abide
Bot fled anon, and within burd has brocht
That faithfull greik, quhilk vs of succour socht
And preualy we smyte, the cabill in twane
Sine kempand with airis, in all our mane
Vpuelteris watir, of the salt sey flude
He persanit the sound, quhare that he stude
And towart the dyn, mouis his pais anone
Bot quhen he felt that we so fer wer gone
So that his handis vs arreik he ne micht
Nor the deip se of Io [...]m, for all his hicht
Ne micht he wade equaly vs to arrest
[Page lxx] Ane felloun bray, and huge schant vp he kest
Quharthrow the sey, and al the fludis schuke
The land alhale of Italy, trymblit and quok
And how Cauernis or Furions ethna round
Rummyssit and lowit, fordynnyt with the sound
Bot than furth of the woddis, and hillis hie
Walknyt wich the cry, ane huge pepil we se
Of ciclopis, cum hurland to the port
And fillit all the coist sydis at schort
Thay ebrithe brethir, with thar lukis thrawin
Thocht not awalit, thar standing haue we knawin
Ane horribil schort, wyth mony Camscholbeik
And hedis semand, to the heuin arreik
Sic lik as quhare, that with thare hie toppis
The big akis strekand, in the are thare croppis
Or than thir Cipreis, berand hie thare leuis
Growand in the woddis, or he vpon the hewis
In schawis auld, as mony may from fer
Hallowit to diane, or ȝit to Iupiter
The scharp drede, made vs so to cache haist
With drawand fast, as thocht we had bene chaist
And for to set our sail, quhiddir we best mycht
To follow the wynd, and hald na cours rycht
Aganis the counsel of Helenus, our feris
Persuadis to hald, furth euin the way that steris
Midwart betuix Caribdis, and scilla
Ane litill space fra dede, by athir of tua
For bot we hald, that cours foroutin fale
Bakwartis, thay said, on ciclopes mon we sale
Bot lo anone, ane fair wind or we wist
Rais of the north, blawing euin as we list
From the strait bay, of pelorus the mont
And sone we slippit by, at the first bront
The mouth of flude Panthagias, full of stanis
[Page] The sound megarus, and tapsum Ile atanis
The names of thyr coistis, Achemenydes
The companȝone, of vnhappy vlixez
Rekynnys to vs, as we past ane by ane
For we returne, the sammyne went agane
Quhare thar nauy had wauerit, by thare rais
Within the fircht of Cecil, agane the face
Of the flude plemirioun, full of wallis
Thare lyis ane Iland, quhilk our eldaris callis
Orthigia, quhare that the frame is so
That alpheus, ane of the riueris tuo
Of the ciete of Elis, in archade
Vnder the sey, gain thiddir flow and wade
Throw secrete condittis, and now as eik thay fay
Arthusa, at the mouth or Ischay
It enterit rynnyng, in the Cecil se
The grete goddis of that place, wonrschip we
At command of my fad [...]r, and fra thyne
The fertil ground, of Hillary passyt syne
Quhilk flude watteris, all the flude about
Thare on the eraggis, the nauy stude in dout
For on blynd stanis and rokkis hirssillitwe
Tumlit of mont pathynnus, in the se
And fer from thens, the loch Camermay
Quham the fatis forbiddis, to do away
Apperis to vs, and of geloy the ferdis
Quhar that the grete ciete, geloy vpbeildis
Haifand the surname, fra the flude fast by
Syne hecht agregas, fer of we gan espy
Ane hill and ciete wyth large wa [...]lis of force
Quhare vmquhile bred war, the mayst wer lyk hors
And the selynis also, I left behynd
For all thy palme treis, with the followand wynd
The dangerus schaldis, vp pykit we
[Page lxxi] With all his blynd rokkis of libye
Thare the porte of Dapranone and the raid
Quhom to remember,
Eneas lost his fader.
my hart may neuer be gladRessauit me quhare that allace, allace
I leis my fader, al comfort and solace
And al supple, of our trauel and pane
Thare thare allake, sa fere dangeris begane
And tempest of the sey, O fader maist dere
Anchises desolate, quhy left thou me here
Wery and irkit, in ane fremmyt land
O weil away, for nocht was al I fand
That thou eschapit, sa mony perrellis huge
Helenus the deuyne, as we with hym can luge
Quhen horrybil thingis, sere he dyd aduert
Schew not before to me, thyr harmys smert
Nor ȝit the felloun, aikwert Celeno
This was extreme labour, of pane and wo
This was the end, of all hys lange vayage
And hidder syne warpit, wyth seyis rage
Apoun ȝour coistis, as I fra thens was driue
Sum happy chance,
Conclusioun of Eneas lang orrations to the Quene
and god maid me arriue.The Prince Eneas, on this wyse allane
The fatis of goddis, and rasis mony ane
Rehersing schew, and sundry strange ventis
The quene, and all the tyrrianis, takand tentis
And at the last he ceissit, and sayd no more
Ending his tale, as ȝe haue hard before.
Finis
The prologe of the fourth Boke
WIth bemys schene,
Thes proloug treatis the strength of loue the in cōmodytys and remead of ye same.
throw bricht CytheriaQuhilk only schaddowist, amonge sterris lite
And thy blynd wyngit son, Cupido ȝe tua
Fosteraris, of birnyng carnale hete delite
ȝour Ioly wo, neidlingis moist I endite
Begynnyng with, ane fenȝeit faynt plesance
Continewit wyth lust, and endit wyth pennance.
In fragil flesche, ȝour febill sede is saw
Rutid in delyte, welth and fude delicat
Nurist with sleuch, and mony vnsemly saw
Qhuare schame is loist thar spredis ȝour burgeous hate
Oft to reuolue ane vnleful consate
Ripis ȝour perellis, frutis and vncorne
Of wikkit grane, how sal gude schaif be schorne.
Quhat is ȝour force,
The hunt of vnlesū loue.
bot febling of the strenthȝour curius thochtis, quhat bot musardry
ȝour fremmit glaydnes, restis not ane houris lenth
ȝour sport for schame, ȝe dar not specifye
ȝour frute is bot, vnfructuous fantasye
ȝour sory Ioyis, bene bot Ianglyng and Iapis
And ȝour trew suandis, silly goddis apis.
ȝour sueit myrthys ar myxt wyth byttirnes
Quhat is your drery game and mery pane
ȝour werk vnthrift,
The cōmodytys of loue.
ȝour quiet is restlesȝour lust lyking in langour to remane
Frendschyp torment, ȝour trayst is bot ane trane
O luf quhydder art thou Ioy, or fulyschnes
That makys folk, so glayd of thayr dystres.
Salomons wit, Sampsoun thou reuist his force
And Dauid thou berest, his prophecy
Men sayis thou brydillit Aristotell,
Exemplis of Scripture and gentle [...] storyis
as ane horsAnd crelit vp the floure af Poetry
Quhat sall I of thy mychtis, notify
Fare vele, quhare that thy lusty dart assalis
Wit,
Iremayd
strenth, riches, na thinge bot grace aualisThou chene of luf, a benedicite
How hard strenȝes, thy bandis, euery wicht
The god aboue, for his hie maieste
With the ybound,
The [...] of god is the best remedy agaīst vnlesum loue.
law in ane maid did lichtThou vincust, the strang gyand of grete mycht
Thou art mair forcy, than the dede sa fell
Thou plennyst parradyse, and thou heriit hell
Thou makis febil wicht, and thou lawest hie
Thou knytus freyndschip, quhare thare be na parage
Thou Ionatha confiderit, with Dauye
Thou dantit Alexander, for all his vassalage
Thou fes [...]ynnyt Iacob, fourtene ȝeris in bondage
Thou teichit herculis, go lerne to spyn
And eik dionire his mais, an [...] [...]lioun skyn
For luf Narsissus,
The damage of inordinate loue
perist at the wellFor luf thou steruist, moist douchty achill
Theseus for luf, his fallow socht to hell
The snaw quhite dow, oft to the gray maik will
Allace for luf, how mony thame [...]elf did spill
Thy fury luf, moderis, tacht for dispite
Fyle handis in blude, of ther ȝing childrin lite
O lord quhat writis myne autor, of thy force
In his georgikis, how thy vndantit mycht
[Page] Constrenis sum tyme, so the stonyt hors
That by the sent, of ane mere fer of sycht
He bradis brayis anon, and takis the flicht
Na bridill may him dant, nor bustuous dynt
Nor bra hie roche, nor brade fludis stynt
The bustuous bullis, oft for the ȝoung kye
With horne to horne, wirkis other mony wound
So rummesm, with mony law and cry
The feildis all doith, of thare routing resound
The meik hartis, in belling oft ar found
Mak feirs bargane, and rammys togiddir ryn
Baris thuite tuskis, and fretis otheris skyn.
The reuchfull smert, and lamentabil cais
Quhilk thare he writis,
A petefull history of Leander and Hero
of leander ȝingQuhom for thy luf hero, allace allace
In feruent flambe of hait deisire, bitnyng
By nychtis tyde, the heuynnys loude thundring
And all with storme, troublit the seyis flude
Betand on the rolkis, and routand as it war wod
Set he him not to swym, ouer weil away
The firth betuix sescos, and abidane
In Ewrop and in Asia, cieteis tua
His fader and moder, mycht him not call agane
O god quhar thare, was he tyat and slane
And quhen his luf, saw this mischeif attains
Out ouer the wall scho lap, and brak hir banys.
Lo how venus,
They are wise that can tak exemple [...] other to flevyce / and followe vertue.
can hir seandis acquiteLo how hir passiouns, vnbrillis all thare wit
Lo how thay tyme thame selfe, for schort delite
Lo from all grace, to myscheif thay flit
[Page lxxiii] Fra weill to sturt, fra pane to dede and ȝit
Thare bene bot fewe exampill takis, of other
Bot wilfully fallis in the fire, leif brother.
Be neuer ouerset,
The [...] vs of vyne venus.
myne auctor teichis soWith lust of wyne, nor werkis veneriane
Strife and debait engeneris, and feil has slane
Thay febil the strenth, reuelis secrete boith tuo
Honest proues,
Quhat loue is
drede, schame and luke ar ganeQuhare thay habound, attempir thame for thy
Childir to engendir vse venus, and not in vane
Hant na sorfet, drink not bot quhē thou art dry
Quhat is this luf, nyce luffaris as ȝe mene
Or fals discait, fare ladyis to begyle
Thame to defoule, and schent ȝour self betuene
Is all ȝour liking with many subtell wile
Is that trew luf,
Quhat loue is
gude faith and fame to fyleGif luf be vertew, than is it lefull thing
Gif it be vice, it is ȝour vndoing.
Lust is na luf, thocht ledis like it wele
This furious stamb of sensualite
Ar nane amouris, bot fantasyze feil
Carnale plesance,
The di [...] [...]ione of one.
but sicht of honesteHatis him self forsoith, and luffis not the
Thare bene tua, luffis, perfyte and imperfyte
That ane is lefull, that vther foule delyte.
Lufis ane kindely passioun,
Naturall loue.
engendrit of heteKendillit in the hart ouerspredand, all the cors
And as thou seis sum persoun, waik in sprete
Sum hate birnyng, as ane vnbridillit hors
Like as the pacient has hete, of our grete fors
[Page] And in ȝoung babbyis, warmnes insufficient
And to aget failȝeis, and is out quent
Rycht so in luf,
Inordinat loue.
thou may be excessiueInordinately luffand, ony creature
Thy luf also, it may beinfectiue
To luf thyne awne, and gif of vtheris no cure
Bot quhare that it is rewlit, by mesure
It may be liknit, till ane hale mannis estate
Intemperate warmes, nouthir to cald nor hate
Than is thy luf inordinate say I
Quhen any creature mare than god, thou luffis
Or ȝit luffis ony to that fyne,
All loue against god is wickednes.
quharebyThy self or thame, thou frawertis god remouis
For till attempir, thy amouris the behuffis
Luf euery wicht for god, and to gud end
Theme be na wise to harme bot to amend
That is to knaw luf god, for his gudenes
With hert hale mynd,
Loue shuld be reulyd by reason.
trew seruice day and nychtNixt lufe thy self, eschewand wikkitnes
Luf syne thy nychtbouris, & wirk thame na vnricht
Willing at thou and thay, may haue the sicht
Of heuynnys blys, and tyist thame nocht ther fra
For and thou do, sic luf dow nocht ane stra
Faynt luf but grace, for all thy fenȝeit layis
Thy wauntoun willis, ar verray vanyte
Graceles thou askis grace, and thus thou prayis
Haue mercy lady, haue reuch and sum piete
And scho re [...]thles, agane rewis on the
Here is na peramouris fund, bot all haterent
Quhare nouthir to weill, nor resoun tak thai tent
Callys thou that reuch, quhilk of thar selfe ne rekkis
Or is it grace, to fall fra grace, na na
Thou seikis mercy, and thar of myscheif makis
Renowne and honour, quhy wald thou driue away
Ane brutell appetite, makis ȝoung fulis foruay
Quhilk be resoun, list nocht thare heit refrane
Haldand opinioun, dere of of ane borit bane.
S [...]yis not ȝour sentēce,
vnlefull loue in [...] in [...]
thus skant worch ane fasQuhat honeste or renowne, is to be drain
Or for to droup, like ane fordullit as
Lat vs in ryot, leif in sporte and gam
In venus court, sen born thare to I am
My tyme wel sall I spend, wenys thou not so
Bot all ȝour solace, sall returne in gram
Sic thewles lustis, in bittir pane and wo
Thou auld hasard, leichoure fy for schame
That slotteris furth euermare,
Against ald lechetous pepyl
in sluggardryOut on the auld trat, agit wyffe or dame
Eschames ne time, in roust of syn to ly
Thir venus werkis, in ȝoutheid ar foly
But in to eild, thay turne in fury rage
And quha schameles, doublis thare syn ha fy
As dois ther vantouris, owthir in ȝouch or age
Quhat nedis awant, ȝou of ȝour wikkitnes
ȝe that delytis allane in velanis dede
Quhy glore ȝe in ȝour awin vnthriftines
Eschame ȝe not rehers and blaw on brede
ȝour awin defame,
It is no wisdom to glo [...]r in wykidnes.
hawand of god na dredeNa ȝit of hell prouokand vtheris to syn
ȝe that list of ȝour palȝardry neuer blyn
Wald god ȝe purchest, but ȝoure awin mischance
And ware na banereris, for to perys mo
And grant sum time, ȝe turne ȝou to pennance
Refrenyng lustis inordinat, and cry ho
And thair affix ȝour luf, and myndis so
Quhare euer is, veiray ioy without offence
That all sic beistly, fury ȝe lat go hence
Of brokaris and sic baudry hou suld I write
Of quham the fylth stynketh, in goddis neis
With venus hen wyiffis,
Agaynst Makrelli [...]
quhat wyse may I flyteThat straykis thir wenschis hedes them to pleis
Douchter for thy luf, this man has grete diseis
Quod the bismere, with the slekit speche
Rew on him, it is merit his pane to meis
Sic pode makrellis, for lucifer bene leche
Eschame ȝoung virgins,
A gud coū [...]all to all wemen.
and fair damycellisFurth of Wedlok, for to disteyne ȝour kellis
Traist not all talis, that vantoun wowaris tellis
ȝou to defloure, purposyng and not ellis
Abhore sic price or prayer, wourschip sellis
Quhare schame is loist, quyte schent is womanhede
Quhat of beute, quhare honeste lyis dede
Rew on ȝour self ladyis, and madynnys ȝing
Grant na sic reuch, for euer may caus ȝou rew
ȝe fresche gallandis,
Ny [...] the fear of god reason is the best remedy against this [...]its.
in hate desire byrnyngRefrene ȝour curage, sic peramouris to persew
Ground ȝour amouris, on cherite all new
Found ȝou on ressoun, quhat nedis mare to preche
God grant ȝou grace in luf, as I ȝou teiche
Fy on dissait, and fals dissimulance
[Page lxxv] Contrar to kynd, with fenȝeit chere smyling
Vnder the cloik, of luffis obseruance
The vennom of the serpent, reddy to styng
Bot all sic crymis, in luffis caus I resing
To the confessioun, of morall Iohne gouer
For I mon follow, the text of our mater
Thy double wound of dido,
Here turni [...] to Dydo lamenting hys miserabyl end beyng afore nobyll prudent temperat and valȝeant a quene distroyt by furious loue
to specifyeImeyne thyne amouris, and thy funerale fate
Quha may endite, but teris with ene dry
Augustyne confessis him self, wepit god wate
Reding thy lamentabill end, misfortunat
By the will I repit, this wers agane
Temporall Ioy endis, with wo and pane
Allace thy dolorus cais, and hard mischance
From blys to wo, fra sorow toury frage
Fra nobilnes, welth, prudence and temperance
In brutell appetit, fell and wilde dotage
Dantar of affrik, quene founder of cartage
Vmquhile in riches and schynyng glore ringing
Throw fuliche lust, wrocht thyne awin vndoing
Lo with quhat thocht, quhat bitternes and pane
Luf vnsilly bredis, in euery wicht
Quhou schort quhiule, dois his schort plesance remane
His restles blis, how sone takis the flicht
His kyndnes alteris in wraith, within ane nycht
Quhat is bot torment, all hys lang sumfare
Begun with fere, and endit in dispare.
Quhat sussy, cure and strange ymagyning
Quhat wayis vnlefull his, purpois to atteyne
Has this fals lust, at his first begynnyng
How subtell wilis, and mony quiet mene
[Page] Quhat slicht dissait quentlie to flat and fene
Syne in ane thraw,
The grete care that louers takis for theyr schort plesour.
can not him selfyn hydeNor at his first estate, no quhile abide
Thou swelth deuourare, of tyme vnrecouerabill
O lust infernale, furnes inextinguibill
Thy self consuming, worthis insaciabill
Quent fendis net, to god and man odibil
Of thy triggettis, qhuat toung may tell the tribyll
With the to wrestil, thou waxis euermare wicht
Eschewe thyne hant, and mynnis sall thy mycht
Se how blynd luffis,
Blind lufeis agaynst honour & reason quhilk he preues be the exāple of Dyda quene of carthage
inordinate desireDegradis honour, and ressoun dois exile
Dido of Cartage, floure and lampe of tyre
Quhais he renoune, na strenth nor gift mycht fyle
In hir faynt lust, so mait within schort quhile
That honestye bayth, and gude fame war adew
Syne for disdene, allace hir selfin slew
O quhat aualit thy brute, and glorious name
Thy nobyll tressour and werkis infinyt
Thy cyeteis beilding and thy riall name
Thy realmes conquest, welefare and delyte
To [...]ynt all thinge sayf thyne awne appetite
So was in luf thy frawart destany
Allace the quhile thou knewe the strange Enie
And sen I suld thy tragedy endite
Here nedis none vthir,
Admonitition to gentil women.
inuocacyonBe the command, I lusty ladyis quhit
Be war with strangearys of vncouth natyoun
Wirk na sic wounderys to thare dampnatyoun
Bot til attyne wylde amouris, at the thay lere
Thy lusty pane, begouth on thys manere
The fourth buk of Eneado.
¶ The thochtfull quene with mony amorus claus
To hir sister complenis in luffi cause.
BE this the quene,
The fourth boke in the personne of Dido quene of Car [...]age [...] at length the gret stregth and sin dri affections of loue.
with heuy thochtis vnsoundIn euery vane nurissis, the grene wound
Smytyn so deipe, with the blud fyre of luf
Hir trublit mynd, gan fra all rest remuf
Compassing, the greate prones of Enee
The large wourscip, feil syis remembris sche
Of his lynnage and folkis foray present
Deip in hir breist, was his figure prent
And all hys woundis, flixt that for besy thocht
None eis hir membris, nor quiet suffir mocht
The nixt day following,
The quenes oraciō to hyr syster A [...]na cōmēdyng and praysing Eneas for hy nobil varteous and valyantnes.
with his lampe brichtAs Phebus did the ground, or erth alicht
Eftir the dawning, the donk nychtes cloud
Chasit from the sky, and the are new schroud
Full euill at eis, quhen dido on this kynd
Spak to hir sister, was of the samyn mynd
My sister an, quhat sweuynnis be their quod sche
Quhilk me affrayis in sic perplexite
Quhat be this grete new gest, or straunger
In to our realme latlie, is dreuin here
How wyse in speche, and in his commoning
He schewis him selfe, O God quhat wounder thing
How stout in curage, In were how vailȝeand
I trow sister, and I vnderstand
My opinion is nane, vncertayne thing
Thay bene sum lynnage, of verray godis of spring
For drede all wayis, and schamefull couardice
Degenerit wichtis, and boubartis notyfyis
Allace quhat wounder, fatail auenturis
Has him beuauit, quhat trauell pane and curis
[Page] How huge batallis, be him eschewit tald he
Now certis, war it not determyt with me
And fixit in my mynd, vnmouably
That to no wycht, in wedlok me lyst I
Cuppyl nor knit, sen my first loue is gone
By deith disseuerit, and left me alone
War not also, to me is displesant
Genyus chalmer, or mateymonye to hant
Perchance I migh be vincust, in this rage
Throw this ane cryme, of secund mariage
Annas I grant to the sen the diceis
Of my sory husband Sycheus,
A batell be [...]wyx honesty shā fulnes and loue / in the which the quene [...]eclinys a lytel to reason suppressing fenȝetly hys awyn appetyte
but leisQuhare that our hous, with broderis deid was sprēt
Onlie this man, has moued mine entent
And he my mind, Inducit to foruay
In knaw and felis, the wenys and the way
Of the auld fyre, and flamb of luffis hete
Bot rather I desyre baith cors and sprete
Of me, that erth swelly law adoun
Or than almythty Iouy, with thunderis sown
Me smite full deip, vnto the schadois derne
Amang pail goistis, of hellis hole cauerne
In the profund pyt of deich, and derk nicht
Or I becum, sa wretchit schamefull wicht
That I my honeste, file or womanhede
Or brek ȝour lawis, na quhill I be dede
He that me first, to him in wedlok knit
My first floure of amouris tuke, and ȝit
For euermare with him, he sall thame haue
And he moist kepe thame with him in his graue
Thus saiand the bricht teris, anon furth brist
And fillit all hir bosum, or scho wist
Annes answerd of thou say mot I thrife
To thy sister derrar, than hir awne lyfe
[Page lxxvii] Quhidder gif thou wolt, allane in wedohede
Euer murnand thus, waist away thy ȝouthed
Nor ȝit the confort, of sueit children thou knawis
Nor the plesour felis,
Annes ansuer to the quene exhorting the quene with dyuers argumentes to mariage with the nobyll and valeante prynce Eneas.
of venus lawisWhat wenys thou, assis cald and gaistis in graue
Of all sic waling, ony feist sall haue
In case that in thy dule, afore thir days
Thy lord new dede the list inclyne na wayis
Nouthir prince nor duke, to take as for husband
Suppois thou lithtliit thame, of libie land
Hyarbas kyng, and vthir heris all
Quhilks in the riche fulȝe, triumphal
Of Saffrik boundis, dwelling wid whare
Quhat wilt thou als, debating euermare
Aganis this likand luf cummis of pleasance
Consideris thou not and has in remembrance
Amyddis quhais ground, here thou remanis
On this hand cieteis of getulianis
Ane kynd of pepill, Inuincibil in batell
Here the vndantit folk of Nvmyda duell
And on that vthir part, vmbeset I wys
We ar with bustuous, vnfrendlie Sirtis
And ȝonder the desert regioun, alsua
Ay full of thrist, on barant libia
And widequhare thens, the wylde pepil of berchay
The weris mouyng from tyre, quhat sal I say
And the gretbrag, and mannance of our brothir
Be dispositioun of goddis, I wene non vthir
And by the puruiance, of Iuno to our supple
Thir troiane schippis, by prosper wind ouerse
Has thiddir set, thare coursis fortunate
O sister myne, consider in quhat estate
This ciete, quhilk thou buildis sal vp rise
Persaue how that this realme may on sic wise
Bene vph [...]it, throw sa nobil ane mariage
[Page] Behald how mekill, the glory of cartage
Sall be extollit, and encres in euery thinge
Throw help in armis, of the troianis of spring
Quharfore the nedis, beseik goddis of thare grace
With sacrifice, to be fauorabill in this case
Do set all hale, thy cure and diligence
Causinge him to make, with the residence
And fenȝe caus, to tary him and with hald
So lang as thus, during, the wynter cald
The sey rageis, throw watery orione
And quhill the stormes be ouer blawin and gone
And quhill his schippis, with the tempest schaik
Be bet, bid spare nouthir, elm nor aik
¶ Dido inflambit in the lusty hete [...]
With amouris thochtis trublis all hir sp [...]rites.
WIth thyr wourdis, the sprete of Dido quene
The quhilk to fore, in luf was kendelit grene
Now all in fyre, the flambe of luf furth blesis
Hir dout sum mynd, with gud hope so scho es [...]s
That all the schame, and drede was blak away
And to the tempill, furth ȝede thay baith tuay
Efter the Serymonis, of thare pagane gise
Beneuolence, and gude luk sundry wise
Thay seking, and thay serche at ilk altare
And twinteris walit, for sacrifice here and thare
Thay briknit, and sum in honour did addres
Of the law leader, Ce [...]es the goddes
To Phebus, and to Bachus part also
But principally, vnto the quene Iuno
Quhilk haith in cure, the band of mariage
Him selfe moist gudlie, quene dido of cartage
Held in hir richt hand ane coup full of wyne
Betuix the hornes tua, furth ȝet it syne
Of ane vntamyt ȝoung quy, quhite as s [...]aw
[Page lxxv] And vthir quhilis, walde scho raik on raw
Or pas tofore, the altaris with fat offerandis
By chargit ful, and oft with hir awyn handis
Renew and bet, the sacrifice all day
And riche giftis, gif troyans and wald ay
The beistis coistis, as they bowellit were
And thare entrellis, beheld flekker and stere
According the auld vsage, to that effect
Sum augury persaif, or gud espect
O welaway, of spaymen and diuinis
The blynd myndis, quhilk na way diffinis
The force na strench of luf with his hard bands
Quhat avalit thir sacrificis, or offerands
Quhat helpis,
Exclamacion of the strenth of luf, agaīst speymen, diuinis & th [...]r sacrificys.
to vesy tempillis in luffs rageBehald vnhappy Dido, quene of Cartage
In this mene sesoun, Birnand hate as glede
The secrete wound, depe in hir mynd gan sprede
And of hete amouris, the subtell quent fyir
Waystis and consumis, merch banis and lire
Ouer all the ceite, anrageit scho here and thare
Wandris, as ane stirkin hynd, quham the stalkar
Or scho persaif, for fer betis with his flame
Amyd the woddis of Crete, and lattis remane
The brade hede vnknaw, the beist was hit
Scho skippin furth, as to eschew the byt
Gan throw the forest, fast and grauis glide
But euer the dedly schaft, stikkis in hir syde
Sum tyme the quene, Enee with hir did lede
Throw out the wallis, vnto euery stede
Tressour all, and riches of Sydony
Schawing to him, and offerit all reddy
The ciete of Cartage, at his commaundement
Begin scho wald, to tell furth hir entent
And in the mydworde stop, and halde hir styll
[Page] And quhen the euin com, it was hir wyll
To seik wayis him to feist,
The strench of loue in the quene being▪ Solitare and aloue
as scho did areAnd half myndles againe, scho langis sare
For tyll enquire, and here the sege of troye
And inane stare, him behaldis for Ioye
Efter all was vodit, and the lycht of day
And mare and mare, the mone quenchit away
And the declynyng, of the sterris bricht
To slepe and rest, perswadis euery wycht
Within hir chalmer, alone scho langs sare
And thocht all vaist, for laik of hir luffare
Amyd ane woid bed, scho hir laid adoun
And of him absent, thinkis scho heits the sdun
His voce scho heris, and him behaldis sche
Thocht he god wate, fer from hir present be
And sum tyme wald scho, ascaneus the page
Caucht in the fygure, of his faders ymage
And in hir bosum brace, gyf scho tharby
The luf vntellibyl, mycht swik or satify
The werke and wallis begun, & not vpbrocht
The ȝoungkeris dedis of armes, exhorts nocht
Nothere fortres,
Loue makis people negligent
nor turets sure of wereNow graith they mare, for all the werk but were
Ceis and is stoppit, bayth of penakillis hye
And big towris, semyt to rise in the skye
¶ To venus carpis Iuno / the goddes
And of thare speiche and sermond / mare and les
ALs swith as Iuno, with sic malice ouer tane
Persanit hir dere fryend that remeid was nane
Nouthir fame, nor honour, the rage resist micht
Saturnus douchter,
Iunos finȝet oracion to venus.
wyth sic wordes on hichtBegouth to carp vnto, venus I wys
Ane huge honour, and laud, ȝe sall of this
Report, and richt large spulȝe bere away
[Page lxxix] Thou and thy chyld forsoith, quod sche bayth tway
O lord how grete power, and notabil mycht
Gif that of tua hie goddis, throw the slycht
Ane silly woman, sall ouer cummyn be
Not so I wys hast thou, dissauit me
Bot that I knaw thou had, in fere and drede
Our cite and held the lugeing, suspect in dede
Of our renowned hie burg, of cartage
Bot on quhat wyse sall, ceissing all this rage
Or now quhatnedis, sa grete stryf, and contake
For rather perpetual pece lat, vs make
And knyt vp band of marage, thare tyl
Sen thou has gotten, all thy hartis wyl
For Dido birnis in hate luf, al attanis
The brim fury glydis, thorow out hir banis
Lat vs thir pepill to vs commoun for thy
Be frendlie fauouris, gouerne equaly
So that it lesum be dido remane
In spousage bound and serf,
[...].
ane lord troianeAnd suffir tyrianis, and all liby land
Be gifin drowry, to thy son in hand
Than venus knawing, hir spech of fenȝeit mynd
To that effect, scho mycht the troiane kind
And weris to cum, furth of Italy alsua
With hald and kepe from boundis of libia
Answerd and said, quhat wik kit wicht wald euer
Refusit sic proffer, or ȝit with the had leuer
Contend in batal, or stand at debate
Gif that as thou, rehersis the dede algate
Als soueralie mycht, follow fortunabill
Bot I offer me, les the fatis vnstabill
Nor Iupiter consent not, [...]e aggre
Bot that ane ciete, to tyrianis suld be
And ilk to folkis, from troy in vayage cummyn
[Page] Or list apprese, thay pepill all and summyn
To giddir myddill, or Ione in lyig or band
Thou art his spous, to the to tak on hand
Is lefull with requeist, his mynd to assay
Pas on before, I follow the perfay
Thane Iuno quene, sic answer mad agane
This laubour I tak on hand, all myne allane
Bot on quhat wise, sene time is couenabill
The fassioun how this stant to do, maist able
Her at schort wordis, that point I sall ȝou say
Eneas and vnsilly dido, baith tuay
To forest grathis in hunting, furth to wend
To morrow als fast, as tytan dois ascend
And ouer the warld, gan his bemes spred
Quhen that the range, and the fade on brede
Dynnys throw the grais, sercheing the woddis wyde
And sutis the glen, on euery syde
I sall apoun thame, ane myrk schoure doun skale
Of weit and wynd mydlit, with felloun hale
And all the heuin, with thunderis blast sa stere
That all thare fallouschip, fal with drawe for fere
Enclosit with ane myst, als dark as nycht
Dido and eik the troiane duk, sall rycht
Alanerly, bot be thame selfyn twane
To gidder sall entir, in ane caue of stane
Thare sall I be reddy, and but delay
Gif thare mynd be ferme, thareto the ilk day
In souir wedlok, I fall conione hir thare
And be his proper spous, for euermair
Apoun this wise, thar wedding salbe wrocht
A fermis all her will contraryng nocht
O Cytherone venus, the goddes bricht
Lauchand scho fund, had so contriuit ane slycht
¶ How that the Quene, to hunttyng t [...]de at morow
And of the fyrst day of hyr ioy, and sorow.
FVrth of the sey, with the dawing springis
As Phebus rais, fast to the ȝettis thringis
The chois gallandis, and huntmen thaym befyde
With ralis, and with nettis strange and wyde
And hunting speris▪ stif with hedis brade
From massiling horsmen, thik hidder rade
With rynnyng hundis, ane fule huge sort
Nobillis of cartage, hauing at the port
The quene awatis, that lang in chalmer duellis
Hir feirs stede, stude stamping reddy ellis
Guyppand the fomy goldin bit, gingling
Of goldin pall,
The qu [...] nis tryu [...] with hir companye passyng to huntings.
wrocht hir riche harnessingAnd sche at the last, of palice ischit out
With huge menȝe, walkyng hir about
Lappit in ane brusit mantill, of sydony
With gold and Perle, the bordour al bewry
Hingin by hir syde, the cais with arrowis ground
Hir bricht tressis, Inuoliut war and wound
In til ane queif, of fyne golde wyren threde
The goldin buttouns, claspit hir purpour wede
And furth sche passit, wyth al hir company
The troiane pepill, forgaderit by and by
Ioly and glaid, the fresche ascaneus ȝing
Bot fyrst of all mayst gudly hymself thar kyng
Enee gan entir, in fallouscip but dout
And vnto thaym, has Ionit his large rout
Like quhen appollo, list depart or ga
Furth of wyntring, the realme of Lisia
And leif the flude exanthus, for ane quhile
To vesy delos, his moderis land and Ile
Renewand ringis, and dansis mony ane rout
Mixt togiddir, his altaris standing about
[Page] The pepil of Crete, and thaym of driopes
And eik the payntit folk, agathirtes
Schowtand on thair gyse, wyth clamour and vocis hie
Apoun the top, mont Cynthus walkis he
His waiffand haris, sum tyme doing doun thryng
Wyth ane soft garland, of laurer sweit smellyng
And vmquhyle thaym, gan balmyng and anoynt
And into gold, addres at ful gud poynt
His grundin dartis, clatterynge by hys syde
Als fresche als lusty, did Eneas ryde
With als grete bewte, in his lordly face
And eftir thay ar cummin, to the chace
Amang the montanis, in the wyld forest
The rynnyng houndis, of cupplis sone thay kest
And ouer the clewis, and the holtis belife
The wylde beistis, doun to the dale thay driue
Lo thare the rais, rynnyng swift as fyre
Dreuin from the hichtis, brekis out the swyre
Ane vthir part, syne ȝounder mycht thou se
The heirdys of hartis, wyth thare hedis hie
Ouer spynnerand, wyth swyft cours the plane vale
The hepe of dust, vpstourand at thare tale
Fleand the houndis,
As [...]aneus [...]outnes
lewand the hie montanisAnd ascaneus the chyild, amyd the planis
Ioyus and blyth, hys s [...]erting stede to assay
Now makis his renk, ȝounder and now thys way
Now prekis furtth by thir, and now by thame
Langing amang, faynt frayit beistis vntame
The fomy bare, doun from the hillis hicht
Or the dun Lioun, descend recounter he mycht
In the mene quhile,
A tempest raised by Iuno.
the heuynnys all aboutWith felloun noyis, gan to rummyll and rout
Ane bub of weddir, followit in the tale
Skalis thyr newis, est weist, north, and south
[Page lxxxi] Hir cours anon, but langer tarying
Addres sche vnto, Hyarbas kyng
With hyr sawis, his mynd inflambing as fyre
Pro [...]cand hym to wraith, and felloun Ire
To Amon he was, son beget Alsua
Aponn the made, reuyst garamantida
Within his rage realmes, huge and brade
Ane hundreth tempillis, to Iupiter he maid
Ane hundreth altaris, quhareon the walkrife fyre
He dedicat all times, Birnand schire
Set wachis in honour, of god perpetually
Of beystis blude, the fat ground neuer dry
Strowit with garlands, and flonris of dyuers kind
This ilke kyng, wod, wraith, halfe out of mynd
And for the schrewit rumouris, sore amouit
In presens of the goddis, quhilks he louit
Before the altare, to Iupiter as thay say
He vand vp handis, deuoitly thus can pray
Almighty Ioue, quod he quham to feilsyis
On brusit beddis,
[...] oration to [...]uppite [...].
he feist and sacrifyceOf Maurusia, the pepill hantis thus
Offering to the, the honour of bachus
Consideris thou this, or quhidder father gif we
For nought the dredis, quhen thou lattis thunder sle
Or gif thi fyreslautht, the blind clouddis within
To fley our myndes in vane, makis noyis and dyn
ȝone woman lait exile, and vacabound
Come to our boundis, that by pryce bocht the gound
Ane lytill vyllage to byg, and quham to we
For to manur, gaif the strand of the se
Quham to our lawis, and statutis we gart mak
Our marage, gan lychtly and for saik
And in hir regne, has tane Enee for lord
And thou that secund Paris of ane, accord
[Page] With his vnwourthy sort, skant half men bene
Aboue his hede, and halffettis wele besene
Set like ane myter, the foly troyane hart
His hare anoyntit, wele prunȝet vnder that
By reif mantemes hir, that suld ouers be
Because vnto, thy tempillis dayly we
Brynges offerandis, and in vane hallowis thy name
With sic wourdis, king Hyarbas at hame
Makand his prayeris, and grippand the alter
Him hard anone, almychty Iupiter
And his ene turnis, towart the riall wallis
Of cartage, and their luffaris, quhilk so fallis
At thay thare fame, and gude renowne forȝet
Syne thus sayd, to mercurius but let
And with sic maner, charge gan him direct
Pas sone in hast,
Iubiter sendys mercury to Eneas to exhorte hym to depart fra earthage to Italye▪
graith thy wyngis in effectSlide with thy fedderom, to ȝone troyane prince
Quhilk now in cartage, makis residence
Geuand na cure, of cieteis of Italie
To him I grantit, by fatall destany
Do here my message, swiftlye throw the skyes
Say to hym thus, my wordis on sic wyse
His derest moder, promyst vs not that he
Of his gyding, sa faynt ane mane fuld be
Nor for sic causis, him delyuerit twyis
Furth of the grekis handis, his Enemys
Bot that he suld haue bene wyis, sage and graif
Hie senȝeoryis, and grete empire to ha [...]f
And Itale dant, quhilk brandisis in battal
And by his dedis, declare and cleirly tell
Him cumin of tu [...]trus, hie genology
And to subdew, the warldis monarchy
Of sa grete thingis, thoch na wourschip him steris
Nor for his honour lyst, not labour as efferis
[Page lxxxii] ȝyt than the fader, aucht na wise to inuy
That Ascaneus, bruke romys seniȝeory
Spere quhat he beildis, or how that he dar duel
Amang ane pepill, salbe his Inemyis fell
His linnage to cum, in Italy forȝetys he
And geuys na compt, of liuyne the cuntre
Bid hym make sail, this is all in effect
Thidder in our message, thus we direct
Said Iupiter, and mercury, but are [...]st
Dressit to obey, his grete faders behest
And first vntill, his fete fast buklit he
His goldin wyngis, quhare with he dois fle
Quhen so him list, abone the fluds on hicht
And on the erd, with grete fard and swyft flycht
Syne tuke his wand, quhare with as that I tel
The paill saulis, he cauchis out of hell
And vthir sunt, thare with gan schete ful hot
Deip in the soroufull, griflie hellis pot
Quharewith he makis folk slepe, magre thare heid
And reiffis fra vthir, all sleip and to the deid
Closis their ene, and brekis the stringis tua
Throw help tharof, he chasis the wyndis aw [...]
And trubly cloudis, diuidis in ane thraw
Tho furth he fleis, tyl at the last he saw
The hie top and sydes, brade and euin
Of hard atlas, be ring on his crown the heuin
The misty cloudis, his hede about
Quhareon of firren treis, stand mony rout
Wyth wynd and storme, full oft to schaik and blaw
His schulderis beildit, with new fallin snaw
Furth of the chyn, of this ilk hasard auld
Grete studis Ischis, and styf Ise schokillis cald
Doune from his sterne, and grisly berd hyngis
Here first mercure, with heuenly schinand and wingis
[Page] Gan areist, and with hale farde fro thens
Vnto the sey fludis, made his discens
Lyke till ane foule, that endlang the coist syde
About the strandis, of fysche plenteous and wyde
Fleis by the wattir, strummand the fludis law
Betuix the heuin and erch, the samyn wyse flaw
Mercurie clepit, the child Cillineus
Di [...]cending from his moder, grantschir thus
The sandy coistis, and desertis of liby
And eik the wynges, peirsyng by and by
And with the wyngit solis, of his feit
As he of cartage fyrst, tred on the strete
Eneas found and towris, he gan espy
And garrand bild, new lugeingis besely
Belt he was with, ane swerd of mettell brycht
Of Quham the skabert, of broun Iaspe was picht
His riche arrey, did ouer his schulders hyng
Bet on ane purpour claith, of tyre glitteryng
Fetusip stekit, with prinnyt goldin, thredis
Of mychty Didois gift, wrocht all his wedis
Mercury recounteris him, and said anone
Of Cartage now, the proud wallis of stone
Thow foundis quod he and biggis,
Mercuriis oration to Eneas desyryng him to obeye goddis cō maūd and depart to Italy to the gret honur and profyt of hys posteryte.
at all deuyseAne ciete exercit, in ane wyiffis seruice
Thy awin materis, and realme, forȝetting allace
Hidder vnto the, from his bricht heuinly place
The gouernour of godis, has me sent
Quhilk rulis at wyl, erd, heuin, and element
He bad me throw the skyis bare, this charge
Quhat beilds thou here, in ly [...]ic or cartage
Or to quhat fine, or beleue, takis on hand
To waist thy time, into this fremmit land
Gyf that na law, na honour moue the list
Of sa hie thinges, as are to the promyst
[Page lxxxiii] Nor thy selfin, thou wil not occupy
To purches thin awin, renowne ne glory
ȝit than hehald, Ascaneus vp waxin
And the grete hope of his sede and of spryng
Quham till the realme, and kinrik of Itale
With romes boundis, bene destynate sans fale
On sic wyse thus carpys mercurius
And in the myddys of his sermond thus
He vanyst fer away, I wat neuir quhare
Furth of this mortal sycht in the schire are.
¶ Quhow Eneas hym grathis to depart
Co quham Dido carpis here wyth sare hart.
BOt than half mad and doun stude als
Vp stert hys hare the voce stak in hys hals
Sare he langis to fle,
Wyse men are oft times parturbet with affectionis of mid neuertheles the gan place to reson at the last
and to departAnd that sueit cuntre on the tothir part
To leif ful laith, was hym or go at large
Astonist he was to sit, so hie ane charge
Or disobey the gret goddis beheist
Allace quhat suld he do, vneis he wy [...]t
Or with quhat wourdis, suld he now assay
The amouris quene, for to require or pray
Or on quhat wyse his tale he mycht begin
Baith to and fra, compasing his breist wythin
Ful purpois, for euery part about
And at the last, thus as he stude in dout
This resun hym semyt, fynely the best
He callis to him mynyscheus, and sergest
And strand Cloanthus, and bad thay suld in bye
Do graith his schippis, and nauin secretely
And gadder his folkis towart the coist togidder
Armour and al thing necessare bryng thidder
And to dissemmil, gif any askis quhy
Thay thus addressit, thare gere so suddanly
[Page] Him self he sayd, the mene quhile suld assay
To purches leif, to go and pas away
And wat his tyme to speik therof, maist habil
Quhen that the Quene Dido maist honorabit
Schuld not beleif, sa sone be couth depart
Nor sa gret luf, disseuer be na art
At his command, thay al gladlye furth went
And besylie begoouth, spede his entent
Bot sone the quene, persauit al thys slycht
Quhay may begile,
The furiousnes of loue noted
ane luffare day or nuchtThare departyng, at hand first sche aspyis
Dreding al soner thingis, as is the gise
Of euery luffare, al time to stand in fere
This ilk cursit fame, we spak of ere
Bare to the amouris quene, noyis and gan roune
The schips ar grathād, to pas thay mak thā boune
Quharfor impacient, and myndeles in hir rage
Sche wiskis wyld, throw the toun of Cartage
Sic wife, as quhen thir nunnys of bachus
Ruschis and relis, ouer bankis brayis and bus
Quhen euery third ȝere, on thare pagane wys
Thare goddis feist, thay hallow with loud cryis
That al the nicht, the mont of Cytherone
Resoundis of thare clamour, quhare thay gone
And at the last ȝit thys, of hir frewill
Efter lang musing, sche spak Eneas tyl
With dissimilance,
The quenes oration to Eneas desiring hym wyth syndry pyteful argumentis to r [...]may [...] with hyr.
wenyt thou vnfaithful wichtThou mycht haue hid fra me, sa fals ane slicht
And myne vnwitting, ste [...]le furth of my land
That nouthir our grete luf, promys, nor rycht hand
Geuin me vmquhile, may the here withhald
Nor cruell deith, of Didois cors so cald
Gif thou depart, and forthir quhat wald thou do
In wynter sesoun, preis graith thy nauy so
[Page lxxxiiii] And the addres, to pas throu the voyd se
Myd tyme, quhen stormes and wyndis blow maist hie
Art thou sa cruel, I put the cais also
That to nane vncouth landis, thou list go
Nouthir to fremmyt place, nor stedis wyl
Bot at auld troy, war ȝit vp, standand stil
Aucht thou ȝit, than leif this weilfare and ioy
And in sit perell, seik throw the sey to Troy
Quhat wyl thou fle, frame allace allace
Be al theyr teris, trigland ouer my face
And be that richt hand, vmquhile thou me gaif
Sen to my self, not ellis left I haif
Now wretchit catiue, be out treuth plichting eik
And be our spousage, begynnyng I the beseik
Gif euir ony thanke, I deseruit toward the
Or ocht of myne, to the was leif, quod sche
Haue mercy of our lynnage, reddy to spil
Gif tyme remanis, ȝit thou here prayeris wil
Thys fremmit mynd, I pray ȝou do away
For the I haif bene hatit, this mony ane day
Wyth al the pepil of affrik, and wich the King
That rulis the land of Mumyda, and ring
For the myne awin tirrianis, ar with me wraith
For the is womanhed, went and wourschyp baith
And my fyrst fame, laude and eik renownye
Quhar by I was rasyt, to the sternes hye
Reddy to de, and my selfyn to spil
My swete gest, quham to thou leyf me wyll
My gest ha god, quhen al thyng now in vane is
Quhen of my spous, nane vthir name remanys
Bot quharte suld I, my dede langer delay
Sal I abyde, quhill thou be went away
And quhil mi awin brothir, Pigmalioun
Bet doun the wallis, of mi ciete anone
[Page] Or sterne hyarbas, kyng of getulie
Leid me away, into captiuite
Bot at the leist, tofore thy way fleing
Had I ane child, consauit of thy of spring
Gif I had ony, ȝoung Eneas small
Before me for to play, within my hall
Quhylk representit, be similitude thy face
Than semyt I not, thus wyse allace allace
Aluterlie dissauit, or dissolate
Thus sayd the quene Dido, in febil estate
Bot apoun Iouis message, ferinlye he
Stude musing so, he mouit not ane E
Refrenit his wil, hidand in hart hys thocht
And at the last, thir few wordis has furth brocht
O gentill quene,
Eneas gentyll and humane ansuer to the quene schawing that he departs not be hys gud wyll but be the cōmand of god quhilk euery creatour shuld be all reason obey desyring hyr to bew cōtent thā kyng hyr for his kīdnes and gē tylnes in his aduersytye.
that sall I neuir denyThe gud dede, and desert is mare wourthy
That thou with wourdis, or toung may expreme
Nor it sal neuir me irk, nor ȝit missene
The wourthy Dido, to hald thy fresche memory
Sa lang as that my self, remember may I
Or quhill the sprete of lyfe, thys body steres
As the matir requiris, ane litill heris
I purposit me not, for to hide thistuisly
My vayage, nor as ȝe wene secretely
Away to steil, quhat nedis ȝou sa to fene
For I pretendit neuir, be na mene
Wyth ȝou to make, the bande of mariage
Nor in that ȝoik, na frendschip in Cartage
ȝit come I enuir, bot gif the fatis but pleid
At my plesure, sufferit me life to leid
At my fre wil, my workis to modify
The ciete of Troy, than first a gane suld I
Restore, and of our dere frendis remanis
Gaddir togiddir, and to the vincust troianis
[Page lxxxv] Repare al with my haudis, agane the wallis
And beild vp priamus palice, that now fallis
Bot sin Apollo, clepit Geyneus
Grete Italie to seik, commandis vs
To Italie eik, Oractis of Licia
Amonist vs, but mare delay to ga
Thare is my lust, now and delyte at hand
Thair is my cuntre, and my natiue land
Gif the, of Cartage the burgh and towris sa
Quhilk art ane woman of phenicia
And the aspect of cieteis, aff [...]icane
Delitis, and with haldis here to remane
Quhat wrang is it, caus of inuy, or schame
Thocht troianis seik, to Italie for thare haine
Or is it not, als lesiun and ganand
That fynalie, we seik to vncouth land
Als oft as day is gane, and the dirk nycht
With hir douk schaddow, hydis of the erth the sicht
Als oft as shynyng sternes, dois vpryse
My faderis goist anchises, als oft syse
Into my slepe, manissis me therto fast
And als his ferful ymage, dois agast
And in likewyse, the child ascaneus
Quhais dere heid suffir iniuris, is hard to vs
Quhom of the realme of Italy, I defraude
And fra the ground, to him promist withhaude
Be athir of our hedis, this I swere
Now laitly, eik of goddis the messingere
From hie Iupiter, in hasty message sent
Doun throw the air, brocht the ilk commandment
On fare day lycht, myne awin self did I se
Mercurie the god, entir in this ciete
And his wourdis, with thir same eris hard I
With thi complantis, ony langar for thy
[Page] Lat be to vex me, or thy self to spill
Sen I seik not to Italie, with fre wyll.
¶ Of the scharp wourdis quene Dydo did a [...]ay
And how Eneas bownis fast away.
Quene didois inuectyf oration against Eneas▪
DIdo aggreuit ay, quhil he his tale tald
Wyth acquart, luke, gan toward him behald
Rollyng vmquhile hir ene, now here now thare
Wyth sycht vnstabill wauerand, ouer al quhare
And all enragit thir wordis, gan furth brade
Nouthir was ane goddes thy moder as is said
Nor ȝit king Darnanus, cheifstok of thy kyn
Th [...]w treules wicht, bot of ane cauld hard quhyn
The clekkit that horribil mont Cawcasus hat
Thou schowkit neuir womannis breist, wele I wat
Bot of sum cruell tygere, of Araby
The pawpis the fosterit, in the wod hircany
To quhat effect suld I him langar persuade
Or quhat better may I beleue, than he has said
Quhidder gif he murnit, quhen we wepit & walit
Quhidder gif he sterit his ene, as ocht him alit
Quhidder gif he for reuch furth ȝet anis ane tere
Or of his luf had piete. Na not to ȝere
How sal I begin quhat first, quhat last to say
Now nouthir gretest Iuno, wallaway
Nor Saturnus son, hie Iupiter with iust ene
Has our quarell considerit, na ouer sene
For no quhar now faith, nor lawte is fund
I ressauit him schip brokin, fra the sey ground
Wilsum and misterful, of al warldis thyng
Syne myndeles maid him, my fallow in this ring
His nauy loist reparellit I but fale
And his feris fred from the deith alhale
Allace enrageit or enchantit am I
Quhen now Appollo with his sossorye
[Page lxxvi] And quhilis he sais the cauillis of Licia
And quhilis fra Iupiter, sent doun alsua
The messingere of goddis bryngis throw the skyis
So fereful charge and command on thys wise
Lyke as the goddis aboue not ellis wrocht
Bot on thy passage, war al thare cure and thocht
Nouthyr wil I hald the, nor thy wordis contrare
Pas on thy way, towart Italie now fare
Seik throw the fludis, wyth wyndis to that ringe
Forsoith gif reuthful, goddis may ony thyng
Amyd thy way, I traist on rowkis blak
Thou sal dere by, thy treuth thou to me brak
And clepe oft my rycht name, Dido Dido
Wyth fyre infernale, in myne absence also
I sal the follow, and fra the cald dede
Reyf from my membrys, thys saul in euery stede
My goist sal be present, the to aggrise
Thou sal vnwourthy wicht apoun thys wyse
Be punyst wele, and tharfor wald I here
The fame therof sal cum vnto my ere
Vnder the erth amang the shaddois law
And thys spokin hir sermond with the ilk saw
Brak sche in iwane, ful dolorus in hir thocht
The lycht sche fled, and als fast as sche mocht
Turnis frawart hym, and wiskis of hys sycht
Onsere materis leifand hym, pensife wycht
And purposyng to haue sayd mony thyngis
The damysellys fast to thare lady thryngis
That was in dedly swoun plat for dispare
Vp thay hir hint, and to hir chalmer bare
Quhilk was of marbil wrocht and in hir bed
Laid soiftlie doun apoun riche tapettis spred
Bot ȝit al thoch the reuthfull Eneas
The dolorus Quene, to meis ful besy was
[Page] To do hir comfort, and hir discis to swage
And with his wourdis,
Eneas lyk a wyse and constant prynce [...]uet [...]ummis his affectyons with reson
returne hir sayd curageBewaling meikill hir sorow, and distres
Perplexit in mynd, be grete luf netheles
The command of the goddis, by and by
He execute, and vesyis his nauy
Than beselie the troianis fel to wark
And mony grete schippis, ballingare and bark
Langis the coist broicht in, and bet ful wele
Now flletis the meikle hulk, with tallonit keile
The burgeonit treis, on burde thay bring for aris
Weltis doun in woddis grete, maistis and nathyng sparis
Sauffing half vnwrocht, so ythand thay war fare boun
Rynnyng here and thare, and wending fast of toun
ȝe mycht haue sene, thaym haist like Emotis grete
Quhen thay depulȝe, the mekil bing of quhete
And in thare byik, it caryis al and sum
Prouiding for the cauld wynter to cum
The blak swarme, ouer the feildis walkis ȝerne
Tursand throw the gers thair pray, to hiddillis derne
Sum on thare nek, the grete cornes vpwrelis
And ouer the furris, besely therwith spelis
Sum constreynyng the vtheris, fast to wirk
And som the slouthful chaistis, that thocht Irk
Of thare laubour, quhill euery rode and went
Wox of thare ythand werk hait, quhare thay went.
¶ How Dido send hir sist [...]r Enee to pray
And the grysly syngnis dyd her affray.
QVhat thocht, thou now Dido, seand thir thyngis
How mony sobbis, gaif thou and womentyngis
Quhen thou out of thy castell, from the hicht
The large coistis beheld, thus at one sycht
Ouer spred with troianis, in feruent besines
Gan spedely, for thair viage addres
[Page lxxxvii] And of thair clamoure, before thyne ene did se
Dyn and resoundyng, al the large see
O witles luf, quhat may be thocht or do
That thou constrenis not, mortal myndis therto
Sche is compellit,
[...] of the strength of loue.
to fal agane to terisAnd Eneas assay, with new prayeris
And condiscend, hir hert for to submit
Vnto the strench of luf, thus anys ȝit
Les sche vnwer, but caus hir deith puruayit
Hir list na thyng, behynd leif vnassayit
Till hir sche gan, hir sister call in hy
Annas quod sche, thou seis how be sely
Ouer al the coist, for this vyage hayist they
And now the wynd blawis wele, to sale away
The maryneris glad, layis schippis vnder croys
O sister in tyme, couth I haif trowit thys lois
And sa grete dolour,
Didois oratione to hyr syster Annes to desyre Eneas tor [...]mane
I had prouidit but wereThat this displesure, suld haue bene eith to bere
And neuertheles, for me vnhappy wicht
Do this ane thing, Annas wyth al thy mycht
Sen ȝone ilk faithles man, dere sister the
Was wount to cheris, and hald in grete deynte
And als his secretis vnto the reuele
His sweit entres, sum tyme thou knew ful wele
Nane but thou only the tyme of his cumming
Pas on sister in my name and thys ane thing
Sa lawlie to my proude fa, and declare
That in the porte of alida I neuer sware
Wyth the grekis the troianis to distroy
Nor I na uauy send to the sege of troy
Nor ȝit his fader Anchises graue schent
I nouthir the muldis nor banis therof rent
Quhy dois he refuse my wourdis and prayers
To lat entyr in hys dul vncredybleeris
[Page] Quhidder haistis he so fast, from his behufe
Beseik him grant, vntill his wretchit lufe
This lattir reward, sen all gatis he wyl fle
Tary quhyll wind blaw, soft and stabyl se
His auld promyse, na mare wil I him crai [...]
Nor band of wedlok, quhilks he hes dissai [...]
Nor ȝit him pray, go not tyll Italie
To leif fare realmes, vnto hym destanye
Ane lytil delay I aske, but vthir eis
Ane space my furour, to assuage and meis
Quhill that my frawart fortun, and estate
Of my beleif schaw me, I am frustate
And teich me for to murne, mare paciently
This lattir gift, at hym onlie aske I
Haue mercy sister, of thy sister dere
Quhilk seruice quhen thou done, has for owtin were
I sall the recompens, wele twenty fald
And quhill my dede the samyn, in memor hald
Wyth sic like wordes, hir request scho maid
Hir supplicatioun with teris, ful vnglaid
Reportis hir syster, and ansuere brocht agane
How al hir prayeris, and desyre was in vane
For al thare weping, mycht not anis stere
Nane of thir wordes, likis him to here
Thoch he of nature was tretabyl, and courtes
The fatis war contrare, thare desyre neuer theles
And his bening eris, the goddis dittit
That of thare asking, thare was not admittit
And like as quhen, the aycient aik tre
Wyth his big schank, be north wynd oft we se
Is ouerset to bete him doun, and ouerthraw
Now here now thare, with the fell blastes blaw
The southand bir, quhisland amang the granis
So that the hiest bransches, all attanis
[Page lxxxviii] Thare croppis bowis, towert the erth als [...]
Quhen with the dynt the maister, stok schank is shiyte
And netheles the ilk tre, fixit fast
Stikkis to the rochis not doun, bet with the blast
For quhy als fer, as his crop hie on brede
Strekis in the arc, as fer is rote dois sprede
Deip vnder erth, towert the hell adoun
The samyn wyse, was this gentil baroun
Now here now thare, with wordis vmbiset
And his stout breist, full of thochtes hate
Of reuth and amouris,
Dido falling in dispare sekis occasione to slāy hir [...]
full of perturbanceBot euer his mynd, stude ferme for any chance
Vnmouit quhare, hys first purpos was set
That all for nocht, the teris war furth ȝet
Than soiftlie, the fare dido all affrait
Stand fatis contrare efter, her deith prayit
Sho [...] of hir lyfe, or to tak tent
For to behald, the heuynnys firmament
Tharfor in takin hir purpos, to fulfyll
And leif the licht of lyfe, as was hir wyll
As on the altaris, birnand full of sence
The sacrifice scho offerit, in hir presens
Ane grisly thing to till scho gan behald
In blak adill the hallow, watter cald
Changit in the altare, furth ȝet wynis gude
Onon returnit, in to laithlie blude
Thys visioun to nane, scho reuele wald
Nor ȝit to due, hir sister it tald
In wourschip eik within, hir palice ȝet
Of hir first husband, was ane tempill bet
Of marbill, and hald in ful grete reuerence
With snaw quhite bendis, carpettis and ensence
And f [...]stuall burgeouns, arrayit in thare gyse
Tharin was hard, vo [...]is speche and cryes
[Page] Of hir said spous, c [...]epand hir full loude
Euer quhen the dirk nycht, did the erde schroude
And oft with wyld scryke, the nycht oule
Hie on the rufe allane, was hard ȝoule
With langsum voce, and ane full pietuous bere
And eik began, the ferefull sawis sere
Of the diuinis, with terribyl mony singis
Affrayit hyr by mony, grisly styngis
And in hir sleip wod, wraich in euery place
Hyr semyt cruell Eneas, can hir chace
And euir hyr thocht, scho was left all allane
And but cumpany mony, fer waye had gane
To seik hyr folkis, in ane wylsume land
Lyke kyng Pentheus, in his wod rage dotard
Thocht he beheld grete routis, stand in stare
Of the Ewmynides, furies infernale
And in the lift tua sonnys, schinand clere
The ciete of thebes, can double to him appere
Or like Orestes son, of agamemnone
On theatries, in fa [...]is mony one
Roupit and singin, how he his modir fled
Wyth fyre brandis, and blak serpentis ouercled
And saw the furyis, and griflie goddis fede
Sittand in the tempil porte, to wrayk hyr dede
How Dydo quene hyr purpoys to conuert
Of enchauntment Dyd conterfete the art:
THus quhen Dydo, had caucht thys frencssy
Ouer set with sorow, and syt fantasy
And determyt fermly, that scho wald de
The tyme quhen, and maner how it suld be
Compassyng in hyr breist, but mai [...] abade
Vnto hyr dolorus, syster thus scho sayd
Hyr purpois by hyr vysage, dissumland
Schawing by hyr chere, gude hope and glaid semblan [...]
[Page lxxxix] Sister germane, quod sche away ȝour smart.
Be of ȝour sisteris, weilfare glaid in hert
I haue the way fundin, quharby ȝone syre
Sall be to me rendrit,
[...].
at my desireOr me deliuer, from his luf all fre
Nere by the end, of the grete octiane se
Thare as the son declinis, and gois doun
At the fyrde side, of E [...]hiope regioun
Ane place thare is, quhare that the huge atlas
On schuldries [...]ollis, the round spere in compas
Full of thir lemand sternes, as we se
Thare duellis sister, as it is schewin to me
Ane ha [...]y nun, ane full grete prophetes
Born of the pepill, of massilyne I ges
And wardane of the riall tempill, thay sa
Set in the garding, hecht hespirda
And to the walkry [...], dragoun mete gaif sche
That keping, the goldyn appillis in the tre
St [...]ynkland to him the wak hony swete
And sleperye ches [...]owe, sede to walkin his sprite
This woman hechtis, with hir enchantmentis
From luffis bandis to lous all thare ententis
Quham so hir list, and bynd vther sum also
In langsum amouris, vehement pane and wo
The rynnyng studis thare wattir stop gan scho mak
And eik the sternes, turne that cours abak
And on the nycht, the dede gaistis assembil
Vnder thy seit the erd rair, and trymbil
Thou moi [...] se throw hir, Incantatioun
And from the hillis treis discending doun
To witnes the grete goodis, draw I heire
And thy s [...]it hede myne [...] sister dere
Agane my will full sare, constranit am I
Art magik to exerce or [...]
[Page] Rycht secretely, in to our inner clois
Vnder the oppin sky, to this purpois
Pas on, and of treis, thou mak ane bing
To be ane fyre, and thayr apoun thehing
ȝone mannis swerd, quhilk that wickkit wicht
Left stikand in our chalmer, this hender nycht
His coit armour, and vthir clethyng all
And eik that maist wretchit, bed coniugall
Quhar in I perischit, and was schent allace
For so the religionis, commandit ha [...]e
For to vndo, and distroy all maner thing
Quhilk may ȝone warnt man, to memor bring
This sad sche, held hir toung and thare withall
Hyr vysage vox als pale, as ony wall
Thocht Annas wenit not, hir sister wald
Graith sacrifice, for hir dede body cald
Nor that sic fury, war in hir breist consa [...]t [...]
For by na ressoun, dred scho nor parsauit
No more displesoure, nor harmes apperand
Than for Sicheus dede, hir first husband
Tharfore scho has, hir command done ilk dele
Bot quhe [...] the grete bing, was vpbeildit wele
Of aik, treis, and fyrren sthydis dry
Wythin the secrete cloys vnder the sky
The place wyth flourys, and garlandis stentys the quene
And crounys about wyth funeral be wys grene
Aboue the mowe, the foresaid bed was maid
Quharin the fygure, of Enee scho layd
Hys clethyng, and his swerd that he had left
Remembring weil, the thing that followit eft
Feyl terys stude, about the fyre funeral
And the religious nun, with har doun skail
Thre hundreth goddis with hir mouth ropyt sche
Nerbus the grislye of the deyp hellis se
[Page lxxxx] Chaos, confoundare, of elementes alsua
and the thrynfald goddes, proserpina
The thre fyguris, of the virgine Dione
And euer the wattir sttrinkillis scho anone
Counterfete to be of, Auernus the well
Quhilk loth is situate, at the mouth of hell
Springand herbis, eftir the cours of the mone
War socht and with brasin, hukis cuttit sone
To gett hare mylky sop, and vennom blak
They seik also, and out can rent and tak
The lomp betuix, the new born follis Ene
And fra the moder, berest the luf sa grene
The quene hir self, fast by the altare standis
Haldand the melder, in hyr deuote handis
Hyr ta fute bare and the bandis, of threde
Not fessmyng, bot hung by hyr lous wede
And remembring scho was, in point to de
The goddis, all vnto witnes drew sche
The sternes and planetis, gidaris of fatis
And gif thare ony deit, be that watis
Or persauis luffaris, mequale of behest
To haue in memor hir, iust caus and request
Quhat sorow Dreis quene Dydo all the nycht
And how Mercurie bad eneas tak the flycht.
A discripe [...] on of time.
THe nicht followis, and euery wery wicht
Throw out the erd has, taucht anone richt
The sound plesand slepe, thame likit best
Woddis and regeand seis, war at rest
And the sternes thar myd coursis, rollis doun
Al the feilds still othir, but noyis or soun
All beistes and byrdis, of diueris cullours sere
And quhat sumeuer, in the brade lochis were
Or amang buskis harsk, leyndis vnder the spray
Throw michtis scilene, slepit quhare thay lay
[Page] Musing thare besy thocht, and curis smert
All irksum labour forȝet, and out of hert
But the vnrestles fey sporte, did nocht so
Of this vnhappy Phenissane, Dido
For neuer mare, may scho sleip ane wink
Nor nichtis rest, in ene, nor breist lat sink
The heuy thochtis, multiplyis euer on ane
Skang luf beginnis, to rise and rage agane
The felloun stormes, of ire gan hyr to schaik
Thus finalie, scho out bradis allaik
Rolling allane, sere thingis in hir thocht
Ha quhat do I,
A deliberacyō quhedder the quene shal follow the troyans or [...]a hir self.
quod scho all is for nochtSall I thus mokkit, and to hething driue
My first luuaris agane, assay beliue
Or sall I lawly, sum lord numydiane
Pray and beseik, of mariage now agane
Quham I sa oft lichtlyit, to spous or this
Nay wil I not, quhat sall I than I wis
Follow the troiane nauy, in strange landis
And reddily obey, all thare commandis
I hope it sall proffit, na lytil thing
My grete help done thame, suppowelling
For amang kind folkis, this is na drede
Weil is remembrit, the auld thankful dede
But thocht in cais, to do this war my wil
Quha wald me suffir, my purpois to fulfill
Or inthare proude schippis, me ressaue
Thus dreuing to hething, and all thy grace biwaue
Tynt woman allace, beris thou not ȝit in mynd
The manswering, of fals Leamedonis kynd
And mareattour, quhat ettill for to do
Ane quene allane, to steil away thus lo
Accompanyed, bot with mery marineris
Or than, with all my tirrianis as efferis
[Page lxxxxi] And all my power, assemblit me about
O [...] schypburd entyr, with all that huge rou [...]
Quhylk of Sydome, skarsly draw I mycht
Sal I thame cache, agane ouer seyis lycht
Byd tham mak sail anone, and ane new rays
Na rather de, as thou deseruit has
And wyth ane swerd, mak of this dule ane end
O syster germane, thou me fyrst taucht and bend
A [...]lace the quhyle, and offerit me to my foo
Thou wyth thyr harmes, ouer chargit me also
Quhen I fell fyrst into this rage, quod sche
Bot so to do, my teris constrenyt the
Was it not lefull allace, but cumpany
To me but cryme, allane in chalmer to ly
Or leid my lyffe, like to thir beistis wylde
And not bene thus, wyth thochtis or harmes fylde
Allace vnkepit is, the trew couenand
Hecht to Sythens, oft syis my first husband
Sic grete complantis, from hir breist birst can
Bot Eneas, souer to depart or than
And all his nedeful thingis, graichit by and by
Heich in his est schyp, slepand sound can ly
Quham to in visioun, the samyn, god did appere
In sic lyke figure, as that he did ere
Vnto Mercurius, like in all fassoun
Baych cullor of visage, and of vocis soun
In forme of ane ȝoungkere, with membris fare
Plesand of chere, ȝallow glitterand hare
Him thocht agane, he monist on this wise
Son of the goddis, how is this here thou lyis
Quhat may thou, vnder sa grete danger slepe
And al foruayit, takis nothyr cure nor keip
For to behald, quhat perellis about the standis
Nor harknis, the fare wyndis blawis of landis
[Page] Scho (quham thou knawis within hir breist full hate)
Soroufull vengeance, compassis and dissate
And certanly, determyt for to de
In diuerse stouris of ire, brandissis sche
Quhy will thou not, fle spedely by nycht
Quhen for to haue, thou has lasere and mycht
Thou sall anone behald the seyis large
And vmbeset, with toppit schip and barge
The ferefull brandis, and blessis of hate fyre
Reddy to birn, thy schippis lemand schire
And all the coist, beliue of flambis scald
Gif auqill to morow, tary in this land thou wald
Haue done, sped hand, and mak na mare delay
Variabil and changeabill thinges, bene women ay
And sayand thus, in to the dirk nycht
He gan him hide, and vanist out of sight
Eneas of this haisty, visioun afrayit
Gan stert on fute, and fast his feris assayit
Awalk anone, get vp my men in hy
Cyte to ȝour wardis, span airis besely
Schaik doun the falis, sone and let vs wend
From the hie heuin, the god agane is send
Lo spurrand vs, to haist and fle away
And biddis smyte, the twyne cabill in tway
O blissit wicht, quhat god that euer thou be
We sall obey,
Mercurius aperys to Enee in hys slepe
thy charge and follow theAnd thy commaundment, fullfill agane blychtlie
Deseking the, assist till vs freindlie
Help and support, with prosper influence
The heuin and stremes, dres our vyage hens
And with that word, his scherand swerd als tyte
Hent out of scheith, the cabill in tua gan smyte
Thy samin maner, of haist, taucht all the laief
Thay hurle away ankeris, vphynt and raif
[Page lxxxxii] Left the coistis desert, of athir sydis
The stabill sey, vnder the schippis sidis
The stoure of fame, vpwelt thay egirly
And swepis ouer, the haw flude in hy
¶ How quene Dido / behelde Enee depart
And quhat scho sade / with harmes at hyr hart.
BE thys aurora, leuand the purpour bed
Of hir lord Tyton, heich the erd ouer spred
With new daies licht, and quhen the quene
The first greking, of the day has sene
And fra hir hie windois,
Dido [...]eyng Eneas departis fallys in a fury & makis a in nectyf oratyoun to Iupyter against th [...] [...]royans.
gan espyWith bent sail, raryand furth the nauy
The coistis and the schore, all desolat
Behaldis eik, but outher schip or bate
Hir fare quhite breist, thare as scho did stand
Fele times smat scho, with hir awin hand
And ryffand hir bricht haris, pietuously
Iupiter (quod scho) sall he depart ha fy
And lefull till, ane wauyngour straungere
Me and my realme, betrumpe on thes manere
Sall not my menȝe, to harnes ryn in hy
Ouer all the town, and follow besely
Spede tak ȝour schippis, on burd fast to the rade
Haist sone and cast, on thame fire and blasis brade
Schute dartis thik, & quhel tham, with ȝour glauis
Quhat said I, or how am I now thou rauis
Quhat wodnes fey dido, mouis thy mynd
Sa till haif done, than had bene mare ganand
Quhen thou him gaif, the scepture of thy land
Ha now behald, his grete proues quod sche
His reuthfull piete, and hart is not ȝone he
Quham as thay say, the goddis of his land
In his nauy carus, ouer sey and sand
[Page] Is not ȝone he, quham on his schulderis thay say
For reuth his agit fader, bare away
Mycht I not caucht, and rent in pecis his corce
Syne swak the gobbettis, in the fey by force
Of him and al his fallowis wil I mocht
And eik ȝone som Ascaneus, I mycht nocht
Haue trynschit, with ane swerd and maid ane mais
To his fader therof, to eit at deis
Forsoith in cais, the auenture of battall
Had bene doutsum, wald god it war assale
Quham sall I drede, now reddy for to de
Wald god I mycht, in ȝone nauy I se
The hait fyre brandis, set on euery bore
Fil all with flambis rede, and forthermore
Bayth fader and son, with hale generatioun
That I had brynt, dystroyit and brytnyt doun
And thaym aboue, syne dede my self had lade
And thou bricht son, that with thy bemes glaid
All erdly laubour, clengis circuland about
And thou Iuno, mediatrice but dout
Of al thir heuy thochtis, and wele thair knawis
And thou pro [...]erpyne, quhilk by our gentil lawis
Art rowpit hie, and ȝellit loude by nycht
In forkit wayis, with mony mudy wicht
And ȝe infernale furies, that wrekis al wrang
And ȝe goddis eik, quham now amang
Dido standis reddy, to cum in point to de
Bessaue thir wordis, quhilkis I sall say quod sche
Withdraw fra hyne, ȝour grete mychtis quharby
Schrewis aucht be punyst, for thair crimes & not I
And thair our prayeris, accept, we ȝou beseik
Gif it be necessare, and determyt eik
ȝone wikkit hede, in portis of Itale
To enter and cum, or to thy boundis sall
[Page lxxxxiii] And gif the fatis and Ioue, will it be so
And has decretit finallie hidder go
ȝit at the last, thare mot he be assale
With hardy pepill, ay trublyt in battale
By force of armes expellit his boundis eik
Fer from Ascaneus, constrenit, I beseik
Helpe and supple, and als that he be hald
Fele cairful corsis, of his folkis dede and cald
And quhen also, him self submittit has he
Vnder pece and lawis of iniquite
That he bruke nowthir realme, nor gud life lede
Bot fall fey or his day, and sone be dede
And ly vnerdit, in the middis of the sandis
This I beseik ȝou, hafand vp my handis
Thys is my lattir wourd, that I conclude
Furth ȝettand it, togiddir with my blude
And forther more, O ȝe my tirrianis
Quhilk now in affrik, and cartage remanis
ȝone Clan, with thare successioun, and kynrede
Persew with haitrent, perpetual and muaide
Vnto my asking, grant ȝit, this ane gift quod sche
Neuer luf, nor peace, betuix ther pepil be
Of our leuingis, sum reuengeare mot spring
With fyre, and swerd, to persew and doun thring
The labouraris, discend from dardanus
Now fra thynefurth, all that succedis to vs
Quhen thay may fynd tyme, with strench and mycht
Battall to battall, mot thay debait in fycht
Thir coistis mot be to tharis, contraray
And to thare stremes, or seyis frawart I pray
Thare of spring eik, amang thaym selfe mot debast
Thus said sche, and with thir wordis godwat
Hir fent sprete, in al partis writhis sche
Sekand the way, als sone as it mycht be
[Page] For to bereif hir self, the irksum lyfe
Tho callis scho to bir, Barten belif
Nuris vmquhile to Sychey, hir husband
For hir awin nuris, in hir natyue land
Was beryit in to assis, broun or than
Derenuris (quod scho) my syster An
Bid hir in haist, with water of ane flude
Hir body strynkill, the beistis and the blude
And clengeing greth, scho knawis with hir bringe
Se on this wise, sche can forȝet nething
And thou thy self, thy halffettis eik array
With haly garland, will is to assay
And now performe, the sacrifice on hy
That vnto Pluto, deuly begun haue I
To mak ane ende, of my dollorus thochtis all
And birn ȝone troianis statew, in flambe funerall
Thus said Dido, and the tothir with that
Hicht in furth with slaw, pase lik ane trat
¶ Here followis of the famus quene Dido
The fatale diut of deithis mortall wo
BOt now the haisty, egir, and wild dido
In to hir cruell purpois, enragit so
The bludy ene, rolling in hir hede
Wan and full pale, for fere of the nere ded
With chekit, freklit, and all with teris by sprent
Quaking throw dr [...]de, ruschit furth or scho wald stent
Into the inner wardis, of hir place
As wod woman, clam on the bing a [...]lace
And forth scho drew, the troiane swerd fute hate
Ane wappon, was neuir worth for sic ane nate
Als sone as scho behold Eneas clething
And eik the bed bekend, ane quhile weping
Scho musing in hir mynd, and syne but bade
Fel in the bed, and thir lastwordis said
[Page lcxiii] O fueit habit and likand, bed quod sche
Sa lang as god list suffir, and destanye
Ressaue my blude, and this saule that on flochtis
And me delyuer, from thyr heuy thochtis
This lang I leuit haue, and now is spent
The terme of lyf, that fortoun has me lent
For now my grete goist, vnder the erd mon go
Ane riche fare ceite, haue I beild also
Myne awin werk, and wallis behald haue I
My spous workin, of my brother ennemy
Fra him he bereft his treasour, and quit him wele
Happy allace, ouer happy and ful of sele
Had I bene onlye,
The quenes last oracyon afore hir deth rehersing the articles sche had done in hyr lyfe tyme.
gif that neuir naneAt our coist had arriuit, schip troiane
And sayand this hir mouth, fast thristis sche
Doun in the bed vnworkin, sall we de
De vs behuffis scho said, and how behald
And gan the scharpe swerd, to hir breist vphald
ȝa thus thus likis vs sterue, and to depart
And with that wourd, draue hir self to the hart
Now lat ȝone cruell troiane swelly and se
This our funerall fyre, fra the deipse
And our deith turs, with hym fra cartage
This takin of myscheif, in his vayage
Quod scho, & thare with gan hir serwandis behald
Hir falling, and slikkit on the Irne cald
The blude out bullerand, on the nakit swerd
Hir handis furth sprēt, the clamour than and rerd
Wen to the toppis, of the large hallis
The noyis ran wyde out, ouer the ciete wallis
Smate all the toun, with lamentabill murnyng
Of greting gouling, and wifflie womenting
The ruffis did resound bray, and rare
Quhil huge bewalling, all fordynnyt the are
[Page] Nane vthir wise, than thocht takin and doun bet
War all cartage, and with Innemyis ouer set
Or than ther natiue ciete, the toune of tyre
In furious flambe kendlit, and birnand schire
Spreddand fra thak, to thak, baith but and ben
Als wele ouer tempillis, as housis of vihir men
Hir sister An, spretles almaist for drede
Herand sa fereful confluens hidder spede
With nalis rywand reuthfully hir face
And smytand, with neiffis hir breist allace
Fast ruschit throw the myddis of the rout
And on ther thrawand with mony spreith and schout
Callis be name sister, germane quod scho
Och was this it, thou fenȝeit the to do
Has thou attemptit me with sic dissait
This bing of treis, thir altaris and syris haite
Is this the thing, thay haif vnto me dicht
Quhat sall I first compleyne, now desolate wicht
O dere sister,
[...] lamentis hyr sisters deathe.
quhen thou was redy to deAch quhy has thou safer dispisit me
As to refuse thy sister, with the to wend
Thou suld haif callit me to the samyn end
That the ilk sorow, the samyn swerd baith tu [...]
And the self houre, mycht haif tane him awa
This funerall fyre with thir handis biggit I
And wyth my voce did on our goddis here cry
To that effect, as cruell to be absent
Thou beand thus sa dulefully here schent
Sister allace, with my counsell haif I
The and my self, and pepill of sydony
The heris all, and eik thy fare ciete
Distroyit and vndone fo [...]ay quod sche
Fethe hidder sone the well wa [...]tir lew warme
To wesche hir woundis and hald, hir in my arme
[Page lxxxxiiii] Syne with my mouth, at I may souk and se
Gif sprete of lyfe, left in hir body be
This sayand scho the bing, ascendis anone
And gan embrace half, dede hir sister germane
Culȝeand in hir bosum, and murnand ay
And with hir wympil, wypit the blude away
And scho agane Dido, the dedly quene
Preissit for to vplift hir, heuy Ene
Bot therof fallis, for the grislye vound
Deip in hir breist gapis wide, and vnsound
Thrys scho hir self ra [...]it vp to ryse
Thryis on hir elbok lenys, and als feile syise
Scho fallis bakwart, in the bed agane
With ene rolland, and twinkland vp full fane
Assayis scho to espie, the heuinnys licht
Syne murmuris, quhen scho therof gat ane sicht
Almychty Iuno, hauand reuth by this
Of hir lang sorow, and tarysum dede I wys
Hir maide Iris, from the heuin has send
The thrawand saull, to lous, and make ane ende
Of all the Iuntturis, and lethis of hir cors
Because that nouthir, of fatis throw the fors
Nor ȝit be naturale, dede perischit sche
Bot fey in haisty, furour inflammyt hie
Before hir day, had onuyslye hir self spilt
Or that proserpyne, the ȝallow haris gilt
From hir fortop bireft, or doublit hir hede
Vnto the stigean, hellis flude of dede
Tharfore dewy Iris, throw the heuyn
With hir saffroun wingis, flaw full euin
Drawand quhar scho, went forgane the son clere
Ane thousand cullouris, of diuers hewis sere
And aboue Didois, hede arest can
I am commandit said scho, and I man
[Page] Vnto this hare, to Pluto consecrate
And lous the saul out of this mortall state
This sayand with richt hand, has scho hynt
The hare and cuttis in tua or that scho stynt
And thare with all, the naturale hete out quent
And with ane puft of end, the lyfe furth went
Finis.
The Prolouge of the fyft buk.
GLade is the groūd, the tendir flurist grene
Birdes the bewis, and thir sche wis schene
The wery huntar, to fynd his happy pray
The falconere riche ryuir, vnto fleyne
The clerk reiosys, his bukis ouer to seyne
The luffar to behald, his lady gay
ȝoung folke thame schortis, with gam solace & play
Quhat mayst delitis, or lykis euery wycht
Thareto steris thare curage, day and nicht
Knichtis delitis, to assay sterand stedis
Wantoun galland, to trale in sumptuos wedis
Ladyis desyris, to behald and be sene
Quha wald be thrifty, curtuouris sais few credis
Sum plesanet takis, in romains, that he redis
And sum has lust, to that was neuer sene
How many hedis, als feil consetis bene
Twa appetitis vneith, concordis with vthir
This likis the perchance, and not thy brothir.
Plesance and ioye, rycht halesum and perfyte is
As the wyse man tharof, in prouerbe writis
Ane blich sprete, makis grene and flurist age
[Page lxxxxv] Myne auctor eik, in bukcollikis endyties
The ȝoung infant, first with lauchter delitis
To know his moder, quhen he is litil page
Quha lauchis not, quod he in thare barnage
Genyus the god delitis not, thare tabil
Nor Iuno thaym to kepe, in bed is abil.
The hie wisdome, and maist profound engyne
Of myne auctor virgil, Poiet deuyne
To comprehend, makis me almaist forway
So crafty wrocht his werkis, lyne be lyne
Tharon aucht na man, irk complene nor quhryne
For quhy he altaris, his stile sa mony way
Now drede, now stryfe, now luf, now wo, now play
Langeir in murnyng, now in melody
To satiffy, ilk wichtis fantesy.
Like as he had, if euery thyng ane feile
And the willis, of euery Wicht did feile
And tharto eik, so wyis [...]ie writis he
Twiching the proffit, of the commoun wele
His sawis bene ful, of sentence euery deile
Or moral doctrine, that men suld vicis fle
Bot gif he be not ioyus, now lat se
For quho so list sere, gladsum gamis lere
Ful mony mery abaitmentis, followis here.
Now herkynnys sportis, and mery plais
Ful gudely pastance, and mony sundry wayis
Endit be virgil, and here be me translate
Quhilk William Caxtoun, knew neuir al his dayis
For as I said to fore, that man for vayis
His febill prois, bene mank and mutulate
Bot my propyne, come fra the pres futehate
[Page] Vnforlatit not Iawyn, fra toun to toun
In fresche sapoure, new from the bery roun
Bachus of glaidnes, and funeral proserpyne
And goddis of triumphe, clepit victorie
Sall I ȝou call, as ȝour name war deuyne
Na nait sufficith of ȝou, ful smal memorie
I bid nowthir ȝour turmentis, na ȝour glorie
Bot he quhilk may, vs glaid perpetually
To bring vs til his blis, on him I cry
Sen erdly plesoure, endis oft with sorow we se
As in this buke, nane examplis we want
Lord our Pretectour, to al traistis in the
But quham na thyng, is worthy nor pussant
To vs thy grace, and als grete mercy grant
So for to wend, by temporal blythnes
That our eternale Ioy, be not the les.
Finis.
The fyfte Boke of Eneados.
¶ Enee fra cartage salis / and how belife
He wyth the tempest was in Cecile dryfe.
IN the mene tyme, quhill tho gan Eneas hald
Souirly his cours throw the gray fludis cald
His nauy with northwyndis scherand the seyis
Towart Cartage, he gan behald and seis
Be than the wallis lemand bricht and schire
Of the vnhappy Didois, funerall fyre
Qu ha had this grete fyre maid, and to quhat end
Thay meruellit for the causis, war vnkend
Bot by the sorowful taikynnyng not the les
The troianis in thare breistis, tuke ane ges
Quharfore it was, for well wist Eneas
[Page lxxxxvi] In violate lufe,
The g [...]ete dolour of venis whē loue is vi [...] lated.
quhat strenth of dolour wasAnd knew also, quhat thingis mycht be contrufit
By women in fury rage, that straitly luffit
Bot fra the schippis, held the depe se
That now na mare sycht, of the land thay se
Sauf heuin aboue, and fludis all about
Ane wattry cloud, blak and dirk but dout
Gan ouer thare hedis, appere ful richt
And doun ane tempest, set als dirk as nycht
The streme wox vgsum, of the dy [...]sky
Palynurus the maister gaif ane cry
From the est castell heich, as thare he stude
Quharfore allace, sa mony cloudis ouerrude
Quod he belappit, has the heuynnys lo
Fader Neptune, quhat etlis thou to do
This being said, commandis he euery fere
Do red thare takillis, and stand hard by thare gere
And wichtlie als, thare airis vp thay haile
Him self infangis,
A schippe manes or [...] [...]ion
the leschete of the [...]aile.And eftir said, maist curageous Enee
Al thocht our helpare grete, Ioue wald hecht it me
I traist not with this wedder, to wyn Itale
The wynd is contrare brayand in ouer bak sale
Hard in our berde vpblawand wounder sare
And al with bubbis,
It is no wisdom to fecht agaynst fortune
vmbeset is the areNor we may not striue, nor inforce sa fast
Agane the storme, bot stouter is the blast
And sen that fortoun, maisteris vs therfore
Lat vs follow theron, and ryn before
Quhiddir that the wynd callis vs set sale
Not fer hens as that, I beleif sans fale
The freyndlie brotherly, coistes of Eritis
And souir portis of C. cil bene I wys
Gif I remember, the meithis of sternes wel
[Page] Tho quod reuthful Eneas, sa haue I sele
I saw lang syne, the wyndis ettil that way
And the in vane, agane thaym striue, pe [...] fay
Tyte turne ȝour salis, and set thidder ȝour went
Thare is na land mare, likand to myne entent
Nor quhare me list, so weil and profitabil
Our wery folkis, to resting and estabill
Than in that cuntre, quharin dois remane
Ful dere to me acestes, of blude troiane
And in his boundis, derrest attoure the laif
My faderis banis, enbracis laid in graif
This beand said, towart the port thay steuyn
The followand wind blew, strek thare saile furth euin
Fast ouer the wallis, slidis the nauy
And in schorte quhile, arriuit ar blythly
At the coistis, and strandis weil bekend
Bot on the hie top, of ane hil ascend
Acestes gan behald, and had grete wounder
And to the coist als feirs, as ony thunder
Tomeit his frendis schippis, did he spede
Ane bere skin of affrik, aboue his wede
Ful gryme of luke, with dartis kene and rude
His moder troiane, of Crynosus the flude
Consauit hym, and bare as it is sayd
Not forȝettin his auld kin▪, blyith and glaid
Of thare returne was hye, and merely
Tham welcummand, ressauit by and by
Gaif thaym of rurale, meit with glaide semlance
And cherisit thaym, with frendly puruiance
¶ Ereas in Cecyle but langare tary
Made for hys fader the seruice anniuersary
THe nixt morow als sone, as the brycht day
The son vprisand chasit, the sternes away
Eneas gan, fra euery coist about
[Page lxxxxvii] His folkis all assembyll, in ane rout
Syne spak thir wourdis,
Eneas or [...] tion to his followes.
on ane knollis hichtO ȝe my troyane pepill, stout and wycht
Discend from wourthy Dardanus, the kyng
And of the hie goddis, riall of spryng
The son has run his hale cours circulare
His monethis tuelf, and the tyme anniuersare
Sen that the reliquis, and bones in fere
Of my diuyne fader, we erdit here
And eik the dolorus, altaris consecrate
Les than I be dissauit, wele I wat
This is the day, that euermare sall I
Meyne and regret, and all tyme reuerently
In wourschip kepe, and with grete honour hald
For so it plesit ȝou goddis, and so ȝe wald
ȝa thocht I war wilsum, and banyst this day
Amang the sey sand, of getubay
Or ȝit with storme, ouerset in the greik se
Or in the ciete of myce, happinnit to be
Netheles suld I seruice, anniuersare
And exequies with solempnit pompe and fare
Deulie performe, and with myne awin handis
Adorne the altare, with thare iust offerandis
Now as I wene, or we parsauit the chance
Not but the mychtis, of goddis and puruiance
Vnto the assis, and the bones dere
Of my said fader bene, we caryit here
Enteritin the frendly portis, and arryue
Tharfore haue done, and lat vs all beliue
Performe thys honour, blythly as efferis
Aske prosper wyndis, and beseik euery ȝeris
That my fader wald, eftir this ressaue
This sacrifice quhil [...], I beginnyng haue
Wythin our ciete, that we mon beild god wate
[Page] In thay tempillis vnto him dedicate
Acestes cummine of troy, for his wourschip
Twa oxin sal ȝou gif for euery schip
Our penates and troiane goddis for thy
Bring furth hidder, vnto the maniory
Do feche me eik, thay goddis to his coist
Quhilkis wourschippit, ar by acestes our hoist
And furthirmore, gif that the nynte day
Rise fare and clere, with his bricht morow gay
And gan his bemes,
A diuision of the gaymes propoued
ouer the erth spredeFirst sall I ordand f [...]my troianis in dede
Quha has the swiftest, schippis of our nauy
With al thare force, to stryffe for the maiestry
And eik quha best, on fute can ryn lat se
To preif his pith, or wersill, and bete the gre
Or dartis cast, or best can schute arrowis licht
Or like ane duchty compioun, in to fyacht
With bustuous bastoun, darren stryffe or mais
Lat euery man addres him, to this place
And make him reddy agan, the samyn day
For till optene, and bere the price away
Anherd herto ilk man, richt fauorably
And do ȝour hedis, with fresche be wis array
And sayand this, he gan his templis tuay
Couir with myrthus, that is his moderis tre
The samyn wise, did grete Helenus perde
Richt so him self, king acestus the auld
Rycht so the child, ascaneus so bald
Quhom followis al the laif, in like manere
The Prince Enee, from the counsel in fere
With mony thousandis, walking hym about
Went to the tumbe, amyd the thekest rout
Quhare first eftir thare pagen ryte and gyse
Twa flakkouns, ful of wyne in sacrifice
[Page lxxxviii] Apoun the erd he ȝet, and vther tu ane
Ful of new mylkit mylk, and syne agane
Tua full of hate blude, was of the offerandis
And purpour floures, strowis with his handis
Syne said hale haly fader, hale agane
ȝe assis cauld, ressauit all in vane
Vmquhile contenit, my faderis saul and goist
Alace was it not lefull thou vnloist
The boundis of Italie, with the and fatale landis
For to haue socht, and eik vnto the strandis
Of tiber in ausonia, quhare euer it be
Arriuit sound, in fallouschip with the
Skars sayd hethus, quhen of the holl graue law
Ane great eddir slidand,
A wonderus apperyng of a sarpent.
can furth thrawIn seuen loupis linkit, and times seuin
Circulit the tumbe, about sueitly and euin
And glidand syne amang, the altaris anone
Of flekkit sprutillis, all hir bak schone
As goldin mailȝeis, hir skalis glitterand brycht
Like to the rane bow, amangis cloudis licht
Draw and alwayis, forgane the son clere
Ane thousand collouris, of diuers hewis sere
Eneas of the sycht abasit, sum deile
Bot sche, at the last, with lang fard fare and wele
Crepis amang the veschell, and coupis all
The drink and eik, the offerandis grete and small
Suokis and likis, syne ful the altaris lest
And but mare harme, in the graif enterit est
Quharfor Enee, begouth agane renew
His faderis hie saul, queinth for he not knew
Quhidder this was genius, the god of that stede
Or the seruand, of the faderis dede
Fyue twinteris, britnyt he as was the gyis
And als mony swine, and tydy qwyis
[Page] Wyth hydis blak, and in to cowpis syne
In grete plente, ȝet furth the hallowit wyne
Rowpand the saul, of grete anchises gone
And his goist fled, from the flude Achero [...]e
His feris eik euery man in thare degre
Of sic thyng as chay mycht get plente
Blythlie thare offerandis, addres to inbring
Chargis the altaris, and bryinys stirkis ȝing
Sum vthir perordour, caldron [...]s gan vpset
And skatterit endlangis, the grene the colis het
Vnder the spetis, swakkis the roste in threte
The raw spaldis ordanit, for the mulde mete.
¶ Of the gammys proclamyng / and the play
Quhais first dereyne four schippis dyd assay.
CVmmyng be this, was the defyrit day
The nynte morow, vpspringis fresche and gay
And Pheton can his faderis chare furth drife
The fame of this triumphe, can sprede belife
That for wourschip of antestes thare kyng
All folkis enuiroun, did to the coistis thring
Gladly occupiand al the strandis about
Sum to behald, Eneas court and rout
And sum also to strife, for the maistry
At the begynnyng, the wageouris, by and by
And the rewardis, in myddil of the feild
Before thare ene,
Rewardis proponit to the victouris
war set that all beheildThe gilt tristis, and the grene tre
The Laurere crounis, for the price and gre
With palmes schene, in takin of victorye
Fare armouris of triumphe, and mych glorye
The robbis fyne of Purpoure richely dicht
Sere talentis eik, of gold and siluer bricht
Thare wyth the trumpet blew, as bene the gyse
Apoun ane hicht, declaris and notifyis
[Page lxxxxix] The gamniys, to be exercit that day
With airis quhare the bargan gan assay
Foure galayis, first chosin of al the flote
The swift pistris, with spedy routh fute hote
Furth steris the sterne, Minestheus anane
Quhilk efter become ane Lord Italiane
Of quhais of spring, and genologye
The pepill ar discend clepit menny
The bustuous barge, yclepit Thymera
Gias wyth fellounfard, furth brocht alsua
Sa huge of birth, ane ciete semyt sche
Quham ane grete nowmer of ȝing troiane menȝe
In thrynfald ordoure, causis furth to glyde
The airis rollis, thre rawis on athir syde
The thrid schip yclepit centaurus
Furth haldis, with patroun sergestus
Quham fra the famil, come hate sergia
The souir se schip, tho namyt Stilla
Cloanthus gydis, eftir quham ȝit syne
In Rome the people, bene callit Claentyne
Wele fer from thens, standis ane roche in the se
Forgane the fomy schore, and coistis hie
Quhilk sum tyme, with the boldimād wallis quhite
Is by the Iawpe, of fludis couerit quyte
Quhen the south est wynd, in the winter tyde
Gan wyth his stormy cloudis, the sternys hide
As in the calme, or loune weddir is sene
Aboue the fludis hie, ane fare Plame grene
Ane stādyng place, quhar skartis with thare bekkis
Forgane the son gladly, thaym prunȝeis & bekis
In this place stikkit hiech, the prince Enee
Ane mark or wattir of ane grene aik tre
In terme and takin, vnto the marinaris
Quharfor to turne agane, as thaym efferis
[Page] And set about thare lang cours thay mycht knaw
By cuttis and perordour, al on raw
Thare place, thay chesit at the coistis bay
The patrouns, in the est castell fresche and gay
Stude al in gold, and purpour schynand bricht
The remanent of the rowaris, euery wicht
In popill tre branchis, dycht at poynt
With spaldis nakit, schene of oile anoint
Apoun thare setes, and coistis al atanys
Thare placis hint, arrayit for the nanys
Wyth armes reddy atoure, thare airis fald
Abidis liftand, the takin to behald
Thare hartis on flocht, smytin with shame sum dele
Bot glaid and ioly, in hope for to do wele
Rasis in thare breistis, desyre of the renowne
Syne but delay, at the first trumpis soune
From thare marchis, attanis furth thay sprent
Vpsprangithe clamour, and the rerd furth went
Hie in the skyis, of mony marinare
The fomy stoure of seyis, rays thare and here
Throw fers bak drauchtis, of fere gardis square
Thay seuth the fludis, that seuthand quhar thay fare
In sunder slidis, ouer weltit eik with airis
Fra thare forestammes, the bullir brayis a rarias
Neuir sa forcely, in feild nor in barrere
The double ȝokkit cartis, in fere of were
Or for triumphe, furth of thare stabillis can rusche
Nor neuer so thyck, with mony lasche and dusche
The cartaris smate thare hors fast in tene
With renȝeis slakit, and sweate droppand bedene
For throw the gild and rerd, of men sa ȝeild
And egirnes of thare fryndis thaym beheld
Schoutand row fast, al the woddis resoundis
Endlang the coistis the vocis and the soundis
[Page lxxxxx] Rollis inclusit, quhil the meikle hillis
Bemes agane, hit with the brute so schil is
Amyd the preis, thus as the rerd vpwent
Before the laif Gias schip furth sprent
Ouer slidand wallis, croppis beselie
Quhom Cloantus, folowis nixt on hye
Mare sle in routh, thoch sum dele slaw was sche
For that hir hal was, of sa heuy tre
And [...]ftir thaym elike, furth in euin space
Pistres and centaure, straif for the first place
And now has pistres the fordel, and syne in hye
The big centaure, hir werris, and slippis by
Now glaid thay bayth, togidder furth in front
Southand salt fame, with thare lang kelis blont
¶ȝit how the schip pis strinis on the se
Of thair nyse rais, and quha than wan the gre.
WIth this thai gā toward the meith approche
And war almoist cumin vnto the roche
Quhē that the patroun, gias amid the flude
Wenyng him self, victor, thare as he stude
Callis on his sterisman, hecht menate by name
quhiddir gois thou so on slereburde, fy for schame
Frawart me thou haldis set thy cours innermore
Seik hard on burd endland, fast by the schore
And suffir that the palmes of our airis
Hirssil on the crag almaist ilk routh and waris
Lat the vtheris hald furth, the deip sey large
quod Gias bot Menethes, for his barge
Of the hid rokkis, blynd sum dele efferit
Towart the depe fludis, hir steuin thay sterit
quhare dyismale, wil thou now can gyas cry
Hald to the crag agane, menet fast by
And therwith lo Cloanthus, he did behald
Hard at his tale, that gan the nere way hald
[Page] For rycht betuir the Rolk, and the gyas schyp
On bawburd fast, the inner way he lete slip
And wan before the formest schip in hy
Now is he past the wattir, and rollis by
The roche, and haldis souirly throw the se
Bot than god wate, quhat pane in hert can dre
The ȝounge Gyas him thocht, at brint his banys
The wattir brist from baith his ene attanis
Forȝet was wourschip, and his honeste thare
Forȝet was of hys falouschip, the wele fare
The antient treuth, of meneyt forȝettis he
And swakkit ouer schipburd, in the se
Him self as skippare, hynt the stere on hand
Him self as maister, gan marynaris command
And threw the rudder, to the coistis syde
Be than the auld meneyt, ouer schipburd slyde
Heuy and all hys weide, sowpit with seyis
Skars from the wattir ground, vpboltit he is
Syne swymmand held, vnto the craggis hicht
Sat on the dry rolk, and him self gan dycht
The troianis lauchis fast seand him fall
And him behaldand, swym, thay keklit all
Bot maist thay making gam, and grete riot
To se him spout salt-wattir, of his throt
He first gude hope arrais to the tua last
That is to knaw, mynestheus and sergest
Gyas schip thare by, to ouer cum wenyug
That taryis sum dele for lak of gude stering
Tho sergest, gan the first place occupy
With schip approcheand, towart the roche in hy
And netheles hale, before wan sche nocht
Bot thrang hir foreschip, formest as sche mocht
So that pistris, hir weriour al the way
Hir forrestam, by hir myd schip haldis ay
[Page c] Than rowmyng to and fra, his schip ouer al
Mynyscheus gan his feris, exhort and cal
Now now ȝe valiȝeand feris,
Menesceus exhortacion.
of wourthy hectorHaile stoutlie vp ȝour airis think on ȝour glor
Think how the lattir, rewyne of troy ȝou I
Haue walit and brocht, with me in cumpany
Now schaw that strenth, now schaw that hie curage
Quhilk on the schaldis, of affrik in stormes rage
ȝe dyd exerce, and the ilk force I wys
ȝeschew betuix scilla, and caribdis
Quhare that Ionium, clepit is the se
And als forgaue, the stif stremes of male
As to the first place, now bid I not to craif [...]
Althoche I be mynescheus, wont to haue it
Nor I bid not to striffe, and wyne the gre
Howbeit wald god, it war ane glore to se
Do lat thaym bruke, the mastry and the price
Quham to Nemptune, list grant at his deuyse
Bot grete lak, war for to returne al thare last
Dere frendis defend ȝou, fra that cankert cast
And do ouerset, sa schameful hard myschance
With al thare force, than at the vterance
Thay pingil airis, vp to bend and hale
With sa strang rouchis apoun athir wale
The mychty caruel, schudderit at euery straike
Doun swakand fludis, vndir, hir brade bilge of aike
So clappis the breith, in breistis with mony pant
Quhil in thare dry throttis, the end wourth skant
And swete doun triglis, in stremes ouer al quhare
Betid ane chance, that ilk tyme fell tham fare
And grantit thaym, that honour thay desirit
For as sergest with fers mynd, al infyrit
Turnit his steuin towart the rolk ouer nere
Vntyl ane wikkit place, his schip did stere
[Page] Quhil on the blynd craggis, myscheu [...]slye
Fast stikkis scho, choppand hard quhy [...]is in hye
And on the scharp skellyis, to hir wanhap
Smate with sic fard, the airis in flendris lap
Hyr forschyp hang, and sum dele schorit throw out
The marinaris stert to giddir, with ane schout
Cryand bide how, and with lang bolmes of tre
Pykit with irn, and scharp roddis he, and he
Inforsis oft, to schowin the schip to saif
And brokin airis gadderit, on the streme thay haue
Now quha was blith, bot ministheus full ȝore
Quhilk for his chance, mare egirly than before
Wyth swift fard of airis, and wynd at wyll
The reddy way, held ouer the fludis schill
And frakkis fast,
A cōparisō
throw out the opin seeAls swyft as the dow, affrayit dois fle
Furth of hir holl, and richt derne wynyng wane
Quhare hir sueit nest, is holkit in the stane
So feirsly in the feildis, furth scho spryngis
Quhill of hyr fard, the hous rigging ringis
And sone eftir, scherand the lownyt are
Doun from the hicht discendis, soft and fare
Not bissy wyngit, bot playand eselye
So slaid mynystheus, throw the sey in hy
Sa followis pistris, was langeyr al thare last
Wyth felloun fard, furth swepand also fast
And first sergest, behynd sone left was he
Wreland on skellyis, and vndeippis of these
With brokin airis, lerand to haist agane
And cryand help, bot that was al in vane
Syne gyas schyp, the felloun chimera
Persewis he fast, quhilk gaif him place alsua
For sche was spulȝett, of hyr sterisman
Thare restis na ma bot, Cloanthus than
[Page ci] Quham finalie to persew he addrest
And pingillis hir, vnto the vttermest
The noyis and brute, tho doublis loud on [...]ycht
For on the coistis syde, fast euery wyght
Spurris the persewaris, to role besely
Set on him now, haue at him thare thay cry
That huge clamour, fordynnyt all the are
The formest thocht, thare awin wourschip sa fare
And had disoane, bot thay thare honour saif
To bruke it, quhilk so hard wynning thay haif
Or thay thar lawde suld lois, or vassillage
Thay had fer lewar, haif, lest thare life in wage
The sauorabyll fortoun, and thare happy chance
So gan the breistis, of the vtheris awance
Thame thocht, thay mocht haif wyn with labour licht
Becauis it semyt to thame, that so thay micht
And parauentnre, with equale steuynnys atanis
The price thay suld, haue baith taucht for the nanys
War not Cloanthus, in the fludis cald
Wyth deuote prayers, bayth his handis gan hald
And on the goddis quhais fludis I ryne throw
Beyng in danger,
[...].
and perril to help nowVnder ȝour empyre, reuling the large se
I sall glaidlie, on this coist syde quod he
Ane quhite bull offir, in ȝour sacryfice
So I my wou, may bruke and wyn the pryce
The entrellis eik, fer in the fludis brake
In ȝour reuerence, I sall slyng and swake
And ȝet tharin, the scieit liquoure of wyne
And he his wordis, warren broucht to fyne
Law fra the boddum, of the seyis depe
His prayeris war accept, tharto tuke kepe
The nymphes all, cleped nereides
And thay that followis, phortus al the preis
The maid also, quhilk panop [...]a hate
[Page] The fader of heuinnis porcunus, al the gate
With his byg hand, schot the schip furth hir went
That swyfter than the south wynd, on scho sprent
Or as an fleand arrow, to land glade
And in the depe porte, enterit but a bade▪
¶ How Eneas vnto the maryneris
Gayf euery man / thare rewarde as efferis
ANchises son Eeneas, than full wyse
Callis tham afor him al, as was the gise
And wyth ane herald loude, voce gan declare
Cloanthus vict [...]r was, and on his hare
Gart set ane crowin, was of the laurere grene
And bad vnto thare schippis, bere bedene
Thre ȝoung Oxin, vnto euery barge
Presentis of wyne, and of syluer ane charge
Bot principaly to the capitanis, he gayf
Honorabyl rewardis, as tham efferit to hayf
To the victor ane mantil, brusit with gold
Wyth purpour seluage, writhing mony fold
And all byrunning, and loupit lustelie
As rynnis the flude, meander in thessale
Quharon was weyff, in subtell goldin thredis
Kyng troyus son, the fare gamynedis
Vnder the thyk wod, bewis of Ida
The swyft hartis, chasand to and fra
And with his dartis, baldly tham can bete
He semyt porturit, pantand for the hete
Quhaw with ane suris, swistly Iouis squyare
Claucht in hyr clewis, and bare vp in the are
The eldare huntaris, and his keparis than
Clappand thare luffis, and thar handis, ilk man
Sare awounderit, gan the sternes I behald
For houndis squest, it semyt the lift ryffewald
Vnto him syne Eneas, geuin has
[Page cii] That his vertw wan▪ the secnud place
Ane habi rgeoun, of birnist mailȝeis bricht
Wyth gold ouergilt, clowit thrinfald ful rich [...]
Quhilk he sum time, with his strang handis tua
Tiruit and rent, of bald demolea
Quhan vnder troyis, wallis vincust he
Quhare symois rinnis, swiftlie in the see
This wirschipfull gift to mynestheus he gaif
That was his beild in armes, him to saif
Sa pasand was this cote, that scharsly mycht
Phegeus and Sagaris, tua seruandis wicht
Bere on thare nek, chargit many fold
Bot tharwith cled demoled ryn fast wold
Cha [...]and the troianis, skatterit fer on brede
The thrid gift sine Eneas, gaif in deid
Tua grete caldronus, of bras forgit hote
Tua siluer coppis, schapin like ane bote
Punsit full weill, and with figuris engraif
And thus thar giftis, gottin all thay haif
Apoun sic wyse, full proude of thare reward
Ilk ane of thaime furth pransand like a lard
Arrayit wele the templis of thare hede
With purpour garlandis, of the rosis rede
Quhā from the scharp rolk s [...]airslie with grete slicht
Sergestus gan vpwreile, his schip euil dicht
Of brokin airis, febilly with ane raw
Mokkit and schent scho, cummis hame full slaw
Like as oft happinnis,
A cōparisō
the eddir amed the wayLurcand or glidand, in the hote someris day
Quham the heuy schod cart, quheil dois ouertak
Pressand hir doun, and riffand hir reuch bak
Or with smert dynt, or stane cast, half dede nere
Or cut in tua leuis, the trauellere
Sche preisand, fle all for nocht beselye
[Page] Lang wrynkis makis, oft with hir body
The to part feirs and fell, with birnand ene
Strekand hir nek, with hissis loude in tene
The tothyr part lamed clynschis, and makis hir byde
In loupis thrawin, and lynkis of hir hyde
With siclyke routh, this schip slawlie furth went
Syne maid sale at the last, and therwith bent
Enteris in the hauin, and Sergest Eneas
Rewardis wele, as that his promys was
For glaid he was, the schip, was sayf vnloist
And brocht his ferris, haleskarth to the coist
To him ane seruand woman, hait Pholoa
Was gif, and soukand hir, hir twynnys tua
Of trete as to hir kynrent, borne was sche
And in craft of weuing, wonder sle
¶ In this nixt chep [...]ure followis here
The futemennis renkis and rewardis ser [...].
GEntill Enee, this sport endit and done
Ontill ane fare plane, grene, passit sone
Quhilk was muiround, all with hillis hie
Schaddowit with woddis, rank and mony ane tre
Amyd the wail, in manere of cirkyll round
Ane plaing place, was markit on the ground
Sic, as that clepit bene ane theatry
Togidder he thare, with mony thousand can hy
And euin amydwa [...]t, in his trone grete
For him arrayit, takin has his sete
Quhare with rewardis sere, he did prouoke
The grene curage, and myndis of ȝoung foke
Sic as likit, swiftlie on fute to ryn
Cum bere the price away,
The secōd game for [...].
and wage oure wynAne vthir half, than gaddris he about
Of troianis samyn, and sicilianis ane rout
And first come Nisus, and the fresche Eurilly
Maist eligant of persoun, for quhays frendschip
And tendirnes, come Nisus in fallowschip
Quhom followis nixt, nobyl diores the gude
Cummyng of the stok of nobyl, Priamus blude
And eftir him, thare followis sone anone
Twa vthiris samyn, Salyus and Patrone
Of quham the tane, borne of Epiria
And the tothir was, of Archadia
Cummyn of the blude, of Tigia that ciete
Tua vthir ȝoung men, syne of Cicille
Helinus, and Panopes, bayth feris
Vnto the kyng Acestus, auld of ȝeris
Hantit to ryn in woddis, and in schawis
Sere vthir come eik, quhais name vnknaw is
For that thay war of law, state and degre
Amyddis of thame, al thus said Enee
Tak tent frendis, remember quhat I say
Mark this in mindis,
Eneas, oration promisyng his troyās rewardis
glaidly and bere awayNeuir ane of al this, fallouschip (quod he)
Schal vnrewardit, hyne depart fra me
I sall ȝou geiffin, ilk man as efferis
With bricht hedis, wrocht in crete, tua scharp speris
Ane siluerit ax also, to bere in hand
For ȝou all equale, sall be sic presand
The thre formest, sall bere the price and gre
Thare hedis crounit, with grene olyue tre
Quha cummis fyrst, and vyctour ouer the laif
Ane hors with precious, harnessyng sall haif
The secund ane arrow case, of amasoun
Full of arrowis of trace, sall haue anon
Richt swiftly on thare rasis, can thay tak
The stand thay leif, and flaw furth with ane crak
As wyndis blast, ettland to the renkis end
[Page] Before thame al [...]urth, boltis with ane bend
Nisus ane fer way, stert mare spedely
Than thud of weddir, or thundir in the sky
Nixt vnto him bot not, nere be fer way
Follawis salius, and ane space eftir tham tuay
Eurialus was the third, quham sine in fere
Followit Helinus, quham to followit euer nere
Diores quhidderand, at his bak fute hate
His tayis choppand, on his hele all the gate
Writhād with his schulder, to haue thrung him by
And had he anis won, mare roume tho in hy
He suld ful sone haif, skippit furth before
And lef in dout, quha come f [...]st to the skore
Be this thay wan, nere to the renkis end
Irkit sum dele, before the mark wele kend
Quhen that Nisus, fallis vnhappely
A poun the glouit blude, quhar as fast by
The stirkis, for the sacrifyce per case
War newly brytnit, quhareof all the place
And the grene gres, bedewit was and wet
As this ȝoungkere, hereon tred and fute set
Ioly and blyith, wening him vyctour round
He slaid and slummerit, on the sliddry ground
And fell at erd, grufelingis amid the fen
Or beistis blude of sacrifyce, ȝit then
Forȝettis he not Eurialus, luf perfay
Bot kest him euin, ouerthortoure salius way
Grufling as he micht, apoun the s [...]iddry grene
Maid him licht windflaucht on the ground vnclene
Furth sprent Eurialus, formest and by supple
Of his freynd Nisus, the first place wan he
With rerde and fauorabyl halsingis, furth he sprang
As oft befallis sic times, commouns amang
Helinus nixt vnto the stand, is cumming
[Page ciiii] The thrid place, now and gre, Dior has wounnyn [...]
Th [...] salius f [...]llis, al the court about
With loude ramyngis, and with many ane schout
And gan the presence, of the nobillis pray
Restore his honour by dissate, stollin away
Th [...] fauour defendis, Euryalus of his feris
And of his bristing, e [...]ethe semely teris
S [...]ed for disdane, he suld sa lois his price
The vertue mare gracius, at all dewyse
Was haldin that come, of sa semely perso [...]n
That helpit meikle, and Diores euir anon
Chides for him fast, for als mekle as he
The thryd place, had wonnyng and the gre
Bot all for not, may the last price bel [...]
Gif that to Salyus, the fyrst reward beis geif
Than the reuchful Eneas, spak and said
ȝour interpryce, childring beis blitht and glaid
Remanis souir, to ȝon for out of were
As fyrst was set the pryce, sall no man stere
It moist be to me lefull, reuch to haue
Of my freyndis, myschance his lak o [...] saue
Quhilk on his awin defalt, tynt not the gre
And sayand thus, to salyus gayf he
Ane bustuous, Lyoun skin of gitulye
With goldin clewis, lokkerit and wechty
Ha than quod Nisus, gif sic reward salbe
Geuin vnto thame that fallis, and tynis the gre
Gyf the lest rew on syc, quhat gift condigne
Will thou gif Nisus, ran swyft in ane ling
And wourthy was, the fyrst croun to haue caucht
War not the samyn, mysfortoun me ouer raucht
Quhilk salyus betid, and with that wourd
His face he schew, besmottrit for ane bourde
And all his membris, in mude and dung bedoy [...]
[Page] That leuch that riall prince, on him to goif
And bad do fethe, ane riche sch [...]ild wrocht quently
Sum tyme by ane, Didymane maist crafly
And by the grekis also, doun was ding
Of neptunus tempill post, quhare at did hing
This wourthy ȝoung man, with that gift souerane
Rewardis he, af sic gere as mycht gane.
¶ Of the twa kempis schuld striue in the preis
The bustuous Eutellus / and darhe [...]s.
EFter thir rasis done, and giftis geue
Now cummis here sais Enee, quha list preue
To streik thare armes furth,
The third game of wrasling be armes.
and heys on hichtFor mais or burdoun, arrayit wele at rycht
Quha has thereto, reddy bald sprete lat se
For athir partie, the price ordaint has he
For the victour, and all his hede
Of goldin schakeris, and ros garlandis rede
Buskit full well to him, vincustalsua
Ane riche helme, and ane fyne swerd baytht tua
Set for his solace, than but delay darhes
With bustuous fors, schew his face in the preis
As he vpstert anone grete rumoure rais
Amang the commouns sayand, lo quhare he gais
Allane was wount agane paris debait
ȝone sam is he, quhat the tumb fute hate
Quhare berut, was Hectour of maist renowne
The campioun Butes ouercome, and bet doune
All flat him speldit, on the dun sand
And in the dede thrawis, quhilk butes to vnderstand
Fra bebrity come, of stature huge and rude
And him auancit of king▪ Amytus blude
This ilk Darhes berand, his hede on hie
Reddy for batall schew furth, that all mycht se
His schulderis brade, and swakkis here and thare
His armes straucht, and with grete flappis in the are
[Page cv] Ane vthir matche to him, was socht and sperit
Bot thare was nane, of all the rout that sterit
Na durst presume, mete that man on the land
With mate or burdoun, to debate hand for hand
Ioly and glaid therof, baith all and sum
In to bargane wenyng, for to ouercum
Before Eneas feite stude, but delay
The bull he grippis, be the hornys tua
With his left hand, and said apoun this wyse
Son of the goddes, gif na man will ryse
Ne dar him self, auenture in bataill
Quhy stand I thus, how langefferis me duell
Command me leid away, the price all fre
The Troians with him sammyn, he and he
Murmerit and bemyt, on the Ilke wyse
R [...]ik to the man the price, promyst all cryise
Tho gan the graue Acest, with wordes chide
Eutellus sat on the grene sonk, him besyde
Eutell quod he vmquhile, the fortiest
Of campiouns clepit, and the wourthiest
In vane that name, thou beris I dare say
Gif thou sa thoilmude, sufferis lede away
Sa grete ane price, but derene of batell
Quhare is he now, grete Orix as they tel
Our ged renownit and maister all for nocht
Quhare now that fame, ouer all Cecill on flocht
Quhillum diuulgate is becum, and gane
Quhare ben the spulȝe, triumphale mony ane
Within thy hous hingis on euery post
The tothir answerd, nouthir for drede nor boist
The luf of wourschip, nor honoure went away is
Bot certanly the dasit blude, now on days
waxis dolf and dull, throw myne vnwildy age
The cald body has mynyst my curage
[Page] Bot war I now, as vmquhile it has bene
ȝing as ȝone wantoun woistare so strang thay wene
ȝe had I now, sic ȝoutheid traistis me
But ony price, I suld all reddy be
Na lusty bul, me til Induce suld lede
For nouthir I suld haue crauit, wage nor mede
Quhen this was said, he was but mare abade
Tua kempis burdonus brocht, and before thayme laid
With al thare harnes, and braseris by and by
Of wecht ful huge, and scharpe vnmesurably
Quharewith vmquhile, the sterne Eri [...] was wount
To fecht in bargane, and gif mony dount
In that hard bellan, his brawais to enbrace
Al wox astonyst, behald thaym in that place
So huge wecht, and so huge quantite
Thay w [...]r that weill, thair semyt for to be
Of corbulze cor [...]yn, seuin grete oxin hydis
Stif as ane burd, that stud on athir sydis
Stuffit and coutchit, full of Irne and lede
Aboue all vtheris, darheis in that stede
Tham to behald, abasit wox gretumly
Tharwith to mel, refusing aluterlie
Bot full of magnanymyte, Eneas
Pasis thare wecht, als lichtlie as an fas
Thare hidduous brasaris swakkand to and fro
Sic wourdis gan the auld, rehersing tho
Quhat wald he haif said, that perchan [...]e had he
Hercules burdoun, and wappins here quod he
And on this Ilk coist, the sorowfull bargane
Thir sammyn wappynnys, Erix thy br [...]thir germane
Was wount to bere, behald thame smottin quite
Of his rede blude, and harnys theron out smyte
With thir agane, grete hercules s [...]ude he
With thir I was wount, to mache in the melle
[Page cvi] Quhil my fresche blude, mare force and strenth me lent
Or that vnfrendlye eild, has thus by sprent
My hede and halffettis, baith with canus hare
Bot gif that troiane darhes, refusis thare
With thir our cuntre wappinnis, in feld to pas
And eik it likis, the curtes Eneas
So that alcest, my souerane that appreue
Be not efferd, darhes, na thing the grewe
E [...]x ma [...]s, to the on syde dyd lay
And now thy troiane, burdoun also do I
With equale wappynnys, lat vs go to sone
And with that word, of his shulderis has done
His doubill habit, and his lymys square
Baith big bones, and brawnis made al bare
Syne stiflie in the sand, vpstandis he
Of hidduous stature, and of quantite.
¶ The bargane of the kempis curagious
The feirs darhes / and stalwert Eutellus
THe prince Anchises son, Eneas than
Tua euinly burdouns, walis, as commoun man
And equale armour, but diuersite
On schulderis, and thar gardyis buklit hie
And athir gan contrare, vthir stith stand
With fingeris fast, fakand thare mace in hand
Syne hie aboue thare hedis, in the are
Vnabasitlie rasit,
A strange bergane betuix twa valȝeand men.
thare armies squareAnd from the strake, thare nek drew far abak
Now hand to hand, the dynt lichtis with ane swak
Now bendis he vp, his burdoun with ane mynt
On syde he bradis, for to eschew the dynt
He ettlis ȝounder, his awantage to tak
He metis him thare, and charris him with ane chak
He watis to spy, and strikis in his micht
The tothir keppis him, on his burdoun wicht
[Page] Thay foyn at vther, and eggis to bergane
Lichter on fute, and agyll was the tane
And in his lusty ȝouth, sum dele ensuris
The tother of limmis, bygger & corps mare stureis
Bot his feint schankis, gan for eild schaik
H [...]s goistly coist, and membris euery straik
The feble breich, gan to bet and blaw
Thir hardy kempis, all in waist let draw
Athir to vthir, mony rutis grete
Qn hale [...]ydis, feill double dintes gan bete
And on thare breistis, lichtis with huge sound
Oft in the are, about thare hedis round
Thare handis wauerit, and thare handis went mys
Hard haffettis clappit, oft vnder the dynt I wis
Eutellus standis stiff, and graue of cors
Not mouing from his first stand, in a fors
And with his body onlie, and walkrife
The strakis on fer, enchewis and keppis he
Bot darhes walkis about, rycht craftelie
Of his first purpois frustrate, to espye
Sum avantage, with diuers assaltis algate
Him vmbeset, and sare him handland hate
Lyke as be the grete enginis, quha sa wald
Ane strang ciete assaile, or stalwart hald
To wyn that strench, or ȝit by crastis sle
To mynd the castell, on the rochis hie
Lurkand in harnes, wachis round about
Now is to cum, now by that way gan lout
Quhare best he may cum, to his purpois sone
Twisand wele the place, maist oportune
Eutellus raxis him, and hewis on hicht
Ays richt hand, for to smyte in all his micht
The tothir seand, he dint cum gan prouyde
To eschew swiftlie, and sone lap on side
[Page cvii] That al his force, entellus can apply
Into the are so, that his graue body
Al him allane, with huge wecht and sare
Ruschit flatlingis, to the ground with ane rare
So as quhilom, the mekil tosche fir tre
On Erymanthus, the mont of archade
Or in the wod of Ida, with ane sound
Vp by the rutis rent, ruschis to the ground
The ȝounkeris tho, of troy and Sicilly
Gan stertin al, on fut deliuerly
The clamoure rais, quhil al the heuin did ring
And fyrst to hym, than Acestes the kyng
And for compassioun, has vphynt in feild
His freynd Eutellus, vnto him euin heild
Bot nowthit astonist, nor abasit hereon
Mare egirly, the vailȝeant campion
Agane to bargane, went als hate as fyre
His strenthis now, in [...]rescis al of Ire
For schame also, and for that wele he knew
His auld pr [...]wes, his force doublit and grewe
And ardently with furie, and mekle boist
Gan darhes catche, and driue ouer al the coist
Now with the richthand, now with the left hand he
Doublis dyntis, and but abade did [...]le
That nowthir rest, nor quiet may he tak
Als fast as rane schoure, [...]appis on the thak
So thik with strakis, this campioun maister strang
With athir hand, fele syis at darhes dang
And draif him to and fra,
Eneas endis the game
with mony routThe prince Eneas, than seand this dout
No langar suffir wald, sic wraith procede
Nor feirs Eutellus Mude, thus rage and sprede
Bot of the bargane, maid end but delay
And wery darhes, has wyth drawin away
[Page] With wourdis him to mesing, thus he said
Vnsilly wicht how did thy mind inuaid
Sa grete wodnes, felis thou not ȝit (quod he)
Othir strench or mannis force, has delt with the
Seis thou not wele, thy selfe that thou art fey
Tharfor to god thou ȝeild,
Aganis god [...] mā shuld contend.
the and obeyThe powir of goddis, ar turnyt in thy contrare
Obey to god and, at that wourd but mare
The bargane he dissoluit, and than derhes
His trew companȝoun, ledis of the preis
Harland his wery limmes, dolf as lede
For sorow schakand, to and fra his hede
And scheddis of blude, furth spittand throw his lippis
Wyth bludy gammis, led him to thare schyppis
The helme, and eik the swerd with thame has tane
And thay commanddit war, and left all ane
The bull vnto Eutellus, sa was defynd
He victour than, and aboue in his mynd
Proude and reiosit, of this bull gan say
Son of the goddis and troyanis, I ȝou pray
Behald and knaw, by this takin and sing
Quhat strench was in my cors, quhen I was ȝing
Se fra quhat dede, darhes is sauit vnslane
Quod he, and standand the bullis face forgane
Quhilk of thare dereyne, was the price and gre
His sterne burdoun, behynd his bak on hie
With his richt hand, taisand the mesur sa
It smate him euin, betuix the hornes tua
Persit the harne pan, draif out the brane in [...]y
Doun duschit the beist dede, on the land can ly
Spreuland, and flychterand, in the dede [...] rawis
And he aboue, him furth warpis sic sawis
For darhes dede, Erix lo thus quod he
Ane fer mare ganand saule, I offer the
[Page cviii] And victour e [...]k, my traist and wappinnis sare
Vprendis here for now, and euermare
¶ In to thi [...] next Chepture ȝe may espy
Nice craft of schuttyng and of Archery.
A None Eneas, induce gan to play
With arrowis for to schute, quhay wald assay
The price therfor ordanis, and syne but let
With force of mennis handis, vp hes set
Amyd the grene sergestus, schippis mast
Apoun the top therof, gart fessyn fast
Ane fleand dow, in tyl ane cord quhare at
Than suld thare arrowis, schute the men with that
Conuenit to giddir, and in ane helme of steile
Thare cauillis, haue they cassin fare and wele
And first of all with frendly noyis, and sound
Hipocaon the first place, his has found
That was kinrent, cumin fra hircatus
Quham nixt eftir, followis mynestheus
Victor afore amang, the schip bargane
The grene Oliue, about his forhede schane
The thrid cauill, betid Euritius
Thy broder, O maist douchty Pandarus
Quhilk vmquhile, for to brek the trew [...]s command
On the grekis fyrst set, with spere in hand
And of the helmes, boddum all thare last
The antiant kyng Acestes, cauil furth past
Quhilk for Eneas, saik durst anys assay
Wyth his awin hand, ȝoung mennis sport and play
Than euery man accordyng, thare strenth ful mete
Ther big bowis,
The. [...] game of archary
can bend and at thare feteDid schaik anone thare arrowis of thare case
ȝoung hippotaon, quhilk had the fyrst place
Ane quhidderand arrow lete spang fra the string
Towart the heuin fast, throw the are dide thryng
[Page] The mastis top it hit, and therin stak
Quhill all the tre trymblit, with the schaik
The foule affrayit, flichterit on hir wingis
Of grete rumoure, thar all the feildis ringis
Nixt scharp mynestheus wer, and awysee
Vnto the heid, has halit vp on hie
Baith arrow and ene, etland at the merk
Bot it was reuth, the foul, for all his werk
Ne mycht he twiche, and netheles ȝit quite
The bandis and lyames, in twa did he smyte
Quhare with be baycht the feit, thare fast was sche
Attaichit at the mastis top, on hie
Sche in the are, and dirk skies flaw onone
With arrow reddy nokkit, than Euritione
Plukikit vp in hy his bow, and maid ane wow
Vnto his brothir pandare, with that the dow
Hie in the lift full glaide, he gan behald
And with hir wingis sorand, mony fald
His arrow he threw, vnder the cloudis blak
And persit hir quite, out throw the bak
Hir life scho loist, hie vp in the are
Doun fallis dede, and has brocht with hir thare
The arrow brochit, out throw hir body
Acestes now, allane stude reddy
To schu [...]e, quhen that the price was tynt and woun
And netheles, to schute he was begun
And threw ane arrow, in the are on hycht
Sche wand his craft, and his big bowis micht
That lousit of the ta [...]ill, with ane spang
And sone betid, and in thar sichtis sprang
Ane felloun grislie monstoure, and wondring
As wele was knaw, syne at the ending
The ferefull spaymen, therof pronosticate
Schrewit chancis to betide, and bad estate
[Page cix] For quhy the schaift, fleand in the moist are
Brint in ane bleis, and in the randoun all quhare
With low and flammis, gan do notify
And all consumed, vanist in the skye
As dois oft sterne schot, fallin fra the heuin
Drawand thereftir, ane tale of fyry leuin
Astonist in ther mindis, abasit stude
The folk of Cecill, and all the troiane blude
And netheles, maist dochty Eneas
Refusit not, the takin bot gan enbrace
Acestes glaidlie, and riche giftis him gaif
Syne said him thus, tak fader myne ressaif
Sic fauorabill aspectis, beneuolent
As the grete king of heuin, has to the sent
That list with vncouch signes, honour the
Thou sall haue here, this reward and degre
Ane coup of gold, engraue with figuris sere
Ane present vmquile, of my fader dere
Anciant anchises, quham Syssius of trace king
In remembrance, him gaif an luf taikynnyng
And saynd thus, his templis all but were
He gan inuolne, and belt with grene laurere
And syne has causit, all the vtheris before
Proclame Acestes, and declare victore
Nor gentill Euritioun, his glory inwyis nocht
How beit that he onelie, the foul doun brocht
And in the skyes smat hir dede, ȝit than
The secund place he tuke, as curtas man
Nixt eftir quham, the wageoure has ressaue
He that the lesche, and lyame in sounder draue
And last rewardit was, he that his flicht
In to the mast top, fessinnyt on hycht
¶ How that Ascaneus / and ȝoung childer gent
Assailȝeit vthir in maner of turnament.
[Page] EN [...]as syne the dereny, not al done
Epitides to him, has callit sone
Maister and gyder, of ascaneus ȝoung
Quhais secrete haris warren ȝit vnsproung
And in his traisty ere, thus preualy
He rownis say and pas, thy way in hy
Se gif ascaneus, has now reddy dycht
His fallouschip of childer, and hors licht
Arrayit for the renkis, and the play
Bid him bring hidder, his rowtis to turnay
And do his gra [...]tser honour, and renowne
In his harues schaw him self, reddy boun
Said Eneas, and tharwith gaif command
About the court, the pepill on roume to stand
That al the feild within, fuld be patent
Than sone the childer within arrait fare and gent
Ent [...]rit in the camp, al sammin schynand bricht
On stedes pransand, in thare faders sycht
And quhare thay went, al the galandis of Troy
And Citil wounderis, with grete brute [...] and Ioy
Thare haris al war towkit, vpoun thare croun
That bayth with how and helme, was thristit doun
Twa iawelling speres, with blunt hedes sum bare
Doun on thare schulderis, ane case with dartis fare
The bruce of gold or, [...]hene, loupit in ringis
About thare hals, doun to the breist hingis
Thay war in nowmer, cumpanyis thre
O [...] hors ridand, and for ilk menȝe
Ane captane walkis, reuland all his rout
Twis sex childer followis, ilkane about
In thare persementis, arrayit in armour bricht
The chiftanis warren, equale of ane hicht
Ane ward thare was of children quhom full ioyus
Berand his grantscher name ȝoung priamus
[Page cx] Led and reulit, quhilk thy genology
Opalites plantyt, in Italy
Apoun ane hors of trace, dappill gray
Herand, quhais formest feit bayth tuay
War mylk quhyte, and his crest on hicht bare be
With bawsand face, ryngit the forthir E
The secund Atis, on ane cur [...]oure bay
Fra him the latyne lynnage, to this day
Actii bene nemmyt, and this litil atis
With child ascaneus, wel belouit is
Lusty Iulus, in bewtie did al excede
Come last montit on ane sydone stede
Of cullour quhyte, quham Dido the fair lady
In hir remembrance, gaif him in luf drowry
The remanent of the fallouschip, euery one
Sicil hors gan, swiftlie ran apoun
That from the auld acestes, purchese were
With reuele blythnes, and ane manere fere
Troyanis resauis thaim, and rycht gladlie
This visage gan behald, and did [...]spy
The prent of faderis facis, in childer ȝing
Eftir thay had al circulit, in ane ring
On hors hale the place, and feild about
Ioyusly behaldyug, al the rout
All reddy hufand, thare cursouris for to tak
Epotides on fer ane sing can mak
Smate with ane clape,
The fyft game one Hor [...] amang the ȝoung, gentyl m [...]n.
and criis togidderThan ran thay samyn, in paris with ane q [...]hidder
The routis thre brak, ilkane chesit his fere
And quhen thay by war runnyng, thare hors they stere
And turnis agane, incontinent at commandis
To preif thare hors, with Iauillingis in thare handis
Syne went abak in sounder, ane fer space
Ilkane at vther, rynnyng with an race
[Page] Syndry coursis, and returnyng made thay
Fast atheris sort, gan vtheris rout cunray
And gan exerce, by semblance vnder scheild
The similitude of batall, or ane feild
Sum tyme the bak thay turne, as thay wald fle
Sum tyme at vthir threw dartis, he and he
And sone eftir assembil wald, with ane crak
Thare handis schaik, and pece togiddir mak
Sa as thay say, vmquhile the hous in Crete
Hate lauborynthus, with mony went and strete
Had wrinklit wallis, ane thousand slich [...]s wroch [...]
For to dissaue, all vncouth therin [...]rocht
To wauer and er, thare vnreturnably
The subtel throw [...] angis, follow and sa quentlie
Nane vthir wayis, in coursis mony ane
Quhilkis thare trace, the ȝing childer troiane
Thay louk togiddir, and conterfetis ane chace
In manere of bargane, makand mony ane race
And sere derenȝeis, in thare sport and play
Als swift as Dalphyne fysche, swymmand away
In the wak sey of Egip, or lyby
Peirsand the wallis, that playis Iolely
Thir manere of reukis, and iupperiyis of batall
Ascaneus hantit and broucht first in Itale
Quhen he with wallis closit lang albay
And taucht the auld Latinis to hant sic play
The samyn gise, as he ane child now wrocht
And vthir troiane childer, with him brocht
The albannis taucht, thar childer the samyn way
And mychty rome, sine eftir mony ane day
Sic vse ressauit has, and gan vphald
In wourschip, of thare antecessours auld
Aud new children hanting, sic gam and Ioye
Bene troiane routis, namyti and were of troy.
How Iris send fra Iuno, in grete Ire
Gart troia [...]e wemen / set thare schyppys in fyr [...]
THus Hiddirtillis warren, dereynes fere
E [...]ercit in wourschip, of his fader dere
And in this tyme, gan fortoun first remoue
Fra thaym agane, hir fickyl fayth and loue
For as troianis dyd hallow on this wyse
Be diuers gammes, as was tho the gyse
Solempnitlie, the seruice anniuersare
Besyde Anchises graue, furth of the are
And heuynnys he, Saturnus get Iuno
That can of wraith, and malice neuer ho
Nor satyfyit of hir auld furie, nor wroik
Rolling in mynd, full mony Cankirrit blo [...]k
Has send adoun, vnto the troiane nauy
Iris, and that sche suld go spedely
The prosper wynd, gan eftir hir enspire
The virgine sprent, on swiftlie as ane vire
And throw the cloudis, hir trace quhar sche went
Schape like ane bow, of diuers heuis ment
Sone slade doun, vnsene of ony wye
Grete confluence of pepil, did espye
Sche walkis about, the coistis of the see
Hauinnis and flote, left desolate fand sche
And al the troiane wemen, did sche ken
Sittand on the schore, secrete fer fra men
The grete lois of Anchises, regreting sare
And al togidir, gan to wepe and rare
Behald and the deip seyis, sorowfully
And with ane voce, say and alhalely
Allace behald, sa mony stremes gray
And of thir salt, fludis sa brade ane way
Remanis ȝit, for to ouer slyde and sale
By vs wemen▪ irk it of lang trauell
[Page] Thay all besocht god, send thame sone ilkane
Ane ciete or ane toun, for to remane
And tedius thocht, the seyis laubour to bare
Iris herefor espyis hir tyme, best thare
As sche that was, in mischeif maist expert
Amyddis of thame, all in gan sche stert
Hir godly figure, and hir weid laid by
And became agit heroes, in hy
In manere of schape of similitude, and face
That was doroclus spous, borne of trace
Quhilk vmquhile was, of hie genelogy
Of grete renowne, and childer had mony
And on sicwyse, among the matrouns troiane
Transformit enteries, [...]che, and in is gane
O wofull wretchit wemen, all quod sche
Quhilk to the deth,
It is oration to the troy ane women
vnder the wallis hieOf our natiue ciete, and kynd landis
War not in battell harlit, be grekis handis
O pepill vnhappy, to quhat mischeuus [...]nd
Fortoun reseruis ȝon, of this warld to wend
Lo sen the fall of troy, and dolorus were
Byrunning is, the seuint somer and ȝere
Sen that so mony seyes, and alkin landis
Sa huge wylsum rolkis, and schald sandis
And stormes grete ouerdreuin, and sufferyt haue we
Lo thus saland, out throw the mekle se
Quhare that we chace Italie, that fleis ay
And we ly wrappit, on the wallis gray
Here bene the bredirly boundis, of Erix stou [...]
Our frend Acestes, is our Oist but dout
Quha will vs warne, to bend vp wallis hie
And to our cietezanis, set here ane ciete
O natiue landis, and kind goddis al in vane
Reft from our fais sall neuir nane agane
[Page cxii] Troiane wallis bene namyt, nor vpbeild
Sal I neuer se allace, in al my eild
Hectoriane fludis, exanth and symois
Haue done tharfore, and now with me I wys
Thir fey vnhappy schippis, all bedene
Lat vs go birn, for in my sleip ȝistrene
The figur, of Cassandra prophetes
Gaif me birnand fyre, brandis, and said expres
Here suld we rest, had vs seik troy na forther
Here was our duellyng place, for euermare
Now is the tyme ganand, our werk to spede
To tary ma fatail singis quhat suld nede
Lo ȝounder bene four altoris, birnand schire
Neptune the god, thir hate brandis of fyre
Distributis to vs, and also hardyment
And say and thus, to performe hir entent
The perrellus fyre, first hint sche forsably
With flambis schinand, on fer thay mycht espy
Hir richt hand rasit, the blesis in to cast
Of troiane wemen, the myndis worth agast
And al thar hartis, sum dele stupifak
Quhen ane the eldest, amang thaym al spak
Clepit Purgo, the quhilk had bene feil syis
To mony of King Priamus childer, nurys
O matrouns, ȝone was neuer beroyes quod sche
Borne ane troiane, and doriclus spous trast me
Consider of hir bewtie, signes diuine
Behald so bricht, as baith hir e [...]e doith schyne
Quhat sucit sauour, and smel from hir springis
Quhatkin visage, has sche, how think ȝe ringis
Hyr vocis soun, or quhat pais, gois sche now
My self left beroyes, as I come hiddir richt now
Lyand sekand at hame, ane ful anoyit wicht
That sche anone, suld want, this royall sycht
[Page] And as sche wald micht not, make sacrifyce
In anchise honour, and funerale seruice
Thus said pirgo, bot than the ma [...]rouns all
Stude fyrst in dout, quhat thing th [...]y do sall
And with euyl will, euin the schippis behaldis
On houir, betuix wretchit desyre thame haldis
For to abide, within that present land
And of the fatis, on the tothir hand
That vnto vthir realmes, dois tham call
Quhen to the goddis, in forme celestiall
Wyth equale wyngis, fleis vp to the heuin
And in hir went, schup vnder the cloudis euin
The fygure of ane ranebow, huge grete
Than principaly begouth, thare hartis bete
Of sy [...] wordis astonist, thay all in hy
Cachit with wordis, begouth rame and cry
And from the hallowit Ingill reft the fyre
Part spulȝeis altaris, of thare flambis schyre
And byrnand branchis, faggottis and fyrebrandis
In to the schyppis swak, thay wyth thare handis
The flambis vpkendlyng blesis, brade at large
Throw hetchis ouer loft ar, and payntit targe
¶ Of the fyre flokynnyng / quhilk the nauy [...]eris
And in Sycill / how Enee left hys feris.
VNtyll anchises, grayf and theatry
First brocht Ewmalus word / quhar the nauy
Was all infyrit, thay luke and gan behald
The fyre sparkis, fleand vp thykfald
In an blak sope of reik, and first ascaneus
As he on hors, playit with his feris ioyus
Als swyft and feirsly, spurris his stede fute hate
And but delay, socht to the trublit flote
His maister half dede, for affray and drede
Mycht not wythhald hym, thidder gan he spede
[Page cxiii] And cryit allace, O wrechit cytezanis
Quhat now wodnes be this, that ȝou ouer tane is
How now, how thou, quhat menis ȝe to do
ȝour Imymis flote, nor grekis schippis lo
ȝe birn not, but all hope of ȝour wele fare
Se this is I ȝour awin Ascaneus, are
Vnto my fader, and with that word his helme
Before thare fete, al wod doun, did he quhelm
Quhare within the derenis, cled was he
And counterfete, the manere of ane melle
Eneas than, and al the routis troyanis
Fast as thay mycht sped, thaym thidder attanis
Bot than the women al, for drede and affray
Fled here and thare, endlang the coist away
Socht to woddis and cauis, in euery rolk
Eschamed with thare dede, knew thar awin folk
Thare myndis chang it, fled the lycht, for dispyte
Al Iunois rage, smyte from thare breistis quite
Bot not for this, the flams and birnand bleis
Did stanche thare fors, vndantyt ne appeis
The tuffing kindillis, betuix the plankis wak
Quharfra ouer thrawis, the pikky smok coil blak
The hate fyre consumes, fast the how
Ouer al the schip, discendis the perrellus low
Thare was na strench, of vailȝeant men to wale
Nor large fludis, on ȝet that mycht auale
Reuthfull Enee,
Eneas or [...] cion vnto the goddis
than of his schulders twayThe cloith has rent, and the goddis can pray
Vp bayth his handis heuand, in the sky
Almychty Ioue (quod he aluterly
Gif thou has not, al troianis at hatrent
Or gif thy reuthful clemence, takis tent
As thou was wount, to mennis trauell and pyne
Now haly fader, thi maieste inclyne
[Page] Erant that our nauy, thys fyre may escape
And from distructioun, delyuer and out scrape
The sobir trumpis, and meyne graith of troyanis
Or gyf I haue deseruit, with the remanis
Smyte all togidder dede, with fereful thunder
Lat thy richt hand here schaik vs, al in sounder
Skars was this said, quhen that ane blak tempest
Brayis but delay, and all the lift ouer kest [...]
Ane huge weit gan doun poure, and tumbill
Hillis and valis trimblit, of thu [...]di [...] rumbyll
The drumly schour, ȝet furth ouer all the are
Als blak as pyk, in bubis here and thare
Fillis the schippis, quhill thay flete ouer the walis
Wraingis half brint, bedyit in wa [...]tir salis
that all the force of fyre, was slokinnit out
And from the perrell saif, and out of dout
Was al the nauy out take, four schippis loist
And quhil he rowmes, vp and doun the coist
The fadir Eneas, smite with his smart case
Now here now thare, gan huge thing is compase
Rollyng in mind, quhidder he suld or may
Remane in Cecill, or thens pas away
Or gif he suld seik, ȝit to Italie
Like as he had forȝet, his destanye
Thus as he, musis stud in sikkin dout
Ane of the eldest heris, stude about
Clepit Na utes, quham the goddis my [...]erue
Ouer all the laif, instruk kit him to serue
And rendrit had ful scharp, and ripe of wit
Sic ansuere gaif,
Na [...]tes [...]eues Eneas a gud counsall being in dout of purpos.
and plane declaris ItQuhat pretendis this felloun, goddis greif
And eike according thare fatis, quhat was releif
And confortand Eneas, thus gan say
Son of the goddes, lat vs follow that way
[Page cxiiii] Bakwart or fordwart quhiddir our fatis driue
Quhat euir betid this is na bute to striue
Al chance of fortoun, Tholand ouer cummin is
Here is thy tendir frende, troiane I wys
Wourthy Acestes, of diuyne lynnage
Call him to the, in counsale wyse and sage
And weil willing, to thy purpoise to app [...]y
Leif with him, al may not in thy nauy
Be tursit now, for lak of schippis loist
All sic has bene, ennoyit and irk almoist
Of thy grete purpois, the dedis and efferis
And thay that bene agit, past det of weris
Or al matrouns, wery of the sey
Wale out al thaym, bene waik and vnweildy
Or ȝit efferit bene, in ilk effray
Sic cummerit wichtis suffir I the say
To haif ane hald, and dueil here and in this land
The ciete sal be as was first cummand
Acesta clepit, eftir accstes Kyng
With sic wourdis, and prudent sermonyng
On hys wyse, agit freynd, than Eneas
On al sidis gan ythandly cumpas
Quhat was ado, and as the dirk nicht
Rollit his cart owrthwort the polis bricht
Eftir that al was went, to rest and pece
The ymage of his father anchises
Gan from the heuyn appere, and but abade
Vnto Eneas hiegh, thir wourdis said
O thou my child,
Anchises apperis to hys sonne enee in his slep and schawis him certan thinges to cum.
derer so mat I thriueQuhill that I leuit than myne a win liue
O son in troiane, fatis exercit sarely
Hidder at the command of Ioue cumin am I
Quhilk from thy nauy, stanchit the fyre quod he
And from hie heuin at last hecht reuch on the
[Page] Follow the co [...]nsale, is maist ganand and heynd
That agit nawtes gaif the, thy trew freynd
And chois ȝoung men of hert maist curagious
Turs in Itale, with the I tel the thus
Ane doure pepil, and of condicioun fell
The nedis in lacium, ouer cum in batel
Bot first of pluto, the infernale se
And deip regioun of hell, behufis the se
To cum and speke with me, myne awin son dere
Be not agast my son, and haue na fere
For I am not withhald, I lat the wit
In tartaurus, the sorouful hellis pit
Nor drery pottis deip of saulis pale
Bot in the hailsum rowtis, furth of bale
I duel amid the plane of Elisee
The chaist virgine sibil wil conuay the
The richt way thidder, quhilk that thou sal tak
By blude offerit, of mony beistis blak
Thare sal thou lerne al thy genology
And quhat ciete, is to the destane
Adew as now, [...]a langer duell I may
The donk nicht, is almaist rollit away
And the feirs orient wil, that I with draw
I feile the ending, of [...]is horssis blaw
Thus has he said, and with that word but mare
Vanis away, as reik into the ar
And when Eneas saw him past, he said
Quhidder bradis thou, sa fast without abaid
Quhat is the let, I may not the embrace
Quhidder haistis thou sa, quhy [...]eis thou me allace
Thus sayand the assis, and couerit fyre [...]et he
The troiaue Ingill, and the cannois weste
Within his secrete closet, made reuerence
With hallowit floure, deuotlie and intence
[Page cxv] Syne sone assemblit his feris al in preis
B [...]ot first of al the ancient acestes
The wil and plesure of Ioue schew thaym clere
And eik the charge,
Eneas fulfyllis his fade [...]is command
brocht by his fader dereHe tald thaym planly, his mind and desire
Thay tary not at counsel for this sire
Acestes was all reddy at command
Than al the folk, quhilk list byde in that land
For this new ciete, titil thay and writis
The matronus first, and sic as not delitis
Nor has in cure desire, of his hie renowne
Thay deput, and thay ordand for this toun
Thare hetchis, and thare ouerloftis syne thay bete
Plankis and geistis grete squere and mete
Into thare schippis Ioynand with mony ane dint
In stede of thaym, war with the flambis brint
Thare cabillis now, and thare hede towis reparis
And gan to forge, newlie waydgis and aris
In nowmer war thay but ane few menȝe
Bot thay war quyk, and valȝeant in melle
In the meyn tyme Eneas, with ane pleuth
The ciete crculit, and markit be ane seuth
Be cauillis sine, the tenementis did depart
Here ordanis Ilioun, and in the ȝounder art
Of troy commandis beild vthir memorialis
Of this new ciete, and thare freyndly wallis
Glaid wox the troyane ace [...]es, and but mare
Did mak proclame, thare merkettis and thare fare
And al the hedis men gadderis and set doun
Stabillis thare lawis, and statutis for that toun
Syne on the top of Erix, the montane
Ful nere the lyft thay found of merbil stone
Ane tempil to ventis of Idalia
And about anchises, sepulture alsa
[...]
[...]
[Page] Ane hallowit schaw, on brede as sanctuare
Plantit thay haif, and stabillit prentis thare
Eneas gan depart, and how venus
Made for hir son requieist to Neptunn [...].
BE this as al the pepil euery hyne
The feist continewit, fully dayis nyne
And on the altaris as was tho the gyse
Thare offerandis endit, and hie sacrifyce
The stabill aire has calmyt wele, the se
And south pipand windis, fare on hie
Challantis to pas on burd, and tak the depe
Bot quhen thay maist depert, lord how thay wepe
Quhat huge waling, rais al the co [...]tis bay
Brasand and halesand, thay duel al nicht and day
And now the moderis, and thay vnweldy men
Quham till vmqhuile, for til behald and ken
The seyis figure, was abhominabil
And eik the force therof intollerabill
Now wald thay wend, for all the seyis rage
Reddy to thole all trauel in vayage
Quham curtes Eneas, with wordis freyndlie
Comfortis, and sine, wepand ful tenderly
Betaucht vntill Acest his cousing dere
Thre velis tho, as was the auld manere
In wourschip of Erix, he bad doun quel
And ane blak ȝow, to god of tempestis fel
Syne chargit all thare cabill [...]s vp beliue
His awin hede warpit, with ane snod oliue
Hie in ane schippis, fore castel did stand
Haldand ane coup of golde, in til hys hand
The beistis entrellis, in the sey can swak
And ȝet the clere wine, furth in fludis brak
From the est schip, vprais anane the wind
And followit fast the sey, fa [...]aris behynd
[Page cxvi] Eik al the flote smate fast with airis the flude
Kempand to went ouer wallis as thay war wod
In the meyne sessoun venus al on flocht
Amyd hir breist reuoluand mony ane thocht
Spak to Nemptune,
[...]einus oraton to Neptune for hir help towarte hyr so [...] Enee
with sic pietuous regrateNeptune (quod sche) the fel ire and consate
Of quene Iuno, with mynd insaciabil
Constrenis me to condiscend thus stabil
In al manere of request, and prayeris
The quhilk Iuno nowthir lang dayis nor ȝeris
Nor nane diuyne sacrifice, may appeis
Sch [...] restis neuir, nor may sche leif at eis
Al beit the power and charge of Iupiter
Resistis sche wat, and fatis war hir contrare
Sche thinkis it not yneuch and sufficient
By wikkit malice, to doun bet and schent
And for euer put to distructioun
Maister of the pepill of Phrigia trois toun
And for to be wrokine be alkin panis
Apoun thare sary leuingis and remanis
Bot euer in ane ȝit stil persewit sche
The dede banis, and cauld assis to spulȝe
O sylly troy, quhilk is to rewyne brocht
Ane wounder how, sche may in til hir thocht
Of sa grete furoure, half the causis consaif
Thy self is witnes, how laitlie ouer the laif
Sa maisterful storme, amyd the libiane se
Sche rasit sone, quhil vp to heuynnys hie
The fludis cachit war, and sare opprest
Throw help of Eolus wyndis, and tempest
Sa grete wrang, in thy realme durst sche exerce
O this detestabil wikkitnes to rehers
Lohas sche not newlingis, sa schamfully
The troiane matrouns garrt byrnt thair nauy
[Page] Be hir wod rage, and ar for falt of schippis
In vncouch land, left from thare fallouschippis
In time cumin I the beseik (quod sche
S [...]haw thy michtis, that sayfly throw the see
It may be leful, thay thare salis set
Grant that thay may also, atteine but let
The flude tyber throw, laurent feildis slidis
Amit my asking, gif so the fatis gydis
Or gif that my desyre, may grantit be
Or ȝit we [...]d sister [...]s lift, gif thame that cuntre
Saturnus son Neptunus, tho I wis
That of the deip sey fludis, danter is
Ansuerd and said, Citheria the fare
It is resoun,
Neptunus answer to [...]enus.
and ganand euermareThou be assurit, to rest at thy liking
In my boundis, and out throw al my ring
Quharfra thou has, thy first oryginall
As thy kind ground, the cuntre naturall
In vthir placis als, furth of my land
I haue diss [...]ruit thankis, at thy hand
And oft times has, sa grete rage as thou knawis
Dantit ba [...]th of sey, and bustuous wind that blawis
To witnes draw I, of this that I say
E [...]anth and simois, troiane fludis tuay
That I [...]a les cure tuke, of thine Enee
To sauf him on the land, than on the see
For quhen the feirs Achil, parsewit sare
Chasand affrayis the troianis, here and thare
The grete routis, to the wallis thrimland
To fore his face halfe dede, for fere trimland
And monie thousandis, on the ground lai dede
The riuaris dittit, with dede corpsis lay rede
Vnder bodyis bullerand, for sic multitude
Of slauchter he maid, quhilk exanthus the flude
[Page cxvii] Mycht find no way to rin vnto the see
Than apoun case with achilles Enee
Machit in fecht nowthir of▪ strencth nor micht
Equale be fer, nor ȝit sa wele at richt
Fauorit of the goddis as Achilles perfay
By ane dirk cloud I staw thy son away
How beit the ilk time my desire was set
Law from the ground, al troy for to doun bet
Thay manesworn wallis, biggit with my handis
As twichand Enee, how euer the chance standis
The samyn wyse ȝit, perseueris my mind
Haue thou na drede, I sal be ȝit als kind
Vnto thay hauinnis hie sal cum souirlie
As thou desiris and furthir him eik sal I
Vntil auerne clepit, the loch of hel
Ane sal alanerlie, be loist I the tel
Quham thou sal seke, amangis the fludis dede
For help of mony, thare sal be geuin ane hede
Eftir that with sic wourdis Neptunus
Had mesit the mude, of the god Venus
Tho can the fader, of the sey but mare
His hors ȝoik, to draw his cart or chare
With fomy bridil danting thay feirs beistis
Thare renȝeis and thetis, at thaym areistis
With his awin handis, lete do slip and slakis
And lichtlie ouer the fludis croppis frakis
His watry chare, furth fleand, with ane sound
Quhil al the wallis doukis to the ground
Vnder the brayand quhelis, and assiltre
The fludis strikes plane ouer al the see
The bubbis and windis cloudis here and thare
Gan fle anone furth of the large are
Than of his courte apperit, fyguris sere
The hidduous, quhailis and al the routis in fere
[Page] Of agit cloantus, wyth his canos hare
And palemon, Iunois son and aire
The swift [...]ritones with trump plaind thare spring
Phortus with al his fallouschip, and of spring
And on hys left hand, furth haldis thetys
With al the nymphes, hait nereydes
Sic as Melite, spio penopia
Cimodoce, nyse, and thalia.
¶ Throw our the flude merely salis En [...]
And Palynurus drow [...]is in the see.
GLadenes and comfort, than into sumparte
Begouth to kittil Eneas, thochtful hart
Heis hie the croce (he bad) al mak thaim boun
And fessyn bonettis beneth the mane sale doun
Than all samyn, wyth handys foit and kneis
Did heis thare sale, and trossit doun thare teis
Now the le scheyt, and now the luf thay slayk
Set in ane fang, and threw the ra abake
Bayth to and fra, al dyd thare nokkys wry
Prosper blastys furth, caryis the nauy
Before the laif, as ledsman and lard
And al hys salis, vp with felloun fard
Went palynure, and hale the remanent
Was chargyt hald, the samyn cours & went
Be than the donk nycht, had run almayst euy [...]
Hyrmyd cours, or methes in the heuyn
And euery marinere, but langar kepe
Thare bodyis restys, wyth the plesand sl [...]p [...]
Endlang the hecthys, liand here and thare is
Or in thare hard se [...]ys, lenand on ayrys
Quhen that the swyft god, of slepe gan slyd
Furth of the sternyt heuyn, by nychtis tyde
And dyd away the dyrknes of the are
Remouyng schaddoit skyis, mayd al fare
[Page cxvii] Vnto the palynurus, has he socht
And the all Innocent, sorowfull slepis broch [...]
Hie in the est schip, did this god appere
In figure of Forbanthus,
[...]
ane marinereAnd freyndlie gan warp, sic wourdis ou [...]
Iasyus son pallynure, luke about
The souir seis beris, sound our nauy
The wyndis blawis euin, and rycht makly
Thou may souirly tak, the ane howris rest
Lene doune thy hede, and slepe for it is best
Thy wery ene, thou priuely with draw
From langsum labour, and slepe ane litle thraw
And I my self, sall gladly in thy place
Bere thyne office, and stere ane litill space
To quham Palynure, skars liftand his ene
Answerd and said, quhat thing wald thou mene
Biddis thou me be sa nyce, I suld mysknaw
This calme salt water, or stabill fludis haw
Wilt thou I traist, this monstoure perrellus
Or quhat in wyndis, sa dissaitfull till vs
And this clere heuin sa eft has, trumpit me
Wald thou I lippynnyt, the maist nobill Enee
Sic wourdis he saide, grippand the helmestok fast
Lenand theron, and by no way nor cast
Wald part therfra, haldand his ene full euin
Ay to behald, the sternes of the heuin
Quhen lo this god smate, baycht the tempills twane
With ane full slepery, and bedyit grane
Wet in the myndles, flude of hell lithee
And sowpit in f [...]ix, the forcy hellis see
His glo [...]yt, and fordouerit ene tuo
He clos [...]t has, and sound, gart slepe also
Bot skars gan the first, rest of slepe
Or he was war, thus on his membris crepe
[Page] Quhen on him lened this god, and tho he kneild
And with ane swak, as that the schip gan heild
Ouer burd him kest, amyd the flowand see
Rycht altogiddir, with the helm [...]stock of tre
Than all for not apoun, his feris he cryis
This god flaw vp, and like ane bird in the skyis
And not the les, the schip held furth her went
As scho did are throw, the calme seyis sprent
But ony harme, and all the nauy sone
By the promys of the fader Neptune
Be this almaist thay, caryit war in fere
Vnto the rochis, and the skellyis wele nere
Of Syrene, that we mermadynnes clepe
Dangerus vmquhile, for ane mekill hepe
Of dede banys, lay tharof full quhite
So gan the salt iawpis, ythandlie smyte
The hell rol kis, and ane sound full hace
Quhen prince Enee, persauit by his race
How that the sichpdid, rok and tailȝeue
For lak of ane, gude sterisman on the see
Him self has than, [...]one hynt the ruder in hand
And throw the fludis, steris the schip to the land
Bewaland gretelye, in his mynde pensife
For that his freynd was fall, and loist his life
Allace ouer mekle thou, lippynnyt has (quod he)
In to the s [...]abillit heuin, and calmytse
Bare and vnerdit, in ane vncouth land
Paly [...]irus sall thou lie, on the sand
Finis.
The Proloug of the saxt buk.
PLuto thou patron of the depe acheron
Fader of tormentis, in thyne infernale se
Amyd the fludis stix, and flagiton
Lethye, Cothite, the wateris of obliue
With Dolorus quhirling, of furious sisteris thr [...]e
Thyne now sall be my muse, and drery sang
To follow virgill, in this dark poetrye
Conuoy me Sybill, that I ga not wrang
Quhat wenys fulis, this sexte buk be bot gai [...]t is
All full of leis or auld, ydolatryis
O hald ȝour pece, ȝe varray goddis apis
Rede, rede, agane this volume mare than thryis
Consider quhat, hid sentence tharin lyis
Be war to lak les, than ȝe knaw wele quhat
And gif ȝe list not wirk, efter the wise
Heith on ȝour hede, set vp the foly hate
All is bot gaistis, and Elrische fantasyis
Of brownyis and of bogillis faill this buke
Out on the wanderand, spretis wow thou cryis
It semys ane man, war manglit theron li [...]st luke
Like dremes or dotage, in the monys cruke
Wane supersticiouns agane, our richt beleue
Quat if thir furyis or Pluto, that plukkit duke
Or call on Sybill,
Vyrgill [...]der dirk poetrye wrytis grete matters and gud sentence
dere of ane reuin sleueWald thou this buke, I suld to the declare
Quhilk was impossibill, till expreme at schorte
Virgill is full of sentence, ouer all quhare
Bot here intill as Seruius, can proporte
His hie knawlege he schawis, that euery forte
[Page] Of his clausis comprehend, sic sentence
Thare bene therof, set thou think this bot sport
Made grete ragmentis, of hie intelligence
In all his warkis, vyrgill dois discriue
The state of man gyf, thou list vnderstand
Baith liue and dede, in thir fyrst bukis fyue
And now in till the sext, we haue on hand
Efter thare dede, in quhat place saulis sall stand
He writis like ane, Philosopher naturall
Twiching our fayth, mony clausis he fand
Quhilk bene conforme, or than collaterall
Schawis he not here, the sinnis capitall
Schawis he not wykkit, in endles pane
Ane mitigat pane▪ for sinnis veniall,
And vertuous pepil, in to the plesand plane
And al sic sawis, fantasy vane
He schawis the way, euer patent doun to hel
And richt difficill, the gate to heuyn agayne
Wyth ma gude wordis, than thou or I can tell
Here tretand vertew takis, he pane for vice
Feil wofull tormentis, of wretchit caliuis sary
Notabyl historiis, and diuers prouerbis wyse
Quhilkis to rehers, war ouer prolixt to tary
All thocht he as ane, gentile sum tyme vary
Ful perfytlie he writis, sere misteris fell
As how thir hethin childer, thare weirdis wary
Wepand and waland, at the first port of hell
All thocht our faith, nede nane authorising
Of gentilis bukis, nor by sic hethin sparkis
ȝit vyrgill writis, mony iust clausis conding
[Page cxix] Strenthand our beleue, to confound pagane werkis
How oft rehersis Austyne, chief of clerkis
In his grete volume of the ciete of god
Hundreth versis of virgil, quhilkis he markis
Agains Romanes tovertew, thame to brode.
And of this sext buke walis, he mony ane skore
Not but gude resoun, for thoche christ grund oure faith
Virgillis sawis, ar worth to put in store
Thay aucht not behald, vacabound nor waith
Full riche tressoure, thay bene & pretius graith [...]
For oft by Sybillis sawis, he tonys his steuin
Thus faithfully, in his bukolikis he saith
The made cummith, bringis new lynnage fra heuin
As twiching him, writis astentius
Feil of his wordis bene, like the appostlis sawis
He is ane hie theolog sentencius
And maist profound Philosophoure, by his sawis
Tho sum his writis, frawart our faith part drawis
Na wounder, he was na christin man perde
He was ane gentill, and leuit on pagan lawis
And ȝit he puttis, ane god fader maist hie
We trow ane god, regnand in parsonis thre
And ȝit angellis, heauenly spretis we call
And of the heuenly wichtis, oft carpis he
Tho he beleuit, thay war not angellis all
Quhill cristis passioun, of adam throw the fall
All went to hell, tho all war not in pane
Or christ he wrate this buke, quhare rede ȝe sall
The wikkit punist, the iust in gloir remane
And as he twichis greis, sere in pane
[Page] In blis elikwys sindry stagis puttis he
Quhat sall I of his wounder werkis sane
For all the plesance, of the campe elise
Octauiane in his georgikis, ȝe may se
He counsellis neuer lordschip, in hell desyre
Bot euer in heuin, in to sum hie degre
To theis his place, and not amang the fyre.
Quhat christnyt clerk couth, him haif consellit better
All thocht he was neuir, catholik wicht
He has writtin full mony autentik lettir
In that Ilk buk, he teichis vs full rycht
The warld begouth, in veir baith day and nycht
In veir he sayis, that god als formyt man
The son the mon, and all the sternes bricht
We grant in veir, that first the warld began
Happy war he knew the cause, of all thingis
And settis, on syde all drede, and cure quod he
Vnder his feit that tredis, and doun thringis
Chancis vntretabill of fatis,
Happy is that man quhilk be the word of god has the trāquil li [...]e & quietnes of mīd setting a side al dred and vane fantasyis.
and destanyAll fere of dede, and eik of hellis se
Happy he callis sic wichtis, and so do I
Quhare may we sua, optene felicite
Neuer bot in heuin, empire aboue the skye
To write ȝou all his tryit, and notabill vers
Almaist impossibill war, and half in vane
For me behuffit repeting, and rehers
On sere placis, the samyn wourdis agane
This may suffice, I wyll na mare sane
Ane mouar ane, begynnar puttis he
Sustenis all thing, and dois in all remane
And be our faith, the samyn thing grant we
I say not all his werkis, bene parfite
Nor that saulis turnis, in vthir bodyis agane
Thocht we trust, and may preif be haly write
Our saul, and body sall anys togidder remane
At thare bene mony goddis, I will not sane
Thocht haly scripture, Iuste men goddis clepe
Quham call I Pluto, and Sibbilla Cumane
Herfore I will na fals goddis, worschep
Sibilla til interpret, propirlye
Is clepit ane maid, of goddis secrete priue
That has the spirite, of diuyne prophecy
Quha bettir may, Sibilla namyt be
Than may the glorius moder, and madin fre
Quhilk of hir nature consauit christ and bure
All hale the, misteries of the trinite
And maist excellent werk, vnder cure,
Thou art our Sibill christis moder deir
Preichit by prophetis, and Sibilla Cumane
Thou brocht the heuinlie, lynnage in ern here
Moder of god, ay virgine dois remane
Restoring vs the goldid warld agane
Sathane the clepit, I pluto infernalle
Prince in that dolorus den, of wo and pane
Not god therof bot, gretest wrech of all.
To name the god, chat war ane manifest lee
Is bot ane god makar,
One god maker of al gud thinges.
of euery thingI fauoure not the errour, of manoche
Tho thou to vlcane haue, ful grete resembling
And art sum time the minister, of thundring
Or sum blynd ci clopes, of the laithly wra
Thou art bot Iouis, smyth in the fire blawing
And dirk furnace of the parpetuall Ethna.
❧ Thou wrocht nathing, bot maid thy selfe an deuill
And that was not to make, bot rather failȝe
For austyne sayis, syn myscheif ore euill
Is nocht at all, for thay not auailȝe
The dym dungeoun, of ditis to assailȝe
Or in the liknes, thys mysty poetry
Help me christ, sone of the vyrgyne mary
To end thes wack, to thy lad, and glorye
Finis
The syxte Boke of Eneados
¶ Enea esspies Dedalus / werk expres
And spak with / sib illa the prophetes.
THus wepand said, and let his flote go large
Quhil at the last bayth, ballyngare and barge
Apoun the coist, that hait Euboica
Arriuit nere the ciete, of Cuma
Than to the streme, thay turnit thare foreschip
Kest doun thay bouchit aukeris ferme of gripe
Into the rade Endlang, the coistis bay
Thare eist castellis, gan mustoure and array
And all the ȝounkeris, spedis haistely
Vnto the schore of Hisperia, fast by
Sum smytes fire furth, of the hard flynt stane
Sum spedelie to the thik wod, are gane
In derne dennys quharin, wylde beistis duellis
And sum did schaw the new fund springand wellis
To beit thar myster, all besy for the nanys
Sum to this turne, sum to that stert attanys▪
Quhill on this wys ilk man, occupiit was
Reuthfull Eneas, bownis him to pas
Anone to serche the strenth, and tempill tho
Dedicat vnto the mychty appollo
That ferefull gousty caue, fer from the way
[Page cxxii] And secrete hald, of sybilla the may
Quhais hate memor, and resoun oft infyrit
Delyus the prophete diuyne, and so inspirit
That scho the secretes, for to cum did knaw
With this thay enterit, in the hallowit schaw
Of the thrinfald passingere Diane
And hous of bricht,
A fabyll of dedalus. and of vder syndry storys
Appollo gold beganeThe fame is so, that Dedalus the wricht
Furth of kyng Mynas, realme takand his flicht
Sa bald was with swift, fedderame and happy
To auenture him selfe, hie in the skye
And by ane quent vnusit, way to knaw
Towart the frosty poleartik he saw
Bot at the last, softlie he gan alicht
Of calcidonis, apoun the castell hicht
And rendrit first, into thir landis hie
Offerit and hallowit, Phebus vnto the
The farde and flicht of baychth, is wingis tuo
And thare graithit, ane fare tempil also
Apoun the portis, did he carue and graue
Androgeus slauchter falslie brocht to graue
And for his deith the vengeance, and the wrake
How of Athenes commandit war allake
Twise seuin childe, vnto Crete be send
And of ther lyues, ther to mak ancend
The dedly vrne stand, porturate mycht thay knaw
Out of the quhilk, the lottis warren draw
Forgane athenes ane litill ouer the sye
The Ile of Crete he wrocht, musturand ful hye
The kingis ciete, thare hecht Gnosia
Quharin he porturit, al ful wellowa
The luf abhommabil, of quene Pasiphe
Full priuely, with the bull forlane was sche
The blandit kynd, and birth of formes twane
The monstrus mynataure, doith thare remane
[Page] Ane horribill takin, of schrewit venus werk
Thare was also, craftelie schape and mark
Ane name kouth hous, quhilk laborynthus hait
Full of wrinklit, ouerturnabil dissait
Bot netheles Dedalus, caucht Piete
Of the grete luf, of fare Ariadne
That was the kinges dochter, taucht ful richt
Of this quent hous, for to vndo the slicht
How by ane threde, the subtil wentis ilkane
Thay michten hald, and turne that way agane
And thou also, the ȝoung childe I charus
Quhilk son, was vnto the ilk dedalus
Ane grete part of this werk, suld haue bene thine
Gif that the dolour, and the huge pine
Had sufferit him, to kyith his craft on the
In gold to graif, thy fall twis etlit he
And twise for reuth failȝeis, the faderis handis
Eneas tho, and al that with him standis
This sculpture al espyit, had on brede
Ne war achates, quhilk before him ȝede
Be than returned was, and with him brocht
The religious women, quham thay socht
Baith consecrate to diane, and phebus
Hait deiphebe, the douchter of glancus
Quhilk to the kingis son, spak apoun this wise
This time quod sche, to stare and to deuise
Gouand on figuris, is not necessary
Mare nedeful now it war, but langar tary
Seuin ȝoung stottis, that ȝoik bare neuer nane
brocht from the bow, in offerand brittin ilkane
And als mony, twintiris as is the gise
Chosin and ganand, for the sacrifice
On this wise till Eneas, spak Sybill
And troianis taryit not, for to fulfill
[Page cxxiii] Hir commaundement, that but langar delay
The sacrifice and offerendis done haif thay
And syne the Nun, to the hie tempill tham brocht
Quhilk in maner of ane grete caue, was wrocht
Of Cunia holkit, in the hilles side
Ane hundreth entres, had it large and wyde
Ane hundreth durres, thareon stekit cloce
Out at the quhilkis ruschit, als mony ane voce
Geuand respons, vnto this Sibilla
Tho to the dur threswald, cum in ar tha
Quhen that this virgine, said to aske ansueris
Now is the tyme lo, lo the god me steris
And as scho gan, sic wordis say and cry
Without the entre, standand suddanly
Nouthir visage, nor cullour as thay war are
Remanis than, nor hir welle dressit hare
Bot fast hir breist the breth, did, clap and bete
Hir feirs hart boldynnys, vp full grete
Enraugit of the sprete diuine, also
That of thare stature scho, gan semyng tho
Hir voce na soundis, like ane mortall wicht
For with the goddis, maieste and mycht
Twichit and smyte, that drewe hir mynd full nere
Hir hart pipis gan do likkir and stere
Blyn not blyn not, thou grete troian Enee
Of thy deuotioune and prayers quod sche
For bot thou do thir grete durris, but dred
And grislie ȝettis, sall neuer warp on bred
And with that word scho ceissit, & no more said
The cald drede tho, gan troianis inuaide
Thirlland throwout hard, banis at euery part
The king him self, than inkirlie from his hart
Maid this vrisoun, and deuoitlie said
O bricht phebus, that euer reuth has had
[Page] On troyis hard aduersite, and wo
Thou quhilk direct, the troiane dartis so
In Achillis body,
Eneas oration desyryng the goddis help.
schot by paris handThis sey that gois about mony grete land
Thou beand my gider, enterit haue I
And eik wylsum desert, land massilly
Quhare the schauld sandis, strekis endland the schore
Now at the last, the fleit vs euermore
The forthir coist of Italie, haue we caucht
Thocht hiddirtillis harde fortoun, has vmberaucht
The troians, and persewit vnfrendly
Now all ȝe goddis, and goddes quhamby
Vmquhile was thocht, grete Ilioun ful of ioy
And schinand, glorious toun of troy
Seining resist, and gane stand ȝour godhede
Lesum it is, to desist of ȝour feid
And now to spare the pure, pepil troyane
O thou maist haly, prophetes souerane
Quhat is to cum, has knawlege of all thingis
Grant that troians, may dwel in Italy ringis
For I ne aske, no land no realme al gatis
Bot quhilk is grantit, to vs by our fatis
Schaw and declare, for our goddis errand
That cauchit bene ouer mony, sey and land
Quhare sall thare resting place be to remane
So eftir that to phebus, and Diane
Of sound marbyl templis, beild may I
And feistuall dayis, for Appollo gar cry
To the also, within our realme sall be
Mony secrete closet, and reuestre
Quharin thy workis, and fatail destenyis
Thy secrete sawis, and thy prophecyis
Endite of my kyn, and genelogy
I sall gar kepe, and obserue reuerentlye
[Page cxxiii] And ō thou blislit woman, vnto the
Wise walit men, sall dedicate and sacre
So that thou write not, on the louis thy wourdis
For drede all turne, bot till ane mok or bourdis
Gif that the wynd thame skattir, and blaw away
Pronunce it with thy awin mouth, I the pray
Therwith he held his pece, and said no more
Bot than Sibill the prophetes, full ȝore
Within the caife, as half enragit wicht
Couth not contene of Phebus, the grete mycht
And euer the more, scho enforsis aye
The grete god from hir breist driue away
The more he gan inuaid, hir and infest
Hir rageand mouth, and feirs hart as him lest
Dantand at will, and forgeand hir sayingis
Scho was constrenit, to schaw all soithfast thingis.
¶ The ansueris and the word is to and [...]
Betuix Eneas and this Sibilla
THe hundreth gret durris, of that hous with thys
At thare awin willis, warpit wyde I wys
And brocht the prophetes, ansuere to thare eris
O Eneas that eftir, mony ȝeris
Now fynaly has driue,
The prophetes Sibilla schawis Eneas all thingis to cum and quhou [...]t was [...]ecreit be the goddis efter lang trubbyll and warris to geue him Italye.
to end quodscheSa mony huge grete, dangeris of the see
Bot on the land I tell, ȝou all and sum
F [...]r gretter perrellis, remanis for to cum
The troiane pepill, to the realme of lauyue
Sall cum that is determit, be goddis diuyne
Out of thy mynd sic doutis, do away
Bot fothirmore I will vnto the say
Quhen the grund of Italy, hath nummyn
Thay sall desire neuir thidder, to haue cummyn
Battallis horribill battallis, to conclude
I now behald, and tybrys the grete flude
[Page] For great haboundance, of blude on spate wox rede
Nowthir exanth, nor Symois in that stede
Sall thou mys, nor ȝit the grekis armye
Thou sall before the, fynd in Italie
Ane vthir Achil, borne als of ane goddes
Nor Iuno troyanis, persauewaris expres
Sall neuir mare failȝe, in ȝour contrary
And quhen thou art thare, as thou wald be cary
Of succours, and of help, all desolate
Quhat pepil, and quhat cieties be godwat
In Italie sall thou beseik, of supple
Few sall remane, vnrequirit traist me
The caufis of, al this mischeif and pane
Ane vthir woman, ane fremmyt gest agane
For the troianis is, to be spous and wed
Ane strange bride, or sche be brocht to bed
Withdraw the from, na perrillis nor hard thryst
Bot eum on force more, stranglie to resist
Agane dangeris than fortoun sufferis the
ȝour first reskew, of succours and supple
Furth of ane gregioun, ciete salbe schaw
Quhilk thou lest wenys, ane wounder thing to schaw
Furth of hyr secrete closet, thus on ane
Sic fawis warpis, this Sibilla Cumane
Horribyll ansueris, ful doutsum to confaue
Quhare as sche sat, rummesand in hir caue
In subtell wordis, of obscurite
Inuolwand, the trueth and verite
For on sic wyse, Appollo hir refrenis
Bridillis hir spyrete, and as him left constrenis
From hyr hart pipis, his feirs brod with drawyng
As the deuine furie, gan fyrst ceissing
And eik hir ragand mouth, bego [...]th to rest
Deuote Eneas, beginnis als est
And said vyrgyne, na kynd of pane may ryse
Vnknawin to me, of new at may me greyse
Or now I am warnyt, of al sic chance
And has thame rollit, in my remembrance
Bot ane thing I beseik, the and requyre
Sin the entres and porte,
Aneas deseris at Sibi [...]a to knaw the way to hel and to spek with his fader content to suffer al paynes & traulle.
thay sax bene hereOf the infernale kyng, and the liak dirk
Of Acheron gorgit, wyth fludis myrk
Thocht it be rycht difficil, ȝit grant me
Thay queynt realmes, I may behald and se
And cum vnto my dere, faderis sycht
Thidder the passage, and alwayis rycht
To teiche me, and thy secrete portis vnschet
I him deliuerit, and from flambis het
And on thir schulderis, caryit him away
Ane thousand speris, followand to assay
From mid Inemyis, brocht him to saufte
In my vayage, accumpanied with me
He went throw out all seyis, and strange strandis
All manere perrellis of fludis, of stremes and sandis
And stormes of heuin, thocht he was waik
He sufferit and susteinte, for my saik
Aull huge pane as he had bene ane page
Aboue the strenth, and commoun cours of age
And forthir he me chargit, and gan beseik
To the lady I suld, reuerentlie seik
And pas hidder to thy stede, and duelling place
Haue reuth now haly, woman schaw him grace
Baycht to thy son, and fader I require
For thou may do al thyng, I wate but were
He not but gude resoun full wele I knawe
Besyde auernus ouer hir, hallowit schaw
Proserpyne made the patroun, and maistres
Gif orpheus, mycht reduce agane I gese
[Page] From hell his spousis, goist with his sueit stringis
Playand on his harp, of trace sa plesand springis
Or gif pollux redemyt, his brothir Castor
As he that was Immortall, get and bore
Parting with him, his Immortalite
Athir for vther sufferand, for to dee
That Ithe of thame, by coursis alternat
Sa oft gais, and returnis that gait
It is nocht anys lesum, I pas that way
Of theseus, quhat nedis mare to say
Or of the strang maist, douchty Hercules
Quhilk thidder, went with sa grete force & preis
Am I not eik discend, from Iupitere
Sic prayer maid he, grippand the altere
Quhill thus begouth the prophetes speke agane
Of goddes blude, Anchises son troiane
It is rycht facill, and eith gate I the tell
For to discend and pas, on doun to hell
The blak ȝettis, of Pluto and that dirk way
Standis euer opin and patent, nycht and day
Bot therfra to returne agane, on hicht
And here aboue recoueris this airis licht
That is difficill werk, thare lauboure lyis
Full few thare bene, quhom heich aboue the skyis
Thare ardent vertew,
The prophetis ansuer to Eneas schawyng hym the way to hell and quhoudifficil it is to returne agane tharfra.
has rasit and vp heitOr ȝit quham equale, Iupiter deifyit
They quhilkis bene gendrit, of goddes may thydder attane
All the midway, is wildernes vnplane
Or wilsum forrest, and the laithlie flude
Cochitus with his drery bosum vnrude
Flowis enuiroun, round about that place
Bot gif sa grete desire, and luf thou has
Twyis til our sale of stix, the dolly lake
And twyis behald, hellis pit of wrake
[Page cxxvi] Or sa huge laubour, delitis the quod sche
Harkin quhat first, behuffis the to do
Amiddis ane rank tre,
be thes golden grane is signifiet wisdome quhilk vertue cā ouer cum al thī gis mois [...] difficill
lurkis a goldin beuchWith awreate leuis, and flexibil twistis teuch
Vnto Iuno, infernale consecrate
That standis loukit about and obumbrate
With dirk schaddois, of the thik wod schaw
Bot it is na wyse lesum, I the schaw
Thir secrete wayis, vnder the erd to went
Quhil of the tre this goldin, grane be rent
Fare proserpyne, has institut and command
To offer hir this hir awin propir presand
Ane vthir goldin grane, to the ilk effeck
Thou sall not mys, thocht the first be doun breik
Incontinent euer of the samyn metal
Sic ane like branche, sal burgeoun furth with al
The nedis therfor til hald, thine ene on hicht
If for to serche, and seik al at richt
Quhen it is fund, thou hynt it in thy hand
For gif it list esely, that samyn wand
Of thy awin wil, sa sollow thi grip fute hate
Gif so the fatis will, thou pas that gate
Orellis be na strenth, thou sal it ryffe
Nor cut in twa with wepin swerde nor knyffe
And marcattour, befor the in the place
That thou ne wate, of thy dere freynd allace
Vnerdit lyis, of new the dede body
That with his corpis, infekkis al the nauy
The self tyme slane, now askand our ansure
And in that place, remanis with vs here
First se that him, to his lang hame thou haue
And as efferis, gar bery law in graue
This his funerale entir, or sacryfyce
Do bryng the blak belstis, as is the gyse
[Page] Lat thay be ȝour first expiatiouns
And clengeing clath, efur ȝour serimouns
So at the last of Stir, that cirful schaw
And realmes wilsum, for leuand men to knaw
Thou sal behald, quod sche, and tho gan ceice
Hir mouth clappit togiddir, and held pece.
❧ Of Mysenus entirement / that was slane
And how Eneas fand, the goldin grane.
ENee with drery chere, and Enee doun cast
Leiffand the caue, furth on his way is past
And in, his breist gan, rolling al on raw
Thir vncouth chancis, wounder strange to knaw
Achates his traist freynd, furth him by went
Ilk step and pais, musing the samyn entent
Ful mony diuers sermouns, betuix thaym two
Talkand and carpand, oft quhare as thay go
Doutsum quhilk of thare feris, this mucht be
The Prophetes thaym tald was done to de
Or quhat corp [...]s was this, [...]he thaym bad bery
And as thay come, apoun the strandis dry
Thay gan behald, ligging, in the ilk stede
Misenus new slane, be vnworthy dede
Misenus Eolus son, nane mare c [...]mand
Oistis to assembil with brasin trump in hand
That with his sound, and werely blastis oft syis
The martial curage, mad in breistis ryes
Sumtyme he was ane of grete Hectouris feris
About Hectoure, euir hantit he the weris
Now blawing with his trump, maist craftelie
Now with ane spere, Ioynand, his maister by
Eftir Achil reft him, the lyfe in were
Till douchty Enee, this forcy cheuillere
Adionyt has himself, in fallouschip
Ane man of na les proues than wourschip
[Page cxxvii] Bot now percais, with his bois trumpe as he
Went vnprouisitly, blawing by the se
To striue prouoking the goddis, with his springis
Gif it be lesum to traist, sa schameful thingis
Triton the god hauand, thare at dispite
Or he was war,
Misenus perisched in the watte.
him hyntis and did smyteAmang the fomy rokkis, law adoun
And in the salt wallis, the man gan droun
Quharfor about his corpis, with grete clamoure
The troianis stude murnand, and maid doloure
Bot principally, the reuthful Eneas
Sybillais heist, as he commandit was
Tho sped in haist, for to pertorme weping
For the sepulture, funerale fyre or bing
Ane hepe of treis, thay preis anone to dycht
And vp vnto the heuynnys, rais on hicht
Vnto ane ancient forrest, socht thay then
Enterand in mony, wylde bestis den
Full of roset doun, bet as the fir tre
Smyte with the ax, did rare, the akis hie
Grete eschin stokkis tumbillis to the ground
With wedgeis schidit, gan the birkis sound
The felloun elmys, weltis doun the hillis
Eneas him self, also with ful gud willis
Into sic werkis, with the first al day
For to be besy, gan his feris pray
With lone in hand, fast wirkand like the laif
And in his breist, gan to and fra consaif
Ful heuily thir materis, war betide
Behaldand the large wod, on athir syde
Thare as he stude, thus makand his prayer
Wald god ȝone goldin branche, list now appere
And ky [...]th the selfe to vs, in this forest
Sen lo all thing, the prophetes exprest
[Page] Of the Misenus ar ouer trew allace
Skars war thir wordis said, quhen in that place
Ane pair of Dowis fra heuin, come with ane flycht
And richt forgane, the mannis face did licht
And one the grene swarde, thare place tuke law
This rial prince, als sone as he thaym saw
His moderis birdis knew, and blythlie than
His vrifoun has maid, and thus began
O haly foulis, gif the way may be went
Be ȝe my gidis, to complete my entent
Addres ȝour cours, throw out the are in hy
Vnto that haly schaw, with sale mychty
Quhare as that riche Prince, the grounde ouerheldis
And ȝe my blissit moder, that oure beild is
Into this doutsum cais, be not away
I ȝou beseik be fauorabill, to our way
And prayand thus, eftir the speymen weird
He prentit bayth, his futesteppis in the erd
Behaldand redly, quhat syngis thay schaw
Or quhiddir thay mark etand pasing on raw
Thay at the last gan flichter, furth ane space
Half stalkand on the ground, ane soft pace
Sa fer before achates, and Enee
As thay mycht wele behald thaym with thare G
And als sone, as thay come, to the entre
Of auernus, that s [...]kand hellis se
Vprais thay swiftlie, and in the moist are
Flaw furth and syne gan alicht and repare
Apoun thare seges, quhare thaym list to be
Of diuers naturis, perkit on the tre
Throw quhais branchis, of sere hewis mony ane
The bricht glitterand goldin, culloure schane
Like as full oft, in schil wynteris tyde
The gum or glew, amyd the woddis wide
[Page cxxvii] Is wount to schene, ȝallow on the grane new
Quhilk neuer of that treis, substance grew
With saffroun hewit, frute doing furth sproute
Cirkillis and wympillis, round bewis about
Sic lik was of this gold, the cullour brycht
That burgeonit, fare on the rank aikis hicht
Euer as the branche, for pipand wynd reboundit
The goldin schakeris, ratlis and resoundit
Eneas smertlie, hynt the grane that schone
And but delay, has rent it doun anone
Desyrus to complete, his way alsua
Bare it vnto the hald, of Sibilla
And netheles troyanis, this ilk tyde
Misenus deith bewalyt, at the coist syde
Vnto the dolorus, vnsilly body
Funerall seruice, completand by and by
At the beginning, first vp hie thay beild
Ane huge hepe or bing, amyd the feild
Of dry aik schidis, and fat roset treis
All sidis tharof, als fer as ony seis
Was dek and couerit, with thare dedely lewis
And wyld Cypres, the tre of mortall hewis
The top aboue, arrayit was at richt
And adornit with schinand, armoure bricht
Sum spedis to graith, hate wattir spedelie
In caldrouns playand, on the fyre fast by
The cauld dede corpis, is weschin and anoynt
Enbalmed with riche gummes, euery Ioynt
Thay schouting gouling, & clamour about him maid
The body syne bewalit, haue thay lade
In ane soft bed, and thare aboue was spred
Purpour robbis, quhare with he wount was cled
Sum on thare schulderis, the grete bere vpbare
Ane dulfull office, with mony sob and rare
[Page] And as the manere, or tendir fryndis is
For sorow thar facis wrythis away I wys
Puttand the kendilling in with hate fyre braind
Grete hepis of sence, vp blesit fra hand to hand
Cowpis and goblettis, warpit in the fyre
Full of oil oleue brynd vp brycht and schire
Efter all was fallin ane powder and in as
And the grete hete of flambis, quenchit was
The reliquis and the drery, ameris syne
Thay sloknit and gan weschin, with sueit wyne
The banys walit by, and natelie chosit
Choryneus in ane brasm town, has closit
And this ilk man, his feris, al but dout
With clene watt [...]r clengit, thryis about
Strinkland ane litill dewing, as was the gyse
Wyth the branche of ane happy Oliue thryis
He purgit and aspergit wele the men
The lattir wourd, al is don said he then
Eneas tho, gart vp erkkit be
Ane sepulture, of ful huge quantite
In taikynnyng of ane mannis instrumentis
Ane air and eik ane trumpet, theron prentis
Vndir the mont, vmquhile Aeryus
Was clepit, quhilk now is hecht Mysenus
Eftir his name, callit perpetualy
That euer sal his memor testyfy
¶ Of Eneas sacrifyce by nycht
And how to hel he tuke the way ful rycht.
THis beand done sybillais commandement
Eneas addres, performe incontinent
Thare stude ane dirk,
a discriptiō of the caue quhilk leadis to hell.
and profound caue fast byAne hiddous hol, depe gapand and grysly
All ful of cragis, and thir scharp flynt stanis
Quhilk was weil dekkit, and closit for the nanys
[Page cxxviii] With ane foule laik, als blak as ony cralo
And skuggis dym, of ane ful derne wod schaw
Aboue the quhilk na foule, may fle but skaith
Exalatiouns, or vapouris blak and laith
Furth of that dedely golf, thrawis in the are
Sicwyse na bird, may thidder mak repaire
Quharfore grekis Auernus, clepis this stede
The place but foulis, to say or pit of dede
Here first Enee, at this ilk entre wyle
Foure ȝoung stottis, addressit blak of pyle
The Nun Sibilla relsauis thaym, and syne
Amyd thare forhedis quhelmyt, on coupis of wyne
And of thare top, betuix thare hornies tuay
The ouermest haris, has sche pullit away
And in the haly Ingill, as was the gise
Kest thaym in manere, of the first sacrifyce
Apoun hecate cryand, with mony ane ȝell
Mychtfull in heuin, and depe doungeoun of hel
Sum sleuit knyffis, in the beistis throttis
And vtheris (quhilk war ordant for sic notis)
The warme new blude, keppit in coup and pece
Enee hym self, ane ȝow was blak of flece
Brytnit with his swerd, in sacrifice ful hie
Vnto the moder, of the furies thre
Ane hir grete sister, and to the proserpy [...]e
And ȝeld kowall to trinschit and eftir syne
To the infernale king, quhilk pluto hate
Hys nycht altaris, begouth to dedicat
The haile bonkis, ofbeistis bane and lyre
Amyd the flambis, keist and haly fyre
The fat olye did he ȝet, and pere
Apoun the entrellis to mak thaym birne clere
Bot lo ane litil befor, the son rising
The ground begouth to rummys, croyn and rynge
[Page] Vnder thare fete, and woddy toppis hie
Of thir hillis begin, to moue thay se
Amang the schaddois, and the skuggis merk
The hell houndis herd, thay ȝoule and berk
At cummyn of the goddes proserpyne
Sybilla cryis, that prophetes diuyne
Al ȝe that bene prophane, away away
Swyith outwith, al the sanctuary hy ȝou hay
And thou quod sche, hald on thy way with me
Draw furth thy swerd, for now is nede Enee
To schaw thy manhede, and be of ferme curage
Thus fer sche sayd smyte, with the godlie rage
And therwith enteris, in the opin caif
Eneas vnabasit,
Eneas entrie baldly in to h [...]l.
fra al the laifFallowis his gyde,
Inuocaciō desiring pardon or he begin to schaw the secretis of hell.
with equale paceful richtO ȝe goddis in quhais power, and mycht
The saulis bene, and ȝe derne skuggis derk
Confusit Chaos, quharof al thing bene Irk
Skaldand hellis flude, flagiton but lycht
Placis of silence, and perpetual mycht
Mot it be leful, to me for to tell
Thay thingis quhilkis, I haue hard said to hell
And be ȝour mychtis, that I may furth schaw
Sere thingis drynchit, in the erd ful law
And depe inuoluit, in myrknes and the myst
Thay walkit furth,
A discripcion of hell
so dirk oneith thay wystQuhidder thay went, amyddis dymschaddois thare
Quhare euer is nicht, and neuer licht doith repare
Throw out the waist dungeoun of pluto king
Thay vode boundis, and that gousty ring
Siclyke as quha wald, throw thick woddis went
In obscure licht, quhare mony not be kend
As Iupiter the king Etherial
With erdis skug, hydis the heuynns al
[Page cxxix] And the myrk nycht, wyth hir vysage gray
From euery thing, has reft the hew away
Before the porch, and first Iawis of hel
Lamentacioun, and wraikful thochtis fel
Thare lugeing had, and therat duellis eik
Pale maledyis, that causis men be seik
The fereful drede and als vnweildyage
The felloun hunger, with hir vndantit rage
Thare was also the laithly indigence
Tirribil of schape, and schameful hir presence
The grisly dede, that mony ane has slane
The hard laubour, and diseisful pane
The flettry slepe dedis, cousing of kynd
Inordinate, blithnes, of peruersite mind
And in the ȝet, forganis thaym did stand
The mortal battel, with his dedely brand
The Irne chalmeris, of hellis furies fel
Witles discord that, wandring maist cruel
Womplit and buskit, in ane bludy bend
With snakis hung, at euery haris end
And in the myd, of the vtir ward
With brade branchis sprede, ouer al the sward
Ane rank helme tre stude, huge grete and stok auld
The vulgar pepil, in that samyn hald
Beleuis thir vane dremes, markis thare duelling
Vnder Ilk leif, ful thik thay stik and hing
Thare bene ilk monstouris, of mony diuers sort
The centaures, war stablit at this port
The doubillit porturit Scilla with thaym in f [...]re
Bryaryus with ane hundreth formes sere
The byisning beist the serpent lerna
Horribill quhissilland and queynt chymera
With fire enarmed, on hir toppis hie
The laithlye harpies, and the gorgonis thre
[Page] Of thrinfald bodyis, gaistly formes did grone
Baith of Erilus, and of gerione
Eneas smertlie, for the hasty drede
Hint furth his swerd, in this place gude spede
The drawin blade, he profferis thare and here
Vnto thare monstouris, euer as thay drew nere
And ware not expert, mait Sibilla
Taucht him thay war bot, vode gaistis all tha
But ony bodies, as waunderand wrachis waist
He had apoun thame, ruschit in grete haist
And with his bitand brycht, brand all in vane
The tume schaddois, smityng to haue slane.
Tyll hellis fludis Enee / socht nethir mare
And Pelinurus his / sterisman fand thare
FRra thine strekis the way, profound anone
Depe vnto hellis flude, of Acherone
With holebisme, and hidduous swelth vnrude
Drumly of mude, and skaldand as it warwode
Populand and bukand, furth of athir hand
Vnto Cochitus al his slike, and sand
Thir riueris and thir watteris, kepit war
Be ane Charone,
Charā the ferry man of hel ys flude.
ane grisly ferrearTerribyl of schape, and sluggard of array
Apoun his chin feill, Chanos haris gray
Liart felterit taltis, with birnand ene rede
Lyke tua fyre blesis, fixit in his hede
His smottrit habit, ouer his schulderis lidder
Hang peuagely knyt, with ane knot togidder
Him self the cowbil, did the boline furth schaw
And quhen him list, halit vp salis faw
This ald hasard cariys, ouer fludis hote
Spretis and figuris, in his irne hewit bote
All thoch he eildit was, or step in age
Als ferynd als, swipper as ane page
[Page cxxx] For in ane god the age is, fresche and grene
Infatigabil and immortall, as thay mene
Thidder to the bray swermand, al the rout
Of dede goistis, and stude the bank about
Baith matrouns, and thar husbandis al I feris
Ryall princis, and nobyl cheueleryis
Small childer and ȝoung, damisellis vnwed
And fair springaldis, lately dede in bed
In fader and moderis presence, laid on bere
Als grete nowmer, thidder thikkit in fere
As in the first frost, eftir heruist tyde
Leuis of treis, in the wod dois slyde
Or byrdis flokkis, ouer the fludis gray
Vnto the land sekand, the nerrest way
Quham the cauld sessoun, cachis ouer the see
In to sum benar realme, and warme cuntre
Thare stude thay prayand, sum support to get
That thay micht wyth the, formest ouer be set
And gan vphauin pietuously, handis twa
Langand to be apoun, the forthir bra
Bot this soroufull bote man, wyth brym luke
Now thir, now thame within his weschell tuke
And vthir sum expellit, and made do stand
Fer from the riuer syde, apoun the sand
A wonderit of this sterage, and the preis
Say me virgine sayd Enee, or thou ceis
Quhat menis sic confluence, on this watter syde
Quhat wald thir saulis, quhy will thay not abyde
Quhilk causis bene, or quhat aduersite
Sum fra the brayis, thame withdraw I se
Ane vthir sort, eik of thir saulis dede
Rollit ouer this reuer, cullourit as the lede
This ancient religious, woman than
But mare delay, to ansuere thus began
[Page] Anchyses get, heyndchilde curtes and gude
Di [...]cend vndoutebill, of the goddis blude
The deip stank, of Cochis dois thou se
And eik the hellis pule, stix quod sche
Be quhais mythtys, the goddis ar ful laith
And dredis sare syne, fals thare aith
Al thir thou seis stoppit, at the schore
Bene helples folk vnerdit, and forlore
ȝone grislie feriare, to name Caroun hate
Thay bene al beryit he caryis in his bate
It is not til him leful, he ne may
Thaim ferry ouer thir rowtand, fludis gray
Nor to the hidduous, ȝonder coistis haue
Quhil thare banis, belaid to rest in graue
Quha ar vnberyit, ane hundreth ȝere mon bide
Wauerand and wandrand, by this bankis syde
Than at the last to pas, ouer in this bote
Thay bene admittit, and coistis thaym not ane grote
And frelie may behaldin, or espy
Thay lakis, quhilkys thaym lykis to vesy
Anchises so [...] tho, stentis ane litill stound
And bayth hys fute steppis, fixit on the ground
Musing in mind sum del [...], said in ane part
And of this hard fortoun, cautht reuth in hart
Thare saw he dolorus, and woful of chere
But funerall seruice, neuer laid on bere
Lucaspes and Orontes, baith [...]ane
Quhilsum maisteris, of the schip liciane
Quham baith yfere, as said before haue we
Saland from troy, throw out the wally see
The dedly storme, ouerquhelmit with ane quhiddir
Baith men and schip, went vnder flude togiddir
Lo palynurus, eik his sterisman
Amang vtheris fast, to the wattir ran
[Page cxxxii] Quhilk laitlie saland, in the libiane se
As than he gan behald, the stormes hie
To giddir with the helmstok, quhare he stude
Our schipburd swakkit was amyd the flude
And skarslie as he Enee gan espye
Amang dirk skuggis,
[...]eas commonyng with Pal [...]urus.
standand ful dreryFirst he him gretis, sayand til him thus
Quhilk of the goddis, O palynurus
The vs bereft, and drynt amyd the se
Hou tyd that cais, declare me I pray the
For certis bricht, appollo neuer or now
Was fals to me, but I wat neuer how
Of his ansure, twiching the he rawit
And has my mynd, therin al hale dissauit
That schew suld haleskarth, ouer the se
Vnto the grund of Itale, cum quod he
Se thus his lawte, and promite has kepe
The tothir ansueris, with ane petuous pepe
Maist wourthy duke, anchises son maist dere
Nowther hecht the of phebus, the ansuere
Vnder his secrete courting, so dissaue
Na ȝit na god safer has me bewaue
Nor drownit in the depe, as ȝe beleue
Bot as I slaide ouer burde, to my myscheue
The helmstok or gubernakil of the tre
Quharewith I rewlit, our cours throw the se
Lenand theron percase, sa fast it threw
And rent away ouerburd, with me I drew
The wally seyis, to witnes draw I here
That for my self, tuke I nane sa grete fere
As of thy schip, quham that I knew ful quyte
Spulȝeit of hir graith, and lodisman furth smyte
Dreding sche suld haue, preist in sic nede
Ouer the huge swelland [...]udis rais on brede
[Page] The south wind nothus, thre dais me drawe
Throw out the s [...]y, with violent wallis waue
Skars on the ferd day, at morne did I a [...]pie
Hie from the wallis, croppis Italie
Huly and fare, vnto the coistis I swam
And tho almaist, in surety cummin I am
Ne war the cruel pepil, of thay landis
As I that grippit with, my crukit handis
The scharp rolkis, stoppis at the schore
In hewy wate frogs [...]ad, and chargit sore
Thay can with Irn wappynnis, me inuade
Wening ane spy, that I had bene thay said
From thare cuntre, sum pray to driue away
So now I am bedyit, in fludis gray
And windis warpis, my corpis apoun the strandis
Quharfore I pray the, heuand vp my handis
And be the plesand kicht, of heuin requiris
And be the halesum, are that thou inspiris
And be thy welebelouit, fader ding
And gude hope, of thy ȝoung sonnis of spring
O thou vnumquest, vailȝeand campioun
Deliuer me, from thir grete harmes anon
Or at the leist graife me, in sepulture
Sene wele thou can, and may performe that cure
Spere to the portis, quhilkis Velynos hate
Or gif thay may be fundin, ony gate
Quhilkis thy blissit moder has teichit richt
Reik thy richt hand, vnto this wrechit wicht
And haue me with the ouer the fludis rede
So at the last, I may eftir my dede
Into sum plesand stede remane and rest
For I beleue fermlie, thou not addrest
Sa large fludis, but goddis authorite
Nor Stix thys laik, for til ouerswym quod he
[Page cxxxiii] Quhen that he had, thir wordis said expres
Sic ansuere made to him, the prophetes
Palimurus quod scho, thou sary syre
Quhiddir is becummyn, sic vndantit desire
To the and feirs, wyl sa vnresonabill
Wenis thou vnerdit, now and thus vnabil
Ouer stix the hellis pule, sic wise to fare
And grislie fludis, about quham doith repare
Thir dredely furyis, to behald and se
Vncallit on the ȝound, bray wald thou be
Decist and ceis, to weyne with thy prayere
The goddis decrete, that thou may brek stere
Bot now imprent, in thy remembrance
This wordis in solace, of thy hard chance
Quhare thy body is, at this time present
For fere tharof, the pepil adiacent
By wounder takinnis, from the heuins schaw
Constrenit sall by graif, thy banis law
And on thi corpis, erect ane sepulture
Doing tharto solemnit, funerale cure
Palinurus to name, that place for thy
Sall bere, and clepit be perpetualy
With thir wordis, asswageing his heuie thocht
And fra his sorouful hart, as that he mocht
Sum dele expellit, has the dolorus care
Reiosit of the ground, his surname bare
Quharfore Eneas, and Sibill baith tway
As thay begining had, held furth that way.
Ouer stix that flude / how that Enee dyd fare
And Cerberus in caue / herd ȝell and rare
AND as thay gan approch, towart the flude
This churlich boteman, on stix quhare he stude
Als swith as he persauit, thame cum sua
Throw the derne wod, and draw nerrer the bra
[Page] Fyrst with sic bustuous wordis, he tham gret
And but offence, gan thame chiding thus plet
Quhat euer thou be, that cummis enarmyt so
Towart our fludis, quhidder etlis thou go
For quhat causis, come thou hidder tell me tyte
Stand still thare, as thou art with mekle syte
Preis no forther, for this is the hale richt
Of gaystis schaddois, slepe and douerit mycht
Vnlefull war, and ane forbiddin thing
Within this passingear, ouer stix to bring
Ony leuand wicht, certis in mine entent
I am not glade, ȝit of the last sa went
Nor that I cariyt Hercules, ouer this laik
Ne theseus, and pirocheus his mayk
All thocht thay war cummyn of goddis linnage
And vnuisibill of strenth, and vassyllage
For this ilk Hercules, with his stalwart handis
The grym warden of hel, strenȝe [...]s in bandis
And him drew trymbling, from the kinges trone
The tothir twa grete violence, wald haue done
The fresche proserpine, plutis lady gay
Furth of hir bour begouth, to lede away
To him agane this, ansuere made expres
Of Amphrisia phebus, prophetes
Do al suspicioun, furth of thy consait
Here is quod sche, na sic gile nor dissait
Na violence our wappinnis, dois pretend
Wele likis vs it dois, vs not offend
Thoch in his caue ȝour, hidduous portare
ȝou land effray the dede, gaistis euermare
We stand content, It suffyce vs alsua
That thay remane, the chaist proserpina
Within hir fader brotheris, boundis and ring
Bot here is cummin, of king troas of spryng
[Page cxviii] Eneas ful of piete, and knychthede
To wesy his louit fader, quihilk is dede
Discend to the law, skuggis of hell
Of syc grete vertew and piete, quhilk I tell
Gif na considerance, may the moue quod sche
At leist thou knawis, the goldin gra [...]t tre
And with that word; the branche sthawand vndid
That priuely vnder hir cloke, was hid
The rageand hert, ful of wraith and ire
Than wox appesit, of this laithly schyre
And but ma wordis, or langer delay
Awounderit of the present, fresche and gay
This fatall wand, sa precius was I mene
That he tofore ane lang time, had not sene
His wattry hewit bote, haw as the se
Towart thame turnis, and addressis he
And gan approch, vnto the bra in haist
Syne vthir saulis, expellis has and chaist
Furth of his bate, quhilk sat endlangis the wale
He strekis sone his airis, and grathis his sale
And tharwith al the big, wichty Enee
Within his weschel bodum, ressauis he
Vnder the paysand, and the heuy targe
Gan grane or geig, the euil ionit barge
Sa ful of riftis, and with lekkis perbreik
Sche suppit, huge wattir of the leik
Bot at the last, out ouer the flude ȝit than
Saiflie sche brocht bayth, prophetes and man
And furth thame set amyde the foule glare
Among the fauth rissis, hersk and stare
Terberus the hiddious, hound that regioun
Fordynnys, berkand with thre mouthis soun
Vnmesurabill in his caue, quhare he lay
Rycht ouer forgane, thame an the hie way
[...]
[...]
[Page] Quham til the prophetes behald how in hie
His nek wox of edderis, all griselie
Ane sop stepit in till honyals fast
And of enchantit cornes made gan cast
For hunger wod he, gapis with throttis thre
Swith swelliand, that morsel raucht had sche
And tho his terribil body, with ane rerd
He tumblis ouer, ligging on the erd
Of huge stature and felloune quantite
Ouer all the caue, furth strekit him has he
The cyrculate wayes in hell Eneas saw
And fand quene Dido in the myr tre schaw.
THus quhill the portar; in slepe soupit lyis
The entre tho, Eneas occupyis
And ouer the fludis bank, full swiftly sprent
Quhais passage,
Of the nyne cirkillis of hell.
is ouerturnabill wentAnone thay hard cere vosis lamentabill
Grete walyng, quhimpering and spreuthis lamentabill
In the first cirkill, or the vteir ward
ȝoung babbis saulis,
The ȝoung children hath the first place.
weping sare thay herdQuham the hasty and blak, dulefull day
Soukand thare moderis panpe, had reft away
Fro the sweit lyfe, twinnit vntimuslie
As carefull corps plungit, in graue galy
Nixt thame the secund place,
The .ii. cirkill be of them that war put saikles to dethe.
thay felkis hasWrang wisly put to dede, for cryme saikles
Nor sekirly thir setis, to ilk wycht
War not assignit, but iuge dome and richt
For king Mynes inquisitour, and iustice
The fatale vrne, and ballance at deuise
Reulis equale and be discrecioun steris
To counsale and to iugement, as efferis
The sylly goistis callis, in that secrete cage
Bayth of thare lyfe and crymes, takand knawlage
[Page cxxxv] Syne eftir thir, all sory and full of care
The thrid place haldis, and sall euermare
Giltles folk that for disdene wo or fede
With thare handis wrocht,
The third cyrkil is of them that [...] them selfis.
thare selfe to dedeAnd irkit of thare lyfe, that thay war in
Thare sueit saulis, made fra the body twyn
O quhat penurite, and hard distres in fere
Wald thay now suffer, to be in this warld here
Bot the fatis and goddis, decrete gane standis
That thay returne, may neuir in to ther landis
The wofull pule, with watter thame vnlufly
Withaldis thame so than, thay may not ga by
And stix the flude, belappis thame about
Nyne tymes so clois,
The [...]. cyrkyll schawis them that for immoderat loue perisched
that they may neuir wyn outNot fer from thens widequhare on euery syde
Thay mycht behald the large feildis wyde
And boundis of complante, all vode of licht
Sa bene thay clepit, propirly at rycht
Quharin war all by strang luf, in thare dayis
With sic cruell infectioun, wastit away is
The hiddils held thay, and the roddis derne
Ane myrtre wod, about thame loukit ȝarne
Thare paneful masing, of thare heuy thoch
Eftir thare dede also forȝet thay nocht
Thare was phedra, the spous of Thesius
And poirus eik, the wyfe of Cephalus
In that ilk stede was trist, Eriphilce
Hir cruel sonnis, woundis schewis sche
Euadne he beheld, and laodomia
And Pasiphe in fallouschip with tha
And Ceneus first ane wenche, and [...]ine ane man
In hir auld schape, eftir dede changeit than
Amang vtheris, the phenissiane Dido
Within the grete wod, walkis to and fro
[Page] The grene wound gapand, in hir breist all new
Quham as the troiane baroun, nerrer drewe
And throw the dirk schadois, first did knaw
Sic wise as quhay, throweluddy skyis saw
Or at the leist wenys, he dois se
The new mone, quhen first vpwaxis sche
The teris lete he fall, and tendirly
With hertlie lufe, begrette hir thus in hy
O fey dido,
Eneas oracyone to Dydo quene of Carthage purgyng hymtself of hir dede.
sen I persaue the heirAne fouir warning, now I knaw full clere
Was schewin me, that thou with swerd was slaw
Bereft thy selfe the life, and brocht of daw
Allace I was the causer, of thy dede
By all the sternes schynes, aboue our hede
And be the goddis aboue, to the I swere
And be the faith and laute, gif ony here
Treuth may befund, depe vndererd (quod he)
Magre my will princes, s [...] mote I the
From thy coistis depart, I was constrenit
Be the commandementis, of the goddis vnfenite
Quhais grete mychtis, has me hidder driue
To pas throw out the dirk schaddois beliue
By gousty placis welfche sauorit moist, and hare
Quhare profound, nycht perpetualie doith repere
Compellit from the for to disseuer
Nor in mynde ymagine, mycht I neuer
For my departing, or abscence I wys
Thou suldelst caucht sa grete difeis, as thys
Do stynt thy pais, abide thou gentill wicht
Withdraw the not, sa sone out of my sycht
Quham fleis thou, this is the latter day
By wourdis schap, that with the speik I may
Wish sic wourdis, Eneas full of wo
Sett him to meis the sprete of quene dido
[Page cxxx] Quhilk all inflammit, ful of wrath and ire
With acwart luke, and glowand hate as fyre
Made him to wepe, and sched ouer teris wak
And fremmitly fra wart him, as he spak
Hir ene affixt, apoun the ground held sche
Mouing na mare, hir curage face nor bre
Than sche had bene, ane statewe of marbyl stane
Or ane ferme rolk, of mont morpesiane
Bot finalie ful swift, sche wiskit away
Agreuit fled in the derne, woddis gray
Quhare as Sicheus, hir first spous ful sure
Corispondis to hir desire, and cure
Rendring in luf amouris, equiualent
And neuertheles, fast eftir hir furth sprent
Enee pexplexit, of hir sory cace
And weping gan hir follow, ane wele large space
Regrettand in his mind, and had piete
Of the distres, that mouit hir to fle
¶ The warde of wourthy weremen now Enee
Beheld and here with deiphebus spak he
WIth all his spede, fra thens he tuke the gate
That was vntill him grantit,
Thev. cirkil contens valȝeand & nobil captans of warre
by his fateAnd sone thay warren, cummin to the plane
And lattir wardis, quharein dois remane
Vailȝeand folkis, in feildis and cheuelrie
Tha secrete steddis, hantand, by and by
Here him recounterit, partanopeus
And in till armes, vailȝeant Tedeus
The paile goist, eik of adrastus the kyng
Thare saw he als, with huge grete and murning
In middil erd oft menit, thir troyanis
Duryng the sege, that in battil slane is
Quham as he gan behald wid, quhare onraw
Full tendirly complening, thare [...]e saw
[Page] Glaucus, Medontus, and Thersilotus
Anthenoris thre sonnis, and polibetus
Vnto the goddes, Ceres consecrate
Ideus saw he, in his auld estate
Baith reuland ȝit his cart, and wapynnis weldand
Vnto Eneas left syde, and rychthand
The saulis flokkis circulate in ane rout
Not sufficit thame, to spy him onis about
Bot desiring, he taryit euermare
Furth with him, to walkin and repare
Wele lykis thame towart him, fast to thryng
And to inquire the caus, of his cumming
The nobillis eik of grekis, one by one
With the grete routis, of Agamen [...]ne
Als sone as thay, the stalwart troiane saw
In bricht armour, amyd the schaddois law
Gretelie efferde, war smyte with felloun drede
Sum gaif the bak, tak and the flycht gude spede
As quhilum thay, vnto thare schippis socht
Sum rasit ane cry, with wake voce as thay mocht
Bot al for nocht, thare clamour was ful skant
The soundis brak, with gaspyng or ane gant
Syne Diephebus, quhilum armip [...]oent
Kyng Priamus son, with body tor and rent
Thare he beheld ane cruell maglit face
His visage menȝete, and baith his handis alace
His halfhedis spulȝeit, of stowit his eris tua
By schamefull wound, his ne [...]s cuttit away
With grete difficulte, he him skarslie knew
Trimbling for lak, estham [...]t rede of hew
As that he micht handand, his felloun woundis
Vndemandyt, with freindly wourdis and so [...]ndis
Enee him gret, sayand of gret renoun▪
Deiphebus, armipotent campioun▪
[Page cxxxvi] Quha has alas the, martyryt sa and slane
By sa cruell tormentis,
A communication betuix Eneas and Deiphebus.
and hydduos paneHou euer was any, sufferit the sa to dicht
It was me tald, of troy the lattir nycht
Thou wery, and forfothin, in that stede
For sa feil grekis, be thy dyntis ded
Aboue the heide of dede corps, ouer ane
Fell doun forbled, thare standing them allane
Than I my selfe, fra this was to me schaw
Doun at the nes richt, by the coistis law
Ane voce tumb rasit, and with loude voce thryis
Apoun the wrachis, and wanderand gaistis cryis
Thy armes and thy name, that place doith hald
My freynd thy body, couth I not behald
Nor fynd, thocht I wald it haue grauiteft
The time quen I, our natyue cuntre left
King Priamus son made answere, foith is it
Na thing my dere frende, did thou pretermyt
All that thou aucht, to Deiphebus ilk dele
Thou has perfurnist, worthely and wele
As to my beryall, and sprete apertenyt
Bot my hard fatis, war wars than thou wenyt
For the detestabyll cursyt wykkitnes
Of Helena born in latena, I ges
Has me inuoluit, in thir harmes ȝe se
Thir ar hir last luf, drowryis left wyth me
Full wele thou wate, how that the lattir nycht
In fals myrthis, we spendit euery wycht
Alace the quhyle, our grete matter of care
Behuffis vs hald, in memor euermare
Quhen that the fatal hors, to our ennoy
Come speland, ouer the hie wallis of troy
Wyth belly chargit full of army t [...]men
That strang lurdane than, quham wele we ken
[Page] The troiane matronis, [...]edis in ane ring
Fenȝeand to bachus, feist and karoling
Amiddis all the laif, ane grete firebrand
Birnand full clere, scho haldis in hir hand
Quhare with out, of the maister strete of troy
The grekis did scho, bekin and conuoy
This ilk time, me with heuy curis lang
O firksum were, and sad stummeris strang
Oppressit for my walking mony fald
For my fey cha [...]mer, gan my body hald
Fordouerit as I lay, into that stede
In sueit profound rest, of slepe like soft dede
That notabill spous, furth of hir lugeing place
The mene sessoun, all armour did arrace
My traisty swerd, fra vnder my hede away
Stall scho, and in the place brocht mene lay
The chalmer durris, opinnit scho in hy
Wening to wirk, ane hie plesere tharby
To hir first luffare, and hir auld schaine
Tharethrow to quenche, and recouer gud name▪
Quhat suld I tary, or ȝou langar hald
The grek is ruschit, in the chalmer thik fald
Amang all vtheris, samin thidder spedis
That schrew prouokare, of all wikkit dedis
Eolus neuo, cursit vlixes s [...]e
On sic like wise as thare, thay did with me
Grete goddis mote the grekis recompens
Gif I may thig ane vengeance, but offens
Bot say me this agane freind alltogidder
Quhat auenture has brocht the leuand hidder
Quhidder wauit wilsum, by storme of the sey
Or at command of goddis, cum thou, quod he
Or quhat fort [...]un, do [...]th the cache or stere
[Page cxxxii] That to thys sory hald thou cummis here
To vesy this troublit, dim regioun
Quhare euer is nicht, and neuer son ȝit schone
Sibilla carpand / till Enee can tell
The tormentis of depe drery panefull hell
THe tyme that they thus carpit to and fra
Hir rosy charyore, the fresch aurora
Amydwart of the heuynnys, assyltre
Begouth for to vproll, and rais on hye
The myd declynyng of hir cours, was went
And thay percase, on sic wyse, mycht haue spent
The tyme complete was, for thare Iornay grant
Bot sone him warnis, Sibilla the sant
His trew marrow, gan schortly to him say
The nycht Eneas, slides fast away
Wepyne the houris, we consume and waist
Here is the place,
Two placis in hell one for the plesor of gud men / ane vthir for the punisment of euell▪
quhare our passage in hastDepertit is and s [...]hed, in stretis tuane
This way towart the richt hand strekis plane
To the hie wallis, of schir Ditis king
It is our reddy went, quhilk sall vs bring
Vnto the plesand plane, of Elisee
This vther gate, in the left hand ȝe se
Conuayis vnto the stede, of fell torment
Quhare dampnit schrewis, in Tartarus ar sent
In woful pyt, perpetual to remane
Than deiphebus, maid this ansuere agane
Beis not aggreuit, souerane now I pray
I sall no langar, duell bot go my way
I sall complete my nomber, furth quod he
And to dim schadowis, rendir sall I be
Pas on pas on, our wourschip and renown
Mare proser chance, to hant now mak the boun
Thus fer spak deiphebus, and with that saw
[Page] About tunit his paisand gan withdraw
Eneas blent him, by and suddanly
Vnder ane rolk,
The .vi. cirkyll ordeyned for punisment of wykkyt pepyll.
at the left side did spyAne wounder large castell, strang and stout
With wallis thrinfald, lappit round about
Quham the gristie, Tartariane flagitone
That rauenus flude, closis inuirone
With water blesand, brym in fyry low
And rolland stanis, Rumland depe in how
The porte in forefront, was full huge grete
Of ferme adamant, war the pillaris bete
Sa that na fors of men, mycht thame doune myne
Nor ȝit the strench of goddis, with strang engyne
Ane irne toure stude, beildit wounder hie
Quhilk semyt, for to reik vp in the skye
Thesiphon that furious, monstoure wilde
In bludy cape reuestit, and ouer silde
Sittis kepand but slepe, bayth nycht and day
That sory entre, and this porche alway
Tho begouth thay first, in this s [...]ede to here
Murnyng gouling, and granyng with dulfull bere
Fele cruell strakis smytyn her thay sound
Frasing of Irne fetteris, and chenȝeis round
Enee gan him arreist, in mynd within
All abasit herkynnand, this ferefull dyn
O haly virgine say thou furth quod he
Quhat kynd of grisly, torment may this be
In quhat punytioun panys, and distres
Bene saulis ȝonder strenȝeit, prophetes
Quhat menys this brute weping, and wofull cryis
With sic waling semys, fordy [...] the skyis
Sibilla thus begouth, ansuere agane
O wourschipfull, and gentil duke Troyane
It is not lesum to ane, innocent wicht
With in the boundis, of wikkitnes vnricht
[Page cxxxviii] To entir nor attene, to nere that ȝet
Bot the first tyme proserpyne made and sett
Me maistres of auerne hir hallowit schaw
The goddis tormentis, gan scho to me scaw
And me conuoyit thare throw,
Rhadamā thus iuge
euery stedeThis maist dolorus realme, to stere and lede
Has Rhadamanthus vmquhile, of Crete king
Haldand maist scharp, and fare lawis in his ring
Chastiand folkis, speris thare offence expres
By torment thame compellis, thare cryme cenfes
Synnys committit, abone in the erd
Quhen ony ioy and to thare awin wanwerde
Bot proffyt dois consele, hide or delay
Vnamendit, quhil dedis lattir day
Sic wikkit, and condempnit wichtis al tyte
As thay come in that dolly pyt, of syte
Thesiphone, the wrekare of misdedis
With quhip in hand, al reddy fasthir spedis
All to assale, to skurge tor and bete
And with hir left hand, terribil edderis grete
Thik at thame swakkis, sine to pyne thame doth call
Of fell torment, the rout of sisteris all
And tho that last with horrible, soundis thrist
Thay waryit portis, Iargand on the hirst
Warpit vp brade lo ȝounder, may thou se
Quhat kynd wardane sittis, in the porth quod sche
And how terribill of continance and chere
Thou hir behaldis, kepis the entre here
Ane mare ferefull monstoure, and mare fel
Ane vgly serpent, sittis, within ȝone hell
With fyfty hidduous, blak throtis gapand
And forther eik, ȝone tartarus ay trymland
Quhilk is of hel, the depe dungeoun and pyt
Dippis twyis als hol, doun I lat the wyt
[Page] Semyng so law, vnder the erth reik
As that our sycht may vp, to the heuynnis streke
Therin the ancient lynnage, of erde
Thir gyantis hate, Tytanas be vnwerde
With thunderus blast, doun smytin and ouer thraw
Ar warpit in ȝone pottis, boddum law
Thare saw I eik alois, twynnys twane
Ochus and Aphialtes, brethir germane
With huge bodyis, that pressit doun to rent
With thare handis, the large firmament
And by thare force begouth, expel the king
Hie Iupiter furth of his heumly ryng
Thare I beheld, salmonius alsua
In cruel torment sufferand, mekil wa
For that he gan, to counterfete him cast
Grete Iouyis fire, and heuenly thunderis last
By horssis foure, fourth rollit was hys chare
Secrete condittis, of fyre smytand sare
Throw out the pepyl, of grece and archaid
Amyd the ciete of Elis, blyith and glaid
Proude and haltand, in hys hert walkit he
And as ane god, bad honorit he suld be
For that in tyl hys dotage, and fule hete
By sound of brays, and stampand stedis fete
He made him for to feyne, ane simylytude
Of cluddis blak, and rumland thunder rude
Quhylk on na wyse, aucht to be counterfete
Bot the hye fader almychty, from hes sete
Throw thick cluddys, at hym hys darte dyd draw
Nowthir blak fyre bran, nor reky flambys law
Bot suddanely, wyth ane fel bleis of thunder
Threw hym to ground, and smate hym al in sunder
To tytios thare was, I schawin in dede
With body speldit, nyne akir on brede
[Page cxxv] That foster child, vmquhile was clepe and call
Vnto the erth, quhilk moder is of all
Ane hidduous gripe, with bustuous bowland beik
His mawe Immortall, doth pike and ouer reik
His bludy bowellis torring, with huge paine
Furth renting all his fude, to fang full fane
Vnder his coist holkand, in vaile lawe
And sparis not to rug riffe, and gnaw
All that the entrelles springis, now Ilk day
Thay gette na rest, the foule had there his pray
quhat suld I rekkin that pepill of thessaly
That lapitas ar, hait throu gluttony
Distroyit all, of Ixion to tell
Or pirothus, quhat nedis langar duell
Aboue quham hingis,
He signyfies tirannis lyfis to be vncertane ful of fear and not durabyl.
blak, quhyn stanis greteAye semand reddy to fall, and them to bete
Before Tantulus, and ane vthir sorte
The goldin triflis schynand standis ouer thorte
Vnder riche tabillis, dicht for maniory
Quharon forgane, thare face is fett reddy
All dantyis langand, till ane kingis feist
Bot ane of the gretest furies, gan arreist
Sittand thirby, and hunger in thaym blawis
And netheles that handes, scho withdrawis
So that the masts, twithing dar thay nocht
As that thay mynt therto than all on flocht
With hait firebrandis in hand, ther dois sche rise
Fleis thaym with flambe, grym luke and vgly cryis
Thay bene also within, ȝone pitte torment
Quhilik at ther brethir,
Vngodly fals / and in wifull personnis.
inuy had or haitrentQuhill that thay leuit, in this present lyfe
And thai quham by throw thar deray and stryffe
Thare faderis warren chastin exile
All thay that ony falset, slicht, or gile
[Page] Aganis thare seruandis,
Couetous peopyll.
or familiars wrochtAnd thay that onlie setting, all thare thocht
Apoun thare riches, quhilk wonnyug thay haue
Tuke not thare nedis therof, nor na man gaif
Of quham ȝonder bene, ane full huge rout
And all thay for adultry,
Adultereris brekaris of wedloke and promises.
schent but doutAnd thay that mouit wrangwis, bataile or were
Thay not eschamyt, thare promis to forswere
Brekand lawty plicht, in his lordis hand
All sic inclusit ar ȝounder, abidand
Euery day new panis perpetualie
Spere not at me, for not declare can I
Quhat diuers kindis of torment, ȝounder thole thay
Nor ȝit quhat sorte of pa [...]e, is depute ay
For ilk trespas to rekkin, I tak na kepe
Quhat misfortoun, thame plungis in ȝone depe
For sum welteris ane grete, stane vp ane bra
Of quhom the noumer is, Sisiphus ane of tha
On quhelis spakis speldit vtheris hingis
The maist wrechit of all, princis and kingis
Phlegias vmquhile, king of thessaly
All mortall wichtis,
A gud concall of phlegias for al princes to do iustice to all men.
admonissis with his cryAnd loude voce, throu the dirk awitnessing
By myne exempill, all vtheris prince and king
Lernes quod he, to hant iustice and richt
And not contempne, the goddis strench and mycht
Thare s [...]tis eik, and sall sit euermare
They fey vnhappy, theseus full of care
Sum ȝonder bene,
Tratouris that betrasis thar natiue countre for money.
for reddy, gold in handSald and betrasit thare natiue, realme and land
And therin brocht ane, mychty tyrant strang
Sum vtheris eik for price, or mede to fang
That lauis made and vnmade, as thame list
Tharebene also full sorowfull, and thrist
[Page cxl] Thay quhilkis thare dochteris,
Wickyt & vnchaist peopyll
chalmeris violeteOr hauand na regarde, to thare estate
Forbodin or incestuus, mariage
Gan hanting by vndanting, lustis rage
And schortlie all durst ymagine or cumpace
Maisterfull wrang, myscheif or wikkitnes
Or ony sic consate brocht to effeck
Here euirmare the charge, lyis in thare neck
All thocht ane hundreth scharp tungis had I
Ane hundreth mouthis, for to clepe and cry
Thareto my voce war strang, as Irne or steile
All kynd of vicis to comprehend, half dele
Nor all the names of tormentis, and of panis
I mycht not rekin that, in ȝone hald remanis
¶ How finally Sibilla \ and Enee
Come to the plesand plane of Elisee
FRa that the anciant Nun, of dame Phebus
Thir wourdis endit, and had spokin thus
Haue done (quod fcho, tak thy way expres
Performe thy werk, thou beginning has
Spede vs fordwart, for ȝounder lo I se
Of plutois chymes, the big walks hie
Forgeit of Irno, full craftely and bet
Be the Ciclopes, furth of thare furnes het
Eik I behald, lo here forgane ouer face
Thay portis with thare stalwart, bow or brace
Quhare oure instructioun, teichis vs full plane
This pressand thare, to leif and goldin grane
Thus said [...]che, and anone therwith bayth tway
Gan walkin furth▪ thro [...] out the dern way
And sone ouer passit, has the myddil space
Approcheing to the portis, of that place
Eneas ba [...]dly sprang, in at the ȝet
His body [...], or ane litill weet
[Page] And with clere spring and watter, ran ther by
Forgane thaym eik, at the entre in hy
The goldin branche, he stekis vp fare and wele,
This beand done at last, and euery dele
Prefurnist langing, the goddis gift gay
Vnto ane plesand gr [...]nd, [...] ar thay
With battell gers, fresche herbis and gre [...] swardis
The lusty orchartis, and the halesum ȝardis
Of happy saules, and wele fortunate
To blissit withtis, the places preparate
Thir feildis bene largeare, and heui [...]s bricht
Reuestis thaym with purpoure, schyn and lycht
The sternes for this place, conuenient
Knawis wele thare son, and obseruis this went
Sum thare amyd, the gersy planis grene
In to palestrall playis, thaym betuene▪
Thare membris gan exerce, and hand for hand
Thay fall to wersling, on the goldin sand
Assayand honest gammis, thayr to schorte
Sum vthir hanting gan, ane vthir sporte
Als for to dansing, and to lede the ring
To sing ballettes, and go in karolling
Thare was also the preist, and menstra [...]e sle
Orpheus of trace, in syde rob harpand he
Playand proporcions, and springis diuine
Apoun his harp, seuin diuers soundis fyne
Now with gymp fyngeris, doing stringis smyte
And now with subtell euore, poyntalis lite
Here was the noble kyn, and ancian [...] [...]
The maist douchty lynnage, sprang be kynd
Fra king tewcer, campions souerane
In to mare happy ȝer [...]s, borne Ilkane
Thare was Ilus, and eik assoratus
And the begynnar of troy, schir Darnanus
[Page cxlii] On fer eneas, and als Sibilla
Awounderit war, and maruellis baith tua
The armour and the men, for to behald
And vode Chariotis, of thir chiftanis bald
Thare speris stikkyng in the erd did stand
Wide quhare all lous, ouer feildis and the land
Pasturit thare hors, rakand thame fast by
For quhat plesour of armes, or cheuerely
Or quhat cure to addres, thare cart or wedis
To feding and to dant, thare sleyk swale stedis
Thay hantit, quhil thay leuit here on lyffe
The samyn solace, be thay man or wyffe
ȝit doith thame follow, vnder the erd stad
And lo ane vthir sorte, full blyth and glad
On athir hand, behaldis Eneas
At banket on the grene, herbis set was
In louing of the goddis, Ioyusly
Imis of pryce, tryumphe and victory
And singand glade togiddir, in falouschip
And pryncipally, Appollo to wourschip
Within ane vode, of laurere grene thay duell
Fragrant of sueit odour, and halesum smell
Quharthrou the schawis, schene in strandis sere
Eridanus, the heuinly reuer clere
Flowis contirmont, and vpwart to the lift
Wythin this place,
Nobil men Quhilk get ther awin lyfes for ther natyf countre.
in al plesour and thryftOf hale the pussance, quhilkis in iust battell
Slane in defence, of thare kynd cuntre fel
And all thare preistis, and religious wichtis
Quhilk leuit chaist clene life, as to tham richt is
And al godlike deuote, prophetis trew
That soithfast thyng,
Godly and lerned pristis prophetes and gud religious men.
wourthy to phebus schewAnd thay quhilk by that craftis, or science fyne
Fund by that subtel knawelege, and ingyne
[Page] Thare lyfe Illumynate, and anornit clere
And thare be meritabill dedis, and giftis sere
That mare vtheris held thaym, in memorie
Of al thir war, the tempillis by and by
Arrayit wyth ane fresch garland, snaw quhyte
And as thay flokit, about Enee als tyte
Sicwyse on to thaym, carpit Sibilla
Bot principal, to Museus, ane of tha
Was sted amyddis of the mekyl rout
As scho beheld him with big schulderis stout
O ȝe sa happy saulis, tellith me
And thou maist souerane poet sche, quod sche
In quhat regioun, and place, ben Anchises
Hidder for his saik, we come, and with grete preis
Has ouer-salit of hel, the grete fludis
This rial lord, in few wordis concludis
And ansuerit thus, freyndis certane duelling nane
In thys cuntre haue, bot al ouer ane
Walkis and lugeis, in thir schene wod schawis
Endlang thir riuer bankis, al one rawis
Thir bene our setis, and beddis of fresche flouris
In soft bene medois, by clere strandis al houris
Our habitatioun is, and residence
Bot gif ȝour mynd, langis to haue presence
Of Anchises, pas vp ȝone swyre, fute hate
And I sal ȝou lichtlie, in the hye way set
And sayand thus before thaym, furth went he
And can thaym schaw, apoun the hyl on hye
The schenand planis, ful of al plesance
Agane returnis be, and thay auance
From thyne discending, from the hyllis hycht
Quhare at the last thay, of anchises ga [...] ane sych [...]
¶ How that Eneas wyth hys fader met
And athir vthir wyth freyndly wourdys gret.
[Page cxliii] THe mene sesoun, this Anchises the prince
In til ane woundir grene vale, ful of sence
Saulis inclusit, quhilkis war for to wend
To myddill erd, and thare in bodyis ascend
Gan rekin, and beheld ententfully
Alhale the nowmer, of his genology
Thare fatis and thare fortouns euery gre
The nobil actis, of ther posterite
Thare condicouns thare strenth, and hardymen [...]
And sone as he persauis, quhare thay went
Forgane hym cummand, throw gressy swarde
His derrest son Enee, with hasty farde
Baith hys handis Ioyful, furth straucht he than
The teris trigling,
A louely cō municatiō betuix anchyses and Eneas.
ouer his chekis ranAnd fra his mouth, slidis thir wourdis myld
Thou art cummin, at the last my dere child
Thy grete piete, and kyndnes weile expert
Vnto thy fader, causit the and gert
This hard viage, vincus and ouer set
Quhat is it grantit me, hasal I get
Ane verray sicht, luffit son of thy face
And grantit vs to carpe, or talk ane space
To here and rendir, freyndlie wordis knaw
Within my mynd ymaginit I on raw
Sa suld betid, and wele beleuit I
Thou was to cum, and the tyme by and by
I calculit and comptit, quhen that suld be
And my consait, has not dissauit me
O god how throw fele landis, brad and large
How mony seyis, ouer caryit in thy barge
Eftir how feile dangeres, wyth storme oft schaik
I now re [...]sauit the here dere son, allake
How gretely drede I of Libie, that reyng
Suld the haue henderit, and harmyt in sum thyng
Eneas ansueris fader, thy drery goist
[Page] Sa oft apperand, maid me seik this coist
In thi [...]reane sey, abidis ouer nauy
Grant me fader now, grant me now by and by
We athir may, with vthir handis schaike
Fra myne embrasing, with draw the not allake
And sayand thus, tenderly wepit he
Baything his face, in teris grete plente
On thys wyse talkyng, or thir wourdis cessit
With hys lang armes, thryis Eneas pressit
About his hals, him til haue belappit
And thryis in vane, his handdis togiddir clappit
The figure fled, as licht wynd or son beme
Or maist likely▪ ane wauerand slepe or dreme
During his tyme, Eneas gan aduert
Within ane vail, fer thens closit apart
Quhare stud ane wod, with schoutand bewis schene
The flud lethe flowand, throwethe fare grene
About the quhilk pepil vnnowmerabil
And silly saulis, fleis fast but fabil
Quhill al the feildis,
The .viii. cyrkyll of punisched saulis.
of thare dyn refoundis.Lyke as in medeuis, and fresche flurist, boundis
The bussy beis, in schene, someris tyde
On diners cullourit flouris, skalit wyde
Flokkis about, the blumyt lyllyis quhyte
And vtheris fragrant, blosummes redymyte
Mysknawing quhat this, mynt Eneas wicht
Become abasit, of that suddane sycht
And gan inquire the causis of thys case
Quhat war thay fludis, fer before his face
Or quhat bene thay men, in [...]
With sa grete fard flokkit, to athir bra
Tho quod hys fader, Anchises, al ȝone be
Thay saulis, quham to by the fatis hie
Bene vthir bodyis eftir this Ischape
[Page cxliiii] At ȝone riuer, and the flude Lethee
The sikkir watter, but curis traist me
Qnharby obliuius, becum thay als tyte
Forȝetting pane by past, and langsum syte
Forsoith I purpois, furthwith to declare
And schaw before thy face, now standand thare
The saulis al, and nowmer in thy presence
Quhilkis ar to cum of my stok, and discence
So that the mare glaidly, with me tharby
Thou may reioyce, to haue found Italy
O fader quod Eneas,
Pithagorus van [...] opinion of the transformacion of saulis in new bodies agan.
quhidder or nayIs that to be beleuit, that ȝe say
That souerane saulis, from this place sall wend
Vnto the warld aboue, or erd discend
Quhy may thou not, in this sueit stede remane
Bot sall returne, in slaw bodyis agane
Quhat cursit catiue, causit wretchit wychtis
Sa to desyre or luf, our drery lichtis
I sall the schaw, forsoith the caus quod he
My dirrest son, and sall no wyse hald the
Thochtful in mynd, na doutsum by no way
Tharewyth anchises, bayth hys ene tway
Gan lyften vp, and towart heuin behald
And euery thyng per, ordour thus he tald
¶ The sere punytion / of saulis syndrye
And how thay passe / syne to the flude lethee.
FRa the begynnyng,
Philosophicall sayingis of god and his hye prouidēce.
al thyng les and mareThe fyry regioun, the erth and the are
The plane flowand, boundis of the se
The lichtnyt monys, lamp that lemis hye
The heuinnys sternes, and brycht sonnys ball
Ane sprete thare is, within sustenis all
In euery part the hie, wysdome deuyne
Diffoundit mouys thys, warldis hale ingyne
[Page] And by his power mydlit, is ouer all
The mekill body clepet, vniuersale
Fra thais infusioun and thir, elementis sere
Baith kynd of man and beist cumys, but were
All leuing foulis, fleing in the are
All fischis and monsteris, doith repare
Vnder the slekit se, of marbel hew
Ane hate fyry power, warme and dew
Heuinly begynnyng, and original
Bene in thare sedis, quhilkis we saules cal
Sa fer, as that thir noysum bodyis cauld
Not taryis thaym thare fra, nor dois withhald
Nor withdrawis from, souerane heuinly kynd
Thare erdly lymmys, nor ȝit thare Irksum mynd
Throw thare mortal membris, euer dede like
Dullith thare curage, and thare spretis godlike
Fra the quhilk cummys, to al mankynd that thay
Dredis desiris murnys, or Ioys aye
Nor in the dirk mansioun, nor prefoun blynd
Of thir▪ wile bodyis, yfetterit and blynd
The saulis thare cleyne nature, may attend
Sa fer that al eftir, the lattir end
Quhen that the saul, disseuerit fra the body
Than natheles, nor ȝit ar fullely
All harme nor cryme, from wrachit saulis seperate
Nor auld infectioun, cum of the body late
And thus alu [...]erly, it is nedeful thyng
The mony vicis, lang tyme enduryng
C [...]ntrakkit in the corpis, be don away
And purgit on sere, wounderful wyfe to [...]ay
That thay suffer panis, and torment
For thare Inueterate vicis, ald by went
By punytioun satisfactioun to make
Sum stentit bene in wisnand, wyndis ake
[Page cxlv] Of sum the cryme, committit clengit be
Vnder the watter or depe hidduous se
And in the fyre, the gilt of vthir sum
Is purifyit and clengit, al and sum
Ilkane of vs, his ganand purgatory
Mon suffir, and fra thyne ar send in hy
Vnto the large feildis,
The ix cirkyll of blessed pepyll.
of EliseeThare bene of vs, nane bot ane few menȝe
Quhilkis cummis, to inhabit and remanis
But ony purgyn, in thir ioyful planis
And bere mon duel, quhil that the lang day
Be perfyte cours of tyme, has done away
The spot of fylth, hardynnyt in the sprete
For that it fand, sum tyme the body sueit
And quhil it be purifyit, and fynd
Na thyng remane, but ane clene heuinly mynd
And subtel pure flamb celestial
Thir vthir saulis, quhilk bene purgyt al
Efter thay haue, within thir planis here
Be cirkil rollit ouer ane, thousand ȝere
God callis thaym vnto this flude lethe
With felloun ferd, in nowmer as ȝe [...]e
To that effect, that thay myndles becum
Baith of plesoure and panis al and sum
Langing agane, the warld aboue to se
And gan begyn desire, baith he and he
In bodyis ȝit, for to returne agane
Thus said anchises,
A eloquent digressiō to the remane historyes
and therwith bayth twaneHis son and eik the Prophetes Sibilla
Amyddis of that sorte flokkis to the bra
And grete routis, that with rangald in ledis he
And gan ascend, vntil ane mote on hie
Quharfra perordour, for against thame on raw
Thay mycht thayme rekkin, al and clerely knaw
[Page] Thare visage, ad thare countenance also
As that thay went, and roumyt to and fro.
¶ Anchises schawis Eneas to the end
Alhale the lynnage, sal fra hym discend.
NOw herkis me, behuffis schortly to say
Quod Anchises,
Anchises schawys hys sonne thinges to cum cōcernyng the honour of hys posteritye.
or thou depart away** And rekin our troiane ofspring, al and sum
Quhat glore and honor bets, of vs tocun
And quhat successioun, or prosperite
Of Itale freyndschip, sal discend of the
And thay illuster saulis salbe sent
Here eftir this, in name of our kinrent
Thy fatis and thy destany, also
I sal the teiche, per ordoure or thou go
Seis thou ȝone lusty springald, or ȝonker
That lenys hym, apoun his hedeles spere
The formest place, by chance doith occupy
To pas to lyfe, in ouer genology
And first sal rise, in the othir warld agane
Commyxt of the blude, Italiane
Siluius to surname,
[...]
clepit AbanusBorne eftir the deces child, posthumus
Quhom consauit, of thy anciant lynnage
Thy secund spous lauinia, wise and fage
In woddis foster, sal ane vailȝeand Kyng
And fader til al kingis, of our of spryng
Quharby our kynrent, and famil alsua
Sal ring and lordschip, hald in lang alba
ȝone is Procas,
Procas
that standis him nixt therbyOf troiane pepil, the honour and glory
Syne Capis lo,
Capis Nunitor Siluius Eneas.
and minytor bayth twaneAnd he that representis, thy name agane
Siluius, Eneas, notabil cheuellere
Ren [...]wnit bayth of piete, and of were
[Page cxlvi] Gyf euer he may his time, obtene and se
To ring in lang, Alba the ciete
Behald quhat manere, ȝoung gallandis be ȝone
How gud curage, that hert is set apoun
Quhat gude semblant, thay schaw of cheuelry
Bot ȝone with couerit hedis, by and by
With ciuile crownis, of the strang aik tre
Sall beild and found, to thy honour quod he
Momentum ciete, and gabios the toun
And fidena the ciete, of renowne
Sum in the hillis, sall set vp sine
The strenchis, and the castellis collatine
Pomecies and new castel, bayth tua
The ciete volane, and the toun Chora
Thir names fall be geuin, thame eftir thys
Quhare now but name, the land remanent is
Lo Rumulus, by martial wourschip
To his grantschir, Ioned in fallouschip
Quham of alsaratus,
[...]
blud the nobyl kingHis moder Ilia discendit, sall furth bryng
Seis thou not how, apoun thar hedis on hicht
Tua doubyle ristis, standis schinand brycht
Thare fader mars, behald the samyn hour
Has tham ymark it, with diuine honour
And to my child be ȝone, mannis proues
That glorius ciete, Rome sall so incres
Tyl hir empire, be with the erth made euin
And vertewus curage, equale to the heuin
The quhilk ciete, al round togidder sall
Seuin grete strenthis, clois within ane wall
Happy and brudy, of hir forsy of spryng
Lyke as throw out cieties, of phretis ryng
The moder of goddis, with hir towrit crown
Beretnithia caryit, fra toun to toun
[Page] Within hir chare yset, all ful of myrth
Of the goddis becaus, of hir riche byrth
Hyr hundreth childring, and posteryte
Ful tenderly in armes, enbracis sche
Alhale the heuinly, wychtis to hir behufe
And all that weildis, the hie heuin abufe
Now turnis hidder my sueit son, all bedene
The cyrkillis, and the sycht of bayth thy ene
Behald thy pepill,
C [...]sar
and thy chiefe romanisCesar Iulius, lo in ȝonder planis
And all the famell, of him Iulius
Quhilk eftir this ar to cum, traistis vs
Vnder the grete hie heuynnys, asseltre
ȝone man ȝone man, my son the sammyn is he
Quham thou oft has hard, promist or thys
Cesare august,
Augustus
Octauian IwysCum of the goddis, genology and kyn
Quhilk sall agayne, the goldin warld begyn
As vmquhile was, in tyme of saturne ald
Throw Italy ryng, bayth be fyrth and fald
And his empyre sall debate, and wynd
Ouer garamenthes, and the further ynde
The landis lyis, without the sternes bleuk
Out wyth the ȝeris cours, and sonnys reuk
Quhare the vpberare, of the heuin Atlas
On schulder rollis, the round spere in compas
Ful of thir lemand, sternes mony ane
Sall at hys hidder cummyn, rare and grane
The realme of Caspis, and of assery
All Sithia meachis, land fast by
Horribyl ansuere, sall of goddis here
A troublit in effray, trymblyng for fere
To quaking sal seuin, munthis of nyle flude
Neuer forsoith strang, herculis the gude
[Page cxlvii] Sa mekyl space of erth, or land ouer ȝede
All thocht the wylde swyft hert, he schot to dede
And stanchit Erymanthus, ferrest routh
The serpent lerna, with his bow peirfit throucht
Nor bachus quhylk, victor afore thir dayis
Wyth wyne burgeouns, the hyllys top arrayis
Dryvand the fereful tigris, fast away
Doun fra the hicht, of the grete mont Nisia
And ȝit we dout, vnto the forthir end
Hys grete vertew, and dedis to extend
Than quha suld drede, stop vs to occupy
Or til inhabit, land of Italy
¶ Anchyses ȝyt rekkynnys / furth hys of spryng
As wourthyest / that euer in rome sall ryng
BOt quhat manere of man, be ȝone Anchises
Wyth Olyue brance, on sic gudly wies
Arrayit and eik beris, mony ane syng
Of ritis and sacrifyce, of offeryng
I knaw his canois, hare and lyart berde
Of the wysest romane, kyng into erde
Numa pompilius,
Num [...] Pōpilius
quhilk sall in his dayisBegin and statute, with lawis and haly layis
The chief ciete of rome, and he sall pas
From ane pure land, and small ciete turas
Send for to rule, and bruke ane grete empyre
Quham to thare sall succede, ane lordly syre
Tullus hostilius,
Tullus Hosteius
the fyrst of his handThe peace and quyet, quhilk so lang did stand
He sall desolue and breke, and dolf men stere
Quhilk lang has bene, disusit fra the were
To armes and tryumphe, of victory
And thame array,
Anchus
in oistis by and byQuham nixt followis, Anchus martius
Of hys estate mare proude, and glorius
[Page] And our gretlye cum now,
Tarquin [...]
persaue and seVaneglore, and fauoure of the pepil desiris he
Pleis the behald the torquinis, kingis tu [...]
And the stout curage of Brutus
Brutus
alsoQuhilk can reuenge, the wrang in his cuntre
His grete honour, gif thou list here or se
And ensenȝeis send, fra Ethurianis
This ilk brutus, fal first amang romanis
Ressaue the dignite, and state consulare
With heding swerd, bayth felloun scharp and gare
Before hym borne throw all Romes toun
In takin of Iustice executioun
His awin sonnys, mouing vnkyndlie were
To punytioun, and dede sal dampne in fere
To kepe frenschis, and souerane liberte
And this vnsilly fader, sal he be
How so euer the pepil, his fatale dedis
In tyme to cum, sal blasyn quha thaym redys
The feruent luf, of his kynd natiue land
And excedand desyre, he bare on hand
Of honour, and hye glory to ressaue
Mot al euil rumoure fra his lawde by waue
Attour behald,
Detii
loathir dy [...]yusAnd standyng fer of tua,
Drusi
that hait drususConsyder torquatus ȝonder,
Torquatus
doth him raxSo brym,
[...]amillus
and feloun with the hedyng axAnd Camyllus, the vailȝeand capitane
Bringand the romanis standartis, hame agane
ȝone tua saulis, quhilkis thou seis sans fale
Schynand with elike armes, paregale
N [...]w at gude concord stand and vnite
Ay quhill thay stand in myrk, and law degre
Allace how gret a batal, and debate
Sal be betuix thaym, gif they til estate
[Page cxlviii] May cum abufe, and to the licht of lyfe
O how grete slauchter, assemblis and huge stryffe
Sall thay exerce and moue,
Cesar
in to thar dayisCesare the eldfader, by the straite wayis
With his grete routis, ouer the frenche montanis
Discendand doun lumbardy, throw the planis
Hys maich pompey,
Pompeius
sall strech agane him wentWith rayit oistis, of the oryent
O my children, cum not in vse to hant
Sic fremmyt battellis, bot ȝour curage dant
Exerce ȝe neuer, ȝour vailȝeant force quod he
Amangis the entrellis, of ȝour awin cuntre
And o thou Cesare, now formest in the preis
Cummyn of heuinly kyn, abstene and ceis
My awin lynnage, obeyis my command
Do cast sic wappynnis, fer furth of thy hand
And he that standis,
Lucius
ȝonder LutiusVnto his surname, clepit Munyus
Efter he vmcust, has corinthy Toun
And in battell the wourthy, grekis bet doun
His chare with mekill glore, triumphale
Sall stere furth to the hie, capitoll wale
And he ȝone vther,
Mettellus
quintus metellusFull grete honour, sall conques vnto vs
For he sall bete doun, and distroy al clene
Baith arge, and agamemnonis realme mycene
And ȝounder curius,
Curius
with his fallow fynePirrus,
Pirrhus
cum of king Eatus lyneAnd of achillis, armypotent of spring
In battall sall ouercum, and doun thring
And thare eldaris of troy, wreik and reuenge
And the tempyl of mynerue pollute, clenge
Quha wald the grete Cato,
Cato
leif vn hitOr quha with silence, Cossus
Cossus
pretermit[Page] Quha list forȝet,
Gratchus
the kinrent of GracchusOr athir of the Scipiones,
Scipionis
gloryusThay tua thunderis, of battell in thare rage
Fynale rewyne of affrik,
Fabritius
and cartageQuha wald Fabritius,
Sirramus
of the say na thyngThat ar full mychty, bot of litil thyng
Of the Seramus, quha wald nathing schaw
Quhare thou thy riggis, telis for to saw
And thou was chosin, capitane of were
Quhidder wythdraw, ȝe Fabius
Fabius
cum nereThole me na mare,
Maximus
be Irkit ȝou to behaldThou art that ilk maist souerane fabius bald
Quhilk only throw thy slycht, and tarying
Restoris the commoun wele, of our of spring.
Anchises geuys Eneas / gude teichyng
To gyde the pepyll / vnder hys gouerning
THe pepyl of vthir realmes, son said he
Bene mare expert, in craftis and mare sle
To forge and kerf liflike,
Corinthiēs
staturis of brasBe countenance, as the sprete therin was
I traist forsoith, here eftir many ane
Sall hew quyk fatis fourth, of marbyl stane
Sum vtheris bettir can,
[...]thiniēses
thare caus pledeSum bene mare crafty,
Egiptians
in ane vthyr stedeWyth xowulis and wyth mesuris, by and by
For tyl expert the art, of geomeotrye
And sum mare subtyl,
Chaldeis
for to discriue and prentThe sternes mouing, and the heuynnis went
Bot thou romane,
The sciēce and offyce of a nobil & verteous Prince.
remember as lord and syreTo reule the pepyl, vnder thy empyre
Thir sall thy craftis, be that wele may seme
The peace to modefy and eik manteme
To pardoun all cumys, ȝoldin and retreant
And proud rebellaris, in battall for to dant
[Page cxlix] This said the nobyl fader, Anchises meik
As thay awounderit, can thir wordis eik
Behald marcus Marcellus, maist douthty
Quhare that he walkis,
Marcellus
lo so graciouslyWyth the ryche spulȝe, triumphale derely dicht
Quhilk he reft, from his aduersare in fycht
As the maist vailȝeant, victor that I ken
In bounte doith excede, al vthir men
Thys worthy knycht, the commen wele Romane
In grete affray perturbit, to rest agane
And quiet sall restore, and ȝone is he
That vncus sall the, affricane menȝe
And the franche rebellioum, sall doun bet
The thryd armoure, or riche spulȝe grete
Reft from chiftane, of were this marcellus
Sall hyng vp to the fader, Quyrynus
And for als mekyl, as Eneas saw
In fallouschip wyth this, marcus raik an raw
Ane semely sprynghald, ane fare ȝoung galland
Richt schaplye made in armour, brycht schynand
Bot his vysage, semyt skarsly blyth
Wyth luke doun kast, as in his face did kyith
That he was sum thing sad, and nothing lycht
Fader quod he, quhat be ȝone drery knycht
Quhilkis haldis, so with ȝone prince cumpany
Quhidder his son, or sum Neuo wourthy
Of our grete linnage, and successioun
O lord how grete brute, noyis and soune
Of confluence that walkin, him about
How grete apperance, is in him but dout
Tyll be of proues, and ane vailȝeant knycht
Bot ane blak sop, of myst als dirk as nycht
Wyth drery schadow, bilappis his hede
The fader tho Anchisis, in the stede
[Page] Wyth teris bristing furth begouth to say
O my sueitson, inquire not I the pray
The excedent regret, and womenting
Of thaym bene, for to cum of thyne ofspring
The fatis sal, but for ane litil space
Schaw ȝone man to the erth, and wardly place
And sal no langar, suffer him tharin
O goddis aboue, the romanis blude and kyn
Semyt to ȝou, ouer mychty and potent
Gif so it war, the giftis ȝe him lent
Had remanit, ouer lang hid life had lest
How grete murnyng, of men al for yest
For hym furth of the feildis marcyal
Sal dyn and resound, to the ciete wal
And O thou god, of the flude Tybyrne
How mony fercyns, and dule habitis schyne
Sal thou behald, as thou flowis at rome
Doun by hys new made sepulture, or toume
Ne neuer child cummyn, of troyane blude
In sic belefe, and glorie and grete fude
Sal rayis his forbearis, Italianis
Ne neuer certis the ground, of the romanis
Of ony foster fal, him so auance
Allace quhat harme, of thy disseuerance
Of thy grete piete, and thy ancient treuth
Thy hand vnuinquist, in batall, O quhatreuth
Nane suld but damnage him in harnes mete
Quhidder so aganist him, he went on fete
Or ȝit on horsbak, as thir knychtis rydis
Wyth spurris brocheand the fomy stedis sydis
Allace my chylde, sa wourthy to be menyt
Wourthy to be, be walit and complenit
Gyf thou thir hard werdis, may vinquus
Thou sal be namyt, the souerane marcellus
[Page cxlx] Of fresche, lyllyis reik me my handis ful
The purpour flouris, I sall skattir and pull
That I may strow, with sic rewardis at leist
My neuoes saule, to culȝe and to feist
And but proffit, sic costage sall exercyce
Apoun this wise, sore thinges did rehers
Anchises, and thus wideqhuare thay do walk
Ouer all that regioun, haldand speche and talk
Within the large feildes, of halesum are
And euery thing perordour, vesyit thare
And efter that Anchises, hand in hand
Had thus his son led ouer, all that land
And his curage, inflamyt by and by
With the grete fame to come, and hie glory
Syne to this vailȝeand man, he rekinnys here
Perordour all the batellis, and the were
Quhilkis eftir this, he had to bere on hand
And of the pepyl eik, in latyne land
And of the cietie, of the king latyne
He him instrukkis, and tharefter syne
Taucht him quhat wyse, he mycht sustene or sle
Euer hard danger, or aduiersite
Thare bene ordanit for dremes, ȝettis twane
Quharof thay say of horne, forgit is ane
At quham the soithfast sweuyngys, by and by
Depertis alwayis, and isches furth lichtly
The tothir port is forgit, richt perfyte
Of Elephantine, and polist euoure quhite
That thare at goddis, infernale lattis out
The fals sweuinnis, to the warld about
So as Anchises, had apoun this wyse
Rehersit as said is, all thingies at deuyse
Sibbilla and his son, togidder at schort
He lete depart furth, at the euour port
[Page] Eneas spedis the strecht way, to the schippis
And gan vesy agane, his fallouschippis
Fra thyne thay hald, endlang the coistis bay
Vnto the porte of Cart, the strecht way
Furth of the foreschip, leit thay ankirris glide
The nauy rade, endlang the schoris side.
Finis.
The prologue of the .vii. buke
AS bricht Phebus, schene souerane heuinnis C
The opposit held,
[...]eloquent discriptiō of wynter wyth hys grete stormes & tempestis
of his chymes hieClere schynand bemes, and goldin sumeris hew
In lattoun cullour, altering all of new
Kything no signe, of heit be his vissage
So nere approchit, he his wynter stage
Reddy he was to enter, the third morne
In cluddy skyes vnder, capricorne
All thocht he be the lampe, and hert of heuin
For feblit wox, his lemand gilty leuin
Throw the declinyng, of his large round spere
The frosty regioun, reging of the ȝere
The tyme and sesoun, bitter cald and pale
Thay schort dayis, that clerkis clepe brinnale
Quhen brym blastis, of the northyn art
Ouer quhelmyt had, neptunus in his cart
And all to schaik, the leuys of the treis
The rageand stormes, ouer walterand wally seis
Reueris ran rede, on spate with wattir broun
And burnis hurlis, all thare bankis doun
And landbirst rumbland, rudelie with sic bere
Sa loud neuir rainyst, wyld lyoun nor bere
Fludis monstouris, sic as mereswynis and quhalis
For the tempest law, in the depe deualis
Mars occident retrograde, in his spere
Prouocand stryffe, regnit as lord thar ȝere
[Page cxli] Rany orioun, with his stormy face
Bywauit oft the schipman by hys race
Frawart saturne, schil, of complexioun
Throw quhais aspect, derth and infectioun
Bene causit oft, and mortall pestilence
Went progressiue, the greis of his offence
And lusty heb Iunois, dochter gay
Stude spulȝete of hir office, and array
The sole ysowpit, in to wattir wak
The firmament ouercast, with rokis blak
The ground fadit, and fauch wox al the feildis
Mountane toppis, slekie with snaw ouer heildis
On raggit rolkis, of hard harsk quhyn stane
With frosyn frontis, cald clynty clewis schane
Bewty was loist, and baren schew the landis
With frostis hare ouerfret the feildis standis
Thik drumly skuggis, dirkinnit so the heuin
Dym skyis oft furthwrappit, fereful leuin
Flagis of fyre, and mony felloun flaw
Scharp soppis of sleit, and of the snyppand snaw
The dolly dikis war al donk, and wate
The law valis, flodderit all wyth spate
The plane stretis, and euery hie way
Full of fluschis, dubbis, myre and clay
Laggerit leys, wallowit fernis schew
Broun muris kithit, thare wissinnit mossy hew
Bank bray and boddum, blanschit wox and bare
For gurl weddir, growit beistis hare
The wind maid waif, the rede wede on the dik
Bedowin in donkis, depe war euery sike
Ouer craggis and the frontis, of the rochys sere
Hang grete yse schokkis, lang as ony spere
The grund stude barrane, widderit, dosk and gray
Herbis, flouris and gerssis, waylowit away
[Page] Woddis forestis, with naket bowis blout
Stude stripit of thare wede, in euery hout
Sa bustuouslie boreas, his bugill blew
The dere full derne doun, in the dalis dre [...]
Small birdis flokand, throw thik ronnys thrang
In chirmynge and with cheping, changeit thare sang
Sekand hidlis and hirnys, thame to hide
Fra ferefull thuddis, of the tempestuus tyde
The wattir lymnys routis, and euery lynd
Quhislit and brayit, of the southand wynd
Pure lauboraris, and bussy husband men
Went weet and wery, draglit in the fen
The cilly fchepe, and thar litill hird gromes
Lurkis vnder lo of bankis, woddis and bromes
And vtheris dantit, greter beistial
Within thare stabill sesit in thare stall
Sic as Mulis, Hors Oxm or Ky
Fed tuskit baris, and fat swyne in sty
Sustenit war be, mannis gouernance
On herbis and Someris puruiance
Widequhare with fors so Eolus schoutis schill
In this congelit sesoun, scharp and schill
The callour are penetratiue, and pure
Dasing the blude, in euery creature
Made seik warme stouis, and bene firis hote
In doubill garmont cled, and wylecote
With mychty drink, and metis confortiue
Aganis the sterne, wynter for to striue
Repatirrit wele, and by the chymnay bekit
At euin be tyme, doun in ane bed me strekit
Warpit thy hed, kest on claithis, thrynfald
For to expell, the perrellus, persand cald
I [...]rofit me syne, bownit, for to slepe
Quhare lemand throw the glas, I did tak kepe
[Page clii] Laconia, the lang irksum nycht
Hir subtell blenkis sched, and watry lycht
Full hie vp quhirlit, in hir regioun
Till phebus richt, in opposicioun
In to the crab, hir propir mansioun draw
Haldand the hicht, althocht the son went law
The horned byrd, quhilk we clepe the nichtoule
Within hir cauerne, hard I schout and ȝoule
Laithely of forme, with crukit cam scho beik
Vgsum to here was hir wyld, elrische skreik
The wyld geis eik claking, by nychtis tyde
Attour the cietie, fleand hard I glyde
On slummer I slade full sone, and slepyt sound
Quhill the horisont vpwart, can rebound
Phebus crounit bird, the nichtis orlagere
Clappin hir wingis thryis, had crawin clere
Approching nere, the greking of the day
Within my bed, I walkynnyt quhare I lay
Sa fast declynys, Synthya the mone
And kayis keklys, on the rufe abone
Palemeades birdis, crowpand in the sky
Fleand on randoun, schapin lyk ane I
And as ane trumpit rang, thare vocis soun
Quhais cryis bene, pronosticacioun
Of windy blastis, and ventositeis
Fast by my chalmer, on hie wisnit treis
The sary gled qwislis, with mony ane pew
Quharby the day was dawing, wele I knew
Bad bete the fyre, and the candyll alicht
Syne blissit me, and in my wedis dicht
Ane schot wyndo onschot, ane litel on char
Persauyt the mornyng, bla wen and har
Wyth cloudy gum, and rak ouerquhelmyt the are
The sulȝe stiche, hasard, routh and hare
[Page] Branchis brattlyng, and blaiknyt schew the brayis
With hirslis harsk of waggand, wyndil strayis
The dew droppis congelit, on stibbill and rynd
And scharp hailstanys, mortfundyit of kynd
Hoppand on the thak, and on the calsay by
The schote I closit, and drew inwart in hy
Cheuerand for cald, the sesoun was sa snell
Schupe with hait slambis, to fleme the frosin fell
And as I bounit me to the fire, me by
Baith vp and doun, the house I did espy
And se and virgill, on ane letteron stand
To wryte anone I hynt, my pen in hand
For till performe the poet, graif and sad
Quhen sa ferfurth, or than begun I had
And wox anoyit sum dele, into my hert
Thare restit vncompletit, sa grete ane part
And to my self I sayd, in gude effect
Thou mon draw furth the ȝoik, lyis on thy nek
Within my mynd compassing, thoche I so
Na thing is done quhil, ocht remanis, ado
For besynes quhilk, occurrit on case
Ouer voluit I this, volume lay ane space
And thocht I wery was, me list not tyre
Full laith to leif our, werk sa in the myre
Or ȝit to stynt for bittir, storme or rane
Here I assayit to ȝoik, ouer pleuch agane
And as I culd, with ane fald diligence
This nixt buke followand of profound science
Thus has begun, in the chill wynter cald
Quhen frostis dois ouer flete, baith firth and fald
The Proloug smellis, new cumin furth of hell
And as our buke begouch, his werefare tell
Go wele according deulie,
A cowmendacion of this prolog
bene annextThou drery preambil, with ane bludy text
[Page clxiii] Of sabill bene thine letteres, Illimynate
According to thy proces, and thy state.
Finis.
❧ Here endeth the syxte buk of Eneados
The seuynth Booke
Eneas nuris Caiet [...] can decei [...]
Qhuare ȝit the place / kepis that name but leis.
CAieta thou nuris of Enee
Thou has also that tyme quhen thou can de
Vntill our coist, or fronters of Itale
Geuen the brute and fame perpetuale
quhill this day, the ilk place and stede
Obseruis the renowne eftir thy dede
Thy tumbe and banis, markit with thy name
In grete hesperia, witnessing the same
Gif that be ony glore, now to the
The reuthfull than and deuote prince Enee
Performed dewly, thy funerall seruyce
Apoun the sepulture, as custome was and gyse
Ane hepe of erd, and litill moit gart vprayis
And with bent sale, syne furth his vayage tayis
Eftir that assuagit was the depe see
Thay leif the coist, and sped on thare iorney
The pypyng wynd blew, in thare tale at rycht
For the schene mone, hir cours and clere lycht
Has not denyit, so that the haw stremes
Couth schyne and glitter, vnder the twynkland glemes
The coist endlang, the Ile of Cirtea
Thay sweping fast, by hard on burd the bra
Quhar as the ryche sonnys, douchter Certe
Thay schawis quham to repare, nane aucht to be
With hir ythand sueit sang, and karoling
Causis alway for to resound, and ring
And in hir proude place of beddis, all the nycht
The wele smelland Cider, birnis bricht
With subtell [...]lais, and hir hedeles flee
Riche lenȝe wobbis naitly weiffit sche
From this land reddy, on fer myche thay here
The grete rageing of lyouns, and the bere
Quhilk thay did mak, refusing to be in band
[Page clxiii] In sylence, all the lait nycht rummisand
The birsit baris, and beris in thar flyis
Faring all wod furth, qubrynis and wyld cryis
And grete figuris, of wolfis eik infere
ȝouland and ȝammerand, griflie for to here
Quhilkis all this cruell, goddes hicht Cirte
Be enchantment and forcy, herbis sle
Had furth of mannis figure, and estate
In to wilde beistis scharpe, and forme translate
Quhilkis monstruus transmutations, for the nanys
Ne happin mycht, vnto deuote troianis
Gif thay arriuit, in thay partis nyse
Thay cursit coistis, of this enchante rise
That thay not suld do, enter ne thame fynd
Thare salis all with prosper, follow and wynd
Neptunus fillit, and made sale tham swiftlie
All dangeris and gra schaldis, caryit bye
¶ Kinge latyne / of the goddis had command
To wed his dochter / with men of vncouth land.
THo gan the sey, of bemes waxin rede
And heich aboue, doun from the heuenly stede
Within hir rosy cartis,
Eneas entris in Italye.
clerelie schaneAurora vestit, in to broun sanguane
Efter the wyndis, lowned war at wyll
And all the blastis pacifyit and styl
Out ouer the calme streme, of marbil gray
With airis palmis, swepe thay furth thare way
And suddanlie herifra, the stablit see
Ane large semely schaw, beheld Enee
Amyddys quham, the flude he gan espy
Of tyber flowand, soft and esely
With swirland welis, and mekill ȝallow sand
In to the sey, did enter fast at hand
The birdis sere, of mony diuers hewis
[Page] About the wattir aboue vp, in the cleuis
On bankis weilby knaw, and fludis bay
With werblis swet, and myrthfull sangis gay
Gan meis and glad the heuynnys, and the ace
And throw the schaw went, fleand ouer alquhare
To turne thare course, he gan his feris command
And steuin thare schippis, to the samin land
Ioyfull and blyith, thay entering in the flude
That Derne about skuggit, with bewis stude
Now now,
Innocatione.
my muse Erato I the prayDo schaw me this, that I may scharplie say
Quhat kynd proces of time, was and quhat kingis
In ald Latium, and in quhat state all thingis
Quhen first this strange armye or fallouschip
In Italie gan arriue, euer Ilk schip
I sall declare all, and reduce futehate
From the beginninge,
Anaration schauand the first causis of the grete war here efter to be had betuix Eneas and turnus vnto the ende of the .xii. buke.
of the first debateO thou sueit goddes, o thou holy wicht
Conuoy and teiche thy poet, to say richt
I sall the horribil battellis schaw and tel
The bluddy oistis, and the feildis feil
How throw thare curage, douchty kingis [...]ere
As dede corps becummyn war, and brocht on bere
The power hale, of all tuskany
And all the grete routis, of Italy
Assemblit in to armes on the land
Perordoure now, thare risis apoun hand
Fer largear materis, for to trete and write
Ane greter matter, begin we to endite
Thay boundis, with thare lusty ciete all
By lang proces of peace in state riall
The kinge latynus, held in gouernyng
Or than full agit was, this nobil king
Quham as we haue herd tald, full lang agone
[Page cliiii] By kyng fawnus, engenderit was apoun
The maid of Nymphe, of laurent marita
And this fawnus, fader was alsa
Picus the king, quhilk doith represent
Saturnus for his fader, and parent
Thou was the first, gan al thare bl [...]de begyn
Thou first foundment, and cheif stok of kyn
By disposicyon, of the goddis diuyne
Son nor man child, nane had kyng latyne
For als mekill, as his ȝoung son ane page
Deceissit was, within his tendir age
The kyngis palace, and all that rial hald
All hir allane, ane douchter did withhald
Now reddy for ane man, and come to age
In grene ȝeris, to complete mariage
Ful mony nobillis, into lacium
Askit hir to wife, throw Italy al and sum
T [...]us hir askit, cum myn of he parage
Aboue al vthir, maist gudly personage
And tharto, rich of freyndis and mychty
Of eldaris grete, and rial ancestry
Quham king latyne spous, quene Amita
With diligence, did procure day be day
That he adionyt war, thare son in law
Bot ferefull signes, gan the goddis schaw
And sundry terrours, gan therto ganestand
Amiddys of the place, clois did stand
With blythfulbewis, ane farer grene laurere
Haldin in drede and wourschip, mony ane ȝere
Quham this ilk prince, and fader latinus
Did consecrate and hallow, to Phebus
For that he fand it growand, in the feild
Quhare he his riall palice, first did beild
The induellaris of the ground, eftir this tre
[Page] Laurent es vnto name, clepit has he
Betyd ane wounder, takynning for to say
The grete flicht of beys, on ane day
Caryit ouer the se, hie throw the moyst are
With loud bemyng, gan alicht and repare
On the hie top, of this forsayd laurere
In till ane cloud full thik, togidder in [...]ere
Thare fete al samin knyt, efter there gyse
Ane swarme or any wist, how or quhat wyse
Hang from ane flurist branche, of this ilk tre
Incontinent, the speymen cryis we se
Ane strange man to cum in to thir partis
With ane grete rout, and fra the samyn artis
Quharfra, ȝone beis come, sall hidder seik
Quhilk for his bounte, and his theuis meik
Sal weild his palice, and hie senȝeorie
Aboue this ilk, betid ane mare ferlie
As king latynus, kindyllis on there gyse
Apoun the altaris, for the sacrifice
The clere chidis of the dry fyre brandis
Quhare that also, by hir fader standis
Lauinia the maid, his douchter fare
Ane selcouth thing to se in hir hare
It semyt the hate fyre kindillit bricht
And hir gay cleithing, all with lowis licht
Gan glete and sperkilland, birn vp in ane bleis
Hir ryal, tretsis inflambit euil at eis
Hir crownell picht, wich mony precius stane
Infirit all, of birnand, flawis schane
And eftir that semyt this gudlie wicht
To be inuoluit in ȝallou reky licht
And furth ouer all the place, the rufe on hie
The fyre blesis, thame semyt skatterit sche
Cirtis this was reput, with ȝoung and auld
[Page clxv] Ane grislie thing, and wounderis to behald
For the diuynys declaris, by and by
Quhat is this ferefull takin, did signify
That is to knaw, that is ilk made suld be
Of fame excellent, and felicite
Bot to the pepill, pronos [...]icatioun clere
Of su [...]dane batall, and mortall were
Bot than the king thochtfull, and all pensiue
Of sic monsteris,
The kinge askis counsail at faunus
gan do seik beliueHis faden faunus oratoure, and ansuar
Quhilk couth the fatis for to cum, declare
And gan requiring, responsiouns alsua
In the schaw, vnder hie albunea
Quhilk is the cheif grete forest, as thay tell
And namyt from, ane haly routand well
Quhare from the erth, in derne wentis here and thare
Ane strang fleure, wentis vp in the are
Thidder [...]ail the pepill, of Italia
And all the land, eik of Onotria
Thare doutsum asking, turs is for ansuere
And thare peticiouns gettis, assoilȝet here
The kingis offerand, and riche sacrifice
The preist thidder gart bring, as was the gise
And vnder silence, of the dearke nycht
On schepit skynnys weil spred, and couchit richt
Quhilk slane war, in the sacrifice that day
He strekis him adoun, and theron lay
Dem and sweuynnys, and visiouns tyll appere
On maruellus wise thir fleand schaddois sere
And figuris nyce, dyd he se, and espy
And diuers vocis herd he, eik fast by
And gan the goddis carping, bruke and Iois
With speche of thay spretis, that bene yelois
In Acherone, the depest pyt of hell
[Page] And thame that fer doun, in auernus did duell
The king also that tyme, attour the laif
Here wald him self, his answere ask and craif
Ane hundreth wollit wedderis, weill ganand
In sacrifice he brittynys, for offerand
On qhuais soft flesis wele, and deulie spred
The kinge doun liggis, for that nychtis bed
And suddanly furth, of the schawis close
Sayand him thus thare, come ane haisty voce
O thou my child cummyn of my stok
Addres the neuir to knyt,
Fawnus ansuer to the king to geue his dochter Lauiniats Eneas schauand him for to be conquerour of all countres vnder the sone.
in to wedlokThy dochter till ane man, of latine land
Lippin not to ȝone allianee, reddy at hand
To be thy mauch sall cum, ane alienare
That of his blude, sall gener sic ane are
Quhilk fal our name aboue, the sternes vp bring
Of quhais stok the neuois, and of spring
Vnder thare feit and lordschip, sal behald
Al landis sterit and reulit, as thay wald
Als fer as that, the son circuland we se
Behaldis baith the eist, and vester se.
¶ Efter Eneas come to Italy land
Made sacrifice to the goddes / with offerand
THe king thir ansueris, and of his fader faunus
And admoniciouns be nycht, geuin thus
Ne hidis not nor closis, in his mouth
So that the fame thareof, waxis ful couth
Ouer al the citieis, of Italy wide quhare
Quhen as the ȝounkeris of Troy, arr [...]uit wa [...]
And at the schore, vnder the gresy bank
Thare Nauy can thay anker fast, and hank
Eneas and vtheris, Chistanis glorius
And the fresche lusty springald, Ascaneus
Vnder the branschis, of ane semelie tre
[Page cxlxvi] Gan lenyng doun, and rest thare bodyis fre
And to thare dinnare, did thame al addres
On grene herbis, and soukis of soft grees
The floure skonnys war set in, by and by
With vthir meissis, sic as was reddy
Syne brade trunscheouris, did thay fill and charge
With wilde scrabbis, and vthir frutis large
Betid, as was the will of Iupiter
For fault of fude constrenyt, so thay war
The vthir metis all consumyt, and done
The paringis of thare bred, to moup vp sone
And with thare handis breik, and chaftis gnaw
The citistis and the coffingis all, and raw
Ne spare thay not at last, for laik of mete
Thare fatale foure nukit trenuscheouris for til eite
Och quod Ascaneus, how is this befall
Behald we eit our tabillis vp, and all
He saide no more, bot this halfe dele in bourd
Thame thocht thay hard ane fatall, voce or word
Quhilk was as fatall end, of thare vayage
His fader first of all, with glade curage
The word reft from his mouth, as he that spak
And followis on the ansuere, stupefack
Alhale thou ground, and land quod he in hy
By the fatis,
Eneas being cum myn efter gret perils of se to Italy promised hym be the goddis confortis his fallow is / and geuis thankis to the goddis.
and to me destanyAnd ȝe our traist, penates said Enee
Alhale our natiue goddis, wele ȝe be
Here is our duellinge place, quhare we sall leynd
For to remane, here is our cuntre heynd
Certis new I remember my fader, anchises
Sic secrete takynnyis, of fatis on this wise
Schew and rehersit, sayand thus to me
Son Quhen in sic hunger, thou stad sal be
As thou art caryit, til ane strange coist
[Page] That all the meissis consumit ar, and loist
Thou art constrenyt, thy burdis gnaw and fret
Than thou all irkit, may than beleif to get
Ane sober dwellyng stede, perpetually
Remember in that place, or nere fast by
To found the first cietie, with thy hand
Dicht with fowseis, and wallys hie standand
This was that hunger, taryit vs sa lang
This sal makend, of our mischeuis strang
Quharfor to morow, airlie I ȝou pray
First as the son vprisis, we gladlie may
Serche and inquire, quhat place and landis this
Or quhat manere of pepil, tharin dwellis
And of this kyth, quhar standis the cheif cietie
Lat vs seke sundry wayis, fra the se
Now make we mery, away dolf hartis dull
Now skynk and offer, Iupyter cowpis full
And in ȝour prayeris, and orisonis in fere
Do call apoun anchises, my fader dere
Bryng wyne agane, and set therof plente
And sayand thus, with ane greue branche of tre
He did inuoluend array his hede
And genius the god, of that ilk stede
He did wourschyp, and gan to prayeris call
Erth the grete moder, and first god of all
The Nymphes and the fludis, ȝit vnknaw
The nycht syne, with hir signis al on raw
And Iupiter, Ideus of Ida
And Cybele the moder, in Phrigia
He gan alswa veseik, quhare that thay duell
Aythir of his parentis,
Iupiter thunder is frō heuen.
baith in heuyn and hellThe fader than almichty, with clere lycht
Gan thunder thryis doun, from the heuynnys hycht
And schakand in his hand, quhare as he went
[Page clxvii] Ane byrnand cloud, schew from the firmament
With fyry sparkis, lyke to goldin beames
Or twynkland sprayngis, with thare gilty glemes
And tho belyu [...], devulgate round about is
The noyis and rumour, throw the Troiane routis
The day was cummyn, and the place quhare thay
Thare cietie promyst, suld beild and array
For ioy thay pingil, than for to renew
Thare bankettis with al obseruance dew
And for ther tithingis, in flakoun and in skull
Thay skynk the wyne, and wauchtis cowpys full.
How Eneas ambassatouris dyd send
To kyng Latyne / wyth rewardis and commend
THe nixt morow, with his goldin lamp brycht
As the clere day did are, and erth alycht
Thay boundis coistis, and the cheif cieti [...]
Diuers spyes send furth, to serche and se
And fand ane stank, that flowit from ane well
Quhilk Munitus was hait, and eik thay tell
This was the flude of tyber, thay had found
And strang latyne pepyl in habyte this ground
Thare wich Anchyses son,
Ambassatouris sēd fra Eneas to king latyn for peace and amytye
the wyse EneePerordoure chosin, of euery degre
Ane hundreth gay ambassiatouris, did wale
To pas vnto the kingis stede, riale
And bare the prince rewardis, for the nanis
And him beseik, for peace to the troyanis
With freche garlandis, and branchis al thay be
Arrayit with the olyue, of pallas tre
And but delay, as he thame chargit had
With swyft pais thay on thare, message glad [...]
And he in to the menetyme, fast canspur
Bot with ane small seuth, or ane litill fur
To mark the foundament, of his new ciete
[Page] And first by the ilk coistis, sydes of the se
His first mansioun manere, as it had bene
Ane oist of tentis, stentit on the grene
With turettis foufy, and erd dikis ilk dele
He gan addres, to closen wounder wele
By these the ȝoung men, send forth in message
Sa fer has sped fordwart, thare vayage
That thay the touriz, and the turettis hie
Of king latyne, the cheif chymes gan se
V [...]der the cietie wall, chylder and page
And lusty spryngaldis, al of tender age
Thare hors and thare stedis, did assay
And dantit cartis, in the dusty way
And sum thare byg bowes, did bend and draw
Sum wt thare armes, let trimblanddartis thraw
Baith with swift cours, and schuting so thay wirk
Ilkane besy, his party for to irk
Than caryit on the hors, ane messingere
Brocht tithinges, to the anciant kyngiz ere
Ane grete menȝe, of sturdy m [...]n war cum
Cled in ane strang habyte, all and sum
The king bad bring thame in his palyce sone
And set him self in myddis,
[...]discry [...] cion of the kingi [...] [...]alyee
his eldaris troneThare stude ane grete tempill, or sait ryall
Of laurent cietie, sete impereall
Belt with ane hundreth stately pillaris hie
Of kyng Picus, the chymmes cheif to se
With semely schawis, cirkulit and lang hald
In wourschip and reuerence, be faderis ald
Quhare was statute, be the consent commoun
The king [...]
And of iustice vthir, [...] s [...]re
And thare the baner, first [...] for the were
In this tempill, held thay court on raw
[Page cxlxviii] That was the sete eik, by thare gentyll law
Deput for hallow feist, and maniory
And here ful oft at burdis, by and by
The heres war wount, togydder sit al same
Quhen brytnit was, efter the gyse the rame
And ferder eik perordour, mycht ȝe knaw
Within the cheif, deambulatour on raw
Of forefaderis, grete ymagis dyd stand
Of auld Cedir, caruit wyth crafty hand
Kyng Italus, and fader Sabynus
That fyrst the vyne tre, plantit stok or bus
The crukit huke, vnder his wede held he
The ancient kyng saturne, thar mycht thou se
And Ianus stature eik, with double face
With vthir princis, porturit in that place
From the begynning, of thare fyrst discence
Quhilk of thare natyue cuntre, for help and fence
In marciall battell, sufferit woundis sare
Apoun the postis also, mony ane pare
Of harnes hang, and cart quheles grete plente
From Inemyis war, wonnyng in melle
The bowand axis, helmes with hye crestis
Of riche cieteis ȝettis, stabyllis and reistis
Grete lokkis slottis, massy bandis square
Dartis and scheildis, hyngis here and thare
And stalwart steuynnys, bayth of Irne and tre
Reft from thir schippis, fechtand one the se
The ymage porturit was, of kyng Py [...]us
Danter of hors, in thare sete gloryus
Cled in ane ryall rob, auguriall
And in his hand ane sceptoure wand, riall
And in his left hand, haldand ane buklere
Quham reuest for his luf, throucht vennymis sere
Certes his spous smate, with ane goldin wand
[Page] And in ane byrd him turnit, fut and hand
Wyth spourtlit wyngis, clepit ane specht wyth vs
Quhilk in latyne, hate Picus marcius
¶ Kyng Latyne speris the caus / of thare cummyng
And Ilioneus / made gude ansuering.
IN sic ane temple of goddis, Latyne kyng
Amyddis his faderis sete, ryall syttyng
Gart fethe the troyianis, to his presence here
And as thay entrit, and before him were
Wyth glaid semblant, and vysage full benyng
Thir wourdis fyrst, to thame carpis the kyng
Say me troyanis, quhat ȝe desyre quod he
Ful wele we knaw ȝour lynnage and ciete
It is also cummyn to our eris
ȝe set ȝour cours ouer se,
The kyn [...] Askys the troyanis the causis of ther cū myne to his land
thir mony ȝerisSchaw for quhat caus, or quhat necessite
ȝour schippis ouer sa, teil haw siremes of se
Bene hidder to this, coist of Italy
Caryit or dryue, or quhiddir ȝour nauy
Has errit by thare cours, and fer gane will
Or ȝit by force of storme, cachit hiddirtyll
As oft wyl happyn, by the frawart tyde
To marineris on fludis, depe and wyde
Gyf ȝe syc wyse, within our reuer bankis
Be enterit or remanit, with our thankis
In to our portis or heuinnys, fast here by
Wythdraw ȝou not, nor fle not ouer herbry
Nor mysknaw not the, condiciouns of vs
Latyne pepyll, and folkis of saturnus
Vnconstrenyt, not be law bound thertyll
Bot be our inclinacion, and fre wyll
Iust and equale, and but offensis ay
And reulit eftir the auld, goddis way
As touching eik ȝour, discence and of spryng
[Page clxix] Wele I remember that, I haue hard sum thing
Bot that is past or now, sa mony ȝeris
Almaist the fame forȝet is, and efferis
Agyt men, of the ciete armita
Wyth grete auant, forsoith than hard I sa
Of this mater, syr Dardanus ybore
Throw out the se socht, fer and ferthermore
Tyll samo fyrst in trace, the nerrest gate
Quhilk samathracia, now to name is hate
Syne socht he, to the land of phrigia
And cieteis set, in the wod of Ida
The goldin palyce, now with sternes brycht
Of heuyn in sete ryall, wythhaldis that wycht
That vmquhyle, fra hyne to tuskany
And corith ciete, standis oure coist nereby
That now ane god is clepit, ouer al quhare
And to thar nowmer, ekis his altare
Thus said the kyng, and Ilioneus but bade
Vnto his wourdis,
Ilioneus ansuer to the kyn [...]
thys wyse ansuere madeMayst ryall prynce, cummin of hye parage
Of god fawnus, nowther the scis rage
By force of dyrk tempest, has vs dryue
Vnto ȝour realme, and therat made arryue
Nor ȝit the laid sterne, from our cours bywauit
Nor strange coist, of this regioun dissauit
Bot by assent commoun, and of fre wyll
And set purpois, we socht this ciete tyll
As folkis slemyt, fra thare natyue cuntre
Vmquhile the maist, souerane realme trayst me
That euer the son, from the fer part of heuyn
Wyth his bemes ouer schane, or man couth neuin
From Iupiter, did our linnage begyn
And all the of spring, of syr Dardanus king
Of Iupiter thare forefader, gan reiose
[Page] Of Iowis stok in hieast, gre moist Iois
Our king Discend, the strang troiane Enee
In message, send vs here to thy ciete
How grete tempest, of batal and debate
Ouer troiane feildis wide, has walkit late
By cruel Grekis, hidduous confluence
Quhat fatal bargane, mare made and defence
Athir part knawis, of the warldis twa
That is to say Ewrope, and Asia
And gif thare ony, forther regioun be
Diuidit by the streme, and octiane se
Fra the ferme land, therof thay haif hard tel
And thay also, gif any thare may duel
The sonnys myd cirkil remanis vnder
Hait Torrida, zona dry as ony tunder
Quhilk is amyd the heuynnys situate
Amang foure vthir plagis temporate
Fra that diluge eschape, and fereful spate
Caryit throw fell haw large stremys wate
Ane litil stede or mansioun, we beseik
Grant to our natiue kyndlie, goddis [...]eik
The bare se coist, hurtand na mannis rycht
With are and water, commoun to euery wicht
Na manere lak, to ȝour realme sal we be
Nor na repruf tharby, to ȝour renowne
Be vs nor nane vthir, sal neuer sprede
Sall ony tyme in til obliuioun slide
Nor Italy with hir braid boundis, and wyde
Sal neuer repent, that sche the folk of troy
Has ressauit, nor therof think ennoy
Be al Eneas destaneis, I swere
His traisty fayth, nor rychthand into were
Sa vailȝeant at vnset, and defence
And by hys lang vse, and experience
[Page clxx] Of armes quhilkis, he has in batal hantit
Ful mony pepil, victorious vndantit
Desirit vs in freyndschip, and allly
And to be Ionit in thare senȝeory
Not lithlie, not for thy our freynd proffir
Quhil of oure fre wil vnrequirit we offir
With wourdis of requeist and, of tretye
The taikynnis in oure handis, borne vp hie
For oft the fatis of, the goddis sere
Has vs compellit, by thare strang powere
Vnto thir landis, and thir coistis seik
Schir Dardanus, borne of this countre eik
Desiris hidder, to returne agane
And with commandementis, strate ful mony ane
Appollo chargit vs, to spere bedene
To tyber flowand, in the se tirrene
And to the fontane, and the stryndis clere
Of Munytus, the hallowit fresche riuere
And forther eik, our prince, has to the sent
Of his auld fortoun,
[...]
bot ane smal presentThe sobyr leuingis reft from troyis fire
In to this coup of gold, Anchises hys syre
At the altare was wount, to sacrify
And of the grete king priame, maist douchty
This was the cheif dyademe ouer the laif
With quhom he crounit sat and domes gaif
His sceptoure als, and eik his tyre hat
Hallowit quhare with, at sacrifice he sat
And this was eik his precius rob ryal
By troiane ladyis wrocht, and brosit al
Herand sic wourdis of Ilioneus
Ful stil his visage haldis Latynus
His sicht vnmouit, to the erd did he prent
With ene rolling, and eris richt attent
[Page] The brusit purpour, mouis him na thing
Nor Priamus sceptoure, so fer as steris the king
As that he musis, thocht ful gretumlie
Apoun his dochteris spousage, and allie
And in hys mynd, gan compace oft in fere
His fader Faunus, respons and ansuere
Thinkand this ilk Eneas femyt to be
The self strangeare, quham fatal destine
Signifyis to cum furth, of vncouth stede
To be his son in law, and for to lede
Equale dignite, with him in that ring
Ful of souerane vertu, quhais ofspring
By thare power, suld ioys and occupy
The hale warld, vnder thare senȝeory
And at the last, eftir ful lang musyng
With Ioyus chere, on this wyse sayd the kyng
The goddis ȝour begynnyn,
Kyng latinys gentil ansuere to the troia nisotter ād his douch [...] mariage to the verteous prince Eneas.
further and spedeAnd thare pronosticatioun, manifest in de [...]e
I grant thyne asking, troiane messingere
And ȝour rewardis resauis, in thank for here
ȝe be all hartlie welcum, traistis me
Sa lang as leuis, king latyne in this countre
The riches of maist plentuous, fertil ground
ȝe fal not want, that in this realme is sound
Nor ȝit nane vthir welch, welefare na ioye
Quhilk ȝe war wount to bruke, and haue in troy
Bot at the leist, ȝe caus ȝour prince Enee
Gif that sa gretelie, he desiris to be
With vs confiderit, in till alliance
Or gif he langis, but langare discrepance
Within our palice, to entir before vthir
And be clepit our companȝeoun, or brother
Duel no langare, but cum hidder in haist
Ne faar not at his freyndis, face as ane gaist
[Page clxxi] For the maist part of our conuene, and band
To me sall be to twich, ȝour kingis hand
And now agane, ȝe sal curnand ȝour went
Bere to ȝour prince, this my charge and commandēment
I haue ane douchter, quham responsis schaw
Furth of our faderis, oratry law
And mony fereful taikynnys, of the heuyn
Be diuers wayis schewin, and fyry leuin
Will not suffer, that sche in wedlok be
Geuin vntil ane man, of our countre
But al the spay men, declaris by and by
Thare suld cum to remane, in Italy
Fra strange coistis, to be our son in law
Ane dochty man, vncouth and vnknaw
Quhilk of hyslynage, and posterite
Our name aboue, the sternes sal vp hie
Gif that my mynd can ocht, [...]magin rich [...]
I wene that he sal be, the samyn knycht
And glaidlie wald with al my hartis desyre
The weirdis thareto,
Giftis ge [...]in to the ambassa [...]ours and sen [...] t [...] Eneas
callit that rial syreThis beand said, the king latyne but fale
Gart cheis of al his stedis, furth the wale
Thre hundreth mylk quhite hors, and fare had he
Sefit and fed in stalwart, stabillis hie
For euery troiane, perordour thare the kyng
With purpour houssouris, bad ane cursoure bryng
Thare brusouris trappouris and patrellis reddy boun
With goldin bruchis, hang from thare breistis doun
Thare harnessing of gold richt derely dicht
Thay rang the goldin mollettis burnist brycht
Vnto Eneas als, thare prince absent
Ane rial chare richely, arrayit he sent
With twa sterne stedis, therin ȝokit yfere
Cummyn of the kynd, of heuinlye hors were
Of the quhilk stok, and stud spryn [...]ing but dout
Quhilk certis crafty, and ingeny [...]s
And mare subtyl, than euer was dedalus
Be ane quent way, fra hir awin fader staw
Makand his [...]edes belepe meris vnknaw
That be ane sle consait, and wyly mynd
Syc maner hors, engendrit of bastard kynd
¶ Iuno parsauand the troyanis / beild ane toun
For greif and dolour / was lyke to swe [...]t and swoun
WIth syc giftis, Eneas messingeris
Of the king Latyne, with Ioyful ansueris
Returnis, montit hie on hors ilkane
Of peace and concord, bodwerd brocht agane
And lo the spous, of Ioue, cruell Iuno
The self tyme can returne, fra arge tho
The quhilk cuntre, of nobyl brute and fame
From Inathas the kyng, has take his name
And has caryit out, throw the are pure
Quhilk is hir proper, regioun as sche fure
Doun from the skyes, on fer gan do espy
Of the hie land, Pathynnis in Cicilly
Beheld the troyane nauy, stand on, raw
And Eneas blyith, and glade sche saw
Of the ioyus bodward, vnto him brocht
That besely, with all the hast he mocht
Inforsis thare herbry, and strencht to beild
Than all assurit, of his land and feild
And thare schippis, left desolate and waist
In extasy sche stude,
Iuno in [...]yis the Troians prosperite and is [...]ore commo [...]ed [...]yth hyrself and as desparat folkis do quhensch [...] can not fynd helpe at the goddis schese hys helpe of the Deuyl in hell.
and mad almaistIn suddane dolour, smytyn wounder sm [...]rt
Can schaik hir hede, with harmes at hir hert
And of hir breist, thir wourdis wrappis in hy
Och kynd of pepill, haitfull and vnwourthy
[Page clxxii] For all the wylis, and the fatis troyane
Bene to our myndis, and destanyis euer agane
Mycht thay not all bene, slane in troy feildis
Mycht thay not all haue, swelt vnder thar scheildis
Ar thay not vincust, and ouercummin Ilkane
Quhat may not thare, presonaris agane be tane
Has not troy all infyrit, ȝit thame brynt
Na all syc labour, is fornocht and tynt
Haue thay not found, for to eschape away
Threw myd fyre, and myd oistis [...] way
So traist I now at last, my force and mychtis
Lyis dolf and Irkit, be ȝone catyue wychtis
Insaciat of haitrent, I rest in pece
That was sa bald afore, and neuer wald ceis
Quhen thay ware chasit, of thare natyfe land
To flurt them on the strome, fra hand to hand
And to persew thay flemyt, wauyngeouris
Throw al the seyis, my self ilk tyde and houris
Agane troyanis, consumy▪ are by me
The strenth of al the heuinnys, and the se
Quhat proffitit me, certis that soukand sand
Or ȝit Scilla, the swelthis ay routand
Or quhat awalit, Caribdis bisme huge
Al thay not stakit at rest, and wel [...] luge
In the desyrit sand, of tybrys bay
Assouerit of the s [...]y; and has na fray
Of me ne of my malice, and fant thocht
The sterne pepill, lapithos bring to nocht
And quite distroy mycht mars for his offence
Was it not eik, grantit in recompence
To Diane be the fader, of goddis Ichone
To werk hir greif, in anciant Calidone
Quhat falt made the lapithos of trespas
Or Calido [...]e, that sa sare [...] was
[Page] Aboue mesure forsuth, thay chaistyit war
Bot I the spous, of the grete Iupiter
Quhilk sa vnhappy, alwayis I mycht fyn [...]
Tham tyl ennoy consate, left not behynd
Quhylk has my self, in propir person eik
Turnit and writhit, all wentis I couth seik
I am now vincust, be ane man this Enee
Bot gif my power, not sufficient be
Or grete yneuch, quhy suld I drede or spare
To purches help forsoith, attour alquhare
Gyf I may not the heuinly, goddis inclyne
To my purpois,
Iuno leuis god and sekis help at the deuyl.
I sall seik forthir sineTo tham that fer doun, into Acheron fell
I sall them moue, the depest pit of hell
And put the cais, that I may not optene
From latyne land, thaim to expell all clene
Bot by the fatis, Immouebyl destany
Lauinia remanis, spous to Enee
ȝit at leist thar may, fall stop or delay
In sa grete materis, for ane ȝere or tway
And lefull is it, ȝit of athir kyng
The retinew in batall, doun to dyng
Lat the eldfader, and mauch knyt vp frendschip
Be price of thare pepyll, and fallouschip
Wyth grete effusioun, of the blude troyane
And samyn of the, pepyl retuliane
Thow sall be sesit, madin to drowry
Bellona goddes, of batall sall stand by
To be conuoyare, of thy mariage
Neuir heccuba of, Cisseus lynnage
Quhilk bund with fyre, dremyt sche had furth bring
Ane glede of fyre, or hait brand licht birnyng
Was deliuer of syc flambis but fale
As thou sall vere, and fyris coniugall
[Page clxxiii] And forthir eik, this venus proper byrth
And secund paris, Enee lityll wyrth
Sall rays and kendill, dedely flamb agane
Of hait fyre brandis, amang the wallis troyane
Fra this wes said with, horrybyl mynd in haist
Doun to the erth sche socht, and the layth gaist
Furth of hir sete, and myrk dungeoun of hell
Sche did prouoik, and callis with ane ȝell
Ane of the sory furius, sisteris thre
Alecto quhilk causis, all myscheif to be
And euermare desyris, of hyr kynd
And has full grene, emprentit in hyr mynd
The dedly batellis, and the dolorus were
Strif and dissate harme, and discordis sere
This freyndlich hellis, monstour tartariane
Is hatit wyth hyr, vthyr sisteris ilkane
And pluto eik the fader, of hellis se
Reputtis that bisming, belch hatefull to se
In to sa mony grisly, formes sere
Sche dois hyr self translate, and of sic fere
Bene hyr cruell schappis, and vysage
Sa foule and laithlie, all hyr personage
That for hyr pilis, and in stede of hare
Feil snakis springis, ouer hyr body alquhare
Quhilk fury quent,
Iunoi [...] o [...]acion to alect [...] for the distruction of troyans.
of kynd sa perrellusIuno tyistis to myscheif, sayand thus
Do to me vyrgine, douchter of the myrk nicht
Thys ane seruice, thy propir werk by rycht
Do me thys laboure, quhylk is thyne of det
That our honouris, and fame be not ouerset
Na ȝit subdewit, in to sic ane place
As with ȝone troianis, standis vode of grace
Lat neuyr Enee, sa proudly to optene
The spousage of latinus, douchhter schene
[Page] And by na way, lat neuer his feris weild
Ane fute brade of Italiane ground nor feild
Thou can brethir of ane assent mony ȝeris
Aganis vthir enarme, in mortal weris
Thou may ouerturne, with haitrēt and with striffe
The hale houssald, the man aganis the wyffe
Thow mai skurgeing andstraikis in lugeing rais
And thou of freyndis, may mak mortal fais
And dedly f [...]re brandis kendil in thak and rewis
Ane thousand names, thou has that na man lustis
Ane thousand wayis, folkis to en [...]oy and schent
Knok on thy brudy breist at myne entent
Breik and cast doun, thare concord made of new
Causis of strif, and battell I wald thou schew
Gar al the power, and euery stoute ȝonkere
First in thare myndis, desire to moue the were
Syne cry and ask armes, and battel al
And rusche tharto forcelie, gret and smal.
¶ Allecto throw persuasyoun of Iuno
Quene Amata al witles gart sche go
THis cruel monstoure Allecto on ane
Infect with fel venom gorgonyane
Socht first to lat [...]m, and in the chimes hie
Of Laurentyne the kingis cheif ciete
And priuely begouth to wach and loure
About his spous quene amatais bour
Quhilk al inflammyt, in Ire and wyffly thochtis
Of this new toune, of troyanis al on fllocht is
The bissy cure of turnus mariage
Skaldyng hir breist, and mynd al in ane rage
This wikkit goddes, towart hir als fast
Ane of hir slymy serpent haris did cast
Depe in hir bosum let inslip, with slicht
Amyd hir hart pipis, or precordialis licht
[Page clxiiii] That be this ilk, monstouris instigacioun
Wod wraith sche suld, pertroubil al the toun
This eddir slyding ouer, slekit bodyis soft
Of thyr ladyis, amang thare wedis oft
Went thrawin so, that nane wist quhar she glidis
The furius quene, dissauyng on athyr sydis
And in hyr mynd gan blaw, and kendyl syne
Ane felloun greif, ouer curage serpentyne
The grisly serpent, sum tyme semyt to be
About hyr hals, ane lynkit goldin chenȝe
And sum tyme of hyr cursche, lap with ane wai [...]
Become the seluage, or bordour of hyr quai [...]
Sum tyme in hyr hedelace, for to knyt hyr hare
Ful slyd sche slyppys, hyr membris ouer alquhare
Sone as the fyrst infectioun, ane lityl we
Of slymy benoun, Inȝet quently had sche
Than sche begouth, hyr wittis to assale
And depe amid hyr banis, for to skale
And multiply of rage, the byrnand furie
For ȝit not all, in hyr breist cruellie
The sprete has felt, the flamb freneticall
Quharfore the mare sobyrlie, furth with all
Eftir the commoun custome, and vsage
Of auld matrouns, in thare auld dotage
With huge complant, for hyr douchter and regret
And troyane wedlok, contrare hyr consate
Thus said sche weping, and that ful pyteously
Of fader kyng latyne, quhy wyl thou quhy
Quhat sall our child, lauinia the may
To banyst men be geif, to lede away
Nouthir has thou, of thy tender get, pyete
Nor ȝyt compassyoun, of thy self nor me
Hyr moder quham sa sone, full desolate
ȝone fals sey reuer, wyl leif in sturt god wate
[Page] And cary the made,
[...]mata the quene dissuadis kyng [...]atyne to [...]eue [...]ys [...]ochter to Eneas.
ouer the depe fludis hawAls sone as euer, the first north wynd dois blaw
Was itnot euin be sic, ane fenȝet gird
Quham paris furth of Phrige, the troyane hird
Socht to the ciete, lathes in spartha
And thare the douchter of Lidea, stal awa
The fare heline, and to troy cursit raith
Quhat sal auale ȝour faith, and hallowit aith
Quhat of ȝour ancient puruiance, sir king
That ȝe had of ȝour freyndis and of spring
Quhat of ȝour rycht hand, hald so gloryus
Sa feil syith geuin to our cousyng▪ Turnus
Gyf that thou fekis, ane alienare vnknaw
To be thy mauch, or thy gud son in law
And has that thyng determyt in thy hede
Constrenit thareto be the command and rede
Of thy fader Fawnus, as to that gate
Here ane lytil my fantasy, and consate
All cuntre vnsubiectit, vnder our wand
It may be clepyt, ane vncouth strange lande
And all that ther in duellis, alianaris bene
Of sic strangearis, the goddis spake I wene
And gif we list seik, forthirmore ȝit than
To compt the first begynnyng, of turnus clan
Inathus and achrisius, but were
Twa kingis of Grece, his forefaders were
Thus is the greke, to compt his greis a pece
And cummin of myce, the myddis realme of Grece
Eftir that the Quene, with sic wourdis al for nocht
Assait had the kyng latyne, as sche mocht
And fand that he resistit, hir intent
The furius poysoun, than of the serpent
Depe in hir breist, and entrillis swiftly ȝede
And did ouer al partis, of hir body sprede
[Page clxxv] So that forsoith, cachit vnhappelie
With hidduous monstouris, can sche ryn and cry
Throw out the large ciete, in wilde dotage
But ressoun strikin, with the nymphis rage
As sum tyme sclentis, the round top of the tre
Hit with the twynit quhip dois quhirle we se
Quhen childer driuis besy at thare play
About the clois, and vode hallis al day
Sche smytin with the tawis dois rebound
And rynnys about, about in cirkil round
The [...]itles sort of forsaid babbyis ȝing
Studyis a wounderit, of sa nyce ane thing
This turnit tre, so al that berdles rout
Ferlyis to se sua slepe, and quhirl about
And al thare mynd settis, it to cache and driue
Na slawar went Amata, the kingis wyfe
Throw out the myd cietis of latyne land
And throw the feirs pepil, fra hand to hand
And forther eik, vnto the woddis grene
The swift fard catchis, furth this quene
Fenȝeand the rage of bachus, and grete mycht
Ane mare myscheif, for to contrufe and slicht
And greter furie swyith, sche gan begyn
Hir douchter hid, thir woddy hillis within
Thareby the troyane, spousage to delay
Stop and prolong, thare feist and bridel day
Sche schoutis hie, how Bachus god of wyne
Thow onlie art wourthie, to haue our virgine
And thus with loude voce, cryis and schautis sche
To the bachus, sche rasit eik on hie
Grete lang speris, as thay standartis were
With wyne tre branchis, wippit in thare manere
To the sche led ring sangis, in karoling
To the hir hare addressit▪ late doune hing
[Page] The fame herof, wide ouer al did sprede
Quhil at the last, the samyn fyry can sprede
In al the matrouns breistis, of the land
Cachit with force thay flok, fra hand to hand
Thare hous thay forhow, and leuis waist
And to the woddis socht, as thay war chaist
And lete thare nekis and hare, blaw with the wind
Sum vtheris went ȝelland, vnder the lynd
Quhyl al the skyis, of thare skrik fordynnys
And sum war cled, in pilchis, and foune skynnis
Into thare handis rasit apoun hie
The lange stourys, wound with the sweit wine tre
Amyd thaym al, quene amata gais
And feirsly dyd ane birnand fir tre rais
And of hir douchter eik, and turnus ȝing
The weddyng sangis, and bal [...]atis did sche sing
The bludy ene rolling, ful thrawartlye
Oft and rycht schrewitly, wald sche clepe and crye
Out Harro matrouns, quhare soeuer ȝe be
O latyne wyffis herkis now to me
Gif ony fauouris, and frendschip ȝit remanis
In ȝour deuote breistis, amang thir planis
Of the vnhappy, moder Amata
Gif ony thocht, remordis ȝour mind alsua
Of the effectuous piete, maternale
Lous hede bandis, schaik doun ȝour haris al
Walk in this wod, here karelling with me
Sing bachus sangis, sen na bettir may be.
¶ How Alecto persuadit, has Turnus
To moi [...] batal, incontrare latinus.
ALecto thus amang, the woddis derne
Mony wylde beistis den and depe cau [...]rne
In to sic rage this ilk quene Amata
With bachus fury cachis, to and fra
[Page clxxvi] And eftir that this wikkit, fals goddes
Thocht sche had scharpit, weil yneuch I ges
The first furie, of sa dolorus rage
For to distrub il, the foresaid mariage
And quyte peruert, or tu ruit top ouer tale
Latynus houshald purpois, and counsale
But mare delay, with wallowit wyngis sche
Wiskis from thyne, vnto the wallis hie
Of the curagius, Rutuliane Turnus
Quhilk ciete the dochter, of Acrisius
Fare Danae foundit for hir men, and hir
Dreuin to that coist, with the south wyndis bie
Quhilk was sum tyme clepit, Ardea
Fra Ardea ane foule, ȝit namyt sa
And to this day, the foresaid ryall hame
Be fortoun brukis of ardea, the name
Within thay hichty boundis, turnus richt
Lay still and rest, amyddis the dirk nycht
Alecto hir thrawin visage, did away
All furius membris lade a part, and array
And in hir schape transformyt of ane trai
Hir forhede skorit with runkillis, and mony rai
And with ane vaile, ouer sprede hir lyart hair
Ane branche of oliue, thare to knittis yare
Of Iunois tempil,
[...]l [...]tos o [...]acion to king turnus exhortyng him to battell contra [...]ye the tr [...] [...]anys.
semyt scho to beThe Nun and trattes, clepit Calibe
Before the visage, of this stout ȝonge knycht
Present hir self, with thir wourdis on hicht
Turnus will thou suffir, this vndocht
Thy lang trauell, and laubour be for nocht
And thy scheptour, and croun deliuerit be
To ȝoung banist new cumin, troiane menȝe
The king Latyne, the spousage of lauine
And thy dowry bocht, with thy blude and pyne
[Page] Denyis for to grant, the or ellis ocht
And to succede in his realme, has besoucht
Ane alienar borne, of ane vncouth land
Pas now thy way, and set the to gane stand
Thir perrillis but all thank, and gane ȝeild
Sen thou art mokit, go doune bett in feild
The oistis of Ethruria, and syne
Defend in pece and rest, the folk latyne
Almychty Saturnus douchter, aluterlie
As thou be nicht, thus doith at quietly
Bad me schaw planlie, all thir thingis to the
Haue done tharefore, assembil this cuntre
Addres thy fensabill men, in thare array
Enarmed glaidlie, moue and hald ȝour way
Towart the portis, or hauynnys of the seye
And set apoun, ȝone troiane menȝe
Drife thare chiftanys, of this land but hone
Thare payntyt caruellis, birne so to be done
The grete pouer, of heuinlie goddis diuyne
Commandit has decrete, and determine
Lat king Latynus, to his awin harmes
And haue experience of the turnus, in armes
Bot he the grant to wyfe, his childe lauyne
And kepe to the his promys, and conuyne
The ȝoung man mokand, at the prophetes
Herand sic speche answeris,
Turnus answere.
with moucht expresIt standis not so as thou wenys, but weris
The messingere, is not gone by myne eris
Full lang or now, how that ane strange nauy
Arriuit in this tybris streme, fast by
Fenȝe na caus, me for till affray
Wene not me lest, my purpoos leif no way
Nor riall Iuno, quene of realmes all
List our querrell forȝet, nor thole we sall
[Page clxxvii] Bot o auld dame, thy vile vnweildy age
Ouer set with hasart bare, and fante dotage
Quhilk vode is of all treuth, and verite
In sic curis in vane, occupyis the
And the dissauis as prophete, be fals drede
That geuis thy mynd tharon, thou has na hede
As for to trete of battall, betuix kingis
Thyne occupatioun standis, on vthir thingis
Quhilk suld haue cure of, not alanerlie
Bot goddis tempillis, and ymagis to spie
Thole men of peace, and were carp and reherce
Quham to partenis, the battell to exerce
At sic wourdis alecto, haite as fyre
Brynt in hir fury rage, and felloun ire
So that the ȝoung man, spekand suddanly
The trymbling hynt al membris of hys body
His ene stude abasit, in hys hede
This hellys monstoure, ful of wrath and fede
Hissit and quhislyt, with sa feil eddir soundis
And hir figure sa grisly, grete haboundis
Wyth glourand ene, byrnand of flambis blak
Turnus awondering, styntis and drawis abak
And as he purposit, mekyl mare to say
In stede of haris, sche rasit vp serpentis tuay
And of hir scourge, the sound scho made him here
Wyth rageand mouth, syne sayd and felloun bere
Behaldis this my vyle, vnweyldy age
Ouerset wyth hasaed hare, and fanat dotage
Quhen eild vode of al treuth and verite
Be fals dede, dissauis sa quod sche
As for to trete of battel, betuix kyngis
Behald gif it so be, consyder thir sygnis
Lo me present, ane of the systeris thre
Infernale furyis, of ferful hellis se
[Page] Se I bere in my handis and powere
The dede of battels, and the mortall were
And sayand thus, at this ilk feirs ȝoung knycht
Ane hait fyrebrand, kest scho birnand bricht
And in hir breist, this furius lemand schide
With dedely smoik, fyxit depe can hyde
The huge drede, with this dissoluit his slepe
Ouer al his body, bristyng furth did crepe
The warme swete, throw euery lith and vane
And al enragit, gan efter harnes frane
Armour al witles, in his bed sekis he
Armour ouer al the lugeing, law and he
The grete curage, of irne wappinnis can wade
Crewell and wylde, and al his wit muade
In wikkit wodnes, battal to desire
Quharon he birnis, hait in felloun ire
Lyke as quhen that the ingil, of stikkis dry
With blesand found, is laid to by and by
About the sydis, of the pot playing
The liquour sparkis, for the heit buling
Within the feruent bullir, violent
Of wattir, making reky froith vpsprent
So swellis vp the skun, and bellis bedene
The veschel may no more, the broith contene
Bot furth it poplis in the fyre, here and thare
Quhip vp fleis the blak stew, in the are
And for als mekil as turnus, thus was stad
The gretest of his chiftanis he bad
To king latyne, and declare him but were
The peace was brokin, and he wald moue the were
To graith thare armour, fast commandis he
To defend Itale, and of thare awin cuntrye
Thare Inemies expel, and dryue as ȝit
He was yneuch for baith, he lete thame wit
[Page clxviii] Baith to recounter the latynis and the troianis
Quhen this was said, and on sic wise as ganis
The goddis callit to be in thare helpyng
Than besely, rutilianis ouer al thing
Can ather vthir, fast exhort and pray
On the best wyse, for werefare to puruay
Sum the maist semely farrand personagē
Tyistis to the feild, to proue his grene curage
Sum on his ȝouth hede, and his theis gude
And sum is mouit throw his riall blude
For his progenitouris, nobil kyngis were
And sum war eik indueit to the were
For the proues knawin, in eik landis
And dedis wrocht, maist knichtly with his handis
Ascanius huntand has / ane tame hart hurt
Quhilk was first mouing, of thare strifs and sturt.
QVuhil turnus on this wise about all partis
In the rutilianis, rasys hardy hartis
With hir infernall wyngis, furth can cary
Alecto towart troianis, but mare tary
By ane new flicht, ane place spyit has sche
Quharfor the tyme, by the coist of the se
The ȝoung semely Ascaneus, at solace
Dyd hunt the wyld dere, following the chase
Thare suddanly, this hellys wenche infest
Ane haisty fury, on his houndys kest
Thare neis thyrlis, with ane sowir sent
Scho fillys so,
The fyrst occatiō of warbetuix the troians and rutilians
that besely thay wentEfter the fute of ane tame hart, quhilk thyng
Was the first caus, of the werefare and fechtyng
And first steris the wyld fosteris fell
To moue debait, or make them for batall
This hart of body, was bayth grete and square
With large hede, and t [...]ndis birnist fare
[Page] Quham chider of ane thirreus, thame amang
Reft from his moderis palp, had nurist lang
Thireus thare fader, was hie maister and gyde
Of stedis folkis bowis, and hirdis wyde
As storour to the kinge did kepe, and ȝime
Of the large plane, all trust was geuen to him
Full dantit and full tame, at thare command
Was so becum this beist, that but command
Silma thare sister, with all diligence
Arrayit him with flouris sweit, of sence
Oft plet scho garlandis, for his tyndis hie
The dere also full oft tyme kame wald sche
And fele syis wesche, in till ane fontane clere
Full wele sufferit hir handis, the tame dere
And was accustumyt so, quhen he liest eit
At his awin maisteris burd, to seik his mete
Querall the woddis wald, he raik ilk day
And at euin tide, turne hame the strecht way
Till his lugeing, wele bekend fute hait
All by him selfe, war the nicht neuer so lait
This hart errant, fer from his ressett
Ascaneus wod, hundis vmbesett
As that percaise, for the hait sonnys gleme
He held doun summand the clere ryuer streme
To cule his hete, vnder ane gresy bra
Ascaneus the child, him self alsua
Birnyng in desire, of some notabill renowun
With nokkit bow, byuent all reddy boun
Wenand him wyld, lete sone ane arrow glide
The goddes wes, all reddy fast besyde
Thus can his hand addres, but wauering
The flane flaw fast, with ane sprang fra the string
Throw out the wambe, and en [...]rellis all but stynt
The scharp he did schaft, duschit with the dynt
[Page clxix] The dere so dedelie woundit, and to lame
Vnto his kynd resset, gan fleing hame
And enteris in his stall, and that anone
All blude besprent, with mony grank and gron
And like ane man besocht, help and supple,
With his plenyng, all the house fillis he
Silma the eldest sister with ane schout
Hir handis clapping fast, hir schulderis about
Cryis efter help, and gan togidder cal
The landwart folkis, and doureforstaris all
Thay tho assemblit, to the fray in hy
And flokkis furth rycht, fast vnwarnistly
For the ilk furie pestilentiale, that houre
Ful priuely, in the derne wod dyd loure
To cast on thame flely, hyr fereful rage
That, furth with vpstertis, baith man wife and page
He with ane burdoun, of ane lang stif tre
The poynt scharpit, and brynt ane lityl we
He with ane knotty club, and knorry hede
Quhat ilk man fand, first reddy in that stede
Sekand ane swerd, now rinnand fra the pleuch
Thate greif made that thing, wappyn gud yneuch
Thirreus the maister, storour in ane rout
The karllis assemblit, him al about
Quhare as percase, besy with wedge is he
Stude schidand ane foure, akyn squarit tre
with mony pant with felloun hanchis and quaikis
Als oft the ax reboundis, of the straikis
This cruel goddis, feirful alecto
For til ennoy, hir tyme espyes tho
And spelys vp ful sone, as scho war wod
Apoun ane heith stabyl, quhare that beistis stude
Richt bustuously, apoun the rufe on hie
The hirdis ensenȝe, loude vptrumpis sche
[Page] And in ane bowand horne, at hir awin wil
Ane feyndliche hellis voce, scho schoutis schill
At quhais sound all trymblit, the forest
The derne woddis, resoundid est and west
The blaw was hard, thens mylis mony ane
At the depe loch of triuia, ar Diane
The dyn was hard, eik ellis quhare full far
At the sulphureus quhite ryuer, callit Nar
And at the laik or fontane, of velyne
Baith to and fro, or all the cuntre syne
Wemen and moderis, effrayit of this case
Thare ȝoung children fast, to thare breiflis did brase
Than spedely with haist, and besy fare
The lauborars vndantit, here and thare
Hynt wappinnis, and assemblit, on euery syde
Towart the sound, quhare as the trump that tyde
With dedlye voce blew, this ferefull syng
The Treiane power, also can furth thring
With hale routis ascaneus, to reskew
The battellis war adionit, now of new
Not in manere of landwart folkis, bargane
With hard blokkis, ruschand all ouer ane
Not blunt styngis, of the brissillit tre
But with sharp scherand wappinnis made melle
The ground blaknyt, and ferefull wox alsua
Of drawing swerdis, sclentyng to and fra
The bricht mettell, and vthir armour fere
Quharon the son blenkis, betis clere
Elitteris and schane, vnder bemes brycht
Castis ane new twynkling, or ane lemand lycht
This stoure sa bustuous, begouth to rise and grewe
Like as the fey changeit, first his hewe
In quhite lipperis, by the wyndis blast
Syne pece, and pece the stude boldnys sa fast
[Page clxx] Quhil finalie, the wallis vprisis mare
That fra the grounde, it warpis vp the are
At the first compter, in to this bargane
Almon tirrheus eldest son, was slane
Ane fare ȝong springald, quhilk caucht dedis wound
Throw dynt of arrow, schote with felloun sound
That smate him rycht, in at the hals bone
The lopperit blude, stoppit his aynd anone
And closit in, of life, the tendir sprete
About him fell doun dede, and loist the swete
Mony of the hird men, amangis quham was ane
The elder galesus, as that he allane
Offerit him self amyd the oistis, tua
To trete concord of pece, and the fra
Quhilk was the iustest, of ane rurel man
And mychtiest in his tyme, leuand than
Ouer al the boundis, of Ausonia
His fiue flokkis fosterit, to and fra
Fiue bollis of ky, vnto his hame reparit
And with ane hundreth plewis, the land he arit
¶ Fra the fyrst slauchter / made apoun this wise
Turn us and all the pepill / for battell cryis.
ANd as the bargane, on this manere ȝede
In plane feild, and euery battall stede
The hellis goddes, Iosing at hir will
Hir promys quhilk scho hecht, for to fulfil
Als sone as was the grete melle begun
The erth littit with blude, and al ouer run
And the first slauchtir, was committed and done
In dedely were than Italy, als sone
Sche leuis and with swift, fard gan do fle
Throw out the skyis, to the heuins hie
Haifand hir purpois, said with voce full proud
Vnto Iuno thus spak scho throw ane cloude
[Page] Lo now discord,
Alert oschawie Iuno quhat discord sche has sawin betuix the troianis & Italyanis.
perfurnist as thou waldWyth schrewit battall, and carys mony fald
In tender freyndschyp, lat thame now conuene
Knyt vp alyance, and fallowschip bedene
Sen that I haue the troianis, al by sprent
With blude of the Italianis, or I went
And gif thy mynd, be ferme therto wyth me
I sal this mekil eik, to my werke quod sche
For til induce the cieteis, adiacent
Vnto the barne, or that I hyne hent
With schrewit rumouris, I can amang thame male
Thare myndis so, I sal inflambe alhale
By wod vndantit, feirs desyre of marte
Thay sal forgadder, to helpe from euery art
Quhil battellis, armouris, sweirdis, spere and scheildis
I sal do saw, and strow ouer al the feildis
Than ansuerit Iuno, at haboundance thare is
Of thy dissaitful slycht,
Iunos ausuere.
and fraud iwysAnd eik of ferefull terrour, and deray
Weil at perfurnist causis, of this were perfay
That fecht togidder, mydlyt on the land
Bayth face for face, with drawin glauis in hand
And new sched blude, lettis thare armour clere
Quhilk thay be fortoun, taucht has first in were
ȝone wourthy squyar, of venus blude and kyn
And kyng latynus now lat thame begyn
Sic wedlok to contract, and spousale feyst
Bot the grete fader of heuin, at my requeist
Wyl suffer the at large, no langar here
To walk and tary, aboue the skyes clere
Withdraw the of this place, for thy wele sone
Gif ony chance restis, mare to be done
I sal my self, that matter reule and gy
Thir wourdis spak Iuno, and scho therwith in hy
[Page clxxi] Hir doubill wyngis, with eddir sounde did bete
Leuand hir heuynnys, socht to hyr hellis sete
Amyddis Itale, vnder the hillis law
Thare standis ane famous stede, wele beknaw
That for his brute is namyt, in mony land
The vale ausanctus, hate on athir hand
Quham the sidis, of ane thik wod of tre
Closis all derne, with skuggy bewis hie
Ane routand burn, amydwart therof rynnis
Rumeland and soundand, on the craggy quhynnis
And eik forgane the brokin brow, of the mont
Ane horribill caue with brade, and large front
Thare may be sene ane throll, or aynding stede
Of terribill Pluto fader, of hel and dede
Ane rift or swelth, so grislie for to se
To Acheron reuin doun, that hellis sye
Gapand with his pestiferus goule, ful wyde
At quhais bissing, the fury gan doun slyde
This huttit goddes, and by that discence
Deliuerit heuin, and erd of hir presence
And netheles during, the mene sesoun
The quene hir self, saturnus gett anone
Set to hir hand, and vndid the batel
Of hirdmen al the routis, with ane ȝel
Ruschit fra the feild, to the ciete but tary
The slane body away, with thaim did cary
Almon the child, and dede galesus als
With blude by sparkit visage, hede and hals
Thay thig vengeance, at the goddis and syne
Thay rame and cry, fast on the king Latyne
Turnus was by, and amyd this deray
This hate fury of slauchter, and fell affray
The terrour doublis he, and fereful drede
That sic forloppin troianis, at this nede
[Page] Suld thankfully be resset in that ryng
Or phrygiane blude, confideryt with the kyng
And he furth of thay boundis to be expellyt
The felf tyme eik, for the matrons that ȝellit
And roundis sang, so in thare wylde dotage
In the derne woddys, smytten with bachus rage
Grete routis dyd assemble thidder in hy
And roupit efter battell, ernestfully
Thare detestabyl weris, euer in ane
Agane the fatis, all thay cry and rane
Contrary ansuerys, and disputa youns all
Of goddis for the were, thay clepe and call
Led by the power, and frawart godhede
Of cruel Iuno, with auld remembrit fed
Ful fast thay thryng, about the kyngis palyce
Bot thys ilk latyne, knawand thare malyce
Resystis vnmouyt, as ane roik of the se
quhen with grete brute, of wattir smyte we se
Hym self sustenis, by his huge wecht
Fra wallis fel, in al thare bir and swecht
Iawpyng about his skyrtis, with many ane bray
Skellyis and fomy craggis thay affray
Rowtand and rarand, and may nocht empare
Bot gyf thay sched fra his sydis the ware
So efter that the kyng, mycht not resyst
Thare blynd purpois, for as euer Iuno lyst
The mater went, all set to crueltie
Full mony goddis, and the heuynnes hie
To wytnes drew he, as was by his wyll
Bot all for not, nane tent was tak thare tyll
Alace he sayd, we are to broik and ryue
By the fatys by storme, cachit and dryue
O ȝe wretchit pepyl gan he cry
with cruell pane, fu [...]ldere he sall aby
[Page clxxxii] This wilful rage, and with ȝour blud expres
The wrangis of sic sacrilege, addres
O turnus turnus, ful hard and heuy wraik
And sorouful vengeance, ȝit sal the ouer taik
Quhen al to late, in thy helping thou sal
With prayeris on the goddis, clepe and call
For I had fund my rest and eis, quod he
Now at the dur, deth reddy bydis me
Quhare now of happy pompis, funerall
I spulȝit am, and sic triumph rial
Na mare saying, with that word futhet
Ful clois within his palice, he him schet
Of all sic thingis, gaif ouer the cure and charge
Sen na bettir micht be, to go at large.
☞ The portis of were to twych / the prince refusis
Quhilk Iuno brekys syne / for battel musis
THe manere than was, and the auld custume
Within the land, of ancient latyum
Quhilk blissyt vsage, eftir mony ane day
The cieties and faderis of alba,
Ane old custome and consuetud in mouing of war
kepit ayNow the grete maister, souerane ciete dyng
Of Rome kepis and hantis, the self thyng
That is to knaw, quhen first euir thay moue or stere
The martial ensenȝeis, for the were
Quhidder so thay list, to set with oistis plane
On the gethis pepil, tartareane
with dolorus, and with ful lamentabyl were
In hircany or Arraby to stere
Or for to ettil, in to Inde furth eik
Towart the dawing, and son rising to seik
Or ȝit to ask and reduce, hame agane
Thare standartis, from the doure pepyl persane
Twa portis ben of battayl, and debayt
So thay war clepyt, to thare name and hayt
[Page] Haldyng in religioun, of haly reuerence
Of martis cruell dede, and his offence
Ane hundreth brasin hespys, thame claspyt queme
And strenthy Irne slottis, thay did seme
To be eternal, and in consumptyue
Nor Ianus kepare, of this entre of stryue
Was no quhile furth, of this ilk hallowit hald
Bot quhen the ferme sentence, of faderis ald
Was any tyme determyt, to moue were
Than he that was chefe duke, or counsellere
In rob rial vestit, that hate quyryne
And ryche purpoure, efter the gyse gabyne
Gird in ane garmont, semelie and fute syde
Thir ȝettis suld vp opin, and wrap wyde
Within that gir gand hirst, also suld he
Promyse the new were, battell and melle
Quhen all the fensabyl men, suld follow fast
Wyth plane assent, and brasin trumpis blast
The kyng latyne furthwith, command thay than
On this manere, as prynce and gretest man
To proclame were, and decrete the melle
Agane troianis, thydder cummyn wyth Enee
And wrap the sorowful ȝettis, vp on brede
The prince refusyt, to do so vyle a dede
Ne lyst not anys, thame tweche nor brek his hest
So aggreuyt planely, ganestude thare request
And in this secrete closyt, him with drew
Than from the heuyn, doun quhirland with ane quhew
Come quene Iuno, and with hir awin handis
Dang vp the ȝettis brak, but delay the bandis
This cruell dochter, of the auld saturne
The mekil hirst, can welter and ouerturne
And strang ȝet chekis, of werfare aid battell
Skaik doun and rent, the grete Irne postis fell
[Page clxxxiii] Vnsterit lang tyme, and vnmouit Itale
Now birnis in to fury, bellicall
Sum grathis thame on fute, to go in feild
Sum hie montit on hors bak, vnder scheild
The dusty pouder vpdriuand, with ane stoure
And euery man socht wappinnis, and armoure
Thare schynand scheildis, sum did burnis wele
And sem polist, scharp spere hedis, of stele
To mak thame bricht, with fat chreische or same
And on quhite stanis thare axis scharpis at hame
To bere pynsellis it gladis thame, vp and doun
And ar reiosit to here, the trumpettis soun
Fiue of the gretest, and maist cheif cieteis
Thare wappinnis to renew, in all degreis
Set vp forgis and stele, steddyis fyne
Riche Eil na, and the proude Tiburine
Ardea the ciete, and Crustumerye
And eik Antene, with strang towris hie
And werelie wallis, battellit about
The sikkir helmes penys, and forgis out
Thare targis bow thay, of the lith sauch tre
And bos bukkellris couerit, with corbulze
Sum steile haubrekis, forgis furth of plate
Birnyst flank ertis, and leg harnes fute hate
With lacit sowpyl siluer, well ammellyt
Al instrumentis of pleuch, graith Irnit and stelit
As culturis, sokkys, and the sowmes grete
With syithis and all hukis, that scheris quhete
War thidder brocht, and tholys tempyr new
The lust of all sic werklomes, wer adew
Thay dyd thame forge, in sweirdis of mettal brycht
For to defend thare cuntre, and thare richt
Be this armour grathyt, and thare gere
Th [...] draucht trumpet blawis, the brag of wire
[Page] The sloghorne ensenȝe, or the wache cry
Went for the battall, all suld be reddy
He pullis doun his sellat, quhare it hang
Sum dele affrait of the noyis, and thrang
He driuis furth, the stampand hors on raw
Vnto the ȝoik, the chariotis to draw
He clethis him with his scheild, and semys bald
He claspis his gilt habirihonne, thrinfald
He in his breist plait, strang and his birnye
Ane souir swerd, beltis law doun by his thie.
¶ The poet makis to goddis his prayere
Deulis to compt the follkis graithis / for this were.
ȜE musis now sueit, goddis Itoȝne
Opin and vnschet, ȝour mouth of Elicone
Reuele the secretis,
Inuocacion.
liand in ȝour mychtAddres my stile, and stere my pen go richt
Intone my sang, and tyll endite me lere
Quhat kingis did remoue, furth to this were
Quhat routis followit euery prince in feld
With oistis brade, that dyd the plane ouer heild
With quhat maner of vailȝeand men, sic wayis
The happy ground of Itale, flurist thay dayis
With quhat kin armouris, it inflammyt schane
Furth schaw thlr ancient secretis, euery ane
ȝe blissit wichtis, forsoith remembris wele
All sic thingis, and quhare ȝou list may reuele
Thocht skarslie, for the proces of lang ȝeris
Be smal rumour therof come till our eris
First from the land,
A cathalog of the captanys of warre that follow it turnus Mezentius i [...]usus.
and coist hait thirreneVnto the battell hounis, sterne and kene
Mezentius the king, that in his day
Contempnare cleppit was, of goddis ay
The gyder of hys army, and his rout
Was his son lausus, vailȝeant and stout
[Page clxxxiiii] Aboue al vthir quhilk, was maist semely wicht
Except the persoun of Turnus,
Lausus
the gentil knichtQuhilk was the floure, of al the Laurentis
This lawsus wele, taucht at al degreis
To dant grete hors, and as him self arreist
Hunt and doun bet, the dere and ilk wild beist
Ane thousand men, he lat of his conuyne
From Corire, the Ciete Agilline
Wourthy he was, to reule ane great Empyre
And to be cummin, of sum happy sire
Than of mezentius, banist and inding
Bot to haue bene, sum Empriouris son or Kyng
The lusty Auentynis,
Auent [...]us
nixt in preisHim followis the son, of wourthy Hercules
Throw grisly planis, his chare with Palme ryall
Was rollit furth, by hors vyctorial
Quhilk in his musturis, schew in the feild
His faderis takinnis merkit, in his scheild
Ane hundreth edderis, and vthir snakis in sete
Lynkit about of larne, the serpent grete
Quham the Nun Rea, and woman diuyne
In the derne wod, of the mont Auentyne
Bare and brocht furth, vnto thys warldis licht
Ful priuely vnknaw, of any wicht
The woman mydlit, with the god went bound
Eftir this ilk Hercules, had brocht to the ground
And Vincust Gerioun, with proude bodyis thre
Syne in the feild besyde, Laurent citie
Was enterit as him list, to take his rest
His spanȝe oxin, quham him liket best
Did baithin and refresche, to make thaym clene
In Italie strandis, at the coist Thirrene
This Auentynus followis in thir weris
Bare in his handis lance, staiffis, and burel speris
[Page] And dangeris faschouns, in to the staifis oftre
With round stok swerdis, faucht they in melle
With poyntalis or with, stokkis sabylyne
Thare capitane this ilk strang, auentyne
Walkis on fute, his body, wymplit in
Ane felloun bustuous, ane grete lyoun skyn
Terribil and routh, with lokkerand tatty haris
The quhite tuskis, the hede and cluuys thare is
And on sic wyse, grym and awful to se
Within the kingis grete Palice, enteris he
Ouer his schulderis, hingand as said is plane
His faderis talbart cote, herculiane
Twa bretherne, to thys batal followis syne
Furth of the walli [...] ciete, Tyburtyne
Leding thay pepil, namyt ane and vthir
Fra Tyburtus,
Catillus
that was thare eldest brotherAnd thay war clepit,
Choras
the tane CatillusThe tother Choras, strang and curagius
Stout ȝoung men, Grekis borne of arge bayth twane
Before the formest oistis, in the plane
Amyd ane bus, of speris in rade thay
Generit of the cluddis, like to Centaures tway
Quham fra the montane top, of honolane
Or snawy ottrym hyl, doune to the plane
Wyth felloun farde, and swift cours he and he
Gan to discend, leuand the holtis hie
The large wod makis placis to thare went
Buskis withdrawis, and branchis al to rent
Gan ratling and resound, of thare deray
To red thare renk, and rowmes thaym the way
Nor seculus was not absent,
Seculus
traist meThe foundare of the cite preneste
Quham al eildis, repuris and schawis vs
Engenerit was, by the god vlcanus
[Page clxxxv] And by the fyre syde, fund ane ȝoung fundling
Ouer landwart beistis, syne wolx lord and kyng
Ane hale legioun, in ane rout followes hym
Of wyld wod men, quhilk dois thare catal ȝym
Al thay pepil, one brede hayth he and he
That inhabit, the heigh toun Preneste
And that occupyit the grete feildis also
Of gauyne quhilkis, ar dedicate to Iuno
And thay that duellis, langis the schil ryuere
Of Anyen, and thay also in fere
Amang the dewy strandis, and craggis remanis
Of hernica, in the sabyne montanis
And thay also, that bred and fosterit be
In boundis riche, Anagania ciete
And eik thay pepil, duelling fare and bene
In Campanea, on the flude Amasene
Amangis al thir pepil, na brycht armyng
Mycht thou here sound, nor scheild ouer schuldir hyng
Nor cartis clattir, bot of thaym the maist parte
To schute or cast, war perfyte in the art
With lede pellokis, from Ingynis of staf slyng
By dyntis bla, thare famen doun to ding
Sum doubil dartis, casting in handis bure
And for defence, to kepe thare hedis sure
And ȝallow hat ware, of ane wolfis skyn
For thay wald be lycht bodin, ay to ryn
Tare left fute, and al thare leg was bare
Ane rouch rilling, of raw hyde and of hare
The tothir fut, couerit wele and knyt
Neptunus son,
Mesapus
lift tho no langar sitHait Mesapus, bot bownis furth to gang
Danter he was of stedis wyld and strang
Quham na man, with stele wappin forgit bricht
Nor birnand fyre, vnto his dede mycht dycht
[Page] Now haistelie, in armes callis he
The rowtis of the pepyl, and menȝe
Quhilkis lang to fore, disusit had in were
Wyth curage dolf, that ydill lay thare gere
Thare swerdis new, and byrnist glauys gray
He made thame furth, to draw and oft assay
Wyth hym thay folk, in fallouschip led he
That inhabitis, fastinium the ciete
And the iust pepil, clepit falissy
And thame that duellis, in sarrate fast by
Ane strang ciete, and hie situate
Vnto the god, apollo dedicate
And thay that in flauinia, feildis duell
Or that wynnys besyde, the laik or well
Of Crymynyk, vnder the montane bra
Or ȝit amang, the schawis of Capna
In gudly ordour, went thay, and array
And of thare kyng, sang ballettis by the way
Sic wyse as sum tyme, in the skyis hie
Throw the moist are dois, snaw quhyte swannis flie
Quhen thay fra pasture, of feding dois resorte
To seik thare solace, and thare gyse to sporte
Wele sounding wriblis, throw thare throttis lang
Swouthing makis, in maner of ane sang
That of that brute resoundis, the ryuer
And al the laik of Asia, fer and nere
So in likewyse on the fer was, nane mycht ken
That rout had bene, ane oist of armyt men
Bot of the southand, swannys suld he wene
Ane sope fleand, in the are thay had bene
Quhilk chasit, or affrayit Iolely
Socht crowpyng, to the coist syde fast by
¶ ȝit comptis the poet / the chyftanys all and sum
Aganys the troyanis / fall in werefare cum
[Page clxxxvi] LO clausus eik, that douchty was and gude
Discendit of the ancient,
Clausus with dy [...]ers pepil [...] of Italye cummis to warre.
Sabynis bludeAne mekil rout leadis, furth to the were
As grete men wourthy, sic ane oist to stere
Fra quham the clan, and pepil Claudiane
Is cummyn ouer al the boundis, Italiane
Eftir that Rome was geuin, and made fre
To the Sabinis, as thare propir ciete
Togiddir gan assembil, ane huge route
That fra the ciete, amaterne flokkis out
The ancient Sabinis, hait querites then
And of Enety, al the fensabil men
Of mytista, quhil now hecht tribule
Quhare growis of Oliue treis, grete plente
Al thay that duellis, in that moentyne
Or rosye feildis, besyde the laik velyne
Or on the scharp craggy, rochis hie
Quhilk for harsknes, ar clepit tetricye
With hingand hewis, and mony sloukand bra
Thidder held the ciete, of Casperia
That that inhabitis, ferales that toun
Or on the flude Hymella, vp and doun
Al thay that drinkys, of Tyber the riuere
Or Sauarus, that rynnys fresche and clere
And that wynnys, in Nursia sa cald
And of Ortyne, the nauy grete and bald
The latyne pepil also, and al thay
Quhare the vnhappy flude of Allya
Flowis throw the boundis, and bedyis thare land
Als thik thay gadder, and flokkys fra hand to hand
As euer the fomy, bullerand wallys hie
Is seme welter, on the large libiane se
Quhen the stormy orion, his hede schroudis
In wynter vnder the blak wattry cloudis
[Page] Now haistelie, in armes callis he
The rowtis of the pepyl, and menȝe
Quhilkis lang to fore, disusit had in were
Wyth curage dolf, that ydill lay thare gere
Thare swerdis new, and byrnist glauys gray
He made thame furth, to draw and oft assay
Wyth hym thay folk, in fallouschip led he
That inhabitis, fastintum the ciete
And the iust pepil, clepit falisty
And thame that duellis, in sarrate fast by
Ane strang ciete, and hie situate
Vnto the god, apollo dedicate
And thay that in flauinia, feildis duell
Or that wynnys besyde, the laik or well
Of Crymynyk, vnder the montane bra
Or ȝit amang, the schawis of Capna
In gudly ordour, went thay, and array
And of thare kyng, sang ballettis by the way
Sic wyse as sum tyme, in the s [...]yis hie
Throw the moist are dois, snaw quhyte swannis fie
Quhen thay fra pasture, of feding dois resorte
To seik thare solace, and thare gyse to sporte
Wele sounding wriblis, throw thare throttis lang
Swouthing makis, in maner of ane sang
That of that brute resonudis, the ryuer
And al the laik of Asia, fer and nere
So in likewyse on the fer was, mane mycht ken
That rout had bene, ane oist of armyt men
Bot of the southand, swannys suld he wene
Ane sope fleand, in the are thay had bene
Quhilk chasit, or affrayit Iolely
Socht crowpyng, to the coist syde fast by
¶ ȝit comptis the poet / the chyftanys all and sum
Aganys the troyanis / fall in werefare cum
[Page clxxxvi] LO clausus eik, that douchty was and gude
Discendit of the ancient,
Clausus with dyuers pepil [...] of Italye cummi [...] to wares.
Sabynis bludeAne mekil rout leadis, furth to the were
As grete men wourthy, sic ane oist to stere
Fra quham the clan, and pepil Claudiane
Is cummyn ouer al the boundis, Italiane
Ef [...]ir that Rome was geuin, and made fre
To the Sabinis, as thare propir ciete
Togiddir gan assembil, ane huge route
That fra the ciete, amaterne flokkis out
The ancient Sabinis, hait querites then
And of Enety, al the fensabil men
Of mytista, quhil now hecht tribule
Quhare growis of Oliue treis, grete plente
Al thay that duellis, in that moentyne
Or rosye feildis, besyde the laik velyne
Or on the scharp craggy, rochis hie
Quhilk for harsknes, ar clepit tetricye
With hingand hewis, and mony sloukand bra
Thidder held the ciete, of Casperia
Thay that inhabitis, ferales that toun
Or on the flude Hymella, vp and doun
Al thay that drinkys, of Tyber the riuere
Or Sauarus, that rynnys fresche and clere
And that wynnys, in Nursia sa cald
And of Ortyne, the nauy grete and bald
The latyne pepil also, and al thay
Quhare the vnhappy flude of Allya
Flowis throw the boundis, and bedyis thare land
Als thik thay gadder, and flokkys fra hand to hand
As euer the fomy, bullerand wallys hie
Is seme welter, on the large libiane se
Quhen the stormy orion, his hede schroudis
In wynter vnder the blak wattry cloudis
[Page] Or how feile etheris of Corn thik growyng
Wyth the new sonnys hete, birssillit dois hyng
Or hermy feildis, in the somer tyde
Or in ane ȝallow corne, flattis of lide
Als monysche ildis clatteris, and Tergatis
That for dynnyng of thare fete, al the gatis
For stamping stedis, and for trumpis blast
The ground wox, al affrayit and agast
The Inemye to troiane name anone
The bastard son,
Alesus
of king AgamenoneHecht Alesus, can with feits mude acquarte
Adione his hors, for to draw his cart
And in the ayd of turnus, and supple
Ane thousand feirs folkis, assemblit he
The quhilkis with rakis, ouer turnis euery bra
Fertill of wynes, in the mont Massita
Of thaym also duelland, in hillis he
Send from the auld faderis of Armyta citie
And thay that Duellis, hard on the bra
Besyde the ciete, of sydytma
Or come fra Cales, into champany
Wyth al thay pepillis, into company
Inhabitant the schauld, flude Vlturnus
And frawart folkis hait, Saticulus
Togidder eik, with the haile multitude
Of ostores that pepil, sterne and rude
Thir bare in feildis, of wappannis in the stedis
Round castyng Dartis, or Macis with pykit hedis
Quhilk in thare lede, clepit is ane aclide
And so it mycht, the more surelie abide
Vnto thare arme, it is knyt wyth ane teuch stryng
Quhare with thay do it, in thare face slyng
Ane balen pauis, couers there left sydis
Maid of hart skynnis, and [...]hick or in hidis
[Page clxxxvii] And crukit swerdis, bowand like ane syith
Thay bare at hand, reddy to draw ful swyith
Nor now Oebalus,
Oebalus.
vnreknyt sal not wendBy our matir but louing, and commende
Quham king Telon engendrit as thay say
On sabetrudes, the lusty Nymphe or may
That tyme quhen he regnit, as Lord and kyng
Ouer cappreas, Ilis, and in the gouernyng
Led the pepil hait theleboes bald
Or than fer step in age, was he and ald
Bot his son o Oebalus, in his entent
Of his faderis boundis, stude not content
That lang afore, to his obeysance he
Subdewit had, the pepil sarreste
And al the large feildis, bonk and bus
Quhilk ar bedyit, with the riuer Sarnus
Thay that occupiit Rusa, and baculane
In champany riche, and strang townis twane
The planis eik, and sulȝe of Celene
Quhilk dedicat, ar vnto Iuno Quene
And thay behaldis, the werely wallit ciete
Of Nola with his stalwart towris hie
Quhare grete plente, of appillis, orange growis
Quhilk pepyl in thare werefare, had na bowis
Bot war accustomyt, for to thraw oft syis
The castyng speris, one the Duch mens gyfe
Quhais hedegere war of ful souir extent
Made of the cork or bark, fra treis rent
Buklaris thay bare, with bos or plate of steil
And schynand swerdis of mettall burnist weile
Thay pepill eik,
Nursini.
that clepit bene NursinisQuhilkis in the strait, and hie montanis remanis
Send to the feild, ane chiftane of defence
Of wourthy fame,
Vsens
the renownit vfence[Page] Happy in armys, and redputit was he
Bu [...]luons aboue all vtheris, his menȝe
The pepyl clepit, of Equyeola
That hard furris had, telit mony da
And al enarmyt labour, thay thare land
Thay hant ful oft, hunting in woddis at hand
Euer lyke thame to cache, and draw away
The recent sprech and frethe, and callour pray
And on spulȝe to leif, and on repyne
On to this battel bownis, the preist diuyne
Vmbro to name, the strenthiest ane man
Of al the pepyl, in Marrubia clan
Send from the kyng, Archippus with his feris
As thare chiftane, and reullare in the weris
Hys helme arrayit, with ane garland schene
Plet of the Olyue, happy branchis grene
Ilk kynd of eddir, and hilsand serpent fell
Wyth incantacioun, he couth gar ryffe or [...]well
Or cast a poun thame, sleping with his song
And wyth charmes, and his herbys strang
Thare wraith and vennom, couth he dant and meis
And hele thare stanging, and sic hurtis to eis
Bot he couth fynd na curis, nor remede
To saif him fra the troyane, speris hede
Hys slepy charmes, had no force no mycht
Nor herbys gadderit, on marsis montis hicht
To help thay hurtis, he caucht in the melle
O souerane preist, quhat reuth was it of the
For the, the woddis, wepit of augitus
The cristall strandis, murnit of sustynus
The bewalit clere laikis, and spryng wellis
Nymphis virginis matronus, and damisellis
Furth to the battall eik, suld virbyus
The son maist semly, of hipolitus
[Page clxxxviii] The cheif maternale, ciete ful of mycht
Arisia furth sent thys, wourthy knycht
In schawis schene, endlang the wattir bra
Of flude hymetes, by Ageria
That nymphe he fosterit, was ful tenderly
As quhare of manswete, Diane fast tharby
The altare eicht, for tyl appleis vpstandis
Oft ful of sacryfyce, and fat offerandis
For many haldis, opinioun sayand thus
By commoun voce,
The tale of [...].
and fame ypolytusEfter that he slane was, and to dede dycht
By fals diffait, of his stopmoderis siycht
And had eik sufferit, by hys blude and breith
The cruel panys, of his faderis wreith
As to be harlit with hors, that caucht effray
And skeithit at ane merswyne, by the way
ȝit neuertheles, for the luf of Diane
He was restorit, to his ilk lyf agane
And come to duel, vnder our heuin and are
That here aboue contenis, thir sternis fare
Quhilk cure was done, by Asculapius sle
Throw the mycht, of the rose pione
Than Iupiter, almichty fader he
Hauand disdene, ony mortall suld be
Rasit to lyffe, or ouir warldis lycht
From the dyrknes, of the nethir hellis nycht
The fyndare of this, crafty medicyne
Quhilk was beget, be the god appolyne
That is to knaw, this Asculapyus
Wyth thunderis dynt, baith fell and dangerus
Vnder the erth smat, doun for to remane
In hellis ground, and wattir stigiane
Bot than the thrinfald, Diane ful of blys
In secrete place, ypolitus with this
[Page] Hyd and betaucht, Agera the may
To be kepit in that ilk, forest gay
Quhare him allane, in woddis of Italy
Hys lyffe he led, vnknawin of any wy
And quhare he fyrst was, hate ypolitus
Changeit his name, yclepit virbyus
And be the self resoun, ȝit also
From the tempil, of Diane euermo
Thir borny hewit hors, bene debarrit
For samekyl as thay at the sey, monstour skarrit
And brak the cart, throw thare vndantit mycht
And furth swakkit, ypolitus gentyl knycht
ȝit netheles, hir son virbyus
The ardent stedis feirs, and cheuelrus
Throw out the plane feild, drawis al in sere
And furth harlis, his chariot to the were
¶ How turnus to this batall / bownis to ga
And als this werelyke / woman / Camilla
TVrnus him self,
Turnus king of ru [...]ilian [...].
the cheif CapitaneAmyd princis, and grete chiftants ilkane
Enarmed walkis, turnand to and fro
Wyth corpis of stature, elygant that so
Quhare as he went, out throw the routis on hye
Abuf thame all, his hede men mycht wele se
Quhare on his helme set, ful richely schane
Wyth creistis thre, lyke ane lokkerand mane
Thareon as tymbrall, standand Chimera
That wounderus monstour, wyth wyde chaftis bla
Furth blawand fyre, and flawme sulphurus
Lyke birnand Ethna, that mont perrellus
The mare w [...]d wraith, and furius wox sche
Wyth sorowful fyre, blesis spoutand hie
Euer as the batel, wourthis mare cruel
Be effusioun of blude, and dyntis fel
[Page clxxxix] Hys schynand scheild, was al of fyne gold bet
Quharin thare was, in stede of armes set
Io the wensche sum tyme, but hornis, now
Wyth hare ouer grow, transformyt in ane kow
Quhilk was grete argument, and probacioun
That he was of his blude, and gregioun
The kepare eik of thys, made Argus
Was porturit thare, and father Inathus
Furth of ane payntit pyg, quhare as he stude
Ane grete ryuere defoundand, or ane flude
Ane oist of fute men, thik as the hale schour
Followis this turnus, driuand vp the stour
Wyth scheildis schrowdit, many huge rout
Thyk forgaderis, the large feildis about
Thay ȝoungkeris, quhilkis of grekis war dyscend
The power of Armyta, thiddir send
The garnisouns also, of Rutulianis
And the ancient pepyl, hait Sitanys
Of Sacrane, the army bald in feldis
The Libitanis, eik wyth thare payntit scheildis
Quhilk telis on the bankis, tyber flude
Or ȝit endlang, thy gresy brayis gude
Of Munitus now, hallowit fresche ryuere
And thay that with scharp, cultir teile or schere
Of rutuly the hylly, knollis hye
Of Camy ege, and holtis fare to se
That Cyrteus, to surname clepit ar
Quhare auxurus, the berdles Iupiter
For patrons is hallowit, ouer the planis
And Iuno eyk, ful ioyously remanis
In Feronia hir sueit, schaw aye grene
Nere by the blak laik, clepit satureyne
Quhar as the schyl riuer, hait vsens
Sekis with narrow passage, and discens
[Page] A myd holl va [...]is his renk and Ische
And hydis hym self wythin the tyrianese
Aboue al thir,
Camylla Quene of amazons a nob [...]l captane of warre.
the stout wensche CamyllaOf the famyl, and kinrent of wole a
Come led and armyt oistis, and sterne feildis
In birnyst plate, arrayit and schynand scheildis
Forsoith ane wourthy weryour was sche
Hir womanly handis, nowthir rok of tre
Ne spyndil vsit, nor brochis of Mynerue
Quhilk in the craft, of claith makyng serue
Bot ȝit this made was, wele accustumate
To suffar bargane doure, and hard debate
And throw the spede of fute, in hir rynnyng
The swift wyndis preuert, and bakwart dyng
Or than also so spedely, couth sche fle
Ouer the cornes, ouertred thare croppis hie
That with hir cours, na rede nor tendir stray
Was harmet oucht, nor hurt by any way
And throw the boldnand fludis amyd the see
Borne soueralie, furth hald hir way mycht se
The swyft solis, of hir tendir feit
Not twichand onys, the water hir to weite
Al ȝoung folkis, on hir for to ferlie
Furth of hous and feildis, flokkis in hie
Litil chylder and matronus, awoundring
On fer behaldis, hir stout pais in ane ling
So manfully, and baldly walkis sche
With sprete abasit, thay go hir for to se
Quhat wyse, hir [...]leki [...] schulderis war array
With kinglie purpoure, honorabil and gay
And how the hare was, of this damycell
Knit with ane buttoun, in ane goldyn kell
And how ane quauir clois, sche bare Alsua
Wyth groundyn dartys, wrocht in lycya
[Page clxxxx] And ane hale syplyne, of ane grete myr tre
Quhilk hirdis mycht, ouerheild with bewis hie
In manere of ane spere, in hand sche bare
Hedit with forgit steil, ful scharp and square.
Finis.
The prolouge of the eyght buke of Eneados
OF dreuilling and dremes,
In this prolug he schawis the staite of thys fals warld quhou all thyng is turnit fra vertue tyll vyce.
quhat doith to enditeFor as I lenit in an ley, in Lent this last nycht
I slaid one ane swennyng, slomerand ane lite
And sone ane selkouth sege, I saw to my sycht
Swownand as he swelt wald, mare woful ane wycht
Was neuer wrocht in this warld, mare woful ane wicht
Ramand resoun and rycht, ar rent be fals ryte
Frendschip flemyt is in France, and faith has the flicht
Leyis lurdanry and lust,
Leis
ar our laid sternePece is put, out of play
Welth and welefare away
Lurkisful derne
Luf and lawte, bayth tway.
Langour lent is in land, al lichtnes is loist
Sturtin study has the stere, dystroyand our sport
Musing merris our myrth, half mangit almoist
So thochtis thretis in thra, our breistis ouerthort
Baleful besynes, bayth blis, and blythnes gan boist
Thare is na sege, for na schame, that schrynkis at schorte
May he cum to hys cast, be clokyng but coist
He rakkys nowthir, the richt, nor rekles report
All is wele done, god wate weild he his wyll
That berne is best, can not blyn
Wrangwis, gudis to wyn Hys lust to fulfil.
Quhy fuld he spare for ony syn
[Page] All ledis langis, in land to lauch, quhat thame leif is
Luffaris langis only, to lok in thare lace.
Thare ladyis lufely, and louk but lett or releuis
Quha sportis tham one the spray, sparis for na space
The galȝeard grume gruntschis, at games he greuis
The fillok hir deformyt, fax, wald haue ane fare face
To mak hir maikles, of hir man at myster mycheif
The gude wyffe gru [...]ing, before god gretis eftir grace
The lard langis eftir land, to leif to his are
The preist for ane personage
The seruand eftir his wage Langis ful sare
The thrall to be of thirlage
The myllare mychis, the multure wyth ane meiskant
For drouth had dronkin vp, his dam, in the dry ȝere
The cageare callis furth, his capyl wyth crakkis wele cant
Calland the colȝeare ane knaif, and culroun full quere
Sum schipherd slais the lardis schepe, and sais he is ane san [...]
Sum grenis quhil the gers grow, for his gray mere
Sum sparis nowthir sprituall, spousit wyffe nor ant
Sum sellis folkis sustenance, as god sendis the fere
Sum glasteris and thay gang at, al for gate woll
Sum spendis on the auld vse
Sum makis ane tume ruse To fars his wame full
Sum gr [...]nys eftir ane guse
The wrache walis and wryngis,
Wrech [...]s.
for this warldis wrakThe muke rare murnys in his mynd, the meil gaif na pryce
The pirare peissis to peil, the peddir his pak
The hasartouris haldis, thame haryit, hant thay not the dy [...]e
The burges bringis in his buith, the broun and the blak
Byand besely and bane buge, leuer and ane byce
Sum ledis langis on the land, for luf or lak
The sembyl with thare chaftis, and set apoun syse
[Page clxxxxi] The schipman schrenkis the schour, and settes to the schore
The hine crynis the corne [...]
The broustare the bere schorne [...] Couatis ful ȝ [...]re
The feist, the fidler to morne [...]
The railȝeare rekkinnis na wourdis, bot ratlis furth ranys
Ful rude and ryot ressouns, bayth roundalis and ryme
Sweyngeouris and skurriouris, swankyis and swanys
Geuis na cure to cun craft, nor comptis for na cryme
Wyth be [...]rdis as beggaris, thocht byg be thare banys
Na labour list thay luke, tyl thare luffis ar bierd lyme
Get ane bismare ane barne, than al hyr blys gane is
Sche wyl not wyrk thocht sche want, bot waistis hir tyme
In thiggin as it thryft war, and vthir vane thewis
And slepis quhen sche suld spyn
Wyth na wyl, the warld to wyn And sycschire schrewis
This cuntre is ful of Cayn kyn
Quhat wykkitnes quhat wan, thryst now in warld walkis
Bale has banist blythnes, boist grete brag blawis
Practis ar repute to policy, and perrellus paukis
Dygnite is lade doun, derth to the dur drawis
Of trattillis and of tragydyis, the text of al talk is
Lordis are left landles, be vnlele lawis
Burges bryngis hame the bage, to breid in thar bawggis
Knychtis ar Cowhubyis, and commouns plukkis crawis
Clerkis for vncunnandnes, mysknawis ilk wycht
Wyffis wald haif al thare wyl
yneuch is not half fyl In erd haldin rycht
Is nowthir resoun nor skyl
Sum latit Lattoun, but lay lepis in lawde lyte
Sum pynis furth ane pan boddoum, to prent fals plakkis
Sum goukis quhil the glas, pyg grow al of gold ȝyt
Sum wernoure for this warldis wrak, wendis by hys [...]
Sum treitcheoure crynis the [...], and kepis corne stakkis
Sum prig penny, sumpyke thank, with preuy promit
Sum Iarris with ane ged staff, to iag throw blak Iakkis
Quhat fenȝete fare, quhat flattry, and quhat fals talis
Quhat mysery, is now in land
How many crakkit, cunnand Nor selis aualis
For nowthir, aithis nor band
Preistis suld be patteraris,
Kyrkmen Pryistis Popys personis Wikkarys
and for the pepyl prayTo be papis of patrymone, and prelatis pretendis
Ten teyndis ar ane trumpe, bot gyf he tak ma
Ane kinrik of parisch kyrkis, cuplit with commendis
Quha ar wirkaris of this were, quha walknaris of wa
Bot incompetabyl cleregy, that cristindome offendis
Quha reiffis quha ar riotus, quha rekles bot thay
Quha quellis the pure commouns, bot kyrkinē wele kend is
Thare is na state of thare style, that standis content
Knycht, clerk, nor commoun
Burges, nor barroun
Welterit the went
All wald haue vp that is doun
And as this leid at the last, liggand me seis
With ane luke vnlussum, he lent me sic wourdis
Quhat berne be thou in bed, with hede full of beis
Graithit lyke sum knappare, and as thy grace gurdis
Lurkand lyke ane longe oure, quod I, loune thou leis
Ha wald thou fecht, quod the freik, we haue bot few swerdis
Thare is sic haist in thy hede, I hope thou waldneis
That brangillis thus wt thi boist, quhen bernis wt the burdis
Quod I churle go chat the, and chide with ane vthir
Muse the not so hie than
Gyf thou be, ane gentyl man Myne awin leif brother.
Or any curtesy can
I speik to the into sport spel me thys thyng
Quhat likis ledis, in land, quhat maist langis thou
Quod I smaik, lat me slepe, sym skynnar the hing
I wene thou biddis na bettir, bot I brek thy brow
To me is myrk myrrour, ilk mannis menyng
Sum wald be court man, sum clerk, and sum ane cath kow
Sum Knicht, sum Capitane, sum caser sum king
Sum wald haue welth, at thare wil, and sum thar waime fo [...]
Sum langis for the leuer ill, to lik, of ane quart
Sum for thar bontay, ar boune I tel the my part
Sum to se the new mone
I lang to haif, our buke done.
Thy buke is bot br [...]bry said the, berne than
Bot I sall lere the ane lessoan to leis, al thy pane
With that he raucht me ane roll, to rede I begane
The royetest ane ragment with mony rait, rime
Of all the mowis in this mold, sen god markit man
The mouing of the mapamo [...]id, and how the mone schan [...]
The pleuch and the poles, the planettis began
The son the seuin sternes, and the charle wan
The elwand, the elementis, and arthuris huffe
The horne, and the hand staffe
Prater I hone, and portiaffe And kow weris clufe,
Quhy the corne, has the caffe
Thir romanis ar bot [...], quod I to that Ray
Leid l [...]re ane vthir lessoun, this I the like
I pe [...]saif syr persoun, thy purpois perfay
Quod he and drew one doun, derne in delf by ane dyke
Had me hard by the hand, quhare ane hurd lay
Than priuely the pe [...]mys, begouth vp to pike
Bot quhen I walknyt, al that welth was wiskit away
I fand not in all that feild in faith, ane be bike
[Page] For as I grunschit at that grume, and glisnyt about
I gryppit graithlie the gil
And every modywart hil Or penny come out
Bot I mycht pik thare my fyl.
Than wox I tene, that I tuke to sic ane truffuris tent
For swewinnys and for swyngeouris that slumberis not wele
Mony maruellus mater neuer merkit nor ment
Wil segeis se in thare slep [...], and sentence but feal
War al sic sawis, s [...]thfast with schame war I schent
This was bot faynt fantasy, in faith that I feil
Neuer wourd in verite, bot al in vaist went
Throw riotnes and rauing, that made myne ene reil
Thus lysnyt I as losingere sic lewdnes to luke
Bot quhen I saw name vthir but
I sprent spedily on fute Begouth this aucht buke
And vnder ane tre tre rute
Finis
The aucht Buke.
¶ How tyberynus god of the ryuer
Wyl Eneas / in visioun gan appere.
ALs swyith as turnus, ouer the maister toure
Of Laurentum his banere, quhite as floure
In signe of batel, did on brede display
The trumphis blast, and hornis made deray
And sterne stedis stamping, for the dyn
The clamour clatteris fast, ilk man can ryn
Incontinent togidder, with myndis amouit
Al Latyum, assemblit sone contru [...]tt
Ane coniuratioun, or haisly conuyne
As in fereful effray, thare land to tyne
And wod wroith, wox thir ȝoungkeris he and he
With birnand hartis, feirs to the melle
The first chiftanis for assay, or defence
[Page clxxxxiii] The grete mesapus, and the strang Vfens
With mezentius, of goddis contemnare
The routis for supple, bayth nere and far
Compellis to assembil, with thare poweris
And large feildis,
[...] send as oratour to Diomedis for the [...] aganis the troyans.
laid waist of lauboreisAnd venulus, also was send an Greke
To grete Diomedes, ciete to beseik
Supple and help, and to schaw al and sum
How Troianis war discendit, in latium
Enee with nauy arriuit, vp at hand
And brocht his vinquest goddis, in thare land
Sayand at by the fatis, and destany
The thidder callet was, as King to be
And that he suld, eik to Diomedes schaw
That mony pepil, war adionit and draw
Vnto this ilk forsaid strangear knycht
For he was cummyn, of Dardanus the wicht
And wide quhare ouer al partis of Italye
His name begouth, to spred and multiplie
And sen he had begun, sic thing on hand
Quhat syne he etlyt, mycht be vnderstand
That is to knaw, gif fortun war sa heynd
By auenture of were, to be his freynd
Mare euidentlie, he couet to procede
Aganis his ancient Inemy Diomede
Than to ouerset the ȝoung Knicht turnus
Or ȝit ouercum the auld king Latynus
As this conuine, and ordinance was made
Of latyum throw out the boundis brade
Quhilk euery poynt, this troiane Lord anone
Cummin of the hous, of King Leamedone
In heuy cur [...]s flowand, all on flocht
Au [...]sing wele quhou al this thing was wrocht
And haistely in mynd on euery sydis
[Page] Now for thys purpois, now for that prouidis
Now here now thare,
Eneas perturbit wyth gret thochtis.
reuist in sondry partisNow seirsis turnand, to and fro all Artis
Like as the radious sonnys bemes, brycht
Or than the glimmerand, monys schaddow lycht
Reflexit from the brasin veschell, we se
Fillit wyth wattir, to the cirkyl on hye
Ouer all the hous reboundis, and dois sprede
Schynand and seircheis, euery stede on brede
Quhill in the ayre vpgois, the twynkland lycht
Glitte rand on euery spar, and rufe on hicht
The nycht come, and all thing leuand ceist
Wery of werk bayth byrd, and brutel beist
Ouer all the landis, war at rest ilkane
The profound swouth, of slepe had thame ouertan [...]
Quhen thys ilk prince, Eneas all on flocht
With mynd soupis in cure, and hewy thocht
And for this sorowfull, batel richt vnglaid
A poun the ryuer bank, him selfe doun laid
Vnder the cald fyrmament, for the nanys
And gaifschort rest, vnto his wery banys
Quham to the god, of that stede dyd appere
Tyberynus furth, of the still riuere
A myd the braunschis, of the popyll treis
As agit man semyng, him self vpheis
Ane lenȝe wattry, garmond did him wail
Of cullour fauth schape, like ane hempyn sail
And leiffy redis dekkis, wele his haris
To meis Eneas thochtis, and hys saris
Thus he be begouth, to speik and said but dyn
O gentyl gett cummyn,
Tyberinus oratiō to Eneas teachinge [...] by what meaner he schall [...] warr.
of the goddis kynQuhilk from thy fais, to vs with mekyl ioy
Has hydder brocht, the grete ciete of troy
And pargama the troyane, wallis wycht
[Page clxxxxiiii] Eternaly conseruis, throw thy mycht
Desyrit maist of lang tyme, now welcum
Vnto the ground, and sole of Laurentum
And all the feildis, eik of latyne land
Here is thy sikker, duellyng place at hand
And souir ferme, habitacion for ay
Wythdraw the not, fra hyne pas not away
Nor drede na thyng, the boist of this batale
The rankour all, of goddis I the tell
And boldynand wreth, appesit ar almaist
And so thou wene not, that my wordis be waist
Nor fenȝet dremes, doto the appere
Vnder sauch treis, by thir bankis nere
Anone thou sall do fynd, ane mekyll swyne
Wyth thretty hede ferryit, of grisis fyne
Of cullour quhyte, thare lugeing on the ground
Hyr quhyte brodmell, about hyr pappis wound
That is the place, to set vp the ciete
Quhilk of our labour, souir rest sall be
Quhare that as thretty ȝeris, by rune and gane is
Ascaneus sall do beild, of lyme and stanys
The ciete hat, fare Alba of delyte
Berand his name fra, the fare cullour quhyte
Thu [...] I declare the, nane vncertane thing
Bot werray soithfast, taikynnys, and warnyng
Now harkis bot, ane lytyl I the pray
I sall the lerne, in quhat wordis, quhat way
Thou may cum spede, and haue the hale ouerhand
Twiching this instain, mater now at hand
Thare bene pepyll, of Archade from theryng
Cummyn in this land, distend of pallas kyng
Quhilk with Euander, kyng in cumpany
Followand the signes, schaw has fast hereby
Chosin ane stede, and beildit ane ciete
[Page] Amang the knollis round, or motis hie
Efter thare forefader, of nobil fame
Pallas Palenteum, to name
Continuelly, thir folkis euery ȝere
Agane the latyne pepil, ledis were
Adione to thir, the hoist in fallouschip
Do mak with thaim, ane lyig and bynd frendschip
I sal my self conuoy the, the richt way
Betuix thir brayis, vp the fludis gray
So that agane the streme throu help of me
By airiz routh, thidder caryit sal thou be
Haue done get vp thou son, of the gdddes
First as the sternes, derlines the addres
I mene into the dawing richt airly
Dewile to Iuno, se thou sacrily
Hir wraith and, al sic manance til ouerset
With deuote supplicatiouns, made of det
And quhen thou has, optenit victorie
To me thou sal do, wirschip by and by
I am god Tybris, wattry hewit and haw
Quhilk as thou seis, with mony iawp and iaw
Bettis thir brayis, schawing the bankis doun
And with ful flude, flowing fra toun to toun
Throw fertil feildis, schering thare and here
Vnder the list, the maist gentyl Reuere
Here is my habitacioun, huge and grete
Of mychty cieteis, cheif and souerane sette
This beand sayd, this ilk god of the flude
Vnder the depe, can douk doun, quhare he stude
And socht vnto the wattir, ground anone
So dernlye hid, none wist quhare he was gone.
The [...]ew wyth grysis / as tyberinus sad [...]
Eneas fand and sacrifice has made
[Page clxxxxv] THe nycht [...]led, and the slepe left Enee
On fute he stertes, and anon gan he se
Furth of the orient, and brycht mornyng
The sonnis heuenlie beames, newly spryng
And in the holl luffis, of his handis quhare he stude
Dewly the wattir hint he fra the flude
Syne to the heuin this wise his,
Eneas [...]
prayeris madeO nymphis al of fludis, blytht and glade
And o ȝe holy nymphis, of laurentum land
Quham fra the fresche riueris, and euery strand
That flowis rynnyng, as we do say clere
Has thare begynnyng, furth of sowrssus sere
And o thou haly fader tyberyne
With tybris eik, thy blissit flude diuine
Ressaue Eneas to ȝou vnbekend
And now at last, from all perillis defend
And gif thou takis, of our grete skaithis
Here I au ow, and promittis with aithis
Quhare euer thy louch, or fountane may be found
Quhare euer, so thi spring, is in quhat ground
O flude maist plesand, the sal I ouer alquhare
Hallow with honorabill, offerandis euermare
Hornit riuere ringand, as lord and kyng
Ouer al the fludis into the Italie ryng
Be in our help, now at last I requyre
Efter sa fell perrellis, and dangeris sere
Conforme thy promys, and orakill in hy
Quhen this was sayd, furth of all his nauy
Tua galeyis, did he cheis the ilk tyde
With doubill raw, of airis on athir syde
And for the rollyng wele, graithit thame has he
Syne for the were, instrukkit his menȝe
Bot lo in haist, before his ene he saw
Ane meruellus and wounders thing to knaw
[Page] Ane mylk quhite sow within the woddis lay
Apoun the grene watteris bank, and his way
With his littir new ferryit, in that stede
All of ane cullour, grysis thretty hede
Qham the deuote Eneas, on this gyse
Vnto gretest Iuno, in sacrifyce
Britnis and with hir flok, and followaris
Has set and offerit vp, on the altaris
Tyber hir swelland fludis of that mycht
How lang that euer it was, quhil dayis lycht
Stabillis and calmis at his awin wyl
The streme bakwa [...]tis, vpflowis soft and still
Of sic wise mesand, his wattir that be
Ane standand stank, semyd for to be
Or than a smoth pule, or dub loun, and fare
So that thy airis, mycht findin na contrare
Therfor Eneas can, his tyme espy
And haistis on this wayage besely
Wyth prosper cours, and sobir quhispering
The pikkit bargis, of fir, fast can thring
And slidis throw the schaldis, stil and clere
The watter ferlies, of thare farde and bere
The forest not accustumate to se
Sic thyngis wounderis, quhat that thys suld be
As to behald, schynand scheildis on fer
On mennys sthulderis ay, cummand nere and nere
The payntit caruillis fleting throw the flud
Bayth nycht and day, ilk man as thay war woud
Can speid in rout, with irksum labouring
The lang stremes, and welis round swirlyng
Ouer slyding fast vpwartis the ryuere
Hid and ouerheildit with mony treis sere
Endlang the styll fludis, calme and bene
Thay seik and schere, out throw the woddis grene
How Eneas with kyng Euander met
And bandis of kyndnes / has betuix thame knet.
THe fyry son, be this ascendit eum
The myddil warld, and regioun of the heuin
That is to know, be than it was myd day
Quhen that on fer, the ciete wallis se thay
With t [...]wris, and the hous hedis on raw
Skatterit dispers, and bot ane few to knaw
Quhilk now the mychty power of rome town
Has vnto heuin, mad equale of renowne
The King Euander, of noblis not mychty
Held for that tyme, bot sobir senȝeory
In haist thidder, thare steuinnis can do stere
Eneas sort, and to the toun drew nere
This king Euander, borne was of Archade
Percase the self day, ane grete honour maid
Solempnit feist, and ful hie sacrifice
Vnto the grete Hercules, on thare gyse
That foster son was, vnto amphitrion
And to the vthir goddis, euery one
Before the ciete, in ane hallowit fchaw
Pallas his son, was thidder also draw
Togidder with the principallis, of ȝounkeris
The sobir senatouris, and pure officiaris
All samyn kest ensence, and with ane stew
Besyde the altare, blude s [...]hed, and skalit new
Beand lew warme, thare fulfast did reik
Bot ȝit als swyth, as thay persauit eik
The grete bargis slidand, thus on raw
And throw the derne woddis, fast thidder draw
So stilly bendand, vp thare airis ilk wicht
Thay wourth affrayit, of that suddane sycht
And euery man, thay left the burdis in hye
On fute gan sterting, from the maniorie
[Page] Quhen hardy pallas, did forebyd and defend
Thare sacrifice to brek, quhil it war end
He hynt ane wappin, with ane few menȝe
Thaym to recounter anone, furth haldis he
And ȝit wele fer, from ane hil or ane know
To thaym he callis, standȝing men how
Quhat caus has mouit ȝou,
Pallas oracione to the troiās
apoun sic wayThir strang wentis vnknawin, to assay
Quhidder etil ȝe, or quhat kinrent ȝe be
Schaw quhens ȝe come, or quhilk is ȝour countre
Quhidder ȝe do bring, vnto oure boundis here
Boidworde of peace,
Eneas answere
or cummys in fere of wereEneas tho, the fader of wourschip
Maid ansuere, fra the pulpit of the schip
And in his hand, straucht furth that he mycht se
In takin of pece, ane branche of Oliue tre
My freynd quod he, thou seis pepil of troy
To Latyne folkis, enemyis, man and boy
Quhilk flemyt of our realme newly agane
Thay ilk Latynis has socht, wyth proude bergane
Vnto the king Euander, al seik we
Him to require, of succours and supple
Bare him this message, and declare him plane
That chosin men, discend from king Dardane
Bene hidder cummyn, beseking his freyndschip
To knyt vp band, in armes, and fallouschip
Pallas astonist, of sa hie ane name
As Dardanus, abasit worth, for schame
Cum furth (quod he) quhat euer thou be berne bald
And say before my fader, quhat thou wald
And enter in our lugeing, the to rest
Quhare thou sal be ressauit, welcum gest
And furth anone, he hynt hym by the hand
Ane wele lang quhile, his rycht arme embrasand
[Page clxxxxvii] Syne furth togidder, rakit thay on raw
The flude thay leif, and enteris on the schaw
Eneas tho, with freyndly commonyng
Spake curteslye, thus sayand to the kyng
O thou maist curtes,
Eneas oration to Euander king desyryng his helpe.
prince, and best in nedeThat euer was byget, of grekis sede
Quham to fortonn wald I, suld cummin here
The lawlie to besekin, and requere
And wald also I suld furth reik to the
Wippit with bendis, the branche of oliue tre
In takin that, of thy supple I nede
Forsoith I caucht, no maner fere nor drede
Thocht thou ane capitane, of the grekis be
Yborne also, of Archade the cuntre
Of blude conionit, to the Athrides tway
I meane agamenone, and menelay
Bot myne aum vertew, and haly, or akillis
Of the goddis, be diuyne myrakillis
And our forbearis, al of ane kinrede
Thy fame diuulgate, into euery stede
Has me fermly, adioynit vnto the
The fatis eik, tharto inducis me
That wilfully, I obey thare commaund
Schir dardanus, the king first in our land
That belt the cietie of troy, and Ilion
Our cheif fader, as grekis grantis ilk one
Borne of Alectra, Atlas douchter ȝing
Caryit by schip, come first to troyis ring
And this alectra, grete atlas begat
That on his schuldir beris, the heuynnis plat
Marcury is fader, to ȝour clan alsua
Quham the schene mayden, the fare fresche maye
Apoun the fros [...]y hillis top, al bare
Quhilk Cillenus hate, in archada bare
[Page] And this Ilk maya, soithlie gif that we
Ony credence, to it we here or se
May gif, Atlas begat the famyn atlas
That rollis, the heuynlie sterrit cumpas
So baith our kinrentis, schortlie to conclude
Diuidit ar furth, of ane stok and blude
Quhare for hauand confidence, in thir thingis
Now thir by ambassiat message, nor writingis
Nor vthir craft, thy frendschip, first socht I
Bot my self in persoun, come in by
That vnto the, submittit has my hede
And the to pray, socht lawlie to this stede
For the ilk pepil, vnder dawnus king
That the rutulianis, has in gouerning
Quhilk ledis were, aganis thy cuntre
With cruel batel, now persewis me
And gif thay micht, expel vs of this land
Thay wene tharby, that not may thaym gane stand
Bot that thay sal, vnder thare senȝeory
Subdew all hale, in thirldome Italy
And occupy thay boundis orientale
Quhare as the ouir se, flowis alhale
And eik thay westir partis, traistis me
Quhilkis are bedyit, with the nethir se
Ressaue, and knit vp faith, and ferme cunnand
Tak our promit, and gif vs faith, and band
Strang bodyis til abide bargane haue we
With haidy myndis, in battel or melle
Exercit in wexe, and expert in sic nedis
In lusty ȝouth liklie, to do our dedis
Thus said Eneas,
The kinges gentyl ansuere to Eneas.
and Euander thanFra tyme that he, first for to speik began
His ene, his mouth, and al his body richt
Gan to behald, espying wyth his sycht
[Page clxxxxviii] Syne schortly made,
offerynge hym hys help in all thyngis.
his ansuere, thus aganeO thou, glaidly, the maist forcy troyane
I do ressaue, as tendir freynd and fere
Full blyithly now, I knaw and wele may here
The voce, the wordis, and the speche, but leis
Of thy fader, the gretest Anchises
And ful perfitly, now I draw to mynd
The vissage, of that wourthy knycht, maist kynd
Ful wele I do remember, lang tyme gone
How pryame son, of kyng Leamedone
To wesy his systeris land, Hesyona
Socht to the ciete, hecht salamonya
And at the samyn rais, his vayage made
Throw the cald frosty boundis, of Archade
My grene ȝouth, that tyme and pylis ȝing
Fyrst cled my chyn, or berd, begouth to spryng
I ioyit to se, tha troyane dukis Ilkone
And on the son, of kyng Leamedone
That is to say, this ilk ȝoung Pryamus
For to behald, was maruell gloryus
Bot thy fader Anchises, quhare he went
Was hier fer, than al the remanent
My mind brynt of ȝouthede, throw desyre
To speik and commun, with that lordly syre
To be acquentit, and ione hand in tyl hand
Couenand to knyt, and bynd forwart our band
To him I went, desirus of freinschip
And sped that samin, so in fallowschip
Within the wallis, of phenes I him led
And he did depart, or thens him sped
Ane curtly qwauir, and ful curiously wrocht
Wyth Arrowis made, in Lecia wantit nocht
Ane garment he me gaif, or knychtly wede
Prynnyt and wouyn, ful of fyne gold threde
[Page] Twa goldin bridillis eik, as he did pas
Quhilk now my son occupyis ȝoung, pallas
Quharfor our allyance faith and, rycht hand
As ȝe desire or ellis adionit in, hand
We bene of auld confederatis, perfay
Quharfor to morne als sone, as the brycht day
Begynnis all lycht the landis, and the skye
With succoure, and with supple blithly I
Sal ȝone fra hyne one, to ȝour army send
And with my gudis, and my moblis amend
And in the mene time, sen my freyndis dere
Vnto our sacrifyce, ȝe be cummin here
Quhilk ȝerely vsyng, we as anniuersere
That bene vnlefull, to defer or tary
Tharfore with vs, do alhallow our hie feist
And with glaid sembland, blythly mayst and leist
Accustome ȝou from thens, and now instant
Our tablys, as ȝour freyndly burdis hant
Quhen thys was said, mesis and cowpis ilkane
Quhilk war away tak, bad he bring agane
And he him self, the troyane men fute hate
On sonkis of gersy scheraldis, has doun set
Thare principale capitane, syne Enee
Besyde him self, on deis resauis he
The benk ybeildit, of the grene holyne
Wyth lokkerit lyoun skyn, ouer spred was syne
Than ȝoung men walit, besy here and thare
And eik preistis, of Hercules altare
The rostit bullis flesche, set by and by
The bakin brede of baskettis, temys in hye
And wynis birlis, in to grete plente
Eneas samyn, with his troyane menȝe
Dyd of perpetuall Oxin, fillatis eit
And purgit entrellis, clepit clengeng mete
¶ Euander tellys / to Eneas but bade
The verray caus / quhy this sacrifice was made
AFter that stancheit, was the hungeris rage
And appetite of men, begouth assuage
Said kyng Euander, na supersticiouns vane
Nor mysknawledge, of goddis anciane
This hye feist, and grete solempnite
Nor this banket, and mesis as ȝe se
Has institut, tyll vs and this altare
Of so excellent maieste, standyng here
Bot my dere freynd, and nobyl gest troyane
We preseruit, fra cruell perrellus pane
Hantis this seruyce, apoun this manere
As proper det, and obseruance ilk ȝere
Fyrst do behald, ȝone schorand henchis brow
Quhare all ȝone craggy rochis, hingis now
How the huge wechty brayis, bene doun cast
The holkit fowis, in the mont syde left waist
Quhare as the craggy quhynnys, doun declyne
Has drawin of the hyll, ane huge rewyne
ȝone was ane cauerne, or caue in auld dayis
Wyth gousty entre, fer furth in all wayis
Ane grislie den and ane, forworthin gap
Of Cacus that na mare had, bot the schap
Of mannis forme for skant half,
The tale of Caucus
man was heThrow cruel dedis of iniquite
That in ȝone feyndlich hol, duelt him allane
Ane hellis byke, quhare sonnys bene neuer nane
Quhare the wyle fleure euer lew warme was spred
With retent slauchter, of the blude newlie schede
Before that tyrantis ȝet, of men that dede is
Affixit stude, mony dolorus hedis
With visage blaiknyt blude, berun and bla
The laithlie odoure of filth, still and ther fra
[Page] Vnto this huttit monstoure, this Cacus
The god of fyre, was fader Vulcanus
And at his mouth, ane wounder thing to se
His faderiz reky flamb, furth ȝeskis he
As to his body, quharso euer he passit
Of bustuous statur, like none vthir was it
Proces of tyme, at last has vs inspirit
And send vs help, as we ful lang desirit
Becuunnyn of the mychtful goddis, presence
For the dantaris of the monstouris, or defence
The maist redoutit Hercules, come at hand
Be auenture, vnto this Ilk land
New from the slauchter, into strang melle
Of Gerioun, the quhilk had hedis thre
With proude spulȝe, arriuing triumphal
This conqueroure maid, thidder driue and cal
His bullus, and his oxin huge, and grete
And eik his ky, to pasture and to ete
Endlang ȝone wale, that is large and wyde
And tuk thare lugeing, on this riuer syde
Bot the vndantit furius mynde, of this theif
Schrewit cacus, al way for myscheif
By his thrawart engyne, and sle consait
So that no manere of wikkitnes, nor dissa [...]
Micht be, that he ne durst not tak on hand
Ne vnassayit leif, out from that land
Foure semelie oxin, of body grete and square
Als mony tendir quyes, excedand fare
Of al thay cattal, away with him draif
And that thay tred, fuld na way be persaif
Vnto his caue, ay bak wartis be the talis
To turne thare fute steppis, he thaym harlis and tralis
And thus his spreith, he had vnto his In
And with ane quhine stane, closit has the gyn
[Page cc] Sic way he wrocht, that quhay thare tred lyft goif
Na taikynnis suld, conuoy thame to his coif
In the mene quhyle, as al the beistis war
Repaterit wele, eftir thaire nychtis lare
For hercules, depart from hens behuffit
At morow airly, first as thay remouit
The catal gan to rowting, cry and rare
The woddis rang, of thare sound ouer alquhare
And wyth thare noyis dynnyt, hyllis and knowis
Quhilk in the caue, as that ane quyok lowis
Wyth loud voce squeland, in that gousty hald
Al Cacus traist reuylit scho, and tald
Bot tho in greif, this wourthy hercules
Alcius neuo, the douchty alcydes
That so oft syis, was clepit commonly
Within his skyn, begouth to birn and fry
In brym furie, of his bittir gal
His wappynnis and his armour, hynt wythal
His wechty burdoun, and his knorry ma [...]e
And to the hillis heicht, held ane rase
Than was the first time, that ony in this erd
Of our pepyl persauit, cacus efferd
Within his hede trublyt, his ene tuay
Swift as the wynd, he fled and gar away
And to his caue, him sped with cry sprete
The drede adionit wyngis, to his feet
And fra he had him self, sesit tharein
Ane stane of huge wecht, for to clois the gyn
He lete do fal, and with sic haist doun thrang
The chenȝeis brak, quharewith it fessynnyt hang
That forgit war, by his faderis engyne
With grete irne slottis, schet the entre syne
Bot lo in haist, hercules come at hand
With furious mynd, carying ouer the land
[Page] Passage and entre, seking besely
Now here his ene, now thare rolling in hie
Gnassing his teith, and birnand full of Ire
Of auentinis hill, thryis all the swyre
He sesis ouer, and thryis assayis he
To brek and rent, the craggy stone entre
Bot all for not, thocht he was neuer so wycht
So thryis irkit doun, from the hillis hicht
To rest him, as he to the vale is gone
Thare stude ane pynnakyll, of quhyn and flynt stone
Apoun the bak side, of this cauerne cald
That rais one end, rycht hie for to be hald
For wilde foulis, of reif ane ganand stede
That rent raw flesche, of beistis bones dede
The craggis al about, this rolk was worne
With wedderis blast, to holkit and to schorne
And as it stude on schore, sweyand that tyde
Doun with the bank, towar [...] the wattir syde
Hercules it smytis, with ane mychty touk
Apoun the richt half, for to mak it Iouk
Inforsing him, to welt it ouer the bra
And sa rudely, it brangillis to and fra
That from the rutis, he it lousit and rent
And tumblit doun, fra thyne or he wald stent
The large are, did reirding with the rusche
The brayis dynlit, and all doun can dusche
The riuere wor affrayit, with the rak
And demmyt with the rolkis, ran abak
Than this grete caue of Cacus, full riall
Was discouerit, his inwart cauernis all
Wount to be dick, worth patent now and knaw
None vthir wyse, than quhen the erd ouerthraw
Beforce of thunder, or erdquaik with clap
Ryuis vp ane terribill [...]enth, or grifly gap
[Page ccvi] Oppynnaud the hellis mansioun, infernale
And vnclosis, that dirk regioun pale
Quhilk of the goddis, all abuf is hate
Or that the hellis bisme, in sic estate
War oppynnyt, that his boddum semen mycht
And dampnit saulis, effrayit of new licht
Quharfore this wourthy,
[...] cyon of Herculis.
stalwart herculesThat on this wise, had Cacus set in pres
And fand vnwarnist, by this licht suddane
Quhare he was closit, in ane caue of stane
Fast rummesand apoune, ane strange manere
This campioun, with dartis fel of were
Gan doun to bet, and in his wod fury
Eftir al kynd, of wappinnis can do cry
With branchis rent of treis, and quarel stanys
Of huge weicht, doun warpand all atanys
Bot this ilk Cacus, quhen that he did se
Fra this dangere, thare was na way to fle
Furth of his throt, ane wounderus thing to tell
Ane laithlie smok, he ȝeiskis blak as hell
And all the hous, inuoluit with dirk myst
That sone the sicht vanyst, or ony wist
And reky nycht, within ane litil thraw
Gan thikkin ouer al, the cauerne and ouer blaw
And with the mirknes, mydlit sparkis of fire
The hie curage of hercules, lordlie sire
Mycht this no langar suffir, bot in the gap
With haisty stert, amyd the fyre he lap
And thare, as maist haboundit smokkis dirk
With huge sop of reik, and flambis myrk
So tha the caue, did gleuin of the hete
Thare has he hynt Cacus, that wikkit sprete
That al in vane, his hait kendling furth gaspit
For as ane bal, he him in armes elaspit
[Page] And so strenȝeit his thrott, furth chirt his ene
His hals worth dry of blude, than mycht be sene
This myrk doungeoun, and vnsemely hald
The entre oppynnyt, Hercules the bald
Bet doun the closeris, and syne brocht to lycht
His oxin fra him reft, be subtill sucht
And by the fete, furth harlit was anone
Of Cacus, the deformyt caryon
The hartis than, and myndis of oure menȝe
Mycht not be satifyit on him, to luke and se
As to behald, his ouglie ene twane
His teribill visage, and his grislie gane
The rouch brissis, on the breist and treist
Of that monstouris, half dele wylde beist
And in his gorge, stikkand the sloknyt fyre
Euer sen that tyme, to Herculus the grete syre
We haue this honoure maid, and sacrifice
All our of spring, and ȝoung men on this wise
This day kepis, euer solemnytlye
Paticius,
Hercules Preistis.
first maister here with meAnd the famel of pynaria, the bald
The cheif keparis of herculis, hallowit hald
ȝone altare in this cuchil, did vpbeild
That vnto was, in euery time of eild
Is clepit maist solempnit, and hie altare
And sal be repute, gretest euermare
Tharefore haue done, now ȝoung gallandis in hy
In wourschip of this feist, and maniory
Of grene bran [...]his, plet for ȝour hede garlandis
Do waucht, and drink, bring coupis full in handis
Call on our patroun, commoun god diuyne is
And with gude will, do skynk birll the wynis
Thus sayand, the party popll, grane
Heildit his hede with [...] Herculiane
[Page ccii] The leuis from the plettis, doun hingand
Ane haly coup, fallit in his rycht hand
Than ilk man smertlie, castis the wyne at tab [...]
Prayand thare goddis to be aggreabil
¶ In louing / of the douchty hercules
The pepyll singis his werkis mare and les
IN the mene sessoun, hesperus drewnere
The declynyng, of the heuinly spere
Thare with the preistis, of the sacrifice
Girdit in skynnys, eftir the auld gyse
Gan trasyng furth, to gidder in ane rout
And formest went, potitius the stoute
All do thay bere, the birnand hait fyre brandis
All to renew, the banket with thare handis
Full deliget deynteis, for the secund mete
Thay dres anone, and furth of platis grete
With paysit flesche, plennyst the altaris large
Tharon bestowing, in hepis mony ane charge
Syne the menstrallis, singaris and dansaris
To sing and play, with soundis as efferis
About the kendlit altaris, quhill thay brynt
Assemblit are full swith, and wald not stynt
With popill tre hattis, buklit on thare hede
The ȝounkeris ȝoundir, in ane vthir stede
Led roundis, dancis, and fresche karelling
Vthir agit persouns, addressit thame to sing
In ympnis ballettis, and layis, throw the preis
The louabill gestis, of mychty hercules
How the first monstres,
Ane schort history of Herculis valȝeans dedis.
of his stepmoder sleLugeing ane bab in creddil, stranglit he
That is to say, twa grete serpentes perfay
The quhilk he weryit, with his handis tway
And how this ilk Hercules of renoune
The riall cieteis assegeis, and bet doune
[Page] O [...] troy, and eik the strang Ethallia
Ane thousand hard Iournayis, suffering alsua
Vnder the king clepit, Eurestius
By Iunois thrawart will, maist enuyus
And thus sang, muincibil werroure
That bare of strenth, and hardiment the floure
The strang Centauries, thou flew and doun bet
Doubill of forme, and on the cloude beget
Thou brytnys eik, and with thy handis has slaue
Pholus and Helyus, stalwart gyandis twane
Of crete the monstouris, dantis thou at ful
The sauage beistis, as wylde bare and bul
Vnder ane rolk Nemee, forest within
Thou slew and rent, the hidduous liouns skyn
The laik of Stix, trymlit for drede of the
The grislie portare, of the hellis se
Lugeing in caue on dede, banys half gnaw
Did quaik forfire, quhen he thi vissage saw
Na kynd of by [...]sning figure, did the grife
Nor byg Typheus, that agane Iouy oft syis
Mouit betell, with wappynnys fell in hand
Mycht the affray, nor thy grete strenth gane stand
Nor the serpent of lerne, thou put to dede
Fand the want nouthir wisdome, nor manhed
Thocht scho of hedis, with hir mekill rout
Did the assale, and vmbeset about
Hale verray child of Iouy,
Conclusiō
hale honour hyeAdionit to the goddis, in maiestye
Baith vs, and eik thy sacrifice in fere
We pray the vesy, that thou may cum here
With prosper presence, and full happy fute
In our helping, for til be our bute
In sic sangis thare feist, and sacrify
And hercules hie louing, syng and cry
[Page cciii] Bot principally, and of the laif
Thay maid mentioun, of Cacus slane in caif
And how that he the flambis, furth did blaw
The wod resoundis schil, and euiry schaw
Schoutis agane of thare clamour, and dyn
The hillis reirdis quhill dynlis roke, and quhyne
Syne quhen diuyne seruice, was at end
To the ciete bownis, Ilk man to wend
Furth held the king vnweildy, in auld ȝeris
Fast by him haldand, as his freyndis and feris
The prince Eneas, and his ȝoung son Pallas
And quhill thay thus towart, the ciete pas
With sundry sermons schortis, he the way
Eneas awounderis, of that he did say
And kest his ene about, deliuerly
Thay stedis all, to sercheing and espy
Sa fare placis to se, and vesy tyte
This strange knycht caucht plesance and delite
And glaidlye can, inquiringe euery thing
And hard the ansuere, of the agit king
Quhilk teiching him perordour, to him tald
Memoriallis of fere, forefaderis auld.
¶ How king Euander / rehersis to Enee
In eldaris days the reule / of that country
THis king Euandrus, than the first foundare
Of Romes burgh, or palice can declare
And did rehers, vnto his gest Enee
Thir woddis and thir schawis all, quod he
Sum time inhabit, war and occupyit
With nymphis, and faunis and apoun euery syde
Quhilk farefolkis, or than elfis clepin we
That engendrit, in the samyn cuntre
And with ane kynd of men, yborne but leis
Furth of auld stokkis, and hard rutis of treis
[Page] Quhilkis nouther maneris had, nor policy
Ne couth thay ere, the ground, nor occupy
The plewis, nor the oxin ȝoik in fere
Nor ȝit had craft to conquest, norwyn gere
Nor keipe thare moblis, quhen it gadder it was
Bot as thir beistis, or the dullitas
Thare fude of treis, did in woddis fet
Or of the wylde, venysoun scharp to get
First from the heuynnys in to this land
Saturnus come fleand, grete Iouyis brand
His realme reft, and banist eik was he
Bot thay vncouth pepil, of this cuntrre
That skatterit duelt, in hie hilles grene
He maid forgaddir togidder, and conuene
Gaif thame lawis, and statures thame to lede
And wald also this region, euery stede
Was callit latyum, and clepit to his name
For that he surelie lurkit in the same
And as thay tell, and redis in many ryme
Of gold the warld was, in that kingis time
Salykandle in peace, and libertie
At eis his commoun pepill, gouernit he
Quhill pece and pece, the eild syne war and war
Begouth to wax, the cullour fading far
And in stede of peace, the rage of wer
Begouth succede, and couatice of gere
Syne the pissance come of Ausonia
And the pepil, Scany hait alsua
Be quham the land of Saturne war, and wise
Has left and changeit, his auld name oft syse
Syne kingis come amangis quhom for the nones
Sterne Tybris regnit, ane man big of bones
Fra quham ay syne, all the Italiane blude
Thare grete ryuer was clepit, Tybris flude
[Page cciiii] Thus albula his awin, trew name has lost
And me also to duell, within this coist
Banist and flemyt, of my natiue land
Strang destany, quhilk may not bene ganestand
And fortoun eik clepit, omnipotent
Throw al extremes of sey, has hiddir sent
The reuerend als, and dredeful mony singis
Of carmentes my moder, in mony thingis
Expert as rymphe, and prophetes deuyne
And the auctorite of god, Apollyne
Has me constrenit, to duel in this hald
Skais has Euander, all thir wordis tald
Quhen walkin thens furth, bot ane litill space
He gan do schaw the altare, and the place
Quhilk in the langage, remane ȝit sans fale
Is to this day clepit, port Carmentale
Quarby remembrance, is in ilk toune
This auld carmentis, wourschip and renoune
Quhilk has baith nymphe, and fatale prophetes
That first declarit in hir sawis expores
The grete Princis, for to cum of Enee
And of pallenteum, the nobilite
The king syne schew to him, the haly schaw
Quhilk strang roumlus did reduce, and draw
In manere of franchis, or of sanctuary
He schew him eik, but ony langar tary
Vnder the frosty bra, the coif was call
Full mony ȝeris in thare lede, lupercall
Efter thare gyse of Archady, and estate
The pan the god of litee, confecrate
He schew also, the wed hate Argilete
That to the man of arge, thare loist the swete
Was dedicat, and drewe to witnes that stede
That he was neuer culpabyl of his dede
[Page] And can to him declare, the manere plane
Quhat wyse his gest, this man of arge was slane
Fra thyne to mont tarpeya, he him kend
And beiknyt to that stede, fra end to end
Quhare now standis, the goldin capitole
Vmquhile of wylde buskis, routh skrokky knoll
Thocht the ilk tyme ȝit, of that dredful place
Ane ferefull reuerent, religioun percace
The cry rurall, pepyll dyd affray
So that this crag, and skroggis wourschippit thay
In ȝone schaw on thys, woddy hillis top
That skuggit is, wyth mony buskis crop
Quod Euander, tharon ane god dois dwel
Bot quhat god that he be, can na man tell
My pepyl that bene, cummyn fra Archade
Wenys thay saw ȝounder, as thay me said
Grete Ioue hymself, as he ful oft at large
Did schaik hys talbart, or his beknyt targe
And wyth hys rycht hand, dyd assemble and stere
The wattry cloudis, that makis thunderis bere
And forthir eik, he sayd vntyl Enee
ȝone twa toun stedis, thou behaldis quod he
Wyth barmkin doun bet, and euery wal
Of forefaderis thay beue, memoryall
Thys ciete beildit, our auld fader Ianus
And ȝounder ciete foundit, Saturnus
Ianiculum thys hecht myne, awin leif brother
And Saturna clepit, was that vthir
Amangis thame, with sic carpyng and talke
Towart Euandrus, pure lugeyng thay stalke
The cattel eik beheld, thay raik on raw
And in that stede thare, pasturand thay saw
Quhare now in rome is, the chief markyt placis
Bayth squeil and low, in thay ilk plentuous gatis
[Page ccvii] Quhilk symtyme hecht, Caryme fare and large
Quhare the hous war like, ane torned barge
And quhen thay cummyn, to the palice were
Quod Euander, at thir ilk ȝettis here
The conquerour ente [...]it, douchty Hercules
This sobir manys, resauit him but leis
My gentill ge [...]t, enforce and addres
To lerne to d [...] compteme welth,
The kyng geues a gud counsal to Eneas to conteine all wardly ryches / and to follow vertew quhilk ledis to hys honour.
and richesAnd do thy selfe compone, and schaw in dede
In goddis stede, wourthy to succede
And thame equale ressauit, in sic herbrye
Amang smale gere, now enteris bousumlye
And sayand this, the mychty grete Enee
Within his narrow chymmes ledis he
And made sitting doun, apoun ane bed
That stuffit was with leuis, and ouer spred
With the rouch skyn, of ane bustous wylde bere
In affrik bred before, mony ane ȝere
¶ Vntill Eneas / venus armour requiris
Fra Vulcanus / quhilk grantis hir desiris.
THe nycht appro his, with hir wingis gray
Ouer spred the erde, and put allicht away
Quhen venus moder, til Enee efferde
And not but caus seand the felloun rerd
The dredful boist, and assemblay attanis
Aganis hir son, of pepil laurentanis
To Wlcanus hir husband, and gudeman
Within his goldin chalmer, scho began
Thus for to speik, and with hyr wourdis the fyre
Of diuyne luf, can towartis him inspire
Quhod sche, quhil that the kingis of grece and arge
Bet doun the troianis wallis, wide and large
That destinat war, baith tour towne and wal
Of Inemyis, he flawmes to doun fall.
[Page] Na help vnto thay wrachit,
Venus oration tyll Vulcanus desyring armour for hir son Eneas.
folkis I sochtNa armour askit, nor thy craft besocht
Nor the my derest spous, exerce bad I
Thy craft nor werk, in vane wald occupy
Albeit that to chyldren, of Pryame kyng
I was bedettit, in to mekyll thyng
And the vntollerabyll, labour of Enee
Bewalit oft wepand, ful sare quod sche
Quhilk now by Iouis, power stad remanis
Wythin the bonndis, of Rutulianis
Quharfore this tyme, I thy ilk spous, and wyffe
Thy blissit godhede, derrest to me on lyffe
Cummys lauly to beseik, and requere
For wappinnys harnes, armoure and syc gere
For my dere son, I moder prayis the
Sen Nereus dochter, Thetes mycht quod sche
Induce the tyl enarme, hir son Achill
And eik Tythonus spous, at hir awin will
Aurora with hir teres, so the brak
For tyl enarme hir child, Menon the blak
Behald quhat pepyl, lo assemblit bene
Quhat wallit townis, with ȝettis closit in tene
Gryndis thare wappynnis, aganis me and myne
To bryng vs to distruction, and rewyne
Thus said the goodis, and in hir mylk quhyte armes
Full tendirly belappis, him and warmys
Quhyl that he musis so, that hait fyre sle
Of luf bekynd, anone ressauit he
The naturell hete, in to the merch did glide
Persand his banes▪ maid soft on euery syde
Nane vthir wyse, than as sum tyme we se
The schynand brokin, thunderis lichtnyng fle
Wyth subtel fyry stremes, throw ane rift
Peirsand the wattry, cloudis in the lift
[Page ccvi] Venus his spous confydyng in hir beutie
Full glaid persauis that, him claucht had sche
The fader than Vulcanus, god aboue
Lokkit in eternale, chene of loue
Answerit and said,
Vulcanus louing ansuer to his wyfe venus.
quharfor myne awin hart dereSafer about, thou glosis the mattere
Quhy aris thou not planelie, thy desire
Quhidder is becummyn, of me thy lord and syre
The ferme confidence, thou suld haue goddes
Quhat nedis more, bot schaw thy mynd expres
Gif siclike curis, and desire had bene
In to thy mynd, that samyn tyme I mene
During the subuercioun, of troyis ring
To vs it had bene, bot a lesum thing
Troianis til haue enarmyt, at thy request
Nouthir the fader almychty, at the leist
Ne ȝit the fatis contrary, did gane stand
Bot troyis ciete mycht, haue langar stand
So that king priamus ring, by our pouer
Mycht haif remanit fullely, vthir ten ȝere
And now gif thou thy grathis, for to fecht
And thare to be thy mynd, set I the hecht
All manere thing, with solist diligence
That may be wrocht, in my craft and science
Or ȝit may be forgit, in Irne or stele
Or moltin mettell graue, and burnist wele
Sa fer as fyre and wynd, and hie engyne
In to our art may compas, or deuyne
Tharfor desist of thy strenth, to haue drede
Or me to pray in ocht, that thou has nede
For in sic causis, thare nedis na requeist
Am I not reddy to fulfilll, thy beheist
Thir wourdis being said, this hate fire
Can hir enbrasing, all at his desire
[Page] And lappit to his spousis, breist in armes
The plesand naturall, slepe to bete his harmes
And eis his wery membrys, can he tak
Sine as he had slummerit, bot ane swak
Quhen the fyrst silence, of the quyet nycht
His myddell cours, and cyrkyl run had rycht
Prouokyng folk, of the fyrst slepe awaik
Lyke as the pure wyffe, quhilk at euin had raik
Hyr ingyll, risis for to bet hir fyre
As sche that has nane,
Compar [...] son.
vthir rent nor hyreBot wyth hyr rok, and spynnyng for to thryffe
And therwyth all sustene, hir empty lyffe
Hir day werk to encres, or sche may se
Thartyll ane part, of the nycht ekis sche
And at the candyl lycht, hir handis tway
And eik hir pure damesellis, as sche may
Naithly exercis, for to wirk the lyne
To snoif the spyndyll, and lang thredes twyne
Quharby sche micht, sustene hir powerte
Kepe chaist hir spousis b [...]d, in honeste
And therwyth eik fostir, hir childir lyte
The michty god of fyre, this tyme als tyte
And no slawar, bot on the samyn manere
Furth of his bed steris, and hint his gere
And to his smedy craft, and forge hym spedis
Thare standis ane Ill, wyth reky stanys as gledis
Vpstreking hic betuix, the coist Sicille
And Liparen god Eolus, wyndy yle
Vnder the quhilk, big Iland in the se
Ane coif thare is, and hirnes fele thar be
Like tyl E [...]hna, holl it on the mont
By the ciclopes furnes, worne or bront
That makis rumbling, as quha dyd thunder he [...]
The bustuous dyntis, on the studyes ser [...]
[Page cci] Ane huge dyn and noyis, the straik did make
The Irne lumpis, in to the cauis blak
Can bysse and quhissill, and the hate fire
Doith fuf and blaw, in bleisse birnand schyre
Quhilk forgis bene Vulcanus duelling call
And eftir Vulcane, that cuntre namyt all
The mychty god of fyre, doun from the heuin
In to this foresaid Ile, descendig euin
Quhare as in til his large, and gousty caue
The hidduous Cielopes, forgit furth and draue
Brontes storopes, and nakit piragmon
The glowand Irne to wel, and poyne anone
The fyre slaucht ȝit, not formyt perfytlie
Quhylk the fader of goddis oft throw the skye
From euery art doun, in the erde dois cast
Thay had in to thare handis, wirkand fast
That ane parte polist burnist, wele and dycht
Thare vthir party, not parfitit richt
Thre rawis wel, thay of the frosm hale schoure
Thre of the wattre cloude, to eik the stoure
Thre blesis of the birnand, fyris bricht
With thre blastis, of the south wyndis bricht
Syne to thare werk, in manere of gun pouder
Thay mydlyt and thay mixt, this fereful souder
Ane grislie sound grete drede, and goddis Ire
Quham followis ay, the fel flambis of fyre
Ane vthir sorte ful beselie to marte
The rynnyng quhelis forgeis, and were cart
Quhare with the men, to battel dois he stere
And mouis cieteis,
The armour of wysdom.
to raise mortal wereThay dicht and polist, egirlie alsua
The horribil tergate, bustuous Egida
Quhilk is the greuit pallas, grisly scheild
With serpent skalis, poudderis in goldin feild
[Page] Togidder lynkyn, lowpit edderis tuay
And in the breist of the goddis, graif thay
Gorgonis hede, that monstour of grete wounder
Wyth ene wauland, and nek bane, hak in sounder
Away wyth this, ȝe Ethne Ceclopes
Quod Vlcanus,
Vlcanus commaundis his seruandis to make a gudly armour for Eneas.
and all sic werkis ceisAnd that I saw imprentis, in ȝour thocht
Vnto ane forcy man, ar to be wrocht
Harneis and armour, now nedis quod he
ȝour strenth exerce, and Pythus schaw let se
Quhay nymlyest, can cum and turn thare handis
Now on al maisteris poynt, of craft it standis
Do put away in haist, al manere delay
Na mare he said, but wounder frakly thay
Vnto thare labour, can thame al addres
Assignand euery man, his part expres
The irne, the metal throw conduttis flowis
The moltyn gold, and we relike stele hate glowis
And furth of gousty furnes, found it ran
Maist craftely to forgin, thay began
Ane huge grete semely, tergane or ane scheild
Quhilk onlie micht, resisting into the feild
Agane the dynt of latyn wappinnis all
In euery place, seuen ply thay well and cal
Sum can ressaue the glowand hate, sum wynd
Wyth blawand bellyis, bet the fire behynd
Sum of the trouch, apoun the sperkland gledis
The bissand watteris, trinklis and ouerspredis
The huge coue, and al the mont wythin
For straik of studyis, gan resound and din
Amang thame self, thay grisly smethis grete
With mekle force, did forge peyne and bete
And can thare armes hesing vp and doun
In nowmer, and in dew proportioun
[Page cviii] And wyth the grypand, turkes oft also
The glouand, thay turnit to and fro
Euander telland Eneas / thynges sere
Vulcanus armour / did in the skye appere
QVhill that the faderis, of Lemnos vulcanus
Wythin the boundis, of wyndy Eolus
To werk this gere, haistis on euery syde
The blysful licht airly, at morow tyde
And myrthful sangis, of the birdis bay
The swallo singis, on the rufe hir lay
I walkynnyt kyng Euander, and maid ryse
Wythin his sobyr chymes, quhare he lyis
Vpstert the auld and, cled him in his cote
Apoun his fete hys, mete schois hote
War buklit on the wyse, of Tuskany
Syne ouer his schulderis, doun his myddil by
Hyngis buklit his, crafty swerde Archade
From his left arme, about his richt syde laid
ywomplit was the spottis, Pantheris skyn
Hys twa keparis, can furth by hym ryn
From the hie palyce, bustuous houndis two
That haldis thare lordis, pais quhare euer he go
Furth held this here, the secrete priuy way
Towart the stede quhare, that Eneas lay
Hys troyane gest, remembryng all at rycht
His help and promys, grantit ȝester nycht
One the same wise, at morowfull arely
Eneas haistis vp, and mycht not ly
The kyng onlie, bot with his son Pallas
Achates with Eneas, accumpanyit was
Thay Ioned handis sone, as thay wer met
And syne Amyd the chawmer, doun thame set
Quhare fynaly, thay fell in commonyng
Of secrete materis, and autentyk thing
[Page] The king begouth,
King Euā deris oration to Eneas / schawynge hym the way to begin his warre.
and said first to EneeMaist souerane ledar, of troyane cumpany
Quhay beand on life, neuer grant I sal
Troy is distroyit nor cassyn doun the wal
Nor ȝit the troiane power, put at vnder
We haue bot sobir pussance, and no wounder
To help in battell, and to make supple
Vnto so hie excellent maieste
On this half closit, with the tuskane flude
On ȝounder syde, as the rutulianis rude
Nidderis our boundis, as ful oft be fallis
With thare hatnes clattering, about our wallis
Bot I purpois, adione to the anone
Ane huge pepil, and landis mony one
Oistis of fertil realmes, nere fast by
O fortun or we wist, sa happelie
Thou schawis the in our helpe and supple
And o maist douchty, campioun Ene
Desirit of the destany, and fatis
Here ȝe be wele arryuit mony gatis
Foundit of auld stanys, not hyne
Inhabit stude, the ciete agillyne
Quhare that the wourthy pepil Lid [...]ane
Vailȝeand in batal duellis, and dois remane
Apoun the egge of the, heruscane hills
This folkis ar in likyng at thare willis
This land inhabitis vale mont and swyre
Quhill fynalie ful prude, in his empire
Mezentus begouth, thare to be king
And in grete force of armes, thare on ring
Suld Icehers, the vntollerabil myscheif
The cruel dedis slauchter and huge greif
Of that tirrant, quhilk ȝit the goddis ding
Apoun his hede, reseruis, and of spring
[Page ccix] For he besyde, his vthir wikkit dede
The quyk bodyis, speldit furth on brede
Adionit to the corpis, and carioun dede
Layd hand to hand, bayth face, to face and hede
Quhilk quyk mouthis, did dede mouthis kys
O quhat manere of torment, cal ȝe thys
Droppand on worsum, and fylth laythlie to se
So miserabil embrasing, thus wise he
Be lang proces of dede, can thaym sla
Quhil at the last, of this ennoye and wa
His cietezanis irkit syne, in ane route
Enarmyt vmbeset, his manys about
Him al enragit, on his wilde manere
Besegeit thay and of his complicis sere
Has slane anone, and all in pecis halkit
And fyre blesis in his hie biggyngis swalkit
Amyd the flauchter, on cais eschapit hie
And to the feildis, rutuliane can fle
Quhare in til armes, he turnus and his oist
He him begouth, defend apoun that coist
Quharfor hethruria, al ful iustlye
Aggreuit rais, in armes by and by
Vnto punytyoun, and al tormentis sere
Thare king to ask, and seik in fere of were
To thir mony thousand, pepil quod he
Souerane ledar, I sal the Ione Enee
For now thare schippis, full thik reddy standis
Brayand endlang, the coistis on thir landis
Thay bid display thare banaris, out of faldis
Bot ane anciant diuinour, thayin with haldis
Schawand the fatal godlie destany
O ȝe maist vailȝeand, ȝoung galland quod he
And pepil cummyn, from meonea
ȝe that be flour of cheuelrie, alsua
[Page] The verte I and the strenth, of vassalage
Of ancestry and men of ȝour lynnage
Quhom Iust dolour, steris on this wyse
Baldlie aganis ȝour Inemyis to rise
Al thocht Mezentius to his hie myscheif
Has wele deseruit, aganis him ȝour greif
Thus in commotioun, for to rais and stere
ȝit neuertheles beleuis out of were
So grete ane pepil, as vnder Turnus King
And Latinis leyndis, for to doun thring
Vnlesum is to ony Italiane
ȝow behuffis, to seik ane strang chiftane
Of he thruria the oistis vnder schild
With that word stoppit in the samyn feild
Of the goddis admonissing, al affrayit
Tharchone him self, thare duke list not delayit
Bot to me send ambassiatouris all boun
Offerand to me, the scepture and the croun
And all thare realme, and thare ensenȝis brocht
Requiring me, that I refusit nocht
To cum and be chifiane, to thare armye
The realme Tirrehene, eik to ressaue in hie
Bot my febil, and slaw vnweildy age
The dasit blude, gan fer by the hate rage
With force failȝeit, to haut the strang weris
Or than the outworne dait, of mony ȝeris
Enuy [...]s that I suld Iois, or bruke empire
My son Pallas this ȝoung lufly syre
Exhort I wald, to tak the stere on hand
Ne war that of the blude, of this ilk land
Admyxt standis he, takand sum strynd
Apoun his moderis syde of Sabyne kynd
Bot thou quham bayth, thy ȝeris and thy blude
The fatis fauouris, and is so to conclude
[Page ccx] By the goddis aboue, as out of were
To be callit, and scharpe for this matere
Go to the batal campioun, maist forcy
To troianis baith, and Italianis to gy
And for thir eik the samyn,
The king fendis his welbeloued sonne Pallas in cōpany wyth Eneas.
ȝoung pallasOur son our hope, our comfort and our solace
I sal adione, in felowschip quod he
As his maister, to exerce vnder the
And lerne the fate, of knychtlie cheuelrye
Hard marcial dedis hanting, by and by
To be accustumate, and behald thy feris
For wounder followyng, the werkis in ȝoung ȝeris
Twa hundreth walit horsmen, wicht and sterne
Of Archade sal I gif, vnto that berne
And of his awin behalf, to thy supple
Als mony Pallas, sall promyt to the
Quhilk in the hale, may wele foure hundreth bene
Skant was this said, quhen cassyn doun his ene
Traist Achates, and Anchises son Enee
Sat starand on the ground, baith he and he
And in thare hartis, did full oft cumpas
Ful mony hard aduersite, and cais
With drery chere, and myndis sad bayth twa
Ne war Venus, lady Cytheria
Doun from the heuin, of comfort to thaym sent
Ane opin takin, clere and euydent
For suddanlie thay se, or thay be war
The fyreslaucht beting, from the lift on fer
Cum with the thunderis, hidduous rumling blast
Semyng the heuin suld fall, and all doun cast
The are anone gan dynnyng, vp and doun
Wyth brag of were, and tirrhene trumpis soun
Thay listnyng to persane, and here the dyn
Ay mare and mare, agaue it begyn
[Page] To rerd and rattil apoun, the fereful wyse
Quhil at the last thay se, and al espyes
Throw the clere sky, and regioun of the heuin
Amang the cluddis brycht, as fyrye leuin
The glitterand armour, birnist lemand schene
And as thay schuke, thare rais thunder bedene
Abasit in thare myndis, worth the laif
Bot this lord troiane, knew and did persaif
Ful wele the sound, and al the case expres
By promys of hys moder, the goddes
Syne can rehers it plane, and thusgate said
Forsoith, forsoyth my gentil oist be glad
The nedis not to aske, nor ȝit to spere
Quhat signifyis, thir wounders did appere
For I am callit to the heuin quod he
The haly moder my genitrice schew me
That sic ane takin suld be send sche said
Gif ony wald, with batal vs inuaid
And in my helping, heich doun from the are
To send vulcanus armour, gude and fare
Allace how fell slauchter now apperis
To wrechit latynis, in thir mortal weris
By me, turnus, quhar panys sal thou dre
Of tyber fare that rynnis in the se
How mony helmes, scheildis, and sterne body
Wnder the fludis, warpit law sal ly
Lat thaym array thare, oistis now lat se
And baldlie brek, thare freyndschip made with me
Euander sendys his son to ȝoung pallas.
Wyth hys army in help of Eneas.
FRa this was sayd, from the hie fete he stert
And first the slokynnyt fyris has he gart
The rakit harthis, and Ingil ȝesterne nycht
On hercules alcare, bet and kyndil bricht
[Page ccxi] And gladlie went to wourschip and to [...]
Sobir penates, goddis domestical
And walit twynteris, eftir the auld gise
He flew and britnyt vnto sacrifice
With him Euander, eik and al his feris
Of troiane menȝe, lusty fresche ȝounkeris
Syne doun in haist, he went vnto his schippis
His folkis he wesyit, and his fallouschippis
Of quhais nowmer, he has walit out
Ane certane the mayst liklie, bald and stout
Quhilk sculd him follow, into euery place
The ramanent tuke bese [...]e thare rais
Doune by the wattir, on the flowand flude
Discendand slawlie, to bere message gude
Sone eftir this, vnto Ascaneus ȝing
Twichand his fader, and of euery thynge
The horssis syne war, geuin and furth brocht
To the troianis, that vnto tuskanis socht
And till Eneas led,
Giftes.
anone they gayfAne gentil stede excedand, al the laif
On quhom at al partis, war ouer spred and fold
Ane dyn Lyoun skyn, with nalis of gold
Than throw the litil ciete, al on raw
The fame anone divulgate, swiftlie flaw
How that the hors men spedis, thayme bedene
To go vnto the land, and coyst tirrhene
The wyffis and auowis, than for fere
By women, and the matrouns doublit were
More grew the drede, the nerrare grew dangere
Now martis ymage, semes waxin mare
The fader than Euander, as they departe
By the rycht hand, thaym grippit with sad hart
His son embrasin, and ful tendirly
Apoun him hyngis, wepand vntellably
[Page] And thus he said o son, omnipotent
Gyfe Iupiter my ȝing,
Euādrus oratione to his son Pallas
ȝeris bewentWald me restore, in sic strenthis and eild
So as I was quhen first, in battell feild
The armes of the oistis, doun I dang
Of prenest, vnder the wallis strang
And vyctour of myne, Inemyis as proud syre
Hail hepis of thare scheildis, brynt in fyre
Quhare with this samyn, rycht hand quellit and slane
Vnder the hellis ground, Tartareane
Kyng Herilus was, sent to duell for ay
Quham tyl his moder, Feronia the gay
In to the time, of hys natiuite
Grysly to say, had geuin saulis thre
And that he suld bere, armour thryis in fecht
And thryis behuffit, to the dede be dicht
Fra quhan that tyme, this richt hand not the les
Thay saulis al berest, and thare expres
Of als mony enarmouris, of spulȝe clene
Gyf so war now with me, as than has bene
Ne suld I neuer depart, my awin child dere
From thy maist sweit, embracing for na were
Nor our nychbour Mezentius, in his spede
Suld na wyse mokand, at this hasard hede
By swerd haif kelit, sa fele corpis as slane is
Nor this burgh, of sa mony citezanis
Left desolate, and deundit quod he
Bot o ȝe goddis aboue, and Ioue moist hie
The geuernour, of heuinly wichtis all
On ȝou I cry, on ȝou I clepe and call
Begin to haue compacience, and piete
Of ȝour awin woful kyng, of Archade
Opyn and inclyne ȝoure diuine godly eris
To here and ressaue, the faderis meik praieris
[Page ccxii] Giff it be so, ȝour godhede and grete mychtis
Be presence prouide, has and foresichtis
Pallas my son,
A fatherly affectyon.
in saufte hale and fereGyf the fatis preseruis, him of dangere
Sa ones in my lyffe, I may him se
Agane togidder, alsemblit I and he
I ȝou beseik my febyl lyffe, to respite
That I mycht leif, and endure ȝit ane lyte
All pane and labour, that ȝou list me send
Bot O fant fortoun, gyf thou dois pretend
And mannassis, ony myscheuous case
Now now furthwith, in to this samyn place
Suffir me swelt, and end this cruel lyffe
Quhill doutsum is that all, syc sturt and striffe
Quhil hope vncertane, is of ony thyng to cum
And quhil I thus my dere child, all and sum
My lustis presand, and my last weilfare
Thein my armes embrasis, but dispare
So that eftir, no sorouful messingere
Wyth smert enuoye, hurt neuir my agit ere
The fader Euander, with ful sory hart
At lattir poynt, quhen thay war to depart
Thir wourdis spak, syne fell in swoun rycht thare
Hys men him hint, and to his chawmer bare
Be thes the rout of horsmen, strang in fycht
War Ischit at the portis, euery wycht
Amangis the formest, the duke Eneas
And eik the traist, Achates furth can pas
Syne vthir nobillis, of the troyans stout
The ȝoung Pallas, riding amyd the rout
So farrand, and so lusty personage
Cled in ane mantyll, in tyl his tender age
Quhilk did ouerheild, his birnist armour brycht
One him to luke, was ane mare gudlie sycht
[...]
[...]
[Page] Than on the day sterne, quhilk at morne arely
Bachit in the octiane, risis in the skye
Quhois furie bemes, venus in spertall
Chosis aboue al sternes, grete and small
Hye in the heuy [...], lifting his vysage schene
To chace away the myrknes, with his ene
The woful moderis, quakyng for cald drede
Stude on the wall, behald and quhare thay ȝede
And did conuoy, or follow with thare sicht
The dusty sope, quhareso the rak went richt
Gowand apoun thare, brycht armoure that schane
So fer as that thare luke, mycht thame attane
The cumpany al samyn, held away
Throw scroggit bussis, furth the nerrest way
Enarmed ridyng thiddir, as thay waid
The brute and dyn, from thame vpsprang thik fald
The horny huffit hors, with four fete
Stampand and trottand, on the dusty strete
¶ How that venus / vntyl Eneas brocht
The godly armour / be Vulcanus wrocht
THare growis ane grete schaw, throw the chyl ryuere
Quhilk that flowis, with his frosty stremes clere
Doun by the ciete, of Agillina
That vthir wyse, is clepit Cereta
Quhilk is in wourschip, haldin and in drede
By faderis auld, the large boundis on brede
As sanctuare, and with depe clenthis wyde
This schaw is closit, apoun euery syde
Ane thik aik wod, and skuggy fyrris stout
Belappis al the said, cuchil about
The fame is that, the grekis anciane
Quhilk clepit bene, to surname Pelasgane
That quhi [...]m langtyme, in the formest eildis
The latyne boundis, occupyit and feildis
[Page cx. xiii] Tyl siluanus fyrst, dedicate this schaw
The god of beistis, and of feildis faw
And constitute to him, solempnit feist
Duke Tarchone, and the tuskanis maist and leist
Not fer from thens, in tyl an strenthy place
Thare Pallionus, al had stentit apoun case
That from the top, of the hillis hicht
The army all thay mycht se, at ane sycht
Wyth tentis tentit, strek and to the plane
Thidder held Eneas, the souerane troiane
And al the bernes, of his rioll rout
Chosin for the batell, lusty sterne and stout
And wery of thare trawell, thocht thame bes [...]
Thame selfe on hors, to refresche and rest
Bot than venus, the fresche goddis bedene
Amang the heuinly skyes, brycht and schene
Berand with hir, the diuine armour clere
To make tharof ane present, can draw nere
And as on fer hir son, sche can behald
Secrete allone, by the chil ryuere cauld
Amyd ane holl cleuch, or ane derne valee
Of hyr fre wyll, to him apperis sche
And wyth sic wourdis, to him spak saying
Lo my reward here,
Venus geuis hyr sone Eneas hys armoure.
and my promyssingFulfyllit iustly, be mine husbandis werk
So that my son, now art thou souir and sterk
That the not nedis, to haue ony fere
For to resist the proude, Latinis in were
Nor ȝit the strang, turnus tyll alsale
Hym to prouoke, or challance for battale
Thus said the schene, Citheria fare of face
And wyth that word, can hir dere son enbrace
And thare the schynand, armour forgane his sicht
Vnderane bowan haik, laid doun ful rycht
[Page] Seand sic giftis, of this traist goddes
This gentyl knycht, reioysit wox I ges
Glaid that sa grete honour, ressauit he
That skarslie, couth he satifyit be
For to behald, thir armour bricht and schene
On euery pece to wesy kest his ene
Thareon wounderand, betuix his handis twa
And big armes, thaym turnes to and fra
The grislye creistit helme, he can behald
On fereful wyse, spoutand the fyre thik fald
The fatal swerd, dedelie to many ane
The stif hawbrek, of steile ybirnist schane
Of huge wecht, and bludy sanguyne hewe
That sic ane glance, or variand cullour schew
As quhen the birnand sounys, bemes bricht
The wattery cloud, peirsand with his licht
Scynand on fer, forgane the skyes howe
Schapis the figure, of the quent ran bow
The licht leg harnes, on that vthir syde
With gold and birnist, lattoun purifyn
Graithit and polist, wele he did espy
The spere and eik the scheild, so subtelly
Forgit that it was ane vntellabil thing
For Vulcanus of fyre, the lord and kyng
Knawand ful wele, the art of Prophecy
Of sundry thyngis,
A schorte discryptiō of the romane historyis.
to cum, eik by and byThe vailȝeand dedis, of Italianis
The grete tryumphis, als of the romanis
And of Ascaneus stok, al nobil knychtis
Thare batellis al perordour, were and fychtis
Had thare Importurate, propirly and graue
Amang al vtheris, in martis gresly caue
The sowking wolf, furth strekyng breist and vdyr
About hir palpis, but fere as thare modyr
[Page ccxiiii] The twa twynnys, smal men childer ȝing
Sportand ful tate, gan do wrabil and hing
And sche hir lang round nek bane, bowand raith
To gif thaym souch, can thaym culȝe bayth
Semand sche suld thare bodyis by and by
Like with hir toung, and clenge ful tenderly
Not fer from thens, rome ciete ekit he
Quharby ane new Inuentioun wounder sle
Sittand into ane holl vail or slak
Within the listis, for the triumphe mak
War sabyne virginis, reuist by romanis
As that thay war, assemblit for the nanys
The grete gammis, Cirtensus for to se
Quhilk Iusting, or than turnament clepe we
With hasty sterage, thare moist thou behald
The weris rasit, amang the romanis bald
By agit Tatius, and feill curitanis
Syne the ilk princes, and the said romanis
The weris sesit, samyn al in fere
Enarmed stude, before Iouis altare
With coupis ful in hand, for sacrifice
Thare mycht thou se thaym, eftir the auld gyse
The swyne slikkit britnyt sone and slane
Conferme thare trewis and mak peace agayne
How that Vulcanus thare amang the layf
Storyys to cum dyd in the armoure grayf
FRa thyne not fer, the chariot thou mycht draw
Metus sufficius in sere pecis draw
Albeit thou thocht this cruelte king Albane
Quhy wald thou not, at thy promys remane
Quhy list thou not, obserue thy faith and saw
This faithles wichtis entrellis, war furth draw
By command of Tullus hostilius
And throw the woddis harlyt euery bus
[Page] Quhill that the tharmys, and the bowellis ren [...]
Skroggis and breris, all wyth blud bysprent
Thare mycht thou se,
Tarquinius.
Tarquinius in exileFurth cast of rome, and syne within schort quhile
By kyng Persenna, in to batall plane
Commaundit for to be, ressauit agane
With that ane felloun, sege all rome about
Dyd vmbeset, and closit with hys rout
The romanis than, discendit from Enee
Rusche vnto wappynnis, for thare lyberte
Thou micht behaldin, eik this ilk persen
Lyke has he had despyte, and boistyt men
For that the hardy Cocles,
Cocles.
derf and baldDurst brek the bryg, that he purposit to hald
And eik the vyrgyne Thelia, quhare sche stude
Hyr bandis brasit, and swam ouer tiber flude
Manlius the knycht, aboue into the schield
In the defence for Iouis,
Maulius.
tempil beildKepand the strench, and castell Tarpea
And haldand the hicht, capitoll alsua
Stude porturate, nere the chimmis calendare
Quhais ruffis laithly, [...]ul rouch thekit war
Wyth stra or gloy, by Romulus the wycht
Thare was also ingrauit, all at rycht
The siluer ganer, [...]lich [...]erand with loud skry
Warnand al reddy, the gilt entre by
How that the gaulis, did the ȝet assale
Thare mycht thou se, the frensche armye alhale
Haist throw the bussis, to the Capitoll
Sum vndermyndand, the ground with ane holl
Sa that almaist, thay wan the fortres
Erete help thame maid, the clois nychtis myrknes
Thare haris schane, as dois the brycht gold wyre
And all of gold wrocht, was thare riche attyre
[Page ccxv] Thar purpoure robbis, begarit schynand brycht
And in thare hand, withhaldand euery knycht
Twa Iawilling speris, gissarne stauis
Forgit in the montanis, al sye manere glauis
Thare bodyis al with lang, targis ouerheild
Syne ȝounder mare was, schappin in ane feild
The dansand preistis, cl [...]pit Salu
Hoppand and singand, wounder merely
And panos preistis, nakit Lupertanis
The toppit hattis, quhare the wole threde remanis
And bowit bullaris, falland from the sky
Thare mycht be sene, for git maist craftely
The chayst matrouns, throw the ciete all
In soft charis, thare gemmys festuall
Ledand and playand, wyth myrthis and solace
Ane fer way hens, ful wele ingrauit was
The vglie hellis sete, tartareane
The depe doungeoun, quhare pluto dois remane
And of the wikkit pepill, al the pyne
Thare war thou merkit, cursit Catilyne
Hyngand out ouer ane scherand heuch or bra
And trymland,
Catilin,
for the fereful drede and waTo se the furious grisly sister fatis
That with thare scourgis, wikkit pepil chasis
The rychtwis folkis, that leuit deuotlie
Fra thaym war partit, in ane place fer by
And the wise man C [...]nsorius Cato
Geuand thare Iust rewardis,
[...]ato.
til al thoMydway betuix the vtheris stories sere
The swelland seis figure, of gold clere
Went flowand, but the lopperand wallis quhite
War pouderit ful of fomy froith mylk quhite
The Dalphyne fischis, wrocht of siluer schene
In sirkill swepand, fast throw fludis grene
[Page] Sowchand swiftly, salt stremes quhare thay fare
Vpstraik thare [...]alis, the stoure here and thare
¶ Eneas meruellis / of the storyes ser [...]
wrocht by vulcanus / in hys armour clere▪
AMyd the seyis, micht be persauit wele
The werely schyppis, with thare snowtis of steile
The anciant battellis, se [...]ing as quha did se
The mont Lucata, standand by the se
For o [...]stis arr [...] yit glowand as the glede
Of glitterand gold, schane all the flude on brede
On that ane party thou, mycht thare behald
Cesar [...] August,
Augustus C [...]sar.
Octauiane the baldMouand the battall, the Italianis
With sum sanctuaris, and wourthy pepil romanis
And goddis domestic, quhilk Penates hate
With all the grete goddis, of mare estate
Heich in the fore stam stand, he micht be sene
For his blyith browis, brent and athir ene
The fyre twynkling,
Agripa.
and his faderis starSch [...]w from his helmes, top schynand on far
The big and stout Agrippa, his freynd dere
His nauy led at ha [...]d, wele by nere
As he that in his help, and succouris findis
The prosper fawouris, baith of goddis & wyndis
quhais forehede schane, of ane proud sing of weris
Ane croun with stanis, sic as schippis beris
Marcus Anthonius,
Anthonius
cummis thame aganisWith hale supple, of Barbiaranis
As nobyll vyctoure, and cheif conquerour
[...]aryand wyth hym, of orient the [...]our
Dyuers armyis, and pepyl for melle
From Peirs, Egypt, and coistes of the red se
The power al assemblit, in his stote
Ane huge rout, and multitude god wote
[Page ccxvi] The ȝoundermest pepill,
[...]
clepit brattanisQuhilkis nere the Easte part, of the world remanis
Him followis to the feild, ane schame to sa
His spous Egipciane, quene Cleopatra
Thay semyt samyn, ruschit all togiddir
Quhill all the sey vpstouris, with ane quhidder
Ouer weltit with the benesell, of the aris
Fast fra the forestammes, the flude souchis and raris
As thay togidder, machit on the depe
Thou suld haif wenyt, quhay therto tuke kepe
The grete ylandis, Cyclades hale vprent
Apoun the sey fletand, quhare thay went
Ouer huge hie hillis, concurrand all atanys
Togidder rusche, and mete with vthir montanys
On athir hand, with sa grete force and wecht
The men assalis in schip, of toure to fecht
Thay warp at vthir bricht, blesis of fyre
The kendillit lynt, and hardis birnand schyre
The dartis casting fra hand, to hand lete flete
Slang gaddis of Irn, eand stanc cast grete plente
Neptunus feildis, all the large flude
For new slauchter wolx blandit, rede of blude
Amyd the oistis Cleopatra, quene
The routis did assembill, to fecht bedene
With tempane sound, in gyse of hir cuntre
Prouokand thame to moue in the melle
Nor ȝit beheld scho not, thir edderis twane
Behind hir bak, that eftir has hir slane
The monstruous goddis, figure of al kynd
That honorit ar, in Egipt or in ynd
And eik the barkand, statew anubis
Agane Neptune, agane venus I wys
And als agane mynerua, porturit standis
In that bargane with wappinnis, in thare handis
[Page] Amyd the feild, stude Mars that felloun syre
In place and male, wod brym as ony fyre
The sorowful furies, from the firmament
By the goddis to tak, vengeance war sent
Inuent discord, ioyus of that Iourne
With mantil rent, and schorne men micht hir se
Quham followit, bellona of batall
With hir kynd cousing, the scharp scurgis fell
Actius Appollo, seand in the skye
Of this melle, the doutsum victorie
His bow aboue thare hedis, has he bent
Like for to schute his dartis, and doun sent
For drede of quham, al the Egipcianis
Al thay of ynde, and the arrabianis
And thay of Sauye, turnit bak to fle
Cleopatra the quene, thare mycht thou se
Wynd sale about, and gang before the wynd
Ay mare and mare, dredand persute behynd
Slakand schetis, and haldand roume at large
With purpure sale, aboue hir pantit barge
The mychty god of fyre, hir wrocht and made
Ful pale of hew, sorowful and not glad
In sing to cum, of hir smert haisty dede
Amang dede corps, now of slauchter rede
And wyth the west wynd, and the wallis haw
Frawart the flude of nyle, ouer stremes blaw
Quhilk nylus ryuer, murnand for thare diseis
His large skirt on brede, spred thame to pleis
With al his habit,
Iulys Ceaser
opynnyt thame to calAs thocht him lyst, ressaue the vincust all
Wythin his wa [...]try bosum, large and rude
And hid in secrete, conduct of his flude
Within the wallis sene of Romes ciete
Cesare ressauit wyth, tryumphys thre
[Page ccxvii] Thou mycht behald, thare offerand on his g [...]se
Till Itale goddis, in mortall sacrifice
Ouer all the ciete, in maist singulare ioy
The blisfull feist, thay making man and boy
So that thre hundreth, rial temple is dyng
Of riot rippet, and of reuelling
Ryngis and of the myrthfull, sportis sere
The stretis sounding, on solacius maners
At euery sanctuary, and altare vpstent
In karrolling the lusty, ladyis went
Before the altaris eik, in cirkill round
The brytnyt beistis, strouit all the ground
Cesare him self sesit, in seit riall
Within the snaw quhite, staitlie marbill wall
Nf god Phebus tempil, thare as he sat
Vesiand the pepil giftis, this and that
And on the proude pillaris in taikynnyng
Of his triumphe maid, thare be vphing
The pepil by him vincust, mycht thou knaw
Before him passand, per ordour all on raw
In langs [...]m cryme, and how fele kyndis sere
Of toungis and of langage, men mycht here
Als mony diuers habitis, war thay strange
Als feile sortis of armouris, did thay change
Vulcanus here the battellis, Numydanis
And thay folkis, that affric remanis
Had grauin wele, and ȝonder porturat was
The Leleganis, and pepil of Carras
And gelones the pepil, of Cithea
In archery, the quhilk ar wounder thra
The mikle flude, Eufratis fast by
with stremyt now, semyt [...]low mare sobarly
The moryne pepil eik, fast by the se
Of men repute▪ the last extremite
[Page] The forkit flude, of reyne eik payntit was
And the vndantit danys, thare did pas
The flud arax, of armony also
Hauand disdene ane brig, ouer it suld go
Eneas of his moderis gift woundering
Ouer all Vulcanus scheild, sa mony ane sing
Wrocht on sic wys, not knawand the mater
To se the figuris, of thir stories sere
Reiosit wox, and syne deliuerly
Apoun his schulderis hyntis, vp in hy
The famous honoure, and hie renoune
Or glorius geistis of his posterite.
Finis,
The prologe of the .ix. booke
THir lusty versis,
Vertue is the richt way to honor quhilk has euer this rewill with hyr. do as thou wald be done to / vice cotrar is the way to all myscheif mysfortoun quhilk is gr [...]undit on falset & lesingis
of hie nobiliteAgilite did write, of lusty clerkis
And thareon merkis wisdome, vtilite
Na vilite, no sic vnwourthy werkis
Scurilite is bot for doggis, that barkis
Quhay thareto harkis, fallis in fragilite
Honeste is the way, to wourthynes
Vertew doutles, the perfite gate to blys
Thou do na mys, and escheu ydelnes
Persew proues, hald na thing that is hys
Be not rakles, to sa sone ȝa I wys
And syne of this the contrare, wirk expres
Do to ilk wicht, as done to, thou wald be
Be neuer [...], and doubill, na ȝit ouer licht
Vse not thy mycht, aboue thyne awin degre
Clym not ouer hie▪ nor ȝit ouerlaw to lycht
Wirk na magre, thoch thou be neuer so wicht
[Page cxx] Hald with the richt, and preis the neuer to le
Aneuch of this,
Euery m [...] t [...] glaid & [...] most of that thīg quha [...] to he is giffyn by nature or ed [...] cucion sum to rewil cōmon welthie / sū to lerning / and sum t [...] his awin plesorwith out o [...]y respect of vert ew or wisdom.
vs nedis preich no moreBot according the purpois said before
The riall stile clepit Heroicall
Full of wourschip, and nobilnes ouer all
Suld be compilit, but tenchis or vode wourde
Kepand honest wise sportis quhare euer thay burde
All lous langage, and lichtnes lattand be
Obseruand bewtie sentence, and grauite
The sayand eik, suld wele consider this
His mater and quham to it, intitillit is
Eftir myne autouris, wourdis we suld tak tent
That baith accord, and bene conuenient
The man the sentence, and the knychtlie style
Sen we mon carp of vassalege, ane quhile
Gif we discriue the woddis, the treis quod he
Suld conforme, to that mannis dignite
Quham to our werk, we direct and indite
Quhat helpis it full litill, it wald delite
To write of scroggis, brome hadder or rammell
The laurer cedir, or the palme triumphale
Ar mare ganand, for nobillis of estate
The muse suld with, the persoun aggre algate
Stra for to speik of gate, to gentill wicht
Ane hound ane stede mare, langis for ane knicht
Quhom to efferis, hant na rebald dale
Thare suld na knicht, rede bot ane knichtly tale
Quhat forcis him, the bussart or the brere
Set wele him semes, the falcone hereoner
He comptis na mare gled, nor the fewlume
Thocht wele him likis, the goishalk glaid of plume
The cur or mastis, he haldis at smale auale
And culȝis spanȝeartis, to chace partrik or quale
Ne bid I not, into my stile for thy
[Page] To speke of truffis, nor nane harlottry
Sen that myne aucthor, with sic eloquence
His bukis illuminate has, and he sentence
Sa fresche enditit, and sang poetical
That it is clepit the werk, imperiall
Endyte vnto the grete, Octauiane
The empriour excellent and maist souerane
By quham the gospell, makis mencioun
The hale warld, put was to discriptioun
To nowmer al the pepil, tharin suld be
So but rebellioun, alquhare obeyit was he
Bot sen that Virgil, standis but compare
Thocht in our leid, his sayingis to declare
I haue in ryme, thus fer furth tane the cure
Now war I laith, my lang labour misfure
Althocht my termes, be not polist alway
His sentence sall I hald, as that I may
Gif ocht be wele, thank Virgil and not me
Quhare ocht is bot gais, mys or out of gre
My lewitnes I grant, has all the wyte
Couth not ensewe, his ornate fresche endite
Bot with ful hardy curage, malapart
Schupe to interprete, and did perchance peruart
This maist renowned, prince of poetry
Quher I sa did,
The authorys meyknes and Humylyty
meaculpa I cryȝit by my selfe, I fynd this prouerbe perfyte
The blak craw thinkis, hir awin birdis quhyte
Sa faris with me, bew schirris wil ȝe herk
Can not persaif ane falt, in al my werk
Affectioun sa fer, my ressoun blyndis
Quhare I misknaw myne errour, quha it findis
For charite amendis, it gentil wicht
Syne perdoun me sat sa, fer in my lycht
And I sal help to smore, ȝour falt leif brother
[Page ccxxi] Thus vailȝe quod vailȝe, ilk gude helpis vthir
And for I haue my werk, addressit and dycht
I dar sa baith to gentil, barroun and knycht
Quhais name aboue, I haif done notefy
And now of proues, and hie cheuelrie
Behuffis me to write, and carpe ane quhile
The more glaidlie I sal inforce my style
And for his saik do scharp, my pen al new
My maist renownit auctor, I ensew
That thare salbe, wil god litil offence
Saufand our bustuous vulgare difference
No more as now, in preambil me list expone
The nynte buke thus begynneth, of Eneadone
Finis.
The nynth buk of Eneados
¶ Iuno to Turnus / in message Iris sent
To sege the troianis Eneas, the absent
QVhill on this wyse, as I haif sayd or this
Sic ordinance, and materis wirkand is
In diuers placis, set full fer y [...]wyn
Saturnus get Iuno, that lyst not blyn
Of hir auld malyce, and iniquite
Hir madin Iris, from heuyne sendis sche
To the bald Turnus, malapart and stout
Quhilk for the tyme, was wyth al his rout
Amyd ane vale wounder, lowne and law
Syttand at eis, within the hallowit schaw
Of god Pilumnus, his progenitore
Thamantis dochter, knelis him before
I mene Iris, thys i [...]k fornemyt maide
And wyth hir rosy lippis, thus him said
Turnus beheld on cais, reuoluit the day
And of his fre wyl, sendis the perfay
[Page] Sic auantage, and oportunite
And set thou wald hef,
Iris exhortacione to turnus kyng of ru [...]ilianis to make war with the troiaanys.
askit it quod scheThare was neuer ane, of al the goddis ding
Quhilk durst haue the promittit, sic ane thing
Eneas desolate, leuand this ciete
His nauy eik, his feris and hale menȝe
Is til Euander socht, and palentyne
That burgh, bot not yneuch for forthir syne
To the extreme cities, of tuskany
In mont corychus, haldis he in hy
And dois assembil, the wyld laboreris
That quhiluin comfra lide, to armes in weris
Quhat dredis thou, now tyme is to prik hors
Now tyme for til assay ȝone cartis and fors
Haue done, mak na mare tary nor delay
Set on thare strenthis sone, gif thame affray
Quod scho, and tharewith in his presence euyn
With equale wingis, flaw vp to the heuin
Vnder the cluddis, schapand quhare scho went
Ane grete rane bow, of diuers hewis ment
The ȝoung man knew, hir wele and haistelie
Vp baith his handis heuis to the skye
With sic wourdis followand, or sche did fle
Iris thou bewtie,
Turnus answer obeyng Iris peticyon.
of the heuynnys hieThrow al the cluddis, and the skies broun
Quha has the send to me, in erth adoun
How is becum, on this wise quod he
Sa bricht wedder, and clere serenite
I se the heuynnys opynnit and diuide
And mouand sternis, in the liftis syde
So grete takynnys, and [...]
I sal persaif, and follow quhat befaw
Quhat euer thou be, that callis to the weris
Thy comand, I sal obey as efferis
[Page ccxvii] And thate withal, with wordis augural
Efter thare spayng cerymonis diuinal
Vnto the flude, an one furth steppis he
And of the sternis, crop ane litil we
The wattir liftis vp, into his handis
Ful gretumlie, the goddis quhare he standis
Besekand til attend, til his praier
The heuinnys chargeing, with fele auowis sere
With this the oistis,
The oistis cummys to [...]dwarte arrayit in battell.
al in the plane feildHeld furth arrayit, schinand vnder scheild
Men mycht behald, ful mony rial stedis
Ful mony payntit targe,
The vangard.
and werelike wedisOf giltin gere,
The reyrgard.
did glitter bank and busThe formest battel, ledis Mesapus
The hindmest oistis,
The grete armys
had in gouerningOf Thirrins the sonnis, and childer ȝing
Turnus thare duke, reulis the middil oist
With glaue in hand, maid awful fere and boist
Thame til array, rade turnand to and fro
And be the hede alhale, quhare he dyd go
Hyer than al the rout, men mycht him se
In sic ordour furthaldis his menȝe
Lyke as sum tyme gangis, the flude indane
Seuyn swelland riueris, efter space of rane
Ressauit in hys large bosum in hye
In hys depe trough, now flowand esely
Or as vmquhyle, the fatyl flude Nylus
Ouerfletand, al the feildis bank and bus
Syne efter the grete fludys, waters rage
Returnis swageit, tyl thare auld passage
Turnus segeis the troianis / in grete yre
And al there schyppis and nauy / set in fyre
BE this the troianis, in thare new ciete
Ane dusty sop vprisand, gan do se
Full thik of stoure vp thringand,
Caicus oration to the troianys.
in the areAnd all the feildis, myrknyt mare and mare
Caycus first cryis, as he war wod
Doun from the hee garrot, quhare he stude
O cietezanis, how grete ane oist quod he
Is lappit in ȝone dusty stew I se
Swyith ȝour armour tak, ȝour wappinnis all
Bring hiddir dartis fete, apoun the wall
Our Inemyis cummis, at hand but dout
Hay, hay, go to, than cry thay with ane schout
And with ane huge, brute troianis at schort
Thare wallis stuffit, and closit euery port
For sa Eneas, maist expert in armes
At his departing, dredand for thare harmes
Gaif thame command, gif thay assalȝeit were
Or his returninge,
The troyanis kep [...]s ther toune as E [...]eas commaundit them to do
be hard fortoun of wereThat thay ne suld in battell, thame array
Nor in the plane, thare Inem yis assay
Bot bad thay suld, alanerlie with hald
Thare strenth within thare, fowsyis as he wald
And keip thare wallis, forcely and wele
With fowsy dykis, and wappinnys styf of steil
Tharefor all thocht, bayth schame and felloun Ire
Thare breistis had inflammyt, hote as fyre
In the plane feild, on thare famen to set
ȝit neuertheles thare portis, haue thay schet
For till obey the commaund, of Enee
On bois turettis, and on housis hie
Enarmed stude thare, fais till abide
Turnus the chiftane, on the tothir syde
Come to the ciete, or that ony wist
Furth fleand swippirlie, as that him best list
[Page ccxviii] Before the oist, quhilk went bot esy pase
With him ane, twynty chosin men he has
Apoun ane sterand stede, of trace he sat
Of cullour dapill gray, and wele fat
Full hie risand, aboue his knychtly hede
His goldin helme,
Turnus oration to his rutplynais
with tymbrel [...] all blude redeGo ȝoung gallanddis, quhay that list (quod he)
Thare Inemyis assailȝe first, with me
And with that word threw, ane dart in the are
As he to gif the batal, all reddy ware
Syne in the plane feild, with browdin baneris gay
Bargane to byde, and drew hym tyl array
His feris al rasit, the clamour hie
And followand thare chiftane, he and he
The brute rasit, with grisly sound attanis
And gan to meruel, the dolf hartit troianis
That durst not as thame semyt, in plane feild
Thame self auenture, nor ȝit with spere and scheild
Mach with thare famen, in patent bargane
Bot hald tham in thare strenthis, euery ane
And al commouit brym, and ful of Ire
Saith here and thare, Turnus the greuit sire
Went on horsbak, sersand about the wall
Euery dern way,
Turnus diligen [...]
and secrete passage alGif ony entre, or tocum espy
He mycht for till assale the ciete by
Lyke as we se watchand, the ful schepefald
The wyld wolf ouerset wyth schouris cald
Wyth wynd and rane, at myddis of the nicht
About the boucht plet, al of wandis ticht
Brais and gyrnis tharin, blatand the lammys
Full soueralie, liggis vnder the dammys
He brym and felloun, in his rage and furoure
Aganis the absentis, reddy to deuoure
[Page] Rasis in ire for the wod, hungeris list
His wysnyt throte, hauand, of blude sic thrist
Generis of lang fast, sic ane appetite
That he constrenit is, in extreme syte
Nane vthir wyse, the ferefull feruent Ire
In Turnus breist, vpkendillis hate as fire
Seand thir wallis, and forteressis attanis
The huge ennoy birnis him, throw the banis
ymagenand by quhat ressoun, or way
His Inemyis he mycht wyn, till assay
And on quhat wise the troyanis, fra thare strench
He mycht expell, in plane feild on lenth
Mak thame to Ische, in patent batel place
And as he musand, was tharon percase
The nauy of thare schippis, he did inuade
That fast by ionyt, to the wall was laid
With dykis, and with fousyis de [...]n about
In the flude wattir, as nere out of dout
Quham fra he had espied, but a baid
At his feris quhilkis wilfull, war and glaid
Eftir the fire, and kendillyng did he cry
And in his a win handis, hyntis vp in hy
Ane blesand fyre brand, of the firren tre
Than besely rutulianis, he and he
So the prefence of Turnus, did thame stere
That euery man, the rekand schidis in fere
Rent fra the fyrris,
Turnus byrnys the troianis [...]ryppis
and on the schippis slangThe semys crakkit, the wattir bissis and sang
The talloned burdis, kest ane pikky low
Vpblesis ouerlotf hetschis, wrangis and how
Quhill mext with reik, the fell sparkis of fyre
Hie in the are vpglidis, birnand schyre
¶ How the fyre was expellit / fra the nauy
The schippis translate / in▪ Nimphis or goddes of [...]
[Page ccxxii] SAy me o Musis, rehers and declare
Quhilke of the goddis, sa cruell flambis sare
Hed from troianis, quha sa vehement fyre
Draif from thare schippis, thus wise birnand schire
The dede is auld, for to beleif or wry
Bot the memor remanis, perpetually
The first time quhen, the troiane Eneas
Be sey to tak his vayage, schupe to pas
And gan to beild his schippis, vp ilk ane
In Ida forest, that mont Phrigiane
The moder of the goddis,
Vyrgil tyl make the mater mor plesand mixit a tale of the troianis schippis than git in goddis of the [...]
BercynthiaSpak to hir son, grete Iupiter thay say
With sic kynd wourdis, sayand my childe dere
Graunt this ane asking, quhilk I the require
Grant thy belouit moder, bot ane thing
Thou that art maister, of the heuinly ryng
Apoun the top of gargarus, quod sche
Thare grew ane fir wod, the quhilke in to daynte
Full mony ȝeris held I, as is knaw
This was my cuthil, and my hallouit schaw
Quhare that the Phrigianis, maid ane sacrifice
Full wele me likit thareto, walk oft syce
With pikky treis blak, skuggit about
And haboundance, of hattir geistis stout
Quhilk glaidly I haif geuin, ane ȝoung troyane
Strang Eneas discend, from king dardane
For till support, the mysteris, of his nauy
And now the doutsum drede, for the ilk quhy
Full pensiue haldis me, and dois canstrane
Deliuer me of this fere, be sum mene
My dere son, suffir at thy moderis request
Be admittit this ane tyme, at the leist
So that thay schippis, be neuer mare or set
With contrare cours, nor ȝit with storme doun bet
[Page] Quharby thay may haue, sum auale quod sche
That thay vmquhile grew on, our hillis hie
Hir son the qu [...]ilk reulis, at hir liking
The heuin the sternes, and all erdly thing
Ansuerd and said, o moder best belouit
How art thou thus againz, the fatis amouit
Or quham to askis, thou to thir quod he
With mortall handis, wrocht of stokkis and tre
That is to say thir schippis, so abill to sele
That le sum war thay, suld be Immortale
And that euer in dedely corps▪ vnsure
Assouerit fermlie, throw all dangeris sure
Quhat god has to him, grantit sic frelege
Bot for thy saik, quhen fully thare vayage
Thay haif completit, and at coistis of Itale
Arriuitar, and in thay portis, set sale
And thare duke troyane, caryit ouer the se
The boundis of Laurentum, that cuntre
Als mony of thame, as than has eschape
The wally fluddis, fall I turne and schape
Furth of thir mortall fornus, corruptabyle
And sall commaund thame, for to be mare abill
From thens fordwart, Immortale quod he
In Nymphis turnit, and goddesses of the se
Like as nereus dechter, Clacho gay
And Ga [...]athea, throw fomy fludis gray
Schering, with brade breistis delitabile
Quod Iupiter, and to hald ferme and stabill
Be stir the flude Pluto, his brutheris se
His godlie aith, and promis sworn has he
Be that ilk pykky laik, with brais blak
And laithlie swi [...]lis, to kepe that he spak
He did affirme his hecht, and in taikynnyng
The heuinnys all maid, trymbill at his liking
[Page ccxxiii] Thar for the day, that he by promis set
Is now at hand, and the full tyme of det
By the werd sisteris, schap, is now complete
Quhen Turnis thus in his, Iniurius hete
Admonist has his pepill, and commandis
With dry schydis, and with hait firebrandis
The moder of goddis, by sic flaumbis fell
Furth of hir hallowit schippis, to expell
At this time first, apperis in hir sycht
Ane new taikynnyng, of new plesand lycht
And ane brade schynand cloud, than thay did espy
Cum fra the est rynnand, ouer all the sky
The routis eik anone, thay gan behald
Of ydeanis thay wichtis, that in the hald
Ar of the moder, of the goddis cloce
Doun from the are come eik ane, ferefull voce
And fillit all the oistis, baith at anis
Of troyane pepil, and Rutulianis
Sayand troianis drede nathing, haist ȝou nocht
For to defend my schippis, albede ȝe mocht
For that caus tak, na wappinnis in your handis
For rather now, as that the mater standis
Sal it befall Turnus, to fyre the sey
Or that he birne my bargis, maid of tre
O ȝe my schippis, now to ȝou I say
Go fre at large, quhare ȝe list away
Go furth and sowme, as goddes of the sey
The moder of goddis, comandis sa to be
And with that word, als tyte furth from the bra
Ilk barge bownis, cuttand hir cabil in tua
Lyke dalphin fysche, anone as thay tuke kepe
Thare snowtis dowkand, held vnder the depe
Syne from the ground, ane wounder thing to say
Wyth als fele virgine facis vpsprang thay
[Page] And throw the fludis, quhare thame list dyd fare
How mony steile stammyt, bargis that are
Stude by the coistis syde, or thay war fyrit
Rutulianis wox affrayit with myndis myrit
Mesapus musing, can withdraw on dreith
Seand his stedis, and the hors skeith
And eik the riuer, brayit with hais sound
Quhil tyberynus, bak wart did rebound
As thocht his coursdid stop, and lepe abak
Bot netheles,
Turnus nothing comoned stoutlye exhortis hys men of war to battel with [...] argumentis & to [...] the troianis vane fatis & goddis [...]inȝeant [...]s.
for al the fere thay makeThe hie curage, and forcy hardiment
Bad vnamouit, in turnus stout entent
So that baldly, with hardy wourdis on hie
Thare spretis rasit, and rycht feirslie he
Gan thame repreif, that tuke for nocht ane fray
The monstruous takynnis, at the sey perfay
Sekis mischeif, to the troyanis sayd he
And by this way, grete Iupiter as ȝe se
Has now bereft thare help, and confydence
Quhare by thay wount war, for to fle for defence
Now nowder rutiliane fyre, nor swerdis dynt
May them withstand, for all thare force is tynt
Sen that thay may not eschapeby these
Nor has no manere of hope, away to fle
The maist half of the troiane help is lost
This land is in our power, teild and coist
So that thay sal in na wise eschap [...] our brandis
How mony thousandis, douchty men of handis
Ar here assemblit, al Italianis
I compt na thing, al thocht ȝone fant troianis
Rekin thar fatis, that thay hidder brocht
Al sic vane rufe, I fere, as thing of nocht
In case thay proude, of the goddis ansueris
And thame awant therof, with felloun feris
[Page ccxxiiii] It may wele suffis, and yneuch I wys
Bayth to thare fatis, and venus grantitis
That euer thir troyanis, in this coist fast by
Has onys twychit, the boundis of Italy
My werdis eik, and fatall destanye
Be the contrare, is grantit vnto me
This cursit pepyll, to bet doun with my glaue
For my dere spous, quham be reft me thay haue
Nor this ennoy alanerly, twichis nocht
The twa Attrides, that troy to rewyne brocht
I mene the pryncipale, chiftanis brethir tway
That is to knaw, agemenon and Menclay
Nor ȝit allane this caus, to armes steris
The pepyl of myce, to moue battal and weris
Bot pryncipally this querrel, myne I knaw
Gif it had bene yneuch, as that thay schaw
That thay bot anis, dystroyit aucht to be
It war yneuch, and mycht suffice think me
That thay haue faltit, anys lang tyme before
Quhy doubyl thay, thare trespas more and more
All thocht that wemen, brocht thame to foly
ȝit hait thay not, wemen alutterly
Quhat mene thay, be this myddil mantil wall
This lityl stop of dykis, and fowsyis all
Wene thay their bene ane strench, that may thame saif
Thare lyif is now, in ieoperdy thay raif
Full nere thare dede thay stand, all men may knaw
Quhidder gyf the wicht, wallis of troy thay saw
Belt by the hand, of Neptunus thare syre
Rent and bet doun, and all thare toun in fyre
Bot o ȝe vailȝeant, knychtis of renowne
Quham I behald, wyth pikkis brekand doun
ȝone fortres, and now present wyth me
Assailȝeant this effrayit, strench we se
[Page] Vs nedis wyth Vulcanus, armour here
Aganis thir maist fant troianis, in our were
Nor ȝit we myster not, ane thousand schippis
Al thocht hail tuskany, into fallouschippis
With thaym adione, and cum on euery syde
Lat thaym not drede, that we be nychtis tyde
Sall thyftwisly palladium stale away
Nor sla thare wachis, slepand na perfay
Derne in ane hors baly, large or wyde
Thaym to dissaue, we sal vs neuer hid
For determyt haue we, by force in fecht
In plane batal, and on dayis licht
With fyre and swerd, ȝone wallis vmbeset
So douchtelie we schaip, to do our det
That thay sal not beleif, were vncertane
Aganis grekis, nor pepil pelasgane
Quhilkis in thare weris, preuit sa preteles men
That Hector thaym, delayit ȝeris ten
Now chosin men, and walit weriouris
Sen the maist part, of this dayis houris
Is gane said he, I hald it for the best
Efter this gud Iornay, ȝe tak ȝou rest
Do eis ȝour bodyis, and ȝour hors quhil day
Bot hald ȝou reddy, for the batal ay
In the mene tyme, of the nycht wache the cure
We gif mesapus, the ȝettis to discure
And for to bete brycht fyris about the wallis
Twys seuin rutulianis, for al chance befallis
War chosin with knychtis, for to wache the toun
And eik ane hundreth followis reddy boun
Of ȝoung gallandis, with purpure crestis rede
Thare giltin gere maid, glittering euery stede
Quhar so thay walk, and rownys stil and soft
Thay stalk about, and wardis changis oft
[Page ccxxv] And sum tyme one the grene herbis doun set
Thay birle the wyne, and ilk man his det
For till ouerturne, goblettis of mettell bricht
The schynand fyris, ouer al the land kest licht
And al the fore nycht, thir wachis sikin way
But slepe did spend, in reuil gam and play
Here nisus carpis / to hys freynd Eurilly
Tyl vndertak / ane auentur vnsylly.
THe troianis from thare forterres, quhar thay stude
All thare deray beheld, and vnderstude
And bayth wyth armour, and with wappinnis brycht
The towre hedis, thay stuffit al that nicht
And fele tymes in haisty, effere for drede
The portis vesy thay, gif ocht war nede
And draw briggis, before the ȝettis vprasit
Ioned to the wallis, that thay suld not be betrasit
And euery man, stud reddy in his gere
Enarmed weil, and in his hand ane spere
Muescheus sterne, and eik Serestus stout
Ful besy war, to walk and go about
Til ordinance, for til put euery thyng
For than Eneas,
Eneas wisdome prouiding for thīgys to cum.
at his departingHad put Reularis, to his ȝoung son dere
And mayster capitanys, til his oist in were
Gif so betid, ony aduersite
Or auenture, before his returne
Ane hale legioun, about the wallis large
Stude waching bodin, with bow spere and targe
The dangere was, by cuttis sone decide
At euery corner, quha or quha suld byde
And euery man, his cours about did slepe
Quhil that his fallow had, his ward to kepe
Nisus hirtatus son, that tyme was set
As for his stand, to byde and kepe the ȝet
[Page] As he that was in armes,
The historie of Nisus and Eurialus in the quhilk is discriuid the perfyt loue towart ther cuntre and prince and also the grete frenschippe amang frendis.
bald and stoutAnd the maist vailȝeand, in til al that rout
Quham Ida his moder, ane buntrice
In fallouschip send, wit [...]y ful wyse
To cast dartis nane so expert as he
Nor for to schote swift arrowis half so sle
Eurillius his fader stude hym by
Of al Eneas oist, nane mare gudlie
Nor ȝit mare semle cled, in troiane armes
Stout of hie curage, dredand for nane harmes
His fluris ȝouth reuist his vissage ȝing
ȝit neuer schawin, with pilis newly spring
To thir twa, was ane wil in vnyte
Ane lust, ane mynd, in vnyformyte
Samyn thay ȝede to mete, to rest to play
And boith to giddir, in batel ruschit thay
Now samyn eik, thay war in statioun set
As bayth in fere, to kepe the comoun ȝet
Nisus thus spekis, o brothir myne Euritly
Quhiddir gif the goddis, or sum spretis silly
Mouis in our myndis, this ardent thocht ful sire
Or gif that euery mannis, schrewit desyre
Be as his god, and genius in that place
I wat neuer how it standis, bot this lang space
My mynd mouis to me, here as I stand
Batel or sum grete thyng, to tak on hand
I knaw not to quhat purpois, it is drest
Bot be na way may I tak eis, nor rest
Behaldis thou not, so surelie but affray
ȝone rutulianis, haldis thaym glaid and gay
Thare firis now begynnys, schyne ful syre
Sowpit in wyne, and slepe bayth man and syre
At quiet lugeing, ȝounder at thare wyll
Quhene silence haldis, the large feildis still
[Page ccxxvi] Consyder this profoundly, I the pray
Quhat suld I drede, quhat thingis thou now say
Bayth commoun pepyl, and the heris bald
To bryng agane Eneas, ful fane thay wald
Langyng ful sare eftir, his hame cummyng
And of his mynd, to haue sure wryting
Thay all desyre sum, autentik men be send
Gyf as I wald thow, had licence to wend
Sen I knaw weil, thy nobill famous dedis
In sic ane case me think, na man thar nedis
Vnder ȝone mote, the way fund wele I se
To hald vnto the wallis, of Pelentie
Eurialus smyte, with hie feruent desyre
Of new renowne, quhilk brynt him hate as fyre
And halfe eschamyt, of this bodwart glade
Thus to his best belouit, fallow said
Nysus brother, in souerane actis hie
For ony caus, how may thou refuse me
With the to go, in fallowschip as fere
Suld the send allane, in sic dangere
My fader Olpheltes, the quhilk all his dayis
The weris hantit neuer, apoun that wayis
Instruck it me, nor taucht sic cowardry
Was I not lerned, to hant cheuelry
Amyd the grekis brag, the troyane weris
Haue I me borne, with the that all efferis
Of my curage, the maist douchty Enee
And of fortoun, to the last extremite
Haue I not followit, refusing na pyne
Here is, here is, within this corpis of myne
Ane for [...]y sprete, that dois this lyffe dispise
Quhilk reputis fare, to vissil on this wyse
Wyth thus honour, thou thus pretendis to wyn
This mortall state, and liffe that we bene in
[Page] Nisus ansuerit, forsoith my broder ding
Of the god wate, ȝit dred I neuer sic thyng
For so to think in fayth, vnleifful war
So hale and fere, mote sauf me Iupiter
And bring me sound agane, with victorie
As euer ȝit of the sic consate, had I
To witnes draw I that, ilk god quod he
Wyth frendlye ene, quhilk dois vs here and se
And in mynd, first mouit this consate
Bot gif that so betid, as wele ȝe wate
In sic auenturis, thare bene dangeris sere
Be hard fortoun, or auenture of were
Or goddis dispositioun, happin it fall
My wyll was the to sauf, fra perrellys all
Thy [...]urist ȝou [...]h, is mare wourthy to leif
Than for to put in dangere, or myscheif
I wald also at hame, sum freynd haue had
That gyf that I was takin, and hard stade
Or fra me reft the lifft, and sa withhald
Quhilk my body, or banys ransoun wald
And lay in graif, eftir our troiane gyse
Or gif fortoun wald, suffir than na wyse
My body mycht, be brocht to berial
Than to his freynd, the seruice funeral
With obsequies to do, for corpis present
And in my memour, vp ane tombe to stent
Ne wald I not, also that I suld be
Caus or occasioun, of sic dule quod he
To thy maist reuthfull moder, traist and kynd
Quhilk anerlie, of hir maist tendir mynd
From al the vtheris matrouns, of our rout
Has followit the hir, louit child about
Ne for thy saik, refusit not the se
And gaif na force, of Acestes ciete
[Page ccxxvii] The tothir tho him, ansuered sone agane
My frend for not, thou seis sic wordis in vane
Ingirand casis, ar of nane effect
My first intent, I list not change nor brek
Haist vs quod he, and thare withal bayth tua
The nixt watche, thay walknit quhare thay la
Quhilk gat on tute, and to thare rowmes went
Eurialius, to fulfil his entent
With Nisus, furtht can hald his way anone
And to the Prince Ascaneus, ar gone
¶ How at the counsel / the forenamyt two
Vnto Eneas purchest leyf to go.
APoun the earth, the vthir beistis al
Thare besy thochtis coissing grete and smal
Ful sound on slepe, did caucht thare rest be kynd
All Irksum laubour, forȝet out of mynd
Bot the cheif ladaris, of the troiane rout
And floure of fensabill ȝoung men, and stout
In the mene tyme, sat at wyse counsel
For common wele, and materis he befel
Considering wysely, quhat a do thare was
Or quha suld message, bere to Eneas
Amyddis thare tentis, in feild quhare thay stand
With scheildis schroud, apoun thare speris lenand
Tho Nisus and Eurialus bayth twane
Glaid of this cast seand thare tyme mayst gane
Besocht thay mycht, be admittit to say
Ane grete mater of wecht, quhais delay
Mycht harme grete dele, and eik be thare awise
Thare erand was worth, audience and of price
As [...]aneus seand first, thare haisty way
Admittit thare Desire, and bad thaym say
Than this Nisus Hi [...]tatus son, thus sayid
Gentill troianis, with equale myndis glaid
[Page] Ressaue my wourdis,
Nisus oracion to the counsell
for this thyng quod heQuhilk I ȝou tel may, not considerit be
Wyth sic as we nor men, sa ȝoung of ȝeris
Bot til ȝour wisdome, til auise efferis
The rutulianis, ouer set with slepe and wyne
Liggis soupit for douerit, drounkyn as swyne
To set apoun thaym, and awate with skaith
The place soithlie we haif espyed baith
Quhilk reddy may, ful eselie be get
In ȝounder forkit way, strekit fra the ȝet
Doun to the seis coist, the nerrest went
Quhare the fyris fast, failȝeis nere out brent
So that the blak reik, dirknis al the are
Gif that ȝe suffir wald, as I said are
That we mycht vse, this oportunite
Quhilk for toun has vs grantit, suld ȝe se
Eneas socht be vs, at Palentyne
And hiddir brocht in schort quhile, hidder [...]yne
With ryche spulȝe, and mekil slauchter made
We knaw the way thidder, ful wele he said
And al the wattir of tyber vp and doun
In dirk valeyis, oft we saw the toun
As we by custome, of the hunting hantit
Agit Alethes, that na wysdome wantit
Bot baith was ripe, in counsele and in ȝeris
Vnto thir wourdis, degestlie maid ansueris
O kyndlie goddis, of our natiue landis
Vnder quhais mychtis, troy al tyme vpstandis
All thocht the wele thareof, in dout remanis
ȝit list ȝe not, distroy al the troianis
Ne thaym sa clene, deface aluterlie
Sen sa stout myndis, as we here espie
And sa bald reddy breistis, geuin haue ȝe
To thir ȝoungke [...]is, and sayand thus can he
[Page ccxxviii] The richt handis, and schulderis of bayth enbrace
With teris trynkland, ouer his chekis and face
O manly knichtis quhat reward conding
May ganandlie,
[...]lethes ansuer
be geuin for sic ane thyngForsoith I can not, in my mynd deuise
Bot ȝour maist cheif, ganeȝeyld and gift, to prise
The grete goddis, mot rendir ȝou said he
And ȝour awin vertue, mot be renowne
The remanent anone, ȝe sal ressaue
Sa that na wise, ȝe sal ȝour medis craue
Be the handis, of reuthful Eneas
Or gif he sone, fra this lyfe happinis pas
Ascaneus as ȝit, quhilk is but page
ȝoung and forwart, into his halesum age
Sal rendir ȝour desert, I tak on hand
And sic thankis, quhil that he is leuand
Sal neuir be forȝet, or done away
The samyn wourd,
Ascaneus gentyl ansuer wyth promys of reward.
anone as he did sayFurth of his mouth, ascaneus has hynt
I hecht forsoith that dede, sal neuir be tynt
For al my vele alanerlie, dois hing
Apoun my faderis prosper, hame cummyng
Nisus said he, I ȝou pray and beseik
Be our penates kyndly, goddis meik
And be assaracus goddis domestical
Quhom ȝe the cheif stok, of our kynrent cal
And be the secretis closettis or entre
Of the venerabil, auld Canus veste
Bring hame my fader sone, I ȝou exhort
Al that pertenyng, is to me at schort
Baith twichand counsale, and commandment
Or auenturis of fortun, in ȝour entent
In ȝour wallis I put alhale quod he
Bring hame my fader that I may him se
[Page] Ressaue my wourdis,
Nisus oracion to the counsall
for this thyng quod heQuhilk I ȝou tel may, not considerit be
Wyth sic as we nor men, sa ȝoung of ȝeris
Bot til ȝour wisdome, til auise efferis
The rutulianis, ouer set with slepe and wyne
Liggis soupit fordouerit, drounkyn as swyne
To set apoun thaym, and awate with skaith
The place soithlie we haif espyed baith
Quhilk reddy may, ful eselie be get
In ȝounder forkit way, strekit fra the ȝet
Doun to the seis coist, the nerrest went
Quhare the fyris fast, failȝeis nere out brent
So that the blak reik, dirknis al the are
Gif that ȝe suffir wald, as I said are
That we mycht vse, this oportunite
Quhilk for toun has vs grantit, suld ȝe se
Eneas socht be vs, at Palentyne
And hiddir brocht in schort quhile, hidder syne
With ryche spulȝe, and mekil slauchter made
We knaw the way thidder, ful wele he said
And al the wattir of tyber vp and doun
In dirk valeyis, oft we saw the toun
As we by custome, of the hunting hantit
Agit Alethes, that na wysdome wantit
Bot baith was ripe, in counsele and in ȝeris
Vnto thir wourdis, degestlie maid ansueris
O kyndlie goddis, of our natiue landis
Vnder quhais mychtis, troy al tyme vpstandis
All thocht the wele thareof, in dout remanis
ȝit list ȝe not, distroy al the troianis
Ne thaym sa clene, deface aluterlie
Sen sa stout myndis, as we here espie
And sa bald reddy breistis, geuin haue ȝe
To thir ȝoungkecis, and sayand thus can he
[Page ccxxviii] The richt handis, and schulderis of bayth enbrace
With teris trynkland, ouer his chekis and face
O manly knichtis quhat reward conding
May ganandlie,
[...]lethes ansuer
be geuin for sic ane thyngForsoith I can not, in my mynd deuise
Bot ȝour maist cheif, ganeȝeyld and gift, to prise
The grete goddis, mot rendir ȝou said he
And ȝour awin vertue, mot be renowne
The remanent anone, ȝe sal ressaue
Sa that na wise, ȝe sal ȝour medis craue
Be the handis, of reuthful Eneas
Or gif he sone, fra this lyfe happinis pas
Ascaneus as ȝit, quhilk is but page
ȝoung and forwart, into his halesum age
Sal rendir ȝour desert. I tak on hand
And sic thankis, quhil that he is leuand
Sal neuir be forȝet, or done away
The samyn wourd,
Ascaneus gentyl ansuer wyth promys of reward.
anone as he did sayFurth of his mouth, ascaneus has hynt
I hecht forsoith that dede, sal neuir be tynt
For al my vele alanerlie, dois hing
Apoun my faderis prosper, hame cummyng
Nisus said he, I ȝou pray and beseik
Be our penates kyndly, goddis meik
And de assaracus goddis domestical
Quhom ȝe the cheif stok, of our kynrent cal
And be the secretis closettis or entre
Of the venerabil, auld Canus veste
Bring hame my fader sone, I ȝou exhort
Al that pertenyng, is to me at schort
Baith twichand counsale, and commandment
Or auenturis of fortun, in ȝour entent
In ȝour wallis I put alhale quod he
Bring hame my fader that I may him se
[Page] For had we him ressauit, I dare say
Is no thing suld noy vs, nor affray
Twa siluer coupis, wrocht curiously
With figuris graue, and punsit ymagery
I sall ȝou gif, the quhilk my fader wan
Quhen conquest was, the ciete Arisban
Twa charis riche, or triftis quently fold
And twa grete talentis, of the finest gold
And eik the anciant, crafty flakkons two
Quhilk to me gaif, the Sydones dido
And gif certis that, victouris betydis
To conquest Italie, as the fatis prouidis
Tharin to bruke the toun, and septre wand
And to distribute the pray, as lord of land
Behald ȝe not, quhatkin ane coursour wicht
How proud armoure wele gilt, and birnist brycht
That turnus bare, this ȝister nycht quod he
The samyn scheild and helme, with creistis thre
Semyng of fire, al rede and the ilk stede
Fra this samyn houre, Nisus sal be thy mede
I sal thaym sort, fra al the remanent
And forther eik, my fader of his assent
Tuelf chosin matrouns, sal ȝou gif al fre
To be ȝour sclauis, in captiuite
Wyth al thare children, and thare hale of spring
Thare mobillis Catal and armyng
And eik that feild, and principale pece of land
Quhilk king latynus, has now in his hand
And o thou ȝoung wourschipful, child quhais age
Is to my ȝouthhede, in the nerrest stage
With al my hert, I the ressaue euin here
In al casis, as tendir fallow and fere
But the na glorius act, in my materis
Sal be exercit, nowthir in pece nor weris
[Page ccxxix] In Euery thing bayth, in to word and dede
The maist traist sall be, geuin the for thy mede
Eurialus made this ansuere, for his side
That day sall neuer cum, or tyme be tyde
For my defalt vnworthy sal I be
For til atteyne so souerane dignite
Lat fortoun send vs gud luk, gif sche lest
Or my sauen ture, I sal do my best
Lo this is al na mare, I may promyt
Bot aboue al thyngis, ane thing grant me ȝit
That I beseik,
Eurialus kyndly affectyon to ward hys parentis.
the oft and mony foldAne moder cummin, of Priamus blud of old
Within this toun, I haue quhilk silly wyfe
Me for to to follow, not comptand hir life
The realme of troy mycht, not withhald sayd he
Nor ȝit Cecil Acestes, fare ciete
Now hir I leif vnhalsit, as I ryde
Of this dangere, qubatso euer betyde
Al ignorant and wat nathyng, pure wicht
To witnis drew I here, this ilk gude nycht
And thy rycht hand, my lord and prince maist hie
The weping teris, may I not suffir nor se
Of my dere moder, nor that reuthful sycht
Bot I beseik, thy gentyl hart of richt
For to confort that careful creature
That desolat wicht, to succoure schaw thy cure
Grant this ane thyng, and suffer that of the
This ane gude hope, I bere of toun with me
And fer the balder, quhat so fortun send
Vntyl al dangeris, gladlie I sal wend
The troianis all, for reuth that speke, him heris
Smyte with compassioun, bristis furth of teris
With tendir hartis, menand Eurialus
But principally, lusty Ascaneus
[Page] The ymage of his, faderlie piete
Prent in his mynd, him strenȝeis sa that he
Wepand ansuered and said, my broder dere
I promys al thou, desiris out of were
For thy commandement, and stout begyning
Is sa douchty I may the, nyte na thing
Forsoith this woman, quhat soeuer sche be
Frathyne fordwart, sal moder be to me
Wanting na mare, of my moder in plane
Alanerlie bot, creusa hir name
And thus of sic ane, birth, na litil blis
Sal hir betyd, how euer eftir this
The chance turnis, owthir to wele or wo
Be thys ilk hede, I swere to the also
By quhilk my fader, was wount for to swere
Al that I haue, vnto promist here
[...] if thou returnis, in prosperite
Failȝeand therof, as Iouy defend sa be
To thy moder, and vnto thy kinred
Sal fully bene, obseruit in thy stede
Thus said he wepand, and tharwith Alsua
His gyltin swerd, he hynt his schulderis fra
Quham wounder craftely, in the land of Erete
Lycaon forgeit had, wrocht it mete
With ane birnist scheith of euour bone
Thaym baith togiddir, he gaf Eurile anone
Syne menestheus, ane bostuous Lioun skyn
With routh and werelik, ta [...]bert na thyng thyn
To Nisus gaif, and the traist Alethis
With him has helmes cosit, and gaif him h [...]s
¶ Furth haldis Nisus and Eurillus bayth tway
And huge slauchter / thay haue made by the way.
ANone thay held, enarmed furth the way
Quhen all the nobillis ȝing, and auld perfay
Conuoyit to the portis, na thing fane
Prayand full oft, Iouy bring thame wele agane
Bot principally, the fresche Afcaneus ȝing
A [...]uf al vtheris, in his commonyng
Schewand the wisdome, consate and fore sicht
Of agit men, and eik the curage wicht
Gaif thame fele chargis, and commandementis
To bere his fader twichand, his ententis
Bot with the wynd thay, skatterit war on raw
And all for nocht, amang the Cloudis [...]law
Furth Ischit thay, and by the fowsyis wentis
In silence of the dirk nycht, amang the tentis
And perillus palliouns, to thame Inemye
Thay entrit ar, and caucht grete harme thareby
Bot netheles, of ony skaith thay hynt
The dede of mony,
Dronkinnes is not meit for mē of war.
was thare douchty dyntApoun the gers, ouerset wyth slepe and wyne
Fordwart fallin doun, als drynkin as swyne
The bodyis of Rutulianis, here and thare
Thay did persaue, and by the coist alquhare
The cartis stand, with lymouris bendit strek
The men ligging the hames, about thare nek
Or than amangis the quhelis, and the thetis
Al samy [...] lay thare armoure, wyne and metis
Baith men and cartis, mydlit al ouer ane
With ane bais voce, thus Nisus spak agane
Eurialus the matir, thus now standis
For to be stout, and forcy of our handis
Thys is our passage, quhilk way we mon wend
Thy part sal be to kepe, and to defend
That nane vnset, cum on vs at the bak
Spy fer about, gude tent thareto thou tak
[Page] I sall before mak vode, passage and way
And the conuoy throw, ane large strete away
Rehersand thus anone, he held him clois
So that no noyis mycht, thare be hard nor voce
And tharewith eik, with drawin swerd in preis
He gan assale the pompus, Rhannetes
Quhilk lay percase slepand, soft and sound
On proud Tapettis, spred apoun the ground
Ane kyng he was, and ane spay man soith to say [...]
To Turnus kyng, maist trest anguriane
Bot wyth his diuinacioun, nor augury
The traik of deith, ne couth he not put by
Thre of his seruandis, that fast by hym lay
Full reklesly he kelit, al thoch thay
Amang thare speris, ligyng war in fere
And quellit ane, to Remus was squyere
The tartar syne, liging apoun the strete
He hynt anone amang, the hors fete
And with his swerd, his nek hingand on syde
In twane was hakkit, and the samyn tyde
Thare lordis hede I mene, this said Rhamnete
Of smytis quhil al the bed, wox wete
Lyke ane dede stok, the corpis wantand the hede
Lay bullerand al besprent, with sprangis rede
And als the erth grew, warme wyth teppit blude
Attour he slekit, has eik quhare he stude
Twa forcy men Lamus, and Lamirus
And als the likly, ȝoung child Serranus
That al the fore nycht, in ryet and in play
Had spendit as he list, and now he lay
Wyth membris stekit, and plesand vysage brycht
Ouerset with god bachus, mekyll of micht
Ful happy and wele, fortunat had he be
In sport and gam, on the samyn wyse, gif he
[Page ccxxxi] All the remanent of that nycht had spent
Quhil the licht day, and tyl him self tane tent
Like as the empty Lion, lang vnfed
Be nychtis tyde, quhen al folk slepe in bed
Trubland the fald, ful of sily schepe
The wod rage of his hunger is so depe
That he constranyt is, sic wise [...]o fare
He ryuis and he harlis, here and thare
The tendir beistis, that for awful fere
Of his presence, dar nowthir blate nor stere
He rummesis, with bludy mouth and brayis
So did Eurille, and none vthir wayis
And na les slauchter, made he in the plane
Of Ire inflammyt, in hys wod brane
Ane multitude of commouns, of birth law
By quhilk reasoun, thare names ar vnknaw
He vmbeset, and put to confusioun
And fadus syne, with hesebus dang he doun
And Arabis also vnwarnistly
And Ret us eik lay, walkand hard, thaym by
Behaldand al thare sterage, and deray
Bot of the stout Eurialus, for affray
Behynd ane wyne boit, or ane pipe him hid
Quham Eurialus, as the cace betid
Kippit on his swerdis poent, that al the blaid
Hid in his coist, vp to the hiltis glaid
To dede he duschis doun, bayth stiffe and cald
And vp the purpure sprete, of lyffe he ȝald
And blude and wyne mext he gan furth schaw
That he last drank, out ȝeiskis in the dede thraw
And be sic slicht ful brym, thus he enforcis
To make huge slauchter, of vnweildy corpsis
Et [...]yng wichtlie, to the nixt that stude hym by
Thare as Mesapus▪ feris al did ly
[Page] And the last fyris, almost quenchit out
The hors perordour, tyit wele about
Etand thare mete, he mycht behald and se
Quham schortly Nisus, bad ceis and lat be
For he persauit Eurialus, by his feris
Had ouer grete lust, to slaucter and dangeris
Persauit not, quhilk war apperand eft
Desist quod he, this mater mon be left
For the day lyft, quhilk is to vs vnfreynd
Approchis nere, we may no langar leynd
Grete harme is done, yneuch of blude is sched
Throw out our fayis, ane patent way is led
And say and thus, thay sped thame on thar way
Behynd thame for vptaking quhare it lay
Mony brycht armoure, richely dycht thay left
Cowpis and goblettis, forgit fare and neft
Of massy siluer liand, here and thare
Proud tapisry, and meikle precius ware
Sauf that Eurialus, with him tursit away
The riall trapouris, and mychty patrellis gay
Quhilkis were thamnetes, stedis harnessyng
And for the mare remembrance, in takinnyng
Ane riche tysche or belt, hynt he syne
The prudentis wrocht, of byrnist gold maist fyne
Quhilk gyrdyl, ane Sedicus that was thau
During his tyme, ane of the michtiest man
Berest ane strang Rutuliane, as thay tell
Quham he vincust, in singulare batell
And send it syne, to ane Romulus as he
That duke was, of the tyburtane ciete
In sygne of franschip, and ferme acquentance
Thus athir absent, ionit alliance
Syne this ilk prince, in to his legacy
That tyme apoun his bed, did he ly
[Page ccxxxii] This girdill left, to ȝounger Romulus
His tender neuo, that is here slane thus
Eurill (as said is has, this Iouell hint
About his sydis it brasit, or he stynt
Bot all for nocht, suppois the god dyd glete
Mesapus helme syne for him, wounder mete
With schynand tymbret, and with creiftis hie
Apoun his hede anone, buklit has he
Furth of the tentis, with this bownit thay
And fra thare fois, held the souir way.
How capitane Wolstens / cummand tuenus till
Recounterit Nisus, and his fellow Eurill
IN the mene quhile, as this vthir army
Thus at the sege, gan in the feildis lie
From Laurentum, king Latinus ciete
War horsmen send to turnus, for to se
Quhat he plesit, and at the kingis entent
Till him to schow, thre hundreth men furth went
With scheild on schulder, vnder capitane Wolstens
Aud be this cummyng, war to the distence
Nere to thare oist, and as the case did fall
Thay fast vnder, the new cite wall
Quhar as on fer rowart, the left hand thay
Turnand thar cours bak wart, persauit tway
For the bricht helme, in twynkland, sterny nycht
Smytis Eurill, with bemes schynand lycht
Quhilk he vnwar, parsauit not allace
And as thay skars thus, war espied on case
Wolstens the capitane, from amyd this rout
Said stand fallouis, and cryis with ane schout
Quhat is the caus, of ȝour cummyn sayd he
That ridys thus enarmit, quhat ȝe be
And quhiddir ar ȝe boun, ȝe fchaw vs plane
The tothir twa, maid nane ansuere agane
[Page] Bot in the woddis hyis, at the flicht
Assurit gretelie in dirknes, of the nycht
The horsmen than prikkis, and fast furth sprentis
To wele beknawin pethis, and turnis wentis
Baith here and thare, sone vmbefet haue thay
The out gatis all thay suld not wyn away
The wod was large, and rouch of buskis ronk
And of the blak aik schaddis, dym and donk
Of breris ful, and thik thorne ronnys stent
Skarsly ane strate rod, or derne narow went
Tharin mycht foundin be, that men mycht pas
Quhare throw Eurialus, greatly cummerit was
Quhat for myrknes, thik buskis, branche and brere
And weicht also, of the new spulȝeit gere
Thareto the haisty onset, and assray
Maid him gang will, in the vnknawin way
Nisus was went, and by this chapit clere
His Inemyis vnwar, quhare was his fere
And as he slude at that stede eftir syne
From alba ciete, was clepit albyne
Quhafore the tyme, this foresaid Latyne king
His hors at pasture, held in stablyng
He blent about, to se his freynd so dere
Bot all for nocht, thare was na man him nere
Eurill quod he, allace vnhappely
In quhat place of this land, the left haif I
Or quhare sal I the seik, o weleaway
Tharewith, this ilk wilsum perplexit way
Bakwert he held, euery futeflepe agane
Throw the derne wod, dissateful, and vnplane
Quhil at the last, amang rank buskis he
Errit by the way, becaus he mycht not se
The hors stamping, and the dyn he heris
The wordis, and the taikynnys come to his eris
[Page ccxxxiii] Of thame quhilk persauit, him at the bak
Ane litil space eftir, tent gan he tak
And hard ane skry, harkynand quhat that suld be
Eurille takin, in handis did he se
Quham the dissaitfull, vmbekend dern way
The myrk nycht, and the haisty doutsum fray
Betrasit had, that al the mekil rout
Or he was war him, lokit round about
Full grete debate he maid, as that he mocht
Ouerset he was, defence, was al at nocht
Quhat mycht than silly Nisus, do or say
Be quhat force or wappinnis, dar he assay
For to deliuer, his tendir cousing dere
Suld he or nocht auenture, him self here
And rusche amyd his Inemyis in that stede
To procure in haist, by woundis ane honest dede
Vprasis he anone, his arme bakwart
To thraw ane Ieuelling, or ane casting dart
And lukand vpwart towart the clere mone
With afald voce, thus wise he made his bone
O Latonia goddes, of mekil mycht
Maistres of woddis, bewtie of sternes brycht
Be thou present, and send me thy supple
Addres my werk, be derectrice said he
Gif euer that hirtatus, my fader dere
Offerit for me sum gift, at thy altere
Or gif that I, of my huntyng and pray
Ekit thyne honour ony manere of way
Or at thy standart, knoppit post of tre
Thy haly tempillis rufe, or balkis hie
Gif euer I hang or fixit ony thing
Wylde beistis hede wapnys or armyng
Tho [...]e me to truble, this grete rout of men
Do dres my dartis in this wylsum den
[Page] So that my schot, and mesure mot go richt
Throw the dirk are, and silence of the nycht
Thus sayand with all the force, of his body
The groundin dart he lete, to glide in hy
The fleand schaft the nycht, schaddois diuidis
And rycht forgane him, on the tothir sydis
It smate sulmonis scheild, hang on his bak
Quharein the querrel, al in schunder brak
Bot with the dynt, the rynde is reuin sua
His hart pipis the scharp hede, persit in twa
Doun duschis he in dedethraw, all forloist
The warme blude, furth bokkand of his coist
And for the cald of derth, his lungis lap
With sobbis depe, blawis with mony clap
His feris lukis about, on euery side
To se quharfra, the grounding dart did glide
Bot lo as thay thus wounderit, in Effray
This ilk Nisus, wourthin proude and gay
And baldare of his chance, se with him gone
Ane vthir takill, alsayit he anone
And with ane sound, smate tagus but remede
Throw athir part, or templis of his hede
In the harne pan, the schaft he has affixt
Quhil blude and brane, all togiddir mixt
The felloun Wolstens, al wod wendis
Seand na man quham of, to get ane mendis
He mycht do stanche his ire, and syith his thocht
For quha that threw the dartis, saw he not
Thou nocht theles quod he, that standis by
With thy hart blude, for baith twa salaby
The pane for this myscheif, and with hat word
He ran apoun Eurill, with drauin swerd
Than Nisus dredand for his fallow kynd
Begouth to cry al wod, and owt of mynde
[Page ccxxxiiii] Nor no langar in dern him hide, he mycht
Nor of his freynd,
A notable exempyl of loue and frendschip quhar Nisus offeris him self for his frend.
behald, so reuthfull sichtMe me ȝe sla, lo I am here he said
That did the turne hiddir, in me ȝour blaid
And swerdis all, O ȝe retulianis
Al be my flicht, now ȝour feris slane is
That silly Innocent creature, sa ȝing,
Mycht, nor ȝit durst on hand, tak sic ane thing
Be heuynnys hie, and all the sternis I swere
That vs behaldis, with thare bemes clere
Sic wordis said he, for one sic manere
And sa stranglie, his freynd fallow dere
That sa myschancy was, belouit he
That rather for his lyfe, him selfe lest dee
That thare was na remedy, nor abade
The swerd wichtly stokkit, or than was glade
Throw out his coist allace, the harmes smert
That mylk quhite breist, is peirsit to the hert
Doun dede duschit Eurialus, richt, thare
The blude birstand, out ouer his body fare
And on his elbok lenand, ane litill on wry
His hede and hals, bowis heuily
Like as the purpoure floure, in fur or seuch
His stalk in two smyte, newlie with the pleuch
Dwynnis away, as it dois fade or de
Or as the chesbow, hedes oft we se
Now doun thare knoppis, sowpit in thare grane
Quhen thay ar chargit,
Eurialus slane by Wolstens
with the heuy raneBot Nisus than ruschit, amyd the rout
Amangis thame all, sekand wolstens the stout
And on wolstens alanerly, arreistis
Thocht round about, with Inemyis he preistis
Quhilk here and thare, anone at euery syde
Him vmbeset with wirkand, woundis wyde
[Page] Bot netheles, he theme stoutlie assalit
Not amouit, as nathinge him had alit
Bot euer his schynand swerd, about him swang
Quhil at the last, in wolstens mouth he thrang
As he forgane him standand, cryit and gapit
Allace quhat reuth, was it nocht he eschapit
For he deand bereft, his fa the liffe
Stikkit and hurt sa oft, with spere and knyfe
Fell doun aboue his freyndis, dede body
Quhare best him likit, dede to rest and ly
O happy baith O fortunate, and ding
Gif myne endite,
A comēdation of Nisus and Eurialus
or s [...]ile may ony thingNeuer day nor proces of time, sall betide
That ȝour renowne, sall out of memor flide
Quhil the famyl, and of spring of Enee
The stane inmouabil, of the capitolee
Inhabitis, and sa lange as romanis bald
The monarche of the Empire, sall hald
The schamefull victouris, thir Rutulianis
The pray and spreith, and vthir gere that ganis
Iosing but obstakill, wolstens dede body
Vnto the tentis wepand, bare in hy
And na les murnyng, ha [...]d thay in that stede
For rhamnites fund hedeles, pale and dede
To giddir, with sa mony Capitanis
And grete heros, sa wrechitlie as slane is
Sirranus ȝoung, and the gentill Numa
And nobil corpsis britnyt mony ma
Grete preis flokkit, to se the bodyis schent
Sum men ȝit thrawand, half dede one the bent
Of recent slauchter, and the hate effra
The feild about, al warmyt quhare thay lay
That allwith spate, was blandit on the flude
In bu [...]lerand stremes, of the fomy blude
[Page ccxxxv] The spulȝe led away was, knaw ful richt
Mesaphus riche hewmond, schynand bricht
The goldin gyrdyl, and trappouris proudly wrocht
With mekle swete, and labour agane brocht.
¶ Eurialus moder hyr sonnys deith, bewalys
And how Rutulianis the ciete fast assaillis
BE this Aurora lei [...]fand, the saiffroun bed
Of hyr lord Tytan, had the erth ouerspred
With new clerenes, and the son schene
Begouth defound his bemes on the grene
That euery thyng worth, patent in the licht
Turnus enarmit, as ane douchty knycht
Tyll armes steris, euery man about
In place and male, ful mony forcy rout
Prouokand to the bargane, and assay
Ilk capitane his folkis, settis in array
And gan thare curage kendil, in Ire to fycht
Be schameful murmoure, of thys ȝister nycht
And further eik, ane miserabil thyng to se
Eurill and Nisus hedis, on speris hie
Fixit thay rasit haldand, to the wall
With huge clamoure, followand ane and all
The forcy and the stout, Eneadanis
That for the tyme, in this ciete remanis
The bront and force, of thare army that tyde
Endlang the wallis, set on the left syde
For on the richt hand, closit the riuere
Thay held the forefront, quhare thare was danger
Kepand the brade fowsyis, and towris hie
And as thay stand, ful dolorusly thay se
The twa hedis stekand, on the speris
Ane miserabill sicht, allace vnto thare feris
Thare fatis war ouer wele, bekend baith twa
The blaiknyt dedely blud, droppand tharfra
[Page] In the mene quhile, throw the drery ciete
The wyngyt messingere, fame did swiftlie fle
And slippand, come to thy modir Eurilly
Than suddanly, that wrachit wich vnsilly
All pale become, as na blude in hir left
The naturale hete, was from hir banis reft
Furth of hir hand, the spynning quhele said sche
The ȝarne clewis spynnyl, and broch of tre
All swakkit ouer, and full vnhappely
Furth fleis sche wyth, mony schout and cry
Wyth wepyng, and with wyfely womenting
Ryiffand hyr haris, to the wallis can thryng
And wod enragit, and wyth spedy pace
Dyd occupy thareon, the formest place
Takand nane hede, nor ȝit na manere schame
Sa amang men to ryn, roup and rame
Na manere fere, of perrill seis sche
Nor mynd of dartis cast, that fast did fle
And as that from the wall, hir sonnis hede
Behaldis sche woful, and wyl of rede
With hyr pietuous, woful complantis sare
The heuinnys all, sche fyllit and the are
O my Eurill, lamentably sche cryis
Sall I the se,
The moderis lamentabyll oraciō for hyr [...]ōnis deth
demanit on sic wyseO thou the lattir, quiet of myne age
How micht thou be, sa cruel in this rage
As me to leif alase, thus myne allane
O my maist tender hart, quhare art thou gane
Na licence grant was, nor tyme ne space
To me thy wretchit moder, allace allace
When thou thy selfe, vnto sic perrillis set
That I wyth the mycht, sa mekil laser get
As for to tak my leif, for euer and ay
Thy last regrait, and quenching wordis to say
[Page ccxxxvi] ythane allace, in till ane vncouth land
Nakit and bare thy fare body, on the sand
To foulis of reif, and swage doggis wylde
Sal ly as pray myne awin, dere onlie childe
Nor I thy moder laid, not thy corps one bere
Nor with myne handis, loukit thine ene so clere
Nor wesch thy woundis to reduce, thy sprete
Nor drest the, in thy latter claithis mete
The quhilk I wroucht, god wate to make the gay
Ful beselye spynnand boytht, nycht and day
And with sic wobbis and werk, for the my page
I comfort me, in my vnweildy age
And Irkit not to laubour, for thy saik
Quhare sall I seik the now, allake allake
Or in quhat land lyis thou, manglit and schent
Thy fare body, and membris tyrryt and rent
O dere son myne, o tender get quod sche
Is this the comfort, that thou dois to me
Quhilk has the followit, bay [...]h ouer sees and sandis
O ȝe rutulianis, stik me with ȝour handis
Gif thare be reuth, or piete in ȝour banis
So swak at me, ȝour dartis all attanis
Wyth ȝour wapynnis first, ȝe sal me sla
O thou grete fader of goddis, can scho say
Haue reuth apoun me, wreche of wrechis al
And on my catiue hede, thou lat doun fall
Thy thunderis dynt, of wylde fyre, fra the heuin
Law vnder hel, to smyte me tharwith euin
Sen that this langsum cruell lyfe, I ne may
Consume nor ending, be nane vthir way
With this regret the troianis, myndis all
War smyte with reuth, endlang the large wall
The dulfule murnyng went, and womenting
Thare hie curage to tel, ane wounder thing
[Page] That vnaffrayit, was batall to sustene
Wox dolf and dul, the pietuos sycht to sene
Bot as sche thus kendillis, sorow and wo
Ane ydeus and Actor, troyanis two
At the command, of Illioneus past
And ȝing Ascaneus, wepand wounder fast
And hynt hir vp, betuix thare handis square
Sine hamewart, to hir lugeing thay hir bare
Bot than the trumpettis, we rely blastis aboundis
Wyth terribyl brag, of brasin bludy soundis
The skry the clamoure, followis the oist within
Quhil all the heuinnis,
The rutilious inuadis the [...]
bemyt of the dynThe wolsteaners, assemblit in ane sop
To fyll the fowsyis, and the wallis to stop
All samyn haistand, with ane pauis of tre
Heissit togiddir, aboue thare hedis hie
Sa surely knyt, that manere enbuschment
Semyt to be ane clois volt, quhare thay went
Ane vthir sort preissit, to haue entre
And clym the wallis, with ledderis large and hie
Quhare as the army, of the troyanis side
Was thynnest skatterit, on the wallis wyde
And bricht arrayit, cumpany of the men
War diuidit or sloppit, that thay micht ken
The weremen not sa thyk, in sic ane place
Bot the troyanis, that oft in sic like case
Be lang vsage of were war, lerned and kend
How thay thar toune and wallis, fuld defend
All kynd of wappynnis, and dartis at thame slinggis
And dang thame doun, with wappinnys and poyntit stingis
Doun weltering eik, of huge wecht grete stanis
Be ony way gif thare be, for the nanys
That micht of force, disseuir that punȝe
Quhilk thame assailȝeit, thekis with pauis hie
[Page ccxxxvii] For wele thay kn [...]w thare fais al manere of tene
Vnder the volt of targis, mycht sustene
Sa lang as thay samyn vnserit ware
Bot now thay mycht, thare ordoure hald na mare
For the troianis, or euer thay wald ceis
Thare as the thekest rout was, and maist preis
Ane huge wecht, or hepe of mekil stanys
Ruschis and weltis doun,
The troianis defendis the [...].
on thame attanisThat diuers of rutulianis, lay thare vnder
The laf skalit on brede, brok was sounder
The couertouris, and ordinance of thare scheildis
Fra thens the hardy rutulianis, in the feildis
Preissit na mare in hiddillis, for to fecht
Bot thame enforsis, now at thare mycht
With ganȝeis arrowis, and with dartis sling
Thare famen from the wallis, for to ding
And at ane vthir side, with felloun fere
Mezentius the grym, apoun ane spere
Or heich sting or stoure, of the fir tre
The blak fyre blesis, of reik inswakkis he
And Mesapus the danter, of the borssis
Neptunus son, with his menȝe enforsis
Tyll vndermynd the dyke, and rent the pale
Ledderis he askis, the wallis to assaile
¶ How turnus set the ȝet toure in to fire
And made grete slauchter, of troyanis in his ire
CAlliope, and o ȝe musis all
Inspire til endite, on ȝou I call
To schaw quhat slauchter, and octisioun
How fe [...]l corpis, thare was brytnit doun
Be turnus wappinnis, and his dartis fell
Quham euery man kelit, and send to hel
Help and assist to reuolue, here with me
[Page] The extreme daunger, of that grete melle
ȝe blissit wichtis forsoith, remembris wele
Sic thingis and quhare ȝe list may reuele
Thare stude ane toure, of tre huge of hicht
With battelling, and kirnillis all at richt
Set in ane neidfull place, nere by the ȝet
Quham to assailȝe ouercum, and doun bet
With hale pissance, all the Italianis
At vter power vmbeset, at anys
And by the contrare, on the tothir syde
All kynd discensis, can troianis prouide
Threw stanis doun, and shotys here and thare
At euery part, or opin fynister
The grundin dartis lete fle,
Turnus byrnis the tour and slayis mony pepyl.
doun thik faldTurnus the prince, that was baith derf and bald
Ane birnand bleis, lete at the foreteres glide
And festnit the fire, hard to the towris side
Quhilk with the windis blast, thare as it stak
Vpblesis in the burdis, and the thak
And spredis wyde, amang the gestis grete
The birnand low, consumed al throw hete
Within thay schulderit, for the feil affray
Bot all for nocht, to preis to wyn away
Na lasir was the dangere, to eschape
For as thay ran abak, and can thame s [...]hape
For till withdraw, towart the tothir side
Quhare as the fire was not, ȝit ouerglide
And hurlit all togiddir, in ane hepe
Tho with thare swe [...]htis, as thay rele and lepe
The birnand towris, doun rollis with ane rusche
Quhil al the heuynnys dynlit, with the dusch
Doun welteris men, half dede with brokin banis
The huge hepe, thame fallowit all at anis
On thare awin wappinnis, stikkand he and he
[Page ccxxxix] Sum stikkit throw the coist, with the speilis of tre
Lay gaspand of thame all, that skarsly tway
Ane Helenor, and lycus gat away
Of quham the formest, this ilk Helenore
Now in his flurist, ȝouth was get and lore
Betuix meonyus king, in priuate
And Latiuia the bound wensche, wounder sle
Quhilk him to troy had send, that hinder ȝere
Vnkend in armour, forbodin for were
Deliuer he was, with drawin swerd, in hand
And quhite targate, vnsemely and euil farand
This helenor, seand him selfe in dout
Amyd thousandis enarmyt, of turnus rout
Behald and graithlie, apoun athir hand
Arrayit oistis, of latine pepil stand
Like the wilde ragent beist, quham huntaris stout
Has vmbeset with thik range, al about
Seand be na mene, that scho mycht euade
Apoun the wappinnis, rynnys with ane brade
Slippis hir self, and with grete force hir beris
Apoun the poyntis, of the hunting speris
Nane vthir wise, this ilk ȝoung Helenore
Thus vnbeset behind, and eik before
Amyde his fais, ruschis redy to de
Quhare thekest was the preis, thare ettlis he
Quhilkis but abade, alsone has himslane
As spark of glede, wald in the sey remane
Bot licus spediar, fer on fute than he
Throw out the oistis, and armed men can fle
And to the wallis wan, and vp on hicht
Enforcis him to clym, with all his mycht
And for to grip sum, of hys feris handis
Quham turnus lansand, lichtly ouer the landis
Wyth spere in hand, persewis for to spyll
[Page] And quhen he has, ouirtane him at his wil
Thus did him chyde, O catyue witles knape
Quhat wenit thou, our handis tyl eschape
And tharwith drew hym doun, quhil he dide hing
And of the wall ane grete part, with him bryng
Lyke as the egyl Iouis, squyer straucht
Wythin his bowand clukis, had vptaucht
Ane ȝoung Cignet, or quhyte swan, or hare
Tharewith resursyng, vp hie in the are
Or as ane reuennous, bludy wolf throw slycht
Hyntis in his goule, furth of the fald by nicht
The lityll tendir kyd or the ȝoung lam
Wyth feel bletingis, socht by the gate hir dam
Rutulianis for ioy, than rasit ane schout
And fast iuuadis, the ciete all about
Wyth hepis of erd, the fowsyis do thay sill
Sum vthir presit, with schidis and mony ane fill
The fyre blesis about the rufe to sling
Bot Illioneus, that time dyd doun ding
Wyth ane grete quhin, or roche craggy stone
One Lucecius, and brak his nek bone
And as he did approche, towartis the ȝet
The hate flames, of fyre tharin to set
Ligere ane troyane, from the wall also
Doun bet ane Rutuliane hecht Emathio
Ane phrigiane eik, Asilas flerne and stout
All to fruschit, Chorineus without
Quhilk was in dartis, casting wounder sle
On fer to schute, scharp flauis and lat fle
Bane mare expert, than this Emathyo
Ceneus ouer quhelmit, Ortiggius also
And this Ceneus, quhilk than gat the mastry
Beliue Turnus, with ane dart▪ bede, gartly
[Page ccxxxix] Ithis Clonyas, and eik Dioxippus
Promulus als, and bustuous saggaras
And syne the huge, big troiane hate Idas
Standand for to defend, the towris hie
Capis ane troiane, bet doun priuernie
Quham themyllus, with ane scharpe casting dart
Had newly hurt, and woundit in sum parte
And he his hand plait, on the wound in hy
His scheild besyde him, swakand fulithly
So that the fedderit arrow, furth did glide
And nalit his hand plat, to the left syde
The schaft and hed remanit in his coist
Be dedely wound the lyffe, thus has he loist
Arcens Arcentis son, stude on the wall
In brycht armour full semelie, schynand all
His maniill of the purpoure, Iberyne
With nedil werk brusit, riche and fyne
Of visage was he plesand, for to se
His fader Arcins, send him with Enee
Fosterit he was, and vpbrocht tendirlie
Within his moderis hallowit schaw, fast by
The flude Cymethus, in to Cecil land
Quhare as the plentuous fat altare, did stand
Of the placabil goddis, Palaty did hecht
Ane grete staf sloung birnand, with felloun wecht
Hynt mezentius, his scheild syne by him layis
The stryngis thryis, about his hede assayis
And this ilk Arteus, standing him forgane
Has smertlie with ane, ledin pellok slane
His harn pan and forehede, all to claif
Quhil that the led in [...]ounder brak, and raif
That he ouertumblis speldit, on the sand
This grete, slauchter was made fra hand to hand
¶ Here ȝoung Ascaneus / the strang Numanus [...]
Quhilk wordis outragius / to the troyanis schew.
AScaneus, this ilk time as is said
That wont was, with his schot bot to inuade
The wilde beistis, quhilk couth do not bor fle
Fyrst here in bargane, lete swift arrowis fle
And by his handis slew, strang Numanus
That was to surname,
Ascaneus fyrst feat in war.
clepit RemulusHad laitly Turnus ȝoungest, sister wed
As for his spous, and brocht vnto his bed
This ilk Numanus, Remulus in that stede
Before the frontis, of the battellis ȝede
Furth schawand, mony diuers sawis sere
Bayth ganand, and vnganand for to here
Richt proud and hiely, in his breist and hert
That newlingis, of the kinrik was ane part
To hym befell, his grete estate this wise
Voustand he schew, with armour and loud cryis
Eschame ȝe not Phrigianis, that twyis tak is
To be inclusit amyd, ane fald of stakis
And be assegeit, agane sa oft syis
Wyth akin spylis, and dykis on sic wys
Schame ȝe not to prolong, ȝour liuis (said he)
Thir vincust cowart wychtis, behald and se
That dar our spousage, in to batal craif
Quhat wyld dotage, sa made ȝour hedis raif
Or quhat vnthryfty god, in sic foly
Has ȝon bewaiffit, here to Italy
Here ar ȝe not the slaw, we remen atrides
Nor the fenȝeare, of the fare speche vlixes
Bot we that bene of naturu, derf and doure
Cummin of kynd, as bene men in ane stoure
Our ȝoung children, the fyrst tyme borne thay are
Vnto the nixt, rynnand flude webare
[Page ccxl] To hardin thare bodyis, and to mak thaym bald
With the schil frostis, and the wattir cald
Our childer ȝing, exercis beselie
Hunting with houndis, hornes schout and crye
Wylde dere, out throw the woddis chace and mate
To dant and ryn the horsis are and late
That is thare gam, and sport thay hant on raw
Or wyth thare bowis, schute or dartis thraw
Our ȝong springaldis, may al laubour endure
Content of litil mete, I ȝou assure
Of ȝouth thay be accustumed, to be skant
The erde with pleuch, and harrowis for to dant
Or than in batal, bettis cieteis doun
In euery age, wyth Irne graith we ar boun
And passand by the plewis, for gadwandis
Broddis the oxin with speris in our handis
Nor ȝit the slaw, nor febil vnweildy age
May waik oure sprete, nor mynnys our curage
Nor of our strenth, to altare ocht or pare
The stele helmes, we thrist on hedis hare
Best likis vs, al tymes to rug and reif
And driue away the spreith, and theron leif
ȝone payntit habitis, dois of purpour schyne
ȝour hartis likis best, so I deuyne
In ydilnes, to rest aboue al thyng
To tak ȝour lust, and go in karrellyng
ȝour cotys has traling sleuis, ouer ȝour handis
ȝour foly hattis, trappouris and brasin bandis
O verray Phrigiane wyiffis, dasit wichtis
To call ȝou men of troy, that vnrycht is
Be ȝe vnwourthy, to se hie stile to clame
On Dyndyma top, go and walk at hame
Quhare as the quhissil, renderis soundis sere
With tympanys tawbernis, ȝe war wount to here
[Page] And bois schawmes, of torned buschbome tre
That grewin Beretentia, montane hie
Vnto the moder of Ida, dedicate
Callis eftir ȝou to Dante, and not debate
ȝeild ȝou to men, and leif al ȝour armyng
Rendir ȝour swerdis, and al wappinnis resyng
Ascaneus ȝing birnand, for propir tene
Sa grete outrage, of wourdis micht not sustene
Herand sa hie about, of pompus pryde
And sic dispite blawin, out apoun his syde
Hys bow with hors, Senonnus bendit has he
Tharin ane takill, set of souir tre
And tasand vp his armes, fer in twyn
Thus vnto Iouy, lauly did begyn
To make his first peticioun, and prayere
Omnipotent hie,
Ascaneus oratio [...] to Iupiter.
Iupiter me hereAssist to this hardy, commantement
My self vnto thy temples, sall present
Solempnit giftis, maist gudly may be get
And eik before thyne altaris, sall I set
Ane ȝoung bullok, of cullour quhite as snaw
Wyth goldin schakeris, his forehede arrayit on raw
The beist sall be full, tyde trig and wicht
With hede equale, tyll his moder on hicht
Can all reddy with hornes, fuyn and put
And schraip or skattir, the soft sand wyth his fut
The fader of heuyn, acceppit his prayere
And on that part, quhar the lift was maist clere
Towart the left hand, maid ane thundering
All samyn soundit, the dedely bowis string
Quhirrand smertly, furth flaw the takyll tyte
Qwite throw the hede, the Remulus did smyte
The groundin steile, out throw his templis glaid
Hald on thy wayis, in haist Ascaneus said
[Page ccxli] Thy self to loif, knak now scornefully
The proude wourdis, al that standis the by
Sic bode worde, here the twis takin troianis
Sendis for hansell, to Rutulianis
Thus fer spekis Ascaneus and no mare
Bot the troianis, rasit ane skry in the are
With rerde and clamour, of blythnes man and boy
That to the sternes thare curage sprang for Ioy
Ascaneus extolling, aboue the skyes
And as thay mak, the riot on sic wyse
Doun from the regioun of the heuin tho
The bricht curland, harit Appollo
Apoun ane cloud, sittand quhare he wald
The oistis of Italianis, can behald
And eik new troyis ciete, with chere glaide
Til Iulius thy victor,
Apollois exhortaciō to Ascaneus.
thus he saidEik and contynew, the new vailȝeand dedis
Thou ȝoung child for that is the way that ledis
Vp to the sternes, and the heuynnys hye
O thou verray goddis, ofspring quod he
That al engendir, goddis of the sede
In the be veray, ressoun, and of nede
All batellis quhilkis by werde ar destynate
Aganis asseratus hous, to moue debate
Sal be appesit, and to quiet brocht
Thys litil toun of troy, that here is wrocht
May not wythhald the, in sic boundis lyte
And sayand thus from the hie heuin als tyte
Discendis he mouand, the halesum are
And to the chyld Ascaneus, socht richt thare
His figure changeit, that tyme as he wald
In likenes of ane butes hare, and ald
That purseuant, to fore and squyare had he
The troiane Anchyses, fader of Enee
[Page] And traisty kepare, of hys chalmer dure
Now had Enee, commyttit to him the cure
For tyl attend, apoun Ascaneus ȝing
Lyke to thys antient Butes, in al thyng
Furth steppis Phebus, bayth in voce and hew
Wyth lokkis quhite, and armour na thing new
Rously and with ane, felloun sound clatteryng
And sic wourdis spak, to Iulus ȝyng
That vthirwyse, is hate Ascaneus
Wyth ardent mynd, of bargane desirus
Eneas verrye douthty, son and are
It may suffice the, nedis do na mare
Sen thou vnhurt, with thy schot in this stede
The strang Numanus, thou has doung to dede
This fyrst louyng, and eik hie renowne
The souerane Appollo, grantis the
Nor nane disdene, at the sall haue soithly
To be his perigall, in to archery
Leif of my chylde, and of syc batell ceis
Na mare at this tyme, draw the out of preis
On this wyse carpis, the brycht Appollo
And in the myddis, of his sermond tho
He wanist fer away, I wat neuer quhare
Furth of his mortall, sycht in the schyre are
The nobyllis, and the troyanis, capitanis trew
Be thir taikynnis, the god Appollo knew
And hard his arrowis, clatterand in his case
Tharfore thay haue withdraw, furth of this place
Ascaneus at brycht phebus, mychty targe
And wald na langare, thole hym go at large
All thocht to fecht, he had desyre and ioy
Name tyl hys Innis, did thay him conuoy
Syne to the bargane, has thame sped agane
In oppin perrell, dangeris and pane
[Page ccxlii] Thare persouns, and liuis for thare toun
Offerand and for defence, maid thayme boun
¶ How Pandarus, and Bitias brethir twane
Kest vp the ȝettis, and thare was Bitias slane
ENdlang the wallis, kirnellis euery stand
The brute and clamour rais, fra hand to hand
Thare bustuous bowis, kyndely do thay bend
Scharp querrellis, and castyng dartis furth send
Quhilkis thay with lyames, and quhayngis lang out threw
So thyk the ganȝeis, and the flanes flew
That of takyllis, and schaftis all the feildis
War strowit, and the large planis ouerheildis
On bois helmes, and scheildis the werely schot
Maid rap for rap reboundand, with Ilk stot
Scharp and awfull, incressis the bargane
Als violent as euer, the ȝet doun rane
Furth of the west dois smyte, apoun the wald
In October, quhen the twa sternes cald
That clepit bene the kiddis, first vpspryngis
And als thik as the hale schour, hoppis and dingis
In furdis schald and brayis, here and thare
Quhen trublit bene, the heuynnis and the are
Wyth stormy tempestis, and the Northin blastis
Quhil cloudis skatteris,
The hystory of Pandarus and Bitias.
and al the lift ouercastisPandarus and Bitias, twa brethir germane
By alcanor engendrit, that troyane
Quhen Hibera the wilde, forstaris knaw
Bred and vpbrocht, in Iouis haly schaw
So big ȝoung men, thay war so grete and wicht
That equale semyt, thame to be of hicht
With fir treis, of thare landis and hillis
And thare to eik, sa egir of thare willis
That thay the porte quhilk, be Eneas charge
Was commandit to be steikit, all at large
[Page] Has warpit opin, on brede to the wall
And baldly dyd chay fais, clepe and call
To entir gyf thay durst and thame assay
Sa grete confidence, in thare fors had thay
And thay wythin stude, by the ȝet that tyde
Quhilk oppin was, on the richt and left syde
As thay had touris bene, bayth grete and square
Enarmed wyth thare wappynnis, brycht and bare
The hie tymbrettis, of thare helmes schane
Lyke to behald as, bustuous aikis twane
Beside the bene riuere, Achises grow
O flowand fludis, bankis of the pow
Vpstrekand thare byg, croppis to the are
And vnsued branschis, waiffand here and thare
Als swyith as the, Rutulianis did se
The ȝet opin thay, ruschit to the entre
Quercens formest, and Equitolie
Ane lusty knycht, in armes richt semely
Wyth Tmarus feirs, myndit to asiale
And bald Emmon, wyth curage marciall
Bot thay wyth al thare, complicis in ficht
War doung abak, and constrenit tak flicht
By troyane routis, or than in that striue
Quha that abade loist, in the porte thare lyue
Tho brymmer grew, thare feirs mudis wythin
So that the troyanis can flok, and samyn ryn
Towart the place, and maid felloun debate
So bald thay wox, that in the plane gate
Ischand wythout the portis, on the land
Thay durst recounter, thare fais hand for hand
Ane messyngere, to Turnus come that tyde
That wounder feirsly, at an vthir syde
The toun assailȝeis, and thare he tyll hym schew
Quhat hait slauchter, hys fais made of new
[Page ccxliii] And sic ane porte, had al wide opin set
His first purpois he left, and to that ȝet
Wyth felloun ire, mouit furth sprent he tho
Towart the troyanis, and proude brethir two
And first has slane, the big Antiphates
That him on case, met formest in the preis
Sone to the bustuos, nobyl serpedone
In purthes get, ane thebane wensche apoun
Him smate he doun, with the cast of ane dart
The fleand schaft, Italiane to his hart
Glidand throw out the schire, are duschit sone
The stomok peirsit, and in the coist is done
The how cauerne, of his wound ane flude
Furth bruschit, of the blaknit dedely blude
So depe the grundin steil hede, out of sicht is
Ful hate and warme it festnyt, in his lichtis
Syne meropes, and Erymantus he
And Apydnus slew, wyth hys hand al thre
And eftir that wyth ane sterne, mude ful tene
Slew Bitias, for al his glourand ene
Bot that was nouthir, with dart swerd nor knyffe
For na sic wappin, mycht hym haif reft the lyffe
Bot with ane hidduos bissand fyre spere
That clepit is phalirita, in were
Quhylk wyth so vehement force, thus turnus threw
That as the thunderis dynt, at hym it flew
Quham nouthir scheild, of twa bull hydis thik
Nor ȝit the doubil mailȝit traist haubrik
Al gylt wyth gold, mycht it resyst or stynt
The bustuous body, doun duschyt wyth the dynt
Quhyl al the erd, to granyt wyth the rattyl
The hydduous scheyld, aboue hym made ane brattyl
Lyke as the hye pyllare, of Marbyl stone
Standand apoun the coist, Eubortone
[Page] Vmquhile besyde Bays, the ryche ciete
Wyth grislie swelth, doun duschit in the se
Quhilk was of auld masly stones ane bing
And by the fludis, sic wise doun was ding
His fal drew doun, the ciete quhare it stude
And ruschit in ane fer way, in the flude
The seyis mixt, ouer ane and al ouerhede
Blak slike, and sand vp poplit in the stede
Quhilk of the fereful sound, the Ilandis twa
Trymblit Inaryme, and eik Prothita
Quhil Inaryme, at Iupiteres command
Ful hard bed is, to Typheus the Giand
At thys tyme Mars, the god armypotent
Ekit the latynis force, and hardiment
With felloun Ire, prikkand so thare myndis
That as him self list, he turnis so and wyndis
And makis the troianis tak, the flycht gude spede
One thaym he kest, sie fere and schamful drede
The Latyne pepil flokkis on euery syde
Quhen thay beheld the porte, so opnit wyde
Seand thay had ane roume, to fecht at wyl
The god of stryffe, thare curage steris thar tyl.
¶ How Turnus the big / Pandarus smote doun
Lyke ane wodlioun, past wythin the toun.
PAndarus seand, his brotheris corps at erde
And on quhat wyse, thys fortoun wyth thaym ferbe
And how the chance, of batel ȝede al wrang
Ful force lie with his brade schuldaris strang
He thristis, to the leuis of the ȝet
And closit queme, the entre and furth schet
Without the porte, ane grete sort of his teris
In hard bargane, amyd the mortal weris
And of hys Inemyis, sum inclusit he
Ressauand al that thrang to the entre
[Page ccxliiii] Ane fule he was, and witles in ane thing
Persauit not, turnus Rutuliane king
So violentlie thring, in at the ȝet
Quham he vnwar, within the ciete schet
Like as rageand wilde tygyr vnstabil
Amang the febil beistis, miserabil
Sone as Turnus, has him Inclosit sene
Ane glowand new licht, bristis from his ene
His armour ringis, or clatteris horribilly
His creistis trymblit, on his hede in hy
That in his sanguine, bludy scheild als stracht
Kest schynand fyry bemes, like fireslaucht
All sodenlie affrayit Eneadanis
His face vnfreyndlie persauit and big banis
The hidduous Pandarus, than himself furth schew
That wounder feruent, in his furoure grew
His brotheris slauchter, to reuenge in wil
Thus austerlie, he spekis Turnus vntil
This is not Quene Amatais,
The bargane betuix Turnus and Pādarus.
chief cieteSuld the begeue, into doury sayd he
Nor ȝit the myddis, of Ardea ciete bald
Thy faderis burgh, Turnus dois the with hald
Thou seis thy fais strenth, and wallis wyde
ȝeild the for thy thou may eschape na syde
Turnus agane with curage, blyth and glaid
Not abasit, ful baldlie to hym said
My freynd begyn, gif thou has hardyment
And mache with me allone, apoun this bent
And hand for hand, gif that it be thy wyl
Thou sal schaw Priame here, thou has fund Achil
The tothir two ane huge spere, of hale tre
With bark and knottis, al togiddir lete fle
In al his force, bot the dynt did no dere
Not bot the are, was woundit with the sper [...]
[Page] For wikkit Iuno, the auld saturnus get
Choppit by the schaft, and fixit it in the ȝet
Ha quod turnus sa sal thou not astert
This wappin, now in faith or we depart
Nor on sic wyse, eschape this bitand brand
Quhilk my grete force, thus rollis in my hand
For he that aw this swerd, and wound sal wirk
Is not sa faynt, ne sa sone sal not irk
And with that word standand, on his tip tais
Heuand his swerd, heith his hand did rais
Doun with the dynt, duschit the steile blade kene
Amyd his forehede, hard betuix his ene
His berdles chekis, on his chaftis round
In sounder schorne has, with ane grislie wound
Sa felloun sound, or clap made this grete clasche
That of his huge wecht, fell with ane rasche
The erd dynlit, and al the ciete schuke
So large feild, his gousty body tuke
That fer on brede, ouer spred was al the plane
His armour sparkit with his blud, and brane
Bayth to and fra, apoun his schulderis tway
His hed clouin in equale halfis lay
Of dredful dredour trymbling for effray
They fled richt fast, and syne did brak away
And gif turnus, had than incontinent
Remembrit him, and caucht in mynd to rent
The lokkis vp and opynnyt the ȝettis wyde
So that his feris, without the porte that tyde
Mycht haue enterit, and cummin in the cyete
The last day of the batel that had be
And lattir finale end, to the romanis
Of Phrigiane folkis, and pepil troianis
Bot sic ardent, hic furoure martiall
And of slaucther, desire vnsaciable
[Page ccxlv] Draif him to follow thaym, that hym ganestandis
And first he kelit phalleris, with his handis
And ane vthir that giges, hecht Alsua
Of quhamlche hochis bayth, he smate in twa
Syne speris rent and hynt, vp all on raw
And at the flearis bakkis, fast dyd thraw
That wounder was to se hym, quhare he, went
For Iuno ekit his strenth, and hardiment
Syne ane hales, vnto the corpis dede
In company he ekit in that stede
And Phegeas donn brittynnys in the feild
Spetit throw out the body, and the scheild
Alchandrus syne, and the proude Halyus
Nemonas syne, and the kene pritanyus
Quhilkis mysknew, Turnus was within the wal
And to the bargane, did thare feris cal
Apoun the ground, anone al dede he laid
In bergane ful expert, syne did Inuade
wyth shynand swerd, hard at the dykis syde
Ane lyntheus the quhilk, the samyn tyde
Resistis as he mycht with fell efferis
And eftir help cryis, apoun his feris
Bot wyth ane straik, he smat his nek in twa
Bayth helme and hede, flaw fer the body fra
And eftir thir ane Amytus he slew
That bane had bene, to wylde beistis ynew
Was nane vthir mare happy, nor expert
To graith and till Inoynt, ane casting dart
And with vennom, to garnes the steile hedis
Be turnus handis, this ilk tyme doun dede is
Eolus son, hate Clitias the heynd
And Creteus also, was the muses freynd
Creteus poet to Muses, familiar
That in hys mynd, and breist, al tymes bare
[Page] Sangis and geistis Musit, in harping
Apoun his stryngis playit he, mony ane spring
Lays and rymes apoun, the best awise
And euermare, his manere and his gyse
Was for to sing blasoun, and diseriue
Men and stedis, knichthede, were and striue
¶ The troyanys set ou turnes dyntis rude
Quhil that he fleis / and lap into the flude.
AT last Mnesteus, and strang Serestus
The troiane capitanis, herand how that thus
Thare pepil slane war, doun did conuene
Thare feris fleand pale and wan, haue thay sene
And thare cheif Inemye, closit in thare wallis
Mnesteus on thaym clepis thus and callis
Quhare ettill ȝe fra hyne,
Mnesteus callys agane hys troyanis fleyng.
quhiddir wald ȝe fleQuhat vthir wallis seik ȝe or ciete
Quhare haue ȝe outhir strenth or forteres
O cietezanis, behaldis here expres
Nane bot ane man standand, ȝou aganis
Closit within ȝour dykis, and wallis of stanis
Vnreuengit, so grete occisioun
And huge slauchter, sal mak within ȝour toun
Or sa feil, vailȝeand ȝoung capitanis kend
Vnresistit thus doun, to hell sal send
O maist vnwourthy cowartis, ful of sleuth
Of ȝour vnsilly cuntre, haue ȝe na reuth
Nor piete of ȝour ancient goddis kind
Think na lak and schame, into ȝour mynd
To do sa grete outrage, to strang Enee
In his obsence, thus catifely to fle
The troyanis by sic wourdis, as he said
In curage grew, and fermlie al abaide
About thare famen flokkand in ane rout
Turnus ane litil, thocht he was stark and stout
[Page ccxlvi] Begouth frawart, the bargane to with draw
And sattil towartis, the riuer syde on law
Aye pece and pece, to that part of the toun
Was closit with the riuer, rynnand doun
Troianis that seand, the mare apertly
Assailȝeit him, with mony schout and cry
And thikkit fast about him inuiroun
As quhen about the awful, wylde Lyoun
Wyth thare inuasibil wappinnis, scharp and square
Ane multitude of men, belappit war
And he ful feirs, with thrawin vult in the start
Seand the scharp poyntis, reculis bak wart
Bot for to gif, the bak and fle away
Nouthir his greif, nor curage suffer may
And thocht he wald, for al his mekil mycht
Aganis so mony men and wappinnis bricht
To preis fordward, may he cum na spede
Nane vthir turnus at sic ane nede
Steppis abak with huly pays ful stil
His mynd skaldand, in greif and egir wil
And ferder eik, amyd his feris he
Twyis ruschit in, and schudderit the melle
And twyis also that vnrebutit knight
Endlang the wallis put thaym to the sticht
Bot al togiddir, in til ane conuyne
Apoun him hale, the toun assemblit syne
Nor saturnus get, Iuno in that ficht
Agane thaym durst him minister strenth or mycht
For Iupiter, had from the heuynnis fare
Send doun Iris quhilk duellis in the are
Vnto his spous, and sister thare at hand
Ful scharp chargis, bringis and command
Les thare Turnus, how euer the chance befallis
Withdraw him fra, the fatal troiane wallis
[Page] Quharthrow this vailȝeand campyone, ȝoung and kene
Nowthir with his scheild, sameikle mycht sustene
Nor sic defence make, with his hand as are
Wyth dartis at hym schakkit, here and thare
On sic wyse, as he quhelmyt and confoundit
That euer in ane, his bos helme, rang and soundit
Clynkand about his halffettis with ane dyn
His souir armour strang, and nathyng thyn
Is brokin and birsit, with fele stanis cast
So thik war dyntis, and strakis smyte sa fast
That of his helme, doun beting war the creistis
Sa sare the bosis, of his terget prest is
His scheild mycht no langar, sic routis sustene
The Troianis with this Mnesteus, in thare tene
Doublis thare dyntis, at him wyth speris cast
As it had bene the hidduous thunderis blast
Ouer al his body, furth ȝet the swete thik
Lyke to the trynland, blak stremes of pik
Ne gat he lasare anys his aynd to draw
The f [...]blit breith ful fast, can bete and blaw
Amyd his wery breist, and lymmes lasche
Than at the last, al suddanly with ane plasche
Harnes and al togiddir, quhare he stude
Him self he swakkis, and lap into the flude
With giltyn stremes, him keppit the riuere
And bare him vp aboue thir wallis clere
Syne blyithlye cariit, to his feris bedene
All blude and slauther, away was weschyn cl [...]ne.
Finis.
The Prologe of the .x. Booke.
HIe Plasmatour of thyngis vniuersal
Thou reneware of kynd,
In thys prolog he schawis gods workes to be incomprehensybil be mānis wit or reason and that he preuis be the creacyon and mystery of the trinite
that creat alIncomprehensibil thy werkis ar to consaif
Quhilk grantit has to euery wicht to haif
Quhat thing maist ganis, vnto his gouernale
Quhow meruellus bene, diuisiouns, of thy gracis
Distribute so to ilk thing, in al placis
The son to schyne ouer al, and schaw his licht
The day to labour, for rest thou ordanit nicht
For diuers causis, schupe sere sessouns and spacis.
Fresche vere to burgioun, herbis and sueit flouris
The hate somer to nuris, corne al houris
And brede al kynd of foulis, fysche and beist
Heruist to rendir his frutis, maist and leist
Wyntir to snyb the erth, wyth frosty schouris
Thocht that thou nedit not, al thing thou wrocht
Bot to that fyne, thou made al thing of nocht
Of thy gudnes to be participant
Thy godhede na richer, nor ȝit mare skant
Nauthir now nor than, set vs wrocht of nocht
Thy maist supreme indiuisibil substance
In ane nature, thre persouns but discrepance
Rengand eterne ressauis accidence
For quhy thou art richt, at this tyme present
It at thou was, and euer sal but variance.
Sen our nature, god has to him vnyt
Hys godhede, incommyt remanis perfite
The son of god, hauand verray naturis twane
In ane persoun, and thre persouns al ane
In deite nature, maiestye and delite
The son the self thing with the fader is
The self substance the holy gaist I wys
Is with thaym bayth thre dis [...]unct personage
As was and salbe euer of ane age
Omnipotent ane lord, equale in blis.
Quhilk souerane substance, in gre superlatiue
Na cunnyng conprehend, ma nor discriue
Nouthir generis, generate is, nor dois procede
All ane begynnare, of euery thing but drede
And in the self, remanis eterne on liue
The fad [...]r of nane generat creat nor bore
His only son engeneris euer more
Not makis creatis, bot engendris al way
Of his substance, and al tyme of bayth tway
Procedis the haly gaist, equale in glore.
Of bayith from ane begynnyng procedis he
Sa bene the werkis, of the trinite
Maist excellent,
The mistery of the trinite agaynst mā nes reason
and wounderful to consaifȝit thaym to traist, the mare merite we haue
That be na mans resoun preuit may be
The fader knawis him self, quhilk knawlege, spredis
Be generatioun, eterne that euer bredis
His son his word, and wisdome eternale
Betuix thir twa, is lufe perpetuale
Quhilk is the haly gaist, fra baith procedys
Not that the faderis, nature mynyst is
Of his substance, he generis hys son in blis
Ne so the son, of his kynd is ybore
That he ane parte, has therof and no more
Bot al he geuis hys son, and al is his
The ilk thing he him genis, that he remanis
This singil substance indefferentlie thus ganis
To thre in ane, and Ilkane of thay thre
The samyn thing, is in ane maieste
Thocht thir thre persouns,
[...]
be seueral in thre granysLike as the saull of man, is ane we wate
Hauand thre poweris, distinct and seperate
Vnderstanding resoun, and memore
Intelligence consideris, the thing before
Ressoun discernis, memor kepis the cons [...]ate
As thay bene in ane substance, knyt all thre
Thre persouns, regnis in ane deite
We may tak, als ane vthir similitude
Grosly the samyn purpois, to conclude
Flambe, hete, and licht, ben in ane fyre we se
Quhare euer the low is, hete and licht bene thare
And had the fire, bene birnand euermare
Euer suld the flambe engendrit, haue his licht
And of the birnand low, the flambis bricht
Perpetualy suld hete haue sprung, all quhare
So generis, the fadir, the soun with him eterne
From baith procedis, the haly gaist coeterne
Thus rude exemplis, and figuris may we gife
Thocht be his awin, creature to preife
War mare vnlyknes, than liknes to discerne
Freynd ferly not, na cause is to compleyne
All beit thy wit grete god, may not atteyne
For mycht thou comprehend, be thine engin
The maist excellent maieste, deuine
He mycht be repute, ane pretty god and mene
Consider thy ressoun, is so febill and lite
And his knawlege profound, and infinite
Consider how he is vnmensurabil
Him as he is to knaw, thou art not abill
It suffice the beleif, the Crede perfit
God is I grant in all thing, not excludit
Geuis all gudnes, and is of nocht denudit
Of him has all thing, part and he not mynnyst
Hale he is all quhare, not deuidit na fynyst
Without all thing, he is and nocht excludit.
O lord thy wayis bene, inuestigabill
Suet lord thy self, is sa inestimabil
I can write nocht, but wounderis of thy mycht
That lawit sa fer, thy maieste, and hicht
To be borne man, in til ane oxis stabill
Thou tuke mankynd, of ane vnwemmyt maid
Inclosit within, ane virgins bosum glaid
Quham all the heuynnis, mycht neuer comprehend
Angellis scheiphardis, and kingis thy godhed kend
Set thou in crib betuix, twa beistis was laid
Quhat infinite excellent, hie boute
Aboue thy werkis all, in wounderfull gre
Lord quhen thou man maid, to thyne a win ymage
That tynt him self, throw his fuliche dotage
Thou man become, and deit to make him fre
Maid thou nocht man, first president vnder the
To dant the beistis foulis, and fysche in the see
Subdeuit till him the erth, and all therin
Syne parradice grant it him, and all his kyn
[...]aj him fre will▪ and power, neuer to dee
Enarmed him with ressoun, and prudence
Onlie bad him kepe, thyne obedience
And to him suld, all creaturis obey
Bittir was that frut, for his of spring and fey
Made deith vnknawin, befund and lyffe ga hence
Othyne Inestimabil luf, and cherite
Become ane thrall, to mak vs boyndis fre
To quykkin thy sclauis tholit schameful dede maist fell
Blilsit be thou virginall frute, that heryit hell
And payit the price, of the forbedyn tre
Thocht thou large,
Chrystis loue towart man kynde
stremes sched apoun the rudeAne drope had bene, sufficient of thy blude
Ane thousand warldis to haue redemyt I grant
Bot thou the will of mercy, wald nocht skant
Vs to prouoik to luf the and be gude
Ouer all this syne thy infinit god hede
Thy flesche and blude, luflye with wyne and brede
To be our lude of grace, in plege of glory
Thou last vs gaif, in perpetuale memory
Of thy passion, and dolorus panefull dede
Quhat thankis dew, or ganȝeild lorde benyng
May I maist synful, wrechit catife Inding
Render for this souerane, hie bounte
Sen body saul, and all I haue of the
Thou art my price, mak me thy pray conding
My makare, my redemare, and supporte
Fra quham all grace, and gud [...]nes cummys at schore
Grant me thy grace, my mysdedis till amend
Of this and all my werkis, to mak gude ende
This I beseik the lord thus I exhort
From the begynnyng, and end be of my muse
All vthir Ioue, and Phebus I refuse
Lat virgill hald his maumentis, till him self
I wourschip now thir ydole, stok nor elf
Thocht furth I write, so as myne auctor dois
Is nane bot thou the fader,
Only goddis help is sufficient for al men in al kynd of necessite
of goddis and menOmnipotent eternale, Ioue I ken
Onelie thy help fader, thare is nane vthir
I compt not of thir pagane, goddis ane futhir
Quhas power may not help, ane ha [...]tane hen
The scripture clepys, the god of goddis lord
For quhay thy mandmentis, kepis in accord
Bene ane with the, not in substance bot grace
And we our fader clepis the, in euery place
Mak vs thy sonnys, in cheryte but discord
Thou haldis court ouer christall, heuinnis clere
With angellis sanctis, and heuenlye spretis sere
They but ceissing thy glore, and louyngis syngis
Manifest to the, and patent bene all thingis
Thy spous and quene maid, and thy moder dere
Concord for euer myrth rest, and endles blis
Ne fere of hell, nor drede of dede thare is
In thy hie realme, nor na kind of Eunoye
Bot all welefare eis, and euerlast and Ioye
Quhais hye plesance lord, lat vs neuer mys.
¶ FINIS.
The .x. boke of Eneados.
¶ How Iupiter the courte / of goddis did call
And venus makis complante / amangis them all
ON brede or this was warp, and made patent
On heuinly hald of god, omnipotent
The king of men, and fader of goddis all
Ane counsell or ane cessioun, made do call
Amang the spretis aboue, and goddis grete
Within the sternit heuin, and mylky sete
Quharfra amyd his trone, sittand full hie
Ouer all the erth, he mycht behald, and se
The troianis castellis, and the pepil latyne
Doun sat the goddis, in thare segeis dyuyne
The faldine ȝettis baith, vp warpit brade
Firste Ioue him selfe begouth,
Iupiters oration in the counsall of the goddis.
and thus he saydeO heumlie wichtis, of grete power, and mycht
How is betid ȝour myndis bene so licht
That ȝour decretis fatall, and sentence hie
Retretit thus, and turnit bakwart suld be
Or quhy with frawart myndis, now of late
Agains ȝour ressonabill, orakillis ȝe debate
My will was not that the Italianis
In batall suld concur, contrar troianis
Quhat manere discord, be this that we se
Expres agane our inhabitacioun, said he
Quhat drede or reuerence, thaime or thayrs has mouit
To ryn till armes, and rais were contriuit
Or has sic wise, perswadit to bargane
With bludy wappinis rent, and mony slane
Haist not the sessoun, to preuoik nor preuene
Of battall cum, sal detfull tyme bedene
Herefor quhen the feirs burgh, of Cartage
To romes boundis, in thare fereful rage
Ane huge myscheif, and grete qualim send all
[Page] And thryll the hie montanis, lyke ane wall
Than war iust tyme, in wraith to mak debate
Than war it tyme to rug and reif thus gate
Now all sic thyngis leif, and decist said he
Glaidly and with one, mak freyndly amyte
Ane few wou [...]dis, on sic wyse Iupiter said
Bot not in quheyn wordis, him ansuere maid
The fresche goldin venus, O thou quod sche
Fader of all,
Venus oration to Iupiter conplening on the rutilianys.
of eternale pousteRingand aboue all men, and goddis eik
To the I cum, the reuthfully I beseke
Sen thare nane vthir, maieste bene ne glore
That in sic nede, may help vs to Implore
Thow seis how, with boist and felloun fere
She Rutulianis makis, grete deray and stere
And hew turnus pransand on semely stedis
Trouch out the oistis, rydis in stele wedis
And how orpit, and proudly ruschis he
Amyd the troyani [...], by fauour of mars quod sche
The strench of wallis, nor the portis schet
May not saif troyanis, lo with in the ȝet
Amid the clois, muralȝeis, and pail
And doubyl dykis, how thay thame assail
Quhil the f [...]wsyis of blude, rynnis on spate
Eneas absent of this, na thing wate
Quhidder gyf that thou, list suffir neuer mare
Thare sege skalit, nor tham fre of dangere
Behald agane about new troyis wall
ȝit bot begin to big, and not clois all
How enuiroun musteris, thare Inemyis
Ane vthir o [...]st and sege, about thame lyis
And n [...]wlie lo, Tedeus son not far
From Aipois ciete, in to Calabar
The wery troyanis, mouis diomede
[Page ccli] I feil agane my woundis, newly blede
And I thy blude thy get, and dochter schene
ȝit mortale wappinis, mon thole eik and sustene
Gif the troianis, but thy beneuolence
Or repugnant, to thy magnificence
Has socht vnto the coist, of Italy
Lat thame be punist, and thare cryme aby
Aud I sall soithlie, stand content for me
Thou mak thame na kynd, help nor supple
Bot gif thay followit haif, for there behuf
Sa feil respons, of the goddis abuse
With sindry admoniciouns, charge and redis
Of the infernale wichtis, and spretis that dede is
Than wald I knaw the cause, and resoun quhy
That ony mycht peruert, or ȝit bewry
Thy commaundementis, how or qu [...]arfore may thay
New fatis make, and the auld do away
Quhat nedis to rehers, quhow on the coist
Of Cicilly thare schippis, bri [...]t war loist
Or quharto suld I duell, to schaw ȝou thus
How be the god of t [...]mpest, Eolus
The rage and wyndis, s [...]nd war ouer all quhare
Or Iris cachit, throw cloudis of the are
Now mouit eik bene feyndlische wychtis affrayit
Before onelie that chance, was vnassayit
Bot now Alecto newlie, I furth sent
In to the vthir warld, that fell torment
With bachus furie, enragit by and by
Walk and throw, all cietes of Italy
Na thing I pans, on the empire quod sche
All thocht we hope had, that sic thing suld be
Quhen forton schew, therof sum apperance
Lat tham [...] be victour, quham thou list to avance
And gif na realme, into this warld remanis
[Page] Quham the sterne spous, list gif to the troians
I the beseik of Troy, by the rewyne
Be that subuertioun reik and, huge pyne
Suffer that ȝing ascaneus, mot be
Sauff of all wappinnis and, of perrellis fre
And al the leist, in this ilk mortall stryffe
Suffir the neuo, to remane alyffe
As for Enee forsoith, I mak na care
Thole hym in vncouth, stremes as he was are
Be dryue and warpit, euery sey about
To follow furth in dangere, and in dout
Quhat cours, and went that fortoun lyft hym sent
Moist it pleis the fader, omnipotent
That I may bot defend, ȝone lytyll page
And hym wyth draw, from thi [...] fers weris rage
I haue in Cypar, the ciete Amathus
And the hye standand, burgh that hat paphus
And eyk the Ile, yclepit Cythera
The hallowit hald, als of Idalia
Quhare rendrit vp, all armes in that stede
Duryng hys age, he sobir lyffe may leid
And command eik wyth grete, fors and maistry
The burgh of Cartage, done thring Italy
Fra thyne sall na thyng, resist nor ganstand
Contrare cieteis of Tyre, or affrik land
Quhat profite, has it doun or auantage
Of troyis batall to haue, eschaip the rage
And throw amyd the Grekis, fyris eik
Haue fled away, and throu the seis haif seik
Sa feil dangeris by went, and ouer driue
Ouer streme and landis, gyf that thus belyue
Troianis has socht, tyll Italy tyll vpset
New troyis wallys, to be agane doun bet
Had not bene better, than in thare natyue hald
[Page cclii] Haue sittin styll, amang the assis cald
And lattir Isillis, of thare kynd cuntre
Or barand sole, quhare troy was wont to be
Than thus from dede to dede, from pane to pane
Be cachit on, and euery day be slane
Restor [...] I pray the, to thay wrechit wychtis
Panthus and Symoes, fludis quhilkis of richtts
Was wount to be, thare propir heritage
O fader suffir, the fey troyane barnage
To seik agane quhat, hard myschance befallis
To troy or Ilioun, with thare brokin wallis
¶ To Venus complante / Iuno fra end to end
Maid haisty ansuere / hyr actioun to defend
THe quene Iuno, than but mare abade
Prikkit with felloun furie,
Iunos orationis aganis the troianis
thus furth braidQuhy dois thou to me, sais sche sic offence
Constrenyng me brek clois, profound silence
And with thy wourdis, quhare aire, was troy
Prouokis to publis, and schew myne hid ennoye
Quhat maner man, or quhilk of goddis lat se
Tomoue batale, constrenit has Enee
Or to Ingire him self, to Latyn kyng
As mortale fo, wythin his propir ring
I gyf the case, to Italie socht he
Of the fatis, by the auctoryte
Prouokand tharto, be the wyld dotage
Of wod Cassandra, in hir fury rage
Lat se for all this, gyf that anis in sporte
To leif his strenthis, we dyd him exhorte
Or for to put his lyffe, in ony dangere
To sale or submyt, him to wordis sere
Lat se gyf we causit, to walk at large
And tyll ane bab commit, the battellis charge
And gouernance, hale of his ciete wallis
[Page] Lai se gif we, how euer the chance befallis
Perswadit him to commoue, and stere
Our quiet pepil, with him to rays the were
Or to adione vp freyndschip, and ally
With tirrhene pepill, and folk of tuskany
Quhat god amouit him, with sic ane gaude
In his dedis to vse sic slicht, and fraud
Or quhilk of our hard poweris, wrocht sic thing
Quhare was Iuno, with al hir ladyis ding
Or quhare was scho also, quhen ȝister nycht
Iris was send doun, throw the cloudis bricht
Is this ane thing, full vnlesum but let
Thocht Italyanis, with flambis vmbeset
The newe ciete of Troy vprisand lo
And is not ful grete, dispite also
That in his natiue land, and faderis ring
Turnus remane or pretend to be king
Quham to the god, Pilumnus grantis
And haly Nymphie, Venilia moder I wys
Quhat thinkis thou leifsum, is that troianis in fere
Violence to make with brandis, of mortall were
Aganis Latynis, sic vncouth heretage
Till occupy, and subdew in bondage
And thare catall in spreith, to driue away
Quhat haldis thou leifsum, as I pray the say
From vtheris to withdraw, so thift wisly
Thare eld faderis, and maist tender ally
Or from betuix thare breist, and armes tway
Thare treuth plicht spous, for to reif away
To cum and beseik trewis, in strange landis
With syng or taking of peace, borne in thar handis
And netheles, to mak reddy for were
Puruay thare schippis, prouide armour and gere
To saif Enee, has thou not power and mycht,
[Page ccliii] From grekis handis, him to withdraw be s [...]icht
And set in stede of that man, licht as lynd
Outhir ane cloud or ane waist, puft of wynde
And eik thou may transforme, the schippis quod sche
In till as mony goddesis, of the se
Bot be the contrare rutulianis, of spring
We suld support, that is forbodin thing
Thy son Enee, mysknawing this deray
As thou allegeis is abs [...]nt, now away
And quhat Iniuris, absent mot he remane
And ignorant, for ay of this bargane
Thou ha [...] p [...]phos, thyne is Idalia
And thine mot be, the Ile of Cythera
Sen thou has all thir, at command and wyll
Lat vthir folkis in peace, and rest duell still
Quhare to assailȝeis, thou ane strang ciete
That has bene oft exercit, in melle
And list inuade pepil, with hartis kene
I can not fynd quhat occasiaun, ȝe mene
Haue we etlit the litill, Phrigiane gere
Doun from the ground, to welt ouer in to were
Quhidder was it we, or than Paris that faltit
Quhat wourthy troianis, by Greikis war exaltit
Quhat was the caus, that Ewrop, and Asia
To rais the were, in armes war sa thra
Aganis vtheris, and thare auld alliance
With thiftwis reif, to breik on sic mischance
Was I not gouernour, and cheif ledar thare
The time quhen that the troiane, adulterare
Vmbesegit the ciete, of spertha
And the Quene Elene reft, and brocht awa
Or quhidder Gif I euer, in that were
Miniserit da [...]tis, or sic gere
Or ȝit that bargane stuffit, or bet lat se
[Page] With Cupidis blynd lust, and subtilite
Than had bene honest tyme, and ganand bayth
To haif prouidit, for thy freyndis skaith
Now all to late with thine, Iniust complantis
Aganis thou risis, and attayntis
For to warp out thy vane wourdis chiding
Quhilkis certis may auayle, the in na thinge
With sic like wourdis, Iuno fra end to end
Gan hir querrel sustene and als defend
And all the heuinly wichtis, did quhisper and roune
In opiniouns full diuers, vp and doun
Like as first or wyndis blast, we persaue
The s [...]outh is hard, within the woddis waue
With frasing soundis, quhissilland ȝit vnknaw
Quharof cummys this brute, out throw the schaw
All thocht it be to marinaris, ane sing
Of wyndis blast, to follow sure taiknyng
The fader than omnipotent,
Iupiters equall sentence in the mater bet [...]ix the troianis & the Italinis committing them baith to the fortoune of battell.
maist hieThat ouer all thingis, has souerane maieste
Begouth to say, and quhen he spak all ceissit
The heuinlie hie hous of goddis, was peissit
The erthis ground schuke trymblyng for fere
And still but mouing, stude the heuynnys clere
The wyndis eik thare, blastis lounit sone
The sey calmyt his fludis, plane ab one
Ressaue quod he my sawis, and tak tent
And thir my wourdis, within ȝour myndis Imprent
Sen that algatis, ȝit may not sufferit be
Latinus confider with troianis, and Enee
Nor ȝit ȝe can not mak end, of ȝour debate
I sall me hald indifferent, the mene gate
And as for that, put ne diuersite
Quhidder so Italianis, or troianis thay be
How euer this day the fortoun, with thame standis
[Page ccliiii] Bruke wele thare chance, and werd on athir handis
Lat eith of thame his hope, and fortoun sew
Quhidder so the fatis, has determyt of new
Troianis to be assegeit, with Italianis
To thare myscheif or wraik, of the troianis
Quhilkis with thrawart, admonitiouns so lang
Perauenture has errit, and gane wrang
Nowthir troianis, nor Italianis, freith will I
Lat athir of thame, thare awin fortoun stand by
And bruke thare werk, thay haue begun but fale
King Iupiter salbe, to all equale
The fatis sall prouide ane way, more abbill
And with that wourd for till hald, ferme and stabill
His godlie aith and promys, sworn has he
By stix Pluto, his brotheris se
Be that ilk pikky laik, with brays blak
And laithlie goulf, to kepe al that he spak
And till afferme his aith, at his liking
The heuinis al maid, trymble, for ane sing
Thus endit was the counsale, and alle done
Aud Iupiter rais, from his goldin trone
Quham heuinly wychtis, amyddis thame with ioy
Vnto his chymmes ryall, dyd conuoy
¶ How the troyanis / defendis thare ciete
Eneas absent, sekand mare supple
DVryng this quhile, all the Rutulianis stout
The ciete portis, lappit round about
For to doun bet, the troyanis euery syre
Inuiroun all the wallis, with hate fyre
Eneas barnage, that myscheuis huge
Thus vmbeset, and segit but refuge
Inclosit war but hope, to wyn away
And sobirly at defence, as thay may
On the hie touris hedis, stude on raw
[Page] Full thyn the circulis, of the wallyz law
Thay mannit about, for in the first front stude
Iasyus Imbrasis son, and eik the gude
Tymotes son of strang, Icetrane
And by thame also, the Asserratus twane
The eldare Tybrys, with Castor ful wroith
Brethir germane, to kyng Serpedone boith
Quham Claruz had, and Hemon feris twa
Followit from the hie, realme of Lyria
Ane Agmon of Larnessia, fast thareby
Presis with all the fors, in his body
Ane felloun stane, to welt the wallis till
Quhilk semyt to be, ane grete part of ane hyll
Na les of statur, na his fader Clytyus
Was he, or ellis his brothir Mnestheus
Wyth dartis thay assale, the ciete fast
And thay defend, with slungis and stane cast
Sum preis thik, the wyld fyre in to slyng
The arrowis flaw, spangand fra euery stryng
The dardane chyld, the ȝing Ascaneus
Pryncipall thocht, and cure of dame Venus
Amyd the routis,
The toune inuadis by the Retulianis and defendit bi the [...].
in couert quhare he ȝedeThare mycht be sene, in his fresche lusty hede
Lyke as ane gem, wyth his brycht hew schinyng
Departis the gold, set amydwart the ring
Or in the crounell, picht or riche hingare
Quhilk dois the nek array, or the hede gere
And mare semely, than euoure bene to se
Craftely closit, wythin the box of tre
Or than amyd, the blak cerebynthyne
Growis by oratia, and as the gate d [...]is schyne
Hys curland lokkis, hang doun wele dek
About his schulderis, ouer his mylk quhyte nek
Ane circulet of pliabyl gold, so blyth
[Page cclv] Aboue his baris, apoun his hede wele pycht
Th [...]w Ismarus, of magnanymyte
Fulfyllit eik, thare men mycht the se
Vnwyttand venemous, schaftis the ilke tide
Addres dartis, and wirkis woundis full wyde
Cummyn of the gentyl blude, of Meony
In Lide contre, thou borne was fast by
The plentuous sulȝe, quhare the goldin riuere
Pattolus warpis, on ground the goldin vre clere
Reddy at hand, was Mnesteus wicht
Quham the renowne, of this ȝister nycht
For that he turnus, ouer the dikis draif
Full proude made in his curage, ouer the lai [...]
With him was Capis, thare also quham by
The towne Capna, is namit in champany
Thus athir party, into hard barganyng
Stude at debate, quhill Eneas the king
With al his feris, baycht day and myd nicht
Sclidis throw out, the salt fames licht
For eftir that, fra king Auander he
Departit was, as here aboue said we
And enterit in amyd, the tuskane tentis
The kinge he socht, and tald, him his ententis
His name to him rehersing, and his blude
And his desire fully, to conclude
Has schawin planely twichand quhat he socht
And quhat supple also, he with him brocht
And tald quhat army, proude Mezentius
Had conuenit, and how the bald Turnus
Sa violent and fers was,
All mēnes fortune & worldlye wysdom is vnstabyll and vncertane.
in his wyllExhorting him, to tak gud hede here [...]yll
And how vnstabill, was al warldis chance
All manues suretye, hyngand in ballance
And vnto this his request, and prayere
[Page] Adionit has on full, glaidly manere
Thare was na mare, delay bot Tarthon kyng
All reddy was to fulfyl, his likyng
Wyth moblys, and all riches at command
And vp can knyt, thare fordwartis and command
Of amyte, and perpetual ally
Than of the fatis, fre in thare nauy
At command of the goddis, pepyl tuskane
Ar enterit in thare schippis, euer Ilkane
Submytting thame, vntyll ane strang Duke
Eneas barge, than furth the viage tuke
Before the laif, as admirall of the floke
And in hir steuin karuin, full wele god wote
The Liouns, that the phrigiane armes bene
Aboue the quhilkis, porturit fare and grene
Was yda forest, to fugitiue troyanis
Thare best belouit freynd, wod and natiue wanys
In hir was set, the grete prince Eneas
That with him self, can mony thing compas
Twiching the chancis, of batale in that tyde
Pallas adionit, sat by his left syde
And he at hym, did wysely aske and spere
The cours and namis, of the sternes clere
Quhil in the styll heuin, schynis on the nycht
Now speris he franand, with all his micht
To knaw Eneas, wandring be the se
And how huge pane, he had on landis dre
¶ Here comptis virgyll / the pepyll of tuskan [...]
Quhilkis with Eneas / come to the bargane
ȜE musis now,
[...]
sueit goddis IthoneO pin and vnclois, ȝoure mont of Ilicone
Reuele the secretis, and in ȝour micht
Entone my sang, addresse my stile at rycht
To schaw quhat pissance, oistis and armye
[Page cclvi] At thys tyme from the boundis of tuskane
In fallowschip,
A catalog of Eneas frendis
come wyth the prynce EneeAnd stuffit schippis of war set to the see
First prynce Massitus, cummys wyth hys rout
Into his barge, Tyrgris with stelit snowt
Souchand out throw the fludys quhare [...]e went
Ane thousand stout men of hys talent
Vndder him ledin, for the batal boun
From Clusyn come, vmquhyl that nobyl toun
And fra the tuskane ciete of Cosa
Bayth castyng dartis, and flamys vsit tha
Wyth arrow caissys, and vthyr quauerys lycht
And mortal bowys, buklyt for the fycht
Samyn furth salys,
[...]
Abas and hym byHys barnage stude anarmyt rychely
His werelike schip, ouer the fludis ilkane
Of god Appollois, goldin statu schane
The ryche cyete, of Populonias
His natiue cuntre quhare of born he was
Sex hundreth men of armes in were expert
With hym was send, and the Ile in that part
Illa callit, within the tuskane se
Sa riche of steile, it mycht not waistit be
Thre hundreth eik,
[...]
has send with him to pasThe third Capitane, wourthy Asilas
Of goddis eik, and men interpretoure
Of euery spaing craft, that knew the cure
Quhat the hart pipes, and beistis Intrallisment
Quhat signifyit the sternes, quhare thay went
Thare richt coursis aboue the henynis hye
And euery birdis vocis, wele knew he
And quhat betaikinnis, schynyng from the heuyn
Thir fyrie blaistis, or this thunderis leuyn
Ane thousand men, assemblit wyth him ledis
[Page] Wyth awful speris, and scharp grundin hedis
Quham the hetruscane, ciete Pisa gude
Inhabit first from Alpheus that flude
Send til obey him as thare capitane
Syne followis, eftir the semeliest of ane
Asture maist souir horsman,
Astur
for to seik,Of variant cullour was his armour eik
Thre hundreth walit men▪ with hym he led
Al of ane wil, furth to the batal sped
Of folkis alhale, duelt in the cite swete
Of Agilyne vthir wyse callit Crete
And thay that duellis in thay feildis I wys
Endland the bankis, of flude Mynyonis
Or til ancient Pirgus, toun alsua
Or inhabitis, the ciete granissa
Ful contagius of pest, and grenous are
Suld I the pretermyt, sen thou was thare
I mene the Cignus,
Cygnus
of LigurianisThe cheif ledare, amang vthir capitanis
Ane of the maist forcy into batal stede
Ne wil I not forȝet fuld I be dede
The strang Cupanus with the few menȝe
Fra quhais tymbrel risis apoun hie
The lusty swannys, fetherem bricht and schene
The cryme and caus, of al ȝour woful tene
Was luf and amoris pompus array
Schroud in ȝour fedderis, cognissante al to gay
As that thay, tel quhil dolours Cignus
Made his complante, amang the skoggy bus
Of popil tre branchis, rising lang and square
Quharin the twa sisteris, transformyt ware
And gan bew Phaetoun, his best belouit
Quhil that he sang and playit, as him behuffit
The dolly tones, and layes lamentabil
[Page cclvii] Wyth sic regrat, to comfort and a stabill
His heuy amorus thochtis, and ennoyus
In quhite Canois soft plumes Ioyus
Become ouerhede, in liknes of ane swan
And led his age, na mare furth lik ane man
Bot tuke his flicht vp from the erth in hye
And with ane souchand voce socht in the sky
Hys son thys tyde, hauand his fallouschippis
Distribute equale, into sundry schippis
Amang the nauy, and the flote at large
With aris rowis furth, his bustuous barge
Clepit Centaurus, and ythandly syne he
Driuis throw fludis, of the stormy se
Byg of statur, stude he like to fecht
Boistand the streme, with ballast of huge wecht
And with his lange and lusty ballingare
Ouer slidis the depe fludis, in thare fare
The nobil Ocnus,
[...]
from his natyue landAne fare army assemblit brocht at hand
Son of god tybris, the tuskane riuere
Beget apoun manthus, the lady clere
That was bayth Nymphe, and Prophetes
This Ocnus, was the ilk man, quhilk expres
Of Mantua, the ciete did he wall
And eftir his said moderis name, can cal
Mantua mychty, of auld ancistry
And forefaderis, bot hys genolagy
Was not of ane kinrent cummyn al
For that toun had thre clannis principal
And vnder euery clan, or trybe of thay
War owthir souir, famyllis twyis tway
Mantua eik, was cheif and principale hede
To al thyr pepyl wonyng, in that stede
Takand thare force, and hardiment ylkane
[Page] From the lynnage and nobil blude tuskane
Mezentius,
Mezentius
throw his auld tyranyeFurth of his ciete, aganys him in hye
Fiue hundreth men, in armes maid to stere
Quham Minitius, the fresche rynnand riuere
That from the loth bennachus Ischis doun
And is ouerheildit al with redis broun
Has caryit to the brade seyis large
Within thare werely schip, and awful barge
Furth held the stout and degest Aulestes
Quhilk with grete strenth of rollaris in that preis
Rasyng thaym on thare choftis, for the nanys
The fludis smate, with hundreth airis atanis
Quhyl that the fomy stoure, of stremez lee
Vpwaltis from the brade Palmes of tre
The mekil houk hym bare was Triton callit
For in his forestam was the monstoure stallit
With watry trump, fleand the fludis gray
Quhare as sche salit men micht se hym aye
Wyth birssy body, porturit and visage
Al rouch of haris, semyng of cullage
In mannys forme, from his coist his croun
Bot from his bally, and thens fordwart doun
The remanent straucht, like ane fyschis tale
In similitude of Huddone, or ane quhale
Vnder the breist of this ilk byismyng thyng
The se wallis bokkand, makis mournyng
Sa mony walit capitanys, nobil men
In help of new troy, with schippis thryis ten
Slidis throw the salt stremes of the see
Wyth stelit steuynnys, and bowand bilge of tre
¶ Eneas s [...]hippis translate / in nymphys of see
[...]ald Eneas how turnus affegeit the cyete.
BE this declynit, was the dayis lycht
The mone in till ane wauerand carte of licht
Held rolling,
A good prynce is euer vigilant and cairful for hys subiectys.
throw the heuynnys middil wardeAs Eneas the Troiane prynce, and larde
For thochtis mycht na wyse, his membris rest
Sa mony curis in his mynd he kest
Bot sat in propir persoun, and nane vthir
To stere his caruel, and to reule the rudder
And for to gyde the salis takand tent
Anone amyd his cours, thare as he went
Recounteris him, hys fallouschip in hy
Of nymphis, quham and his nauy
The haly moder, clepit cybelee
Made to becum, goddis in the se
Al samyn swam, thay hand in hand yfere
And throw the wallis, fast south and schere
Als feil in nowmer, nymphis throw the flude
As laitlye with thare stelit, steuynnis stude
Of troiane schippis, by the coistis syde
A weile fer way, as ouer the streme thay glide
Thare king thay knaw, and al in karoling
About his schip went circulet, in ane ring
Amangis quham in speiche, the maist expert
Cymodotea, to the wale astart
And with hyr rycht hand, can the est castell
Do grip anone, that al hir bak ilk dele
Aboue the sey wattir, dyd appere
Beneth the calmet stremes, fare and clere
Wyth hir lest hand, craftely swymmys sche
Syne of thys wyse, spekys to Enee
That of thys wounderus meruel, knew nathyng
Walkis thou,
Cimodoces oratiō to Eneas.
or not thou verray goddis ofspryngOur prince and maister, Eneas now awaik
Takil thy schippis, and thy schetis slaik
[Page] We bene thy nauy, and thy flote quod sche
Bowit sum tyme of fir, and bich tre
Grew in the haly top, of mont Ida
And now as present, thou behald vs ma
Nymphes we bene, and salbe euermore
For as ȝone faythles Turnus, by the schore
Inuadit vs with glauis, and wyth fyre
On force constrenit, for the flambis schire
Thy cauilllis we, in sounder brak in hast
To seik throw the sey, as we war chaist
And than the moder, of goddis Cibeles
Hauing on vs compassioun, and piete
In this figure, has vs al translate
For euir mare, to be deificat
As goddesses, quhar [...]so vs likis best
Amang the fludis, for to leif and rest
Bot thy dere child ȝoung ascaneus stout
Besegeit is and closit, round about
With wallis foussy, and trynschis athir syde
Amid dartis or querellis fast dois glyde
And dreidful oistis, of sterne pepil latyne
By were enforsing, to distroy al thyne
Euandrus horsemen, clepit Archadianis
Mydlit samyn with he thrurianis
Quhen in thi help, thou sendis be the land
Thay placis now, quhare as thou gaif command
Can occupy, as biding the cunning
Bot turnus has determit, as certane thing
Grete garnisouns, to send betuix thaym sone
That ȝour oistis, sal not to giddir Ione
Get vp haue done, and sone in the mornyng
Al swyith as the brycht day begynnis to spring
Thy feris hale, thou first to harnes cal
And with thy scheild, inuisibil▪ thare withal
[Page cclix] Thy selfin schroud, quham mychty god of fyre
To the as ane maist souerane lord, and syre
Has wrocht and geuin, and with gold so bricht
The bordouris has ouergilt, and forgit at▪ rycht
Gif thou beleiffis ocht, my sawis in vane
The licht of day to morne, I schaw the plane
Huge hepis sal behald, in feild doung doun
Of rutulianis, by occasioun
Thus sayd sche, and departand with ane skyp
Be hir rycht hand, schowis furth, the schip
As sche that was, in that craft rycht expert
And throw the wallis, on the tothir part
Glidis away, vnder the fomy seis
A [...]s swift as ganȝe, or fedderit arrow fleis
That striuis for to pyngil for the wynd
The remanent, hyr followis fast behynde
Anchises son, the grete troiane Ene
Awounderis vnwitting, quhat thys suld be
And netheles his curage, dyd auaunce
With this ilk fatal, angurie or chance
Syne schortlie lukand, to the heuyn abone
On this manere can pray and maid hys bone
O blissit moder,
Eneas oratione
of the goddis quod heThat hallowit art in the mont Ide
Quham to the toppis of the mont, Dyndymane
And eik the towris, and cyties mony ane
Wyth renȝeit Liouns, ȝokkit to the chare
Ful tendir bene, and hartlie euermare
Be ȝou in batal, now my president
Be my protectour, deuly takand tent
As thys orakle, be hastyt to our wele
O haly goddes, wyth happy fute of it seile
Cum and assist, to thy awayne troyanis
No more he spak, bot wyth that word atanys
[Page] And thare recounter our fais, or thay land
Quhilk as thay fyrst set, fute vpon the sand
Wyth slid to cummyng, half delem affray
Or thay thare futesteppis ferme,
For towne is frēd ofttymis to hardy men
and tak arrayHap helpis hardy men, be myne awyse
That wele dare take on hand, stout interpryse
Thus said he, and tharwyth in his thocht
Deuysis quham, maist ganandly he mocht
Lede wyth hym to resist, and mete his fais
Or quham he suld, not from the sege vprais
Bot styll remane to ferme, and clois the toun
The wallis, and the trinschis Inuiroun.
¶ Eneas fra the schippys, landit hys oist
And turnus thame, assailȝeit at the se coist
IN the mene sessoun, the troyane Enee
Begouth hys folkis, from thare schippis hye
On briggis and on plankis, set on land
Mony abade the ebbing, of the sand
Quhill the swarf fard wallis, abak dyd draw
Than in the schaldis, dyd thay lepe on raw
And sum wyth airis, into the coggis small
Entillit to land, bot tho amang thame all
The prynce Trachon, can the schore behald
Thare as him thocht, suld be na sandis schald
Nor ȝit na land birst, lippering on the wallis
Bot quhare the flude went [...]yl, and calmyt al is
But stoure or bulloure, murmoure or mouyng
His steuynnis thidder stering, gan the kyng
And on this wyse, his feris dyd exhort
Now o ȝe walit floure,
Tarchontis exhortation to [...]is men.
of were at schortBend vp ȝour airis stiche, and rais ȝour schippis
Haist ouer the flude, bere to the sch [...]re wyth skippis
And with ȝour stelit steuynnys ane and all
[Page cclxi] Thys ground vnfreyndly, to hys and Inimicall
Do chere and cheif in sunder, lyke ane stok
Lat euery barge, doprent hir self ane dok
Na force I not, in syc porte by his mene
To brek the schyp, sa we the land astene
Fra Trachon had thir wordis, said but mare
Hys feris stertis ilk man, tyl ane are
The stowrand fomy bargis, dyd rebound
In rowand fast, towart the latyne ground
Quhil that thare stammes, tuke the bankis dry
And thare kelis stak, in the slyke fast by
But ony harme, or dangere euery one
Bot so dyd not, vnto thy schyp Trachone
For in the schald sche stoppis, and dyd stand
Vpoun dry channell, or ane bed of sand
Ane lang tyme, all to schakin with the flude
Quhyl fynalye thare rokkand, as sche stude
To bristis sche, and riuis al in sounder
Warpit the men amyd the fame thare vnder
The plankis hechis, and many brokin are
That on the streme went, fletand here and thare
Made to thare landing grete impediment
And sliddry gar, so from the wallis went
That of thare fete, war smytin vp on loft
Bot fynalie al drounkit, and forwrocht
Thay saiffit war, and warpit to the coist
Than na delay of sleuth,
Turnus arrayis [...] agains the troyonys.
nor fere nor boistWithheld Turnus, bot wyth hys hale armye
Aganis troianis, by the coist of the se
He did array, al samynin that stound
The trumpettis blew, thare bludy werelike sound
And fyrst in signe, of gud luke in the weris
Gne the routis, of the lauboreris
Or rural husbandis, inuadis and ouerset
[Page] And has the latyne commouns, all hale doun bet
By slauchter fyrst, of thare chyftane Theron
Amang al vtheris,
Eneas resistys hys enemyes and slayis Therane th [...]r captane with dyuers other.
the byggest men of oneQuhilk set apoun Eneas, or he wyst
Bot he throw out his sydis, his swerd has thryst
Persu the stalwart, platit scheild of steil
And throw the schynand, hawbrak euery dele
The giltin mailȝeis, makis hym na stede
For in the coist he tholis, dynt of dede
Syne smate he Lythas, and him has al to lorne
That of his dede moderis, wame furth was schorne
And to phebus god, was consecrate
And was so chancy, in his ȝoung estate
That the swerd, eschapit by hys hap
Bot not at this tyme, so the dedis gap
And not for thens, this douchty Eneas
Kelit the doure and stalwart, Cisseas
And put to deith, the bustuous Gyas strang
That with hys burdoun, al the routis dang
Thare strenthy handis, helpit thaym na thyng
Nowthir Herculis wappinnis, nor armyng
Mycht thaym defend, nor ȝit thare sire that hecht
Melanpus, and companȝeoun was in fecht
To Hercules in his sare Iourneis feile
Quhil he in erth, was liffand and in hele
And lo as Pharon cryis, and doys roust
With haltand wourdis, and wyth mekle voust
Eneas threw ane dart, at hym that tyde
Quhilk as he gapit, in his mouth did glide
And thou also, the fey greke Tydone
Quhylk strangly luffit, thir ȝoung childer Ichone
As thou the ȝoung C [...]iteus did persew
Quhais ȝowng berd begouth, to spring of new
And was alhale thy new lust and desire
[Page cclxii] Be the rycht hand, of this ilk troiane syre
Thare had bene made end, of thy amouris grene
And wrechitly had lyne dede I wene
War not the brethir, of the clane phortanis
Apoun Eneas assemblit, al atanys
In nowmer seuin thay war, and dartis seuin
All samyn thay kest, forcy and fyrie leuin
Of quham sum did, but harme of vthir dere
Stot from the scheild his hewmond or hede gere
And sum that wald haue hyt his corps in hy
Venus his haly moder, choppit by
Than to the traist, Achatis said Enee
Reik me dartis, and casting speris sayd he
That in the Grekis bodyis, fixt stude
Quhilum in troyis planis, bedyit wyth blude
And my rycht hand, sal thraw thaym so ilkane
On rutulianis, that nane sal fle in vane
Ane bustuous schaft, with that he grippit has
And incontrare, his aduersaris can tais
Quhilk flaw toward Meonys fast by
Out throw the scheild platit wyth stele in hy
Duschit the dynt, and throw the Coislottis glidis
Out throw the coist, persing baith the sydis
Vnto him stertis, Alchoner his bruthir
To bere him vp, when that he saw him schuddir
Wyth his rycht arme, bot throw his gardy sone
The grundin hede, and bludy schaft ar done
Furht haldand the self, randoun as it went
The rycht arme, from the schuldir al to rent
Apoun the mankit sennouns, hingis by
As impotent quyte lamyt, and dedely
Than Nymptoure, furth of his brotheris corps
Ruggis the runseoun, and with al his fors
It swakkis at Enee bot he ne mycht
[Page] Had tyll atteyne nor wound the nobill knycht
ȝit wyth the dynt, the grete Achates thee
He hurt and strenȝeit, has ane lytil we
Wyth thys come Clausus,
Clausus.
full of vassalageConfiding in his ȝouth, and flurist age
The curitanys wyth him, brocht in the preis
And with ane lang stif spere, ane driopes
Smate in the hals, vnder the chyn sa sare
That hym bereft, was in the place richt thare
Bayth voce and spreith of lyffe, and that na wounder
For hys neke bane, and throt was carue in sounder
That doun he duschis, wyth ane felloun rerd
Quhyl that hys forehede, ruschit on the erd
And of his mouth, ane pietuous thyng to se
The lopperit bloude, in dedethraw vodis he
Thre vtheris syne, this ilk clausus has slane
Borne in to trace of the Clan Boriane
And thre come fra, the ciete of Idas
And vthir thre, of the ciete of Ismaras
Be diuers chancis, put he all to dede
Alesus hym recounteris, in that stede
And all the barnage, come from Aurunta
That cald ciete, and thame followis alsua
To that melle, the son of Neptunus
That is to knaw, the wourthy mesapus
Quhilk into hors men, craft was maist expert
Now presis this syde, and now ȝounderwart
To roll abak, and to expell in ficht
Thare aduersaris, and mak thame tak the flycht
Thus by the coist, Asonia that tyde
Hard wolx the batall, apoun athir syde
As thocht sum tyme, amyd the large are
The contrar wyndis, striuis here and thare
Wyth braythfull blastis, in thare equale mychtis
[Page cclxiii] Nane lyst obey tyl vtheris, all so wycht is
Nowthir thay amang thame self, nor ȝit the cloudis
Nor ȝit the rageand seis, quhilk sa loud is
So that the bargane, lang standis in dout
Quha salbe vyctoure, and quha vnderlout
Sa forcely remanys, the elementis
Contrary vtheris, in thare awne ententis
Nane vthir wyse the troyane, oistis in feild
And latyne routis, ȝokyt vnder scheild
Metis in the melle, Ioned samyn than
Thay fewter fute to fute, and man to man
¶ How Pallas confortis / hys oist of archadee
Quhylk gaif the bak / and tuke purpois to fle.
BOt quhen that Pallas, at ane vthir syde
Persauit his archade, army that tyde
In sic ane place, had takin land at ants
Quhare as ane burne, had warpit round stanis
And bussys wyth the brayis doune had bet
That thay war in sa hard myscheif ouerset
As men not vsit for to go, fecht on fute
And thane constrenit, knew nane vthir bute
For scharpnes of that stede, bot leif thare hors
That wele persauit he, how that on fors
Thay gaif the bak, and schupe to take the flicht
The Latynis followand, thame in al thare mycht
Than quhile with prayir now, with wourdis sowre
Thare curage he inflambis in the stoure
Quhilk manere hauyng soith as is the crede
As vther poyntit remedie, at sic ane nede
My feris sayis he,
Pallas wyfe and stout exhortation to the troy [...]nis.
quhidder do ȝe fleI ȝou beseik be ȝour grete renowne
And be ȝour forcy dedis done of auld
And be ȝour princes, fame Euander bald
And be the oistis, and mony victoryis
[Page] That ȝe in were,
Desyryng them not to fle bot [...] to rary mā fully for ther natyf cuntre and prynces caus.
and batall wan fele syisAnd be my gude beleif, and hope that now
Wyth hale confydence, quhilk restis fixit in ȝou
As to atteyne, vnto my faders glore
To vndertak, sic dedis done afore
Do neuer for schame, vnto ȝour self that lak
To lippin in spede of fute,
For as the [...]inge of ane army is the distruction of the field.
and gyf the bakWyth swerdis dynt, behuffis vs perfay
Throw myddis our Inenyis, red our way
Quhare ȝounder sop of men, thikest in ane rout
ȝounder is the passage,
So is wysdom fortytude and stoutnes with a litil tarying the caus of wynnyng of the battell / as [...]e his awin e [...]empil he schawis to them immediatlye.
quhare we moist wyn outȝounder ȝour nobyll cuntre, wyll ȝe pas
ȝone way to wend exhortis ȝour duke Pallas
Here is na power, of diuinite
Nor goddis mycht, ganstandyng vs quod he
Nane vthir bargane, haue we in thir [...]echtis
Bot agane dedely, and wyth mortall wychtis
Als mony mortall bodyis, here haue we
And als fele handis, to debate the melle
Behaldis how the sey, wyth abstekile grete
Iuclusis vs, and at our bak can bete
On land is left, vs here na place to fle
Quhat wald ȝe ryn to troy, out throw these
Thus sayd he, and furth wyth or he wald ceis
Amyd his feris, he ruschit in the preis
Quhare as the routis, thykkest was in stoure
And fyrst of vthir, to his fatall hour
Hym me [...]s Lagus, ane Rutuliane
Qham first ouerrollit, with ane mekle stane
Throw gird his oist, syne with ane castin dart
Peirsing his rybbis, throw at the ilk part
Quhare bene the cupling of the rig bone
And the ilk schaft stak, in his corps anone
Pallas it Iogillit, and furth drew in hye
[Page cclxiiii] Quham ane Hibane, standing nere thare by
Wenit to haue caucht, bot the grip he falit
For as vnwar he stoupit, and deualit
Wod wroith for wo, of this myscheuus dede
Of his dere fallow, in this ilk stede
Pallas him keppit, sic wise on his brand
That all the blude vp to the hilt, and hand
Amyd his flaffand lungis, hid has he
On sic manere, that na man mycht it se
Syne pallas set apoun, Anthemolus
And Schenolus, that of the king rethus
Prince of marrubianis, ancient pepil bene
The quhilk Anthemolus, was that ilk I wene
Defoulit his faderis bed, incestuoslie
And had forlyne, his awin stepmoder by
And ȝe also stout gemmel, brether twa
Chylder and sonnis, vnto him Dawcia
Tymber I mene, and thy brothir Laryd
Amyd the feild, Rutulian did abide
ȝe war sa like, in forme and similitude
Na mycht discerne, betuix ȝou quhare ȝe stude
Quhilk maner errour, or sic misknawing
To fader and moder, is oft plesand thing
Seand thare childer, resembill ane liknes
Bot at this tym [...], has pallas as I ges
Markit ȝou swa, with sic diference
That by his keil, ȝe may be knawin from thens
For sa stude with the tymber thou art dede
Euandrus swerd, has smyttin of thy hede
And thy richt arme, of smytin o Laryde
Amyd the feild, lyis the beside
And half lyifles thy fingeris war sterand
Within thy neif dois grip, and faik thy brand
Than schame and dolour, mydlit baytht ouer ane
[Page] Behaldis the pepill Archane euer ilkane
To the bargane, aganis thare, Inemyes
For Pallas wourdis, maid thare curage ryse
And eik for thay beheld, before thare ene
His dochty dedis, thay him loue and mene
For Pallas than, through gird Rhetus the king
As he on cace glaid, by on char fleing
Na mare space was, of tary na delay
That Ilus deith, prolongit that ilk day
For agane the Ilo, with fell fere
Pallas addressit had, ane stalwart spere
Rhetus s [...]ert in betuix, and caucht the dynt
As he one case was, fle and feirs as flynt
From the handis the most forcy, teweras
And thy broder Tyres, that by the was
Ouer weltis Rhetus, in dede thrawis attanis
And with his helis smat, the rutuliane planis
Tumblit from his hie cart, chargit quhare he sat
And on the ground, reboudis with ane s [...]wat
And lyke as sum tyme, in the someris drouth
Quhen windis rysis, in the north or south
In sere placis, the herde at hys desyre
Amang the scroggy, rammell settis the fyre
Vulcanus oistis, of brym flambis rede
Spredand on brede, vpblesis euery stede
Than he that set the kendlyng, glaid and gay
Behaldis how that the law, dois make deray
Blesand and crakand, wyth ane nyse reuery
Nor vthir wyse, the archadanis in hy
Al samyn socht in feild, with al thare mycht
And made debate, to help pallas in fycht
Bot the Elesus, kene in battal
Thame to recounter, ettlis to assale
And gan himself wele, schroud vnder his scheild
[Page cclxv] Syne manfully ruschit amyd the feild
Quhare that he slew ane lacone, and feris
And Demodotus efter, in the preis
As him strimanius, by the gorget gryppit
With his bricht brand, his richt hand he of quhippit
And Thoas syne, so smat apoun the hede
With ane grete stone, quhyll mixt of blude all rede
The harne poplit out of the harne pan
This ilk Elesus fader, as witty man
For till eschew, his sonnys fatis strang
Hid him preualy, the thik woddis amang
Bot fra the auld, Elesus lay to de
And ȝeildis vp the breith, with wawland E
The fatall sisteris, set to hand anone
And gan this ȝoung Elesus so dyspone
That by Euandrus wappinnis, the ilk stound
He destynate was, to caucht the dethis wound
Towart quham Pallas, bowned has full sone
And in his renk, on this wise made his bone
Now grant thou god, and fader Tybyrine
Gude chance and fortoun, to this hede of myne
The quhilk I tais, apoun this casting spere
That it may throw, Elesus body schere
And ȝone harnes cote armour, and spulȝe brycht
Quhilk now so werelie, schynis on ȝone knycht
Sall hing apoun ane, aik fast by the bray
The god his asking hard, as he did pray
For quhil Elesus, vnauisitlye
Cled with his scheild, Imaonis him by
That was to him his freynd, and fallow dere
His brist stude nakit, but armour or gere
Quharia he pallas, dedly schaft resauit
Bot Lasus wilfull, his syde to haue sauit
As he that was, ane grete part of the oist
[Page] And list not suffir, with sic fere nor boist
Or slauchter made, be Pallas and deray
That his companȝeouns, suld caucht mare affray
Ruschit in the me lle, and first in his tene
Slew Abas, that grete bargane did sustene
The thikest or rout, of all the preis
Thare as maist tary, was or he wald ceis
This lusus all to sparpellit, and inuadis
Doun beting war, the barnage of Archadis
Doun beting eik war, the Ethrurianis
And ȝe also feil bodyis, of troianis
That war not put by greikis, to vterance
Than all the oistis semblit, with spere and lance
The chiftanis all Ioned,
The ionīg of the feild
with hale powerisThe hendmest wardis, swarmed all yferes
So thik in stale all, merrit wox the rout
One is mycht ony turne, his hand about
To weild his wappin, or to schute ane dart
Full douchteli [...] pallas, on the ta part
Enforcis him to greif, his fais that tyde
Lausus resistis, on that vthir syde
Thare age war not, fer indifferent
And of maist semelie stature, quhare thay went
Thay war excellent of bewtie, thay tway
Bot so it stude, that fortoun wele away
Wald nouthir suffir, to his realme resort
And netheles to mete, samyn at schort
As in to feild to preif, thare hardyment
The gouernour of heuin, omipotent
Lyst na way thole, for bilif eftar this
To athir of thame, thare dedly fatis I wys
To ane fer grete aduersare, remanis
As here anone dois, follow vnder anys
¶ Quhow that fei [...]s turnus has ȝoung pallas [...]
For quham his folkis makis grete dolour and mane
DVring this feruour, of the bargane sa
The haly nymphe, clepit Inturna
His brothir turnus, dyd monis and exhorte
To succour Lausus, and his folkis support
The quhilk Turnus, as in his spedy chare
The myd routis went sloppand here and thare
Beheld his feris debatyng wyth pallas
Lo now is tyme to desyst,
Turnus desiris to techt with Pallas
and let pasAl sic bargane quod he, ceis in hye
For I wyl set on pallas, enterly
Onelie to me, and to none vthir wycht
The victory pertenis, of sic ane knycht
Glaidlie I wald his fader, stude hereby
This interprise to derne, and to espie
Thus said he, and his feris at command
Vodit the feild, and al plane left the land
Than ȝoung pallas, seand rutulianis
Withdraw the feild sa swyith, and roume the planis
At the proude bidding, of the prince and kyng
Ameruellit ful gretely, of this thing
And ferlie can on turnus, to behald
Ouer al his bustuous body, as he wald
Rollyng his ene, and al his corps in hye
With thrawin luke, on fer begouth espye
Syne mouing fordwart, with sic wourdis on hye
To ansuere Turnus speich,
Pallas answer [...]
thus carpis heOwthir thou quod he, for ay belouit I sall
Of riche kinglie spulȝe, triumphale
Quhilk here I sal rent from mine aduersare
Or than sal be renownit euermare
Of ane excellent end, maist glorius
Do way thy boist, and mannance made to vs
[Page] For my fader, quham thou desiris besyde
Reputis all elike, quhow euer the chance betyde
And say and thus, amyd the plane furth flertis
The blude congelit, about archadane hertis
Turnus doun lepis, from his twa quhelit chare
And bownis fast towartis, his aduersare
Like as ane lioun from the hillis hicht
Amyd the vail, had scharply gottin ane sicht
Of sum proud bull, with his horn in the plane
Addressand him reddy to mak bargane
Cummis, bradand on the beist fast in ane ling
In sic like wise, Turnus to cunnyng
And quhen that pallas saw him, cum so nere
He mycht areik to him, ane casting spere
Formest he bownis to the ioynyng place
Gif so betid that fortoun, of hir grace
His Intirprise, for stout vndertakyng
Wald help him or support, in ony thing
As he that ȝoung was, and of strenth all out
Na wise compere to Turnus, sterne and stout
And to the grete goddis, in heuin abone
Apoun his maner prayand said he sone
I the beseik, thou mychty Hercules
Be my faderis gesning, and the ilk deis
Quhare thou strangeare, was ressauit to herbry
Alsist to me cum, in my help in hy
To performe this excellent, first iorneye
That turnus in the dede, thraw may me se
Sereif fra him, his bludy armour rede
And ȝaldand vp the breith, in the ilk stede
Mot with his eue behald, me him before
In hie triumphe, with our hand as victore
Grete hercules, the ȝoung man hard anone
And from the boddum of his hart did grone
[Page cclxvii] Hydand his smert, for reuth of Pallas ȝing
Seand the fatis wald haue his ending
And for ennoy, salt teres all in vane
Furth ȝettis ouer his chekis, thyk as rane
Tho Iupiter his curage to astabil
Thus to his son spak wourdis amyabil
Til euery mortal wycht, perfay
Determyt standis,
Iupiter comfortis his sone Herculs.
the fixit letter dayAne schort and vnrecouerabil terme is set
Of lyfe quhen al moist nedlingis pay that det
But to prolong thare fame by nobil dedis
Fra vertuus werk, that cummis and procedis
How mony sonnis, and dere childer sayd he
Of goddis kyn, vnder troy wallis he
War done to dede, and brytnyt blude and bone
So that amang al vtheris Serpedone
My tender get my kyn, and blude lyis slane
Forsoith also I say, the in to plane
The finale fate, awatis turnus in feild
The date and me this, approchis of his eild
On this wise spak grete Iouie, to hercules
And with that wourd, dis ene towart the preis
On the rutulianis feild, addressis he
And the ilk stound, ȝoung Pallas lettis fle
Wyth mekil force, at turnus ane grete spere
And syne anone, his bricht brand byrnyst, clere
Hyntis furth of the scheith, to mak debate
The schaft flew towart turnus, and him smate
Apoun his schulder, aboue the gardyis he
That rysis vmaist thare upon we se
And throw the bordour, of the scheild sa peirsit
Quhil fynaly in sum dele, it reuersit
And hurt ane part of turnus, byg body
Than turnus smitin ful of felony
[Page] Ane bustuous larice, with grundin hede full kene
That lang quhile tasit, he in propir tene
Lete gird at pallas, and thus wise said he
Consider ȝounkere gife, ouer lancis be
Better of tempir, and mare penetratiue
And with that word, the schaft flew furth belyue
So that the scharp poynt, of the brangland spere
Throw out amyddis, of the scheild can schere
Persand sa mony platis, of irne and steile
And sa feil plyis, of bull hydis ilk dele
All samyn couchit, in his targate strang
The bustuous strake, throw al the armour thrang
Thats [...]yntis na thing at the fyne hawbrek
Quhil thorow the coist, thirllis the dedely prik
Pallas no schrynkand, for the mortall dynt
In vane the haitschaft, of his wound hynt
For all togiddir, by the samyn way
The blude and saul, passis hine bayth tway
Apoun his wound anone, he ruschis doun
Aboue him rang his harnes, with ane soun
And that vnfreyndly, erth i [...]micall
That in his deith, he suld not stryke nor call
As was the gise, with bluddy mouth bate he
Turnus apoun him stand and carpis on hie
O ȝe pepill of Archadie, takis tent
And my wourdis, do rehers end present
To king Euander sayand him planly
That his son pallas, to him send haue I
In sic array, as that he has deseruit
And of my gentrice wil, ȝe be preseruit
To all estate and honour, funerall
With sic solace pertenyng, beriall
Of tumb and of enterement, as efferis
Na liuil thing perfray, in to thir weris
[Page cclxvii] Has him becoft, the freyndschip of Enee
And sayand thus, with his left fute has he
Pallas dede corps ouer weltit, or euer he stent
And syne about his sidis, sone has rent
His goldin girdill, passand ane grete dele
Quhare in was grauin, crafte lie and wele
Of Danais dochteris, the iniquite
How that the fyfty ȝoung men, shame to se
Was fully murdrit, on the fyrst nycht
As thay war spousit, to thare Ladyis brycht
The chalmeris porturit war, bespred with blude
Quhilk histories Euritioun, werkman gude
Had payntit wele, and wrochtful craftelie
In the wichty platis, of the gold massy
Of quhais spulȝe now, is Turnus glaid
Ioyfull and blyth, that it conquest had
O mannis mynd,
Mennys wyt nor reason can not se thinkis to cum
so ignorant at allOf thingis to cum, and changis quhilk may fall
Vpheit sone, in blynde prosperite
Can not be war nor mesure hald, with the
The time sal cum, quhen turnus sall perfray
Hate and warye this spulȝe, and this day
Desyring he mycht by, formekil thing
That he had neuer twichit pallas ȝing
About the corps assemlit, tho his feris
With mekill murnyng, and huge plente of teris
Apoun ane scheild pallas, body thay laid
And bare him of the feild, and thus thay said
O Pallas how grete doloure, and wourschip
To thy fader, and all his fellouschip
Sall thou rendir, and bring [...]ame said thay
This was to the in werefare, the first day
Quhilk first in batell, dressit the to go
The ilk for ay, has the bereft tharefro
[Page] And not the les, thy swerd leuis in planis
Grete hepis dede of the rutulianis
¶ The riche magus na ressoun / [...]ycht reskew
And priest him [...]ides / bayth Enes [...].
THo name incertane, rumoure nor deming
Bot so uir bodword, come thare and warnyng
Vnto Eneas of this grete myschance
Schawand how that his folkis, stude in ballance
As bot ane litil distance, al from dede
The time requirit, for to seke remede
Ane suc [...]our troianis,
Eneas [...] commo [...]yt, with the cruell [...]achter of his gud frend pallis sparis no man in the feild
quhilk had tane the flychtThan as a wod lioun, ruschit he in the fycht
And all quhom he arekis nerrest hand
Wythout reskew, downe mawis with his brand
The bitand blade, about him inuyroun
Amyd the routis, reddis large roume
Enrageit and inflammyt, thus in yre
Throw out the oistis, turnus that proud syre
Quhilk had this new slauchter made socht he
Ay prentand in his mynd, before his E
The gudly Pallas was sa stout and ȝing
And the grete gentrice of Euander kyng
The chere and feist, hyme made but ane strangere
Perodour al thing, how and quhat manere
He was ressauit and tretit thankfully
Syne of his band, of freyndschip and ally
With aithis sworne, and interchangit handis
Remembring tho, his promyses and commandis
Amouit in his hete, or euer he stynt
Foure ȝoung men, quyk he has in handis hynt
That borne war, of the ciete hecht fulmon
As mony syne, he takin has anone
Bred and vpbrocht, besyde the flude vsens
Quham that he ettilles, for to send from thens
[Page cclxix] To Pallas like to walkis, and obsequies
To strow his funeral fire, of birnand treis
As was the gise, with blude of prisoneris
Eftir the auld rites, in to mortall weris
Syne hynt Eneas, ane Perrellus lance in hand
And it addressis fer furth, on the land
To ane magus that subtell, was and sle
And Iowkit in, vnder the spere as he
The schaft schakand flew furth, about his hede
And he Eneas, in that samyn stede
About the kneis, grippit humelie
With pietuous voce, syne thus begout to cry
Be thy dere faderis goist, I the beseik
And be that gude beleif, quhilk thou has eik
Of Ascaneus vprising, to estate
This silly saul of myne, sa faynt mate
Thou sauf to myne awne son, and fader dere
I haue a house riche, full of mobillis sere
Quharin bedeluin lyis, ane grete talent
Or charge of fyne siluer, in veschell quent
Forgeit and pounsit, wounder craftely
Ane huge wecht, of fynest gold tharby
Vncunȝete ȝit, ne neuir put in werk
Sa thou me saif, thy pissance is sa stark
The troianis glorie, nor thare victorye
Sall na thing change, nor dymynew tharby
Nor ane pure saule thus hingand, in ballance
May sic diuisioun mak, nor discrepance
Thus said this silly magus, all in vane
Quham to Eneas,
E [...]eas answere
answeris thus aganeThy mony talentis of fyne siluer and gold
Quhilkis thou rehersand, here before has tald
Do keip vnto thy small childer, and airis
Late thame bruke wele, I consent it be tharis
[Page] All interchange, and ransonyng perfay
In this batal turnus, has done away
Now laitlie slaand ȝoung pallas alace
That reuthful harme, and that mischeuus cais
Felis baith Askaneus, and my faderis goist
For thay no litil thing perfay has lost
Thus sayand, by the helme him grippis he
With his left hand, and fast as he micht dre
Wryith doun his nek, quharm but mare abaid
His bludy brand, vp to the hiltis slade
Not ferthens, stude hemonides allane
Preist vnto phebus, ano thrinfald dyane
On quhais hedewymplit, haly garlandis
With thare pendentis, like to ane myter standis
His habit as the schene son, lemand lycht
And al his armour, quhite and birnist brycht
Quham Eneas assalit michtely
And can do chais out throw the feild in hye
That fleand stummerit, and to the ground went sone
The troiane prince, doun lowtis him abone
And with his brand him britnis, at deuise
In manere of ane offerand sacrifice
The large schadow of Eneas, in feild
Did hale the dede corps of this preist ouerheild
Serestus sortis vp, his armour gay
And on his schulderis, caryit has away
To hing as trophe, or signe victorial
To mars the god, quhilk Gradi [...]us is cal
¶ Quhat douchty chyftanis / of the latyne land
That day Eneas kelyt with / his hand
CEculus di [...]cendit, of Vulcanus blude
And vmbro eik, the stalwart chiftane rude
That come was, fra the montanis marciane
The bargane stuffis, reueland in agane
[Page cclxx] Bot Eneas discend, from Dardanus
Gane standis thame, full brym, and furious
And vnto ane hecht, auxurus in the feild
Of straik the left arme, all doun with the scheild
Quhilk had mad sum grete vant, spekand proudlie
Wenyng that in his sawis, by and by
Thare had bene grete effect, and hardyment
As thocht he wald extoll, in hys entent
Hys manhede to the heuyn, and starnes hie
And promyse to hym self, for hys bountie
Agyt Canois [...]aris, and lang proces of ȝeris
Now now he lyggis law, for al his feris
Syne baldly wyth, glayd curageas I ges
Agane Eneas, can tarquyntus dres
In schynand armour, wounder proud and gay
Of driop born, the nymphe or schyne may
To fawnus wynnyng, in the woddis grene
And to recounter Enee, inflamyt in tene
Kest hym selfin, bot the tothir but fere
Bure at him mychtely, wyth ane lang spere
Throw out his scheild of pais, and hawbrek fyne
And to the ground, can doun his hede declyne
All thocht he than, him humly besocht
And schupe to say mekil, al was for nocht
Hys pallat in the dust, bedowyne stude
And the body bathit, in the hate blude
Enee oue [...]weltis sayand, thir wourdis wyth all
Wyth troublit breist, and mynd Inimicall
Now ly thou thare,
Eneas wordis to [...].
that wenit the so wichtThat thou was ferefull, vntyl euery wicht
Thy best belouit moder, sall the not haue
To erd as custome is, nor delf in graif
Na do thy bones, honour with syc cure
As thame to lay in faderis sepulture
[Page] Bot sall be left, to the wylde beistis fude
Or than the spate, wattir of this flude
Sall bere the, in the depe, and thareon raw
With emptiue throttis, sall thy banis gnaw
Thir sey monstouris, in thare wod rage
And lape thy blude, thare hunger to assuge
Syne but delay Antheus, and Licas
Quhhilkis that of Turnus, first warde ladaris was
Persewis he and also, Neuma bold
And Camerthes brycht schininge, al of gold
Son of the manly Wolstens, capitane
In all the fertill ground, ansoniane
The richest man, and king was this Wolstens
Of Amytles the ciete, of silence
And like as Egioun, the king of Gyandis
Quhilk had thay, ane hundreth armes & handis
And fifty mouthis of quham, the fyre did schyne
As he in to the battall, Gigantyne
Incontrare Iouis thunder, and fyre slaucht
With als mony drawin swerdis, faucht
Clatterand in bargane, with sa mony scheildis
The samyn wyse enrag [...]ing, throw the feildis
Went Eneas as victor, with ouer hand
Fra tyme that anys, bedyit his birnist brand
And wet he had, in hate rutuliane blude
So that also, in this ilk furie wod
He draif at Nypheus, amyd the breist bane
Set in his foure quhelit, chariote allane
Bot fra the hors on fer, did him espye
So grym of chere, stukand sa bustudusly
For fer they stert abak, and furth can swak
The duke Nipheus, wyde apon his bak
And brak away with the carte, to the schore
With stendis fell, and mony bray and snore
[Page cclxxi] The self stound amyd, the preis fute hote
Lucagus enteris, into his chariote
With quhite hors drawand, wounder lustelie
His brother ligere, sittand nere him by
This ligere led the renȝeis, with his hand
Bot bald Lucagus, swakkis ane burnist brand
Eneas mycht not suffir, nor sustene
Of thame sic feruoure, in that felloun tene
Bot ruschit furth, and with ane grete spere
Forganis thame can, into sicht appere
Quham to this ligere carpis, apoun hie
Thou seis not Diomedis, stedis here said he
Nor ȝit Achilles chare, persauis draw
Thocht athir vniquest the in feild, we knaw
Nor ȝit the troiane, planis behaldis thou
The end of thy age, and of bargane now
Sall be maid in thir landis, on this ground
Sic wourdis vane, and vn semelie of sound
Furth warpis wyde, this ligere fulichelie
Bot the troiane baroun, vnabasitlie
Na wourdis pres, to render him agane
Bot at his fa let fle, ane dart or flame
That hit Lutagus, quhilk fra he felt the dynt
The schaft hinging, in to his scheild but stynt
Bad driue his hors, and char al fordwert streicht
As he that him addrest, to the feicht
And strekit furth, his left fute in to his chare
Bot sone Eneas spere, was reddy there
Beneth his schynand, scheild [...] law
So that the grundyn hede, the ilk thraw
At his left flank or lisk perfit tyte
Quhill clare out ouer, the chariot is he sinyte
And on the ground weltis, in the dede thrawis
Quhom on this wise, with soure wordis and sawis
[Page] The pieteous Eneas, begouth to schyde
Lutagus sayd he, forsoith as at this tyde
Na slaw cours, of thy hors on weldy
Thy carte has rendrit, to thy Inemye
Nor ȝit nane vane wrinchis, nor gaistis quent
Thy chare constrenit, bakwart for to went
And magre thyne wythdraw, the fais grippis
But lo now of thy fre wyll, as thou skippis
Out ouer the quhelis, of thy carte god wa [...]
Leiffand the renȝeis, and hors al desolate
This beand said, the hors renȝeis he hynt
The tothir fey bruthir, or euer he stynt
Lap fra the cart, and lurkand pieteously
Vp heuand his bare handis, thus dyd cry
O troyane prynce, I lawly the beseik
Be thyneawne vertuis,
A Humbyl supplication.
and thewis meikAnd be thy parentis, maist of renowne
That syc ane child, engendrit has as the
Thou spare this sylly, wofull saul at leyst
Haue reuth of me, and admyt my request
Wyth wourdis fele, as he thus gan requere
Enee at last on this wyse, made ansuere
Syc sawis war langayr, out of thy mynde
Sterff the behuffis, les than thou war vnkynd
As for to leif, thy brother desolate
All hym allane, na fallow the samyn gate
And tharewych all, the hirnys of his goist
He rypit wyth the swerd, amyd his coist
So tyl hys hart stonndis, the pryk of deith
He weltis ouer, and haldis vp the breith
Thys dardane prynce, as vyctour thys in were
Sa mony douchty corpis, has brocht on bere
Amyd the planis, ryddand large gate
As dois ane routand, ryuererede on spate
[Page cclxxii] That for hys dyntis, wox hys fais agast
As for the ferefull, drumly thunderis blast
Quhyl fynalie Ascaneus, the ȝoung page
And the remanent, of troyane barnage
Quhilkis war as sayd is, besegeit in vane
Thare strenth has lesit and taken has the plane
¶ Iuno rycht quently / causis Turnus to [...]
Ane fenȝete figure, persewand of Enee.
THe ilk stound, of his awin fre volounte
Ioue callis Iuno, and thus carpis he
O thou my sister germane, and my fere
My best belouit spous, maist leif and dere
Thyne opinioun, has not dissauit the
As thou beleiffit now, may thou not se
How venus dois sustene and fortyfye
Thy troyane routis, and pussance by and by
Nane actiue handis, nor stout myndis I mene
Nor bodyis reddy, all perrell to sustene
Haue thay, thou may se be experience
Quham to Iuno, wyth humyle reuerence
Ansueri [...] sueit, and maist gudlie husband
Quhare to list the renew, my sorow at hand
As careful wycht, that lykis not syc bourdis
All efferit of thy fatall, dredefull wourdis
I am bestad, bot war I now I wene
Als strangly belouit, as I sumtyme haue bene
Thocht ȝit god wa [...]e, accordit so to be
Baith to my honour, and thy dignite
I say war I belouit, as I was are
Thou Ioue almychty, rengand euermare
Suld not deny me, so sobir ane thyng
Bot that I mycht withdraw, at my lyking
Furth of the feyld Turnus, and him saif
Vnto his fader Dawnus, that ouer the laif
[Page] Belouit hym as ressoun, wald quod sche
Now sal he perische, and now sal he de
And sched his gentyl blude so pacient
In greuous panys, be troianis tort and rent
And neuer the les, his kyn original
Is renownit, of godlie flok rial
Discend of our sede, and heuynly clan
Fra god Pilumnus, to rekin the ferd man
And eik thou wat, ful oft with large hand
Wyth mony oistis, and rycht fare offerand
Thy tempillis, and thy altris chargit has he
In wourschip of thy mychtye maieste
The souerane king, of heuyn etheriall
In few wourdis, maid ansure thus at al
Gif thou askis me, respit or delay
Bot for ane tyme, or till ane certane day
Of thys euident deith, of Turnus ȝing
Desiring I suld grant the, sic ane thyng
Al thocht he mortal, be richt sone we knaw
I leif the to remoue him, and with draw
And from thys instant perrellis hard sate
Steil hym away, and gyde hym by thy gate
For sa long space,
Iupiter, grantis.
ȝit restis at wil of meTo lenth hys lyffe,
Iuno, turnus [...] for a tyme
quhilk I the grant quod heBot gif sa beis, that vnder thy requeist
Mare hie pardoun, lurkis I wald thou ceist
For gif thou wenys, that al the victorye
Of the batall, and chancis by and by
May be reducit, and alterit clare agane
Ane mysbeleue, thou fosteris al in vane
To quham Iuno, on this wyse sayd wepyng
Quhat harme mycht fall, thocht be sum takin or sing
Thow schew thy mynd, and grantit that quod sche
Quhilk by wourdis, of fatal destany
[Page cclxxiii] Now grounschis thou, to gif or to concede
That is to say, quhat force, thocht thou in dede
Woldest repreif, and ratyfy agane
That Turnus lyffe, ane lang tyme suld remane
Bot now approchis, to that Innocent knycht
Ane fereful end, he sal to dede be dycht
Or than my sawis, ar voyde of verite
And O wald god, that rather so suld be
That I dissauit war bot with fals drede
And that thou list, as thou has mycht in dede
Thy fatal promyssis, and thy statutis strange
In bettir purpois, to translate and change
Fra sche thir wourdis, had sayd the ilk tide
Doun from the heuin, sche lete hir selfin [...]yde
Before her driuand, ane tempestuous wynd
And al about, before and eik behynd
Within ane cloude of myst, circulit clene
Sche throw the are, bownit furth thys Quene
Towart the Troyane oistis in the planys
And to the tentis, socht of Laurentanis
This goddes than, furth of ane bois cloude
In liknes of Enee, did schape ane schroude
Ane vode figure, but strenth or curage bald
The quhilk wounderus, monstoure to behald
With troyane wappinnis, and armour grathis sche
With scheild and helme, and tymbret set on hye
Be semblant, like Eneas godly hede
And thareto eikis, sche in euery stede
Quent fenȝeit wourdis, faynt, and counterfete
With voce but mynd, or ony vthir consate
And fenȝeis eik hir counterfete and pasis
Sic lik as that thay say, in diuers placis
The wrachis walkis, of goistis that ar dede
Or as the slepy dremes fra stede to stede
[Page] Fleand in sweuyn makis illusiouns
Quhen mennys mynd, oft in driuylling gronys
And all before the forefront of the feild
Rycht haltanlie as curagious vnder scheild
Musturis thys ymage, that wyth dartis kene
Aggreuit Turnus, and did him child in [...]
Prouocand him, to bargane and to Ire
And Turnus tho als hate as any fire
This figure did inuade, and thare at he
In grete dispite, ane quhirland dart let fle
Bot this ilk schaddow, as sum dele addred
Turnit about, and gaif the bak and fled
Than Turnus wenyng Enee, had tane the flycht
And all awounderit, of that selcouth sycht
Wythin hys mynd, ane, vane comfort caucht he
And cryis loude, quhiddir fleis thou now Enee
Leif neuer for schame, thus desolate and waist
Thy new alliance, promist the in haist
Of lauinia the spousinge, chalmer at hand
And al this ilk regioun, and this land
Quhilk thou safer, has soucht out ouer the se
My richt hand sal the sauyn, gif quod he
With sic wourdis, he schoutand did persew
And ay the glymmerand brand, with schuke and schew
Na thyng persauand, how this myrth and blis
Away quyte with the wynd, bewaffit is
On cais thare stude, ane meikle schip that tyde
Hir wail Ioned, til ane sthore rolkis syde
Wyth plankis, and wyth briggis laid on land
The entre reddy graithit, wele thay fand
In the quhilk schip Osynus king I wys
Come laitely from the ciete of Clusis
Thiddir went this wrayth, or schado of Enee
That semyt all abasit, fast to fle
[Page cclxxiiii] And hid hir derne, vnder hichis therin
Na slaware Turnus, haistis hym to ryn
That but delay, he spedis to this schip
Ran ouer the brig, and Inwyth burd can skip
And skars was enterit, in the fore castell
Quhen saturnus douchter, saw hir tyme befell
That sone the cabyl, in sonder smitis sche
And fra the schore, draif the schip throw the se
Bot Turnus absent, thus this samyn houre
Eneas serchis throw, amyd the stoure
And in his renk, quham euer he met lay dede
Full mony ane man, he kelit in that stede
And tharewyth all his lycht, and fenȝeit goist
Fra tyme the schyp was chargit, fra the coist
Na langer sekis, hirnes hyr to hyde
Bot flew vp in the are, the samyn tyde
And all desoluit, in ane dyrk cloud
The mene sessoun, can force of wyndis loud
Turuus fer furth, amid the depe se dryue
He dyd behald, about him tho belyue
All Ignorant, quhat wyse thys chance was wrocht
And of hys lyffe sauyng, nothing he roucht
Wyth handis Ioned vp, towartis the heuyn
Sic Wourdis he furth brade, wyth drery steuin
Almychty fader,
Turnus oracion to Iupiter.
of the heuinnys hyeAs thou me reput, on sic wyse to be
Confusit in this schame, for myne offence
And wyl I suffir sic torment, and penance
Quhidder am I driue, or from quhens am I cummyn
Quhat maner eschewing or fleing haue I mummyn
In quhat estate, sall I returne agane
Sall I neuir se, the wallis laurentane
Or euir est my tentis, sall I se
Quhat may ȝone oist of men, now say of me
[Page] Quhilkys my querrel, and me followit to feild
Quhom now allace now fethtand vnder scheild
ȝounder schame to say, the harme so wikkitly
Reddy to myschevus, deith beleft haue I
Lo I behald, thaym fleand pail and wan
And heris the granyng of mony douchty man
In my defalt, falland fey to the ground
Quhat sal I do, allace the woful stound
Or quhilk land, thocht ane thousand tymes I steruit
May swelly me so depe, as I haue seruit
Bot O ȝe wyndis, rather haif mercy
On rolkis, and on craggis by and by
Do swak this schip sen here na erth I se
And haue of wrechit Turnus sum piete
Quhil of hys fre wil stad, on this manere
Beseikis ȝou, with al hart [...]te prayer
Do warp my body, in the schald vnkend
Fer furth in Cirtis, at the warldis end
Quhare Rutulianis, me neuer fynd agane
Sa that no fame, nor rumoure may remane
Efter my deith, of this schamful trespas
And sayand thus,
Turnus fallis in dispayer.
in mynd he did compasFul mony chancis rolland to and fro
Quhidder gif he suld, for propir lake or wo
Into this furie, smyte him wyth hys brand
And thrist the bludy blade, in with his hand
Throw out his ribbis and sched his hart blude
Or than to swak hym self, amyd the flude
Swymmand to seik, the nerrest coistis bay
In feild agane, the Troianis to assay
Athir way to assay, thryis preissit has he
And thryis him styntis, Iuno Quene moyst hie
Hauand compassyoun, of this ȝoung man bald
And can assuage hys mind and hand withhald
[Page cclxxv] Furth held the schip, slyda [...]d out ouer the studis
Wyth prosper wynd, and followand tyde sa, gude is
Quhil he is caryit, souirly throw the se
Tyll Ardea his faderis, auld cietie
¶ In turnus stede, Mezentius dyd succede
Relyt doun his fayis / and spulȝet of thare wede
DVryng this quhyle, in the fatis merciall
Mezentius mouit, wyth furoure bellicall
By instigatioun, of Ioue in that nede
Gan to the batall, in his place succede
And the troyanis to inuade,
Exempyll of a [...] man of [...].
na thing sparisThat semyt proude, as al the feild war tharis
Than samyn to recounter, him attanis
Semblit the hale oistis, of Ethrurianis
And all assailȝeit, mezentius allone
Aganis ane man, thare routis euery one
Inflammyt all in malice, made persutis
And thik as hale schoure, schaftis at him schutis
Bot he lyke to ane ferme rolk, quhilk we se
Screkyt on lench, amid the large se
Situate agane the, rageand wyndis blast
And brym wallis, boldynnand wounder fast
From all that violence, dois hym self defend
And hale the force, sustenis to the end
Baith of the heuynnis, and bir of seis rage
Remanand vnremouit, ferme in his stage
Als sterne standis, menzentius in that stound
And fyrst he has fyllit, and laid to ground
Hebrus the son, of ane dolitaone
And him besyde, Licagus slew anone
And Palynus eik, accustumate to fle
Bot wyth ane stane, Licagus britnythe
Quhilk afane montane, semetane grete nuke
With quhom him on the visage, he ouertuke
[Page] And Palynus [...]och, Sennouns smate in tway
Made him sa slaw, he mycht not fle away
Thare armour syne, to lausus geuin has he
To were on his sulderis and croun on hie
The crestis set, the quhylk so rychely schane
He slew also Euancus ane troiane
And mynas syne, he kelis in the feild
Quhilum to Parys companȝeone, ane euin eild
Quham one ane nycht Theana, gude and fare
To hys fader Amytus, in troy bare
Quhen Hecuba, douchter of Cisseus
Dremyt sche was grete (the story tellys thus)
Wyth ane fyre brand, and the self nycht
Was deliuer of paris the fey knycht
Quhilk in his natyue ciete maid his end
Bot thare feildis laurentyne vnkend
With haldis now, the body of Mynas
So brym in stoure that stound, mezentius was
Like to the strenthy sanglere,
A comparison.
or the boreQuham houndis quest, with mony quhryne and rore
Doun driuing from the hychtis, made descend
Quhilk mony wynter to fore had him defend
In vesulus, the cauld montane hie
That is ouerheildit, wyth mony fir tre
Or than the bustous swyne fed wele that bredis
Amang the buskis rank of risp and redis
Beside the laik, of laurent mony ȝeris
Quhen that he, is betrappit fra hys feris
Amyd the hunting ralis, and the nettys
Standis at the bay, and vp the birsis settis
Graissand his tuskis, wyth austerne fyrie ene
With spaldis hard and harsk, awful tene
That nane of al the hunt mene thare present
Him to aggreue, has strenth or hardyment
[Page cclxxvi] Nor dar approcheing, wythin his bit [...]ere
Bot stand [...]nd fer on dreich, wyth dart and spere
Assouerit of his reak, the beist assayis
With felloun schoutis, bustuous cryis and brayis
Nane vthir wyse, stude the tuskane rout
This stalwart knicht, Mezentius about
And thocht thay iust caus, had of wraith and fede
Thare was nane of thaym, durst hym put to dede
Nor curage had with drawin, swerd in hand
Hymtyl assayle, nor mach apoun the land
Bot wyth takillis, and casting dartis on fer
Thay warp at hym, but durst nane cum nere
And wyth huge clamour, him infestis that tyde
He vnabasit, about on euery syde
Behaldis girnand, ful of propir tene
And with his scheild, choppit by schaftis bedene
Furth of the ancient boundis, of chorit tho
Was cumming ane greik, quhilk clepit was Arto
That fugitiue, into his lusty hete
Had left his spousale treuth plicht, vncomplete
Quham as Mezencius, saw amyd the rout
Him greuand sore, as werioure sterue and stout
And saw the plesand plumes, set on hicht
Of his trymbrel, and eik the purpoure bricht
Quhilk of his treuth plicht, luf he bare in syng
Than like ane hungry Lyoun, rummissing
Constrenit by hys empty, rageand maw
The beistis dennys, circuland al on raw
Gif he on cais espies, ane swyft ra
Or the ȝoung hart, with springand tyndis twa
Ioyfull he bradis, theron dispituusly
Wyth gapeand goule, and vprysis in hy
The lokkeris, lyand in his nek rouch
And al the beistis bowellis, thrymlis trouch
[Page] Hurkilland thareon, quhare he remanit and stude
His gredy gammes, bedyis with the rede blude
On the samyn wyse, Mezentius rycht baldly
Mydwart hys fais rout ruschyt in hye
Doun smytis fey atroun, amyd the oist
That in the ded thraw, ȝaldand vp the goist
Smate wyth hys helys, the ground matalent
And brokin schaftis, wyth hys blude bysprent
Thys ilk Mezentius, eik dedenȝete not
Tosla Orodes, quhilk than was on flocht
That is to knaw, quhylk frawart him he went
And repute na wyse, as by hys entent
Sic an steand, to wound into hys bake
Vnwarnist, quhen he na defence micht make
Bot ran about, and met him in hys rais
Than athir man, assemblit face for face
Orodes was of prettik, mare al out
Bot the tothir in dedis of armes mare stout
That to the erth, ouerthrawin he has his fere
And possand at hym, wyth his stalwart spere
Apoun him set his fute and thus, he sayd
O now my feris beis, baith blyith and glaid
Lo ane grete partye, of this were but leis
Here lyis at erde, the douchty orodes
His feris samyn, rasit vp ane cry
Wyth Ioyus sound, in sygne of victory
And blew the prise triumphale for his deith
Bot this Orodes, ȝeldand vp the breith
Vnto Mezentius carpis thus on hye
Me vnreuengit, thou sall neuir victor be
For wele I wate, that sone I sal be wrokin
Na for al thy proude wourdis, thou has spokin
Thou sal not endure, into syc Ioy
Bot siclyke chancis, and sembland ennoy
[Page cclxxvii] Abidis the thocht, thou be neuir sa bald
The samyn feild, sall thy dede corps withhald
To quham Mezentius, smyland sayd in tene
Thou sal de first, quhat euer to me foresene
Or prouidit has almychty Ioue, quod he
Quham fader of goddis, and king of men clepe we
And sayand thus, the schaft the ilk thraw
Furth of his wound, and body did he draw
To Orodes the hard reist, dois oppres
The cald and Irny slepe, of deithis stres
And vp the breith, he ȝeld anone ful richt
Wyth ene closit, and euirlesting nycht
Cedicus al to trinschit, Alchatous
And Sacratoure, to ground laid Hydaspus
Rapo, ane Archade, has Partheneyus slane
And Orses wounder, big of blude and bane
And Mesapus kelit, the stout Clonyus
And Erithathes, with lithaonius
The formest lyggand, at the erd he ouer raucht
That by his hedstrang hors, ane fal had caucht
And lathaonius eik ane futeman he
Lichtit on fute, and slew in the melle
Aganis him then, went ane man of arge
Hate Lytyus bodyn, wyth spere and targe
And by the way, Valerus gud in nedis
Not inexpart, in douchty cldaris dedis
Recounterit him, and put him to the dede
Salius ane troyane, in the samyn stede
Atronius slew, and Nealtis expert
To schute the steand arrow, or casting dart
Quhilk inuadis, ane man or he be war
Slew S [...]lyus wyth schot beand on far.
¶ How Eneas the ȝoung Lausus has sla [...]
Quhilk f [...]ed hys fader hurt in the bargane.
THus aufull Mars, equale with his brand
He sorow rasit apoun, athir hand
Huge slauchter made was, and sere wonndis wyde
Thay kele and are bete doun, on euery side
That samin in the feild, thay fall in fere
Baith the victouris, and thay that vincust were
And nowthir partie wist,
Monye slane of both partyis.
nowthir he nor heTo saif him self, or quhare away to fle
So that the goddes, in Iouyis heuinly hald
Had compassioun, and reuth for to behald
The wraith and Ire, of athir in the fichtis
That sic distres rang, amang mortall wichtis
Venus towart the troyane, side [...]uke tent
Aganis quham all, full matalent
Saturnus dauchter Iuno, that full bald is
Towart the partye, aduersare behaldis
And the paile furoure, of Thisiphone
Walkis wod wroith, amydwart the melle
Bot principale mez, all engreuit
With ane grete spere, quharewith he feil mischeuit
Went brangland, throw the feild all him allone
Als bustuous, as the hidduous orion
Quhen he on fu [...]e wod, throw the mekylse
Scherand the streme, with his schuldderis hie
Aboue the wallis, of the flude apperis
Or like ane anciant aik tre, mony ȝeris
That grew apoun sum mountane, [...]oppis hycht
Semand so hie, to euery mannis sicht
Quhilk thocht his rutis, sprede in the ground all sydis
His crop vpstracht, amyd the cloudis hydis
Siclike mezentius, musturis in the feild
Wyth huge armour, baith spere helme and scheild
Aganis quham Eneas, fast him hyis
Fra tyme amyd the rout, he hym espyis
[Page cclxvxiii] The tothir vnabasit, al reddy thare
The cummyng of his douchty aduersare
Abydis stoutly fermyt in his force
And massalie vpstude, wyth bustuous cors
And mesurand with hys E, als large spayis
As he mycht thraw, ane casting spere thus sayis
My rycht hand, and this fleand dart mot be
Quhilk now I cais, as verray▪ god to me
Assistyng to my schot, I you beseik
For I awow, and here promittis eik
In sing of trophe, or triumphale meith
My louyt son Lausus, for to cleith
With spulȝe, and al harnes rent quod he
Of ȝounder rubaris body, fals Enee
Thus sayd he, and fra his hand the ilk tyde
The casting dart, fast birrand lattis glyde
That fleand stlentis, on Eneas scheild
Syne staudand fer, on roume ȝonde in the feild
Smat wourthy Achores, the ilk thraw
Betuix the bowellis, and the ribbis law
Anthores ane of grete Hercules feris
That come from Arge, into his lusty ȝeris
Inherdand to Euander, the Arthade
And had his duellyng, and his residence made
In Palentyne ciete, Italiane
Vnhappely now liggis thus doun slane
All of ane wound, and dynt within the fycht
Addre [...]ssit was, towart ane vthir mycht
He deand he beheld the heuynnys large
And can behald his swete cuntre of arge
Than the reuthful Eneas kest his spere
Quhilk throw mezentius, armour dyd all schere
Throucht gird his arge platit thryis wyth stele
And throw the co [...]chit lynnyng, euery dele
[Page] And thrynfald playis, of the bullis hydis
That law doun in his flank the dynt abydis
Bot it bereft him nowthir lyffe ne mycht
Eneas the quhilk was expert in ficht
Ioyfull quhen that, Mezentius blud saw he
Furth hynt hys swerd, that hang law by his the
And feruently, towart hys fa can pas
Quhilk for the dynt sum dele astonist was
Quhen Lawsus saw this auenture of were
He wepit wale sare, for hys fader dere
So wo begone, become thys lusty man
That salt teris, fast ouer hys chekis ran
Forsoith I sal not ouer slip in this stede
Thy hard myschance, lausus and fatale dede
And thy mayst douchty actis bellical
O fresche ȝoungkere, maist ding memorial
I sal rehers, gif ony fayth may be
Geuin to sa grete dedis of antiquite
With this Mezentius, menȝeit drew abak
Harland his leg quharin the schaft stak
That quhare he went, he beris ouer the feild
Hys Inemyis lance fast, fixit in his scheild
Betuix thaym ruschis in, the ȝoung lawsus
Amyd thare wappinnis, sterne and curageus
Him self has set for to sustene the fycht
Vnder Eneas richt hand rasit on hycht
That reddy was to smyte, ane dedely wound
Insteppis he, and baldlie the ilk stound
The bytand brand, vpheuit keppit he
And can resist, and stent the grete Ene
His feris followis, with ane felloun schout
Quhil that Mezentius, of the feild wan out
Defend and couerit, with his sonnys scheild
Thay cast dartis, thikfald thare lord to heild
[Page cclxxix.] Wyth schaf [...]is schot, and flanys grete plente
Perturband thare feirs aduersare Enee
That al enragit, his souir targe erekkit
And thare vnder hym haldis, cloisly dekkit
And lyke as sum tyme cloudis,
A comparison.
bristis attanisThe schoure furthȝettand of hoppand halestanys
That al the plowmen, and thare hynes in hy
Fleis of the croftis and feildis, by and by
And eik the trauelloure, ȝound vnder the wald
Lur kand withdrawys, to sum souir hald
Owthir vnder wattir brayis, and bankis dern
Or in sum craggis clift, or depe cauerne
So lang as that, the schoure lestis on plane
That he may quhen, the son schynes agane
Exerce hys Iournay, or his werk als fast
Siclike Ene wyth schot, and dartis cast
Was all ouer held, and vnbeset ilk syde
Quhill he the preis, of batall, styntis that tyde
And al thare force, sustenit and deray
Repreuand lawsus, thus begouth to say
And mannysand him, wyth brand of blude all rede
Quhiddir haistis thou, sa fast apoun thy dede
Or quhow dar thou, vndertak into ficht
Syc interpryse, quhilk is aboue thy micht
Thou art not wise, thy tendir hart quod he
And reuthfull mynd, all out dissauis the
Bot for al this ȝoung, Lausus then al hale
Wald no wyse ceis, Eneas to assale
Than heiar rais the wraith, and felloun Ire
Of the ilk manfull troyane, lordly syre
And eik the fatale sisteris, tho in dede
Had wymplit vp, this Lausus lettir threde
For so Eneas stokkis, his stiff brand
Throw out the ȝoungkere, hard vp tyl his hand
[Page] That swerd before, made mannysyng and boist
Throw gyrd that gentyl body, and his coist
His tergate peirsand, and hys armoure lycht
And eik his coit, of goldin thredis bricht
Quhilk his moder him span▪ and to conclude
His bosum al has fillit of hait blude
Sone eftir is the spret, of lyffe furth went
Doun to the goistis law, with sad entent
And left the body dede, and hyne dyd pas
Bot quhen Anchises son, feirs Eneas
Beheld his vult, and contenance in deing
His swete vissage sua, in the dede thrawyng
Becummyn wan, and pale on dyuers wyse
He sychit profoundlye, owthir twis or thryis
And draif abak hys hand, and reuch has hynt
For sa into his mynd eftir the dynt
The ymage, of hys faderly piete
Emprentit was that▪ on this wise said he
O doughty ȝinglyng, wourthy to be menit
Wourthy to be bewallit, and complenit
Quhat sal the reuthful, compacient Enee
For sa grete louabil dedis render the
Or quhat may he, the ȝelde sufficient
For sic naturale, and Inborne hardyment
Thyne armour quharof, sum tyme thou reiosit
With the I leif, for ay to be eniosit
Vnto thy parentis handis, and sepultre
I the beleif, to be entirit quod he
Gyf that sic manere, of tryumphe and coist
May do thame plesure, or ellis into thy goist
Bot thou vncilly chyld, sa wyll of rede
Do counfort here, wyth thy lamentabyl dede
That thou ouer machit art, and thus lyis slane
Be the gretest Eneas, handis twane
[Page cclxxx] Syne he his feris, can repreif and chyde
That thay sa lang, delayit him besyde
Makand na haist, to bere his corps away
And he him self, betuix his handis tway
The dede body vp lyftis, fra the ground
That with rede blude, of his new grene wound
Besparkit had, his ȝallow lokkis brycht
That ayre was kemmyt, and addressit rycht
¶ Fra mezentius knew ȝoung Lausus decei [...]
Him to reuenge, his lyfe loist in the pr [...]is
THe mene sessoun his fader, with his feris
Doun at the flude syde of tyberis
Stanchit his woundis, with water by and by
Weschand the swete, and blude from his body
His helme of stele, besyde him hang wele ne
Apoun ane grane or branche, of ane grene tre
His vthir wechty harnes, gude in nede
Lay on the gers, besyde hym in the mede
His crafty chosen verlottis him about
And he ful sore woundit, all in dout
Stude lenand with his wery nek and bonis
Out ouer ane bowand tre, wyth sary grones
Hys wele kemmyt berde, hingand doun ful straucht
Vpon his breist, vntil his girdil raucht
And fele tymes, on Lausus menys he
Prayand ful oft, he micht him saufelie se
And mony messengeris, vnto him has send
To wythdraw hym the feild, and to defend
That he abyde, na langare in bargane
And schaw for hym, quhat, sorow his fader had tane
Bot than Lausus dede▪ out of the feild
Hys woful feris, caryit apoun ane scheild
Wepand sa grete ane man, was brocht to ground
And disco [...]fest, wyth sa grislie ane wound
[Page] Mezentius mynd, and consait the ilk tyde
Suspekand the harmes, quhilkis war tho betyde
On fer considerit, the caus of thare murnyng
And on his canois hare, the dust can slyng
With mekil pouder, fylland his hasart hede
And baith his handis, in that samyn stede
Towart the heuin, vpheuis in ane fary
And he the goddis, and sternes fast did wary
Syne lenand on his sonnis corps, thus cryis
O my dere chyld, and tender get heir lyis
Had I sa grete appetite,
Mtzētius lamentis his sonnis dede.
and delyteVnto this wrechit lyfe, sa ful ofsyte
That I the sufferit, to entir in ony stede
Vnder our fays handis, and with thy dede
My lyfe is salsit, sa I thy fader here
Quhilk the begat, my onely son so dere
Suld I be saif, and leiffand eftir the
Throw thay, sa grisly woundis that I se
Allace vnto me, wrechit catyue thyng
Myne exile now at last, and bannassyng
Becummyn, is hard and vnsufferabil
The stound of deith, the panys lamentabil
Is depe ingrauyn, in myne hart vnsound
Now am I smytyn, wyth the mortal wound
I the self man, the caus was of thy dede
Wyth my trespas, my chyld in euery stede
Filit the glore, and honour of thy name
Thy hie renowne, bespottand wyth my schame
As I that was, by inuy and haitrent
Of myne awne pepil, with thare hale assent
Expellit has, my sceptre and my ryng
And was addettit, for my misdoing
Vnto our cuntre, to haue sufferit pane
I aucht and wourthy was, to haue bene flane
[Page cclxxxi] And to hane ȝeld, this wikkit saul of myne
Be all maner of torment, and of pyne
For till amend my offence, and feid
Ha now I leif allace, and thou art dede
ȝit want I not of men, the cumpany
Nouthir licht of lyffe, nor clerenes of the skye
Bot sone I sall thame leif, and part therfra
And sayand thus samyn, with mynd full thra
He rasit him vp, apoun his woundit the
And determyt, to reuenge him or de
For thocht the violence, of his sare smert
Maid him vnfery, ȝit his stalwart hert
And curage vndekyit was gude innede
He bad ga fethe Rhebus, his riall stede
Quhilk was his wourschip, and his comfort hale
And his support, his fais till assale
For by his hors, in euery grete iourney
Hame fra the feild, victor eschapitt he
Quham to Mezentius, but ony mare abayde
Seand the sted droupand, and sad thus sayd
Rhebus we twa, has le [...]fit lang yfere
Gif that to mortall wichtis, in this erde here
Ony tyme may be reput, lang of (quod he)
Outhir this day, beis thou reuengit with me
Of lausus dolorus deith, and wreik our schame
And sall vs victor, with the bringin hame
ȝone bludy spulȝe, and Eneas hede
Or gif na strenth, nor force into that stede
Will suffar ony way, that it be so
We sal in feild samyn, de baith two
For o thou moist forcy stede, my louit fole
I can no wise beleif, that thou may tho [...]e
To be at ony vtheris, commandment
Nor at the leist dedenete, gif I war schent
[Page] Tyl obey ony maister, or lord troiane
And say and thus, ful cowartlie anone
The stede bekend, held to his schoulder plat
And he at eis vpon his bak doun sat
And baith his handis fillit with dartis kene
With helme on hede, birnist bricht and schene
A bone the quhilk, his tymbret buklit was
Lyke til ane lokkerit mane, with mony fas
And into sic array, with swift cours he
Furth steris his stede, and draif in the melle
Depe in his hart, boldynnys the felloun sthame
Mixt with dolour, anger and defame
The feruent lufe, of his son ȝong of age
Can caching him, to the furius rage
Tharto also persuadis to the ficht
His hors wele knawin, his hardiment and mycht
And in sic po [...]nt, throwout the routis al
With mychty voce, thryis did Eneas call
Eneas hard him cry, and wele him knew
And glaid thareof, can towart him persew
And prayand sayis, the fader of goddis hie
And eik mychty appollo, that grant to me
Thou wald begyn the bargane on this land
To mell with me, and to meit hand for hand
Thus carpis he, and with sterne lause but tary
Furth steppis, for to mete his aduersary
Bot mezentius se, and him cummand
Cryit to him anone, and bad him stand
O thou maist cruell aduersare said he
Quhat wenis thou so to affray, and boist me
Sen thou my son, has me bereft this day
Quhilk was onlie, the manere and the way
Quharby thou mycht, ouercum me and destroy
Now sen that I haif tynt all warldly ioy
[Page cclxxxii] Nowthir abhor I the dede, to sterue in fecht
Nor rek I ocht, of ony goddis mycht
Desyst or ceis to boist me, or mannace
For I am cummin to de in this ilk place
Bot fyrst I bryng the, thir rewardis quod he
Wyth that word, at his fa ane dart lete fle
And eftir that, ane vthir has he cast
And syne ane vthir has he fixit fast
About hym prekand, in ane cumpas large
Bot al thir dintis, sufferit the goldin targe
Thryise on the left half, fast as he weir woud
About Eneas rade he quhare he stude
Thyk wyth his handis, swakkand dartis kene
And thryis this troiane prince, ouer al the grene
In tyl his stalwart, stelit scheild stekand out
Lyke ane hare wod, the dartis bare about
At last as he ennoyit, of thys deray
This Irksum trasing, Iowking and delay
And commerit, wox sa mony dartis in vane
Thus oft to draw furth, and to cast agane
As he that was machit that time but fale
Wyth hys fa men, in bargane Inequale
Quhilk ay was at ane auantage, and on flocht
Full mony thyngis, reuolwit he in thocht
Syne on that were man, ruschit he in tene
In the forehede, betuix the horsys ene
He kest his spere, with al his force and mycht
Vpstendit than the, stalwart stede one hicht
And with his helis, flang vp in the are
Doun swakkis the knycht, sone wyth ane felloun fare
Founderis fordwart, flatlingis on his spald
Ouerquhelmyt the man, and can hys feyld vnfald
Than the latynis, and eik pepil troianis
The heuynnis dynlyt, with ane schout atanis
[Page] Eneas gird aboue him, with ane braide
Hynt furt his swerd and forther thus he saide
Quhare is he now mezentius, sa sterne
Quhare is the stout feirs curage, of that berne
Quham to mezentius, this ilk prince tyrrhene
Fra that he mycht, alifting vp his ene
To se the heuynnys lycht, and draw his breith
And his richt mynd agane, recouerit haith
Thus answeris,
Mezentius last anseuer afor his decht.
O thou dispitefull foQuharto me chydis, thou reprochand so
And Mannassis me the to dede, by and by
Of my slanchter I thinke na velany
Nor on sic wise, here come I not on feild
That I stand aw to swelt, vnder my scheild
Nor I beleif na freyndschip, in thy handis
Nane sic trety, of sauthning nor commandis
My son Lausus, band vp with the perfay
Bot of ane thing I the beseik, and pray
Gif ony plesure may, be grantit or beild
Till aduersaris that lyis, vincust in feild
That is to knaw, suffir my body haue
Ane spulture and with erd, be by graue
I knaw about me standand, in this stede
My folkis bitter, haitrent and grete feid
Defend me from thare furour, I requere
And grant my corps besyde, my sonnys in fere
In to sum tumbe entirit, for to be
And sayand thus, knawand that he must de
Before his ene persauit the birnist brand
That throu his gorgeit went, from Eneas hand
Within his armour, schortlie to conclude
Furth bruschis the saule, with stremes grete of blude
[Page cclxxxiii] Be this the sun declynit was almoist
So that the latynis, and rutilianis oist
Quhat for absence, of thare duke Turnus
And new slauchter, of bald Mezentius
Withdraw thame to thare resset in affray
And troianis went vnto thare rest quhil day
Finis.
The prolog of the xi buk of Eneados
HOw hie renowne of martis cheuelrie
Quhiik gladis euery gentil wycht to here
Gif thou micht mars or Hercules defy
Quharfor bene nobillis to fallow prowes swere
Wele auchten eldaris,
In the [...] prolouge the authortaetis of war and cheuelrye both spiriritual and temporall
exemples vs to stereTil hie curage, al honour til ensew
Quhen we consider quhat wo [...]rschip therof grew
Al vice detest, and vertew lat vs lere
Proues but vice, is prouit leful thing
Be haly scrypture, into sundry place
Be mathabeus, Iosue Dauid kyng
Michael and eik his angellis ful of grace
That can the dragoun, furth of heuynnys chace
With vailȝeand dintis, of ferme mind contrare
None vyle strokis, nor wappinnis had thay thare
Nouthir spere bud geis, staf polax swerd nor mace
In takin that in cheuelry and fecht
Our mindis suld haue iust intencioun
The ground of batal groundit apoun richt
Not for thou list to make discencioun
To seik occasioun of contencioun
Bot ripe the querel,
The iust causes of war suld be cosiderit be al wyse pryce [...].
and discus it planeWranges to redres suld were be vndertane
For na conquest, reif stayt nor pensioun
To speke of mortall vertewis, hardyment
Or rathir of diuyne, is myne entent
For warldly strenth is febill and import [...]nt
In goddis sicht, and insufficient
The psalmist sais, that god is not content
In mannis stalwart lymmys, nor strenth of cors
Bot in to thame not traisting, in ther fors
Askand mercy, and dredand iugement
Strang fortitude, quhilk hardyment clepe we
Aboue the quhilk the vertew souerane
Ac [...]ording princis heich magnanymyte
Is ane boet set,
Fort [...]tud ful hardenes towar [...]nes
betuix vices twaneOf quhame fule hardines, clepit is the tane
That vndertakis, al perrillis but auyse
The tothir is namyt, schamefull cowardise
Voyde of curage, and dolf as ony stane
The first is hardy, all out by mesure
Of tyme nor resoun geuis he, na cure
Nor dout he castis, bot all thinkis sure
Nocht may he suffir, nor his hete indure
The tothir is of all proues sa pure
That euer he standis, in fere and felloun dred
And neuir dar vndertak, ane douchty dede
Bot dois all curage, and manhede samyn smure
The first soundis towart vertew sum dele
Hardy he is couth he, auisit be
Of hardyment, the tothir has na feile
How may curage, and cowartnes agre
Of fortitude to compt ȝou, euery gre
As Aristotil in his ethikis, dois expres
[Page cclxxxiiii] It wald as now contene ouer lang proces
Quhareof of vthir cheuelry, carp wyl we
Gyf Cristis knichtis, lyst vs be
So as we aucht, and promyst has at font
Than man we bide baldly,
Diuyne cheuelrye
and neuir fleNouthir be abasit tepit, nor ȝit blont
Nor as cowardes to eschew the first dont
Paul witnessis, that nane sall wyn the croun
Bothe quhilk duelie makis him redy boun
To stand wichtely, and fecht in the forefrount
And quhay that sal not wyn the croun of mede
That is to say the euerlastand blys
The fyre eternale nedelinges, moist thay drede
For Crist in to his gospell sayis I wis
Quha bydis not with me, contrar me is
And gif thou be aganis god but were
Than art thou wageour vnto Lucifere
God saue vs all, from sic ane syre as this
The armour of our cheuelry perfay
So the apostle teachis vs expres
Not corporal, but spiritual bene thay
Our conquest hale, our vassalage and prowes
Aganis spretis and princes of myrknes
Not agane man, our awin brother and mate
Nor ȝit aganis our maker to debate
As reuel til all vertew and gudnes
The flesche debatis aganis the spiritual goist
His hie curage, with sensuall lust to law
And be the body vyctor, baith are lost
The sprete wald vp, the cors ay doun list draw
[Page] The secound fa the warld ane vthir thraw
Makis strang assaltis, of couatice and estate
Aganis quham, is ful perrellus debate
The fais familiare bene, full quent to knaw
Leif in thy flesche, as maister of thy cors
Leif in this warld, as not ay to remane
Resist to freyndis, with slicht and al thy force
He is the ancient enemy, werst of ane
Ane thousand wilis he has, and mony ane trane
He kendillis oft the flesche, in birnand hete
He causit wrechit plesance, sem ful swete
And for nocht, of this fals warld makis the fane
He is thy fa, and aduersare principale
Of promyssioun, wald the expel the land
For he the samyn loist, and caucht ane fal
Enforce the stranglie, contrary hym to stand
Rais he the targe of fayth, vp in the land
On hede the halesum helme, of hope vnlace
In charite, thy body al inbrace
And of deuout orisoun, make thy brand
Stand at the defence, and schrink not for ane schore
Think on the haly marthyris, that are went
Think on the pane of hel, and endles glore
Think how the lord for the, on rude was rent
Think and thou fle fra him than thou art schent
Think al thou sufferis, vntil his pane nocht is
Think how with precius price, as thy saul bocht is
And aye vnto his wourd thy mynd be bent
Fele bene thy fais, fers and ful of slicht
Bot be thou stal wart campioun and knycht
[Page cclxxxv] In feild of grace, with foresaid armour bricht
Thay mayd de bait, thame lithlie in ilk ficht
For of fre will, thine actioun is sa wicht
Nane may it peirs, will thou resist and stande
Becum thou towart crawdoun, recriand
And by consent cry cok, thy dede is dicht
Think how that fa is waik, and impotent
May vincus nane, bot thame list he ouercum
He sall the neuer ouerset, but thy consent
Eith is defence to say na, or be dum
And for thy wele lo, this is all and snm
Consent neuir, and thou sal neuir be loist
By disassent, thou may vincust ane hoist
And for anis, ȝa tyne thy mede euery crun [...]
Na wounder is forby exemple,
Comparisone.
we seQuha seruis his souerane in till all degre
Full meny dais, and eftir syne gif he
Commyttis any tressoun suld he not de
Les than his prince of greter humanite
Perdoun his falt, for his lang trew seruice
Gif he wald mercy craif, the samyn wise
We bene forgeuin, so that repent will we
Bot quhat walis begin ane strang melle
Syne ȝeild the to thy fa, but ony quhy
Or towartlye to tak the bak and fele
Na sall nane obtene, hie victorie
Les thay sustene, the bargane douchtely
And sa quha perseueris, to the end
Ane conquerour, ane campioun euir is kend
With palme of tiumphe, honour and glorie
The maist vnsilly kind of fortoun is
To haue bene happy Boecius techis vs so
And to haue bene in welth, and hartis blys
And now to be decayit and in wo
Richt so quha vertuus was, and fallis tharefro
Of verray reasoun, mallewrus hat is he
And ȝit by grace, and his fre volunte
He may recouer merit, agane also
I say be grace, for quhen thou art in grace
Thou may eik grace to grace ay more and more
Bot quhen thou fallis be syn, therfra allace
Of the merite, thou gettis it neuer more
ȝit quhen thou deulie disponis the tharfore
Doand all that, in the thare may be done
Of his gudnes, the eternal lord alsone
Restoris the merite, with the grace in erlis of glore
Hale thym erite thou had tofore the fall
That is to say, thy werkis meritabil
Restorit ar agane, baith grete and small
And grace thareto, quhilk is sa profitabyl
That thou thareby to eik merite art habyll
Bot not ilk gre of grace, thou had before
That gettis thou not sa sone, quhil forthirmore
Be war tharefore, fal not bot standis stabyll
For lyke as quha offendit had his lord
That lang tofore, his trew seruandis had bene
And syne agane, becummys at ane accord
With his maister, althocht hys lord wald mene
On his ald seruyce ȝit netheles I wene
He sal not sone be tender, as he was are
Be war tharwith and kepe ȝou fra the snare
Tyne not ȝour labour, and ȝour thank betwene
Exemple takis, of this prince Enee
That for his fatal cuntre, of behest
Sa feil dangeris sustenit, on land and se
Sic strife in stoure so oft, with spere in reist
Quhil he his realme conquest, bayth west and ei [...]
Sen al this did he, for ane temperale ring
Preis vs to wyn, the kinrike ay lesting
Addres vs fast, for till attene that feist
He may be callit, as sayis sanct Augustyne
And delicate ouer esy christin, knicht
Refusis to thole trauell, sturt orpyne
And but debait wenys, to obtene the ficht
To wyn the feild, and neuir preif thy mycht
That war nyce thing, thy king Christ in batell
Quhat sufferit he for the, o catine wicht
Lyis thou at eis, thy prince at bargane fell
Eschames of our sleuth, and Cowardise
Seand thir gentilis, and thir paganis auld
Ensew vertew, and eschew euery vice
And for sa schorte renowne, warren so bald
To sustene were, and panis tere vntald
Than lat vs striue, that realme for to possede
The quhilk, was echt to Abraham and his sede
Lord that vs wrocht, and bocht graunt vs that hald.
Finis
The .xi. booke of Eneados.
¶ Efter the feild, Enee made sacrifice
Offerand the spulȝe to mars as was the gise
DVring this quhile, furth of the sey did spring
The fresche aurora, with the brycht dawing
Enee albeit, his basty thochtfull curis
Constrenit him, as twiching sepulturis
[Page] Of his folkis new slane, and berying
For to prouide ane tyme, maist accordyng
And greitlie eik in mynd, he trublit was
For the slauchter, and dede corps of Pallas
ȝit netheles, as first the son vpsprent
Schedding his bemes, in the orient
[...]s victor he vnto the goddis, als tyte
With sacrifice, can his vowis acquite
Ane akin tre was huge, grete and square
The branschis sned and cut, about alquhare
Apoun ane mous hicht, vpset has he
And all with schynand armour, cled the tre
The coist armour, and spulȝe tharon hang
Of mezentius, the vailȝeand campion strang
To the gret god of striue, armypotent
In signe of trophe, thareon was vpstent
His creist and hewmond, all besprent with blude
The brokin trunscheons, of his speris rude
And his fyne hawbrek, with spere swerd and matis
Assayit and peirsit, in twys sex platis
His steilit scheild, did on his left syde hing
About his gorget, or his nek armyng
Was hung his swerd, with euore scalbert fyne
And thus exhortis Enee, his feris syne
The chiftanis all about him, lowkit war
Quhilkis glaidsum werren, of thys Ioyus fare
O douchty men quod he, wourthy in weris
The gretest party,
Eneas cō fortis his folkys exhortyng them to batellagane.
of our werkis and efferisBene endit now, sa that in tyme cumming
All fere and drede ar passit, of ony thing
Thir bene the spulȝe, and first werelie wede
Reft from the proude king, be my handis in dede
Lo here mezentius vincust, lyis doun bet
Now to the wallis, and laurent and the ȝet
[Page cclvii] The way is made, to kyng latyne to wend
Tharefore addres ȝour myndys and attend
To armes and to werefare, euery ane
Prouidyng in ȝour consatis, for bargane
So that ȝe reddy be, and na delay
May floppin ȝou, nor stonis ane vthir day
Bot ȝour awin sleuth, for lak of gud forsicht
Gyf ȝe vnwarnist, beis callit to sicht
Als sone as first, the god omnipotent
Be sum signis, or takinnis lyst consent
The ensenȝeis, and baneris be vp hynt
And al the ȝonkeris met, for swerdis dynt
Of thare tentis, conuoyit in array
Se ȝe al reddy be, than but delay
And the mene quhile, let vs to erd haue
The corpsis of our fallowis, and vnbegraue
Quhilk onlie honour, is haldin in daynte
At acheron, the lawest helles se
Pas on he sayd, thay saulis vailȝeand
Quhilk with habundance, of chare blude besprent
Has conquest vs this realme, apoun sic wyse
Do honour, with thare funeral seruice
And wourschip, with the fynale last rewardis
Bot first before al corpsis, of thay lardis
Vnto Euandrus dolorus ciete
Of ȝoung pallas, the body send mon we
Quham wantand na vertew nor prowes
The woful day has vs bereft expres
And with ane woful slauchter,
Eneas lamētis the deth of his frēd palas
caucht allaceThus sayd he, wepand, salt teris ouer his face
Syne tuke his vayage, towart the ilk stede
Quhare Pallas lifles corps, was liggand dede
Quham Ancient acetes, thare did kepe
With flottrit berde, of teris all bewepe
[Page] The quhilk atetes, had tofore be
Squyare to king Euander, from the ciete
Of Parrha, cum in to Archadye
And at that tyme, was send in cumpany
With his dere foster child he had, in cure
Bot not as are, with happy auenture
About the corps, alhale the multitude
Of seruitouris, and commouns troianis stude
And dolourus Phrigiane wemen, on thare gise
With hare doun schaik, and pieteous spraichis and cryis
Bot fra that enterit was, Eneas bald
Within the portis, of that large hald
Ane huge clamour thay rasit, and womenting
Beting thare breistis, quhill all the lift did reyng
So loude thare wofull bewaling haboundis
That all the palice dynnys, and resoundis
This prince himself fra that he did behald
The snaw quhite visage, of this pallas bald
His hede vphald not, the self sustene
And eik the gapand, dedely, wound has sene
Maid by the speris hede, rutuliane
Amyd his sneith, and fare slekit breist bane
With teris brist, and from hys ene thus plenit
O douchty child,
A lamentable moue for palace dede.
maist wourthy to be menitAs fortoun me inuyit, sa far that eft
Ouer wele is cummyne, thus art thou me bereft
Sa that thou suld not se, ouer reyng said he
Nor ȝit, ane victor with prosperite
Vnto thy faderis ciete, haue retoure
Sic promys, hecht I not the lattir houre
To thy fader euandrus, quhen that he
At my departing, last embrasit me
And send me to conqueis, ane large empire
And dredand eik for the that lordelie sire
[Page cclxxxx] Vs monist to be war, and auyse
Becaus the men quham, with to do had we
Ware bald and sterne, said we had were at hand
Wyth bustuous folk, that wele in stryfe durst stand
Now certis he leuand, in hope in vane
For thy prosper returnyng, hame agane
Perchance dois mak prayer, and offerandis
Chargeing the altaris, oft with his awin handis
Bot we his lifles child, quhilk aw na thing
Vnto the goddis, of the heuinly ryng
With womentene here, menand tenderly
And vane honour, accompanyis by and by
O fey vnhappy,
A p [...]tyfull exclamamation for Pallas.
kynge ArchadianNow thy sonnis dede, corpis cruelly slane
Thou sall behald allace, the panis strang
This is ouer hamecome, thou desyrit lang
This sall be ouer tryumphe, now lang abaid
To se thy awin son,
A consol [...] cion.
on this bere tre laidHa quhat is this my promys, and gret faith
Bot o Euander beis, not with me wraith
Thou sall not se, thy son was drife abak
Wyth schameful woundis, that he caucht in the bak
Not thou his fader, war he alyue this day
Suld neuer haue lak, of him na for him pray
For his desert he deit, ane schamefull deith
And now wyth, honour he has ȝald the breith
Bot netheles quhat harme, full wayis me
How large supporte, ha quhat beild or supple
In him has tint, Ausonia the ryng
And how grete dele has loist Ascaneus ȝing
¶ Now Pallas corpis / is tyl Euander sent
Wyth al honour / accordyng to hys tyrement
[Page] QVhen he bewaled had on this manere
This woful corps, he bad do lift on bere
And with hym send ane thousand men in hye
Walit of euery rout and cumpany
For to conuoy, and do hym falloschip
At his last honour and funerall wourschip
And to be present, at the lamenting
Of his fader, to confort the murnyng
Thocht smal solace, was that to his regrate
Quhilk was sa huge, bot to his estate
According wele that sic thyngis suld be
Quhen all wichtis mycht, rew on him to se
Sum of Eneas feris besely
Flokis to plet thaym preissis,
A lang narracion contenyng the honour of Pallas funeral entyrment
by and byAnd of smal wikkeris, for to beild vp ane bere
Of sowpill wandis, and of brounys sere
Bound wyth the syouns, or the, twistis sle
Of smal rammel or stobbis of Akin tre
Thir beddis beildit, on funerall littetis
Sic tumbis as for dede corps efferis
Wyth grene burgeouns, and brāschis fare & wele
Thay gan ouerheild, and stintis euery dele
Amyd the quhilkis, of blumes apoun ane bing
Strowit ful hie thay laid this Pallas ȝing
Ligging tharon, as semely for to se
As is the fresche flouris, schynand bewty
Newlie pullit vp, from his stalkis smal
With tendir fyngeris, of the damysell
Or the soft Violet, that dois freschely schyne
Or than the Purpoure floure, hate I acinctyne
Quham al thocht the erd, his moder wyth sap
Him nurissis not, nor comfortis on hir lap
ȝit than his schyne, cullour and figure glaid
Is not al went, nor his bewty defaid
[Page cclxxxix] Eneas syne twa robbis furth gart fald
Of riche purpoure, and styf burde of golde
Quhilk vmquhile dido quene of Sydones
Of sic labour, ful besely tho I ges
As at that tyme, to pleis him wounder glaid
With hir awin handis, to him wrocht and maid
Woiffin ful wele, and brusit as riche wedis
Of coistly stuf, and subtil goldin thredis
And with the tane of thir, ful dolorusly
Eneas cled the ȝoung Pallas body
To be his fynale and his last honour
His lokkis and his haris the selfe houre
Quhilkis war to be brynt, in assis cald
Into the tothir habit did he fold
Aboue al this rewardis, mony ane
I conquest in this batel laurentane
In hale hepis, with him has he send
And bad thay suld tak gude kepe attend
To lede the pray, perordoure pompusly
Feil horsis as he gaif thame by and by
With wappinnis eik, and vtheris precius gere
That he had reft his famen in the were
The prisoneris also, quham he had tak
He sendis with handis bound, behind thare bak
Quhilkis at the obsequyis or intyrement
To the infernale goistis suld be sent
And with thare bludis schede, as was the gise
The funeral famb, strinklit in sacrifyce
He bad the capitanis, and the dukis al
In signe of trophe, or pomp triumphal
Grete pykis bare, of trene syplyne that square is
Cled wyth armour, of thare aduersaris
To wryte and hing thareon, baith al and sum
The names of thare inemys ouercum
[Page] Furth led was, the silly Achates
Ouerset with age of sorow, mycht not ceis
Now bludy and [...]yth his awin breist with his feistis
Now with his nalis, his face renus and breistis
And oft doun fallis, speldit on the erde
Wyth mony goule, and ane ful pietuous rerd
And furth war led riche cartis, for the nanys
By sprent wyth blude, of the Rutulianis
And eftir come Aethon, his werely stede
Dispuleȝit of his harnessing and wede
Wepand he went, for women mycht haue sene
With grete teris, flodderit his face and ene
Ane bare his helme, ane vthir bare his spere
For the remanis, of hys harnes and gere
Sic as his riche girdil, and coit Armour
Turnus victor, byreft him in the floure
Furth haldis syne the drey cumpany
Of Troianis and Tyrrene Dukis thaym by
And wofull Archades, in signe of dolour weris
Scheildis reuersit, and doun turnit thare speris
And eftir that, Perordour by and by
Thay bene fu [...]th passit, euery cumpany
Eneas tho gan stentyn, and abaide
And wyth ane pietuous regret, thus he sayd
The horribill batellis, of thire samyn weris
Til vtheris funeral, womentyng and teris
Callis vs from thens, we may not follow the
Thyne entirement, for to behald and se
A dew for ay Pallas, belouit best
Farewele for euer intil eternal rest
Na mare he sayd, bot went towart new Troy
Enterit therin wyth teris of ennoy
¶ How Eneas vnto the latynis gaif
[...]u [...]lf dayis of respit the dede corpsis to graif.
[Page cclxxxx] BE this war cummin, fra kyng Latynis ciete
Embassiatouris, wyth branche of olyue tre
Besekand fauouris, and beneuolence
That he wald suffir, to be caryit from thence
Thay corpis dede, quhilk on the feildis broun
Lay strowit here and thare, with swerd bet doun
And thame restore agane, of his gentrice
To suffir thame, begrauin for to be
Assuring thame thare, mycht be led na were
On vincust folkis, that lifles micht not stere
And prayit spare thare peopil, at sic mischance
Quhilom clepit his freyndis, and acquentance
Quhen that Eneas, heynd curtas and gude
Thare peticioun, sa ressonabyl vnderstude
As man that was fulfillit of bounte
Thare hale desire, ful gladlie grantit he
And for thir eik, vnto thaym thus he sayd
O Latine folkis,
Eneas ansuer to the lattynis.
quhat mysfortoun vnglaidHas ȝou inuoluit, in sa vnhappy were
That ȝe chace vs away, ȝour freyndis dere
Desire ȝe peace, bot for thaym that bene loist
By martial fate, and slane into this oist
And I forsoith, til al that leuand be
Wald glaidly grant the samyn, I say for me
Neuir hidder had I cummin, war not perfay
Into this stede, the fatis hecht for ay
Our resting place, promouit and herbry
Ne na werefare, with ȝour pepill lede I
Bot ȝour king, has our confederance vp geif
And rathir has settin, al his beleif
On Turnus vassalege, and his hie prowes
Thocht more equale, and ganand war I ges
To thys Turnus, the brekar of our pece
To auenture himself, to de in preis
[Page] Gif he pretendis, in batale with ane brand
To end the were, or troianis of this land
For to expel, here semyt hym vnder scheild
With wapinnis, to recounter me in the feild
That nane bot ane of vs, war left leuand
Quhois lyffe god list, withhald ouer his rycht hand
Now haldis on, and al the lifeles banis
And corps of ȝour wrechit cietezanis
Do birne and bery eftir ȝour awin gyse
Sayis Eneas the troiane war and wyse
Than of this speich, so wounderit war thay
Kepit thare silence, and wist not to say
Bot ather, towart Turnus but mare
And can behald his fallow, in ane stare
The eldest man, amang thaym fynalie
Clepit drances, that had ful grete inuy
At ȝoung Turnus, alway to him infest
Or auld malice, or of cryme manifest
Begouth tospeik, and ansuere thus agane
O huge grete is thy fame,
Drances oracion.
thou Duke troyaneBot fer greter, all out we may espye
Thy dedis of armes, and thy cheuelrye
Wyth quhat louyng equale, I may compare
The to the goddis in heuin, aboue the are
Quhidder sall I fyrst extoll, and wounder in the
Thy grete gentri [...], and sa iust equyte
Or the grete force, and labour bellicall
Glaidly forsoith, now hamewart bare we sall
Vntyl oure natiue, boundis and ciete
Thir sa grete sygnis, of humanite
And gif that ony chance, can fynd the way
We sall do fully, all that euer we may
To the conione, wyth kyng Latyne in hy
That Turnus quhare him list go seyk ally
[Page cclxxxxi] And furthir eik, wele lykis vs at all
To help to rayis, this fatall massy wall
And for to bere apoun, our schulderis war ioye
Thir stones grete, to thys new werk of troy
Thus sayd Drances, and all the remanent
Thare to cryis, wyth hale voce and consent
Twelf dayis of trewis,
Trewis to taken for [...]ii. dayes
thay band to stanche debateFor to kepe pece, and weris sequestrate
Than throw the woddis, and thir holtyes he
Troyanis and Latynis, samyn he and he
Quhare so thaym list, wanderis but dangere
The hie eschis soundis, thare and here
For dyntys rude, of the scharp stelit ax
Doun weltit, ar with mony granand strax
The firris rekand, to the sternes on hye
The mekill sillis, of the, warren tre
Wyth wedgeis, and with propppis bene diuide
The strang gu [...]and Ceder, is al to schid
Ne ceis thay not apoun, the girgirand wanys
The grete aikis, to turs away attanis
¶ The King Euander / complenit sore and waried
Quhen hye son pallas dede was to hym caryed
THan fame wyth this als, fast as sche mycht spring
As messingere, of the grete womenting
Flaw furth, and al with murnyng fillis sche
Euander king, his Pallice and ciete
Quhilk late to fore, had schewin that Pallas
In latyum land, sa victorius was
Now sayis sche, lo is he brocht on bere
The Archades ruschit, to the portis in fere
And euery wicht, in handis hynt als tite
Ane hate fyrebrand, eftir the auld rite
In lang or [...]oure, and rabil that al the stretes
Of schynand flambis, lemys brycht and gletis
[Page] Quhil al the large feildis, of the licht
Mycht soueraly, be reknyt at ane sycht
The troyane routis, one the tothir hand
Wyth thaym adionis, thare folkis sare wepand
Quham as the matronus, behald on sic wyse
So dulfully went, to the kyngis palice
The dolorus toun, in euery strete and way
Wyth pyetuous skrykis, and glouling fillit thay
Than was na force, Euander mycht not refrene
Bot in amyddis thaym, wyth grete disdane
He ruschis Plenȝeand, on woful manere
And fel on grufe, aboue dede Pallas bere
Wepand and waland, as his hert wald brek
Embrasit hym, but na wourd mycht he speke
And skars at last, wyth grete difficulte
The condutis of hys voce,
King Euā deris lamē tabyl and pyetefull oratyō for his sone Pallas.
war lousit freQuhen he mycht speik, than thir his wordis was
This is not the last cunnand son Pallace
Thou promyst not so, vnto thy fader dere
Bot that thou suld pas mare warly in were
And not in dangere, of the cruell mart
Ouer wele I wist, wyth harmes at my hart
Quhat auenture, and of how mekil mycht
Til ony ȝoung man, the first seild into fycht
Was grete desyre, of new lufe and glorye
And how swete was renowne, of Cheuelrye
Allace the first commantement and assayis
To ȝoung men bene in were, full fey al wayis
And richt hard bene the first, enteichement
Of haisty batall, to thaym bene not acquent
My vowis nor my prayeris, grete and smal
War not accept, to nane of goddis all
O thou my blissit spous, deceissit or now
Full happy of that dede, in fayth was thou
[Page cclxxxxii] That to this sorow, not preseruit was
Bot to the contrare I, allace allace
Ouer leuit has my fatis, proffittabil
And am alyffe, as fader miserabil
Quham wald god, in ȝone samin mortal weris
Rutulianis had ouerquhelmyt, wyth thare speris
That followand to the feild, my feris of troy
I mycht haue ȝald, this saul ful of ennoy
So that this funeral pomp, quhilk here is wrocht
My body and not Pallas, hame had brocht
Na bid I not ȝou Troyanis to argewe
Of amyte and alliance, bound of new
N [...]oure rycht hand, and promyssis quhilkis we
In frendschip knyt, and hospitalite
This mysfortoun is myne, of auld thirllage
As therto detborne in my wrechit age
Bot had this haisty dede sa vndegest
Sufferit haue, bot my sone ane stound to lest
Quhil of Rutulianis, he had slane thousandis
And inuestit the troianis, in thare landis
That is to say, in Latinum or lauyne
Wele likit me, that he had endit syne
And forthir eik, Pallas my son so dere
Na mare richely, couth I lay the on bere
Nor with mare wourschip list me entyre the
Than is prouidit, be reuthfull Enee
Be mychty troyanis, and princes thirrene
For al the tuskane Menȝe, as here is sene
Sa riche trophee, and riche spulȝe hidder bryngis
On parkis richelie cled, with thare armyngis
Quham thy rycht hand, in feild has put to dede
Bot o thou Duruus, in the samyn stede
Amangis vtheris here, sul [...] haue be
In forme and, manere of ane stok of tre
[Page] Gif ȝe of age had bene equale, of peris
And bayth elik cummyn, to ȝour strenthy ȝeris
Bot now allace. I fey vnhappy wicht
Quhareto delay, I troianis from the ficht
Pas hame in harst, and remember to say
Thir my desiris to ȝour prince I ȝou pray
Euander sayis, that thy richt hand Enee
Is al the cause that he delayis to dee
Or that his haitsum lyffe, sustene he wald
Sen now is loist, his son Pallas the bald
Say til him, that he oblist is of det
Bayth to the son, and the fader to set
ȝone Turnus slauchter, for our recompens
To the Eneas only but offens
And to fortoun remaynis this iorney ȝit
Quharewyth thou may thankfully be acquyte
Tell him na lust, to liffe langare seik I
Vnlesum war, sic pleasoure I set by
Bot for ane thrawdesyre, I to lest here
Turnus slauchter, and deith with me to bere
As glaid tything is vnto my child and barne
Amang the goistis law, and skuggis derne
¶ Here a thie party takis besy cure
The dede bodyis to graue, in sepulture
THe mene sessoun, Aurora rasit hir licht
Rycht comfortabil, for euery mortal wicht
Rendring agane, the oportunite
Of laubour, and of wirking as we se
The prince Eneas, and the king Tarchone
Grete binges has of treis, mony one
Vpbeildit, by the bow and coistis bay
Thidder euery ane did cary, but delay
Efter thare eldaris, gif that vnto that stede
The corpsis of thare freyndis, that war dede
[Page cclxxxxiii] As for to do, thare obseruance of det
And thare vnder, the smoky fyre has set
Quhil that the heuynuis hie, did waxin dirk
Inuoluit with the reky stewis mirk
And thryis on fe [...]te, al samyn euery man
In s [...]y [...]and armour, about the feris ran
And thryis the woful funeral, inglis thay
Cirrculit, about, on horsis bak in array
With gowing and with voeis miserabil
Quhil that of trigland teris lamentabil
The feildis strowit war in euery place
Armouris al wet wich weping and thare face
The clamour of the men an trumpis steuin
Gan springing vp on hecht, vnto the heuin
Syne cummis sum, and in the fire dois sling
The werelie wedis, spulȝe and arming
Rent from the latinis, slane in the were
As helmis, scheildis, and riche swerdis sere
Brydyllis and al thare stedis trappouris sare
The haifly hurland chariot, quhelis square
And vthir sum kest in the fyre sic gere
As wele bekend the corps, was wount to were
Thare awin wappinis, and thare vnsilly schildis
Quhilk micht not thame defend, in to the feildis
Ful mony carcage, of thire oxin grete
About the firis, war britnit and doun bet
And bustuous bonkis, of thr [...]irsit swrne
Our feildis al bireft, from euery hyne
Thay stik the bestis, and swakkis in the fire
Endlang the coistis, al the birnand schyre
And can behald how that thare feris brynt
Obseruand wele, the gledis half out queynt
And eik the assis half brynt of the dede
N [...] may thay thens be harlit of that stede
[Page] Quhil that the heuyn, ouer quelmit the dirk nycht
That ganand is, for fyry sternis bricht
And netheles the latinis lamentabil
In placis sere fyris innumerabil
Vpbeildit has, and sum with woful rerde
Feil corps dede, bedeluit vnder erd
And som also in cartis hawe thay sent
To townes in the feldis, adiacent
And sum also, was send to the ciete
To be entyrit, as thame accordit be
The remanent al samin, assemblit ouer a [...]e
But nowmer and but ordoure, euery ane
Of corps slane in huge hepe birn thay
And thus on athir sidis, the hie way
And large feildis, did oft fyrys schyne
As that the third dayis licht efter syne
The dirk nicht remowit fra the skye
The assis depe, murnand, with mony cry
Doun did thay cast, and scrappis out attanis
The hete ameris, and the birsillit banys
And ȝit all warme vnculit sone thay haue
Bedeluin thame, and to the erd thame graue
Bot certis than renewis the womentyng
Withi [...] the michty burch, of latyne kyng
The rumour rais, and murmoure principally
Of bewalyng al out the maist party
The woful moderis, and matrouns wepis here
The eldmoderis, and eik the sisteris dere
Thare mycht be herde, with duleful breistis grete
The ȝoung babbyis waling, on the strete
That had thare faderis stane, this hendir day
Cryand ych ane, allace and welaway
Thay curs and wary fast, this vengeabil were
And turnus wedloke, bannis with mony ane tere
[Page cclxxxvi] All in ane voce, thay cry desyrand he
Suld vndertak, the batell and me [...]le
And fecht allane, to mak end of this thing
As he the quhilk pretendit, to weild the ryng
Of Italy wyth, honour principale
Desyrand that he suld, be lord of all
The brym drances, aggregris wele this thyng
And bure on hand baldly, before the kyng
Nane but this Turnus challance wald Enee
Turnus only, to fecht desyris he
And be the contrare, mony sense mentis
For Turnus schawis, euident argumentis
Of quene Amata, the grete authorite
Dekkis and defendis, him wyth wordis sle
And his grete fame, and actis tryumphale
Hys querrel did sustene, aganis thame all
¶ Before kyng Latyne / and his counsale in dede
[...]ulus schawis respone / of Diomede
ABoue al thys, lo the ilk stound anone
Thir messengeris, all trift and wo begone
Returnyt hame wart, in to thare maist nede
From the grete ciete, of schir Diomede
Reportand ansuere, that all hale was loist
Thare lang trawel, and maist sumptuous coist
Schortly thay had done, thare na thyng that docht
The riche gyftis,
[...]enulu [...] ansuer the kynge.
nor gold aualit nochtFor all thare large requestis, and prayeris
To help the Latyne people, in thare weris
Behuffis thame to seik, vthir supple
Or to mak pece, wyth troyane prynce Enee
Herand thir wourdis, this auld latyne kyng
Falis all curage, with grete lamentyng
For pa [...]iently the goddis, wraik him thocht
Schew that by fate Enee, was thiddir brocht
[Page] And manifest mycht,
The kyng callis hys counsal
of goddis did him susteneThat schew the new grauis before thare ene
Quharefor ane gret counsel, assemblis he
And callis the cheif ledaris, of his menȝe
Thar geand thay suld, in his palice conuene
Vnto the rial chymes, tho bedene
Thay flock sa fast that euery way was hid
This ancient king, did set him doun amyd
The cepturit men as first and principall
Bot nothing semyng glad of chere at al
Than the ambassiat, that was returnir agane
From Diomedes riete, Etholiane
He bad do schaw the credence that thay brocht
Perordoure alhale, thare ansuere falland nocht
Sylence was maid ilk man, his toung held than
And venulus, of thaym the gretest man
Begouth for till obey, the kingis charge
And schew his credence, planelye thus at large
O cietezanis,
Venulus eloquent & leruit oration
we haue vesyt DiomedeAnd sene thay strenthis, by thaym ofarge in dede
Vp beildit in the boundis, of Italie
The wayis thidder, we haue met by and by
And eschapit all dangeris by the gate
All thocht our Iourney, was not fortunate
We haue twichit, that samyn douchty hand
Be quham of troy, distroyit was toun and land
Quhilk now as victor in the feildis plane
Besyde the skirtis, of the mont Gargane
Within the boundis, of Iaxipiasuleȝe
That now on dayis, apulȝe cleping we
Vprasing has the ciete Argirapas
Quham fra his natiue pepil he namyt was
Fra that we enterit, war in his presence
And for to speik was, geif vs audience
[Page cclxxxxiii] The giftis and rewardis present we
Our credence our estate, and our contre
Declarit plane, and quha with were vs socht
And quhat occasioun, has vs thidder brocht
He hard vs wele, and one ane freyndly wyse
Thus ansuerd he, wyth wourdis wer and wyse
O fortunat folk, quham saturne regnit sua
The anciant pepil, of Ausonia
Quhat mysauentur, and vnkindly hete
ȝou steris from ȝour lang rest and quiet
Prouokand ȝou to mouing, rais and stere
Sa perrellus vncouth, and vnthrifty were
For euery ane of vs, that did effence
In troyis boundis, wyth swerde and violence
Or cruell handis, set for to inuard
King Priamus, and of his realme degrade
I leif vntald, al thaym that in the feild
By troyis wallis, has swelt vnder scheild
Or that the flude, of Symois by the toun
Drownit in stremes, warpis vp and doun
Oue [...] al the warld of vs hale the remanis
Bene punyst sore, wyth vnrehersibil panis
And sufferit has, al maner of torment
Ful wel knawis my wourdis quhat I ment
The soroufull constellation, of god mynerue
Quhilk causit mony douchty man to sterue
And on the coistis, of Eboica
The rokkis beris wytnys ȝit alsua
And the montane Caphereus godwote
That vengeance tuke, and wraik apoun our flote
From that were fare, and cursit cheuelry
We cachit ar to sindry coistis fer by
Our natiue boundis, and auld heretage
Lo menelay ane of the cheif barnage
[Page] And Atryus son, clepit Atrydes
To protheus pillaris hait Priamedes
Constrenyt is in exile, for to wend
Vlixes a so, as ful wele is kend
Beuauit is wyde, quhare ouer al the se
So that the Ciclopes of Ethna saw he
Quhat suld I say, of N [...]optoloneus
That vthir wise, to name is hait Pirrus
The hard myschance, and tynsel of his ryng
Or how aganis Idomeus, the kyng
Hys kyndly goddis, and cuntre did rebel
And hym agayne, of hys natyue realme expell
Or how the Locris, Aiar, Oelus oist
Now dois inhabit the waist Libiane coist
Syne he hym self, the gr [...]te Agamenone
The King of Myce, and cheif Ledare of one
Of al the Grekis oislis in batall
Ha schame to sa, foulely befell
That by the handis of his awin wyfe
The first nycht, in hys palyce loist his liffe
And he that vincust, Asia lyis dede
The sle adultrare, Occupiis his stede
The goddis eik, so fer dyd me inuy
That my natyue land, neuer sal I spy
My chaist spousage, like as before has bene
Ne Calid one my Realme of crymes clene
And now also, ane grislye thyng to se
Ane selcouth monstoure, to betid has me
My feris loist, wyth Plumes in the are
As thaym best likis, ar sle and ouer alquhare
Allace of my folkys, the wengeabil wraik
Transformyt in foulis, wanderis by the laik
And of thare lamentabil and woful soundys
The large coistis, Dynnys and resoundis
[Page cclxxxxv] Thir myscheuis for my trespas, and cryme
I may traist has m [...] betid, sen that tyme
That I witles, and so rekles perfay
The heuinlie bodyis, durst with swerd assay
Ano with imert wound was▪ ouer presumptutis
To violate the richt hand, of venus
Solist no more quod he, persuade me not
That to so dangerus, battellis I be brocht
E [...]tir the betting doun, of troyis wallis
With the teweranis, quhat chance that euer be fallis
I will no more debatis, mak nor weris
Nor of our auld strife, thir hunder ȝeris
That so myscheuus was, and bald to se
Nay I glaidlie remembir, now said he
Thay giftis riche, and mony fare presandis
Quhilk ȝe to me, has brocht out of ȝour landis
Returne and bere, vnto prince Enee
Contrare his kene dartis, ellis stand haue we
And hand for hand, matchit him in ficht
Beleif me as expert, how stout and wicht
He is outhir in battell, place or felde
And how sternlie, he raisis vp his sche [...]d
Or with how grete thud, in the melle
Ane lance towartis, his aduersaris thrawis he
Forthir I said, I certifye ȝou a [...]sua
That gif the foresaid ground o [...] Phrigea
Twa vthir sic men fosterit had, or bred
The cieteis all of arge mycht, sore haue dred
And of the ofspryng, of dardane eselye
Mycht in our realme ariuit by and by
So that grete suld haue murnit euery toun
The fatis auld, reuersit vpsyde doun
Alhale the stope resitence, and delay
Made at troy wallis, quhil the sege thare lay
[Page] Was by the handis of Hector and Enee
The grekis conquest lang tyme traistis me
By thame was stintit, apoun sic manere
That it prolongit was, quhil the tent ȝere
Athir of thame, in bounte and curage
Excellent war, and ful of vassalage
Athir of thame, maist souerane and douchty
In dedis of armis, prowes and cheuelry
That this Enee was, first out al expres
Of reuwth co [...]passioun, and of gentlines
Tharfore al samin adionis ȝour richt han [...]is
In ferme alliance, of concord and sic bandis
Be ony wise, se ȝe obtene quod he
For gif [...]e stert to armes in melle
Be war with thame, for to debate I rede
Maist nobil kyng of kingis, in this stede
His answere has thou herd, as I haue tald
And twichand this grete batel quhat he wald
¶ The king praponis with Enee to tak pece
Incontrare Turnus / and thar to perswadis Orances
SCars had the messingeris, thir wordis said
Quhen al the latynys, trublitful vnglaid
Fra, hand to hand, quhisperis fast and roundys
On diuers wyse, deming wyth murmour soundis
Lyke as the swift wattir stremys clere
Sum tyme routand, men on fer may here
Quhare it stoppit, wyth thir stanys round
That of the riuerys brute, and brokyn sound
Bry [...]and on s [...]ellyis, ouer thyr demmyt lynnys
The bankis endlang al the fludis dymmys
Bot eftir that thare mudis mesit were
Thare wauerand wourdis, stanchit and sic bere
With reuerence, first blissand the goddis mycht
The king thus carpis from his trone on hicht
[Page cclxxxxvi] O Latyne pepil forsoith, I wald alga [...]
And so had bene,
[...] Laitinis ora [...] [...].
fer bettir wele I wateFull lang or now auisit, had we be
Twiching the commoun wele, and materis he
And not at sic ane poynt, apoun this wise
Our counsele for to assembil, and to auyse
Quhat our fais, and aduersaris ar boun
For to besiege the wallis, of our toun
O cietezanis we moue, and ledis at hand
Ane were inportune, quhilk is vnganand
Aganis folkis of goddis, clan discend
That bene inuincibil, and wele can defend
So that no bargane may, thame irk nor tyre
Nor thocht thay vincust war, bayth man and syre
May thay resist, ne withdraw the melle
Gif ony hope or confidence, had we
In cheuelry, of the Etholianis
Quhilkis in Naplis, with Diomede remanis
And for thare men of armes thidder send
Do all sic traist away, and ȝou defend
Lat euery man in his awne self haue hope
Bot how febill sic traist, is ȝe ma grope
And eik before ȝour eue, clere ȝe may se
In how grete perrell, and proplexite
All vther materis lyis now, or standis
All sic thingis bene brade, amang ȝour handis
I wyll accus nor argew, now na wicht
Alhale the force or strenth, mycht be in ficht
Exercit was I wate, sene all the floure
And pissance, of this realme did sterue in stoure
Now is it so, that I wyll breuely end
And in schort wourdis, mak vnto ȝou kend
The doutsum purpois, in my mynd remanis
Attendence gif and harknes all attanis
[Page] I haue besyde Tyber, the tuskane flu [...]e
Ane auld feild vnproffitabill, and rude
Far strekand west to the boundis, quhare remanis
The cecil pepil, quhilkis clepit ar sitanis
The folk armitane, and of rutuly
This ground sawis, full vnthriftely
With scharp plewis, and steil stokkis sere
Thare hard hillis, hirstis for till ere
And on thir wild boltis, hats also
In faynt pastoure dois, thir beistis go
All that cuntre, and band of hillis hie
Sa full of rochis, pynnakillis as we se
Lat it be geif for amyte, and concord
To the troyanis, and Eneas thare lord
Syne offer thame, equale trety condigne
And as our peris, do call thame in thys ryng
All samyn lat tham duell, here by and by
Gif thay haue sic desire to Italy
Do lat thame beild, thare ciete wallis square
Bot gif so be that thay list, ellis quhare
The othir coislis, or pepil for to wend
Thare duelling place, for ay to apprehend
And possibil, be that of our boundis thay
May so depart, and from thens wend away
Twys ten schippis, lat vs beil [...] agane
Of strang tymmer and treis Italiane
And gif thay [...]ald complete, may in this land
Ther lyis now all redy, by the strand
Of thare schippis the noumer, and the maner
Lat thame commaund, and we sall furnis here
The irne graith the werkmen, and the wrichtis
And all that to the schippis, langis of richtis
And forther eik it likis, me quod he
To [...]er my wourdis, to thys prince Enee
[Page cclxxxxvii] And to conferme our freyndschip, and our pece
Ane hundreth gay ambassatouris, but le [...]s
Of gretest blude, of the latyne menȝe
And in thare handis reik furth, the peciabil tre
And bere him giftis, and rewardis large
Of gold and euore, mony soume and charge
The chare or sete, according for the ring
Our rob riall ensenȝe [...]s, for ane king
Awyse hereon amang ȝou, for the best
And helpe to bringe our febil, wile to reste
Ane Drances tho vpstude and speik began
The quhilk Drances, was the self man
That as we said, haue latlye here to fore
Was richt molest, to Turnus euermore
Quham the renowne, of Turnus and glorie
Prikkit full sore with lurkand, hid inuy
Of moblis riche, and plenteous was he
And maist expert in speiche, and wordis sle
Bot of his handis, in to battall stede
Full cald of curage, dolf as ony lede
And in to counsalis geuing, he was hald
Ane man not vndegest, bot wise and cald
Bot ane seditioun, or ane brek to mak
Sa maisterfull tharin was, nane his maik
The nobill kinrent, of his moderis syde
Maid him full grete of blude, and full of pride
His fader was vncertane and vnknaw
And vp he stertis,
Drances [...] Turnus.
in this ilk thrawWith thir wourdis Turnus, to our charge
Aggregeing on him wraith, and malice large
O douchty king thou askis counsele said he
Of that mater, quhilk as semes me
Is nouthir dirk nor doutsum, but full clere
That mysteris, not our auisis bene here
[Page] The pepil hale grantis, that thay wate
Quhat fortoun schawis, and in quhat estate
Our matteris standis, bot thay ar arth to schaw
Quhisperand amangis thame, thay stand sic aw
Bot caus him gif thame liberte, to speik
Do way his boist that, thare breith may out breik
I mene of him, be quhais vnhappy werde
And fraward theuis now dede, on the erde
Sa mony chief Chiftanis, and dukis lyis
Forsoith I sall say furth, all myne auise
All thocht with braik, and boist or wappinnis he
Me doith awate, and manace for to de
For by his dedis may we se, expres
This ciete halely plungit, in distres
Quhilkis that he has made, him to assay
The troyanis strenth, and stall sa sone away
Hauand assurance, for to withdraw and fle
And into armes dois boist, the heuynn ys hie
But o thou al thare best, and riall king
To all thir giftis eikis, but ane thing
Vnto thir presendis, and wise wourdis sere
That to troyanys thou has bid say, and bere
Eikys ane gift, and lat neuir demyt be
The bustuousnes, of ony man dant the
Bot that thy dochter, O thou fader gude
Vnto ȝone gentill prince, of whurthy blude
Be geuin to be thy son in law, I wys
As he that wourthy, sic ane wedlokis
And knyt vp pece, but mare disseuerance
With all eternall band, of alliaunce
And gif sa grete dreddour, or drede haue we
Within our myndis, or our breistis quod he
That for Turnus we dar not, do sic thing
Than lat vs for the welefare, of this ryng
[Page cclxxxxviii] Beseik him tharfore, and with hale intent
Requier him that he, wald grant his consent
So that the king, at his fre volunte
Mycht vse and do, his proper dewite
And for the wele public, of this land,
Desire that he na wise, thareto gane stand
O Turnus hede, and causere verely
Of thir myscheuois grete, in Italy
Quhare to sa feil syis, in plane perrellis now
Thir silly wretchit cietezanis, warpis thou
Nane hope of welefare, haue we in this were
For pece halile, we all require
To giddir with Lauinia, the schene may
Quhilk is the pand or plege, this dar I say
Of pece to be kepit in violate
And I forsoith quhilk is, by thy consate
Thou fenys thy euyll willare, for to be
And for the commoun wele, sa mot I the
So for to cum, I refuse not gude brother
Bot lo me here now, formest of all vthir
Humelie the beseiking, I require
Haue mercy lord, of thyne awne freyndis dere
Lat be thy stout mynde, go thy way but lak
With ane mare strang, rebute and driue a bak
Dede corps bet doun ynew haue we sene
Our large feidis, and boundis all betwene
Left desolate and waist, of Induelleris
Bot gif thy fame, and gret renoune thou steris
Gif in thy breist sa hie curage, and mycht
Thou has consauit think and the so wicht
And gif that on sic wise this hald riall
Suld be thy drowry, and riche gift dotal
Thou betis in hert, and is to the sa dere
To vndertak, this thing, and end the were
[Page] Addres thy body baldly, and not spare
For to recounter agane, thy aduersare
To that intent, that Turnus al his lyfe
May weild the kingis douchter, to his wyfe
So that we dolf of curage, as the lede
Be not doun strowit in the feildis dede
In cumpanyis vnberyit, or bewalit
Bot thou that has in feild sa fele assayit
Gif ony strenth thou has, or hardiment
Or marcial prowes, stering thine entent
For thy cuntre, aganis the for his richt
Behald thy sa prouokand the to ficht
ȝounder al reddy, to make his party gude
Delay no mare, but manfully go tude
¶ Turnus at dran [...]is speche / commonit sare
Rycht subtelly allegeis the contrare
THe feirs mind of [...]urnus this bald syre
At sic sawis kindillyt,
Turnus [...] oration agany drances.
hait as fyreSichand richt sore depe, in his breist anone
Thir wourdis pronouncis, with ane pietuos grone
Drancis forsoit quod he euer has thou bene
Large and to mekil of speche, as weil is sene
Now quhen the batel, desiris werk at hand
The counsel sittand, first thou does vpstand
Bot not with wourdis suld the court be fyllyt
Set thou be grete tharm, and ful euill wyllit
With haltand wourdis, fleand from the here
Quhen thou assouerit art, of al dangere
Sa lang, as that our strenthy wallis gude
Our inemies debarrit, dois exclude
Or quhil the fowsyis of our forteres
Kinnis not ouer, of bludy spate I ges
Tharefore trump vp, blaw furth thine eloquence
As thou was wont to do, make thy defence
[Page cclxxxxix] Bot than thou may drances, be mine auyse
Me to reproche of fere, or cowardise
Quhen that thy richt hand, in to batal stede
Sa mony hepis of troianis, has laid dede
And quhen thou takinnit has, sa vnwourthely
With signe tropheal, the fild as haue I
Ful cith it is, for til assale and se
Quhat may our sprety force, in the melle
And als full wele, is knawin to vs cik
Our fa is bene not fer, from thens, to seik
Bot plant about the wallis, of our toun
Aganys thame, go make vs redy boun
Quhy duellis thou, and taryis thus al day
Quhiddir gif thy marciall dedis as thay war ay
In to thy wyndy clatterand toung sal be
And in thy cowart fete, euir wount to fle
Sais thou, I was repulsit, and driffe away
O maist vnwourthy wicht, quha can that say
O me Iustely reprocheing, of sic lak
That I rebutit was, and doung abak
By me quhen thou beheld, mycht Tyber flude
Boldyn and ryn on spate, with troyanis blude
And al the femel, of Euander king
Brocht vnto ground, alhale and his ofspryng
And the Archades confoundit, and ouerset
With mony ma in armes, I doun bet
The grysly bytais, and Pandarus hys brothyr
Thay ar expert gyf I fled, ane or vthir
And eik thay thousand saulys, on ane day
Is vyctor I to hel send,
[...] confutaciō of drā ces argumentys
hine awayQuhen that I was inclusit, at dystres
Amyd my ynemyis, wallys and forteres
Thou sayis in were na hope, is of welfare
O w [...]les wicht pronunce that and declare
[Page] Sic chance betid ȝone dardane, capitane
And spay sic thingis, vnto thy dedis ilkane
And forther eik sen thou art made becum
Ceis not for to pertrubil, all and sum
And with thy fellound, reddour tham to fle
The febil mychtis, of ȝour pepill fey
In to batal twyis vincust, schamefully
Spare not for tyl extoll, and magnify
And be the contrare the pissance of Latyne king
Do set at nocht, but lichtlie and doun thring
Now the nobil myrmydone, capitanis
Quakis in armis, for fere of the troianys
And now Tedeus, son diomedis
Agast is, and Larissiane, Achilles
And Ansidus the swift, flowand riuere
Rynnys contirmont, frawart the sey for fere
And quhil also this ilk, schreuit wycht
That is contruwar, of many wikkit slycht
Fenȝeis him fleyit, or abasit to be
That he dar not chide furth incontrare me
Than with his drede, and sle contruwit fere
My cryme aggregeis, he on his manere
Desiste drances be not abasit, I pray
For thou sall neuer leis, schortlie I the say
Be my wappin nor this rycht, hand of myne
Sic and peuis and catiue, saule as thine
And lat it duel with the, as best may gane
Within that wrechit corps, and thare remane
Now O thou grete fader, and prince souerane
To the and thy counsale, I turne agane
Gif thou list no thing traisting, nor affye
In [...]o our armes, nor our cheuelrye
Gif that we be of help, all desolate
And hale at vnder, in to this last debate
[Page ccc] Distroyit for ay, and na help may mak
For that our oist was, anis dreuin abak
And fortoun has na returne, nor regres
Lat vs beseik, for peace at sic distres
Mak him request to rew apoun our harmis
And reik him furth, our richt arme bare of armis
How beit o wald god in this extreme nede
That ony thing, of curage or manhede
Remanit, as was wount with vs to be
Abuse the laif, thame wourthy thinkis me
Maist fortunate, in fatis marcial
And excellent, in hie curage, ouer al
Quhilkis wilfully, as thame se [...]in wald
That thay ne sulden, sic myscheif behald
Feld dede to ground, be fatal happy werd
And with thare mouth, anis byte the erd
Bot gyf we haue riches, and moblis sere
And euir assayit, ȝit fresche ȝoung powere
And in our helpin, of Italianis
Cieteis and peplis, haboundis and remanis
Or gif that also, to the troiane syde
Wyth effusio [...]n of blude, and woundis wyde
This victor betid, as traistis me
Thay haue als fele dede corps, as haue we
Gyf thys tempestuous traik, of the batal
On baith the halfis, is al ou [...] equale
Quhy failȝe we sa schamfully our mycht
Into the fyrst entre, of the ficht
Quhy quakis thus oure membris, vp and doun
Before the bludy blast, and trumpis soun
For time felesyis, and eik the varyant chance
Of our instabyl lyfe, hing in ballance
Reducyt has, ful mony vnlykly thyng
To better fyne, than was thare begynnyng
[Page] And fortoun interchangeabill, with blenkis quent
Full mony ane dissauit, has and schent
Syne efter in ane thraw, thus wele I wate
Restorit, thame agane, to thare ferme estate
I put the cais set, the Etholianis
With Diomede, and the pepill arpanys
List not tocum, in our help nor supple
ȝit than the bald Mesapus wele, will be
And the happy columpnyus, alsua
With all the vthir dukis mony ma
That fra sa feil pepillis, bene hidder sent
And nane litill renowne be myne entent
Followis the chosin folkis, of Italie
Nor tham that dwellis, in Laurente feildis hereby
Haue we not eik, the stalwart Camylla
Of the famyll, and kinrent of wolsta
Ledand thare armyt oistis, and sterne feildis
In burnist plait arrayit, and schynand schildis
Bot gif the troiane pepil, euery ane
Desiris me to feill, fecht in feild allane
Gif that be plesand vnto the, schir king
And I sa fer eftir Drances mening
Gane standis the commoun, wele in to that cais
That schame, sall neuir betid me in na place
For victory me hatis, not dar I say
Nor list sic wyse withdraw, thir handis tway
That I refuse suld till assay,
Turnus stoutly promyses to fecht wyth Eneas
ony thingQuhilk mycht sa grete beleif, of weil inbring
With stout curage agane, him wend I will
Thocht he in proues pas the grete Achill
Or set in cais sic armour, he weris as he
Wrocht be the handis, of god Vulcanus sle
To ȝou and king Latine, my fader, in law
I turnus here, quham ful wele ȝe knaw
[Page ccci] Na thyng behynd, na to be repu [...]es
To name of all our eldaris, in prowes
Thys saul and lyffe, the quhilk sa wele I luf
Doith promys and auowis, for ȝour behuffe
Thay say allone, me challancis Enee
And I beseik grete god, he challance me
Na bid I not that drantis dere aby
Ocht with his deith, quhare apposit am I
Nor quhiddir this turne, to goddis wraikfull wrask
Or hardyment and honour, we vndertak
Na thing at all thareof, salbe hys part
The chance is myne, I will it not estart
¶ During this disputatioun / as is said
Enee his [...], about the toun has laid.
QVhil thay thus, at grete altercatioun were
Amangys thame self, in doutsum thingis sere
Eneas all his oist, and hale armye
Has rasit trumpin, to the toun in hye
Ane messingere come ruscheing, in with haist
Amyd the rautis ran, as he war chaiste
Than with huge rumour, and ferefull dyn
Fyllit anone, the kingys riall In
And with grete drede, the ciete stuffit all quhare
Schawand how that thare fais cummyn ware
In plane batall arrayit, to conclude
The troyane barnage, from Tyber the flude
With ordynance of tuskane, that did spred
In forefront all the large feildis, on bred
Anone the pepillis hartys affrayit war
And commonis breystys proplexit all for fere
In sum the greyf, and Ire dyd fast haboynd
Rasyt wyth braithfull stangis full vnsound
And with ane felloun drede, all on stere
Thay hynt to harnes, and cryis eftir thar gere
[Page] Harnes harnes, all the ȝoung cietezanis
With felloun brute, and noyis schoutis attanis
The febill agit faderis wo begon
Can plene and wepe, with mony ane piteous grone
In euery part the grete clamour, and cryis
In diuers opinionus, rais vp to the skies
Nane vthir wise, than as sum tyme we knaw
The flicht of birdis fordyanys, the thik schaw
Or than the rauk, vocit swannys in ane rabil
Soundand and southand, with nois lamentabill
Endlang the lemand stankis, and stremes clere
Of Padusa sa full of fyschis sere
Turnus that fand his time, so oportune
Now baldlie sais he, cietezanis haue done
To call ȝour counsell, takis auisement
Syttand at eis ilkane, say his entent
Carpis of pece, and ruse it now lat se
Quhen that thay ȝounder, inuadis ȝour cuntre
ȝour mortal fais enarmed, ȝou assale
Na mare he said bot stertis vp, sans fale
And of the cheif palice, ischit furth in hy
Thus carpand to the nobillis, stude him by
Go tite Volisus,
Turnus exhortacion to his men.
to the banererisOf the wolstanis, and thame that stanrdatis beris
Charge thame thare ensenȝeis, for to rais on hicht
And in thare armour addres, thare men to ficht
And ȝe Mesapus Coras, and ȝour broder
The horsmen all enarmed, ane and vthir
Conuoyis furth vnto the feildis brade
Ane part of the cietezanis, he said
Do stuf the entres, and the portis defend
Sum to the touris, and wall hedis ascend
The remnanent of al ȝour hale menȝe
Quhen I command, lat thame set on with mē
[Page cccii] Anone ouer all the ciete, by and by
Vpoun the wallis ryn, thay vp in hy
The king Latine his counsal, full vnglaid
And grete materis, quhilkis he begunyng had
Left and deferrit, quhil ane vthir day
Trist in his mynd, and trublit of that delay
And mony wayis him self, he accusit
That he sa lang had sleuchit, and refusit
To resaif glaidlie, the troyane Enee
Repenting sore for wele, of his ciete
That he had not requirit hym, and draw
Or than to be his mauth, and son in law
Sum tho thare ciete enter for to kepe
Before the portis, delfis trinschis depe
Sum to the ȝettis weltis, wechty stanys
And sum grete geistis, and sillys for the nanis
The bais trumpet, wyth ane bludy soun
The signe of battel, blew ouer all the toun
The wallys than thay stuffyt, round about
With diuers sortis of mony, syndry rout
Bayth wyiffis barnis, chyldir men and page
Na kynde of state was, sparyt tho nor age
The hiest poynt nor lattir resistence
Callit euery wycht to labour, and defence
The quene also amata, furth can hald
And to the tempil, and pallas souerane hald
Borne in hir chare, and walking hir about
Of Matrouns, and nobil wemen ane rout
Offerandis and gyftys, brocht with hir scho had
Nixt hand hir went, Lauinna the made
The cause of al this harme, and woful tene
That doun for schame, did cast hyr lusty ene
The matrouns enteris in, the goddis presence
And smokis the temple, with swete vapour and sence
[Page] And reuthful vocis, warpis vp on hie
Als sone as thay, atteynit the entre
O thou sayd thay, Pallas armipotent
Tritonia clepit, made and president
Of batal and of weris, euery one
With thy virginal handis, breke anone
ȝone troiane Ryueris, wappinnis and his spere
Him self als tite, doune to the ground thou bere
Vnder our portis, and our wallis hie
Doun warp him dede, that we that sycht mych se
¶ Here Turnus and camilla, can deuyse
Practikis of were, the troianis to suppryse
TVrnus him self, als feirs as ony glede
Ful besely addressit on his wede
Desirus of the batall, and bergane
In til ane clois curace, rutiliane
Be than his body wele cubrasit had he
His birnest armour auful for to se
Wyth lymmes claspit, in platis gilt with gold
And hede al bare, ȝit as him self in wald
The dedely brand, he beltis by hys syde
And schynand al of bricht gold fast can glyde
Throw out the palice rial, here and thare
Reiosit in his mynd, as thocht he were
In ferme beleif, for til ouerset his fo
And on sic wise, can walkin to and fro
With hart hingand, on the ioly pyn
As sum time dois the coursere, stert and ryn
That brokin has his band, furth of his stall
Now gois at large, ouer the feildis al
And haldis towart the stedis in ane rage
Quhare meris walkis, in thare pastorage
Or than vnto the depe rinnand riuere
Quhare he was wont to drink the water clere
[Page ccciii] He sprentis furth, and ful proude waloppis hie
He strekand vp his hede, with mony ane ne
Out ouer his spaldis, and lang nek by and by
Hys lokerand mayne, schakand wantonly
Siclike this Turnus, semys quhare he went
And as he bradis furth apoun the bent
The made Camilla, cummys hym agane
Accumpanyit with hir, oistis wolstane
Before the portis, doun lichtis the Quene
Quham al the rout, has followit bedene
Discendand from thare horsis esely
Syne on sic wyse, this lady spak in hye
Turnus sayd sche, gif ony hardy wicht
May traist or ȝit assure in thare awyn mycht
I vndertak,
Camillas hardynes desyrynge the brount of the [...].
and dar promys allaneTo mache in feild, the oistis Eneadane
And baldly dar recounter in melle
All the hors men, of the tuskane menȝe
I the require, suffir me to assay
With my retinew, and thir handis tway
The first dangere in batal, or I stent
Byde thou behynd, on fute in the buschement
And kepe the wallis of this toune sche said
Turnus his ene, has fixit on this maid
That verely was, and auful for tose
Syne on thys manere,
Turnus answer cō mendynge camyllys stoutnes.
to hir, ansueris heO thou virgine glory of Italie
Quhat thankis ȝeild, or rander the may I
Or quhat may I refer, to thy renowne
Bot sen thowart, to all thyng reddy boune
Surmonting, al in curage souerane
Now at thys tune, of sic laubor and pane
Grant me my part, sa that on athir syde
Betuix vs twa, the bargane be deuyde
[Page] Herk I sal schaw ȝou myne auise quod he
ȝone detestabil, and myscheous Enee
As that the rumoure, surelye has made kend
And als my spyis, schawis was thidder send
Ane certane hors men, licht armyt for the nanis
Has send before, for to forray the planis
Him self ascendis, the hie band of the hill
By wentis strate, and passage scharp and wil
Schape on our ciete, for to cum preuilye
Tharfor ane prat [...]ik, of were deuyse wyl I
And ly at wate, in quyet enbuschment
And athir p [...]this hede, or secrete went
In the how stake, be ȝounder woddis syde
Full dern I sal my men, of armes hyde
Set thou apoun, the horssit tuskane rout
Wyth pynsellis semblit, sammyn with ane schout
The stalwart Mesapus, with the sal go
The latyne barnage, and the brethyr two
That capitanis come, fra tyburtyne ciete
Wyth al thare ordinance, and hale menȝe
Tak thou the cure, with thaym to reule and stere
Alhale that riall army, into were
Thus sayd he, and with sic wordis at schorte
Mesapus to the fecht, he did exhort
And all his feris, syne euery capitane
And syne towartis, his aduersaris is gane
Thare lay ane vale, in ane crukit glen
Ganand for sticht to enbusche armit men
Quham wounder, narrow apoun athir syde
The bewis thik, hamperith and dois hyde
With skuggis derne, and ful obscure perfay
Quhar throw thare strekit, ane rod or ane strate way
Ane narrow peth, baith out gang and entre
Full scharp and schrewit passage wounder sle
[Page ccciiii] Aboue the quhilk, apoun thy hill on hicht
Quhare men mycht spy about ane wel fare sycht
Thare lyis ane, plane, to the troianis vnknaw
Bot quha sa list, towart that stede to draw
It is ane stll [...] place, and sobir herbry
Quhare oft in stail, or enbushment may ly
Quhidder men list, the bargane to abyde
Qwthir on the richt hand, or on the left side
Or on the hicht, debate thame for the [...]anys
And on thare fays, welt doun wechty stanis
Thidder ȝoung Turnus held and did discend
As he that al the passage, wel bekend
The place he tuke, and ful priue vnknaw
Liggis at wate, vnder the derne wod schaw
¶ How that Opis was doun fra Diane send
And of what kinne camilla was dyscend.
THe mene sessoun, Latoneis douchter diane
Wythin hir sete, of heuynnis souerane
The swyft opys ane nimphe, ane of hir feris
Ane haly virgyne, of hie sort mony ȝeris
To hir callis, richt dolorus and vnglaide
And sichand sare, to hir sic wourdis sayid
O virgine dere, lo now Camylla gais
To cruel batel, agane her mortal fays
And al in vane, with hir into sic weris
Our wappynnys and our armour, with hir beris
I the declare, and certyfyis quod sche
Aboue al vthir, ful dere is sche to me
Na this lufe southly, is not commyn of new
Nor ȝit of lait, in dianis breist vp grew
And wyth ane hasty sueitnes mouit my sprete
Bot of auld kindnes, lang tyme vnfor lete
For quhen hir fader,
[...] kynred
Mechabus the kyngWas throw inuy, expellit his ancient ryng
[Page] Of Priue run, and for the cruelte
Of his pepil fled, from that ciete
Wyth hym he bare, the ȝoung infant so dere
To be hys fallow in exile and playfere
And eftir hir moderis name, hait Casmilla
Camylla has clepit, ane lettie tane awa
Before him in his bosum, he hir bare
And socht vnto the wilsum holtis hare
His cruel fayis, with thare wappinnis kene
Him vmbeset, in al partis in tene
With armyt men, and wageouris, the wolstanys
So nere almoist, be lappit him attanis
Thare was na passage, quhare away to fle
For lo amyd the went, quhare ettillit he
Amasenus that riuere and fresche flude
Aboue the brayis, bullerit as it war wod
From the clouddis was brist, sic spate of rane
The riuer flowis, ouer the large plane
He dressand hym to swym, at the bank syde
For the luf of the ȝoung bab, moist nede abide
And for his dere birding, dreading sore
Ilk change in haist, did row in hys memore
And skars his sentence, into his mynde
His douchter, for to clois wythin the rynde
And stalwart sipplyne, or bark of Cork tre
For in his hand, the self tyme had he
Ane bustuous spere, percais baith stif and sture
As he that was, ane wourthy weriour
The schaft was sad, and sound and wele ybaik
I wymplit in his bark, tho did he taik
His ȝoung douchtir, and with his awne hand
Amyddis of this lance ful surlie band
Quhilk tasand with his richt hand, sone on hie
Vnto the heuine aboue, thus carpis he
[Page cccv] O blissit made Latonia ouer al quhare
Of wylde forestis, the Inhabitare
I fader here professis, seruand to the
This tendir ȝoungling, bund vnto this tre
Fleand his fais, throw the sayes lo
Knyt to the schaft, laulie beseikis scho
Ressaue hir lady, and testify god wate
As thyne alhale, vnto the dedicate
Quhilk now thou seis, standis in dangere
Commyttit to the windis, and the aire
Thus sayd he, and anone with ane swak
His gardy vp has bendit, fer abak
And threw the spere, with al his force and mycht
The stremes soundit, of the schaftis flycht
Ouer this feirs riuer, to the forther bra
The fey vnsilly bab, ȝoung Camylla
Flaw knyt vnto this quhirlland schaft of tre
Bot this mechabus, quhen that he did se
The grete preis, of his fais him sa nere
Na langar duelt, bot swam throw the riuere
And cummyn to hys purpois, blyith and glaid
The spere anone, sa buklith wyth the maid
In presand vnto the thrynfald diane
Furth of the grissy swarde he had vp tane
Na rurale biggingys, nor ȝit na strang ciete
Wald hym ressaue, within thyr wallys hie
Nor thay wald him to herbry haue tane
His fers mynd, couth not subdew to nane
[...]o that in manere of hirdis, in pasturage
On wylde montanis, he wounit al his age
Quhare that hys douchter, amang bu [...]is rouk
In derne [...]adis and mony sloggy o [...]k
Wyth milk he nurist, of the beistis wilde
And wyth the pappys, fosterit he hys chyld
[Page] Of sauage stude meris in that forest
Oft tymes he thare breistis mylkit and prest
Within the tendir lippis of his get
And fra the child mycht fute, to erd set
And wyth hyr solis, first did mark the ground
With dartis liene, and hedis scharplie ground
Hir fist, and hir handis chargit he
And at hir sulder buklit on has he
Ane propir bow, and ane litil arrow cace
And for hir goldin garland or hede lace
In stede eik of hir syde garmound of pall
Ouer hir suldderis, from hir nek doun with all
The grisly tygris skyn, of rent did hing
The self tyme ȝit sche bot tendir ȝoungling
Thir dartis, and the takillis swyft let glide
And oft about hir hede, the ilk tyde▪
Wald warp the stringis, of the stout staffe slyng
Quhare wyth fele sy [...]s, to ground dede wald sche ding
The cran of trace, or than the quhite swan
For not sche was, desirit with mony a man
And moderis fele, throw the townis tuskane
Desirit hir thare gude dochter in vane
For sche onlye ful ferme in hir entent
Of dyane goddes, of chaistite flude content
And list to hant euer in woddis with me
The dartis schutting, and loue virginite
Remanand incorrupt, and ane clene made
I wald forsoith at this tyme sche abade
And had not haistit, to sic cheuelry
For to molest the troyianis stout army
Bot that ane of my feris suld be
As sche that is oft, al tyme dere to me
Haue done anone now nymphe Opis sche said
Wyth wikkit fatis sen bestad is ȝone made
[Page cccvi] Thou slide doun, from the heuin and that in hy
The Latyne feildis thou wesy and espy
Quharein the woful batal and melle
To ane vnhappy chance, betaucht has sche
Tak thir dartis, and sone out of my case
That Ilk reuenge able, arrow thou out rase
Quha euer with wound dois hurt or violate
Hir haly body vnto me dedicate
Quhithir he be troiane or Italiane
All is elike, that he anone be slane
And with his blude, myne, offence dere by
My self thare eftir, the ruthful corps in hy
Amyd ane bois cloude, sal cary away
Vnspulȝeit of hir armour or array
And hir bigraue, reducit to hir cuntre
In sepulture, ful glorious said sche
Than Opis lichtlie, of the heuynnys glade
Throw out the skyis southand fast doun glade
Persand the are with body, all ouer schroude
Addekkit in ane wattry sabil cloude
¶ How that Eneas / wyth hys hale power
Towart the ciete wallis, drawys nere
DVring this quhile,
A hystorical discryptioun of warre.
the troyane power allApprochis fast, towart the ciete wall
The tuskane dukis, and hors men routis alhale
Arrayit in batall, euery warde and stale
Ouer al the planis, brayis, the s [...]ampand stedis
Ful galȝeard in thare bardis, and werely wedis
Apoun thare strate born brydillis brankand fast
Now trypand here, now thare his hede did cast
The large ground worth grisly vnto se
Of stele wappinnis, and scharp spere hedis hie
And as the fyre al birnand schane the feildis
Of bricht armoure, hie helmes and braid scheildis
[Page] Aganis thaym anone, also apperis
The bald mesapus, vaileȝeand in weris
The agil latyne pepyl, wyth hym was
Ane duke Catellus wyth his brothir Coras
And eik the weing, or wolstan [...] pepil in feild
With the s [...]ou [...] wensche Camylla vnder scheild
And furth thay stroke, thare lang speris wele far
Drew in thare armes, wyth schaftis chargeit on fer
Tasit vp dartis, takil [...]is and fleand flanis
The counter or first tocum, for the nanis
Ful ardent woix, and auful for to se
The men birnand, to Ioue in the melle
And furoure grew, of stedis st [...]rand on stray
Now thay approcheing, sammyn in array
Wythin ane arrow, schot on athir syde
Syne made a [...]e litil stope, and stil did bide
Rasit vp ane schout, bad on thaym wyth ane cry
Quhil brute and clamour, fordynnyt the sky
Thare feirs stedis, for the bargane there
On athir half, thay mak ane werelike fere
And ther withal, attanis on euery sydis
The dartis and fleand, takillis glidis
As dois the schoure of snaw, and with that flicht
Dirkynnyt the heuynnys, and the skyis licht
Thirrenus tho ane, of the tuskane rout
And Aconteus, ane rutuliane ful stout
Togidder semblit, with thare speris ran
To preif the first fal, samyn man for man
Thay met in melle, with ane felloun rak
Quhill schaftis, al to schudderis with ane crak
To gidder duschis, the stout stedis attanis
That atheris counter, fruschit vthers banys
And Aconteus, like the thunderis blast
Smate from his sadil, an fer way was cast
[Page cccvii] Or lik ane stone, warpyt from the ingyne
That al to fruschit doun, he did decline
Wyth sic rebound, and rewyne wounder sare
That he his lyfe has sperplit in the are
Al suddanly, the Latynis tuke ane fray
And gaif the bak bedene, and fled away
Tharescheildis, ouer thare sulderis kest behynd
And to the toun spurris, als feirs as wynd
The troianis did persewing on the chace
And fast inuadis thaym prince Asillace
Quhen thay approchein, to the portis nere
The Latyne pepil, returnis al in fere
Thare wele danit hors, nekkis quhelit about
Syne gaif ane cry, and one thaym with ane schout
The tothyr party, than has tane the flicht
Leit ga the bridil, and fled in al thare mycht
Lyke as the flowand se, with fludis roude
Now ruschis to the land, as it war woud
And on the skellyis, at the coistis bay
Vp swakkis fast, the samyn wallis gray
And with his Iawpis, coweris in and out
The fare sandis, ouer the bay about
Now with farde swift gois, ebband fast abak
That with hys bullerand Iawis, and ouerswak
With hym he soukis, and drawys mony stane
And leiffis the strandis, schald and schaldis plane
The tuskane folk, the latynys on sic wyse
Vnto the ciete wallis, chasit twyis
And twyis thare self, did fle and gaif the bak
With scheildis, at defence, behynd thaym swak
Bot thare eftir,
The [...] together.
the thrid assay thay makThe oistis samyn, ioned with an crak
That euery man has chosin him hys fere
And than forsoith, the granys men micht here
[Page] Of thaym that s [...]eruyng, and doun bettin bene
That armour wappinnis and dede corps bedene
And stedis thrawand, on the ground that weltis
Mydlit with men, quhilk ȝeild the goist and sweltis
Bedouin lay ful depe, in thare awin blude
The stoure entrestis, furius and wod
Orsilothus ane troiane, with al his fors
Drelsis hys lance, at ane Remulus hors
For hym to mete, he stude ane maner fere
The hede remanit, vnder the hors ere
The stede enragit, for the cruel dynt
And lawsus apoun hicht als fers as flynt
As he that was Impacient, of his wound
That Remulus doun weltis on the ground
Catillus ane of the brether tyberine
Yollas doun bet, and thare eftyr syne
The grete armynius wounder big of cors
Bot f [...]r bigger, of curage and of fors
Quhots hede and schulderis, nakit war and bare
And on his croun, bot lokkerand ȝallow hare
And thocht he nakit was and vode of gere
Na wound nor wappin mycht hym anys effere
Forganis the [...]speris, so bustuously blomyt he
That this Catillus stalwart schaft of tre
Throw girdis baith, his braid schulderis banis
And wyth the dynt stude, schakand al atanys
Transfixit so, and persit euery part
It doublis and renewis the mannis smart
The blaknyt dedlie blude, on athir syde
Furth ruschis out of werkand woundis wyde
The swerdis baithit, wox in bargane rede
Fele corps kelit in the feild fel dede
And caucht ane douchty end to swelt in ficht
By hurtis fele, for to mant [...]me the richt
¶ How camylla hir fais doun can [...]ding
And vincust aunus, for al his fare fleiching
THe auful made Camylla the ilk tyde
Wyth cais of arrowis, caichit by hir syde
Amyd the slauchter and melle apoun hir fone
Proudly pransis like ane wynsche amazone
That for to hant, the bargane or assay
Hir rycht pap had cut and brynt away
And now the sowpil schaftis, baldlye sche
On athir side, thik sparpillis and lete fle
Now not I, irkit in batal, stich to stand
Ane stalwart ar, scho hintis in hir hand
Apoun hir schulderis, the giltin bow turcais
With dianis arrowis, clatterand in hir cais
And gif that so betid in to that flicht
Hir feris gaif the bak and tuke the ficht
In to the cais oft wald scho turne agane
And fleand with hir bow schute, mony ane flane
About hir went, hir walit stalwart feris
The made laryna, and tulla ȝoung of ȝeris
And Terpeia, that stoutly turnis and swakkis
With the wele stelit and braid billitax
Italianis borne quham the nobil Camylla
Had to hir louing and honour deput sa
To bene hir seruand in ganand tyme of pece
And in battel to stand by hir in preis
Like as of trace, the wenschis amazonis
Dynnys the flude thamodane for the nonis
As in thare armour do thay fecht
Outher about hypollita the wicht
Or by the werelike made Panthesille
Rolland hir cart of were to the melle
The woman routis baldly, with the assay
Wyth felloun brute grete reuery and de [...]ay
[Page] Furth hald [...]s samyn, on the feildis sone
Wyth crukit scheildis, schapin lyke the mone
O thou sterne made Camylla,
A commendacione of camillais [...] stoutnes in battall.
quhat sal I sayQuham first quham last, thou strake to erde that day
Or how faill corps in the batal stede
Thou layd to ground, ouerthrew, and put to dede
And with the formest, Ewmynius that was one
Son to Clyseus, quhais brode breist bone
With ane lang stalwart spere, of the fyr tre
Throw smyttin tyte, and peirsit sone has sche
He cauis ouer furth bokkis, stremis of blude
And with his teith, eik schortly to conclude
The bludy erde he bate, and as he sweltis
Apoun his wound oft writhit, tumlis and weltis
About this nixt scho, eikis vthir two
Loris, and ane pagasius also
On quhom the tane, that is to say loris
As that he fordwart stoupan was Iwis
To hynt his hors rene, that gan to founder
And the tothir present, to kepe him vnder
Furth straucht his febil arme, to stynt his fal
To ground togidder, ruschit ane and al
And to hir sine, the son of hyppotes
Amastous hate dede scho, adionit in pres
And lenand fordwart, on hir lance of tre
Terreas and herpa [...]itas, chasis sche
Persewand eik, ful bustuously anone
The bald Cromys, and strang Demophone
How fele dartis with her handis, kest this made
Als mony troianis to ground, dede scho layd
Ane Ornitus ane hunter, fer on raw
In armur and in cognissence vnknaw
Rade on ane coursour of apulȝe, throw the feild
His brade schulderis, wele cled and ou [...]rthelld
[Page cccix] With ane ȝoung bullis hyde, newly of hynt
His hed couerit, to saif hym fra the dynt
Was with ane wolfis, hidduous gapand Iowis
Wyth chaftis brade, quhite teith and bustuous browis
To mak debate, he held in til his hand
Ane rurale club, or culmes in stede of brand
And quhare he went amyd, the routis on hye
Aboue thaym al, his hale hede men mycht se
Camylla him at myschefe, has vnset
Scho bare hym throw, and to the ground doun bet
Norna grete curage, forsoith was that no mycht
For al hys rout, tofore had tane the flicht
Bot forthir eik, thys forsaid Camylla
Wyth mynd vnfreyndly, can thir wourdis sa
Thou thirrene fallow, quhat wenyt thou to be
In woddis chasand, the wylde dere quod sche
The day is cummyn, that ȝour proude wordis hate
Ane womannis wappin, sal resist and debate
And not theeles, na litil renowne
From thens thou sal do turs, away with the
And to our faderis goistis, blithly schaw
That with Camyllais, glaue thou art ouerthraw
Incontinent this madin eftir thys
Slew Orsilothus, and ane that hate butis
Twa byggest men, of body and of banys
Of al the oist, and fallouschyp troyanis
Bot this ilk Butis, standand hir before!
Out throw the nek, did sche pers and bore
Betuix the hawbrek, and the helme on hye
In at hys hals, quhare sche dyd nakyt espye
For ouer hys left schulder, hang ane scheild
Bot this orsilothus fled hyr in the feyld
And gan to triūphe, with mony ane turnyng went
In cirkillis wide sche draue hym on the bent
[Page] With mony ane cours, and Iouk about about
Quhare euer he fled, sche followis in and out
And at the last, sche has ouertak the man
And throw his armour all, and his harne pa [...]
Hir braid pollax, rasit so on hie
With al hir fors and mycht, syne strikis sche
As he besocht, hir grace, with grete request
Sche doublit on hir dyntis, and so him prest
Wyth fell woundis, his hede has torte and rent
His harnes bait, ouer al his vissage went
And Awnus son, quhilk also awnus hate
On cais betid approche, in the debate
Towart this made, and als sone he hir saw
Abasit huffis, stil for drede and aw
Into the mont opennyus duelt he
Amang liguriane pepil, of his cuntre
And not forsoith, the lakest weriour
Bot forty man, and richt stalwart in stoure
So lang as fatis sufferit hym in ficht
To exerce prattikis Ieoperdy and slicht
This awnus, fra that wele persauit he
Na wai to fle, nor eschew the melle
Nor mycht eschape, the quene stud hym agane
Than he begouth assay, hir with ane trane
And with ane sle dissait thus first he sayd
Quhat honour is, till ane stout wensche or maid
For tyl assure and traift, in ane strang hors
Leif thy swift stede, and traist in thyne awyn fors
At nane auantage quhen thou list to fle
Licht on this plane, and hand for hand with me
Addres vs to debate on fute allone
Thare sal thou se, thare sal thou knaw anone
Quhom to thys wyndy glore vast and avantis
The honour, or with pane the louing grantis
[Page cccx] Thus sayd he bot sche than als hate as fyre
Aggreuit sore inflammit in felloun Ire
Alicht and to hir mait the hors betauch [...]
At his desire anone on fute vpstraucht
With equale armour, bodin wounder licht
The drawin swerde in hand that schameful brycht
And vnabasit abaid, hym in the feild
Abulȝeit onlie, bot wyth ane qubite scheild
The ȝoung man wenyng with his sle dissait
He had begilit hir, with his consate
About his bridill turnit, but mare delay
And at the flicht sprent furth and brak away
And feil sydis let, his hors sydis feil
The scharp Irne spurris prik apoun his hell
O quod the made, thou fals liguriane
Ouer wantoun, in thy proude mynd al in vane
O bariant man, for not perfay quod sche
Has thou assayit, thy cuntre craftis sle
Dissaitfull wicht forsoith I to the say
Thy slicht and wilis, sal the not bere away
Nor hailskarth hyne do turs the hame fra vs
Vnto thy faderis hous, the fals awnus
Thus sayd the wensche, vnto this vthir syre
And furth sche sprent, as spark of glede and fyre
With spedy fute, so wiftly rinnis sche
By past the hors renk, and furth can fle
Before him in the feld, wyth grete disdene
And claucht anone, the coursere by the rane
Syne set apoun baldlie, quhare sche stude
And hir reuengit of hir fais blude
Als lichtlie as the happy gois halk, we se
From the hicht of ane rokit, pennakil hie
With swift wyngis, persewis wounder sare
The silly dow, hiech vp in the are
[Page] Quham fynale he chepis at the last
And lonkit in his punsis saris fast
Thristand his callouns, so throw hir entrallis
Quhil al the blude aboundly, furth ralis
And wyth hir beik, deplumand on al sydis
The licht downis vp, to the skyis glidis
¶ Tharchone grete chiftane of the tuskane oist
The fle and folkis to turne agane can boist
THe fader of goddis, and men wyth diligent ene
Has al hir dedis, vnderstand and sene
And setuate in his heuinlie hous on hie
Inducis and commuis to the melle
Tarch one of Tuskanis principal lord and syre
In braithful stoundis, rasit brym as fyre
So that amyd the ful mischeuus ficht
The grete slauchter and routis, takand the flycht
On horsbak, in this tarchone baldly draw
Wilful his pepil, to support and saw
Thewardis al, of euery nacioun
Wyth admoniciouns sere, and exhortacioun
And diuers wourdis, tyistis to fecht for schame
Clepand and calland, ilk man by his name
Quhil thay that dreuin war abak and chaist
Releuis agane to the bargane in haist
O tuskane pepil, how happinnis this sayd he
That ȝe sal euer, sa dullit and bowbardis be
Vnwrokin sic iniuris to suffir here
O quhat be this, quhow grete ene drede and fere
How huge dolfnes, and schameful cowardyse
Has vmbeset ȝour mindis, apoun sic wyse
That ane woman al one, and thus belyue
Apoun sic wise, sal skattir ȝou and dryue
And gar sa large routis, tak the flicht
Quhareto bere we, thir steil edgeis in ficht
[Page cccxi] Or quhat awalis to hald, in hand lat se
For nocht thir wappinnis, gif we ane wife sal fle
ȝe war not wount, to be sa liddir ilk ane
At nycht battellis, and werkis veneriane
Or quhare the bowand trumpet, blew the spring
At Bachus dance to go in, karelling
Syne go to feist, at tabil and sit at dieis
Se cowpis full of mony, danty meis
Thare war ȝour lust plesoure, and apetite
Thar was ȝour besy cure, and ȝour delite
Quhen that the happy spayman, on his gyse
Pronouncit the festuale, haly sacrifice
And se fat offerandis, did ȝou cal on raw
The banket amyd the derne, blissit schaw
And with that wourd, amydwart the melle
Reddy to sterf his hors, furth steris he
And awfully anone, with all his mane
Ruschit apoun venulus, stude him agane
And with his richt arme, can his fa enbrace
Sic wise as he did him, from his hors arrace
And with his huge strenth, sine did him cauth and lay
Before his breist, and bare him quyte away
The tuskanis rasit, ane clamour, to the sky
And Latinis al about thare, ene did wry
This tarchone ardent, as the fyrie leuin
Flaw furth swift, as ane foule vp towart heuin
Berand with him, the armour and the man
And fra his speris poynt, of brak he than
The stelit hede, and syne serchis all artis
Euir ilk entre, and all the opin partis
Quhare mycht he fynd, in to sic lityl stound
Ane place patent, to giue him dedis wound
And by the contrare, venulus, ful wicht
Maid al debait, and obstakle that he mycht
[Page] And can his hand oft syis, from his throte schop
With all his strenth, his violence to stop
Like as sum tyme, the ȝallow egil be s [...]icht
The eddir hint vp, and caryis on hicht
Syne fleand in hir fete, strenȝeis hir so fast
That of hir punsis, out throw hir skyn dois thrast
Bot the serpent woundit, and all to schent
ylowpit thrawis, and writhis with mony ane sprent
Hir sprutelit skalis vpset, grisly to se
With quhisland mouth, strekand hir hede on hie
Al thocht scho wreil, and sprinkil bent and skip
Euer the sarer this Erne, strenis his grip
And with his bowand beik, rentis greuously
Samyn with his wyngis, soursand in the sky
Nane vthir wise this trachon, turssis his pray
Throw out the tyburtyne routis, glaid and gay
The pepil tuskane quhilom, com fra lide
Seand the exampil, and prosper chance that tide
Of thare stout duke followis, his hardyment
And with ane rusche samyn, in the bargane sprent
Quhen as arnus, by his mortale fate
Vnto myscheuus dede, predestinate
Circulis at the wate, and espyis about
The swiftmadin Camyll of all the rout
In honest fate of armes, maist expert
And best betaucht, to schute or cast ane dart
He sekis by quhat wayis, or fortoun
To find the fassoun, and time oportune
Maist eselie this lady, tyll assale
And all the wentis, and renkis sans fale
Thys furious made held, mydwart the melle
The samyn gate, and passage haldis he
And priuely hir futesteppis did espye
And quhare scho did returne, with victore
[Page cccxii] Wyth fute bakwart, thrawart hir aduersare
This ilk Arnus, was ful reddy thare
And thiftwislie anone, the samin wise he
Withdrew his pais, and held on hir his G
Lurkand at wate, and spyand round about
Now is to cum, now that onset but dout
At euery part, this peuith man of were
And schuke in hand, his vnescheuabil spere
¶ Arnus the preist / slais camila be slycht
Syne cowartly anone takis the flycht
PErchance that tyde Coreus of grete estate
Ane spiritual man blissit and consecrate
That to Cibele, sum tyme preist had be
Ane wele lang space ȝound in the melle
Abulȝeit richely, and ful glorius schane
In pompus armour and array phrigyane
Furth drawis he the fomy, sterand stede
Wyth werelyke bardis, cled and souir wede
Of corbulȝe or leddir with gylt malis
Conchit with plate of stele, als thik as scalis
And he him selfe in broun sangume wele dicht
Aboue his vncouth armour, blomand bricht
Schaftes he schot, and takillis wrocht in crete
wyth latiane bow, nokkit wyth hornes mete
And clatterand by his schulder for the were
His ganȝe cais, and golden aublestere
The helme of gold, schane on the preistis hede
Of saffroun hew, betuix ȝallow and rede
was his ryche mantil, of quham the forbreist lappys
Ratlyng of brycht gold wyre, wyth gyltin trappys
Or cordis fyne, was buklyt wyth ane knot
Of nedil werk, al brusit was his cote
His hosing schone, of werk of barbary
In protrature, of subtil brusury
[Page] This man only, of all the mekill rout
The made Camylla, followis fast about
Quhiddir so it was, that troyane armour sche
List hing in tempil, for memore of trophe
Or than desirit this wantoun hunteres
In goldin attire, hir seluin to addres
Quhilk scho in feild, bereft hyr aduersare
Throu out the oist, onwerlie went all quhare
Blynd in desire, this troyane to assay
In womanlye appetite, ardent of this pray
This precious spulȝe, and array so proude
Quhare with as said is, was this preist yschroude
Thys foresaid Arnus, liggand at the wate
Seand this mayde, on flocht at sic estate
Chosis his tyme, that was most oportune
And towart hir, his dart addressit sone
With voce expres, his prayere thus made he
O bricht Appollo souerane god maist he
Of haly mont Sorattis, the wardane
Quham principally, we wourschip euery ane
Quhen to the furie, smoik of scence wefe
Bleis in the kendillit, byngis of fir tre
As we that wourschippis the, with obeysance
Be support of deuote, obseruaunce
Oft with our futesteppis, and our nakyt solis
Doun thringis feil hait, sundry and firy colis
Grant me fader almychty now I pray
With our wappinnis, thys schame to do away
I ask na trophe, nor the pompus wede
Of this made doun bet, or repulsit in dede
Nouthir bid I therof spulȝe, nor renoune
My vthir dedi [...] syne, mot mak me boune
To report honour and laude eftir this
Bot at this time I bid, na mare I wys
[Page cccxiii] Saif that this wensche, this vengeabil pest or traik
Be bet doun dede, by my wound and scharp straik
And syne that I may to my kynd ciete
Bot ony glore, returne alyfe quod he
Phebus him hard, and grantit to fulfyl
Of his asking, ane party at his wyl
Bot for the tothir part, soith to say
He lete do waif, with ane swift wynd away
Consentand, that he suld doun bete and sla
By haisty dede, the awful Camylla
Bot at his cuntre, hale skarth hame has brocht
Suld he him eftir, that he grantit nocht
And in the cloudy blastis of the sky
That voce and wourdis, flaw away in hy
So that als fast, as from his hand stound
Thrilland the are, his takill gaif ane sound
The routis can aduert, and takis tent
Turnaud thare sichtis, ilk wicht with ane blent
Towart the quene, ther lady thus Camyl
Bot scho nane hede, nor tent has tane thartil
Nouther of haisty mocioun, of the are
Nor ȝit the berrand sound, this flicht made thare
Nor ȝit persauit thes awful, schaft of tre
Discendand swiftly, fra the heuin on hie
Qhuhil that the lance hir smate and hurt perfay
Quhare that hir pap was schorne, and cut away
And wedgeit depe, within hir coist stude
Furth sowkis largely, of this madynnys blude
His complicis al samyn, in this nede
Stert to thare lady, in affray and dede
And sone thay claucht and lappit in thare armes
This quene that founderant was, for hir smert harmes
Bot first of al, for fere and fel affray
This arnus fled, ful fast and brak away
[Page] With blyithnes mydlit, hauand paneful drede
For he na langare durst into this nede
Assure for to debate him, with his spere
Na ȝit abide, the virginis wappin for fere
And like as that the wyld wolf in his rage
Knawand his recent falt, and grete outrage
Quhen that he has sum ȝoung grete oxin slane
Or than weryit, the nolehird on the plane
Tofore his fais, with wappinnis him persew
Anone is he, to the hie mont adew
And hid him selfe, fulfer out of the way
His tale that on his rig, before tymes lay
Vnder his wame lartis abasitly
And to the wod, can haist him intil hy
Nane vthir wyse, Arnus that fleyit wycht
Fled, and beliue withdrew him out of sicht
Content onlie, to gif the bak and fle
Amang the thikest preis, him hyd has he
And this Camylla steruand the ilk stound
The schaft has pullit of hir dedely wound
With hir awin hand, hot ȝit amangth banis
The scharp stele hede, fyxit to the rybbis remanis
In ane ful depe wound, and ane greuous sare
Al pale and bludeles, swarffis scho rycht thare
And in the deith closis, hir cauld ene
The rede cullour, vmquhile as purpure schene
Blak kynnyt and fadis, quyte out of hir face
Aud ȝaldand vp the goist, in the ilk place
Vnto ane of hir damicellis and ferys
Clepit acca that had bene mony ȝeris
Onlie maist traist, and wald in special
To Camylla, aboue the vtheris al
That knew albale, the secretis of hyr hart
Wyth quham hir thochtful curis, wald scho part
[Page cccxiiii] That tyme scho spak, and sayd on this manere
Acca acca, my leif sister dere
Vnto this hour, I hef done at my mycht
Bot now this dolorus wound sa has me dycht
That al thing dymmis and myrknys me about
Ga fast away, and hy the of this rout
Schaw Turnus, this my last commandis quod sche
Byd hym enter in fecht, in stede of me
And f [...]a the ciete thyr troyanys dryue away
Adew for euer I haue no more to say
Samyn wyth that worde, the renȝeis slyp lete sche
And slayd to ground, not of fre volunte
Than the cauld deith, and last stoundys mortal
The sprete dyssoluyt from the corps ouer all
Hyr sowpyl crag, inclynand and nek bane
Bowyt down hyr hede, that was wyth deith ouertane
Furth sprent hir armes, in the dede thrawyng
And fra hir cast hir wappynnis, and armyng
The sprete of lyfe, fled murning wyth ane grone
And wyth dysdene, doun to the goistis is gone
¶ Opis the nymphe, wyth dartis of dyane
Camylla to reuenge / has Arnus flane
ANe huge clamour, that dyd ryse on hycht
That semyt smyte, the goldyn sternys brych [...]
The bargant waxis mare cruel and hate
Quhare that the stout Camylla, doun was bete
For al the routys of the bald troyanys
The thirrene dukys, semblyt al atanys
And eik Euandrus, wardis of Archadis
Samyn in the pres, thare aduersaris inuadis
Bot Opys tho the nymphe, that wele thareby
By thrynfald dyane, sent was to espy
Sat ane lang space, apoun ane hyllys hycht
And vnabasyt, dyd behald the fycht
[Page] Syne thareftir on far scho, can espye
A myd quhare as the ȝoungkeris, rasis this cry
With schameful deith ouertane Camylla the made
Scho wepit sore, and plenand, thus scho said
Sobband full depe law from hir breist within
Alace virgine to mekill, and that is syn
To mekil all ouer, sa cruel punyssing
Has thou sufferit certis, for sic ane thing
Because thou has inforsit, withal thy mycht
For till ennoy the troianis, in this ficht
Quhat proffittis the, in buskis thyne allane
To haue seruit sa lang, this blyssit diane
Or by thy syde, or than on schulder hie
So lang ouer quaneris, to haue borne quod sche
And netheles, but honour in this stede
Thy quene has not the left, in poynt of dede
Nor this thy slauchter, but remembryng
Amang all pepill, sall not be nor menyng
Ne sall thou not, thy schame suff [...]r traist me
For to be tauld thou suld, vnwrokin be
Quha euer with wound, hes schent or violate
Thy fare body, to diane dedicat
He sail repent the time, that euer thou steruit
And with his deith aby, as he has seruit
Vnder the montane law, thare stude fute hote
Ane bing of erth, vpheit like ane mote
Contenyng the cauld assis, and birnt banis,
Of auld darcenus king, of laurentanis
Ouer helde with akin treis, and bewis rank
Thiddir this goddes, haistand doun the bank
Hir self has caryit, and thare huffis still
And from this knollis hicht, or litill hill
A bidis this ilk Arnus, till espy
And fra scho him perscauis, glidand by
[Page cccxv] In riche armour schynand, wounder brycht
And all in vane, proude wantoun gay and lycht
Quhy haldis thou awayward so quod sche
Dres thiddir mare thy futesteppis, towart me
Thou cummys hidder to pereis, and to sterue
And caucht deulie, as thot thou has deserue
Thy rewarde for Camyllais, dede perde
On dianis dartis, ha suld sic ane die
And with that worde, like ane stout wensche of trase
The swift gilt arrow, schuke out of hir case
And richt amouit, hir hornit bow has bent
Quharin anone the takill, vp is stent
Syne halis vp in Ire, and felloun haist
Quhill that the bow, and nokkis met almaist
And now handis raxit, hyt euery stede
Hard on the left neif, was the scharp stele hede
The string vp pullit, with the richt hand in fere
Went by hir pape,
[...]
almaist vnto hir ereArnus anone, the mocioun of the are
Semyng with the quhisting, of the takill square
Persauit has, and eik the dint attanis
The dedely hede throw gird his body and banys
His feris all has him, forȝet allane
Quhare as he swelt, with mony ane wofull grane
And in ane vncouth feild, has left him dede
Bedouin with dust, and pouder will of rede
Syne opis with hir wyngis swift can fle
Aboue the skyes hicht, in the heuynnys hie [...]
¶ Acca to turnus schawis / camyllais chauc [...]
His army flede, and left all ordinance.
THe swyft army and aciyue, rout with this
Of Camylla fled first, the feild I wys
For thay had left thar lady, and capitane
The pissance hale, and oistis tyburtane
[Page] Affrayit all toḡiddir, gaif the flicht
The bak has tane athynas, bald and wicht
The chiftanis brak array, and went thare gate
The baneris left al blout, and dyssolate
Socht to warrand, on horsbak he and he
Frawart thare fais, and held to the ciete
For nane of thame so mate, and so agast
The feirs troianis, quhilk thaim assailȝeit fast
Vnto the dede, and myscheif did inuade
With wappinnis anys, to stintin made ane brade
Nor thame sustene, nor ȝit resist thay mycht
Bot all attanis, samyn tuke the flicht
And one chare wery schulderis, with grete schame
Thare big bowis vnbent, has tursit hame
And the stedis stout, with thare huffis sound
With swift renkis, dynlit the dousty ground
The blak stoure of pouder, in ane stew
Als thik as myst, towart the wallis threw
On the barmkin aboue, and the turettis hie
The wemen bet thare breistis, was reuth to se
Rasand attanis ane woful, wysely crye
Went to the sternes, and thirllit throw the sky
And quha mycht formest, with swift cours has thaim set
To breke in, at the opin patent ȝet
The routis of thare inemis, mixt ouer ane
Apoun thame ruschis and ouerthrowis mony ane
Nor thare eschepe thay not the wrechyt death
Bot in the portts ȝeildis vp the breith
Stekand amyd thare natiue wallis hie
And amang housis, quhar souir se mit thaim be
Ane pert closit the entre and the portis
And to thare feris nor ȝit nane vther resortis
The ȝettis listing opin, nor mak away
Nor thocht thay oft beseking thame and pray
[Page cccxvi] Durst thame ressaue, within thare wallis square
Ane duleful slauchter onone, vprisis thare
Of thame in armis stude, the portis to defend
And thaim with glauis, war kelit and made ende
The son furth schet, that piete was to sene
Before thare wepand, woful faderis ene
Sum in the how fousye, war tumlit doun
Sa thik thame cummeris, the preis thrang to the toun
Sum haisty and vnwarly, at the flicht
Slakes thare brydillis, spurrand in all thare mycht
Can with ane ram rais, to the portis dusche
Like with thare hedis, the hard barris to frusche
The moderis eik, and women all bedene
Fra tyme Camylla, kelit hane thay sene
Knawand thare was, extreme necessite
With all debate stude, on the wallis hie
Sic tyme to do that tyme, and tuk in hand
The perfite lufe thame caucht, of thare kynd land
And al agast dartis, and stains doun threw
The sillis square, and hedis stingis ynew
And perkis grete, with brissillit endis and brount
Full haistely doun swakkis, dount for dount
And for defence, of thare kynde wallis hie
Offerit thame selfe, with the formest to de
In the mene quhile; as Turnus at the wate
Lay in the wod, fast by the passage strate
All the maist cruel [...]ythingis, fillis his eris
For acca schawis to him, and all his feris
The huge effray, how the battall was gane
The wolstan oistis distroyit, and Camylla slane
Thare noysum fais, entressing furius rage
And by thare prosper martis, wasillage
Discomfirst al his oistis euery rout
That now the ciete, wallis stode in dout
[Page] He waxis brane in furoure bellical
So desirus of dedis, marcial
For the hard fatis, and strang mychtis hie
Of the grete Ioue, walo that so suld be
The hillis hicht he left, quhare that he lay
And from the dern, woddis went away
And skarslie was he passit, out of sicht
In the plane feild, cumyn al at richt
Quhen that the prince Enee, with al his men
Has enterit in, and passit throw the glen
And ouer the swyre, schawis vp at his hand
Eschep the derne wod, and wyn the cuin land
So that baith twa, with thare hale routis at last
In al thare spede held, to the ciete fast
And na lang space, thare oistis war in sounder
Bot that Enee, the feildis reik like tunder
Of dusty stoure persauit, ane fare way
And saw the Latyne rowtis ryde away
And fers Eneas, wirkare of his harmes
Turnus persauit, al so ryde in armes
The dynnynge of thare hors, fete eik hard he
Thare stamping sterage, and thare stedis ne
Incontinent, thay had to batal went
And in batal preuit, thare hardyment
Ne war on thame, the rosy phebus rede
His wery stedis had doukit, ouer the hede
Vnder the siremes, of the occeane se
Reducing the dirk nicht, thay mycht not se
Al hale declynit,
They reste them thys nycht fra battel
had the dais lichtTo tentys than before, the toun ilk wycht
Bowning to rest, al thay that war wythout
And deluys trynsch [...] al the the wallys about.
[Page cccxvii] ¶ The prolouge of the . [...]ii. boke of Eneados.
DIonea nycht hird, and wache of day
The sternes chasit of the heuin, away
Dame synthia,
Ane [...] proloug of the discription of Maye
doun rolling in the seyeAnd venus loist the bewte, of hir Eye
Fleand eschamet, within Cilenyus caue
Mars vmbedrew, for all his grundin glaue
Nor frawar saturne, from his mortall spere
Durst langare, in the farmament appere
Bot stal abak, ȝound in his regioun far
Behind the circulate warld, of Iupiter
Nectymene affrayit of the licht
Went vnder couert, for gone was the nycht
As fresche aurora, to mychty tytane spous
Ischit of hir saffron bed, and euery hous
In crammesy clede, and granit violate
With sanguyne cape, the seluage purpurate
Vnschet the wynd, of his large hall
Spred all with rosis, and full of balme riall
And eik the heuinly portis, cristallyne
Vpwarpis brade the warlde, till illumyne
The twynkling stremouris, of the orient
Sched purpoure sprayngis, with gold and asure ment
Persand the sabil, barmkin nocturuall
Bet doun the skyes, cloudy mantil wall
Eous the stede, with ruby hammyts rede
Abufe the seyis liftis, furth his hede
Of culloure sore, and sum dele broune as bery
For to alichtin, and glade our emysperery
Tha flambe out brastin, at the noys thirlis
So fast pheton with the quhip, him quhillis
To roll Appollo, his faderis goldin chare
That schroudith all the heuynnys, and the are
Quhil shortlie with the blesand, corche of day
[Page] Abilȝeit in his lemand fresche array
Furth of his palice riall, Ischit Phebus
With goldin croun, and vissage glorius
Crisp haris bricht as, chrissolite or thopas
For qhuais hew mycht, nane behald his face
The fyrie sparkis brasting, from his ene
To purge the are, and gilt the tendir grene
Defoundand from his sege etheriall
Glade influent aspectis, celicall
Before his regal hic magnificence
Myfty vapoure vpspringand, swete as sence
Insmoky soppis of donk dewis wak
Moch hailsum stouis, ouerheldand the slak
The auriate phanis, of his trone souerane
With glitterand glance, ouer, spred the occiane
The large fludis lemand, all of licht
Bot with ane blenk, of his supernale sicht
For to behald it was, ane glore to se
The stabillyt wyndys, and the calmyt se
The soft sessoun, the firmament serene
The loune illuminate, are and furth amene
The siluer scalit fyschis on the grete
Ouer thowrt grete stremes, sprinkilland for the hete
Wyth fynnys schinand broun, as Synopare
And chesal talis, stourand here and thare
The new cullour alichting, all the landis
F [...]rgane the stanryis schene, and beriall strandis
Quhil the reflex, of the din [...]uale bemes
The bene bonkis kest, ful of variant glemes
And lus [...]y flora, did hir blomes sprede
Vnder the fete of phebus, sulȝeart stede
The swardit sole enbrode with selkouth hewyis
Wod and forest obumbrate, with thare bewis
Quhais blysful branchis porturate on the ground
[Page cccxviii] With schaddois schene schew, rochis rubieund
Towris turettis, kirnalis, pynnakillis hie
Of kirkis castellis, and ilk faire ciete
Scud payntit euery fane phioll and stage
Apoun the plane ground, by thare awin vmbrage
Of Eolus north blastis hauand no drede
The sulȝe spred hir brade bosum, on brede
zepherus confortabill inspiratioun
For tyll ressaue law, in hir barin odoun
The cornis croppis, and the bere new brerde
Wyth glade sum gardmond, reuesting the erde
So thyk the plantis sprang, in euery pete
The feildis ferlyis, of thare fructuous flete
Byssy dame Ceres, and proude priapus
R [...]iosing of the planis plentuous
Plennyst so plesand, and maist propirly
By nature nurissit, wounder nobylly
On the fertyl skyrt lappys, of the ground
Strekand on brede, vnder the cyrkil round
The varyant vesture, of the venust vale
Schrowdis the scherald fur, and euery fale
Ouerfret wyth fulȝeis, and syguris ful dyuers
The pray bysprent, wyth spryngald sproutis dyspars
For callour humoure, on the dewy nycht
Rendryng sum place, the gyrs pilis thare licht
Als fer as catal, the lang some rys day
Had in thare pasture ete, and guyp away
And blysful blossomes, in the blomyt ȝard
Submyttis thare hedys, in the ȝoung sonnys safgard
Iue leuis rank ouerspred the barmkyn wall
The blemit hauthorne cled his pykis all
Furth of fresche burgeouns, the wyne grapis ȝing
Endlang the traȝileys, dyd on twistis hing
The loukit buttouns, on the gemyt treis
[Page] Ouerspredand leuis, of naturis tapestryis
Soft gresy verdour, eftir balmy schouris
On curland stalkis, smyland to thare flowris
Behaldand thame, sa mony diuers hew
Sum peirs, sum pale, sum burnet, and sum blew
Sum gres, sum gowlis, sū purpure sum sanguane
Blanchit or broun, fauch ȝallow mony ane
Sum heuinly colorit, in celestial gre
Sum wattry hewit, as the haw wally se
And sum depart in freklis, rede and quhate
Sum bricht as gold, with aureate leuis lite
The dasy did onbrede, hir, crownel smale
And euery flour, vnlappit in the dale
In battil gers burgeouns, the banwart wylde
The clauir cat [...]luke, and the camuomelde
The slourdelyce, furth sprede his heuynly hew
Floure damas, and columbe, blak and blew
Sere downis smal, in denthilion sprang
The ȝoung grene blomit strabery leuis, amang
Gimp geraslouris, thare rone leuis vnschet
Freche Prymrois, and the purpour violet
The rois knoppis, tetand furth thare hede
Gan chyp and kyth thare vernale lippis rede
Crysp skarlet leuis, sum scheddand baith attanis
Kest fragrant smel, amyd fra goldin granis
Heuenlie lyllyis, with lokkerand toppis quhyte
Opynnit and schew thare creistis redemite
The balmy vapour, from thare sylkyn croppys
Distilland halesum, sugurat hony droppis
And syluer schakeris, gan fra leuys hing
With crystal sprayngis, on the verdure ȝing
The plane ponderit, with semelie seitis sound
Bedyit ful of dewy peirlys round
So that ilk burgeoun syon herbr, or floure
[Page cccxix] Wor all enbalmyt, of the fresche liquour
And baithit hait did in dulce humouris flete
Quhare of the beis, wrocht thare hony swete
Be mycht Phebus operatiouns
In sappy subtell exhalatiouns
Forgane the cummyn, of thes prynce potent
Redolent odour, vp from rutis rent
Halesum of smel, as ony spicery
Triakil draggis, or electuary
Seropys Sewane, succure and synamome
Pretius inuntment, saufe or fragrant pome
Aromatike gummes, or ony fyne potioun
Must myr aloyes, or confectioun
Ane paradise it semyt to draw nere
Thir galȝeard gardingis, and ilk grene herbere
Mayst amyabil waxis, the emerant medis
Swannis southis, throw out the resp and redis
Ouer all thir lochis, and the fludis gray
Sersand by kynd, ane place quhare thay suld lay
Phebus rede foule his curale creist can stere
Oft strekand furth his hekkil crawand clere
Amyd the wortis, and the rutis gent
Pikland hys mete in alayis quhare he went
His wyiffis toppa, and partelot hym by
As bird al tyme, that hantis by gamy
The payntit poune paysand wyth plumys gim
Kest vp his tale ane proud plesand quhele rym
Ischrowdit in his fedderane bricht and schene
Schapand the prent of argois hundreth ene
Amang the bronys, of the Oliue twistis
Sere smale foulis, wirkand crafty nestis
Endlang the hedgeis, thik and on rank akis
Ilk bird reiosand, with thare mirthful makis
In corneris and clere fenesteris of glas
[Page] Full besely aragne, weuand was
To knyt hys nettis, and his wobbis sle
There with to caucht, the litil mige or fle
So dusty pouder vpstouris in euery strete
Quhil gorby gaspit, for the feruent hete
Vnder the bewis, hene in lusty valis
Within fermance, and parkis clois of palis
The bustuous bukkis, rakis furth on raw
Heirdis of hertis, throw the thyck wod schaw
Bayth the brokittis, and with brade burnist tyndis
The sprutal calfys soukand, the rede hyndis
The ȝoung fownys, follow and the dun days
Kiddis skippand, throw ronnys eftir rais
In lesuris and on leyis, litill lammes
Full tait and trig, socht bletand to thare dammes
Tydy ky lowis welis, by thaym rynnis
And snod and slekit worth, thir beistis skinnis
On salt stremes wolk, dorida and thetis
By rynnand strandis, nymphes and neadis
Sic as we clepe, wynschis and damyssellis
In gresy grauis wanderand, by spring wellis
Of blomed branschis, and flouris quhyte and rede
Plettand thare lusty chaplettis for thare hede
Sum ring sangis dancis, ledis and roundis
With vocis schil quhil all the dale resoundis
Quhareso thay walk, into thare karoling
For amourus layis, dois the ro [...]his ring
Ane sang the schip salis, ouer the salt fame
Wil bring thir merchandis, and my lemane [...]ame
Sum vthir singis I wil be blith and licht
My hert is lent apoun, sa gudly wicht
And thochtful luffaris, rownys to and fro
To leis thare pane, and plene thare Ioly wo
Eftir thare gise, now singand now in sorow
[Page cccxx] With hertis pensiue, the lang someris morow
Sum bailittis list, endite of his lady
Sum leuis in hope, and sum alluterly
Disparit is, and sa quyte ouer of grace
Hys purgatory he fyndis, in euery place
To pleis hys lufe, sum thocht to flatter and fene
Sum to hant bawdry, and vnleifsum mene
Sum rownys till his fallow, thaym betwene
Hys mery stouth and pastyme, lait ȝistrene
Smyland sais ane, I couth in priuate
Schaw the ane burd, he, quhat be that quod he
Quhat thing that moist, be secrete said that vthir
Gude lord mysbeleue, ȝe ȝour verry brothyr
Na neuir ane dele, bot herkys, quhat I wald
Thou man be preuy, lo my hand vphald
Than sal thou walk at cuin, quod he quhiddir
In sic ane place here, west we baith to giddir
Quhare sche so freschesang this hendir rucht
Do cheis the ane, and I sall quench the lich [...]
I sall be thare quod he, I hope and leuch
ȝa now I knaw the mater wele yneuch
Thus oft diulgate, is thys schamful play
Na thing accordyng, to our halesum may
Bot rathir contagius, and infectyue
And repugnant, that sessoun nutratiue
Quhen new curage, ettillis al gentil hertis
Seand throw kynd, ilk thing spryngis and reuertis
Dame naturis men [...]ralis, on that vthyr parte
Thare blisful bay, Intonyng euery arte
To bete thare armouris, of thare nychtis bale
The Merle the Mauys, and the Nythtingale
Wyth mery notis, myrthfully, furth brist
Enforsing thaym quha micht do clink it best
The knowschot croudis, pirkis on the ryse
[Page] The stirling changis, diuers steuynnys nyse
The sparrow chirmis, in the wallis clyft
Goldspink and [...]tquhite, for dynnand the lyft
The gukkow galis, and so quhitteris the quale
Quhil riweris re [...]rdit, schawis and euery dale
And tendir twistis, trymblit on the treis
For birdis sang, and bemyng of the beis
In werblis dulce, of heuinlie armonyis
The Larkis loude releischand in the skyis
Louis thare lege, with tonys curious
Bayth to Dame Natur, and the fresche Venus
Rendring hie laudis, in thare obseruance
Quhais suggourit throttis, made glade hartis dance
And al smal foulis, singis on the spray
Welcum the lord of licht, and lampe of day
Welcum fosterare, of tendir herbis grene
Welcum quikkynnar, of flurist flouris schene
Welcum support, of euery rut and vane
Welcum comfort, of al kind frute and grane
Welcum the birdis beild apoun the brere
Welcum maister, and reulare of the ȝere
Welcum welfare, of husbandis at the plewis
Welcum reparare of woddis treis and bewis
Welcum depanter of the blomyt medis
Welcum the lyffe of euery thing that spredis
Welcum storare, of al kynd bestial
Welcum be thy bricht bemes, gladand al
Welcum celestiall myrrour, and espye
Atteiching all that hantis sluggardy
And wyth this wourd in chawmer quhare I lay
The nynt morow of fresche temperit may
On fute I sprent, into my bare sark
Wilful for to complete my langsum wark
Twiching the lattir buke, of dan virgill
[Page cccxxi] Quhilk me had taryit al to lang ane quhyle
And to behald the cummyng of this king
That was so welcum, to al warldly thyng
With sic triumphe, and pompus curage glad
Than of his souerane chymmes, as is said
Newlie arising, in his estate ryall
That by his hew, but orliger or dial
I knew it was past, four houris of day
And thocht I wald na langarely in may
Leis phebus suld me losingere atteynt
For progne had or than, sonng hir complayn [...]
And eik hir dredful sister, philomene
Hir layis endit, and in woddis grene
Hid hir selwin, eschamit of hir chance
And Esatus, completit his pennance
In ryueris fludis, and euery laik
And peristera biddis luffaris awake
Do serf my lady venus, here with me
Lerne thus to make ȝour obseruance quod sche
In to my hartis ladyis swete persence
Behaldis how I being, and dois reuerence
Hir nek scho wrinklis, trasing mony fold
Wyth plumis glitterand, Asure apoun gold
Rendring ane cullour, betwuix greue and blew
In purpure glance, of heuinlie varient hew
I mene our awin natiue bird, gentil dow
Singand on hir kynde, I come hidder to wow
So prikling hir grene curage for to crowde
In amorus voce, and vowar soundis lowde
That for the dynnyng, of hir wantoun cry
I irkit of my bed, and mycht not ly
Bot gan me blis, syne in my wedis dressis
And for it was are morrow, or tyme of messis
I hint ane scripture, and my pen furth tuke
[Page] Syne thus began of virgil the twelf buke
THe lusty crafty preambil perl of may
I the intitillit crownit quhil domysday
And al with gold,
A comendacion of the prolog
in signe of state riallMoist bene Illumynit, thy letteris capitall.
Finis.
¶ The .xii. Booke of Eneados.
¶ Turnus persauand the latine pepill fale
Promyt [...]is Eneas allane / hym to affale.
QVhene Turnus knew, the latyne pepil hale
Irk of the were, and saw thare curage fale
By the thrawart aduersiteis of mart
Quhilk was to fore vnwrokin and flout of hart
And thocht the tyme, requiris him but abade
For to complete, the promys he had made
Semyng as towartys him, tho euery wicht
And to that effect, addressyt thare luke and sicht
Than vnquirit, be insaciabil desire
Langand to fycht, and birnand hait as fyre
Ful hie rasand, his curage and his chere
He gan amyd, the audience appere
Fers as ane wylde Lioun,
A comparison of turnus stoutnes comparit to a lyon [...].
ȝond in traceBy the huntare woundit, in the chace
Quhen the smart straik, in his breist al fast is
For Ire the lokkeris, of his nek vpcastis
Than first begynnyng, to rais his sterne mude
Reiosit of the batal, feirs and wod
Vnabasitlie raschand, the schaft in sounder
And on the man liggand, at wate thare vnder
Him to reuenge, wyth bludy mouth dois bray
Nane vthir wise ferde Turnns, the ilk day
Smytin so brym, in feruent violence
That al commouit, in the kingis presence
On this manere begouth, to speik and say
[Page cccxxii] Thare sal in turnus, be found no delay
For al for not ȝone cowarte Eneadanis
Thare promyssis, and thare wourdis cummys aganis
Willing retrete, thare behestis and sawis
Sa sal thay not, for we will nane sic lawis
I sal thare falshede resist, and gane stand
And fecht contrare, thare chiftane hand for hand
Thow rial prince, and fader kyng latyne
Do sacryfyce and conferme, thys conuyne
For owthir sal I, with thir handis twa
ȝone ilk troiane, forhoware of Asia
Do put to deith, send doun to hell quod he
Lat latyne pepill sitting by to se
How myne allane, wyth swerde in thare presens
I sall reuenge and end, our alleris offence
Or than so betid he wyn the gre
Lat vs all vincust, til him subiect be
ȝeild hym the crowne enduring the terme of lyfe
And lat him Iois lauinia, to hys wyfe
Kyng Latyne, so with sad, and degest mynde
To him ansueris, and said apoun this kynd
O douchty ȝounker,
Kyng latynis oracion to turnus diss [...] dyng hym fra battell
excellent of curageHow fer as by thy forcy vassalage
My febil age, thou dois excede quod he
Als fer mare, diligentlie pertenis me
And ganand is to counsale and prouide
And examyne euery chance, may be tide
As I that has, in parte ane manere fere
Be lang experience, knawand the doutis of were
Thou weildis Dawnus, thy faderis realme and land
And feil cieteis, conquest, wyth thy awne hand
Thareto thou has also, ane gentil hert
Liberale and fre, and in were maist expert
And king Latyne, has gold to gif the eik
[Page] Perfay enewch vtheris, not fer to seik
Of madynnnys bene, vnwed in Latyum wyde
And in the laurent feildis, here besyde
Of blud and fryndeschip, na thyng myssemand
Bot wourthy to be, quene of ony land
Thole me I pray the, all dissait done away
Thir wourdis quheyn, of wecht till the to say
And samyn prent, thir sawis in thy wit
Vnlesum is I suld, in wedlok knyt
My dochteris till wowaris of this land
That hir to fore had askit in sic band
Al the spaymen, and goddis reueling
Declarit thaym that was vnlesum thyng
And netheles I vincust clene but were
For lufe of the my spousis cousing dere
Ouer cumming, by hir wofull teris and site
All maner bandis, thou has brokin [...]
And fra my son, in law ful wranguslie
His spous vnto him promyst, rest haue I
And forthir on him, mouit ane vikkit were
Sen syne in quhat chance I stand and dangere
And how fers batellis, now persewis me
Ful wele thou wate, and seis Turnus quod he
And how huge trawell, thou has tholit and pane
As principale mayst douchty capitane
Lo twyis in batal Vincust haue we be
As now skantlie within our wallit ciete
The hope and wele, of Italie defendis
Now of our recent blude, as notourly kend is
The flude of tyber waxis hate agane
And of our huge banys, quhite semes the plane
How am I sterit, thus in purpois sere
And quhiddir flow I thus oft thare and here
Quhat mad folie, all to changis my thocht
[Page cccxxiii] Gyl that I reddy be, and doutit nocht
The troianis for my frendis to ressaue
Gif so war Turnus dede, war and bygraue
Quhat aucht I not, fer rathir end the were
He beand in prosperite hale and fere
Quhat wald our cousingis the Rutulianis
Or quhat wald say the vthir Italianis
Gif I suld thus wise sa wilfully
Asking our dochteris wedlok, and ally
Expone or offer, to the dede quod he
Fortoun defend that chance, that sa suld be
Behald the chance of batal variabil
Persaue of were the fikkil warde vnstabill
Haue reuth and mercy of thy fader ald
Quham Ardea, now his cuntre doith withhald
Diuidit fer and disseuerit, from the
And for thy saik, how wo begone is he
Thus sayd the king, bot the violent curage
Of turnus hie mynd, bowit neuer ane stage
Quha wald with cure of medicine him meis
The more incres, and growis his male eis
And eftir that he first, micht speik agane
Thus he began expreme with wordis plane
O thou maist souerane fader,
Turnus [...]nsur [...].
I the prayTo sauf my honour, thou wald do away
Thir curis thochtis, and sollicitude
For me thou takis, and schortlie to conclude
Suffir me for to plege, my dede in wage
For glorius renowne, of vassyllage
For we fader can swak dartis and brandis
Not with febil, but stalwart richt handis
And of our woundis, the rede blude ruschis out
The ȝounder proude troiane, that clepit is to stout
His moder at this tyme sal be fer to scik
[Page] Quhilk goddis, wyth hir subtyl slychtis eik
Hyr son accustumate, ay to take the flycht
Was wount to dek, and to hyde out of sycht
Wythin ane wyseler cloud, as for ane trane
And heild hyr selfe also inschaddois vane
¶ The quene persuadys Turnus fra stryfe desist
Bot he for batel / can agane resi [...]
BE than the quene Amata,
Quene Amatais oration dyssuadyng Turnus fra battell
al in fereOf this vncouth and new manere of were
Wepyng ful sore, al dede lyke ful of harmes
Hyr son in law, Turnus hynt in her armes
That was so feruent, in his ardent desyre
Turnus sayd scho; thou best belouit syre
Be thir ilk woful teris, I the pray
And be the wourschip thou awe tyl Amata
Gyf ony honour, of hyr or thy kyn
Twichis or mouis, in thi breistis wythin
I the beseik ane thyng mine awin knycht
Decist and ceis, to mache troianis in fycht
Thou onlie comfort of our febyl eild
Thow al our rest, our welfare and our beild
Haue reuth and piete, of my woful bale
In the power, and michtis rest alhale
The wourschip and empyre, of kyng latyne
His hous and famyl, thou lyke to declyne
In the remanis, and is by the vp bore
I the assure, and certyfyis tharefore
Quhat auenture in this fycht, sall happin the
The self chance Turuus, sal be tide me
Samyn wyth the, gif thou endis in that stryfe
I sal depart out of this irk sum lyfe
Nor neuer thral, sal I remane to se
ȝone ilk Eneas sun in law to me
Lauinia the made, wyth sore teris smert
[Page cccxxiiii] Hyr moderis wourdis, felt depe in hir hert
So that the rude did hir vissage glow
And ful of teris, gan hir chekis strow
The feruent fyre of schame, risis on hie
Kyndland mare large, the rede collorit bewtie
So that the natural hete, the blude did chase
Ouer al the partis, of hir quhitlie face
Quhill that this vyrgine, in this woful rage
Sic culloris rendris, from the fresche vissage
As quhay byspark wald, the quhite enoure indane
Wyth scarlot droppis, or with broun sanguane
Or quhare the schene lyllies, in ony stede
War pulderit with the vermel rosis rede
The hate luf trublis sore the knycht
That on thys made, he fixis al his sicht
And al the more, he birnis in desyre
Of bargane into armys hate as fyre
Syne to the quene Amata but abade
In few wourdis, on this wyse he sayd
O my dere moder,
Turnus [...]
of thy weping hoI ȝou beseik, do not do not so
Persew me not thus, wyth ȝour gretand teris
Nor quhen I pas in to thir mortal weris
In marcial bargane contrary my fo
Do way to present me sic takyn of wo
In Turnus michtis, lyis not quod he
The chance of deith, to mak him self in fre
I say gif deith this way, be to me schape
Now may I not astart, nor ȝit eschape
For at this time instant, my messengere
Idmon clepit, my credence hecht to bere
Now to ȝone troiane, tirrant rehersyng
My wourdis, quhilkis lykys hym nothing
That is to knaw to morow als arely
[Page] As bricht aurora, in the orient skye
With rosy chariot, liftis vp hir hede
The firmament schrouding in cullour rede
That he moue not aganis rutulians
His oistis nor nane, army of troianis
Bot athir half, fra batall for the best
Baith sal troianis, and rutulians them rest
And lat vs twa, the bargane to conclude
Betuix vs only dereyne, with our blude
And into ȝounder feild, in s [...]wart strife
Lat athir seik Lauinia, to his wife
Fra this was said fast to his in he spedis
And bad anone, lat do him se his stedis
Behaldand thaym reiosis he in hert
To se thaym stand sa feirs, with curage smert
Quhilk kind of hors, quhilum as thay say
Orichia the lusty fresche may
Of Athenis the kingis douchter and are
As ane maist rial present wounder fare
Send from hyr cuntre to king Pilumnus
Was ferd grantseir vnto this ilk Turnus
The quhilk stedis schapin at all delite
Excedit fer the snaw, in cullour quhite
To speik of spede, thare swiftnes, was vntald
For thay the wyndis blastys, forryn wald
The besy knoppis, and verlotis of his stabil
About thaym stude, ful ȝape and seruiabil
And with thare how luffis, gan thaym chere
Did clap and straik, thare leyndis to make them stere
Thare lokkerand manis, and thare crestis hie
Dressis with trelȝeis, and kamis honestly
From thens vnto his chalmer, went he syne
About his schulderis, assayis his hawbrek fyne
Of burnist male, and schynand rychely
[Page cccxxiii] Of fynest gold and quhitly alcomye
Tharewith also, his swerd addressis he
Quhat way he wald it vse, in the mele
His souir scheild assayis he also
And eik his tymbrit helme, with creistis two
Quhilk swerde was made, vnto Dawnus hys syre
Be Vlcanus the mychty god of fyre
That forgit thys blade, and temperit with his handis
Hate glowand dippit in the stigeane strandis
Syne wyth grete force enarmyt in al his gere
Ful lichtlie vp he hynt, his stalwart spere
Quhilk tho amyddis, the hal lemand stude
Vp by ane pillare huge square and gude
Quhilum the spulȝe, he bereft from ane
Clepit Attoure, ane Capitane Armicane
The schaft he schuke, and brangillis lust [...]ly
Thareto with loude voce, thus can he cry
O now thou spere, that neuir failȝete in dede
Quhen I the callit to my desire in nede
Quhilum the veildit, Actoure the maist douchty knicht
Now the in hand withhaldis Turnus wicht
Now is the tyme, that I mayist myster the
For to doun bet, the corps thou grant to me
Of ȝounder Phrigiane, is skant half ane man
That wyth my stalwart I may than
His hawbrek, of his body to arrace
Hakkit and rent, and persit in mony place
And in the dusty pouder, here and thare
Subdill and fule, his crispe and ȝallow hare
That are made creis, and curlis now sa wele
Yplet ilk nycht, on the warme brotht of stele
Dekkit and donk, in his wiselie manere
Of fragrant myr, vthir enuntmentis sere
With sikkin furie, rage caucht is he
[Page] That thus he carpis, to ane schaft of tre
And from the vissage, of this ardent syre
The sparkis glidis, as the hote fyre
For verray feruour, of the fereful tene
Schynis and bristis furth of baith his ene
Lyke as the bul, that bargane begyn wald
Geuis terrybyl routis, and lowis mony fald
Or than aggreuit, bustuous and furth borne
Presys his yre, to assay wyth his horne
Lenand hys spald, to the stok of ane tre
And wyth his dynt, the wynd to rentis he
Or for to make debate, apoun the land
Wyth his hard clufe, vpwarpis fast the sand
In the self tyme, na les of curage Enee
Cled in hys moderis armour, auful to se
Scharpys him selfe, in furour ma [...]cial
Rayssand his greif, for ardour bellical
And ioyus wolx of wexe, to make ane end
Be sic proffer, and poyntment as was send
Syne confortis he, his feris dolorus
And mesyt the drede, and sayd Ascaneus
Declarand thame, the fatal ordinance
Thare destany, and goddis purueance
And to the kyng of Laurentius latyne
Twichand the forsaid tretye and conuyne
Bad the messengeris, bare hame but delay
Souir answere, as thay dasirit alway
And of the pece and truce, as thay spak
Proclame artikles, and lawis of contrak
¶ Iuno knauand Turnus, last delay and end
To stop the bargane / has [...] a send
SC [...]rslye vpsprang, the nixt day following
Scheddand the bemes, of his brycht mornyng
Vpoun the toppis of the mountanis hie
[Page cccxxiiii] As phebus stedis, fyrst of the depe see
Rasit thare hedis, and noyis thyrllis on hycht
Ouer al the feildis, blawand the clere lycht
Quhen that the troianis and rutilyanis
The ground mesuris euynnys, dichtis and planis
Vnder the wallis, of the cheif ciete
Thare as the feyld, and fechtin place suld be
Amyddis quham the harthis vp thay set
Quharon the firis, suld be made and bet
And to the common goddis, eik bedene
The altaris couerit wyth the scherald grene
Sum vtheris brocht, the fontanis wattir tare
And sum the haly ingil, wyth thame bare
Wyth lynning valis, or lyke apronis lycht
Thay war arrayt, and thare hedis dycht
In wyppys of the haly herb varuane
The legiouns tho behaldis to the plane
And al the routis, of ausonianis
That vthir wyse, are hate Italianis
Furth thringis at the portis, ful attanis
Wyth lancis lang, and pikkys for the nanys
Thydder al the troyanis wardis by and by
And thirrene oistis, ruschis hastely
Bodin ful wele, in nobil armour sere
Nane vtherwyse wyth wappynnis and wyth gere
Arrayit for the batal, al at rycht
Than thocht the furie of mars, callit thame to fycht
Amyd the thou sandys, swiftly throw the planys
Furth sprentis lustely thare capytanys
In ryche purpour arrayit, and fyne gold brycht
Assaritus sonnys, and M [...]estheus wycht
And on the tothir part, strang Asilas
And bald Mesapus, also wyth hym was
Neptunus son, expert in hors dantyng
[Page] And efter that, the trumpet blew ane sing
Than euery partyment bownis to thare stand
And gan thare speris, stik doune in the land
Set by thare scheildis, to behald the fyne
The wom [...]n wedois, and the matrouns syne
Desirus for to se the bargane stout
Of childer and of commons, mony ane rout
That couth na wappins weild, nor armour were
Wyth the vnweildy agit folk in fere
Clam on the hicht, and hedis of the touris
The wallys al and housis riggingis flouris
And sum aboue, apoun the portis hie
Ascendit, or to behald the melle
Bot Iuno tho doun, from the hecht ywys
Of the mountane, that albane clepyt is
Now in our dayis, set then this hillisdoun
Had nouther name honour, nor renone
Scho did behald, amyd the feildis plane
Athir battellis and the oistis twane
Baith of troianis, and the lawrenteis
And kyng latinis ciete, eik scho seis
Anon to turnus sister, apoun hie
That clepit was Inturna, carpys sche
This goddis to that haly nymphe maystres
Of wellis stankis, and routand stremis expres
Quhilk honour Iouye, the king of heuynnys hie
Hir gaif, for the bereft virginite
Sayd o thou nymphes, wourschip of fludis clere
That to my saul, is hald maist le if and dere
Thou knawis wele, I the prefar it ay
Til al the vthir damysellis, perfay
Of latyne cuntre, quhat soeuer thay war
That wranguslie, ascendit or draw nar
The bed vnproffi [...]abil, of Iupiter maist he
[Page cccxxvii] And glaidli eik, haue I not stakit the
In till ane parte,
[...]
of the heuyne alsuaHerk now thy sorow, thou Iuturna
And wite me not, bot I the warnit haue
Turnus and thy cheif ciete, haue I saue
Sa lang as that the fatis sufferit me
And quhil werde sisteris, sa tholit to be
And now I se that ȝoung men, haist but fale
To mache in feild, wyth fatis inequale
The lattir terme and day, approchis ne
Of fatale force, and strangest destany
Nowthir this bargane, ȝounder on the grene
Nor consederatioun, may se wyth ene
Pas on for thy dere brother germane
Gif thou dar suffir ony mare dredeful pane
To the thys semys, and pertenis quod sche
Gif that percase, ony better may be
Or ocht betyde vnto ȝone catiuis kend
Scars had Iuno, thir wourdis brocht to end
Quhen that the nymphe,
Iuturnus answers
Iuturna bedenePlente of teris, furth ȝet from hir ene
Hir fare quhite breist, thare as sche did stand
Thryis or foure tymes, smate wyth hir owne hand
Saturnus get, this Iuno sais thay teris
Na wise to thys tyme pertenis nor efferis
Haist the gif that thou can, be any way
Wythdraw thy brothir, from the deith away
Or than do mak the oistis, bayth on stere
Provoke the batal, and thaym moue to were
And this conuyne, and trety new consaif
Do brek disturbe, and wyth the wynd bewaif
I sal the warrand, and thy wirkare be
To mak the baldly, vndertake quod sche
On this wyse Iuno, can this nymphe exhort
[Page] And left hir hale in were, and dout at schort
With mynde full trift, wo begone and vnsound
Full depe smytting, wyth the sorowfull wound
¶ Here followis the sacryfyce and prayere
Fyrst of Eneas / syne of kyng Latine in fere
IN the mene tyme, the kyngis of athir rout
From thare cieteis, and strenthis Ischis out
Amyd ane four quhelit thare, Latyne that thraw
Wyth huge pompe, by stedis foure was draw
Quhais haris and his templis, war wele dicht
Wyth ryall croun of fyne gold byrnist brycht
Quhareon [...]urettis twelf, lyke bemes schene
As it ane riche adornament, had bene
Of clere phebus, that was his grantschire hald
Nixt came furth, was rollit prince Turnus bald
Wyth ane [...]wa quhelit [...]art, of delyte
That drawin was with stedis, twa mylk quhyte
In athir hand held he, in fere of were
The brade hede, brangilland Ieuilling spere
The fader Eneas also, furth wyth all
The romane lynnage,
A commendation of Eneas & hys sonne Ascaneus.
the originallApoun the tothir half, come thame agane
Wyth by [...]st scheld, that bricht as sternis schene
And heuinly armoure, lemand all of lycht
Besyde him rade Ascaneus, the swete knycht
That semit wele, to euery mannis doine
Ane vthir gude beleue, and hope to grete rome
Furth come the preist, quham to accordit mak
The sacryfice of concord, and contract
In vestement clene, for sic religioun wrocht
And ane ȝoung birssit swyne before thame brocht
Wyth ane rouch, twynt [...] schepe samyn in fere
Quhais woll or fleis, neuir clepit wyth schere
The beistis furth has [...] this Ilk syrs
[Page cccxxviii] Vnto the altare blesand, of hate fyre
The princis tho quhylk, suld this [...] makyng
Turnus towart, the bricht sonnys vprisyng
Wyth the salt melder, in thare handis raith
The forrettis, of thir beastis toppis baith
Thay clepe and mesure, as tho was the gyse
And coupis ful of wyne in sacrifyce
About the altaris ȝettis he and he
Wyth drawin swerd, syne the reuthful Enee
His orison furth made, and thus he sayd
O thou brycht son,
Eneas oracion for gud fortoune of battell.
wyth the schene bemes glaidBe witnes now, to my behest I pray
And this ilk ground, mot testifye quhat I say
For quhen sa grete pane, and aduersite
I sufferit haue feil syis, on land and se
And now almychty iouy, here my prayere
Saturnus douchter thou his spous sa dere
Now more benyng, than thou was of before
Swete goddis here me, now I the Implore
And gentil Mars, thou takis tent heretyl
That wythaldis, and writhis at thy wyll
Euery batal stryue, werefare and debate
Vnder thy hie power deificate
All fludis I cal fountanis and stremis clere
And al manere of goddis reuerent sere
Abut the heuin ydrad and starrit sky
And ȝou eik blissit wichtis I testifye
That vnder erth, or law in hel doun bene
Or in the fomy seyis, stremes grene
Gyf so betyde that, fallis the victory
To Turnus on the ansomane partie
It is conuenient, and we grant to fle
As vincust folk, to Euandrus ciete
Ascaneus sall als tyte, thir feildis wythdraw
[Page] Nor Eneadanis, neuir from the ilk thraw
Aganis ȝow sal rebell, or moue were
Ne with wappinnis, eftir this cuntre dere
Bot gif sa beis, Mars our god glorius
The victorie in our hand grantis vs
Is I beleif afer rathir sal befall
And that als tyte conferme sal goddis al
Throw the grete mychtis of thare deire
Gif that so fare fortoune betydis me
Ne will I not, command Italianis
To be subiect, nor obey the troianis
Nor ȝit this realme, desire I not to me
Bot athir of oure pepil mot go fre
Vnthral vnuincust, in lawis all euinlie
Conf [...]derate in perpetual allye
The wourschipping of goddis in sacrifice
And I sal thaym lerne and teiche, at my deuise
My fader in law the kyng latyne here
Moist reule the pepill bayth in pece and were
My fader inlaw as souerane lord and syre
During hys lyfe moist bruke, solempnit Impire
Suffir my troianis than, as we ar boune
For me to beild ane strenth, and wallit toun
And to this ciete, quhare we sal duell at hame
Lat the madin lauinia, gif the name
Thus first Eneas sayd, and eftir syne
Apoun thys wise followis kyng latyne
Behald and towart heuyn, quhare he did stand
And to the sternes vpheuis,
Kyng latynus oraciō
his richt handBe this ilk erth, seyis and sternes hie
I swere in like wyse, vnto ȝou Enee
And be latonys birth, or twinnis twa
The bricht Appollo, and chaist Diana
And be the doubil frontit Ianus and all
[Page cccxxix] The pissance, of the goddis infernall
And by the dirk sanctuarie, blak as sabyl
Of greuous Pluto, that god reuengeabyll
The hie fader aboue, mothere my cry
That dois with thunder, sic concord ratifye
I twiche thir altaris, and Ingill present quod he
And testifyis ilk, godly maieste
Sall neuir tyme sesoun, nor day betyde
To brek the peace, on the Italiane syde
Na this confiderance, anis part in two
Quhat way that euir happin, the mater go
Ne na maner of violence, boist noraw
Sall ony wyse, me therfra withdraw
Bot ferme and stabyl, all sall haldin be
All thougt the erth, wald myddyll wyth the se
And with diluge, or Inundatioun schent
Couir and confound, ather element
Or thocht the heuin, in hell resolue wald
Or promis sall, Inuiolate be hald
Lyke as this ilk scepture, wand we se
Perchance that tyme, ane scepture in hand bare he
Sall neuir burgeoun, nor sprede branschis lite
Nowthir rank leuis, nor blossum of delite
Sen it is anis in wod, thare as it grew
Law from his stock, hard by the rutis hew
And wantis now his moder of nurissing
For all the syouns and twistis wount to spring
Or grew therfra, as ye may se perfay
Wyth edgeit lomis, bene sued ful quite away
Vmquhile ane grouand tre, quhare it did stand
That now thus by, the crafty werkmannis hand
Inclusit is, and couerit lustely
In birnist gold, and finest alcomye
And geuin our forefathers of Latine land
[Page] As scepture riall, for to bere on hand
Wyth wourdis sic and ferme relatiouns
Thir fynale sure confederacions
Athir princis, had confirmid and sworne
Amyd thare nobillis, standand thame beforne
Syne eftir thir auld ceremonis and gise
The beistis deuly, addressit for sacrifyce
Thay brytnyt haue amang the flamis rede
And rentis out, or thay war fully dede
The entrellis of thare beistis, ȝit on lyue
Syne furth of platis, or ballantis belyue
Wyth pasit flesche, plennyst the altaris large
Thareon bestowand in hepis mony ane charge
Bot tho begouth of new, this ilk bargane
Seming to the rutilians, euery man
To be ane richt vneuinly interpryse
And diuers rumour, can in thare breistis ryse
Wyth mony sundry deinyng and consate
He thinkys thus, and he ane vthir gate
And ay the nerer, and mare diligently
That thay the mater consider and espye
Wele thay persaue, and behaldis sans fale
Thir campiouns war not of strencht equale
And vnto this opinioun the ilk thraw
Helpit mekil, that wyth stil pase so law
This turnus mufand, towart the altaris past
And it laulie adornit, with face doun cast
Wyth chekis waxin leyn to thare semyng
Quharon the soft berde, newlie did furth spryng
As al to ȝing, with sic ane to haue dale
Thay thocht his visage, al becummyne pale
¶ How Iuturna be slicht and incha [...]tment
Brekys the peace and haisty batal sent
ANd eftir that this ilk commonyng
Thus waxand mare and mare, by mony ane sing
Iuturna hir sister did persaif
And saw the commoun vulgare hartis waif
In diuers sentencis, and intentis sere
Than in amyd the routis drew scho nere
In forme and liknes, of Camertiz bald
Of nobil blude cummin, and lynuage ald
And of his fader the brute and renownee
Was magnified in wourschip wounder he
Thareto him selfe, maist douchty cheualrye
In dedis of armes and in fate of were
Hardy and stout, liberal syncere
Amyd the oistis, this wyse did scho thryng
Not vnexpert, to conuoy sic ane thyng
And diuers rumouris▪ in the preis stalis sche
Syne sic lyke wourdis, carpis apoun hye
O rutulianis eschame ȝe not for fere
Into sa grete ane perrell, and dangere
Ane silly saule, to put in auenture
That for ȝou al sal, vnderly sic cure
Quhidder ar we not equale in our entent
To the troyanis in nowmer, or hardiment
Lo al the troianis, and archadianis
Before vs here, arrayit on the planis
The fatall pissance is hale in this stede
And the tuskanis, that Turnus has at fede
Sa few thay bene, ȝe may behald and se
That gif we li [...] mak, vnset trai [...]is me
The half of al our menȝe, grete and small
Sal not fynd ȝounder, ane fa to mache with all
ȝone turnus, to the goddis aboue ful straucht
To quhais altaris, hym vowit and betaucht
He has for ȝou, al that ȝe se sayde sche
Wyth fame eternale sall wpheit be
[Page] As eu [...]rmare alife, and maist name kouth
Carpit and sang, in euery mannis mouth
Quhen we as thrallis, leif sall our natiue land
And vnto proude tyrrantis, has the ouerhand
Sall be compellit, as lordis tyl obey
That thus now sleuthfully, sa fant and fey
Huffis still on thir feildis, as we war dede
And for our self list schape, for na remede
Wyth sic lyke wourdis, the mindis and consate
Of the ȝounkeris, was inflammyt hate
And mare and mare, now all the feilde about
The murmoure crepis, out throw euery rout
So thay quhilkis, are desyrit peace and rest
And for the commoun wele, thocht it was best
To mak end of the bargane, on this wyse
Ar alterit halely, in ane vthir auyse
For now desyre thay batall, but abade
Prayand god this contract, had neuer bene made
And has compassioun, caucht in hart but fale
Of Turnus chance, senyng so inequale
The self tyme eik, has Iuturna I wys
Ane vthir greter wounder, ekit to thys
And heich vp in the heuin, before thame plane
Ane takin has sche, schawin auguriane
Sic ane sygne that nane, vthir to that entent
Was mare effectuous, nor conuenient
To trubyl Italiane myndis, and mak thame raif
And wyth fals, demonstratioun to dissaif
For Iouis [...]oule the Eirne, come forand by
Fleand vp heich, touward the bricht rede sky
Before him cachand, ane grete flicht or oist
Of foulis that did ha [...]t, endlang the ceist
Quhilkis on thare wyngis, fore dredand his wraik
Skrymmis here and thare, with mony spreich and craik
[Page cccxxxi] Quhyl suddanly this egil, wyth anesours
As he towart the fludis, made his cours
Despituously, in tyl his punsis he
Has claucht ane swan, excellent of bewte
Than the Italianis, apoun athir syde
Rasit thare myndis to se, quhat suld betyde
And sone the vthir foulis, heich in the skye
Corned agane with mony, skreyme and cry
To chais and to assale, thare aduersare
Ane wounder thing to se, vp in the are
The licht thay dirkin, wyth thare pennys thik
And throw the skyis, wyth mony ane scraik and pyk
Samyn in ane sop, thik as ane clud but baide
Thare fa thay did assailȝe, and inuade
Sa lang quhil that by fors, he was ouerset
And of the heuy byrdin, sa mait and het
That his micht failȝeit, and of his clukis rude
The egyl lete his pray, fall in the flude
And vp amang the cluddis, flew away
Than the Rutulianis, al full glaid and gay
Wyth huge brute, and clamour loud anone
Salust this signe, or takin augurione
Syne sped thare hand, and made thame for the fycht
And fyrst of vtheris, columnyus, the wycht
That was ane spaman, and Diuinour sle
ȝa this was it, ȝa this was it quod he
Quhilk oft I wesyit, and desyrit by and by
Thys gude takin I ressaue, and ratifye
And knawis the goddis, fauour in our supple
Rutulianis hynt ȝour wappinnis, and follow me
Quham now ȝone wauingeour, ȝone ilk strangere
Affrayis so, wyth hys vnwourthy were
Lyke tyl vnweyldy foullis, on the coist
And our marchis with fors, and mekle boist
[Page] Inuadis rubbis, and spulȝeis as ȝe se
He sal for fere, gif sone the bak and fle
Mak sale anone, and hald for euir away
Throw the depe se attoure, the fludis gray
Charfore ȝe sal, al samyn with ane assent
Assembill now ȝour routis here present
And into feild defend, as men of mane
ȝour king Turnus, he be not reft and slane
Thus said he wyth that wourd als so fast
Towart hys fayis, forganis hym dyd cast
Ane werely dart anone, with al his [...]ir
The souir schaft flew, quhissilland wyth ane quhir
Thare as it slidis, scherand throw the are
Oneschewabil, baith certane lang and square
Samyn wyth thys, vprysis for the nanys
Ane huge noyis, and clamour, al attanys
Wyth sic effray, and hidduous dyn and here
The wardis all, and oistis wax on stere
That for the rerde, and deray hait in Ire
The hartis kyndil [...]is, of euery bald syre
Furth flew the takill, richt ouer forgane his face
Thiddir as for the ilk tyme stude percase
Myne brethir germane, fresche and ȝoung of age
Nane in thare oist mare semely personage
Quham the trew faythful wyfe, thirrene Ilkane
Bere tyll hir spous, Gelip, archadene
Of quham this dart hit ane, thare he did stand
Ane gudly springald, ane fare ȝoung galland
Richt scharplie maid, in armoure schynand brycht
And at the myddil markit hym ful rycht
Quhare as the wouyn girdil orti sche
Aboue his nauyl, was beltit as we se
And smate hym euin, into the samyn place
Nere quhare the bukkil, his sydis did embrace
[Page cccxxxii] Throw gird his body, wyth ane greuous wound
And speldit him stark dede apoune the ground
Bot than hys bald brether, in ane rout
Wod wroith, for wo sum hynt swerdis out
Sum claucht in hand, the darte with the stele hebe
And in thare blynde furye, full of fede
Ruschit on thare fais, wythane ferfull braid
Aganis quham to resist, and muaid
The routis of the army laurentanis
Ran to recounter thaym, and the attanis
Agane assemblit, as ane spate of flude
The troyanis and the tuskanis wroith as wede
Wyth thaym of archade, in arrayit feildis
Wyth burnist armour and thare payntit scheildis
Apoun sic wyse that al with ane assent
Caucht hale desire, to fecht apoun the bent
And to dereyn in feyld wyth bitand brand
The hale mater, sum schot doun wyth thare hand
The altaris markit for the sacryfyce
Beliue ouer al the lift vpsemyt rise
The fell tempest, of dartis schott and flanys
So thik as ony schoure, of scharp hailstanis
As did incres this flycht of stelit hedis
Full greuous grew, the bargane in al stedis
Sum ran to the wyne, flaccouns for grete Ire
And sum hynt vp the furnes ful of fyre
The kyng hym self, Latynus for the affray
Fled to the ciete, and tursit wyth hym away
Hys goddis, and his mawmentes dreuin abak
Wyth ane schamefull rebute, and mekil lak
Left the concord vndone, not brocht till end
Sum bridillis stedis, and cartis vp dyd bend
And sum in haist, with ane loupe or ane swak
Thame self vpcastis, one the horsis bak
[Page] And war all reddy, in the stoure at hand
With drawin swerd, and nakit birnist brand
Mesapus full desirus, in the preis
For till confound the trety, and the peis
Ane kyng thirrane, anlestys in that stede
Wyth kingis ensenȝeis, and with crowne on hede
Affrayis sore at hym, driuand his stede
The tothir drew away, for fere and drede
And bakwart fallis, on hys schulderis and cronn
Vnhappely apoun ane altare doun
Quhilk stude percace, behind him on the land
Mesapus than ful feirs, wyth spere in hand
Apoun him draif, thocht he besocht hym fare
And with hys schaft that was also rude and square
As it had bene ane Cabir, or an spar
Doun from his stout coursoure, na thyng skar
Smat hym ane greuous wound, and dedelik bit
And syne thir wordis said, ha art thou hit
He that thou has, this is be myne auyse
To our grete goddis, mare ganand sacrifice
Italianis hurlis on him in ane flote
Spulȝeit hys corps, his membris ȝit alhote
Charyneus tho that was, ane stout troyane
To mete ane Ebusus, come hym agane
That wald haue smyte hym, with ane bustuous dynt
And on altare ane birnand schide has hynt
And gan it rycht amyd, his visage stare
That blesit vp, his lange berde of hare
Quhilk scaldit thus, ane strang fleoure did cast
And forthir this Choryneus also fast
Ruschit on his fa, thus fyre fangit and vnsaucht
And with his left hand, by the hare him claucht
Syne with his kne, him possit with sit ane plat
That on the erde, he speldit hym al flat
[Page cccxxxiii] And wyth hys stife stok swerde, in sic ane state
Throw bayth hys sydis, at the first dynt hym smate
And Podalirius, with drawin swerde list not ceis
Alsus the herd to persew, throw the preis
Quhilk ruschis abak, for fere of his lyffe to saif
In the vandgarde, throw mony and poyntit glaue
Bot quhen he saw his fa, sa nere inuade
That he na wyse mycht, eschew nor cuade
Vphesit he his brade ax rude and square
And akwartlye straik, at his aduersare
Quhilk from amyd hys forehede, nere his croun
Vnto hys chyn, the edge did caruyn doun
That fer on brede hys armour, quhare he stude
Was al besprent, and blandit ful of blude
Tho podalyrius, the herd reft did expres
Or cauld or Irny slepe, of deithis stres
And vp the breith he ȝald in to thare ficht
With ene closit, in euirlestand nycht
¶ Enee sore woundit, of the feild dyd pas
In quhais absence turnus mare cruel was.
THan the reuthfull and pacient Eneas
Behalding all wrang how, the gam did pas
His rycht arme vnarmyt, to ftynt thare feid
Furth strekis, and vncouerit has his hede
And cryis clepis, on his pepil tho
My freyndis dere, quhiddir now hurle ȝe so
Ilkane aganis vihir, how may this be
Quhat has mouit, thys hasty discord quod he
O stanche ȝour wraith, for schame or al is lorne
The peace and concord, now is twychit and sworne
The artikillis, and eik the lawis ding
Appoyntit vp, and promyst euery thyng
Of det and richt, I aucht appoun this land
Allane turnus recounter, hand to hand
[Page] Snffir me performe, my derene by and by
And do away all drede and velany
I sal [...] wyth my hand, sone mak ferme and stabt [...]
Our appoyntment, for euir vnuariabyl
For thys ilk sacryfyce, violete in this stede
Sall rendir anone, Turnus to me dede
Amyd sic sawis, as he thyr wordis said
For to assuage thare mynd, but mare abade
Ane quhirlland arrow, lo with ane fedderit flicht
At swift randoun, did in hys the bane licht
Vncertane fra quhat hand it was sent
Quhat kynd of schot, nor of quhat instrument
The hie glore, of sa notabil ane dede
Is hyd, that nane knew quhat it did but drede
Nor wist quha wrocht, had to the rutulianis
Sa grete wourschip, and louing for the nanis
Quhidder it betid on cace, and auenture
Or of sum god, be dispositioun sure
Nor neuir persoun, eftir he nor he
dyd hym auant, he woundit had Ence
Quhen Turnus,
Eneas sore woundis.
all the chiftanis trublit sawAnd Eneas sare woundit, hym wythdraw
Than for this hasty hope, als hate as fyre
To mell in fecht, he caucht ardeat desyre
He askis hors and harnes baith attainis
And haltanely,
[...]urnus [...]lindit with a litle victory of battell can nottemper hys affectionis.
in his cart for the nanisHe sckippis vp, and mustouri [...] wantonlye
Furth sprentand, throw the feildis by and by
And at his wyl, quhare so hym list hym be
Wyth hys awne hand; the renȝeis reulis he
And driuand furth, thus into hys Ire
Laid feil corps dede, and mony bald syre
Doun strowand eik, vnder fute in the plane
Diuers vtheris, ȝit throwand and half [...]ane [...]
[Page cccxxxiiii] Quthir wicht his cart, the rowtis he brayf away
Or as thay tuke, the slicht, for grete e [...]ray
Cesting speris, and dartis scharp hynt he
And let thaym thik amang hys fayis fle
Sic wyfe, as bludy armypotent god Mars
Besyde his frosty flude, he brum in trace
Ful haistely bowand, to batel feild
Makis grete brute, and clattering with hys sch [...]ild
Quhen he list mouing, were maist cheuelrus
Furth steris hys stedis, feirs and furious
Quhilk fleis furth, sa wyth mony ane stend
Out ouer the planys, at large quhare thay wend
That they forryn, and gois, before alway
zepherus and Nothus, swftest wyndis tway
And with the dyn, of thare fete and his carte
All trace gronys vnto the forther parte
About hym walkis, as his godly feris
Drede wyth pale face, deban and mortall weris
The wrayth and Ire, and eik frandeful dissait
Ligging vnder couert, at ane buschement or wa [...]e
Turnus sic like als chery proude and licht
Amyd the batall, cachis to the fycht
Hys stedis reikand of sweit, quhare thay rade
And sa baldlie, hys fayis dyd Inuaid
Wyth syc slauchter, that pitie was to se
And sic deray, has maid in the melle
That hys swyft stedis, [...]uffis quhare thay went
Spa [...]git vp the bludy sparkis, ouer the bent
Quhilk blude and brane, in haboundance furth sched
Mydlit wyth sand vnder hors fete was trede
For he or now, has doun bet schelenus
And kelit eik, Thamyrus, and Polus
The formest twa, he flew, machit at hand
And thys polus, as he fer oft dyd stand
[Page] On fer eik slew he, of Imbrasius
The sonnys twa, glaucus and Iasus
Quham this Imbrasius, fosterit had baith twa
Into the fare cuntre of licia
And thaym instrukkit, had ful equaly
In fate of armes, and to hant cheuelry
Owthir till assale, before, or ȝit behynd
Or wyth swift hors, for till forryn the wynd
ȝound in ane vthir part, amyd the feild
Wmedes the feris walkis, vnder scheild
Quhilk was the son and are, as that thay tel
Of agit Dolon, vailȝeant in battel
The name he bare, of his fore grantschir wicht
Bot the strang handis, and stout curage in ficht
Of his awin fader, this dolon he bare
Quhilk at troy vmquhile, as the sege lay thare
And was of sa stout curage, and her wyl
That he durst ask the chariot, of Achill
To hys reward quhare that he sa baldly
The grekis tentis tuke, on hand to espy
Bot the son of Tedeus, diomede
Ane vthir fassoun hes him quyt his mede
For sa stout vndertaking, and hym sleuth
And ȝit for all his renowne prouit yneuch
Ne durst he anis pretend, for all his dedis
That he was wourthy to weild Achillis stedis
Bot to our purpos, this forsaid Gumedes
As turnus did behald, ȝond in the preis
On the plane feld, as thare he dyd ryde
First wele at him, ane fer way at him did he glyde
Ane fleand dart, and furth wyth that rycht thare
Gan stynt his horsis, and his quhirland chare
And frelie, did lepand from his cart
And sone apon his aduarsare as [...]art
[Page cccxxxv] Quhilk thowas fal, to ground, and halfe dele dede
Syne wyth hys fute doun thrist, in the ilk stede
His fare nek bane, and out of his rycht hand
Rycht austernly, has he thrawin the brand
Quhilk schynand bricht, into his throt he wet
And thareto ekit, thir wourdis wounder het
O thou proude troiane liggand thare at ground
Now may thou mesure, the feild that thow has found
Lo here the boundis, lo here hsperia
Quhilk thou to seik, in werefare was sa thra
This is the bounteth, thay sal bere away
That dar wyth wappinnis, or armour me assay
To hym in fere also, has he layd
Wyth ane scharp casting hede, but mare abade
Ane butis and eftir him ane Choreus
Syne Sybar dares and therssibotus
And Thymetes, ane man of grete fors
Castyng from his staffage skeith and hede strang hors
And as the blastis, wyth thare bustuos soune
Fra mont Edane, in trace cummys thuddand doun
On the depe sey, Egeane fast at hand
Chaissand the flude and wallis to at [...]ir hand
And quhare the wyndis, assalis soith to say
The cluddis fleis fast, ouer the heuin away
The samyn wyse, quhat way that Turnus went
The routis red hym plane, roume on the bent
And al the oistis fast, abak did fle
And wyth sic fors, and farde furth driuis he
His bissy mouand tymbrell euery art
Catchis the wynd, and are forgane bys carte
Phegeus ane troyane, scand turnus al mad
Sa instantlie assail with strakis sad
Na langare mycht hym thole, bot wyth bald hart
Hym self kest in the way to meit his carte
[Page] And he the renȝes, in his richt hand hynt
Syne writhit has, aboute or euer he stynt
The famy mouthis, of the haisty stedis
And as this douchty man, sa gude at nedis
Thus hang and harlit, was in euery arte
By the lymouris, and hames of the cart
That he hys mody, micht not kepe nor heild
To couer with his armour, and his scheild
The spere him followis, with scharp hede and brade
And r [...]nt his hawbrek, of doubyl plyis made
Hurt his body some dele, not fully sound
Peirsand the syde, and maid ane litle wound
He not the les agane his fa, furth sprent
Wyth his brade scheild / or targate euir vpstent
And in his hand heild, drawin the birnist blade
Cryand for help, his aduersare tyll inuade
Quham tho allace, grete piete was to se
The quhirland quhele, and spedy swift extre
Smate donn to ground and on the erde lay plat
And as he fell, Turnus fallowis with that
And euin betuix the helme, can him arrace
At vmaist roll or hem, of his curace
Smate of his hede, clenly with his brand
And left the corps, like ane stok in the sand
¶ No mannis cure, nor craft of surrigine
Mycht heill Eneas / bot venus medycyne
ANd as Turnus thus, in the batell stede
Wyth the ouerhand, sa feil corps layd dede
The mene quhile m [...]escheus, and traist Achates
Has led the bald Eneas, of the preis
Ascaneus ȝing, with thame in cumpany
And to the tentis, brocht hym all brudy
Wyth steppis slaw, furth steppand all in fere
Leuand Ilk pais, one ane lang poyntit spere
[Page cccxxxvi] Wod wroith he wordis, for disdene and dispite
That he ne mycht his feris succour als tyte
He writhis, and enforcis to withdraw
The schaft in brokin, and the hede wyth aw
He askis helpe at al, thare standand by
Quhat was the nerrest way, and maist reddy
And bad thay suld with ane scharp knyfe that tyde
Schere doun the wound, and mak it large and wyde
Rype to the bodum, wele and take good tent
To serche the hirnis, quhare that the hede was went
That thay maist baist thame selfe, but mare delay
To the batall,
Eneas stoun [...]s
for to stynt this affrayNow was thare than, new present in the preis
Iapis that was, son of Iasides
Aboue all vtheris, to the god phebus he
Was best belouit, and haldin in daynte
Wyth quhais fauoure, vmquhyle strangly caucht
This god appollo, has him glaidly tauht
His craftis and his office, by and by
Of diuinatioun, or of augury
The music tonis to play, on harp wele sle
And for to schute, and lat swyft arrowis fle
Bot this Iapis, for to prolong perfay
His faderis fatis, quhilk as bedrel lay
Before his ȝet, of his liffe in dispare
Had leuer haue knawin, the science and the lare
The micht and fors, of strenthy herbis fyne
And all the cunning vse, of medicine
And with sic secrete craftis, priuely
To leid his lyffe, and tyme mare esely
Eneas standis, bitterly chidand
Lenand apoun ane, bustuous spere in hand
Amyd grete confluence, of thir childir ȝyng
And eik his son Ascaneus, sare weping
[Page] Bot he na thyng hym mouit, at thys teris
Than this Iapis sage, and auld of ȝeris
Wyth habit schapin, of the s [...]rurgiane make
Vprollit weill, and wymplit fer abak
Richt beselie, with hys nate handis tway
Begouth for tyl exem, and till assay
The wound, with mony crafty medicine
And mychty herbes caucht, be god appollyne
Bot al fornocht, his trauel and his pane
Oft with his richt hand, serchis he in vane
To ripe the out gate, of the wound [...]o wide
And for to seik the schaft, on euery syde
Wyth hys wynrys, and grippand turkes sle
To thrist the hede, and draw furth pressis he
Bot for na chance, that euer betid may
Wald fortoun dreis, his hand the souir way
Na thyng aualit, his crafty medicine
Nor ocht hym helpis, his maister Appollyne
And now the grysly drede, ay mare and mare
Ouer al the feildis walkis here and thare
Nerre drawis the perrell, and affray
So that al dirknit wax, the clere day
Of dusty pouder, in the heuyn dyd stand
The hors men, al approchis fast at hand
That dartis thik, amyd the tentis fell
Woful clamour, wyth mony cry and ȝell
Went to the skyes, of ȝoung men faucht in feild
And thaym that swelt, sare woundit vnder scheild
Venus,
Venus haly [...] hir son Eneas.
his moder, tho thus pane to meisCaucht reuth and piete, of hyr sonnys diseis
And from the wod, of mont Yda in Crete
Vp has sche pullit, Dictam, the herb swete
Of leuis rank ripit, and wounder fare
Wyth sproutis spraingis, and vanys ouer al quhar [...]
[Page cccxxxvii] As that we se on sic verdoure springand
And on the top, ane purpoure floure curlland
Sic gresis gude bene, na wise vnknaw
Tho the wylde beistis, quhen that ony thraw
Thay with the fleand arrow, bene ouer tak
The hede stikand out, in syde or bak
Thiddir brocht Venus, this herb and sche was schrout
Baith face and body, in ane wattry cloud
And with the herb also mydlit, has sche
The halesum thrifty wattir, wounder sle
That from hir bricht, lippis sche ȝet in hy
And temperis and enbalmes, priuelie
The plester thare with strinkland, al ouer ane
The helsum Ius of herbe ambrosiane
And the wele smelland herb hecht pena [...]es
This antiant surrigiane Iapis
With sic wattir or Ius that he nocht knew
The wound masis and softnyt has of new
And suddanlie the pane vanist, als clene
Of his body as thocht it had bene
Bot ane dirling or ane litill stonud
All blude stan chit and stude in the depe wound
Tharewith baith hed and schast come furth droppand
But ony pull folowyng, of mannis hand
That strenth and force, of new to mak debate
Restorit war, vnto thare auld estate
Harnes harnes bryng him hiddir in hy
Quhy stand ȝe sa Iapis, gaif ane cry
And wyth thys wourde agains thare fais he
Has first thare sprete, inflammit to Melle
O Eneas quod he, I make ȝou sure
Throw mannis micht, was neuir wrocht this cure
Nor be na maister, craft of medicine
Thow art not helit by this hand of myne
[Page] Bot be sum greter god, full wele I se
The quhilk to greter, werkis preseruis the
Eneas the desyrus, of bargane
Hys lymmes in legharnes, gold begane
Claspit full clois, and dyd him self array
Bad spede in haist, for he hatit delay
He schuke and brangillit, fast his spere that tyde
And eftir his actyue scheild, was by his his syde
Couchit full mete, and on his bak full thyk
Sesit his curace, or his syne hawbrik
Ascaneus ȝoung, tenderly the ilk place
Wyth all his harnes, belappit dyd enbrace
And thorow his helmes, ventall ane lytell we
Him kissit his syne, on this wyse sayd he
O thou my chyld,
Eneas exhortatione to his sone Ascaneus to follow vertew & laboure,
do lernyng I the prayVertew and veray, labour to assay
At me, quhilk am thy fader, as thou wate
Desyre to be chancy, and fortunate
At vthir princis, quhilkis mare happy bene
Now sall my richt hand, the querrell sustene
And the defend in batal by and by
To make the partis man of grete senȝ [...]ory
Do ȝou siclike, I pray the mine awin page
Als fast as thou cummis, to perfyte age
Remember hereon, and reuolue in thy mynd
Thy lynnage, thy forbearis and thy kynd
Exempil of prowes, in the steris freyndis before
Saith fader Eneas, and thy vncle Hectore
¶ Iuturna gydis hyr brotheris cart / richt fle
Frawart the batall he s [...]ld not mache Enee
QVhen this was said, furth at the portis he
Schakand in hand, ane grete spere Ischit he
Wyth him also to the field ruschis out
Antheus Mnestheus, and ane full thyk rout
[Page cccxxxviii] Alhale the barnage flokkis, furth attanis
Left vode the toun, and strenth wyth waisty wanis
Than was the plane ouerset, quha come behynd
Wyth dusty stew of powder, maid folk blynd
And for stamping, and fele dynnyng of fete
The erde mouit, and trymlit euery strete
Turnus apoun the party, ouer richt forgane
Persauand thame, thus sterand throw the plane
Than saw also, the pepil Ausonianis
And the cauld drede, for fere ran throw thare banis
Fyrst of the Latynis, all this ilk made
Iuturna thame knew, and was not glaid
Sche herd the soundis, and the fell derray
And quakand fast, for fere has fled away
Bot thys Eneas, full bald vuder scheild
Wyth all his oist, draw throw the plane feild
And with him swyftly, bryngis ouer the bent
Ane rouch cole blak, of the stew quhare he went
Lyke as the bub, or plaig of fell tempest
Quhen that the cluddis, brekis est or west
Driuis by fors, throw the sey to the land
Doand the cairful husbandis, vnderstand
The grete myschief to cum and felloun wraik
Quhilk wyth sare hartis, quakand allaik allaik
Sais lo ȝone bub, sall st [...]eik doun grouand treis
Doun beit our cornes, and by the rute vpheis
And fer on brede, ouerturne all dois vp stand
Herk here the swoich cummys, brayand to the land
On siclike wyse, this Ilk Chiftane troyane
The corssy pasand, Osiris he has slane
Mnestheus kelit Arehet, and achates
Behed it has the, wicht Epulones
Gyas doun bet Vfens, the grete capitane
Doun fell also, the grete Anguriane
[Page] Tolumnēus him selfe, at the ilk day
Threw the first dart, his fais till assay
Vpry is than ane clamour and ane skry
Quhilk semyt, went vnto the sternit sky
Thare co [...]rs about, than the rutilianis
Has tane the [...]lycht, and gayf the bak attanis
Skatterit throw out the feildis, here and thare
Quhil stout of pouder, vp strekis in the are
Bot the chiftane, this vailȝeand Enee
Dedenȝeit nane doun bett as, thay did fle
Na thame inuade that met him, face for face
All thocht thay faucht with wappinnis swerd or mace
But throw the thikest sop of dust in hy
Onlie Turnus went, to seik and espye
And him allane, according the tretie
He askis and requyres vnto melle
Wyth drede herof, the mynd was smytin so
Of Iuturna, the verray virgo
Quhilk terme to expoun, be myne auyse
Is ane woman▪ exersand mans offyce
Amyd the lyamis, and the thetes thare
Doun swakkis scho, mitestius the cartare
That Turnus chare, had for to reule on hand
And left him lyggand fer, ȝound on the land
Fra the cart, lymmouris, warpit ane grete way
And scho in stede, his offyce dyd assay
And wyth hir handis about wrythis sche
The flexibyl renȝes frawart the melle
Berand the lykenes in al maner thyng
Of mytes [...]us voce, persoun and armyng
Als fele wrinkis, and turnys can sche make
As dois the swallow, with hir plumes blak
Fleand and seirsand, swiftlie thare and here
Ouer the grete lugeingis, of sum michty here
[Page cccxxxic] Apoun hir wingis, skimmmand euery side
Thir hie hallis, bene full large and wyde
Gadderand the smal morsellis, est and west
To bere hir birdis chepand, in thare nest
Now into gousty portis, dois fle
Now by the donky stankis, soundis sche
In siclike wyse, this Iuturna beliue
Throw out the oistis, can the horsis driue
Circuland about with swift farde of the carte
The feildis ouer al quhare, in euery art
And schew hir brethir turnus, in his chare
Now brauland in this place, now voustand thare
Be na way wald sche suffir, that he
Assembil hand for hand, suld wyth Enee
Bot fled him fer, and frawart him held ay
Withand hir cartis cours, ane vthir way
In na les haist, Eneas on the bent
His quhelis turnis, and writhis mony ane went
The men he seirsis, throw the effcayit routis
And on him callis, with loude cry and schoutis
Als feil syis, as he his ene kest
Apoun his fa, all tymes he hym addrest
To chace him with, swift cours throw the melle
On hors that semyt ryn as foule dois fle
Bot euer als oft, Iuturna ane vthir art
Awaywart turnis, and writhis hir brotheris cart
And thus Eneas, temanys al on flocht
In sundry motioun of Ire, bot al for nocht
Allace ne knawis he not, now quhat to do
Dyuers thochtis, and sere consatis lo
Hys mynd in mony contrare purpois sent
And as he thus was trublit, in entent
Mesapus that on cais was nere hand by
And in his left neif, haldys all reddy
[Page] Twa soupil castyug speris, hedit wyth stele
Of quham that ane, ful souirlie and wele
Towart Enee, addressit dyd he glyde
Eneas houit stil, the schot to abyde
Hym schroudand, vnder hys armour and his scheild
Bowand his hoch, and stude a lytle on heild
And netheles this spere, that scharplie schare
Of his basnyt, the tymbrell quyte doun bare
And smate away, the crei [...]ys toppis hie
Than mare in greif and Ire, vpgrowys he
Seand him caucht, wyth dissate and stycht
Quhen that he has persauit in hys sycht
Turnus hors, furth dreuinane vthir art
Awaywart turnis sa feyl syis his cart
Tho mony tymes loud did he testifye
Grete Iupiter, how that sa wrangusty
He was [...]urit, and constrenit to ficht
To witnes drew he, als with grete vnrycht
The altaris of confederance vyolate
And now at last, ful furius and hate
The mydwart of his inemyis did inuaid
Wyth prosper chance of batal so vnglaid
And terribil to his fais waxis he
That hale but ony difference of degre
All to wraik, for na man lyst he spare
Ane cruel s [...]auchter, he has rasit thare
All kynd of wraith and breithfull yre now hie
Lete slip at large, but brydil wyth renȝe fre
¶ Here followis of the slauchter mouy [...]ald
Made by Turnus and by Eneas hald
QVhat god sal now me teaching to [...]ndy [...]e
Sa mony woundis, and this careful syte
Or quha me lerne in matir, to declare
Sa feil and diuers slauchteris as war thare
[Page ccccl] And grete deseis of Dukis, in that stede
Ouer all the field, strowin liggis dede
Quham euery ane, samyn his cours abut
Now doun bet Turnus, now Eneas stout
O Iupiter was it, plesand to the
Wyth sa grete motioun,
Exclamator the gret slauchter followinge.
oh crudeliteAthir pepill suld rusche, on vthir in preis
Quhilkis eftir suld be, ane in eterne peis
Eneas fyrst that taryit, not to lang
Smate ane Sutrone, ane Rutuliane strang
Ane greuous wound, he hit him in the syde
Throwout his rybbis, can the styff swerd glyde
P [...]irsit hys coist, and breistis condict in hy
Thare as the fatell deith, Is maist haisty
This bargane first fermyt, troyanis to stand
That langeir fled Turnus, fra hand to hand
Tho Turnus has recounterit, in the preis
Amytus and his brother, Diores
Quham fra thare hors, on the ground doun bet
On fute in feild, strangly he vmbeset
And the formest, with ane lang styff spere
Smate dede and with ane, swerd the tothir in fere
Sine baith thare hedis, hakkit of in hy
And at hys cart hyngis, thame by and by
The blude tharfra, droppand tursys away
Theself stede Eneas, at ane alsay
Or at ane vnset, has kelit Ianaus
Talon also, and the stout Cethegus
Syne eftir thame, he kelit in the preis
The sa and ay sorowfull, Onytes
Renowned of Thebis blude, and the ofspryng
Descenbyng doun from Etheon the kyng
And of his moder born, Peridia
This vther chif Captane Turnus kelit twa
[Page] That brethir war, and out of Lithia send
Appollois cuntre, troianis to defend
And eftir thaym, ane meneit has he slane
Ane ȝoung man, that was borne in archadane
That al his dayis, euir hatit the melle
Bot al for not, forhe moist nedis thus de
About the laik of larne and fludis gray
His craft was, for to fisching euery day
Ane pure cote hous he held and bure him law
Rewardis of riche folkis, war to hym vnknaw
His fader erit, and sew ane pece of feild
That he in hire gang, held to be hys beild
And like as that the fyre, war now vp bet
And in sum dry widderit wod, vpset
Baith here and thare, at diuers partis sere
Amyd the soundand, buskis of Laurere
Or quhare the fomy riueris rede on spate
Hurlis doun from the mouth, of ane large gate
With hidduous brute, and felloun farde attanis
Thare as thay rin, ouer flowand al the planis
Ilkane distroyis, waistis and driuis away
Na stawar bayth, this Turnus, and Enee
Hurllis and ruschis, feirs throw the melle
Now now,
The great hate and betuex turnus & Ene
the braithful Ire and felloun thochtWithin thare myndis, boldynnys al on flocht
And thay breistis, can na wys vincust be
Now breistis ful of grief, and cruelte
Now lasch thay at, with bludy swerdis bricht
For to mak woundis wyde, in al thare mycht
The tane of thaym, that is knaw Enee
Kyng Murranus, of ancestry mayst hie
Soundand the name, of his forefaderis auld
Ouer al the clan, of Latyne Kyngis bald
Obseruit man, [...]e man vnto his day
[Page cccxli] Furth of his carte, has smittin qwite away
And bet him doun, vnto the erd wynd flaucht
Wyth ane grete rouk, and quhirland stane ouer raucht
That this murranus, the renis and the chetis
Quherewith his stedis, ȝok kit war in thretis
Vnder the quhelis, has do weltit doun
Quhare as he liggis, in his morrall soun
Of his awne [...]ledis, aboue him rap for rap
The sterand hufis, stampand with mony clap
Ouer treddis and doun thringis, thare maister law
And can thare lordis, hi [...] estate misknaw
Ane Turnus has, recounterit ane hilo
That ruschand hurllit, thro the melle tho
Full feirs of mynd, and austerne of curage
Bot this Turnus, for al his vassallage
At his gilt halffettis, ane grundin dart did thraw
That fixt throw his helme, the schaft flaw
Peirsand his brane, quhil out bruschit the blude
Nor thy richt hand, Creteus sa gude
Thou forciest greik, cummyng fra Archade land
Micht the deliuer, from this ilk Turnus hand
Nor all his goddis, Cupentus in the plane
Mycht from Enee, come him agane
Bot as his breist with the steill, poynt has met
That thirlit has throw all, and doun him bet
That nowthir scheild, nor obstant plait of steil
This catiuis breist, has helpit neuir ane dele
O Eoline the feildis, Lawrentane
Has the behald the ron, doun bet and slane
And with thy brade bak, in the riche wede
The ground thou has bespred, richt fer on brede
Thare lyis thou dede, quhom gregioun oistis in ficht
Nowthir vincus, nor to the erde smite micht
Nor feirs Achillis, to the erde couth bryng
[...]
[...]
[Page] That was ouerquhelmare, of kyng Priamus ring
Here war thy methis and thy terme of dede
The houssis and [...], or the nobyl stede
Of the kynrent stant, vndermont Ida
In the grete ciete, of Li [...]nesia
Bot in the feildis, of Laurentine sulȝe
Thy sepulture is made, for ay to be
Apoun this wyse the oistis, and wardis hale
On athir part, returnyt in batale
Aganis vtheris to fycht, samyn attanis
All the latinis, and alhale the troyanis
Duke Mnestheus, and the sterne Seres [...]us
And the tothir half prince Mesapus
That of grete horssis, the danter clepit was
And with him eik, the stalwar Asilas
The thirrene routis, semblit all attanis
And kyng Euandrus army Archadianis
Euery man for hymself, as he best mycht
At the vterance of all his fors, gan fycht
No rest nor tary was, thay so contend
Sum to confounding all, sum to defend
¶ How Eneas segit / the towne agane
And quene Amata / hyr self for wo has slane
AT this tyme the bargane, enduring thus
Eneas moder, the farest dame venus
In to his mynd, sche has put this Intent
To hald vnto the wallys, Incontinent
And stere his oist, the ciete til assay
Wyth haisly vnset, and suddane effray
At grete myscheif the Latynis tyl effere
Quhilk of his cumnyng, tho vnwarnit were
And as that he, mouing tyl espye
Turnus, throw sindry routis, by and by
On euery syde, he has cassin his Ee
[Page cccxlii] And at the last, behald is the cite
Saikles of batal, fre of al sic stryffe
But pane or trauel, at quiet man and wyffe
Than of ane greter bargane, in his entent
All suddanly the figure dyd emprent
He callis Mnestheus, and eik feregestus
Chif anis of hys oist, and strang Serestus
And on ane litill mote, ascendit in hye
Quhare sone forgadderit, all the troyane army
And thyck about hym flokkand, can but baid
Bot nowthir scheild, nor wapinnis doun thay laid
And he amyd one the knollis hicht
Vnto thaym spake thus, herand euery wicht
Here I command,
Eneas cō mand to his men of warre
no tary nor delayBe maid of my preceptis, quhat I sal lay
Nor se that no man, beswere nor slaw to rin
Tyl our haisty vnset, we wyl begyn
Sen Iupyter, assistis to our syde
Now herkis quhat I purpois, do this tyde
Thys day I sall destroy, and sone bet doun
Of laurent hale, the cyete and the toun
Quhilk is the caus of al our weryng
And quyte confounde, the king Latinis [...]ing
Les than wil thay, relsaue the bridil at hand
Be at obeysance, and grant my comand
And ȝone hie turettis; and thay to [...]p is hie
Of reikand chynais ȝounder as we se
I sal mak plane and equale with the ground
Quhat suld I tary, or delay ane stound
Abiding here, in sic place, quod he
Quhyl turnus list, fecht wyth vs in melle
Or quhil that he ane vther time agane
Ouer cum and vincust, in to batal plane
May haue refuge, to thys toun to beleif
[Page] Syne efter in feild, vs recounter and gre [...]
O cytezanis the hede is this ciete
Of our welefare, and cheif of iniquite
Twrs thidder in hy the hate byrnand fyre brandis
Aud wyth the blesand flammis, in ȝour handis
Renewis and require, agane said he
The trety sworne, and promist ȝou and me
Quhen this was said, thay put thame in array
Togiddir al the ciete til assay
Thay pingil thraly, quhay mycht formest be
Wyth doure myndis, vnto the wallis hye
Knyt in ane sope, with grete pussance thay thryst
The ledderis to the wallis, or thay wyst
And haistely,
The town stormy [...]
fire blesys dyd appereSum vtheris of the troyanis, ruschit in fere
Vnto the portis, and the first thaym met
Has kelit at the entre, and doun bet
Sum vtheris schutis, Dartis, takillis and flanys
At thayin quhilk, on the berinkin hede remanys
That wyth the flicht of schaftis, here and thare
Thay dirknit all, the skyis and the are
Enee hym self, wyth the formest can stand
Vnder the wallis puttand, to his hand
To the assalt and with loude voce on hye
The kyng Latinis, fast a [...]cusis he
Drawand the goddis, to wytnes how agane
He is constrenyt on hors, to moue bargane
And how that he Italianis, thus twyis
At sundry tymes, schew them hys Inemyis
And how falsly that day, thay brokin had
The secund confederatioun, sworne and mad
Amang the cietezanis, into grete affray
Vprais distord, in monysundry way
Sum bad vnclois, the ciete, and als fast
[Page cccxliii] Warp vp the portis, and wide the wallis cast
To the troyanis, and thare grete prince Enee
Ressaue as for thare kyng, in the ciete
Vtheris stert to thare wappinnis, and thare gere
For to defend thare toun, of fere of were
As we may gyf ane similitude, wele like
Quhen that the herd, has fund the byis bike
Closit vnder ane derne, cauerne of stanis
And fyllit has full sone, that littile wanys
Wyth smoik of soure, and better rekis stew
The beis wythin affrayit, all of new
Ouerthowrt thare hiuis, and waxy ten tis rynnis
With mekil dyn and beming in that Innis
Scharpand thare stangis, for Ire as thay wald ficht
Swa here the laithly odoure, rais on hicht
From the fyre blesis, dirk as ony roik
Thar to the ruvis toppis, went the smoik
The stanis warpit, in fast did rebound
Within the wallis, the grete brute and sound
And vp the reik all wod, went in the are
Quhar as na tenementis stude, nor hossis ware
Betide also to, thir wery Latinis
Quhilk so Irkit, at his myscheif and pynys
Ane chance of mysfortoun, that all the toun
Wyth womenting straik, to the boddum doun
For as the quene Amata, saw sic wise
The ciete vnbeset, with Inemyis
The wallis kyndillit,
Quene [...] mata seīg the towne stormy▪ hī gis hi [...] self
be with flammis heteThe fyre blesis aboue, the ruffis glete
Na Turnus army cumand, thame aganis
Na ȝit the oistis, of Rutulianis
Sche fell vnhappy, in the batell stede
Wenyt ȝoung Turnus fechtand had bene dede
And tho for verray sorow, suddanlye
[Page] Hir mynd trublit, cane to rame and cry
Sche was the caus, and wite, of al thys greif
Bayth crop and rute, and hede of sic mycheif
And in hir dolceus fury, thus myndeles
Al enragit for dule, tho dyd expres
Ful mony ane thing, and reddy to de wythal
Rent with his handis hir purpoure wede rial
And at ane hie balk, teyt vp sche has
With ane loupe knot, ane stark cord or ane lace
Quharewith hir self, sche spilt with schameful dede
And fra the latine matrouns, wil of rede
Persauit has this vile mycheuous wraik
Thay rent thare hare, with harro and allake
Hir dochter first, beside the dede corps standis
Riuand hir giltin tressis, with hir handis
Hir rosy chekis, to tore and startis sche
Than all the laif, that piete was to se
Of ladyis that about the dede corps stude
Rentis and ruggis thaym self, as thay war wod
That of thare goling, greting and deray
The large hale, resouudis ane fer way
Quhill from the kyngis palice, inuiroun
Divulgate went and sprede, ouer al the toun
The fey vnhappy fame, of sic ane dede
Than euery wicht, tynt hart for wo and drede
Wyth habit rent, king latine on the gate
Waxis wo begone, astonist of the fate
Of his dere spous, of the ciete syne
That semyt brocht, vnto fynale rewyne
His cannois hare sare mouit in his entent
With vnclene pouder, has he all besprent
And mony tymis hym selft [...] has accusit
That he sa lang has, lachit and refu [...]it
To ressaue glaidlie, the troiane Enee
[Page cccxliiii] Repenting sare, for wele of the ciete
That he had not requirit him, and draw
Or than to be his maich or son in law
¶ The quenes deceis fra Turnus [...] wyst
Went to the sege, Eneas to resyst
IN to the mene time, as weriour vnder scheild
Turnus ȝoud to the fer part of the feild
Ane few menȝe, persewand ouer the plane
Quhilk at the stragil fled, in al thare mane
Sum dele or than, walxis dol [...] this syre
Seing his hors begyn to sope and tyre
That euer the les and les, ioyus was he
Of thare renkis and gate throw the melle
Thare with the wynd, and southing of the are
The fereful clamours, brocht to him rycht thare
Myxt wyth vncertane terrour and effere
The confusioun of sound, smate in hys ere
Come from the ciete, ane felloun murmuring
Rycht vnglade brute, of care and womenting
Ha wa is me he sayd, quhat may this be
How bene the wallys trublyt, of this ciete
Wyth sa grete dule and sorow, as I here
Or how thus ruschis, sa felloun noyis and bere
And clamour fra the toun, at euery part
Thus has he sayd, and gan do stynt his cart
And al enragit, tyt the renȝeis abak
Quham to his syster, the Iuturna spak
As scho that was turnyt, as I sayd are
In semblant of metestus the cartare
That hors renȝeis fyde, renȝeis and cart did sche
Reul and direct, amydwart the melle
Wyth sic wourdis, scho ansueris him fute hate
Turnus lat vs persew troianis thus gate
Quhare victory vs schewis the reddy way
[Page] Thare bene enew vtheris, be my fay
For to defend, and wele mantene the toun
ȝone is Eneas makis the brute and soun
That can inuaid, Italianis as ȝe here
Mydlit the batall, in sic feare of were
Tharfore lat vs wyth cruel hand in this stede
Lay als fele corps, of the troyanis dede
For wyth na les nowmer slane vnder scheild
Nor les honour sal thou wend of the feild
Turnus ansueris, O thou my sister dere
I knew ful wele, that it was thou lang gere
That by the craft, and quent wilis sa fle
Our consideratioun, trublit and trety
And enterit in thys batal [...]quhilk thou wrocht
And now goddes, thy wilis ar for nocht
Bot quha was that send the, from heuin so schene
So huge sturt, and trauell to sustene
Qubiddirgif thou come, to that entent to se
The cruell deith, of thy brother sayd he
Quhat sall I do lat se, quhare sal I now
Or quhat succours, promittis fortoun and how
I sal my self, before myne ene lang gere
Grete Murranus, quham nane mare leif nor dere
Vnto was that leuand, is this day
Swete on the ground, and with loude voce perfay
On me did call, quhare as he lay vnsound
At ei [...]th discumfist, wyth ane grislie wound
And lo doun bet, and slane in his defence
Is not also, the stout Capitane vsence
That he suld not, our lak and schame behald
Hys corps and armour, dois troianis bayith wythhald
Sal I als suffir thaym, doun the ciete ding
Of our myscheif, thare restis bot that ane thyng
Now sall I not, wyth thys rycht hand in hy
[Page cccxlv] Confound schir drantes, lynnage vnworthy
Sal euer this ground, behald or se sic lak
That I sall fle, or Turnus gyf the bak
Is it al out, sa wrechit thing to de
That or thay steruin, men suld rather fle
ȝe manes, clepit goddis infernall
Beis to me frendlie, now sen that all
The goddis myndis aboue, ar me contrare
He ȝe beneuolent, when that I cum thare
Ane haly saule to ȝou discend sall I
Saklis of al sic cryme and velany
Na wyse vnworthy, namyt for to be
Wyth my eldaris, and forefaderis maist he
Skars has he said, quhene lo throw the plane
Ruschand amyd his fayis come hym agane
Ane sages montit, on ane fomy stede
And he was woundit sore, and gan to blede
In the face with ane arrow, vnder the Eee
Cryand help, Turnus be hys name quhare is he
Turnus quod he in the, and thy twa handis
The extreme help, and lattir welefare standis
Haue reuth and piete of thy awne menȝe
Now as the thunderis blast faris Enee
In bargane so enragit, he doith mannace
The cheif ciete of Itale doun to arrace
And to fynale rewyne to bet doun
The principale, and al the rial toun
And now into the thak and ruffis hie
The flambis of the fire, blesis dois fle
In the thare vultis, in the thare ene but fale
The Latine pepil, dressit has alhale
The kyng hym self, latynus the grete here
Quhisperis and musis, and is in manere fere
Quham he sal cheis, or call vnto hys thraw
[Page] To be his douchteris spous, and son in law
Or to quhat freyndschip or alliance fyne
Is best him selfin, at this tyme inclyne
And farthermare, Amata the fare quene
Quhilk at al tymes, thine ane fald freynd has bene
Wyth hir awne hand doth sterue, lyggand law
And for effray, hir selfe has brocht of daw
Onlie Mesapus, and Atynas kene
At the portis, he dois the stoure sustene
About thir twa, on athir hand thik standis
Arrayit routis, wyth drawin swerdis in handis
Ful horribil and austerne, athir barnage
Cled in steil wedis, wyth wappinnis man and page
And thou thus rolling furth the cart bedene
Walkys at auantage, on the wod grene
Turnus astonaid, stude doun in studying
Smyte wyth the ymage, of mony diuers thyng
Depe in his hart, boldynnis the felloun schame
Al myxt with dolour, aagir and defame
Syne feruent luf hym cachit, in furie rage
And has by kynd, hardiment and curage
As first the schaddois of pertrublance
Was dryue away, and his remembrance
The licht of ressoun, has recouerit agane
The byrnand sicht, of baith his ene twane
So aggreuit, towart the wallis he kest
And from his cart, blent to the cietie prest
Bot lo ane sworl of fyre, blesis vp thraw
Lemand towart the lift, the flamb he saw
Amang the plankis, and the loftis schyre
Stremand and kendylland, fast the hate fyre
That caucht was, in ane mekil toure of tre
Quhilk tour of sillis, and geistis grete belt hye
And thare vnder to rollyt quhelis set
Now now sister quod he, lo al and sum
The fatis has vs vincust and ouer cum
Decist therfore, to mak me langare tary
Lat vs follow that way, and hiddir cary
Quhare god, and this hard fortoun callis me
Now standis the poynt, I am determyt quod he
Eneas hand for hand, for til assale
Now standis the poynt to suffer in batale
The bytter dede, and al paneful distres
No langar sister german [...], as I ges
Sal thou mese, sa schamful vnwourthy wycht
Bot I beseik the manlie, as ane knycht
In to this fetuent, furoure, suffir me
To go enragit to batal, or I de
Thus has he sayd, and from the cart in hy
Apoun the land he lap deliuerly
And left his syster, tryst and desolate
Christ throw his fais, and wappin al sute hate
And with sa swift ferde, schot throw the melle
That the myd routis and wardis, schudderis he
And lyke as the grete roche crag, with ane soun
From the top of sum montane, tumlyt doun
Quhen that it is ouer smyte, with windis blast
Or with the drumlyschouris, spate doun cast
Or than be lang proces of mony ȝeris
Lowsing away the erd, and away weris
Is made to fal and tumbil, with al his swecht
Lyke til ane wikkyt hil, of huge wecht
Haldyng hys fard, the discence of the bra
Wyth mony skyp and stend, baith to and fra
Quhyl that the schout fer, in the plane ground
And al that he ouer rekys, doys confound
Woddys heirdis flokkys cattal and men
[Page] Ouer welterand wyth hym, in the depe glen
Towart the wallis, Turnus ruschit als fast
Throw out the routis, by hys fard doun cast
Quhare to the ground wet, and bedyit stude
Ane wele for way, wyth effusioun of blude
And large one brede, the skyes and the are
For schaftis schot, and quhissilling here and thare
Ane bekin with his hand, to thaym maid he
And samyn eik, wyth loude voce cryis lat be
Stynt ȝe rutulianis, se ȝe fycht na mare
And ȝe Latynys ȝour dartis castyng spare
How euer the fortoun, standis at this tyde
The chance is myne, the fait I mon abide
It is mare iust, and equale I allane
For ȝou sustene the pane, was vndertane
And purge the cryme, so happinnit now of late
Of thys confederatioun, violate
Lat me stand, to my chance I tak on hand
For to derene, the mater wyth thys brand
Than euery man, amydwart thaym betuene
Can draw abak, and made roume on the grene
¶ Eneas and Turnus fechtys hand for hand
And turnus sted for he had brokin his brand
THis fader than, this grete prince Ene
Herand the name, of turnus cryit on hie
The w [...]llis left, and fra the toun went away
Rycht haistelye, secludand al delay
Styntis al the werk, that he begunnyng had
And hoppis vp for Ioy, he was so glad
The hussilling in his armour did rebound
And kest ane terribil, or ane fereful sound
Vpraxit him he had amyd the place
Als big as Achon the hie mont in trace
Or heith as mont Erix in Cecilly
[Page cccxlvii] Or than the fader, of hillis in Italy
Clepit mont Apeninus quhen that he
Dois swoith or bray, with roky quhynnis hie
and Ioyis to strik his snawy top on hicht
Vp in the are, amang the skyis bricht
That is to say, amang al vthir wichtis
Eneas semyt, to suremonting in hichtis
The remanent, of al the mekill rout
As thir montanis, excedis the knollis about
And than forsoith, rutulianis egirly
And al the troyane oistis, and army
Towart thare dukis, did returne thare ene
The rutulianis I say, and eik bedene
All the latynis, that on the wallis stude
And al thay als to fore as thay war wode
The barmkin law, smait wyth the rummys fast
Now on thare schulderis, can thare armour cast
The king him self, latyne abasit to se
Tua men so big, of huge quantite
Generit and bred, in realmes, fer in sounder
Of sere partis, of the warld, that it was wounder
Twa of sic stature, vnmesurabil of hicht
For tyll assembill, samyn in to ficht
Or for to se thaym, machit on the grene
Derene the bargane, wyth thare wappinnis kene
And than athir thir campiouns vnder scheild
Quhen wodit wele, and rowmyt was the feild
That patent was, the plame ane wele large space
With haisty farde on fer, has tane thare rais
And gan speris cast, or thay come nere
Quhil scheildis loundit, and al thar vthir gere
And martial batall thay begin but baid
And achir sternlie did his fa inuaid
So did the strakis, dyn on thare fiele wede
[Page] The erde granys, and dynlis fer on brede
Syne raschis togiddir, with swerdis or euir thay stynt
And routis thik, thay doublit dynt for dint
With force of proues, and fatall auenture
Mydlit samyn the bargane, thay indure
Like as twa bustuous bullis,
A cōparisō discriuing Eneas & Turnus hardines
by and byOn the hie mont thaburne, in champany
Or in the mekill forest, of Stila
Quhen thay assemble, in austerne battall thra
With front to front, and horn for horne attanis
Ruschand togiddir with crones, and ferefull granis
That the maisteris, and hirdmen euery wicht
Abasit geuis thame place, so brim thay ficht
For fere the beistis dum, all standis by
And all in dout squelis the ȝoung ky
Quha sall be maister, of the cattal all
Of quhilk of thame, the bowis follow sall
Thay swa bullis, thus striuand, in that stound
Be mekill fors wirkis, vthir mony wound
And duschand fessynnys, fast thar hornes stout
Quhill that haboundance of blude, stremis out
Than can do wesche, body or al to baith
Thare grym nekkis, and thare spaldis baith
That of thare rousting, al the large plane
And woddis rank routis, and low is agane
Nane vthir wise Enee, the troyane here
And Dawn us sone, turnus, samyn in fere
Hurllis togiddir, with thare scheildis strang
That for grete Raschis, al the heuinnis rang
Thus Iupiter him self, as has atheris chance
Ane wele lang space, to hungin in ballance
Be equale mesure, and pasit has also
The fatis diuers, of thame boith two
Quhom the stout laubour, suld deliuer fre
[Page cccxlviii] And quham the pasand wecht, ouerweltit to de
Turnus at this time, wa [...]is bald andblyth
Wenyng to caucht ane stound, his strenth to kyith
But ony dangere, or aduersite
He raxis him, and heuis vp on hie
His bludy swerd and smait, in al his mane
Ane grete clamour, gaif the pepill troiane
And eik the latynis quaking, gan and schont
Full prest thame to behald, stud athir out
Bot his vntraist fals blaid, is brokin in sunder
And ardent Turnus brocht, has in grete blounder
For it amyddis of his dynt, him falis
And desolate him left, that nocht aualis
To him his strenth, his hardyment and mycht
Lese than he tak for his defence the flicht
ȝa swifter than the wynd,
Turnus [...]eys.
he fled I gesQuhen that he saw, his richt hand wappin les
And persauit the plomet, was vnknaw
For so the fame is, at the ilk thraw
Quhen he first ruschit, in his cart in hy
And gart do ȝoik his stedis by and by
To go vnto the battal, the samyn daye
That for the suddane vnset, and effray
The cartur Metestus swerd, hint in hand
And al for ȝet his faderis, nobil brand
And thys ilk swerd, was sufficient ane lang space
Quhil that he followit the troyanis in the chace
That gaif the bak, as we haue said or this
Bot als fast as it twichit, or machit is
With diuyne armour made be god vulcane
And theron smytten in all turnus mane
This vntrew, temperit blayd and fals brand
That forgyt was▪ bot with ane mortal hand
In flendris flew, and at the first clap
[Page] As broukyll yse, in litle peces lap
Quhil the small partis, of the blade broken in tway
As glas gletand, apoun the dun sand lay
Quharfore this Turnus, half myndles and brayne
Socht diuers wentis, to fle out throw the plane
Wyth mony windis, and turnis all on flocht
Now here syne thare, vnsouirly he socht
Troyanis stude thyk, belappit enuiroun
In maner of ane compas, or ane croun
And on the tane half, eik ane laik braid
Him so inclusit, that he micht not euaid
And on the tothir syde, fermit als has he
Wyth the hye wallis, of the chief ciete
And thotht the wound taryis, Enee sum dele
Wrocht to him by the rakyll, with hede of stele
To weild his kne, maid sum Impediment
That he micht not brade, swiftly ouer the bent
Wyth na les preis and haist, ȝit not for thy
He fute for fute persewis, hym feruently
Lyke as sum tyme, quhen that the huntar stout
Betrappit, has, and vnbeset about
Wyth hys ralys, and with his houndis gude
The mekyll hart, swymmand amyd the flude
Quhilk thare inclusit, nedelinges mon abide
For he may not eschape, on nowthir syde
For fere of houndis, and that awfull berne
Beryng schaftis fedderit, with plumes of the erne
The rynnyng hound, dois hym assale in threte
Baith with swift rais, and with his questis grete
Bot this hart all abasyt, of thare flycht
And of the strait and stay, bankis grete hicht
Can fle and eik returne, ane thousand wayis
Bot than the swipper, tuskand hound assayis
And neris fast, ay reddy hym to hynt
[Page cccxlix] Now now almaist like, or euer he stynt
He suld hym hynt, and as the beist war tak
Wyth, hys wyde chaftis, at hym makis ane suak
The bit oft failȝeis, for ocht he do mycht
And chakkis waist, togiddir hys wappynnis wycht
Rycht so at thys tyme, apoun athir syde
The clamour rays, that al the laik wyde
And brayis about them, answerd so thay ferde
The heuyn ouer al, and eik rumlyt of that rerd
And Turnus samyn, fast agane can cal
Rutylianis chidand baythane, and al
Euery man clepand, by his propir name
To reik him his traist swerd for schame
And by the contrare awful Enee
Can thaym mannace, that nane sa bald suld be
And schew present the deith all reddy here
To thare vndoing, gif ony drew nere
And quaking for the fere made agast
Schorand the ciete to distroy, and doun cast
Gif ony help, or supple to hym schew
And thocht he sare was, feirslie did persew
Thus fyue tymes round, intil ane rais
About the feild, can thay fle and chais
And als fele syis went turnyng here and thare
Like as before the hound, wyskis the har
And na wounder, for so the mater lyis
To na bourding, twyching thare interprise
Nor for smal wagys, thay debait and stryfe
Bot apoun Turnus blude schedding and life
On cais amyd thys feild haid grow of late
Ane wylde Oliue [...]o fawnus consecrate
Quhare on grew bittir leuis, and mony ȝeris
Was hald in wourschip, with al marineris
At the quhilk tre quhen thay eschapit had
[Page] The stomres blast, and wallis made thaym rad
Thare on thare offerandis, wald thay affix and hing
Vnto this god vmquhile, of laurent Kyng
And thareon eik, the clathis bekend vpsent
Bot tho the stok of the tre, doun was rent
By the troyanis mysknawing, it hallowit was
To that entent, to plane the batall place
Eneas big lance, or hys castyng spere
Percais vpoun the poynt, was stikand here
Thiddir this, schaft the grete fors of his cast
Had thraw the ilk stound, and thare fixit fast
Amang the grippill rutis, fast haldand
Wedgit ful law, the lance on end did stand▪
The troyane prince, it grippis in that stede
Willing in hand, to put out the stele hed
With cast therof, to follow him at the bak
Quham he throw spede of fute, mycht not ouer take
Bot than turnus, half mangit in affray
Cryis O thou Fawnus, help, help, I the pray
And thou tellus, maist nobill god of erd
Hald fast the speris hede, by ȝour werde
As I that euir has, wourschippit on thir planis
ȝour honour that be, the contrare Eneadanis
Has violate and prophanit, be strife quod he
With blude schedding, and doun hewing ȝour tre
Thus sayd he, and nothing in vane I wyse
The goddis help, he asktt for that hys wys
Ane ful lang tyme, wrelis and taryis Enee
Furth of the teuch rutis, of this Ilk tre
His spere to draw, and bitis on his lip
Bot fessynnyt sa is in the ware the grip
That by na manere force, thocht he was wicht
Furth of the stok, the schaft vp pul he mycht
And as brymly, thus enforcis fast
[Page cccl] To draw the spere, this goddis at the last
I mene Iuturna, dochtir to dawnus king
Out throw the feild, come rynnand in ane ling
Changeit agane, as that to foresche was
In to metestus, semlant and liknes
And to hyr brothir, has his swerd detaucht
Quhare at dame Venus, grete disdenȝe caucht
Sic thing suld be tholit, thys bald Nymphe to do
Than suddanly, to the spere rekis scho
Bayth schaft and hede, anone or euir sche stent
At the first pul, from the depe rute has rent
Than athir restit, and refreschit wele
Baith in curage, and scharp wappinnis of stele
He traistand in hys swerd, that wele wald schere
And he full proude, and sterne of his big spere
Incontrare vtheris, baldly lang thay stand
In martiall batall, athir resistand
Ilkane full wilful, vtheris til ouer thraw
At sic debait, that baith thay pant and blaw
¶ How Iupyter / and Iuno dyd contend
Eneas [...]/and Turnus for till end.
THe fader almyghty, of the heuin abuf
In the mene tyme, vnto Iuno his, luf
Quhilk tho doun, from ane ȝallow wattry cloud
Beheld the bargane therof, nathyng proude
Thus spak and sayde,
Iupiters oration to Iuno.
O my derespous quhat nowQuhat end sall be, of this mater or how
Quhat restys fynalle, now at al lat se
Thou wate thy self, and grantis, thou wate Ene
Is destinate, vnto the heuin to cum
And for to be clepit, wich al and sum
Ane god amang, the goddis Indigites
And by the fatis, for to rest in pece
[...]pheyit aboue, the sterry skyis hye
[Page] Quhat purpossis,
I [...]pit [...]rs oracion to [...]no.
or ellis thou now lat seAnd in to quhat belief, or quhat Intent
Hingis thou swa, in the cauld fyrmament
Was it honest, ane godly diuine wycht
With ony mortall straik, to wound in ficht
Or ȝit ganand the swerd, loist and adew
To rendir Turnus, to his brand of new
And strenth increscis, to thame that vincust be
For quhat aualit Inturna, but thy supple
Desist hereof, and at last be the leist
And condiscend to bow, at our request
Na suffir not, thy hid sorow I pray
Na langare to consume, and waist away
That I ne mare, sic wofull thochtis se
Schyne nor appere in thi swete, quod he
For now is cummyn the extreme, lattir poynt
Thow mycht quhil now haue, cachit at disioynt
The sylly troyanis, baith be se and land
And eik thou mycht also, at thine awne hand
Ane feil vntellabil batel, rais on were
Deforme the houshald, and bring al on stere
Be mony diuers wayis, of furie rage
And all wyth murning, mixt thare mariage
Bot I forbid ȝou ony mare sic thing
Thus spekand carpis Ioue, grete heuinnis kyng
Saturnus douchter, Iuno the goddes
Answered on this wyse castand doun hir [...]ace
O Iupiter dere lord, certis sayd sche
Becaus this thy grete wil was knawin to me
On force tharefore,
Iunos an [...]e
and in contrare my myndI left the erd, and my freynd Turnus kynd
Ne war not thay, thou fuld me se allone
Thus syttand in the are, all wo begone
Sustenand thus, al maner of mischefe
[Page cccli] And euery stres, baith leifsum and vnleif
Bot that I suld gyrthit, with flambis rede
Stoutly haue standin, in ȝone battale stede
And suld haue drawin, ȝone troyanis ane and all
In to fell mortall bargane, Inimicall
I grant I dyd, perswading out of drede
Iuturna to pas doun, at sic nede
To hir brothir, and for hys lyffe eik I
Apprufis wele, and als dois ratify
To vndirtak mare, than to hir pertenit
Bot I forsoith persuadit, neuir nor menit
That sche suld dartis cast, or takillis draw
Nor with the bow, mak debait ony thraw
I swere thare to, be the vnplesand well
Of Stix the flude, and cheif fontane of hell
Quhois only dredefull, supersticioun here
The goddis kepis, that nane dar it forswere
And now forsoith, thy wyll obey sall I
And geuis ouer the caus, perpetualy
And here I leif sic weris, and debait
The quhilk certis, I now detest and hate
Bot for the land, of Latin or I tall
And for maiesty of thy owne blude, sans fale
Ane thing I the beseik, quhilk wele I wate is
Na wyse include in statutis, of the fatis
That is to knaw, quhen that as wele mot be
Wyth haypy wedlok, and felicite
ȝone pepil twane, sall knyt vp peace for ay
Bynd confederance, baith conione in ane [...]ay
That now ne wald, the auld inhabitantis
Byd change thare Latyne name, nor Itale landis
Ne charge thame nowthir, to be called troyanis
Nor ȝit be clepit Phrigiane nor tew [...]ranis
Nor ȝit the Latyne pepyll, thare lord to change
[Page] Nor turne thare clethyng, in vthir habit strange
Lat it remane, latine as it was are
And lat the kingis, be namit euirmare
Princis and faderis, of the stile albane
The lynnage eik, and grete ofspring romane
Mot discend tharfra, patent and mych [...]y
Vnder the vertewis, titil of Italy
Troy is doun bet, doun bet lat it remane
With name and all, and neuir vprise agane
Than gan to smyle Iupiter, the grete king
That is producer of men, and euery thyng
Sister germane, quod he, to Ioue art thou
And secund child, to saturne, auld ha how
Sa grete ane storme, or space of felloun Ire
Vnder thy breist, thou rollis hait as fyre
Bot wirk as I the byd, and do away
That wraith consauit,
Iupiter grantis Iuno hir peticione.
but ony caus I prayI gif and grantis, the thy desire, quod he
Of fre will vmcust, referris me to the
Thir ilk pepyl, clepit Ausonianis
And vthir wyse, callit Italianis
The auld vsance, and lede of thare cuntre
Sal bruke and vse, and eik thare name sal be
It is now and as, thare stile remanis
Allan [...]e thare persouns, the troyanis
Sall inter middill, and remane thaym amang
The fassouns and the ritis, that not gang wrang
Of sacrifice to thaym statute I sall
And latyne pepill, of ane toung mak thaym all
The kynd of men, discend from thir troianis
Mydlit with kyn of the Italianis
Thou sall behald,
The maiesty of the romane Ampir
in piete and gentilnesTo go aboue bayth men, and goddis expreis
Nor neuir clan, nor vthir natioun by
[Page ccclii] Lik thaym sall hallow, nor ȝit sacrify
Thy wourschip eik, and honour as thay sall do
Iuno aunerdit, and gaif consent here to
Full blyith and Ioyus, of this grant perfay
Fra hic auld wraith, has writhit hir mynd away
And in the mene tyme, vnto the heuin hir drew
And left the cloud and had Turnus adew
This beand done, as said is on sic wise
This hie fader, can with himself deuise
Ane vthir craft, and prouidis the way
How that he sall Iuturna driue away
From helping of hir brothir, in till armes
Thare bene two vengeabil monstouris, ful of harmes
Clepit to surname, dire wikkit as fyre
That is to say, the goddis wraik and Ire
Quhilk myscheuous, and cruell sisteris twa
Samyn wyth the helis furie megera
Bare at ane birth, for na thing profitabill
The nicht thare moder, that barne tyme miserabill
And al elik wimplit, and cled ther traikis
With edderis thrawing, and haris full of snaikis
And thare to ekit wyngis, swift as wynd
Thir wikkit schrewis, reddys sall ȝe fynd
Before the trone of Ioue, and eik also
Within the wanis, of cruell King Pluto
Thay scharp the drede, to mortal wrechit wichtis
Quhen euir the king, of goddis by his michtis
The deith, or the contagius seiknes s [...]re
Disponis him to fend, in the erth here
Or quhen that him list, to smite and affray
Cieteis with werefare as deseruit haue thay
Ioue ane of thir full swyppet to descend
Furth of the heuin aboue, anone has send
And bald hir hald, doun baldly to the erde
[Page] For to resist Iuturnais Ire, and werde
And scho anone duun flew, to pleis the larde
And to the ground thuddis, with hasty swarde
Nane vthir wise, than from the string doth fle
The swift arrow, out throw the are we se
Or in to bittir venom, wet sum slane
Castin or schot, by sum archeare perfane
By sum persone, or man of sydony
The schaft thrawin, that quhirllis throw the skye
And quhare it hittis, wirkis ane wound of pyne
Vncurabill, be craft of medicyne
And so swiftly slydis, throw the clouddis gray
That quhare it went, nane may persaue the way
On sic manere the nychtis, dochter on flocht
Throw the skyies doun to the erth, sone socht
And eftir that scho saw, the troiane oistis
And Turnus routis, arrayit on the coistis
Sche [...]ir transformyt in liknes, of ane foule
Quhilk we ane litill howlet, clepe or oule
And that sam time, in granis or stokkis of tre
Or ane waist thak, or he [...]ssis ruffis hie
Sittand by nycht. singis ane sorowfull tone
In the dirk skuggis, with skrikis Inoportune
This vengeabill wraik, in sic forme changit thus
Euin in the face, and visage of Turnus
Can fle and staf, and mad him for to grow
Sho soundis so, with mony his and how
And in hys scheild, can with hir wyngis smyte
Ane new dolfnes dissoluit, his membris tite
For verray drede, and for grete honour als
Vpstert his hare, the voce stak in hys hals
Bot as Iuturna, sone on fer couth here
Of this furie the quhissilling, and the bere
The southyng of hir wyngis, and hir flycht
[Page cccliii] Hys wofull syster, hir hare rent for that sicht
Wyth nalis ryiffand reuthfully hir face
And smytand with hir neiffis, hir breist allace
Turnus my best belouit,
[...] last oraciō and complaynts to hir brother Turnus.
brothir quod scheQuhat may thy sister help, now wayis me
Or quhat now to me restis, wrechit wycht
Thy liue prolong, how may I se quhat slicht
May I oppin me to resist, or stryue
Wyth sic an monstour na, nane wycht on lyue
Now now I leif the feild, and gois away
O ȝe myscheuus foulis, I ȝou pray
Do me na mare grife, trimbland for fere
The clappyng of ȝour wyngis, I knaw and here
And eik the dedely soundis, wele on fere
The power command, of mychty Iupiter
That gidis all thyng, by his maieste
Dois me not now, astert for I it se
Is this the ganȝeild, that he rendris me
In recompens, of my virginite
Quhareto eternale lyffe, has he me geif
Quharto suld I, on this wyse euer leif
Quharto is me bereft, the faculte
Of deith, and grantit Inmorralite
For gyf I mortall war, now now foithly
Thir sa grete dolorus, mycht I end in hy
And wyth my reuthfull brothir, go with all
Amang the dym, schaddois infernale
O dere brother germane, wythout the
Is na thing sweit, nor plesand vnto me
O now quhat ground, land or erde teuch
Sall swelly me tharin, half depe yneuch
And thocht I bene ane goddes, doun me draw
And send me vntill infernale, wychtis law
Thus mekyll said sche, and tharwyth bad adew
[Page] Hir hede valit with ane haw, claith or blew
And murnand greitlye, thare as sche stude
Thys goddes depe, doukit vnder the flude
¶ [...]t Eneas / Turnus ane stane dyd cast
Bot Eneas, has slane hym at the last
ENee with this instantly, did not ceis
For to recounter, Turnus in the preis
And his big spere, apoun him schakis he
Quhilk semyt rade, and square as ony tre
And with ane bald, and bustuous breist thus spak
Quhat menis that, langsum delay ȝe mak
Quhy tary ȝe for schame,
Eneas cō monyng with Turnus afore his death.
Turnus all dayQuharto wythdrawis, thou the so away
We pingyl not for spede, na cours to ryn
Bot we debait, suld this barres within
With wappinnis kene, and with our birnist brandis
To giddir mete deryue, It with our handis
Do change thy self, or turne at thy awne eis
In al maner of figuris, as the pleis
Sadder togiddir, and assembil now lat se
All that thou has, of strenth and subtillite
Wys now to fle vp, to the sternes on hicht
With fedderit wyngis, for to tak thy flicht
Or for to clois thy self, this Ilk thraw
In to sum caue [...]ne, vnder the erth law
Turnus schakande his hede, said thou fers fo
Thy feruent wourdis, compt I not ane stro
Thy sawis makis me, not agast perfay
It is the goddis, that dois me affray
And Iupiter becumin my Inemye
Na more he said, bot blent about in hy
And dyd espie, quhare that ane grete roik lay
Ane ald crag stane, huge grete and gray
Quhilk on the plane percase, was liggand nere
[Page cccliiii] Ane marche setin that ground, mony ane ȝere
Of twa feildis, for to discerne thare by
The auld debait, of pley or contrauersy
Skarsly twyis sex, stout walit men and wycht
Quhilk now the erde produtis, has sic mycht
To charge it on thare schulderis, or to bere
Quham full lychtly Turnus, that nobil here
Hynt in his hand, and swakkit at his fo
And raxit him on hicht, thare vnder also
And tharwith chargit, ane ful swyft cours ran
Bot sa confoundit, is this douchty man
That he ne knew him selfin, in that stede
Nowthir quhare that he ran, nor quhare he ȝede
Nor felt him self lyftand, on the land
The mekill stane, nor stere it with his hand
His kneis stummerit, and his lymmes stydis
The blude congelit, for fere within his sydis
So that the stane, he at his fomen threw
Fayntly throw out the vode, and waist are flew
Ne went it all the space, as he dyd mynt
Nor as he etlit, perfurnist not the dynt
Lyke as sum tyme, in our slewing we tak kepe
Quhen langsum dreuellyng, or the vnsound slepe
Our ene ouer settis, in the nychtis rest
Than semes vs full besy, and full prest
That vs streik, and doith addres in hye
Lang renkis for to mak, and ryn swyftly
Bot al for not, for at the first assay
Or in the myddis of the streit, by the way
All faynt we fall, as for feblit war we
The toung aual [...]s not, It wyll not be
Nor ȝit the strenthis, in our body knaw
Semys sufficient, to vs at that thraw
For set we preis vs, fast to speike out braid
[Page] Ne voce nor wordis followis not, is said
Sic like wyse, hes the goddis myscheuus
Vmbeset al the way, of Turnus
Quhat euir to do, by hys strenth etlit he
Sche made obstakil, al that ganestandis sche
That in hys mynd, become his wittis strange
And begouth for to wary, and to change
And oft he did behald, rutulianis
And oft the ciete with al that rial wanys
He houeris all abasit, for drede and fere
And gan to quayk, se and at hand the spere
Ne gan he fynd, quhiddir away to wend
Nor on quhat wyse, hym self he may defend
Nor wyth quhat strenth, assale his aduersare
Nor be na wayis persaif his cart or chare
Nor se hys sister, that had hys cartare be
And as he stude, on houer thus Enee
The fataile dedely spere, in hand can tais
And wyth his ene markit, and walit has
Ane place be fortoun, to smyte oportune
And with the hale fors, of his body sone
Furth from his hand, the lance can thraw
Neuir sa swiftlie, quhidderand the stane flaw
Swakkit from the ingyne, vnto the wall
Nor sulderis dynt that causis touris fall
With sic ane rumyll come bratland on sa fast
Lyk the blak thud of awfull thunderis blast
Furth flew the schaft, to smyte the dedely straik
And wyth It brocht, meikil mischeuus wraik
Quhil throw the hawbrek skirtis peirsit has
And the extreme bordoure,
Eneas gyffys turnis hys dedlye [...].
can arraceOf his strang scheilde couchit of seuin ply
And quhirrand smat him throw the thy in hy
That wyth the dynt huge, Turnus ful vnsound
[Page ccclv] Wyth faldand hochis, duschit to the ground
Vp stert Rutulianis, samyn complenyng
Wyth ane ȝalloch, and careful womentyng
Quhil all the hyllis, rumyssit thaym about
And fer on brede, thik woddis gaifane schout
And Turnus than, quhare he at erth did lye
Addressis furth ful humyll and lauly
Towart Enee, his sicht and enetway
And strekis furth his rycht hand him to pray
And thus he sayd,
Turnus last oratiō to Eneas efter he had resauit the dedys [...].
forsoith I haue deserueThe deith I knaw, and of thy hand to sterue
Ne wyl I not, beseik the me to spare
Vse furth thy chance, quhat nedis proces mare
Bot gif that ony cure, or thocht quod he
Of ony woful parent, may twiche the
Haue reuth and mercy, of king dawnus the auld
Thou had forsoith, as I haue hard be tauld
Anchises sic ane fader, as is he
And me or than, gif bettir likis the
My body spulȝeit, and the life bereft
Vnto my folkis, thou may rendir eft
Thou has me vincust I grant, and me ouer cum
Italianis present, all and sum
Has sene streik, furth my handis humelie
Lauinia is thy spous, I not deny
Extend na forther, thy wraith and matelent
Eneas sterne in armes tho present
Rolland his ene, towart Turnus did stand
And list not strik, bot can withdraw hys hand
And more and more, thir wourdis by and by
Begouth inclyne, him to reuth and mercy
Abiding lang houir, quhat he suld do
Quhil at the last, on turnus schulder lo
The fey girdil he sette, did appere
[Page] With stuchis knaw, and pendes schinand clere
The belt or tische, of the child pallas
Quhilk by this Turnus laitly vincust was
As we haue said, and wyth ane greuous wound
Slane in the feild, be [...] doun and brocht to ground
And Turnus in remembrance of this thing
About hys schulderis bare, thys vnfreyndly sing
Bot eftir that Eneas, with hys Ene
Sa cruell takynnis, of diseis has sene
And can sic wede bereft thare espie
And ful of furour, kendillis he in hie
Full brym of Ire, and terribil thus can say
Sal thou eschape me, of this stede away
Clede with the spulȝe, of my freyndis dere
Pallas Pallas, with thys wound richt here
Of the ane offerand, of the goddis makis
And of the wikkit slauchter, punitioun takis
And sayand thus full feirs, in all his mane
Laich in hys breist, or coist lay him forgane
His swerd has hit full hait, and therwithall
The cald of deith dissoluit his membris all
The sprete of lyffe,
Death.
fred murnand with ane groneAnd with disdene, vnder the dirk erth is gone.
Finis.
¶ The Prologue of the .xiii. Booke
TOwart the heuin,
A dyscripcion of Iune.
amyd the someris heteQuhen in the Crab, Appollo held hys fete
During the Ioyus moneth tyme of Iune
As gone nere was, the day and supper done
I walkit furth, about the feildis tite
Quhilkis tho replenist, stude ful of delite
With herbis, cornes, cattel, and frute treis
Plente of store birdis, and besy beis
In amerand medis, fleand est and west
[Page ccclvi] Eftir labour, to tak the nychtis rest
And as I lukit, on the lift me by
All birnand rede, gan waxen the euin sky
The son entired hale, as to my sicht
Quhirllit about his ball with bemes bricht
Declynand fast, towart the north in dede
And fyrie Phigie, on his dym nychtis stede
Doukit sa depe his hede, in fludis gray
That Phebus rollis doun, vnder hel away
And esperus in the west, with bemes bricht
Vp springis, as fore rydare of the nycht
Amyd the hawchis, and euery lusty vale
The recent dew, begynnis doun to skale
To meis the birning, quhare the sone had schyn [...]
Quhilk tho was, to the nethir warld declyne
At euery pilis poynt, and cornes croppis
The teicheris stude, as lemand buriall droppis
And on the helsum herbis, clene but wedis
Like cristall knoppis, or smal siluer bedis
The licht begouth, to quenschyng out and fall
The day to dirkin declyne and deuall
The gummis risis, doun fallis the donk rime
Bayth here and thare, skuggis and schaddois dym
Vp gois the bak, with hir pelit leddren flicht
The Larkis discendis, from the skyes hicht
Singand hir complene, sang eftir hir gise
To tak hir rest, at matyne houre to ryse
Out ouer the swire, swymmys the soppis of myst
The nicht furth spred, hir cloik wyth sabyl lyst
That al the bewty, of the fructu [...]us feild
Was wyth the erthis vmbrage, clene ouer heild
Bayth man and beist, firth, flude, and woddis wylde
Inuolnit in the schaddois warren sylde
Styll was the foulis, fleis in the are
[Page] All store and cattall, sesit in thare lare
All creature quhare so, thame lykis best
Bownis to tak, the halesum nychtis rest
Eftir the bayis labour, and the hete
Clois warren all, and at thare soft quiet
But sterage or mouyng, he or sche
Outher beist bird, fysche, foule by land or se
And schortly euery thyng that doith rapare
In firth or feild flude, forrest erth or are
Or in the scroggis, or the buskis rouk
Lakis meressis, or thare pulis Douk
A stablit lyggis styl, to sleip and restis
Bot the small birdis, syttand on thare nestis
The lytil mydgis, and the vrusum [...]eis
Lauborius emottis, and the bissy beis
Als wele the wyld, as the tame be stiall
And euery vthir thingis, grete and small
Out tak the mery nychtyngale, philomene
That on the thorne sat, syngand fro the splene
Quhais myrthfull nottis, langing for to here
Vntyll ane garth, vnder ane grene Laurere
A walk anone, and in ane sege doun sat
Now musyng apoun this, and now on that
I se the poll, and eik the vrsis brycht
And horned lutyne castand, bot dym lych [...]
Becaus the somer skyes, schane so clere
Goldin venus, the maistres of the ȝere
And gentill Ioue, wyth hir participate
Thare bewteous bemes, sched in blyith estate
That schortlie, thare as I was lenit doun
For nycht silence, and thir birdis soun
On slepe I slaied, q [...]hare sone I saw appere
Ane agit man, and said quhat dois thou here
Vnder my tre, and wyllist me na gude
[Page ccclvii] Me thocht I lurkit vp, vnder ony hude
To spy thys auld, that was als sterne of speich
As he had bene ane medicinare, or leiche
And wele persauit, that hys wede was strange
Thare to so auld, it had not bene change
Be my consate, fully that fourty ȝere
For it was threde, bare into placis sere
Side was hys habyt, round and closit mete
That strekit to the ground, doun ouer his fete
And on hys hede of laurere, tre ane croun
Lyke to fum poet, of the auld fassoun
Me thocht I said, to hym with reuerence
Fader gif I haue done ȝou any offence
I sal amend gif it lyis,
A commoni [...] betu [...] the auth [...] and Mapheus.
in my mythtBot soithfastlie, gif I haue perfit sicht
Vnto my dome I saw, ȝou neuir are
Fane wald I wit, quhen or quhat wise or quhare
Aganis ȝou trespassit, ocht haue I
Wele quod the tothi [...], wald thou mercy cry
And mak amendis, I sall remit this falt
Bot vthir wayis, that set sall be full salt
Knawis thou not, Mapheus wegious the poete
That vnto virgillis, lusty werk swete
The .xiii. buke ekit Eneadane
I am the same, and of the nathyng fane
That has the tothir thuelf, in to thy toung
Translait of new thay may be red and soung
Ouer Albioun Ile, into ȝour vulgare lede
Bot to my buke, ȝit list ȝe tak na hede
Maister I said, I here wele quhat ȝe say
And in thys case, of perdoun ȝou I pray
Not that I haue ȝou ony thing offendit
Bot rather that I haue my tyme mispendit
So lang on virgillis volume, for to stare
[Page] And laid on syde, full mony graue mater
That wald I now wryte, in that trety more
Quhat suld folk deme, bot all my tyme forlore
Als sundry haldis, fader traistes me
ȝour buke ekyt, but ony necessite
As to the text accordyng, neuir ane dele
Mare than langis to the cart, the fyft quheil
Thus sen ȝe bene, ane christen man at large
Lay na sic thing, I pray ȝou to my charge
It may suffyce vyrgyl, Is at ane end
I wait the story of Ierome, is to ȝou kend
Quhow he was doung, and heft into his slepe
For he to gentilis bukis, gaif syc kepe
Full scharp repreif, to sum is write ȝe wyst
In this sentence, of the haly psalmist
Thay are corruptit, and made abhominabyl
In thare studying, thing vnproffitabyl
Thus sare me dredis, I sall thole ane hete
For the graue study, I haue so lang forlete
ȝa son quod he, wald thow eschape me sa
In fayth we sall not thus part or we ga
Now think we, he assonȝeis him for to astart
As all for conscience, and deuote hart
Fenȝe and hym Ierome, for to counterfete
Quhare as he liggis, bedouin lo in swete
I lat the wyt, I am na heithin wycht
And gif thou has afore tyme, gane vnrycht
Followand sa lang virgyll, ane gentyle clerk
Quhy schrenkis thou, with my schorte Crystin werk
For thocht it be, bot poetry we say
My buke and virgillis, morale bene bot tway
Len me ane fourtene nicht, how euir it be
Or be the faderis saule, me gat quod he
Thou sall dere by, that euir thou virgil knew
[Page ccclvii] And with that wourd, doun of the sete me drew
Syne to me with his club, he maid ane brade
And twenty rowtis, apoun my riging laid
Quhil deo meo, merey did I cry
And be my richt hand, strekit vp in hy
Hecht to translate his tuke, in honour of god
And his appostlis, twelf in nowmer od
He glade thareof, me be the hand vp tuke
Syne went away, and I for fere a wouke
And blent about, to the north eist wele fer
Saw gentyl Iubar, schynand the day ster
And chiron clepit, the signe of sagittary
That walkis the someris nycht, to bed can cary
ȝounder doun dwynis, the euin sky away
And vpspringis the bricht, dawning of the day
In till ane vthir place, not fer in sounder
That to behald was plesance, and half wounder
Furth quencheing, gan the sternes one be one
That now is best, bot lucifer allone
And forthirmore to blasin, this new day
Quhay micht disiryue the birdis, blisful bay
Beliue on wyng, the bessy lark vpsprang
To salute the bricht morow, with hir sang
Sone ouer the feildis, schynes the licht clere
Welcum to pilgryme baith, and lauborere
Tite on his hines gaif, the greif ane cry
Awalk on fute, go tyl our husbandry
And the hird callis, apoun his page
To driue the catall, to thare pasturage
The hynes wiffe clepis, vp katherine and gyl
ȝa dame said thay, god wate with ane gude wist
The dewye [...]rene powderit, with dasies gay
Schew on the sward, ane cullour dapil gray
The mysty vapouris, spryngand vp ful swete
[Page] Maist confortabil, to glaid al mannis sprete
Thareto thir birdis singis, in thare schawis
As menstralis playis, the Ioly day now dawis
Than thocht I thus, I wil my cunnand keip
I wil not be ane daw, I wyl not sleip
I will complete my promys schortly thus
Maid to the poete, maister Mapheus
And mak vp werk hereof, and clois our buke
That I may syne, bot on graue materis luke
For thocht his stile, be not to virgil like
Full wele I wate, my text sal mony like
Syne eftir ane, my toung is and my pen
Quhilk may suffice, as for our vulgar men
Quhay euer in latine, has the brute and glore
I speik na vers, than I haue done before
Lat clerkis ken, the Poete different
And men vnletterit, to my werk tak tent
Quhilk is twiching this .xiii. buke in fere
Begynnis thus, as furth wyth followis here.
Finis.
¶ The .xiii. Booke of Eneados.
¶ Rutulianis pepyl, eftir Turnus deceis
Obeyis Eneas / and takis them to his pece.
AS Turnus,
Mapheus rehersis quhat thī ges war done efter Turnus slaughter.
in the latir bargane loistVincust in feild ȝald furth the fleand goist
Thys marciall prince, this rial lord Enee
As victor, ful of mangnanymyte
Amyddis baith, the routis baldly standis
That to behald him, apoun athir handis
Astonist and agast, ware all him saw
And to the latine people, hale on raw
Ane felloun murnyng and ane woful bere
And gan deuode, and hoistit out ful clere
Depe from thare breistis, the hard sorow smert
[Page ccclix] With curage loist, and doun smytten thare hert
Like as the huge forest can bewale
His granis doun bet, and his branschis skale
Quhen thay bene cached, and all to schakin fast
With the fell thud, of the north wyndis blast
For thay thare lancis, fixit in the erde
And lenys on the swerdis, with ane rerd
Thare scheildis of thare schulderis, stang away
That bargane, and that were fast wary thay
And gan abhor of hiars, the wylde lufe
Quhilk laitlye thay desirit, and did aprufe
The bridill now refuse, thay not to dre
Nor ȝoik thare nekkis, in captiuite
And to Impiore for gifnes, in all greif
Quyet and end of harmys, in myscheif
As quhen that twa grete bullis, on the plane
Togiddirrynnys, in byttir grete bargane
Thare lang debait, mydland, quhare thay stand
With large blude scheddand, on athir hand
Quhill athir, of thame vnto the battellis syne
His awne beistis, and hirdis dois inclyne
Bot gif the price of victory betydis
Til ony of thir twa, on athir sidis
Anone the catall quhilk, fauourit langer
The beist ouercumin, as thare cheif and here
Now thame subdewis, vndir his ward in hye
Quhilk as the ouerhand, wynnyng mastery
And of fre wil, al thocht thare myndis be thra
Assentis him til obey, and euin richt sa
The rutulianis, al thocht the grete site
Thare breistis had bedowit, and to smyte
With grete affray of slauchter, of thare duke
ȝit thocht thame leuir, and hale thare purpois tuke
To follow and obey, for all thare harmes
[Page] The gentill chiftane, and bettyr man of armes
And thame subdew, to the troiane Enee
And him beseik, of pece and amite
Of rest and quyet, euermore from were
For thame thare landis, moblis and vthir gere
Eneas tho, wyth plesand voce, ful brade
And stand and aboue,
Exhortacion to [...]ecircumspects in tymes cummyng in mouing of warre
Turnus thus he saydO dawnus son, how come this hasty rage
An to thy breist, wyth foly and dotage
That thou micht not suffer the troianis
Quhilkis at commaund of goddis, in to thare planis
And by power of hie Ioue, ar hydder cary
Wythin the boundis of Italite to tary
And all in vane so excellyng wald
Of thare behest, and promyst hald
Lerne for to drede grete Iouy, and not ganestand
And to fulfyl gladly, the goddis commaund
And for thare greif, wele aucht we to be war
Sum tyme in yre will grow grete mupyter
And oft remembrance, of that wykkit wrak
Solistis the goddis tharof to tak
Lo now of al sic furour and effere
The lattir meith and terme, is present here
Quhare aganis ressoun and equite
Aganis lawte, and brokin al vnite
Of confederacioun, sworn and band ar now
The troiane pepyl sare, and trublyt has thou
Behold and se the extreme finale day
To gyf al vtheris, gude exampil for ay
That it mot neuir, leful be agane
Tyll ony tyl contempne grete Ioue in vane
As for to rais, wyth sic drede and effere
Sa vnwourthy mocioun, of wykkit were
Now beis glad, bruke thine armour but pled
[Page ccclx] Allace ane nobil corps, now lyggis dede
The grete Turnus, and as to my demnyng
Lauania has the coist, na littyl thyng
Nor thou na schame,
Eneas prudeut & godly oracion.
nedis thynk in na partThat of Eneas handis, thou kelyt art
Now cummys here, rutilyanis but delay
The body of ȝour duke, tursis hyne away
I grant ȝou baith, the armour and the man
Hald on and do tharto, al that ȝe can
As langis vnto the honour of berying
Or to bewale the deith, of sic ane kyng
Bot the grete passand gyrdyl, and sic gere
That Pallas my dere freynd, was wount to were
To Euander, I wyl send for to be
Na lityl solace, to him quhen he sal se
His felloun fa is kelyt, this vnknaw
Ful glaid tharof, Turnus is brocht of daw
And netheles, now ȝe Italyanis
That vthirwyse, bene clepit Ausomanis
Remember hereof and lerne in tyme cummyng
Wyth better aspectis, and happy begynning
To moue and tak on hand debait or were
For be the blyssit sternes brycht,
Eneas humanitye & gentilnes
I swereNeuer na oistis, nor ȝit armour gla [...]dly
Aganis ȝou in batal, mouyt, I
Bot cunstrenit by ȝour furie, as I kend
Wyth al my force, I set me to defend
The troiane party, and of our awyne of spryng
As al forsoith this was, but leifsum thyng
No more Eneas sayd, bot tharewyth all
Addrsseit him towart the ciete wall
And throw the feyldis socht ful ioyuslye
To his new troiane resset, and herbry
Samin him followis, al the rout attanis
[Page] The pissance hale, and ȝoungkeris of tewcranis
And ouer the planis glaid and wounder licht
The swift stedis, as the foule at flicht
Throw spede of fute, assayis by and by
And oft with bittir mouth, and crying fy
And can accuse, the Latyne pepill all
Oft faynt folkes, and sleuthfull did thaime call
That with thare rerde, and bemyng quhare thay fare
For the deray full hich dynnys the are.
¶ How Eneas glaid, of his victory
Louit the goddis / and can them sacrify
ANd thocht Enee the besy thochtfull curis
Constrenit has, as twiching sepulturis
Of his folkis slane, and bering
With funerall fire, and flambis according
ȝit neuertheles in his breist, rollis and steris
Ane grete mater, and largeare as efferis
Bot first the souerane honoure, on thare gyse
On the altaris, with detfull sacrifice
He ordand has, and than fra hand to hand
Efter the rite, and vsance of thare land
The ȝoung oxin, gan thay steik and sla
Wythin thare tempil, haue thay brocht alsua
The bustuous swyne, and the twinteris snaw quhite
That wyth the clufis, can the erde smyte
Wyth mony plat scheddand, thare purpoure blude
Furth haue thay rent thare entraillys ful vnrude
And gan denude, and striping of thare hydis
Syne hakkyng thame, by tailȝeis and be sydis
The hayt flambis brycht, has thame laid
And furth thay ȝet the wyne, in coupis glaid
God bachus gyftis, fast thay multiply
Wyth platis ful, the altaris by and by
And gan do charge and wourschip with fat lyre
[Page ccclxiii] The smelland sence, vp blesis in the fyre
Than throw that hald thay feist, and make gude chere
Vprais the mery rerd, and ioyus bere
Thay did extol, and louing wyth grete wounder
Grete Iupiter, the fereful god of thunder
And dame Venus, thay wourschippit also
And the Saturnus dochter, quene Iuno
Now pecifyit, in bettir than before
Ane huge laud, to the thay ȝald tharfore
And eik him selfe, Mars the grete god of armes
Thay magnify, as workar of thare harmes
Syne hale the remanent, of thare cumpany
Of the goddis, thay name furth by and by
Wyth hie vocis, and wyth loud cryis
Louit and borne vp hie, amang the skyis
Before thame al, maist gratius Eneas
His handis two, as the custum was
Towart the heum, gan vplyft, and arrace
And syne the chyld Ascaneus, did enbrace
Sayand ane few wourdis, that al mycht here
O thou my son, and onlie chylde moist dere
In quham onlie restis, thy faderis beleif
Quham throw sa mony laubouris and myscheif
I caryit haue,
Eneas cō forteth his son efter gret laubouris.
cachit ful mony gatisBe the hard fortoun, and the thrawart fatis
Lo now our rest, and quyet found for ay
Lo now the rest and maist desirit day
To mak end, of our harmes and distres
Our paneful laubour, passit is expres
Lo the acceptabil day, for euermore
Quhilk I ful oft, has schawin the before
Quhen vntil hard bargane, callit was I
This was to cum, and betid by and by
Be disposicioun, of the goddis abufe
[Page] And now my derest chyld, for thy behufe
To morne sone, as Aurora waxis rede
To the ciete of Laurent, that rial stede
I sal the send, as victor with ouir hand
To be maister, and to mantene this land
And eftir this, he turnyd him agane
Vnto his folkis, and pepyl troiane
And from the boddum of his breist, wele law
Wyth soft speche, furth can thir wourdis draw
O ȝe my feris, and my freyndis bald
Throw mony hard perrellis, and thik fald
Throw sa feil stormis, baith on land and se
Hidder now caryit, to thys coist wyth me
Throw sa grete feruour, of batall, in to stour
And doubil furie, of werefare in armour
Be sa feil wynterys blastis, and tempestis
By al wayis, noyfum, and vnrestis
And all that horribil was, or ȝit heuy
Woful, hidduous, wykkit and vnhappy
Or ȝit cruel, or myscheuus, now stade
In bettir hope, returne ȝour myndis beis glade
Now is the end, of al ennoy and wo
The terme is cuming, here sal thay stynt and ho
And lyke as we desyrit for the best
Wyth Latyne pepill, in ferme peace and rest
We fal conione, and life in vnite
And Lauinia, of that ilk blude quod he
Quham I defendit, haue, in strang bargane
Of Troiane kyn, wyth blude Italiane
Samyn mydlyt to me, as spous in hy
Sal ȝeild lynnage, to reyng perpetually
Ane thing my fallowis, and my freyndis dere
I ȝou besekyng, and I ȝou requere
Bere ȝour myndis equale, as al anys
[Page ccclxiiii] As commoun freyndis, to the Italianis
And to my fader in law, the kyng Latyne
Obeyis al, and wyth reuerence inclyne
Ane mychty scepture, and ryal weris he
This is my mynd, this is my wyl perde
Bot in to batal, and douchty dedis of armes
ȝou for to wreik and reuenge, of ȝour harmes
Lerne for to follow me, and to be meik
ȝe conterfete my reuch, and piete eik
Quhat glore is betid, ful wele is knaw
Bot he the heich heuin, and sternes law
To wytnessyng, that I the samyn wycht
Quhilk thou deliuerit has, in to the fycht
From sa huge harmes, and mischeuys sere
I sal ȝou seis, and induce now but were
In fer largeare rewardis mychtely
And ȝou rendir ȝour desiret by and by
Wyth sic wourdis, gan he thame confortyng
And in hys mynd, ful, mony sundry thyng
Of chancis bypast, rollyng to and fro
Thinkand how he is brocht to rest also
With na litil laubouris, sturt and panis
And wyth excedand luf of the troianis
Ful ardently, he flowis al in Ioye
Glade at the last, from dangeare and, ennoy
So huge and heuy perrellis mony fald
Thay war eschapit, and brocht to souir hald
Lyke as quhen that the gredy glede on hycht
Skummand vp in the are, of Turnus his flycht
Wyth felloun fard, watchand the chykinnis lyte
Thare deith mannassand, reddy for to smyt
The ereiseit foule thare moder, tho ful smart
For hir pullettis, wyth harmes at hir hart
Affray it gretely, of that wofull chance
[Page] Gan rax hir self, and hir curage auance
For to resist hir fa, scharpand hir bill
And with hale force, and mycht of egar will
Apoun hir aduersare, baldlie fettis sche
Quhill at the last, to gif the bak and fle
With mekill pane, and verray violence
Scho him constranis, and to pik him hence
Hir birdis syne clokand, scho sekis on raw
And all affrayit, dois thame samyn draw
Ennoyit greitlie, for hir childer dere
And quhen thay bene assemblit, all in fere
Than glaid scho wourdis, and thare mete can scrap
For that thay haif, sa grete perrell eschaip
Nane vthir wise, the son of Anchises
With freyndlie wourdis thus, amyd the preis
The troyane myndis, can mese and assuage
As man fulfillit of wit, and vassalage
Driuand furth, of thare hartis all on flocht
The hald drede, and birnand heuy thocht
That wele thame likis now, thare ioy and eis
At last fundin eftir sa grete diseis
And at lait to fore, was tedious
To suffir or sustene, and ennoyus
Now to remember the samin, or rehersing
Dois to thame solace confort, and lykyng
Bot maist of al, in the grete Enee
Quhilk in excellent vertewe, and bounte
Excedit all the remanent, ane fer way
And for sa seil dangeris, and mony affray
The goddis power, and mychty maieste
With giftis grete, and offerandis wourschippis he
Eik Iupiter the fader of goddis, and king
Gan to extoll, with maist souerane louing
☞ How turnus folkis / for him made sare regrete
And king latyne / contempnis his wrechit estate.
IN the menetyme, the rutulianis, yche one
The grete dede corps, reuthfull and wo begone
Of thare duke Turnus, slane as said is are
Within the ciete, of Laurentum bare
With mekill murnyng, in thare myndis emprent
And from thare ene, ane large schoure furth sent
Ofteris grete, as thocht the heuin did rane
And fer one brede dyd fyl, the eris twane
Of kyng Latyne with cry, and womenting
That al to irkyt, was the nobill king
And in his breist the self tyme, in ballance
Was rolling mony selcouth, diuers chance
Bot quhen he hard, thare loude womenting
Incressyng mare and mare, and Turnus ȝing
Wyth sa grisly ane wound, throw gird has sene
Than mycht he not, from teris him contene
And syne this rout, so trist and wo begone
Fail curtasly chargis, be styl anone
Baith wyth hys hand, and wourdis in his presence
Intoned has, and commanded them silence
Lyke as quhen that the fomy bere, has bet
Wyth hys thunderand, awful tuskis grete
Throw out the coist, and eik the entrallys all
Ane of the rout, the hound maist principall
Than the remanyng, of the questyng sort
For thys vnsilly chance, offrayit at schort
Wyth drawis & about, the maister hunter
Wyth quhyncheand, mouthis quaik and standis for fere
And with grete ȝouling, dyd complene and mene
Bot thare lord rasis hys hand bedene
And byddis ceis, thay hald thare mouthis still
Thare quhyngeing, and thare questing at hys wyll
[Page] Refrenis, and all clois gan thame withhald
Thir same wyse thir rutulianis, as he wald
Gan at command debait thare, voce and ceice
To here the kingis mynd, and hald thare peace
Than thus weping, from his hart rute wele law
The king Latyne begouth, thir wourdis schaw
O how grete motioun, quhat altering vnstabill
How oft syis interchangeit,
King latynis piteful oration deploring the inconstance of for toune rehersinge the great [...]alamitys and incommodytyis of kingdomes and commoun w [...]lthys.
and variabillBene the actis, and dedis of men quod he
Wyth how grete trubil, but tranquilite
Is quhirllit about, the lyffe of man behald
O dampnabill pride, and ambicioun that wald
Bruke croun or septure proude, in thine entent
Quhilk bene so fragil, and not permanent
O fury o lust, that bene ouer gretumly
Bred in ȝour breistis, to couate senȝeorie
Thou blynde desire, insatiabil may not tary
Our mortal myndis, quhiddir do thou cary
O glory and renowne, of lois in vane
Conquest with feil perrellis, and huge pane
To quhat condicioun, or to quhat estate
Thou steris furth, thir proude myndis infltate
How mony slichtis, and dissatis quent
With the thou tursis, how mony wayis to schent
How feill tormentis grete harme, and wikkitnes
Quhat labour curis falsched, and craftynes
How mony dartis, how feyll swerdis kene
Gif thou beheld, thou has afore thy ene
Allace thou swete venom, schawis and ȝit
This warldly wourschip, has the dedelye bit
Allace the sorowful reward, in al thing
Of realme, and thame couatis for to ryng
Quhilk coistis oft na litil thyng, but were
Allace the heuy birding, of warldly gere
That neuir houre may suffir, nor promyt
[Page ccclxii] Thare possessoure, in rest nor pece to sit
Allace the miserabil chance, and hard estate
Of kinglye honour, sa infortunate
The chance of kingis, standis vnder lout
To mekil drede, ay subiect and in dout
From thare estate, to decay suddanlie
That all quiet, and eis is to tham deny
O turnus quhat aualit, the to stere
In huge bargane so, and fere of were
Al Italie, with sic deray attanis
And to perturbe, the strang Eneadanis
Constrenyng tham hard, batall tyl assay
Or quhat aualis now, I pray the say
For til haue brokin, violate or schent
The haly promyssis, and the bandis gent
Of peace and concord oblist, and sworne
Quhat was thy mynd to rent, and al to torne
With sa mekyl impacience, on this wyse
That thay list moue the, were but myne auise
With thy pepill so bald, strang and sage
That bene discendit, of the goddis lynnage
And at command of Ioue, the god of thunder
Ar hiddir carryit, for to mak sic blunder
That wylfully, but motiue so beliue
Enforcit the thame, ouer coist to dryue
And forth brek the band, that promyst we
Of our douchter, til our gud son Enee
And with thy hand hard bargane, rays and stere
Quhen I planely denyit, to moue were
How was sa grete folie, and dotage
Inuoluit in thy mynde with furie rage
How oft quhen thou to auful batall wend
Amyd the routis, and on thy stede assend
In schynand armour, arrayit al at rycht
[Page] I assayit the, to wythdraw from fycht
And feil tymes, defendit the and forbad
To go the way, that thou begunnyng had
And al efferit, quhen thou wald depart
Amyd the ȝet, the stoppit wicht sare hart
Bot al for not, nathing mycht slyntin the
quhat I haue sufferit syne, how standis wyth me
Our ciete wallis, wytnessing fute hate
Wyth tenementis and bigginnis, half doun bet
Aud the large feildis strowit, quhite with banis
And hale the pissance, of Italyanis
Al wastit and distroyit, thus alake
The huge slauchter, and mischeuus wraik
And al the feyldis, waxin rede and browne
Of mennis quelling, grete and occisioun
The lang abasit ferful quaking drede
And hard laubour, quhilk in extreme nede
In my age sa oft has vndertane
In sa feil dangeris, quhare remede was nane
Bot now Turnus here thou lyggis dede
Quhare is the nobil renoune of thy ȝouth hede
And quhare is thyne excellent hie curage
Quhydder is it went thy strenth and vassillage
quhare is the statly bewtie, of thy face
Quhare is the schinand fygure now alace
Of thy fare vysage, quhidder are gone but were
Thy pleasand forret, schaiplie and ene clere
Ha how feil teris, and woful dolour smart
Sal thou Turnus, rendir to dawnus hart
And with how large wepyng, dule and wa
Ouerfleyit, sal al the ciete of Ardea
Bot thay sal not behald the wyth siclake
Throw gyrd wyth schamful wound, caucht in the bak
Na note the of na cowardice, in thy mynd
[Page ccclxxv] Nor that thou was degenerit, out of kynd
And to the woful fader, wil of rede
At last, this sal be solace of thy dede
Al thocht thy harmes, doth him sore smert
That grete Eneas swerd, has persit thy hart
And sayand thus, with teris of piete
His chekis baith and face, ouer chargit he
Syne turnand him towart the mekil rout
The reuthful corps, of this ilk Turnus stout
Bad turs away, and cary furth anone
Vntil his faderis ciete, wo begone
And commandit to do the body cald
Al funeral pomp, efter the vsage ald
¶ How Turnus corps. tyll ardea was [...]
Quhilk was by suddand fyre vrynt doun and schent
THe Rutilianis anone, al in ane rout
This dede corps that slane lay, stert about
The gentil body, of this stout ȝoungkere
Thay haue addressit and layd on ane riche bere
And with him eik, feil takynnis by the way
Reft from Troianis, in the bargane, bare thay
Baith helmis hors, scheildis, and vthir gere
Swerdis githernis, and mony stalwart spere
Syne eftir this his wery cart furth went
Of Troiane slauchter, and hate blude al besprent
Furth haldis wepand, Metestus the cartare
As he that in the craft, was not to lere
Ledand the stede, bedouin al of swete
And thekis wet, of flotterand teris grete
Quhilk stede had caryit Turnus, oft tofore
As victore hame, with grete triumph and glore
Ful pompusite, apoun ane vthir wyse
Efter feruent slauchter, of his inemyis
ȝounder vtheris about him, enuyroun
[Page] Beris thare armour, and scheildis turnit doun
The remanent syne of the hale barnage
Followis wepand knycht swane, and page
With haboundance of mony, trigland tere
And kyng Latyne, wyth al thame with him were
Towart his palace, can returne anone
Wyth mynd trublit trist, and wo begone
For sa excellent dede corps, as was slane
Teris al samyn furth ȝettis, euery ane
Bayth agit men matronus, and chylder lite
The ciete fillis wyth womenting, and site
Daunus his fader, no wyse wyttand so
He suld remane, to se sic dule and wo
Nor that his son, his stalwart sprete had ȝald
And maid end, in the lattir bargane bald
That thus was brocht to toun dede, by his feris
Wyth sic plente of bitter wepand teris
The samyn tyme, with vthir diseis was socht
At mekil said dolour, and hauy thocht
For as the latyne pepill, war or set
In to battall by troyanis, and doun bet
And turnus by his het, and recent dede
Had wyth hys blude littyt, the ground al rede
And suddane fyre, within the wallis hie
Vmbeset halelye, Ardea ciete
The byggyngis, of hys fader wo begone
Brynt and doun bet, of reky flambis schone
And all returnis, into assis rede
The fyrie sparkis in to eueyry sted
Twynkland vpspringis, to the sternes on hye
That now no hope of help, may fundyn be
Quhydder so it was, vnto the goddis lyking
Or that the fatis before, list schaw sum signe
Of turnus deith, in horybyl battal slane
[Page ccclxxiiii] And quhen the pepill saw, remedy was nane
Belife the woful, trublit citezanys
Thare drery breistis batand, all attanis
Gan fast bewale, with pietuous wepand face
Of this vnhappy chance, the wrechyt cais
In lang rabill the women, and matrons
With al thare fors fled, reuchfully attanis
From the bald flambis, and bry [...]blesis stout
And like as that of emotis, the blak rout
That ythandlie labouris, and besy be
Had beildit vnder the rute, of ane hye tre
In tyll ane clift, thare bike and duelling stede
To hyde thare lang sum werk, and wyuter brede
Gif so betid, thay fel the ax smyte
Apoun the treis schank, and theron byte
So that the crop down weltis, to the ground
That with the felloun rusche, and grisly sound
Thare smale cauernis, all to brok and rent is
Than spedely this litill rout, furth sprentis
Is wyll of rede fleand, thay wat not quhare
Tursing thare bi [...]dingis, affroi [...]lye here and thare
Or like as that, on the house syde the snale
Schakand hyr toppit schell, or than hir tale
Fleand the birnand hett, that schodois fele
Ane lang tyme gan do wersil, and to wrele
Thristand fast with thare feit, vnto the wale
And ȝit her hede with force, and strenthis all
Frawart the feruent flambis, fast with drawis
Scho skaldis, and with mony wrikis and thrawis
Preissis for to eschew, the ferefull hete
Nane vthir wise in sa feil, perrellis grete
Thir wofull cietezanis, gan thame self slyng
Ruschand with trublit mynd, in tylane lyng
Bayth here and thare, and wist not quhare away
[Page] Bot maist of allace, and wellaway
Wyth reuthful vocis, cryand to the heuin
The a git kyng dawnus, and woful steuin
And tho amyd the flambis, furth wyth all
Ardea the foule, quham the heroun clepe we
Betand hyr wyngis, thay behald and fle
Furth of the fyre, heich vp in the are
That bayth the name, and takin ouer al quhare
Beris of this ciete, ardea the auld
Quhilom wyth wallys, and towrys hye vntauld
Stude werelye wrocht, as strenth of grete defence
That now is chaunget, and ful quyte gone hence
Wyth wyngys wyde fleand bayth vp and doun
Now bot ane foule was, are ane ryal toun
Astonyst of thys nyce, and new cace
And oft the wounderus meruellis, in that place
Quhilk semyt nothing, lytyl for to be
As thocht thay send war, by the goddis hie
The pepil al coufusyt, styl dyd stand
Thare burding is, on thare schulderys cariand
And mouit nouther fute toung nor mouth
And kyng Daunus, for thys affray vncouth
With ardent lufe smytyn, and desire
Of thys cheif cyite, destroyt and brynt in fyre
The hard dolour, and the sorow smert
Haldys ful clois depe, grauyng in hys hart
Fra that dawnus his son turnus saw dede
Huge lamentatioun made, he in that stede,
AMyd al thys deray, and grete effere
Fame of dyseis forryder and messingere
Come hurland with huge murmure fast to toun
And wyth large clamour fillis enuiroun
Thare myndis al howane dede corps new than
Was cumand at hand with mony wofull man
[Page ccclxvii] And Turnus lifeles laid, wyth mortall wound
In feild discomfist slane, and brocht to ground
Than euery wycht trublit, and wo begone
The blak blesand fyre brandis, mony one
As was the gyse, has hynt into thare handis
Of schinand flambis, glitteris all the landis
Thus thay recounterit thame, that cumand were
And samin Ionit, cumpanyis in fere
Quham als fast, as the materis can espye
Thay smate thare handis, and rasit vp ane cry
That to the sternes went, thare wofull bere
Bot fra Dawnus the corps, of his son dere
Beheld, he gan stynt, and arreist his pase
And syne half dele, enragit in ane rase
Wyth huge sorow smyte, in ruschis he
Amyd the rout, that reuth was for to se
And apoun Turnus corps, him strekis doun
Enbrasing it on groufe, all in ane swoun
And als fast as he speke micht, has furth brade
Wyth wourdis lamentabil, on thus wyse he said
Son the deseis of thy fader, thus drest
And of my febyl eild,
Dawnus pitefull complaint for his sone Turnus deith.
the reuthfull restNow me bireft, quhy has thou so allace
In to sa grete perrillis, and insye case
Me cachid thus, and driue quhidder quod he
And vnder cruell bargane, as I may se
Now finale thus vincust, and ouercum
Quhare is thy wourthy valour, now becum
Quhare is thy douchty constance, of thy sprete
Me caryit thus from rest, and all quyet
Is this the notabyl honour, and louyng
Of thy manhede, and glory of thy ring
Is this the grete wourschip, of thine empyre
O my dere son, quhilom thou bald syre
[Page] Bryngis thou vs hame, sikkin triumphe as thys
So this the rest and eis, thou did promis
To thy fader so trist, and wo begone
And oft ouerset, wyth Inemyis mony one
Is this the meith, and finale terme or end
Of al laubouris, as we desirit and wend
O wa is me wretchit, and wofull wycht
How haistely, doun fallyng from the hicht
Thir slyddry warldly chancis drawis fast
With how grete farde, ouer rollit and doun cast
Sa haistely bene thare, fatis behald
He that was laitlie, sa stout hie and bald
Renownit with grete honour of cheuelry
And haldin grete throw out al Itale
Quham the troyanis, so awfull f [...]lt in armes
And dred sa oft his furour, wrocht thaym harmes
My awne Turnus, lo now apoun this wise
Ane lamentabil, and woful corps now lyis
Now dum and spechles, that hede liggis thare
Quhilum in al Italie nane sa fare
Nor nane mare gracious, in til eloquence
Nor nane so byg, but armes nor at defence
Son quhare is now thy schinand lusty hede
Thy fresch figure, in visage quhite and rede
Thy plesand bewtie, and thine ene tweyne
With thare swete blenk and lukis mony ane
Thy gracius glitterand, semelie nek lang
Thy vocis soun, quhilk as ane trumpet rang
The glore of mars, in batal or in stour
Is conquest wyth sic auenturis sour
Had thou sic wyl thy selfin in to submit
To feruent bargane, and to dedis bit
Quhen thou departit, of thys stede from me
For to returne, with sic pompe as we se
[Page ccclxviii] O haitful deith, that only quhare thou likis
Wyth thy reuengeabil wappinnis, so sare strykis
That thou thir proude myndis, bridil may
To all pepill elyke, and common ay
Thou haldis euin, and beris the scepture wand
Eternalli abseruand, thy cunnand
Quhilk grete and small, doun thringis and nane rakkis
And stalwart folk, to febill equale makis
The commoun pepyl, wyth the capitanis
And ȝouth and age assemblis baith attanis
Allace detestabill deith, dirk and obscure
Quhat chance vnwourthy, or mysauenture
Has the constrenit, my child thus to be reif
And with ane cruell wound, thus dede to leif
O sister Amata, happy quene quod he
Be glad of sa happy chance, as happynnyt the
And of thy awne slauchter, be blyith in hart
Quharby thou has, so grete dishonour astart
And fled so huge, occasiouns of myscheif
So hard and charge and huge, wo and greif
O goddis aboue, quhat ettil ȝe more to do
Vnto me wrechit fader, sen ellis lo
My son ȝe haue bireft, and ardea
My ciete, into flambis brynt alsua
Consumed is, and turnit in assis rede
Syth wyngis fleis, ane foule in euery stede
Bot ha Turnus, mare trist and wo am I
For the maist pictuous slauchter, so bludy
Wantit this last myschance, ȝit or sic thyng
To thy vnweildy fader, auld Dawnus kyng
Bot siekirly, with sic conditioun ay
Thir warldly thingis, Turnis and writhis away
That quham the furious fortoun list Infest
And eftir lang quiet, bring to vnrest
[Page] Brayand apoun that catiue,
The inconstance of warldly [...] thingis
for the nanysWith all hir fors, assailȝeis sche attanis
And wyth all kynd of torment, in hir [...]reif
Constrenis him wyth soundis, of mischeif
Thus said he wepand sore, as man schent
With large flude, of teris his face bisprent
Drawand the sobbis herd, and sichis smart
Throw rageand doloure, depe out from his hart
Like so as quhare Iouis, big soule the Erne
With hir strang tallouns, and hir punsis sterne
Lichtand had claucht, the litil hynd calf ȝing
Torring the skyn, and made the blude out spring
The moder this behaldyng, is al ouer set
Wyth sorow for slauchter of hyr tendir get
¶ Kyng latyne till Eneas / send message
For peace and eik hys dōchteris mariage.
THe nixt day following, with his bemes bricht
The warld on brede, Illumynit has of licht
The Kyng Latinis, tho seand but let
Italianis discomfist, and ouerset
By the fatale auenture of were
And wele persauit, how and quhat manere
The fortoun hale, turnit to strang Enee
And in his mynd reuoluit, eik has he
The huge dout of battel, and deray
Full mony ferefull change, and grete affray
His confederatioun, and hys sworne band
The wedlok promyst, and the ferme cunnand
And spousale of his dochter, hecht with all
Of all the rout, vntil him gart he call
Ane thousand wourthy men walit at richt
The quhilk the troyane Duke, and douchty knycht
Quham he desirit, suld conuoy to toun
In robbis lange, also or traleside goune
[Page ccclxix] wyth thame he Ioned,
[...] fra kynge Latine [...]
oratouris in fereAnd to thame gaif, fell strate commandmentis sere
And forther eik, quhen thay depart can
Of his fre wyll, tham chargit euery man
That sen be fauouris, and admonissyngis
Of the goddis, be many ferefull singis
Expedient it was, the kyng troyane
Conione and myddill, with blude Italiane
And tharfore glaidly, to thame gang wald thay
And with gude wyllis, vesy and assay
For to conuoy, the said Eneadanis
With Ioy within the, hie wallis attanis
And in the myd, quhile him self ful besy went
The ciete quhilk was, disarayit and schent
To put to poynt, and ordinance agane
And the vnweildy, commoun pepyl Ilkane
To caus addres, eftir thare faculte
Thare myndis mesis, and astablis he
And gan thame promys, rest in time cumming
And how within schort time, he suld thame bring
In tyll eternale peace, for euir mare
Syne chargeit he, the pepyll ouer al quhare
In ioy blythnes, solace and deray
Tryumphe to mak with myrth gam and play
As was according, and al thare lugeingis hye
Thare kyngly honour, and sport ryall to be
And merely commandis, man and page
With ane assent blyith vult, and glaid vyssage
His gude son, thay suld do welcum and mete
And with hale hert, ressaue apoun the strete
The troyane pepill, feistand thame in hye
With glade semblant ryall, and melody
And to furth schaw, sere takynnis of kyndnes
And of new peace, so lang desyrit solace
[Page] Be this the rout, as thay instrukkit were
In full gud reule, and ordinance in fere
Ar enterit, in the troianis new ciete
And on thare hedis, garlandis of Oliue tre
Peace thay besocht, as cheif of thare message
Quhen gentyl Eneas euery man and page
Within his palice riall, to presence
Chargeit conuoy, and gif thaym audience
And of thare cumyng, the caus and manere
With visage full debonare did enquere
Than the agit drances with curage [...]ote
Begouth the fyrst, hys toung for to note
As he that was bayth glaid, Ioyful and gay
For Turnus slauchter, that tho was done away
And thus he sayd,
Drances oration to Eneas desiring hys [...]ship offeris / Lauinia kyng Latins dochter in mariage.
O gentyl duke troyaneFerme hope and glore, of the pepyl phrigiane
To quhem of piete, and dedis of armes fare
In al the warld, thare may be na compare
We vincust folkis, to witnessing doith call
And by the goddis sweris and goddessis all
Contrare hys willis, sare the kyng latyne
Behald the grete assembil, and conuyne
Of the Italianis, and folk of latyne land
Agane hys stomak, eik I bare on hand
Outtragiusly, the contract is Ibrokin
Ne neuir he in dede, na worde has spokin
That mycht the troyiane, honour truble ocht
Bot fer rather, baith in dede and thocht
Sen that the goddis, respons sa has tald
The wedding of hys douchtir, grant ȝou wald
And wyth ful grete desire, ful wele I knaw
Oft couite ȝou, to be his son in law
For all the breke, and sterage that has bene
In fere of were, and birnist armour kene
[Page ccclxx] wyth sa grete rage, of labour and of pane
The wylde furie of Turnus, now lyis stane
Inflammyt wyth the stang, of wikkitnes
And infekkit, with hie haitrent erpres
Has brocht on hand, and mouit sa to stere
Agane thare wyll, to rais batall and were
The latyne pepil, constrening by and by
Quhilk thay playnly refusit, and gan deny
Him, all the oist, turnand bakwart agane
Besocht to ceis, and draw fra the bargane
And suffir the grete anchises, son of troy
His wedlok promist, eniois but ennoy
Syne the mayst nobil kyng, Latine full fane
Him for to brek, and wythdraw agane
His auld vnweildy handis, twa did hald
Hym to require, hys purpous stynt he wald
For wele he saw, in ouer ardent desyre
Of the bargane, he scaldit hait as fyre
Bot al our prayeris, and requeistis kynd
Mycht nowthir bow, that doure mannis mynd
Nor ȝit the takynnis, and the wounderis sere
From goddis send, wyth diuyne ansuere
Bot that euermore, and more feirsly he
Furth spoutand fyre prouocand the melle
And for sic, sucquerdry vndertake now
His awne mischeif, wele wourthy til allow
He fundin has, quhilk finale on the land
Thou beand victor, with the ouerhand
Him bet to ground, has made do gnaw and kite
The blak erd in till his mortall syte
Now lat that Ilk rehatour, wynde in hy
The blak hellis, biggingis to vesy
Vnder the drerey depe flude, of acheron
Lat hym go seirs, sen he is thidder gone
[Page] Vthir oistis or barganis, in his rage
And als ane vthir manere of mariage
Thou fer bettir, and grete dele wourthiar
To bere the riall sceptoure and to be are
Succede to realme, and heretage sall
Of laurent cuntre, with the nobillis al
In the alhale, the hous of king latyne
And his vnweildy age, like to declyne
His hope and all beleif, restis in the
And the onlie Italianis, al said he
Aboue the schynand sternes, as gold brycht
Full wilful ar, for to vphie on hicht
As mayist excellent, wourthy werioure
Thay the extol, in batall and in stoure
Thy heuinlie armour, eik with loude steuin
And thy verray renowne singis to the heuin
The graue faderis, of counsall venerabill
In thare degest, decretis sage and stabill
The anciant pepil, vnweildy for age
The glaid ȝoung gallandis stalwart of curage
The lusty matrouns, newfangil of sic thing
Wenschis vnwed, and litill childer ȝing
All with ane voce, and hale assent at accorde
Desiris the, as for thare prince and lord
And ioyus ar, that into feild fute hete
Vnder the wappinnis Turnus lyis doun bet
The auld Italie, clepit ausonia
Beseikis hereof, and forthirmore alsua
Doith the extol, maist wourthy wise and wicht
In the onlie returnite, is thare sicht
The kyng hym self, Latinus now full ald
His anciant vnweildy lyfe, to hald
Has only thys beleif, and traist quod he
That he his douchter, may do wed with the
[Page ccclxxi] Quhilk of kyn, successioun and lynnage
Be that ilk souerane band, of mariage
Of troyane and Italiane, blude discend
Sal childer furth bryng, quhil the warldis end
Perpetualy to ring, in hye empire
Tharfore haue done, cum on thou gudely sire
The grete ledar of the troyane rout
Cum enter in, our werely wallis stout
Ressaue thys wourthy notabil fair proffit
And sasyne tak, of honouris quhilk we offit
Thus endit he, and al the remanent
In til ane voce, samyn gaif thare consent
Quham the reuthful Eneas, wyth glaid chere
Ressauit has ful tendirly, in fere
And in few wourdis, and ane freyndly mynd
Thaym ansuerand, he carpit on this kynd
Not ȝou nor ȝit the kyng Latyne,
[...] wise ansure, to the embasse to [...].
but leisThat wount was, for to reygn in plesand pece
I wyl argew, of thys maner and offence
Forsoith I wate, the wilful violence
Of turnus, al that grete werk brocht about
And I am souir eik, and out of dout
Sa grete dangere of battal, it was he
Prouokit sa, and mouit to the melle
For ȝoung desire, of hye renowne perfay
And lois of proues, mare than I did say
And neuertheles, how euir it be I wys
Thys spousage Italiane, that me promyst is
Ne wyl I not, refuse on nakin wyse
Nor na knitting vp, as ȝe deuise
Thys haly peace, with frendly alliance
With eterne concord, but disseuerance
The samyn kyng latyne, my gude fader ald
Sal his empir, and vene rabill sceptoure hald
[Page] And I troyane for me, vp in this feild
Ane new resseit, and wyth wallis sall beild
Quhilk ciete sall ressaue, his dauchteris name
And my goddis domesticall, that fra hame
Wyth me I brocht, I sall with ȝou conioe
In concord and vnite, all commoune
Intyme tocum, samin vthir fallouschip
Vnder ane law fall leif, in grete freyndschip
In the mene tyme go, and spede vs sone
Vnto our werk, that restis ȝit vndone
And lat vs birne the bodyis, and bery eft
Quham the hard woful rage, has vs bereft
And into battall, kelit lyis dede
Syne to morne arely, as the son worthis rede
And with his clere dayis, licht doith schyne
Blyithly we seik, to the ciete Laurentyne
Thus said he, and the Latinis, quhill he spak
Wyth vissage styll, beheld him stupefak
Of his wise gracius ansueris, wounderand all
And of sic wourdis, debonare in speciall
Mare euidently gan maruell, he and he
Of his grete werk, of reuth and sic pyete
Blissit with all thare forcis, euery wicht
Weltis doun treis, grew ful hie on hicht
And haistely togiddir, gadderit has
In hepis grete, the funerall fyre to rais
And thare aboue, thir cietizanis has laed
Vnder quham syne, thay set in blesis brade
The flamb and reik, vpglidis in the are
That of the laithly smokis, here and thare
The heuin dirknit, and the fyrmament
Thay hynt from all, the feildis adiacent
Innowmerabyl rouch, twynter scheip syne
And of thir accorne swelliaris, the fat swyne
[Page ccclxxii] The tiby ȝoung oxin, stik thay fast
And in the funerall fyris, did thame kast
The large planis schinis, all of licht
And throw that hait, skaldand flambis bricht
Stude blunt of beistis, and of treis bare
Wyth huge clamour, smyte dyntlit the are
¶ How kyng Latinis / met [...]s with Eneas [...]
And freyndly talki [...]/was thir twa betwene
BE this the schinand, secund dayis licht
Vprasit phebus, with goldin bemes bricht
Than all the troyanis, and Ausomanis
Full blyithly in ane rout, assemblit attanis
Mounted on hors, and held thare wayis syne
Vnto the maister ciete, Laurentyne
With wallis hye, and biggingis warely maid
Before thame all, reuchful Eneas rade
And nixt perordour, drances that to the kyng
As agit man carpis, of mony thing
Syne come hys only son, Ascaneus
That vthir wayis, was clepit Iulus
Nixt him Alethus, with mind ful degest
Graue Ilioneus mynystheus, and sterne sergest
Syne followis thame, the forcy Serestus
Syas also, and forcy Cloanthus
Eftir thame mydlit, samin went arayne
The vthir troyanis, and folkis Italiane
In the mene quhile, the latine cietezanis
wythout thare wallis, I schit out attanis
That with grete laude, and myche solempnite
And triumphe riall, has ressauit Enee
Be this thay cuming war, in to the toun
Quham with blyith front, to mete thaime reddy boun
The kyng Latine, with huge cumpany
Thame welcum is, and feistis by and by
[Page] And fra that he beheld, amyd the rout
Eneas cummand, the Dardane capitane stout
His verray figure, did him not dissaife
For quhare he went, excellent all the laif
And heare fer ane, grete dele semes he
Thar fer on brede, his ryall maieste
And pryncely schynand countenance did appere
And quhen that he, cummin was so nere
That athir gudly to vthir speik mycht
And here the wourdis, carpit apoun hicht
And lyke as thay, desirit on the land
To lay in armes, and adione hand in hand
The kyng Latinis, as ane courtas man
with glaid semblant, thus first to speik began
Wele be ȝe cummyn,
[...] laty [...]e oratiō to Eneas offerand hym hys [...] in maryage,
finaly EneeAnd the ferme hope, has not dissauit me
Of my desirus mind, now full of ioye
O schynand glorius licht, to folkis of troye
Quham the command, of the grete goddis mycht
Throw sa feil chancis, catchit and euyl dicht
In Italie within our, boundis plane
Has destinat, and ordant to remane
And thocht mannis, wantoun wilfull offence
Be our malapert, and vndantit licence
In thare fury with brag, and mekil vnrest
The haly lawis, trublit and infest
Prouokand and commouand, the goddis greif
So that also quhiddir, me war loith or leif
Full oft resistand, and denyand the were
Constrenyt I was, and warpit thare and here
That magre my hede, me behuffit sustene
The hard dangeris, of mars and mekil tene
Now is it endit, bot certis na lityl thyng
Has it coist sum man, sic vndertakyng
[Page ccclxxiii] The godlie powere, wilful vengeance to tak
Hauand disdene, that sic deray was mak
Vnto the wikkit saulis, for the nanys
Has send condigne punytioun, and iust panys
Haue done grete troyane prince, now I the pray
Sen bayth the crop, and rutis ar away
Of all sedicioun, and discord I wys
And wirkaris, of sa grete trespas and mys
Cum and ressaue, the spous and mariage
To the promyst succede, to heretage
Realmes I haue, and cieteis mony ane
Full stranglie biggit with hie wallis of stane
And sum also, that I in were conqueist
And thare barmkyn [...]is, to ground bet and doun kest
Bot only the beleif, and beild quod he
Of my verray age, and antiquite
Ane douchter haue, quhilk suld be myn are
Quhare in tyme cumming, for euermare
I the ressaue, and haldis in Deynte
As son in law, and successour to me
To quham the gentill Eneas, reuerently
This ansuere maid agane, and said in hy
Maist rial king,
Eneas gē til ansuer [...]
al tyme accustumateTo leif in plesand peace, but al debate
O this werefare, and sa grete stryffe quod he
I traist euer, thare was na wyte in the
Tharfore my derest fader, I the pray
Do all sic doutis, of suspitioun away
Gif ony sic thochtis, restis in thy mynd
And traistis wele, Enee fald and kynd
Now am I present, reddy as ȝe wald
That now ressauis, and fra thys sal hald
As fader in law, and in al chancis perde
As verray fader, that me begat but le
[Page] The figure of the grete Anchises dede
I se here present, to me in this stede
And I agane, in feruent hate desyre
ȝou for to pleis, my fader lord and syre
Sal birn in loue, as sumtime wont was I
Towartis hym [...]e engenerit, of his body
¶ Here Eneas that wonrey gentil knycht
was spousyt, wyth Lauinia the bricht
WIth siclike sermond, athir vthir gret
And samin to the cheif palice wyth thet
Thay held in fere, than mycht thou se with this
The matrounis and the ȝoung damysellis I wys
That grete desire, has sic thing to be hald
Thring to the stretis, and hie wyndois thik fald
The agit faderis, and the ȝoung gallandis
Perordour eik assemblit, reddy standis
In grte routis, to vesy and to se
The gudlie persouns, of the troiane menȝe
Bot specially, and first of al the laif
The grete capitane Enee,
A commendatione of E [...]eas.
notit thay haifAttentfully, behaldand euery wycht
His stout curage, his byg stature and hycht
And in thare mynd comprasit his kyn maist hye
His plesand vysage, and knichtly large bewty
And glaid and ioyful, extol and lofe thay can
The grete apperance of gude in sic ane man
And sa fare giftis, and beleif but leis
As thay desyrit, of finale rest and peis
Lyke as quhen the grete ythand, wete or rane
From the cluddis furth, ȝet ouer all the plane
Haldis the husbandis ythil, aganis thare wyll
Lang wyth his crukit beme, the ple [...]ch lyis styll
Syne gyf brycht Tytan, list to schew his face
And with swyft cours, fer furth ane large space
[Page ccclxxiii] Dois cache his stedis, and his gyltin chare
And kyithis his goldin bemes in the are
Makand the heuinnys, fare clere and schene
The weddir smout, the fyrmament serene
The landwart hynes, than bayth man and boy
For the soft sessonn, ouer flowis ful of ioy
And athir vtheris, gan exhort in hy
To go to labour, of thare husbandry
Na vthir wyse, the pepyl Ausoniane
Of this glade time in hart,
Eneas re [...]aued in the [...] Palyce.
wox wounder faneBe this the kyng Latyne, lord of that land
With maist nobyl Eneas, hand in hand
Within the cheif palice, baith he and he
Ar enterit in the sale ryall, and hie
Quham followis nixt, the ȝoung Ascaneus fare
That was his faderis, only child and are
Syne folk of Italy, mydlit with troyanis
Ar enterit in that, ryall hald attanis
Wyth pompus feyst, and ioyus myrth ouer all
Resoundis tho baith palice, bour and hall
And al the chymmes, ryall round about
Was fyllit with thare trine, and mekyll rout
Aud tharewithall, of chalmeris by and by
Wyth sa gudely ane sort, and cumpany
Of fare ladyis, and damysellis vnwed
Innowme rabil almaist, als furth was led
The fare fresche, Lauinia the may
Amid thame schinand,
Lauinia
in hir riall arrayThe crystall bemes, of hir ene twane
That as the bricht twinkland, sternes schane
Sum dele eschamed, towart the erth dois hald
Quhom as the troyane prynce, first gan behald
Of bewty schape, and all effaris perfay
Sa excellent that wounder was to say
[Page] At the fyrst blenk, astonist half wox sche
And musand houeris, styl on hir to se
And in his mynd can rew, the hard myschance
Of Turnus quham, no litle apperance
Sa baldly mouit, to derene bargane
To rais the were, and ficht for sickin ane
For wele he, thocht, the hope of syc ane wycht
To dedis of armes, aucht to constrene ony knycht
Syne to abrege our mater,
Mariage made betuix Eneas and Lauinia.
hand in handThay war coniunct, into eternal band
Of matrymonye, and tho at all deuise
The wedlok with honour, as was the gyse
The menstralis, and heraldis of grete fame
Was playit and soung, and throw the court proclame
Than ioy and myrth, with dansyng and deray
Full mery noyis, and soundis of game and play
Aboue the brycht sternes, hie vpwent
That semit for to peirs, the fyrmament
And ioyus vocis, ryngis furth also
Ouer all the palyce ryall, to and fro
And sic ryot Indurand, amyd the preis
Enee thus carpis, to traist Achates
And bad him go beliue, but mare delay
Do fetche the reche robbis, and array
The fresche attyre, and all precious wedis
Wrocht craftely, and weiff of goldin thredis
Quhilom be fare, Adromathais hand
By quham thay war, him geuin in presand
And eik the cowar, of the fyne gold bricht
Wyth precious stanis, and with rubyis picht
Quham sche also, about hir hals quhite
Was wount to were, in maist pomp and delite
Quhil that the troyane, were fare stude aboue
The grete coupe eik, the quhilk in sygne of loue
[Page ccclxxv] Quhylom kyng Priame: to his fader gai [...]
Auld Anchises of fyne gold and engraif
Than but delay, Achates at command
Brocht thir riche giftis,
Giftes
ane wounder fare presandSyne to his fader in law, the kyng latyne
The precius coup gaif he, of bricht gold fyne
And to his spous, Lauinia the may
The wedis ryall, and the collere gay
Than athir, did thare deulie obseruance
Wyth blyith breistis, and plesand daliance
To feisting, intertene and cheris
Thare feris about, on the maist gudly wyse
Wyth dyuers sermond, carpand all the day
Thay schort the houris, driuand the tyme away
¶ Grete myrth and solace, was made at the feist
Rehersandmony histories / and auld gei [...]t
BE this, it waxis late towart nicht
And fast declynyng, gan the dayis lycht
The tyme requiring, eftir the auld manere
To go to mete,
The bāket
and sit at the suppereAnone the banket, and the manorie
For feist ryal, accordyng by and by
Wyth al aboundance, pertenyng to sic thyng
As wele efferit, in the hous of ane kyng
Wyth alkin maner ordinance, was made
Amyd the hallis hicht, lang and braid
Apparalit, at al deuyse and deray
Vnto the banket, hale assemblit thay
And on the carpettis spred, of purpour fyne
The tablis set, quhare thay war seruit syne
wyth alkin danteys, and with metes sere
That al to rekkin, prolixit war to here
As how the cristal eueris, to thare handis
The wattir gaif, and how feil seruandis standis
[Page] To mak thame minystracion, in all curis
And how thay trasing, on the large fluris
With blyith vissage, in to euery stede
And how that first on burdis, thay set brede
Sum with mesis, gan the tabillis charge
Ane vthir sort, doith set in all large
The coupis grete, and drinkin cassis fyne
And gan to s [...]ink, and birll [...]the nobill wyne
That to behald thare walkin, to and fro
Throw the roume hallis, and so besy go
And thame at tabillis, makand so grete chere
Ane paradise, it was to se, and here
Bot with his ene vnmouit, Latyne kyng
Gan fast behald,
A commendacione of Ascanens
the child Ascaneus ȝingWoundering on his efferis, and visage
And of the speche and wourdis graif, and sage
Of sic ane childis mouth, sic wise suld fale
And of degest, and reddy wit with all
Before the ȝeris of maturite
And of fele thingis, him demandis he
Athir to vthir randerand, mony ane saw
And syne wald he also, ane vthir thraw
Full tendirlie do kys, hys lusty face
And lap him in his armis, and enbrace
And wounderly, reiosit declarit wald he
Happy and to the goddis, bedewit Enee
Quhilk him had geuin, sic ane child as that
And quhill thay thus, at the supper sat
Eftir that with sa mony, deynteis sere
Thare appetite of metis, asswagit were
With commonyng, and carping euery wicht
The lang declynand, and ouer stippand nycht
Gan schape full fast, to mak schort and ouer driue
Now the troyanis, hard auenturis beliue
[Page cclxxvi] Rehersing ouer, and all the grekis slicht
Now the feirs bargane, and the awfull ficht
Of laurent pepil, calling to thare mynd
As how and quhare quham by, and be quhat kynd
The oistis first disconfist, war in feild
And quhare that athir [...]rowtis vnder scheild
With dartis casting dynt, of swerdis and mace
Constrenit was to f [...]e, in sic ane place
And leif the feild, and quha best did his det
Quha bald in stour eik maid, the first vnset
And quha first one ane stertland co [...]rsour gude
His birnist brand bedyit, with rede blude
Bot principalie Eneas, troiane bald
And Latynis the king sage, and auld
Of conquerouris, and sufferand princis ding
The geistis can rehers, fra king to king
Twichand the state, quhilom be dayis gone
Of Latium, that mychty regioun
How vmquhile Saturne,
[...]ld history is rehersit
fleand his sonnyis brandLurkit and dwelt, in Italy the land
Be quhilk resoun he did it latium call
That kynd of pepil, skatterit ouer al
In mountanis wyld, togiddir made conuene
And gaif thame law, and statutis and fulle bene
Taucht thame to grub, the wynes, and al the art
To ere and saw, the cornes and ȝoik car
And-how the grete Iupiter, god diuyne
To this his faderis resset, socht has syne
And how that he engenerit thare alsua
On Atlas douchter, the fare wynsche elet [...]ra
Schit dardanus that eftir, as thay sayne
His awin brother Iosyus, has slane
Syne from the ciete, chorite in Italie
To sey is went, with ane grete cumpany
[Page] And gan arriue eftir, in Phrigia
And belt the ciete, on the mont yda
How that he in signe, for his banere
From Iupiter, ressauit his fader dere
The fleand Egill, displayit fare and plane
Ane knawin takin, to pepill hectoriane
As the first nobill armes, and ensenȝe
Baith of the troiane ancestry, and menȝe
Be him ereckit, and vprasit stude
was first begun, and cheif stude of that blude
Thus with sic manere taking, euery wicht
Gan driuing ouer, and schortis the lang nycht
Thare with the brute and noyis rais in thay wanys
Quhil all the large hillis, rang attanis
Of mannis voce and sound, of instrumentis
That to the rufe on hie, the dyn vpwenis
The blesand orcthis schane, and sergeis bricht
That fer on bred, all lemes of thare licht
The harpis and the gethornis, play is attanis
Vpstert troianis, and syne Italianis
And gan do doubil brangillis, and gambettis
Dansis and roundis, trasing mony gatis
Athir throw vthir reland, on thare gise
Thay futtit it so, that lang war to deuise
Thare haisty fare, thare reuelling and deray
Thare morisis, and quhil sic riot nere day
Bot for to telling how with torche licht
Thay went to chawmer, and syne to bed at nycht
Myne auttor list na mencion, therof draw
Na mare wyll I for thingis bene knaw
All ar expert, eftir new mariage
On the first nycht, quhat suld be the subcharge.
¶ Eneas foundit ane wallit toune / and square
Quhom to venus, gan diuers thyngis declare
[Page ccclxxvii] ANd thus thay feisting dayis, nyne at all
With large pompe, and kingly apparel
According sic ane spousage, as was this
And quhen the tent morow,
Eneas [...] dis atou [...] callif [...]aunnia eftir his [...]
cumin isThan this ilk souerane, and maist douchty man
Eneas for to found, his toun began
First gan he make ane cirkil, with ane pleuch
Quhare the wallis suld stand, thare drew ane seuch
Syne troianis foundis tenementis for thame self
And gan the fowsyis, and the dykis delf
Bot lo anone, ane wounder thing to tell
Ane huge bleis, of flambys brade doun fel
Furth of the cluddys, at the left hand straucht
In manere of ane lychting, or fyre flaucht
And did alycht richt in the samyn stede
Apoun the croun, of fare Lauinias hede
And fra thine, hie vp in the lyft agane
It glad alway, and tharein did remane
The fader Eneas, astonyst wox sum dele
Desirus this sing suld be takin fele
His handys baith vpheuis, towart the heuyn
And thus gan mak his bane, with myld steuyn
O Iupiter gifeu [...]t,
Eneas oracion to Iupiter
ony time sayd heThe troiane pepil, baith by land and se
Thine admonicions command, and impyre
Obeyit has, page man of fyre
Or gif that I ȝour power, and godhede
Dred and adornit, in tyl ony stede
Our altaris, or ony wourschip did thareto
And be that thing ȝit, that restis for to do
Gif ony thyng behind ▪ȝit dois remane
Wyth this ȝour happy takin, auguriane
ȝeild vs ȝour plesand rest, and ferme pece
Mak end of al our harmes, and caus thaim ceis
[Page] As he sic wourdis, warpis out that tyde
His goldin moder, apperis, him besyde
Confessand hir to be, the fair venus
And with hir blissit mouth, scho carpis thus
Son do sic thocht,
Venus oration to hir son Eneas promising him immortalitye.
and drede furth, of thy myndRessaue thir godlie thingis, in better kynd
And Ioyously enioyis, myne awne Enee
The grete welefare fra thens, sall betyd the
Now is thy rest, and quiet fund and kend
Now of thy harmes, is cum extreme end
Now at the last, as thou desiris perfay
Thys warld with the, sall knyt vp peace for ay
Abhor thou not the fire, and flambis bricht
From thy dere spousis hede, glaid to the hicht
Bot constantlie thy mynd, thou now addres
It sal besche, I the declare expres
That sall with blude riall, thy douchty name
Thy successioun, renowne and nobill fame
And troiane princes of thy sede discend
Aboue the cloudis hie, and sternes send
Sche sall of thy lynnage, my son Enee
Bare chylder, ful of magnanimyte
Of quhais ofspring, sic men sall succede
That all this large warld, fer on brede
With thare excellent wourschip, sall fulfyll
And by thare mychty power, at thare wyll
As conquerouris, vnder thare senȝeorie
Subdew and reule this warldis, monarchy
Of quham the schynand souerane, glorie sall wend
And fer beȝonde the occiane, se extend
Makand thame equale, with the heuynnys hie
Quham finalie, thare ardent grete bounte
Eftir Innoumerabill, sa fele douchtydedis
And souerane vertew spred, so fer on brede is
[Page ccclxxviii] Sal make thame goddis, and thame dei [...]y
And thame vpheis, full hie, aboue the skye
This flamb of fyre, the wourschip, and renoun
Doith signifye, of thy succession
The god almychty, from his sterit heuin
Has schawin tharefore, this signe of firie leuin
Tharfore in recompence, of sick in thing
And sa mekill wourschip, of hir sall spring
This ciete quhilk thou closis, with anewall
Efter thy spousis name, clepe thou sall
And fortthir eik the goddis quhem thou hynt
Of troy that tyme, quhen in flambis brint
Penates or the goddis, domesticall
Thou set also within, the samyn wall
Tharin thougart them sone, to be brocht in hys
In hie honour, and tyme perpetually
Thare to remane, eternal to duell
I sall to the of thame, ane wounder tell
Thay sall sa stranglie lufe, this new cietë
That gif thame happinnis, caryit for to be
Tyll ony vthir stede, or place thareby
All be thame self agane, sal haistelie
Thay sall returne to thys ilk, toun of thine
That thou beildis in boundis, of kyng Latyne
ȝa how oft syis that, thay away be tane
Thay sall returne, ha [...]ewart agane ilkan [...]
O happy ciete, and wele fortinat wall
With quham sa grete relikis romane sall
Quham thou sall in tyme to cum, but leis
Gouerne the troiane folkis, in plesand peys
Eftir this at last, Latyne thy fader in law
Wery of hys lyfe, and fer in age ydraw
Dounne to the goistis in campe Elisee
Sall wend and end, his dol [...]y dayis and dee
[Page] Vnto his sceptoure, thou sall do succede
And vnder thy sen [...]orie, feron brede
Sall weild and leid, thir ilk Italianis
And common lawis for thame, and the troianis
Statute thou sal, and syne thou sal ascend
And vp to heuin glaidly, thy self asend
Thus standis the goddis sentence, and decrete
Na mare scho said, but as the gleme dois glete
From thence scho went away, in the schere are
I wat not quhiddir, for I come neuer thare
Enee astonist hauand, his mynde smyte
With sic promys of renoune, and delite
Hys blissit moderis command, gan fulfyl
And now at plesand rest, at his awne wyll
The troyane pepill reulit, he in pece
With this the king Latynis, can deceis
And left the sceptoure vakand,
Kyng latine deys & lewis hys kyngdome and hys dochter to Eneas.
to his handThan the reuthful Enee, ouer al the land
Of Italiane, succedis, in his stede
And gan full large boundis, in lordschip lede
That hale lie obeyit, to his wand
And at his liking reulis, al the land
Now equalie of fre wyll, euery ane
Baith pepill of troy, and folk Italiane
All of ane rite manere, and vsance
Becumyn are freyndle, but distrepance
Thare myndis, and thare breistis in amyte
In ferme concord, and grete tranquillite
Gan leif in eis confederate, and ally
As vnder ane law samyn, coniouit euinlie
¶ How Iupter for venus cause and lufe
Has set Eneas as god in heuin abufe
[Page ccclxxix] VEnus with this all glaid, and full of ioye
Amyd the heuenly hald, [...]icht mylde and Moye
Before Iupiter doun, hir self set
And bayth hir armes, about his feite plet
Embrasand thame, and kissand reuerendlye
Syne thus with voce, expres, scho said in hy
Fader almychty,
Venus ora [...]ion to Iupiter desyrīg hy [...] sone to be [...]esauyt in [...]euyn.
that from thy heuinlie ryngAt thy plesure reulis, and steris al thing
That mannis dedis thochtis and auenturis
Rekynnys and knawis, and therof has the curis
Wele I remember, that quhen the pepill troiane
With hard vnfreyndlie fortoun, was ouertane
Thou promist of thare labouris and distres
Help and support and efter diseis solace
Nouthir thy promyssis, fader nor sentence
Has me dissauit for lo, with reuerence
All the faderis, of Italye has se
But discrepance fully, thir ȝeris thre
In blyssit peace, my son enioyis that land
But certis fader, as I vnderstand
Vnto the e [...]rnit heuinly hald, on hie
Thou promyst raise, thy maist douchty Enee
And for his merite aboue, the schynand skye
Him for to place in heuin, and deifye
Quhat thochtis now dois, rolling in thy mynd
Sen ellis dois the verteuis, theuis kynde
Of thys reuthful Eneas, the require
Aboue the polis bricht, to rais that syre
The fader tho of men, and goddis all
Gan kys venus his child, and thare with all
Ther profound wourdis, from his breist [...]urth braid
My dere douchter Citheria,
Iupiters answere to venus.
he saidThou knawis how stranglie, the mychty Enee
And the Eneadanis, all of his menȝe
[Page] Ithandly and vnirkit, lufit haue I
On sey and landis, catchit by and by
In perrillis sere, and how that oft time eik
Hauand piete, of the my douchter meke
For luf of the, for thare diseis was wo
And now I haue, lo finalie also
Al thare harmes and ennoy, brocht til end
And made Iuno, as that ful wele is kend
For to becum freindly and fauorabil
Now likis me forsoith, al ferme and stabil
My sentence promist, to complete quod he
Quhen that the riall troiane, duke Enee
Amang the heuinnis, institute I sall
And him to nowmer of the goddis cale
And thus I grant, with gude willis perfay
Tharefore se that thou change, and do away
Gif thare be in him, ony mortal thing
And sine aboue al the sternes, thou him bring
I sal also heich ony of his kin
Quhilk of thare propir vertew list do wyn
Perpetual louingis,
God promotis euer verte [...]us mene.
by ded [...]s honorabilAnd doth contemne, the wrechit warld vnstabil
Thame inlikewise, aboue the heuynnys hie
I sal do place, and deify quod he
The hoddis aboue, alhale gaif thare consa [...]t
Nor riall Iuno, at that tyme present
List not contrary, but gan persuade ful euin
To bring the grete Enee, vp til heuin
And freindle wourdis, of him carpis thare
Than venus slaid, discendand throw theare
And socht vnto the feildis, Laurentane
Nere by quhare that numetius, throw the [...]
That fres [...]he riuere, flewis to the se
Dikit about, with redis growand hie
[Page ccclxxx] Quhare in the body, of hir son so dere
Scho maid do wesche, and vnder the stremis cler
Al that was mortal and corruptibill thyng
Gart do away,
Eneas saul resa [...]ed in heuyn
and sine at hir lykingThe recent happy saul, with hir hint sche
And bare it vp aboue the are full hie
Vnto the heuin, quhare reuthful Eneas
Amyd the stremes, chosin has his place
Quham the famile and kinred Iuliane
Doith clepe and cal, amangis thame euery ane
Indigites, quhilk is als mekil to say
As god induellare, that thare sudiornis aye
And in remembrance, of this ilk torne
Thay his templis wourschip and adorne
Finis.
Conclusion.
NOw is my werk, al finist and complete
Quhom Iouis yre, nor firis birnand hete
Nor trensche and swerd, sal defays nor doun thring
Nor lang proces of age, consumis al thing
Quhen that vnknawin day, sal him addres
Quhilk not but one, this body power has
And endis the date, of mine vncertane eild
The bettir part of me, sal be vpbeild
Aboue the sternis, perpetually to ring
And here my name remane, but emparing
Throw out the yle, [...]clepit Albione
Red sal I be, and soung with mony one
Thus vp my pen, and instumentis, ful ȝore
On virgillis post, I fix for euermore
Neuir from thens, sic materis to discriue
My muse, sal now be clene contemplatiue
And solitary, as doith the bird in cage
Sen fer by worne, all is my childis age
Aud of my dayis nere passit the half date
[Page] That nature suld me granting, wele I wate
Thus sen I feile doun sweyand the ballance
Here I resigne, vp ȝounkeris obseruance
And wyl derek my laubouris, euer moir
Vnto the commoun welth, and goddis gloir
Adew gud readeris, god gif ȝou al gud nycht
And eftir deth, grant vs his heueinly lycht
The space tyme and date, of the translatione of this buk,
COmpilet was this werk, virgiliane
Apoun the feist, of Marye magdalane
Fra Cristis birth, the date quha list to here
Ane thousand fyue hundreth, and threttene ȝere
Quhilk for vthir grete occupacioun lay
Wusterit clois beside me, mony ane day
And neuirtheles, quhidder I serf thank or wyte
Fra tyme I tharto set my pen to wryte
Thocht god wate, gif thare boundis werful wyde
To me that had, sic be [...]ines besyde
Apon this wyse, as god list len me grace
It was compilyt in auchtent monethes space
Set feil syith, sic twa monethis in fere
Wrate neuir ane wourd, nor micht the volume stere
For graue matteris, and grete sollicitude
That al sic laubour, fer beside me stude
And thus grete skant of time, and besye cure
Has made my werk, mare [...]ubtil and obscure
And not so plesand, as it aucht to be
Quharof ȝe curtes reders, perdoun me
ȝe writaris al,
The author forbid his euerye man to change his ryme or wourdis.
and gentil redaris eikOffendis not my volume, I beseik
Bot rede [...]ele, and tak gud tent in tyme
ȝe nowthir mail, nor mismeter my ryme
Nor alter not my wourdis, I ȝou pray
Lo this is all bew, schirris haue gude day
Finis
¶ Ane exclamacion aganis detractouris and uncurtase redaris, that bene ouer studious but occasioun to note and spye out faltis, or offensis, in this volume or any vthir thrifty werkis.
NOw throw the depe, fast to the porte I merk
For here is endit, the lang disparit werk
And virgil has, his volume to me lent
In souir raid now, ankerit is our werke
We dout na storme, our cabillis ar sa sterk
We haue eschapit, ful mony perrellis went
Now god belouit has, sic grace till vs sent
Sen virgil beis wyde quhare, in latine soung
Thus be my laboure red, in vulgare toung
Bot quhat dangere is ocht, to compile allace
Herand thir detractouris, in till euery place
Or euer thay rede the werk, biddis birn the buke
Sum bene sa frawart, in malice and wangrace
Quhat is wele sayd, thay loif not worth ane ace
Bot castis thame euir, to spy out falt and cruke
Al that thay fynd, in hiddillis hirne and nuke
Thay blaw out sayand, in euery mannis face
Lo here he failȝeis, lo here he leis luke
Bot gif I le lat virgill, be our iudge
His werk is patent, I may haue na refuge
Thareby go not, my faltis one be one
No wounder is the volume, is sa huge
Quhay mycht perfectly, al his hie termes luge
In barbare langage, or thame deulie expone
Bot wele I wate of his sentence wantis none
Quha can do bettir lat se, quhare I foruayit
begyn of new, al thing is gude vnassayit
[Page] F [...]r ethar is quha list, syt doun and mote
Ane vthir sayaris, faltis to spye and note
Than but offence, or falt thame self to wyte
bot for to chyde, sum bene so birnand hote
Bald thay thare pece, the word wald skald thare throte
And has sic custom, to Iangil and bakbite
That bot thay schent, sum thay suld birst for site
I say no more, quhen al thare rerd is roung
That wicht mon speik, that can not hald his toung
Go vulgare virgil, to euery churliche wycht
Say I auow, thou art translatit richt
Beseik al nobillis, the correct and amend
Beis not effrait, to cum in prisaris sicht
The nedis not to eschame, for thy licht
For I haif brocht thy purpois, to gude end
Now sal thou with euery gentil s [...]ot be kend
And to vnletteryt folk, be red on hicht
That erst was, bot with clerkis comprehend
Finis.
Vyrgil in ther .vi forsaid beukis, follouis the moist excellent greik poet homer, in his odisse, of Vlisses, schawand Eneas lang nauigation, and gret perillis, and dangeris on the se.
Now in the syxt bukis heir efter, he followis Homer in his Iliada, discryuing, the horrybil battellis, betuix the Troianis, and the Italianis. He pantis Eneas to be a prince, Indued, with al nobyl, and princly verteous, both of body and of mynd, featis of warre excellyng al vderis, and was of sic clementy. In that these quhom he had subdewit in war, with his grete gentylnes wan theme, to be hys veray frendys, he was virteous, sincer, gentill, and liberall. In iustice, wysdome, and magnanimitye [...] myrroure to all Prynces Quhas verteous, gif the Prynces of our dayis, wyll follow, thay schal not onely be fauored of god, bot also weil beloued of al gud men. Thare Impyr. Kyngdomes, and posteritye, schalbe the mair durabyll. for it is vertew, that euer has promoued commoun welthys. And vyce has euer bene the catis of dystructione of the same, as we rede in all historyis, both ciuill and ecclesiasticall.
Quharfor, lat euery nobyll Prynce, that desiris to cum to hye honour, and grete fame and name, efter this lyfe, feare God, luf vertew and iustice, heat vyce, punys euyll men, and promowe gud men, and to this end mak al his lawis, ordinances, and procedingis. So schall his Kyngdome and posterite, be moist permanent, and durabyll.