¶How parys and Edward hys fe­lawe played wy^t diuers instrumēts by nyght to fore the chābre of vyēne

PArys thenne & edward with one accorde dysposed thē self for to gyue somme melodyous myr­the to the noble mayde Vyenne and wyth theyr muyscall instrumentes / as recourders: They yede by night tym̄ to gyder toward that ꝑte of [...] castel / where as the fayre vyēne [...] in hyr chambre. and there they [...] full swetely and sowned [...] [...] ­ously theyr muyscal instrumen [...] [...] pypes. & certeyn the melodye of songes. ād the sowne of theyr [...] [...] [Page]

[Page] [...] [Page] in hys castel of vyenne. And Whan they were alle come they played ād sange in theyr best wyse: but among them were not founde tho mynstrel­les that the lord Daulphyn sought fore. Wherof he was soroufull and desyred more to knowe what they were than he dyd a fore. And whā the fayre vyēne herde alle the myn­strellys of the londe that sowned at the feste. she sayd to Ysabel hyr da­moysell and preuy felowe. By my fayth swete syster / these mynstrelles playen nought to the regarde of thē that were wonte to come before our chambre and me displayseth moche that I may not knowe we thē: For cer­tenly they come not hyther for no­ught. for they loue outher you or me.

¶ How the Lord Daulphyn sent x. harneysed men to take Parys ād Edword / there as the pleyden vpon theyre instrumentes before the chābre of Dyenne.

[Page] WHan the Daulphin vnder­stode his doughters wordes he wylling to plaise hyr said vnto hyr that yf it were possyble: she sholde knowe what they were that soo sāge euery nyght before hyr chā ­bre Wherfore he ordeyned. x. men̄ of armes: and commaunded them to hyde them self pryuely there as the sowne was herde / ād that they shold bringe to him other by force or other wyse thē that made that swete me­lodye / Now came the night that the twoo ynge knyghtes Parys ād Ed­ward that nothīge knewe of them­busshement that was layed: for them came with their instrumētes toward the castel and there they began to sin­ge and sowned theyr instrumētes so melodiously that grete plaisir it was to here / and whan they had songe & wolde haue retorned thyder as they were come fro The. x. knyghtes lep­te and camforth and salewed them curtoysii / sayeng that they nedes co­me must wyth them for to speke wy^t their lord the daulphyn / Then̄e sai­de Parys to them. Fayr lordes aby­de a lytel whyle. yf yt playse yow ād of vs ye shall haue an answer Thē ­ne wente Parys and edward a par­te ād spake to gyder. ye see fayr bro­ther sayd parys to Edward in what party we be now and I wold not that ye shold haue by me ony displai­sir nor harme. but soo mche i telle you that or I shold suffre me to be ledde to fore the daulphyn I had leuer de­ye / therfore fayr brother aduyse we what is best for to do / and edward he­ryng parys wordes sayd / Brother myn haue noo fere of no thynge and lete vs doo as ye wyl Then̄ sayd they to the. x. men of armes lordes thur­gh your curtosye suffre vs to retor­ne thyder as we came fro / for we be at my lord the daulphins playsir ād of alle the lordes and barons of hys courte but in ony maner as for thys tyme we may not fulfylle his cōmaū ­dement.

¶ How parys and Edward his fe­lawe foughten ayenst. x. harneysed men: that wolde haue taken thaym.

[Page]

WHan the sayd / x. men of ar­mes saw the twoo knightes dysobeyssaunt / they āswerd to them / ye shall now come to hym other wyth your wylle or by force / & began to pulle onte theyr swerdes & came ayenst the two yoge knyghtes that naked were frō alle armes sauf theyr swerdes and theyr bowclers. Wherwyth they couerd them: and so manfully deffēded their bodyes that they hurte and wounded fore al the ten armed men̄ / ī so moch that they maad them all to voyde and flee fro the place whether they wolde or not ād on the morowe erly the ten men of armes came to fore the daulphyn alle wounded and fore hurt / And they recōpted to him how two yon­ge men onely had arayed them so & how they nedes must flee for fere of their liues. Wherof the daulphi was right angry to see thē so sore hurt ād took grete displaysir of it. ād thought wel that the sayd two yōge knightes were of grete strēgthe & v (er)tue: wher­fore he [...]māded an hōdred men to be redy for to espye & take thē the night folowyng yf they came ageyn char­gyng that none hurte sholde be doō to thē: but after their songe doon they shold be brought vnto him. but this ēterpryse came to none effect. for the two yonge knightes came not ageyn [Page] but kepte alle that they had doon se­crete / Whā the fayr viēne sawe that she might not knowe we what these mi­strellys were: she thought that they were somme grete lordes that were anterous of hyr: & she ād hyr damoi­sely ysabel spake of none other thynge than of these mynstrelles & had gre­te plaisir to talke of them: Parys se­yng he durst not saye nor shewe the grete loue that he had to the fayr vy­enne / thought he wold hyde his cou­rage from hyr / wherfore he took ac­queyntaūce with the bisshop of saint Laurēce. the whiche lerned hym ho­ly scrypture. The daulphyn thēue se­yng his doughter full tryste and pen­syful for this that she might not kno­we the sayd mynstrelles that so melo­dyoussy played to fore hyr chābre. he ordeyned a joustyng place wyth ī his cyte of viēne / & made lystes & scaffol­des to be sette vp / & sente his heraul­des in fraūce in Englōd & in normā ­dye to anoūce & shewe vnto all kni­ghtes & gentilmē that wold doo fai­tes of armes & of cheualrye for lone of all ladyes & damoyselles / that the joustes shold be holdē the fyrst day of may / in the cyte of vyenne. And he that shold doo best ī armes. shold ha­ue of the daulphis doughter a sheld of cristall of grete valeur / & a garlōd wy^t roses & floures of fyn golde. ād were ye well that vyēne the noble ād fayre madyē was right glad of the youstes that hyr fader ordeyned for hyr sake For grete talēt & desire she had to knowe hī that was so ame­rous of hyr. ād she thought he wold be at the sayd fyrst day of may at vi­enne ¶ After the messagers that had pronounced the youstes were comē ageyn to the cyte of vienne / the most parte of the knightes & gentylmē of the Royaume of Fraūce of Englōd and of normandie made thē redy for to come to the Lyte of Dyenne to the sayd joustes / And in especyal many noble baron̄s of the royaume of En­glond & of fraūce that amerous we­re of the fayr vyenne of the renōmee of sjyr grete beaute. came to the sayd youstes wyth ryche ād noble araye. among whome was Iohan duc of bourbon. nevew to the king of fraū ­ce / Edward the kinges sone of En­glond ātony sone to the sone to ther­le of ꝓuc̄ce. Gerard the marquys so­ne of moūtferat: & wyllyā sone to the duc of Larnes: Parys then̄ knowīg this noble assemble & [...]he ioustes that shold be the fyrst day of may thoug­ht ī hēself whether he shold goo thy­der or not / but the grete loue that he had to the fayr vienne constrayne­d hī therto. Neuertheles he toke coū ­ceyl of Edward his felawe. the whi­che answerd to him / yf ye goo I wil holde yow companye thyder. but we muste departe secretly / that we be not knowen And anone they made redy their harn [...]yg / & pourueyed theī of good horses whiche they harney­sed al ī whyt / & none other tokē they had on thē wher̄ hithei might be kn­owē sauf that they were araied al ī whit / & one like [...] other. the day of [Page] the youstes then̄e approched and all the lordes and barons afore sayd cā two dayes before the feste to the Cy­te of vyēne where the daulphyn for loue of them dyd doo make a noble scaffold where as the fayre vyenne was rychely arayed. and al that sa­we hyr were a meruailled of hir grete / beaute / To that feste cam many knyghtes and squyers clothed & ara­yed rychely after the guyse of theyr countre / ād there were many myn­strellys playeng vpon alle maner in­strumentes: ād many good syngars whyche the noble mayde vyene her­kened ful well. For hyr hert was o­nely sette to thynke how she myght knowe hym that was her louer / pa­rys came thenne thyder ād was or­deyned for to serue at the daulphins table where Vyenne satte / & wete ye wel that ful gracyously and curioys­ly he serued and kerued before hyr.

¶ How Parys gate the prys of the youstes in the cyte of Vyēne

[Page] WHā the day was comē that the lordes knyghtes and gē ­tyl men shold iouste for loue of the ladyes / Parys and Edward yede to a secrete place where they ar­med them secretly: and syn came to the lystes with theyr badges and to­kens / and were horsed & armed full rychely ād well. Alle other knightes there were knowen by theyr armes but the twoo whyt knyghtes were vnknowen: ¶ The daulphyn then̄e commaunded that euery one shold mustre or the ioustyng began along the felde tofore the ladyes & damoy­selles: & soo they mostred rydyng to fore the scaffold of the fayre vyēne. & were so nobly and rychely armed & arayed: & so godely men they were that euery one said / the f [...]oure of kni­ghthode may now be seē in this pla­ce / Amōge al other princes edward of Englond was moost amerous of al & right renommed in armes The pucelle vyenne seeyng alle these no­ble knightes. sayd to hyr damoisel y­sabel / Fayr syster whiche of them al thinke yow that moost dooth for the loue of me / & ysabel answerd / honou­rable lady: me semeth he that bereth the lyon of gold in hys armes / dooth more for your loue thā the other Certes sayde vyenne yonder two whit knightes that bere non̄ armes ī their sheldes are more to my fantasye / thā ony of the other alwaye / we shal see now what they can doo Then̄e we­re the knightes redy to do fayte of ar­mes And fyrst an hardy & vailliaūt knight that bare ī his armes a crow­ne of gold bygan the fyrst cours / ād ayenst hym rāne the good knight ed­ward parys felawe: and recoūtred eche other so vygorously that they brake bothe their speres. many other mette eche other sodaynlye gyuyng grete strokes. somme were ouertrho­wen to the erthe & some brake theyr speres worthely & kept their sterops ryght vaylly aūtly / the other recoun­tred eche other so manifully that bo­the hors & mā were caste to the groū ­de. For euery mā dyd his best to ge­te worship there. Edward the kīges sone of England bare him ful wel & had the better vpon many a knight there / But the strong knyght parys broched his hors toward him / and mette him so vygorously that at the ende he ouerthrewe him ād had the better of hym Wherof he gate grete worship ād was moche praysed for his grete prowesse / This youstyng lasted tyl souper tyme / ād whan the euen cam many of thē were wery of the ioustes & rested thē / but paris dyd thenne more of armes shewyng his meruayllous prowesse than he had doon of al that day / in somoche that non̄ durst approche him ne withstō ­de his appertyse in armes. & so moch he dyd that thonour and prys of the joustes rested and abode in him that day. [Page]

¶ How the shede of cristal & the gar­lond wyth floures of gold were ye­uen to Parys. As to the best doer in faytes of armes

THe feste ended: grete whor­shyp and loenge abode to the two knyghtes wy^t the whit armes: And Parys was ledde vn­to the scaffold / there as vyenne was the whyche delyuerd hym the sheld of crystal and the garlond wy^t f [...]ou­res of golde / that she helde in hyr hōde And then̄e parys with Edward hys felawe departed thens in the secre­test wyse that they coude and wēte to vnarme them to the place where they fyrst armed them self / The ba­rons and knyghtes that were there spake wel of the prowesse ād of che­ualrye of the knyghtes wy^t the whyt armes. so that the daulphyn & the o­ther grete lordes had grete desyre to knowe what they were and to haue their acqueyntaūce / but they deꝑted so secretli fro the felde that no mā knewe where they were become / nor what waye they toke.

After all thys was thus doon / the knyghtes retorned into theyr coun­trees spekyng euer of the ryall feste / and chere that the daulphin haddoon to thē / & of the prowesse of the whyt knightes / & of the right souerayn be­aute & noblesse of vyenne: ād in the [Page] mene whyle there moened a stryf be­twyxte the baron̄s and knightes of Fraūce & of england. for sōme were there that were ameroꝰ of the doug­hter of the duc of Normādie / & sōme were that loued & bare oute the be­aute of the syster of the kyng of En­glond. sayeng she was fayrer then̄e vyēne was / & other were there that helde cōtrarye oppynyō sayeng that the Daulphyn [...] doughter vyēne pas­sed in beaute al other wymmē in the worlde: & for thys reason was grete debate & stryf betwyxte the knightes of fraūce & thē of englod for the be­aute of these thre damoiselles.

Euer multyplyed & grewe more the br [...]yt & the renōme of the daulphī bicause of the youstes and tournement doon in his cite of vyēne / whereof he had grete ioye / for they had be somo­che honourable & plaisaūt to al knig­htes. And viēne euer thought in hyr self who might he be that had goten the worshyp & prys of the ioustes ād sayd to ysabel / Neuer truste me dere sister but the knight to whō i haue ye­uē the sheld of crystal & my garlōd is he that so swetely sāge for the loue of me to foreour chābre. for myn hert gi­ueth it me / & by my fayth syster he is ful noble & worthy / & in all his dedes right curtois & gētil as we might ha­ue seē whylere wherfor i say iou my swete sister that in hī i haue putte the rote of myn entyere herte: my wille & al my loue: nor neuer i shal haue plai­sir ne ioye vnto the time that i knowe what he is / for my loue is al hys. & of what soo euer estate he be of I neuer shal take myn herte fro hī. Then̄e be­gan she to wayle ād fyghte for the lo­ue of him ful tender li. for tyl now she had not felte the sparkles of loue that sprāge out of hyr hert. but parys kne­we nothing her of that she desird to haue him & to knowe what he was But he kepte hys loue secrete in hys hert / For he durst not shewe it vnto hyr: wherfore he ledde his lyf ī grete tristesse & sorowe he wēt euer in the felawship of the bisshop of saīt laurē ­ce: & made semblaūce of nothing / ād james the fader of paris that had seē the noble feest & the ryall ioustes ī the cyte / wenyng to hī that his sone pa­rys had not ben there was full sory: & had grete displaysir of it & said. fayr sone parys i am in a grete malēcolye & in a thought for you that ye be not so yoeful ne mery as ye were wonte to be. here a fore time i sawe you euer redy to the ioustes and to all maner faytes of chyualerye for to gete ho­nour. & I now see yow al chaunged syn ye took acqueyntaūce wyth this bysshop / for lothe I were to see yow bycome a man of relygyon as I fe­re he will brynge yow to / and right wrothe i am that ye were not at that noble and ryall tournoyment that hath be holden in vyenne for the sa­ke of all the ladies of thys lōde. wher­fore dere sone i praye you to take he­de to your self that ye lese not your go­ode renommee. your worship ne the praysyng alsoo that ye haue getyn ād wounne afore time. And that ye [Page] spende not your yongthe in ydelnesse And paris heering all this answer­d noo thing to hys fader but abode stylle pensyfull thynking on the gret beaute of vyenne

Now sayth thistorye that as ye ha­ue herde aboue a grete stryf befyll a­mong the knightes afore sayd for the loue of the iij. damoiselles a fore sayd For the erles sone of flaundres was gretely wrothe for this cause wy^t the duc of breuuez: & had beten & hurte sore ech other so that non might ma­ke the pees betwixte theym For ey­ther of them mayntened & bare oute the beaute of his lady: ¶ It happed then̄e that fyue knightes hardi & va­lyaunte came forth the whiche sayd that they were redy to fyght and for to proue by force of armes that flo­rye the dukes donghter of normādye was the fayrest damoisolle of all the worlde / And incōtinent stert vp fy­ue other knightes that sayd & mayn­tened that Cōstaūce the kinges sister of Englod was the fayrest / And fortwith other [...]. knightes rose vp that mayntened & vphelde the beaute of vyenne aboue alle other wymmen ī the world ī somoche that this deba­te cam to the knowleche of the king of Fraunce whiche sayd that herof myght growe a grete trouble ād dis­corde among his baron̄s & other lor­des Soo sente he worde to them that they shold come toward him. & that he shold gyue suche a sētēce vpō their stryf / that they al shold be therof cō ­tente. the whiche message plesed thē well and came alle toward him as­sone as they might And whan they were come to fore the king they spo­ke of their stryf / But anone the king ordeyned a ioustes for the loue of the sayd thre ladyes / & made his maūde­mēt that they al shold come wy^t their armes ād hors for to iouste the viij. day of septēbre in the Cyte of parijs. & they that shold do best in armes at the day they shold haue the prys & th worship of the feste and the lady: on whos beaute thei helde which shold be reputed & holdē for the fayrest da­moisel of alle the world / The kyng of Fraunce then̄e sente worde to the fads of the forsayd thre ladyes pra­yeng them to come at the same feste. & that eyther of them shold brynge wy^t hym a p̄sent of rychesse the whi­che the presentes sholde be yeuē in the worship of their thre doughters: to the best doer in armes in tokē of vic­torye And thus the king of Englōd fyrst sent for hys syster Cōstaunce a fayre crowne of gold alle sette with perlys and precyous stones of grete valeur / The duc of Normandye for loue of hys doughter Florye sente a right fayre garlond sette wy^t diuers perlys & p̄cious stones moche ryche & of grete extimacion And the daul­phyn for loue of his donghter vyēne sente a moche ryche coler of gold all enuyronned wyth precyous stones of dyuers colours / the whyche was worth a right grete tresour. ād these thre Iewelles were delyuerid to the king of Fraūce / The forsayd knyg­tes [Page] then̄e made thē redy & apparayl­led all thīges accordyng to the ious­tes. & in riche araye came al to the cyte of parijs / And wete ye well that in Fraūce was not seen afore that day so grete noblesse of barōs & knightes as were there assēbled / for there we­re the most hye princes ād barons of Englōd of Fraunce & of Normādye and eyther of them dyd sette all hys wytte and entendement to vpholde and bere oute that they had purpo­sed and sayd. and euery baron gaf his lyuery that they shold be knowē eche fro other. and the brnyt and re­nomme was that my lady Constan̄ ­ce shold haue thonour of that feste for thys that many a fayre and hardy knyght made them redy to maynte­ne the quarelle of hyr beaute / but ne­uertheles eyther of these thre parties hoped to haue the worship of the fes­te: & parys that was in vyēne the ci­te: and that wel knewe the grete ap­paraylle of this feste toke counceylle of Edward his felawe. Whether he shold goo to parijs or not / And Ed­ward counceylled hym to goo thy­der. so that he wente secretly. & sayde yf ye goo thyder secretly and yf god gyue you grace that ye gete the wor­ship of the feste / grete wele ād good shal come to you therby. ād yf ye goo and be knowen the daulphyn & the other lordes shall not preyse yow soo moche as they shold yf ye were vn­knowen for cause that ye be not of so grete lygnage as they be. an other is yf ye goo openly ād that my lady vi­enne happeth to haue thonour of the feste bi your prowesse. she shal noug­ht be sette by / ꝯsidering the other gre­te lordes that shal be there proceding your degree / & if she gete the worship of the feste by a knight vnknowē the loue & honour shal growe the more ī hyr courage toward hym that thus hath doon for hyr sake. Wherfore I coūceyl you to goo thyder in the most secretest wyse that ye may / For my truste is that ye shall gete grete wor­ship there: ād but yf ye goo / truste me I shal make my self redy to god thy­der for you / For i wil be lothe to see the beaute of my lady vyēne to be re­buked. At these wordes graūted pa­rys to goo to the sayd ioustes. & whā he was redy and had all thinges ac­cordyng to a noble knight. he deꝑted ī the seccretest manner that he might toward the cyte of parijs / where as the king of fraunce maad grete ꝓ­uysion of all maner metes & of all o­ther thinges necessarie to suche a ry­al feste / & in the myddes of the cyte of parijs he ordeyned the place where the knightes shold iouste ād dyd doo make many fayre scaffoldes for the ladyes & damoiselles to be sette on / for to beholde the youstyng. Also he dyd do make thre baners ful fayre & rych The first baner was whyt: & there was wrytō vpō hit in letters so gold Vyēne doughter to my lord god froy of alēson. daulphyn of vyēnoys The secōde baner was rede. & was writō [Page] theron in letteres of gold Constaun­ce the kinges syster of englond The thyrd baner was whyt & in letteres of gold was wryton theron Florye doughter to the duc of normandye: & these. iij. baners were pyght vp at iij. cornes of the felde. and wete ye that so grete prees was there that the pe­ple took theyr place vpon the scaffol­des two dayes afore the feste for to see the grete peple and the fayr ordy­naunce that there was

Whā it was so: that the lordes we­re redy of alle thynges that were ne­cessarye / and were deꝑted fro theyr countrees they assembled al at parijs the xiiij. day of septembre. and neuer tofore was seen so grete a companye of nobles For fro alle partyes was comen grete cheualerye. the somme for to do armes: and the other for to see the feste / whiche was moche sūp­tuous and noble / & whan the day as­sygned came of the Ioustes / On the mornyng erly he dyd doo sette these thre yoyaulx or yewels ī the baners the which shone & resplēdisshed mo­che meruayllously for the nombre of perles and precyons stones that we­re in the baners. Now it shold be o­uerlonge to recyte of the barons and of the knightes that were in that io­urneye: For many were comen thy­der fro the Royaume of spaigne of aragon and of many other coūtrees for to proue their strengthe / and persones. and for to mayntene the baron̄s that mayntened the thre ladies ma­ydens Of whome we shal reherce of the pryncypallest here after the shor­test wyse we may And whan it ca­me in the mornyng that euery man was / armed & apparaylled in. the fel­de / and that the kyng of fraūce was sette in hys grete scaffolde / and begā to say al alowde ād moche meruail­lous [...]y / that alle the people myght he­re and vnderstonde. Knyghtes ād barons that ben here for to do the fa­yte of armes goo ye euery che vnder that baner that he wil mayntene for the loue of hys lady / and we gyue in commaundement that this felde be of loue and of courtosye. as it to you apperteyneth / how be it we wyl wel that eche of you doo vaylyauntly his armes and his chyualryes for that damoisell whiche he wyl mayntene : ād he that shal wynne the felde shal haue the prys & thonour of the feste / & that lady or damoisel shal be main­tend and alowed for the most fay­red damoysele of the world. & shal ha­ue the prys & thonour of thē of En­glond of Fraunce and of normādye And that to this noo man be so har­dy to gaynsay vpon the payne to lo­se hys lyf And yet after this he sayd ye, see here a fayre crowne / the why­che the quene of Fraūce hath ordey­ned: to thende that it be delyuerd to the fader of the damoysel that shall haue the prys and honour of the fel­de and of the Ioustes / and the kny­ght that / shal gete the prys & thonour of the ioustes shal haue the iij. baners [Page] and the thre jewellys that ben in thē & cōmaunded that the baner of nor­mandye shold fyrst make his mustre & nexte te baner of Counstaūce / and then̄e that of Dyenne

¶ And fyrst vnder the baner of nor­mandye were they that folowe / that is to wete Iohā sone of therle of flaū ­ders Phelip of bauyers nevew of the kinge of fraūce. Edward sone of the duke of Bourgoygne. Iohan erle of Armynack / Balaxo brother of the marquys of Saluce: Geffroy duc of pycardye. and after them came ma­ny other wel armed & habylled / Af­ter came the baner of Constaūce. the whiche accompanyed johan sone of the duc of bremeds / Gastamōs of gastamons of gastre brother of the erle of foyes Anthonye alegre sone of the duc of Carues / La [...]er nevew of the duc of bourgoigne / The honourable Iohan of braban. Salamon de laun­son brother of therle of the marcke / & after them came many other barons and knightes And then̄e after ca­me the baner of the fayr vyēne / The whyche accompanyed Hughe sone of the duc of bourbon. Edward so­ne of the king of Englōd. Wylliam so­ne of the duc of barry: Antonye sone of the coūte of prounyce. Parys sone of syrjaques of vyenne: Dormādo of monferant / sone of the marquys. thre sones of the duc of Carues. Iohā pe­ryllous duc of Normandye. & after them came many other baron̄s and knyghtes wel armed & wel horsed / And whan the mustre was made / euery baner retorned in to his place / which moche noble and meruailloꝰ thynge was it to see: and to byholde the noblesse of baron̄s & knightes soo wel horsed and armed as they we­re. and the daulphyn and syr jaques fader of paris were comen to see the feste & the joustes

¶ How parys wan the prys at the joustes in the cyte of Parys.

[Page]

WHan then̄ it came to the ho­ure of tyerce began the ious­tes and cam into the felde moche nobly armed Iohan sone of therle of flaundres: ād ageyn him ca­me Iohā sone of the duke of breuuez & coped togyder so fyersly: that they brake theyr speres. and iohan sone of therle of flaundres tumbled to ther­the vnder hys hors: & after ayēstho­han de breuuez came Edward sone of the duke of bourgoyne These two knightes bete doun puyssaūtly johan de breuuez / vnto the tyme that there came ayenst him Iohan perylloꝰ duc of normādye. whiche smote him wy^t so grete force that he ouerthrewe hī vnder his hors & brake his arme ād put him in suche estate that he wyst not whether it was day or night. ād ayenst Iohan perilloꝰ came Antho­nye alegre sone of the duc of carues & dyd so moche prowesse with his persone that he conquerd Iohan peryl­lous and. v. other knyghtes myghty men of hys partye. whom he smote to the erthe by force of armes ¶ After came ageynst Anthonye ale­gre Geffroy of pycardye: and smote Antonye alegre in suche wyse that he fyl to the erthe / and. vj. other strō ­ge knyghtes of his partye. ād after dyd soo meruayllous feates of ar­mes / that euery mā sayd that he had [Page] thonour of the felde And then̄ came the free knight parys ayenst geffroy beryng lowe his spere / & they gaf so grete strokes that the knightes & hor­ses wente al to therthe / wherfore the king sayd / that sythe bothe two we­re throwē to the erthe / that thei shol­de retorne ageyn to the ioustes. & pa­rys with a grete desyre consented / & soo bothe retorned & came rennyng. And parys gaf to geffroy so grete a stroke / that his hors stode and theūe geffroy ouerthrewe to the erthe. but by cause that the hors stoode / it was sayd that the hors was cause that he ouerthrewe. For moch they mayn­tened geffroy & sayd that he was not vaynquysshed: & that it shold be wel doon that they shold iouste ageyn / ād by cause that parys was not knowē ther was none that mayntened him ne susteyned / neuertheles the king of fraūce knewe wel that geffroy was vaynqynysshed loyally ād well For he had wel seen the aduenture. and wold do no wronge vnto the knight whiche was of grete strenghte and myght & anone sente him an heraul­de which sayde to him in the name of the kinge of fraūce / that the king had wel seē & wel knowe that paris had vaynquysshed his knyght / notwithstan̄ding yf he wold yet ones retorne to the iouste by his noblesse: that he shold doo hīself grete honour / & then̄ parys maad his āswer sayeng that the beaute of hys lady vyēne was so grete that in al the worlde was none to hyr lyke. that yf it pleased y^e kīg. he was redy for to furnysshe the ioustes for his loue ayēst the knight an other tyme / and to iouste tyl that geffroy shold be vaynquysshed & that was wythoute ony gayn sayēg & the he­raulde retorned & tolde it to the kīge Wherof the king was wel contēte ād sayd that the knight ought to be somme grete lord. for he was of gre­te valour & puissaūce & spake moche swetely & curtoyssy. And after parys chaunged & took an other hors. Whi­che Edward his felawe had made redy for him and retorned to the iou­stes / & smote to gyder with soo grete might: that by veray force Geffroy went to the erthe vnder his hors ry­ght euyl hurte.

Then̄e whan it came toward euē / the ioustes were so grete thicke and stronge / that alle the thre partyes as well of one as of other were throwē doūto the erthe: that there abode no moo of the partye of vyēne vnt paris allone: and of the partye of norman­dye thre knightes stronge & puyssaūt And they were Balaxo Brother of the Marquys of Saluces: Iohan so­ne of the erle of Armynak / And phe­lyp of banyere / And of the partye of Constaunce other thre stronge & mi­ghty / that is to wete Iohā of brabād Larer neuew of the duc of bourgeyn & Salamon dalāson Brother of the coūte de la marche: & they sayde that the iustes shold abyde ty [...]on the mor­ne: For they were moche wery and [Page] whā parys saw that thei wold haue retorned / he fewtred his fyere / and there cam ayēst him balaxo brother of the marquys of saluces / & parys at the first stroke strake him doun to the earthe vnder hys hors / & in lyke wise dyde to the other. v. & moche nobly & valyauntly he wanne thonour of the ioustes & of the felde

How the kyng cōmaunded that the thre baners wyth the thre jewellys / shold be gyuen to Parys champyon of vyenne

THe ioustes fynisshed paris wāne the beaute of thys la­dy the fayre vyenne. and he was ledde to the scaffolde: where as the kinge was / & the other grete lor­des & knightes. & there were delyue­rid to him the thre baners & the thre iewellys that were in them / and pa­rys shewed them thurgh all the fel­de / in signe / that the sayd Dyenne had gotē thonour for to be the fayrest da­moysel that was in alle the worlde / by the same yōge knyght / And whā parys had the thre fayr baners and the thre ryche ye wellys / He and Ed­ward hys felawe departed owt of the cyte of parys and oute of fraun­ce: the moost secrete wyse that they might: ād retourned in to daulphi­ne / Parys retorned into the compa­nye [Page] of the forsayd bisshop of saint laurence. as he hadd not been at the feste: & alway he demaunded tidin­ges of the ioustes that were made in fraunce. ād who had thonour of the ioustes

Whā the feste was made all the barons & knightes that were there had grete desyre to knowe. who was he that so vaylliauntly ād so nobly had wonne the yourneye and the honour of the ioustes for to doo to him wor­ship. but they coude neuer knowe hī: wherof they had grete displaysir / ād said that the knight was of grete wi­sedom: bycause he wold not be kno­wen. And after this the baron̄s and knightes took leue of the kyng / and retorned into their londes al discom­forted: by cause they had not gotē the honour of the feste. ād yet were they more angry bicause they knewe not to whome the honour was gyuē of the feste ne of the ioustes The kyng of fraunce whiche moche loued the Daulphin made to him grete feste & moche grete honour / And the king delyuerid to him the crowne that the quene had gyuen for to gyue to hyr that shold haue the honour of the iou­lies. to thende that he sholde gyue his vnto his doughter vyenne in sygne & tokē that she was the most fair da­moisel of the world. and whā al this was doō. the dolphyn & the fad of pa­rys retorned into the dolphyne ī mo­che grete honour & grete ioye. Whan vyenne knewe that hyr fader came she came and mette him as she was acustomed: Then̄ whā the daulphi sawe hyr. he kyssed hyr & sette on her hede the crowne which the king had gyuē him. & told to hyr how she had goten thonour for to be the most fay­rest damoysell of the world / & loo he­re is the fayre crowne that the quene of fraūce sēdeth to yow in tokē that ye haue gotē the honour / Notwyth­standing fayr doughter. that ye haue hadd many contrarye therto / but ye haue had a good deffēdour & ryght stronge and hath wel quyted him in your nede: For of eche partye were abyden thre knightes moch strōge & puissaunte. ād on your ꝑtye was left but one knyght onely whiche vayn­guysshed all the other / without ony token / & is deꝑted alle secretly that no mā knewe him / ne the king of fraū ­ce hath no knowleche of him. but he hath borne awaye with him the thre baners & the iij. jewellys that were in them / and also the prys & thonour of the feste. Wherfore swete and fayr doughtere: ye wote neuer to whō to gyue thākinges of so moche honour / as hath be don for yow / but ye praye to god of henen and to the gloryous vyrgyn marye. that it playse him to gyue to him good & honour. ioye and excellence. & in alle his faytes victo­rye. lyke as he is chyef & hede of alle honour and of al cheualerye in thys world. For i neuer sawe ne herde of knight that so gracyously and so cur­tously bare him in his armes & in his [Page] chyualryes / and whā vyenne herd speke of these tydinges. ād sawe the grete honour & prys that the had go­ten and al was comen by this noble knyght / she sayde to ysabeau hyr da­moysell. My syster sayd I not to you wel but late. that I was byloued by the moost noble and vayliaunt kny­ght of fraūce. & bi my fayth my swe­te suster: this is he that so swetely so­ge & that wanne the youstes in this cyte & bare wy^t him the shelde of cris­tal & my garlonde & went his waye so that noo man might knowe hym Aduise you wel fayr syster what ho­nour is comen to me by his prowesse & by hys bounte. I may wel be sory & dolant whan i may not knowe who he is & myn herte is moch heuy and myn entendemēt that i neuer cā fyn­de the moyen to see & knowe him. ād yet she sayd Certes my swete suster isabeau i beleue that my dayes be sh­orte. & that i shal deye of somme cru­el and fals deth / for the grete display­sir that I haue continuelli in my hert For i can none other thynge doo but wepe & waylle / & alle waye to conty­nue in soroufuti lyf & heuy / but none apꝑceyued it but onely hyr damoy­sel ysabeau

The fader of paris whiche had ben with the daulphyn in that feste had not seen there hys sone parys / wher­of he had grete sorowe in his herte. For he had seen that he was acusto­med to be in al noble ioustes / but thē ­ne he sawe him goo with the bisshop of saint laurēce: & disposed him not to doo armes as he was woned: wher for he sayd to him on a day: My sone i had hoped to haue had in the gre­te ꝯsolaciō / but nou thou bryngest me into grete heuynesse & displaisir. whā i see that thou wilt not departe from thys bisshop. Wherfore I praye the / that thou leue hī: & do so that it may be to me playsaunt & to the honneste Parys herde him wel. but he gaf not a word to āswer. The fader of paris seyng this wēte to his secrete felawe Edward & said to hī / I see well that the grete amytye & loue that ye haue to my sone & knowe ye for certai that I haue in my hert grete melancolye whā i remēbre that parys hath had grete honour & fame of chyualrye. & now i see that he [...]gooth al wy^t this bisshop. & leteth his hawkes his hon̄des & hors to deye for hōgre. Wherfore I praye you that ye will gyue me some coūceyl: which am so meschaūt that i deye for sorowe. & whā he had sayd these wordes / edward had pyte of hī & cōforted hī the besie wyse he conde & departed fro him & wēte strayte to his felawe Parys & sayd to hym. I knowe wel that loue ꝯstrayneth the so strongely. that thou hast no power ouer thy self / Wherfore thy lyf may not longe endure And also thy fader and thy frendes ben euyl cōtente ay­enst the. and i saye to the that for to be v (er)t [...]oꝰ & vayliaūt it playseth moch to god / & for the loue of one woman thou doost moch desplaisir to thy fa­der. [Page] And also for noo persone what someuer he or she be / thow oughtest not to lese the wele & renommee that thou hast of chyualerye. It appyreth not in the. that thou hast ony vertue / or courage / Wherfore i praie the that thou wylt do some thing that it may be playsaūt to thy fader / which hath desyred & prayed me that I shold soo say to the. Whan parys had herd al thys: he āswerd & sayd to hī kno­we wel that these thynges that thou hast sayd to me beē vertuous & hō ­nest / but thei been to me grevous. for to put me from the thoughtes in the whych I am cōtynuelly. Neuerthe­les i praye the that thou gyue me co­unceyl what is beste that i doo Then̄ sayd edward if shold wel playse me yf it were thy playsir that we sholde goo into braband: For it is vj. mo­nethes passed that I haue not seen my lady. & there shall we do armes / by whyche we may gete fame & ho­nour / & parys agreed therto / sayeng that he was contente if it playsed hī so to do. and incontinēt they made re­dy theyr harnoys and horses / and alle thynges necessarye to them: and or parys departed he put in his chā ­bre alle the thynges and pryses that he had wonne by cheualryes. ād clo­sed them fast in hys chambre / & deli­uerd the keye to his moder. and pra­yed hyr moche derly: that she shold not open yf / ne suffre that ony perso­ne shold ētre therin. And after they wente toward Braband. Where as they dyd grete feates of Theualerie & ioustes / wherof they gate grete ho­noure and worshyp / and were mo­che praysed of ladyes and damoy­selles / And parys made coūtenaun­ce for to haue abyden in braband for the loue of edward. but his herte dre­we vnto the fayre vyenne / whome he so moch loued in his herte secretly

¶ How Dyane and vyenne hyr doughter wenten to vysite the fader of Parys / the whyche was seek

[Page]

NOw it happened that durig this tyme that Parys & Ed­ward duelled in Braband: the fader of parys fyl in to a sekenesse of feures or accesse. And the cause came of the thought that he had of hys sone parys And he beyng seek / the daulphyn wente on a day to see him and demaūded the cause of his ma­ladye. and cōforted him the best wi­se that he coude. and after retorned home / & sayd to his wyf / that it we­re wel doon that the shold goo see ād vysite messyre jaques: whiche was seke. & forth with incōtinent my lady diane. hyr doughter vyēne & ysebeau hyr damoisell wy^t a grete companye wēte to the castel of syr jaques / and sale wed hym moche nobly as it wel apperteyned. and the best wyse that they myght: And whan they were in the chābre where messyre Jaques was ād laye / Dame dyane demaū ­ded him of his sekenesse. and messyre jaques said that all his / dysease came for his sone paris / bycause he loste so hys time / ād that he went alway wy^t the bisshop of saint laurēce. Wherof i fere me that he shal become a man of relygyon / I haue no moo childrē but him / I wote not what i shal doo wy^t the goodes that god hath gyuen to me. and my lady diane conforted hī. and sayd that hys sone was moche [Page] wel belould of the daulphyn / & that he had moch grete amytye of many grete lordes barons and knightes. & alsoo she sayd that among alle thyn­ges he shold ordeyn̄ for his helthe / & after al thys: the moder of paris pra­yed hyr that it might plaise hyr to co­me see the castell: and she answerd that she moche desired it / Then̄e the moder of paris shewed hyr al the castel & ledde hyr into an halle all ful of armes and abylemēts of warre / for to fight in bataill. After she ladde hir ito an other hall where as were ma­ny hawkes / faulcons & many other fowles of chace. and after in to ma­ny other halles & chābres rychely a­rayed which were ouer longe to re­herce: And after the moder of paris shewed vnto hyr the chābre of paris where that he slepte. Wherin were many habillemēts / which shold wel suffyce the chābre of a grete prīce / ād in the sayde chābre were twoo grete stādardes couerd after the guyse of fraunce. That one was full of clothe of goolde & sylke: & that other of har­noys & of other many thīges. Then̄ sayde vyēne to ysabeau / bi my fayth fayre syster I haue no grete meruai­le of this yōge knyght paris though of him be maade grete mēcyon For thordynnan̄ce of thise thinges shewe wel that he is of grete valure. and in beholdyng of these thinges she sawe acouerture of an hors alle whyte: & hyr semed that it was the same that the knyght bare that wāne the prys of the ioustes that was made in the cyte of Dyenne / and that had the shelde of crystal: & the garlond why­che she tolde to ysabeeu. & ysabeau āswerd to hyr / neuer thinke ye soo / for alle day been made semblable couer­tures ād tokenes whyte: wherof ye may wel be deceyued. And Dyenne enforced alle waye hyr selff to take better hede. and of the grete ioye that she had she sayd to hir moder Mada­me I am a lytil crased & sodaynli ta­ken. Wherfore if it playse you i wold fayne reste a lytel in this chambre: & late me be alle allone wyth my syster ysabeau / For I wil haue none other and anone eche body auoyded owte of the chambre: & ysabeu dyd shyt­te the dore that none might come in.

Then̄e sayd vyenne: now / we shall see yf we may fynde ony thinge that we may haue better knowleche of for myn / herte sayth yes / After that they had serched and vysyted alle the chambre: they cam on a syde of the chambre where they fonde a ly­tel dore: of whiche henge a lytel keye by a th̄ wāge / and anone they opene­d the dore and entred therin / And there was a lytel chambre whyche was xij. foot longe. ād was an ora­torye. Where as was the mageste of our Lord Ihesu cryst vpon a lytell aulter. & at eche corner was a cādel / styke of siluer / ād thyder cam parys for to make hys sacrefyce whan he aroos / & whan he wēte to his bedde. [Page] And there were the thre baners that the noble knyght parys had wonne in the cyte of Parys / and the thre je­wellys of the thre damoyselles afore sayde And in the same place was al­so the sheld of Crystal & the garlond that Vyēne delyuerd to him: whā he wanne the prys at the ioustes in cy­te of Vyenne / And alle these he kep­te secrete in that place / And whā vi­enne sawe these thinges. she was su­re that parys was he whom̄ she had so moche desired to knowe: & that so moche honour had doon to hyr. and for the grete ioye that she had. she set­te hyr doū on the groūde. & there abo­de a grete whyle & coude not speke a word ād after she spake to Isabeau and fayde. My swete syster / blessyd and preysed be our lord of this good yourney. For me thīketh I shold ne­uer departe oute of thys chambre. A alas I haue so lōge abyden to knowe who he was that so swetely played in his instrumētes so nygh vnto me and now he is so ferre. & then̄e ysa­beau began to repreue hyr ād said to hyr. Swete lady I praye you that ye say ne do ony thīg which might tor­ne you to folye / & be ye ruled by wise­dom & reason For notwithstōdyng that parys haue so moche good and vertues. yet ye ought to cōsyder that he is not egal to you in lygnage ne in estate / For i knowe wel that many noble & puyssaūt lordes haue demaū ­ded you in mariage: & loue you ād do grete tginges for you. & also thonour of parys whiche is your vayssal ād subget is not egall ue worthy vnto you / ¶ Then̄e vyēne was moch an­gry on ysabeau / & began to say: A ve­ray god I am well discomforted by the. that thus agayn sayest me of hī / that I so longe haue desyred to kno­we: Alas I haue supposed that in no­thing ye wold haue displaysed me: ād in good fayth I sayde to the that this man I wil loue and demaunde and I ꝓmyse the in good faith that yf thon ony more gaynsaye me i shall flee my self / and thenne thou shalt be cause of my deth / For I wil not lese him that I haue so lōge loued But I say to the for trouth that if thou euer say to me suche wordes of my frende paris. that thou shalt neuer after ha­ue space to say them ageyn an other time: for thou considerest wel his no­ble cōdicyōs & acustomes / thou shol­dest preyse hym better thā thou doost & knowest not thou wel that the kīg of fraūce wold that it had coste hym half hys toyaume that hys sone Lo­wys were as vayliaūte as parys is And also there be many notable lor­des that desyre to knowe his name / and to haue hys amytye

Then̄e take hede and byholde by my fayth: yf euer thou sawe man that myght be compared to him. certayn­ly alle vertues been in hym / and sy­the that fortune hath brought me to hys loue / he is worthy to haue my loue. and yet more than is in me / ād haue I not reason and cause thenne [Page] to loue him / whiche hath doon to me so grete good & honour. & doubtyng noo peryl of his ꝑsone. & is it not well grete worshyp to my fader / to haue for vaissal & subget the beste knyght that is noo al the world For in all the world is noo knight that i wolde for­sake parys fore: ne one that hath doō so moche for me / And thus to speke of the feates of parys she coulde not stynte. Then̄e came two damoysel­les knockyng at the chābre dore sa­yeng. Vyēne ye must come to my la­dy And ysabeau sprang oute sayēg that she sholde come anone: And vienne seyng that she must nedes deꝑte fro thens sayd to ysabeau My suster syth we must deꝑte hens late vs ta­ke somme of these jewellys. and we shal kepe them secretly tyl that paris becomen and we shall see what cō ­tenaūce he shal make in him self.

When̄e they took the colyer and the whyte baner of vyenne ād other ie­wellys & hydde thē vnder theyr clo­thes. & wente into the chābre of mes­syre Iaques: But vyenne desydered gretly to speke with paris & thought lōge or he came home. & in the mene whyle messyre jaques recouuerd of his maladye & bycam all hool wher­of vyēne had grete joye. but she durst not shewe it / ¶ How parys ād Ed­ward retorned oute of braband

After certayn tyme that Pa­rys had be in Braband wy^t hys felawe Edward / he de­syred strongely to see the fayr vyēne For the loue of hyr destrayned hym moche strōgeli. Neuertheles he durst not telle it to his felowe / to thēde that he shold take noo displaysir of his de­partyng / And sone after the space of v. dayes parys receyued a letter that his fader was seek / & thenne he sayd to Edward / Ryght dere brother and felawe. plesith it you to wete that mi fader is fore seek. and me semeth hit were good that we departed yf ye consente. but I praye you that ye ta­ke noo displaysir in thys departyng for yf it play se good we shal sone re­torne And edward seyng the iuste reason of parys and his good wylle: sayd to him that he was wel cōtent & plesyd Wherfore incontynēte they departed oute of Braband and ca­me into the cite of vyēne. of whos co­myng messyr jaques had souerayn plaisir / specially bycause he had herde that parys his sone had doō valyaūt­li feates of armes. Now it happed that whā parys was arriued at ho­me wy^t his fader like as he was acustomed alle way to fore or he wēte to his bedde. he wēte to make his oroi­sons & prayers / & after he aduised if he lacked ony thinge. & fōde that tho thīges that he loued heste were takē awaye / wherof he was moch angri & as half in despair: in such wise that all the nyght he coude not slepe: and whā it cam in the mornyng he came to his mod & sayd Moder how is it y^t ye haue not kepte my chābre cloos [Page] and shytte / For I lacke certayn thī ­ges whiche i wold not gladly lese / & haue for them grete dysplaysir / To whom hir moder answerd My sone by my fayth / there neuer entred the­rin persone. but on a tyme whā your fader was seek / came my lady diane and hir doughter Vyēne / and whā they had vysited your fad: they wē ­te al aboute for to see this castel. and then̄e they entred in to your chābre / But I can not thynke that they took ony thing for they taryed not longe Sauf onely vyenne whiche taryed onely allon̄ sauf hyr damoisel. bi cau­se she was euyll at ease at hyr hert / wherfore mi dere sone parys i praye you to take noo displaysir. And then̄ parys sayd to hym self. yf none other theef haue taken it sauf she / i shal not be dyscouerd Neuertheles i wote ne­uer yf vyenne hath taken it awaye. for ony thinge. ¶ And after he a­rayed him self and cladde him moch nobly & wente to do the reuerence to the Daulphin and to dame Dyane. And after to vyenne their doughter ād the daulphyn receyued hym mo­che curtoisly. & the daulphyn demaū ­ded him tydinges ād of many other thinges. And whā the fayr lady vi­enne sawe parys of the grete desyre / that she had to see hym. & of the gre­te loue that she bare to him: alle hyr chere was coloured like a fresshe ro­se in the monthe of maye / and coude not be contente ne fylled to beholde hyr fayre loue & frende parys. And the more she behelde hym: the more grewe & entreaced hyr loue toward hym: ād parys beyng tofore the da­ulphyn on hys knee moche humbly: durst not loke on vyenne But in hys herte he had grete paine. & who had wel beholde hym / had wel seen in his vysage hys thought And after that the daulphyn had demaunded him of that it plased him / Parys took le­ue of the daulphyn: ād of my lady di­ane. & of vyēne theyr doughter. & re­torned home to his faders hous.

After a fewe dayes Vyēne in suche wyse as loue destrayned hyr sayd to hyr damoisel ysabeau / my syster kno­we ye for trouth that me semeth that parys is moch pēsyf / & I beleue that it is for his thinges whyche he fyn­deth not in his oratorie. me semeth it is beste that we lete him haue know­leche that we haue them. Isabeau ās­werd / it were wel doō soo: but that it be doō honestly & secretly: Then̄ said vyenne. i shal aduyse the maner Af­ter certayn dayes vyēne sayd to hys moder / madame i lete you wete that I am a lytyl charged in my xscyēce. & i wold fayn confesse me to somme good persone. ād it is tolde to me that the bysshop of saīt laurēce is a moche honest mā & deuoute / wherfore ma­dame i pray you to sende for hī that i myght spek wy^t hī. & my lady dyane seeyng the good will of hyr dought sete for to fetche the bisshop. And vi­enne xfessyd hyr to hī moche deuou­tely speking alwaye of our lord & of [Page] hys commaundementes / and after that she was ꝯfessyd. she prayed the bisshop that he wold come ageyn on the morn̄ / for she fonde grete cōforte in hys wordes: and that she wolde telle hym somme thynges in grete se­crete. And on the morne the bisshop came ageyn to vyēne / & vyēne sayd to him thus My ghoostly fader som­me thynges haue been taken a way in a place / the whyche longen to pa­rys sone of messyre Iaques And the persone that hath them hath therof conscyence / And therfore I praye yow as moche as I may. that by yo­ur benygnyte ye say to him that if he may. he come to morne hyther wyth yow: & the bysshop whiche hym noo thing of thenter thought of vyenne said she brynge hym wythoute fau [...]

¶ How the fayre vyenne discou­uerd hyr corage to parys

[Page] [...]N the morne the bisshop ca­me moche diligently & brou­ [...]ir parys with hym. And [...] parys withoute to make ony sem [...]launte of loue / ād pa­rys rendred his salewes ageyn mo­che humbly / & then̄ vienne withdre­we hyr fro the bysshop & the other / & sayd to parys. it is not longe sythe ye were goon in to braband & that i ac­cōpanyed my lady my moder for to goo vysite your fader whiche then̄e was seek / & we sawe & behelde al the the castel vntyll we came to yowr o­ratorye. and there I sawe certayn re­wellys whiche moche well pleased me & i toke them & haue kepte them vntyl this present tyme. and I shall now rendre them to you ageyn. and therfore I praye you that yf I haue doon ony displaisir or maad ony de­faulte that ye wil pardōne me. For i ꝓmyse to you by my fayth that i ha­ue doon it for noō euyll. To whome parys answerd humbli & with grete reuerēce & sayd moch curtoysly. ma­dame by your courtosye ye came to vysite my fader. of whiche visitaciō not onely my fader. but alle our fren­des / haue receyued grete & souerayn honour: wherfore myn excellēt lady My fader my moder and I been alle youres / & alle that we haue also And yf by aduenture your ladyshyp had ony playsir to take of my jewelles: I ensure yow by my fayth. that myn hert hath therin moche greter play­sir thā hert of man may thinke: and yet more sholde haue yf the sayd Ie­wellys were better the half thā they be / Soo then̄e I praye you ryght ho­nonrable damoisel that ye wil ꝑdōne me For not all onely these jewelles whiche been of lytel valewe but my fader my moder and I beē all youres and alredy to obeye to your seruyce / and knowe ye verayli that it is not longe sythen. that the sayd yewelles were by a frensshe knyght gyuen to me.

Thenne sayde Vyenne ye nede not to say to me fro whēs these jewelles ben comen For I knowe thē as wel as ye: And vyēne sayd I meruail­le me gretly hou ye so lōge haue hyd­de your loue fro me / I praye yow as moche as I may / & by the fayth that ye haue toward me that ye say to me the trouthe of that whiche I shal de­maūde you / for moche I desire it to knowe ¶ Then̄e sayd Parys right honourable damoyselle / ye ought not to praye me. where ye haue power to cōmaunde me. For alle that. your ladysshyp shal plese to demaunde me I shal say to you the trouth with go­ode hert & good wylle: Thēne sayde vyēne I wil fyrst that ye say the tro­uthe that if ye were he / that in suche a yere cam euery night syngyng ād sownyng instrumentes soo swetely to fore my chābre / After I will that ye telle me If ye wanne the ioustes y^t were maade the first daye of may in this cyte And if ye bare awaye the shelde of crystalle. and the chapelet [Page] which I haue seen in your oratorye After i wil that ye say to me / ye wā ­ne the ioustes the vviij. of septembre / whiche were made in the cyte of pa­rys / where as were soo many noble knightes & baron̄s. & yf ye had gotē there the thre baners whiche I haue seen in your oratorye / & I praye you that ye telle to me yf ye haue doon to me suche seruyce. for such thinges ye ought not to hyde. And by aduenture ye haue doō them for the loue of my fader or of hys courte: we be moche holden to you & be boundē to thanke you / and yf by aduenture for ony la­dy or for the loue of me ye haue doon it / I thanke you as moche as I may / and it is wel reason that ye therfore be rewarded: And yet sayd vyēne to parys: knowe ye for trouthe / that it is long sythe that i haue desyred to knowe: & yet desyre strongely to kno­we it. wherefore yf ye wil do me ony playsir: I praye yow y^t ye say to me trouthe / without leuyng of ony oneli thynge or worde.

Then̄e sayd parys moche hūbly wy^t grete shame fasines that he had to vt­ter the folye that he had enterprysed Ryght honourable & fayr lady i am not worthy to be named him which hath doon this / whyche it hath plea­sed yow to demaunde of me: but not­withstandyng that I be a man of ly­tyl estate I hūbly supply you that in caas ye shall fynde dysplaysir in my wordes that it playse you to ꝑdonne me / and that ye take noo displaysir i that I shal say / for your noblesse shal not be the lasse in valure. For mi ca­as enforceth me to say that / whyche is to me folye to thinke / Then̄e paris al shamefast and in grete reuerence / knelyng vpon his knee sayd Ryght worshypful damoisel parys your in­digne seruaūt is he of whom̄ ye ha­ue spoken & demaūded & shal to you obeye and serue in alle thinges that ye haue demaunded me. For sythe that I haue had ony rememberaū ­ce: my wille and my thought hath be submysed to your noble persone / ād shal be as longe as I shal lyue. Theu sayd vyēne / Parys my swete frēde. it is not now tyme that I make ās­wer to your wordes For it shold be ouerlonge to recounte. But that not­withstōdyng i wil wel that ye kno­we that your loue destrayneth me so strongely / that there is no thynge in the worlde that I loue soo moche as you / wherfore abyde in goode hoope ioyously: for if it playse god ye shall see that thys whyche I saye shall be threwe / Then̄e sayd parys Mada­me who may thynke the ioyouste in which I am by your answere whi­is to me ryght swete / For I neuer supposed to haue had so swete an āswer of you: but for to haue endured in payne & in languesshyng For not onely to me. but vnto a king shold be ouer moche to haue your loue / ād I praye god that I may doo such thin­ges as may be to you playsaunt / ād that I neuer lyue to do to you thinge [Page] that shold desplaise you: ne torne you to melancolye / & thus departed that one fro that other in gretter loue thā to fore. & took terme to see eche other ageyn as hastely as they myght: ād vyenne retorned more yoyoussy thā she shewed / and wente into hyr chā ­bre. and after the bisshop deꝑted / ād parys accompanyed him vnto hys palays. & took leue of him & retorned home into his faders loggyng / & af­ter tolde to Edward hys felowe alle the parlement that he had with vy­enne. ād Edward sayd to him. fayre brother and frende. here in is no la­pe ne truffes / but I praye you that ye do your thynges secretly for there ben many false tonges / and vyenne was moch more joyous thā she had ben acustomed / and parys also. and the sayd paris and his felawe made grete chyualtyes & dyd grete armes which where moche playsaūt to the fayre vyenne / Then̄e it happed that after certaī tyme seyng the daulphi that hys doughter was come to xv. yere of age trented for to gyue to hyr an husbond: & many tymes he had ben requyred of many noble princes but by cause he had but hyr onely ād no moo sones ne doughters vnnethe he wolde cōsente. ād in treatyng thꝰ of mariage Parys herde somme ty­dinges whereof he was fore enyoyed in hīself / and thought / Why thinke not i to haue this noble lady. whiche is so moche desyred of so many noble princes & barons. & fore bewayled hī ­self / and dyde somoche that he spake to vyenne: O swete and fayr vyēne Where is your fayr and agreable ꝓ­messe that ye made to me whan i de­parted fro yow and how may it be. that your fader speketh for to marye you.

Whan vyenne herde parys speke in this maner / she sayd to him / parys yf my fader speke to me of mariage: it is noo grete meruaylle. For i may not deffende him Neuertheles Iha­ue not consented to ony mariage / ād ye knowe wel that mariage is noth­yng worth. wythout the consenting of bothe partyes. Wherfore I praye you to be cōtente. For I promyse to you that I shall neuer haue man in mariage but you / ād I wold that yt sholde be shortely accomplysshed yf yt pleased god honestly & justly and not in synne ne in ordure: Therfore / wil that ye assaye one thinge: which shal be moche diffycile to doo & right perylloꝰ: but neuertheles it byhouneth that it be doon / then̄e sayd parys / ho­nourable lady that whiche shal play­se you to commaūde me: I shal accō ­plysshe it wy^t god hert though i shold deye And then̄e sayd vyenne: I will that incontynēt ye say to your fader / that he goo to my lord my fader. ād requyre hym that he gyue me in ma­riage to you. & that therin ther be no deffaulte: And whā parys herde the wylle and desyre of vyenne. he was as al abasshed & sayd Right honou­rable lady & how / wil ye that I deye [Page] thus / I praye you moche humbly / yf it please yow. that it be not doo thus Then̄e vyēne sayd sette ye so lytel by me / that ye will not enterpryse thys: alas where is your entēdement Ler­tes it must nedes be doon. Incōtynēt parys āswerd worshypfull lady / sy­the it playseth you / I shall accōplysshe your cōmaūdement though I shold depe therfore an hondred thou / and tymes: & thus took leue of vyēne ād wente to his fader incontinēt & sayd to him Dere fader alle waye ye haue shewed to me grete loue. wherfore i besech almighty god that he rewar­de / you lyke as i desyre Dere & honou­rable fader I wolde praye you of one thinge. & bycause it is doubtous i wil that ye ꝓmyse it to me to fore i say it to you: for ellys I wil not say it vnto you / & his fader sayd to him My so­ne there is nothyng in the world that I may doo for the: but i shal accōplis­she it by the grace of god / therfore say to me thy plaisir & wille. & then̄e Pa­rys tolde to his fader a ꝑte of the pry­uete and promesse that he had wyth vyenne / bycause he shold with the better wyll doo that: which he wold requyre him Then̄ sayd paris to his fader. the prayer that i praye & requi­re you is. that it playse you to saye to the daulphyn. that he gyue to me his doughter to wyl and in mariage / ād I humbly byseche you that herein ye will not faylle me. ād messyre jaques hering hys sone thus speke. almoost he was fro him self for the grete so he that his sone paris hath sayd to him: & he sayd in repreuyng him that he neuer shold speke more of that fayre for he wolde not deye for his dough­ter / and that he sholde demaūde of hī somme other thīges / for it were gre­te folye to speke to him of suche a thī ­ge. And parys sayd / whorshypful fa­der: as moche peryllous is it to me as to you therfore i am abasshed thugh ye reffused to doo it. But loue enfor­ceth and constreyneth me so stronge­ly that I am halff confuse: and am as wel contēte that he do it not as to doo it / but that ye do your deuoir onely: and so longe paris prayed his fa­der that he ꝓmised him to doo it

¶ How messire Jaques demaūded of the daulphyn his doughter vyēne in mariage for his sone paris

[Page]

THen̄e went messyre jaques to the Daulphyn alle / chaun­ged of colour and sayd to hī / My ryght redoubted and fouerayn lorde a certayn queste is made to me which i must say vnto you / the whi­che me semeih is of passyng lytel re­ason and therfore it must be at your mercy. ād in caas ye fynde therin displaysir that ye pardonne me / & to ta­ke noo regard to my grete folye: The daulphyn trustyng in the grete wise­dom of messyre jaques graūted hym to say what someuer he wold / Then̄ sayd messyre Jaques. Myn hye and souerayn lord: Parys my sone hath [...]rayed me so moche that I shold re­quyre of you vyenne your doughter to be hys wyf. the whiche thynge is not onely to say / but also to thīke gre­te presumpcyon and grete folye / but the loue of my sone constrayneth me soo strongely / that biforce I must say it to you. And sodaynly the daulphin was moued in grete felonny. and wold not suffre him to ēde his wor­des. but repreued him moche hardly. sayeng. Dylayne & vassal that thou arte. how kepest thou my worshyp­by god I shal wel chastyse you / that ye shal neuer thinke suche thinges. & commaūded hym that incontynent he shold departe thens: and that ne­uer he ne his sone shold come in hys [Page] syght. wherfor messire jaques deꝑted thēs moch rebuked holdyng doū his heed & retorned in to his hous / & tol­de to hys sone Parys al that had be sayd & doon bytweene hī. & the dolphī wherof paris thāked moch his fader. The dolphin wēte in grete thought thurgh the palays hauing grete īdig­nacyō & alle angry in soo moche that none durst speke to hī ne come in hys waye. ād he beyng thus in this ma­ner / he sente for his doughter vyēne / & made hir to come to him. & sayde to hyr / Whe haue had wordes of grete displaysir. This vilayne messyre ja­ques hath sayd to vs that we shold giue you to wyf & ī mariage to his sone parys. Aduyse you what wysedō it were / by god or that I shold do it. i wolde rather make you a nōne or a menchon: & it shal not be longe to. but that ye shal be hyely maryed: so that ye shal holde you ꝯtente. & here i swe­re to yow / that if it were not for the grete seruyces that he hath doō to me incontinēt i shold do smite of his he­de: & whā vyēne sawe hyr fader ī so grete agre ayēst messyre jaques & his sone. she sente to seche Edward for to come speke to hyr / & whan edward was come: wyēne sayd to hī. edward it is [...]: that my fader is moch angri ayēst messyre jaques & ayenst paris wherof I haue grete displaysir & ha­ue grete doubte that my fader wil do somme harme to parys: & therfore i wil that ye say to him. that he kepe hī self in the most secretest wyse that he may / & I shal also see the maner yf I appease his felōnye & angre Thenne Edward incōtinēt took leue of vyēne & went & sayd to hī & sayd fayr bro­ther. me semeth that it were good y^t ye departed oute of his countrey for to absente you for a space of time / for it may be that to the dolphyn shal lō ­ge endure hys āgre. as I vnderstōde by that whiche vyenne hath sayd to me: Then̄ answerd parys / yf the that ye haue coūceylled me soo. I shall do so. notwithstādyng that it shal be to me a sorouful & an heuy departyng buter I departe i shal take leue of vy­enne though I shold deye.

Tehn̄e parys dyd soo moch that he spake vnto vyēne on a derke myght / at a lowe wyndowe. where as they might wel say what ther world. i am certeyn sayd vyēne that my fad hath wille to hurte you: wherof I lyue in grete melācolye. For in al the world is nothinge that I loue so moche as you. & if by aduenture ye deye I wil not lyue / Then̄e sayd parys honou­rable lady it semeth me beste that i departe fro hens a certeyn tyme tyl my lord your fader be more peased and hath passed hys euyll wille / how be it. that it shal be to me a moche sorou­ful thynge to withdrawe me for you For my lyf shal be moche heuy / Ne­uertheles I shal accōplisse your wille in alle that ye shall commaunde me / what someuer come therof. & vyēne seyng the good wille of parys after many wordes she sayd to him / Pa­rys [Page] my frende i knowe well the gre­te loue that ye bere to me. & sythe it so is. i swere to you by my fayth that ye shal neuer departe fro this cyte with oute that I goo wyth yow: For it is my wille. wherfore assone as ye may make you redy for all thīges necessa­rye / and fynde ye the maner that we may escape oute of the Royaulme of fraunce. and that we may goo in to some other lordshippe: where as we may lyue joyously ād surely / Neuer­theles to fore or we departe frō hens I wyl that ye promyse two thinges / the fyrst is that ye touche not my bo­dy vnto the time that we be lawfully maryed The secōde is that ysabeau parte ī al the goodes that we shal ha­ue / and other thinge wil I not as for this p̄sent time / but that onely our departyng may be shortely / and I shal pourueye somme jewelles & money for our necessyte. & al this parys pro­mysed to hyr / and eche departed fro other for tadresse suche thinges as to thē shold be necessarye:

¶ Whan parys was deꝑted fro vy­enne he wēte to a mā named george. & sayde to him / George my frende al­waye I haue trusted in you: & haue alwaye loued you. wherfore i praye you now that to this I shal saye you ye faylle me not. for I ꝓmise you ye shal notlese therby. & george ꝓmi­sed to him to doo al that shal be to hī possyble wy^t ryght good hert / & then̄ parys sayd to hī. knowe ye for certaī that I haue wrath & rācour to a mā of this toune for certaī displaisir that he hath doon to me / wherfore i wyll [...]ee him. & incōtinēt as ye haue slayn hī i wil departe oute of the royaume of Fraunce. Wherfore my frende I praye you y^t ye wil go to Ayguesmor­tes / ād that ye there make redy a ga­leye furnisshed of al thīges necessarie tyll that we be arryued there as we wold be / And also I praye you that ye doo ordeyne fro hēs to ayguesmortes fro. v. myle to. vntile alwaye go­ode horses redy to thēde that we may surely refresshe vs yf it be nede. & also I wil that ye do this as secretly as ye may. & loo here is money ynough for to furnisshe these sayd thīges George sayd / i shal doo al this gladly / & incō ­tinēt made him redy. & whā he came to ayguesmortes he hyred a galepe / & establisshed al the passages. ād dyd wel al that parys had charged hym & came ageyn. & tolde to parys how he had pourueyd al y^t he had char­ged him / wherof parys was moche joyous. & anone parys wente & tol­de to vyēne that alle thinges that she had cōmaūded where doon / & then̄e they ꝯcluded that the nexte nyght folowyng that a certayn houre ech of thē shold be redy: then̄e he took leue of hyr & wēte home: & bad george to take ij. horses out of his stable: & y^t he shold sadle thē / & abyde hī withoute the cyte ī a certayn place tyl he shold come / & edward the felawe of paris wiste noo thinge of alle this / wherof he was moche abasshed & meruayl lous [...]y angry whā that he knewe it [Page]

¶ How parys ladde awaye vyenne and ysabeau by nyght

WHan paris was pouru [...]yed of money & of all other thin­ges beyng to thē necessarye he wēte allone the secretest wise that he night / and came to the place em­prysed at the houre taken / & he made a tokene whiche vyenne knewe / ād anone vyēne & ysabeau cladde them īmānes araye. & lepen oute of the castel by a fauce porte. and so came the­se two damoiselles to the place whe­re as Parys was allone / whyche a­wayted vpon theyr comyng. & in­continēt they departed & wēt whe­re as theyr horses were. whom they took & rode as faste as they might & george rode alway to fore bycause to knowe wel the waye / & whyles thei thus rode / aroos a storme wy^t a grete rayne: which ēdured tyl on the mor­ne at nyght. & then̄e they arryued ni­ghe vnto a lytell towne / but they en­tred not by cause they wolde not be knowen: and wēte & lodged them ī a lityl chirche nygh vnto the towne: where they fonde a chapelayn whi­che receyued them moche gladly the best wyse he myght / and thēne whā they nyght came. Parys ād the cha­pelain stepte in a lytel hous joynyng to the chyrche: George and parys seruaunte stepten in the stable wyth the bestes And the say vyenne ād Y sabeau stepten in the chyrche / and [Page] in the mornyng erly they wēte ligh­tly to horsebac. ād rode tyl they came nyghe vnto a Ryuer: whyche was rysen hye by cause of the rayne that had fallen / Then̄e parys was mo­che angry bycause he sawe wel that it was moch peryllous: & sayd to ge­orge / that he shold serche and aduy­se somme good place where thei mi­ght passe ouer: and george wythdre­we him a lytel frō thē & chaas a pla­ce whiche thought him good / & took the ryuer with his hors / ād whā he was in the middes of the streme his hors faylled him that he was drow­ned & his hors also Paris seyng that george was drowned was moch fo­re abasshed & durst make noo sēblaū ­te. bycause that the fayr vyēne shold haue noo melancolye And after vy­enne demaunded of paris where george was by comē / & parys āswer to hyr that he had sente hī for to serche somme good passage / & they wold torne in to the chyrche ageyn tyl Ge­orge were comen. And vyenne ans­werd to him that it playsed to hyr wel so to doo. For she had grete dou­bte & fere for to passe the water And whā they were in the chyrche paris was moche aferde to abyde longe in that place / For he sawe that it was not sure Wherfore he demaūded the chapelayn / if they might in ony wise passe that water / and the chapelayn sayd not ī iij. dayes tyl the water we­re decreced and aualed And parys sayd to him that he sholde goo in to the towne to seche and se yf he my­ght fynde ony men that wold make a brydge soo that they might passe / & that he sholde spare for no money / for i shal paye to them as moch as they wil haue / & the chapelayn sayd that he shold doo hys beste Thus dyd pa­rys noo thinge but thinke how they might passe the ryuer: Now leue we parys and torne we to the daulphī: whiche had lost his fayre doughtere vyenne

¶ How the daulphī dyd doo serche & seche vyenne by his seruaūtes

[Page]

ON the morn̄ that vyēne was loste & departed fro the hous of hyr fader: & that the daul­phyn knewe it. he supposed to haue goon oute of his witte: & al the cour­te was troubled / & sente hastely men̄ on horsebak & a foote bi dyuers par­tyes the most secretely that he might & prayed them that thei shold bringe home to him vyēne quyck or dede / it happed by aduenture that one of his men a fote: that was sente to seche vyenne came into the towne where as the chapelayn was comē to seche mē to make the brydge: The fotemā demaūdeded euery man yf they had seen two damoiselles whiche were fledde fro the daulphīs courte / Thn̄e the chappellayn sayd to him that hit was no longe syth suche tweyne de­parted with other men. And the mā supposed that the sayd chappelayn had sayd it in jape or in mockyng And sayd that the Daulphyn was moche angry / and had sworne that yf ony man or woman knewe there they were and shewed it not that he shold make thē to lose theyr hedes / & whā the chapelayn herde these wor­des he remēbred him of thē that we rehyd in hys hous / ād in grete drede sayde to hī that he shold tarye there a lytel. ād that for the loue of my lord daulphyn he wolde gladly seche for [Page] them / and assone as he myght fynde tydynges of them / he shold lete hym wyte And / so deꝑted fro thens and retorned home ageyn & tolde all thys to parys. & what he had herde ī the toune sayeng also that he doubted that it was for them of hys cōpanye Wherfore he sayd to hī ferthermore Syr I praye you that ye deꝑte from hens ād suffre not that I lese my lyf But take ye the beste counceyl ye can For there bē fyfty men̄ on horsebak that secheyon / Whan paryherde hī saye this it nedeth not to demaūde yf he were heuy & melācolyous ād for the grete sorowe that he had he cha­unged al hys colour / and he sayd to the chapelaī: I praye you y^t ye tarye a lytel and i shal make you an āswer And then̄e parys went to vyēne for to telle to hyr al this feat / And whā vyenne sawe him entre and so cha­unged in hys colour sayd to parys. what tydinges brynge ye which are so pale & your colour chaūged i pra­ye you hertely as I can that it playse you to telle me / Then̄e paris sayd to hyr The tydinges that I bringe ben euyll for yow & forme / For shortely shal be accomplisshed our aduenture & therefore I wil slee my selff. ād also he sayd complaynyng / O god how my lyf is sorowful and heuy to haue brought this excellent lady as ye ar / in such daūger: o good god why gaf thou not to me the deth to fore or that I fette hyr out of hyr faders hous O alas my fader and my moder what shal be falle of you. whan the daulphī shall knowe that I haue stolen from hym his doughter O my good fela­we Edward why counceylled not i with the tofore or I had doon thys folye. And after he retorned to vy­enne sayeng and what shall falle of you my lady / whan your fader shall see yow. Certes I thynke that how cruel that he be / whā he shal see your noble persone his hert shall not suffre to do you ony harme O god almyg­hty do to me that grace that I onely may bere the payn of this fayt & non other. O ladi vnhappy was that day for you & for me whan fyrst ye had acqueyntaūce of me / And whā paris had fynysshed hys complaynte. he tolde to Vyēne al that the chapelayn had sayd to hym / and forwyth as a ꝑsone despayred / took his swerde & wold haue ryuen yt thurgh hys bo­dy: and vyenne as vertuouse & va­lyaunte took to hyr hert. ād took the swerde fro him ād comforted hym & sayde. O free knight / my yoye. my lyf & misolace / what will ye doo. knowe ye not wel. that who that sleeth him self wytyngly / sleeth the sowle & the body. and yf ye deye: I assure yow I shal deye also & soo shal ye be cause of my deth as well as of your owne O parys where is your wysedom and your prowesse Now whan ye shold haue mooste strengthe & moost v (er)tu­ous courage ye be aferde: O my kni­ght this is noo newe thinge that the ꝑsones that lyuē in this world haue [Page] tribulaciōs: of what someuer lygna­ge they be Certes his is it not the courage of one so vaylyaunte knight as ye be / For now whome that ye ou­ght to comforte / she must now com­forthe you: ād therefore my fayr bro­ther and frende / I praye you as mo­che as ye may. that incontynente ye departe fro hens. & that ye goo your waye: & yf ye do not so I shal slee my self wyth your swerde For your de­partyng is as greuoꝰ to me as myn shal be to yow: but it byhouseth to es­chewe of two euyls the werse And also ye ought to considere ony thyng that notwythstōdyng the grete faulte and trespaas that I haue made to my fader / yet therfore he shal not put me to deth considered the grete loue that he hath alway had toward me And if ye were taken I wote well that ye and I shold bothe deye / and yet I haue good hope that myn en­tencyon shal come vnto a goode ende For be ye sure though he neuer par­dōne me. I shal neuer haue other husbond but you / ād that I promyse you by my fayth / But allewaye of ony thing I praye yow that for none o­ther lady ye forgete me. And whan ye shall be in other countreye wryte vnto me of your aduenture And to thende that ye the better remembre me: loo here is a rynge of gold with a dyamōde: the whyche I praye you that ye will kepe for the loue of me.

¶How the gentyll knyght Parys departed from the fayr Vyenne: ād lefte hyr in the chyrche

[Page]

AFter moche other langage / parys kyssed vyenne wyth grete syghes and thoughtes & she ꝯforted him the best wise as she might / in prayeng our lord isu crist that in short time she might see hym / lyke as hyr herte desyred moost of o­ny thinge that was in the world ād then̄ paris departed fro vyēne with grete sorowe and heuynesse. & took hys waye wy^t his seruaūte / til he ca­me to the riuer where they coude not to fore passe: ād as despayred doub­ted noo thinge but entred therin: ād the water was soo aualed that they passed withoute ony peryl. And they rode two dayes withoute ony mete for they durst not passe thourgh ony toun. and they passed til they came to ayguesmortes. and there he founde the galeye that george had hyred / which anone he took. & solonge say­led ād rowed tyl that they arryued a Gene: Parys made meruailloꝰ co­untenaunces in the Galeye that alle they that were therin / had supposed that he had be a fool. for alle way he was pensyf & ymagynatyf: & vnnet­he wold speke ne say a word Then̄ whā he was at Gene. he hyred him alodgyng & lyued there in grete he­uynesse ād sorowe Now leue we to speke of Parys ād retorne we to vi­enne / whych abode ī the chapelayns hous [Page]

¶How vyenne was founde in the chyrche by a fotema [...]: and how she was brought ageyn to hyr fader

WHan paris was deꝑted fro vyenne she abode allone wy^t ysabeau makyng the gretest sorowe of the worlde that it was a grete pyte to beholde / lyke as she had as leef to deye as to lyue / ād whā she was wel wery of wepīg. & y^t it was force that she must retourne to the mercy of hyr fader the doulphin / she appeased hyr self. & anon̄ the chape­layn went for to seche the fotemā ād brought him into the chyrche, & whā vyenne sawe him she knewe hī wel For she had oftymes seen him ī hyr faders hous. & thys man sayd to hir all his charge. & that many knightes were oute for to seche hyr And vy­enne sayd to him. goo & telle thē that thou hast founde. me here: & brynge them hyther / Then̄e the man wēte & fonde the knightes that then̄e we­re comen in the towne. & tolde to thē how he had foundē hyr. & that they shold come with him & he wolde brī ­ge them to the place where she was whan the knyghtes herde these ty­dynges anon eche made grete haste / tyl they cam to hyr. Then̄ whā they were to fore vyēne they salewed hyr & sayd to hyr that the doulphin had doo seche hyr in dyuers coūtrees. ād [Page] after they cōforted hyr / & sayd that she shold not be aferde of hyr fader / for he wold doo to hyr noo desplay­sir. for he shall haue so grete joye whā be shal see you. that he shal pardonne you and appease hys yre. And than incontynent they wēte to horsebac­ke and brought forth the chapelayn wyth hyr to thende that he shold ex­cuse hyrtofore hyr fader. & tolde hou she was pure clene of his body

Now sayth thistorie that whā vy­enne was comē tofore hyr fader the daulphyn, he made to ward hyr he­uy and euyll chere But notwitston­dyng vyēne kneled doun on bothe hyr knees to the erthe sayeng and in wepyng Redoubted fader i see wel & know in my self that I haue mes­prysed & fallyed toward you. wher of i haue grete desplaysir / Neuerthe­les folysshe loue hath enforced me to loue hym: whiche is wel worthy to be byloued of the moost grettest lady of the Royaume of fraūce alle waye seen the noblenes that is in him For I wene that in alle the world is non̄ to him lyke ne pareylle: And alsoo I thynke that I am not the fyrst that haue trespaced by semblable reasōs Wherfore redoubted fader I am in your mercy and take of me vēgeaū ­ce / suche as shal playse you. ād to me chastysemēt and example to other / Neuertheles I wyl wel that ye kno­we & that I swre by my sowle: that I am as pure & clene of my body as i was that day that I deꝑted fro hēs And loo here the chapelayn which can say to you the trouthe. And then̄ the chapelaī tolde how she came wy^t iij. men / of whō that one was a mo­che fayr knight yonge & curtoys. the whiche I byleue is drowned in pas­syng a ryner / And they were ī myn hous / and the two damoyselles slept to gyder in the chyrche / and the kni­ght slepte wyth me. and the other. ij. slepte in the stable with the horses. Then̄e whā the daulphin herde the­se tydinges he had ryght grete play­sir / of whiche he made noo sembla [...]e: and gaf to the chapelayn moche money & grete yeftes / and bad hym retorne ¶After the dolphyn took vi­enne by the hande in repreuyng hyr moche gretely / and lad hyr in to hyr moders chambre with ysabeau / for hyr moder was seke of the grete sorowe that she had for hyr doughter And there the moder blamed them bothe two / And ysabeau sayd that vyēne was as pure and clene of hyr body as she was the day that she de­parted. Alas sayd the dolphī: thow hast put vs in the moost grettest sha­me of the worlde. And I promyse that alle they that haue ꝯsēted ther­to shal be wel punysshed: & in especi­al that euyl traytre parys whiche is cause of al thys fayte. and yf euer I may haue him I shall make dogges deuoure hym. ād also bothe ye twey­ne shal suffre therfore grete penitēce Thenne sayd vyenne wepyng i see well and knowe that ye haue entē ­cyon [Page] to do to me moche gryef & harm and I see wel that my lyf shal not lō ­ge endure: Therfore I swere to you in good fayth that there is noo mā in the world that i so moche loue as I doo him whom ye so menace and thretene / For in him i haue my tho­ught and courage wythoute euer to faylle him: and yf ye shortly gyue to me my penaūce. so moch shortly shal be my deth. And yf ye suffre me to endure it longe. so moche more shal i here it / and my soule shal be the mo­re sure to fore almyghty god: & kno­we ye for certayn that for him and hys loue I am redy to deye: Thenne the doulphyn yssued out of the chambre in grete indignacyon / and cōmaū ded that the fader of Parys shold be put in an euyl pryson. ād that alle his goodes shold be taken fro him. And also that vyenne & ysabeau shold be enclosed in a chambre / & that wel li­tel mete shold be gyuen to them and moche he menaced & thretened thē and thus they abode a longe time in that chambre / & continuelly Vyenne dremed of parys.

¶And whan vyenne might haue ony space to speke to Edward felo­we of Parys / she requyred him that he shold serche yf he myght haue o­ny tidynges of parys & that he shold lete hyr knewe therof

¶In this maner vyenne passed hyr time in grete sorowe & in grete thou­ght allewaye desyring for to here so­me tidinges of y^t noble knight parys

WHan the noble and fayr vy­enne had bē a grete tyme in this manere The doulphyn by thought hym that thenne his dou­ghter Vyenne had been well casty­sed: And thenne the Doulphyn fa­der of vyenne ordeyned that she ca­me oute of the pryson And then̄e he purposed to gyue to hyr an husbond ād sette hyr in hyr fyrst estate. wher of alle the courte was moche joyous and in especy all Edward felowe of parys.

And after certayn tyme the Doul­phyn wrote to the Erle of Flaūders that he wold doo marye his dough­ter vyenne: whervpon he requyred hym that he wold gyue to hym coū ­ceyll in this mater For it was vnto hym chargeable. And duryng the tyme that vyenne was oute of pry­son hyr herte was neuer in reste / but euer she was heuy and soroufull for hyr swete and faythful frende paris whome she myght not see / and kne­we not whether he were dede or a li­ue: And whā the doulphin sawe hyr so heuy / on a day he sayd to hyr: My swete doughtere wherfore be ye soo sorouful: gyue your self to plaisir / for as to me I remembre no more the thynges passed And there is no thī ­ge in the worlde that ye demaunde me. but I shall doo it gladly for you / And thenne the fayr vyēne whych had not forgeten Parys. sayde to hī Honourable fader yf I were sure of the thīges passed that they were for­goten [Page] by you i shold be more sure thā I am but I byleue fermely. that ye haue thē yet in your remēbraūce. for ye holde alwaye messyre iaques in pryson the fader of parys. Whyche is not coulpable of ony parte of this de­de ne cause / And if ye wold do to me soo moch grace that ye wolde ꝑdōne him & rēdre to him al his goodes and thinges I sholde be moche ioyoꝰ / ād the dolphin for the plaisir of his dou­ghter sayd to hyr that it wel playsed to him: & incōtiuēt the dolphī dyd do delyuer messyre iaques out of prysō / and dyd do retorne to hī al his goodes and thinges that had be takē frō him Wherof messyre Iaques had grete playsit for if he had abydē lēger i pri­son he had be dede for hūger. for the­re was none that cōforted hī but ed­ward: which ꝯforted hī the best wy­se he myght / & gaf to hym dayly that whyche was necessarye for hys lyf / whan vyēne knewe that messire ia­ques was oute of prisō she was mo­che ioyeful & had grete plaisir / neuer­theles al the ꝯsolacyō of vyēne was whā she might speke wy^t edward of hyr loue parys. & thus she passed hir time in ryght grete payne & heuynes the beste wyse she myght

¶ Whā the Erle of flaūders had red­de the letters of the dolphin & vnder­stood that he wold marye his doug­hter vyēne. which was of the age of xv. yere. he trayted that she shold ha­ue of two barons that one. that is to were / the sone of the king of englond or the sone of the duke of bourgoyne / whiche thenne had grete renomee i fraūce: & that was for the grete pro­messe that was in him / & the sayd er­ly made this sayd traytie. & sēte wordes vnto the doulphin that hī semed best that the sone of the duc of bour­goyn were beste for hyr. bycause that it shold be grete playsit to the kyng of fraūce: & that he was a noble knight & of grete prowesse. & whā the dolphī had receyued these letters fro therle of flaundres / he sente to the kyng of fraūce to wyte of hym whiche shold best playse him of these two prices a fore sayde that shold haue his doug­hter For whome that he wold shold haue hyr / wherof the king had grete playsit / & reputed it to hym grete ho­nour / And he sēte to him worde. that it shold playse hī best that he maryed with the sone of the duc of bourgoyn his nevew. & ī so doyng he shold doo to him ryght grete playsit / & wold do as moch for him. Whā tyme ād place requyreth: And seyng the doulphyn the wylle of the king of fraūce / sente worde to therle of flaunders. that he had coūseylled with his barōs. & al­so that it was the wille of the king of fraunce that his doughtere shold be maryed to the sone of the duc of bourgoyne And then̄e therle laboured so moche ī this matter that he mad the sayd sone of the duc to agree as for his partye [Page]

¶ How Parys sente a letter to hys felawe Edward.

NOw late vs leue to speke of this mater / ād retorned we vnto parys / which abode in the cyte of Gene moche heuy / & whi­les this mariage was in trayry. Pa­rys dwelled in Gene out of all joyes and playsaūces worldy. & all for the loue that he had to the fayr vyenne / whome he had somoche at his hert And abode alle way in his lodgyng allone / & by came so deuoute & so hū ­ble toward god / that it was grete meruaylle: and also for the good coū ­tenaūces that he made: he was mo­che wel beloued of alle the nobles & the peple of the cyte / and they helde hym for a noble man. & sayd he must nedes be the sone of a grete lorde / ād parys beyng in this maner had gre­te desyre to haue tydinges of vyenne and what was hyr aduenture And anone ordeyned two letters. that one to hys fader. and that other to his fe­lawe Edward / Of whiche the letter to hys fader sayd in this maner

Ryght dere and honourable sit ād fader playse yf you to wete that i am moche sorowful ād heuy of my cru­el aduentur. and also I endure grete heuynes. sorowe ād aff [...]ictyon. dou­btyng that forme ye haue suffred grete payne & tribulacyō / & i late you [Page] were that I am at Genes: and dwel­le in a lodgyng allone deposed fro all joyes and consolacyons mondayne For myn entēdement is to serue god and our ladi fro hens forth. and pur­pose that ye shal see me nomore. for i wil departe & goo thurgh the world to seche holy pplgrimages / & if bi ad­uēture I shal deye tofore that ye shal see me i praye you that it may play­se yow to ꝑdonne me / and to gyue to me your benedictyon. Also dere sit ād fader I praye you & supplie. that my dere brother ād felowe Edward ye wil take in my name ād place. & that he be recommaunded as your sone instede of me. as wel in your herita­ge as in other thinges. and the grace of the holy ghoost be with you Recō ­maunde me to my moder &c.

¶ And the letter of Edwaerd sayd thus.

DEre and specyal brother and sin­guler frēde Edward the peril of pa­rys and of his aduenture is poursy­ewed of all euyll and cruell fortune. I commaūde me to you as moch as I may say or thynk / Neuertheles ly­ke as we haue bē acustomed to wri­te letters of loue & of cheualrie Now I must wryte letters anguysshous of sorowe and of euyl fortune. for alas i am vnhappy all allone in a strange countree & exyled fro alle joyes and fro alle plaisir. and out of al worldly plaisaunce. thinking nyght and day on the bele vyenne / the which i thin­ke that for me hath suffred mortall sorowe ād I say to you that if i kne­we that for me she suffred payne ād sorowe. i shold be in despayr / for i am worthy for to be punysshed cruelly. for that fayre and none other Wherfore I praye god and all his sayntes that she may be kepte from all euill / & gyue hyr grace to prospere in al good and honour lyke as she is worthy & myn herte desyreth

¶ Aly dere brother and felawe the most dere thinges that I loue in this world is fyrst the fayr & swete vyē ­ne and next you: to whō i praye you if it may be in ony wise that ye wyll saye hyr in my name / how that i am lyuing ī Genes / passyng my lyf mo­che heuy ād sorouful forth absence of hyr noble persone / & for the cruel and euyll fortune that hath pourfie wed me: and also say ye to hyr that i crye hyr mercy. & that it may plaise hyr to pardonne me If by me she haue ony displaysir and god knoweth myn en­tencyon & in what tribulacion i lyue And syth that it hath not playsed to our lord. that we accomplysshe not our desyre and wille. we ought to be­re it paciently / And also ye shal saye to hyr that I praye and supplye her as moche I may that she yet take no husbonde vnto the time that she shal see thende of our aduenture / ād after this I praye you dere brother of the consolacion of my fader and my mo­der. and that ye be to them as a sone / For seyng the loue that alwaye we haue had togyder. I haue wrysō to [Page] my fader / that ī the stede of me he ta­ke you for his sone / and that after his lyf: he will leue to you hys herytage: for so moche brother & felawe i pra­ye byseche you that ye be to theym humble & obeissaunt. & the better ꝑte shal be youres: ād if by aduenture ye wryte to me ony lette late the letter be kepte in my faders hous. the holy ghoost haue you in his kepyng / and he delyuerd this letter to a courtour whiche wythin fewe dayes was at vyēne: & secretly delyuerd his letters to Edward the good knight: Whan edward had receyued these letters / ād knewe that paris was a lyue / he had right a grete ioye as ony mā coude thīke or byleue Neuertheles he helde the coutrout secretly in his hows / to thende that the doulphin shold not knowe therof. ād whan he had her­de the letters / he went to the hous of messyre Iaques the fader of the no­ble parys & sayd to him. Messyre iaques I bringe to you this letter and whan messyre iaques had redde the letter. he coude not be saciat of redyn­g: he took so grete playsir therin: Af­ter that he had redde it at his playsir. he prayed Edward to wryte to hī an answer wel at large of alle that was byfallen syth his departyng. & this doon / edward departed fro him & wente vnto beale vienne. whome he fonde moche heuy & soroufull for hyr loue and frende parys / And Ed­ward sayd / honourable lady & how is it that ye be thus heuy: & vyenne sayd to hī / alas fayr broder Edward I haue good reason ād cause to be he­uy For myn hert abydeth thinking day ād nyght on my good knight pa­rys. and I knowe not whether he be a lyue or dede / of which thinge / i mo­che desyre to knowe: for if he be deed I am cause therof and certes yf he be dede i may not lyue after hym. if our lord wold doo so moche grace / that he be a lyue. fayn wold I knowe in what londe he is: to thēde that i my­ght sēde to him a lytel money: so that he haue noo necessyre for his persone And Edward sayd to hyr: Madame what wyl ye gyue me if i telle to you good tydinges & sure of him / Then̄e sayd vyenne by my fayth there is no thing that i haue in this world / whiche I may gyue wyth myn honour. but that I shal gyue it to you / Then̄e sayd edward. loo here is a letter whi­che he hath sēte to me / & whā vyēne sawe the letter she opened it & redde it al allōge / & whan she had redde it / she had soo grete ioye that hyr semed god had appyered to hyr: & the ioye y^• she had in hir hert: she wed wel in hir vysage. For sythe y^t she departed fro parys / she had not so good vysage ne chere as she had then̄ & whā the solace had ynough ēdured. edward said to hyr / Aladame gyue to me ageyn my letter. that I may make to hī an answer: And Vyeune sayd. It ple­seth me moche that ye make to paris my swete frēde an answer / but sure­ly the letter shal remaine wy^t me. thē ­ne he sayd. madame haue ye not pro­myse [Page] to gyue to me that thing that I shal demaunde you / yes sayd she / Then̄e edward sayd I desyre ne wil­le haue none other thinge but that ye gyue to me my letter. syr assone shal i gyue to you my lyf. but and yf ye wil demaunde ony other thinge / I wyll wel Then̄e sayd Edward I am cō ­tente that the letter abyde with yow & after he ordeyned an other letter to Parys. which sayd in his manere

¶ How Edward sente answer of his letter to parys. which abode ī the cyte of Genes

RYght dere brother frēde and felawe parys / your fader ād your moder grete you well / the whiche haue suffered for you moch dysease / payne and displaysit. and in especyal your fader: which hath lōge been in pryson / and alle his goodes were taken fro him / and also I certe­fye you that by the grace of god and at the request and prayer of vyenne the dolphin hath ꝓdōned him all hys euyl wille / & deliuerd hī oute of prisō ād restored to him all his goodes a­geyn. And plese it you to wete fayre brother that vyēne hath had so mo­che ioye & plaisir whā she had know­leche that ye were a lyue / that hit is wōder to byleue For al hyr ꝯsolaciō [Page] was to haue tydinges of you / ād she recommaūdeth hyr to you as moche as she may / & hath moche grete desi­re to see you. & also prayed you not to wythdrawe you fro hyr ne fro that cōtreye / but that ye wryte ofte to hyr of your estate / and sendeth to you an eschaūge of thre thousand fsoryns of whiche she wyll that ye take your playsit and yoye. for al hyr hope is in you / Also ye shal vnderstāde that she hath be kepte in pryson a certayn ty­me. But thanked be god she is now oute: Also i haue shewed to hyr your letter / whiche she receyueth / ād after that she had redde it. I myght neuer haue it ageyn. But she sayd: that she had leuer to lese al that she had / than the sayd lettere: & ye shal knowe that the doulphin treateth a maryage for hyr / the whiche is the sone of the duc of bourgoyn / & he hopeth fro day to day / that it shal be accōplysshed. Ne­uertheles I truste soo moche in vyē ­ne. seyng that whyche she hath sayd to me. that she will neuer haue other husbond but yow / wherfore lyue ye forth joyously in hope: Dere brother i thāke you as i can or may for the re­presentaciō that ye haue doon for me your sowle be with god. to whome i praye that he kepe you ī his holi warde and protectyon. &c / Whā this let­ter was wrytē / he delyuered it to the courour which made hasty journey­es so that he arriued at genes / where as the god knight paris dwelled ād abode. ¶ Whā the noble parys had redde the letter / & knewe that vyēne had beē in pryson / almoost for sorow he was oute of his witte cursyng his euyll fortune / ād after he cursed the day that he was borne. ād moche dis­comforted him self: & also he cursed the daulphyn sayng. O euel fader ād vnconnyng. how may your hert suffre to put in pryson hyr that is so no­ble a creature / which is ful of all ver­tues. that is the fayr vyenne: which is noo thinge cause of this fayte. For I my self onely haue doon it / & ought to bere allone the penaunce. alas and wherfore dyde not god to me so mo­che grace. / that I had be takē in ste­de of hyr: O fayre vyēne what haue i doo for you. which haue suffred so moche payne for me: Thus he made a grete whyle his sorwe i wepyng strongely / After parys sawe that the fayr vyēne was retorned in to hyr first estate wherof he was moch joy­yous / & whā he had receyued these eschaūge that vyēne hath sente him he hyred a moch fayr hous & cladde hī honestly & tycheli. & took acqueyn­taunce & amytye wy^t the grettest and beste of the cyte / in so moch they dyde hī moche good & honour: & thꝰ dwel­led paris a grete while. alway remē ­bryng in his hert the loue of vyēne / for alleway his loue ēcreaced & eue­ry moneth thei wrothe letters ech to other: of which here is made noo mē ­cyō. for it shold be ouer lōge to reher­ce. & torne we here in to flaūdres / for the fayte of the mariage of the excel­lent vyēne [Page]

¶ How the dukes sone of bourgoig­ne cam to haue vyenne in mariage

THy storye sayth now that: whan therle of Flaunders had accorded the maryage with the duc of bourgoygne he ma­de redy his sone and apparaylled hī of companye & of horses / & lete it be knowē to the daulphin that he shold make redy al thinge necessarye / and that he shold hastely sende to him his sone. Whā the daulphī herde these ti­dynges: that he / whome he somoche desired sholde come. he was moche joyous. & incōtinēt dyd doo make re­dy many grete & meruayllous festes and duryng the same / dyd doo make redy his sone the duc of bourgoygne horses and peple for to accōpanye hī whiche was a fayre thinge to see. ¶ And after sent him to therle of flaū ­ders / which receyued him with gre­te joye & with grete honour & fested hym two dayes: ād delyuerd to him his sone in his cōpanye. & sente hym to the daulphin. & whan the doulphī knewe their comyng he dyd do ma­ke redy to receyue him. ād whā they were by a day journeye nyghe vnto vyēne. he rode oute wyth moch gre­te chyualrye. & receyued them with moche grete ioye & playsir. and eche made grete feste to other: which we­re ouer lōge to recoūte. Neuertheles [Page] tofore that the daulphyn came to the sone of the duc of bourgoygne / he ād hys wyf entred into the chambre of vyēne / to whome the daulphyn sayd Fayr doughter it was the playsir of god that i & your moder were to gy­der vij. yere wythoute hauyng ony childe / and in the viij. yere / our lord comforted vs with you. in whō we haue al our affectyon: For we haue neyther sone ne doughtere but onely you. ne suppose neuer to haue / so we truste that by you we haue one. It is trewe that so as god wyl ād hath or­deyned / we wyl assēble you to a mo­che honourable maryage: the which to vs playseth moche. For I ensure you the doughter of the noble kīge of fraūce hath moche desired to haue him that ye shal haue. For god hath endowed him wy^t somoch good ād honour as hert of knyght may haue / thus to the playsir of god of the v (er) ­gyn marie. we haue made the mari­age of the sone of the duke of Bour­goyngne & of you / wherfore we praye you that therto ye wil gyue your go­ode wille & playsir / & also that ye wil haue the mariage agreable / Thenne vyēne āswerd to hyr fader Honou­rable fader & lord I wote wel y^t thys that ye ētēde is for my wele & prouf­fyt But not wythstonding that I be in age for to marye. & that ī this ma­ryage I shold receyue honour more than I am worthy. Neuertheles I shal not yet be maryed for yf we ha­ue not this man / yf it playse god we shal haue an other as good or better And thynke ye not myn honourable lord / that I say this for ony excusa­cyon. but it is sythen xx. dayes that I haue be euyl desposed of my persone ād the maladye that I haue causeth me to take noo playsir for to be mari­ed For I haue avowed vnto god neuer to be maryed to thys man ne to none other. as longe as i shal be in this maladye / Thenne thought the dolphyn that vyēne sayd it for sha­mefastnes: Neuertheles he trauayl­led hyr euery day wy^t fayre wordes that she shold consente to this mary­age / but it auaylled nothyng all that he dyd: for the wyll of hyr was mo­re in Parys than in ony man of the worlde

Then̄e on the morne the sone of the duc of bourgoygne: ād the sone of the erle of Flaunders entred into the ci­te of vyenne / wherof the Daulphyn had grete. ioye and plaisir: and thys feste ēdured wel fystene dayes. that they dyd no thinge / but daunce synge and dyd other diuers playsirs / & du­ryng this feste the daulphyn sayd to the sone of the duke of bourgoigne to thende that he shold thīke none euyll bycause he abode so lōge or he might espouse hys doughtere: Fayr sone I praye you & biseche that ye take you to playsir & ioye. ād gryeue you noothynge of thys longe abydyng here For certayn my doughter is so seke that vnnethe she may speke / whiche doth to hyr grete desplaisir & shame / [Page] for fayn she wold be out of hyr chambre And thenne the sone of the noble duc of bourgoyn as he shat mēte but good fayth / byleued it lightly Neuer­theles the dolphyn dyd nothīg night ne day. but admonested his doughter one tyme in fayr wordes / & an other time in meanaces. but in noo wyse he coude make his doughter to consēte: And cōmaunded that she shold no­thing haue but brede & water. & vi­enne abode one day soo ī this maner: And al this dyde the dolphyn to thē ­de that she consente in this mariage. and alway he dyde to hyr more har­me and payne / & vyēne was alway more herde and ferther fro his desire wherof the dolphyn had moche gre­te dysplaysir / & not withoute cause. & seyng the dolphyn that his doughter was soo indurate: he thought that bisōme good moyen he wold sente ho­me ageyn the sone of the duc of bour­goyn / for he doubted that yf he abode lōge that this feat might be discouer­d [...] and he gaf to him fayr jewellys & after sayd to him / Fayr sone I wyll that ye take noo displaysir in that I shal saie to you. Ale semeth wel that at this time this mariage may not go forth of you and of my doughter / for after that I see & as me semethe the wille of god is ferther than I wold at this tyme For he wil not that the mariage of you and of my doughter take now effecte: Wherfore I haue right grete displaysir in my hert one­ly for the loue of you / Then̄e the sone of the duc of bourgoygne seyng that at that tyme he myght doo noo thīg toke leue of the daulphyn and retor­ned into his cōtree. by cause that vy­enne was not in helthe: and promy­sed that assone as he myght knowe that she shold be hool / he wold retor­ne for to accomplysshe the mariage: lyke as the Dolphyn had promysed to hym

How the dolphyn dyd doo empry­sonne vyenne bycause that she wold not consente to the mariage to the so­ne of the duke of Bourgoyne

[Page]

AFter certayn dayes that the sone of the duke of Bourgoī was departed fro the cyte of vyenne. the doulphyn for grete des­plaisir that he had dyd do come tofo­re him the maister Iayler of his pri­son: ād dyd do make within his pa­leys alytel pryson derke and obscure And he dyd do put vyenne and ysa­beau into that pryson: and commaū ­ded that they shold haue nothyng to ete but brede & water. & one damoy­sel in whom̄ the dolphin trusted brī ­ge it to thē And in this maner vyē ­ne and ysabeau passed theyr tyme in grete sorowe. and thinke not that for this pryson / the hert of vyenne wold in ony wyse consente to the wylle of hyr fader / but alway encreaced wy^t hyr the will toward hyr swete frēde parys / and wyth swete wordes she comforted ysabeau sayeng My de­re suster abasshe you not for this der­kenes: for I haue confydence in god that ye shal haue yet moche welthe / for my fayr suster it is a moche rightful thing that for the good knight pa­ris whiche for me suffreth so moche payne that i suffre this for him. & al­so i say to yow that all the paynes of this world be nothing greuoꝰ to me whā I thinke on hys swete vysage / and in this manere that one comfor­ted that other. in speking alle day of the vayllyaunt knight parys

¶ How the sone of the duc of bour­goyn departed fro his countreye for to come see the fayre lady vyenne

WHan the sone of the duck of bourgoyne had abyden lōge tyme in his countree / On a day he had grete thought of vynne: & that was for the grete beaute of hir and it displesed him moch that at his beyng there he had not seen hyr: and so concluded to goo and see hyr / ād it was not lōge after that he cam to the dolphyn / & the dolphyn receyued him moche gladly ād with grete honour Then̄e prayed he the doulphyn that it might plese hym to shewe to hī vi­enne also seke as she was / For in the worlde was nothing that he soo moche desyred to see as hyr And the dolphī seyng the wille & desyre of hī / wold not lēger hyde his courage. but sayd to hī My fayr sone by the fayth that I owe to god. I haue had grete desyre that this mariage shold be made: but my doughter for thys present time wil take noo husbond ne be maryed / Wherfore i haue grete desplai­sir and that for the loue of you. & to thende that ye knowe that it holdeth not on me I swere to you that fythe ye deꝑted fro this toun. I haue doon hyr to be kepte in a pryson derke and obscure. & hath etē nothing but brede & water oneli: & haue sworn that she shal not goo oute of prysō tyl she shall consente to haue you in mariage. ād thus I praye you that ye take noo displaysir / yf at this tyme ye see hyr not For ye may not faylle to haue grete maryage. in caas that this faylle you And then̄e he āswerd Honourable sire I praye you moche herthely. syth that it is so. that er I retorne I may speke to hyr / and I shal praye hir as­moche as i mowe / & shal see if by ony manere I may conuertie hyr fro hyr wille. Then̄ sayd the dolphī he was contēte. Then̄e he sente for his dou­ghter clothing and vestimentes for to clothe hir / & also mete for to ete / for in two monethes she had etē but bre­de ād water / wherof she was moch feble: & that shewed wel in her visa­ge / & thus he dyd bycause she shold x­sēte to the mariage. And then̄ it was concluded. that the sone of the duc of bourgoyn shold come see hyr & speke with hyr. & then̄e whan viēne sawe this & hadreceyued all & knewe that the sone of the duc of bourgoyn shold come & speke wy^t hyr. she sayd to ysa­beau hir damoysel / Fayr suster behol de how my fader ād moder wene by these vestimētes & this henne that i shold ete to deceyue me & put me fro my purpoos / but god for bede that I shold do so & thenne she took the hēne & sayd to hyr that brought it: syth yf playseth to the sone of the duke to come & speke to me. say ye to him that he may not come these thre dayes. & whan he cometh that he bringe wy^t him the bisshop of saynt laurēs / She that had brought to hyr the henne sayd alle this vnto the doulphī and to dame dyane hyr moder / Thenne [Page] vyēne took the two quarters of the henne & put thē vnder hyr arme hoo­les and helde them there so lōge that they stōkē moche strōgely / And whā it came to the thyrde day. the bisshop of saynt laurence and the sone of the duke of bourgoyn̄ camē for to see vi­enne. ād or they entred they opened a treylle which gaf light into the pri­son Then̄e whan the sone of the duc sawe vienne in the pryson he sayd to hyr by grete pyte that he had / Noble vyenne how wil ye deye thus for hū gre so folyly by your owne deffaulte / And / knowe ye not wel that your fader hath gyuen you to me to haue to my wyf. wherfore I lyue ī grete pai­ne / ād in moche grete sorowe for the duresse of your courage wherof ye do right grete synne / ād doubte ye not y^t god punyssheth you for thin obedyē ­ce that ye doo to your fader & to your moder. wherfore i prayer you fayr vienne to telle to me for what cause ye will not haue me in maryage to your husbōd Doubte ye that whā ye shal be wy^t me. that ye may not serue god as wel as ye now do that suffre this payne / I ꝓmyse you bi my fayth that ye shall haue playsaūces & libertees ī al the maners that ye shall conne de­maunde / Then̄e I praye you that ye will not here deye so dolorously / & if ye will not doo it for the loue of me. yet at the leste do it for y^e loue of your fad & of your moder: which lyue for you in grete sorowe and in grete heuynesse. wherfore ye ought to haue pite on them

Whan vyēne had herde these wordes she was all abasshed & sayd / sir sauyng / your honour I am maryed how be it ye knowe we him not whome I haue in myn hert. ad also i knowe and graunte ryght well that ye be worthy to haue one moche grerter & more hye a lady than i am: and I [...] ­te you wete that for him that I oes [...] ­re I shold suffre more payne than I fele And therfore I praye yow that fro hens forth ye speke to me no mo­re of this mater And also I am [...]o e­uyl disposed i my ꝑsone that yf it en­dure in me. my lyf shal not be longe / & if it were honeste i shold shewe it you ād than shold ye see how it stondeth wyth me: Neuertheles approche ye ner to me: & ye shal the better byleue me. & the sone of y^• duke of bourgoyn̄ & the bisshop of saynt laurēce appro­ched vnto vyēne / fro whō yssued so grete a stēche that vnnethe ther mi­ght suffre & endure it: which fauour came fro vnder hir arme holes of the two quarters of the hēne: which were rotē. & whā viēne sawe that they had felte ynough of the stenche she sayd to thē / lordes ye may now knowe ynough in what euyl aduenture I am disposed. Then̄ they took leue hauyng grete compassyon on hyr / And they sayd to the doulphyn that vyenne was thenne half roten and that she stanke. & demed in them self that she myght not lyue longe And that it shold be grete damage of hyr [Page] deth for the soueraī beaute that was in hyr And incōtinēt the sone of the duc bourgoyn took his leue of the dolphyn and retorned into his contrey & recoūted to his fader the lyf of vi­enne. wherof alle they that herde hī. had grete pyte in their herte /

¶ Whā the doulphyn sawe that the mariage was brokē by the deffaulte of his doughter vyēne. he sware that she shold neuer deꝑte fro thēs. but yf she wold cōsente to his wille / And so she abode longe tyme in that priso: where she had grete thought & soro­we for hyr swete ād trewe frēde pa­rys: & hyr desyre was on noo thinge but for to here tydinges of parys hyr loue: But in the estate that she was ī no man myght bringe hyr tydinges. And Edward the felawe of parys seyng that vyēne abode in soo grete payne: & that none durst speke to hyr he had in his herte grete sorowe. and was moche moeued of grete pyte. & also for the grete loue that he had to parys: and cōciuded to make a cha­pel ī the chirche that touched the pa­lays of the dolphyn ād in a corner he dyd do dygge so depe that it was ny­ghe to the fōdamēt of the prysō. whe­re in vyēne was: & by cause he wold not haue the thing disclosed: he wold that they shold dygge no ferther / ād whan the chappel was achyeued & fynisshed / Edward alle allone dyg­ged himself so ferze. that he made an hole: by which he spak to vyēne whā he wold which caue was made soo secretli that no man might apꝑceyue it / So it happed on a day Edward bi­helde vyenne thurgh thys hole. & sa­lewed hyr. & then̄e whā vyēne herd him ād knewe him / she had so grete joye and consolacyon / that she semed that she was rysen fro the deth to lyf & the fyrst tydinges that vyenne de­maunded of him were yf he knewe ony tydinges of paris / and edward tolde to hyr that it was not lōge syth that he had receyued a letter fro him wryton at genes. Then̄e sayd vyēne al wepyng to him. alas whā shal the day come / that I shall see hym / & that doon I wold be cōtēte that god shold do his will of me. for none other thīg I desire ī this world Alas fayr bro­ther what semeth you of my lyf & of this fayr chambre in which I dwel­le in. certeynly I byleue veryli that if parys knewe it / that for his loue i suffre thus moche sorowe: that the hert of him shold swelte for sorowe: & af­ter she tolde to edward the ꝑlamēt y^• she had wyth the sone of the duc of bourgoyn̄. & also of the hēne. & praied hī that he wold sēde worde of al this to parys / & y^t she recōmaūded hyr to hī. & also that she had none other ho­pe in this world but ī him. Edward brought to hyr euery day fro thenne forthon mete & drinke / & al that was necessarye to hyr. for hyr lyf / & cōfor­ted hyr wy^t fayr wordes the best wi­se he might. & Edward wrote al plaī ly to paris: hou for hūgre she shold haue bēdede / ne had he bē / which dayly [Page] pourueyed for hyr al that was to hinecessarye: and he wrote to him all the maner that Vyenne hath holden wyth the sone of the Duke of Bour­goyne And that this fayr lady vyē ­ne desired noo thinge in this worlde but for to see him onely: and also that she prayed that he shold not de­parte oute of the contre that he was in.

Whā the noble parys had receyue­d the letter fro Edward: and knewe that vpēne abode in pryson. it is noo nede to demaunde yf he had grete displaysir. and almoost was in such ca­as as to lese his wytte for sorowe: ād on that other parte he had grete dre­de that she shold be maryed in esche­wyng of the grete harme and payne that she suffred. ād herin he was pē ­syf nyght and day / sayeng to him self I see wel that I may not escape but that vyenne must nedes be maryed and by that moyen hyr loue ād myn shal faylle. Alas now see I wel that now me byhoueth noo hope ne truste Alas cattyf ād vnhappy what shall byfalle of me / I shal goo so ferre that fro hyr I may neuer here tydynges / ne also she fro me / and after thys be­gan ageyn his complaynte sayeng / O veray god of heuen wherof hast thou not doon to me so moche grace / that ī the stede of hyr I myght suffre the payne that she suffreth for me: O cruel fortune ful of cruel tormente. & what hath vyēne doon or made that she must suffre so greuous penaunce Ha alas were it not more reasō jus­tyce and cause that I whyche haue doon alle this euyl bere the punycion Certesyes.

¶ How parys sente a letter to Ed­ward his felawe

AFter that he had made his complaynte. he wrote a let­ter vnto Edward: doyng hym to wyte how he had souerayn sorowe for vyēne which was in pry­sō & he thāked him of the goodnes & dyly gēce that he had doon toward hyr / in prayeng hym that he neuer wolde faylle hyr / but cōtynuelly ay­de and helpe hyr with grete diligēce [Page]

And after he wrote to him how for veray displaysir and melancolye he wolde goo in to somme straunge cō ­treye. And that from than forthon he shold sende to hym noo moo letters / and that he neuer retche for to here moo tydinges fro him. no more than of a deed persone. Then̄e whā Ed­ward had receyued these letters fro Paris and knewe that he wold es­traunge him fro that contree of Ge­nes / and wold goo in to a straunge contreye he was moche wroth and sore agryeued

¶ And then̄e incōtinēt edward wē ­te and tolde it to the fader ād moder of parys / wherof they toke soo grete sorowe that thei supposed to haue loste theyr wytte: And after Edward wente & tolde it also to vyēne. whe­rof it nedeth not to demaūde the gre­te sorow that she had / for it was so grete and ouermoch. that if edward had not comforted hyr. she had beē dede And then̄e she complayned to ysabeau sayeng that sy then she ne­uer entēded to here tydinges of hyr loue parys she was right wel cōtēte to deye ād that she wolde neuer mo­re haue playsir of no thīge that was in this world. & that thēne she wol­de that she were dede And yf abeau comforted hyr alwaye [Page]

¶ How parys wēte to shippe at ve­nyse: for to goo to the holy sepulcre in Iherusalem

AFter that parys had sent the letter to Edward: Inconty­nent he deꝑted fro Genes wy^t hys seruaūte / & wēte to venyse whe­re he took shippyng. and saylled so ferre that he cam to alexādrye. whe­re he abode a space of time. & after in that countrey he enformed hym and lerned the waye to the mounte of cal­uarye and of Iherusalem & how he might passe surely / And afterward parys concluded to goo in to that cō ­trey a pylg [...]mage / but to fore or he took his waye. he lerned for to speke the langage of moores. And whan Paris coude wel speke mouryske. he ād his varlet took the waye toward ynde / and so ferre laboured by theyr journeyes / that they arryued in the londe of prester Iohan: In whyche he dwelled a longe tyme: ād in that whyle his berde grewe longe / ād af­ter he took the habite of a more / and also lerned alle the customes ād ma­ners the cōtree. ād he had alle waye faste / byleue in our lord Ihesu criste and in the gloryous virgyn marye his swete moder. and thus abydyng in this maner he had grete wylle to goo to jherusalē to the holy sepulture for to see the holy santuaryes: ād for [Page] taccomplysshe the holy pylgremage. Then̄e whan he was in jherusalem he sette alle his courage in deuocyon ād bycāso denoute that it was mer­uaylle. and prayed contynuelly our lord that by the meryte of his passy­on he wolde gyue to him saluacyō of his sowle / & consolacyon for his bodi & also for the fayr vyenne / & after he departed fro thens and wente in to egypte: and arryued in the countree of the soudan. & hys money began to faylle: and hyred him a lytel hows wherin he dwellyd moche heuy ād sorouful for his infortune. And also he had grete desplaysir whan he sa­we other tryumphe ād wexe lordes Now it happed on a day that parys wente to playe and disporte him out of the town in the feldes. and there mette wy^t the faulconners of the sou­dan / whiche came fro hawking. and emonge them was one faulcon mo­che seke / and that fawcon the sondā loued beste of alle the other. Thenne demaunded parys of the fauconner what sekenesse the faucon had And the faulconner sayde to hym that he wist not / Then̄e sayd parys truly yf he contynue in the maladye that he hath he shal not lyue thre dayes / but yf ye doo that I shal saye to you. and yf he be not hole therwith he shal ne­uer be hole / Then̄ sayd the fawlcon­ner to him. I praye you. that ye wyll telle me what I shall doo. for I ensu­re you faithfully. that yf ye may ma­ke hī hole / it shal mowe auaylle yow and me also / and that I promyse you for the souldan had leuer lose the beste cyte that he hath. than this fawl­con:: Then̄e parys wente ād sought certayn herbes: and gaf them to the faulconner ād bad him to bynde thē to the feet of the faulcon / & so he dyd / & sone after the faulcon amended ād becā as hole as euer he had be tofore Wherof the souldan was moch ioy­ous / and for loue of this faulcon / the soudan made the fawlconner a grete lord in his courte. Thenne the faul­conner seeyng that by the moyen of parys he had goten hys lordship: he dyd to him moche playsir / & shewed to him as grete amytye & frendshyp as he had ben his brother / & brought him in the grace of the souldā. & was receyued in to his courte. & the soul­dan loued him soo wel that he gaf to him grete offyce / and mayntened hī in grete honour.

¶ Ye shall vnderstonde that in thys tyme regned a moche holy pope. the whiche was named Innocencyus / and was a moche holy persone and deuoute And it pleased soo hym that he gaf oute a croysee. ayenst the fals myscreauntes ād he then men. to the ende that the name of our lord Ihesu cryst were more santefyed & enchaū ­ced thurgh out all crystyente. & ther­fore was maade a grete coūceyl emō ge the cardynals and prelates. and was concluded by their parlament. that thys croysee shold be wryton to the kinge of fraunce ād to other kin­ges [Page] crysten dukes / Erles / and other grete lordes. & so was it don

¶ How the doulphyn came toward the kyng of Fraunce

WHan the kyng of Fraunce had receyued the letters fro the pope / Incontynē the sen­te for the daulphyn of vyēnoys / that he shold come and speke with hym / The whiche incōtinent came at hys commaūdemēt. Then̄ the king said to him Syr godefroy we haue made you to come hyther. for ye be one of the most wysest of our courte / & also ye be of our lygnage. ād we late you wete that our holy fad the pope hath wryton to vs that he had yeuen a croysee ayenst the mescreaūtes. wher fore we for the loue and reuerēce of god entēde for to goo thyder. Neuer­theles we haue aduised that ye shold goo fyrst into thoo partyes and we praye you for the loue and reuerēce of god that ye take on you the char­ge for to espye the contrees. and also the passages. Thenne the doulphyn sayde. I am redy and appareilled to do your commaundemēt with good wylle. But how shal I mowe doo it for to passe surely emonge the hethē peple: For yf they apperceyue in o­ny wyse that I goo for to espye their coun [...]ee. I shal not conne escape. but that I must deye by cruel deth yf god [Page] kepe me not. Then̄e sayde the king / ye may goo & your companye surely clothed ī habyte of pylgryms / for ye knowe wel y^t thys is not the fyrst ti­me that many crysten men haue beē in the holy londe. Wherfore I praye you yet eft ones that in the name of jhesu cryst that ye make you redy for to goo thyder. and take wyth you of our kinghtes as many as it shal pla­yse you Then̄e the doulphyn seyng the wylle of the king. and that incō ­tinēt he must departe: he sente letters to hys wyf / that he wold good ī to the holy londe / to seche the holy sayntua­tyes & pylgrimages. & prayed hyr th­at she moche wysely shold gouerne his londe: & that vyenne his dough­ter shold not escape oute of pryson. tyl he retourned / For in shorte tyme he wold come ageyn

¶ How the doulphyn took his ship­pynge for to goo in to Iherusalem

AFter that the doulphin had taken his shyppe. & passed in to Surye ād damaske / to jherusalem and in many other places. & had aduysed & espyed moche wi­sely and well alle the countree / And enquyred of the crystē mē that dwel­lyd there many thinges. without discoueryng his wille and entente. Ne­uertheles some euyl crystē mē for ge­te money tolde it vnto the souldan of babylone. Thenne whan the sowldā knewe it / he maad noo semblaunte. but ī cōtinēt he made all the passages to be kept where as the pylgrīs wēt by in suche manere as the doulphyn was taken & alle hys companye wy^t him in place called Ramō not fer­re fro Iherusalem Whiche was bro­ught tofore the souldā. & he ordeyned that the doulphyn shold be tormēted and pyned. The doulphin seyng him self in suche a poynte sayd that they shold not tormente him: and he wold say to them the trouthe And thus he recounted to the souldā how the po­pe had gyuen oute a croysee ayenst them & how he was comen to espye the contreye Whan the soudan sawe this: he sayd that he wold aduyse hī of what deth he wold do him to deth [...]n maner that all other shold take en­saumple. And cōmaūded that anon he shold be ledde in to alexandrye. ād there to be put into an herde pryson. and alsoo that none shold gyue to hī but brede & water Thenne the doul­phyn was brought in to alysandrye / & was put into an hard and stronge toure. & there he suffred a myserable lyf & had kepars that kept hī nyght & day Thus was the doulphī in gre­te sorowe thīking neuer to yssue out of that pryson but dede Neuertheles the pope & the king of Fraunce dyd ofte tymes grete payne to haue him out by fynaūces / but they might not haue him. For the souldā sayd that he shold do on hī suche punyciō that all other shold take ensaumple / Now late vs leue to speke of the doulphyn & retorne we to paris that knewe no thinge of these tydinges

[Page] Now recounteth thistorye that pa­rys was in babylone lyke as ye haue to fore herde / which knewe noo thīge of this fayte So it happed that bi aduenture. ij. freres relygyous sought thindulgences of the holy lande & ar­ryuedē ī babylone. where they wold see the seygnourye & the puyssaūce of the sowldau. For then̄e the sowldan helde him in babylone wy^t moch gre­te puissaunce These two freres we­re of these partyes / whiche beyng in tho partyes it happed as they wente in the towne parys fōde them / Then̄ parys salewed them / & demaunded of these partyes and sayde to thē in this maner. After that I haue herde say emonge you cristen men ye haue a pope. the which is moche stronge & puyssaūt. and also ye haue many kī ­ges & grete lordes / & so grete townes cytees ād castellys. that I haue mer­ueyll how ye suffre that we that be not of your lawe haue the seygnou­rye of the holy londe. which ought to apꝑteyne to you as ye say / And whā the freres had herde parys thus spe­ke. they were sore aferde / and one of them answerd in the lāgage of moure / For they wist none other but pa­ris was a moure / ād so dyd al they of the contrey. & he sayd to him. Syr I byleue well that ye haue herd say: y^t in our partyes been assembled grete companye of peple & men of warre / for to come into thyse partyes / bycause that our holy fadere the pope hath graunted oute a croysee: and in the time whyles our men of warre asse­bled. the kinge of fraunce. whiche is the grettest of crystyēte: sente a noble baron / whiche is named the doulphī of vyennoys: for to vysite and espye these partyes. The souldā sette men in such places: where as the pylgrīs were acustomed to passe. & sodeynli he dyd to take him in a cyte named Ramon / and after sente him into a­lexādrye. & there sette him in an euil pryson / wherein I suppose that he be dede / and thus for this cause the fayt was discouerd Then̄ said paris / how is y^t lord named Then̄ sayd the frere / he is named godefroy of Allaunson doulphyn of vyennoys / & whan pa­rys herde this he was moch abasshed but he made noo semblaunter. & tho­ught in his hert. that hys aduenture might yet come to good and effecte. Then̄ he demaūded thē of many thī ­ges / & sayd to them. that he wold more speke to them an other tyme: & de­maundet thē where they were lod­ged: & they tolde him more for drede thā for loue / for they thought he wolde haue doon to thē some harme

¶ Whan parys was deꝑted fro the freres. he was moche pensyf how ād in what maner he might goo into a­lexandrye for to see the doulphin / ād how he myght gete him oute of pry­son. and so moche he thought on hys fayte: that he purposed to goo to the hostry where the freres were lodged and soo wente thyder. ād whan the freres sawe him they were sore afer­de / [Page] Then̄ parys took them by the hā ­des / ād ladde thē to solace thurgh the cyte spekyng of many thinges alwa­ye in the langage of moure & sayd to them / I haue grete desyre to see that crysten knyght whiche is in alexan­drye For I haue alwaye had good wylle to the crysten men. ꝑaduentu­re I might yet wel helpe him / & yf ye wil come with me / I ꝓmyse yow by my lawe / that I shal make you good chere: & doubte ye nothyng. and then̄ whan the freres herde hym thus speke they wist not what to āswer. they had soo grete fere. Neuertheles they trustyng in the mercy of god / they promysed him. that they should deye & prayden god in theyr courage that he wold graūte grace that he myght come oute of pryson: Thenne parys had grete play six of the āswer of the freres & wēde neuer to see the houre that he might be with to see the doul phyn for to see the ende of his aduen­ture / And so departed fro the freres. and wente strayte to the faulconner of the sowldan / wyth whom he had grete knowleche & sayd to him / Se­ygnour I thanke you of the grete ho­nour / curtosye and gentylnes that ye haue do to me & pla [...]se yt you to wy­te that I wyl deꝑte / to hens into ale­xandrye. and I promyse to you that for your loue I shall not tarye longe / but that i shal retorne hytheyr ageyn And bycause I am there vnknowē & that i neuer was there: i maye you ryght humbly that I myght haue a maundement of the souldan. that he commaunde to the gouernours that I may goo through alle his lōde sure­ly / For ye knowe wel that one may not kepe him ouer wel fro euyl peple Therefore i praye you & requyre that ye wyl gete me suche a maundement and also that ye wyl commaūde me humbly to the good grace of my lord the souldan / & for with the faulcōner wēte to the souldā / & made his req̄ste for Parys / & incontinēt the sowldan graunted hym al hys desyre: sayeng that it moche displaysed hym of the deꝑtyng of parys. & yf he wold aby­de ād dwelle in hys courte / he wolde make him a grete lorde. Thenne the fawlconner sayd Dere syr he hath ꝓmysed me / that in short tyme he shall retorne / Thenne the souldan dyd do make the maūdemēt lyke as he wold deuyse. charchyng al his lordes offi­cers & subgettes of townes cytees ād castellys of his londe. that they shold doo to hī grete honour: & y^t they shold gyue & delyuer to him al that shold be necessarye to hī without takyng ony money or ony other thinge of hī And also the souldā gaf to parys many ri­che clothes & vestimētes of cloth of gold & of sylke. & also he gaf to hī gre­te tresour. prayēg him y^t he shold not lōge tarye / but hastely retorne ageyn: & ꝓmysed him that he shold make hī a grete lord / & delyuerd hys maūde­ment / the which was sealed wy^t the propre seale of the sowldan: & sygned with his owne hande [Page]

How parys wyth two freres went into Alexādrye. where he was wor­shypfully receyued of Thadmyrall

WHā parys had receyued all these thinges that the souldā had gyuen to hī he took leue of him & of hys courte & wēt wy^t the freres into Alexandrye. Incōtinent after he was comen / he shewed the maūdemēt to the admyral. the whi­che anon he had seē it. dyd grete ho­nour to parys / & delyuerd to hī a fayr loggyng pourueyed of all thīges ne­cessarye. ād delyuerd an other to the freres. Thadmyral cam eueri day to see parys in his logyng for to doo hī honour & cōpanye / & wente & rode togyder through the cyte. ād bycause y^t parys was rychely clad / euery man made to hī grete honour & sayd that he semed wel to be the sone of somme grete moure / And on a day as they rode in the cyte / they passed forth by the toure where as the doulphī was in pryson. Then̄e parys demaunded of the admyrall what toure it was y^t was so fayre. Then̄e he tolde to him that it was a moch cruel pryson & terryble In whiche the sowldan helde a prysonner a grete lord & baron of the theste / which was comen for tespye these cōtreyes / Then̄e, sayd parys I praye you late vs goo see hym: & the admyral sayd he shold gladly Then̄ [Page] they alyghted fro theyr horses. & en­tred in to the pryson. & whan parys sawe the doulphyn be had in his herte grete desplaysir: bycause of the my­serable & forouful lyf that he suffred And parys demaūded of the kepars what man he was. & they sayd. that he was a grete barō of fraūce / Then̄ sayd parys. vnderstōdeth he mouris­she / & they say nay: but that notwith­stondyng yf he wold speke to hym / that they shol fynde tourchemē yno­ugh. Then̄e sayd parys he wolde re­torne an other day: for to demaunde of him of the partyes of the weste. ād prayed thadmyral to gyue cōmaun­dement to the kepars / that as ofte as he shold come that they shold shewe hym to hym: & incōtinēt he commaū ded lyke as parys hath desyreth. and then̄e they departed / & a fewe dayes after parys retorned and came to the prysō & brought one of the freres wy^t him that coude speke mouryske / and whan they were within pryson. pa­rys sayd to the frere that he shold sa­lewe him curtoyssy Neuertheles the frere knewe noo thynge that Parys coude speke frensshe Then̄e the frere sayd to the Doulphyn. that that lord was come for to vysite him. ād that he loued wel crysten men / ād that he was wel in the grace of the sowldan: and that he trusted as moche in him as in ony man of his contreye / & thꝰ the frere demaunded many thynges of the doulphin in y^e name of parys & sayd if he might doo for hī: he wold gladly.

Whan the doulphyn herde the reli­gyous frere thus speke in the persone of y^t moure. he was moche abasshed in hys courage. bysechyng our lord that he wold put him in such coura­ge & good wylle for to bringe hī out of pryson. Parys desyred of here ty­dinges of the fayr vyēne sayd to the frere that he shold aske to the dolphī yf he had ony wyf or chyldrē / Then̄ the dolphyn began to wepe / & sayd y^t he had a wyf / ād a doughter holden for the fayrest of Fraūce. whom he helde in pryson bycause she wold ta­ke noo husbond: Thenne parys begā to comfortee him by the mouthe of y^e frere: sayeng that he shold take all in pacyēce / & god shold yet ones delyuer him oute of pryson / bi which wordes y^e doulphin was so reyoyced & joyoꝰ that him semed y^t god had appyered to him / & the dolphyn sayd to y^e frere that it was grete pyte that the moure was not crystē: & prayed our lord y^t he wold gyue to hī puyssaūce to ke­pe him in y^t good wylle y^t he had ād so deꝑted that one from that other mo­che cōforted Then̄ parys sayd to y^e kepars y^t he had foūde so grete plaisir in the prysoner y^t he wold ofte tymes come for to disporte him: & they sayd whā it plaised hī he shold retourne & be welcome: & then̄e parys sayd to y^e frere that were ī y^t place yff i thought to be sure of you: i thīke wel to fynde moyen to brynge this prysonner out of pryson. and the freres were moch [Page] admerueylled of this / whiche parys had sayd to them & they sayd to hī / by the sayth that we owe to our god that of vs ye nede not to doubte. & in caas that ye be in wylle late vs assa­ye / but it must be doon secretely. For ye see wel how many kepars beē there continuelly: Then̄e sayd parys I shal gyue to you good coūceyl ād re­medye of alle this. but I will haue / ij. thinges / The fyrst thynge is. I wyll that ye goo with me / That other is. that he shall gyue to me my lyuyng honourably in hys countre / for I am in grete doubte whā i haue delyuerd him: & shal be in his coūtreye that he wil sette nought by me: & I can noo mestyer ne crafte. ād soo I myght be wel deceyued. Therfore yf he wyll assure me / ād that he wyl gyue to me a yefte: suche as I shal demaūde him whan I shal be in his coūtreye / i shal delyuer hym & shal leue my countree for loue of him / & ye may see in what estate I am

On the morne parys and the freres came into the prysō / & the frere recoū ted al this to the doulphyn. & whan the doulphin / vnderstood this. hym thought that god bare hym awaye: & sayd. I thanke you ād thys moure of the good wylle y^t he hath to ward me: For I neuer dyd him seruyce ne playsir Wherfore he ought to do so moche for me: Neuertheles I hope y^t it is the playsir of god that he shal delyuer me oute of pryson: i am redy to swere vpon the body of Ihesu cryst: or i euer departe from hēs / that asson̄ as I shal be in myn owne lāde i shall mayntene hī in more grete estate thā he is here / and I wyl that he doo all his wylle of my londe / for it shall suf­fyse to me onely / that I haue a lyuin­g for me and my wyf. & I shal doo al that he wylle. and so say to hym on my behalue. And then̄e the frere tol­de al to parys that which the dolphī had sayd and promysed to do. and to thēde that paris shold be more sure he sayd to the frere that he shold bringe to fore him the bodi of our lord je­su cryst / and that to fore him he shold swere to holde alle that he ꝓmsed & the frere tolde it to parys. & the doul­phyn sware it to parys / to accomplisshe alle that he had ꝓmysed / & whan he had sworne to the ende that Pa­rys shold be the better contēte. the dolphyn receyued the precyous body of our lord Ihesu cryst / sayeng that it shold be to the damnacyō of his sou­le / in caas that he accōplysshed not al that he had ꝓmysed whā they should be in his londe, & whā this was doo / parys & the freres deꝑted fro te doulphyn: & wente to the porte: for to wy­te yf there were ony fuste that wold come hytherward / ād by aduenture they fonde a fuste. ād parys with the freres spake to the patrone. & promy­sed him a. M. besaūts of gold yf thei wold lete haue passage fyue ꝑsones. The patron seyng the grete tresour / sayd to them that he was cōtente: but he wold haue half at the porte: and [Page] sayd to them / lordes I praye you make you redy For in caas y^t the moure of this londe fonde vs we shold be al dede Then̄e sayd Parys make your self al redy. for thys nyght at midny­ght I shal come: And after this Pa­rys retorned to his loggyng ād dyd do make redy moche vytaylle ād the best wynes that he coude gete ād he with the freres maad prouysyon of alle other thinges and mantellys ād to wellys

How that the doulphyn was dely­uerd by parys out of pryson

THan al was redy parys wē te to the kepars of pryson ād sayd I thanke you many ti­mes of the grete playsirs that ye ha­ue doon to me I wyll now departe fro hens / for to retourne to my lord the Sowldan. But for your loue I wyll souppe wyth yow thys nyght / and praye yow that we may soupe to gydere / And they answerd. that [Page] it wel pleased thē for his loue. Then̄ Parys sente for the vytaylle and for the wyn. and after it was come they souped to gyder / ād the kepars whiche had not been accustomed to drin­ke wyn: dranke soo moche that they alle were dronken. and incontynent leyed them doun to slepe. and slepte so faste. that for noo thinge they cou­de awake them / & whan paris sawe that: he sayd to the freres: that they shold opene the yates of the pryson / & yf ony of the kepars awake / I shall slee him Thenne the freres began to vnfetere the doulphi with grete drede. prayēg god to be theyr ande & helpe / & whā the doulphyn was loos he cladde hi lyke a moure / After parys slewe alle the kepars one after an o­ther bycause if they awoke they shol­de not come after them

Now the doulphyn. parys. ād the ij. freres went to shyp

[Page] THys doon the dolphin with parys and his varlet ād the two freres camen to the porte / & hastely entred into the fuste whiche was al redy / ād wonde vp theyr sayle. and by the helpe of god began so fast to saylle that with in fewe da­yes they arryuedē ī a place that then̄ was crysten: and there the dolphyn wente alonde by cause he was moch greued ād annoyed as wel of the see as for the harme that he had suffred in pryson. ād there borowed money and fro thēs came into cypers whe­re was a kynge whiche had dwelle­d in the courte of the king of fraunce The which assone as he knewe that the dolphyn of vyennoys was come he went to mete hym & prayed hym that he wold come & lodge in his pa­leys / and the dolphyn wente thyder. Wherof the king had grete joye: and there he made hi grete chiere. for many tymes they had seen eche other in the kinges court of Fraūce And af­ter the kyng demaūded him of hys aduenture / & the doulphyn recoūted it to him al alonge. ād. bycause of the comyng of the doulphi he made mo­che grete feste ād receyued him mo­che hyely. and made him to soyourne there as longe as it pleased him: ād whan the doulphyn had soyourned there at his plaisir: he took leue of the king and of al hys courte / thāking him moch̄ of the grete playsir that he had doon to him The kyng seyng y^t the dolphyn wolde departe: he gaf to him grete yestes: and dyd doo arme two galeyes whiche accompanyed him. and brought hym vpon the see: and had soo good winde that in fe­we dayes after they brought hym in to aygue smortes

¶ How the doulphyn ād parys we­re receyud with ioye and gladnesse of the people of fraunce

[Page]

THan the doulphyn was ar­ryued / the knyghtes of the doulphyne herde it anone / ād forthwith maad them redy & went to horsback & mete with hym at ay­guesmortes / & there receyued him in grete honour / and so came forth the ryght waye to vyenne. & for yoye his comyng / all they of the cyte made a moche noble and meruayllous feste / whiche endured wel fyftene dayes / and the playsir ād joye was so grete emonge thē bycause they had recou­nerd theyr lord / that noo mā shold & coude haue thought it / Parys in alle this wyse neuer chaūged his vestu­re ne clothing. but cōtinuelly wente to masse. ād by the commaūdemēt of the doulphi / the people dyde him gre­te reuerēce & honour. so moch̄ that parys was ashamed therof: and spake noo thynge but mouryske: & he had a grete berde. ād made to noo persone of the worlde ony knowleche / & after a whyle of tyme. the doulphin for tac complysshe that he had promysed to parys by the frere dyd do say to paris and demaunde / yf he wold haue the seygnourye of his londe and contree For he was al redy for taccomplys­she that. whyche he had promysed. And paris made to him āswer that he shold kepe stylle his londe. Then̄ the doulphyn dyde do demaūde hym [...] he wold haue hys doughter vyē ­ne [...] parys mad the frere to say / ye [Page] for that pleased him wel / and then̄e they wente to hyr. Then̄e whā they were to fore Vyenne / the frere spake fyrst / Madame ye knowe well that my lord your fader hath ben a grete whyle in pryson: and yet shold haue been: ne had haue been this moure / which hath saued him / puttyng his ꝑsone in right grete perpl and dauger for the loue of milord your fad. & thꝰ ye may wel knowe how moch he is holden to him / & by cause herof your fader is subget to him euer. wherfore your fader prayeth you. that vpō all the playsir that ye wyl doo for hym. that ye wyl take hī for your husbond And he shal pardōne all the desplay­sir that euer ye dyd to him Whā the frere had fynysshed his wordes vy­enne āswerd to him sayeng The bisshop of saynt laurēce knoweth well that is here p̄sent / that it is lōge syth / that yf I wold haue be maryed I might haue ben maryed with more honour vnto my fader / thā vnto this moure. for the sone of the duc of bou­rgoyne had espoused me if i wold ha­ue cōsēted / but god hath put me in su­che a maladye: that I may not longe lyue in this world and euery day my maladye encreaceth & so enpayreth me that I am half roten / Wherfore I praye you to say to my fader that he holde me excused. for at this tyme I wyl not be maryed Then̄ they took theyr leue of vyēue & recounted alle this to the dolphyn. Then̄e the doul­phyn sayd to the frere that he shold say it to the moure / & so the frere told it al to parys / and then̄e parys whi­che was aferde to lese the loue of vi­enne / wente for to see hyr in the pry­son with the frere ād the bysshop of saynt laurēce. Then̄e whā parys sa­we vyēne in that disposicyon he had moch grete sorowe & grete meruail­le / & then̄ he made the frere to salewe hyr in his name / and vyēne āswerd vnto hys gretyng curtoysly. and the frere sayd in the name of parys / ma­dame ye knowe wel i haue delyuerd your fader oute of the pryso. Wherof ye ought to haue singuler play sir: ād yet he shold haue been there if I had not holpen hym oute / & he ꝑdonneth you with good hert & good wylle all the desplaysirs that euer ye dyd ay­enst hys playsir And prayeth yow that ye take me for / your husbond & wyl that we haue the lordship of the doulphyne. & therfore I praye you y^t neyther ye nor I lose not this honour: ād yet more though this were not / ye ought not to disobeye the ꝯmaun­demētes of your fader. And then̄e vi­enne āswerd to the frere as to the ꝑsone of parys sayēg. i knowe wel that ye haue delyuerd my fad oute of pri­son. Not withstōding my fader shall haue suche regarde ayēst you that ye shal lese noo thinge. And I wote wel y^t ye be a mā of grete lygnage. ād are whorthy to haue a gretter lady thā i am But the bisshop of saynt laurence which is p̄sēt knoweth wel that for the maladye that i am in: I may not lōge lyne. & then̄e sayd the frere ī this name this is bycause I am a moure [Page] that ye refuse me: I ꝓmyse you that i shal become crystē: but I thinke wel that if ye knewe who that I am and what i haue lefte for to brynge your fader oute of prysō that ye wold prei­se me more thā ye doo / knowe ye for certayn y^t your fader shal be periured for he hath ꝓmyseth y^t ye shall be my wyf. wherof ye shal haue blame. therfore if it plaise you graūte ye him his wille / Then̄e sayd vyenne / lord haue herd say moch good of your: & that ye be he that haue doon somoche for my fader. but neuertheles in the ma­ladye in the which I am none ought to coūceyl me to take an husbond / for my lyf may not lōge endure / & by cause that ye may knowe that I say tro­uht approce ye ner to me: & ye shal fe­le and smelle in what disposiciō i am: of my ꝑsone. & then̄e they approuced ner to hyr. & vyēne had put. ij. quarters of an hēne vnder hyr two arme hooles / & there yssued so grete stēche that the bisshop ne y^e frere might not suffre it: Neuertheles y^e slynche was to parys a good odour. for he smelled it not. and sayde I wote not what ye smelle / for I fele none euyl sauour / ād they meruaylled strōgely bycause he felte not the odour. & the frere sayde in parys name / For this odour shall I neuer leue you & i assure you i shal neuer deꝑte fro hēs. vntyl ye haue cō sented to y^t your fader wyll / & vyēne āswerd moche āgrely & saide: by the fayth y^t i owe to god i shal rather rē ­ne wy^t my hede ayēst the wall y^t shal make my braī yssue oute of my mo­uth / & so shal ye be the occasion of my my deth / Then̄ sayd the frere ye shal not so doo madame: For i promyse you fro hēs forth. that i shal neuer speke more to you. sythe y^t it is not your wylle ne playsir / but atte leste of one thing i praye yow that this night ye aduyse you / & i shall retorne to morn for to haue of you an āswer / & ye shal take coūceyl of your felowe. & i praye to god y^t ye may be wel coūceylled / & alle these thinges sayd the frere i the name of parys to vyēne. & after they took theyr leue of vyēne / & sayd alle to the doulphin / wherof he was then̄ moch displeased: bad the frere to telle it all vnto parys for to excuse hī & that he shold not leye the blame on him. And whan they were deꝑted fro vyēne she sayd to ysabeau / My sayr suster what semeth you of y^e wisedom of my fader. that thinketh y^t I shold take this moure to my husbōd & haue refused the sone of the duke of bourgoyn̄ / but god forbede that euer in my lyf i haue other lord thā paris to myn husbond: whome I hope yet to haue. & ysabeau sayd Tertes ma­dame I wote not what to say of yo­ur fader which wold gyue you to a moure in mariage. I haue therof grete thought: for he hath sayd that he shal retorne to morn̄ to see you. and hath sayd that ye shold remēbre and aduyse you

How parys came to see vyēne in the pryson & how she knewe him

ANd on the morn̄ betymes parys cladde hym moche more rychely than to fore. & gyrde with a moche ryche swerde. & came to the pryson with the frere / and the frere sayd to hyr / Madame we been retorned for to knowe your god ās­wer and your entēcyon / And vyen­ne answerd. lordes myn entencyō is that I shal neuer breke my promesse that I haue made / For I haue avo­wed that I shal neuer take husbond ne goo owte of this pryson / but dede / sauf him. to whome I haue ꝓmysed ād therfore retorne ye in good tyme Then̄e sayd the frere. by my fayth I wote not what to say / for hit is grete dommage that ye suffre so moche so­rowe & payne. ād syth it is thus your wylle. & that ye wyl none other wise doo. Neuertheles the moure prayeth you to do to him so moche grace. that syth ye wyl not take him in mariage that ye wyll bere thys rynge for the loue of hī Now thys rynge was the same rynge that vyēne gaf to parys whan he deꝑted fro hyr in the hows of the chapelayn / and vyēne bycau­se they shold no more come ageī took the rynge. & whan she had receyued the rynge: parys sayd to the frere / I praye you that ye tarye a lytel wythoute. For I wyl see what coūtenaū ­ces she wyl make of the rynge / & the [Page] frere sayd gladli Neuertheles he meruaylled moche. and incōtinent y^e fre­re wente oute: & vyēne began to be­holde the rynge. & whan parys sawe that vyēne byhelde the rynge so strō ­gely. he began to speke in his playne tongue ād sayd / O moche noble lady why be ye soo moch meruaylled of y^t rynge Then̄e sayd vyēne. Certrs to my semyng I sawe neuer a fayrer. Then̄e sayd parys. therfore I praye you that ye take therin pleisir for. the more that ye byholde it: the more ye shal prayse it

¶ Whā vyēne herd these moure thꝰ speke. the [...] she was more admerueylled thā tofore / & was as a persone al abasshed & sayd Alas am i enchaū ­ted. & what is this that I see ād here speke: & in sayēg these word she wolde haue fledde for fere oute of the prisō. bycause the herd the moure so speke: Then̄e sayd parys / o moch noble ladi vyēne. meruaile ye noo thinge ne haue ye noo doubte: lo here is parys your tr [...]we seruaūte / & vyēne was then̄ abasshed more thā tofore. certes sayd she. this may not be but bi wer­ke enchaūced / & parys sayd / noble la­dy hit is non̄ enhaūted werke: for i am your seruaūt parys. whych lefte you wy^t ysabeau in such a chyrche / & there ye gaf to me y^e dyamōd whiche now i haue del [...]erd to you. & there ye ꝓmysed to me ye wold neuer take husbond but me / ād be ye no thynge admeruaylled of y^e berde ne of y^e vesture that i bere: for they take awaye y^e knowleche of me. & many other wordes sayd parys to vyenne / bi whiche she knewe clerely that he was parys & for the souerayn loue that she bare to hī / & for the grete ioye that she had she began to wepe in his armes / & tē ­brace & kysshe him moch swetely / ād there they cōforted eche other wyth swete wordes / & she abode lōge time Vyēne coude not ynough kysse hym & embrace hī: & also parys demaūde­d of hyr aduēture / & she tolde him all And of all this ysabeau had nothīg herde of / For she was faste a slepe bycause she had watched all the night byfore. and for the grete ioye & swe­tenes that parys / & vyēne demeaned bytwene thē. she awoke / & whan she sawe vyēne beyng ēbraced wy^t the moure / she sayd. Madame wat is y^t ye do. haue ye loste your witte / that so embrace this moure: hath he enchaū ted you / that ye suffre him so famyli­er with you. ād is this the fayth that ye kepe to parys / for whō ye haue suffred so moch paine & sorowe / & vyēne sayd. Swete sustere say ye noo suche wordes but come & take your ꝑte of the solace that i haue / for also wel ha­ue ye foūdē good aduēture as i haue see ye not here my swete parys / whō so moch we / haue desyred Then̄e isa­beau approched ner to hī ād byhelde him wel. & sawe that it was parys / & she wēte & kyssed him. & demened so moch grete ioye bytwene them thre. that there is noo persone in y^e world that might say ne thinke it. but so abo­de grete whils ī this soulas and ioye / tyl atte laste parys spack Swete vyenne [Page] it byhoueth that we goo hēs to fore my lord the doulphyn your fad for now fro hēs forth it is necessarye that he knowe all our fayte. Neuer­theles i praye you to say nothing tyl I desyre you. and all thre came oute of the pryson: & fōde the frere whiche meruaylled gretely & alle they to gy­dre wēte to the dolphyn. whiche had souerayn playsir whā he sawe them And neuertheles he was moch abas­shed how hys doughtere was so co­me. ād then̄e parys sayd to the frere / Saye ye to the doulphyn that I haue conuerted his doughter to his wylle and to myn & that it playse him y^t she be my wyf▪ & the frere sayd so Then̄ the doulphyn sayd to his doughtere. wyl ye take this mā for your husbōd which hath delyuerd me oute of pri­son in grete paryl of his ꝑsone Then̄ demaūded viēne of paris if he wold that she shold speke. & parys sayd ye And then̄e vyēne sayd to the dolphī My fader I am redy to do your commaūdemēt & hys: ād praye you to ꝑ­donne me & gyue to me your benedic ryon. & whan she sayd thus hir fader pardōned hyr ād gaf to hys hyr bles­syng & kyssed hyr Then̄ sayd vyēne Too here is my good frende parys. whome I haue so moche desyred: ād for whome i haue suffred so moche payne and sorowe And fader this is he y^t so swetely songe & floyted & that wāne the ioustes in this cyte. & bare wy^t hī the shelde of crystal & my gar­lōde / & also this is he y^t wāne the ious­tes in y^e cyte of parys: & wā their y^e iij. banerrs wy^t the iij. jewellys. & went awaye wy^t thē withoute knowyng of ony man: & also he hath delyuerd you out of pryson putting hys lyf in jeopardye for you. And whā y^e doul­phī vnderstood all this he was meruayllously glad & joyoꝰ After al this parys wēt to his fader: & whā he sa­we him & knewe y^t he was hys sone parys whome he had so moche desyred to see: he embraced hī & kyssed hī : & for the yoye y^t he had he coude not speke a word / & after all the other lordes & knightes rāne / for tēbrace & kysse him: And after this ioye Paris fa­der sayd to the dolphī My lord playse it you y^t i may borowe my sone ho­me to my hous for to see his moder & his felowe Edward / Then̄ sayd the dolphyn it plaiseth me right wel one­ly for this day For to morn̄ i wyl y^t the mariage of hī & of my doughter be made & solempnysed here / & then̄e messyre jaques wente wy^t hys sone vnto his hous: verayli his fader his moder & his felowe edward wist not where they were for ioye & play sir y^t the had. & that was noo wōder / for they had no moo childrē but hī & he shold wedde y^e doughter of their lord & also parys was in that tyme beco­me a vaylaūte knight & ful of beaul­te: & for many reason it was no mer­uaylle though they had in him grete joye & playsir / & Edward demaūded of him of his aduēture & many other thynges / ād he recounted and tolde hym alle [Page]

How parys espoused & wedded vyenne / & of the feste y^t was there made

THen̄e on the morn the doul­phin gaf his doughter ī ma­riage to parys and the feste was moch noble & suptuoꝰ. For mo­che peple were comē thyder for to see the feste / & it endured xv. dayes. & the playsir & solace which was doon for the loue of parys & of vyēne was soo grete / that vnnethe it may be byleued Which parys & vyēne lyued to gy­der a grete whyle in right grete cōso­lacyō & plaisir / but after thaccōplisshement of the mariage the fader & mo­der of parys lyued not longe after in this world / & parys had by vyenne his wyf thre chyldren: that is to we­te two sones and one doughter And the doulphyn ordeyned for thē mo­che noble matrymonye: And parys after the deth of hys fader and hys moder wold that edward his dere felowe shold be herytyer of all the goo­des that his fader lefte. & gaf to hym ysabeau to his wyf / which lyued to gyder longe tyme in grete loue & con­corde. And sone after the doulphyn and hys wyf deyeden And thenne was parys doulphyn ād had the possesyon of alle the seygnourye. The which lyued wy^t vyēne in this worl­de xl. yere / & ledde a good & holy lyf [Page] in so moche that after thendēdement of somme men they be sayntes in he­uen: & they deyed bothe in one yere. & semblably Edward & ysabeau deye­d bothe tweyne in one yere Therfo­re late vs praye vnto our lord / that we may do such werkes ī this worl­de. that in suche wise we may accompanye them in the perdurable glorye of heuen / Amen

Thus eyndeth thy storye of the no­ble and vaylyaunt knyght parys. ād the fayr vyēne doughter of the doulphyn of vyennoys / translated out of fresshe in to Englysshe by Wylliam Taxton at westmestre / & prentyd by me Gerard [...]eeu in the towne of a [...] ­dewarpe In the yere of our lord Ni . CCCC. fowre skore and twelve▪ and fynysshed the xxiij. day of Iuyne