¶The Wynning of Berwik. Cap. ij. ERll Patrik than, to Berwik couth perſew, Reſſauit he was, and traiſtit verray trew. The King followit with his men of Renoun, • ter mydnicht at reſt was all the toun. Corſpatrik rais, the keyis weill he knew, Leit briggis doun, and Portcuilleis thay knew. Edward Enterit, and gart ſla haiſtely, Of men and wyfis aucht thouſand and fyfty. And barnis als, be this fals auenture, Of trew Scottis, chaipit na creature. Ane Capitane thair, this fals King hes maid, Towart Dunbar without reſting thay raid.

¶The Battell of Dunbar. Cap. iij. QVhair gadderit was greit power of ſcotlād Aganis Edward, in Battell for to ſtand. Thir four Erllis was enterit in that place, Of Mat, Menteith, and Athoill, vpon cace. In the Caſtell the Erll gart hald thame in, That to thair men, without yai micht not win. Nor ȝit to thame ſuppleing for to ma, The Battellis than, togidder faſt thay ga. Full greit ſlauchter yat pietie was to ſe, Of trew Scottis, ouir ſet with ſubteltie. Erll Patrik than, quhen the fechting was fellaiſt, To our fa turnit and harming did vs maiſt. Is nane in warld yat ſkaithis may do mair, Than weill traiſtit in borne familiar. Our men ar ſlane without redemptioun, Throw thir deidis, haill tynt was this Regioun.

¶How King Edward and Corſpatrik come to S • one, and put doun Iohne Ballioun, and had with yame ye A • ris of Scotland. Cap. iiij.

☞ (✚) ☜

KIng Edward paſt, and Corſpatrik to Scone And thair he gat homage of Scotland ſone. For nane was left, ye Realme for to defend, For Iohne Ballioll yan to Montros yat ſend. And him depryuit for ay of his Kingrik, Than Edward his ſelf was callit ane Royall Rik The Crown he tuik, vpon ye ſamin ſtane, That Gathelus ſend with his Sone fra Spayne Quhen Yber Scot firſt in Scotland came, That Canmore ſyne, King Fergus had to Name. Brocht it to Scone, and gart it ſtabill thair, Quhair Kingis war Crownit viij. hūdreth ȝeir & mair Befoir the tyme yat King Edward it fand, Thir Iowellis he gart turs in Ingland. In Londoun ſet in witnes of that thing, Be conqueis yan of Scotland maid him King. Quhair yt ſtane ſtandis, Scotlād ſuld maiſter be, God cheis ye tyme for Margaretis airis to ſe. Aucht ſcoir thay led, of greiteſt yat yai fand, Of airis with thame, and Bruce out of Scotland That office than he bruikit bot ſchort tyme, I may not now put all ye deidis in ryme. On Cronicklis quhy ſuld I tary lang? To Wallace agane, now breifly will I gang. Scotland was loiſt, quhen he was bot ane Chyld All haill ouir ſet with our enemeis wyld. His Father Malcolme in the Lennox fled, His eldeſt Sone thidder with him him he led. His mother fled with him fra Ellerſlie, To Gowrie paſt, and dwelt in Kilſpindie. The Knicht hir Father thidder thame ſent, Vnto his Vncle with ane gude Intent. In Gowrie dwelt, and had thair leuing thair, Ane agit man, quhilk reſſauit thame fair. Than to Dundie Wallace to Scuill thay ſend, Quhill he of wit full worthely was kend. Thus he continewit in his tender age, In armis ſyne did mony vaſſallage. Quhen Saroun blude in this Regioū couth Ring Markand the will of that vnrichteous King. Mony greit wrang yai wrocht in this Regioun, Deſtroyit our Lordis, & brak yair biggingis doun Baith wyfis and Wedowis, yai tuik at yair awin will Nūnis & Madynnis, quhom yai lykit to ſpil. King Herodis part yai playit into Scotland, Of ȝoung Chyldren, yat yai befoir yame fand. The Biſchoprikis that was greiteſt of vaill, Thay tuik in handis of yair Archebiſchoppis haill Nocht for the Pape, yai wald na Kirkis forbeir, Bot grippit all, be violence of weir. Glaſgow yai gaif, as at thair waill was kend, To the Diocie of Durhame to ane commend. Small benefice, yan yai wald nocht perſew, Bot for this thing full mony vther yai ſlew. Hangit Barrounis, and wrocht full mekill cair, It was weill knawin, within the Barnis of Air. Thair auchtene ſcoir, put to ane felloun dreid, Bot God abuif hes ſend vs ſum remeid. It is rememberit farther in the taill, I will follow vpon my purpois haill. William Wallace, or he was man of armis, Greit pietie thocht, yat Scotland tuik ſic harmis. Mekill dolour it did him in his mynd, For he was wyſe, richt worthy, wicht and kynd. In Gowrie dwelt, ſtill with yis worthy man, As he Increſſit, and with abandoun than. Into his hart he had full mekill cair, He ſaw the Sutheroun multiplie mair and mair. And to him ſelf, oft wald he mak his mane, Of his gude kyn, yai had ſlane mony ane. Ȝit he was than, ſemely, ſtark, and bald, And he of age, was ſeuintene wynter ald. Wappinnis he bair, outher gude ſword or knyife, For he with thame, hapnit richt oft to ſtryife. Quhair he fand ane out of ane vtheris preſence▪ Efter to Scottis, thay did na mair offence. To cut his throit, or ſtik him ſuddandly, He waynit nocht, fand he yame anerly. Sindrie wantit, bot nane wiſt be quhat way, For as to him yair couth na man ocht ſay. Lytill of ſpeiche, was courtes and bening, Sad of countenance, he was baith ald and ȝing.

¶How Wallace ſlew ȝoung Selbie, the Conſtabillis Sone of Dundie. Cap. v. VPone ane day to Dundie he was ſend, Of cruelnes full lytill thay him kend. The Cōſtabill was ane felloun man of weir And vntill Scottis he did full mekill deir Selbie he hecht dſpiteous and of outrage, Ane Sone he had, neir twentie ȝeir of age. Into tſhe toun he vſit euerie day, Thre men or four, yairto with him to play. Ane Hielie ſchrew, wantoun in his Intent, Wallace he ſaw, and towart him he went. Lyklie he was, richt big and weill beſene, Intill ane weid of gudly ganand grene. He callit on him, and ſaid thow Scot abyde, Quha Deuil (quod he) the graithit in ſa guid weid Ane hors mantill it war thy kynd to weir, Ane Scottis quhittill vnder thy belt to beir. Rouch Rillingis vpon thy harlotis feit, Gif me thy knyfe, quhat dois thy geir ſa meit. To him he ȝeid, his knyfe to tak him fra, Faſt be the Collar Wallace can him ta. Vnder his hand, his knyfe he braidit out, For all his men yat ſemblit him about. Bot help him ſelf, he wiſt of na remeid, Without reſkew he ſtikkit him to the deid. The Squyar fell of him yair was na mair, His men followit on Wallace wounder ſair. The preis was thick, and cūmerit yame full faſt, Wallace was ſpedy, and greitly als agaſt. The bludy knyfe was drawin in his hand, He ſpairit nane, that he befoir him fand. The hous he knew his Eme had ludgit in, Thidder he fled, farther he micht nocht win. The gude wyfe thair, within the clois ſaw he, And help he cryit, for him yat deit on tre. The ȝoung Capitane hes fallin with me at ſtryfe, In at the dur he went with this gude wyfe. Ane Ruſſat gown of hir awin ſcho him gaif, Abone his weid, that couerit all the laif. Ane ſuddillit Courche, ouir nek and heid leit fall, Ane worne quhyte hat ſcho braiſſit on with all. For yai ſuld nocht lang tary at that In, Gaif him ane Rock, and ſyne ſat doun to ſpin. The Sutheroun ſocht quhair Wallace was but dreid Thay wiſt not weill at quhat ȝet he in ȝeid. In that ſame hous thay ſocht him beſely, Bot he ſat ſtill, and ſpan richt cūnandly. As of his tyme, he had nocht leirit lang, Thay left him ſa, and furth this gait can gang. With heuy cheir, and ſorrowfull in thocht, Na wit of him, as yan get culd thay nocht. The Ingliſmen all than in barrat boun, Bad fyre all Scottis, that war into that toun. Ȝit this gude wyfe held Wallace vntill nicht, Maid him gude cheir, ſyne put him out of ſicht. Throw ane dirk gait ſcho gydit him full faſt, In couert went, ſyne vp the watter paſt. Forbure the gait, for wachis that was thair, His Mother was into ane greit deſpair. Quhen ſcho him ſaw, ſcho thankit heuinis King, And ſaid deir Sone, ſa lang quhair hes yow bene He tauld his Mother of that ſuddand cace, Than weipit ſcho, and ſaid full oft allace. Or that thow ceis, thow will be ſlane with all, Mother he ſaid, God reuilar is of all. Vnſufferabill is the pepill of Ingland, Part of thair Ire, me think we ſuld ganeſtand. His Eme wiſt weill, that he the Squyar ſlew, For dreid thairof, in greit langour he drew. This paſſit ouir quhill diuers dayis war gane, That gude man dred that Wallace ſuld be tane. For Sutheroun ar full ſubtell euerilk man, Ane greit Dittay for Scottis ordanit yai yan. Be the Law dayis in Dundie ſet ane Air, Than Wallace wald na langer Soiorne thair. His Mother graithit hir in ane Pilgrame weid, Him ſelf diſagyſit, ſyne glaidly with hir ȝeid. Ane ſchort ſword vnder his weid bair he, In all the land full mony fais had he. Baith on yair fuit, with yame mair tuik yai nocht Quha ſpeirit ſcho ſaid, to Sanct Margaret thay ſocht Quha ſeruit hir, ful greit freindſchip yai fād, With Sutheroun folk, for ſcho was of Ingland. Beſyde Lundoris, the Ferry ouir thay paſt, Syne throw the Ochell ſped yai wounder faſt. Into Dunfermeling thay ludgit all that nicht, Vpon ye morne, quhen that the day was lichr, With gentill wemen hapnit thame to pas, Of Ingland borne, in Lynlithgow wynnād was. The Capitanis wyfe in Pilgramage had bene, Fra ſcho thame met, and had ȝoung Wallace ſene Gude cheir thay maid, for he was wounder fair, Nocht large of toung, weill taucht and debonair. Furth talk and thus, of materis yat war wrocht, Quhill ſouth ouir Forth with hir Sone ſcho yame brocht In to Lynlithgow yai wald not tary lang Thair leif thay tuik, to Donypace thay gang. Thair dwelt his Eme, ane man of greit riches, This michtie perſoun hecht to Name Wallace. Maid yame gude cheir, & was ane full gude man, Welcūmit yame fair, and to thame tald he than. Did him to wit the land was all on ſteir, Tretit thame weill, and ſaid my Sone ſa deir. Thy mother and yow richt heir with me ſall byde, Quhill better be, for chance that may betyde. Wallace anſwerit, ſaid Weſtir mair we will, Our kyn is ſlane, and that me lykis euill. And vther mony, worthy in that art, Leif I, will God, we ſall vs wreik on part. The Perſoun ſichit, and ſaid my Sone ſa fre, I can nocht wit how that redres may be. Quhat ſuld I ſpeik of fruſtrair at this tyde, For gift of gude, with him he wald nocht byde. His Mother and he to Ellerſlie thay went, Vpon the morne ſcho for hir brether ſent. In Corſbie dwelt, and was Schiref of Air, His Father was deid, had leuit lang tyme thair. Hir eldeſt Sone yat mekill was of mane, Hir huſband als, at Lochmabane was ſlane. Schir Malcolme Wallace was his name but leis His hoch ſennounis he cuttit in that preis. On kneis he faucht, feill Ingliſmen thay ſlew, To him than ſocht ma fechtaris than anew. On ather ſyde with ſpeiris bair him doun, Thair ſtickit thay, yat gude Knicht of Renoun. Vnto my taill I left at Ellerſly, Schir Rannald come vnto his Siſter fre. Welcūmit thame hame, and ſpeirit of yair Intent Scho prayit that he, Lord Peirſe to wald went. Scho Irkit of weir, ſcho culd na farther fle, To purches peice, in reſt that ſcho micht be. Schir Rannald had the Peirſeis protectioun, As for all part, to tak Remiſſioun. Than he gart wryte to his Siſter that tyde, In that reſpect, Wallace wald nocht abyde. His Mother he left, ſcho weipit with hart full ſair His leif he tuik, ſyne fra his Eme can fair. Ȝoung he was, and to Sutheroun richt ſauage, Greit rowme yai had deſpyte and eik outrage. Schir Rannald durſt not weill had Wallace yair For greit perrell, he wiſt appeirand wair. For yai had haill the ſtrenthis of this land, Quhat yai wald do, durſt nane aganis yame ſtād Schiref he was, and vſit thame amang, Full ſair he dred, yat Wallace ſuld tak wrang. For he and thay culd neuer weill accord, He gat ane blaw, thocht he was Lad or Lord. That profferit him ony lichtlynes, Bot thay repairit ouir mekill to that place. Als Inglis Clerkis in Prophecie it fand, How ane Wallace ſuld put yame fra Scotland. Schir Rannald knew, weill ane mair quyet ſteid Quhair William micht be better fra thair feid. With his Vncle, Wallace of Ricardtoun, Schir Richard hecht, that gude Knicht of Renoū. Thay landis haill than was his heritage, Bot blynd he was, ſa hapnit throw curage. Be Ingliſmen that dois vs mekill deir, In his ryſing, he worthy was in weir. Throw hurt of Vainis, and meniſching of blude, Ȝit he was wyſe, and of his counſall gude. In Februar, Wallace was to him ſend, Into Apryll fra him he bownit to wend. Bot gude ſeruice he did him with pleſance, As in that ſpace was worthy to auance.

¶How Wallace paſt to the watter of Irwyn to tak Fiſche. Cap. vj. SA on ane tyme he deſyrit to play, Into Apryll, the thre and twentie day. To Irwyn watter, fiſche to tak he went, Sic fantaſie fell into his Intent. To leid his Net, ane Chyld with him yair ȝeid, Bot he or None, was in ane felloun dreid. His ſword he left, ſa did he neuer agane, It did him gude, ſuppois he ſufferit pane. Of that laubour, as than he was nocht ſle, Happy he was, tuik fiſche aboundantlie. Or of the day ten houris ouir couth pas, Rydand thair come, neir by quhair Wallace was: The Lord Peirſe, was Capitane yan of Air, Fra him he turnit, and couth to Glaſgow fair. Part of the Court had Wallace laubour ſene, To him yair raid fyne cled in garment grene. Sanct Martynis fiſche, ſaid Scot now we wald haif, Wallace agane, yame meikly anſwer gaif. It war reſſoun me think ȝe ſuld haue part, Waith ſuld be delt in all place with fre hart. He bad his Chyld, gif yame of our waithing, The Sutheroun ſaid, as now of thy deilling: We will nocht tak, thow wald gif vs our ſmall, He lychtit doun, and fra the Chyld tuik all. Wallace ſaid than, gentil men gif ȝe be, Leif vs ſum part, we pray for cheritie. Ane agit Knicht ſeruis our Lady this day, Gude freind leif part, and tak nocht all away. Thow ſall haue leif, to fiſche and tak the mair, All this forſuith ſall in our flitting fair. We ſerue ane Lord, thir fiſche ſall to him gang, Wallace anſwerit, ſaid thow art in the wrang. Quhom thowis yow ſcot, in faith yow ſeruis ane blaw To him he ran, and out ane ſword cā draw. William was wa, he had na wappinis thair, Bot the Polt ſtaf, quhilk in his hand he bair. Wallace with it faſt on the cheik him tuik, With ſa gude will, quhill of his feit he ſchuik. The ſword flaw fra him, ane fuit braid on ye land Wallace was glaid, and hynt it ſone in hand. And with ye ſword, ane akwart ſtraik him gaif, Vnder the heid, his craig in ſunder draif. Be that the laif lychtit about Wallace, He had na help bot only Goddis grace. On ather ſyde full faſt at him thay dang, Greit perrell was gif thay had leſtit lang. Vpon the heid, in greit Ire he ſtraik ane; The ſcheirand ſword, glaid to the collair bane. Ane vther he hit, on the arme haiſtely, Quhill hand and ſword baith on ye land can ly, The tother twa fled to thair hors agane, He ſtikkit him yat laſt was on the plane. Thre ſlew he thair, twa fled with all yair micht, Efter thair Lord, bot he was out of ſicht. Takand the mure, or he and thay culd twyn, To him yai raid, anone or yai wald blyn. And cryit abyde, ȝour men ar martyrit doun, Richt cruelly into this fals Regioun. Fyue of ȝour men heir at the watter baid, Fiſche ȝow to bring, thocht it na proffeit maid. We ar eſchaipit, bot in feild ſtane ar thre. The Lord ſpeirit, how mony micht thay be? We ſaw bot ane, that hes ouircūmin vs all, Than leuch the Lord, and ſaid ſoull mot ȝow fall. Sen ane ȝow all hes put to confuſioun, Quha menis it maiſt, ye Deuill of hell him droun. This day for me, in faith he beis nocht ſocht, Quhen Wallace yus, ye worthy work had wrocht Thair hors he tuik, and geir yat was left thair, Gaif ouir ye craft, and ȝeid to fiſche na mair. Went to his Eme, and • ald him of the deid, And he for wo neir worthit out of weid. And ſaid ſone thir tythandis ſittis me ſoir, And yai be knawin, yow may tak ſkaith yair foir. Vncle he ſaid, na langer will I byde, Thir Sutheroun hors, lat ſe gif I can ryde. Than bot ane Chyld him ſeruice for to mak, His Emis ſone with him he wald nocht tak. This gude Knicht ſaid, deir Couſing pray I the, Quhen thow wantis gude, • ū feche auouch at me. Siluer and gold, he gart ane to him geif, Wallace Inc • ynit, and lawly tuik his leif.

☞ )(✚)( ☜

Cap. j. ȜOung Wallace yan fulfillit of hie curage, In pryis of armis deſyrous of Vaſſalage. Thy vaſſalage may neuer be forlorne, Thy deid is knawin, yocht all ye warld had ſworne For thy haill mynd, laubour and beſynes, Was ſet in weir, and verray richteouſnes. And felloun lois of thy deir worthy kin, The Rancour mair remanis thy mynd within. It was his lyfe, and maiſt part of his fude, To ſe yame ſched, ye byrnand Sutheroun blude. To Ouchtirhous, withouttin mair he raid, And bot ſchort tyme, in peice yair he abaid. Thair was ane Wallace, yat welcūmit him full weill, Thocht Ingliſmen yairof had lytill feill. Baith meit and drink, at his will had he thair, In Laglane wod, quhen that he maid repair. This gentill man full oft was his refeit, With ſtuf of hous, full oft he can him beit. Sa he deſyrit, the toun of Air to ſe, His Chyld with him, as than na ma tuik he. Ay nixt the wod▪ Wallace gart leif his hors, Syne on his ſuit ȝeid to the mercat Cros. The Peirſe was in the Caſtell of Air, With Ingliſmen greit number and repair. And all the toun reulling on yair awin wyſe, To mony Scot yai did full greit ſuppryſe. All but abaiſſing Wallace amang thame ȝeid, The rage of ȝouth maid him to haue na dreid. Ane Churll thay had, yat felloun burdingis bair, Exceidingly he wald lift mekill mair. Than ony thre yat yai amang thame fand, And als be this ane ſport he tuik on hand. He bure ane ſting in ane buſteous poill, On his braid bak of ony wald he thoill. Bot for ane groit, als faſt as he micht draw, Quhen Wallace hard ſpeik of that mery ſaw. Than he deſyrit at that mercat to be, And for ane ſtraik he bad him groitis thre. The Churll grantit, of that proffer was fane, To pay that ſiluer Wallace was full bane. Wallace that ſting tuik vp into his hand, Full ſturdely, befoir him couth he ſtand. Wallace with that vpon the bak him gaif, Quhill his Rig bane all into ſunder draif. The Carll was deid, of him I ſpeik na mair, The Ingliſmen aſſemblit on Wallace thair. Feill on the feild of folkis fecht and faſt, He vnabaiſit, and nocht greitly agaſt: Vpon the heid with the ſting ane hit he, Quhill bane and brayne he gart in pecis fle. Ane vther he ſtraik on ane baſnet of ſteill, The tre thair raif, and fruſchit euerilk deill. His ſting was tynt, the Ingliſman was deid, For his craig bane was brokin in that ſteid. He drew ane ſword, that helpit him in neid, Throw out the thickeſt of the preis he ȝeid. And at his hors, full fane he wald haue bene, Twa ſairit him maiſt, yat cruell was and kene. Wallace returnit, as man of mekill mane, And at ane ſtraik, the formeſt he bes ſlane. Ane felloun ſtraik ye tother gat that tyde, With his gude ſword, he gart him thair abyde. In at the Corſlait brymlie he him bair, The groundin ſword, throw out his body ſchair. Fyue ſlew he thair, or he paſt fra the toun, He gat his hors, to Laglane maid him boun. And keipit his Chyld, and leit him nocht abyde, Eſchaipit thus, he can to Laglane ryde. Feill followit him on hors and als on fute, To tak Wallace, as than it was na bute. The treis was thick, that keipit him full weill, Bot thair to byde, yat couth he nocht adeill. Gude ordinance yat effeirit for his ſtait, His cuſtume was, all tyme baith air and lait. The Squyar Wallace, in Ouchterhous yat was, Baith bed and meit for him he maid to pas. As for that tyme that he remanit thair, Bot ſair he langit, to ſe the toun of Air. Thidder he paſt, vpon ane mercat day, Wald God as than, that he had biddin away. His Emis ſeruand, for to by fiſche he ſend, Schir Rānald Craufurd yt ſchiref yan was kend.

¶How Wallace ſlew Lord Peirſeis Stewart, and was tane and preſonit in Air. Cap. ij. QVhen he had tane, ſic gude as he had bocht, The Peirſeis Stewart, richt ſadly to him ſocht. And ſaid thow Scot, quhome to byis thow that thing? To ye Schiref, he ſaid be heuinis King. My Lord ſall haue it, and ſyne ga feche the mair, Wallace on cace, neir by was gangand thair. He ȝeid to him, ſaid deir freind I pray the, The Schireffis ſeruand yat yow wald lat him be Ane Lordly man that Stewart was of blude, And thocht Wallace him chargit in termis rude. Ga hyne yow Scot, ye mekill Deuill the ſpeid, At thy Schireffis vſe, thow wenis vs to leid. Ane hunting ſtaf, into his hand he bair, Thair with he ſmoit, on William Wallace thair. Bot with his tre full lytill ſonȝe he maid, Faſt by the Collair, him claucht withoutti • baid. Ane felloun knyif faſt to his hart ſtraik he, Syne fra him deid, ſchot him richt ſuddandlie. Catour ſen ſyne, I trow he was na mair, The Ingliſmen aſſemblit on Wallace thair. Four ſcoir war ſet in armour burneiſt boun, On mercat day, for Scottis to keip the toun. Wallace baldly he drew ane ſword of weir, Into the birny, the formeſt couth he beir. Out throw the body ſtikkit him to the deid, And ſindrie ma, or he paſt • ra that ſteid. Ane vther akwart, ane lang ſtraik tuik he thair, Vpon the kne ye bane in ſunder ſchair. The thrid he ſtruik on ane peſane of mailȝe, His craig in twa, na weidis micht auailȝe. Thus Wallace fairi, als wod as ane Lyoun, Than Ingliſmen that war in Bargane boun. Thay keip the gait, with ſpeiris rude and lang, For dynt of ſword na man micht to him gang. Wallace was harneſt, on his body weill, At him thay ſocht, with ſchairp ſwordis of ſteill. And fra his ſtrenth Inueronit him about, Out throw the preis, on ane ſyde he brak out. Vnto ane well that ſtude be the ſey ſyde, For weill or wo, thair muſt he neid abyde. Part of yair ſpeiris in pecis thair he ſchair, Than fra ye Caſtell, vther help come mair. Out ouir the dyke yai glaid on ather ſyde, Brak doun the wall, na ſuccour was that tyde. Than Wallace wiſt of na wane bot to de, To wyn his deid, amang thame thus ȝeid he▪ Vther part in greit Ire heuand faſt, His byrneiſt brand it bryſtit at the laſt. Brak in the hyltis, away the blaid it flew, He wiſt na wane, bot furth his knyif he drew. The firſt he ſlew, quhilk him in hand hes hynt, And vther twa, he ſtikkit with his dynt. The remanent to him with ſpeiris hes ſocht, Bure him to ground, that farther he micht nocht. The Lordis bad, that yai ſuld nocht him ſla, To pyne him mair, thay chargit him to ta. Into thair Innis, ſuppois yat he had ſworne Out of the gait, be force thay haue him borne. Thus gude Wallace, with Ingliſmen was tane, In falt of help, for he was him allane. He culd nocht ceis, his curage ſa him bair, Freuoll Fortoun hes brocht him in the ſnair. Thir fals Goddes full of vnrichteouſnes, And fals Iuno, full of dowbilnes. Thay fenȝeit Goddes, ȝit Wallace neuer knew, Greit rychteouſnes, ay him to mercy drew. His kyn micht nocht, him get for na kin thing, Micht thay haue payit y • Ra • ſoun of ane King. The mair thay bad, the mair it was in vane, Of yair beſt men yat day ſeuin hes he ſlane. Thay gart ſet him, intill ane preſoun fell, Of his torment greit pietie was to tell. Euill meit and drink, yai gart vnto him geif, Greit meruell was, gif he micht lang thair leif. And eik thairto, he was in preſoun Law, Quhill yai thocht tyme on him to hald the Law. Leif I him thus, into this panefull ſteid, Quhill God abuif, do him ſend ſum remeid. The plane complaint, and pieteous womenting, The wofull weiping, yat was for his taking. The tormenting of euerie creature, Allace thay ſaid how ſall our lyfe Indure? The flour of ȝouth, into his tender age, Be fortoun of armis, hes left him in thirlage. Leuand this day, ane Chiftane haue we nane, Durſt tak on hand, bot ȝoung Wallace allane. The land is loiſt, he is claucht in the ſnair, The Apercy of Scotland is in greit cair.

¶How Wallace was preſonit in Air and eſchaipit. Cap. iij. BArrellit hering, and watter yai him gaif, Quhair he was ſet into that vgly Caif. Sic fude for him was febill to commend, Than ſaid he thus, gif God wald me reſſaif, My pieteous Spreit, and ſaull ouir all the laif. My cairfull lyfe, I may nocht now defend, Ouir few Sutheroun vnto the de • th I drew And that I rew, in deid and verray trew, That ſone I will out of this warld wend Gif I ſuld now, in preſoun mak ane end. ¶Eternall God quhy ſuld I yus wyis die? Sen my beleif all haill remanis in the. And thy awin hand full worthely hes wrocht, Bot thow remeid, na lyfe thay ordane me. My only Sauiour that deit on the tre Fra hellis preſoun with thy blude hes me bocht, Quhy will thow gif thy handy work for nocht? And mony vther, in greit pane that I ſe, For of my lyfe ellis na thing I rocht. O waryit ſword, of temper neuer trew Thy fruſchand blaid in preſoun ſone me threw. And Ingliſmen ouir lytill harmis hes tane Of vs thay haue vndone ma than anew My faithfull Father deſpytfully thay ſlew My brother als, and gude men mony ane, This is the dait ſall vs ouircum Ilk ane. On this Kingrik, deir God quhen ſall thow rew? Sen my power thus ſuddandly is gane▪ All worthy Scottis, Almichty God ȝow leid Sen I na mair in worſchip may ȝow ſpeid In preſoun heir, me worthis to miſcheif Now ſel • e Scotland, that of help hes greit neid, Thy Natioun ſtandis intill ane felloun dreid Of warldlynes richt thus I tak my leif Of vther panis God lat ȝow neuer preif. Thocht I for wo furth of my wit ſuld wend Nane vther gift I may now to ȝow geif. Adew Wallace, vmquhyle was ſtark and ſture Thow man on neid in preſoun now Indure Thy worthy kyn the may nocht ſaif for gold, Ladyis weipis, that was baith myld and mure. In furious pane thy Mother that the bure For thow to hir was deirar than the gold Hir maiſt deſyre was to be vnder mold In warlolynes quhy ſuld ony aſſure? For thow was formit forſy on the fold. ¶Complene ȝe pure, yus as ȝour cedullis tellis Complene to heuin with wordis that nocht faillis Complene ȝour voce to the greit God abuif Complene for him that ſittis in ſytehfull Cellis. Complene his pane, that thus in dollour dwellis In langour lyis, for loiſſing of thair lufe, His furious pane was felloun for to prufe. Complene alſo, ȝe byrdis blyith as bellis Sum happy chance may fall for ȝour behuif. Complene Lordis, complene Ladyis bricht, Complene for him, that worthy was and wicht Of Saxonis Sonis yat ſufferit mekill deir. Complene for him that is in preſoun dicht, And for na caus, Scotland bot for thy richt. Complene alſo ȝe worthy men of weir. Complene for him that was ȝour aſper ſpeir, Few Ingliſmen ȝit to the deith he dicht. Complene for him, ȝour tryumph had to beir. Cellimus his Maiſter Iauelour was now In Ingliſmen, allace quhy ſuld we trow? Our worthy kyn ar pynit on this wyſe Sic reull but richt, is lytill till allow, Me think we ſuld in barret mak thame bow At our power, and ſa we do feill ſyſe Fra thair danger God mak vs for to ryſe. That weill hes wrocht befoir thir tymis now For thay mark ay to wait vs with ſuppryſe. Quhat ſuld I mair of Wallace torment tell? The Fluxis he tuik into that preſoun fell Neir to the deith, lyklie he was to draw Thay chargit ye iauellour on him not for to dwell Bot bring him furth ſone of that vgly Cell Into Iudgement, quhair he ſuld thoill the Law, This man went doun, and ſuddandly he ſaw. And to his ſicht, deith had him ſnappit ſnell Syne ſaid to thame, he hes payit that he aw. Quhen thay preſumit he ſuld be verray deid, Thay gart ſeruandis withouttin langer pleid. With ſchort auiſe, vnto the Wall him beir, Thay caiſ • him ouir out of that bailfull ſteid, Of him thay trowit, thair ſuld be na remeid. In ane draf mydding quhair he remanit thair His firſt Nureis of the new toun of Air To him ſcho come, quhilk was full will of reid▪ And purcheſt leif away with him to fair. Into greit Ire thay grantir hir to go Scho tuik him vp withouttin wordis mo. And in ane Cart vnlyklie thay him caſt Atouir the watter thay led him with greit wo, To hir awin hous, withouttin ony ho. Scho warmit watter, & all hir ſeruandis faſt His body weſche, quhill filth of him was paſt, His hart was wicht, and flikkerit to and fro, And his twa Ene, at laſt keſt vp alſo. His Foſter Mother him luifit ouir the laif, Gat mylk to warme, his lyfe gif ſcho micht ſaif. With all hir cure, greit kyndnes couth him kyith Hir dochter had of twelf oulkis ane knaif Hir Chyldis pape in Wallace mouth it gaif The womanis mylk confortit him full ſwyith Syne in ane bed thay brocht him for to lyith. And couertly keipit him in that caif Him for to ſaif ſa ſecreitly thay micht. ¶In thair Chalmer thay keipit him that tyde, Scho gart graith vp ane buird in the hous ſyde. With Tapeſtrie claithis honourit with greit ſlicht And that the voce in euerie land ſuld byde That he war deid, throuch out the land ſa wyde In preſence ay ſcho weipit vnder ſlicht Bot gudly meittis ſcho graithit at hir micht, And ſa befell into that ſamin tyde Quhill farther mair that Wallace worthir wicht. Thomas Rymour withouttin faill was than, With the Miniſter quhilk was ane worthy man, He vſit oft to that Religious place, The pepill demit of mekill wit he can And ſa he tald, ſuppois thay blis or ban Quhilk hapnit ſuith in mony diuers place I can nocht ſay be wrang or richteouſnes. In reull of weir, quhidder he tynt or wan It man be demit be diuiſioun of grace. Thair man that day had in the mercat bene, Of Wallace knew this cairfull cace ſa kene His Maiſter ſpeirit quhat tythingis yat he ſaw? His man anſwerit, of lytill hard I mene The Maiſter ſaid, that hes bene ſeindill ſene. Quhair Scottis and Inglis ſemblit on ane raw, Was neuer ȝit, as far as I culd knaw Bot outher ane Scot, wald done ane Sutheroū tene, Or he to him, for auenture micht faw. Wallace ȝe wait, was tane into that ſteid, Out ouir the wall I ſaw thame caſt him deid Out of thair preſoun, fameiſt for falt of fude The Maiſter ſaid, with hart heuy as leid Sic deid to thame me think ſuld foſter feid For he was wicht, and cūmin of gentill blude. Thomas anſwerit, thir tythingis ar nocht gude And that be ſuith my ſelf ſall neuer eit breid For all my wit heir ſchortly I conclude. Ane woman ſyne of the new toun of Air To him ſcho went, fra he was fallin thair And on hir kneis richt lawlie thame beſocht To purches leif ſcho micht hyne with him fair In lichtlynes yai grantit to hir thair Atouir the watter vnto hir hous him brocht To bury him, als gudly as ſcho mocht. Than Thomas ſaid, ȝit ſall I leif na mair Gif that be trew, be God that all hes wrocht, The Maiſter hard, quhat Thomas ſaid in plane He chargit his man to ſpeid him faſt agane. To ſe the hous, and warly to eſpy Quhat word he hard amang thame beſely. The man went furth, at bidding was all bane, To the new toun, to pas he did his pane To that Ilk hous, and went in ſuddandly About he blenkit vnto the buird him by The woman rais in hart ſcho was nocht fane, Quha lyis heir, he did demand in plane? Wallace ſcho ſaid, full worthy that hes bene, Than weipit ſcho, that pietie was to ſene. The man thairto, greit credence gaif he nocht, Towart the buird, he bownit as he beſt thocht. On kneis ſcho fell, and cryit for Ieſus ſchene Lat ſclander be, and fra ȝour thocht it fleme. The man than ſwore be him that all hes wrocht, I wald his weilfair, and caiſt into his thocht. Micht I on lyfe him anis ſe with my Ene, He ſuld be ſaif, thocht Ingland wald him fle • . Scho led him vp to Wallace be the greis▪ He ſpak with him, ſyne faſt agane can preis. With glaid bodwart, yair mirthis to amend, And come agane, and tauld yame haill to end. He tauld to thame the firſt tythingis was leis, Than Thomas ſaid, for ſuith or he deceis Mony thouſand in feild ſall tak ane end Fra this Regioun he ſall the Sutheroun ſend. And Scotland thryis, he ſall bring to ane peace, Into this Realme, greit God ſall ſend him grace. ¶All worthy men, that hes gude wit to waill, Be war that ȝe, do nocht miſdeme my taill. Perchance ȝe ſay, to Bruce was nane ſiclyke He was als gude, quhair deidis was to aſſaill, As of his handis, and baulder in battaill Bot Bruce was knawin richt air of this Kingrik For he had richt, we call na man him lyke. Bot Wallace th • yis, this Kingrik conqueiſt haill▪ In Ingland far ſocht battell on that Ryke.

¶The Battell of Lowdoun hill. I Will returne to my purpois agane, Quhen Wallace was releiſſit of his pane. The coutrie demit, all haill that he was deid His derreſt kyn wiſt nocht of his remeid. Quhill haill he was, lyklie to gang and ryde, Into that place he wald nocht langer byde. His trew keiper he ſend to Ellerflie, Efter him thair, he durſt nocht lat hir be. Hir dochter als, hir ſeruandis and hir Chyld, He gart yame pas vnto his Mother myld. Quhen thay war gane, na wappinnis yair he ſaw To help him with, quhat auenture micht faw. Ane rouſtie ſword in ane Nuik he ſaw ſtand, Withouttin belt, bois, bucklair, or band. Lang tyme befo • e it had bene in that ſteid, Ane agit man, it left quhen he was deid. He drew the blaid, and fand it wald weill byte, Thocht it was foull, he tuik it with him tyte. God help his man, for thow ſall gang with me, Quhill better cum will God ſone that may be. To Schir Rannald as than he wald nocht fai • , Into that paſſage for Sutheroun maid repa • r. At Ricardtoun he wald full fane haue bene, To get him hors and part of armour ſchene. Than efterwart as he bownit to fair, Thre Ingliſmen he met rydand to Air. At yair veyage, in Glaſgow furth had bene, Ane Longcaſtell, that cruell was and kene: Ane bald Squyar, with him gude ȝemen twa, Wallace drew by, and wald haue lattin ya • e ga. To him thay raid, and ſaid deſpyteouſly, Thow Scot abyde, I trow thow be ane ſpy. Or ellis ane theif, fra preſence wald the hyde, Than Wallace ſaid, with ſober wordis that • yde, Schir I am ſeik, for Goddis luif lat me ga, Longcaſtell ſaid, forſuith it beis nocht • wa. Ane felloun freik thow ſe • is in thy fair, Quhill men the knaw, thow ſall with me to Air. Hynt out his ſword, yat was of Nobill hew, Wallace with that, at his lich •• ng him threw: Vpon the craig, with his ſword hes him • ane, Throw braune and lyre, in ſunder brak the bane. Be he was fallin, the twa was lichtit doun, To venge his deid, on Wallace maid yame boun. The tane of thame vpon the heid he gaif, The rouſtie blaid vnto the craig him claif. The tother fled, and durſt na langer byde With ane rude ſtep Wallace culd efter glyde. Out throw his Ribbis, ane ſicker ſtraik gaif he, Quhill Louer and Lungis men micht atanis ſe. The hors he tuik, baith wappinnis and armour, Syne thankit God, with glaid hart in that hour. Siluer thay had, all with him hes he tane Him to ſupport, for ſpending had he nane. Into greit haiſt he raid to Ricardtoun, Ane blyith ſemblay was at his lychting doun. Quhen Wallace met with ſchir Richart ye knicht For him had murnit, quhill febill was his micht. His twa Sonnis, of Wallace was full fane, Thay had him loiſt, ȝit God ſauit him agane. His Eme Schir Rannald, to Ricardtoū come faſt The woman tald by Corſbie as ſcho paſt. How Wallace eſchaipit, ſyne on thair wayis ȝeid, Schir Rannald ȝit was in ane felloun dreid. Quhill he him ſaw, in hart he thocht full lang, Than ſuddandly in armis he him thrang. He micht nocht ſpeik, bot kiſſit him tenderly, His trubillit ſpreit was in ane extaſy. Thy blyith teiris, thay briſt fra his Ene twa, Or that he ſpak ane lang tyme held him ſa. And at the laſt richt freindfully ſaid he, Welcum Neuoy, welcum deir Sone to me. Thankit be he, that all the warld hes wrocht, Thus fairlie the hes out of preſoun brocht. His Mother come, and vther freindis anew, With full glaid will, to ſe thir tythingis new. Gude Robert Boyd, that worthy was and wicht Wald not yame trow, quhil he ſaw him with ſicht. Fra ſindrie partis, thay ſocht to Ricardtoun, Feill worthy folkis, that war of greit Renoun. Thus leif I thame, in mirth blyithnes and pleſāce Thankand greit God, of his hie happy chance.

How ye Ingliſmē tuik peice with Wallace. Ca. ij HIs Vncle Schir Rannald may mak ye bād Gif he will nocht, recogneis all his land, Vnto ye tyme yat he yis work haue wrocht Schir Rannald was ſone to thair counſall brocht Thay chargit him to mak Wallace at peis, Or he ſuld pas to Londoun or he ceis. To King Edward, and byde in his preſoun, Thay aſk to haue peice for his Ranſoun. Schir Rannald ſaid, Lordis ȝe knaw richt weill, At my counſall he will nocht do ane deill. His worthy kyn deſpytefully ȝe ſlew, In preſoun ſyne, neir to the deith him drew. He is at large and will nocht do for me, Thocht ȝe thairfoir ſuld now gar me de. Schir Aymeir ſaid, thir Lordis counſall ſend Me to the King, to mak ane finall end. Of his conqueiſt forſuith he will it haif, Wallace nor thow may nocht this Kingrik ſaif: Micht Edward King get him for gold or land, To be his man, than micht he bruik Scotland. The Lord bad ceis, thow faillis to that Knicht, Far mair in treuth, than it is ony richt. The wrang conqueiſt our King deſyris ay, On him and vs it fall be ſene ſum day. Wallace hes richt, baith force and fair Fortoun, Ȝe hard how he eſchaipit our preſoun. Thus ſaid that Lord, and prayit Schir Rannald fair, To mak this peice, yow Schiref art of Air. As for ane tyme we may auyſit be, Vnder my Seill I ſall be bund to the. The Ingliſmen that thay ſall do him nocht, Nor to na Scottis, bot it be on thame ſocht. Schir Rannald wiſt, he micht yame not ganeſtād Of Lord Perſe he hes reſſauit that band. Perſe was trew, and ay of greit auaill, Sober in peice, and cruell in battaill. Schir Rannald him bownit on the morne but baid, Wallace to ſeik, in Clydis Forreſt raid. Sa he him fand bownand to his Denneir, Quhen yai haif ſene yis gude Knicht cūmand neir Weill he him knew, and tald thame quhat he was Meruell he had, quhat gart him hidder pas. Maid him gude cheir of meittis gude and fyne, King Edwardis ſelf culd get na better wyne. Than thay had yair, vernage and vennyſoun, Of beſtiall into greit fuſioun. Than efter meit he ſchew thame of this deid, How he had bene into ſa mekill dreid. Neuoy he ſaid, work part of my counſaill, Tak peice ane quhyle and for the mair auaill. Bot thow do ſa, forſuith thow hes greit ſyn, For thay ar ſet to vndo all thy kyn. Than Wallace ſaid, to gude men him about, I will na peice for all this felloun dout. Bot gif it pleis better to ȝow than me, The Squyar Boyd him anſwerit ſoberlie. I gif ȝow counſall or this gude Knicht be ſlane, Tak peice ane quhyle, ſuppois it do vs pane. Sa ſaid Adam the Air of Ricardtoun, And Cleland als, to thair opinioun. With thair conſent Wallace this peice hes tane, As his Eme wrocht, quhil ten monethis war gane Thair leif thay tuik with ſad comfort in plane, Fand God to broch, thay ſuld meit haill agane. Boyd and Cleland paſt to thair placis hame, Adam Wallace to Ricardtoun be Name. Furth with ſchir Rānald, can William Wallace ryde And his houſhald in Corſbie for to byde. This peice was cryit, in Auguſt moneth myld, Thir Goddes of battell furious and wyld. Mars and Iuno ay dois thair be • ynes, Cawſer of weir, ay wirker of wickitnes. And Venus als quhilk Goddes is of lufe, And auld Saturne his cours for to apprufe. Thir four ſchawis of diuers complexioun, Battell, deba • t, Inuy, and deſtructioun. I can nocht denie of thair Malancholy, Bot Wallace culd nocht weill in Corſbie ly. Him had leuar in trauell for to be, Richt fair he langit the toun of Air to ſe.

¶How Wallace ſlew the Buklar player in the toun of Air. Cap. iij. SChir Rannald paſt, fra hame vp on ane day Fyftene he tuik, and to ye toun went thay. Couerit his face, yat na mā micht him knaw Na thing him rocht how few enemies him ſaw. In ſober weid diſagyſit weill war thay, Ane Ingliſman on the gait ſaw he play. At the ſcrymmage ane buklair on his hand, Wallace neir by in fellowſchip couth ſtand. Lichtly he ſaid, Scot dar thow nocht preif? Wallace ſaid ȝe, ſa thow dar gif me leif. Smyte on ſaid he, I defy thy Natioun, Wallace thair with hes tane him on the Croun. Throw buklar band, and the harne pan alſo, Vnto the ſchulderis ye ſchairp ſword gart he go. Lichtly returnit to his awin men agane, The wemen cryit, our Buklar player is ſlane. The man was deid, quhat neidis wordis mair, Feill men of armis, about him ſemblit thair. Aucht ſcoir atanis vpon ſextene thay ſet, Bot Wallace ſone with the formeſt hes met. With Ire and will on the he • d hes him tane, Throw the bricht Helme, in ſunder briſt the bane. Ane vther braithly in the breiſt him bair, His burneiſt blaid throw out the body ſchair. Greit rowme he maid, his men was fechtand faſt And mony ane grome yai maid full ſair agaſt. For thay war wicht, and weill vſit in weir, Of Ingliſmen, richt bauldly doun thay beir. On yair enemeis greit martyrdome yai maid, Thair hardy Chiftane ſa weill amang yame glaid Quhat Ingliſmen that baid into his gait, In contrair Scotland maid neuer mair debait. Feill freikis on fold war fellit vnder feit, Of Sutheroun blude lay ſtikkit in the ſtreit. New power come fra the Caſtell that tyde, Than Wallace fled, and drew towart ane ſyde. With richt gude will he wald eſchew ſuppryſe, For he in weir, was worthy, wicht, and wyſe. Harnes and heidis he bewit in ſunder faſt▪ Be force out throw the thickeſt preis he paſt. Wallace returnit behynd his men agane▪ At the reſkew feill Sutheroū hes he ſlane. His men all than, he out of perrell brocht, Fra yair enemeis, with all the power he mocht. Vnto thair hors, thay went but mair abaid, For danger ſyne, to Laglane wod thay raid. Twentie and nyne yai left into that ſteid, Of Sutheroun men, that bryttinit wat to deid. The remanent agane turnit that tyde, For in this wod thay durſt nocht him abyde. Towart the toun, thay drew with all thair mane, Curiand the peice yai tu • k befoir in plane. The Lord Perſe, in hart was greitly greuit, His men ſuppryſit, agane to him releuit. And feill war deid into thair armour cleir, Thre of his kyn, that war to him full deir. Quhen he hard tell of thair greit greuance, Thair ſelf was caus of this miſcheiffull chance. Murning he maid, thocht few Scottis it kend, Ane Herald than to Schir Rannald he ſend. And to him tald of all thair ſuddand cace, And chargit him tak Souerance of Wallace. He ſaid him hald fra merket, toun, and fair, Quhair he micht beſt be out of thair repair. The Sutheroun wiſt yat it was wicht Wallace, That thame ouir ſet into that ſuddand ca • e. Thair trewis for this thay wald nocht brek adeill Quhen Wallace had this chance eſchewit weill Vpone ane nicht fra Laglane hame he raid, In Chalmer ſone thair reſidence thay maid. Vpon the morne, quhen that the day was licht, With Wallace furth went ſchir Rānald ye knicht. Schew him the writ, yat Lord Perſe him ſent, Deir Sone he ſaid, this is my haill Intent. That thow wald grant, quhil yat yir trewis war worne Na ſkaith to do till Ingliſmē yat is borne, Bot quhair I pas daylie thow byde with me, Wallace anſwerit, gude Schir yat may nocht be. Richt laith I war deir Vncle ȝow to greif, I ſall do nocht, quhill tyme I tak my leif And warne ȝow als, or yat I fra ȝow pas, His Eme and he, on this accordit was. Wallace with him maid his continewance, Ilk wicht was blyith to do him pleſance. In Corſbie thus he reſtit thame amang, Thair ſeuintene dayis, ſuppois be thocht it lang. Thocht yai him pleiſit as Primate or King. Into his mynd remanit ane vther thing. He ſaw his enemeis maiſter in this Regioun, Micht nocht him pleis, thocht he war King with Croun. Thus leif I him with his deir freindꝭ ſtil, Of Ingliſmen now ſpeik ſum part I will.

Cap. j. IN September that humbill Moneth ſweit, Quhen paſſit by the hicht was of the heit. Vittall and frute ar rypit in aboundance, As God ordanit to mannis ſuſtenance. Sagittarius with his aſper bow, Be Ilk Signe the veritie to know. The changeing cours quhilk makis greit differāce And leiffis had loiſt thair cullour of pleſance. All warldly thing hes nocht bot ane ſeaſoun, Baith herb and frute man fra the hicht c • m doun. In this Ilk tyme ane greit counſall was ſet, In Glaſgow toun quhair mony Maiſteris met. Of Inglis Lordis to ſtatu • e this countrie, Than chargit thay all Schireffis thair to be. Schir Rānald Craufurd behouit yat tyme be yair For he throw richt was borne Schiref of Air. His deir Neu • y with him that tyme he tuik, William Wallace, as witnes beiris the buik. For he na tyme ſuld far be fra his ſicht, He luifit him with hart and all his micht. Thay graithit thame without langer abaid, Wallace ſum part befoir the Court furth raid. Ouir tuik the Chyld, ſchir Rannaldis ſowme ſuld leid With him twa mē, yat worthy war in deid. Softly thay raid, quhill yai the Court ſuld knaw Sa ſuddandly that tyme him ſelf he ſaw. The Perſeis Sowme in quhilk greit riches was, The hors was tyrit, and micht na farther pas. Fyue men war chargit to keip it weill yat tyde, Twa was on fuit, and thre on hors can ryde. The Maiſter man at thair ſeruand can ſpeir, Quha aw this Sowme? the ſuith yow to me leir. The man anſwerit withouttin wordis mair, My Lordis he ſaid, quhilk Schiref is of Air. Sen it is his, this hors • all with me gang, To ſerue our Lord, or ellis me think greit wrang. Thocht ane ſubiect in deid wald pas his Lord, It is nocht leuit be na richteous record, Thay cuttit the brace, and leit the harnes faw, Wallace was neir, quhen he ſic rubrie ſaw. He ſpak to thame with manly countenance, In fair forme he ſaid but variance. Ȝe do vs wrang, and it in tyme of peis, Of ſic rubrie it war gude tyme to ceis. The Sutheroun ſchrew, in Ire anſwerit him to, It ſall be wrocht as thow may ſe vs do. Thow gettis na mendis, quhat neidis wordꝭ mair Sadly auyſit, Wallace rememberit thair: Of the promeis he maid his Eme befoir, Reſſoun him reullit, as than he did na moir. Bot paſt away to meit his Eme agane, Seand this Reif, was muifit with greit pane. The hors ȝit tuik, yai for auenture micht fall, Band on thair ſow me, ſyne furth ye way can call. Thair tyrit Sowmar yai left thair in the plane, Wallace returnit towart the Court agane. On the mure ſyde ſone with his Eme he met, And tald how yai ye way had for him ſet. And war nocht I was bund in my legeance, We parrit nocht thus, for all the gold in France. The hors thay reft, quhilk ſuld ȝour harnes beir, Schir Rannald ſaid that is bot lytill deir. We may get hors and vther thing in plane, And men be loiſt we get thame neuer agane. Wallace than ſaid, als wyſelie God me ſaif, Of this greit mys, amendis I fall haif. And nouther lat for peice nor ȝit pleſance, With witnes heir, I gif vp my legeance. For cowartly ȝe ar lyke to tyne the richt, Sone efter ſyne, ȝour ſelf to deith will dicht. In wraith thair with, ſuddandly fra him went, Schir Rannald was wyſe, and keſt in his Intēt. And ſaid I will, byde at the Mernis this nicht, Sa Ingliſmen of vs ſall deme nane vnricht. Gif ony be deid, befoir vs vpon cais, Than we in Law may byde the richteouſnes. His ludgeing tu • k at the Meirnis ſtill he baid, Full greit murning for his Neuoy he maid. Bot all for nocht, quhat micht it him auaill? As into weir, he wrocht nocht his counſaill. Wallace raid furth, with his twa ȝemen paſt, The Sowmar men he followit wounder faſt. Be eiſt Cathcart he ouir hyit yame agane, Than knew thay weill, that it was he in plane: Be hors and weid, had arguit thame befoir, The fyue to thame, returnit withouttin moir. Wallace to ground fra his Cuirſour can glyde, Ane burneiſt brand he braidit out that tyde. The Maiſter man with ſa gude will ſtraik he, Baith hat and heid, in ſunder gart he fle. Ane vther faſt vpon the face him gaif, To deid on ground but mercy ſone him draif. The thrid be hit with greit Ire in that ſteid, Fey on the feild, he hes him left for deid. Wallace ſlew thre, be that his ȝemen wicht The tother twa, derfly to deith had dicht. Syne ſpuil ȝeit thay the harnes or yai wend, Of ſiluer and gold thay gat aneuch to ſpend. Iowellis thay tuik, the beſt was choſin thair, Gude hors and g • ir, ſyne on thair wayis can fair. Than Wallace ſaid, at ſum ſtrenth wald I be, Ouir Clyde that tyme was ane gude brig of tre. Thidder thay paſt, in all thair gadly micht, The day was gane, and cūmin was the nicht. Thay durſt nocht weill neir ſtill be Glaſgow byde In the Lennox, he tuik purpois to ryde. And ſa he did, ſyne ludgit yair that nicht, As yai beſt micht, quhill that ye day was licht. To ane Oiſtillary he went and Soiornit thair, With trew Scottis that his neir freindis wair The counſell met richt gudly on the morne, Bot feill tythingis war brocht Peirſe beforne. His men war ſlane, his treaſure als was reft, With feill Scottis, and yame na Iowellis left. Thay demit about of yat d • rf dourfull cace, The Sutheroun ſaid, forſuith it is Wallace. The Schireffis Court was cūmand to ye toun, And he was ane for Scot of maiſt Renoun. Thay gart ga ſeik Schir Rannald in yat rage, Bot he was ſtill yan at his herberage. Sum wyſe men ſaid, heirof na thing he kend, The men war ſlane heir at the tounis end. Schir Rannald come be nyne houris of the day, Befoir the Peirſe, and his men brocht wat thay. Thay followit him of fellony yat was wrocht, The Aſſyſe of this to him couth ſay richt nocht. Thay demit about of yat fell ſuddand cace, Befoir the Iudge yair he denyit Wallace. And ſa he micht, he wiſt nocht quhair he was Fra this counſall my purpois is to pas. OF Wallace to ſpeik, in wyldernes ſa wyde, The Lord God be his Gouernour and gyde Still at yat place, four dayis he ſoiornit hail Quhill tythingis come to him fra that counſaill. Than ſtatute thay in Ilk ſteid of the weſt, In thay boundis, Wallace ſuld haue na reſt. His deir Vncle ane greit ai • h gart him • weir, That he but leif, na freindſchip ſuld him beir. And mony vther full wo was that day, Robert Boyd ſtall of the toun away. And Cleland als, befoir with him had bene, Thay had far leuar to ſe him with thair Ene: Leuand on lyfe, as thay knew him befoir, Than of clene gold, ane fyne Myl koun and moir. Boyd weipit ſair, and ſaid our Lord is gane, Amang his fais is ſet all him allane. Than Cleland ſaid, fals Fortoun changis faſt, Greit God ſen we with him had euer paſt. Edward Lytill in Aunandaill is went, And wait richt nocht of this new Iudgement. Adam Wallace baid ſtill in Ricardtoun, Sa fell it thus, with Wallace of Renoun. He with his power partit meruellouſly, Be Fortoun of chance ouir turnis dowbilly. Thair pieteous mane, as than couth nocht be bet, Thay wiſt na wit quhair that thay ſuld him get. He left the place quhair he in ludgeing lay, To Erll Malcolme he went vpon ane day. The Lennox haill he held into his hand, To King Edward yan had he nocht maid band. That land was ſtrait, and maiſterfull to win, Gude men of armis yat tyme was it within. The Lord was traiſt, ye men ſicker and trew. With waik power thay durſt him nocht perſew. Richt glaid he was of Wallace cumpany, Welcūmit him fair, with worſchip reuerently. At his awin will, deſyrit gif he wald To byde thair ſtill maiſter of his houſhald. Of all his men he ſuld haill Chiftane be, Wallace anſwerit that war aneuch for me. I can nocht abyde, my mynd is ſet in plane, Wrokin to be, or ellis de in the pane. Our weſt countrie, thair ſtatute is ſa ſtrang, Into the North my purpois is to gang. Steuin of Ireland than in the Lennox was, With wicht Wallace he ordand him to pas. And vther als, that war borne of Argyle, Wallace ſtill thair, maid reſidence ane quhyle. Quhill men it wiſt, and ſemblit ſone him till, He chargit nane, bot at thair awin gude will. Thocht yai war ſtrangeris, ȝit couth he not yame dreid, Bot reſſauit thame all in his weiris to leid. Sumpart of thame was yan of Ireland borne, That Makfadȝeane had exylit out beforne. King Edwardis man, he was ſworne of Ireland, Of richt law birth ſuppois he tuik on hand. To Wallace thair, come ane yat hecht Fawdoun, Of Malancholy, and euill complextioun. Heuy of ſtature and dour of contenance, Sorrowfull was ay, in dreid without pleſance. Wallace reſſauit, quhat men wald cum him till, The bodylie aith thay maid him with gude will. Befoir the Erll, all in ane gude concord, And him reſſauit, as thair Capitane and Lord. His ſpeciall men, that come with him fra hame, The tane hecht Gray, the tother Keirly be name. In his ſeruice come firſt in all thair mane, To Lowdoun hill, quhair yat Fenwik was ſlane. He thame commandit ay nixt yame to perſew, For he thame kend, richt hardy, wyſe, and trew. His leif he tuik, richt on ane fair maneir, The gude Erll than, he bad him giftis ſeir. Wallace wald nane, bot gaif of his feill ſyis, To pure and riche, vpon ane gudly wyis. Humbill he was, hardy, wyſe, and fre, And of riches he held na propertie. Of honour, worſchip, he was an em •• rour kend, As he of gold had aboundantly to ſpend. Vpon his fais he wan it worthely, Thus Wallace paſt and his gude Cheualry. Sextie he had of lyklie men at wage, Throw the Lennox he led yame with curage. Abone Lekky he ludgit thame in ane vaill, Ane ſtrenth thair was, quhilk yai thocht to aſſaill. On Cargunnok thair biggit was ane • eill, That ſtuffit was with men and vntall weill. Within ane dyke, Clois, Chalmer, and • all, Capitane thairof, to name hecht Thirll wall. Thay led Wallace quhair yat this bigg •• was, Thocht to aſſailȝe it far by or • e wald pas. Twa ſpyis he ſend to veſy all the land, Richt laith he was, the thing to tak on hand. The quhilk be force, yat ſuld gang him agane, Rather he had throw auenture bene ſlane. Thir men went furth quhē it was large mydnicht About the hous thay ſpyit all at richt. The wachemen heuy was, and fallin on ſleip, The brig was drawin yat ye entrie ſuld keip. The laubouraris lait rekleſly went in, Thir men returnit withouttin noyis or din. To thair Maiſter, and tald quhat thay had ſene, Than graithit he ſone thir men of armis kene. Sadly on fuit vnto the hous thay ſocht, And enterit in, for letting had thay nocht. Wicht men aſſayit with all thair beſy cure, Ane lokkit bar was drawin athort the • ure. Bot yai micht nocht it brek out of the waw, Wallace was greuit quhen he ſic tary ſaw. Sum part anoyit, wraithly to it he went, Be force of handis, it raiſit out of the ſprent. Thre elne of breid, als of the wall pullit out, Than meruellit all his men that was about. How he did mair, than twentie of thame micht, Syne with his fuit, the ȝet he ſtraik vp richt. Quhill brace and bandis he briſtit all atanis, Frayi • lie thay rais, that was within yai waynis. The wache man had ane felloun ſtaf of ſteill, At Wallace ſtraik, bot he keipit him richt weill. Rudely fra him, he reft it in the thrang, Dang out his harnis, ſyne in the dyke him ſlang. The remanent, be that was on thair • eit, Thus Wallace ſone, can with the Capitane meit. The ſta • he had, heuy and forgit new, With yat Wallace vpon the heid him drew. Quhill bane and brane all in ſunder ȝeid, His men enterit, that worthy war in deid. In handis hynt, and ſtikkit all the laif, Wallace commandit, yai ſuld na weirman ſaif. Twentie and twa, yai ſtikkit in that ſteid, Wemen and barnis, quhen yat ye men was deid. He gart be tane, and keipit in clois full weill, That yai thair out, micht haue yairof na feill. The deid bodyis yai put ſone out of ſicht, Tuik vp the brig or that the day was licht. In that place daid four dayis or he wald pas, Wiſt nane yairout, how that the mane • was. Spuilȝeit yat • teid and tuik thame gan and geir Iowellis and gold away with yame thay beir. Quhen he thoc • • tyme, thay Iſchit on the • icht, To the 〈◊〉 wod yai went with all yair micht. The Capitanis wyfe, wemen and Chylder thre, Paſt quhair yai wald, for Wallace left yame fre. In that Foreſt he lykit nocht to abyde, Thay bownit yame ouir Forth for to ryde. The Mos was ſtrang, to ryde yan was na bute, Wallace was wicht, and lichtit on his fute. Few hors thay had lytill thairof yai rocht, To ſaif thair lyf • s, fell ſtrenthis oft thay ſocht. Steuin of Ireland, he was thair gyde that nicht, Towart Kincardin ſyne reſtit thair at richt. In that Foreſt, quhilk was baith lang and wyde, Quhilk fra the Mos grew to the wa • ter ſyde Efter the Sone Wallace walkit about, Vpon Tech ſyde, quhair he ſaw mony ane rout. Of wyld beiſtis, wauerand in wod and plane, Sone at ane ſchot, ane greit Hart hes he ſlane. Flew fyre of flynt, and graithit yair at richt, Suddandly thair▪ freſche vennyſoun thay dicht. Vittall thay had, baith breid and wyne ſa cleir, With vther ſtuf aneuch at thair Denneir. This ſtaf of ſteill, he gaif Keirly to keip, Syne paſt thay ouir, the watter of Tech ſa deip. Into Stratherne thay enterit ſuddandly, In couert paſt, or Sutheroun ſuld thame ſpy. Quhome yat yai fand of Scotlandis aduerſouris Without reſpect, was cum thair fatall houris. Quhome euer thay met, was at the Inglis fay, Thay ſlew all doun, withouttin mair delay. Thay ſpairit nane yat was of Inglis blude, To deith he ȝeid, thocht he was neuer ſa gude. This was the grace that Wallace to yame gaif, Thay ſaifit nane, Knicht, Squyar, nor knaif. Bot waiſtit all, be worthynes of weir, Of that partie, that micht beir bow or ſpeir. Sum part be ſlicht, ſum part be force thay flew, Bot Wallace thocht yai waiſtit neuer anew. Siluer thay tuik, and als gold as thay fand, Vther gude geir full lichtly red fra hand. Cut • it throttis, ſyne in Peitpottis yame keſt, Put out of ſicht, for yat yai thocht was beſt. At the blak Furde as thay ſuld yan pas ouir, Ane Squyar come, and with him bernis four. To Down ſuld ryde, and wenit yat yai had bene All Ingliſmen, yat he befoir had ſene. Tythingis to ſpeir, he huwit thame amang. Wallace thair with ane gude ſword out he • wang Vpon the heid he ſtraik with ſa greit Ire, Throw bane and brane in ſunder ſtraik ye fyre. The tother thre, in handis ſone war hym, Derfly to deith, ſtikkit or thay wald ſlynt. The hors thay tuik, and quhat thay lykit be •• , Spuilȝeit yame bair, ſyne in the Gog yame keſt. O • yis mater na mair tary thay maid, Bot furth yair way, paſſit withou • abaid. Thir weirlyke Scottis, all with ane aſſent, Sa North ouir Erne, out throw the land yai wēt. In Methuen wod yair ludgeing tuik yat nicht, Vpon the morne, quhen yat ye day was licht: Wallace rais vp, went to the Forreſt ſyde, Quhai • yat he ſaw full weill beiſtis abyde. Of wyld and tame, walkand aboundantlie, Than Wallace ſaid, this countrie lykis me. W •• rmen may do, with fude yat yai ſuld haif, Bot want yai meit, thay rek nocht of ye laif. Of day • tie fair Wallace tuik neuer keip, Bot as it come, welcum was meit and ſleip. Sum tyme he had greit ſufficience within, Now want, now haue, now lois, now win. Now licht, now ſad, now blyith, now in baill, In haiſt, now hurt, now ſorrow, and now haill. Now weildād weill, now cald wedder, now hei • Now moiſt, now drouth, now wauerand wynd, now wei • Sa fairꝭ wt him, for ſcotlādꝭ richt ful euī In fell debait, ſeuin ȝeirts and monethis ſeuin, Quhen he wan peice, and left Scotland in plane, The Ingliſmen maid new conqueiſt agane. In fruſtrat termis I will nocht tary lang, Wallace agane vnto his men can gang. And ſaid heir is ane land of greit aboundance, Thankit be God of his hie purueyance. Seuin of ȝow feiris, graith ſone and ga with me, Richt ſair I lang, Sanct Iohnſtoun for to ſe.

How Wallace paſt to Sāct Iohnſtoun & ſlew ye Capitane, & how he wan Kincleuin. Cap. ij. STeuin of Ireland, as God of heuin the ſaif, Maiſter and • eidar I mak the of ye laif Keip weill my men, lat nane out of thy ſicht Quhill I gang hidder, ſall cum with all my micht Byde me ſeuin dayis into this Foreſt ſtrang, Ȝe may get fude ſuppois I dwell ſa lang. Sum part ȝe haue, and God will ſend ȝow mair, Thus turnit he, and to the toun can fair. The Mair keipit the Port of the Village, Wallace knew weill, and ſend him his Meſſage. The Mair was brocht, ſaw him ane gudly man, Richt reuerently he hes reſſauit thame than. At him he ſpeirit, all Scottis gif ȝe be, Wallace ſaid ȝe and it is peice trow we. I grant he ſaid, that lykis vs wounder weill, Trew men of peice man ay ſum freindſchip feill. Quhat is ȝour name? I pray ȝow tell me it, William Malcolmeſone, he ſaid ſen ȝe wald wit. In Ettrik Foreſt hes my wynning bene, Thair I was borne, amang the Schawis ſchene. Now I deſyre this Northland for to ſe, Quhair I micht fynd bet • er dwelling for me. The Mair ſaid Schir, I ſpeirit for nane euill, Bot feill tythingis is oft tymis brocht vs till. Of ane Wallace, that was borne in the weſt, Our Kingis men he haldis at greit vnreſt. Martyris thame doun, greit pietie is to ſe, Out of the trewis, forſuith I trow he be. Wallace ſaid than, we heir ſpeik of that man, Tythingis of him, to ȝow tell I nocht can. For him he gart yan ane Innis graithit be, Quhair nane ſuld cum, bot his awin men and he. The Stewart Keirly brocht thame in fuſioun, Gude thing aneuch, the beſt was in the toun. Als Ingliſmen to drinking wald him call, And commounly he delt nocht thair with all. In thair preſence he ſpendit reſſonabilly, Ȝit for him ſelf he payit aboundantly. On Scottis men he ſpendit mekill gude, Nane with his will vpon ye Sutheroū blude Sone he conſauit, in his wit priuatly, Into that toun quha was of maiſt party. Schir Iames Buttellar, ane agit cruell Knicht, Keipit Kincleuin, ane Caſtell wounder wicht. His Sone Schir Iohne, yat dwelt into ye toun, Vnder Capitane to Schir Gerard Heroun. The wemen als, he veſyit at the laſt, And ſa on ane, his Ene began to caſt. In the South gait, of faſſoun ferly fair, Wallace to hir maid priuatly repair. Sa fell it thus, fra the toun or he paſt, At ane accord, thay hapnit at the laſt. Wallace with hir in ſecreit maid him glaid, Sutheroun wiſt nocht, yat he ſic pleſance had. Oft on the nicht he wald ſay to him fell, This is far war than ony pane of hell. That yus with wrang, yir Deuillꝭ br • kis our lād And I with force, may nocht aganis yame ſtand. To tak this toun, my power is to ſmall, Greit perrell als of my ſelf may be • all. Set it in fyre, it will vndo my ſell, Or lois my men, thair is na mair to tell. The ȝettis ar cloiſit, the dykis ar deip with all, Thocht I wald ſwo • ne, forſuith yai can nocht all. This mater heir, thairfoir I will lat ſlyde, For in this tyme, I may na langer byde. Als men him tauld, the Capitane was to pa • Hame to Kincleuin, quhairof richt glaid he was. His leif he tuik a • Heiris of the toun, To Methuen wod richt glaidly maid him boun. His horile he hynt, and blyithlie bownit to blaw, His men him hard, and thair ſone can yai draw. Richt blyith he was, for yai war haill and feir, Mony at him for, tythingis wald nocht ſpeir. He thame commandit for to mak reddy faſt, In gude array out of the wod thay paſt. Towart Kincleuin, thay bownit yame yat tyde, Syne in ane vaill, yat neir was thame beſyde. Faſt vpon Tay his buſchement he can draw, In ane derne wod, he ſtellit thame on raw. Set Scurriouris furth, the countrie to eſpy, Bot ſone or none yair come foir Rydaris by. The wache turnit to ſe quhat was his will, He yame commandit, in couert hald thame ſtill. And we ſkaill furth, the hous wil knawledge haif And that may ſone be warning to the laif. All force in weir dois nocht bot greuance, Wallace was few, bot happy was his chance. Maid him feill ſyſe his aduerſaris to win, Be that the Court of Ingliſmen come in. Four ſcoir and ten, weill graithit in thair geir, Harneſt on hors, as lyklie men of weir. Wallace ſaw weill thair number was na ma, He thankit God, and ſyne the feild can • a. The Inglis meruellit, greitly quhat yai ſuld be, Bot fra yai ſaw yai maid thame for melle: In reiſt thay keſt, ſchairp ſpeiris in that tyde, In ouir yai thocht, outouir the Scottis to ryde. Wallace and his, went cruelly thame agane, At the firſt ruſche feill Sutheroun men war ſlane Wallace ſtraik ane with his ſpeir of gude ſteill, Throw out the coiſt, ye ſchaft fruſchit Ilk deill. Ane burneiſt brand in haiſt yan hynt he out, Thryſe vpon fuit, he thrang throw all the rout. Sterne hors thay ſtikkit, ſuld men of armis beir, F • y vnder fuit was fuilȝeit men of weir. Buttellar lychtit him ſelf for to defend, With men of armis, quhilk full worthy war kend. On ather ſyde, feill freikis war fechta • d faſt, The Capitane baid, thocht he was ſair agaſt. Part of Sco • tis be worthynes thay ſlew, Wallace was wa, and towart him he drew. His men than dred, the Buttellar bald and kene, On him he ſocht, with Ire and proper tene. Vpon the heid him ſtraik in matalent, The burneiſt blaid, throw out his baſnet went. Baith bane and braue, he bryſtit throw his weid, Thus Wallace hand, deliuerit yame of that dreid. Ȝit feill on fold was fechtand fellounly, Steuin of Ireland, and all the Cheualry. Into that ſtour did worthely and weill, And Keirly als, with his gude ſta • of ſteill. The Ingliſmen fra thair Chiftane was ſlane, Thay left the feild, and fled in all thair mane. Thre ſcoir war ſlane or thay wald leif that ſteid, The fleand folk that wiſt of na remeid: Bot tak the hous thay fled in all thair micht, The Scottis followit, yat worthy war and wicht Few men of fence, war left that place to keip, Wemen and Preiſtis vpon the wall can weip. For weill yai wenit, the flearis war thair Lord, To tak thame in, thay maid thame reddy ford. Leit doun the brig keſt vp the ȝettis wyde, The frayit folk enterit yat durſt nocht byde. Gude Wallace euer, he followit thame ſa faſt, Quhill in the hous he enterit at the laſt. The ȝet he wore, quhill cūmit was all the rout Of Inglis and Scottis, he held na man yair out. The Ingliſmen that wynnit in that ſteid, Withouttin grace thay bryttinit thame to deid. The Capitanis wyfe, wemen and Preiſtis twa, And ȝoung Chylder, forſuith thay ſauit na ma. Held thame in clois efter this ſuddand cace, Or Sutheroun men, ſuld ſeige yame in yat place. Tuik vp the brig, and cloiſit ȝettis faſt, The deid bodyis out of ſicht yai gart caſt. Within the hous, and outwith that war deid, Fyue of his awin to bury he gart leid. In that Caſtell ſeuin dayis ſtill baid be, And euerilk nicht thay ſpuil ȝeit beſylie. To Schort wod ſchawis led wyne & vittal bricht Houſhald and geir, baith gold and ſiluer bricht. Wemen and thay, quham to he grantit grace, Quhen he thocht tyme, thay put out of the place. Quhen thay had tane, quhat lykit thame to haif, Straik doun the ȝet, and ſet in fyre the laif. Out of wyndois ſtanchou • is all yai drew, Full greit Irne werk into the watter threw. Buirdin durris, and lokkis in thair Ire, All werk of tre thay brynt in to the fyre. Spilt that yai micht, brak brig and Bulwerk doū To ſchort wod ſchaw in haiſt yai maid yame boū. Cheiſſit ane ſtrenth, quhair yai yair lugeing maid, In gude effeir, ane quhyle yair ſtill he baid. Ȝit in the toun, of this na wit had thay, The countrie folk, quhen it was lycht of day: Greit reik ſaw ryſe, and to Kincleuin thay ſocht, Bot wallis and ſtane, mair gude fand thay nocht. The Capitanis wyfe to Sanct Iohnſtoun ſcho ȝeid, And to Schir Gerard tauld yis felloū deid Als to hir Sone quhat hapnit was be cace, Than demit thay all, yat it was wicht Wallace. Befoir tyme thair he ſpyit had the toun, Than chargit thay all, thay ſuld be reddy boun. Harneſt on hors into thair armour cleir, To ſeik Wallace, thay went all furth in feir. Ane thouſand men weill garneiſt for the weir, Towart the wod richt awfull in effeir.

¶Schortwod Schawis. Cap. iij. TO Schortwod ſchaw, and ſet it all about, With fyue ſtaillis, yat ſtalwart war & ſtout. The ſext yai maid, ane felloū Raynge to leid Quhair Wallace was, full worthy ay in deid. The ſtrenth he tuik, and bad thame hald it ſtill, On euerie ſyde aſſailȝe quha ſa will. Schir Iohne Buttellar into the Foreſt went, With twa hundreth, fair muifit in his Intent. His Fatheris deith, to venge him gif he mocht, To Wallace ſone with men of armis he ſocht. Ane cleuch thair was, quhair of ane ſtrenth thay maid, With thortour treis, & baldly thair abaid. Fra the tane ſyde thay micht Iſche to ane plane, Syne throw the wod to the ſtrenth pas agane. Twentie he had, yat Nobill Archearis wair, Aganis ſeuin ſcoir of Inglis bowmen ſair. Thre ſcoir of ſpeiris neir hand yame baid full richt Gif Scottis Iſchit, to help yame at thair micht. On Wallace ſet, ane bikker bald and kene, Ane bow he bair, was big and weill beſene. And arrowis als, baith lang and ſchairp with aw Na man was yair, yat Wallace bow micht draw. Richt ſtark he was, and in full ſouer geir, Baldly he ſchot amang thay men of weir. Ane Angill heid vnto the huikis he drew, Syne at ane ſchot the formeſt ſone he ſlew. Inglis Archearis, that hardy war and wicht, Amang the Scottis, bikkerit with all thair micht Thair awfull ſchot was felloun for to byde, Of Wallace men thay woundit feill that tyde. Few of thame was ſicker of Archery, Better thay war, and thay gat euin party. In feild to byde, outher with ſword or ſpeir, Wallace perſauir his men tuik mekill deir. He gart thame change, and ſtand not in yat ſteid, He keſt alwayis to ſaif thame fra the deid. Full greit trauell vpon him ſelf tuik he, Of Sutheroun Archearis feill men he gart de. Of Longcaſtell Schyre, bowmē war in yat place Ane fair Archear ay waittit on Wallace. At ane oppin, quhair he vſit to repair, At him he drew ane ſicker ſchot and ſair. Vnder the Chyn throw ane collar of ſteill, On the left ſyde, and hurt his hals ſum deill. Aſtoneiſt he was, bot nocht greitly agaſt, Out fra his men, on him he followit faſt. In the turning with gude will hes him tane, Vpon the craig, in ſunder ſtraik the bane. Than feill of thame, na freindſchip with him fand Fyftene that day, be ſchot deit with his hand. Be that his arrowis waiſtit war and gane, The Inglis Archearis, forſuith yai wantit nane. Out with thay war, thair power to renew, On euerilk ſyde, to thame yai culd perſew. William Lorane come with his buſteous ſtaill, Out of Gowrie on Wallace to aſſaill. Neuoy he was, as it was knawin plane, To the Buttellar, befoir that thay had ſlane. To venge his Eme, he come in all his micht, Thre hundreth led of men in armis bricht. To leid the Raynge on fute he maid him ford, Wallace to God his conſcience couth remord. Syne comfort thame with manly countenance, Ȝe ſe he ſaid, gude Schirris thair ordinance. Heir is nane chois, bot outher do or de, We haue the richt, the happyer may it be. That we ſall chaip, with grace out of this land, The Lorane be that, was reddy at his hand. Be this it was, efter none of the day, Feill men of wit, to counſall ſone ȝeid thay. The Sutheroun keſt ſchairply on euerilk ſyde, And ſaw ye wod was nouther lang nor wyde. Lichtly thay thocht, he ſuld it hald ſa lang, Fyue hundreth maid on fuit throw it to gang. Sad men of armis, that egir war of will, About the Scottis, with mony ſchout full ſchill. With bow and ſpeir, and ſwordis ſtif of ſteill, On ather ſyde, na freindſchip couth thay feill. Wallace in Ire ane buirly brand can draw, Quhair feill Sutheroun, war ſemblit on ane raw To fend his men with his deir worthy hand, The folk war fey, that he befoir him fand. Throw the thickeſt of ye greit preis he paſt, Vpon his enemeis, he wand wounder faſt. Aganis his dynt, na weidis micht auaill, Quhome ſa he hit, was deid withouttin faill. Of the feirſeſt full braithly bair he doun, Befoir ye Scottis, that war of greit Renoun. To hald ye ſtrenth yai preiſſit with all yair micht, Than Ingliſmen, yat worthy war and wicht: Schir Iohne Buttellar releuit in agane, Synderit ye Scottis, and did yame mekill pane. The Lorane als, that cruell was and kene, Ane ſair aſſay, forſuith yair micht be ſene. Than at ye ſtrenth yai micht na langer byde, The Raynge ſa ſtrang come vpon ather ſyde. In ye thickeſt wod yai maid thair fell defence, Aganis thair fais, ſa full of violence. Richt feill Sutheroun leuit thair lyfe in wed, To ane new ſtrenth Wallace and his men fled. On thair aduerſaris, thay maid full feill debait, Bot help yame ſelf, nane vther ſuccour yai wait. The Sutheroun als, war ſynderit than in twyn, Bot thay agane togidder ſone can wyn. Full ſubtelly thair ordinance thay maid, The Raynge agane, thay bownit but mair abaid. The Scottis was hurt, & part of yame war ſlane, Than Wallace ſaid, we laubour all in vane. To ſlay commounis it helpis vs richt nocht, Bot thair Chiftanis, that hes yame hidder brocht. M • cht we wirk ſwa, yat ane of yame war ſlane, Sa ſair aſſay thay culd nocht get agane. Be this the Oiſt approchand was full neir, Thus yai thame held, full manly vpon ſteir. Quhen Wallace ſaw the Sutheroun was at hād Him thocht na tyme langer yan for to ſtand. Richt manfully he graithit hes his geir, Sadly he went aganis thay men of weir. Throw out the ſtour full faſt fecht and he ſocht, With Goddis grace to venge him gif he mocht. Vpon the Buttellar awfully ſtraik he, Saifgaird he gat vnder ane bowand tre. The branche in twa he ſtraik abone his heid, Als to the ground, and fellit him in that ſteid. The haill power vpon him come ſa faſt, That thay be force reſkewit him at the laſt. Lorane was wa, and thidder faſt couth draw, Wallace returnit, ſa ſuddandly him ſaw. Out at ane ſyde full faſt to him he ȝeid, He gat na gyrth for all his burneiſt weid. With Ire him ſtraik on his gorget of ſteill, The trench and blaid it perſit euerilk deill. Throw plait and ſtuf, micht nocht aganis it ſtand Derfly to deith, he left him on the land. Him haue yai loiſt, thocht ſutheroū had it ſworne, For his craig bane was all in ſunder ſchorne. The worthy Scottis did Nobilly that day, About Wallace, quhill he was won away. He tuik the ſtrenth aganis thair fais will, Abandoundly in bergane baid thame ſtill. The ſcry ſone rais, the bald Lorane was deid, Schir Gerard Heroun tranoyntit to that ſteid. And all the Oiſt aſſemblit him about, At the North ſyde than Wallace Iſchit out. With his gude men, and bownit thame to ga, Thankand greit God, that thay war partit ſa. Seuin of his men to deith that day was dicht, To Cargill wod thay went that • amin nicht. In the feild left of the Sutheroun ſe • ſcoir, And Lorane als, thair murning was the moir. The Raynge in haiſt thay rayit ſone agane, Bot quhen thay ſaw thair trauell was in vane: Quhen he was paſt full mekill mane thay maid, To rype the wod, • aith vaill, ſlonk, and ſ • aid. For Buttellaris gold, Wallace tuik gold befoir, Bot thay fand nocht, wald thay ſeik euer moir. His hors thay gat bot nocht ellis of his geir, With dulefull mane returnit thir men of weir, To Sanct Iohnſtoun with ſorrow & greit • air, Of Wallace furth me lykis to ſpeik ſum mair. The ſecund nicht, the Scottis co •• h yame draw, Richt priuatly agane to Schort wod ſchaw. Tuik vp thair gude quhilk was put out of ſicht, Clei • hing and •• u • , baith gold and ſiluer bricht. Vpon thair feit, for hor • was than thame fra, Or the Sone rais to Methuen wod can ga. The twa dayis ouir yair lugeing ſtill yai maid, On the thrid nicht yai mouit but mair abaid.

¶How Wallace was ſauld to Ingliſmen be his Lemmane. Ca. iiij. TO Elchok Park full ſuddandly thay went, Thair in yat ſtrenth to byde was his Intēt. Than Wallace ſaid, he wald ga to ye toun, Arrayit him weill intill ane Preiſtis gown. In Sanct Iohnſtoun diſagyſit can he fair, To this woman, the quhilk we ſpak of air. Of his preſence ſcho richt reioyſit was, And ay in dreid, how he away ſuld pas. He Soiornit thair fra none was of the day, Quhill neir the nicht, or yat he went his way. He tryſtit hir, quhen he ſuld cum agane, On the thrid day, than was ſcho wounder fane. Ȝit he was ſene with enemeis as he ȝeid, To Schir Gerret yai tauld of all this deid. And to Buttellar, yat wald haue wrokin bene, Than yai gart tak, yat woman bricht and ſchene: Acomfit hir ſair of reſſet in that place, Feil ſyſeſcho ſwore, yat ſcho knew nocht Wallace. Than Buttellar ſaid, we wait weill it was he, And bot thow tell, in baill fyre ſall thow de. Gif thow will help to bring ȝone Rebald doun, We ſall the mak ane Lady of Renoun. Thay gaif to hir baith gold and ſiluer bricht, And ſaid ſcho ſuld be weddit with ane Knicht. Quhome ſcho deſyrit, yat was but mariage, Thus temptit yai hir, throw counſal & greit wage That ſcho yame tald, quhat tyme he wald be yair, Than war yai glaid, for thay deſyrit na mair. Of all Scotland bot Wallace at thair will, Thus ordand thay, ya • pointment to fulfill. Fell men of Armis thay graithit haiſtelie, To keip the ȝettis wicht Wallace to eſpy. At the ſet tryſt he enterit in the Town Witt and na thing of all this fals treſſoun. To hir Chalmer he went but mair abaid, Scho welcūmit him, and ful greit pleſance maid. Quhat that thay wrocht I can not graithly ſay, Rycht vnperfite I am of Venus play. Bot haiſtely he graithit him to gang Than ſcho him tuke, and ſpeirit gif he thocht lang Scho aſkit him that nycht with hir to byde Sone he ſaid nay, for chance that micht betyde My men ar left at miſreull all for me, I may nocht ſleip this nycht quhill I thame ſe. Than weipit ſcho, and ſaid full oft allace That I was maid wa worth the curſit cace. Now haue I loiſt the beſt man that leuand is, O febill mynde to do ſa foull ane mis O waryit wit, wickit and variance, That me hes broucht in this miſcheuous chance. Allace ſcho ſaid in warld that I was wrocht Gif all this pane on my ſelf mycht be brocht I haue ſeruit to be brint in ane gleid, Quhē Wallace ſaw ſcho neir fra wit couth weid In his armis he claucht hir ſoberly, Quha hes done ocht he ſaid, deir hart, haue I? Na I (quod ſcho) hes falſly wrocht this trane, I haue ȝow ſauld, richt now ȝe will be ſlane. Scho tald to him hir treſſoun to ane end As I haue ſaid, quhat neidis mair legend. At hir he ſpeirit gif ſcho forthocht it ſair, Ȝe Schir ſcho ſaid, and ſall do euer mair. My waryit weird in warld I mon fulfill, To mend this mys I wald byrn on ane hill. He comfort hir, and bad hir haue na dreid, I will he ſaid haue ſumpart of thy weid. Hir gowne he tuke on him and courcheis als Will God I ſall eſchaip this treſſoun fals. I the forgi • withouttin wordis mair, He kiſſit hir, ſyne tuik his leif to fair. His burely brand helpit him oft in neid, Richt priuatly hid it vnder that weid. To the ſouth ȝet the ganeſt way he drew, Quhair that he fand of armit men anew. To thame he tauld diſſ •• nulit in countenance▪ To the Chalmer quhair he was in perchance Speid faſt he ſaid, Wallace is lokkit in For him thay ſocht without noyis or din. To that ſamin hous about thay can thame caſt Out at the ȝet than Wallace gat full faſt. Richt glaid in hart, quhen that he was without Richt faſt he ȝeid, ane ſture pais and ane ſtout· Twa him beheld and ſaid we will ga ſe Ane ſtalwart quene forſuith ȝone ſemis to be. Thay followit him throw the ſouth inche yai twa Quhē Wallace ſaw with yame thair come na ma Agane he turnit, and hes the formeſt ſlane, The tother fled than Wallace with greit mane Vpon the heid with his ſword hes him tane Left yame baith deid, • yne to the ſtrenth him tane His men he gat richt glaid quhen thay him ſaw To thair defence in haiſt he gart thame draw. Deuoydit him ſone of the womans weid, Thus chaipit he out of this felloun dreid.

☞ (✚) ☜

❧

Ca. j. IN Februar befell the ſamin cace, That Ingliſmen tuke trewis with Wallace This paſſit ouir quhill Marche away was ſocht▪ The Ingliſmē keſt all ye wayis yai mocht. With ſubtill and wickit Illuſioun, The worthie Scottis to put to confuſioun. Into Aprile the King of Ingland come, In Cumbirland of pumfret fra his home. Into Carlile to ane counſall he ȝeid, Quhairof the Scottis micht haue ful mekil dreid Mony Capitane that was of Ingland borne, Hidder thair paſt, ſemblit thair King beforne. Na Scottis man to that counſall thay cald, Bot Schir Aymer, that tratour was of auld. At him thay ſpeirit how thay ſuld tak on hand, The richteous blude to ſtroy out of Scotland. Schir Aymer ſaid, thair Chiftane can weill do, Richt wyſe in weir, and hes greit power to. And now this trewis geuis thame ſic hardiment, That to ȝour ſaith thay will nocht all conſent. Bot wald ȝe do richt as I can ȝow leir, The peax to thame it ſuld be ſauld full deir. Than demit he the fals Sutheroun amang, How thay beſt micht the Scottis Barrounis hāg Four greit Bernis that tyme ſtude into Air, Wrocht for the King quhen his bigging was yair Biggit about, that na man enter micht, Bot ane atanis, nor haue of vther ſicht. Thair ordanit thay thir Lordis ſuld be ſlane, Ane Iuſtice maid quhilk was of mekill mane. To Lord Perſee of this mater thay laid, With ſad auiſe agane to thame he ſaid. Thay men to me hes keipit treuth ſa lang, Diſſaitfully I may nocht ſe thame hang. I am thair fa, and warne will I thame nocht, Sa I be quyte, I rek nocht quhat ȝe wrocht. Fra thyne I will, and toward Glaſgow draw, With our Biſchop, to heir of his new Law. Than cheiſſit thay ane Iuſtice feirs and fell, Quhilk Arnulf hecht as myne Author will tell. Of South Hamptoun he hecht baith Air & Lord, He vnder tuke to pyne thame with ane cord. Ane vther Air in Glaſgow ordanit thay, For Clyddiſdaill men to ſtand the ſamin day. Syne chargit thame in all wayis eirneſtly, Be na kyn meake Wallace ſuld eſchaip yame by. For weill thay wiſt, & thir men war ouirthrawin, Thay micht at wil bruik Scotland as yair awin. This band thay clois vnder thair Seillis faſt, Syne ſocht ouir mure agane King Edward paſt. The new Iuſtice reſſauit was in Air, The Lord Perſee can vnto Glaſgow fair. This Air was ſet in Iune the xviij. day, And planely cryit, na fre man war away. The Scottis meruellit, and peax tane in the land Quhy Ingliſmen, ſic maiſtrie tuke on hand. Schir Rannald ſet ane day befoir this Air, At Monktoun Kirk, his freindis to meit him yair Williame Wallace vnto that tryiſt culd pas, For he as than, Wardane of Scotland was. This Maiſter Iohne ane worthie clerk was yair He chargit his kyn for to byde fra that Air. Richt weill he wiſt, fra Perſee left that land, Greit perrell was to Scottis appeirand. Wallace fra thame, into the Kirk he ȝeid, Pater Noſter, he ſaid, and als ane Creid. Syne to the Grece he lenit him ſoberly, Vpon ane ſleip he ſlaid full ſuddandly. Cleland followit, and ſaw him fallin on ſleip, He maid na noyis, bot wiſely culd him keip. In that ſlummer, cūmand him thocht he ſaw, Ane ſtalwart man that toward him culd draw. Sone be the hand he hint him haiſtelie, I am he ſaid, in veyage chargit with the. Ane ſword him gaif, of burely burniſt ſteill, Gude Sone he ſaid, this ſword thow ſall bruik weill. Of Topaſion him thocht the plumat was, Baith hilt and all, glitterand as the glas. Deir Sone he ſaid, we tary heir to lang, Thow ſall ga ſe, quhair wrocht is mekill wrang. Than he him led to ane montane on hicht, The warld him thocht he micht ſe at ane ſicht. He left him thair, ſyne ſone he fra him went, Thairof Wallace ſtudyit in his Intent. To ſe him thair he had full greit deſyre, Thair with he ſaw begyn ane felloun fyre. Quhilk braithly brynt on breid out throw ye land Scotland attour, fra Ros to Sulway ſand. Than ſone to him deſcendit thair ane Quene, Illuminat licht, ſchinand full bricht and ſchene. In hir preſence appeirit ſa mekill licht, That all the fyre ſcho put out of his ſicht. Gaif him ane wand of cullour reid and grene, With ane Saphir ſaynit his face and ene. Welcum ſcho ſaid, I cheis the to my lufe, Thow art grantit be the greit God abufe. To help pepill that ſufferis mekill wrang, With the as now, I may nocht tary lang. Thow ſall returne to thyne awin Oiſt agane, Thy derreſt kyn ar heir in mekill pane. This richt Regioun, thow mon redeme it all, Thy laſt rewaird in eirth ſalbe bot ſmall. Let nocht thairfoir, tak redres of this mis, To thy rewaird thow ſall haue heuinis blis. Of hir richt hand ſcho betaucht him ane buik, Humbly thus hir leif than ſcho tuik. Vnto the Clud aſcendit of his ſicht, Wallace brak vp the buik in all his micht. In thre partis the buik weill writtin was, The firſt letteris, war gros letteris of bras. The ſecund gold, the thrid was ſiluer ſchene, Wallace meruellit quhat this wryting ſuld mene. To reid the buik he beſyit him ſa faſt, His Sprite agane to walkand mynd it paſt. And vp he rais ſyne ſuddandly furth went, This Clerk he fand, and tauld him his Intent. Of this viſioun as I haue ſaid befoir, Compleitly furth, quhat neidis wordis moir. Deir Sone he ſaid, my wit vnabill is, To ratifie ſic for dreid I ſay mys. Ȝit I ſall deme, thocht my cunning be ſmall, God grant na charge efter my wordis fall. The ſtalwart man gaif the that ſword in hand, Fergus it is firſt winnar of Scotland. That montane is, quhair he the had on hicht, Knawledge to haif of wrang yat thow mon richt. That fyre ſalbe feill tythingis or ȝe part, Quhilk will be tauld in mony ſindrie art. I can nocht wit, quhat Quene that that ſuld be, Bot gif it be Fortoun ane Lady quhylis richt fre. The pretty wand I trow be myne Intent, Betaiknis reull, and cruell chaiſtement. The reid cullour, quha graithly vnderſtude, Betaikinis all to greit battell and blude. The grene curage, that thow art now amang, In trubill and weir, thow ſall continew lang. The Saphir ſtane ſcho bliſſit the with all, Is happy chance will God ſall to the fall. The thrynfald buik, is bot this brokin land, Thow mon redeme be worthynes of hand. The bras letteris betaikinis bot to this, The greit oppres in weir and mekill mys. The quhilk thow ſall bring to the richt agane, Bot thow thairfoir mon ſuffer mekill pane. The gold betaikinis honour and worthynes, Victor in armis, manheid and Nobilnes. The ſiluer ſchawis clene lyfe and heuinnis blis, To thy rewaird that myrth thow ſall nocht mis. Dreid nocht thairfoir, be out of all diſpair, Farther as now heirof I can na mair. He thankit him, and thus his leif hes tane, To Corſbie ſyne with his Vnkill raid hame. With myrthis thus all nicht ſoiornit thair, Vpon the morne thay graithit thame to the Air. And furth thay raid, quhill thay come to Kyncace, With dreidfull hart thus ſpeirit wicht Wallace. At Schir Rannald for the Charter of peis, Neuoy he ſaid, thir wordis ar nocht leis. It is leuit in Corſbie in the kiſt, Quhair thow it laid, thairof nane vther wiſt. Wallace anſwerit, had we it heir to ſchaw, And thay be fals we ſall nocht enter aw. Deir Sone he ſaid, I pray the pas agane, Thocht thow wald ſend, thy trauell war in vane. Bot thow or I, can nane it bring this tyde, Greit grace it was, maid him agane to ryde. Wallace returnit, tuke nane with him bot thre, Nane of thame knew this Indenture bot he. Vnhap him led, forbid him culd he nocht, Of fals deſait this gude Knicht had na thocht. Schir Rannald raid, but reſting to the toun, Wittand na thing of all this fals tteſſoun. That wickit Signe ſa reullit that Planeit, Saturne was than into his hieſt ſtait. Abone Iuno in his Melancoly, Iuppiter, Mars, ay cruell of Inuy. Saturne as than auancit his nature, Of Tyranny he power had and cure. Rebellis reullis in mony ſeir Regioun, Trubillous wedder, makis mony ſchippis to droū His driching is with Pluto in the Se, As of the land full of Iniquitie. He walknis weir, full of Peſtilence, Filling of wallis with cruell violence Poyſoun is ryfe, amang thir vther thingis, Suddand ſlauchter of Empriouris and Kingis. Quhen Sampſon pullit to ground the Pillair, Saturne was than into the hieſt Speir. At Thebes als of his power thay tell, Quhen Phiorax ſank throw the eirth to hell. Of the Troianis he had full mekill cure, Quhen Achilles at Troy ſlew gude Hector. Burdeous ſchent, and mony Cieteis mo, His power ȝit, it hes na hap to ho. In braid Bertane feill vengeance hes bene ſene, Of this and mair, ȝe wait weill quhat I mene. Bot to this hous that ſtalwart was and ſtrang Schir Rannald come and micht nocht tary lang▪ Ane balk was knit all full of raipis kene, Sic ane Tolbuith ſen ſyne was neuer ſene. Strang men was ſet the entre for to hald, Nane micht pas in, bot ane as thay war cald. Schir Rannald firſt to mak fewtie for his land, The Knicht went in, and wald na langer ſtand. Ane rynnand cord thay ſlippit ouir his heid, Hard to the balk, and hangit him to deid. Schir Brice the Blair nixt efter in he paſt, Vnto the deith thay haiſtit him full faſt. Be he enterit, his heid was in the ſnair, Tit to the balk, hangit to deith richt thair. The thrid enterit, greit pietie was for thy, Ane gentill Knicht Schir Neill of Montgomery And vther feill of landit men about, Mony ȝeid in, bot na Scottis come out. Of Wallace part thay put to that derf deid, Mony Craufurd ſa endit in that ſteid. Of Carryk men Kennedeis ſlew thay als, And kynd Campbellis, that neuer had bene fals. Thir Rebellit nocht contrair yair richteus croun, Sutheroun for thy yame put to confuſioun. Barklayis, Boydis, and Stewartis of gude kyn, Na Scot eſchaipit that tyme that enterit in. Vpon the balk thay hangit mony pair, Beſyde thame deid, in ane nuik keſt thame thair. Sen the firſt tyme, that ony weir was wrocht, To ſic ane deith ſa mony ȝeid thair nocht. Vpon ane day throw curſit Saxonis ſeid, Vengeance of this out throw that kynrent ȝeid. Grantit it was fra the greit God of heuin, Sa ordanit, that law ſuld be thair ſteuin. To the fals Saxonis for thair fell Iudgement, Thair wickitnes ouir all the warld is went. Ȝe Nobill men that ar of Scottis kynd, Thair pieteous deith, ȝe keip it in ȝour mynd. And vs reuenge quhen we ar ſet in thrang, Dollour it is, heiron to tary lang. Thus auchtene ſcoir, derfly to deith thay dicht, Of Barrounis bald, and mony worthie Knicht. Quhen thay had ſlane the worthieſt was thair, For waik pepill thay wald na langer ſpair. Into ane garth keſt thame out of that ſteid, As thay war borne, ſpulȝeit bair and deid. Gude Robert Boyd vnto ane Tauern ȝeid, With twentie men, that douchtie war in deid. Of Wallace hous full cruell in Intent, He gouernit thame, quhen Wallace was abſent. Keirlie returnit with his Maiſter agane, Cleland and Boyd, that mekill was of mane Steuin of Ireland went furth into the ſtreit, Ane trew woman full ſone with him culd meit. He ſpeirit at hir, quhat happinnit in the Air? Sorrow ſcho ſaid, is na thing ellis thair. Feiritly ſcho ſaid, allace quhair is Wallace? Fra vs agane he paſſit at Kyncace. Ga warne his folk, and haiſt thame of the toun, To keip him ſelf I ſalbe reddy boun. With hir as than na mair tary he maid, To his fellowis he went withouttin baid. And to thame tauld of all this greit miſfair, To Laglane wod thay bownit without mair. Be this Wallace was cūmand wounder faſt, For his freindis he was full ſair agaſt. Vnto the Bern ſadly he culd perſew, To enter in, for he na perrell knew. This trew woman, vpon him loud can call, O feirs Wallace, feill tempeſt is befall. Our men is ſlane feill tempeſt is to ſe, As beſtiall houndis hangit ouir ane tre. Our trew Barrounis be twa and twa paſt in, Wallace weipit, for greit lois of his kyn. That with vneis vpon his hors he baid, Mair for to ſpeir to this woman he raid. Deir Nece he ſaid, gif thow the treuth can tell, Is myne Eme deid, or how the cace befell. Out of ȝone Bern forſuith I ſaw him borne, Naikit laid law, on cald eirth me beforne. His froſty mouth I kyſſit in that ſteid, Richt now manlyke, bair and brocht to deid. And with ane claith I couerit his Lichame, For in his lyfe he did neuer woman ſchame. His Siſter Sone, thow art worthie and wicht, Reuenge his deith, for Goddis lufe at thy micht. Als I ſall help, as I am woman trew, Deir wicht he ſaid, greit God gif yat thow knew Gude Robert Boyd, quhair euer thow can him ſ • Williame Craufurd, als gif he leuand be. Adam Wallace wald help me in this ſtryfe, I pray to God ſend me thame all on lyfe. For Goddis ſaik bid thame ſone cum to me, The Iuſtice Innis thow ſpy for cheritie. And in quhat feir that thay thair ludging mak, Sone efter that we ſall our purpois tak. Into Laglane, quhilk hes thair ſuccour bene, Adew merkat, and welcum woddis grene. Heirof as than, to hir he ſpak na mair, His brydill turnit and fra hir can he fair. Sic murning maid for his deir worthie kyn, Him thocht for baill his briſt neir briſt in twyn. As he thus raid, in greit anger and tene, Of Ingliſmen thair followit him fyftene. Wicht waillit men, that toward him culd draw, With ane Maiſſar, to teiche him to the Law. Wallace returnit in greif and matalent, With his ſword drawin amang yame ſone he wēt The myddill of thame he mankit ſone in twa, Ane vther thair vpon the heid can ta. The thrid he ſtraik, and throw the coiſt him claif, The feird to ground richt derfly doun he draif. The fyft he hit with greit Ire in that ſteid, Without reſkew dreidles he left thame deid. Than his thre men had ſlane the tother fyfe, Fra thame the laif eſchaipit with thair lyfe. Fled to thair Lord, and tauld him of this cace, To Laglane wod than rydis with Wallace. The Sutheroun ſaid, quhat ane that he hit richt, Without mercy dreidles to deith was dicht. Meruell thay had, ſic ſtrenth in ane ſuld be, Ane of thair men at ilk ſtraik he gart de. Than demit thay, it ſuld be Wallace wicht, To thair langage, maid anſwer ane auld Knicht. Forſuith he ſaid, be he eſchaipit this Air, All ȝour new deid is eiking of our • air. The Iuſtice ſaid, quhen thair ſic rumour rais, Ȝe wald be feirit, and thair come mony fais. That for ane man me think ȝow lyke to fle, And wait nocht ȝit, in deid gif it be he. And thocht it war, I compt him bot full licht, Quha bydis heir, ilk gentill man ſalbe Knicht. I think to deill thair landis haill to morne, To ȝow about, that ar of Ingland borne. The Sutheroun drew to yair ludgeing but mair Four thouſand haill that nicht was into Air. In greit Bernis biggit without the Toun, The Iuſtice lay with mony bauld Barroun. Than he gart cry about thay wanis wyde, Na Scottis beirne amang thame thair ſuld byde To the Caſtell he wald nocht pas for eis, Bot ſoiornit thair with thing yat micht him pleis Greit purueyance be ſey was to thame brocht, With wyne and aill, the beſt that couth be bocht. Na watche was ſet, becaus thay had na dout, Of Scottis men that leuand was without. Laubourit in mynd thay had bene all that day, Of aill and wyne, aneuch choſin had thay. As beiſtlyke folk tuke of thame ſelf na keip, In thair vainis ſone ſlaid the ſleuthfull ſleip. Throw foul gluttony in ſwair ſwappit like ſwine Thair Chiftane was greit Bacchus god of wine. This wyſe woman lang tyme amang yame was Feill men ſcho warnit, and gart to Laglane pas. Hir ſelf formeſt, quhill thay with Wallace met, Sum comfort than into his hart was ſet. Quhen he thame ſaw, he thankit God of micht, Tythingis he aſkit the woman tauld him richt. Sleipand as ſwyne ar all ȝone fals menȝe, Na Scottis man is in ȝone cumpany. Than Wallace ſaid, gif thay all drunkin be, I call it beſt with fyre for thame to ſe. Of gude men than, thre hundreth to him ſocht, The womā had tald thre • ew Burges ya • brocht Out of the Toun with nobill aill and breid, And vther ſtu • , als mekill as thay micht leid. Thay eit and drank, the Scottis men that mocht The Nobillis than Iop hes to Wallace brocht. Sadly he ſaid, deir freindis now ȝe ſe, Our kyn ar ſlane, thairof is greit pietie. Throw foull murther, the greit deſpite is moir, Now ſunt remeid I wald we ſet thairfoir. Suppois that I was maid Wardane to be, Part ar away, ſic chargis put to me. And ȝe ar heir cūmin of als gude blude, And richteous borne be auentur and als gude Als fordward, fair, als likly of perſoun, As euer was I, thair for concluſioun. Lat vs cheis fyue of this gude cumpany, Syne cauillis caſt quha ſall our maiſter be. Wallace and Boyd, and Craufurd of Renoun, And Adam als, than Lord of Ricardtoun. His Father than was veſyit with ſeiknes, God had him tane into his leſtand grace. The Fyft Auchinlek, in weir ane Nobill man, Cauillis to caſt, about thir fyue began. It wald on him, for ocht thay wald deuyſe, Continually quhill thay had caſſin thryſe. Than Wallace rais and out ane ſword can draw▪ He ſaid I awow to the maker of aw. And to Marie his Mother Virgine cleir, My Vnkillis deith, now ſalbe ſauld full deir. With mony ma of our deir worthie kyn, Firſt or I eit, or drink we ſall begyn. For ſleuth nor ſleip, ſall neuer remaine with me, Of this tempeſt, quhill I auengit be. Than all inclynit richt humbill of ane accord, And him reſſauit as thair Chiftane and Lord. Wallace ane Lord, he may be clepit weill, Thocht rurall folk thairof haue lytill ſeill Thay deme na Lord, bot landis be thair part, Had he the warld and be wretchit of hart. He is na Lord bot to the worthynes, It can nocht be but fredome Lordlynes. At the Roddis, thay mak full mony ane, Quhilk worthie ar, thocht landis thay haue nane. This diſcuſſing we leif Heraldis to end, Vnto my mater breifly I will wend. Wallace commandit ane Burges for to get, Fyne calk ancuch, that his deir Nece micht ſet. At ilk ȝet quhair Sutheroun war on raw, And twentie men he gart ſone widdeis thraw. Ilk man vpon thair arme ane pair threw, Vnto the Toun full faſt thay can perſew. The woman paſt befoir thame ſubtelly, Calkit ilk ȝet, thay nedit nocht ga by. Than feſtnit thay the durris with widdeis faſt, To ſtapill and heſp with mony ſicker caſt. Wallace gart Boyd neir hand the Caſtell ga, With fyftie men ane Ieopardy to ma. Gif ony Iſchit, the fyre quhen that thay ſaw, All faſt to the ȝet he ordanit thame to draw. The laif with him about the Bernis ȝeid, This trew woman him ſeruit weill in neid. With lynt and fyre, that haiſtie kendill wald, In euerilk nuik thay feſtnit bleiſſis bald. Wallace commandit to all his men about, Na Sutheroun man that thay ſuld lat brek out. Quhat euer he be, reſkew nane of that kyn, Fra the reid fyre, him ſelf ſall pas thairin. The l • and low ſone lanſit vpon hicht, Forſuith he ſaid, this is ane pleſand ſicht. To our hartis it ſalbe ſum redres, War • h • r away, thair power war the les. Vnto the Iuſtice, him ſelf on loud can caw, Lat vs to borgh our men fra ȝour fals Law. That leuand ar, and chaipit fra ȝour Air, Deill nocht thair land, the vnlaw is ouir ſair. Thow had na richt, it ſalbe on the ſene, The rumour rais with caitfull cry and kene. The baill fyre brynt, richt brymly vpon lofe, To ſlepand men thair walkning was vnſoft. The ſicht without was awfull for to ſe, In all the warld na greitar pane micht be. Than thay within ſufferit for to dwell, That euer was wrocht bot purgatorie or hell. Ane pane of hell weill neir it micht be cald, Maid folk in fyre hamperit in monyfald. Feill biggingis brynt yat worthy war and wicht Gat nane away, knaif, Capitane, nor Knicht. Quhen brandis fell of rufe treis yame amang, Sum rudely rais in bitter panis ſtrang. Sum nakit brynt bot belchis all away, Sum neuer rais bot ſmorit quhare yai lay. Sum ruſchit faſt to air gif yai micht wyn, Blyndit in fyre yair dedis warfull dym. The reik fylit with filth of carioun, Amang the fyre richt fowll of infectioun. The pepill beirrit like wod beiſtis in that tyde, Within the wallis rampand on ather ſyde. Rumiſt with reuth, and mony ane griſly grane. Sum grymly grat quhill thair life days war gane. Sum durris ſocht the entre for to get. Bot Scottis men la wyſely thame beſet, Gif ony brak be auenture of that ſteid. With ſwerdis ſone brimmyt thay war to deid, Or ellis agane be force dreuin in the fyre. Thair chapit nane bot brynt vp bane and lyre. The ſtynk ſcaylit of deid bodyis ſa wyde, The Scottis abhorrit neir hand thame for to byde. Ȝeid to the wynd and leit thame euin allane, Quhill the reid fyre had yat fals blude our gane. Ane freir Drumlaw was Priour than of Air. Seuin ſcore with him yat nycht tuke harbery ya •• In till his Innis for he micht not thame let, Quhill neir mydnycht ane wach on thame he ſet. Him ſelf wolk weill quhill be the fyre ſaw ryſe. Sum mendis be thocht to tak of that ſuppryſe, His brethir vii. ſone to harnes thay ȝeid. Him ſelf chiftane the remanent to leid, The beſt thay waill of armour and gude geir. Syne wapins tuke richt awfull in affeir. Thir viij. Freris in thre partis thay ga, With ſwerdis drawin to ilk hous ȝeid twa. Sone enterit in quhare Suthroun ſleipand war, Vpone thame ſet with ſtraikis ſad and ſair. Feill freikis thair thay Freiris dang to deid, Sum nakit fled and gat out of that ſteid. The watter ſocht abaiſſit out of ſleip, In to the Freir Well that was baith lang and deip. Feill of thame fell that brak out of that place, Drounit to ground and deit withoutin grace. Drounit and ſlane was all that harbryit thair, Men callis it the Freris bliſſing of Air. Few folk of vale was leuit. Vpon cace, In the Caſtell Lord Peircie fra that place. Before the Air fra thyne to Glaſgou drew, Of men and ſtuf it was to puruey new. Ȝit thay within ſaw the fyre birnand ſtout, With ſchort aduiſe Iſchit and maid na dout. The buſhment than as weriouris wyſe and wicht, Leit thame allane and to the hous paſt richt. Boyd wan the port enterit and all his men, Keiparis init was left bot nyne or ten. The formaiſt ſone him ſelf ſeiſit in hand, Maid quyte of him ſyne ſlew all that thay fand. Of purueyance in that Caſtell was na • e, Schort tyme befoir fra it Peircie was gane. The Erll Arnulf had reſſauit that hald, Quhilk in the toun was brynt to pouder cald. Boyd gart remane of his xx. men ſtill, Him ſelf paſt furth to wit of Wallace will Keipand the toun quhill nocht was leuit thair, Bot the wod fyre and belchis brynt full bair. Of likly men that borne was of Ingland, Be ſwerd and fyre that nycht deit fyue thouſand. Quhen Wallace men was weill togidder met, Gude freyndis he ſaid ȝe knaw that thair was ſet. Sic law as this now into Glaſgow toun, The Biſhop Beik and Peircie of renoun. Thairfor I will in haiſt we hidder fair, Of our gude kyn ſumpart is loiſſit thair. He gart full ſone the Burges to him call, And gaif command in generall of thame all. In keiping thay ſuld tak the hous of Air, And hald it haill quhill tyme that we heir mair. To byde our King Caſtellis I wald we had, Caſt we doun all we may be demit our bad. Thay gart meit cum for he had faſtit lang, Litill he tuke ſyne bounit thame to gang. Hors thay cheis that Suthroun had brocht thair Anew at will and of the toun can fair. Thre hundreth haill was in his cumpany, Richt wounder faſt raid this gude cheualry. To Glaſgow brig that biggit was of tre. Sone paſſit ouir or Suthroun micht thame ſe, Lord Peirce wicht that beſy was in weir. Semblit his men full awfull in affeir, Than demit thay all that it was wicht Wallace, He had befoir eſchapit throw mony cace. The Biſchop Beik and Peircy that was wicht, Ane thowſand led of men in armour bricht, Wallace ſaw weill quhat noumer ſemblit thair. He maid his men in twa partis to fair, Graithit thame weill without the town end. He callit Auchinlek for he the paſſage kend. Vncle he ſaid be beſy in to weir, Quhethir will ȝe the Biſchopis taill vp beir, Or pas before and tak his benyſoun. He anſuerit him with richt ſchort prouiſioun, W • biſchopit ȝit forſuth I trow ȝe be. Ȝour ſelf ſall firſt his bliſſing tak for me, For ſickerly ȝe ſeruit it beſt to nycht. To bere his taill we ſall in all our mycht, Wallace anſuerit ſen we mon ſindry gang. Perell it is and ȝe byde fra vs lang, For ȝone ar men will nocht be ſone agaſt. Fra tyme we meit for Goddis ſaik by ȝow faſt, Our ſindering I wald na Suthroun ſaw. Behynd thame cum in throw the north eiſt raw, Gude men of weir ar all Northumbirland. Thay partit thus tuke vthir be the hand, Auchinlek ſaid we ſall do that we may. We wald lyke euill to byde ocht lang away, Ane buſteus ſtaill betuix vs ſone mon be. Bot to the richt Almichty God haue Ee. Adam Wallace and Auchinlek was down. Seuyn ſcore wt tham on the bak ſyde of the toun, Richt faſ • thay ȝeid quhill thay war out of ſicht. The tothir part arrayit thame full richt, Wallace and Boyd the plane ſtreit vp can ga. Suthroun merwalit becauſe thy ſaw na ma, Thair Enſenȝe cryit vpone the Peircyis ſyde. With Biſchop Beik that baldly durſt abyde, Ane fair ſemblay was at thair meting ſene. As fyre on flynt it fairit thame betuene, The hardie Scottis richt awfully thame abaid, Broch feil to ground throw weid ye weil was maid, Peirſſit plaittis with poyntis ſtif of ſteill, Be force of hand gart mony cruell kneill. The ſtrang ſtour rais as reik abone thame faſt. Or myſt throw Sone vp to the clowdis paſt. To help thame ſelf ilk ane had mekill neid. The wourthy Scottis ſtude in ane felloun dreid. Ȝit furthwart faſt thay preiſſit for to be, And thay on thame greit wounder was to ſe. The Peircyis men in weir war vſit weill, Richt feirſly faucht and ſonȝeit nocht adeill. Adam Wallace and Auchinlek come in, Ane part of Suthroun richt ſadly thay twyn. Returnit to thame as nobill men of weir, The Scottis gat roume and mony doun thay beir. The new countit aſſailȝeit thame ſa faſt, Throw Ingliſmen main ſloppis at the laſt. Than Wallace ſelf in to the felloun thrang. With his guid Swerd that heuie was and lang. At Peircyis face with ane guid will he bair, Baith bane, & brayne, the fruſchit ſteill throw ſchair. Thre hundreth men quhan Lord Peircy was deid, Out of the gait the Biſchop Beik thay leid. For than thame thocht it was na tyme to byde, By the freir Kirk to ane wod thair beſyde. In that foreſt forſuth thay taryit nocht, On freſch hors to Bothuell ſone thay ſocht. Wallace followit with wourhty men and wicht. Forfochtin thay war and trauellit all the nycht, Ȝit feill thay ſlew in to the chace that day. The Biſchoppis ſelf and guid men gat away. Aymeir Wallange reſkewit thaim in that place, That Knicht full oft did greit harme to Wallace. Wallace began that nycht at ten nouris in Air, On day be ix. in Glaſgow ſemblit thair. Be ane ouir none at Bothuell ȝei he was. Reprenit Wallange or he wald forthir pas. Syne turnit agane as weill witneſſis the buik, To Dundaf raid and thair reſting he tuik. Cald guid Schir Iohne of thir tythingis in Air, Greit mane he maid he was nocht with him thair. Wallace ſoiornit in Dundaf at his will, Fyue dayis out, quhill tythingis come him till. Out of the hicht quhair guid men war forlorne, For Buchane rais, Athole, Menteith, and Lorne. Vpon Argyle, ane fellone weir thay mak, For Edwardis ſaik this thay can vndertak. The Knicht Campbell in Argyle than was ſtill, With his guid men aganis King Eduardis will. And keipit fre Lochaw his heritage, Bot Makfadȝeane than did him greit outrage. This Makfadȝeane to Ingliſmen was ſworne, Edward gaif him baith Argyle and Lorne. Fals Iohne of Lorne to that gift can accord, In Ingland than he was ane new maid Lord. Thus falſly he gaif out his heritage, And tuke at London of Edward ane greit wage. Duncane of Lorne ȝit for the Landis ſtraif, Quhill Makfadȝeane ourſet him with the laif. Put him on force to guid Campbell the Knicht, Quhilk in to weir was wyſe, wourthy, and wicht. This Makfadȝeane was enterit in Scotland, And merualouſly that Tyran tuke on hand. With his power the quhilk I ſpak of Air, Thir thre Lordſchippis all ſemblit to him thair. Fyftene thowſand of curſſit folk in deid, Of all gadering in oiſt he had to leid. And mony of thame was out of Irland brocht, Barnis nor wyfe thay pepill ſparit nocht. Waiſtit the land als fer as thay micht ga, Thay beiftly folk couth nocht bot byrne and ſla, In to Lochaw he enterit ſuddandly, The guid Knicht Cāpbell ſaw guid defence for thy. To Crag Hummyr with thre hundreth he ȝeid, That ſtrenth thay held for all thair cruell deid. Syne brak the brig that thay mich nocht our pas, Bot throw ane furd quhair narrow paſſage was. Abandounly Campbell aganis thame baid, Faſt vpone Awfe that was baith deip and braid. Makfadȝeane was vpone the tothir ſyde, And thair on force behufit him for to byde. For at the Furd he durſt not enter out, For guid Campbell micht ſet him than in dout. Makfadȝeane ſocht and ane ſmall paſſage fand, Had he layſer thay micht pas of that land. Betuix ane Roche and the greit Watter ſyde, Bot four in front thay micht nane gang nor ryde. In to Lochaw was beiſtis greit plente, And quhill he thocht thair with his oiſt to be. And vthir ſtuf that thay had with thame brocht, Bot all his coſt auailit him richt nocht. Duncane of Lorne has ſene this ſuddand cace, Fra guid Campbell he went to ſeik Wallace. Sum help to get of thair torment and tene, Togidder befoir in Dunde thay had bene. Lernand at Scole in to thair tender age, He thocht to ſlaik Makfadȝeanis hie curage. G • michell than with Duncane furth him dicht, Ane gyde he was and fute man wounder wicht. Sone gat thay with quhair Wallace lugir was, With thair complaynt to his preſence thay pas. Erll Malcolme als the Lennox held at peis, With his guid men to Wallace can he preis. To him thair come guid Richard of Lundy, In to Dundaf he wald na langar ly. Schir Iohne the Grahame als bounit him to ryde, Makfadȝeanis weir ſa greuit him that tyde.

¶How Wallace ſlew Makfadȝean. Ca. ij. THan Wallace thocht his greit power to ſo, In quhat array he reullit that cuntre. The Rukbie than keipit with greit wrang, Striueling Caſtell that ſtaluart was and ſtrang. Quhen Wallace come be ſouth it in ane vaill, To Erll Malcolme he ſaid he wald it ſaill. In diuers partis, he gart diſſeuer his men, Of thair power that Suthroun ſuld nocht ken. Erll Malcolme baid in buſchment out of ſicht, Wallace with him tuk guid Schir Iohn ye Knicht And ane hundreth of wyſe weir men but dout, Throw Striueling raid gif ony wald Iſche out. Towart the Brig the ganeſt way thay pas, Quhen Rukbie ſaw quhair that thair power was, He tuk ſeuin ſcoir of Archearis that war thair, Vpone Wallace thay followit wounder ſair. That feill bikker did tham mekill deir, Wallace in hand grippit ane nobill ſpeir. Agane returnit and hes the formaſt ſlane. Schir Iohn the Grahame that mekil was of mane Amang thame raid with ane guid ſpeir in hand. The firſt he ſlew that he befoir him fand, Vpone ane vthir his ſpeir in ſo under ȝeid. Ane ſwerd he drew, quhilk helpit him in neid. Inglis Archearis vpone thame can renew. That his guid Hors with arowis ſone thay ſlew. On fute he was quhen Wallace has it ſene. He lichtit ſone with men of Armes kene. Amang the rout fechtand full wounder faſt, The Ingliſmen returnit at the laſt. At the Caſtell thay wald haue bene full fane, Bot Erll Malcolme with men of mekill mane, Betuix the Suthroun and the ȝettis ȝeid. Mony thay flew that douchty was in deid. In the greit preis Wallace and Rukbie met, With his guid ſword ane ſtraik vpone him ſet. Derfly to deid the auld Rukbie he draif, His tua ſonnis eſchaipit amang the laif. In the Caſtell be auenture thay ȝeid, With threttie men na ma chaipit that dreid The Lennox men with thair guid Lord that was, Fra the Caſtell thay ſaid thay wald nocht pas, For weill thay wiſt it micht nocht haldin be. For na lang tyme for thy thus ordanit he. Erll Malcolme tuke the hous to keip that tyde, Wallace wald nocht fra his firſt purpoſe byde. Inſtance he maid to this guid Lord and wyſe, Fra thyne to pas he ſuld on na kyn wyſe. Quhill that he had Striueling the Caſtell ſtrang, Trew men him tauld thay micht nocht hald it lang. Than Wallace thocht was maiſt on Makfadȝeane Of Scottis men he had ſlain mony ane, Wallace auowit that he ſuld wrokkin be. On that Rebald or ellis thairfoir de, Of tyranny King Edward thocht him guid, Law borne he was and als of ſympill bluid. Thus Wallace was ſair greuit in his entent, To this iourney richt erneſtfully he went. At Striueling Brig aſſemblit to him richt, Twa thowſand men that wourthy war and wicht. Towart Argyle he bounit for to ryde, Duncane of Lorne was thair trew ſicker gyde. Of auld Rukbie the quhilk we ſpak of Air, Twa ſonnis on lyfe in Striueling leuit thair. Quhen thai Brethir conſauit all at richt. This hous to hald that thay na langar micht, For cauſe quhy thay wantit men and meit, With Erll Malcolme thay maid thame for to treit. Grace of thair lyfis and thay that with thame was, Gaif ouir the hous ſyne couth in Ingland pas. On the thrid day that Wallace fra thame raid, With King Edward full mony ȝeir thay baid. In Brucis weir agane come in Scotland, Strueling to keip the ane of thame tuke on hand. Mentioun of Bruce is oft in Wallace buik, To fend his richt full mekill pane he tuik. Quhairfore ſuld I heir ony tary ma, To Wallace furth now ſchortly will I ga. Duncane of Lorne Gilmichell fra him ſend, Ane ſpy to be for he the cuntre kend. Be our party was paſt Strath fillane, The ſmall fute folk began to irk ilkane. And hors als on force behufit to faill, Than Wallace thocht that cumpany to waill. Guid men he ſaid this is nocht meit for vs. In brokin array and we cum on thame thus, We may tak ſkaith and harme our fais ſmall, To thame in lyke we may nocht aſſembill all. Tary we lang ane plane feild quhill thay get. Vpone thame ſone ſa weill we may nocht ſet. Part we man leif vs followand to be, With me ſall pas our power in to thre, Fiue hundreth firſt to him ſelf has he tane. Of weſtland men war wourthy knawin ilkane. To ſchir Iohne the Grahame als mony ordanit he, And fiue hundreth to Richard of Lundie, In that part was Wallace of Ricardtoun. In all gude deid he wes ay reddy boun, Fiue hundreth left and micht not with thame ga. Suppois that thay to byde wes woundir wa, Thus Wallace oiſt begouth to tak the hicht, Our ane montane ſyne paſſit out of ſicht. In Glendochar thair ſpy met thame agane, With Lord Campbell then was our folk richt fane. At thair meiting greit blythnes micht be ſene, Thre hundreth led that cruell war and kene, He comfort thame and bad thame haue na dreid. Ȝone beiſtly folk wantis wapnis and weid, Sone will thay fle ſcharply and we perſew. Be Loch Douchar full ſuddandly thame drew. Than Wallace ſaid ane lyfe we ſall all ta, For heir is nane will fra his fallow ga. The ſpy thay ſend the entre for to ſe, Vpon the Mos ane Scurreour ſone fand he. To ſcour the land Makfadȝeane had him ſend, Out of Cragmore that day he thocht to wend. Gilmichell faſt vpon him followit thair, With ane guid Swerd that weill & ſcharply ſchair Maid quyte of him that tythingis tald he nane, The out ſpy thus wes loiſſit fra Makfadȝeane. Than Wallace oiſt vpon thair fuit thay licht. Thair hors thay left thocht thay war neuer ſa wicht. For Mos and Crag thay micht na langar dre, Than Wallace ſaid quha gangis beſt lat ſe. Throw out the mos delyuerly thay ȝeid, Syne tuke the hals quhairof thay had maiſt dreid, Endlang the ſchore ay thre in front thay paſt, Quhill all within thair ſemblit at the laſt. Lord Campbell ſaid we haue cheiſit this hald, I trow to God thair walknyng ſall be cald. Heir is na gait to ſle ȝone pepill can. Bot rochis heich and watteris deip and wan. Auchtene hundreth of douchty men in deid, On the greit oiſt but mair proces thay ȝeid, Fechtand in front and meikill maiſtrie maid, The frayit folk buſkit withoutin baid. Rudly to ray thay ruſchit thame agane, Greit part of thame was men of mekill mane. Gude Wallace men ſa ſtoutly can thame ſteir, The battall on bak fyue aker breid thay beir. In to the ſtour ſeill tyrant gart thay kneill, Wallace in hand had ane guid ſtat of ſteill. Quhom euer he hit to ground brymlie thame bair, Roumit him about ane large rude and mair. Schir Iohn the Graham in deid was richt worthy. Guid Campbell als, and Richard of Lundy. Adam Wallace and Robert Boyd in feir, Amang thair fais quhair dedis war ſauld deir. The felloun ſtour was awfull for to ſe, Makfadȝeane than ſa greit debait maid he. With Irland men hardie and corageous, The ſtalwart ſtryfe richt hard and perillous, Abundance of blude fra woundis wyde and man. Stikkit to deid on groun • lay mony man. Tua houris large in to the ſto • r thay ſtand▪ The ••• rſſeſt thay a • ch of fech • ing and That • op himſelf • ill wiſt nocht 〈…〉 , Bot Wallace men wald nocht in ſounder twyn. To help thame ſelf thay war of hardy will, Of Irland blude full fellonly thay ſpill. With fell fechting maid ſloppis throw the thrang, On the fals part our wicht weirmen ſa dang. That thay to byde micht haue na langar micht, The Irland Folk than maid thame for the flicht. In Craggis clam, and ſum in watter flet. Tua thowſand thair drounit withoutin let, Borne Scottis men baid ſtill in the feld. Keſt wapnis thame fra and on thair kneis kneild. With pietuous woce thay cryit on Wallace, For Goddis ſaik to take thame in his grace. Greuit he was bot reuth of thame he had, Reſſauit thame fair with countenance full ſad. Of our awin blud we ſuld haue greit piete, Luk ȝe ſlay nane of Scottis will ȝoldin be, Of outland men lat nane chaip with the lyfe. Makfadȝeane fled for all his felloun ſtryfe. Vnto ane Caif within ane clift of ſtane, Vnder Cragmoir with fyftene is he gane. Duncane of Lorne, his leif at Wallace aſt, On Makfadȝeane with worthie men he paſt. He grantit him to put thame all to deid, Thay left nane ſyne bot brocht Wallace his heid. Vpone ane ſpeir throw the feild it bair, The Lorde Campbell, ſyne hynt it be the hair. Heich on Cragmoir he maid it for to ſtand. Still on ane ſtane for honour of Irland. The Lyflait men that war of Scotland borne, Sone at his faith he gart thame be ſuorne. Reſtorit thame that wald cum to his leis. He leit ſlay nane that wald cum to his peis. Efter this deid in Lorne ſyne couth he fair, Rewllit the land had bene in mekill cair In Ardcatan ane counſall he gart cry. Quhair mony man come to his Senȝeoury. All Lorne he gaif to Duncane that was wicht, And bad him hald in Scotland with the richt. And thow ſall brouk this land in heritage, Thy brothir ſone in London has greit wage. Ȝit will he cum he ſall his landis haif, I wald tyne nane that Veritie micht ſaif. Mony trew Scot to Wallace couth perſew, At Ardcatane fra feill ſtrenthis thay drew. Ane guid Knicht come and with him men ſexty, He had bene oft in mony ſtrang ieoperdy. With Ingliſmen and ſonȝeit nocht adeill, Ay fra thair faith he fendit him full weill. Keipit him fre thowcht King Edward had ſworne, Schir Iohne Ramſay that richteous was borne, Of Ouchtirhous and vthir landis lord, And Schirref als as my buke will record. Of nobill blude and auld anceſtrie, Continewit weill with wourthy Cheualrie. In to Stroonchane lang tyme he had bene, At greit debait amang his enemyis kene. Richt wichtly wan his leuing in to weir, To him and his Suthroun did meikill deir. Weill he eſchewit and ſufferit greit diſtres, His ſone was callit the flour of courtlynes As witneſſis weill in to this ſchort trety, Efter the Bruce quha reidis that hiſtory, He reullit weill baith in to weir and peis, Alexander Ramſay to name he hecht but leis. Quhen it was weir to armes he him keſt, Vnder the Croun he was ane of the beſt. In tyme of peax to courtlynes he ȝeid, Bot to gentrice he tuke nane vthir heid, Quhat gentill man had nocht with Ramſay bene, Of courtlynes thay comptit him not ane prene. Fredome and trueth he had as men wald as, Sen he began nane better Squyar was. Roxburgh ald he wan richt manfully, Syne held it lang quhill tratouris treſonabilly. Cauſit his deith I dar nocht tell ȝow how, Of ſic thingis I will ga by as now. I haue had blame to ſay the ſuthfaſtnes, Thairfoir I will bot lichtly ryn that cais. Bot it be thing that planely ſclanderit is, For ſic I trow thay ſuld nocht demena mis. Of Alexander as now I ſay na moir, His fader come as I tald ȝow befoir. Wallace of him richt full greit comfort hais, For he weill couth do harmyng to his fais. In weir he was richt mekill for to pryſe, Boſy and trew baith, ſober, wicht and wyſe. Ane guid Prelat als to Ardchatane ſocht, Of his Lordſchip as than he broukit nocht. This wourthy Clark cumin of the lynage, Of Siuclare blude nocht fourtie ȝere of age. Choſin he was be the Papis conſent, Of Dunkeld Lord was maid with guid entent. Bot Ingliſmen that Scotland grippit haill, Of benefice thay leit him brouk bot ſmall. Quhen he ſaw weill thairfoir he micht nocht mute, To ſaif his lyfe thre ȝeris he dwelt in Bute. Leiffit as he micht and keipit ay guid part, Vnder ſauſtie of Iames than Lord Stewart. To gud Wallace quhilk Scotland wan with pane. Reſtorit this Lord to his leuing againe, And mony ma that lang had bene ourthrawin. Wallace thame put richteouſly to thair awin. The ſmall oiſt als quhilk I ſpak of Air. In to the hicht that Wallace leuit thair. Come to the feild quhair Makfadȝeane had bene, Tuke that was left baith weid and wapnis ſchene. Throw Lorne ſyne paſt als gudly as thay can, Of thair nomber thay had not loiſſit ane man. On the fift day wan to Ardchatane, Quhair Wallace baid with guid men mony ane. He welcumit thame vpone ane gudly wyſe, And ſaid thay war richt mekill for to pryſe. All trew Scottis he honorit in to weir. Gaif that he wan, him ſelf keipit na geir.

¶How Wallace wan Sanct Iohnſton. Ca. iij. QWhen Wallace wald na langar ſoiorne thair, Fra Ardchatan out throw the land thay fair. Towart Dunkeld with guid men of renoun. His maiſt thocht than was of Sanct Iohnſtoun. He callit Ramſay, that guid Knycht of greit vaill. Sadly auyſit beſocht him of counſaill Of Sanct Iohnſtoun now haue I rememberance Thair haue I bene and loiſſit men throw chance. Bot ay for ane we gart ten of thame de, And ȝit me think that is na mendis to me. I wald aſſay fra this land or we gang, And lat thame wit thay occupie heir wrang. Than Ramſay ſaid that toun thay man not keip. The wallis ar lawt ſuppois the dykis be deip. Ȝe haue anew that ſall thame cummer ſa, Fill vp the dyke that we may planely ga. In haill ba • tell ane thouſand ouir atanis, Fra this power, thay ſall nocht hald ȝone wanis. Wallace was glaid that he ſic comfort maid, Furth talkand thus vnto Dunkeld thay raid. Thre dayis thair thay ludgeit with pleſance, Quhill tyme thay had forſene thair ordinance. Ramſay gart big ſtrang Baſtailȝeis of tre, Be gude wrichtis the beſt in that cuntre. Quhen yai war wrocht, betaucht yame mē to leid The watter doun, quhill thay come neir yat ſteid. Schir Iohne Ramſay richt gudely was yair gyde Reullit thame weill, at his will for to byde. The greit Oiſt than about the village paſt, With eird and ſtane thay fillit dykis faſt. Flaikis thay laid on tymmer lang and wicht, Ane roume paſſage to the wallis thay dicht. Feill Baſtailȝeis richt ſtarkly vp thay rais, Gude men of armes ſone to aſſailȝe gais. Schir Iohne ye Grahame, and Ramſay yat was wicht, The Turat brig aſſegit in all yair micht. And Wallace ſelf at mid ſyde of the toun With men of armes that was to bargane boun. The Sutheroun men maid greit defence yat tyde With Artailȝe that felloun was to byde. With Tablaſter, ganȝe, and ſtanis faſt, And hand gunnis richt brymlie out thay caſt. Funȝeit with ſpeiris at men of armis kene, The Nobill Scottis that worthy ay hes bene: At hand ſtraikis fra thay togidder met, With Sutheroun blude thair wappinnis ſone yai wet. Ȝit Ingliſmen yat worthy war in weir, Into the ſtour richt baldly can thame beir. Bot all for nocht auaillit thame thair deid, The Scottis throw force vpon yame in thay ȝeid Ane thouſand men ouir wallis ȝeid haiſtely, Into the toun rais hiddeous noyis and cry. Ramſay and Grahame the Turat ȝit hes wyn, And enterit in, quhair greit ſtryfe did begyn. Ane trew Squyar quhilk Rothuē hecht to name, Come to ye aſſalt with gude Schir Iohn ye Grahame. Threttie with him of men yat preuit weill Amang thair fais with wappinnis ſtif of ſteill. Quhen that the Scottis aſſemblit on ather ſyde, Na Sutheroun was that micht thair dynt abyde Twa thouſand ſone was fulȝeit vnder feit, Of Sutheroun blude thay ſtikkit in the ſtreit. Schir Iohn Stewart ſaw weill the toun was tynt, Tuik him to ſlicht, & wald na langer ſtynt. In ane licht Barge, and with him men ſextie, The watter doun ſocht ſuccour at Dundie. Wallace baid ſtill, quhill the feird day at morne, Add left nane thair that was of Ingland borne. Riches thay gat of gold and vther gude, Pleneiſt the toun, agane with Scottis gude. Ro • huen he left, thair Capitane to be, In heritage gait him the office of fe. Of all Stratherne and Schiref of the toun, Syne in ye North gude Wallace maid him boun. In Abirdene he gart ane counſall cry, Trew Scottis men ſuld aſſembill haiſtely. To Cowper he raid, to veſy that Abbay, The Inglis Abbot was fled fra thyne away. Biſchop Sinklair without langar abaid, Met thame at Glammis, ſyne furth with yame he raid. Into Brichen thay ludgeit all that nicht, Sone on the morne Wallace gart graith at richt, Diſplayit on breid the Baner of Scotland, In gude array, with Nobill men at hand. Gart planely cry that ſauit ſuld be nane, Of Sutheroū blude, quhair yai micht be ouirtane In plane battell throw out ye Meirnis thay ryde The Ingliſmen that durſt thame nocht abyde, Befoir the Oiſt full feiritly thay fle, To Dūnotter ane ſtrenth within the ſe. Na farther thay micht wyn out of the land, Thay aſſemblit thair quhil yai war four thouſand To ye Kirk yai ran, yai thocht girth to haue tane, The laif remanit vpon the Roch of ſtane. The Biſchop than began tretie to ma, Thair lyfis to get, out of the land to ga. Bot thay war rad, and durſt nocht weill affy, Wallace in fyre gart ſet all haiſtely. Brynt vp the Kirk, and all that was thairin, Attour the Roch the laif ran with greit dyn. Sum hang on craigis richt duilfully to de, Sum lap, ſum fell, ſum flotterit in the ſe. Na Sutheroun on lyfe was leuit in that hald, And thay within, thay brynt in powder cald. Quhen this was done, thay fell on kneis doun, At the Biſhop aſkit abſolutioun. Than Wallace leuch, ſaid I forgif ȝow all, Ar ȝe weirmen that repentis for ſa ſmall. Thay rewit vs nocht into the toun of Air, Our trew Barrounis, quhen yat yai hangit yair, To Abirdene than ſaifly can thay pas, Quhair Ingliſmen beſy flittand was. Ane hundreth Schippis, yat Ruther buir and Air To turs thair gudis in hauin was byd and thair. Bot Wallace Oiſt come on thame ſuddandly, Thair ſchaipit nane of all that greit nauy. Bot feill ſeruandis in thame was leuit nane, At ane Eb • ſey the Scottis is on thame gane. Tuik out the geir, ſyne ſet the Schippis in fyre The men on land, thay brynt baith bane and lyre. Ȝeid nane away bot Preiſtis, wyfis and barnis, Maid thay debait, thay chaipit nocht but harmis. Into Buchane Wallace maid him to ryde, Quhair Lord Bewinout was ordanit to abyde. Erll he was maid bot of ſchort tyme befoir, He bruikit it nocht for all his buſteous ſchoir. Quhen he wiſt weill that Wallace cūmand was, He left the land, and couth to Slanis pas. And ſyne be Schip fled in Ingland agane, Wallace raid throw the North land into plane. At Cromarrie feill Ingliſmen thay ſlew, The worthy Scottis vnto him couth perſew. Returnit agane, and come to Abirdene, With his biyith Oiſt vpon the Lammes euin. Stabillit the land as him thocht beſt ſuld be, Syne with ane Oiſt he paſſit to Dundie.

¶How Wallace laid ane Seige to Dundie, and how he gait battel at the brig end of Striuiling to Kirkinghame yat was Theſaurar to Edward King, and to ye Erll or Warrane. Ca. iiij. GArt ſet ane Seige about the Caſtell ſtrang, I leif him thair, and farther I will gang. Schir Aymeir Wallāge haiſtir him full faſt Into Ingland with his haill houſhald paſt. Bothwell he left was Murray is heritage, And tuik him than bot to King Edwardis wage. Thus his awin land forſuik for euer mair, Of Wallace deid greit tythingis tald he thair. Als Ingliſmen ſair murnit in thair mude, That loiſſit heir baith lyfe landis and gude. Edward as than couth nocht in Scotland fair, Bot Kirkinghame that was his Theſaurair. With him ane Lord, than Erll was of Warrane, He chargit thame with numberis mony ane. Richt weill beſene in Scotland for to ryde, At Striuiling ſtill, he ordanit thame to byde: Quhill he micht cum with ordinance of Ingland, Scotland agane he thocht to tak on hand. This Oiſt paſt furth, and had bot lytill dreid, The Erll Patrik reſſauit thame at Tweid. Malice he had at gude Wallace befoir, Lang tyme bypaſt, and than Increſſit moir. Bot throw ane cace it hapnit of his wyfe, Dunbar fra him ſcho held into that ſtryfe. Throw the ſupple of Wallace into plane, Bot he be meane gat his Caſtell agane. Lang tyme or than, and ȝit he couth nocht ceis, Agane Wallace he preuit in mony preis. With Ingliſmen ſuppleit thame at his micht, Contrair Scotland yai wrocht full greit vnricht. Thair muſture than was awfull for to ſe, Of fechtand men thouſandis war ſextie. To Striuiling brig paſt or thay lykit to byde, To Erll Malcolme ane Seige thay laid yat tyde And thocht to keip the command of thair King, Bot gude Wallace wrocht for ane vther thing. Dundie he left, and maid ane gude Chiftane, With twa thouſand to keip that hous of ſtane. Of North land men, and dwellaris of Dundie. That ſamin nicht, to Sanct Iohnſtoun went he. Vpon the morne to Schiref mure he raid, And thair ane quhyle in gude array he baid. Schir Iohne ye grahame ſaid we haif vndertane With les power, ſic thing that weill is gane. Thā Wallace ſaid, quhair ſic things cūmis of neid We ſuld thank God, that makis vs to ſpeid. Bot neir the brig my purpois is to be, And wirk for thame ſum ſubtill Ieopardie. Ramſay anſwerit, the brig we may keip weill, Of way about, the Sutheroun hes lytill feill. Wallace ſend Iop the battell for to ſet, The Tuiſday nixt, to fecht withouttin let. On Setterday vnto the brig thay raid, Of gude plane buird, was weill & Ioyntly maid. Gart wachis wait, that nane ſuld to thame pas, Ane wricht he tuik, the ſubtilleſt that thair was: And ordanit him to ſaw the buird in twa, Be the myd treſt, that nane micht ouir it ga. On Charnall bandis naillit it full ſone, Syne fillit with clay, as na thing had bene done. The tother end he ordanit for to be How it ſuld ſtand vpon the Rollaris of tre. Quhen ane war out, that the laif doun ſuld fall, Him ſelf vnder, he ordanit thair with all. Bund on the treſt, in ane Cradill to ſit, To lous the pyn quhen Wallace leit him wit. Bot with ane horne quhen it was tyme to be, In all the Oiſt na man ſuld blaw bot he. The day approchit of the greit battall, The Ingliſmen for power wald nocht faill. Ay ſex thay war, agane ane of Wallace, Fyftie thouſand maid thame to battell place. The remanent baid at the Caſtell ſtill, Baith feild and hous thay thocht to tak at will. The worthy Scottis vpon the tother ſyde, The plane feild tuik, on fuit maid thame to byde. Hew Kirkinghame the vangard than led he, With twentie thouſand of lyklie men to ſe. Threttie thouſand the Erll of Warrane had, Bot he did than, as the wyſe man him bad. All the firſt Oiſt befoir him ouir was ſend, Sum Scottis man that weill the maner kend: Bad Wallace blaw, and ſaid thay war anew, He haiſtit nocht, bot ſadly couth perſew. Quhill Warranis Oiſt, thick on the brig he ſaw, Fra Iop the horne he hint and couth it blaw: Sa aſperly, and warnit gude Iohne wricht, The Rollar out he ſtraik with greit ſlicht. The laif ȝeid doun quhen the pynnis out gais, Ane hiddeous cry amang the pepill rais. Baith hors and men into the watter fell, The hardy Scottis that wald na langer dwell. Set on the laif with ſtraikis ſad and ſair, Of thame thair ouir, as than ſouerit thay wair. At the foir breiſt thay preuit hardely Wallace and Grahame, Boyd, Ramſay, & Lundy. All in the ſtour fechtand face to face, The Sutheroun oft bak reirit in that place. At the firſt ſtraik fyue aiker braid and mair, Wallace on fuit ane greit ſcharp ſpeir he bair. Amang the thickeſt of the preis he gais, On Kirkinghame ane ſtraik he cho •• n bais. In the birneis that poliſt was full • cht, The prunȝeand heid the plaitis peirſit richt. Throw the body ſtikkit him but reſkew, Der • ly to deith that Chiftane wes adew. Baith man and hors at that ſtraik he bair doun, The Inglis Oiſt quhilk war in battel boun: Comfort thay tynt quhen yair Chiftane was ſlane And mony ane to fle began in plane. Ȝit worthy men baid ſtill into that ſteid, Quhill ten thouſand war brocht vnto the deid. Than fled the laif, and micht na langer byde, Succour thay ſocht in mony diuers ſyde Sum eiſt, ſum weſt, and ſum fled to the North, Seuin thouſand large, atanis flotterit in Forth Plungit in deip, drownit without mercie, Nane left on lyfe of all that fell menȝe. Of Wallace Oiſt na man was ſlane of vaill, Bot Andro Murray into that ſtrang battaill. The South part yan yat ſaw yair men was tynt Als feirſly fled as fyre dois fra the flynt. The place thay left, Striuiling Caſtell and toun, Towart Dunbar, in greit haiſt maid yame boun. Quhē Wallace oiſt had wyn ye feild throw micht Tuik vp the brig and lowſit gude Iohne wricht. On the flearis ſyne followit wounder faſt, Erll Malcolme als out of the Caſtell paſt. With Lennox men to ſtuf the chace gude ſpeid, Ay be the way thay gart feill Sutheroun bleid. In the Torwod thay gart full mony de, The Erll of Warrane that can full feirſly fle: With Corſpatrik that graithly was his gyde, Vnchangit hors out throw the land thay ryde. Straicht to Dunbar, bot few with thame yai leid Mony war ſlane ouir ſleuthfully that fled. The Scottis hors had run wounder lang, Mony gaif ouir, and micht na farther gang. Wallace and Grahame euer togidder baid, At Hadingtoun full greit ſlauchter thay maid. Of Ingliſmen quhen thair hors tyrit had, Quhen Rāſay come, gude Wallace was ful glaid. With him was Boyd and Richard of Lundy, Thre thouſand haill was of gude Cheualry. And Adam Wallace, als of Ricardtoun, With Erll Malcolme yame fand at Hadingtoun. The Scottis men on ſlauchter taryit was, Quhill to Dunbar, the twa Chiftanis couth pas. Full ſytefull war for thair contrary cace, Wallace followit quhill thay gat in that place. Of thair beſt men, and Kirkinghame of Renoun, Threttie thouſand was deid but redemptioun. Beſyde Beltoun Wallace returnit agane, To follow mair than was it bot in vane. IN Hadingtoun ludgeing he maid all nicht, Vpon the morne to Striuiling paſſit richt. On ye Aſſumptioun day befell this cace, Ay louit be our Lord of his gude grace. Conuoyar oft, he was to gude Wallace, And helpit him in mony ſindrie place. Wallace in haiſt ſone efter this battaill, Ane greit aith tuik of all the Barrounis haill. That with gude will wald cum to his preſence, He hecht thame als to byde at thair defence. Schir Iohne Menteith was yan of Arrane Lord To Wallace come, and maid ane plane concord. With witnes thair, with his aith he him band, Lawtie to keip to Wallace and Scotland. Quha wald nocht with fre will to richt apply, Wallace be force, puneiſt thame rigorouſly. Part put to deith, part ſet in preſoun ſtrang, Greit word of him throw baith yir Realmes rang Dundie thay gat, ſone be ane ſchort tretie, Bot for thair lyfis thay fled away be ſee. Inglis Capitanis that hous had in hand, Left Caſtellis fre, and ſtall out of the land. Within ten dayis, efter this tyme was gane, Inglis Capitanis in Scotland was leit nane. Except Berwik and Rorburgh Caſtell wicht, Ȝit Wallace thocht to bring thame to the richt THat tyme thair was ane worthy trew B • roun To name he hecht Criſtal of Setoun. In Iedburgh wod, for ſaiftie he had bene, Agane Sutheroun full weill he couth contene. Edward cout nocht, fra Scottis faith him get, Thocht he him gaif ane mulȝeoū of gold weil met Herbottill fled fra Iedburgh Caſtell wicht, Towart Ingland, thair Setoun met him richt. With fourtie men Criſtall in bargane baid, Agane ſeuin ſcoir, and mekill maiſtrie maid. Slew that Capitane, and mony cruell man, Full greit riches in that Iourney he wan. Houſhald and gold, as thay ſuld pas away, The quhilk befoir thay keipit mony day. Iedburgh he tuik, and Rothuen leuit he, At Wallace will thair Capitane to be. Bald Setoun ſyne to Louthiane maid repair, In this ſtorie ȝe may heir of him mair. And into Bruce, quha lykis for to reid, He was with him in mony cruell deid. Gude Wallace than full ſadly can deuyſe, To reull the land with worthy men and wyſe. Capitanis he maid, and Schireffis yat was gude Part of his Kyn, and of trew vther blude. His deir Couſing in Edinburgh ordanit he, With trew Craufurd, that ay was full worthie. Keipar of it, with Nobill men at wage, In Manwell than he had gude heritage. Scotland was fre, that lang in baill had bene, Wallace it wan fra our fals enemeis kene. Greit Gouernour in Scotland he couth ring, Waitand ane tyme, to get his richteous King. Fra Ingliſmen, that held him in bandoun, Lang wrangouſly, fra his awin richteous Croun.