*ULP. 2 AD EDICT. CELSUS ETIAM REFERT PONTICIS EX BENEFICIO POMPEII MAGNI COMPETERE, UT QUI PONTICA MATRE NATUS ESSET, PONTICUS ESSET. QUOD BENEFICIUM AD VOLGO QUAESITOS SOLOS PERTINERE QUIDAM PUTANT. QUORUM SENTENTIAM CELSUS NON PROBAT. NEQUE ENIM DEBUISSE CAVERI, UT VOLGO QUAESITUS MATRIS CONDICIONEM SEQUERETUR (QUAM ENIM ALIAM ORIGINEM HIC HABET.). SED AD EOS, QUI EX DIVERSARUM CIVITATIUM PARENTIBUS ORERENTUR.* *ULP. 2 AD EDICT. CELSUS LIBRO PRIMO DIGESTORUM TRACTAT, SI QUIS INSTRUCTUS SIT DUOBUS LOCIS AEQUALITER NEQUE HIC QUAM ILLIC MINUS FREQUENTER COMMORETUR. UBI DOMICILIUM HABEAT, EX DESTINATIONE ANIMI ESSE ACCIPIENDUM.* *ULP. 4 AD EDICT. SI * DOMINICAM PECUNIAM CREDIDERIT [SCIL. SERVUS INSTITOR], QUOD CREDENDI TEMPORE PACTUS EST, VALERE CELSUS AIT.* AVUS NEPTIS NOMINE, QUAM EX FILIO HABEBAT, DOTEM PROMISIT ET PACTUS EST, NE A SE NEVE A FILIO SUO DOS PETERETUR. SI A COHEREDE FILII DOS PETATUR, IPSE QUIDEM EXCEPTIONE CONVENTIONIS TUENDUS NON ERIT, FILIUS VERO EXCEPTIONE CONVENTIONIS RECTE UTETUR. QUIPPE HEREDI CONSULI CONCESSUM EST NEC QUICQUAM OBSTAT UNI TANTUM EX HEREDIBUS PROVIDERE SI HERES FACTUS SIT, CETERIS AUTEM NON CONSULI. SI PACTUM FACTUM SIT, IN QUO HEREDIS MENTIO NON FIAT, QUAERITUR, AN ID ACTUM SIT, UT IPSIUS DUMTAXAT PERSONA EO STATUERETUR. SED QUAMVIS VERUM EST, QUOD QUI EXCIPIT PROBARE DEBEAT QUOD EXCIPITUR, ATTAMEN DE IPSO DUMTAXAT AC NON DE HEREDE EIUS QUOQUE CONVENISSE PETITOR, NON QUI EXCIPIT PROBARE DEBET, QUIA PLERUMQUE TAM HEREDIBUS NOSTRIS QUAM NOBISMET IPSIS CAVEMUS. NON IDEO NOVARE VETEREM OBLIGATIONEM QUISQUAM RECTE POTEST, QUOD INTERDUM RECTE EI SOLVITUR. NAM ET HIS, QUI IN NOSTRA POTESTATE SUNT, QUOD AB HIS CREDITUM EST RECTE INTERDUM SOLVITUR, CUM NEMO EORUM PER SE NOVARE PRIOREM OBLIGATIONEM IURE POSSIT. *ULP. 4 AD EDICT. * SI AD IUSIURANDUM ADEGI, NE UXOREM DUCAT, NE NUBAT, IMPUNE IN IUS VOCABOR. ET CELSUS QUIDEM AIT IN TALI LIBERTO IUS AD FILIUM MEUM ME VIVO NON TRANSIRE. SED IULIANUS CONTRA SCRIBIT.* *ULP. 6 AD EDICT. DESIGNATORES AUTEM, QUOS GRAECI ?BRABEUT2AS? APPELLANT, ARTEM LUDICRAM NON FACERE CELSUS PROBAT, QUIA MINISTERIUM, NON ARTEM LUDICRAM EXERCEANT.* *ULP. 47 AD SAB. CUM QUIS IN IUDICIO SISTI PROMISERIT NEQUE ADIECERIT POENAM, SI STATUS NON ESSET. INCERTI CUM EO AGENDUM ESSE IN ID QUOD INTEREST VERISSIMUM EST, ET ITA CELSUS QUOQUE SCRIBIT.* *ULP. 10 AD EDICT. IS AUTEM QUI NEGOTIORUM GESTORUM AGIT NON SOLUM SI EFFECTUM HABUIT NEGOTIUM QUOD GESSIT, ACTIONE ISTA UTETUR, SED SUFFICIT, SI UTILITER GESSIT ETSI EFFECTUM NON HABUIT NEGOTIUM. ET IDEO SI INSULAM FULSIT VEL SERVUM AEGRUM CURAVIT, ETIAMSI INSULA EXUSTA EST VEL SERVUS OBIIT, AGET NEGOTIORUM GESTORUM. IDQUE ET LABEO PROBAT. SED UT CELSUS REFERT, PROCULUS APUD EUM NOTAT NON SEMPER DEBERE DARI, QUID ENIM SI EAM INSULAM FULSIT, QUAM DOMINUS QUASI IMPAR SUMPTUI DERELIQUERIT VEL QUAM SIBI NECESSARIAM NON PUTAVIT. ONERAVIT, INQUIT, DOMINUM SECUNDUM LABEONIS SENTENTIAM, CUM UNICUIQUE LICEAT ET DAMNI INFECTI NOMINE REM DERELINQUERE. SED ISTAM SENTENTIAM CELSUS ELEGANTER DERIDET. IS ENIM NEGOTIORUM GESTORUM, INQUIT, HABET ACTIONEM, QUI UTILITER NEGOTIA GESSIT. NON AUTEM UTILITER NEGOTIA GERIT, QUI REM NON NECESSARIAM VEL QUAE ONERATURA EST PATREM FAMILIAS ADGREDITUR.* UTRUM NEGOTIUM UXORIS GERENS AN OFFICIO MARITI DUCTUS IN REM EIUS IMPENDERIT VIR, FACTI, NON IURIS EST QUAESTIO. CONIECTURA EIUS REI EX MODO ET EX GENERE IMPENSAE NON DIFFICILIS EST. *MARCIAN. 5 REGUL. SI DE COMMUNI SERVITUTE QUIS BENE QUIDEM DEBERI INTENDIT, SED ALIQUO MODO LITEM PERDIDIT CULPA SUA, NON EST AEQUUM HOC CETERIS DAMNO ESSE. SED SI PER COLLUSIONEM CESSIT LITE ADVERSARIO, CETERIS DANDAM ESSE ACTIONEM DE DOLO CELSUS SCRIPSIT, ID QUE AIT SABINO PLACUISSE.* *ULP. 11 AD EDICT. SI QUIS CUM MINORE CONTRAXERIT ET CONTRACTUS INCIDERIT IN TEMPUS QUO MAIOR EFFICITUR. UTRUM INITIUM SPECTAMUS AN FINEM. ET PLACET, UT EST ET CONSTITUTUM, SI QUIS MAIOR FACTUS CONPROBAVERIT, QUOD MINOR GESSERAT, RESTITUTIONEM CESSARE. UNDE ILLUD NON INELEGANTER CELSUS EPISTULARUM LIBRO UNDECIMO ET DIGESTORUM SECUNDO TRACTAT, EX FACTO A FLAVIO RESPECTO PRAETORE CONSULTUS. MINOR ANNIS VIGINTI QUINQUE, ANNOS FORTE VIGINTI QUATTUOR AGENS, IUDICIUM TUTELAE HEREDI TUTORIS DICTAVERAT. MOX FACTUM UT (NON FINITO IUDICIO IAM EO MAIORE EFFECTO VIGINTI QUINQUE ANNIS) TUTORIS HERES ABSOLUTUS PROPONERETUR. IN INTEGRUM RESTITUTIO DESIDERABATUR. CELSUS IGITUR RESPECTO SUASIT NON FACILE HUNC QUONDAM MINOREM IN INTEGRUM RESTITUI, SED SI EI PROBARETUR CALLIDITATE ADVERSARII ID ACTUM, UT MAIORE EO FACTO LIBERARETUR. NEQUE ENIM EXTREMO, INQUIT, IUDICII DIE VIDETUR SOLUM DECEPTUS HIC MINOR, SED TOTUM HOC STRUCTUM, UT MAIORE EO FACTO LIBERARETUR. IDEM TAMEN CONFITETUR, SI LEVIOR SIT SUSPICIO ADVERSARII QUASI DOLOSE VERSATI, NON DEBERE HUNC IN INTEGRUM RESTITUI.* CUM MINOR QUAM QUINQUE ET VIGINTI ANNIS ADVERSUS EUM, CUM QUO TUTELAE EGIT, RESTITUITUR, NON IDEO TUTORI CONTRARIUM TUTELAE IUDICIUM RESTITUENDUM EST. TRANSFUGAM IURE BELLI RECIPIMUS. ET QUAE RES HOSTILES APUD NOS SUNT, NON PUBLICAE, SED OCCUPANTIUM FUNT. *ULP. 12 AD EDICT. SI FERIAE EXTRA ORDINEM SINT INDICTAE, OB RES PUTA PROSPERE GESTAS VEL IN HONOREM PRINCIPIS, ET PROPTEREA MAGISTRATUS IUS NON DIXERIT, GAIUS CASSIUS NOMINATION EDICEBAT RESTITUTURUM SE, QUIA PER PRAETOREM VIDEBATUR FACTUM. SOLLEMNIUM ENIM FERIARUM RATIONEM HABERI NON DEBERE, QUIA PROSPICERE EAS POTUERIT ET DEBUERIT ACTOR, NE IN EAS INCIDAT. QUOD VERIUS EST, ET ITA CELSUS LIBRO SECUNDO DIGESTORUM SCRIBIT.* *ULP. 13 AD EDICT. CELSUS LIBRO SECUNDO DIGESTORUM SCRIBIT, SI IN TRES FUERIT COMPROMISSUM, SUFFICERE QUIDEM DUORUM CONSENSUM, SED SI PRAESENS FUERIT ET TERTIUS. ALIOQUIN ABSENTE EO LICET DUO CONSENTIANT, ARBITRIUM NON VALERE, QUIA IN PLURES FUIT COMPROMISSUM ET POTUIT PRAESENTIA EIUS TRAHERE EOS IN EIUS SENTENTIAM.* *ULP. IBID. * SE [ARBITER SC.] IN ALIQUEM LOCUM INHONESTUM ADESSE IUSSERIT, PUTA IN POPINAM VEL IN LUPANARIUM, UT VIVIANUS AIT, SINE DUBIO IMPUNE EI NON PAREBITUR. QUAM SENTENTIAM ET CELSUS LIBRO SECUNDO DIGESTORUM PROBAT. UNDE ELEGANTER TRACTAT, SI IS SIT LOCUS, IN QUEM ALTER EX LITIGATORIBUS HONESTE VENIRE NON POSSIT, ALTER POSSIT, ET IS NON VENERIT, QUI SINE SUA TURPITUDINE EO VENIRE POSSIT, IS VENERIT, QUI INHONESTE VENERAT, AN COMMITTATUR POENA COMPROMISSI AN QUASI OPERA NON PRAEBITA. ET RECTE PUTAT NON COMMITTI. ABSURDUM ENIM ESSE IUSSUM IN ALTERIUS PERSONA RATUM ESSE, IN 12 ALTERIUS NON. INTRA QUANTUM AUTEM TEMPORIS, NISI DETUR QUOD ARBITER IUSSERIT, COMMITTATUR STIPULATIO, VIDENDUM EST. ET SI QUIDEM DIES ADIECTUS NON SIT, CELSUS SCRIBIT LIBRO SECUNDO DIGESTORUM INESSE QUODDAM MODICUM TEMPUS. QUOD UBI PRAETERIERIT, POENA STATIM PETI POTEST. ET TAMEN, INQUIT, ET SI DEDERIT ANTE ACCEPTUM IUDICIUM, AGI EX STIPULATU NON POTERIT. CELSUS AIT, SI ARBITER INTRA KALENDAS SEPTEMBRES DARI IUSSERIT NEC DATUM ERIT, LICET POSTEA OFFERATUR, ATTAMEN SEMEL COMMISSAM POENAM COMPROMISSI NON EVANESCERE, QUONIAM SEMPER VERUM EST INTRA KALENDAS DATUM NON ESSE. SIN AUTEM OBLATUM ACCEPIT, POENAM PETERE NON POTEST DOLI EXCEPTIONE REMOVENDUS. CONTRA, UBI DUMTAXAT DARE IUSSUS EST. IDEM AIT, SI IUSSERIT ME TIBI DARE ET VALETUDINE SIS IMPEDITUS, QUO MINUS ACCIPIAS, AUT ALIA IUSTA EX CAUSA, PROCULUM EXISTIMARE POENAM NON COMMITTI, NEC SI POST KALENDAS TE PARATO ACCIPERE NON DEM. SED IPSE RECTE PUTAT DUO ESSE ARBITRI PRAECEPTA, UNUM PECUNIAM DARI, ALIUD INTRA KALENDAS DARI. LICET IGITUR IN POENAM NON COMMITTAS, QUOD INTRA CALENDAS NON DEDERIS. QUONIAM PER TE NON STETIT, TAMEN COMMITTIS IN EAM PARTEM, QUOD NON DAS. IDEM AIT NIHIL ALIUD ESSE SENTENTIAE STARE POSSE, QUAM ID AGERE, QUANTUM IN IPSO SIT, UT ARBITRI PAREATUR SENTENTIAE. IDEM CELSUS AIT, SI ARBITER ME TIBI CERTA DIE PECUNIAM DARE IUSSERIT, TU ACCIPERE NOLUISTI, POSSE DEFENDI IPSO IURE POENAM NON COMMITTI.* QUAMVIS ARBITER ALTERUM AB ALTERO PETERE VETUIT, SI TAMEN HERES PETIT, POENAM COMMITTET. NON ENIM DIFFERENDARUM LITIUM CAUSA, SED TOLLENDARUM AD ARBITROS ITUR. SI FORTE PRAESES PROVINCIAE MANUMISERIT VEL TUTOREM DEDERIT, PRIUSQUAM COGNOVERIT SUCCESSOREM ADVENISSE, ERUNT HAEC RATA. *ULP. 3 AD EDICT. * EO QUOQUE QUI IPSE PROVOCAVIT NON IMPONITUR NECESSITAS INTRA TEMPORA PROVOCATIONIS EXERCENDAE ROMAE VEL ALIO LOCO UBI PROVOCATIO EXERCETUR ALIIS PULSANTIBUS RESPONDERE. NAM CELSUS HUIC ETIAM DOMUS REVOCATIONEM DANDAM AIT. QUONIAM OB ALIAM CAUSAM VENERIT. HAEC CELSI SENTENTIA ET RATIONABILIS EST.* IN FUNDO ALIENO, QUEM IMPRUDENS EMERAS, AEDIFICASTI AUT CONSERUISTI, DEINDE EVINCITUR. BONUS IUDEX VARIE EX PERSONIS CAUSISQUE CONSTITUET. FINGE ET DOMINUM EADEM FACTURUM FUISSE, REDDAT IMPENSAM, UT FUNDUM RECIPIAT, USQUE EO DUMTAXAT, QUO PRETIOSOR FACTUS EST, ET SI PLUS PRETIO FUNDI ACCESSIT, SOLUM QUOD IMPENSUM EST, FINGE PAUPEREM, QUI SI REDDERE ID COGATUR, LARIBUS SEPULCHRIS AVITIS CARENDUM HABEAT. SUFFICIT TIBI PERMITTI TOLLERE EX HIS REBUS QUAE POSSIS, DUM ITA NE DETERIOR SIT FUNDUS, QUAM SI INITIO NON FORET AEDIFICATUM. CONSTITUIMUS VERO, UT, SI PARATUS EST DOMINUS TANTUM DARE, QUANTUM HABITURUS EST POSSESSOR HIS REBUS ABLATIS, FIAT EI POTESTAS. NEQUE MALITIIS INDULGENDUM EST, SI TECTORIUM PUTA, QUOD INDUXERIS, PICTURASQUE CORRADERE VELIS, NIHIL LATURUS NISI UT OFFICIAS. FINGE EAM PERSONAM ESSE DOMINI, QUAE RECEPTUM FUNDUM MOX VENDITURA SIT. NISI REDDIT, QUANTUM PRIMA PARTE REDDI OPORTERE DIXIMUS, EO DEDUCTO TU CONDEMNANDUS ES. DUO EX TRIBUS IUDICIBUS UNO ABSENTE IUDICARE NON POSSUNT, QUIPPE OMNES IUDICARE IUSSI SUNT. SED SI ADSIT ET CONTRA SENTIAT, STATUR DUORUM SENTENTIAE. QUID ENIM MINUS VERUM EST OMNES IUDICASSE. NIHIL ALIUD EST ACTIO QUAM IUS QUOD SIBI DEBEATUR, IUDICIO PERSEQUENDI. SI IS, CUI DECEM TITIUS, QUINDECIM SEIUS DEBEBAT, AB ATTIO STIPULATUS EST QUOD ILLE AUT QUOD ILLE DEBEAT, DARI SIBI, NOVATUM UTRUMQUE NON EST, SED IN POTESTATE ATTII EST, PRO QUO VELIT SOLVERE ET EUM LIBERARE. FINGAMUS AUTEM ITA ACTUM, UT ALTERUTRUM DARET. NAM ALIOQUIN UTRUMQUE STIPULATUS VIDETUR ET UTRUMQUE NOVATUM, SI NOVANDI ANIMO HOC FIAT. NON EST FERENDUS QUI GENERALITER IN HIS, QUAE TESTAMENTO EI RELICTA SUNT, TRANSEGERIT, SI POSTEA CAUSETUR DE EO SOLO SE COGITASSE, QUOD PRIMA PARTE TESTAMENTI AC NON ETIAM QUOD POSTERIORE LEGATUM SIT, SI TAMEN POSTEA CODICILLI PROFERUNTUR, NON IMPROBE MIHI DICTURUS VIDETUR DE EO DUMTAXAT SE COGITASSE, QUOD ILLARUM TABULARUM, QUAS TUNC NOVERAT, SCRIPTURE CONTINERETUR. QUI SE LITI OPTULIT, CUM REM NON POSSIDERET, CONDEMNATUR, NISI SI EVIDENTISSIMIS PROBATIONIBUS POSSIT OSTENDERE ACTOREM AB INITIO LITIS SCIRE EUM NON POSSIDERE. QUIPPE ISTO MODO NON EST DECEPTUS ET QUI SE HEREDITATIS PETITIONI OPTULIT EX DOLI CLAUSULA TENETUR. AESTIMARI SCILICET OPORTEBIT, QUANTI EIUS INTERFUIT NON DECIPI. *ULP. 15 AD EDICT. NON SOLUM AUTEM A DEBITORE DEFUNCTI, SED ETIAM A DEBITORE HEREDITARIO PETI HEREDITAS POTEST. DENIQUE AB EO, QUI NEGOTIA HEREDITARIA GESSIT, ET CELSO ET IULIANO VIDETUR PETI HEREDITATEM POSSE, SED SI HEREDIS NEGOTIUM GESSIT, NEQUAQUAM. AB HEREDIS ENIM DEBITORE PETI HEREDITAS NON POTEST.* *ULP. IBID. SI QUIS, CUM PETERETUR AB EO HEREDITAS, NEQUE REI NEQUE IURIS VELUT POSSESSOR ERAT, VERUM POSTEA ALIQUID ADEPTUS EST, AN PETITIONE HEREDITATIS VIDEATUR TENERI. ET CELSUS LIBRO QUARTO DIGESTORUM RECTE SCRIBIT HUNC CONDEMNANDUM, LICET INITIO NIHIL POSSEDIT.* QUID ALIUD SUNT "IURA PRAEDIORUM" QUAM PRAEDIA QUALITER SE HABENTIA. UT BONITAS, SOLUBRITAS, AMPLITUDO. SI CUI SIMPLICIUS VIA PER FUNDUM CUIUSPIAM CEDATUR VEL RELINQUATUR, IN INFINITO, VIDELICET PER QUAMLIBET EIUS PARTEM, IRE AGERE LICEBIT, CIVILITER MODO. NAM QUAEDAM IN SERMONE TACITE EXCIPIUNTUR. NON ENIM PER VILLAM IPSAM NEC PER MEDIAS VINEAS IRE AGERE SINENDUS EST, CUM ID AEQUE COMMODE PER ALTERAM PARTEM FACERE POSSIT MINORE SERVIENTIS FUNDI DETRIMENTO. VERUM CONSTITUT, UT, QUA PRIMUM VIAM DIREXISSET, EA DEMUM IRE AGERE DEBERET NEC AMPLIUS MUTANDAE EIUS POTESTATEM HABERET. SICUTI SABINO QUOQUE VIDEBATUR, QUI ARGUMENTO RIVI UTEBATUR, QUEM PRIMO QUALIBET DUCERE LICUISSET, POSTEAQUAM DUCTUS ESSET, TRANSFERRE NON LICERET. QUOD ET IN VIA SERVANDUM ESSE VERUM EST. *[SERVITUS ET PER SOCIUM ET FRUCTUARIUM ET BONAE FIDEI POSSESSOREM NOBIS RETINETUR.]* NAM SATIS EST FUNDI NOMINE ITUM ESSE. SI EGO VIA, QUAE NOBIS PER VICINI FUNDUM DEBEBATUR, USUS FUERO, TU AUTEM CONSTITUTO TEMPORE CESSAVERIS, AN IUS TUUM AMISERIS. ET E CONTRARIO, SI VICINUS, CUI VIA PER NOSTRUM FUNDUM DEBEBATUR, PER MEAM PARTEM IERIT EGERIT, TUAM PARTEM INGRESSUS NON FUERIT, AN PARTEM TUAM LIBERAVERIT. CELSUS RESPONDIT. SI DIVISUS EST FUNDUS INTER SOCIOS REGIONIBUS, QUOD AD SERVITUTEM ATTINET, QUAE EI FUNDO DEBEBATUR, PERINDE EST, ATQUE SI AB INITIO DUOBUS FUNDIS DEBITA SIT. ET SIBI QUISQUE DOMINORUM USURPAT SERVITUTEM, SIBI NON UTENDO DEPERDIT NEC AMPLIUS IN EA RE CAUSAE EORUM FUNDORUM MISCENTUR. NEC FIT ULLA INIURIA EI CUIUS FUNDUS SERVIT, IMMO SI QUO MELIOR, QUONIAM ALTER DOMINORUM UTENDO SIBI, NON TOTI FUNDO PROFICIT. SED SI IS FUNDUS QUI SERVIERIT ITA DIVISUS EST, PLUSCULUM DUBITATIONIS EA RES HABET. NAM SI CERTUS AC FINITUS VIAE LOCUS EST, TUNC, SI PER LONGITUDINEM EIUS FUNDUS DIVISUS EST, EADEM OMNIA SERVANDA ERUNT, QUAE SI INITIO CONSTITUENDAE EIUS SERVITUTIS SIMILITER HIC DUO FUNDI FUISSENT. SI VERO PER LATITUDINEM VIAE FUNDUS DIVISUS EST (NEC MULTUM REFERT, AEQUALITER ID FACTUM EST AN INAEQUALITER), TUNC MANET IDEM IUS SERVITUTIS, QUOD FUNDO INDIVISO FUERAT, NEC AUT USU DETINERI AUT NON UTENDO DEPERIRE NISI TOTA VIA POTERIT. NEC SI FORTE INCIDERIT, UT SEMITA, QUAE PER ALTERUM DUMTAXAT FUNDUM ERIT, UTERETUR, IDCIRCO ALTER FUNDUS LIBERABITUR, QUONIAM UNUM ATQUE EO MODO INDIVIDUUM VIAE IUS EST. POSSUNT TAMEN ALTERUTRUM FUNDUM LIBERARE, SI MODO HOC SPECCIALITER CONVENIT. CERTE SI IS CUI SERVITUS DEBEBATUR ALTERUM EX EA DIVISIONE FUNDUM REDEMERIT, NUM IDEO MINUS EA RE FUNDI ALTERIUS SERVITUS PERMANEBIT. NEC VIDEO, QUID ABSURDE CONSECUTURUM SIT EAM SENTENTIAM FUNDO ALTERO MANENTE SERVO. SI MODO ET AB INITIO POTUIT ANGUSTIOR CONSTITUI VIA QUAM LEGE FINITA EST ET ADHUC ID LOCI SUPEREST IN EO FUNDO, CUI REMISSA SERVITUS NON EST, UT SUFFICIAT VIAE. QUOD SI MINUS LOCI SUPEREST QUAM VIAE SUFFICIAT, UTERQUE FUNDUS LIBERABITUR, ALTER PROPTER REDEMPTIONEM, ALTER, QUIA PER EUM LOCUM QUI SUPEREST VIA CONSTITUI NON POTEST. CETERUM SI ITA CONSTITUTUM EST IUS VIAE, UT PER QUAMLIBET PARTEM FUNDI IRE AGERE LICEAT, IDQUE VEL SUBINDE MUTARE NIHIL PROHIBET ATQUE ITA DIVISUS EST FUNDUS. SI PER QUAMLIBET EIUS PARTEM AEQUE IRE ATQUE AGI POSSIT, TUNC PERINDE OBSERVABIMUS ATQUE SI AB INITIO DUOBUS FUNDIS DUAE SERVITUTES INIUNCTAE FUISSENT, UT ALTERA RETINERI, ALTERA NON UTENDO POSSIT DEPERIRE. NEC ME FALLIT ALIENO FACTO IUS ALTERIUS IMMUTATU IRI, QUONIAM ANTE SATIUS FUERAT PER ALTERAM PARTEM IRE AGERE, UT IDEM IUS EI IN ALTERA PARTE FUNDI RETINERETUR. CONTRA ILLUD COMMODUM ACCESSISSE EI CUI VIA DEBEBATUR, QUOD PER DUAS PARITER VIAS IRE AGERE POSSIT BISQUE OCTONOS IN PORRECTUM ET SENOS DENOS IN ANFRACTUM. EX HIS, QUAE FORTE UNO ALIQUO CASU ACCIDERE POSSUNT, IURA NON CONSTITUUNTUR. *ULP. 19 AD EDICT. CELSUS ETIAM ILLUD ELEGANTER ADICIT COHEREDEM ET SI NON SOLVIT HABERE FAMILIAE ERCISCUNDAE IUDICIUM, UT COGATUR COHERES SOLVERE, CUM ALIAS NON SIT LIBERATURUS REM CREDITOR, NISI IN SOLIDUM EI SATISFIAT.* *ULP. 22 AD EDICT. CELSUS LIBRO QUINTO DIGESTORUM SCRIBIT. SI DEFENSOR IN IUDICIO INTERROGATUS, AN IS QUEM DEFENDIT HERES VEL QUOTA EX PARTE SIT, FALSO RESPONDERIT, IPSE QUIDEM DEFENSOR ADVERSARIO TENEBITUR, IPSI AUTEM QUEM DEFENDIT NULLUM FACIT PRAEIUDICIUM. VERAM ITAQUE ESSE CELSI SENTENTIAM DUBIUM NON EST.* *ULP. IBID. EX CAUSA SUCCURRI EI, QUI INTERROGATUS RESPONDIT, NON DUBITAMUS. NAM ET SI QUIS INTERROGATUS, AN PATRI HERES ESSET, RESPONDERIT, MOX PROLATO TESTAMENTO INVENTUS SIT EXHEREDATUS, AEQUISSIMUM EST SUCCURRI EI. ET ITA CELSUS SCRIBIT, HIC QUIDEM ET ALIA RATIONE, QUOD EA QUAE POSTEA EMERGUNT AUXILIO INDIGENT. QUID ENIM SI OCCULTAE TABULAE ET REMOTAE POSTEA PROLATAE SUNT. CUR NOCEAT EI, QUI ID RESPONDERIT, QUOD IN PRAESENTIARUM VIDEBATUR. CELSUS SCRIBIT LICERE RESPONSI PAENITERE, SI NULLA CAPTIO EX EIUS PAENITENTIA SIT ACTORIS.* *ULP. 24 AD EDICT. CELSUS SCRIBIT. SI QUIS MERCES, QUAS EXVEHENDAS CONDUXIT, IN HORREA POSUIT, CUM CONDUCTORE AD EXHIBENDUM AGI POTEST. ITEM SI MORTUO CONDUCTORE HERES EXISTAT, CUM HEREDE AGENDUM. SED SI NEMO HERES SIT, CUM HORREARIO AGENDUM. NAM SI A NULLO INQUIT, POSSIDENTUR, VERUM EST AUT HORREARIUM POSSIDERE AUT CERTE ILLE EST, QUI POSSIT EXHIBERE. IDEM AIT. QUOMODO AUTEM POSSIDET QUI VEHENDAS CONDUXIT. AN QUIA PIGNUS TENET.- QUAE SPECIES OSTENDIT ETIAM EOS, QUI FACULTATEM EXHIBENDI HABENT, AD EXHIBENDUM TENERI. ITEM CELSUS SCRIBIT STERCUS, QUOD IN AREAM MEAM CONGESSISTI, PER AD EXHIBENDUM ACTIONEM POSSE TE CONSEQUI UT TOLLAS, SIC TAMEN UT TOTUM TOLLAS. CETERUM ALIAS NON POSSE.* *ULP. 25 AD EDICT. CELSUS * AIT. NON TOTUS, QUI SEPULTURAE DESTINATUS EST, LOCUS RELIGIOSUS FIT, SED QUATENUS CORPUS HUMATUM EST.* *ULP. IBID. CUM MATER FAMILIAS DECEDIT NEC EST EIUS SOLVENDO HEREDITAS, FUNERARI EAM EX DOTE TANTUM OPORTET. ET ITA CELSUS SCRIBIT.* *ULP. IBID. CELSUS SCRIBIT. QUOTIENS MULIER DECIDIT, EX DOTE, QUAE PENES VIRUM REMANET, ET CETERIS MULIERIS BONIS PRO PORTIONE FUNERANDA EST.* *ULP. 26 AD EDICT. SOLEMUS QUIDEM DICERE ID VENIRE IN IUDICIUM, DE QUO ACTUM EST INTER LITIGANTES. SED CELSUS AIT PERICULOSE ESSE EX PERSONA REI HOC METIRI, QUI SEMPER NE CONDEMNETUR HOC DICET NON CONVENISSE. QUID ERGO. MELIUS EST DICERE ID VENIRE IN IUDICIUM NON DE QUO ACTUM EST UT VENIRET, SED ID NON VENIRE, DE QUO NOMINATIM ACTUM EST NE VENIRET.* SI ET ME ET TITIUM MUTUAM PECUNIAM ROGAVERIS ET EGO MEUM DEBITOREM TIBI PROMITTERE IUSSERIM, TU STIPULATUS SIS, CUM PUTARES EUM TITII DEBITOREM ESSE, AN MIHI OBLIGARIS. SUBSISTO, SI QUIDEM NULLUM NEGOTIUM MECUM CONTRAXISTI. SED PROPIUS EST UT OBLIGARI TE EXISTIMEM, NON QUIA PECUNIAM TIBI CREDIDI (HOC ENIM NISI INTER CONSENTIENTES FIERI NON POTEST). SED QUIA PECUNIA MEA AD TE PERVENIT, EAM MIHI A TE REDDI BONUM ET ACQUUM EST. SI EGO DECEM STIPULATUS A TITIO DEINCEPS STIPULER A SEIO, QUANTO MINUS A TITIO CONSEQUI POSSIM. SI DECEM PETIERO A TITIO, NON LIBERATUR SEIUS, ALIOQUIN NEQUICQUAM MIHI CAVETUR. AT SI IUDICATUM FECERIT TITIUS, NIHIL ULTRA SEIUS TENEBITUR. SED SI CUM SEIO EGERO, QUANTUMCUMQUE EST QUO MINUS A TITIO EXIGERE POTUERO EO TEMPORE, QUO IUDICIUM INTER ME ET SEIUM ACCEPTUM EST, TANTO MINUS A TITIO POSTEA PETERE POSSUM. LABEO AIT, CUM DECEM DARI CURARI STIPULATUS SIS, IDEO NON POSSE TE DECEM DARE OPORTERE INTENDERE, QUIA ETIAM REUM LOCUPLETIOREM DANDO PROMISSOR LIBERARI POSSIT. QUO SCILICET SIGNIFICAT NON ESSE COGENDUM EUM ACCIPERE IUDICIUM, SI REUM LOCUPLETEM OFFERAT. *ULP. 26 AD EDICT. SI QUIS QUASI STATULIBER MIHI DECEM DEDERIT, CUM IUSSUS NON ESSET, CONDICERE EUM DECEM CELSUS SCRIBIT. SED SI SERVUS, QUI TESTAMENTO HEREDI IUSSUS ERAT DECEM DARE ET LIBER ESSE, CODICILLIS PURE LIBERTATEM ACCEPIT ET ID IGNORANS DEDERIT HEREDI DECEM, AN REPETERE POSSIT. ET REFERT PATREM SUUM CELSUM EXISTIMASSE REPETERE EUM NON POSSE. SED IPSE CELSUS NATURALI AEQUITATE MOTUS PUTAT REPETI POSSE. QUAE SENTENTIA VERIOR EST, QUAMQUAM CONSTET, UT ET IPSE AIT, EUM QUI DEDIT EA SPE, QUOD SE AB EO QUI ACCEPERIT REMUNERARI EXISTIMARET VEL AMICIOREM SIBI ESSE EUM FUTURUM, REPETERE NON POSSE OPINIONE FALSA DECEPTUM. SUPTILIUS QUOQUE ILLUD TRACTAT, AN ILLE, QUI SE STATULIBERUM PUTAVERIT, NEC FECERIT NUMMOS ACCIPIENTIS, QUONIAM HEREDI DEDIT QUASI IPSIUS HEREDIS NUMMOS DATURUS, NON QUASI SUOS, QUI UTIQUE IPSIUS FUERUNT, ADQUISITI SCILICET POST LIBERTATEM EI EX TESTAMENTO COMPETENTEM. ET PUTO, SI HOC ANIMO DEDIT, NON FIERI IPSIUS. NAM ET CUM TIBI NUMMOS MEOS QUASI TUOS DO, NON FACIO TUOS.* *ULP. IBID. QUOTIENS AUTEM SOLIUS ACCIPIENTIS TURPITUDO VERSATUR, CELSUS AIT REPETI POSSE. VELUTI SI TIBI DEDERO, NE MIHI INIURIAM FACIAS.* *ULP. 18 AD SAB. PERPETUO SABINUS PROBAVIT VETERUM OPINIONEM EXISTIMANTIUM ID, QUOD EX INIUSTA CAUSA APUD ALIQUEM SIT, POSSE CONDICI. IN QUA SENTENTIA ETIAM CELSUS EST.* *PAUL. 3 AD SAB. SI PROCURATOR TUUS INDEBITUM SOLVERIT ET TU RATUM NON HABEAS, POSSE REPETI LABEO LIBRIS POSTERIORUM SCRIPSIT. QUOD SI DEBITUM FUISSET, NON POSSE REPETI CELSUS. IDEO, QUONIAM, CUM QUIS PROCURATOREM RERUM SUARUM CONSTITUIT, ID QUOQUE MANDARE VIDETUR, UT SOLVAT CREDITORI, NEQUE POSTEA EXSPECTANDUM SIT, UT RATUM HABEAT. CELSUS AIT EUM, QUI PROCURATORI DEBITUM SOLVIT, CONTINUO LIBERARI NEQUE RATIHABITIONEM CONSIDERARI. QUOD SI INDEBITUM ACCEPERIT, IDEO EXIGI RATIHABITIONEM, QUONIAM NIHIL DE HOC NOMINE EXIGENDO MANDASSE VIDERETUR, ET IDEO, SI RATUM NON HABEATUR, A PROCURATORE REPETENDUM.* *ULP. 2 AD EDICT. * SI CUM MORIAR DARE PROMISERO ET ANTEA SOLVAM, REPETERE ME NON POSSE CELSUS AIT. QUAE SENTENTIA VERA EST.* *POMP. 22 AD SAB. SI DUO REI, QUI DECEM DEBEBANT, VIGINTI PARITER SOLVERINT, CELSUS AIT SINGULOS QUINA REPETITUROS, QUIA, CUM DECEM DEBERENT, VIGINTI SOLVISSENT, ET QUOD AMPLIUS AMBO SOLVERINT, AMBO REPETERE POSSUNT.* *ULP. 26 AD EDICT. * SI [SC. LIBERTUS] OPERAS PATRONO EXHIBUIT NON OFFICIALES, SED FABRILES, VELUTI PICTORIAS VEL ALIAS, DUM PUTAT SE DEBERE, VIDENDUM AN POSSIT CONDICERE. ET CELSUS LIBRO SEXTO DIGESTORUM PUTAT EAM ESSE CAUSAM OPERARUM, UT NON SINT EAEDEM NEQUE EIUSDEM HOMINIS NEQUE EIDEM EXHIBENTUR. NAM PLERUMQUE ROBUR HOMINIS, AETAS TEMPORIS OPPORTUNITASQUE NATURALIS MUTAT CAUSAM OPERARUM, ET IDEO NEC VOLENS QUIS REDDERE POTEST. SED HAE, INQUIT, OPERAE RECIPIUNT AESTIMATIONEM. ET INTERDUM LICET ALIUD PRAESTEMUS, INQUIT, ALIUD CONDICIMUS. UT PUTA FUNDUM INDEBITUM DEDI ET FRUCTUS CONDICO. VEL HOMINEM INDEBITUM, ET HUNC SINE FRAUDE MODICO DISTRAXISTI, NEMPE HOC SOLUM REFUNDERE DEBES, QUOD EX PRETIO HABES. VEL MEIS SUMPTIBUS PRETIOSIOREM HOMINEM FECI, NONNE AESTIMARI HAEC DEBENT. SIC ET IN PROPOSITO, AIT, POSSE CONDICI, QUANTI OPERAS ESSEM CONDUCTURUS.* *ULP. IBID. SI DECEM AUT STICHUM STIPULATUS SOLVAM QUINQUE, QUAERITUR, AM POSSIM CONDICERE. QUAESTIO EX HOC DESCENDIT, AN LIBERER IN QUINQUE. NAM SI LIBEROR, CESSAT CONDICTIO, SI NON LIBEROR, ERIT CONDICTIO. PLACUIT AUTEM, UT CELSUS LIBRO SEXTO ET MARCELLUS LIBRO VICENSIMO DIGESTORUM SCRIPSIT, NON PEREMI PARTEM DIMIDIAM OBLIGATIONIS IDEOQUE EUM, QUI QUINQUE SOLVIT, IN PENDENTI HABENDUM, AN LIBERARETUR, PETIQUE AB EO POSSE RELIQUA QUINQUE AUT STICHUM ET, SI PRAESTITERIT RESIDUA QUINQUE, VIDERI EUM ET PRIORA DEBITA SOLVISSE, SI AUTEM STICHUM PRAESTITISSET, QUINQUE EUM POSSE CONDICERE QUASI INDEBITA. SIC POSTERIOR SOLUTIO COMPROBABIT, PRIORA QUINQUE UTRUM DEBITA AN INDEBITA SOLVERENTUR. SED ET SI POST SOLUTA QUINQUE ET STICHUS SOLVATUR ET MALIM EGO HABERE QUINQUE ET STICHUM REDDERE, AN SIM AUDIENDUS, QUAERIT CELSUS. ET PUTAT NATAM ESSE QUINQUE CONDICTIONEM, QUAMVIS UTROQUE SIMUL SOLUTO MIHI RETINENDI QUOD VELLEM ARBITRIUM DARETUR. IUSTINIAN. SI QUIS SERVUM CERTI NOMINIS AUT QUANDAM SOLIDORUM QUANTITATEM VEL ALIAM REM PROMISERIT ET * UTRUMQUE PER IGNORANTIAM DEPENDERIT, DUBITABATUR, CUIUS REI DATUR A LEGIBUS EI REPETITIO, UTRUMNE SERVI AN PECUNIAE ET UTRUM STIPULATOR AN PROMISSOR HABEAT HUIUS REI FACULTATEM. ET ULPIANUS QUIDEM ELECTIONEM IPSI PRAESTAT, QUI UTRUMQUE ACCEPIT *, ET TAM MARCELLUM QUAM CELSUM SIBI CONSONANTES REFERT.* *ULP. IBID. IDEM AIT ET SI DUO HEREDES SINT STIPULATORIS, NON POSSE ALTERI QUINQUE SOLUTIS ALTERI PARTEM STICHI SOLVI. IDEM ET SI DUO SINT PROMISSORIS HEREDES. SECUNDUM QUAE LIBERATIO NON CONTINGIT, NISI AUT UTRIQUE QUINA AUT UTRIQUE PARTES STICHI FUERUNT SOLUTAE.* SI QUIS DUOBUS HEREDIBUS INSTITUTIS ITA LEGAVERIT. "STICHUM AUT DECEM HEREDES DANTO", NON POTEST ALTER HEREDUM QUINQUE, ALTER PARTEM STICHI DARE, SED NECESSE EST UTRUMQUE AUT STICHUM TOTUM AUT DECEM SOLVERE. INDEBITAM PECUNIAM PER ERROREM PROMISISTI. EAM QUI PRO TE FIDEIUSSERAT SOLVIT. EGO EXISTIMO, SI NOMINE TUO SOLVERIT FIDEIUSSOR, TE FIDEIUSSORI, STIPULATOREM TIBI OBLIGATUM FORE. NEC EXSPECTANDUM EST, UT RATUM HABEAS, QUONIAM POTES VIDERI ID IPSUM MANDASSE, UT TUO NOMINE SOLVERETUR. SIN AUTEM FIDEIUSSOR SUO NOMINE SOLVERIT QUOD NON DEBEBAT, IPSUM A STIPULATORE REPETERE POSSE, QUONIAM INDEBITAM IURE GENTIUM PECUNIAM SOLVIT. QUO MINUS AUTEM CONSEQUI POTERIT AB EO CUI SOLVIT, A TE MANDATI IUDICIO CONSECUTURUM, SI MODO PER IGNORANTIAM PETENTEM EXCEPTIONE NON SUMMOVERIT. QUI PROMISIT, SI ALIQUID A SE FACTUM SIT VEL CUM ALIQUID FACTUM SIT, DARE SE DECEM, SI, PRIUSQUAM ID FACTUM FUERIT, QUOD PROMISIT DEDERIT, NON VIDEBITUR FECISSE QUOD PROMISIT ATQUE IDEO REPETERE POTEST. CUM DE LEGE FALCIDIA QUAERITUR, HEREDIS PROBATIO EST LOCUM HABERE LEGEM FALCIDIAM. QUOD DUM PROBARE NON POTEST, MERITO CONDEMNABITUR. *ULP. 27 AD EDICT. IN HAC ACTIONE SI QUAERATUR, RES QUAE PETITA EST CUIUS TEMPORIS AESTIMATIONEM RECIPIAL, VERIUS EST QUOD SERVIUS AIT, CONDEMNATIONIS TEMPUS SPECTANDUM. SI VERO DESIERIT ESSE IN REBUS HUMANIS, MORTIS TEMPUS, SED ?\EN PL1ATEI? SECUNDUM CELSUM ERIT SPECTANDUM. NON ENIM DEBET NOVISSIMUM VITAE TEMPUS AESTIMARI, NE AD EXIGUUM PRETIUM AESTIMATIO REDIGATUR IN SERVO FORTE MORTIFERE VULNERATO.* SI KALENDIS FIERI ALIQUID STIPULATUS SUM, NEMPE QUANDOCUMQUE POST KALENDAS ACCEPTO IUDICIO TANTI TAMEN AESTIMANDA LIS EST, QUANTI INTERFUIT MEA KALENDIS ID FIERI. EX EO ENIM TEMPORE QUIDQUE AESTIMATUR, QUOD NOVISSIME SOLVI POTERIT. SI QUIS AB ALIO DECEM, AB ALIO SATISDARI STIPULATUS EST, AESTIMANDUM ERIT, QUANTUM STIPULATORIS INTERSIT SATISDARI, IDQUE AUT TANTUNDEM ERIT AUT MINUS AUT INTERDUM ETIAM NIHIL. NEQUE ENIM VANI TIMORIS ULLA AESTIMATIO EST. VERUM SORTE SOLUTA NULLUM IAM PRETIUM AESTIMATIONIS EST, AUT QUANTUM EX SORTE FUERIT SOLUTUM, TANTUNDEM EX AESTIMATIONE DECEDET. SI QUIS PROMISERIT PROHIBERE SE, UT ALIQUID DAMNUM STIPULATOR PATIATUR, ET FACIAT NE QUOD EX EA RE DAMNUM ITA HABEATUR, FACIT QUOD PROMISIT. SI MINUS, QUIA NON FACIT QUOD PROMISIT, IN PECUNIAM NUMERATAM CONDEMNATUR, SICUT EVENIT IN OMNIBUS FACIENDI OBLIGATIONIBUS. *ULP. 27 AD EDICT. QUOD ADICITUR. "EAMQUE PECUNIAM CUM CONSTITUEBATUR DEBITAM FUISSE", INTERPRETATIONEM PLENIOREM EXIGIT. NAM PRIMUM ILLUD EFFICIT, UT, SI QUID TUNC DEBITUM FUIT CUM CONSTITUERETUR, NUNC NON SIT, NIHILO MINUS TENEAT CONSTITUTUM, QUIA RETRORSUM SE ACTIO REFERT. PROINDE TEMPORALI ACTIONE OBLIGATUM CONSTITUENDO CELSUS ET IULIANUS SCRIBUNT TENERI DEBERE, LICET POST CONSTITUTUM DIES TEMPORALIS ACTIONIS EXIERIT.* *ULP. 28 AD EDICT. SI DUOBUS VEHICULUM COMMODATUM SIT VEL LOCATUM SIMUL, CELSUS FILIUS SCRIPSIT LIBRO SEXTO DIGESTORUM QUAERI POSSE, UTRUM UNUSQUISQUE EORUM IN SOLIDUM AN PRO PARTE TENEATUR. ET AIT DUORUM QUIDEM IN SOLIDUM DOMINIUM VEL POSSESSIONEM ESSE NON POSSE. NEC QUEMQUAM PARTIS CORPORIS DOMINUM ESSE, SED TOTIUS CORPORIS PRO INDIVISO PRO PARTE DOMINIUM HABERE. USUM AUTEM BALINEI QUIDEM VEL PORTICUS VEL CAMPI UNIUSCUIUSQUE IN SOLIDUM ESSE (NEQUE ENIM MINUS ME UTI, QUOD ET ALIUS UTERETUR). VERUM IN VEHICULO COMMODATO VEL LOCATO PRO PARTE QUIDEM EFFECTU ME USUM HABERE, QUIA NON OMNIA LOCA VEHICULI TENEAM, SED ESSE VERIUS AIT ET DOLUM ET CULPAM ET DILIGENTIAM ET CUSTODIAM IN TOTUM ME PRAESTARE DEBERE. QUARE DUO QUODAMMODO REI HABEBUNTUR ET, SI ALTER CONVENTUS PRAESTITERIT, LIBERABIT ALTERUM ET AMBOBUS COMPETIT FURTI ACTIO. UNDE QUAERITUR, SI ALTER FURTI EGERIT, AN IPSE SOLUS DEBEAT COMMODATI CONVENIRI. ET AIT CELSUS, SI ALTER CONVENIATUR QUI FURTI NON EGIT, ET PARATUS SIT PERICULO SUO CONVENIRI ALTERUM QUI FURTI AGENDO LUCRUM SENSIT EX RE COMMODATA, DEBERE EUM AUDIRI ET ABSOLVI.* *ULP. 29 AD EDICT. SI FILIUS FAMILIAS VEL SERVUS PRO ALIQUO FIDEIUSSERINT VEL ALIAS INTERVENERINT VEL MANDAVERINT, TRACTATUM EST, AN SIT DE PECULIO ACTIO. ET EST VERIUS IN SERVO CAUSAM FIDEIUBENDI VEL MANDANDI SPECTANDAM, QUAM SENTENTIAM ET CELSUS LIBRO SEXTO PROBAT IN SERVO FIDEIUSSORE. SI IGITUR QUASI INTERCESSOR SERVUS INTERVENERIT, NON REM PECULIAREM AGENS, NON OBLIGABITUR DOMINUS DE PECULIO.* *ULP. IBID. PECULIUM AUTEM TUBERO QUIDEM SIC DEFINIT, UT CELSUS LIBRO SEXTO DIGESTORUM REFERT, QUOD SERVUS DOMINI PERMISSU SEPARATUM A RATIONIBUS DOMINICIS HABET, DEDUCTO INDE SI QUID DOMINO DEBETUR. QUAM TUBERONIS SENTENTIAM ET IPSE CELSUS PROBAT. ET ADICIT PUPILLUM VEL FURIOSUM CONSTITUERE QUIDEM PECULIUM SERVO NON POSSE. VERUM ANTE CONSTITUTUM, ID EST ANTE FUROREM VEL A PATRE PUPILLI, NON ADIMETUR EX HIS CAUSIS.* DEFINITIO PECULII QUAM TUBERO EXPOSUIT, UT LABEO AIT, AD VICARIORUM PECULIA NON PERTINET, QUOD FALSUM EST. NAM EO IPSO, QUOD DOMINUS SERVO PECULIUM CONSTITUIT, ETIAM VICARIO CONSTITUISSE EXISTIMANDUS EST. *ULP. IBID. IS QUI DE PECULIO EGIT, CUM POSSET QUOD IUSSU, IN EA CAUSA EST, NE POSSIT QUOD IUSSU POSTEA AGERE, ET ITA PROCULUS EXISTIMAL. SED SI DECEPTUS DE PECULIO EGIT, PUTAT CELSUS SUCCURRENDUM EI. QUAE SENTENTIA HABET RATIONEM.* *ULP. 30 AD EDICT. SI REM A SERVO DEPOSITAM TITIO, QUEM DOMINUM EIUS PUTASTI CUM NON ESSET, RESTITUISSES, DEPOSITI ACTIONE TE NON TENERI CELSUS AIT, QUIA NULLUS DOLUS INTERCESSIT. CUM TITIO AUTEM, CUI RES RESTITUTA EST, DOMINUS SERVI AGET. SED SI EXHIBUERIT, VINDICABITUR, SI VERO, CUM SCIRET ESSE ALIENUM, CONSUMPSERIT, CONDEMNABITUR, QUIA DOLO FECIT QUO MINUS POSSIDERET.* SI DEBITOR REM PIGNERATAM PRECARIO ROGAVERIT, SOLUTA PECUNIA PRECARIUM SOLVITUR. QUIPPE ID ACTUM EST, UT USQUE EO PRECARIUM TENERET. *ULP. 31 AD EDICT. SI TIBI MANDAVERO QUOD MEA NON INTERERAT, VELUTI UT PRO SEIO INTERVENIAS VEL UT TITIO CREDAS, ERIT MIHI TECUM MANDATI ACTIO, UT CELSUS LIBRO SEPTIMO DIGESTORUM SCRIBIT, ET EGO TIBI SUM OBLIGATUS.* *ULP. IBID. SI QUIS MIHI MANDAVERIT IN MEO ALIQUID FACERE ET FECERO, QUAESITUM EST, AN SIT MANDATI ACTIO. ET AIT CELSUS LIBRO SEPTIMO DIGESTORUM HOC RESPONDISSE SE, CUM AURELIUS QUIETUS HOSPITI SUO MEDICO MANDASSE DICERETUR, UT IN HORTIS EIUS QUOS RAVENNAE HABEBAT, IN QUOS OMNIBUS ANNIS SECEDERE SOLEBAT, SPHAERISTERIUM ET HYPOCAUSTA ET QUAEDAM IPSIUS VALETUDINI APTA SUA INPENSA FACERET. DEDUCTO IGITUR, QUANTO SUA AEDIFICIA PRETIOSIORA FECISSET, QUOD AMPLIUS IMPENDISSET POSSE EUM MANDATI IUDICIO PERSEQUI.* QUINTUS MUCIUS SCAEVOLA AIT, SI QUIS SUB USURIS CREDITAM PECUNIAM FIDEIUSSISSET ET REUS IN IUDICIO CONVENTUS CUM RECUSARE VELLET SUB USURIS CREDITAM ESSE PECUNIAM ET FIDEIUSSOR SOLVENDO USURAS POTESTATEM RECUSANDI EAS REO SUSTULISSET, EAM PECUNIAM A REO NON PETITURUM. SED SI REUS FIDEIUSSORI DENUNTIASSET, UT RECUSARET SUB USURIS DEBITAM ESSE NEC IS PROPTER SUAM EXISTIMATIONEM RECUSARE VOLUISSET, QUOD ITA SOLVERIT, A REO PETITURUM. HOC BENE CENSUIT SCAEVOLA. PARUM ENIM FIDELITER FACIT FIDEIUSSOR IN SUPERIORE CASU, QUOD POTESTATEM EXIMERE REO VIDETUR SUO IURE UTI. CETERUM IN POSTERIORE CASU NON OPORTET ESSE NOXIAE FIDEIUSSORI, SI PEPERCISSET PUDORI SUO. CUM MANDO TIBI, UT CREDENDO PECUNIAM NEGOTIUM MIHI GERAS MIHIQUE ID NOMEN PRAESTES, MEUM IN EO PERICULUM, MEUM EMOLUMENTUM SIT, PUTO MANDATUM POSSE CONSISTERE. CETERUM UT TIBI NEGOTIUM GERAS, TUI ARBITRII SIT NOMEN, ID EST UT CUIVIS CREDAS, TU RECIPIAS USURAS, PERICULUM DUMTAXAT AD ME PERTINEAT, IAM EXTRA MANDATI FORMAM EST, QUEMADMODUM SI MANDEM, UT MIHI QUEMVIS FUNDUM EMAS. *ULP. 31 AD EDICT. UTRUM * TANTUM DOLUM AN ETIAM CULPAM PRAESTARE SOCIUM OPORTEAT, QUAERITUR. ET CELSUS LIBRO SEPTIMO DIGESTORUM ITA SCRIPSIT. SOCIOS INTER SE DOLUM ET CULPAM PRAESTARE OPORTET. SI IN COEUNDA SOCIETATE, INQUIT, ARTEM OPERAMVE POLLICITUS EST ALTER, VELUTI CUM PECUS IN COMMUNE PASCENDUM AUT AGRUM POLITORI DAMUS IN COMMUNE QUAERENDIS FRUCTIBUS, NIMIRUM IBI ETIAM CULPA PRAESTANDA EST. PRETIUM ENIM OPERAE ARTIS EST VELAMENTUM. QUOD SI REI COMMUNI SOCIUS NOCUIT, MAGIS ADMITTIT CULPAM QUOQUE VENIRE.* *ULP. IBID. SI ID QUOD QUIS IN SOCIETATEM CONTULIT EXSTINCTUM SIT, VIDENDUM, AN PRO SOCIO AGERE POSSIT. TRACTATUM ITA EST APUD CELSUM LIBRO SEPTIMO DIGESTORUM AD EPISTULAM CORNELII FELICIS. CUM TRES EQUOS HABERES ET EGO UNUM, SOCIETATEM COIMUS, UT ACCEPTO EQUO MEO QUADRIGAM VENDERES ET EX PRETIO QUARTAM MIHI REDDERES. SI IGITUR ANTE VENDITIONEM EQUUS MEUS MORTUUS SIT, NON PUTARE SE CELSUS AIT SOCIETATEM MANERE NEC EX PRETIO EQUORUM TUORUM PARTEM DEBERI. NON ENIM HABENDAE QUADRIGAE, SED VENDENDAE COITAM SOCIETATEM. CETERUM SI ID ACTUM DICATUR, UT QUADRIGA FIERET EAQUE COMMUNICARETUR TUQUE IN EA TRES PARTES HABERES, EGO QUARTAM, NON DUBIE ADHUC SOCII SUMUS. ITEM CELSUS TRACTAT, SI PECUNIAM CONTULISSEMUS AD MERCEM EMENDAM ET MEA PECUNIA PERISSET, CUI PERIERIT EA. ET AIT, SI POST COLLATIONEM EVENIT, UT PECUNIA PERIRET, QUOD NON FIERET, NISI SOCIETAS COITA ESSET, UTRIQUE PERIRE, UT PUTA SI PECUNIA, CUM PEREGRE PORTARETUR AD MERCEM EMENDAM, PERIIT. SI VERO ANTE COLLATIONEM, POSTEAQUAM EAM DESTINASSES, TUNC PERIERIT, NIHIL EO NOMINE CONSEQUERIS, INQUIT, QUIA NON SOCIETATI PERIIT.* VANI TIMORIS IUSTA EXCUSATIO NON EST. * NAM CUM DEFICIANT VULGARIA ATQUE USITATA ACTIONUM NOMINA, PRAESCRIPTIS VERBIS AGENDUM EST. DEDI TIBI PECUNIAM, UT MIHI STICHUM DARES. UTRUM ID CONTRACTUS GENUS PRO PORTIONE EMPTIONIS ET VENDITIONIS EST AN NULLA HIC ALIA OBLIGATIO EST QUAM OB REM DATI RE NON SECUTA. IN QUOD PROCLIVIOR SUM. ET IDEO, SI MORTUUS EST STICHUS, REPETERE POSSUM QUOD IDEO TIBI DEDI, UT MIHI STICHUM DARES, FINGE ALIENUM ESSE STICHUM, SED TE TAMEN EUM TRADIDISSE. REPETERE A TE PECUNIAM POTERO, QUIA HOMINEM ACCIPIENTIS NON FECERIS. ET RURSUS, SI TUUS EST STICHUS ET PRO EVICTIONE EIUS PROMITTERE NON VIS, NON LIBERABERIS, QUO MINUS A TE PECUNIAM REPETERE POSSIM. *POMP. 9 AD SAB. * CELSUS FILIUS AIT HOMINEM LIBERUM SCIENTEM TE EMERE NON POSSE NEC CUIUSCUMQUE REI SI SCIAS ALIENATIONEM ESSE. UT SACRA ET RELIGIOSA LOCA AND QUORUM COMMERCIUM NON SIT, UT PUBLICA, QUAE NON IN PECUNIA POPULI, SED IN PUBLICO USU HABEANTUR, UT EST CAMPUS MARTIUS.* CUM VENDERES FUNDUM, NON DIXISTI "ITA UT OPTIMUS MAXIMUSQUE". VERUM EST, QUOD QUINTO MUCIO PLACEBAT, NON LIBERUM, SED QUALIS ESSET, FUNDUM PRAESTARI OPORTERE. IDEM ET IN URBANIS PRAEDIS DICENDUM EST. *ULP. 28 AD SAB. SABINUS AIT SI TRIBUS VENDENTIBUS DUO POSTERIORI ADDIXERINT, UNUS NON ADMISERIT ADIECTIONEM, HUIUS PARTEM PRIORI, DUORUM POSTERIORI EMPTAM * CELSUS QUOQUE LIBRO OCTAVO DIGESTORUM REFERT MUCIUM BRUTUM LABEONEM QUOD SABINUM EXISTIMARE. IPSE QUOQUE CELSUS IDEM PROBAT ET ADICIT MIRARI SE A NEMINE ANIMADVERSUM, QUOD SI PRIOR EMPTOR ITA CONTRAXIT, UT NISI TOTUM, FUNDUM EMPLUM NOLLET HABERE, NON HABERE EUM EAM PARTEM EMPTAM QUAM UNUS EX SOCIIS POSTERIORI EMPTORI ADDICERE NOLUIT.* *POMP. 15 AD SAB. CELSUS FILIUS PUTABAT, SI VENDIDISSET MIHI FILIUS FAMILIAS REM PECULIAREM, ETIAM, SI CONVENIAT UT ABEATUR AB EA VENDITIONE, INTER PATREM ET FILIUM ET ME CONVENIRE DEBERE, NE, SI CUM PATRE SOLO PACTUS SIM, FILIUS NON POSSIT LIBERARI ET QUAERATUR, UTRUMNE NIHIL AGATUR EX EA PACTIONE AN VERO EGO QUIDEM LIBERER, FILIUS MANEAT OBLIGATUS, SICUTI, SI PUPILLUS SINE TUTORIS AUCTORITATE PACISCATUR, IPSE QUIDEM LIBERATUR, NON ETIAM QUI CUM EO PACTUS EST.* *ULP. 32 AD EDICT. IN HIS AUTEM, QUAE CUM RE EMPTA PRAESTARI SOLENT, NON SOLUM DOLUM, SED ET CULPAM PRAESTANDAM ARBITROR. NAM ET CELSUS LIBRO OCTAVO DIGESTORUM SCRIPSIT, CUM CONVENIT, UT VENDITOR PRAETERITAM MERCEDEM EXIGAT ET EMPTORI PRAESTET, NON SOLUM DOLUM, SED ET CULPAM EUM PRAESTARE DEBERE. IDEM CELSUS LIBRO EODEM SCRIBIT. FUNDI, QUEM CUM TITIO COMMUNEM HABEBAS, PARTEM TUAM VENDIDISTI ET ANTEQUAM TRADERES, COACTUS ES COMMUNI DIVIDUNDO IUDICIUM ACCIPERE. SI SOCIO FUNDUS SIT ADIUDICATUS, QUANTUM OB EAM REM A TITIO CONSECUTUS ES, ID TANTUM EMPTORI PRAESTABIS. QUOD SI TIBI FUNDUS TOTUS ADIUDICATUS EST, TOTUM, INQUIT, EUM EMPTORI TRADES, SED ITA, UT ILLE SOLVAT, QUOD OB EAM REM TITIO CONDEMNATUS ES. SED OB EAM QUIDEM PARTEM, QUAM VENDIDISTI, PRO EVICTIONE CAVERE DEBES, OB ALTERAM AUTEM TANTUM DE DOLO MALO REPROMITTERE. AEQUUM EST ENIM EANDEM ESSE CONDICIONEM EMPTORIS, QUAE FUTURA ESSET, SI CUM IPSO ACTUM ESSET COMMUNI DIVIDUNDO. SED SI CERTIS REGIONIBUS FUNDUM INTER TE ET TITIUM IUDEX DIVISIT, SINE DUBIO PARTEM, QUAE ADIUDICATA EST, EMPTORI TRADERE DEBES.* SI VENDITOR HOMINIS DIXIT PECULIUM EUM HABERE DECEM NEC QUEMQUAM ADEMPTURUM, ET SI PLUS HABET, TOTUM PRAESTET, NISI HOC ACTUM EST, UT DUMTAXAT DECEM PRAESTARET, SI MINUS EST, PRAESTET ESSE DECEM ET TALEM SERVUM ESSE, UT TANTUM PECULII HABEAT. SI PER EMPTOREM STETERIT QUO MINUS EI MANCIPIUM TRADERETUR, PRO CIBARIIS PER ARBITRIUM INDEMNITATEM POSSE SERVARI SEXTUS AELIUS, DRUSUS DIXERUNT, QUORUM ET MIHI IUSTISSIMA VIDETUR ESSE SENTENTIA. FIRMUS A PROCULO QUAESIIT, SI DE PLUMBEO CASTELLO FISTULAE SUB TERRAM MISSAE AQUAM DUCERENT IN AENUM LATERIBUS CIRCUMSTRUCTUM, AN HAE AEDIUM ESSENT AN UT RUTA CAESA VINCTA FIXAQUE QUAE AEDIUM NON ESSENT. ILLE RESCRIPSIT REFERRE, QUID ACTI ESSET. QUID ERGO SI NIHIL DE EA RE NEQUE EMPTOR NEQUE VENDITOR COGITAVERUNT, UT PLERUMQUE IN EIUSMODI REBUS EVENISSE SOLET, NONNE PROPIUS EST, UT INSERTA ET INCLUSA AEDIFICIO PARTEM EIUS ESSE EXISTIMEMUS. *POMP. 11 AD SAB. SI REM, QUAM MIHI ALIENAM VENDIDERAS, A DOMINO REDEMERIM, FALSUM ESSE QUOD NERVA RESPONDISSET POSSE TE A ME PRETIUM CONSEQUI EX VENDITO AGENTEM, QUASI HABERE MIHI REM LICERET, CELSUS FILIUS AIEBAT, QUIA NEC BONAE FIDEI CONVENIRET ET EGO EX ALIA CAUSA REM HABEREM.* IMPOSSIBILIUM NULLA OBLIGATIO EST. *ULP. 32 AD EDICT. CELSUS ETIAM IMPERITIAM CULPAE ADNUMERANDAM LIBRO OCTAVO DIGESTORUM SCRIPSIT. SI QUIS VITULOS PASCENDOS VEL SARCIENDUM QUID POLIENDUMVE CONDUXIT, CULPAM CUM PRAESTARE DEBERE ET QUOD IMPERITIA PECCAVIT, CULPAM ESSE. QUIPPE UT ARTIFEX, INQUIT, CONDUXIT.* *ULP. IBID. SI NOMEN SIT DISTRACTUM, CELSUS LIBRO NONO DIGESTORUM SCRIBIT LOCUPLETEM ESSE DEBITOREM NON DEBERE PRAESTARE, DEBITOREM AUTEM ESSE PRAESTARE, NISI ALIUD CONVENIT.* *PAUL. 7 AD EDICT. ILLUD RECTE DICTUM CELSUS AIT. SI DOTIS USURAS ANNUAS UXOR STIPULATA SIT, LICET EI NON DEBEANTUR, QUIA TAMEN QUASI DE ANNUO CONVENERIT, PETI QUIDEM DOTIS IUDICIO NON POSSUNT, COMPENSARI AUTEM POSSUNT. IDEM ERGO DICEMUS IN QUALIBET PACTIONE ANNUI NOMINE FACTA.* QUAE IAM NUPTAE MARITUS DONAVIT, VIRI MANENT ET POTEST EA VINDICARE. NEC QUICQUAM REFERT, QUOD AMPLA LEGATA AB UXORE EI RELICTA SUNT. INCIVILE EST NISI TOTA LEGE PERSPECTA UNA ALIQUA PARTICULA EIUS PROPOSITA IUDICARE VEL RESPONDERE. *ULP. 31 AD SAB. SI USUS FRUCTUS IN DOTEM DATUS SIT, VIDEAMUS, UTRUM FRUCTUS REDDENDI SUNT NEC NE, ET CELSUS LIBRO DECIMO DIGESTORUM AIT INTERESSE, QUID ACTI SIT, ET NISI APPAREAT ALIUD ACTUM, PUTARE SE IUS IPSUM IN DOTE ESSE, NON ETIAM FRUCTUS QUI PERCIPIUNTUR.* *ULP. 32 AD SAB. SI QUIS ROGATUS SIT PRAECEPTA CERTA QUANTITATE UXORI SUAE HEREDITATEM RESTITUERE ET IS SINE DEDUCTIONE RESTITUERIT, CELSUS LIBRO DECIMO DIGESTORUM SCRIPSIT MAGIS PLENIORE OFFICIO FIDEI PRAESTANDAE FUNCTUM MARITUM QUAM DONASSE VIDERI. ET RECTAM RATIONEM HUIC SENTENTIAE CELSUS ADIECIT, QUOD PLERIQUE MAGIS FIDEM EXSOLVUNT IN HUNC CASUM QUAM DONANT NEC DE SUO PUTANT PROFICISCI, QUOD DE ALIENO PLENIUS RESTITUUNT VOLUNTATEM DEFUNCTI SECUTI. NEC IMMERITO SAEPE CREDIMUS ALIQUID DEFUNCTUM VOLUISSE ET TAMEN NON ROGASSE.* *ULP. 3 DISPUT. SED ET SI IDEO MARITUS EX DOTE EXPENDIT, UT A LATRONIBUS REDIMERET NECESSARIAS MULIERI PERSONAS VEL UT MULIER VINCULIS VINDICET DE NECESSARIS SUIS ALIQUEM, REPUTATUR EI ID QUOD EXPENSUM EST SIVE PARS DOTIS SIT, PRO EA PARTE, SIVE TOTA DOS SIT, ACTIO DOTIS EVANESCIT. ET MULTO MAGIS IDEM DICENDUM EST, SI SOCER AGAT DE DOTE, DEBERE RATIONEM HABERI EIUS QUOD IN IPSUM IMPENSUM EST, SIVE IPSE MARITUS HOC FECIT SIVE FILIAE UT FACIAT DEDIT. SED ET SI NON PATER EXPERIRETUR, SED POST MORTEM EIUS FILIA SOLA DE DOTE AGERET, IDEM ERIT DICENDUM. CUM ENIM DOLI EXCEPTIO INSIT DE DOTE ACTIONI UT IN CETERIS BONAE FIDEI IUDICIIS, POTEST DICI, UT ET CELSO VIDETUR, INESSE HUNC SUMPTUM ACTIONI DE DOTE, MAXIME SI EX VOLUNTATE FILIAE FACTUS SIT.* DOTEM, QUAM DEDIT AVUS PATERNUS, AN POST MORTEM AVI MORTUA IN MATRIMONIO FILIA PATRI REDDI OPORTEAT, QUAERITUR. OCCURRIT AEQUITAS REI, UT, QUOD PATER MEUS PROPTER ME FILIAE MEAE NOMINE DEDIT, PERINDE SIT ATQUE IPSE DEDERIM. QUIPPE OFFICIUM AVI CIRCA NEPTEM EX OFFICIO PATRIS ERGA FILIUM PENDET ET QUIA PATER FILIAE, IDEO AVUS PROPTER FILIUM NEPTI DOTEM DARE DEBET. QUID SI FILIUS A PATRE EXHEREDATUS EST. EXISTIMO NON ABSURDE ETIAM IN EXHEREDATO FILIO IDEM POSSE DEFENDI, NEC INFAVORABILIS SENTENTIA EST, UT HOC SALTEM HABEAT EX PATERNIS, QUOD PROPTER ILLUM DATUM EST. QUOD NERVA DICERET LATIOREM CULPAM DOLUM ESSE, PROCULO DISPLICEBAT, MIHI VERISSIMUM VIDETUR. NAM ET SI QUIS NON AD EUM MODUM QUEM HOMINUM NATURA DESIDERAT DILIGENS EST, NISI TAMEN AD SUUM MODUM CURAM IN DEPOSITO PRAESTAT, FRAUDE NON CARET. NEC ENIM SALVA FIDE MINOREM IS QUAM SUIS REBUS DILIGENTIAM PRAESTABIT. QUAERO, QUANTAE PECUNIAE DOTEM PROMITTENTI ADULTAE MULIERI CURATOR CONSENSUM ACCOMMODARE DEBEAT. RESPONDIT. MODUS EX FACULTATIBUS ET DIGNITATE MULIERIS MARITIQUE STATUENDUS EST, QUOUSQUE RATIO PATITUR. *ULP. 37 AD SAB. SI PUPILLUS PETAT TATEM CURATOREM NEC ADDAT IN QUAM REM, AN IN OMNES CONTROVERSIAS DATUS SIT. ET AIT CELSUS SERVIUM CONSTITUISSE IN OMNES RES DATUM VIDERI.* CURATOR PUPILLO VEL PUPILLAE NON DATUR, SI TUTOR EORUM AFUERIT. *ULP. 3 DE OFF. PROCONS. NEC DUBITABIT [SC. PROCONSUL] FILIUM QUOQUE PATRI CURATOREM DARE. QUAMVIS ENIM CONTRA SIT APUD CELSUM ET APUD ALIOS PLEROSQUE RELATUM, QUASI INDECORUM SIT PATREM A FILIO REGI, ATTAMEN ** NON EST NECESSE PUPILLO PROBARE FIDEIUSSORES PRO TUTORE DATOS, CUM ACCIPIEBANTUR, IDONEOS NON FUISSE. NAM PROBATIO EXIGENDA EST AB HIS, QUORUM OFFICII FUIT PROVIDERE, UT PUPILLO CAVERETUR. IN MAGISTRATUS QUI TUTOREM DEDERUNT ROGO RESCRIBAS UTRUM PRO VIRILI PORTIONE ACTIO DANDA SIT, AN OPTIO SIT EIUS QUI PUPILLUS FUIT, CUM QUO POTISSIMUM AGAT. RESPONDIT. SI DOLO FECERUNT MAGISTRATUS, UT MINUS PUPILLO CAVERETUR, IN QUEM VULT ACTIO EI DANDA IN SOLIDUM EST. SIN CULPA DUMTAXAT EORUM NEQUE DOLO MALO ID FACTUM EST, AEQUIUS ESSE EXISTIMO PRO PORTIONE IN QUEMQUE EORUM ACTIONEM DARI, DUM PUPILLO SALVA RES SIT. *ULP. 38 AD EDICT. TAMDIU AUTEM CONDICTIONI LOCUS ERIT, DONEC DOMINI FACTO DOMINIUM EIUS REI AB EO RECEDAT. ET IDEO SI EAM REM ALIENAVERIT, CONDICERE NON POTERIT. UNDE CELSUS LIBRO DUODECIMO DIGESTORUM SCRIBIT, SI REM FURTIVAM DOMINUS PURE LEGAVERIT FURI, HEREDEM EI CONDICERE NON POSSE.* QUOD AB ALIO SERVUS SUBRIPUIT, EIUS NOMINE LIBER FURTI TENETUR. CONDICI AUTEM EI NON POTEST, NISI LIBER CONTRECTAVIT. *ULP. 41 AD SAB. SED CELSUS DEPREHENSIONI HOC ETIAM ADICIT, SI, CUM VIDISSES EUM SUBRIPIENTEM ET AD COMPREHENDENDUM EUM ACCURRISSES, ABIECTO FURTO EFFUGIT, FUREM MANIFESTUM ESSE. PARVIQUE REFERRE PUTAT, DOMINUS AN VICINUS AN QUILIBET TRANSIENS ADPREHENDAT.* *ULP. 29 AD SAB. EUM QUI EMIT, SI NON TRADITA EST EI RES, FURTI ACTIONEM NON HABERE, SED ADHUC VENDITORIS ESSE HANC ACTIONEM CELSUS SCRIPSIT. MANDARE EUM PLANE OPORTEBIT EMPTORI FURTI ACTIONEM ET CONDICTIONEM ET VINDICATIONEM, ET SI QUID EX HIS ACTIONIBUS FUERIT CONSECUTUS, ID PRAESTARE EUM EMPTORI OPORTEBIT. QUAE SENTENTIA VERA EST, ET ITA ET IULIANUS.* *ULP. IBID. AN PATER, CUIUS FILIO COMMODATA RES EST, FURTI ACTIONEM HABEAT, QUAERITUR. ET IULIANUS AIT PATREM HOC NOMINE AGERE NON POSSE, QUIA CUSTODIAM PRAESTARE NON DEBEAT. SICUT, INQUIT, IS QUI PRO EO, CUI COMMODATA RES EST, FIDEIUSSIT, NON HABET FURTI ACTIONEM. NEQUE ENIM, INQUIT, IS, CUIUSCUMQUE INTERERIT REM NON PERIRE, HABET FURTI ACTIONEM, SED QUI OB EAM REM TENETUR, QUOD EA RES CULPA EIUS PERIERIT. QUAM SENTENTIAM CELSUS QUOQUE LIBRO DUODECIMO DIGESTORUM PROBAT.* *ULP. 18 AD SAB. * EI, QUI VI ALIQUEM DE FUNDO DEIECIT, POSSE FUNDUM CONDICI SABINUS SCRIBIT, ET ITA ET CELSUS, SED ITA, SI DOMINUS SIT QUI DEIECTUS CONDICAT. CETERUM SI NON SIT, POSSESSIONEM EUM CONDICERE CELSUS AIT.* *ULP. 41 AD SAB. SI QUIS SPONTE REM IECIT VEL IACTAVIT, NON QUASI PRO DERELICTO HABITURUS, TUQUE HANC REM TULERIS, AN FURTI TENEARIS, CELSUS LIBRO DUODECIMO DIGESTORUM QUAERIT. ET AIT. SI QUIDEM PUTASTI PRO DERELICTO HABITAM, NON TENERIS. QUOD SI NON PUTASTI, HIC DUBITARI POSSE AIT. ET TAMEN MAGIS DEFENDIT NON TENERI, QUIA, INQUIT, RES NON INTERVERTITUR EI, QUI EAM SPONTE REIECIT.* *ULP. 37 AD EDICT. OPE CONSILIO FURTUM FACTUM CELSUS AIT NON SOLUM, SI IDCIRCO FUERIT FACTUM, UT SOCII FURARENTUR, SED ET SI NON, UT SOCII FURARENTUR, INIMICITIARUM TAMEN CAUSA FECERIT.* INFITIANDO DEPOSITUM NEMO FACIT FURTUM (NEC ENIM FURTUM EST IPSA INFITIATIO, LICET PROPE FURTUM EST). SED SI POSSESSIONEM EIUS APISCATUR INTERVERTENDI CAUSA, FACIT FURTUM. NEC REFERT, IN DIGITO HABEAT ANULUM AN DACTYLIOTHECA QUEM, CUM DEPOSITO TENERET, HABERE PRO SUO DESTINAVERIT. SI TIBI SUBREPTUM EST, QUOD NISI DIE CERTA DEDISSES, POENAM PROMISISTI, IDEOQUE SUFFERRE EAM NECESSE FUIT, FURTI ACTIONE HOC QUOQUE COAESTIMABITUR. INFANS APUD FUREM ADOLEVIT. TAM ADULESCENTIS FURTUM FECIT ILLE QUAM INFANTIS, ET UNUM TAMEN FURTUM EST. IDEOQUE DUPLI TENETUR, QUANTI UMQUAM APUD EUM PLURIMI FUIT. NAM QUOD SEMEL DUMTAXAT FURTI AGI CUM EO POTEST, QUID REFERT PROPOSITAE QUAESTIONI. QUIPPE, SI SUBREPTUS FURI FORET AC RURSUS A FURE ALTERO EUM RECUPERASSET, ETIAM SI DUO FURTA FECISSET, NON AMPLIUS QUAM SEMEL CUM EO FURTI AGI POSSET. NEC DUBITAVERIM, QUIN ADULESCENTIS POTIUS QUAM INFANTIS AESTIMATIONEM FIERI OPORTERET. ET QUID TAM RIDICULUM EST QUAM MELIOREM FURIS CONDICIONEM ESSE PROPTER CONTINUATIONEM FURTI EXISTIMARE. CUM SERVUS INEMPTUS FACTUS SIT, NON POSSE EMPTOREM FURTI AGERE CUM VENDITORE OB ID, QUOD IS SERVUS POST EMPTIONEM, ANTEQUAM REDDERETUR, SUBRIPUISSET. QUOD FURI IPSI FURTUM FECERIT FURTIVUS SERVUS, EO NOMINE ACTIONEM CUM DOMINO FUREM HABITURUM PLACET, NE FACINORA TALIUM SERVORUM NON SOLUM IPSIS IMPUNITATEM, SED DOMINIS QUOQUE EORUM QUAESTUI ERUNT. PLERUMQUE ENIM EIUS GENERIS SERVORUM FURTIS PECULIA EORUNDEM AUGENTUR. SI COLONUS POST LUSTRUM CONDUCTIONIS ANNO AMPLIUS FRUCTUS INVITO DOMINO PERCEPERIT, VIDENDUM, NE MESSIS ET VINDEMIAE FURTI CUM EO AGI POSSIT. ET MIHI DUBIUM NON VIDETUR, QUIN FUR ET SI CONSUMPSERIT REM SUBREPTAM, REPETI EA AB EO POSSIT. *ULP. 28 AD SAB. * QUAERITUR, SI QUIS LIBERTO SUO LEGAVERIT, SI FILIO SUO IURAVERIT SE DECEM OPERARUM NOMINE PRAESTATURUM, AN OBLIGETUR IURANDO. ET CELSUS IUVENTIUS OBLIGARI EUM AIT PARVIQUE REFERRE, QUAM OB CAUSAM DE OPERIS LIBERTUS IURAVERIT. ET EGO CELSO ADQUIESCO.* *ULP. 38 AD EDICT. NEQUE PROMITTI NEQUE SOLVI NEC DEBERI NEC PETI PRO PARTE POTERIT OPERA. IDEO PAPINIANUS SUBICIT. SI NON UNA, SED PLURES OPERAE SINT ET PLURES HEREDES EXISTANT PATRONO QUI OPERAS STIPULATUS EST, VERUM EST OBLIGATIONEM OPERARUM NUMERO DIVIDI. DENIQUE CELSUS LIBRO DUODECIMO SCRIBIT, SI COMMUNIS LIBERTUS PATRONIS DUOBUS OPERAS MILLE DATURUM SE IURAVERIT AUT COMMUNI EORUM SERVO PROMISERIT, QUINGENAS POTIUS DEBERI, QUAM SINGULARUM OPERARUM DIMIDIAS.* SI LIBERTUS ITA IURAVERIT DARE SE, QUOT OPERAS PATRONUS ARBITRATUS SIT, NON ALITER RATUM FORE ARBITRIUM PATRONI, QUAM SI AEQUUM ARBITRATUS SIT. ET FERE EA MENS EST PERSONAM ARBITRIO SUBSTITUENTIUM, UT, QUIA SPERENT EUM RECTE ARBITRATURUM. ID FACIANT, NON QUIA VEL IMMODICE OBLIGARI VELINT. IN LIBERTAM, QUAE VOLUNTATE PATRONI NUPSIT, PRAETERITARUM ANTE NUPTIAS OPERARUM ACTIO DATUR. NIHIL PETI POTEST ANTE ID TEMPUS, QUO PER RERUM NATURAM PERSOLVI POSSIT. ET CUM SOLVENDI TEMPUS OBLIGATIONI ADDITUR, NISI EO PRAETERITO PETI NON POTEST. SI NEPOTES IN LOCUM FILII SUCCESSERUNT, UNA PORTIO IS CONFERRI DEBET, UTI BONORUM POSSESSIONIS UNAM PARTEM HABENT. SED ET IPSI ITA CONFERRE DEBENT, QUASI OMNES UNUS ESSENT. NON EST DUBIUM, QUIN EA LEGATA, A QUIBUS HERES SUMMOVERE EXCEPTIONE PETITOREM POTEST, IN QUARTAM EI IMPUTENTUR NEC CETERORUM LEGATA MINUANT. DOMITIUS LABEO CELSO SUO SALUTEM. QUAERO, AN TESTIUM NUMERO HABENDUS SIT IS, QUI, CUM ROGATUS EST AD TESTAMENTUM SCRIBENDUM, IDEM QUOQUE CUM TABULAS SCRIPSISSET, SIGNAVERIT. IUVENTIUS CELSUS LABEONI SUO SALUTEM. NON INTELLEGO QUID SIT, DE QUO ME CONSULUERIS, AUT VALIDE STULTA EST CONSULTATIO TUA. PLUS ENIM QUAM RIDICULUM EST DUBITARE, AN ALIQUIS IURE TESTIS ADHIBITUS SIT, QUONIAM IDEM ET TABULAS TESTAMENTI SCRIPSERIT. *IUSTINIAN. SI * VOX ARTICULATA EI A NATURA CONCESSA EST, NIHIL PROHIBET EUM OMNIA QUAE VOLUIT FACERE, QUIA SCIMUS QUOSDAM IURIS PERITOS ET HOC SUBTILIUS COGITASSE ET NULLUM ESSE EXPOSUISSE, QUI PENITUS NON EXAUDIT, SI QUIS SUPRA CEREBRUM ILLIUS LOQUATUR, SECUNDUM QUOD IUVENTIO CELSO PLACUIT.* *IULIAN. 29 DIG. SI ITA SCRIPTUM SIT. "SI FILIUS MIHI NATUS FUERIT, EX BESSE HERES ESTO. EX RELIQUA PARTE UXOR MEA HERES ESTO. SI VERO FILIA MIHI NATA FUERIT, EX TRIENTE HERES ESTO. EX RELIQUA PARTE UXOR HERES ESTO", ET FILIUS ET FILIA NATI ESSENT, DICENDUM EST ASSEM DISTRIBUENDUM ESSE IN SEPTEM PARTES, UT EX HIS FILIUS QUATTUOR, UXOR DUAS, FILIA UNAM PARTEM HABEAT. ITA ENIM SECUNDUM VOLUNTATEM TESTANTIS FILIUS ALTERO TANTO AMPLIUS HABEBIT QUAM UXOR, ITEM UXOR ALTERO TANTO AMPLIUS QUAM FILIA. LICET ENIM SUPTILI IURIS REGULAE CONVENIEBAT RUPTUM FIERI TESTAMENTUM, ATTAMEN CUM EX UTROQUE NATO TESTATOR VOLUERIT UXOREM ALIQUID HABERE, IDEO AD HUIUSMODI SENTENTIAM HUMANITATE SUGGERENTE DECURSUM EST, QUOD ETIAM IUVENTIO CELSO APERTISSIME PLACUIT.* SI COITA SIT SOCIETAS EX HIS PARTIBUS, QUAS TITIUS ARBITRATUS FUERIT, SI TITIUS ANTEQUAM ARBITRARETUR DECESSERIT, NIHIL AGITUR. NAM ID IPSUM ACTUM EST, NE ALITER SOCIETAS SIT, QUAM UT TITIUS ARBITRATUS SIT. SI FILIAE PATER DOTEM ARBITRATU TUTORUM DARI IUSSISSET, TUBERO PERINDE HOC HABENDUM AIT AC SI VIRI BONI ARBITRATU LEGATUM SIT. LABEO QUAERIT, QUEMADMODUM APPARET, QUANTAM DOTEM CUIUSQUE FILIAE BONI VIRI ARBITRATU CONSTITUI OPORTET. AIT ID NON ESSE DIFFICILE EX DIGNITATE, EX FACULTATIBUS, EX NUMERO LIBERORUM TESTAMENTUM FACIENTIS AESTIMARE. *MARCIAN. 3 REGUL. SI QUIS ITA SCRIPSERIT. "STICHUS, SI MEUS ERIT CUM MORIOR, LIBER ET HERES ESTO", ALIENATUS NON POTERIT IUSSU EMPTORIS ADIRE HEREDITATEM, QUAMVIS, ETSI NON ERAT HOC EXPRESSUM, NON ALIAS LIBER ET HERES FIERI POTERAT, QUAM SI MANSISSET EIUS. SED SI VIVUS EUM MANUMISERIT, CELSUS LIBRO QUINTO DECIMO DIGESTORUM SCRIBIT FIERI HUNC HEREDEM. NON ENIM HUNC CASUM TESTATOREM VOLUISSE EXCLUDERE PALAM EST NEQUE VERBA OMNINO REPUGNANT. NAM QUAMVIS SERVUS EIUS NON EST, AT CERTE LIBERTUS EST.* *ULP. 6 AD SAB. CELSUS LIBRO QUINTO DECIMO DIGESTORUM SCRIPSIT. EUM, QUI METU VERBORUM VEL ALIQUO TIMORE COACTUS FALLENS ADIERIT HEREDITATEM, SIVE LIBER SIT, HEREDEM NON FIERI PLACET, SIVE SERVUS SIT, DOMINUM HEREDEM NON FACERE.* SI PATRE COGENTE DUCIT UXOREM, QUAM NON DUCERET, SI SUI ARBITRII ESSET, CONTRAXIT TAMEN MATRIMONIUM, QUOD INTER INVITOS NON CONTRAHITUR. MALUISSE HOC VIDETUR. *ULP. 4 AD SAB. QUOCUMQUE GRADU PUPILLO SERVUS CUM LIBERTATE SUBSTITUTUS SIT, NECESSARII CAUSAM OPTINET. QUAE SENTENTIA UTILITATIS CAUSA RECEPTA EST ET A NOBIS PROBATUR. CELSUS QUOQUE PUTAT LIBRO QUINTO DECIMO CUM LIBERTATE SUBSTITUTUM STATULIBERI CAUSAM OPTINERE.* *ULP. 32 AD SAB. SED SI DEBITOREM SUUM EI [SC. VIR UXORI] SOLVERE IUSSERIT, HIC QUAERITUR, AN NUMMI FIANT EIUS DEBITORQUE LIBERETUR. ET CELSUS LIBRO QUINTO DECIMO DIGESTORUM SCRIBIT VIDENDUM ESSE, NE DICI POSSIT ET DEBITOREM LIBERATUM ET NUMMOS FACTOS MARITI, NON UXORIS. NAM ET SI DONATIO IURE CIVILI NON IMPEDIRETUR, EUM REI GESTAE ORDINEM FUTURUM, UT PECUNIA AD TE A DEBITORE TUO, DEINDE A TE AD MULIEREM PERVENIRET. NAM CELERITATE CONIUNGENDARUM INTER SE ACTIONUM UNAM ACTIONEM OCCULTARI, CETERUM DEBITOREM CREDITORI DARE, CREDITOREM UXORI. NEC NOVUM AUT MIRUM ESSE, QUOD PER ALIUM ACCIPIAS, TE ACCIPERE. NAM ET SI IS, QUI CREDITORIS TUI SE PROCURATOREM ESSE SIMULAVERIT, A DEBITORE TUO IUBENTE TE PECUNIAM ACCEPERIT, ET FURTI ACTIONEM TE HABERE CONSTAT ET IPSAM PECUNIAM TUAM ESSE.* *ULP. 2 AD SAB. CIRCA EOS, QUI ITA HEREDES INSTITUTI SINT. "EX PARTIBUS QUAS ADSCRIPSERO", NON PUTAT MARCELLUS EOS HEREDES NULLIS ADSCRIPTIS PARTIBUS, QUEMADMODUM SI ITA ESSENT HEREDES INSTITUTI. "SI EIS PARTES ADSCRIPSERO". SED MAGIS EST, UT SIC UTRAQUE INSTITUTIO ACCIPIATUR, SI VOLUNTAS DEFUNCTI NON REFRAGATUR. "EX QUIBUS PARTIBUS ADSCRIPSERO, SI MINUS, EX AEQUIS", QUASI DUPLICI FAETA INSTITUTIONE. QUAM SENTENTIAM CELSUS LIBRO SEXTO DECIMO DIGESTORUM PROBAT. ALITER ATQUE PROBAT IN ILLA INSTITUTIONE. "EX QUA PARTE ME TITIUS HEREDEM SCRIPSIT, SEIUS HERES ESTO". TUNC ENIM SI NON EST A TITIO SCRIPTUS, NEC SEIUS AB EO, NEC IMMERITO. HIC ENIM CREDITUR INESSE CONDICIO. SED MARCELLUS HAEC SIMILIA PUTAT.* *ULP. 5 AD SAB. SED SI NON IN CORPORE ERRAVIT, SED IN PARTE, PUTA SI, CUM DICTASSET EX SEMISSE ALIQUEM SCRIBI, EX QUADRANTE SIT SCRIPTUS, CELSUS LIBRO DUODECIMO QUAESTIONUM, DIGESTORUM UNDECIMO POSSE DEFENDI AIT EX SEMISSE HEREDEM FORE, QUASI PLUS NUNCUPATUM SIT, MINUS SCRIPTUM. QUAE SENTENTIA RESCRIPTIS ADIUVATUR GENERALIBUS. IDEMQUE EST ET SI IPSE TESTATOR MINUS SCRIBAT, CUM PLUS VELLET ADSCRIBERE. SED SI MAIOREM ADSCRIPSERIT TESTAMENTARIUS VEL (QUOD DIFFICILIUS EST PROBATIONE) IPSE TESTATOR, UT PRO QUADRANTE SEMISSEM, PROCULUS PUTAT EX QUADRANTE FORE HEREDEM, QUONIAM INEST QUADRANS IN SEMISSE. QUAM SENTENTIAM ET CELSUS PROBAT. SI DUO SINT HEREDES INSTITUTI, UNUS EX PARTE TERTIA FUNDI CORNELIANI, ALTER EX BESSE EIUSDEM FUNDI, CELSUS EXPEDITISSIMAM SABINI SENTENTIAM SEQUITUR, UT DETRACTA FUNDI MENTIONE QUASI SINE PARTIBUS HEREDES SCRIPTI HEREDITATE POTIRENTUR, SI MODO VOLUNTAS PATRIS FAMILIAS MANIFESTISSIME NON REFRAGATUR.* *ULP. 7 AD SAB. IDEM [SABINUS.] TRACTAT, SI DUOS EX UNDECIM, DUOS SINE PARTE SCRIPSIT, MOX UNUS EX HIS, QUI SINE PARTE FUERUNT, REPUDIAVERIT, UTRUM OMNIBUS SEMUNCIA AN AD SOLUM SINE PARTE SCRIPTUM PERTINEAT. ET VARIAT. SED SERVIUS OMNIBUS ADCRESCERE AIT, QUAM SENTENTIAM VERIOREM PUTO. NAM QUANTUM AD IUS ADCRESCENDI NON SUNT CONIUNCTI, QUI SINE PARTE INSTITUUNTUR. QUOD ET CELSUS LIBRO SEXTO DECIMO DIGESTORUM PROBAT. IDEMQUE PUTAT ET SI EXPLETO ASSE DUOS SINE PARTE HEREDES SCRIPSERIT, NEQUE HOS NEQUE ILLOS CONIUNCTOS.* "TITIUS ET SEIUS UTERVE EORUM VIVET HERES MIHI ESTO". EXISTIMO, SI UTERQUE VIVAT, AMBO HEREDES ESSE, ALTERO MORTUO EUM QUI SUPERERIT EX ASSE HEREDEM FORE. IDQUE ET IN LEGATO EODEM MODO RELICTO SENATUS CENSUIT. *POMP. 3 AD SAB. SI TE SOLUM EX PARTE DIMIDIA PURE, EX ALTERA SUB CONDICIONE HEREDEM INSTITUERO ET SUBSTITUERO TIBI, NON EXISTENTE CONDICIONE SUBSTITUTUM EX EA PARTE HEREDEM FORE CELSUS AIT. SED SI TE HEREDEM INSTITUERO ET DEINDE EUNDEM TE SUB CONDICIONE INSTITUAM, NIHIL VALERE SEQUENTEM INSTITUTIONEM, QUIA SATIS PLENA PRIOR FUISSET.* LIBER HOMO CUM TIBI SERVIRET, HERES INSTITUTUS IUSSU TUO ADIIT. TREBATIUS ESSE EUM HEREDEM. LABEO TUNC NON ESSE HEREDEM, SI NECESSITATE ID FECERIT, NON QUOD ALIOQUIN VELLET OBLIGARI. *POMP. 11 AD SAB. SI LIBERO HOMINI, QUI MIHI BONA FIDE SERVIEBAT, QUASI SERVO REM COMMODAVERO, VIDEAMUS, AN HABEAM COMMODATI ACTIONEM. NAM ET CELSUS FILIUS AIEBAT, SI IUSSISSEM EUM ALIQUID FACERE, VEL MANDATI CUM EO VEL PRAESCRIPTIS VERBIS EXPERIRE ME POSSE.* SI QUIS ITA HEREDEM INSTITUERIT. "TITIUS QUA EX PARTE MIHI SOCIUS EST IN VECTIGALI SALINARUM, PRO EA PARTE MIHI HERES ESTO", QUIDAM PUTANT, SI ASSE DESCRIPTO ID ADIECTUM SIT, UT MAXIME SOCIUS FUERIT TITIUS, NON ESSE HEREDEM, SED SI QUA PARS VACUA RELICTA FUERIT, EX EA HEREDEM ESSE. QUOD TOTUM ET INEPTUM ET VITIOSUM EST. QUID ENIM VETAT ASSE DESCRIPTO UTILITER TITIUM EX PARTE FORTE QUARTA, EX QUA SOCIUS ERAT, HEREDEM INSTITUTUM ESSE. "TITIUS HERES ESTO. SEIUS ET MAEVIUS HEREDES SUNTO". VERUM EST QUOD PROCULO PLACET DUOS SEMISSES ESSE, QUORUM ALTER CONIUNCTIM DUOBUS DATUR. CUM QUIS EX INSTITUTIS, QUI NON CUM ALIQUO CONIUNCTIM INSTITUTUS SIT, HERES NON EST, PARS EIUS OMNIBUS PRO PORTIONIBUS HEREDITARIIS ADCRESCIT, NEQUE REFERT, PRIMO LOCO QUIS INSTITUTUS AN ALICUI SUBSTITUTUS HERES SIT. SI HERES INSTITUTUS SCRIBENDI TESTAMENTI TEMPORE CIVIS ROMANUS FUIT, DEINDE EI AQUA ET IGNI INTERDICTUM EST, HERES FIT, SI INTRA ILLUD TEMPUS QUO TESTATOR DECESSIT REDIERIT AUT, SI SUB CONDICIONE HERES INSTITUTUS EST, QUO TEMPORE CONDICIO EXSISTIT. IDEM ET IN LEGATIS ET IN BONORUM POSSESSIONIBUS. "TITIUS EX SEMISSE HERES ESTO. SEIUS EX QUADRANTE HERES ESTO. TITIUS SI IN CAPITOLIUM ASCENDERIT, EX ALIO QUADRANTE HERES ESTO". ANTEQUAM CAPITOLIUM ASCENDAT SI PRO HEREDE GERAT, EX SEMISSE HERES ERIT. SI CAPITOLIUM ASCENDERIT, ET EX QUADRANTE HERES ERIT, NEC ERIT EI NECESSE PRO HEREDE GERERE QUIPPE IAM HEREDI. SI ITA SCRIPTUM FUERIT. "TITIUS EX PARTE TERTIA, MAEVIUS EX PARTE TERTIA HEREDES SUNTO. TITIUS, SI INTRA TERTIAS KALENDAS NAVIS EX ASIA VENERIT, EX RELIQUA PARTE HERES ESTO". VIDEAMUS, NE TITIUS STATIM EX SEMISSE HERES SIT. NAM DUO HEREDES INSTITUTI SUNT, SED TITIUS AUT EX SEMISSE AUT EX BESSE. ITA SEXTANS UTIQUE ERIT IN PENDENTI ET, SI CONDICIO EXSTITERIT, EX BESSE HERES ERIT, SI NON EXSTITERIT, ILLE SEXTANS MAEVIO ADCRESCET. SED SI DECESSERIT TITIUS, ANTEQUAM CONDICIO EXSISTAT, DEINDE CONDICIO EXSTITERIT, TAMEN ILLE SEXTANS NON TITII HEREDI, SED MAEVIO ADCRESCET. NAM CUM ADHUC DUBIUM ESSET, TITIO AN MAEVIO IS SEXTANS DATUS ESSET, TITIUS DECESSIT NEC POTEST INTELLEGI DATUS EI QUI TEMPORE DANDI IN RERUM NATURA NON FUIT. SI ATTIUS TITIUM ET MAEVIUM ET SEIUM AEQUIS PARTIBUS HEREDES INSTITUIT, TITIUS INTERIM SOLUS ADIIT HEREDITATEM ET SEIUM HEREDEM INSTITUIT, POTERIT SEIUS TITII ADIRE HEREDITATEM, ATTII VEL ADIRE VEL OMITTERE. SED ATTIO, ANTEQUAM ADEAT VEL OMITTAT EIUS HEREDITATEM, EX SEMISSE HERES ERIT. SI ADIERIT SEIUS ATTII HEREDITATEM, TITIUS EX TRIENTE DUMTAXAT HERES ERIT ET PER HEREDITATEM TITII TRIENS DUMTAXAT AD SEIUM PERVENIET, ALTERUM TRIENTEM EX SUA INSTITUTIONE HABEBIT. QUID ERGO, SI AB ATTIO TITIUS ET SEIUS HEREDES INSTITUTI SUNT, TITIUS ADIERIT HEREDITATEM, TITIO SEIUS HERES EXSTITERIT. POTESTNE ATTII HEREDITATEM OMITTERE AN NECESSARIO EI EX ASSE HERES EST. QUIPPE CUM ALIUS NEMO HERES INSTITUTUS EST, QUAM IS IPSE QUI EX ALIQUA PARTE IAM HERES EST, PERINDE EST, QUASI UNUS HERES PER TITIUM INSTITUTUS SIT. *ULP. 6 AD SAB. SED SI DUO SERVI ITA SINT HEREDES INSTITUTI. "PRIMUS ET SECUNDUS, SI MEI ERUNT CUM MORIAR, LIBERI ET HEREDES SUNTO" ET ALTER EX HIS SIT ALIENATUS, CELSUS RECTE PUTAT SIC ACCIPIENDUM, ATQUE SI SINGULOS SEPARATIM SUB EADEM CONDICIONE HEREDES INSTITUISSET.* SERVUS ALIENUS ITA HERES INSTITUI POTEST "CUM LIBER ERIT". PROPRIUS AUTEM ITA INSTITUI NON POTEST. SI TITIO AUT SEIO, UTRI HERES VELLET, LEGATUM RELICTUM EST, HERES ALTERI DANDO AB UTROQUE LIBERATUR. SI NEUTRI DAT, UTERQUE PERINDE PETERE POTEST ATQUE SI IPSI SOLI LEGATUM FORET. NAM UT STIPULANDO DUO REI CONSTITUI POSSUNT, ITA ET TESTAMENTO POTEST ID FIERI. SI QUIS PRAEGNATEM UXOREM RELIQUIT, NON VIDETUR SINE LIBERIS DECESSISSE. *ULP. 50 AD EDICT. SI PATRONUS EX DEBITA SIBI PORTIONE HERES SCRIPTUS DATO SIBI COHEREDE EX ALIA PARTE OMISERIT INSTITUTIONEM, QUIA DEBITA PARS EIUS ERAT EXHAUSTA, OMISERIT ET COHERES, DEINDE POSSIDEAT PATRONUS AB INTESTATO LEGITIMAM HEREDITATEM TOTAM, DANDAM IN EUM LEGATORUM ACTIONEM CELSUS LIBRO SEXTO DECIMO DIGESTORUM AIT, QUAE IN TITIUM COMPETERET, SUFFICERETQUE PATRONO, QUOD INTEGRAM DEBITAM SIBI PORTIONEM HABEAT. HAEC AUTEM ITA SUNT, SI COHERES COLLUSIT CUM PATRONO. ALITER ENIM NON ESSE PATRONUM COGENDUM LEGATA PRAESTARE. NEQUE ENIM INTERDICTUM EST, UT QUIS OMITTAT HEREDITATEM, SI SINE FRAUDE ID FIAT.* CUI SERVUS IPSIUS SUBSTITUTUS EST, SERVUM SUUM ADIRE IUSSIT. SI IDCIRCO FECIT, NE LEGATA PRAESTARET, UTRAQUE PRAESTABIT, ET QUA HERES EST ET QUA OMISSA CAUSA TESTAMENTI POSSIDET EX SUBSTITUTIONE HEREDITATEM, SALVA FALCIDIA EI SERVATA. * NAM AD EA POTIUS DEBET APTARI IUS, QUAE ET FREQUENTER ET FACILE, QUAM QUAE PERRARO EVENIUNT. QUINGENTA TESTAMENTO TIBI LEGATA SUNT. IDEM SCRIPTUM EST IN CODICILLIS POSTEA SCRIPTIS. REFERT, DUPLICARE LEGATUM VOLUERIT AN REPETERE ET OBLITUS SE IN TESTAMENTO LEGASSE ID FECERIT. AB UTRO ERGO PROBATIO EIUS REI EXIGENDA EST. PRIMA FRONTE AEQUIUS VIDETUR, UT PETITOR PROBET QUOD INTENDIT. SED NIMIRUM PROBATIONES QUAEDAM A REO EXIGUNTUR. NAM SI CREDITUM PETAM, ILLE RESPONDEAT SOLUTAM ESSE PECUNIAM, IPSE HOC PROBARE COGENDUS EST. ET HIC IGITUR CUM PETITOR DUAS SCRIPTURAS OSTENDIT, HERES POSTERIOREM INANEM ESSE, IPSE HERES ID ADPROBARE IUDICI DEBET. *ULP. 15 AD SAB. SI ITA SIT ADSCRIPTUM. "SI CUI LEGAVERO BIS, SEMEL HERES EI DATO" VEL "UT SEMEL DEBEATUR", ET EIDEM DUAS QUANTITATES ADSCRIPSERIT VEL DUOS FUNDOS, AN UTRUMQUE DEBEATUR. ET AIT ARISTO UNUM VIDERI LEGATUM. NAM QUOD ADEMPTUM EST, NEC DATUM VIDERI SECUNDUM CELSI ET MARCELLI SENTENTIAM, QUAE VERA EST.* SI ANCILLAS OMNES ET QUOD EX HIS NATUM ERIT TESTATOR LEGAVERIT, UNA MORTUA SERVIUS PARTUM EIUS NEGAT DEBERI, QUIA ACCESSIONIS LOCO LEGATUS SIT. QUOD FALSUM PUTO ET NEC VERBIS NEC VOLUNTATI DEFUNCTI ACCOMMODATA HAEC SENTENTIA EST. HEREDEM MEUM ITA TIBI OBLIGARE POSSUM, UT SI, QUANDOQUE EGO MORIAR, TUUS SERVUS STICHUS NON ERIT, DARE EUM TIBI DAMNAS SIT. *MARCIAN. 7 INSTIT. ORNATRICIBUS LEGATIS CELSUS SCRIPSIT EAS, QUAE DUOS TANTUM MENSES APUD MAGISTRUM FUERUNT, LEGATO NON CEDERE, ALII ET HAS CEDERE ** SI PROPTER EA, QUAE SUB CONDICIONE LEGATA SUNT, PENDET LEGIS FALCIDIAE RATIO, PRAESENTI DIE DATA NON TOTA VINDICABUNTUR. *ULP. 23 AD SAB. * LABEO SABINUS ET CELSUS ET CASSIUS ET IULIANUS IN OMNIBUS, QUAE IN ANNOS SINGULOS RELINQUUNTUR, HOC PROBAVERUNT, UT INITIO CUIUSQUE ANNI HUIUS LEGATI DIES CEDERET. ITEM CELSUS SCRIBIT, QUOD ET IULIANUS PROBAT, HUIUS LEGATI DIEM EX DIE MORTIS CEDERE, NON EX QUO ADITA EST HEREDITAS, ET SI FORTE POST MULTOS ANNOS ADEATUR HEREDITAS, OMNIUM ANNORUM LEGATARIO DEBERI.* UBI PUGNANTIA INTER SE IN TESTAMENTO IUBERENTUR, NEUTRUM RATUM EST. QUAE RERUM NATURA PROHIBENTUR, NULLA LEGE CONFIRMATA SUNT. SOLUM PARTEM ESSE AEDIUM EXISTIMO NEC ALIOQUIN SUBIACERE UTI MARE NAVIBUS. MEUM EST, QUOD EX RE MEA SUPEREST, CUIUS VINDICANDI IUS HABEO. SI IS, CUI LEGATUS SIT STICHUS AUT PAMPHILUS, CUM STICHUM SIBI LEGATUM PUTARET, VINDICAVERIT, AMPLIUS MUTANDAE VINDICATIONIS IUS NON HABET. TAMQUAM SI DAMNATUS HERES ALTERUTRUM DARE STICHUM DEDERIT, CUM IGNORET SIBI PERMISSUM VEL PAMPHILUM DARE, NIHIL REPETERE POSSIT. PROPEMODUM TANTUM QUISQUE PECUNIAE RELINQUIT, QUANTUM EX BONIS EIUS REFICI POTEST. SIC DICIMUS CENTIES AUREORUM HABERE, QUI TANTUM IN PRAEDIIS CETERISQUE SIMILIBUS REBUS HABEAT. NON IDEM EST IN FUNDO ALIENO LEGATO, QUAMQUAM IS HEREDITARIA PECUNIA PARARI POTEST. NEQUE QUISQUAM EUM, QUI PECUNIAM NUMERATAM HABET, HABERE DICIT QUIDQUID EX EA PARARI POTEST. EST ENIM USUS FRUCTUS IUS IN CORPORE, QUO SUBLATO ET IPSUM TOLLI NECESSE EST. *ULP. 17 AD SAB. QUONIAM IGITUR OMNIS FRUCTUS REI AD EUM PERTINET, REFICERE QUOQUE EUM AEDES PER ARBITRUM COGI CELSUS SCRIBIT CELSUS LIBRO OCTAVO DECIMO DIGESTORUM, HACTENUS TAMEN, UT SARTA TECTA HABEAT. SI QUA TAMEN VETUSTATE CORRUISSENT, NEUTRUM COGI REFICERE, SED SI HERES REFECERIT, PASSURUM FRUCTUARIUM UTI. UNDE CELSUS DE MODO SARTA TECTA HABENDI QUAERIT, SI QUAE VETUSTATE CORRUERUNT REFICERE NON COGITUR. MODICA IGITUR REFECTIO AD EUM PERTINET, QUONIAM ET ALIA ONERA ADGNOSCIT USU FRUCTU LEGATO. UT PUTA STIPENDIUM VEL TRIBUTUM VEL SALARIUM VEL ALIMENTA AB EA RE RELICTA. ET ITA MARCELLUS LIBRO TERTIO DECIMO SCRIBIT.* *ULP. IBID. ITEM SI FUNDI USUS FRUCTUS SIT LEGATUS, QUIDQUID IN FUNDO NASCITUR, QUIDQUID INDE PERCIPI POTEST, IPSIUS FRUCTUS EST, SIC TAMEN UT BONI VIRI ARBITRATU FRUATUR. NAM ET CELSUS LIBRO OCTAVO DECIMO DIGESTORUM SCRIBIT COGI EUM POSSE RECTE COLERE.* *ULP. IBID. * QUAMQUAM SABINUS RESPONDERIT, UT ET CELSUS LIBRO XVIII DIGESTORUM REFERT, EUM, QUI PARTEM USUSFRUCTUS IN IURE CESSIT, ET AMITTERE PARTEM ET IPSO MOMENTO RECIPERE. QUAM SENTENTIAM IPSE UT STOLIDAM REPREHENDIT. ETENIM ESSE INCOGITABILE EANDEM ESSE CAUSAM CUIQUE ET AMITTENDI ET RECIPIENDI.* *ULP. IBID. INTERDUM TAMEN ETSI NON SINT CONIUNCTI, TAMEN USUSFRUCTUS LEGATUS ALTERI AD CRESCIT, UT PUTA SI MIHI FUNDI USUS FRUCTUS SEPARATIM TOTIUS ET TIBI SIMILITER FUERIT USUS FRUCTUS RELICTUS. NAM UT CELSUS LIBRO XVIII DIGESTORUM ET IULIANUS LIBRO XXXV SCRIBUNT, CONCURSU PARTES HABEMUS. QUOD ET IN PROPRIETATE CONTINGERET. NAM ALTERO REPUDIANTE ALTER TOTUM FUNDUM HABERET. SED IN USU FRUCTU HOC PLUS EST (CONTRA QUAM ATILICINUM RESPONDISSE AUFIDIUS CHIUS REFERT), QUOD ET CONSTITUTUS NIHILO MINUS AMISSUS IUS ADCRESCENDI ADMITTIT. OMNES ENIM AUCTORES APUD PLAUTIUM DE HOC CONSENSERUNT ET UT CELSUS ET IULIANUS ELEGANTER AIUNT. USUS FRUCTUS COTIDIE CONSTITUITUR ET LEGATUR, NON, UT PROPRIETAS, EO SOLO TEMPORE QUO VINDICATUR. CUM PRIMUM ITAQUE NON INVENIET ALTERUM, QUI SIBI CONCURRAT, SOLUS UTETUR [IN] TOTUM.* *ULP. IBID. IULIANUS LIBRO XXXV SCRIBIT, SI DUOBUS HEREDIBUS INSTITUTIS DEDUCTO USU FRUCTU PROPRIETAS LEGETUR, IUS ADCRESCENDI HEREDES NON HABERE, NAM VIDERI USUM FRUCTUM CONSTITUTUM NON PER CONCURSUM DIVISUM. NERATIUS PUTAT CESSARE IUS ADCRESCENDI LIBRO I RESPONSORUM. CUIUS SENTENTIAE CONGRUIT RATIO CELSI DICENTIS TOTIENS IUS ADCRESCENDI ESSE, QUOTIENS IN DUOBUS, QUI SOLIDUM HABUERUNT, CONCURSU DIVISUS EST. UNDE CELSUS LIBRO XVIII. SI DUO FUNDI DOMINI DEDUCTO USU FRUCTU PROPRIETATEM MANCIPAVERINT, UTER EORUM AMISERIT, USUM FRUCTUM AD PROPRIETATEM REDIRE, SED NON AD TOTAM, SED CUIUSQUE USUM FRUCTUM EI PARTI ACCEDERE, QUAM IPSE MANCIPAVIT. AD EAM ENIM PARTEM REDIRE DEBET, A QUA INITIO DIVISUS EST. PLANE, INQUIT, SI PARTEM USUS FRUCTUS HABEAS ET EGO TOTAM PROPRIETATEM CUM PARTIS USU FRUCTU, NON POSSE ME EAM PARTEM TIBI MANCIPARE, QUAE EST SINE USU FRUCTU, QUONIAM NULLAM PARTEM HABEO, IN QUA NON EST TIBI USUS FRUCTUS.* *ULP. 18 AD SAB. SI PECUNIAE SIT USUS FRUCTUS LEGATUS VEL ALIARUM RERUM, QUAE IN ABUSU CONSISTUNT, NEC CAUTIO INTERVENIAT, VIDENDUM, FINITO USU FRUCTU AN PECUNIA QUAE DATA SIT, VEL CETERAE RES, QUAE IN ABSUMPTIONE SUNT, CONDICI POSSINT. SED SI QUIDEM ADHUC CONSTANTE USU FRUCTU CAUTIONEM QUIS VELIT CONDICERE, DICI POTEST OMISSAM CAUTIONEM POSSE CONDICI INCERTI CONDICTIONE. SED SI FINITO USU FRUCTU IPSAM QUANTITATEM, SABINUS PUTAT POSSE CONDICI. QUAM SENTENTIAM ET CELSUS LIBRO OCTAVO DECIMO DIGESTORUM PROBAT.* DUOS SEPARATIM UTI FRUI SINERE DAMNATUS HERES COMMUNITER UTI FRUI PASSUS EST. QUAEREBATUR, AN UTRIQUE EX TESTAMENTO TENERETUR. DIXI TENERI, SI TESTATOR UTRUMQUE SOLIDUM HABERE VOLUIT. NAM IPSIUS ONUS EST, UT SOLIDUM SINGULIS LEGATUM PRAESTARET. QUA PARTE IGITUR ALTERUM UTI FRUI SINERET HERES, EA PARTE EUM NON SINERE ALTERUM UTI FRUI, IDEOQUE PER AESTIMATIONEM UNICUIQUE QUOD DEEST REPLERE DEBET. *ULP. 17 AD SAB. DOMUS USUS RELICTUS EST AUT MARITO AUT MULIERI. SI MARITO, POTEST ILLIC HABITARE NON SOLUS, VERUM CUM FAMILIA QUOQUE SUA. AN ET CUM LIBERTIS, FUIT QUAESTIONIS, ET CELSUS SCRIPSIT, ET CUM LIBERTIS. POSSE HOSPITEM QUOQUE RECIPERE, NAM ITA LIBRO OCTAVO DECIMO DIGESTORUM SCRIPSIT, QUAM SENTENTIAM ET TUBERO PROBAT.* *ULP. IBID. UTRUM AUTEM UNIUS ANNI SIT HABITATIO AN USQUE AD VITAM, APUD VETERES QUAESITUM EST. ET RUTILIUS DONEC VIVAT, HABITATIONEM COMPETERE AIT, QUAM SENTENTIAM ET CELSUS PROBAT LIBRO OCTAVO DECIMO DIGESTORUM.* *ULP. IBID. [SI CUI USUS FUNDI RELICTUS SIT,] IUVENTIUS. ETIAM CUM CONVIVIS ET HOSPITIBUS POSSE UTI.* SI ITER LEGATUM SIT, QUA NISI OPERE FACTO IRI NON POSSIT, LICERE FODIENDO SUBSTRUENDO ITER FACERE PROCULUS AIT. ET PROCULO PLACEBAT ET A PATRE SIC ACCEPI, QUOD SERVO COMMUNI LEGATUM SIT, SI ALTER DOMINORUM OMITTERET, ALTERI NON ADCRESCERE. NON ENIM CONIUNCTIM, SED PARTES LEGATAS. NAM AMBO SI VINDICARENT, EAM QUEMQUE LEGATI PARTEM HABITURUM, QUAM IN SERVO HABERET. SI CHORUS AUT FAMILIA LEGETUR, PERINDE EST QUASI SINGULI HOMINES LEGATI SINT. "MOVENTIUM", ITEM "MOBILIUM" APPELLATIONE IDEM SIGNIFICAMUS. SI TAMEN APPARET DEFUNCTUM ANIMALIA DUMTAXAT, QUIA SE IPSA MOVERENT, MOVENTIA VOCASSE, QUOD VERUM EST. HIS VERBIS. "QUAE IBI MOBILIA MEA ERUNT, DO LEGO" NUMMOS IBI REPOSITOS, UT MUTUI DARENTUR, NON ESSE LEGATOS PROCULUS AIT. AT EOS QUOS PRAESIDII CAUSA REPOSITOS HABET, UT QUIDAM BELLIS CIVILIBUS FACTITASSENT, EOS LEGATO CONTINERI. ET AUDISSE SE RUSTICOS SENES ITA DICENTES PECUNIAM SINE PECULIO FRAGILEM ESSE, PECULIUM APPELLANTES, QUOD PRAESIDII CAUSA SEPONERETUR. AREA LEGATA SI INAEDIFICATA MEDIO TEMPORE FUERIT AC RURSUS AREA SIT, QUAMQUAM TUNC PETI NON POTERAT, NUNC TAMEN DEBETUR. SERVUS QUOQUE LEGATUS SI INTERIM MANUMITTATUR ET POSTEA SERVUS FACTUS SIT, PETI POTEST. *SI REM SUAM LEGAVERIT TESTATOR POSTEAQUE EAM ALIENAVERIT, CELSUS EXISTIMAT, SI NON ADIMENDI ANIMO VENDIDIT, NIHILO MINUS DEBERI.* *ULP. 23 AD SAB. SI VINUM LEGATUM SIT, VIDEAMUS, AN CUM VASIS DEBEATUR. ET CELSUS INQUIT VINO LEGATO, ETIAMSI NON SIT LEGATUM CUM VASIS, VASA QUOQUE LEGATA VIDERI, NON QUIA PARS SUNT VINI VASA, QUEMADMODUM EMBLEMATA ARGENTI (SCYPHORUM FORTE VEL SPECULI), SED QUIA CREDIBILE EST MENTEM TESTANTIS EAM ESSE, UT VOLUERIT ACCESSIONI ESSE VINO AMPHORAS. ET SIC, INQUIT, LOQUIMUR HABERE NOS AMPHORAS MILLE, AD MENSURAM VINI REFERENTES.* *ULP. 20 AD SAB. DE VELIS, QUAE IN HYPAETHRIS EXTENDUNTUR, ITEM DE HIS, QUAE SUNT CIRCA COLUMNAS, CELSUS SCRIBIT MAGIS SUPPELLECTILI ADNUMERANDA ET ITA SABINUM ET CASSIUM PUTARE. CELSUS QUOQUE LIBRO NONO DECIMO DIGESTORUM SCRIBIT FRUCTUS IBI REPOSITOS, UT VENIRENT VEL IN ALIUM USUM QUAM FUNDI CONVERTERENTUR, INSTRUCTO FUNDO NON CONTINERI. IDEM CELSUS EODEM LIBRO AIT ETIAM SUPPELLECTICARIOS ET CETEROS HOC GENUS SERVOS CONTINERI, ID EST MINISTERIA, QUIBUS INSTRUCTUS ERAT IN EO FUNDO (EXTRA EA QUAE LIBERTATEM ACCEPERUNT), ET QUI RURE MORARI SOLEBANT. CELSUS SCRIBIT SERVIS QUI IN FUNDO MORARENTUR LEGATIS, VICARIOS EORUM NON CONTINERI, NISI APPAREAT ET DE VICARIIS EUM SENSISSE.* *ULP. 25 AD SAB. SI PECULIUM LEGETUR ET SIT IN CORPORIBUS, PUTA FUNDI VEL AEDES, SI QUIDEM NIHIL SIT, QUOD SERVUS DOMINO VEL CONSERVIS LIBERISVE DOMINI DEBEAT, INTEGRA CORPORA VINDICABUNTUR. SIN VERO SIT, QUOD DOMINO VEL SUPRA SCRIPTIS PERSONIS DEBEATUR, DEMINUI SINGULA CORPORA PRO RATA DEBEBUNT. ET ITA ET IULIANUS ET CELSUS PUTANT.* *[SI PECULIO LEGATO MORTIS TEMPORE SERVUS VIXERIT, PECULIUM LEGATO CEDET].* ALITER ATQUE SI SERVUS VESTITUS LEGATUS FORET. SI SERVUS LIBER ESSE IUSSUS SIT EIQUE PECULIUM LEGATUM SIT, VICARIORUM EIUS VICARII LEGATO CONTINENTUR. LABEO AIT ORIGINEM FUISSE SUPELLECTILIS, QUOD OLIM HIS, QUI IN LEGATIONEM PROFICISCERENTUR, LOCARI SOLERENT, QUAE SUB PELLIBUS USUI FORENT. TUBERO HOC MODO DEMONSTRARE SUPELLECTILEM TEMPTAT. INSTRUMENTUM QUODDAM PATRIS FAMILIAE RERUM AD COTTIDIANUM USUM PARATARUM, QUOD IN ALIAM SPECIEM NON CADERET, UT VERBI GRATIA PENUM ARGENTUM VESTEM ORNAMENTA INSTRUMENTA AGRI AUT DOMUS. NEC MIRUM EST MORIBUS CIVITATIS ET USU RERUM APPELLATIONEM EIUS MUTATAM ESSE. NAM FICTILI AUT LIGNEA AUT VITREA AUT AEREA DENIQUE SUPELLECTILI UTEBANTUR, NUNC EX EBORE ATQUE TESTUDINE ET ARGENTO, IAM EX AURO ETIAM ATQUE GEMMIS SUPELLECTILI UTUNTUR. QUARE SPECIEM POTIUS RERUM QUAM MATERIAM INTUERI OPORTET, SUPELLECTILIS POTIUS AN ARGENTI, AN VESTIS SINT. SERVIUS FATETUR SENTENTIAM EIUS QUI LEGAVERIT ASPICI OPORTERE, IN QUAM RATIONEM EA SOLITUS SIT REFERRE. VERUM SI EA, DE QUIBUS NON AMBIGERETUR, QUIN IN ALIENO GENERE ESSENT, UT PUTA ESCARIUM ARGENTUM AUT PAENULAS ET TOGAS, SUPELLECTILI QUIS ADSCRIBERE SOLITUS SIT, NON IDCIRCO EXISTIMARI OPORTERE SUPELLECTILI LEGATA EA QUOQUE CONTINERI. NON ENIM EX OPINIONIBUS SINGULORUM, SED EX COMMUNI USU NOMINA EXAUDIRI DEBERE. ID TUBERO PARUM SIBI LIQUERE AIT. NAM QUORSUM NOMINA, INQUIT, NISI UT DEMONSTRARENT VOLUNTATEM DICENTIS. EQUIDEM NON ARBITROR QUEMQUAM DICERE, QUOD NON SENTIRET, UT MAXIME NOMINE USUS SIT, QUO ID APPELLARI SOLET. NAM VOCIS MINISTERIO UTIMUR. CETERUM NEMO EXISTIMANDUS EST DIXISSE, QUOD NON MENTE AGITAVERIT. SED ETSI MAGNOPERE ME TUBERONIS ET RATIO ET AUCTORITAS MOVET, NON TAMEN A SERVIO DISSENTIO NON VIDERI QUEMQUAM DIXISSE, CUIUS NON SUO NOMINE USUS SIT. NAM ETSI PRIOR ATQUE POTENTIOR EST QUAM VOX MENS DICENTIS, TAMEN NEMO SINE VOCE DIXISSE EXISTIMATUR. NISI FORTE ET EOS, QUI LOQUI NON POSSUNT, CONATO IPSO ET SONO QUODAM ?KA2I T3HI AN1ARQRWI FWN3HI? DICERE EXISTIMAMUS. UXORI LEGAVIT QUAE EIUS CAUSE PARATA SUNT ET ANTE MORTEM DIVORTIT. NON DEBERI, QUIA ADEMPTA VIDEANTUR, PROCULUS AIT. NIMIRUM FACTI QUAESTIO EST. NAM POTEST NEC REPUDIATAE ADIMERE VOLUISSE. *ULP. 20 AD SAB. SED SI ARGENTI FACTI PONDO CENTUM SINT LEGATA, EX FACTO ARGENTO DEBEBITUR LEGATUM. UNDE EST QUAESITUM APUD CELSUM, AN ET VASCULA POSSIT SEPARARE. ET SCRIPSIT VASCULA NON SEPARATURUM, LICET EI OPTIO FUERIT RELICTA. IDEM CELSUS LIBRO NONO DECIMO QUAESTIONUM QUAERIT, SI CENTUM PONDO ARGENTI FUERINT RELICTA, AN REPLUMBARI DEBEANT, UT SIC APPENDANTUR, ET PROCULUS ET CELSUS AIUNT EXEMPTO PLUMBO APPENDI DEBERE. NAM ET EMPTORIBUS REPLUMBATAE ADSIGNANTUR ET IN RATIONES ARGENTI PONDUS SIC DEFERTUR. QUAE SENTENTIA HABET RATIONEM. IDEM CELSUS LIBRO NONO DECIMO DIGESTORUM, COMMENTARIORUM SEPTIMO SCRIBIT AURO LEGATO EA, QUAE INAURATA SUNT, NON DEBERI, NEC AUREA EMBLEMATA, QUAE IN ABSIDIBUS ARGENTEIS SINT.* SI SPONSALIBUS NONDUM FACTIS TITIO DOTEM SEIAE NOMINE PROMISERIS, CUM EA NUBERE EI NOLLET, TAMEN, SI POSTEA NUPSERIT, DOTEM DEBEBIS, NISI ALIAE NUPTIAE MEDIAE INTERVENISSENT. SI MULIER ANCILLAM PAMPHILAM A TITIO STIPULATA, DEINDE EI NUPTURA QUOD IS SIBI DEBEBAT DOTI HABERE PERMISIT, ETIAMSI NON ERIT VIRI PAMPHILA, AN IPSA TAMEN PAMPHILA IN DOTE ET MULIERIS PERICULO ERIT. AN ET QUOD EA PEPERERIT, REDDI MULIERI DEBEBIT. QUIA SI IN SUA CAUSA PRIOR STIPULATIO MANSISSET, NON REDDERETUR. NISI FORTE REFERT, HABUERIT REM QUAM DEBEBAT VIR, QUO TEMPORE DOS CONSTITUEBATUR. NAM ITA POTERIT VIDERI RES IPSA AD EUM PERVENISSE. AN NON HABUERIT. NAM SI NON HABUERIT, MAGIS EST, UT LIBERATIO OBLIGATIONIS POTIUS QUAM RES IPSA AD EUM ITA PERVENISSE VIDEATUR, IDEOQUE PARTUS EIUS NON DEBETUR. CUM QUIDAM UXORI SUAE DOTEM REDDIDISSET, QUADRAGINTA EI LEGARE VOLUISSET ET QUAMQUAM SCIRET DOTEM REDDITAM, HOC TAMEN PRAETEXTU USUS ESSET, QUASI DOTIS REDDENDAE NOMINE EAM SUMMAM LEGARET, EXISTIMO DEBERI QUADRAGINTA. ETENIM REDDENDI VERBUM QUAMQUAM SIGNIFICATIONEM HABET RETRO DANDI, RECIPIT TAMEN ET PER SE DANDI SIGNIFICATIONEM. *ULP. 19 AD SAB. CELSUS LIBRO VICESIMO DIGESTORUM SCRIBIT, SI SOCER NURUI DOTEM RELEGAVIT, SI QUIDEM IUS ACTIONIS DE DOTE VOLUIT RELEGARE, NULLIUS MOMENTI ESSE LEGATUM, QUIPPE NUPTA EST. SED SI VOLUIT EAM RECIPERE DOTALEM PECUNIAM, INQUIT, UTILE ERIT LEGATUM. SI TAMEN HAEC DOTEM RECEPERIT, NIHILO MINUS MARITUS DOTIS PERSECUTIONEM HABEBIT, SIVE HERES INSTITUTUS ESSET, FAMILIAE ERCISCUNDAE IUDICIO, SIVE NON, UTILI ACTIONE.* *ULP. 5 DISPUT. CUM QUIS UXORI SUAE DOTEM RELEGAT FIDEIQUE COMMISSUM AB EA RELINQUIT, HOC FIDEICOMMISSUM EX COMMODO, QUOD EX RELEGATIONE MULIER SENTIT, AESTIMABITUR, ET ITA CELSUS QUOQUE LIBRO VICESIMO DIGESTORUM SCRIPSIT.* *ULP. 26 AD EDICT. SI CUM TE EX CAUSA LEGATI DEBERE PACISCI DEBITORI TUO EXISTIMAS, PACTUS SIT NE AB EO PETERES. NEQUE IURE IPSO LIBERATUR DEBITOR NEQUE PETENTEM SUMMOVEBIT EXCEPTIONE CONVENTIONS, UT CELSUS LIBRO VICENSIMO SCRIBIT. IDEM EODEM LOCO SCRIBIT, SI DEBITOREM TUUM IUSSISTI SOLVERE TITIO, CUI LEGATUM FALSO DEBERE EXISTIMUS, ET DEBITOR PACTUS SIT CUM TITIO SUO DEBITORE CONSTITUTO. NEQUE TIBI ADVERSUS TUUM DEBITOREM NEQUE IPSI ADVERSUS SUUM ACTIONEM PEREMPTAM.* *POMP. 6 AD SAB. HEREDEM, DAMNATUM A FIDEIUSSORE NON PETERE, A REO PETERE POSSE, SED A REO PETERE VETITUM, SI A FIDEIUSSORE PETAT, REO EX TESTAMENTO TENERI CELSUS PUTAT. IDEM CELSUS AIT NULLAM DUBITATIONEM HABERE, QUIN HEREDE PETERE A DEBITORE VETITO NEC HERES HEREDIS PETERE POSSIT.* *ULP. 18 AD SAB. SED SI INTER DUOS FRUCTUARIOS SIT CONTROVERSIA, IULIANUS LIBRO TRIGENSIMO OCTAVO DIGESTORUM SCRIBIT AEQUISSIMUM ESSE QUASI COMMUNI DIVIDUNDO IUDICIUM DARI VEL STIPULATIONE INTER SE EOS CAVERE, QUALITER FRUANTUR. CUR ENIM, INQUIT IULIANUS, AD ARMA ET RIXAM PROCEDERE PATIATUR PRAETOR, QUOS POTEST IURISDICTIONE SUA COMPONERE. QUAM SENTENTIAM CELSUS QUOQUE LIBRO VICENSIMO DIGESTORUM PROBAT.* PLOTIANA CELSO SUO SALUTEM. LUCIUS TITIUS HIS VERBIS ITA CAVIT. "SI QUID TABULIS ALIOVE QUO GENERE AD HOC TESTAMENTUM PERTINENS RELIQUERO, ITA VALERE VOLO". QUAERO, AN CODICILLI, QUI ANTE HOC TESTAMENTUM SCRIPTI SUNT, DEBEANT RATI ESSE. IUVENTIUS CELSUS PLOTIANAE SALUTEM. HAEC VERBA. "SI QUID AD HOC TESTAMENTUM PERTINEUS RELIQUERO, VALERE VOLO", ETIAM EA, QUAE ANTE TESTAMENTUM SCRIPTA SUNT, COMPREHENDERE. *MARCIAN. 8 INSTIT. SCRIBIT CELSUS LIBRO VICENSIMO DIGESTORUM, SI QUI QUADRINGENTA IN BONIS HABEBAT PETIT AB HEREDE SUO, UT, SI SINE LIBERIS MORERETUR, QUANTA PECUNIA EX HEREDITATE SUA AD EUM PERVENISSET, MAEVIO RESTITUERETUR. SI EX FRUCTIBUS MEDIO TEMPORE QUADRINGENTA PERCEPERIT ET SINE LIBERIS DECESSERIT, HEREDEM EIUS MAEVIO QUADRINGENTA DEBITURUM. ET CUM DIU MULTUMQUE TRACTAVIT, AN, CUM AUGMENTUM HERES SENSIT, ET PERICULUM SUSTINEAT AN PER CONTRARIUM, NOVISSIME AIT INIQUUM ESSE AD FIDEICOMMISSARIUM DAMNUM PERTINERE, AD QUEM AUGMENTUM NON PERTINET. ET AN AD SUPPLENDUM, INQUIT, QUODCUMQUE EX QUADRINGENTIS DEFUERIT, ETIAM AUGMENTUM AD EUM PERTINEBIT, HOC EST UT USQUE AD SUMMAM QUADRINGENTORUM DAMNI ET FRUCTUS COMPUTENTUR.* BALLISTA FILIUM FAMILIAS HEREDEM INSTITUIT ITA. "REBELLIANUS SI CAVERIT COLONIAE PHILIPPENSIUM, SI SINE LIBERIS MORIETUR, QUANTACUMQUE PECUNIA EX HEREDITATE DEVE BONIS MEIS AD EUM PERVENIT, EAM PECUNIAM OMNEM AD COLONIAM PHILIPPENSIUM PERVENTURAM". RESPONDI. EX HIS VERBIS QUAE PROPONIS, ID EST "PECUNIAM", EXISTIMO ETIAM FRUCTUS, QUOS EX HEREDITATE PERCEPIT, RESTITUERE EUM DEBERE, PERINDE QUASI SPECIALITER HOC TESTATOR EXPRESSISSET. COLONIA PHILIPPENSIS IURIS ITALICI EST. LUCIUS TITIUS IN TESTAMENTO SUO PUBLIO MAEVIO MILITIAM SUAM RELIQUIT SIVE PECUNIAM EIUS, QUAECUMQUE REDIGI EX VENDITIONE EIUS POTUERIT, CUM SUIS COMMODIS. SED CUM SUPERVIXIT TESTAMENTO LUCIUS TITIUS, MILITIAM VENDIDIT ET PRETIUM EXEGIT ET DEDIT EI, CUI ILLAM MILITIAM VEL PRETIUM EIUS TESTAMENTO DARI VOLUERIT. POST MORTEM LUCII TITII ITERUM PUBLIUS MAEVIUS VEL MILITIAM VEL PRETIUM EIUS AB HEREDIBUS LUCII TITII EXIGEBAT. CELSUS. EXISTIMO PRETIUM MILITIAE PRAESTARI NON OPORTERE, NISI LEGATARIUS OSTENDERIT TESTATOREM ET POST FACTAM SOLUTIONEM ITERUM EUM PRETIUM MILITIAE ACCIPERE VOLUISSE. QUOD SI NON TOTUM PRETIUM MILITIAE, SED PARTEM VIVUS TESTATOR LEGATARIO DEDIT, RELIQUI SUPERESSE EXACTIONEM, NISI HERES ET AB HOC DECESSISSE TESTATOREM OSTENDERIT. ONUS ENIM PROBANDI MUTATAM ESSE DEFUNCTI VOLUNTATEM AD EUM PERTINET, QUI FIDEICOMMISSUM RECUSAT. *MAECIAN. 8 FIDEIC. TAMETSI AUTEM LEGIS FALCIDIAE RATIONE, QUAE CONDICIONIS IMPLENDAE CAUSA HEREDI SUNT DATA, IN QUARTAM NON COMPUTANTUR, TAMEN ID, QUOD NON FIGURA CONDICIONIS ACCIPERE IUSSUS EST AB EO, CUI HEREDITATEM RESTITUERE ROGATUS EST, CELSO ET IULIANO NOSTRO PLACUIT COMPUTARI, QUEMADMODUM SI EA SUMMA HERES VENDERE EAS RES IUSSUS ESSET, QUIA NON CONDICIONIS IMPLENDAE CAUSA, SED QUODAMMODO PRO PRETIO INFERRE SUNT IUSSI. QUO LOCO AMPLIUS QUAESITUM EST, AN FIDEICOMMISSARIUS QUOQUE INVITUS COGATUR DARE EAM SUMMAM ET RECIPERE HEREDITATEM, QUASI ET IPSIUS FIDEI COMMISSUM ESSET. SED ID VERISIMILE NON EST, CUM TALIS ORATIO MAGIS IPSIUS CAUSA, QUAM CONTRA IPSUM POSITA VIDEATUR.* QUI QUADRINGENTA RELIQUIT, TITIO TRECENTA LEGAVIT, HEREDIS FIDEI COMMISIT, UT TIBI HEREDITATEM RESTITUERET, ISQUE SUSPECTAM IUSSU PRAETORIS ADIIT ET RESTITUIT. QUAEREBATUR, QUID LEGATARIO DARE DEBERES. DICENDUM EST, QUIA PRAESUMPTUM EST VOLUISSE TESTATOREM CUM ONERE LEGATORUM FIDEICOMMISSUM RESTITUI, TOTA TRECENTA TE DARE TITIO DEBERE. NAM HERES HOC ROGATUS INTELLEGI DEBET, UT TE SUO LOCO CONSTITUAT ET QUOD HERES PERFUNCTUS OMNIBUS HEREDITARIIS MUNERIBUS, ID EST POST LEGATORUM DATIONEM, RELIQUUM HABITURUS FORET, SI NON ESSET ROGATUS ET TIBI RESTITUERET HEREDITATEM, ID TIBI RESTITUAT. QUANTUM ERGO HABERET. NEMPE CENTUM. HAEC UT TIBI DARET ROGATUS EST. ITAQUE SIC INEUNDA EST LEGIS FALCIDIAE RATIO, QUASI HERES TRECENTA TITIO DARE DAMNATUS TIBI CENTUM DARE DAMNATUS SIT. QUO EVENIT, UT, SI HEREDITATEM SUA SPONTE ADISSET, DARET TITIO DUCENTA VIGINTI QUINQUE, TIBI SEPTUAGINTA QUINQUE. NON ERGO PLUS TITIO DEBETUR, QUAM SI INIUSSU PRAETORIS ADITA HEREDITAS FORET. *ULP. 52 AD EDICT. INDE QUAERITUR APUD CELSUM LIBRO DUODECIMO DIGESTORUM, SI POST OPUS NOVUM NUNTIATUM CONVENIAT TIBI CUM ADVERSARIO, UT OPUS FACERES, AN DANDA SIT CONVENTIONIS EXCEPTIO. ET AIT CELSUS DANDAM, NEC ESSE PERICULUM, NE PACTIO PRIVATORUM IUSSUI PRAETORIS ANTEPOSITA VIDEATUR. QUID ENIM ALIUD AGEBAT PRAETOR QUAM HOC, UT CONTROVERSIAS EORUM DIRIMERET. A QUIBUS SI SPONTE RECESSERUNT, DEBEBIT ID RATUM HABERE.* *ULP. 53 AD EDICT. CELSUS CERTE SCRIBIT, SI AEDIUM TUARUM USUS FRUCTUS TITIAE EST, DAMNI INFECTI AUT DOMINUM REPROMITTERE AUT TITIAM SATISDARE DEBERE. QUOD SI IN POSSESSIONEM MISSUS FUERIT IS, CUI DAMNI INFECTI CAVENDUM FUIT, TITIAM UTI FRUI PROHIBEBIT, IDEM AIT EUM QUOQUE FRUCTUARIUM, QUI NON REFICIT, A DOMINO UTI FRUI PROHIBENDUM. ERGO ET SI DE DAMNO INFECTO NON CAVET DOMINUSQUE COMPULSUS EST REPROMITTERE, PROHIBERI DEBET FRUI.* *ULP. IBID. ITEM QUAERITUR IN PIGNERATICIO CREDITORE, AN PIGNORIS PERSECUTIO DENEGETUR ADVERSUS EUM, QUI IUSSUS SIT POSSIDERE. ET MAGIS EST, UT, SI NEQUE DEBITOR REPROMISIT NEQUE CREDITOR SATISDEDIT, PIGNORIS PERSECUTIO DENEGETUR. QUOD ET IN FRUCTUARIO RECTE CELSUS SCRIBIT.* *ULP. IBID. CELSUS SCRIBIT, SI QUID IPSE FECI, QUO TIBI AQUA PLUVIA NOCEAT, MEA IMPENSA TOLLERE ME COGENDUM, SI QUID ALIUS QUI AD ME NON PERTINET, SUFFICERE, UT PATIAR TE TOLLERE.* NIHIL PROHIBET PRIOREM SCRIPTURAM POSTERIORE CORRIGERE COMMUTARE RESCINDERE. "QUEM HEREDI MEO DIXERO VELLE ME LIBERUM ESSE, LIBER ESTO. CUI UT DARE DAMNAS SIT HERES MEUS, DIXERO, EI HERES MEUS DARE DAMNAS ESTO". TESTATORIS VOLUNTAS, SI QUIBUSDAM ARGUMENTIS APPAREBIT, DE QUO DIXIT, ADIMPLENDA EST. SI IN ANNOS DECEM HERES DARE DAMNATUS AUT QUIS LIBER ESSE IUSSUS EST, NOVISSIMO EIUS TEMPORIS DIE LEGATUM DEBEBITUR ET LIBERTAS OPTINGIT. "SI INTRA QUINQUENNIUM STICHUS CENTUM DEDERIT, LIBER ESTO". NEC TITIO VEL HEREDI VEL EMPTORI POST QUINQUENNIUM DABIT. SI RATIONES REDDIDISSET, LIBERUM ESSE IUSSUM NON PATITUR HERES REBUS PECULIARIBUS VENDITIS RELIQUA SOLVERE. PERINDE LIBER EST, QUASI CONDICIONI PARUERIT. *ULP. 1 AD SAB. CELSUS LIBRO DUODECIMO DIGESTORUM UTILITATIS GRATIA MOTUS SURDUM ITA NATUM MANUMITTERE POSSE AIT.* *ULP. 5 FIDEIC. SED ET SI ITA SCRIPSIT. "NE EUM ALIENES" "NE EUM VENDAS", IDEM ERIT DICENDUM [I. E. FIDEICOMMISSARIUM LIBERTATEM DATAM], SI MODO HOC ANIMO FUERIT ADSCRIPTUM, QUOD VOLUERIT EUM TESTATOR AD LIBERTATEM PERDUCI. CETERUM SI ALIA MENTE ID SCRIPSIT, UT PUTA QUIA CONSILIUM DABAT HEREDI RETINERE TALEM SERVUM VEL QUIA COERCERE VOLUIT SERVUM ET CRUCIARE, NE MELIOREM DOMINUM EXPERIATUR, VEL ALIQUA MENTE, NON TRIBUENDAE LIBERTATIS ANIMO, DICENDUM EST CESSARE LIBERTATIS PRAESTATIONEM. ET ITA CELSUS LIBRO VICENSIMO TERTIO DIGESTORUM SCRIBIT.* QUOD NON RATIONE INTRODUCTUM, SED ERRORE PRIMUM, DEINDE CONSUETUDINE OPTENTUM EST, IN ALIIS SIMILIBUS NON OPTINET. QUOD MEO NOMINE POSSIDEO, POSSUM ALIENO NOMINE POSSIDERE. NEC ENIM MUTO MIHI CAUSAM POSSESSIONIS, SED DESINO POSSIDERE ET ALIUM POSSESSOREM MINISTERIO MEO FACIO. NEC IDEM EST POSSIDERE ET ALIENO NOMINE POSSIDERE. NAM POSSIDET, CUIUS NOMINE POSSIDETUR, PROCURATOR ALIENAE POSSESSIONI PRAESTAT MINISTERIUM. SI FURIOSO, QUEM SUAE MENTIS ESSE EXISTIMAS, EO QUOD FORTE IN CONSPECTU INUMBRATAE QUIETIS FUIT CONSTITUTUS, REM TRADIDERIS, LICET ILLE NON ERIT ADEPTUS POSSESSIONEM, TU POSSIDERE DESINIS. SUFFICIT QUIPPE DIMITTERE POSSESSIONEM, ETIAMSI NON TRANSFERAS. ILLUD ENIM RIDICULUM EST DICERE, QUOD NON ALITER VULT QUIS DIMITTERE, QUAM SI TRANSFERAT. IMMO VULT DIMITTERE, QUIA EXISTIMAT SE TRANSFERRE. SI VENDITOREM QUOD EMERIM DEPONERE IN MEA DOMO IUSSERIM, POSSIDERE ME CERTUM EST, QUAMQUAM ID NEMO DUM ATTIGERIT. AUT SI VICINUM MIHI FUNDUM MERCATO VENDITOR IN MEA TURRE DEMONSTRET VACUAMQUE SE POSSESSIONEM TRADERE DICAT, NON MINUS POSSIDERE COEPI, QUAM SI PEDEM FINIBUS INTULISSEM. SI, DUM IN ALIA PARTE FUNDI SUM, ALIUS QUIS CLAM ANIMO POSSESSORIS INTRAVERIT, NON DESISSE ILICO POSSIDERE EXISTIMANDUS SUM, FACILE EXPULSURUS FINIBUS, SIMUL SCIERO. RURSUS SI CUM MAGNA VI INGRESSUS EST EXERCITUS, EAM TANTUMMODO PARTEM QUAM INTRAVERIT OPTINET. *ULP. 7 DISPUT. * ANIMO DEPONERE ET MUTARE NOS POSSESSIONEM POSSE ET CELSUS ET MARCELLUS SCRIBUNT. SERVUS QUOQUE MEUS IGNORANTI MIHI ADQUIRET POSSESSIONEM. NAM ET SERVUS ALIENUS, UT CELSUS SCRIBIT, SIVE A ME SIVE A NEMINE POSSIDEATUR, POTEST MIHI ADQUIRERE POSSESSIONEM, SI NOMINE MEO EAM ADIPISCATUR. QUOD ET IPSUM ADMITTENDUM EST.* *PAUL. 54 AD EDICT. CELSUS SCRIBIT, SI SERVUS MEUS PECULIARI NOMINE APISCATUR POSSESSIONEM, ID ETIAM IGNORANTEM ME USUCAPERE. QUOD SI NON PECULIARI NOMINE, NON NISI SCIENTEM ME. ET SI VITIOSE COEPERIT POSSIDERE, MEAM VITIOSAM ESSE POSSESSIONEM. SI SERVUS BONA FIDE EMERIT PECULIARI NOMINE, EGO UBI PRIMUM COGNOVI SCIAM ALIENAM, PROCESSURAM USUCAPIONEM CELSUS AIT. INITIUM ENIM POSSESSIONIS SINE VITIO FUISSE. SED SI EO TEMPORE QUO EMIT, QUAMQUAM ID BONA FIDE FACIAT, EGO ALIENAM REM ESSE SCIAM, USU ME NON CAPTURUM. ET SI QUOD NON BONA FIDE SERVUS MEUS EMERIT, IN PACTIONEM LIBERTATIS MIHI DEDERIT, NON IDEO ME MAGIS USUCAPTURUM. DURARE ENIM PRIMAM CAUSAM POSSESSIONIS IDEM CELSUS AIT.* *PAUL. 8 AD SAB. [QUI A MULIERE] SINE TUTORIS AUCTORITATE SCIENS REM MANCIPI EMIT, VEL FALSO TUTORE AUCTORE QUEM SCIIT NON ESSE, NON VIDETUR BONA FIDE EMISSE. ITAQUE ET VETERES PUTANT ET SABINUS ET CASSIUS SCRIBUNT. LABEO QUIDEM PUTABAT NEC PRO EMPTORE EUM POSSIDERE, SED PRO POSSESSORE. PROCULUS ET CELSUS PRO EMPTORE. QUOD EST VERIUS.* QUI FUNDUM ALIENUM BONA FIDE EMIT, ITINERE QUOD EI FUNDO DEBETUR USUS EST. RETINETUR ID IUS ITINERIS. ATQUE ETIAM, SI PRECARIO AUT VI DEIECTO DOMINO POSSIDET. FUNDUS ENIM QUALITER SE HABENS ITA, CUM IN SUO HABITU POSSESSUS EST, IUS NON DEPERIT, NEQUE REFERT, IUSTE NEC NE POSSIDEAT, QUI TALEM EUM POSSIDET. QUARE FORTIUS ET SI AQUA PER RIVUM SUA SPONTE PERFLUXIT, IUS AQUAE DUCENDAE RETINETUR. QUOD ET SABINO RECTE PLACET, UT APUD NERATIUM LIBRO QUARTO MEMBRANARUM SCRIPTUM EST. PUPILLUS NEC VELLE NEC NOLLE IN EA AETATE NISI ADPOSITA TUTORIS AUCTORITATE CREDITUR. NAM QUOD ANIMI IUDICIO FIT, IN EO TUTORIS AUCTORITAS NECESSARIA EST. *ULP. 59 AD EDICT. CELSUS AUTEM SEXTO RESPONDIT, SI FUNDUM, QUEM PETERE VOLO, TITIUS POSSIDEAT NEQUE ABSENS DEFENDATUR, COMMODIUS SE EXISTIMARE IN FUNDI POSSESSIONEM MITTENDUM QUAM BONA EIUS POSSIDERI. HOC ADNOTANDUM EST CELSUM CONSULTUM NON DE LATITANTE, SED DE ABSENTE. IDEM CELSUS EXISTIMAT, SI IS, A QUO HEREDITATEM PETERE VELIM, LATITAT, COMMODISSIME FIERI POSSE, UT IN POSSESSIONEM MITTAR RERUM, QUAS PRO HEREDE VEL PRO POSSESSORE POSSIDET. SED SI DOLO FECIT, QUO MINUS POSSIDERET, BONA EIUS POSSIDENDA ET VENDENDA SUNT.* SI PLURES EIUSDEM BONORUM CURATORES FACTI SUNT, IN QUEM EORUM VULT ACTOR, IN SOLIDUM EI DATUR ACTIO TAM QUAM QUIVIS EORUM IN SOLIDUM AGET. SI HOMINEM, IN QUO USUS FRUCTUS ALIENUS EST VEL QUI ERAT PIGNORI TITIO OBLIGATUS, NOXAE DEDISTI, POTERIT IS, CUI CONDEMNATUS ES, TECUM AGERE IUDICATI, NEC EXSPECTABIMUS, UT CREDITOR EVINCAT. SED SI USUS FRUCTUS INTERIERIT VEL DISSOLUTA FUERIT PIGNORIS OBLIGATIO, EXISTIMO PROCESSURAM LIBERATIONEM. QUOD EVINCITUR, IN BONIS NON EST. QUOD IUSSIT VETUITVE PRAETOR, CONTRARIO IMPERIO TOLLERE ET REMITTERE LICET. DE SENTENTIIS CONTRA. *ULP. 68 AD EDICT. FLUMINUM QUAEDAM PUBLICA SUNT, QUAEDAM NON. PUBLICUM FLUMEN ESSE CASSIUS DEFINIT, QUOD PERENNE SIT. HAEC SENTENTIA CASSII, QUAM ET CELSUS PROBAT, VIDETUR ESSE PROBABILIS.* *POMP. 34 AD SAB. CELSUS FILIUS, SI IN RIPA FLUMINIS, QUAE SECUNDUM AGRUM MEUM SIT, ARBOR NATA SIT, MEAM ESSE AIT, QUIA SOLUM IPSUM MEUM PRIVATUM EST, USUS AUTEM EIUS PUBLICUS INTELLEGITUR. ET IDEO CUM EXSICCATUS ESSET ALVEUS, PROXIMORUM FIT, QUIA IAM POPULUS EO NON UTITUR.* LITUS EST, QUOUSQUE MAXIMUS FLUCTUS A MARI PERVENIT. IDQUE MARCUM TULLIUM AIUNT, CUM ARBITER ESSET, PRIMUM CONSTITUISSE. SI PER FUNDUM TUUM NEC VI NEC CLAM NEC PRECARIO COMMEAVIT ALIQUIS, NON TAMEN TAMQUAM ID SUO IURE FACERET, SED, SI PROHIBERETUR, NON FACTURUS, INUTILE EST EI INTERDICTUM DE ITINERE ACTUQUE. NAM UT HOC INTERDICTUM COMPETAT, IUS FUNDI POSSEDISSE OPORTET. *ULP. 71 AD EDICT. EST ET ALIA EXCEPTIO, DE QUA CELSUS DUBITAT, AN SIT OBICIENDA. UT PUTA SI INCENDII ARCENDI CAUSA VICINI AEDES INTERCIDI ET QUOD VI AUT CLAM MECUM AGATUR AUT DAMNI INIURIA. GALLUS ENIM DUBITAT, AN EXCIPI OPORTERET. "QUOD INCENDII DEFENDENDI CAUSA FACTUM NON SIT". SERVIUS AUTEM AIT, SI ID MAGISTRATUS FECISSET, DANDAM ESSE, PRIVATO NON ESSE IDEM CONCEDENDUM. SI TAMEN QUID VI AUT CLAM FACTUM SIT NEQUE IGNIS USQUE EO PERVENISSET, SIMPLI LITEM AESTIMANDAM. SI PERVENISSET, ABSOLVI EUM OPORTERE. IDEM AIT ESSE, SI DAMNI INIURIA ACTUM FORET, QUONIAM NULLAM INIURIAM AUT DAMNUM DARE VIDETUR AEQUE PERITURIS AEDIBUS.* SI INMATURAM SILVAM CAEDUAM CECIDIT QUIS, INTERDICTO QUOD VI AUT CLAM TENETUR. SI MATURAM SIMILITER CAEDUAM NEQUE DAMNO DOMINUS ADFECTUS EST, NIHIL PRAESTABIT. NON ABSURDE RESPONSUM EST. SI MAGISTRATUM ROGASSES, UT ADVERSARIUM TUUM ADESSE AD IUDICIUM IUBERET, NE OPUS NOVUM TIBI NUNTIARET, CLAM VIDERIS OPUS FECISSE, QUOD INTERIM FECERIS. CUM PRECARIO ALIQUID DATUR, SI CONVENIT, UT IN KALENDAS IULIAS PRECARIO POSSIDEAT, NUMQUID EXCEPTIONE ADIUVANDUS EST, NE ANTE EI POSSESSIO AUFERATUR. SED NULLA VIS EST HUIUS CONVENTIONIS, UT REM ALIENAM DOMINO INVITO POSSIDERE LICEAT. PRECARIO ROGATIO ET AD HEREDEM EIUS QUI CONCESSIT TRANSIT. AD HEREDEM AUTEM EIUS QUI PRECARIO ROGAVIT NON TRANSIT, QUIPPE IPSI DUMTAXAT, NON ETIAM HEREDI CONCESSA POSSESSIO EST. *ULP. 73 AD EDICT. QUAESITUM EST, SI NONDUM DIES PENSIONIS VENIT, AN ET MEDIO TEMPORE PERSEQUI PIGNORA PERMITTENDUM SIT. ET PUTO DANDAM PIGNORIS PERSECUTIONEM, QUIA INTEREST MEA. ET ITA CELSUS SCRIBIT.* PRAEDIA DICIMUS ALIQUORUM ESSE NON UTIQUE COMMUNITER HABENTIUM EA, SED VEL ALIO ALIUD HABENTE. IN USU IURIS FREQUENTER UTI NOS CASCELLIUS AIT SINGULARI APPELLATIONE, CUM PLURA GENERIS EIUSDEM SIGNIFICARE VELLEMUS. NAM "MULTUM HOMINEM VENISSE ROMAM" ET "PISCEM VILEM ESSE" DICIMUS. ITEM IN STIPULANDO SATIS HABEMUS DE HEREDE CAVERE "SI EA RES SECUNDUM ME HEREDEMVE MEUM IUDICATA ERIT" ET RURSUS "QUOD OB EAM REM TE HEREDEMVE TUUM" NEMPE AEQUE SI PLURES HEREDES SINT, CONTINENTUR STIPULATIONE. *ULP. 75 AD EDICT. DENIQUE ET CELSUS SCRIBIT, SI HOMINEM PETIERO, QUEM OB EAM REM MEUM ESSE EXISTIMAVI, QUOD MIHI TRADITUS AB ALIO EST, CUM IS EX HEREDITARIA CAUSA MEUS ESSET, RURSUS PETENTI MIHI OBSTATURAM EXCEPTIONEM.* *ULP. 76 AD EDICT. CELSUS AIT. SI QUIS REM MEAM VENDIDIT MINORIS QUAM EI MANDAVI, NON VIDETUR ALIENATA ET, SI PETAM EAM, NON OBSTABIT MIHI HAEC EXCEPTIO [SC. REI VENDITAE ET TRADITAE]. QUOD VERUM EST.* *ULP. IBID. APUD CELSUM QUAERITUR, SI, CUM TITIO MANDASSENT CREDITORES HEREDITARIS, UT ADIRET HEREDITATEM, UNUS NON MANDASSET DECIPIENDI EIUS CAUSA, MANDATURUS ALIOQUIN, SI NON FORET HIC ADITURUS, DEINDE AGAT, AN EXCEPTIONE REPELLATUR. ET AIT CELSUS DOLI EUM EXCEPTIONE REPELLENDUM.* CUM QUAERITUR IN STIPULATIONE, QUID ACTI SIT, AMBIGUITAS CONTRA STIPULATOREM EST. SCIRE LEGES NON HOC EST VERBA EARUM TENERE, SED VIM AC POTESTATEM. *POMP. 5 AD SAB. SI ITA STIPULATUS ESSEM ABS TE "DOMUM AEDIFICARI" VEL HEREDEM MEUM DAMNAVERO INSULAM AEDIFICARE, CELSO PLACET NON ANTE AGI POSSE EX EA CAUSA, QUAM TEMPUS PRAETERISSET, QUO INSULA AEDIFICARI POSSET. NEC FIDEIUSSORES DATI ANTE DIEM TENEBUNTUR.* *PAUL. 17 AD PLAUT. CELSUS ADULESCENS SCRIBIT EUM, QUI MORAM FECIT IN SOLVENDO STICHO QUEM PROMISERAT, POSSE EMENDARE EAM MORAM POSTEA OFFERENDO. ESSE ENIM HANC QUAESTIONEM DE BONO ET AEQUO. IN QUO GENERE PLERUMQUE SUB AUCTORITATE IURIS SCIENTIAE PERNICIOSE, INQUIT, ERRATUR, ET SANE PROBABILIS HAEC SENTENTIA EST, QUAM QUIDEM ET IULIANUS SEQUITUR.* SI ITA STIPULATUS FUERO. "TE SISTI. NISI STETERIS, HIPPOCENTAURUM DARI." PRONDE ERIT, ATQUE "TE SISTI" SOLUMMODO STIPULATUS ESSEM. POSSUM UTILITER A TE ITA STIPULARI. "TITII NOMINE TE SOLUTURUM.", NEQUE ENIM HOC SIMILE EST ILLI "TITIUM DATURUM". SED EX EA STIPULATIONE, DUM INTEREST MEA, AGERE POSSUM, ET IDEO, SI LOCUPLES SIT TITIUS, NIHIL EX HAC STIPULATIONE CONSEQUI POSSIM. QUID ENIM MEA INTEREST ID A TE FIERI, QUOD SI NON FECERIS, AEQUE SALVAM PECUNIAM HABITURUS SUM. "SI TIBI NUPSERO, DECEM DARI SPONDES." CAUSA COGNITA DENEGANDAM ACTIONEM PUTO, NEC RARO PROBABILIS CAUSA EIUSMODI STIPULATIONIS EST. ITEM SI VIR A MULIERE EO MODO NON IN DOTEM STIPULATUS EST. *POMP. 5 AD Q. MUC. SI SERVUS MEUS A LIBERTO MEO "OPERAS SIBI DARI" STIPULETUR, INUTILEM STIPULATION ESSE CELSUS SCRIBIT. ALITER ATQUE SI NON ADIECTO HOC VERBO "SIBI" STIPULATUS FUERIT.* *ULP. 46 AD SAB. SI QUIS ITA STIPULATUS A SEIO SIT. "QUOD A TITIO STIPULATUS FUERO, DARE SPONDES.", AN, SI POSTEA A TITIO STIPULATUS SIM, FIAT NOVATIO SOLUSQUE TENEATUR SEIUS. ET AIT CELSUS NOVATIONEM FIERI, SI MODO ID ACTUM SIT, UT NOVETUR, ID EST UT SEIUS DEBEAT QUOD TITIUS PROMISIT. NAM EODEM TEMPORE ET IMPLERI PRIORIS STIPULATIONIS CONDICIONEM ET NOVARI AIT, EOQUE IURE UTIMUR. IDEM CELSUS AIT IUDICATUM SOLVI STIPULATIONE ACTIONEM IUDICATI NON NOVARI, MERITO, QUIA HOC SOLUM AGITUR EA STIPULATIONE, UT FIDEIUSSORIBUS CAUTUM SIT, NON UT AB OBLIGATIONE IUDICATI DISCEDATUR.* QUOD CERTA DIE PROMISSUM EST, VEL STATIM DARI POTEST. TOTUM ENIM MEDIUM TEMPUS AD SOLVENDUM PROMISSORI LIBERUM RELINQUI INTELLEGITUR. *PAUL. 15 QUAEST. * RESPONDI, SI ALIENUM HOMINEM PROMISI ET IS A DOMINO MANUMISSUS EST, LIBEROR. NEC ADMISSUM EST, QUOD CELSUS AIT, SI IDEM RURSUS LEGE ALIQUA SERVUS EFFECTUS SIT, PETI EUM POSSE.* SI IS, QUI PRO TUTORE NEGOTIA GEREBAT, CUM TUTOR NON ESSET, REM PUPILLI VENDIDIT NEC EA USUCAPTA EST, PETET EAM PUPILLUS, QUAMQUAM EI CAUTUM EST. NON ENIM EADEM HUIUS QUAE TUTORIS EST RERUM PUPILLI ADMINISTRATIO. SI PETITOR PLURES HEREDES RELIQUERIT UNUSQUE EORUM IUDICIO EGERIT, NON ERIT VERUM TOTAM REM QUAE IN PRIORE IUDICIO FUERIT DEDUCTAM ESSE. NEC ENIM QUISQUAM ALIENAM ACTIONEM IN IUDICIUM INVITO COHEREDE PERDUCERE POTEST. CUM DECEM MIHI AUT TITIO DARI STIPULATUS QUINQUE ACCIPIAM, RELIQUUM PROMISSOR RECTE TITIO DABIT. SI FIDEIUSSOR PROCURATORI CREDITORIS SOLVIT ET CREDITOR POST TEMPUS, QUO LIBERARI FIDEIUSSOR POTERIT, RATUM HABUIT, TAMEN QUIA FIDEIUSSOR, CUM ADHUC EX CAUSA FIDEIUSSIONIS TENERETUR, SOLVIT, NEC REPETERE POTEST NEC MINUS AGERE ADVERSUS REUM MANDATI POTEST, QUAM SI TUM PRAESENTI DEDISSET. ITEM SI IGNORANS CREDITOR PROCURATORI SUO SOLUTUM SERVO DEBITORIS FILIOVE ACCEPTUM FECERIT, POSTEA AUTEM RESCIERIT ET RATUM HABUERIT, CONFIRMATUR SOLUTIO ET QUOD ACCEPTUM LATUM SIT, NULLIUS MOMENTI EST. ET CONTRA, SI RATUM NON HABUERIT, QUOD ACCEPTUM FECERIT, CONFIRMATUR. SED SI IGNORANS SOLUTUM LITEM CONTESTATUS EST, SI PENDENTE IUDICIO RATUM HABUIT, ABSOLVI OPORTET ILLUM, CUM QUO ACTUM EST, SI RATUM NON HABUIT, CONDEMNARI. QUODLIBET DEBITUM SOLUTUM A PROCURATORE MEO NON REPETO, QUONIAM, CUM QUIS PROCURATOREM OMNIUM RERUM SUARUM CONSTITUIT, ID QUOQUE MANDARE VIDETUR, UT CREDITORIBUS SUIS PECUNIAM SOLVAT, NEQUE POST EA EXPECTANDUM EST, UT RATUM HABEAT. SI IACTUM RETIS EMERO ET IACTARE RETEM PISCATOR NOLUIT, INCERTUM EIUS REI AESTIMANDUM EST. SI QUOD EXTRAXIT PISCIUM REDDERE MIHI NOLUIT, ID AESTIMARI DEBET QUOD EXTRAXIT. SI QUIS PER FUNDUM QUEM CUM ALIO COMMUNEM HABERET, QUASI SOLUS DOMINUS EIUS ESSET, IUS EUNDI AGENDI MIHI VENDIDERIT ET CESSERIT, TENEBITUR MIHI EVICTIONIS NOMINE CETERIS NON CEDENTIBUS. PER FUNDUM, QUI PLURIUM EST, IUS MIHI ESSE EUNDI AGENDI POTEST SEPARATIM CEDI. ERGO SUPTILI RATIONE NON ALITER MEUM FIET IUS, QUAM SI OMNES CEDANT ET NOVISSIMA DEMUM CESSIONE SUPERIORES OMNES CONFIRMABUNTUR. BENIGNIUS TAMEN DICETUR ET ANTEQUAM NOVISSIMUS CESSERIT, EOS, QUI ANTEA CESSERUNT, VETARE UTI CESSO IURE NON POSSE. SI REM QUAE APUD TE ESSET VENDIDISSEM TIBI. QUIA PRO TRADITA HABETUR, EVICTIONIS NOMINE ME OBLIGARI PLACET. SI EI QUI MIHI VENDIDIT PLURES HEREDES EXSTITERUNT, UNA DE EVICTIONE OBLIGATIO EST OMNIBUSQUE DENUNTIARI ET OMNES DEFENDERE DEBENT. SI DE INDUSTRIA NON VENERINT IN IUDICIUM, UNUS TAMEN EX IS LITI SUBSTITIT, PROPTER DENUNTIATIONIS VIGOREM ET PRAEDICTAM ABSENTIAM OMNIBUS VINCIT AUT VINCITUR, RECTEQUE CUM CETERIS AGAM, QUOD EVICTIONIS NOMINE VICTI SINT. SI FUNDUM, IN QUO USUS FRUCTUS TITII ERAT, QUI EI RELICTUS EST QUOAD VIVET, DETRACTO USU FRUCTU IGNORANTI MIHI VENDIDERIS ET TITIUS CAPITE DEMINUTUS FUERIT ET AGET TITIUS IUS SIBI ESSE UTENDI FRUENDI, COMPETIT MIHI ADVERSUS TE EX STIPULATIONE DE EVICTIONE ACTIO. QUIPPE SI VERUM ERAT, QUOD MIHI DIXISSES IN VENDITIONE, RECTE NEGAREM TITIO IUS ESSE UTENDI FRUENDI. *[LEX DUODECIM TABULARUM EUM VOCAT AD HEREDITATEM, QUI MORIENTE EO, DE CUIUS BONIS QUAERITUR, IN RERUM NATURA FUERIT]* VEL SI VIVO EO CONCEPTUS EST, QUIA CONCEPTUS QUODAMMODO IN RERUM NATURA ESSE EXISTIMATUR. IN ADOPTIONIBUS EORUM DUMTAXAT, QUI SUAE POTESTATIS SUNT, VOLUNTAS EXPLORATUR. SIN AUTEM A PATRE DANTUR IN ADOPTIONEM, IN HIS UTRIUSQUE ARBITRIUM SPECTANDUM EST VEL CONSENTIENDO VEL NON CONTRADICENDO. UT MIHI DONARES, CREDITORI MEO DELEGANTE ME PROMISISTI. FACTUM VALET, ILLE ENIM SUUM RECEPIT. SED SI DEBITOREM MEUM TIBI DONATIONIS IMMODICAE CAUSA PROMITTERE IUSSI, AN SUMMOVERIS DONATIONIS EXCEPTIONE NECNE, TRACTABITUR. ET MEUS QUIDEM DEBITOR EXCEPTIONE TE AGENTEM REPELLERE NON POTEST, QUIA PERINDE SUM, QUASI EXACTAM A DEBITORE MEO SUMMAM TIBI DONAVERIM ET TU ILLAM EI CREDIDERIS. SED EGO, SI QUIDEM PECUNIAE A DEBITORE MEO NONDUM SOLUTAE SINT, HABEO ADVERSUS DEBITOREM MEUM RESCISSORIAM IN ID, QUOD SUPRA LEGIS MODUM TIBI PROMISIT ITA, UT IN RELIQUUM TANTUMMODO TIBI MANEAT OBLIGATUS. SIN AUTEM PECUNIAS A DEBITORE MEO EXEGISTI, IN HOC, QUOD MODUM LEGIS EXCEDIT, HABEO CONTRA TE CONDICTIONEM. BENIGNIUS LEGES INTERPRETANDAE SUNT, QUO VOLUNTAS EARUM CONSERVETUR. CUM LEGITIMAE NUPTIAE FACTAE SINT, PATREM LIBERI SEQUUNTUR. VULGO QUAESITUS MATREM SEQUITUR. QUI SOLVENDO NON ERAT, SERVUM PRIMO LOCO ET ALTERUM SERVUM SECUNDO LOCO HEREDES SCRIPSIT. SOLUS IS QUI PRIMO LOCO SCRIPTUS EST HEREDITATEM CAPIT. NAM LEGE AELIA SENTIA ITA CAVETUR, UT, SI DUO PLURESVE EX EADEM CAUSA HEREDES SCRIPTI SUNT, UTI QUISQUE PRIMUS SCRIPTUS SIT, HERES SIT. SI MINOR ANNIS APUD CONSILIUM MATRIMONII CAUSA PRAEGNATEM MANUMISERIT EAQUE INTERIM PEPERERIT, IN PENDENTI ERIT, SERVUS AN LIBER SIT, QUEM EA PEPERIT. CUM DE AETATE HOMINIS QUAERERETUR, CAESAR NOSTER IN HAEC VERBA RESCRIPSIT. "ET DURUM ET INIQUUM EST, CUM DE STATU AETATIS ALICUIUS QUAERERETUR ET DIVERSAE PROFESSIONES PROFERUNTUR, EA POTISSIMUM STARE, QUAE NOCET. SED CAUSA COGNITA VERITATEM EXCUTI OPORTET ET EX EO POTISSIMUM ANNOS COMPUTARI, EX QUO PRAECIPUAM FIDEM IN EA RE CONSTARE CREDIBILIUS VIDETUR." LEGE PAPIA CAVETUR OMNIBUS INGENUIS PRAETER SENATORES EORUMQUE LIBEROS LIBERTINAM UXOREM HABERE LICERE. *ULP. 18 AD SAB. OMNIUM BONORUM USUM FRUCTUM POSSE LEGARI, NISI EXCEDAT DODRANTIS AESTIMATIONEM, CELSUS LIBRO TRIGENSIMO SECUNDO DIGESTORUM ET IULIANUS LIBRO SEXAGENSIMO PRIMO SCRIBIT. ET EST VERIUS.* CUM STIPULAMUR "QUANTA PECUNIA EX HEREDITATE TITII AD TE PERVENERIT", RES IPSAS QUAE PERVENERUNT, NON PRETIA EARUM SPECTARE VIDEMUR. IN AMBIGUA VOCE LEGIS EA POTIUS ACCIPIENDA EST SIGNIFICATIO, QUAE VITIO CARET, PRAESERTIM CUM ETIAM VOLUNTAS LEGIS EX HOC COLLIGI POSSIT. NERATIUS CONSULTUS, AN QUOD BENEFICIUM DARE SE QUASI VIVENTI CAESAR RESCRIPSERAT, IAM DEFUNCTO DEDISSE EXISTIMARETUR, RESPONDIT NON VIDERI SIBI PRINCIPEM, QUOD EI, QUEM VIVERE EXISTIMABAT, CONCESSISSET, DEFUNCTO CONCESSISSE. QUEM TAMEN MODUM ESSE BENEFICII SUI VELLET, IPSIUS AESTIMATIONEM ESSE. SI ILLUD AUT ILLUD LEGATUM SIT, UNUM LEGATUM EST. SI SUB CONTRARIIS CONDICIONIBUS ALIUD ATQUE ALIUD LEGATUM EST, UNUM LEGATUM ESSE ARBITRAMUR. NEQUE REFERT ET HEREDUM ET EORUM QUIBUS LEGATUM EST DIVERSAS PERSONAS ESSE, VELUTI SI ITA LEGATUM EST. "SI NERVA CONSUL FACTUS ERIT, TITIUS HERES ATTIO FUNDUM, SI NON ERIT NERVA CONSUL FACTUS, SEIUS HERES MAEVIO CENTUM DATO". CONIUNCTIM HEREDES INSTITUI AUT CONIUNCTIM LEGARI HOC EST. TOTAM HEREDITATEM ET TOTA LEGATA SINGULIS DATA ESSE, PARTES AUTEM CONCURSU FIERI. CATONIANA REGULA SIC DEFINIT, QUOD, SI TESTAMENTI FACTI TEMPORE DECESSISSET TESTATOR, INUTILE FORET, ID LEGATUM QUANDOCUMQUE DECESSERIT, NON VALERE. QUAE DEFINITIO IN QUIBUSDAM FALSA EST. QUID ENIM, SI QUIS ITA LEGAVERIT. "SI POST KALENDAS MORTUUS FUERO, TITIO DATO". AN CAVILLAMUR. NAM HOC MODO SI STATIM MORTUUS FUERIT, NON ESSE DATUM LEGATUM VERIUS EST QUAM INUTILITER DATUM. ITEM SI TIBI LEGATUS EST FUNDUS, QUI SCRIBENDI TESTAMENTI TEMPORE TUUS EST, SI EUM VIVO TESTATORE ALIENAVERIS, LEGATUM TIBI DEBETUR, QUOD NON DEBERETUR, SI TESTATOR STATIM DECESSISSET. PATER MEUS REFEREBAT, CUM ESSET IN CONSILIO DUCENI VERI CONSULIS, ITUM IN SENTENTIAM SUAM, UT, CUM OTACILIUS CATULUS FILIA EX ASSE HEREDE INSTITUTA LIBERTO DUCENTA LEGASSET PETISSETQUE AB EO, UT EA CONCUBINAE IPSIUS DARET, ET LIBERTUS VIVO TESTATORE DECESSISSET ET QUOD EI RELICTUM ERAT APUD FILIAM REMANSISSET, COGERETUR FILIA ID FIDEICOMMISSUM CONCUBINAE REDDERE. QUOD ALICUIUS HEREDIS NOMINATIM FIDEI COMMITTITUR, POTEST VIDERI ITA DEMUM DARI VOLUISSE, SI ILLE EXSTITISSET HERES. SI FILIO HEREDI PARS EIUS, A QUO NOMINATIM LEGATUM EST, ADCRESCIT, NON PRAESTABIT LEGATUM, QUOD IURE ANTIQUO CAPIT. QUIDAM IN TESTAMENTO ITA SCRIPSIT. "REI PUBLICAE GRAVISCANORUM LEGO IN TUTELAM VIAE REFICIENDAE, QUAE EST IN COLONIA EORUM USQUE AD VIAM AURELIAM". QUAESITUM EST, AN HOC LEGATUM VALEAT. IUVENTIUS CELSUS RESPONDIT. PROPEMODUM QUIDEM INPERFECTA EST HAEC SCRIPTURA IN TUTELAM AURELIAE VIAE, QUIA SUMMA ADSCRIPTA NON EST. POTEST TAMEN VIDERI TANTA SUMMA LEGATA, QUANTA EI REI SUFFICERET. SI MODO NON APPARET ALIAM FUISSE DEFUNCTI VOLUNTATEM AUT EX MAGNITUDINE EIUS PECUNIAE AUT EX MEDIOCRITATE FACULTATIUM, QUAM TESTATRIX RELIQUIT. TUNC ENIM OFFICIO IUDICIS, SECUNDUM AESTIMATIONEM PATRIMONII ET LEGATI, QUANTITAS DEFINIRI POTEST. *ULP. 18 AD EDICT. CELSUS AUTEM MULTUM INTERESSE DICIT, OCCIDERIT AN MORTIS CAUSAM PRAESTITERIT, UT QUI MORTIS CAUSAM PRAESTITIT, NON AQUILIA, SED IN FACTUM ACTIONE TENEATUR, UNDE ADFERT EUM QUI VENENUM PRO MEDICAMENTO DEDIT ET AIT CAUSAM MORTIS PRAESTITISSE, QUEMADMODUM EUM QUI FURENTI GLADIUM PORREXIT. NAM NEC HUNC LEGE AQUILIA TENERI, SED IN FACTUM. SED SI QUIS DE PONTE ALIQUEM PRAECIPITAVIT, CELSUS AIT, SIVE IPSO ICTU PERIERIT AUT CONTINUO SUBMERSUS EST AUT LASSATUS VI FLUMINIS VICTUS PERIERIT, LEGE AQUILIA TENERI, QUEMADMODUM SI QUIS PUERUM SAXO INLISISSET.* *ULP. IBID. CELSUS SCRIBIT, SI ALIUS MORTIFERO VULNERE PERCUSSERIT, ALIUS POSTEA EXANIMAVERIT, PRIOREM QUIDEM NON TENERI QUASI OCCIDERIT, SED QUASI VULNERAVERIT, QUIA EX ALIO VULNERE PERIIT, POSTERIOREM TENERI, QUIA OCCIDIT. QUOD ET MARCELLO VIDETUR ET EST PROBABILIUS.* *ULP. IBID. SI SERVUS HEREDITARIUS OCCIDATUR, QUAERITUR, QUIS AQUILIA AGAT, CUM DOMINUS NULLUS SIT HUIUS SERVI, ET AIT CELSUS LEGEM DOMINO DAMNA SALVA ESSE VOLUISSE. DOMINUS ERGO HEREDITAS HABEBITUR. QUARE ADITA HEREDITATE HERES POTERIT EXPERIRI.* *ULP. IBID. SED SI COMMUNEM SERVUM OCCIDERIT QUIS, AQUILIA TENERI EUM CELSUS AIT. IDEM EST ET SI VULNERAVERIT ** *ULP. IBID. ANNUS AUTEM RETRORSUS COMPUTATUR, EX QUO QUIS OCCISUS EST. QUOD SI MORTIFERE FUERIT VULNERATUS ET POSTEA POST LONGUM INTERVALLUM MORTUUS SIT, INDE ANNUM NUMERABIMUS SECUNDUM IULIANUM, EX QUO VULNERATUS EST, LICET CELSUS CONTRA SCRIBIT.* *ULP. IBID. SI SERVUS SCIENTE DOMINO OCCIDIT, IN SOLIDUM DOMINUM OBLIGAT, IPSE ENIM VIDETUR DOMINUS OCCIDISSE. SI AUTEM INSCIENTE, NOXALIS EST, NEC ENIM DEBUIT EX MALEFICIO SERVI IN PLUS TENERI, QUAM UT NOXAE EUM DEDAT. IS QUI NON PROHIBUIT, SIVE DOMINUS MANET SIVE DESIIT ESSE DOMINUS, HAC ACTIONE TENETUR. SUFFICIT ENIM, SI EO TEMPORE DOMINUS, QUO NON PROHIBEAT, FUIT, IN TANTUM, UT CELSUS PUTET, SI FUERIT ALIENATUS SERVUS IN TOTUM VEL IN PARTEM VEL MANUMISSUS, NOXAM CAPUT NON SEQUI. NAM SERVUM NIHIL DELIQUISSE, QUI DOMINO IUBENTI OBTEMPERAVIT. ET SANE SI IUSSIT, POTEST HOC DICI. SI AUTEM NON PROHIBUIT, QUEMADMODUM FACTUM SERVI EXCUSABIMUS. CELSUS TAMEN DIFFERENTIAM FACIT INTER LEGEM AQUILIAM ET LEGEM DUODECIM TABULARUM. NAM IN LEGE ANTIQUA, SI SERVUS SCIENTE DOMINO FURTUM FECIT VEL ALIAM NOXAM COMMISIT, SERVI NOMINE ACTIO EST NOXALIS NEC DOMINUS SUO NOMINE TENETUR, AT IN LEGE AQUILIA, INQUIT, DOMINUS SUO NOMINE TENETUR NON SERVI. UTRIUSQUE LEGIS REDDIT RATIONEM, DUODECIM TABULARUM, QUASI VOLUERIT SERVOS DOMINIS IN HAC RE NON OBTEMPERARE, AQUILIAE, QUASI IGNOVERIT SERVO, QUI DOMINO PARUIT, PERITURUS SI NON FECISSET.* *ULP. IBID. SI SERVUS SERVAM ALIENUM SUBRIPUERIT ET OCCIDERIT, ET IULIANUS ET CELSUS SCRIBUNT ET FURTI ET DAMNI INIURIAE COMPETERE ACTIONEM. * SI SERVUS COMMUNIS MEUS ET TUUS SIT OCCISUS A SERVO TITII, CELSUS SCRIBIT ALTERUM EX DOMINIS AGENTEM AUT LITIS AESTIMATIONEM CONSECUTURUM PRO PARTE AUT NOXAE DEDI EI IN SOLIDUM OPORTERE, QUIA HAEC RES DIVISIONEM NON RECIPIT.* *ULP. IBID. CELSUS LIBRO XXVII DIGESTORUM SCRIBIT. SI CUM APES MEAE AD TUAS ADVOLASSENT, TU EAS EXUSSERIS, QUOSDAM NEGARE, COMPETERE LEGIS AQUILIAE ACTIONEM, INTER QUOS ET PROCULUM, QUASI APES DOMINII MEI NON FUERINT. SED ID FALSUM ESSE CELSUS AIT, CUM APES REVENIRE SOLEANT ET FRUCTUI MIHI SINT. SED PROCULUS EO MOVETUR, QUOD NEC MANSUETAE NEC ITA CLAUSAE FUERINT. IPSA AUTEM CELSUS AIT, NIHIL INTER HAS ET COLUMBAS INTERESSE, QUAE SI MANUM REFUGIUNT, DOMI TAMEN FUGIUNT.* *ULP. IBID. INQUIT LEX "RUPERIT". RUPISSE VERBUM FERE OMNES VETERES SIC INTELLEXURUNT "CORRUPERIT". ET IDEO CELSUS QUAERIT, SI LOLIUM AUT AVENAM IN SEGETEM ALIENAM INIECERIS, QUO EAM TU INQUINARES, NON SOLUM QUOD VI AUT CLAM DOMINUM POSSE AGERE VEL, SI LOCATUS FUNDUS SIT, COLONUM, SED ET IN FACTUM AGENDUM, ET SI COLONUS EAM EXERCUIT, CAVERE EUM DEBERE AMPLIUS NON AGI, SCILICET NE DOMINUS AMPLIUS INQUIETET. NAM ALIA QUAEDAM SPECIES DAMNI EST IPSUM QUID CORRUMPERE ET MUTARE, UT LEX AQUILIA LOCUM HABEAT, ALIA NULLA IPSIUS MUTATIONE APPLICARE ALIUD, CUIUS MOLESTA SEPARATIO SIT. CUM EO PLANE, QUI VINUM SPURCAVIT VEL EFFUDIT VEL ACETUM FECIT VEL ALIO MODO VITIAVIT, AGI POSSE AQUILIA CELSUS AIT, QUIA ETIAM EFFUSUM ET ACETUM FACTUM CORRUPTI APPELLATIONE CONTINENTUR. ET NON NEGAT FRACTUM ET USTUM CONTINERI CORRUPTI APPELLATIONE, SED NON ESSE NOVUM, UT LEX SPECIALITER QUIBUSDAM ENUMERATIS GENERALE SUBICIAT VERBUM, QUO SPECIALIA COMPLECTATUR. QUAE SENTENTIA VERA EST.* *ULP. 9 DISPUT. CELSUS SCRIBIT CIRCA EUM, QUI INCENDII ARCENDI GRATIA VICINAS AEDES INTERCIDIT. NAM HIC SCRIBIT CESSARE LEGIS AQUILIAE ACTIONEM. IUSTO ENIM METU DUCTUS, NE AD SE IGNIS PERVENIRET, VICINAS AEDES INTERCIDIT. ET SIVE PERVENIT IGNIS SIVE ANTE EXTINCTUS EST, EXISTIMAT LEGIS AQUILIAE ACTIONEM CESSARE.* *ULP. 18 AD EDICT. SI SEPULCHRUM QUIS DIRUIT, CESSAT AQUILIA. QUOD VI TAMEN AUT CLAM AGENDUM ERIT. ET ITA DE STATUA DE MONUMENTO EVOLSA CELSUS SCRIBIT. IDEM QUAERIT, SI NEQUE ADPLUMBATA FUIT NEQUE ADFIXA, AN PARS MONUMENTI EFFECTA SIT AN VERO MANEAT IN BONIS NOSTRIS. ET CELSUS SCRIBIT SIC ESSE MONUMENTI UT OSSUARIA ET IDEO QUOD VI AUT CLAM INTERDICTO LOCUM FORE.* NON EST DUBIUM, QUIN, CUIUSCUMQUE EST PROVINCIAE HOMO, QUI EX CUSTODIA PRODUCITUR, COGNOSCERE DEBEAT IS, QUI EI PROVINCIAE PRAEEST, IN QUA PROVINCIA AGITUR. ILLUD A QUIBUSDAM OBSERVARI SOLET, UT, CUM COGNOVIT ET CONSTITUIT, REMITTAT ILLUM CUM ELOGIO AD EUM, QUI PROVINCIAE PRAEEST, UNDE IS HOMO EST. QUOD EX CAUSA FACIENDUM EST. ULTIMUM SUPPLICIUM ESSE MORTEM SOLAM INTERPRETAMUR. SI IS QUI NEGOTIA FIDEIUSSORIS GEREBAT ITA SOLVIT STIPULATORI, UT REUM FIDEIUSSOREMQUE LIBERARET, IDQUE UTILITER FECIT, NEGOTIORUM GESTORUM ACTIONE FIDEIUSSOREM HABET OBLIGATUM, NEC REFERT, RATUM HABUIT NEC NE FIDEIUSSOR. SED FIDEIUSSOR ETIAM ANTEQUAM SOLVERET PROCURATORI PECUNIAM, SIMUL AC RATUM HABUISSET, HABERET TAMEN MANDATI ACTIONEM. SIVE, CUM FRUMENTUM DEBERETUR, FIDEIUSSOR AFRICUM DEDIT, SIVE QUID EX NECESSITATE SOLVENDI PLUS IMPENDIT QUAM EST PRETIUM SOLUTAE REI, SIVE STICHUM SOLVIT ISQUE DECESSIT AUT DEBILITATE FLAGITIOVE AD NULLUM PRETIUM SUI REDACTUS EST, ID MANDATI IUDICIO CONSEQUERETUR. QUIDQUID ADSTRINGENDAE OBLIGATIONIS EST, ID NISI PALAM VERBIS EXPRIMITUR, OMISSUM INTELLEGENDUM EST. AC FERE SECUNDUM PROMISSOREM INTERPRETAMUR, QUIA STIPULATORI LIBERUM FUIT VERBA LATE CONCIPERE. NEC RURSUM PROMISSOR FERENDUS EST, SI EIUS INTERERIT DE CERTIS POTIUS VASIS FORTE AUT HOMINIBUS ACTUM. SI STIPULATUS HOC MODO FUERO. "SI INTRA BIENNIUM CAPITOLIUM NON ASCENDERIS, DARI.". NON NISI PRAETERITO BIENNIO RECTE PETAM. NAM ETSI AMBIGUA VERBA SUNT, SIC TAMEN EXAUDIUNTUR, SI INMUTABILITER VERUM FUIT TE CAPITOLIUM NON ASCENDISSE. *ULP. 20 AD EDICT. STIPULATIONES NON DIVIDUNTUR EARUM RERUM, QUAE DIVISIONEM NON RECIPIUNT, VELUTI VIAE ITINERIS ACTUS AQUAE DUCTUS CETERARUMQUE SERVITUTIUM. IDEM PUTO ET SI QUIS FACIENDUM ALIQUID STIPULATUS SIT, UT PUTA FUNDUM TRADI VEL FOSSAM FODIRI VEL INSULAM FABRICARI, VEL OPERAS VEL QUID HIS SIMILE. HORUM ENIM DIVISIO CORRUMPIT STIPULATIONEM. CELSUS TAMEN LIBRO TRIGENSIMO OCTAVO DIGESTORUM REFERT TUBERONEM EXISTIMASSE, UBI QUID FIERI STIPULEMUR, SI NON FUERIT FACTUM, PECUNIAM DARI OPORTERE IDEOQUE ETIAM IN HOC GENERE DIVIDI STIPULATIONEM. SECUNDUM QUEM CELSUS AIT POSSE DICI IUSTA AESTIMATIONE FACTI DANDAM ESSE PETITIONEM.* OMNIA FERE IURA HEREDUM PERINDE HABENTUR, AC SI CONTINUO SUB TEMPUS MORTIS HEREDES EXSTITISSENT. NAVIBUS LONGIS ATQUE ONERARIIS PROPTER BELLI USUM POSTLIMINIUM EST, NON PISCATORIIS AUT SI QUAS ACTUARIAS VOLUPTATIS CAUSA PARAVERUNT. EQUUS ITEM AUT EQUA FRENI PATIENS RECIPITUR POSTLIMINIO. NAM SINE CULPA EQUITIS PRORIPERE SE POTUERUNT. NON IDEM IN ARMIS IURIS EST, QUIPPE NEC SINE FLAGITIO AMITTUNTUR. ARMA ENIM POSTLIMINIO REVERTI NEGATUR, QUOD TURPITER AMITTANTUR. CUM ADOPTIO FIT, NON EST NECESSARIA IN EAM REM AUCTORITAS EORUM, INTER QUOS IURA ADGNATIONIS CONSEQUUNTUR. LITORA, IN QUAE POPULUS ROMANUS IMPERIUM HABET, POPULI ROMANI ESSE ARBITROR. MARIS COMMUNEM USUM OMNIBUS HOMINIBUS, UT AERIS, IACTASQUE IN ID PILAS EIUS ESSE QUI IECERIT. SED ID CONCEDENDUM NON ESSE, SI DETERIOR LITORIS MARISVE USUS EO MODO FUTURUS SIT. CUM BISEXTUM KALENDIS EST, NIHIL REFERT, UTRUM PRIORE AN POSTERIORE DIE QUIS NATUS SIT, ET DEINCEPS SEXTUM KALENDAS EIUS NATALIS DIES EST. NAM ID BIDUUM PRO UNO DIE HABETUR. SED POSTERIOR DIES INTERCALATUR, NON PRIOR. IDEO QUO ANNO INTERCALATUM NON EST SEXTO KALENDAS NATUS, CUM BISEXTUM KALENDIS EST, PRIOREM DIEM NATALEM HABET. CATO PUTAT MENSEM INTERCALAREM ADDITICIUM ESSE. OMNESQUE EIUS DIES PRO MOMENTO TEMPORIS OBSERVAT EXTREMOQUE DIEI MENSIS FEBRUARII ADTRIBUIT QUINTUS MUCIUS. MENSIS AUTEM INTERCALARIS CONSTAT EX DIEBUS VIGINTI OCTO. *ULP. 26 AD EDICT. * UT LIBRO PRIMO QUAESTIONUM CELSUS AIT, CREDENDI GENERALIS APPELLATIO EST.* *ULP. 29 AD EDICT. * SI FILIUS FAMILIAS FIDEIUSSERIT, NERATIUS LIBRO PRIMO ET SECUNDO RESPONSORUM CESSARE SENATUS CONSULTUM AIT. IDEM CELSUS LIBRO QUARTO.* *ULP. 31 AD SAB. CELSUS LIBRO TRIGENSIMO QUARTO ERRARE EOS AIT, QUI EXISTIMARENT, CUIUS REI QUISQUE BONA FIDE ADEPTUS SIT POSSESSIONEM, PRO SUO USUCAPERE EUM POSSE, NIHIL REFERRE, EMERIT NEC NE, DONATUM SIT NEC NE, SI MODO EMPTUM VEL DONATUM SIBI EXISTIMAVERIT, QUIA NEQUE PRO LEGATO NEQUE PRO DONATO NEQUE PRO DOTE USUCAPIO VALEAT, SI NULLA DONATIO, NULLA DOS, NULLUM LEGATUM SIT. IDEM ET IN LITIS AESTIMATIONE PLACET, UT, NISI VERE QUIS LITIS AESTIMATIONEM SUBIERIT, USUCAPERE NON POSSIT.* ****