FORSAMEKLE As ſen the lait douncrying of the money callie the Hardheidis and new Plakkis, ſindrie Impedimentis hes fallin out, to the hinderance of the full executioun of the Act and ordinance maid thereanent, Be the REGENTIS GRACE, Nobilitie, Counſall, and Eſtatis aſſemblit at the lait conuentioun, Partlie throw the ſlaw Inbringing of ye ſaid money to be ſichtit, That the lauchful being decernit frō ye fals, it micht be markit according to the ſaid ordinance, Partlie becaus ſic as Inbrocht their money to the Cuinȝehous fand not their diſpache ſa ſuddane as their neceſſitie requirit, Bot principallie be reſſoun ſiudrie of our Souerane Lordis liegis hes refuſit and maid Impediment to reſſaue the ſaid markit and ſtampit money in payment of their dettis or for their gudis, wairis and victuallis ſauld. And therethrow the haueris of the ſame money in their handis hes bene gretumlie preiudgeit and hinderit. For remeid of quhilkis Inconuenientis in time cūming,

¶THE REGENTIS GRACE, with auiſe of the Lordis of ſecreit counſall hes ordanit and ordanis, That all perſonis bringand the ſaidis new Plakkis and Hardheidis to the Cuinȝehous, and deliuerand the ſame to Iohne Acheſoun Maiſter Cunȝeour, and Iohne Carmichaell Wardane: Sall ſe ye ſame ſortit and deuidit the lauchfull fra the fals and counterfaitit. And it pat be is found fals and counterfaitit clippit downe in their awin preſence. And for ſamekle thereof as ſalbe found ſufficient, they ſall then Inſtantlie reſſaue fra the ſaidis Maiſter Cunȝeour and Wardane the auale of the ſame in reddy prentit and ſtampit money, allow and rebaittand ix. penneis of euerie xx. ſchillingis to the warkmen for their laubouris. And in reſpect of the ſaid refuſe and Impediment to reſſaue the ſaid money lauchfullie markit, Ordanis letteris to be direct to officiaris of Armes, Schireffis in that part, Chargeing them to pas to the mercat Croces of the held Burrowis of this Realme, and vtheris Cieteis Burrowis and mercat townis, as alſwa to all publict mercattis, Fairis, and vtheris places neidfull, and there be oppin Proclamatioun in our Souerane Lordis Name and Authoritie command and charge all and ſindrie his hienes liegis of quhat eſtate, degre or conditioun yat ever they be of, That nane of them tak vpon hand to refuſe in payn • the ſaidis Hardheidis and new Plakkis markit and ſtampit according to the Act & ordinance maid the • anent for the auale and price ſpecifyit i • the ſame, or to mak ony conditioun anent the refuſall or exceptioun of the ſaid money in payment vnder the paine of ••• heting and confiſcatioun of all their gudis mouabill to 〈◊〉 Souerane Lordis vſe, and Impreſoning of their perſonis during th • will of our Souerane Lord 〈…〉 Regent. Certifying them ya • oois in the contrare, That they ſalbe committit to Waird, and 〈…〉 • itis vptakin for their contemptioun. And to the effect yat nane of the refuſeris of the ſaid ſtampit and markit money, or makeris of exceptioun thereof in their blokkis and conditiounis ſal eſchaip this puniſchment, Ordanis ye Iuſtice Clerk and his deputis to direct letteris for calling of the perſonis ſuſpectit and delatit of the contrauentioun heirof, to vnderly the Law therefore at particular diettis, Or be dittay to accuſe thame in general Iuſtice Airis, quhairthrow the ſaid pane of confiſcatioun of their gudis may be execute aganis the contempneris with all extremitie in cais of their conuictioun, being fugitiue fra the Law, cūming in will, or paſſing to ye horne for the cryme and contempt abone writtin. And becauſe ye refuſing of ye ſaid money may do greit harme and hinderance in mercatis gif ſum preſent puniſchement be not execute aganis the contempneris foirſaidis, Ordanis therefore and commandis the Schireffis Stewartis, Bailleis, Lordis of Regaliteis, their Bailleis and their deputis, Proueſtis, Aldermen, and Bail ••• s of Burrowis, Cieteis and mercat townis, to ſeirche and ſeik the perſonis refuſeris to reſſaue the ſaidis Plakkis and Hardheidis markit and ſtampit as ſaid is, or makeris of exceptioun or conditioun to reſſaue the ſame, and they being apprehendit, and the ſaid refuſal or exceptioun confeſſit or Inſtantlie prouin be twa or thre honeſt witneſſis, To tak & commit the perſoun ſa contempning and offending in Waird, on his or hir awin expenſis, quhill the further knawledge of our Souerane Lord, and his Regentis will in that behalf. And in ye meane time to gif aduertiſement of the Names of the perſonis offending, to the Theſaurer or his Clerk, to the effect that they may cauſe letteris to be direct for calling of the offendouris to vnderly the Law, according to the effect and tennour of this preſent Act and ordinance in all behalfis.