A ballade of the scottysshe kynge.

Kynge Iamy / Iomy your. Ioye is all go
ye sommn [...]ed our kynge why dyde ye [...]o
To you no thyn [...] it dyde accorde
To sommon our kynge your souerayne lor [...]
[Page] A kynge a somner it is wonder
Knowe ye not salte and suger asonder
In your somnynge ye were to malaperte
And your harolde no thynge experte
Ye thought ye dyde it full valyauntolye
But not worth thre s [...]ppes of a pye /
Syr squyer galyarde ye were to swyfte.
Your wyll renne before your wytte.
To be so scornefull to your alye /
Your counseyle was not worth a flye.
Before the frensshe kynge / danes / and other
Ye ought to honour your lorde and brother
Trowe ye syr Iames his noble grace /
For you and your scottes wolde tourne his face
Now ye prode scottes of gelawaye.
For your kynge may synge welawaye
Now must ye knowe our kynge for your regent /
Your souerayne lorde and presedent /
In hym is figured melchisedeche /
And ye be desolate as armeleche
He is our noble champyon.
A kynge anoynted and ye be non
Thrugh your counseyle your tader was slayne
Wherfore I fere ye wyll suffre payne /
And ye proude scottes of dunbar
Parde ye be his homager.
And suters to his parlyment /
Ye dyde not your dewty therin.
Wyerfore ye may it now repent
Ye bere yourselfe somwhat to bolde /
The [...]fore ye haue lost your topholde.
[Page] Ye be bounde tenauntes to his estate.
Gyue vp yovr game ye playe chekmate.
For to the castell of norham
I vnderstoude to soone ye cam.
For a prysoner there now ye be
Eyther to the deuyll or the ermite.
Thanked be saynte. Gorge our ladyes knythe
Your pryd is paste adwe good nytht.
Ye haue determyned to make a fraye
Our kynge than beynge out of the waye
But by the power and myght of god
Ye were beten weth your owne rod
By your wanton wyll syr at a worde
Ye haue loste spores / cote armure / and sworde
Ye had bee better to haue busked to huntey bakes /
Than in Englonde to playe ony suche prankes
But ye had some wyle sede to sowe.
Therfore ye be layde now full lowe /
Your power coude no lenger attayne
Warre with our kynge to meyntayne.
Of the kynge of nauerne ye may take hede /
How vnfortunately he doth now spede /
In double welles now he dooth dreme.
That is a kynge witou a realme
At hym example ye wolde none take.
Experyence hath brought you in the same brake
Of the out yles ye rough foted scorres /
We have well eased you of the bottes
Ye rowe ranke scottes and droken danes
Of our englysshe bowes ye haue sette your banes.
It is not fyttynge in tour nor towne /
[Page] A somner to were a kynges crowne
That [...] Lyon.
[...]and pryde hath layde a downe
His sone the lorde admyrall is full good.
His swerde hath bathed in the scottes blode
God saue kynge. Henry and his lordes all
And sende the treullhe kynge suche an other fall /
¶Amen / for saynt charyte [...] And god saue noble. Kynge / Henry / The .v [...]ij.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.